(( لوحه شعريه....... [الأرشيف] - منتديات قصايد ليل

سلطان الشوق

10-24-2010, 03:59 AM

الجرح ماهو خاطر شــوي ويــروق

الجــرح حتــى لـو تشــافــى يعــلّلـك

وإذاك متحمّــس متـاهــات واطـروق

أنـــا تعبــت أشــدّ حيــلــي وأحـاولك

سماي ماشي شمس وارعود وابروق

والرّيح مــاهبّــت ولا يجــري الفلــك

والقلّ نـاشف بحر واشقوقــه اشقــوق

وشــلــون بيــكــوّد سـحـــاب ويبلّلـك

ياظامي أنا أظمى ومتشبّــع احــروق

وإذاك ظــامي للمــواصــل أنــا هلـك

هلك اوقف في وجهي الأصل والذوق

والمـجتمـع والعــرف والفقــر وأهلـك

متعومس وحــزن النّبــلاء مــرمــوق

يعني لو أحتـاج إلك مــاجيتك أســألك

اللي علــي أشكــي وأعاتبــك برفوق

وأقـــول لـك ودّي مــاعــاد أتــأمــلك

مــن دورة الأيــام ياآخـوك مخنــوق

الوقـت مشّــاني مــن السّــلك للسّــلك

أزلّ خطــوه بــس مــاأزلّ منطــوق

ولو صـارت أباحب خشمـك وأجاملك

يبقــى البنــي آدم مـجــرّد ومخـلــوق

ملـك ولكـــن فــالحـقيـقـــه بـلــى مُلـك

والناس عوق الناس والدرب مسبوق

تتعب على أشيــا فالآخـر ماهيب إلك

كذّاب قــايل كـل مطــرود مـلحــوق

اسنين وأنا أطردك وأزريت لأوصلك

كنّــك تطيش وكنّــي أدور في طـوق

كل مـاوصلت آخـرك يطلـع لي أوّلك

ياليت مافي خاطري شوق وافروق

ماكـان حسّيت إن أنـا بس منـك إلك

الشوق ماهو رعشه وقبضة اعروق

وماهو اللي من شينك افعينك يجمّـلك

وماهو شعور يخالج الروح برفوق

ولاهو سحر ولاأدري والله شقول إلك

كنّه سحــابة حلم وإتطيـر بك فــوق

وإتـطـيــر ولا ودّك إنـهـــا تـنــزّلـك

الشوق هذا وإلّا أنــا شوقــي البـوق

ماقد حصل في شــوق هذي ولا تلك

تدري وش أسوي إلى أضناني الشوق

أغـمّـض إبـعيـــنــــي كـــذا وأتــخيّلـك

وأقــــرّبــك وأتـــوق وأتــوق وأتــوق

وأكثّـــرك وأحــلـف مــاعــــاد أقـلّلـك

وأصوّرك فالموق وتكبر على الموق

وإتطيح مع دمعـي على يــدي وأقبّلك

هذا غــلاي اللــي مــع الدمّ مـدقـوق

ولا عاد تسأل عن شعــوري بزعّـلك

محبةٍ مــاهيب من طــارف السّـوق

لــو إنــك تــوكــل كــان والله لآكـلك

جيتك احقوق ورحت ماعندي احقوق

وإن قلت ماأحبك أبجحــد امواصـلـك

أحبــك إلّا يــابــري حــالــي وعــوق

من كثـر مــاحبـك أخــاف إنــي أقتـلك

سلطان الشوق

10-24-2010, 04:32 AM

المها

أخــــر حركات التــــدلع و الغــــنى
إلي إسمهـــــا مها وبالدلــع مهـــــــاو

فرفوة تســــلف الشمس الســـــنى
مغوية يطـــرد وراها كل غــــــــــاو

إن وقّفـــت كل شيء متبــــاعـــد دنى
وكل شيء متلخبط مع الوقفه تساو

وليا مشت قــــــال إلنمــــل الله لنــا
تقاو يا جوعـــــي على صبري تقــــاو

ذروة ثرا ذروة غـــــلا ذروة هنــــــا
جمال ما يستوعب و مــــــا ينتقـــــــــاو

في جمبهــــــا نــــــوره وعبـــــير ومـــــنى
شبـــــــاب وعند البــــــل و كشختهم فــراو

مخــــــلـــــوق لامنــّــــــــه إنثـــــنــــا يعني إنتثنا
كل الزواـيا تستقـــــــــــيم إليــــــــاتـــــــــزاو

يابــــــوي شيء لا يوصـــــف ولا ينــــــــدنا
يسبب إلك إجــــروح لايمكـــــــن تـــــداو

مثال: لاجــــــاعت وطال لبها العنـــــــا
كل الحــــــــلاو إلي على هالأرض جــــــاو

هي جـــايعـــــــه يارب تاكلــــــــــــــــني أنا
هذي سواليــــــف الحلاو مــــع الحـــــلاو

ولياكلـــــت أطـــرف حـلاوه من هنـــــا
كل الحـــلاو يشوفها ويقــــول وااااااااو

اخـــراحساس

10-24-2010, 08:20 PM

≈ طرح راقٍ برقي شخصك ≈
≈ راق لي ماوجدته في متصفحك ≈

≈ انار الله دروبك بكل خير وعافية ≈

≈ سلمت يمناك≈

http://www.bloggang.com/data/honeybarbie/picture/1193043541.gif (http://www.vb-4.com/vb/)

البرق النجدي

10-25-2010, 01:13 AM

يسلمووووووووووووووو اخوي سلطان على القصائد

واذا انتهيت من طرح القصائد الرجاء اختيار عضو اخر واختيار ايضا شاعر اخر

عـــودالليل

10-25-2010, 02:35 AM

روعة الطرح اجبرتني على المرور

لك كل تقدير واحترام وشكر

ربي يسعد ايامك بكل خير

سلطان الشوق

10-25-2010, 03:46 PM

مرتبة الشرف

تضيق بي الدنيا بكبرها من عابيـس الوجيـه
و هاذاك لامنه تبتسـم شفـت للدنيـا طـرف

مني و اليي احببته و هو حبنـي منـه و أليـه
من غير لا أنا أعترف ومن غير لا هو يعترف

ليه آتحاكــا و كلبــــــوي يعـرف غايـــــة كلبيــــه
اليا فرح افرح و دمعـه لاذرف دمعـــــي ذرف

اغليه يعني اعشقه اعشقه يعنـي امـوت فيـه
يعني أنا ميت معا عشقـه و مرتبـة الشـرف

ميت و يعشق و السبب ما فيه داعي ان آحكيه
الغيــــــد فالدنيـا هــــــواه وهـو لحالـــــــه محتـرف

الشامخ اللي لا أقبل و حضن يديني فـي يديـه
تراعدت فرايصـــــه بالغنـــــج و أتساقـط تـرف

امشي معه من غير لا اين و لا كيــــف و ليـــــه
من حيث ما يجرفني آغمض عيوني و أنجـــــرف

ان قال لا أقول لا ان قـال أيـه اقـول أيـــــه
ما عرف مسمع ما أرى ما أرى مسمع ما عرف

اللي اعرفة انـي أبيـه أيتجمـل بـي و أبيـه
و كان العدل في صدته سجلني اكبـر منحـرف

يغفرلـي الله و الله يديمـه و يرحـم والديـه
علمني ان البعد نكسه حـال و الصـده قـرف

سلطان الشوق

10-25-2010, 03:56 PM

وريدي

ياللي غرامـــــك جـــــاريٍ في وريدي
لا .. وش غرامك جاريٍ في وريدي

استغفــــر الله لو بقـــــول ان غرامــــك
ما باقي إلا يطبـــــع اسمــــك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليــــــا طلعت أحس كني أشوفـــك
و آنقص أنفاسي ذكا .. يا ضديدي

أخــاف لا تطلع و لا عــــاد ترجـــــع
و اشفق على شوفتك و اقول زيدي

فهــــل علمت عــن جنــــوني يا آنف
اني لمجنـــــون النشـــــاز المجيــــــدي

لبيك يا ســــلكا حملت الفضـــــائل
أوعز لصاحبــــــك بتحرير قيــــدي

يعني بحكينا .. لبى و الله عروقك
متى تعيـّـــــد في عيــــوني يا عيــــدي

ثقفني بوصلك مثـــــــل ما تثقـــــف
شعـــــــار جيلي من ثقافة قصيـــدي

لو ضلع عيني حس موطى وصالك
لا طاح حيــــده و لا طاح حيـــدي

تخيـــــل اني مـــــن كثر ما اتخيـــــل
اتخيلك تدعي و احسب انك ميدي

يا خي تـــــرى جننتــــني بالمفـــــــارق
جننتني و انا بعـــــدني يا جيـــــدي

لكـــــن مع الله كل بلوى بخـــــــيره
أنا ذكاي من التجــــــارب رصيـــدي

اذكرني اليـــــا من سمعت بغـــــرابه
اليا سرى فعروق مخــــك جديــدي

و أنا بعد لا من ذكرتـــك يا غالي
باسجد لوجه الله و باقبّل ايـــدي

سلطان الشوق

10-25-2010, 04:09 PM

قصيدة (( ركز معي ))

غني بربّي و الدعــاء و الرفــاقـه
و قرم و ليا جت للقصايــد مفــوّه

بحــرٍ تباعد غبّتــه عن زراقـــه
لأهل الغثا طيشــه و لله هـــدوّه

ان زان وقتي خذت لذّة فواقـــه
و لوّه يشين يشين عادي و لوّه

بنكي رياجيل الشرف و البطاقه
جمايلي و أسمي و أكبر المروّه

من لابةٍ في ثقل أهلهــا محاقــه
فعيونهـــا كثــر الاوادم يشـــوّه

الأكرميــن أهل العقل والحماقه
الجيّــديـــن مزبّنيــــن الجلــوّه

هاذي فقط نبذه عن أهل العراقه
والسامــي أيرجّح كلامه سمــوّه

عن أفتعالات الغضب والطفاقه
وعن المليىء اليا تبيّن خلــوّه

حبّيــــت أبينلّك أصــول اللباقــه
مع واحــدن غيثه يساابقه نــوّه

وألاّ أنت كامل لاكن أن فيك عاقه
ينقص برستجيــك شويّــة جــروّه

يمغيّرن فعيوني أصـــل العلاقـــه
تخيّــــلو عـــدو يعشـــق عـــــدوّه

لازمتني بحلا الدلـــع والشفاقــــه
وأدخلتني في حلم عمرك وجـــوّه

وحببتني في شي أسمه صداقــه
وكرّهتني في شي أسمه أخـــوّه

ولفتني باو الغنج ولف ناقــــه
وأنا ولفتك ولف حاتم لضـــوّه

ولو نختلف بشيا الغضب والرواقه
مانيـــب قايـــل ماتسوّيـــه ســــوّه

ركّز معي ؟ للريح طلاّااق ساقه
وللشين شينن لانصـــا مايمـــوّه

يعلم بئن حلــــم الكســـول اللياقـــه
ويعلم بئن حلـــم العقيـــــم الأبـــــوّه

ويعرف متى نضج الورق وأحتراقه
خبير في الاحيــاء مــــاهوب تــــوّه

ثورته لاجت تشعل ألفين طــــاقــــه
ماهيب شبّــــة قاز في جمــــــر دوّه

منتب غبــي جـــدّاا بلفــــظ الرشــــاقه
وأنــــا ذكــي جـــدّاا وحبّيــــت أنــــوّه؟

لأنّك تنفّــــاس الحشـــا وأختنــــاقــــه
يــــاكل شبـــــحي ياقصــــاه ودنـــــوّه

روحــــك وقلبي لـــو بحلـــل وثاقــــه
مربوطتن فــــي بعض هيّّا وهـــوّه

فن غبت يـــــانفر العقــــل وأشتياقـــه
مانيب راغــــب بعد خـــــوّتك خـــــوّه

ببكــــي على زولٍ عشقتــــه عشاقــــه
وتــــــرى البكـــى للأقويــــا زود قـــوّه

فن شفت أبن علــــوش يبكي فراقـــه؟
ترى أنحــــدارات الجبــــل من علـــوّه

سلطان الشوق

10-25-2010, 04:16 PM

قصيــدة أنت غير

حي منــــي لا ذكرتــــه دريت أني بخيـــــر
صاحبن لا شافنـــــي ضقت منه ضمنـــي

يشتعل بي لين يطفى على العرق الاخيـــر
و أنتثرله شوق و اليا أنتثـــــرت يلمنـــي

يـــــا تنداي الخليـــــه على طاقة حريــــر
يا مخوفني و قاطع رجـــــــاي و ممنــــي

يا أمل يا خيبتــــه يا متاهـــه يا مصيـــــر
خل قلبك لا تراخـــى الزمــــان يزمنـــــي

مابي الدنيــــا أبيك أنت لانك انت غيـــــر
جيت فحضانك طفل و أنت أبوي و سمني

شوف فوق وغن بسمي على اللحن القصير
و خصنــي في كل لمحــــة غرام وعمنــــي

بشعل الدنيــــا عبيــــر و بطفيهـــــا عبيـــــر
و لا بناشــــــد من مدحنـــي و لا من ذمنــــي

جيت للدنيا كبيـــــر و بفارقهـــــــا كبيــــــــر
و من زعـــــل ما همني و من رضى ما همني

سلطان الشوق

10-25-2010, 04:19 PM

قصيدة يابن العمومه

انا اليا منـي تضايقـت iiواحزنـت
من ضيقتي تحزن لحزني iiجماعـه

لذا أكابر لأنـي ادركـت iiوايقنـت
انـي حريـق وخايفيـن اندلاعـه

بك يألهي عن عطا غيرك iiاعتنـت
يلي خلقت من الصناعـه iiصناعـه

لاضاق بي حالي توضيت iiواذنـت
وصليت لك يارب سمعن iiوطاعـه

مدامني عبـدك وبقـدارك امنـت
اكيـد ابصبـر لانفقدلـي طماعـه

لا يارفيقي ليت لازنـت iiماشنـت
امرضتني وانـا ماعنـدي مناعـه

كنت احسب انك لاتبينـت iiبينـت
واثرك مع البشعين تدرس بشاعـه

قسيت بي وانـا لقربـك iiتهاونـت
وكسبت ضيقت خاطري iiواتساعـه

اللي على امال تزويجهـا ادمنـت
اخذتها فـي قـرب جـد iiولكاعـه

ماوقفت دنيا بكبرهـا علـى iiبنـت
اللى يوقفهـا الرفيـق iiوضياعـه

يابن العمومه لاتحسبونـي iiشنـت
لا والذي تصبح بذكـره iiالاذاعـه

ماهوب هو لكن انـي كمـا iiكنـت
لا اخون فالصاحب ولا الوي ذراعه

على العموم اشكرك جدأ iiولاهنـت
اقنعتني في شي واصبـح iiقناعـه

من سخريت الاقدار اني انا iiوأنـت
يضمنـا جـد ونتسمـى iiجماعه

سلطان الشوق

10-25-2010, 04:24 PM

قصيدة تضيق نفسي ...

تضيق نفسي لين يشره على قلبي فمـــــــي
و أنا أترجّى في أمنيات الحلول المزمعـــــه

لا يبن أبوي شلون محتر و أطغي و أحتمي
و الوقت لا منّه زما راس حضّي يقمعــــــــه

أن جيتها في الاصدقا أوف يا وفرة دمـــي
كم و احدٍ خلاّ جميلي على راس أشمعـــــه

مانيب متحسّف جعل مال جافيني سمــــــي
لان أدري المحراب ما هوب مثل الصومعـــــه

تتغثبر الدنيا و لحظــــــــــــة صفوّ الأدمـــــــي
اليا سجد الله و سقّت دمـــوعـــــــــــه مدمعـــــه

وأنا أدمعت عيني وما اكميه عاده منكمــــــــي
بين أنتظام عروق قلبي مســــــــوّي معممعـــه

ياوجد حالي و أنكساري و غيبي و عدمـــــي
وجود من جمّع حلاله و ضاع اللي أجمعـــــه

المشكله ما هيب نفسي وزلاّت قدمــــــــــي
و ما هيب بحّة صوت أحبّه و لا عاد أسمعه

المشكله لا جات من بين دمّي و لحمـــــــــي
مدري من أخلّي و لا أدري من اوقّف معـــــه

سلطان الشوق

10-25-2010, 04:32 PM

تقول لي مرحبا مليون ..؟ يابردك
وانا احسبنك بتاخذني من احضاني

شكرا على حضورك وشكرا على وردك

وشكرا على كل شي الا على احزاني

احلامي اكبر من احلامك .. ومن جدك

لذلك اعــــاني.. لذلك اعــاني

لو ان مشاعرك موقوتة على وعدك

يمديه جاها من الاجرام ماجــاني

تجرحني آسفك تذبحني مهب قصدك

ياليتك تشوف وش يصير فـ اشجاني

احبك .. وليت لا احبك ولا افتقدك

اضيع وابحث علي .. ةالقاك والقاني

مدري وش اللي خذاني مني لـعندك

به شي وداني وبه شي بقـــــــــاني

انا رجالين في قربك وفي بــعدك

ســافــر معك لأولي وانتظرك الثاني

سلطان الشوق

10-25-2010, 04:47 PM

الإختيار على/ جنووووووووووون أنثى

الشاااااااااااعر/ نايف صقر

غالي ثمنها

10-26-2010, 11:21 AM

فكرة مميزة
تتيح للجميع الإطلاع على الكثير من الشعراء وقصائدهم المميزة
دون حاجة للبحث.

سلمتي عزيزتي على الفكرة.

جنــــون

10-26-2010, 06:59 PM

الف شكر لك أخوي اختيارك لي
واسفه على التاخير

جنــــون

10-26-2010, 07:02 PM

الموت حظ القلم والمجد للدفتر
.................... حبر القلم غلطتي وايامي اوراقي
الخوف يجتاحني وجه الطريق اسمر
.................... راح اكثر العمر ياخوفي من الباقي
ياجرح رافقتني للناس لاتظهر
.................... وان عشت في نظرتي ما مت بأعماقي
ياصوت لا تلتحف صمتي ولا تصبر
.................... قل ماتبي واترك الهقوه على الهاقي
والخطوه اللي عن اخر سكتي تقصر
.................... ماهيب من طبع رجليني ولا ساقي
مانيب من عاش لايربح ولا يخسر
.................... ولا هو ضروري تكون افعالي اخلاقي
ثراي ماينشد الغيمه متى تمطر
.................... مادامها في سماي تحنّ لأغراقي
رح وين ماتشتهي رح قد ماتقدر
.................... انا اول الناس في قلبك وانا الباقي
يكفيني انك تعذبني وانا اتفجر
................... قصايد ينتظرها كل عشاقي
وانا قصيدي يجي مختارني مهجر
.................... وانبت عشانه نخل وسنيني الساقي

نايف صقر

جنــــون

10-26-2010, 07:14 PM

ياحبيبي والبكا هم المحاجر

بالدموع ابرد مناديلي كويته

آه من صوت ترك كل الحناجر

وانتثر في دفتري شعر وقريته

كل هذا وانت قاسي قلب هاجر

ماهداك الله واخذت اللي عطيته

صاحبك لين حشا والحسن فاجر

من لمحته قلت جاك اللي بغيته

من غرامك في غلاك ارحل واهاجر

وان ضواني ليل من يمك سريته

لاتزيد طعوني أوجعت الخناجر

مابقي عرق بقلبي ماثنيته

لو عيوني غيم واهدابك محاجر

ماظما رمشك تحت دمع بكيته

جنــــون

10-26-2010, 07:28 PM

الماء خلص في صميلي و امتلأ خرجي
بالصبر و الصدر مما فيه ملياني
يالأرض دوري على ما فيك و أدرجي
دوري على قرن من شعري و شيطاني
و السود و الزرق عن صمتك و عن هرجي
تجمعت من تفرقها على شاني
يالأرض ضيّقي على مسعاي و إفرجي
العوج ماهيب فيدي فيد عوجاني
يخاف الأيام من يامن و من يرجي
و الأول اللي عجاجه يلحق الثاني
أعود الأدراج لأحبابي و في درجي
أعيد الأوراق لشموسي و خلاني
و الشمس و أقمارها و النار في برجي
و الليل و المر في كفي و فنجاني

جنــــون

10-28-2010, 02:22 AM

يقولون الشعر وصل القلم و الصفحه الطرقى
و انا اقول الشعر قدح الخيال و نار صوانه
حبيبي و البحر سور التراب ودفتر الغرقى
لو اني ما كتبتك لامني ملحه و مرجانه
حبيبي لا همت حبر العروق الغيمه الزرقا
على رمل الورق دمي سحاب هل هتانه
حبيبي كل ما ذعذع جفاك و ناحت الورقى
يتل البال قلبي و اهدي السجات جنحانه
حبيبي و انت مرقاب الشجون و هاجس المرقى
ترى كلٍ يموت الا الوفي بعيون خلانه
حبيبي و الجروح اللي سببها ليلة الفرقا
ضما يدها الوصال اليا ظما المحروم حرمانه
حبيبي لو يسامحك البحر و تبيحك الغرقى
أنا ما اسامحك لو لامني ملحه و مرجانه

جنــــون

10-28-2010, 02:23 AM

من سريتك عرفت ان الظلام
خيمه سهيل و ديار الجدي
ليلة البرد ما ادفاني الثمام
وصلك انت الدفا ياسيدي
جيت مقبل تهادى و الغرام
ينتهي في هدبك و يبتدي
عطرك اقبل ونم بك الحمام
يا هلا فيك و القاع احمدي
لايمي في مطر تغرك يلام
عاذلي فيك للفال الردي
ودي ارقد على ذراعك و انام
و انت تحكي ويدك في يدي
و ان غشاني من انفاسك غمام
ازهر العشب في كل جسدي
و ان سقيت الحشا برد السلام
ما شكاك الظما غصنٍ ندي
و ان ضحك لي هدبك المستهام
طاب لي كل قاعٍ جرهدي
القصايد عن و صوفك صيام
عذرها إنك جمال سرمدي
وصفك ارضٍ بها خيل الكلام
ملت الركض و اتعبها العدي
من كتبتك عرفت ان الظلام
خيمه سهيل و ديار الجدي

جنــــون

10-28-2010, 02:24 AM

ليت لي ذود يدك البيد و احداله لحاله
كان ما و الله علي خلاف في نجد العذيه
جفت اقلام الغرام و طول المحبوب باله
و الله اني ما هقيت ان الغضي يقسى عليه
وش خطاي الا المحبه وش رجاي الا وصاله
وش يبي غير الموده و الغلا و المقدريه
دللوه اللي ربوه صغير و اسرف بي دلاله
ليت لي قلب يطيق الصبر و عيون خليه
و ان تشره قايد الغزلان ماله بي جماله
لعنبو من خان خلانه و جنب عن خويه
و الخلي لو لاعه التحنان و بقلبه عداله
ما غدت من دونه القيعان جردٍ جرهديه
عن جنوبه و الوله و الشرق يغنينيشماله
صد يا قلب الجفا لا صد وضاح الثنيه
ما انت يا الخفاق عبدٍ له و لا انت اصغرعياله
انت خفاق الضلوع العوج و الخيره خفيه

جنــــون

10-28-2010, 11:15 AM

..
..

صِحِّيًـتِ جَمٍَـرٍة وٍذِآبُ آلشُمٍَـعُ وٍآلــسِگّرٍ
وٍشُلـوٍنٍ مٍَـآ آتِـذِگّرٍَگ وٍ تِمٍَـرٍ َفٍـيً بُـآلـيً

َفٍيً بُسِمٍَـتِگ يًضَـحِگ آلرٍّمٍَـآنٍ للمٍَرٍمٍَـرٍ
وٍ بُعُـدُ يًغٌَـآرٍ آلشُهُـدُ مٍَـنٍ رٍيًَقٍِـهُـآ آلحِـآلـيً

وٍ يًحَِـقٍِ لگ يًــآ صِغٌَـيًـرٍ آلـسِّـنٍ تِـتِگبُّـرٍ
إلآّ عُـلـىٍ آلـلـيً يًـحِـبُّگ يًــآ بُـعُـدُ حِـآلـيً

يًـآ گثَـرٍ حِــبُگ بَُقٍِلـبُـيً وٍ آلـغٌَـرٍآمٍَ أگثَــرٍ
وٍ تِخٍيًّل وٍشُ گثَرٍ أحِبُگ وٍ آنٍتِ غٌَرٍبُآليً

يًآ خٍلطَـة آلمٍَـسِگ وٍ آلرٍّيًحِـآنٍ وٍ آلعُنٍبُـرٍ
آلـرٍيًــحِ تِـسِـتِـآذِنٍگ يًـآلـطَّـيًـبُ آلـغٌَـآلــيً

رٍحِ وٍيًـنٍ مٍَـآ تِشُتِهُـيً رٍحِ َقٍِـدُ مٍَــآ تَِـقٍِـدُرٍ
أنٍـآ أوٍل آلنٍـآسِ َفٍـيً َقٍِلـبُگ وٍ آنٍـآ آلتِـآلـيً

وٍ آلـعُـآشَُـقٍِ يًـعُـلـمٍَ آلـصِـبُّــآرٍ يًـتِـصِـبُّـرٍ
عُلىٍ آلظِمٍَآ لآ تِغٌَطَرٍسِ وٍ أشُهُـبُ آللآلـيً

جنــــون

10-28-2010, 11:19 AM

صاحبي عذبتني صاحبي وريتني
في لقا ساعه بعض حلم وسنين قادمه

ياحبيبي كان ماسميتني سميتني
ليت روحي منك ياعذب الموادع سالمه

جيتني لولا الليالي جابتك ماجيتني
والليالي جابتك مثل القدر كل الظروف تسالمه

آه ماخليتني ثم رحت ماخليتني
في دروب طوال مهزمه معاك وهازمه

كن في عينك من العشره اليا باريتني
شي اقل من الحيا بعيون ضيف وعازمه

ليتني لاجابو اسمك ياحبيبي ليتني
تشرب الذكري بعض عيني وعيني حازمه

انت لودليتني فرقاك مادليتني
دام حبك في جبين الليالي واسمه

لك بكي جرحي قصيدي وانا ما أبكيتني
آه ياحر الوجع في النفوس الجازمه

جنــــون

10-28-2010, 11:20 AM

يابير طيك طي واعماقك اعماق
ويعيش بك داب وحمامه وعصفور
فاضت عيونك ماك وابتلت احداق
وتنهدت منك محاله الناعور
يوم انبطت روحك سجدتي لخلاق
وعقب ارتفع جمك ضحكتي مع النور
ويوم انهمر دمعك خضعتي على ساق
ويوم انكسر حجلك زعلتي على الحور
ياما بك الرمان زهر ف الاوراق
لين اكتنز في حلق نحله ودبور
وياكم وردك وصدرك ضين ونياق
وياكم بهج جمك بعارين وصدور
وياما رطب نخلك تعسل ف الارياق
وياما طحين ارضك تقسم على الدور
وياما وهبتي جل وافنيتي ادقاق
وياما هماجك حل في الخصب والبور
شفتك وانا قلبي على صلدك ارقاق
وحسيت في حنجرتي عظام وكسور

جنــــون

10-28-2010, 11:20 AM

القلب عود يفوح والطيب من مكسره
تحته من الجمر مايوقد سكات الرماد
والعين مغرورقه بالدمع ومبعثره
بين الصور والرسايل والدجا والسهاد
حنا اليا حسبنا مازرعنا الذره
قل للعصافير تتركنا وقل للجراد
البارحه جف في غصن الملام ثمره
عقب البياض انكسر ضلعه وسال السواد
والناس خلان قبل الريش والمحبره
شعوب وفخوذ واحباب وصباح وهجاد
هذا الجمل لو سنامه سامك ف ظهره
ماله عزوم يقوم بها ولا له شداد
ياذيب عيد على قلبه وفج نحره
دامه رغى عقب هدراته وشم الحماد
تمخض الوكر والقرناس عن حمره
في راس قشعه لعب فيها الظما والنفاد
يوم النحاس انصدع لونه وذاب أصفره
غنيت للسنبله كل اغنيات الحصاد
مايدفي الا الوبر والوصل والمقدره
لازاد شوك الشتا في راحتك والفؤاد
ولاصار ما لك اليا منك ركضت اغبره
شوري عليك اترك البيدا وكب الطراد

جنــــون

10-28-2010, 11:21 AM

من سريتك عرفت ان الظلام
خيمه سهيل وديار الجدي
ليلة البرد ما ادفاني الثمام
وصلك انت الدفا ياسيدي
جيت مقبل تهادى والغرام
ينتهي في هدبك ويبتدي
عطرك اقبل ونم بك الحمام
ياهلا فيك والقاع احمدي
لايمي في مطر تغرك يلام
عاذلي فيك للفال الردي
ودي ارقد على ذراعك وانام
وانت تحكي ويدك في يدي
وان غشاني من انفاسك غمام
ازهر العشب في كل جسدي
وان سقيت الحشا برد السلام
ماشكاك الظما غصن ندي
وان ضحك لي هدبك المستهام
طاب لي كل قاع جرهدي
القصايد عن وصوفك صيام
عذرها إنك جمال سرمدي
وصفك ارض بها خيل الكلام
ملت الركض واتعبها العدي
من كتبتك عرفت ان الظلام
خيمه سهيل وديار الجدي

جنــــون

10-28-2010, 11:22 AM

انا ما غرقت كمي بالدموع ولا جحدت بكاي

وأنا الشكوى تململ في فمي والدمع في اهدابى

حداني للهواء طرف ذبحني وارتعاشة ناي

وأنا اكتب بالشجون وبالجروح الي من احبابي

قراني خالى باله وأنا اللي كاتب شكواي

بحبر من حضورى في ليالي الحب وغيابي

لأني من كتبت أشبه دروبي وقلمي وغناي

وهو رمشه طويل وله رسوم في أول كتابي

لقاني والبحر قايم وتل القاع من مرساي

وكان التيه صاري مركبي وشراعة أعصابي

لأنه طاغي حسنه طغي قلبه وانأ لولاي

غشيم في المودة كان ما عرطت في ثيابي

على من صب لي ترياق قلبي من يديه وداي

وعلى هونه سقاني من ضماه ودار دولابي

احسب انه نصيح لي واحسه في مدى يمناي

ومحبوبي من الماء ويتشكل لى وينسابي

وخلاني على بكم المفارق شاعر معاني

مقيد من ندم قلبي معاه وفايت أعتابي

ولولاي اتصبر في كنف رب السماء مولاي

وأقول الشعر كان الله عليم بعمري ألغابي

بعد كل السنين و ما نقص من مهجتي واشياي

نقص شوقي وقلت دهشتي واسعدني إعجابي

معه صحبة سفر ويذوب السكر بقلب الشاي

مثل ما قلب أيامي جفاه وخاطري ذابي

نظر لي نادم فاتت معاذيره وكسب رضاي

بعيد مستحيل وضحكتي يلعب بها نابي

ويتكرر تلاقينا أنا الرايح وكان الجاي

على الدرب بمعاذيره وقلت بخاطر طابي

يقولون البدو ما يتبع المقفيين فالح رأي

وأنا أقول العرب لا هبلو بك خلك إعرابي

جنــــون

10-28-2010, 11:23 AM

سجد قلبي على رمل الضلوع وهزه التنهيد
وأنا في جوفي خيام الندم والخوف منصوبة
يارب أفهق هلاكي والمنايا والدروب بعيد
مادام المودماني للتراب تقوده دروبه
ياغياث الظوامي والثمام وجرهدي البيد
أعذني من جهنم والحشر والموت وكروبه
أنا مانيب لا مشرك ولا فاسق ولا عربيد
أنا اللي لاعصى واخطا تجهم وأقلقه ثوبه
وأنا اللي يرتجف مثل ارتجاف الخايف الرعديد
ليا شاف القبور الضيقات وحس بذنوبه
أنا عبدك ولد عبدك وجداني هل التوحيد
خطاياي أخجلتني يالله الغفران والتوبة
أنا الإنسان حمال النقايض والكمد والكيد
غريق الطين واللذات من راسه لعرقوبه
أنا عبدك ياربي وانت تفعل ماتشا وتريد
سألتك يالله العفو العظيم وهين دروبه

جنــــون

10-28-2010, 11:24 AM

.
.

يقولون الشعر وصف القلم والصفحه الطرقى

........................................وانا اقول الشعر قدح الخيال ونار صوانه

حبيبي والبحر سور التراب ودفتر الغرقى

............................................لو اني ماكتبتك لامني ملحه ومرجانه

حبيبي لاهمت حبر العروق الغيمه الزرقا

.........................................على رمل الورق دمي سحاب هل هتانه

حبيبي كل ماذعذع جفاك وناحت الورقى

..........................................يتل البال قلبي واهدي السجات جنحانه

حبيبي وانت مرقاب الشجون وهاجس المرقى

...............................................ترى كل يموت الا الوفي بعيون خلانه

حبيبي والجروح اللي سببها ليلة الفرقا

.......................................ضما يدها الوصال اليا ظما المحروم حرمانه

حبيبي لو يسامحك البحر وتبيحك الغرقى

...............................................أنا ما اسامحك لو لامني ملحه ومرجانه

المبدع / نايف بن صقر,}

جنــــون

10-28-2010, 08:26 PM

الاختيار على / كامل الاوصاااف
الشاعر / محمد الحريري

جُمَانه

10-29-2010, 11:44 AM

فكره رائعه كروعتك انتِ
لقلبك السعاده

جنــــون

11-04-2010, 07:15 AM

وين كامل الاوصاف

الموضوع حيل روعه لا يوقف

البرق النجدي

11-06-2010, 04:26 PM

مشاركات رائعه جنوووووووووووووو

وفي انتظار كامل لاوصاف ؟؟؟؟؟؟؟؟؟؟؟

جنــــون

11-06-2010, 04:48 PM

من زمان مختارته بس ما رد وش رايك تختارين انتي
بس الشاعر لا تغيرينه

كامل الأوصاف

11-06-2010, 06:09 PM

لي عوده بإذن الله .. إنتظروني

البرق النجدي

11-06-2010, 06:35 PM

في انتظارك اخوي كامل بيلز لاتتاخر علينا

جنــــون

11-06-2010, 08:14 PM

باانتظااارك اخوي ..

سلطان الشوق

12-04-2010, 12:52 PM

خـلاص يكفي مامضى يازماني
حـال القلــوب اتغــيرت و انتهينا

ماهــمني لوبقــضي العمـراعـاني
اتركني ارحــل كافي اللي جنــينا

تعب سهر واحساس شوق واماني
الاربعه في الحب منهم عطـــــينا

وفي المقابل لاشــــعور وتفـــاني
وش فـــــايده حبــا بلــيا حنيــــنا

حظي معــاكم في المحبه رمــاني
رمية كسـيرا في فراشه حـــــزينا

دنياي ترسم لي دروس ومعــاني
وانا فهمت الــدرس مما خــــذينا

ربي وهبني صبر واعـــز شاني
استغفرك يارب وحـــــدك رجينا

سلطان الشوق

12-04-2010, 12:57 PM

يامهاجــرهـ بالفكر....ردي لي الروح

يامهاجــرهـ تكفين.....وبقول مسموح

تعبت 000 واتعبتي مشـواري
تهـت 000 وضاعت أخبـــاري

أسقيتني حرمان000أفقدتني تحنان

ليش الشقى .... والعمر في يدينكـ حــلال

ليش اللــقى .... محــروم أنا من هالــدلال

ياليل عــاودني 000 أرجــــــوكـ ساعدني

ماعــاد باقي بالعمــر شي

الا بقربكـ يامـــــناتي ويالضي
كل الحـــلوم تطير مثل الهبايب

وش لهـ تعب وجدان ابقلب غايب

قتلت في أنفاس 000 أعدمت في احساس

أبنزع التفكير وعيش وحــدي

وريَح الآهــات وشوف سعدي

كذا لقيت الحــل...!!!

وماعاد بســـال. ..0

سلطان الشوق

12-04-2010, 12:59 PM

أنا بنصحك

أنا بنصحك خاو الطيبين وسيب البطال
ترى البطال كل اصحابه اللي معه بطاله

يروح الوقت يالعاقل مع البطال قيل وقال
قليل أفعال لا يخدعك مهما كان في أقواله

ولا تشكي عليه اللي جرى لك في الزمن من حال
يزيد الهم فوق الهم تغدي حالتك حاله

ليا جات المواقف صار جامد كنه التمثال
عسى الله لا يعيدك يالردي لو زان تمثاله

ولا يجعل لي في الدنيا نصيب في صحبة الأنذال
أنا نفسي عن الأنذال يا أهل الفكر مياله

أبي رجال يوم إني نصيته يوفي المكيال
ولد يضرب على صدره صحيح ويوفي القاله

يقدمني على نفسه ليا جا في الزمان اشكال
علي شان الخوي يرمي شماغ الراس وعقاله

يفرج كربتى بالكلمه الزينه ودفع المال
أنا أشوف الخوي اللي يفضلني على ماله

يباني دايم الفرحة ولا يرضى علي اذلال
هذا شبري بشبره دوم وريالي مع ارياله

كما نجم الجدي معروف وأعلى منه في المنزال
ولا توصل نجوم الكون عندي مثل منزاله

ولا يا أهل العقول إليا صحبتم صاحبوا رجال
كما الممدوح وإلا أكثر من الممدوح في افعاله

هذا قولي وأظن العلم ما يصعب على العقال
جزى أهل الخير خير الله يجازي العبد بعماله

سلطان الشوق

12-04-2010, 01:03 PM

جرحٍ تمكن داخل الروح ماطــاب
ماطاب لو كان الـــدوا في يديــــّـه

النفس حدرا والبلا البعد غــــلاب
من عقب مافارق حبيبي عينيــــّه

راح وتركني دون علمٍ ولااسباب
كني مضيع بين شمس وفيـــّــــه

ليت آتناسى كيف مقدر وكــذاب
نسيـــانها لو قلــت يصعب عليـــّه

الدمع غرق رمش عيني والاهداب
مابين يـاس وهم ذقت المنيــــّــــه

صرت آتنشد كل ربعي والاحباب
من شــافها يبشر بروحي هـــــديّه

راحت سنين العمر والقلب منصاب
شـفني طريح فراش صـبح وعشيّه

سألت ربي عند قبهـ ومحــــــراب
يرفق بحــالي دامت النفس حيــّـــه

سلطان الشوق

12-04-2010, 01:06 PM

قال أحبــــكـ قلـت لـيت
قال مــــيت في هـــواكـ

قال لي أنته مـــادريت
إن قـــــلبي في رجـــاكـ

قلـت داري واحـــتريت
يظـــهر اللي في خـفاك

قال كنكـ ما نــــــويت
يمنا تمــــشي خـــطاك

قلت عمري ما مشيت
مستـحيل أطـــرد وراكـ

أنت من للقــــلب جيت
مرحـــــــبا بك يا ملاكـ

مرحبا حصــــــلت بيت
قــــلب هايم من غلاكـ

أنت حبي له شـــريت
يالغظي قلبي شـــراكـ

كـــــل ما أصلي دعيت
يسعد المولى مـــــساكـ

سلطان الشوق

12-04-2010, 01:09 PM

http://up.arab-x.com/pic/Bbi17774.gif (http://up.arab-x.com/)

سلطان الشوق

12-04-2010, 01:12 PM

هموم البـــارحهـ

من هــموم البـــارحهـ00ضاق صدري آهـ ضاق
ومن هموم البـارحهـ00اختلط همسي وصمتي بالاشواق

مدري ظروف القدر ابعدتها
والا هـــــي اللـــي نوتــهـــــــــا

لاهي حكت00ولاهي اللي أتركتني أرتاح
إلا..بكــــت00وصــــاح القلـــــب صـــــــاح

آآهـ يالمشاعر........
اختــــــفت من قلب شـــــــــاعر
آآهـ يالظنــون.........
ضاعت البسمهـ من القلب الحنون

والسبــايب......!!!
غاب أحلى الخـــلق غــــــــاب
لاتركــــلي......
عـــــــــلم ولا رد الجـــــــــواب

في بعـــادكــ......
مالي غـــــــير الصبـــــــــر
وفي بعـادكــ......
بلتمــــــس لجلكـ عـــــــــذر

ولازلت في نفس الهمــــوم
نفس المشــاعر والعلــــوم

لآ خبــــر...لآ دلــيل.....
غيـــر آآآهــ تذبح الخفـــــاق

أســال المولي يرجع الــغايب بخيـر

وهــذا حــالي ياهموم البـــارحهــ

ذابحـــــهـ..قــــــــــــــاتلهــ.. وجـــــــــارحــــــهــ

سلطان الشوق

12-04-2010, 01:22 PM

نفترق...

مو مهم نفتــرق ... المـهم مانفــترق
كلــمهـ وقالـتها ... ماثـمـنت قيمـــتها

نفترق....

صعب إني أتحمل معنـــاها
هي إنطقتـــــها مقـــــواها
في داخـــــلي لا زالــــــــت
أسمع نــــداها وصـــــداها

أنا الولهان لعيونها المزيونهـ
و لاني قــــــــادر أتحـــــــــمل
يغيب الفــكر عني ثم يعـــــود
وعــوَد ثـــــاني وتــــــأمــــل

ياليل أرجوكـ ساعدني ... وعلى نسيانها أسنـدني
لقـــــيت إنكــ تذكرنِي ... بشخــص مبتـــعد عــني

سلطان الشوق

12-04-2010, 01:24 PM

من تكـــــون

إنتهينـــا من لغة حب العيــــون
.................................. وابتدينــا حب لهـ لون وطعــــم

شفت فيكـ الملح يالغر الفتــون
.................................. و انجذب قلبي و لكنهـ ســـــلَم

من عيونٍ صابت القلب الحنون
.................................. وانستهـ بعض المــآسي والألم

من عرفتكـ هلت الدنيـا مـــزون
.................................. والظـلام اللي يحاصرني إنعـــدم

أســألكـ بالله قلي من تكــــــون
.................................. من ديـار العرب و الإ من العجم

مُعجبآ فيكم لـــيا حد الجنـــــون
.................................. اعـترف وأقسم على ذلكـ قســـم

سلطان الشوق

12-04-2010, 01:29 PM

شفى قلبـــي من جــــراحـهـ
بــديت آحــــس بالـــراحـــهـ

.......

طـويت اليــــــآس والآمـــــي
ونفسي حيــل مرتـــــاحــــهـ

.......

أشــــوف الدنــــيا محــــلوهـ
وليلي مشتعـــل ضــــــوهــ

.......

أعيش وتكــــبر احلامــــي
إذا فكري صفـا جــــــوهـ

.......

على نهــــر الهوي عشنـــا
ولـــــــكـــن مــــاتعلمنــــا

.......

من الماضــــي والأيامــــــي
غـريبهـ كيــــف مـــاتبنــــــا

.......

انا مقدر على احساســـــي
بعود وبجمـع انفاســـــــي

.......

وهذا العـــــمرقدامـــــــــي
بدور أغـــلى جلاســـــــي

سلطان الشوق

12-04-2010, 01:38 PM

آسف ياكامل الأوصاف

أخذت دورك في تنزيل قصايد شاعرنا عود الليل والسبب هو تأخرك الغير مبرّر..

سلطان الشوق

12-04-2010, 01:41 PM

الإختيار على/ توّاقه

الشاعر/ فهد المساعد

توّآقه

12-04-2010, 08:47 PM

فَآتنه دَوماً يّ البررق
وّ.. يّ سُلطآن
أعدكَ بعوده وَ سَ أغمرك وآغمرهم
بقصآئدهُ حد المَلل
ألف شُكر ع الأختيآر مُمتنةْ كَثيراً http://www.u3u2.com/vb/images/smilies/5da21421.gif

http://www.shathaa.com/vb/uploaded/39019_11268502034.jpg (http://www.shathaa.com/vb/uploaded/39019_11268502034.jpg)

( جا يشوف الحال كيفه ؟ بعد ماهزه حنينه وقبل سألني ..
سألته !!!"كيف حالك يالحبيب.."
قال "انا كني غريب ضيع دروب المدينه
" قلت "انا كني مدينه تتنتظر رجعه غريب".. )
http://www.u3u2.com/vb/images/smilies/ro.gif
http://www.u3u2.com/vb/images/smilies/hurt.gif

توّآقه

12-04-2010, 11:28 PM

http://up.arab-x.com/Nov10/5A790188.jpg

تعبت أسولف لك

تعبت أسولف لك وانـا مـا تكلّمـت
أسكت أنـا وأتـرك عيونـي تكلّـم
لاتفهم احساسي ولا تفهـم الصمـت
مدري وش أسـوي علشـان تفهـم
ودي أقول فـيوم كم فيك أنا همت.!
لكنّي خايف,,خايـف أقـول وأنـدم
كل ما بغيت أقـول أحبـك تلعثمـت
حتى وأنا أحلم فيـك كنـت أتلعثـم
كم ضقت منك وكم عشانك تبسمت.!
الله هو اللي بس فـي حالـي أعلـم
أحبـك لحالـي ولا يـوم علـمـت
إحساس أحس الموت من طعمه أرحم
لو بس تدري كيـف أحبـك تألمـت
عن كل لحظـة منـك كنـت أتألـم
تعبت أسولف لك .. وأنا ما تكلمـت
يارب تفهم بـس ..يـارب تفهـم !

//

شكواي لـ(اللي) عليه الضيق وإفراجه

اللي إذا شاء .. يرحمني ويرزقني
أما أنت يا أبو جبين عقد حجاجه
لا عاد تسأل "علامك ما أنت طايقني؟"
الناس كل على دربه ومنهاجه
وأنا عن الناس ما به شي يفرقني
ألا أني دايم أحب الصدق وأواجه
مخلوق .. والله على هـ(الوضع) خالقني
حتى رفيقي ضماد القلب وعلاجه
على كثر ما أتمسك فيه .. صدقني
لو أدري أنه مرافقني على حاجة
لــ(أمسّكه" حاجته .. وأقول "فارقني"

//

ماقول غير انت لامن حطـوا وشالـوا

تعـوذ برحمـه الله مــن اساميـهـم
وذكرهم ان الاعمار ان طالت وطالـوا
الخالـد الذكـر والا المـوت قافيهـم
اما انت ياقلب لو صالوا بـك وجالـوا
خلك مثل ماانت لاتشره علـى ايديهـم
الناس مـن خلقـت الدنيـا ومازالـوا
عيـال رجّـال لكـن فيهـم وفيـهـم
وذولاك من عرض ناس ٍ مالي ان مالوا

الا اني اسكت ,, واقول : الله يجازيهم

//

اسمعك يالليي تناديني يابو قلب خلي

بس انا ماني خلي القلب لجل اسكت واجيـــك
الخلي ماهوب قلب من هيامك ممتلي
الخلي قلب ادمي شافك ولا هام فيـــك
انت زعلان لجفاي ومادريت ان زعلي
يوم قلبك مايبيني قد ماقلبي يبيــك
حتى لو عيت همومك في غيابي تنجلي
كل هذا مايساوي لهفتي يوم احتريـــك
وان كان ماصدقت هرجي طيب اسمع مايلي
ياحبيبي ياعسى ربـــــي يحفظــك ويهديــك
جايز انك في غيابي تقلب الدنيــــا علي

بس انا من قبل اعرفك قالب الدنيـــا عليـــك

//

خذني افحضنك ابغفى يااااهـ مبطي ماغفيت

وان لمحت دموع عيني سو نفسك ما لمحت
خذني افحضنك وبعثر في جروحي وان قضيت
هزّ لي كتفي وقل لي عيب تبكي لو سمحت
إضحك وعلّم زماني من على ومن وين جيت
طقّ باب الحزن واصرخ فيّ لامني فتحت
وضمّني يمك وكمّل ضحكتك لامن بكيت

ودّي اذكر كيف كانت ضحكتي لامن فرحت

//

قلبي لـه اليـوم .. ثالـث يـوم موجعنـي

وعيني لها اليوم ثالـث .. تجمـع طيوفـك
والبـال كنّـه علـى دربــك يوزعـنـي
ولسانـي ماكنـه الا خـلـق لحـروفـك
لاالنـوم نافـع .. ولا التفكـيـر نافعـنـي
انام واصحى على الباقـي مـن وصوفـك
بالله قلي .. شعـوري هـذا وش يعنـي !؟
طمنّـي .. الله يطمـن هـمّـك وخـوفـك
بيني وبينك .. ترى اللي صدق ضيعنـي ....
ان انت في اخر لقا .. شارح لي ظروفك
مدري وش اقول .. لكن تدري .. اسمعنـي
خابرك وافـي .. و أبيـك تتـم معروفـك
ان كنـت نـاوي تسافـر .. لاتودّعـنـي

بـس انتبـه .. لا تسافـر قبـل مااشوفـك

وللجمآلُ بقيه http://www.u3u2.com/vb/images/smilies/5da21421.gif

توّآقه

12-05-2010, 12:39 AM

http://up.arab-x.com/Nov10/5A790188.jpg

//

ضاعت احلامي وظل الحزن فيني واهتديت

للطريق اللي يوديني على دمعي ورحت
يالحزن ليتك مثل دمعي وتنزل لارقيت
بس اعرفك لو مسحت الدمع تبقى ماانمسحت
كان حلمي في وجود انسان يبكي لابكيت
وصار حلمي في وجود انسان يفرح لافرحت
كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

//

ياكثر ما اغرقت نفسي فـي بحـور اوهامهـا

وياكثر ماضعـت بيـن أوهامهـا وهمومهـا
مـا جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا
يانديم الجـرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا
والرسالـه ردّهـا للـي زمنـهـا ضامـهـا
وقلها كلمـه .. وتفهمهـا حسـب مفهومهـا
والله أن أقـص كفـي قبـل .. أدق ارقامهـا

والله أن اشيل قلبي .. قبـل أشيـل همومهـا

//

نويت دمر الزمان إلي نوا دمري

بايعك يا طيبتي شاريك يا طيبي
و الدانه إلي أتغنج كنها القمري
أمنتكم بلغوها يا مناديبي
لا عاد تشفق على نخلي ولا تمري
ولا عاد تشره على قل ترحيبي
إن كان ربي عطاها لونها الخمري
الله بنفسي معوضني فقر جيبي
أمنتكم بلغوها تحتري جمري
إن كان ما فاد معها حسن تهذيبي
إن عشت والله لمشيها تحت أمري
وأحس فيها تعذب كثر تعذيبي
هذريت فيها ثلاث سنين من عمري

وإن قالها الله لخليها تهذريبي

//

واذكر اني رحت قبل ابـدي لـك ايّـة اعتـذار

رحت حتى قبل اطيّـب خاطـرك فـي كلمتيـن
لكن انتي عارفتني زيـن واللـي صـار صـار
سامحينـي واذكرينـي قـدّ ماانتـي تقـدريـن
اذكريني لاانتهـت للشمـس رحلـه مـع نهـار
واذكرينـي لاصحـى للصبـح ورد الياسمـيـن
واذكريني لا لمحتـي فـي ليالـي البـرد نـار
واذكريني لا سمعتـي للمطـر صـوت ٍ حزيـن
اذكرينـي واذكرينـي واذكرينـي .. بأختصـار..

اذكري حبيبــكـ قـدّ ماانتـي تقدريـن

وللحبُ والجنوون بقيه http://www.u3u2.com/vb/images/smilies/5da21421.gif

توّآقه

12-05-2010, 09:21 AM

http://up.arab-x.com/Nov10/5A790188.jpg

باب النسيآن

كـل مافـي الأرض يـنـذر بالمـفـارق والغـيـاب
اللقا .. والشمس .. وحـروف الرسايـل .. والقبـور

وش بقى يوم أكتشفت أن آخـر الـدرب السـراب ؟!
والبحـر دمـع لسواحـل هاجـرت عنهـا الطيـور !

مالحزني صوت ؟ .. مدري هو خطـأ والا صـواب !
بس أعـرف أنـي حزيـن وصوتـي الليلـه جهـور

مـن يدّثـر صوتـي الليلـه ويكسـب لـه ثـواب ؟!
مالهـا يالشعـر غيـرك أنـت .. ياجبـر الكـسـور

يكفـي أنـي .. لابكيـت بدونـك أشعـر بإرتـيـاب
وكل ماأبكي فيك .. أشوفك لي .. عن اللي فيّ .. سور

أدري بيوتـك عرايـا .. لـكـن أوزانــك ثـيـاب
لبّـس جروحـي مـن أحزانـك وألبّسـك الصـدور

كـان يـامـا كــان والنسـيـان للعـشّـاق بــاب
عاشق ٍ لاشدّ درفـة بـاب .. صـاح بـلا شعـور :

يقـدر النسيـان ينـزع غصـن مـن فـوق التـراب
بــس مايـقـدر يـقـرّب للـتـراب ولـلـجـذور

كيـف أبنسـى ذكريـات الطيـش الأول .. والشبـاب
ورفقـة الليـل العتيقـه .. وأول الفجـر الطـهـور

والمواعيـد وشغبهـا .. والـولـه قـبـل العـتـاب
وساعـة ٍ كـم كنـت أحـاول فـي عقاربهـا تـدور

والمكـان اللـي وهـن سقفـه مـن الفرقـا وشـاب
مـن بعـد ماكـان يحضّنـا مثـل طـفـل ٍ غـيـور

والمطـر لا لـوّن الشـارع .. وقلنـا للسـحـاب :
بلـلّ أيدينـا .. تـرى العشّـاق أياديـهـم زهــور

كيـف أبنسـى والريـاض لسيرتـي مثـل الكتـاب !
حافظتني بيت بيـت .. و حـي حـي .. و دوُر دوُر

مـن كثـر ماكنـت أدوّر فـي شوارعهـا جـواب :
هو صحيح الحب أعمى ! أو عيـون النـاس عـور ؟!

كنت أشوف الحب عذب .. وهـم يشوفونـه عـذاب !
كان هـذا الحـب سـر ! .. وقلتـه وكلـي سـرور

علمّونـي فـي المدينـه كـيـف لاحبـيـت أهــاب
لكـن القريـه قمرهـا قـال : كُـن للـحـب نــور

في بلادي كنت عاشـق .. بـس شاعـر بإغتـراب !
ليـن صـرت الشاعـر اللـي تعشقـه كـل البحـور

علمّينـي يالقصايـد هـو خـطـأ والا صــواب ؟!
لارفضـت أنسـى عيـون ٍ عشتهـا شعـر وشعـور

هذا أنا لحالي .. هزيـل الحـال .. وأشعـر بإكتئـاب
كـن قلبـي جـال بحـر ٍ هاجـرت عنـه الطيـور

أجرع الفرقا وأقـول الحـب عـذب .. وللعـذاب ..
كـل قلـب ٍ لاحرمـه الوقـت مـن خلّـه .. يبـور

ولين هذا اليـوم أدوّر فـي المدينـه عـن جـواب :
ليه في شرعك .. يكـون الحـب معنـى للفجـور ؟!!

//

صوّت حبيبي وقبـل أقـول ياعونـك

شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسان ف عيونـك
بس انت والله كل النـاس ف عيونـي
لا صرت ربعي وداري فيّـة جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك

تطيب كل الجـروح ويختلـف لونـي

//

في عز ما كنت اهوجس فيك وافتحلـك

ابواب قلبـي خذتنـي رجلـي لبابـك
وجيتك وانا ما اذكر اني كنت رايحلك
بس اذكر اني كـذا لاطـول غيابـك
ياما ترددت مـدري كيـف اشرحلـك
اجيك وارجع ابيك تقـول وش جابـك
يابـن الاوادم تـرى مليـت المحلـك
انا اعزك واحبـك واعشـق ترابـك
لا ضقت اضيق ومتى ما تفرح افرحلك
ولاغبت اموت ومتى ما شفتك احيابك
ان كان ودك ترسينـي علـى كحلـك

لميت عمري وخاويتك علـى اهدابـك

//

اللي تركني وأنا في عـز غربالـي

بعد الشدايد وش اللي ذكـره فينـي
يبغى زماني يعود ويرجـع الغالـي
وشلون يرجع بعد ماطاح من عيني
لا الوقت وقته ولا له شي في بالـي
أنا نسيتـه مثـل ماكـان ناسينـي
أنا تمنيت نظره منـه فـي حالـي
ياما تمنيـت صوتـه لـو ينادينـي
قولوا له إني ما أحبه كثر ترحالـي
أو لا .. حرام يتضايق وإلا يبكيني؟؟
قولوا له إني أحبه .. بس من تالـي

إن راح وإلا رجع ماعـاد يعنينـي

//

جا يشوف الحال كيفه بعد ماهزه حنينه
قبل يسألني سألته كيف حالك يالحبيب؟
قال أنا كني غريب ضيع دروب المدينة
قلت أنا كني مدينه تنتظر رجعة غريب.
قال أجل وش فيك تلعن سيرة الحب وسنينه ؟
قلت أنا وشلون ما العن سيرته دامك تغيب
أنت لا من غبت حتى مرايتك صارت حزينه
كيف ما تبغاني أحزن وانت لي حظ ونصيب

،

توّآقه

12-05-2010, 09:32 AM

http://up.arab-x.com/Nov10/5A790188.jpg

تحت الأرض أحبك

مي هذي مثل طلّ الصبـح لأغصـان الحدايـق
يبتسـم قطـر النـدى لاباسـتـه أو باسـهـا
مي هذي بنت لامن شفت صدر الليل ضايـق ..
أدري ان عيون مـيّ اليـوم طـال نعاسهـا !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا
يسعد الله قلب ميّ اللي كثر ماهـوب بايـق ..
..من قلوب الخلق..مااذكر مـرّ يـوم وداسهـا
لأن مي أرق بنت..ولو قسـت ماهـوب لايـق
حيّرتني مي..الأجمل : هـي..والا أحساسهـا !؟
بالها لاضاق زانت..كيف لامن صـار رايـق!؟
في انتباهتها براءه..كيـف اجـل هوجاسهـا !؟
العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا
مي لـو تبكـي لموتـي مالـي الا افـز فايـق
من قبل لاامـوت أكثر..مـن نشيـج انفاسهـا
مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسهـا
ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا
مي لو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا

//

صلآة وعنآقيد

عدّى عمر .. ياليت الأعمار تنعـاد
وأرجع بلا شيـب وبليـا تجاعيـد

أرجع وأضم أبوي وأقـول: لا عـاد
تموت وتتركني مثـل ليلـة العيـد

يوم اسألوا عنـك الصبايـا والأولاد
وقلت:أمي تقول انه مسافـر بعيـد

بكيـت ليلتهـا وناديت..مـا فــاد
وظليت أصوت لك .. وأناديك وأعيد

عوّد يا بوي وجب لي ثيـاب جـداد
يا كثر ما تنسى يا بـوي المواعيـد

بكيتك لحالـي وأنـا كنـت معتـاد
تكف دمعـي بإيـد وتضمنـي بإيـد

كم كنت محتاجك تجـي كنّـك رقـاد
تمطر من كفوفـك صـلاة وعناقيـد

احتجت لك طفلٍ كسر قلب الأعيـاد
واحتجت لك طيش وشباب وتناهيـد

واحتجت لك شاعر له أحباب وأضداد
واحتجت لك رجال يخشـى المناقيـد

احتجت لك .. واحتاج لك ظل وسناد
العمر ينقص واحتياجي لـك يزيـد

//

الحسد

الشعر أبـوي .. ولا بعـد قلـت : لبيـه
إلا ل( بحّة وزنـه ) و ( صـوت قافـه )
ماقبلـي أحـد ٍ قـد تربّـى علـى يديـه
ولاغيري أحـد ٍ سْمْـع صوتـه وشافـه
أغليه .. وأخافـه .. وأحبّـه .. وأداريـه
وأخـاف لاأفقـد دهشـتـي فأكتشـافـه
على كثر مـا أبيـه وأتعـب وأنـا أبيـه
ماقـد شكيـت لغيمتـه مــن جفـافـه
إن ألتفـت فـي حالـي .. الله يحيـيّـه
و إن ما ألتفت .. ما ألحقت عمري حسافه
يامـا علـى غفلـه غرقـت فشواطـيـه
وياما رمـى فـي قـاع صوتـي ضفافـه
وأمسيت أغني له .. وأشيله .. وأشاكيـه
كنّـي مكـوّم كــل مـاكـان طـافـه !
أحـاول أقـوى شـي مانـيـب قـاويـه
وأحـاول أقبـل شـي نفـسـي تعـافـه
اسمع من هـروج العتـب والمسافيـه ..
مـازوّد حـمـول التـعـب والمسـافـه
نـاس ٍ بلونـي بالحسـد والمشـاريـه
مافيهـم اللـي وسـط قلبـه مخـافـه ..
لا .. والمصيبه .. ويش أنا منحسد فيه ؟!
في الشعر , ودروب السهر , والكلافـه !!
قولوا لذاك اللي ( سهادي ) علـى ايديـه
وش جـاه منـي ؟! لعنبوهـا ضعـافـه
ان كان حاسدني علـى الشعـر والتيـه !
يجـي يبادلنـي .. وأخـط أعتـرافـه :
يعطينـي راحـة بالـه الـلـي تقـدّيـه
وأيامـه الـلـي ماتـعـرف الصـلافـه
ونذر ٍ علي لأعطيه .. وأعطيه .. وأعطيه
حتـى يمـلّ مـن الشعـر والصحـافـه

//

الأسرآر

يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكـلام اللـي بغيـت أقـول .. يحتـاج ل سكينـه !

شوفي الركـن البعيـد هنـاك .. كنـه صـدر حانـي
هـذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الـزوايـا، والمبـانـي
هاتـي يدينـك نلـف الغـيـم ونشـكـل مديـنـه !!

عنـدي الليلـة كـلام وصمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعـيـن الـلـي أبــي ولا تـرانـي
لو ب أعيده لك .. نسيت .. ورحت أقول اللـي تبينـه

شي واحد قبل ما أبـدأ .. مـا أبـي أي شـي ثانـي
يخطر ف بالك .. وأنا أكشف لـك شعـور تجهلينـه !

إن أنـا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هــواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك.. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي
وكيـف كـان يلـم شعـرك .. ويتبعثـر فـي يمينـه

حتـى اسمـك يـوم رحـت أدلله .. حظـي رمانـي..
بنفس الاسم اللي يقـول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنــا مانـيـب أنـانـي
لو سلمت من الغرق . بأمـوت فـي ظهـر السفينـه!

يا إني ما أكمـل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:

مثـل مـا أكـره فكـرة إنـه واحـدٍ ياخـذ مكـانـي
ما أقدر أجلس في مكـان إنسـان.. كنتـي تعشقينـه!

//

المدينة والغريب

جا يشوف الحـال كيفـه بعـد ماهـزه حنينـه
وقبل يسألني سألته : كيـف حالـك يالحبيـب ؟

قال : انا كنـي غريـب ضيـع دروب المدينـه
قلت : انا كني مدينـة تنتظـر رجعـة غريـب

قال : اجل وش فيك تكره سيرة الحب وسنينـه
قلت : أجل وش لون ما اكره سيرته دامك تغيب

انت لا من غبت حتى مرايتك صـارت حزينـه
كيف ما تبغاني أحزن وانت لي حظ ونصيـب !؟

الهدايـا و الرسايـل و المكاتـيـب الثميـنـه
والليالي و القمر و الريـح و الكـون الرحيـب

كل ما تبعد .. تجيب الشعـر ليـه مـن يدينـه
و تقعد جروحي تـودي فالطواريـق و تجيـب

يا بعد كـل القصيـد و نـزوة حـداه و انينـه
لا ذكرتك لاح بيت .. و طاح ورد .. و فاح طيب

و ان نسيتك ما نساني صوتك المبحوح لينـه..
.. ياخذ لجرحي بثاره مـن خطايـاك و يطيـب

و بعد هذا جاي ترمـي ذنبـك بوجـه المدينـه
ما دريـت ان المدينـه كلهـا شمعـة غريـب

//

الطفل والمحارم

كــــان في وسط المدينه...
طفلٍ أكبر من سنــــينه..
والده مات بحنــــانه..
ولاقعد يندب زمانه...
صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...
يمسح أطراف القوايل عن جبينه ..
يبعد الشمس ويطاردها بيدينه..

طفل أحزانه معالم..
طيب وسمح ومسالم..
يمشي ويطوح بصوته ..
يبغى قـــوت أمه وقوته ..

المحارم....المحارم....المحارم ..
المحارم....المحارم....المحارم ..

ولا أقبل الليل ..ورحل وجه النهار ..
راح لامه مثل الأطفال الصغار ..
وأرتمى في ...حضنها ..
أرتمى في....جفنها ..
أرتمى في....حزنها..

وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..

تحسبين أني حزين؟ ..
لا..وراسك ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..

وفي صباح من صباحات الضياع ..
الحزن قدر يقول له الوداع ..

نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..

الصغير اللي ملى الدنيا صراع...
مـــــــات ....من كثر الوجع

وللحبُ والجنوون بقيه http://www.u3u2.com/vb/images/smilies/5da21421.gif

توّآقه

12-05-2010, 09:42 AM

http://up.arab-x.com/Nov10/5A790188.jpg

آخر الصيف

تغـيّـرت بـنـت الضـلـوع المهـاديـف
تغـيّـرت والله .. وانــا فــي رجـاهـا

مدري متى ؟! أو وين ؟! أو ليه ؟! أو كيف !؟
لـكـن اعــرف أنــه تغّـيـر غـلاهـا

هـي سلمتـنـي للـزمـن والصـواديـف
وانـا اتذّكـرهـا .. ولا اذكــر خطـاهـا

شهور .. كن غيابهـا فـي الصـدر ضيـف
مافـيـه ضـلـعٍ ماتـقـوّس وراهـــا

حاولـت فيهـا ترجـع .. وقلـت : ياحيـف
هو مـن متـى والأرض تنكـر سماهـا ؟!

كم كان وجه الحزن فـي عيونـك مخيـف !
كـم كنـت أواسـي دمعتـك فـي شقاهـا !

نسيتـي أمـواج الزمـن والعواصـيـف ؟!
وضلوعـي اللـي كـم غفيـتـي وراهــا

ودعتـي البحـر .. ورميتـي المجاديـف ؟!
مـن وصلـك هـذي الشواطـي سواهـا ؟!

يامـا كتبتـك فــوق روس المشـاريـف
قصـايـدٍ مــر الـسـحـاب وقـراهــا

ويـوم المطـر مـرّت عليـه السوالـيـف
حـوّل يبـي ضحكـتـك تسقـيـه مـاهـا

ويامـا انجرحتـي مـن فـراق الموالـيـف
وقـسـوة قـلـوب الراحلـيـن وجفـاهـا

طيب علامـك كـل ماارسلـت لـك طيـف
عــوّد عـلـيّ بدمـعـةٍ مابـكـاهـا !!

حـقـك علـيّـه يالـعـروق الملاهـيـف
دام الـسـوالـف واصـلــه منتـهـاهـا

الله عطاهـا مـن هنـا لآخــر الصـيـف
إن عــوّدت للـقـلـب .. والا نـسـاهـا

//

شعآر جيلي

أحدٍ طموحـه مـن قصايـدة خـوّه
و أحد ٍ طموحه خوة الجدي وسهيل

أناأشهـد إن الشعـر تالـي تشـوّه
شعار جيلي شوهوا سمعـة الجيـل

ما بيـن شيـخ ٍيحفـظ الله سمـوّه
ريشه ضعيـف وطيـروه المهابيـل

ومابيـن شحـاذ ٍ بلـيـا مــروه
لو"أبرهه"عايش مدح عنـده الفيـل

والمشكله حتـى الخطيـب المفـوّه
اليوم جازت لـه لحـون المواويـل

وأعلن على محـق القوافـي غلـوّه
مايدري أن حتى الشعر فيه تسبيـل

ناس ٍ ضعوف و تحسب الضعف قوه
يطري علي لا شفتها كذبـة أبريـل

حتيش لو هي في المناصـب تبـوه
ما طهّر الماء حنظلـة وادي النيـل

وأن ظن منهم واحـد أنـي عـدوّه
تكفون قولولـه تـرى ظنـه خبيـل

قاع الجبل ما ينحسـد مـن علـوّه
للي يعرف الحصن من كدّش الخيـل

لكـن كــذا لله حبـيـت أنــوه
و أقبل مثل فجر فهق عتمـة الليـل

يـوم إن كـلٍ يفتخـر لـه بخـوه
أنا خوي الشعر والجـدي و سهيـل

//

القريآ

القرايا ساكنتنـا لـو سكنّـا فـي المدينـه
ياكثر مافي المدينـه نـاس تسكنهـا قرايـا

مثل انا لامن شعرت أني بحاجـه للسكينـه
رحت يم القريه اللي قدرهـا بيـن الحنايـا

قريتي واليوم جيتك شاعـر ٍ هـزّه حنينـه
للوجيـه وللبيـوت وللسوالـف والحكـايـا

قريتي انا فهد .. فهد .. فهد ماتذكرينـه ؟!
أسألي عني بيوت الطين ونقـوش الزوايـا

ياسقى الله قبل اسافر عنك يالـدار الثمينـه
يوم انا طفل يشوف عيوب جدرانـك مزايـا

يوم انا طفل ٍ يمر اليـوم ماشـاف الغبينـه
الضحى وسط المدارس والشفق بين المطايا

ياسقى الله يوم كنت الريح والدنيـا سفينـه
قبل مالدنيا تكون الريـح والسفـن البرايـا

يوم ابوي الله يبيحه كـان ياخذنـا بيدينـه
يم ذاك المسجد اللي فيه مـن ريحـه بقايـا

ياسقى الله او بلاش ازيد هذا الطين طينـه
لي هنا والعمر مابه متسّـع لاهـل الرزايـا

قريتي مانيب انا اول من رجع لك وسط عينه
دمعتيـن ٍ كنهـا لبيوتـك وناسـك مرايـا

القرايا سالفة اهـل القرايـا فـي المدينـه
والمدينه سالفة اهل المدينـه فـي القرايـا

//

صبآح الخير يآبلآدي

مع كل نسمة صباح أقوم وأيديّـه
ترفع بعضها كذا .. وأقول وأنادي
الله يسعد صباحـك يالسعوديـه
عساه والله صباح الخير يابلادي

***
يـــادروب الأرض لـعـنــاق الـسـمــاء
يـاجــداول مـــاء لـحـكـايـة ظــمــأ
يـالـكـلام الـلــي عـجـزنـا نـبـتـديـه
مــن يـقـول أنــك كـمـا غـيـثٍ هـمـا
أنـتــي لاقـبـلـك ولابـعــدك كـمــا ..
علميـنـا كـيـف نـلـقـى لـــك شـبـيـه
يابلـدنـا ويــن نـلـقـى لـــك شـبـيـه
فـي ومـيـض الـبـرق لاســال الغـمـام ؟!
فـي شـعـاع الشـمـس لاشــقّ الـظـلام ؟!
فــي أبتسـامـة شـايـبٍ صـلّـى ونـــام !
في المحبه .. في السماحه .. والا في معنى السلام !
يابلـدنـا صـعـب نلـقـى لـــك شـبـيـه
وأنـتـي الـلـي لاذكـرنـا أنـــك بـلـدنـا
نـرتــبــك حــــــب وغــــــلا
ونـتـلـعـثـم فــــــي الـــكـــلام
***

***
يـــــــاوطـــــــنّــــــــا ..
يـاطــمــوح الـــلـــي تــمــنّــى
نـحـمـد الله يـــوم صـرنــا فــيــك ..
والا قـبــلــك كـــيـــف كـــنّـــا
يـــــــاوطـــــــنّــــــــا ..
يـالـنـخـيـل الـــلـــي تــثــنّــى
لــو بكـيـف الشـمـس ماخـلّـت يـديـك ..
ولاخــذاهـــا الــلــيــل عـــنّـــا
يـــــــاوطـــــــنّــــــــا ..
أنــــــــــت حـــــنّــــــا..
الرجـال الـلـي بـطـهـر أرضــك تغـنّـى
والبـنـات الـلــي بنسـمـاتـك تـحـنّـى
ومـن تنـكّـر لــك تــرى مـاهـوب مـنّـا

***

توّآقه

12-05-2010, 09:52 AM

http://www.shathaa.com/vb/storeimg/sw_1268504256_357.gif (http://www.shathaa.com/vb/storeimg/sw_1268504256_357.gif)

كل يوم اجلس على جال البحر وأقول: توي
لاسألني: مافقـدت الحلم في لمسة يديـنه؟!
مادريت إن البحر ماقـال لأمواجـه: تروي
ومادريت إن الغرق هو حجة غياب السفينه

http://www.shathaa.com/vb/storeimg/sw_1268504246_303.gif (http://www.shathaa.com/vb/redirector.php?url=http%3A%2F%2Fmnab33up.com%2Fupf iles%2FIm300795.gif)

الأرض رحبة / علامك جالس لحالك !
ان كنت مهموم .. كلٍ عنده همومه ..
في داخلك [ طفل ] .. لا تقتله باهمالك !
وقّف زمانك .. وصح الطفل من نومه..

http://www.shathaa.com/vb/storeimg/sw_1268504248_649.gif (http://www.shathaa.com/vb/redirector.php?url=http%3A%2F%2Fmnab33up.com%2Fupf iles%2FK3500795.gif)

أفتح ضلوعك وأجمع الخير والحب
اليوم جمعه والله الله في الأسباب!
سامح .. ترى من سامح وقال : يارب
يفتح له الله في سما رحمته باب

http://www.shathaa.com/vb/storeimg/sw_1268504257_629.gif (http://www.shathaa.com/vb/storeimg/sw_1268504257_629.gif)

فقدت في الشده حبايب وخلان
هانت عليهم عشرتي بس ماهنت
خانوا وقلت ان الزمن مثلهم خان
لكن بعد ماشفت زولك تطمنت
عرفت من فقدي لهم اني انسان
ماعاد باقي له من العالم الا انت

http://www.shathaa.com/vb/storeimg/sw_1268504242_294.gif (http://www.shathaa.com/vb/redirector.php?url=http%3A%2F%2Fmnab33up.com%2Fupf iles%2FHhB00795.gif)

قلت لك الله يهديك
قبل اتعلق فيك
اٍن كان قلبك مايبيني
قد ماقلبي يبيك
لاتعودني عليك

http://www.shathaa.com/vb/storeimg/sw_1268504252_647.gif (http://www.shathaa.com/vb/storeimg/sw_1268504252_647.gif)

ايه قلبك رغم جرحه واٍنزعاجه
الزمن ماغيّر احساسه تجاهي
يكفي اٍنك ياضوى القلب وسراجه
كل حاجه فيك ظلت مثل ماهي
الخجل في وجهك أول ماانتواجه
والبراءه في عيونك وأنت لاهي
وبسمتك لامن بغيت تقول حاجه
ونظرتك لامن لمحتك وأنت ساهي

http://www.shathaa.com/vb/uploaded/39019_11268502034.jpg (http://www.shathaa.com/vb/uploaded/39019_11268502034.jpg)

( جا يشوف الحال كيفه ؟ بعد ماهزه حنينه وقبل سألني ..
سألته !!!"كيف حالك يالحبيب.."
قال "انا كني غريب ضيع دروب المدينه
" قلت "انا كني مدينه تتنتظر رجعه غريب".. )
http://www.u3u2.com/vb/images/smilies/ro.gif
http://www.u3u2.com/vb/images/smilies/hurt.gif

**آتمنى أني أرضيت ذآئقتكم الشعريه
مقتطفآت سريعه لشآعر الحُب والجنون
*ألف شُكر سُلطآن الشعر ع الآختيآر
وآختيآري رح ينزل على
برقُنآ النجدي
والشآعر فزآع
بإنتظآر نثر جمآلُكِ هُنآ http://www.u3u2.com/vb/images/smilies/ro.gif

البرق النجدي

12-05-2010, 04:46 PM

ابشري يالغلا

ويسلمووووووووووو على لاختيار المميز من جانبك ايتها المتألقه ......

البرق النجدي

12-05-2010, 11:43 PM

باااااااااااااااااااااااااااااااااك

البرق النجدي

12-05-2010, 11:44 PM

وقفات مع الشاعر المتميز / فزااااااااااااااااااااع

http://i8.photobucket.com/albums/a3/Dubai_eagle/Me%20and%20Noof%20Album/p108.jpg

تحلا بعيني

يا مشعل القلب تكفي خفّف شويّه القلب من كثر صدّك ويلي لْحاله

دامه يحبّك ولا له غيرك بْغيّه وش له تحطّه بدنيا الهمّ وتْناله

انته حبيبي لقلبي نوره وْضيّه تحلا بعيني وقلبي صِرْت تحلا له

وانته ربيع الخفوق وْشمسه وْفَيّه وان حبّ غيرك خفوقي باقطع وْصاله

ما اريد بك حَدٍّ وْلو هو كان حوريّه إنته مهَدّي الغرام وانت زلزاله

للموت انا لك حبيبي صورةٍ حيّه ميّت بحبك وحبّك صِرْت انا اسعى له

يا بو عيونٍ مثِل عين الدمانيّه حورا هَدَبْها مظلّ ودعْج قتّاله

كاسِنّك الحِسْن واوصافك خياليّه ومن راد يوصف جمالك أيتهيّا له

البرق النجدي

12-05-2010, 11:45 PM

http://i8.photobucket.com/albums/a3/Dubai_eagle/Me%20and%20Noof%20Album/p108.jpg

قصيدة ساجدة

لك حروفي قصيـد ولك قصيـدي شـعـــور

ولك شعــــوري خفـوق نبضـه الحَيّ إنتـي

ولك غلا في صَميم الروح حَاضر حضور

واشهـــد انــك بقلبي وْلا عـن العيـن غبتي

يا سَـــنا الكــون كلّه والعــواطف بحـــور

يا ظيـا العيــن ياللي في وَسَطـــها سـكنتـي

يا بَعَد كـــــل من لي يا أريج الزهــــــــور

يا أعـذب حروف تظهر في كلامي وصمتي

يا شعـــــاع تحلّى وْلا على الـــنـور نـــور

بـس مـا غيـر نـورك يظهـــر ليا ظـــهرتي

ويْا ملاكٍ خلـقـــه الله لعـمـري ســــــرور

وش تفيد الحيــــاة بْــيــوم لا من زعَـــلتي

أعتذر لك ياعمري ولو بعــــذري قصـور

وانتي قدرك عَ راسي وْلا حشا بيـوم هنتي

إبسمي يعل ربّي يحفظـك م الشـرور

تبتســــــم لي حـَيــاتي وقت فيه ابتسمـتي

ان زعلتي عَلـّـــيه كن كــــوني مهجــور

وان رضيتــــي تسـابق ابتسامتي فرحـتـي

إنحنَـتَ لك قصــــيده ساجـــدة ع السطـــور

كــثر مـا انتي بمَـكه يا اطـهر الناس طفتي

البرق النجدي

12-05-2010, 11:46 PM

http://www.alamuae.com/uaealbum/data/media/158/fazza3_028.jpg

قدّها وقدود

صدق من قال يا محمــد بأنـك سيـف ما تنصــد

مـرواتـّك علم خفـاق وفيـك المرجـله والجـود

يا بن راشد وابو راشد بنيـت امجــاد لك تشهـد

تجـف أقـــلامي بمـدحـك,يحير العـد بالمعـدود

إذا مــنـك بغيـت الشــــي فــلا عنـه مــرد وبــد

تطـول اللي تقـوله عـــز وانتـه قــدها وقــدود

أشــوف النجم ذاك بعيـد,و أنت من النجـم أبعـد

ألا يا حظ أبو من هـو تكـون انته معه موجـود

إذا اسمــك يجي في الشعر يزيـد البحر مده مد

يزيد الشعر في الشاعر تجيه أبيات دون حدود

مروض جامحات الخيل,مهدي المـوقف المشتد

مفـرج كـربة المظلوم,وشـوق الفاتنات الخـود

أحـــد مثلك أنـا ما القى رجـل مثلك أبـد مـا حـد

على شعبه سطـع نوره مثل بـدر اليالي السـود

أنــا لاجـلك كتبت الشعـر وفضلك سيــدي ممتد

على طـول المـدى نبقى لشورك طايعين جنـود

البرق النجدي

12-05-2010, 11:47 PM

http://www.alamuae.com/uaealbum/data/media/158/fazza3_028.jpg

أنا في الشعر

أنا في الشعرابن هذاك إذا إنته تعرف الشعـر

أهيج في البحـور أمـواج أمشيهّا عـلى كيـفــي

واقولـّك لا تجاريني ترى أمشي بدربٍ وعـر

وإذا تبـغــي تجـاريني تــرى لــك امــدٍ سـيـفـي

ولا تضمن تحوز النصر وأنا بحر وانته نهر

وإذا عـارضـت تيـّاري بــرّى مـوجـي وسيفـي

وكم من واحدً غيرك تعرض لي وجاه الكسر

ودارت بـه هبـوب ريـاح في أقـوى عـــواصيفي

تهاجم سايل الأقـلام وسطرً مايهــــّزه سطـر

وإنتـه وينهــا افـكـارك ععـن بيـوتي وتهــديـفي

تبا روس العلا وانته تحول في طريقك حـدر

تحـاول بـس مـا تقــدر بـأن تــوصـل مشـاريفـي

نجـوم الليل ما تنور إذا بيّن شعـاع البـــــدر

وش الي يجمع الوسمي على سحب ورْعد صيفي

تشـوف الجـاذبيه في هالدينا تجــــــرك جـر

أنا عـكـسه افـــــرك ويــن ما أبــغي على كيفـي

البرق النجدي

12-05-2010, 11:48 PM

http://www.alamuae.com/uaealbum/data/media/158/fazza3_028.jpg

فخر الأجيال

على وصف الرجال اللي تسمّى بالفعال رجال

لفت بيض العلوم وبيّض الله وجه راعيها

لفت ما كنّها الاّ سبّق الخيل ان بدت تختال

نواصيها النعوت وفي مناكبها.. قوافيها

قصايد والقصايد ما نساومها بجاه وْمال

نعبّ بحورها وان هاج مزملها نرسّيها

إذا امتدّ الفكر وامتدّ ليلي والقصيد وطال

توشّحت الشوارد ولبست الاشعار غاليها

كذب من قال ساعَفني عليها الجن يوم تقال

أنا البس جنّها واصدر مواردها واروّيها

أنا وْلا فخر نجل الشامخ المتمرّس الريبال

على وصفه تجاريني القصايد قبل اجاريها

على (محمد إبن راشد إبن مكتوم) طاب الفال

وطابت لي قبل لا الزم قوافيها.. معانيها

متى قالوا صواريها المعاني.. ما هناك اشكال

حرام انّي لمدّ شراعها لأكبر صواريها

على اكبر منبر ارميها ثنا وْعز وْفخر واجلال

ما دام ان الثنا لأهله.. على اكبر منبر ارميها

لاجل قرمٍ غرس حلمه لشعبه واثمرت الآمال

حقايق نبصر اوّلها.. ونتباشر بتاليها

حقايق واضحه من دون ابو راشد صعب تنطال

تباركها القلوب وتبهر الناظر مغانيها

مغانيها تراود كل عطرٍ ما خطر ع البال

واراضيها يراود كل عاشق فوع ناديها

أراضيها الخزاما والنفل والبختري والهال

وما يخطر على بال العطر يزخر باراضيها

ولي فيها محب أسرف على قلبي وحط وشال

طلب روحي وروحي منه فيها اللي يكفّيها

من اوّل ما عرفته والضلوع تجرّ له موّال

ولا ادري نيّته بضلوع صدري وش تواليها

أنا محتار ما بينه وبين (دبي) بالمثقال

يا أمّا (دبي) له تحلا أو انّه لي محلّيها

أو انّ (دبي) تحلا لان أبو راشد لها خيّال

نعم والله وتسبق خيلها من سبق واليها

(دبي) العِز من طيب النسايم عودها ميّال

تمسّي صاحب القدر ونحن باسمه نمسّيها

صدى داره بشرق وغرب وجنوب التقى وشمال

قبض الاربع جهات يلين داره ذاع طاريها

طغى عزمه على وعر الدروب وله غدت مسيال

تسيل الأرض لاقدامه وتفخر من مواطيها

غريبه كيف جادت به سنينه والسنين بخال؟

والاغرب كيف تضما له وهو بالجود يسقيها؟

لو ان المجد سهل ان كان كلٍ طال منه وْنال

دروب المجد ودروب العلا صعبه مراقيها

طويل العمر ما جيت اعتزي في وصفك الأمثال

ولكن المثايل تعتزيني بك.. والبّيها

يابوي ابشر ترى شبلك توارت عن مداه اشبال

وثب فوق الدروب وسابقت رجله خطاويها

ورث عزمك وحزمك والخصال تجرّ طيب خصال

مواثيقه على طرق المكارم بك يجدّيها

إذا شدّ الفخر لاجلك رحاله قمت اشدّ رحال

على نهجك.. عشان افرد رحاله وارجع اطويها

واذا قالوا: من ادرى بالحصابي والوزون ثقال

عرفت ان الوزون ثقال وانت ادرى بْحصابيها

على الدنيا جدال الاّ انت والله ما عليك جدال

مع ان إيدك يجادل كل وادي سيل واديها

لو ان السحب تنشا من كفوف امست عليك ظلال

وخرّت ساجده لاهل الثرى من جود منشيها

مكارمك المكارم والعطايا من بحرك جزال

لو ان السفن تجري في يمينك ضاع شاطيها

يمينك كم لاحت وابرقت وابطت وهي تنهال

ولا والله تدري عن يسارك كم معاطيها

وكم رجلٍ بصدره حاجه وجاك وقبل لا يسال

عطيته.. كنّك ادرى بالصدور وْسرّ خافيها

وكم حلمٍ سبقته.. كان في عين الزمان محال

تقول المقبلات افضل عليك اسرار باريها

يقولون اختصرت اجيال واقول انته فخر الاجيال

إذا الأجيال بك ما تفتخر.. من يفتخر فيها؟!

البرق النجدي

12-05-2010, 11:49 PM

http://www.fayezalsaeed.ae/2008/banar/fazaa3.jpg

نخوة قوافي

يا مسا السكّر على الغصن الرطيب

يعل تسقي ديرته وبل السحب

زارني والفكر ساري سري ذيب

قلت سبحان الذي ساق ووهب

قلت ياليل اللقا والشوق طيب

طيب لاصحاب الحسب واهل النسب

القوافي تنتخيني قبل اثيب

وما على سنّي من اشعاري عتب

إن بدعت الشعر سِنّي ما يعيب

من صغر سِنّي وانا قافي عجب

القوافي بَدعها حظ ونصيب

بس انا حظّي على القاف انتصب

إن صعب قافي ترى فالي يطيب

مطلب افكاري هو القاف الصعب

دامني في صغر سِنّي قبل اشيب

أملي الدنيا زغاريد وطرب

ما عليّه لو غدى شكٍ وريب

وش على الصادق إذا الحاسد كذب

دام فعله دون قولي ما يصيب

كيف لو فعلي على قوله وثب

ظنّ بي ظنّ الحسود المستغيب

وابتليته بلوة السيف الحَدَب

قمت اجيب اللي عجز عنّه يجيب

ما قدر يكشف عن عروق الذهب

كيف الوم اللي نظر عينه عطيب

ما يميّز بين زرفال وخبب

المعاني بدع فكري واللبيب

يدري ان الراس ما يتبع ذنَب

الشعر ماهوب لامثالي غريب

لاني بحاجة من احتاج وكتب

وارثنّه هوب في حاجة نسيب

الضعيف اللي إذا احتاج انتسب

وانت يابو نصّ ظن ونصّ عيب

لا تسال الكرْم عن لون العنب

لا تسال الشط عن موج الغبيب

البحر مايرحم صغار الخشب

والعرب ما تفخر الاّ بالنجيب

واشهد انّي عندهم عِزّ الطلب

وانت يالمحبوب لك ربّ حسيب

لا يغرّك من تباعد واقترب

البرق النجدي

12-05-2010, 11:49 PM

http://www.fayezalsaeed.ae/2008/banar/fazaa3.jpg

مستحيل انساك

مستحيل أنساك هذا مستحيل مستحيل أنساك والله للأَبَدْ

من يعاشِرْ شخص مثلك ما يميل لا ولا ينوي على غيرك أحَدْ

يا جميلٍ في جميلٍ في جميل يا فريد اللون في جيدٍ وْخَد

ترتسِمْ في وجنتك شمس الأصيل وجمرتينٍ بينهن صَفّ الَبَردْ

والعيون الدعج والرمش الظليل ونور وجهك منّهن نور اسْتِمَد

تهت في حبّك مثل تُوْه الضليل وزادت جْروح الَحَشا جْروحٍ جِدَدْ

ولا ولا عن حبّك أرضى بالبديل وْكَنّ باقي الخود تكمالة عدَدْ

لي يسير الدرب يوصَلْ لو طويل أو مِثِلْ ما قِيْل من (جَدَّ وَجَدْ)

البرق النجدي

12-05-2010, 11:51 PM

لعبة زمن

لعب الزمن ما هو مثل باقي العاب إلعب على كيفك واذا تروم لا تْتوب

بَيْجيك يوم وْتندفن تحت لِتْراب عقب الدفن بَتْعَرْف وش يعني لْعوب

لو نك فَتحت أبواب لك غَالقٍ باب ولو نك تعرف العيب العيب عَذروب

بديت أكتب واجلب كْتاب بكْتاب آخذ معَانيهن واخلّيهن بْصوب

إذا الشِّعر يا ناس قِدْ جاب ما جاب وان جاك شِعري بالفعِل جَاك مَكْتوب

هذا وانا أرقى على كل مرقاب أسري بليل الضدّ من فوق عَرقوب

هذا وانا أشّر وهي تطير أسراب بيض الحَمام تطير ما تحمل ذْنوب

هذا وانا تايب وإبليس ما تاب هذا وانا أنعَت وهو ضَيّع دْروب

هذا وانا أضحَك وهو يضحك بْناب ثوبي ستير وصاحبي عَاري الثوب

هذا وانا اعدّ الخَطا عَد لِتْراب ينعد كيف انعد وهو كان محسوب

بعض البشر تحسب على كيف الاسباب وبعض البشر من دون سِبّه ومطلوب

كلٍّ يحَسْب احساب وآنا احسب احساب وْكلٍّ يجي باسلوب وآنا لي اسلوب

بَابٍ فتح من بَاب والباب كَذّاب بَابٍ إذا يفتح ترى الباب مَكْذوب

هذا وانا اغنّي وانا اقول سَحّاب سَحّاب يَمطر صوب وانا أمطر بْصوب

مثل العروق تجيس وتدق الاعصَاب أو مثل سَاحِر طار في الجو مجلوب

من هو يأمِّن يمشي بْليل في غَاب بعض العَسَل يا صاحبي سَمّ مَشْروب

هذا هَدفيه صبته وْصَاب بصواب صوب الذي صَوَّب ولا صاب مَصيوب

بحرٍ غزير وْطامي البحر عَبّاب ونَارٍ تطَفّي نَار من حَرّ لاهوب

حَدٍّ عليه عيون والناس رقّاب وْحَدّ اختفى لو كان بالحيل مَرقوب

حَدٍّ يشلّ سلاح وْحَد شايل حْراب حَدّ يعشق شْروقٍ وْحَد يعشق غروب

حَدٍّ يشيل الهَم في ضَرب الاصحاب كل من ضَرب في يوم له يوم مَضروب

أنا معَادِل آخذ الحُب لاحباب وْكلٍّ يحب الطيب .. الطيب محبوب

قالوا سَهَل إنّي أنا أفتح الباب وانا هويت الصعب لو دارت حْروب

لعبَه وانا ألعَب على كل الالعاب طبعي أنا غَالب ولا آكون مَغْلوب

البرق النجدي

12-05-2010, 11:53 PM

http://www.youtube.com/watch?v=IIF8fiQY0EQ

البرق النجدي

12-05-2010, 11:59 PM

http://www.youtube.com/watch?v=j3wqGuaTC-I&feature=related

البرق النجدي

12-05-2010, 11:59 PM

اختار من بعدي متغليه لعيون غالي

والشاعر / حمــــــــد السعيد ...........

متغلية لعيـ غالي ــون

12-06-2010, 08:14 AM

الف شكـر بـرررووقة عالاخـتياااار..

تحيــاتي ..

متغلية لعيـ غالي ــون

12-06-2010, 08:16 AM

http://www.abyat.com/images/news/news_hamad%20alsaeed322.jpg

مات الجمر وقلوب الأحباب حيــّـــة ..

مات الجمر فيني وقلوب الاحباب حيه
.......................................... والموت لا ماتـت قلـوب الحبايـب

يا شيشتي لو فيـك ذنـب وخطيـه
.......................................... معاك احس اني عن النـاس غايـب

العام كانوا لي من الاصحـاب ميـه
.......................................... وقت الرخا لكـن جفـوا بالنوايـب

لا هنت يا قلـب شكـا مـن خويـه
.......................................... كم راس من طعنات الاصحاب شايب

مرات اقـول ان الخبـل يـا هنيـه
.......................................... ولقيتهـم يشكـون ظلـم القـرايـب

ومرات اقول النـذل لا رحـم حيـه
.......................................... واثر النذل في بعض الاوقات صايب

يا نفـس شيليهـا علـى السامريـه
.......................................... شيلت طرب ما عاد فيهـا طلايـب

وش لـي بتنيهـه القلـوب العميـه
.......................................... وحنا فـي هالدنيـا دروب وركايـب

ابتغـزل فــي هـذيـك البنـيـه
.......................................... بنـت تفـل القلـب فـل الذوايـب

كـم بعثرتنـي وجمعتنـي هنـيـه
.......................................... بنفس المكان اللي جمعنـا غرايـب

يا ضعفهـا معهـم وعنـدي قويـه
.......................................... منها غـدى ثلثيـن قلبـي خرايـب

مرباعهـا بيـن العيـون الشقـيـه
.......................................... ومقيضها بيـن الجـروح العطايـب

ما قـول يذبـح زينهـا بـس هيـه
.......................................... تلفت لها قلـب عـن الحـب تايـب

ولا قول مغـروره ولا هـي خليـه
.......................................... فيهـا دلـع طفـل تبنـاه شـايـب

جمـال نـجـد وفتـنـة حايلـيـه
.......................................... وش جمـع الثنتيـن فيهـا عجايـب

اليـا قبلـت بيـن حسنـات وسيـه
.......................................... يا كثر ذنبي بين طيـب وغصايـب

وليـا دبـرت فـي دمعتيـن نديـه
.......................................... قلب معاها وقلب في الصـدر ذايـب

راح العمر ما بيـن روحـه وجيـه
.......................................... يا كثـر غلطاتـي ولا نيـب هايـب

شب الجمر مـا دام الاشـواق حيـه
.......................................... وطف العتب والعمر ضحك ومصايب

متغلية لعيـ غالي ــون

12-06-2010, 08:21 AM

http://www.groupind.net/home/music/hamadalsad.jpg

الفـــراق ..
كنت الوم اللي يضيق الغاب خله
.....لين جربت المحبه والفراق وقلت توبه

لعنبو جد المفارق فيه هم وفيه ذله
.....أثر كل الحب لذه والفراق أكبر عيوبه

أمس فارقت الغلا ومفارق الخلان علّه
.....والعلاج الوصل لا تبلش طبيب ولا حبوبه

الزعل هو سبة الفرقا يهز الحب كله
.....ليتني طولت بالي قبل لا يعلن غروبه

واهني اللي وسيع الصدر صدره وسع فلّه
.....غلطة الصاحب تجي وتروح ما هي بمحسوبه

سامح الله طبعي اللي للتغير يا لعله
.....قاظب خلك عزيز ولين صارت لي عقوبه

ليش تحسب غلطة الصاحب على الصاحب مذله
....ليش ما تحسب ميانه لو تجي عشرين نوبه

لا وربي كنت احبه حيل ما دورت زله
......لا تشكك في غلاه ولا تساعد في هروبه

لايمي قبلك تعبت الوم شعار المجله
.....وكنت مؤمن في مقولة اعذب الشعر الكذوبه

واثر كل في حياته له تجارب مستقله
....وانت لا تشره على مثلي وتبلى لك بحوبه

كان جابتك الحميا روح له تكفى وقله
....لايخليني واذا وده يخفف من ذنوبه

يستخير وله غلا قلب صدوق ما يمله
.....فدوة له كل قلبي من شماله لي جنوبه

يوم قفا والخفوق يفوح عقبه فوح دله
.....وسط رقدة واحد عز الشتا والسهر دوبه

لا تقهوى بارده من برد فنجانه وزله
.....ثم قربها على جال الجمر وارهى شبوبه

وين يدله هالخفوق وكل ما يدله يتله
.....طاري اللي يا كثر ما اتعبت رجلي في دروبه

لا طرى جريت ونة من بلاده مستحله
.....مثل ما راحت بلادي مع شعارات العروبه

كل هاجوس يجيبه جعل شعري فدوة له
.....وا عذابي كل ما جابت لي الجبله هبوبه

مشغل قلبي بحبه دون خلق الله من الله
.....هيه ياللي ممتلكني حسن واسلوب وعذوبه

ما سمعت ان الخوي له بالخوي تسعين زله
.....وانت طوف زلتي يا عل تفداك اللعوبه

صاحبي سيف الهجر لا صرت تقدر لا تسله
....ما تظن ان العفو عند المقدره اكبر عقوبه

ايه انا اللي كنت الوم اللي يضيق الغاب خله
...بس جرب المحبه والفراق وقلت توبه

كنت الوم اللي يضيق الغاب خله
.....لين جربت المحبه والفراق وقلت توبه

لعنبو جد المفارق فيه هم وفيه ذله
.....أثر كل الحب لذه والفراق أكبر عيوبه

أمس فارقت الغلا ومفارق الخلان علّه
.....والعلاج الوصل لا تبلش طبيب ولا حبوبه

الزعل هو سبة الفرقا يهز الحب كله
.....ليتني طولت بالي قبل لا يعلن غروبه

واهني اللي وسيع الصدر صدره وسع فلّه
.....غلطة الصاحب تجي وتروح ما هي بمحسوبه

سامح الله طبعي اللي للتغير يا لعله
.....قاظب خلك عزيز ولين صارت لي عقوبه

ليش تحسب غلطة الصاحب على الصاحب مذله
....ليش ما تحسب ميانه لو تجي عشرين نوبه

لا وربي كنت احبه حيل ما دورت زله
......لا تشكك في غلاه ولا تساعد في هروبه

لايمي قبلك تعبت الوم شعار المجله
.....وكنت مؤمن في مقولة اعذب الشعر الكذوبه

واثر كل في حياته له تجارب مستقله
....وانت لا تشره على مثلي وتبلى لك بحوبه

كان جابتك الحميا روح له تكفى وقله
....لايخليني واذا وده يخفف من ذنوبه

يستخير وله غلا قلب صدوق ما يمله
.....فدوة له كل قلبي من شماله لي جنوبه

يوم قفا والخفوق يفوح عقبه فوح دله
.....وسط رقدة واحد عز الشتا والسهر دوبه

لا تقهوى بارده من برد فنجانه وزله
.....ثم قربها على جال الجمر وارهى شبوبه

وين يدله هالخفوق وكل ما يدله يتله
.....طاري اللي يا كثر ما اتعبت رجلي في دروبه

لا طرى جريت ونة من بلاده مستحله
.....مثل ما راحت بلادي مع شعارات العروبه

كل هاجوس يجيبه جعل شعري فدوة له
.....وا عذابي كل ما جابت لي الجبله هبوبه

مشغل قلبي بحبه دون خلق الله من الله
.....هيه ياللي ممتلكني حسن واسلوب وعذوبه

ما سمعت ان الخوي له بالخوي تسعين زله
.....وانت طوف زلتي يا عل تفداك اللعوبه

صاحبي سيف الهجر لا صرت تقدر لا تسله
....ما تظن ان العفو عند المقدره اكبر عقوبه

ايه انا اللي كنت الوم اللي يضيق الغاب خله
...بس جرب المحبه والفراق وقلت توبه ...