ردعان في المجلس صناديد وفهود=والروح في وجه العدو يرخصونه
اخوان سوده يوم طارد ومطرود=يوم القبايل رزقهم ينهبونه
يوم السرب مابين حاوي ومردود=والمال في ظلم الجهل يسلبونه
الى عثة شهب الرمك غالي الذود=صبحا عليهم شيب الراس كونه
وتبارزوا مابين ظاهد ومظهود=وكل قلب وجهه على غير لونه
ودخن عسام الجو عجن وبارود=والنذل جبن والبطل ينتخونه
وحول ثقيل الرجل في تالي القود=المعترض في ارض البطل يتبعونه
والظفر ابو غلاب يضرب على الكود=سبع الغدارى يقصر العلم دونه
تفكها الردعان من كل ممرود=كم فارس من دونها يطرحونه
يوم الرخوم وقوف ووجوههم سود=اخوين والبوش العفر يحتمونه
حرام مايوخذ من البوش مفرود=والى اوخذ من جارهم يلحقونه
وعندي على ذللك براهين وشهود=غصبا على الي فعلهم يجحدونة
هذا صحيح وعند الابطال موجود=والا الثعالب ماء البحر يشربونه
نظرة الحب
10-12-2010, 05:08 PM
شباب يا اللي عليك السود منشوره :: ارفع مقـام الرجولـه لا تخربهـا
يا ناس عيني من الموعات مذعـوره=ونفسي عيال الفلس جابوا حضايبها
وقلبي يزوم الزعل والكبد ممـروره=حسيت باللي عيوبه ما يحس ابهـا
لا قيت رجل وفيه من المره صـوره=يمشي على العيب نفسه ما يعاتبها
يوم يتمخطر يقلد مشـي غنـدوره=عن مشية الرجل للخفرات يقلبها
قلته ونا من شباب اليـوم مقهـوره=كيف الحمايل تجنب عن مذاهبهـا
يابنت شومي عن اللي يمشط اشعوره=ويميل بالكعب ووروكه يهز ابهـا
ليته لبس له بلـوزه فـوق تنـوره=يوم المناقيد مـا يـدري عواقبهـا
اهل الخنافس غدوا لأبطالنا عـوره=يا كيف نجد يتمشـون ابمناكبهـا
شباب يا اللي عليك السود منشوره=ارفع مقـام الرجولـه لا تخربهـا
ترى الشجاعه لجيشٍ صف طابـوره=نقالـة البندقيـه مـع مقاضبهـا
عاشوا حماة الوطن في عهد اخو نوره=درع الجزيره ليا شبـت حرايبهـا
نظرة الحب
10-12-2010, 05:08 PM
اللاش مامـن حياتـه زود :: من تاخذ اللاش خسرانه
اللاش مامـن حياتـه زود=من تاخذ اللاش خسرانه
جبان مايعـرف المنقـود=شره على بيت جيرانـه
يابنت شوق قبل موجـود=خرب على البيت سيسانه
ماغاب عنك اليال السود=ولاطلع البعـد برهانـه
ولا شاف نقالـة البـارود=والجيش ما طب ميدانـه
طابورهم ينعش المضهـود=مع طلعت الشمس تيجانه
ضرب المدافع تقول رعـود=والحرب لا قوةٍ شجعانـه
عاشوا هل الموقف المشهود=درع الوطن ضد عدوانه
ابطالنا اللي تقول أوسـود=يشهد على الحرب نيشانه
نظرة الحب
10-12-2010, 05:09 PM
حمام ٍ على راس الطويله يجر الحـون :: على ناعم اغصان من الوسم غريافي
حمام ٍ على راس الطويله يجر الحـون=على ناعم اغصان من الوسم غريافي
تثير النفوس وتبتلي قلبـي المحـزون=تعاون عليه بلوتي والزمـن جافـي
هواجيس نفسي في نجـوم الكـون=ولا شك حظي بار في جملة اهدافي
ألا يا كبر بلواي والناس ما يـدرون=تجدد حياتي كلهـا هـم واتلافـي
ألا يا هل الفرت الحمر ريضو بالهون=نخاكم دريكٍ ضاع امدوه بأسعافي
ترى الطايله من فعل الجواد لا تكبون=خذو بيد المرعوب قدام وخلافـي
خذوا بيدين الهارب اللي قتيل غبون=تلاقي المهالك والعطش والقدم حافي
طبع في روابي نجد يكفخ كما المجنون=سرى في ظلام الليل يوم القمر طافي
تلقى مراب لذيب يوم العرب يغفون=تسلل مع الغابات من خوف ينشافي
زمانٍ عليّه مال وأهلي عليّ يخطـون=حياة البشر فيها تعرضت الأصدافي
توحشت مع جو الخلا والحياة ظنون=شربت المنون بيوم كل شرب صافي
نظرة الحب
10-12-2010, 05:09 PM
مرثيه في سمو الامير فهد بن سلمان بن عبدالعزيز ( يرحمه الله )
ما اوسع طعونك يا حدث عام الالفين=ما تنتعالج فجعة ٍ راعت الناس
يابو فهد في لوعتك لك معزين=وكل على نجلك شرب علقم الكاس
وحنا لحزنك ياذرانا محازين=نفديك يا سلمان بقلوب واحساس
نبكي فهد جابر كسور المصابين=ريف الضعيف اللي توالاه الاتعاس
اليا زبن مجهد القل والدين=يبكي وينخا يا فهد يا اصعب الراس
حرٍ تنهض وانتفض بالجناحين=من يشتكي له ما يعود بالافلاس
يا عين هلي وانثري الدمع يا عين=كما نثر حبرٍ على صفح قرطاس
لو الحدث فجأت قوم مغيرين=والله لننطح عن فهد قطع الانفاس
اليوم يا نجد العذية فهد وين=انا اشهد ان جوك سقط منه قرناس
مرحوم يا شيخاً بني فوقه الطين=في غربته يالله تمده بالاوناس
نهدي الدعا له من قلوب المحبين=من حبه الله ساد حبه مع الناس
فهد مراويح الكرم بيرق الدين=رمز الصخا لو انطوى دونه الياس