السلام عليكم ورحمة الله وبركاته,,,




احببت ان اضع بين ايديكم اجمل قصائد شاعرنا الكبير عبدالله الردعان الغزلي


ولن اكتب مقدمة عن الشاعر لانه اشهر من نار على علم وغني عن التعريف وستقدمه قصائده




للعلم القصائد موزعة في صفحتين



http://www5.0zz0.com/2009/11/22/12/620187379.jpg (http://www.0zz0.com/)





http://www5.0zz0.com/2009/11/22/12/385250358.jpg (http://www.0zz0.com/)










((( تذكرني اذكرك )))





تذكرني اذكرك تنساني يجي غيــرك

هذي حياتي وانا ادري في طبـايعهــا



صحيح احبك واداري شرك وخيرك

وشلون اسلمك نفسي وانت بايعهــــا




تفكيــري اليــوم ماهــو مثل تفكيـرك

ابصم على العسر فيـديني واصابعهـا



قصــرت ماتستحي من كثر تقصيـرك

جتني عـواذلـك تكشـف لي براقعهـا



انا اعترف تعشـق ايـامي مشاويــرك

والقاك مجروح في صدمات واقعها



علمتـك الحال جازتلي تعـابـيـرك

واشفيـك في زلــة لسانـك تضيعهــا



سـود الليالي تعــذبنـي بتغــيــرك

عقب التفاريـــح ضيقـاتي تجمعهــا



فيديـك تكـبـيــر منزلتك وتصغيـــرك

والعشـــرة اللي على بالي ترجعهــا

((( غالي حنانك )))








يا واهـب المحتـاج غالـي حنانـك

مغليك لو كنت الشقي منـك مغليـك




فـي غيبتـك دورت واحـد مكانـك

ابغى التسلي ميـر زاد الولـع فيـك




ما خانـك الخافـق ولايـوم خانـك

لو كنت مع غيرك سمعتـه يناديـك




سوالفـك ضحكـات شفـة زمانـك

تطريك عندي وين مارحـت تطريـك




محـدن معوضنـي حـلاوة لسانـك

واحساسك اللي عن هوى الغير مكفيك




رديت لـي حبـك وقلبـك ضمانـك

ورديت لك في غالي العمـر شاريـك

(( العجيب ))




ما تَعجّبْت مِنك خابر انـك عجيـب

اتعجّب من اللي عارفـك وعْشِقِـكْ




الحبايب لهلْها مِثْـل سكَـر حليـب

وانْت عَلْقم مِكدّر خاطـري مَنْطِقِـكْ




ما تفيد الرسايل والمواصل صعيـب

اذْكِر اللي مِن احساس الغلا ذوّقِـكْ




لا تَحسْب الغلا جَرحٍ دواه الطبيـب

الغلا لا فِقَدتْ اصويحبـك يَحْرِقِـكْ




روح دوّر مع الدنيا بكيفـك حبيـب

ميـر لا تَنْثـر العبـرات لا وهِقِـكْ




من نسى عشْرة الطيّب رديّ النصيب

خَلْ ذكراه لاهـب الهـوى شَوقِـكْ

(( يا اللي اتغلى ))







البارحة سهران ودمعي يهلـي


على حبيب خان عهد المحبيـن






محدن يلوم العين فيما حصلـي


اسهر وعندي استوى الليل ليلين






يا مل قلبن راح عنـه المسلـي


ماله رفيق ولا لقالـه مسليـن






هذي ثلاث شهور من راح خلي


وانا انتظر لاماه حين بعد حيـن






من قبل لا جيته يفـز ويهلـي


واليوم كنه ناسي عدت اسنيـن






يا اللي اتغلى خل عنك التغلـي


الكبر لله يـا عنـود المزاييـن






اجر ونـات ولاحـدن فطنلـي


لا هو داريبي ولا الناس داريـن






ليا ذكرت أيامنا اللـي مضلـي


هلت ادموعي وقلت لا لا تهلين






قالوا لي العـذال خلـه يولـي


تلقى بدال الزين عند العرب زين






الله جعل حب الشقـا مهنتلـي


وشلون ابدور بدال اريش العين






لكـن يومنـك نويـت التخلـي


ماني بملـزوم بطـرد المقفيـن

(( اه ودعتك ))




آه ودعْتِك وانا البارحْ معاك



ساهرين الليل يا الحب الْفريد




كِنْت حاير بس اهذْري في غلاك


دَمْعتي في دَمْعتِكْ تكْـتـِبْ قِصيد




نَحْسب الساعات واشْقاني هواك


ودّنــا تْبـطـي ولكن مـا يفيـــد




كل ما سجلْت لك موعد لقاك


تلتفت ليّــه وبالجملــه تعيـــد




هاك عَهْدي هاك كلْ الحب هاك


بسْ لا تَرْحل.. عن عيوني بعيد




إنْ ضحكت الود يَضْحك في شفاك


واشْعر اني صاحب الحظ السعيــد




وإنْ بكيت الود يبكي من بكاك


واذْكر التوديع والحسّره تزيد




وافْترقنا غصْب ما قصدي جفاك


للظروف احكام تفْعل ما تــريــد

((( قطعت الامل )))









سمّح اللّه طًريقك لانًويت الرَحيل

مَنْت الاول على دَرْب الموادع رحل



قبلي النّاس واجد سوّت المسْتحيل

ودّها ما تًوادًعْ والموادَعْ حصل



جيتني تَسْبق الخطوات عابر سبيل

رحت مني غرامك بالضماير نزل



شكْوتي بالقصايد للمحبه دليل

ذَوْقَتْك المراره بعد طَعْم العسل



ذكرياتي على بالك تحط وتًشًيل

لا تًذَكّرتْ فعلي يحتويك الخجل



عزّم القَلْب ورْحل لا ترد الجمَيل

مابقا غير تَلْزًمْ خَطْوتًكْ بالعجل



روح لا تلتفت لي قَبْل دمعي يسيل

والله إني مًنَ الضيقه قًطَعْت الامل

((تثبت الايام ))





لا تردي صار قلبك مـن حجـر
يرحم الله عشرة الحـب الكبيـر





((تثبت الايام )) من فينا خسـر
والندم ما يبري الجرح الخطيـر





من جرحتي خافقي وقت السفـر
خاب ظني قبل تحديـد المصيـر





ما يبيع الود مـن قلبـه عمـر
بالوفا لوحدة الظـرف العسيـر





العنـاد اللـي تخفينـه ظـهـر
والتحدي طبع بالعقـل الصغيـر





ضاع طيب النفس في حبك هدر
كم عطيت الحب من قلب كثيـر





كم قطفت الورد من غصن الزهر
يطرب المشتاق لا فـاح العبيـر





باقي الذكرى على شـط النهـر
ودها عن فكري العابـس تطيـر





ما بقالك شي من حكـم القـدر
الغلا مكتوب لـه عمـرٍ قصيـر





الحظيظ اللي على الشده صبـر
واثق الخطوات في دربه يسيـر





المولـع مـن يلومـه لا سهـر
وان تصبر عاش بالدنيا بخيـر





العذول اللي يموت امـن القهـر
ما يلاقي له على الطيب نصيـر





يا عـروسٍ ترتجي رد الخبـر
بلغوهـا لازم الفرقـا تصـيـر





شجرة الصفصاف ما تعطي ثمر
مثل نور الشمس ما فادر الضرير





فـي جفانـا لا تعيديـن النظـر
ما يطير الطير واجناحه كسيـر





جربي غيـري كثيريـن البشـر
تعرفين القطن من سلك الحريـر




فرق مـا بيـن الثريـا والقمـر
لا حكمتي بالعدالـه والضميـر





ما يجيب الدانـه اللـي بالبحـر
غير غيصٍ غاص بالجم الغزيـر





من خطانا نأخـذ دروس وعبـر
والقناعه كنـز للعقـل البصيـر

(( ياشوق ))







اللي له الروح طول العمر ولهانـه


لا يعتذر يبذل الواجب على شانـي






ما يحتمل خافق الاشواق هجرانـه


لا غاب يسري به الهاجس للاحزاني






واصارع الغبن في خفقات حرمانـه


واذوق طعم الجفا من حر ما جاني






واذا ظروفه سببها عـاف خلانـه


قالو له الوقت يكشف سر هجرانـي






الحب بلوى على اللي ضاع برهانه


مثل الذي حب شخصٍ حب له ثاني






يا شوق ضحيت بالغالي على شانه


ذكراه ردد صدى عذبات اللالحانـي






يا شـوق وده يعودنـي بنسيانـه


وادري به ان غاب في يوم تمنانـي






يا شوق رحال بالضيقة عن اوطانه


مجروح مقهور امتحسف وزعلاني






هذا نصيبـي كتبـه الله سبحانـه


ضحكني العام ميـر اليـوم بكانـي

(( انا عيوني ))







أنا عيوني لو تِشـوف المزايين

قلبي مع اللي خصْني في غرامه





قلبي خضاره مثْل لون البساتين

كلما كبرْت ازيد مدري عــلامه




تَطْري وتَطْري ذكْريات المحبين

ورِفْ قلبي مثل رَفْ الحمامـــه





واحِسْ كني فوق عرْش السلاطين

بيـــن الثريــا راسملي علامــه





واسْري مع الهاجس على العِسْر واللين

واسْهر مــع نــورٍ يجـلـيّ ظــلامه





والشوق ياخذْني على دمعة العين

لا هيّضتنـي حالــةٍ مستهامــــه





وين انتْ يا غرْوٍ عشقْته من اسْنين

حرمــت عيني شوفِـتـك ببتسامــه





ادوّرك واذْكِرْك حينٍ بعد حين

وارْتاح لاشفْتك بخير وسلامه

وسلامتكم


جميع ما كتب من قصائد

للشاعر الكبير : عبدالله الردعان