الجزء الأول :
على أذان صلاة الفجر يدق المنبه بغرفة أبوسلمان وطبعا بدايه يوم جديد يقوم بصعوبه لأنه كان سهران أمس عنده قضية بخصوص شغله في الهيئه
أبو سلمان انسان حبيب وطيب بقوة والكل يحترمه ويقدره وكل همه عياله وتربيتهم وماله خصوص وتدخل بالناس
قام أبو سلمان وتوضأ للصلاه واتجه لغرفة سلمان ويطق الباب بس ما أحد يرد وطقه مره ومرتين وثلاث بس مااااااافيه أمل يقوم لأنه معروف بنومه الثقيل جدا قام أبو سلمان يصرخ بقوه لدرجة أنه نط من السرير من الروعه
أبوسلمان : وبعدين معك كل يوم لازم أصرخ ويسمعون الجيران عشان تقوم ..
سلمان : اسف يبه بس واالله ماسمعت ..
أبو سلمان : كل عمرك أنت ماتسمع قم يالله ..
سلمان : طيب هذاني قمت ..
سلمان هو الكبير في هذي العايله وهو يدرس أول سنه في الجامعه هندسه شخص مرح ونكوت بس مع كل هذا مؤدب ومحترم مايقل أدبه مع أحد ..

يمر أبو سلمان على غرفة عبد الله ولقاه قايم
عبدالله انسان مرتب وجدي شوي وعاقل وفي المدرسه من الأوائل الكل دايم يمدحه وهو صف ثاني ثانوي ..

نروح شوي لأجواء البنات تجي أم سلمان تقوم منيره والعنود
منيره .. أكبر من سلمان وهي بثالث جامعة تدرس قسم دراسات انسانه هاديه جدا وغامضه ما احد يفهمها ولا تعطي أحد وجه طبعا هي أختهم من أبوهم لأن أبوها مطلق أمها ..

العنود : مرحه والدنيا عندها فلله وهي اللي تضفي جو المرح على العايله بصف ثالث متوسط

من أول مادخلت أمهم نقزت منيره وقامت لأن نومها خفيف مره
أم سلمان : يالله بنيتي الصلاه وقومي أختك ..
منيره : ان شاء الله يمه <<<< متعوده تقولها يمه من يوم هي صغيره

منيره : العنود يالله قومي صلي وبعدين وراك مدرسه .
العنود متلحفه بالبطانيه وضامه المخدة وتقول : طيب طيب
( تسكت أختها )
وبعد معاناه قامت عنودة ونزلت تفطر لانه لو ماتنزل راح يجيها هواش محترم من امها
وهي نازله مع الدرج كانت العايله مجتمعه في الصاله
أبو سلمان وأم سلمان وسلمان وعبدالله ومنيره وعموري أصغر واحد بصف ثاني ابتدائي دلوع امه
العنود : السلام عليكم
الكل : وعليكم السلام
وراحت حبت راس أبوها وأمها
العنود :صباح الخير وجلست جنب سلمان
أم سلمان : صباح النور يالله افطري بنيتي
العنود ماتشتهي شي بس عشان أمها بدت تاكل وسلمان بدا ينرفزها خذا كاس الحليب حقها وشرب منه
هي ناظرته باحتقااار
العنود : خير ماعندك كوب تشرب منه
سلمان : لا بس أشوف نفس طعم حقي ولا لا هههههه
العنود : وش هالرواقه على الصبح تنكت انت ووجهك
سلمان : وش فيك أحد مصفقك قبل ماتجين ..
العنود : لو سمحت اسكت ماني فاضيه
أبو سلمان : خلاص انت وياه مانسلم منكم حتى على الفجر

شوي وقامو منيره والعنود يتلبسون لأن الباصات راح تمر بعد ربع ساعه
منيره نازله من الدرج ولابسه تنوره سوداء وبلوزه سوداء وفوقها بدي لونه أبيض وفيه كتابات باللون الأسود وشعرها كان طويل إله آخر ظهرها مدرج ماسكتها بشباصه والخصل على عيونها وحاطه كحل ومسكره وقلس خفيف وطالع شكلها نعومي
وتسمع صوت الباص يضرب بوري تلبس عباتها بسرعه وتطلع قبل مايمشي لأنه مايصدق أحد يتأخر ..

نروح لعنود وخرابيطها لبست مريولها اللي مافيه موديل الاحطته فيه كانت رافعه شعرها كله فوق بربطه لونها وردي وحاطه شباصات ورديه ومطقمه حلق وردي بعد وراحت فتحت الدرج وطلعت كحل مع انه ممنوع في مدرستهم بس هي عنااااد وحطت كحل داخل العين وتسمع أمها تصرخ : يالله الباص جا
تنزل بسرعه وهي تقول : أنا ماادري ليش عندي اخوان بس كذا منظر مايودون ولا شي
أم سلمان : اذكري الله اخوانك عندهم دراسه بعد
ماردت على أمها وطلعت بسرعه

في جامعه العيال عند سلمان
سلمان : هلا والله بولد العم
سعود : هلا بك سلوم
سلمان : جا الأستاذ ولا توه .
سعود : لا تخاف جايك الحين هذا مصري مايضيع ولا محاضره بحياته ..
سلمان : الله يقلع ابليسه يكفي ملعوزنا في الدرجات بعد ..

سعود ولد عم سلمان وصديقه روح بالروح ومعه بنفس القسم لأن ميولهم وتفكيرهم تقريبا واحد
وشوي يدخل الأستاذ : السلام عليكم
العيال : وعليكم السلام وكل واحد لاوي خشته
سلمان : الله يعدي هالساعتين بسرعه
الأستاذ : أي بتأول ياأخ سلمان ماسمعتش حاقه
سلمان : أقول أأأأ أستاذ حليت الواجب اللي عطيتنا اياه
سعود كان ماسك الضحكه على شكله وبغى يفضحه بس عدت على خير هالمره لأن الأستاذ ماسمع زين ..

عند مدرسه البنات دخلت العنود وقابلتها صديقتها سحر
العنود : هههههههههههههههههههههههههههههههههه
سحر : خير وش فيك
العنود : شوفي أستاذه مريم وش لابسه والله ما أدري من وين جايبه هاللبس هههههههه
سحر : روحي بس أحسب عندك شي جديد دايم هي كذا بعدين استغفري خذت حسناتنا.
العنود : استغر الله بس غصب عني ..

: العنوووووووووووووود بسرعه وقفي على جنب

التفت العنود إذ بالمديره مكشره أنيابها
سحر : هع هع يالله يامسكينه وقفي قايله لك لا تحطين الكحل بس تعاندين أنتي
العنود بصوت خفيف : انقلعي بس

وتروح العنود توقف مع البنات المخالفات وطبعا متعوده على
هالشي ...

منيره في الجامعه كان عندها of وقاعده مع الشله ساره ولمياء ليلى ..
ليلى : بنات وش حابين تاكلون بروح الكافتريا ..
ساره : أنا مشتهيه بيتزا حلوه حقتهم صراحه وجيبي أي نوع عصير ..
لمى : أنا جيبي أي نوع شوكلاته ..
في هالوقت كانت منيره سرحااااااااانه وماتسمع إلا ليلى تصرخ في وجهها ..
ليلى : منووووووووووووووور
منيره : خير نعم ليش تصارخين ؟؟؟؟
ليلى : وأنا من الصبح أناديك وأنتي في عالم ثاني ( اللي ماخذ عقلك يتنهنا به ) وش حابه تفطرين ؟؟
منيره انحرجت شوي لأنه مو أول مره يصير قدام صديقاتها هالشي دايم تفكر وسرحانه ..
منيره : أي شي ليلى على ذوقك ..
ليلى عطتها نظره تفهمها انها زودتها حبتين ومشت ..

جلسو البنات يسولفون ومنيره تحاول قدر الإمكان تدخل معهم وتسوي نفسها طبيعيه ..
لمياء : ماتصدقون وش كثر حلو الفستان وألوانه تجنن حتى اختي حنين انهبلت عليه تقول روعه بس سعره غالي
منيره : قهر ليش بكم هو ؟
لمياء : 2500
ساره : لا حرااام صراحه تلبسينه ليله وحده وبعدين في الدالوب ما احد يلبسه ..
منيره : ايه صح صادقه دوري لك واحد ثاني ..
لمياء : أصلا أخوي ماادري وش هالعرس اللي جاي مو في وقته ماأدري أفكر بالعرس ولا الامتحانات ..
ساره : ياحليلك تدرين زواج أختي متى كان يوم الجمعه ليله اول يوم من المدرسه .
منيره : ههههههه ضاقت عاد هالرجال مايفكرون إلا بأنفسهم بس


وتجي ليلى من بعيد وشافت منيره تضحك وارتاحت شوي ( ليلى صديقه منيره من يوم كانو صغار وهي تصير جيرانهم )

الساعه 12 ونص الظهر انتهت الدوامات والكل بيرجع البيت تعبان هلكااااان واليوم عند الكل غييييييير لأنه يوم الإربعاء

سلمان في الظهر لازم يمر على منيره ياخذها لأن الباص مايقدر يجيبها ولو جابها تاخر عليها
سلمان يكلم منيره بالجوال
سلمان : ألوووووو
منيره : هلا سلمان
سلمان : انتي وينك ؟؟ وش هالإزعاج حشى هالبنات بالعين مسجلات مايسكتون ..
منيره تبتسم من كلام أخوها
سلمان : يالله اطلعي أنا عند البوابه
منيره : طيب .. وسكرت

منيره : ياالله بنات مع الســــــــــــلامه
الكل : مع السلامه

وهي ماشيه لحقتها ليلى
ليلى : منيره وش فيك اليوم إلا اقول كل هالأسبوع وانتي متغيره
منيره تبتسم : لا أبد ليلى مافيني شي .
ليلى :تحسبيني ما أعرفك صديقتك من الطفوله وأعرفك زين
منيره تنزل راسها وفي بالها ( مهما كان هذي ليلى أختي اللي ماولدتها امي اللي ياما وقفت معي ليش أضيق صدرها واحاول أخبي اللي فيني .)
منيره : ليلى مصيرك بتعرفين الحين انا ما أقدر أتكلم عن الموضوع وتبتسم وتقول : أقول ليلى تأخرت على سلمان أكلمك بعدين مع السلامه .
ليلى تبادلها الابتسامه : مع السلامه .
ليلى في بالها ( ليش تحاول تتهرب دايم من سؤالي والله تعبت منك يامنيره أنتي ماتدرين وش كثر أغليك وأعزك وتتوقعين عادي عندي أشوف الحزن بعيونك ولا أساعدك الله يفرج عنها وييسر امرها )
في السياره ..
منيره : السلام عليكم كيف الحال سلومي ؟؟
سلمان : وعليكم السلام ياحظي أنا سلومي ههههههه تمام وكيف الجامعه اليوم ؟؟
منيره : الحمد لله حلوه ..
................................ لحظة صمت .................................

سلمان : منيره .
منيره : هلا سلمان
سلمان : بسألك سؤال بس ماتفهميني غلط
منيره : لا عادي انت أخوي على عيني وراسي .
سلمان : أنتي ليش تحاولين تبتعدين عنا رغم انا اخوانك ولا عشان احنا اخوانك من ابوك ؟؟
منيره ماتحب هذي الطاري وتعبر نفسها مثلهم ومافيه فرق بينهم : لا سلمان أنا كذا طبعي واني ما اتكلم مع اخواني كثير موب عشان اني ما ابيهم بالعكس بس أنا تعودت كذا ..
سلمان : أنا اخوك ويامنور ولاتترددين والله أفرح بخدمتك .
منيره : الله يخليك لنا دايم تحرجني بمعاملتك .
سلمان : والله ماسويت إلا الواجب ..

ويوصلون البيت والعايله كانت مجتمعه تنتظرهم عشان يحطون الغدا ..
وهم جالسين على الغدا
عمر : ماما انا أبغى الصحن اللي عند العنود
العنود : هذا كل شي عندي حلو عناد مافيه
عمر : ماما شوفيها
أم سلمان : العنود بلا حركات بزران عطيه خليه يسكت
العنود : والله دايم كلامه مسموع هذا الدلوع
وتعطيه الصحن
العنود : سلمان حبيبي
سلمان : وش عندك أوديك أي مكان اليوم ؟؟
العنود : من قال ابغى أروح .
سلمان حبيبي وراها شي هههههههه
العنود : ههههههههه مشكلتك فاهمني يا أخوي الحلو
سلمان : لاتقعدين تمدحين قولي السالفه واخلصي
العنود : أبغى أروح السوق الله يعافيك

منيره : ايه صادقه انا ودي اروح أشتري للجامعه من زمان ما رحت .
سلمان : امممممممممممممم أفكر
العنود : بدت حركات الذل
سلمان : ترى ما اوديك لا يكثر الكلام
العنود : خلاص خلاص أتأدب .
سلمان : بنات آخر زمن ما ينفع معهم الا العين الحمرا
العنود : هاه سلمان تودينا
سلمان : أصلا أنا اقدر أرد أحلى خوات في الدنيا
العنود : واااااااااااااااو والله انت احلى اخو في الدنيا
منيره : الله يعافيك سلمان
أبو سلمان : لا اليوم ما أتوقع تروحون
العنود ومنيره : لييييييش ؟
أبو سلمان : اليوم بتروحون عند عمكم محمد من زمان مارحنا لهم ..
العنود : اللللللللللللللله وناسه بشوف منى اليوم
منيره طبعا لازم تروح مع أنها أبد ماترتاح هناك وهي ودها تقول لأبوها أنها تبي روح لأمها مشتاقه لها مررررره

وشوي يدق جوال منيره وهي تحت ما سمعته ويوم رقت لقت مكالمات واتصلت عليه
منيره : ألووو
: أهلين منور كيف الحال ؟؟
منيره : الحمدلله تمام وش أخبارك أنت ؟؟
: يوم سمعنا صوتك اكيد بخير .
منيره : هههه الله يسلمك والله مشتاقه لك ولأمي واخواني
ناصر : وحنا أكثر وش رايك تجين اليوم ؟؟
منيره : لا ما أتوقع بنروح لعمي محمد اليوم ..
ناصر : خلاص بكره اجل عندنا أمي كل يوم تٍسأل عنك
منيره : لا تخليني أصيح وشوي تحس بأحد دخل الغرفه
منيره : خلاص مع السلامه بعدين اكلمك
ناصر : مع السلامه

وشوي دخل سلمان
سلمان : منيره من تكلمين الظهر ؟؟
منيره : ولاشي وحده من صديقاتي غايبه اليوم وتسأل عن المحاضرات ..
سلمان : أهاأبغى أفهم ليش تضايقت يوم دريتي أنا بنروح لعمي ؟؟؟
منيره : سلمان لاتفتح الموضوع راسي يوجعني أبغى انام ..
سلمان عرف أنها ماتبغى تتكلم قال : على راحتك منيره
وطلع
منيره طفت اللمبه وتغطت بالفراش وجلست تصييييييييح من قلب وتفكر في حياتها المشتته
( صحيح أبوي ماقصر علي وخالتي ماقصرت اعتبرتني مثل بنتها وأخواني ماقصرو يكفي سلمان اللي مهتم فيني بس دايم يحاولن يبعدوني عن اهلي وأبوي لا جبت له طاري امي يتنرفز ويضيق وش ذنبي أنا لا صارت المشكله بينهم ..؟؟ أنا محتاره بينهم أمي أقعد شهر أو اكثر ما أشوفها وحتى مايسمح لي انام عندها لو يوم واحد أحبها وأشتاقها وهي تتعذب عشاني وأبوي مو ماسكه إلا الجامعه والا كان زوجني بس هذي اخر سنه الله يعين وش بيصير بعدها ومكالمتي لناصر صح ولا غلط ؟؟ هو أخوي ليش أنا من كلمت رجال غريب بس أعرف أهلي راح يتنرفزون ويعصبون لا درو آآآآه راسي وجعني من التفكير .. يارب يارب
ونامت ودموعها تحكي قمه ألمها وحزنها ..
وماحست إلا بالعنود فوق راسها
العنود : منيره يالله قومي البسي بنروح ..
منيره : طيب عنود خلاص روحي ..

وقامت وكل الحزن والألم والتعب في عيونها
منيره : العنود طلعي لي لبس والله ماااالي خلق
العنود تلتفت عليها وتشوف وجهها : منيره وش فيك تعبانه تبغين أقول لأبوي نروح المستشفى ؟؟
منيره : لا لا ان شاء الله بخف
وتروح العنود تطلع لها لبس مع الاكسسوارات وعطتها اياه وتلبست بسرعه وحطت مكياج خفيف وطلعت ...

وتوجه الكل من صغيرهم إلى الكبير لبيت عمهم
منيره والعنود كانو راكبين مع سلمان
وأبو سلمان معه عبد الله وعمر وأكيد أم سلمان

ووصلو البيت
الحريم راحو لقسمهم كانت أم فهد في استقبالهم
أم فهد : ياهلا والله تفضلو توه ماينور البيت
أم سلمان : ياهلا بك منور بوجدو أصحابه وتسلم عليها
أم فهد : كيف الحال ؟؟ وش أخبارك
أم سلمان : الله يسلمك بخير
وكانت العنود ورى أمها
أم فهد تسلم عليها
أم فهد : وش أخبارك يالعنود والله اليوم منى من فرحتها مانامت ههههه .
العنود : الله يسلمك خالتي والله حتى أنا مشتاقه لها
وتسلم على منيره وتسألها عن أحوالها والجامعه ودايما أم فهد اهتمامها كبير بمنيره اللي عجزت منيره تفهم سببه ..

ودخلو المجلس ..
نروح لأجواء الرجال في المجلس
أبو سلمان : وشلونك ياولدي فهد وشلون الشغل معك ان شاء الله مرتاح
فهد : والله الحمد لله ياعمي زين
أبو فهد : هو لو يقلل سهره أزين التدريس يبيله نشاط وهو ماينام إلا متأخر الله يهديه ..
أبو سلمان : الله يهديهم هالشباب وش أخباره أبو علي متى بيزور الرياض ؟؟
أبو فهد : والله أمس مكلمني يقول هالأسبوع مايقدر عالأسبوع الجاي بيجي ان شاء الله ماقلت لي أخبار مساهمتك ..؟
وجلسو يسولفون عن الأسهم السالفه اللي إذا انفتحت عند الرجال ماتتسكر

فهد ( هو اكبر واحد في عايله أخو ابوسلمان شاب طايش أهم شي عنده السهرات والشباب ونادر مايكون في البيت تعين مدرس بعد الواسطات وكل يوم كاتب له المدير تاخير مهمل جدا )
أبو علي ( يصير أخو أبو سلمان وأبو فهد متزوج له سنتين وموضف في الدمام ويجي كل أسبوعين تقريبا يزورهم وهو ماعنده غير علي عمره سنه تقريبا )


ومن ناحيه ثانيه سعود وسلمان هذا الثنائي المرح أنواع الإستهبال

سعود : الله يقلع شيطانك وش سويت به ؟؟
سلمان : أنا أقولك أنا ما أهضمه هالإنسان لدرجه اني نسيت نفسي هالمره ..
سعود : عاد انت يا عليك حركات
سلمان : اسمع بس أنا واقف عند الإشاره وهو يأشر ويستهبل قدام العالم والناس وصرنا ملفتين للانتباه وأنا خلاص وصلت معي وحركاته هذي بايخه
سعود : ايه وش سويت ؟؟ ( متحمس )
سلمان : أبد نزل ولد عمك المصون وعطيته نظره محترمه خلته يطير من الخوف وقلت بصوت عالي ( ناس ماتستحي ولا عندها دم) لدرجه أن صاحب السياره اللي بجنبي نزل يقاله يصلح بينا سفهته وركبت السياره ومشيت ..

سعود : هههههههههههه حلو سلمان بس أنت جرئ تخيل حقد عليك تراه يسوي أشياء تخوف
سلمان : أقوووووووول لا يكثر الحكي وش قالو لك خواف مثلك ياالبنيه

سعود : ايش انا بنيه ؟؟؟؟؟؟؟ أوريك ياسلمانوه ويعطيه ضربه محترمه على كتفه
سلمان : آآآآآآآآآآآآي يالدب توجع
سعود : تستاهل عشان مره ثانيه ماتتطاول علي وتمد لسانك علي
ويدق جوال سلمان وكان المتصل عبد العزيز صاحب المشكله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عند البنات
كانو قاعدين بالمجلس
أم سلمان : وينهم البنات ماشفناهم
أم فهد : تعرفين هالتزين عندهم يبيله وقت
أم سلمان : زينات بدون شي خليهم ينزلون بس
العنود : ايه خالتي خليهم يجون
وتدخل عليهم سهى أصغر وحد فيهم كبر عمر في صف ثاني ابتدائي
سهى تسلم عليهم
أم سلمان : وش أخبارك ياسهى ؟؟
كانت مقطعها الحياء بقوووه
سهى : طيبه
أم سلمان : الحين أي صف ؟
سهى : صف ثاني
أم سلمان : ماشاء الله كبرتي
وشوي تدخل منى اللي كبر العنود
منى : السلااااااااااااااااام عليكم
الكل : وعليكم السلام
وتسلم على أم سلمان
وبعدين تلتفت على البنات
منى : العنوووووووووووود
العنود : هلا ااااااااااااا
منى تسلم عليهابحراره
منى : اشتقت لك والله وش هالغيبات لي شهر ماشفتك
العنود : وانا أكثر والله مشاغل مشاغل يابنت العم
منى : هلا منور وتسلم عليها
منيره : هلا بكم أخيرا خلصتو سلام على بعض
منى : هههههههه وش أسوي عاد أنتم صايرين ماتنشافون
منيره : أحسن حنا نخطط كذا عشان تشتاقون لنا ههههه إلا وين الجوهره ؟؟
منى ارتبكت شوي وقالت : طالعه عند وحده من صديقاتها وبترجع قريب ان شاء الله
الجوهره بالكليه ثاني سنه تدرس انجليزي والكل يشبهها بأخوها فهد شايفه نفسها عليهم وماتحب اجتماعات أهلها أبد ودايم ياعند صديقاتها ولا هم عندها وأبوفهد شخصيته مو قويه على عيالها ودايم يرحمهم لو بغو أي شي بعكس أبو سلمان

عبدالله كان قاعدد مع حمد في غرفته يلعبون بليستيشن ومتحمسين بقوه
عبد الله : ايوه ايوه بجيبها بجيبها قووووووووووووووول
حمد : طييييييب أوريك ياعبيد ما أفوتها لك
عبد الله : يالله ورنا شطارتك
حمد: ماراح تطلعون اليوم إلا وانا فايز عليك
عبد الله : عيد عيد الكلام مافهمت ترى أنا عبد الله
حمد : ومين عبد الله ؟؟
عبد الله : قوووووووووووووول ههههههههه عرفت منهو عبد الله ..

حمد تحطم  مسكين لأن عبد الله فنان في اللعب : خلاص عبدالله ماابي العب طفشت
عبد الله : هههههههههه ياحليلك ماراح تقدر تهزمني لو حاولت
حمد : وش رايك نمر على سعيد والله دايم يسأل عنك وأكيد بيستانس لا شافك
عبد الله : يالله بس لازم نعطي الأهل خبر
حمد : والله مايدرون امش بس
عبد الله : لا صراحه اسمح لي لازم استأذن من الوالد .
حمد : خلاص كيفك رح استأذن وياويلك لا عيا .

نرجع شوي لسعود وسلمان ( سلمان طبعا مارد على عبد العزيز مسوي أنه ماهمه وعادي وهو أصلا خايف
سعود: رد كانك قوي
سلمان : طيب أوريك ..

بكل ثقه : ألو نعم
عبد العزيز بصوت عالي : شف بدون كلام وبدون سلام اليوم تقابلني عند استراحه الشباب ..
سلمان : ممكن تعيد أخ عبد العزيز ماسمعت
عبد العزيز : سلمااااااااااااااان لا تخليني أتهور اليوم لازم أقابلك
سلمان : ومن صفتك ؟؟
عبد العزيز : صفتي اللي اليوم عند الإشاره لاتستغبي ..
سلمان : أوهوووووووووووووووو اخلص علي عندك غير هالكلام جيه ماني جاي تفهم
عبد العزيز : طيب يا....... وقفل الخط

سلمان يرمي الجوال جنبه وفي باله ( أنا حطيت نفسي في مشكله كبيره لكن الله أقوى منه )
سعود يعرف ولد عمه زبن هو يسوي نفسه ماخاف وهو ميت من الخوف فحب يغير عليه الجو
سعود : سلمان وش رايك أجيب اللاب توب ونفتح النت
سلمان : ايه صادق خليني أشوف الموضوع اللي نزلته وش صار عليه


عبد الله استأذن من أبوه وراح هو وحمد لسعيد وطبعا أبوه قاله لايتأخر وانتبه لنفسك وعطاه نصائح حلوه قبل مايروح

وهم في الطريق
حمد : أقول عبد الله ليش أبوك يعتبرك كذا كأنك بزر ليش مايعطيك حريه تروح أي مكان
عبد الله : ما أسمح لك تتكلم عن ابوي بهذي الطريقه وثانيا أبوي يخاف على مصلحتي وهذا شي احمد ربي عليه
حمد : ياشيييييخ عيش حياتك أنت بالثانويه الحين يعني كبير ليش تكون مراقب أنا من يوم هالسنه صرت أول ثانوي وأنا ما أخلي أحد يتحكم فيني يعني باعربي صرت رجااال

عبد الله : أبد موب هذي الرجوله ياحمد الرجوله بعقلك وطاعتك لوالديك ..
حمد : أقول لا يكثر الحكي بس ماتحس أنا وصلنا عند الباب

حمد انسان فيه طيبه بس أبوه مضيعه والكل يخاف يصير مثل فهد أخوه لكن عبد الله دايم ينصحه واللي يخلي الوضع يكون فيه أمل أن حمد يحب ويعز عبد الله كثييييييير عشان كذا أحيانا يأثر عليه



منى رقت هي والعنود لغرفتها وجلسو يسولفون وجلست توريها صورهم ..

منى : بوريك شي غمضي عيونك
العنود : بلا استهبال بسرعه أشوف
منى : نووووووووو أول شي غمضي
العنود تغمض عينها : يالله هاه
منى : شوفي وتحط الصوره قدام عينها
العنود : هههههههههههههههههههههههههههههههههههههه والله اني مملوحه ياحبيلي
منى : الا تحومين الكبد شوفي شوشتك شلون طايره
العنود : من زينك وريني صورك يالله أشوف ماتقولين الا باكستانيه
منى : غايره من جمالي أصلا
العنود : والله مشكلة الواثقين
منى تفتح الصور
منى : العنووووووود لا تفوتك هالصوره
العنود : وريني
وجلسو يضحكون من قلب
كانت الصوره جماعيه لهم كلهم كان فهد وسلمان وسعود لا بسين سروال وفنيله بس والبنات عليهم أشكال تموت من الضحك
منى ماسكه خصرها ( مسويه حركه ) والعنود تمص حلاوه هههه
ومنيره والجوهره باين أنهم متضاربين كانت منيره ماسكه شعر الجوهره وهي فيها الصيحه ههههههه
العنود : والله سلمان عليه شكل الله يفشله عطينياها منى الله يخليك
منى : لا لا لا ما أقدر أحسن صوره هذي وأخاف أفقدها
العنود : سخيفه عاد
منى : طيب أعطيك اياها بس توعديني ترجع
العنود : خلاص من عيوني
منى : يطلع الكلام الحلو إذا بغيتي شي
العنود :أصلا كلامي كله حلو بس انتي ما عرفتيني توك
منى : أقول العنود وش أخبار صديقتك سحر صرااحه هالبنت كووووووول تعجبني
العنود : ماعليها هالمهبوله ما يوسع صدري غيرها في المدرسه


وجلسو يسولفن عن الصديقات والمدرسه .....................

منيره كانت قاعده تحت عند أمها ومرة عمها وتسوي نفسها مبسوطه تاخذ وتعطي وتسولف ولا تبين اللي في خاطرها أبد
وهي تسولف دق الجوال

وشافت المتصل لقته ليلى وكأنها طلعت من سجن تبغى تسولف لها وتفضفض وتقول في بالها ( آسفه ياليلى اني ابتعدت كثير هالأيام
)
وقامت بعيد عنهم وراحت للحوش
منيره : هلاااااااا والله وغلا
ليلى : هلا بك من زمان عن هالصوت الحلو
منيره : يسلمو ترى استحي عاد وأسكر ههههه
ليلى : هههههههههههه صديقتي تستحي بعد هههههه أخبارك ؟؟
منيره : تمام الحمد لله وانتي أخبارك ؟
ليلى : ضايق صدري ومتنكده وتعبانه وفيني الصياح
منيره : الله الله كل هذا فيك ولا تقولين لي
ليلى : أصلا اللي يشوفك اليوم في الجامعه يصير له خلق ؟؟
منيره : والله ليلى معليييييييييييش اعذريني
ليلى : ماتمشي علي هالحركات والله ترى كأني أنا اللي أعاني
منيره : والله ما أدري وش أقول لك ..............
ليلى : ليش تكلمي وارتاحي
منيره : شوفي ليلى أنا موب في البيت إذار جعت البيت كلمتك وقعدنا نسولف
ليلى : خلاص انتظرك موب تسحبين علي
منيره : هههههههههه لا وش دعوا بدق
ليلى : سلميني على أمك والعنود ومع السلامه
منيره : مع السلامه .
وهي جايه بتدخل إلا فهد كان توه جاي من برا ولمحها وهي بسرعه مشت وسوت نفسها ماتدري عنه عاد فهد عنده جائز هالشي وخصوصا أنه حاطها في باله وأبوه قد قاله أنه لاخلصت الجامعه بيخطبها له وأم فهد مخططه لكل شي ومسكينه منيره لو تدري أن فهد حاطها في باله هالشخص الداشر الضايع تاخذه زياده على المعاناه اللي هي فيها ..

وطبعا هي داخله فكرت تمر على العنود ومنى طفشت من جلسه الحريم
وهي راقيه الدرج إلا شافت الجوهره نازله لا بسه بنطلون جنز بيج وبلوزه وردي مع برتقالي وأكيد بدون أكمام والشعر بوي والحواجب طايره

منيره عادي متعوده تشوف هالشكل وياما لبست أشياء أعظم من هذي بس تتضايق لا شافتها يعني مهما كان بنت عمها

منيره : هلا والله وتسلم عليها
الجوهره : هلا كيفك ؟ وتسلم بدووووووووون نفس
منيره : الحمد لله من زمان عنك
الجوهره : وش أسوي صديقتي عزمتني وما أقدر أردها
منيره : أها أجل بروح أشوف البنات وأنزل لك
الجوهره بدون ماتناظرها : على راحتك <<<< مسويه كبر وهي دايم تكره عيال عمها لأنهم مطاوعه على قولتها عشان كذا ما تعطيهم وجه ..

وراحت منيره لغرفة منى طقت الباب
منيره : بوووووووووو خوفتكم
منى : مررررررره أنا بيطير قلبي من الخوف هههه
العنود : منيره تعالي أوريك شي رهييييييييييييب
وورتها الصوره منيره جالسه تضحك على شكلها : هههههههههههه لهدرجه أنا كنت شريره .
منى : مسكينه أختي طايحه فيها ضرب هههههه
منيره : على طاري أختك تو سلمت عليها
منى : أخيرا شرفت
العنود : وش رايكم ننزل ونجلس مع بعض أحسن
منى : ايه يالله مشينا

ونزلو البنات تحت
دخلت العنود وسلمت على الجوهره والعنود قويه تعطي نظراات تخلي الواحد يستحي بعكس منيره اللي كل الناس تضحك لهم وتحطهم على راسها


جلسو البنات على جنب يسولفون
الجوهره : كيفك العنود ؟؟
العنود : الحمد لله تمام ..
الجوهره : أنتي الحين أي صف ؟؟
العنود : مثل أختك ثالث متوسط
الجوهره : أها وإلى الحين في مدرستك المهدمه اللي على خبري
العنود : ايه ومعجبتني صراحه
الجوهره : الناس تطورو وصارو في مدارس أهليه
تدخلت منى
منى : والله أنا في مدرسه أهليه ولا شفت زود بالعكس الحكوميه فله أكثر حنا ماعندن إلا بنات شايفين أعمارهم
الجوهره تنظارها وحااااااااااقرتها بقوه

منيره تغير السالفه : أقول من مسوي هالحلى مررررره حلو طعمه عاجبني
منى : أنا الله يسلم يديني
العنود : ما أظن والله
منى : اييييييييييش وانا من جيت من المدرسه وأكرف وآخرتها تقولين ما أظن
العنود تحب راسها : ولا تزعلييييييين يابنت عمي المصون الحلى جناااااااااااااان وتسلم ايدك
منى : لا عااااااااااااد احرجتيني احم احم
منيره تناظر خبالهم وتضحك عليهم وقدرت تنسى لو شوي منه همومها والجوهره ماسكه الجوال تضغط فيه وتتأفف إلين دق الجوال وراحت تكلم

انتهى الجزء .................................................. ................

مشتـــاق أجلس معــــــاك
مشتـــــــــاق ألمس يمناك
يااللي عن حياتي ودنيتي بعـــــــيد
حبكم بقلبي رغم المســـــافات يزيد
متى أكحل عينـــــــي بشوفكم ياهلي
وقتها راح أنسى العالم والحـــــــــكي
الحكي اللي دايم من هالـــناس ذبحني
أشوف ذا يجرحني وذا بنـــظرته طعني
وما أملك إلا الدمـــــــــعه وقولتي يارب
يارب اجمعنا واطفي الشوق بقلبي والحب


* قالتها منيره من شوقها لأهلها *



( الجزء الثاني )

يوم جاء الساعه تقريبا 12 بالليل استأذن أبو سلمان وهم طالعين
منى : العنود سأشتاق لك يالدوبا
العنود : وأنا أكثر يأختاه
منى : ههههههههههه حلوه يا أختاه
العنود : عاد المره الثانيه عليكم تعالو عندنا عشان أعزم سحر وتجي ودها تشوفك
منى : والله الفكره حلللللللوه مره
منيره : شكلك العنود ودك تنامين ترى طلعنا
العنود : طيب طيب جايه لاتروحون وتخلوني بصيح ترا
منى : لا عادي العنود أشتريك رضاعه وأسوي لك حليب وتنامين عندنا ياقمر
العنود مررررره منقهره منها لأن عمر وسهى جالسين يضحكون عليها ×خخخخخخخخ
العنود : منى انقلعي أوريك
منى راحت تركض بسرعه عشان مايجيها شي منها
هههههههه
لبست عبايتها وبسرعه ركبت
سلمان : أخيييرا وأنا سواق عندك
العنود حست أنه معصب : لا آسفه بس مادريت أنك واقف من زمان
سلمان : سكري الباب بس ولا يكثر كلامك
العنود تسوي نفسها زعلانه : طيب حقك علي أخوي
مارد عليها هو متنرفز من سالفه عبد العزيز ومن أخته منيره اللي ماعطته مجال يفهمها ويعرف ليه هالغموض ..

في السياره الكل خايف من سلمان ولا تكلم مع ان العنود ودها تذكره بسالفه السوق بس حست مو وقته الحين ..

وصلو للبيت والكل توجه لغرفته يتلبس ويريح منيره ماصدقت توصل البيت تبغى ترتاااااااااااااااح رمت نفسها على السرير وغمضت عينها وجلست تفكر كيف بقول لابوي ابغى أمي بكره تنهدت ومسكت جوالها ولقت رساله جايتها فتحتها وقرت

لو الود ودي دايم الدوم وياك
لكن الظروف القاسي منعتني
لا تحسب كل من راح عنك خلاك
تبقى بوسط قلبي لو الدنيا بعدتني
صعب على القلب ياقلبي ينساك
نعمه النسيان لنسيانك ماقوتني

وكان المرسل : رو رو <<<<< أخوها ناصر
ويوم قرتها دمعت عينها وفي بالها مشتاااااااااااااااقه ياهلي

ردت له : أغيب لكن ماغدرت ولاخنت
أبعد ولا زلت متحمل وصابر
ماغيرتني غيبتي وماتلونت
لازلت على اشواقي على منت خابر
باقي على عهد الغلا ماتهاونت
لو ينكسر مع خاطري ألف خاطر






وتذكرت في بالها ليلى ( يووووووووه أكيد قاعده تنتظرني أدق ياحبيلها ما احد شايل همي غيرها ولا احد حاس فيني كثرها صارت أقرب لي من أي أحد
وتمسك التلفون
ترد ليلى : هلا وغلا توقعتك نسيتيني
منيره : هههه لا بس توني أريح وش أخبارك ؟
ليلى : الحمد لله أنتي اللي أخبارك ؟؟
منيره : والله ماعلي تمام
ليلى : بتروحين لأمك بكره ؟؟
منيره : ليلى لا تخليني أصيح والله أني مووووت مشتاقه لها ولأخواني وأمس مكلمني ناصر يقول أمي ضايق صدرها عشاني مليت والله مليت ياليلى

ليلى : طيب ليش مكبره السالفه بكره كلمي أبوك وقوليله يحطك عندها وبعدين وش سالفة ناصر؟؟؟؟؟؟؟؟؟؟

منيره : شوفي أنا أقولك السالفه ناصر خذا رقمي من حنان أختي وكلمني مره وقالي انه وده يعرف اخباري ويرتاح ويحس اني قريبه له وعادي أنا ماكلمت أحد غريب أخوي تراه

ليلى : أنا ماقلت شي صح أخوك ومافيها شي بس صعبه يامنيره تكلمينه وأهلك مايدرون

منيره : حتى لو قلت لهم أبوي وسلمان بيخلوني ؟؟؟؟ والله ياخذ مني الجوال أبوي عشان كذا ماراح أقولهم

ليلى : صدقيني مصيرهم بيعرفون في يوم من الأيام وقبل كل هذا لازم تناقشين أبوك عشان ماتصير هالحساسيه وتفهمين ليه يبعدك من أمك وأبوك ماسواها إلا لسبب

منيره : مهما كان من أسباب تبقى بالأخير أمي ليه يحرمني منها والله ماحس فيني << في هاللحظه دمعت عينها غصب

ليلى : طيب ناقشيه وان شاء الله بتطلعين بنتيجه سكوتك ماراح يجيب شي وأعرفك ما خليتهم يحسون انك تعانين حسسيهم لو شوي

منيره : والله ما أدري وش أقول لك أنا دايم أجني على نفسي وأتحمل عشانهم وكل الناس مستانسين ومادرو عني
ليلى : قلتيها مادرو عنك خلاص بكره كلميه بصراااااحه

منيره : عارفه ماراح يسمع لي وحتى سلمان شكله معصب مني ما ادري ليه ؟؟

ليلى : انتي بنفسك تقدرين تحلين هالمشاكل واذا تقربتي منهم راح يفرحون انتي بنفسك تبتعدين عشان كذا ما عبروك

منيره : أحس راسي يوجعني خليني أروح آكل بنادول وأهدى شوي ..

ليلى : قبل ماتسكرين بقولك شي توضي وصلي ركعتين واشكي همومك لربك والله ماراح يخيب ظنك

منيره : ان شاء الله ومشكوره ليلى تعبتك كثير معي وأنا آسفه ان كنت ضايقتك

ليلى : مابينا هالشي والله انتي ماتدرين بغلاك وتتغلين لا ضايقك شي قولي لي والله راح أساعد قد ما أقدر

منيره : الله يخلينا لبعض قولي آميييين
ليلى : آمين ويالله ترا أنا اذا تكلمت ماأسكت أبد هههه

منيره : لاعادي والله وسعتي صدري وارتحت يالله أشوفك في الجامعه انشاء الله مع السلامه

ليلى : مع السلامه

منيره عقب ماسكرت من ليلى راحت وتوضت وفرشت السجاده وجلست تصلي وتدعي ربها من قلب أنه يفرج عنها كربتها
ملاذ العبد مولاه إذا ضامته دنياه
إذا نزلت به البلوى وأرخى ليل بلواه
إذا استعرت بنار الهم والتنهيد شكواه
إذا سالت مدامعه وصاح المرء أواه
ينادي في ظلام الليل بالأسحار رباه
إله العرش يا املي سنا قلبي وسلواه
رفعت إليك حاجاتي فأنت القصد والجاه
وقفت ببابك المفتوح والأنوار تغشاه

لعل القلب يجلو الهم إن الهم أضناه
لعل الله يقضي لي بشيء من عطاياه
ويسبغ مد منته علي وفيض نعماه
فإن الــــمانع المعطي هو الله هو الله



في هالوقت الفضيل اللي ينزل فيه الله سبحانه وتعالى إلى السماء الدنيا ويقول ( هل من داع فأستجيب له هل من تائب فا أغفر له
جلست منيره تدعو ربها وتبكي بين يدي خالقها الأرحم من الأم على وليدها الذي مامن أحد دعاه إلا استجاب له سبحانه

وبعد ما انتهت حست براااااااااحه فضيعه ونامت وهي أملها بالله كبير . ..

في الصبح الساعه تسع ونص تقريبا قامت العنود ومالقت أحد قايم ومن الفضاوه كانت منيره نايمه وودها تدخل النت بس لازم تقول لمنى وسحر أي وحده منهم تدخل عشان تسولف معه يمكن وحده جايها حاله قايمه مبكر زيها لأنهم نفس الصفات تقريبا خذت جوال منيره تبغى ترسل لهم ولقت جوالها مقفل وصعبه تقومها جتها فكره حلوه قالت أروح لغرفة سلمان وأسرق جواله وارسل
وطلعت بسرعه وشافت الغرفه مسكره وتدخل بهدوووووووووء ولقت الجوال على الطاوله بسرعه خذته وكتبت رساله لمنى وسحر نفس الرساله ( إذا قايمه ادخلي النت تراني طاير النوم من راسي وذابحتني الفضااااااااااااوه ردي بسرعه )
وجلست على أعصابها لأنهم تأخرو ولاوحده ردت جت بتطلع إلا سمعت صوت الرساله وبسرعه فتحتها لقت من سحر كاتبه ( أخييييييييييرا لقيت أحد قايم مثلي ادخلي المسن بسرعه )
استانست بقوووه ومسحت الرساله وحطت الجوال

وهي طالعه سمعت صوت سلمان
سلمان : كم رساله أرسلتي ؟؟؟
العنود خافت ووجعها قلبها أمس معصب عليها وجايه اليوم ترسل بدون اذنه
العنود : سلمااااااااان ؟؟؟؟؟ مادريت انك قايم
سلمان : لا قايم ومراقب حركاتك كلها
العنود تبتسم : طيب آسفه
سلمان : لا لا ماراح أقبل الاعتذار الين تسوين لي فطور اليوم يجنن
العنود حست انه مروق : ولا يهمك الخدامه في المطبخ أي أمر راح تنفذه
سلمان : وش قلتي خدامه ؟؟؟؟؟؟؟؟ لا أنا أبغى أنتي تفهمين
العنود : خلاص إذا قامو الأهل كلهم سويت لك
<<<< تذكرت أنها نست سحر
العنود : يالله بروح اذاكر شوي سلمان
سلمان طارت عيونه : تذاكرين ؟؟؟؟ لا اليوم الشمس من وين طالعه
العنود : قل ماشاء الله بس لا تحسدني يالله سلااام
سلمان داري انها تكذب بس بلعها وكانت سالفه عبد العزيز مشغلته ويحاول يقنع نفسه أن الوضع عادي بس مازال فيه شي يقوله انت في خطر ..

العنود فتحت المسن كان النيك نيم حقها
( يسعد صباح من هم على الروح غالين )
سلاااااااااااااااااااااام سحر

( بنيه قمر ومن شافها طمر )
سلاميييين وين الناس مسويه صجه وتوك تدخلين

( يسعد صباح من هم على الروح غالين )
معلييييش والله قلبي ولاتزعلين سلمان نشب فيني وقلت له بذاكر وخلاني أروح

( بنيه قمر ومن شافها طمر )
ههههههههههههههههههههه حلوه تذاكرين مره وحده وعلى الصبح بعد الله يرجك

( يسعد صباح من هم على الروح غالين )
أقول وش هالثقه ياقمر ومن شافها طمر


( بنيه قمر ومن شافها طمر )
احم احم بعد شويه علي هالكلام
( يسعد صباح من هم على الروح غالين )
أقوووووووووووول سحر ترى كف لا تقعدين تتفلسفين

( بنيه قمر ومن شافها طمر )
خلاص أدري انك تغارين مني عشان كذا باسكت

( يسعد صباح من هم على الروح غالين )
أقول اسمعي عقاب لك ماراح أقولك عندي سالفه خطيره

( بنيه قمر ومن شافها طمر )
لا عاااااااااااااااااد إلا السواليف ترى بموت وبعد خطيره


( يسعد صباح من هم على الروح غالين )
بصراحة رحمتك وخفت تموتين علينا عشان كذا قلت أقولك

( بنيه قمر ومن شافها طمر )
اخلصي بسرعه قولي

( يسعد صباح من هم على الروح غالين )
أمس توقعي من رحت عنده ؟؟

( بنيه قمر ومن شافها طمر )
امممممممممم أكيد عند بنت جيرانكم المرجوجه هند

( يسعد صباح من هم على الروح غالين )
ماعندك سالفه هذي كل يومين اشوفها ليش مسويه سالفه خطيره


( بنيه قمر ومن شافها طمر )
هههههه ياحلوك وانتي معصبه قوليها ماعرفتها

( يسعد صباح من هم على الروح غالين )
رحت عند منى بنت عمي ونااااااااااااااااااااااااااسه

( بنيه قمر ومن شافها طمر )
قولي والله ياحليلكم شكلكم من زمان ماشفتو بعض

( يسعد صباح من هم على الروح غالين )
شهر كامل ماشفتها الدوبا وتسلم عليك بعد

( بنيه قمر ومن شافها طمر )
الله يسلم عمرها تصدقين عاد انا ماشفتها إلا مره وحده وحبيتها

( يسعد صباح من هم على الروح غالين )
أكيد لأنها بنت عمي بتحبينها غصب عنك

( بنيه قمر ومن شافها طمر )
بدت حركات الوثوق عندك عاد


( يسعد صباح من هم على الروح غالين )
اقول أمي تناديني مع السلامه

( بنيه قمر ومن شافها طمر )
مع السلامه وسلميني على منيره


( يسعد صباح من هم على الروح غالين )
يبلغ حبيبتو
وقفلت العنود النت وراحت لامها
العنود : صباح الخير يا أحلى أم في الدنيا
أم سلمان : هلا بنيتي صباح النور وش هالنشاط ماشاء الله
العنود : يمه حرام عليك أنا دايم نشيطه بسم الله علي
أم سلمان : روحي شوفي الفطور خلص ولا لا
العنود : من مسويه ؟؟؟؟؟؟؟
أم سلمان : منيره الله يعافيها
العنود: اييييييييييه الحمد لله موب الخدامه عشان سلمان
أم سلمان : وش دخل سلمان ؟؟
العنود : يمه خلاص بروح أشوفهم

وراحت العنود المطبخ
العنود : السلاااااااااااااااااام
منيره : وعليكم السلام
العنود : الله وش هالسناعه يا اختي أكيد طعمه جنااااااان الفطور
منيره : ههههه إلا قولي لسلمان ولا عبدالله يجيب خبز من البقاله ترى مافيه ..
العنود : تامرين امر أخيتو بس ممكن الجوال لأني ماني فاضيه أدورهم
منيره : يافيك عجز خوذيه شوفيه في الصاله

راحت العنود وخذت الجوال وتسوي اتصال لسلمان
سلمان : الو
العنود : هلا سلمان وينك ؟؟
سلمان : في المريخ ويني يعني في البيت يا عليك سؤال
العنود : هههههههههههههههههههه لا بس يبغون خبز إذا تتكرم تجيبه
سلمان : روحي شوفي عبد الله ليش وش حضرته مايجيب
العنود : طيييييييب وتسكر

ويوم سكرت إلا عبد الله توه نازل وهي جايه بتتكلم
العنود : عبد
عبدالله : خلاص عارف سمعتك وانتي تكلمين وأنا طالع

العنود : بسم الله عليك أخ مطيييييييع الله يحفظك ويخليك و....و ..,..

وهو طلع وسفهها لأن كلامها مايخلص أبد
وهو طالع شاف سياره سلمان معدمه كلها تراب وكتابات وفيها كم شطب قال بنفسه ( هالبزران مانسلم منهم ياويلهم من سلمان مسكين أخوي مع انه حبيب بس ليش يسوون فيه كذا ) وهو ماشي شاف من بعيد محمد ولد الجيران راكب السيكل
محمد : عبيييييييييييييييييييييد
عبد الله بنفسه ( يمون هذا عبيد بعد والله بزران اخر زمن )
والتفت عليه
عبدالله : وش تبي
محمد : تراني اعرف من مخرب سياره سلمان اخوك
عبدالله : قول مين ؟؟؟
محمد : عناااااااااااااد ماراح أقول ههههه ومشى عنه

عبد الله في نفسه ( والله شكله انت )

منيره بعد ماخلصت الفطور طلعت لغرفتها وأرسلت لناصر
( إذا كنت قايم دق علي )
وبسرعه اتصل
ناصر : السلام عليكم
منيره : وعليكم السلام
ناصر : صباح الخيير
منيره : صباح النور وش أخبارك ؟؟؟؟
ناصر : الحمد لله هاه أكيد انك داقه تقولين بجيكم
منيره : بصراحه الحين بشاور ابوي وان شاء الله مايرفض
ناصر : وليه يرفض <<<< عصب
منيره : أعصابك خلاص الحين بانزل وارد لك
ناصر : يالله انتظرك مع السلامه
منيره : مع السلامه

وهي نازله تدعي ربها ان أبوها مايعصب ولا يتنرفز

لقت أبوها جالس يقرا الجريده وكان سلمان موجود
وعبد الله جالس فاتحه كتبه عنده كم واجب
وأمها تدرس عمر

منيره : السلام عليكم
الكل : وعليكم السلام
أبو سلمان : هاه وش أخبار الدراسه ؟؟
منيره : الحمد لله زينه يبه

سكتت شوي وبعدين قالت :يبه بغيت أقولك ودي اليوم أزور أمي
أبوها مارفع راسه وقال : بس اليوم خميس وأكيد الكل متجمع عندهم خليها أيام الأسبوع
منيره في خاطرها ( واذا تجمعو عندهم أبغى أعرفهم أكثر )
منيره : بس يبه أيام الأسبوع اجي من الجامعه تعبانه وما ودي اروح مكان
أبو سلمان سكت شوي وقال : خلاص يوديك سلمان اليوم بس ماتتأخرين خلاص

وقام من مكانه عشان ماتناقشه أكثر
منيره تنهدت وخذت نفس وكانت فيها الصيحه ليش ما أتأخر لييييييييييييييييش ؟؟؟؟ أبي أفهم متى جت هالروحه عشان انحرم من اني أطول عندهم

وكان في هاللحظه سلمان مراقب كل شي وحس فيها بقوووه وجت على باله فكره حلوه

منيره رقت لغرفتها وكانت تبي تكلم ناصر بس أكيد ماراح تمسك نفسها وبتقوله كل شي وهو بيعصب فقالت ارسل رساله أحسن

أرسلت ( اليوم راح أطل عليكم وينور بيتكم هههه )
هو يوم شاف الرساله قال : وااااااااااااااااااااااااااااااو
حنان أخته كانت بجنبه : خير أخ ناصر
ناصر : ماراح تصدقين عندي خبر حلو
حنان : من زمان عن الأخبار الحلوه
ناصر : منور بتجي اليوم ..
حنان :احلللللللللللللللف لا ما أصدق مشتاقه لها
ناصر : حنان ياويلك أحد يدري خليها مفاجأه ..
حنان : لا صراحه نوره لازم تدري ما اقدر أخبي عنها
ناصر :خلاص نوره وبس خلاص
أعرفكم على اخوانها ( طبعا ناصر الكبير يدرس في ثاني جامعه
ونوره وحنان التوأم الحلو صديقات روح بالروح ولا وحده تقدر تستغني عن الثانيه بصف ثالث ثانوي
بعدين خالد بصف ثاني متوسط قمه المراهقه بس هو طبعه رحووووم ويحب منيره بقوه
وأصغر وحده فيهم ديما بصف خامس ابتدائي دايم هواش مع خالد ولا خلو أحد ما أزعجوه وأقلقوه بس يعطون البيت جو دايم

هذي التكمله،،،
هالعايله الأكثر من رائعه ماتشوف بينهم كره وحقد حتى أبو ناصر انسان محترم جدا




طبعا ناصر ما علم أمه حب يسويها مفاجأه واتفق هو واخواته يسوون حفله بسيطه
ناصر : خلاص أجيب الكيكه والعصاير والمعجنات وش بعد ..
نوره : جب بعد آيسكريم وفيه شي مهم جب بعض الزينات عشان تصير حفله صدق
حنان : بس وين بنحطها ؟؟
ناصر : في المجلس أحسن عشان يكون بعيد عن الأهل وما احد يدري
حنان : خلاص ويارب ما يدري خالد لأنه بيفضحنا لو درى
وتدخل ديما عليهم
ديما : نوره شوفي خالد جالس بغرفتي ومابقى شي إلا حاسه ( وهي تصيح )
نوره : يووووووه منكم وبعدين و هو وش هالحركات قولي له ترى ناصر بيجيك الحين
ديما تناظر ناصر تبيه يتكلم
ناصر : يالله روحي قولي له ترى بيصفقك ناصر
حست بفرحه وقعدت تضحك مع انه تو تصيح وراحت ركض تقوله
وفي الغرفه
ديما : خااااااااااااااااالد ناصر جا جا ياويلك
خالد حط اللي في يده : يالنذله ليه تعلمينه
ديما : أحسن تستاهل
خالد ماتشوفه من الخوف راح لغرفته أحسن من يجيه ناصر ويأدبه

راح ناصر السوبر ماركت بعد العصر وشرا بعض الأغراض وراح لمحل حلويات وشرا كم نوع ومابقى شي ماجابه
وهو في الطريق
اتصل في خواته
ناصر : ألو
نوره : هلا
ناصر : مين حنان >>>>> مايفرق بينهم
نوره : لاااااااا وع أنا حنان بعدين قالت : آآآآي
ناصر : أحسن تستاهلين هالضربه اللي جتك المهم أفتحو الباب وخليكم بالمجلس عشان نرتب كل شي
نوره : خلاص

نروح من جهه ثانيه منيره اللي ماوسعتها الدنيا من الفرحه بسس للأسف ما فيه أحد شاركها العنود وكانت مشغووله مع النت والخربطه فجت في بالها ليلى قالت أدق عليها وأبشرها اني بروح
دقت عليها بس جوالها مقفل
أرسلت لها
( ليلى أبشرك بروح لأمي اليوم وااااااااو فرحانه وش فيك ليش جوالك مقفل ؟؟ )
وراحت تتلبس عشان بعد المغرب قالها سلمان بوديك
وطلعت أحلى لبس عندها وجلست تستشور شعرها الطويل اللي كان روعه بعد ماخلصت منه وحطت مكياج خفيف وطلعت بنيه نعومه وكلها ملح ..

ومن جهه ثانيه ناصر وخواته عافسين الدنيا واحد يلصق والثاني ينظف وجابو طاوله كبيره عشان يحطون عليها الأكل وكان بعد ماخلصو شكل المجلس روووووعه ناصر كان واقف وقال : اللللله صدق فناااااااااااااااانين
نوره : شفت ياخوي عندنا مواهب بس ما احد يدري ههههه
حنان : أقول الحين بيأذن المغرب وأنا ما تروشت ولا تلبست يالله بروح
نوره : وقفي بجي معك
ناصر : لحظه لحظه نوره وين مفاتيح المجلس ؟؟
نوره : شفها في المكتبه
راح جاب المفاتيح وهو جالس يقفل المجلس دخل مر أبوه عليه ارتبك بقوووه
أبو ناصر : ناصر ليش مقفل المجلس ؟؟؟
ناصر : لا بس أجرب هذا مفتاحه ولا لا ؟
أبو ناصر : وش المناسبه موب عادتك
ناصر فكر شوي وقال أبوي لازم يدري عشان يعطينا فرصه نقعد مع بعض لأن منيره بتستحي منه
ناصر : ماقلت لك يبه اليوم منيره أختي بتجي بعد المغرب
أبو ناصر : الله يحييها البيت بيتها ولو تجي كل يوم ويالله ولدي توضا للصلاه
ناصر : بس يبه لاتعلم أمي انها بتجي خلاص بنسوي لها مفاجأه
أبو ناصر : ههههه حلوه حركاتك ياناصر ولا يهمك ماتدري ان شاء الله

وبعد صلاه المغرب جا سلمان من الصلاه وشاف سيارته كيف معفوسه بس قال بمسك نفسي عشان منيره
وركب السياره وهو يقول في نفسه ( ياربيه فشيييييييييييله لو يشوفني أحد ولا بعد بروح أوصلها بيت أهلها لو قابلني ناصر ولا أبوه )
منيره طالعه وشافت السياره جاها الضحك على شكلها
منيره وهي تركب : سلمان ليش سيارتك كذا ؟؟؟
سلمان : اقول اركبي لا احد يشوفنا بس
منيره : خخخخخخخ طيب
سلمان : شوفي أنا بحطك وبسرعه بروح واذا قالو وينه قولي مشغول حطني وراح لأن السياره ماتشرف
منيره : ههههه خلاص طيب بس ماقلت لي من مسوي فيها كذا ؟؟
سلمان: والله ماادري عيال الحاره كثيير أقول منيره عندي لك شي بتفرحين لو بقوله
منيره : بيفرحني ؟؟؟ اليوم يكفي فرحانه بهالروحه
سلمان : لا بتفرحين أكثر
منيره : والله ؟؟؟
سلمان : شوفي راح تقعدين عند أهلك اليوم إلى الساعه وحده أو ثنتين
منيره : ايييييش ؟؟ بس أبوي قال لاتطولين
سلمان : بس أنا أبو الأفكار شوفي لاجا الساعه 9 تقريبا ابوي بيدق بقوله اني منيره ودها تتمشى شوي وتروح السوق وانتي اقعدي عند اهلك لا جا الساعه 2 جيت وأخذتك وش رايك
منيره : والله صراحه ما ادري وش اقول دايم تحرجني سلمان الله يعافيك
سلمان : ما ابغى هالكلام حنا اخوان

منيره ماوسعتها الفرحه يعني بجلس الى الساعه 2 هذا شي مستحيل كان بحياتي اذا جلست ساعتين عندهم زين بس والله ان عندي اخو ما احد زيه
ودق جوال سلمان وكان سعود
سعود : السلام عليكم
سلمان : وعليكم السلام هلا هلا
سعود : هلا بك وش الأخبار ؟؟ وش جدولك اليوم وين بتروح وين بتجي ؟؟؟
سلمان : شوي شوي علي ههه اليوم ما اظن تشوف خشتي إلا بعد الساعه 12
سعود : ليش ؟؟
سلمان : السياره معفووووووووووسه وفيها شطوب بروح الورشه
سعود : سلامات مسوي حادث ...؟؟؟؟
سلمان : لا وش حادث طلعت من بيتنا لقيتها كذا تعرف العيال وحركاتهم
سعود : أجل خلاص اليوم بنجتمع في الاستراحه ننتظرك إذا خلصت
سلمان : خلاص

ووصلت منيره البيت ودقت الجرس وسلمان بسرعه مشى قبل مايطلع أحد وطبعا مااحد يدري إلا الثلاثه حتى أمها استغربت ليش نوره وحنان كاشخين بس قالو لها انا وحده من صديقاتنا بتجي ومشت عليها

يوم دق الجرس قامو نوره وحنان على اساس انها صديقتهم
فتحت نوره الباب
منيره تشوف مين عند الباب : نوااااااااااااااااااااري وتضمها
نوره : أخبارك منور ؟؟ قسم بالله وحشتينا ( وماحست إلا غصب نزلت دمعتها )
حنان : وخري نوره بسلم عليها عطيناك وجه
منيره : حنونه انتي هنا وتسلم عليها
حنان : وش اخبارك يالقاطعه ؟؟
منيره : الحمد لله والله من زمااان عنكم
نوره : قولي ماراح تطولين ياويلك
منيره :لا اليوم بقعد الى الساعه 2
نوره وحنان صرخو بقوه والكل في البيت انهبلو يحسبون فيهم شي
وطلع ناصر
ناصر : هلا والله ومسهلا توه ماينور البيت ادخلي ادخلي
منيره تسلم عليه
منيره : تصدق انك كبرت خخخخخ
ناصر : احلفي عاد وش قالو لك بزر
منيره : هههههههههه إلا وين أمي
حنان : تراها ماتدري مسوين لها مفاجأه
منيره : فديت قلبها والله

وهم داخلين أم ناصر شافتها من بعيييد ماصدقت هي بحلم ولا علم
منيره : السلام عليكم يمه
أم ناصر : هلا هلا ببنيتي ( خنقتها العبره ) وقامت
منيره كانت ضامه أمها وتصيييح الكل تأثر من هالموقف منيره محتاجه لهالقلب الحنون لكن ظروفها أقوى
ناصر : خلاص منيره ويمه يكفي صياح كذا الحريم لا فرحو
منيره تمسح دموعها
أم ناصر بعد ماهدت : ماقلتي لي وش أخبارك ان شاء الله مرتاحه ؟؟؟
منيره : والله يوم شفت هالوجه أكيد بفرح اشتقت لكم
أم ناصر : وليش ماتمرين علينا كل مابين فتره وفتره
منيره : والله يايمه ان سلمان مايفضى وابوي تعرفين شغله

أم ناصر : طيب قولي لناصر يجيبك إذا بغيتي
منيره : ان شاء الله خير يمه الا وين خالد وديما

نوره : تلقينهم قاعدين يتناقرون فوق
حنان : ايه صح تراهم مادرو انك بتجين
منيره : ياعليكم حركات أنتو خخخخ وش رايك يمه بمفاجأتهم ؟؟
أم ناصر : والله وقدرو يلعبون علي حتى أنا ما شكيت
ناصر : هههههههه يالله نوره روحي نادي خالد وديما
وقامت نوره تناديهم ..
نروح شوي للعنود
العنود كانت ماسكه التلفون بتكلم منى وردت عليها الجوهره
الجوهره : الو
العنود : السلام عليكم
الجوهره : وعليكم السلام ( وعرفت أنها العنود وكشرت )
العنود : كيف الحال ؟
الجوهره : الحمد لله وانتي ؟؟
العنود : تمام الا وين منى
الجوهره : والله ماادري وين لحظه أشوف

راحت الجوهره تشوف وينها بس طولت لأنها رقت فوق ومنى تخت في المطبخ نزلت وشافتها
الجوهره : وينك ؟؟؟؟؟ ساعه ادورك
منى : بسم الله علي وانا وش دراني عنك
الجوهره : روحي شوفي العنود تنتظرك على التلفون
منى : طيب أعصابك
الجوهره : أصلا ما ادري وش خلاني أرد

وراحت منى تكلم
منى : هلا وغلا
العنود :أخيييييييييييييييييرا جيتي يالأميره
منى : معلييش توها تقولي الجوهره
العنود : المهم بقولك شي وياويلك تقولين لا
منى : أشوف
العنود : أنا بطلع مع عبد الله للسوق نتمشى لأني طفشاانه وأبغاك تجين مع حمد هاه وش قلتي؟؟؟
منى : بصراحه فكره ولا أحلى بس حمد أكيد ماراح يعطيني وجه
العنود : وش دراك اسأليه وردي علي لنتظرك خلاص
منى : خلاص

وراحت منى عند أخوها وكان قاعد عند التلفزيون
منى جلست بعدين قالت : حمد
حمد : وش عندك ؟؟؟
منى : بسألك سؤال ممكن!!!!
حمد : اخلصي وش عندك
منى : انت ليش ماعمرك وديتني مكان ؟؟
حمد : وأنا فاضي لك
منى : طيب الحين وش عندك ؟؟؟
حمد : أفهم انك ودك تطلعين الحين ؟؟
منى : الله يخليك بتقابل أنا والعنود وعبد الله بيجي
حمد : دام عبد الله فيه خلاص موافق
منى : واااااااو مشكور
وراحت تتجهز


................................................. انتهى الجزء
ان شاء الله أعجبتكم الأحداث
بظنكم وش يصير عند منيره ؟؟؟
وش شعورها لاشافت الحفله البسيطه اللي مسوينها اخوانها ؟؟
هل بيدري أبوها بأنها جلست عندهم لآخر الليل ؟؟
وش راح يصير في السهره ؟؟
منى والعنود وروحتهم للسوق وش بيصير ؟؟؟
سلمان وسيارته هل بيعرف من مخربها عليه ؟؟

أحداث جديده راح نعرفها في الجزء الجديد ...............

الجزء الثالث ......................................

في بيت أبوناصر ..
ناصر يأشر لنوره من بعيد يقولها قومي جزء حطي الكيك والعصير والأكل على الطاوله نوره فهمت وراحت تزين كل شي
وهم خاشين جو في السواليف إلا تنزل ديما
ديما : السلام عليكم
الكل : وعليكم السلام
منيره : أهليييييييين ديمو وتروح تضمها

عاد ديما كل شي ولا أختها منيره تمووووووت فيها لأنها تعطيها وجه في السواليف

ديما : من زمان ماجيتينا والله اشتقنالك
منيره : وأنا أكثر ياحلوه وتمسك مع خدودها
منيره : ليش طالعه دبدوبه
ديما : هههههههههه
حنان : هذي كل يوم تفطر وتتغدى وتتعشا على اندومي
منيره : هههههههه لا مايصلح والله المره الثانيه أجي وألقاك ماتدخلين مع الباب
ديما : لاااااااااااااااا خلاص أنا باكل اندومي مره وحده في اليوم
منيره : ايوه شطوره
ويدخل خالد وكان كاشخ وطالع حركه
خالد : هلا أختي هنا منورين
منيره : هلا بك بوجودك وش أخبارك ؟؟ وتسلم عليه
خالد : الحمد لله
منيره : وش هالزين كله
خالد : لا عاد ترى استحي أنا
منيره : طالع علي خخخخ
ناصر : عاد انت وياه بلا وثوق هاه خالد وش رايك بالمفاجاه ؟؟
خالد : أصلا أنا داري شفت كل شي
ناصر : أوووووووووووووووووووووص لاتقول شي <<< عشان الحفله
حنان ماتت من الضحك وأمها ماتدري وش السالفه
منيره : خير وش فيكم ؟؟
ناصر : لا لا ولاشي
منيره تناظر له وتقول أوريك
جت نوره بعد ما رتبت مع الخدامه كل شي في المجلس
وجلست وأشرت لناصر انها خلاص انتهت من كل شي

ناصر : والآن عائلتنا الحبيبه بمناسبه قدوم أختنا الموقوره منيره ال......... بعدين سكت شوي وقال : تحيه ياجماعه

والكل صفق بقووووووه متحمسين
ومنيره فاطسه من الضحك عليهم وأمها جالسه تضحك على هبال عيالها
ناصر: خلاااااااااااص يكفي تصفيق
خالد : والله حلو هالتصفيق عيدوه هههه
ناصر: خلاص اسكت انت أكمل كلامي (قررنا نسوي حفله بسيطه وعملنا جميع التجهيزات بمساعدة الأختين نوره وحنان لذلك
حنان : لحظه لحظه وحنا نبغى تحيه
ناصر : ولايهمك تحيه تحيه ويصفق
خالد : وأنا لازم تقول اسمي ابي تحيه
ناصر : وأخونا الملقوف خالد درى عن كل شي
خالد : تحيه تحيه
والكل صفق له
أم ناصر : وأنا آخر من يعلم
ناصر : حنا مسوينها مفاجأه ياأمنا العزيزه
خالد : تحيه تحيه وجلس يصفق
نوره : خلااااااااااااااااص طولتوها ترى
ناصر : هيا لنتجه جميعا ..
منيره : ههههههههههههه الله يرجكم بس
وطلعو كلهم للمجلس
ناصر أخذ المفتاح وجا بيفتح قال : أول شي قولو ماشاء الله لأن كلنا فناااانين في التنسيق
وفتحها ودخلو وكلهم انبهرو من شكل المجلس كان متغير مرررره
وخاصه منيره
منيره : الللللللللللللللللللله ابداع صراحه مشكورين ليش كلفتو على أنفسكم
نوره : لا أصلا ماسوينا شي كل هذا تعبير عن فرحتنا فيك
منيره : الله يخليكم لي
ناصر : يالله منور قطعي الكيكه
منيره : لا بصراحه أنا ودي أمي تقطعها
أم ناصر : الله يعافيك يابنتي مايحتاج أنا أقطعها الحفله لك قطعيها انتي
خالد : تتعازمون يالله اخلصو ولا أنا بقطعها
منيره : ههههههههههه خلاص ولايهمك أقطعها
ومسكت السكين وقطعتها وجلسو نوره وحنان يصبون العصاير
وجلسو يسولفون
وكانت جلسه عائليه ولا أرووووووع

وجت الساعه تسع وأبو سلمان قلق شوي لأنها تأخرت ودق على منيره
هي يوم شافت الرقم ارتبكت وهي جالسه بينهم قالت : عن اذنكم وطلعت
منيره : هلا يبه
أبوها : السلام عليكم
منيره : وعليكم السلام
أبوها : هاه طلعتي ولا توك
هي في بالها ( وينك ياسلمان حطتني في ورطه وش أقول وتداركت الموقف وقالت : الحين سلمان في الطريق جاي
أبوها : خلاص أجل سلميني على عمك
منيره : ان شاء الله

وبسرعه دقت على سلمان وقالت له وهو بسرعه تصرف ودق عليه وقاله اللي اتفقو عليه وأبوها ما قال شي أهم شي يتطمن أنها موب عندهم

نرجع شوي للعنود ومنى
العنود كانت جالسه في السوق مع عبد الله وشافت من بعيد منى
العنود : منننننننننننننننى
عبد الله : اسكتي فضحتينا أول مره تشوفينها الحين
العنود : لا بس مليت وأنا انتظرها
عبد الله : وبعدين هذا حمد جاي معها بلا حركات مالها داعي
العنود : طيب

حمد يبتسم له من بعيد وقرب وسلم عليه
حمد : هلا ابو الشباب كيف الحال؟؟؟
عبد الله : هلابك الحمد لله وش أخبارك ؟؟؟
حمد : متى جاي من زمان ؟؟؟
عبد الله : لا لي ربع ساعه تقريبا

العنود ومنى على جنب
العنود : يالله منى خلينا نروح نتمشى
منى : وأنا وش قايله يالله تكلمي قولي أننا بنروح عنهم
العنود : لا أستحي من أخوك ما أقدر
منى : ياربييييييييييييييييه تعرفين تستحين
العنود : يالله يالبطله تكلمي
منى : حمد ترى بنروح دق علي لا جيتو بتطلعون
حمد : خلاص بس ردي على الجوال مو زي كل مره
منى : أصلا متى وديتني عشان تقول ( مثل كل مره ) <<<< البنيه نست نفسها وعبد الله يناظر لها ويقول شكلها بريئه بقوه

حمد عطاها نظره قويه : خلاص حنا رايحين ومشى

من جهه ثانيه منيره قاعده مع خواتها في الغرفه
منيره : هاه حنان وش آخر كتاباتك ؟؟
حنان : أووووووووووه كاتبه كثير بس أوريك آخر قصيده كتبتها اليوم
منيره : يالله أحب أشعارك والله مع أنك ماعمرك فكرتي تكتبين فيني ..
حنان : خخخخخخ وش دراك يمكن وحده كانت موجهه لك
نوره : صراحه قريت الشعر اللي كتبته حنان كان لك مرررره روعه
منيره : احلفي لي أنا ما أصدق وريني
وتعطيها الشعر الشعر طويل كان بدايته :

أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه


منيره :روووووووووووووعه الله يعافيك وش هالابداع
حنان : الله يسلمك تستاهلين أكثر أخيتو
منيره : إلا أقول ماقد فكرتي تنشرينها في منتدى ولا مجله
حنان : والله مفكره حتى نوره مصره علي تقول نزليها
منيره : على هالطاري عندكم ايميل والله اشتاق لكم ودي اسولف معكم
نوره : ايه عندنا أفا وعطتها اياه ........................................


العنود ومنى في أحد المحلات
منى : أقول شوفي هالبلوزة مره حلوه ولا ؟؟
العنود : حلوه بس لونه مو مره حلو
: إلا جنااااان ذوقك ياحلوه
منى تناظر وراها لقت واحد قاعد يناظرها وسحبت العنود وطلعت
منى : خير وش يبي ذا ؟؟؟
العنود : أقول أمشي لا يلحقنا الحين
منى تلتفت لقت وراهم يناظر من بعييد وقعد يأشر لها
منى خافت مرررره وتمشي بسرعه
العنود : خلاص منى وجعتني رجولي من المشي ماراح يجي
منى : وش دراك ؟؟
العنود بتغير السالفه
العنود : وش رايك ندخل هالمطعم جوووووووووووووعانه وبموت
منى : والله جا في وقته حتى أنا جوعانه
ودخلو المطعم وطلبو ورق عنب وكل وحده شرت لها وجبه وجالسين يسولفون وفجأه دخلو حمد وعبد الله بالصدفه

منى : أقول والله أخوك أول مره أشوفه زين قدامي
العنود : مزيون يشبه لي صح ؟؟؟
منى : ايش مين المزيونه ؟؟؟
العنود : أقول منى شوفي أخوك
منى طارت عيونها أخوها حط ورقه على طاوله وحده من البنات وانقهررررررررررررررت بقوه وقالت : أوريك ياحمد
العنود : اقعدي بلا فضايح وش بتسوين ؟؟
منى : مالك شغل
وقامت عند طاوله البنت وخذت الورقه وراحت البنت تناظرها مستغربه خير وش السالفه بس هي ماهمها أحد
وجلست تقراها مكتوب فيها ( اتصالك يعني لي الكثير ــــــــــــــــــــــــ 05)
منى : لا ويعرف يرقم بعد هو ووجهه
العنود : مو وقته لا جا البيت حطي حرتك فيه الحين انسي
منى تمسك العنود : العنووووووووووووووووووووود
العنود : خير خوفتيني وش السالفه ؟؟
منى : شوفي اللي قدامك <<<<< كان اللي تو يلاحقهم
العنود : صدق لا قالو لزقه
منى : شوفي سلم على حمد يعني يعرفه
العنود : رحنا فيها امشي خلينا نطلع بسرعه
منى : يكون أحسن بعد
وهم طالعين حمد لمحهم وخاف لا شافوه وهو يرقم وكان سرحان
سالم : الووووووووووو
حمد : هلا معليش
سالم : ماقلت لك تو قاعد الاحق بنتين ومساكين تروعو
حمد : خخخخ ولا الحين على حركاتك
سالم : من زينك يقالك اليوم ماسويت شي ؟؟؟
حمد : والله الواحد مايصبر لازم ههههه
سالم : قلتها والله
حمد : خلك ساكت ترى ولد عمي معي والله بيفضحني لادرى لان ماعنده هالحركات
سالم : يالله سلام بروح أشوف هالبنتين وين ؟؟؟
حمد : خلهم في حالهم مسكينات وتعال اجلس معنا اعرفك على ولد عمي
سالم : لا احراج ياشيخ
حمد : خلك ساكت بس امش
ودخل سالم مع عبد الله بالسواليف وجلسو هالثلاثي يتعشون ويوم جت الساعه 11 قررو يطلعون واتجهو للبوابه ودق حمد على منى
منى : الو
حمد : هاه يالآنسات خلصتو
منى معصبه منه : ايه جايين وقفلت الخط
وهم متجهين للبوابه شافو سالم معهم انهبلو وش يبي ذا ؟؟؟؟؟
سالم شافهم ودرى انهم لهم طرف فيهم وقال يالله امشي باأقرب فرصه عشان مايفضحونا
سالم : يالله شباب فرصه سعيده اللي شفناكم اليوم
حمد : هلا والله الجايات أكثر
عبد الله : يالله مع السلامه وتشرفنا

وفي السياره العنود مبسوووووطه وتسولف لعبد الله كل شي
العنود : والله مشكور يااحلى اخو على الطلعه الحلوه تعرف سلمان قال بوديكم وسفهنا الله يهديه
عبد الله : العفو بس لا تقولين عن سلمان كذا يكفي اليوم مشغول مودي منيره وسيارته في الورشه هو مايقصر
العنود : ايه اصلا بيوديني أنا ومنيره لأن منيره ماراحت اليوم وهي ودها بالسوق
عبد الله : أقول صكيتي راسي من يوم ركبتي وانتي تقرقين اووووص دقيقه بس
العنود تذكرت سالفه سالم وقالت
العنود : ايه تذكرت من هو اللي كان واقف معكم تو عند البوابه ؟؟
عبد الله يناظر مستغرب : وش دخلك تسألين عن الشباب ؟؟
العنود : لابس أقولك بصراحه تراه انسان لعاب وشو له تمشي معه
عبد الله : أولا تراه صديق حمد وبعدين ليش لعاب ؟؟
العنود : أقولك بصراااااحه اليوم ماخلانا في حالنا
عبد الله عصب : وليش توك تقولين ليش مادقيتو علينا ؟؟
العنود : ما ادري قلنا يمكن يمل ويتركنا وما ودنا تسوونها سالفه في السوق
عبد الله : حتى ولو مره ثانيه تخليني أكره اوديك السوق
العنود : لا لا لا لا إلا السوق خلاص مره ثانيه أعلمك
العنود كانت ودها تقوله عن حمد وش سوا بعدين قالت لا وش دخلني يمكن تصيرمشكله بينهم على حسابي اسكت أحسن

نرجع شوي لمنى اللي من يوم ركبت السياره ولا تكلمت ولاحرف وكل مايكلمها ترد عليه بكلمه تسكته وهو عرف انها معصبه وشك انها عارفه السالفه يوم وصلو البيت
حمد : منى ماتستاهلين روحات انتي قولي ليش معصبه الناس ينبسطون إذا تمشو وانتي العكس
منى انقهرررررررررت وفتحت شنطتها وطلعت الورقه ورمتها عليه ونزلت
هو تمنى انها يموت ولا يصير هالموقف مع أخته يعني شافتني بس يااارب ما احد يدري أخاف تعلم سعود ويسوي لي سالفه آآآآآآآه بس أنا ماادري متى أتوب عن هالحركات دايم أحط نفسي في مشاكل ومواقف بايخه زي هالموقف

الساعه 2ونص ومنيره في بيت أمها مارجعت وبدت تخاف وينه سلمان ليش سواها فيني ماني ناقصه مشاكل أنا وشوي دق جوالها قالت في نفسها ( ياااارب سلمان ) وشافت المتصل لقته رقم غريب قالت يمكن داق من رقم ثاني
منيره : نعم
: الله ياحلو هالصوت
منيره تقفل الخط مو وقته والله الحين هذا رايق وأنا في حاله
وهالرقم أبلشها كل شوي داق وخواتها حسو هالتوتر فيها
ومنيره حرقت جوال سلمان مكالمات ومافيه أحد يرد
نوره : خلاص منيره يوديك ناصر إذا تبين تروحين
منيره : لا أنا هامني أكثر ليش مايرد علي وش فيه ؟؟
وبدت الهواجيس والأفكار تجيها
حنان : خلاص انتي اهدي وان شاء الله خير
وبدو خواتها ينسونها شوي ويريحونها

وجت الساعه تقريبا 3 وجاها اتصال من عبدالله
منيره : ألو هلا عبد الله
عبد الله : هلا وينكم سلمان ليش مايرد ؟؟؟
منيره يعني الكل يسأل عنه كله مني أنا آآآآه وجلست تصيح

عبد الله : الووووووووو منيره وش فيكم ؟؟
منيره بصوت متقطع : أنا ما ادري وش السالفه أنا عند أهلي ماجاني وجواله مايرد
عبد الله خاف بقوه ودق بسرعه على سعود بس حتى سعود مايرد وبدا القلق والخوف على الكل حتى العنود درت بالسالفه وجلست خايفه وبغت تدق على منى بس عبد الله قال ياويلك تقلقينهم
ويدعي في نفسه ( يارب يرجعون قبل مايقوم أبوي ولا أمي )
قبل أذان الفجر بنص ساعه العنود مسويه مناحه عند عبد الله ومنيره عند خواتها جالسه تصيح
وشوي يدق جوال عبد الله وشاف المتصل سعود
عبد الله رد بسرعه : ألو سعود وينك ؟؟
بس كان اللي متصل موب سعود
:أخوي أنت وش تقرب له
عبد الله: ولد عمه ليش وش فيه تكلم ؟؟
: لا مافيه شي اهدى بس اذا تكرمت يجي أحد أولياء أمر هاللي اسمهم سلمان ال...... وسعود ال....... بسرعه عندنا في مستشفى ال ...........
عبد الله انصدم مستشفى وش السالفه ؟؟؟؟ : ان شاء الله وقفل الخط
العنود : عبد الله وش فيه ؟؟؟
عبد الله : مو وقت الأسئله روحي دقي الباب على ابوي وقوميه بسرعه وراح لبسه ثوبه

العنود تطق الباب ووجهها كله دموع فتح أبوها فاتح نص عيونه
يوم شاف هالمنظر البنت تصيح وفي هالوقت من الليل
أبو سلمان : العنود أحد فيه شي
العنود تحاول تتكلم بس من كثر الصياح ما قدرت والكلمه اللي طلعت منها : عبد الله وأشرت على الباب
عبد الله نازل مع الدرج يركض : يبه بسرعه البس ثوبك انتظرك في السياره
في هاللحظه أبو سلمان خاف ولا يدري وش فيهم عياله بس كل اللي سواه انه لبس ثوبه ومشى
وعلى هالصجة قامت أم سلمان وشافت العنود غرقانه في دموعها
أم سلمان : خير وش فيكم ؟؟؟
العنود : ................ تصيح
أم سلمان : تكلمي منيره رجعت ؟؟؟
العنود هزت راسها لا
الأم بدت تخاف وش السالفه
وأخيرا تكلمت العنود : يمه سلمان مارجع ومنيره عند أهلها وتو اتصل واحد في عبدالله وقاله يجي هو وأبوي أكيد سلمان فيه شي
ودق تلفون البيت ردت أم سلمان كانت منيره
منيره : ألو يمه وتصييييييييح
أم سلمان : هلا بنيتي اهدي ان شاء الله مايصير الا الخير
منيره : يمه سلمان وسعود في المستشفى
أم سلمان : في المستشفى ؟؟؟؟؟
وهنا أم سلمان جاها دوخه من الصدمه ومنيره تناديها وما احد يرد
منيره في قلبها وش هالمصايب ؟؟؟؟أبي أفهم أبي أشوفهم قدامي كلهم بخير

في المستشفى عبد الله قال لأبوه وش السالفه والأبو صار متوتر
دخلو مسرعين قابلهم الضابط
أبو سلمان : أنا والد سلمان ال........ طلبتنا وش صار في ولدي
الضابط : اهدى شوي واجلس
عبد الله معصب : مو وقت الجلوس قلي أخوي وولد عمي وينهم
الضابط : ترى كل شي بقضاء الله وقدره وأنا أقولكم اللي اسمه سلمان كانت إصابته كبيره وهو بالعنايه حاليا واللي اسمه سعود الحمد لله استعاد وعيه بس عنده كسور خفيفه

أبو سلمان ما استوعب وش يقول هذا عنايه كسور أنا شكلي بحلم وصار ساكت ولا تكلم
الضابط : الحمد لله على كل حال وان شاء الله يطلعون لكم بالسلامه ...
أبو سلمان ماتكلم ساكت
عبد الله : طيب نقدر نشوفهم الحين
الضابط : تقدرون تسألون الطبيب تقدرون الحين ولا لا ؟؟
عبد الله يمسك أبوه : يبه يالله مشينا
أبو سلمان : صحيح اللي يقوله قل انه يكذب قل ما أصدق ونزلت دموعه
عبد الله : يبه خلك أقوى وان شاء الله مافيهم إلا العافيه ولازم أدق على عمي يحضر
أبو سلمان : صحيح دق عليه بس لا تخوفه قل حادث بسيط

كان أذن الفجر والحين الناس يصلون ودق عبد الله بس عمه كان بالمسجد ولارد
منيره تقطع قلبها وأهلها حولها
منيره : ناصر الله يخليك ودني لأهلي الحين ما احد يرد علي أبي أعرف وش صار فيهم
أم ناصر : قم ياولدي ودها
ناصر: ان شاء الله يمه
أم ناصر : ولاتنسين تدقين تطمنيني ترى ماني مرتاحه
منيره وهي تصيح : ان شاء الله بس لا تنسينا من الدعا
أم ناصر : الله يردهم سالمين كلهم


وبعد الصلاة عبد الله يدق
أبو فهد : هلا عبد الله
عبد الله : السلام عليكم
أبو فهد : وعليكم السلام
عبد الله : عمي
أبوفهد : وش فيك عسى ماشر ؟؟؟
عبد الله : لا ان شاء الله خير بس سلمان وسعود مسوين حادث بسيط ولازم تحضر

أبو فهد : حادث ؟؟؟؟؟ متى ؟؟ عسى مافيهم شي ؟؟
عبد الله : لا الحمد الله بسيطه بس تعال انت الحين
أبو فهد : خلاص مسافة الطريق وأنا جاي
أبوفهد ( ليش أنا ضيعت عيالي ولدي في المستشفى ولا دريت عنه آه بس ويدق على فهد بس كان نايم ولا سمع
ودق على جوال الجوهره وكانت صاحيه
الجوهره استغربت أبوها داق على الفجر
الجوهره وكلها نوم : ألو
أبو فهد : زين موب نايمه بعد أخوكم في المستشفى ولا أحد درى عنه روحي قومي فهد بسرعه

الجوهره مو مستوعبه وش السالفه أبوها يهاوش أخوي في المستشفى وماسمعت إلا طوط طوط طوط انقفل الخط
هي أول مره يحسسها شي قامت بسرعه وراحت لغرفة سعود لأنها توقعت أنه حمد اللي في المستشفى بس مالقت أحد ومرت على غرفة فهد وطقت الباب وبعد المووووووووت فتح
فهد معصب فتح الباب : وش تبين ؟؟؟
هي خافت
الجوهره : لا تنافخ سعود في المستشفى بسرعة تحرك
فهد : سعود ؟؟؟؟؟؟؟؟؟؟؟؟؟؟
الجوهره ماتحب أحد ينفخ عليها راحت بسرعه ولا ناظرته
فهد مافهم شي أخذ جواله دق على سلمان مسكين يحسبه ماصار له شي وطبعا مااحد يرد
ومالقى إلا يدق على عبد الله وفهمه السالفه ووش صار ؟؟
فهد بسرعه طلع لهم في المستشفى
الجوهره ما عرفت تتصرف هل تقوم أمها ؟؟؟ وشلون بتقولها ؟؟؟ أكيد بتنصدم
فكرت شوي وجت على بالها منى قالت يمكن تعرف تتصرف وهي ماشيه على غرفة منى إلا سهى في قبالها خايفه
سهى : منى تصيح وش فيها أقولها ليش ؟؟ تهاوشني تعالي شوفيها

في هاللحظه عرفت الجوهرة أن منى وصلها الخبر ارتاحت شوي لأنها ماودها هي اللي تفجعها
الجوهره أول مرة تكلم أختها صدق بس هالموقف يستلزم هالشي
دخلت ولقتها حاطه راسه على رجولها وتصيح بصمت
الجوهره : منى خلاص وان شاء الله سعود مافيه شي
منى : وشلون مافيه شي وأنا تو مكلمتني العنود مسوين مناحه في بيتهم
الجوهره : بس خلاص المهم الحين شلون أمي تدري ؟؟؟
رفعت راسها منى : أمي ماتدري ؟؟؟؟؟؟؟؟
الجوهره : لا
منى : خلاص اجلسي أنا بطريقتي راح أوصلها الخبر
الجوهرة : امسحي دموعك قبل لا تروحين عشان ماتحس أن الأمر كبير
منى : طيب
وقامت غسلت وجهها
الجوهره جلست تفكر ( الحين أنا الكبيره وماعمري سويت شي مفيد دايما أسبب المشاكل ومنى توني أكتشف على صغرها بس عقلها كبير ) وظلت الجوهره على هالأفكار الين جت منى
الجوهره : هاه وش قلتي لها ؟؟
منى : لا أشوى الحمد لله قلت لها حادث بسيط وهو بخير وقدر يكلمهم والحين هي تقدر تزوره وصحيح تأثرت لكن هديتها شوي
الجوهره : زين الله يشفيه
منى سكتت شوي : الجوهره سمعت أن سلمان في العنايه
الجوهره : في العنايه من قال لك ؟؟
منى : توني مسكره من العنود طبعا أنا مافهمت منها شي كل بين كلمه وكلمه تصيح بس اللي قدرت أفهمه أن أخوها حالته خطيره
الجوهره : الله يعين الا أقول ترى حمد نايم وأكيد مادرى بروح أشوفه
منى تذكرت سالفة السوق وانقهرت منه وفي بالها أخواني ولا واحد ينفع لشي ماغيرك ياسعود يارب ترده لنا سالم
في المستشفى
كان الكل متجمع أبو فهد وفهد وأبو سلمان وعبد الله وكل واحد يواسي الثاني وشوي دخل الطبيب
الدكتور أحمد : تقدرون تشوفون سعود بس رجاء ما احد يسأله عن الحادث كلها خمس دقايق وتطلعون والضابط بيكون معكم
أبو سلمان : ليش وش سالفة الحادث ؟؟؟
الدكتور أحمد : هذي تعليمات الضابط تفضلو
وقامو ودخلو عليه
كان نايم على السرير ورجله مادها مجبسه وعلى راسها لافين شاش يوم شاف أهله ارتاح وابتسم لهم
أبو فهد : السلام عليكم ويحبه مع راسه وشلونك ولدي ؟؟
سعود بصوت منخفض : الحمد لله
وجا عمه وأخوه وعبد الله وتحمدو له بالسلامه وماأمداهم يقعدون إلا الضابط يطلب منهم أنهم خلاص يطلعون وهم طالعين سعود مسك يد عبد الله وقال : عبد الله وينه سلمان ؟؟
عبد الله وش يقول يقوله أن في العنايه سكت شوي وقال : الحين مرقدينه وارتاح انت ان شاء الله بيكون بخير
في هاللحظه دخل حمد مسرع : سعود أخوي الحمد لله على السلامه ..
سعود ابتسم : الله يسلمك
حمد : والله توني داري ان شاء الله انك بخير؟؟
سعود : الحمد لله بس ادعولي تنفك هالجبوس مني

الضابط : خلاص لو سمحتو
عبد الله يقرب من عند سعود ويقول : سعود وش سالفة الضابط
سعود : ادع لنا نطلع ببراءه
عبد الله مافهم بس طلع عشان مايعصب عليه الضابط

وهو طالع شاف حمد ينتظره
حمد : عبد الله أخوك فيه شي ؟؟
عبد الله : آه ياحمد والله حالته خطيره
حمد : أبي أفهم وش سالفة الشرطه ؟؟؟
عبد الله : هذا اللي محيرني بعد علمي علمك

في بيت أبو سلمان العنود ومنيره وأمهم وعمر الصغير جالسين
كل واحد في همه ينتظرون أي اتصال منيره دق جوالها شافت المتصل ناصر
ناصر : السلام عليكم
منيره : وعليكم السلام
ناصر : وش أخباركم صار شي ؟؟؟
منيره : الى الآن بس اللي أعرفه أنهم رافضين يدخلونهم على سلمان بسبب حالته

ناصر : انا رايح لهم المستشفى وخوذي أمي تبيك

وجلست أمها تهديها وتذكرها أن تدعو له وأن الصياح وهالدموع ماتنفعه وأن الله قوي وقادر يبعد عنه هالبلاء

من جهه أخرى طلب الضابط من أبو سلمان وأبو فهد أنه يبغاهم في جلسه خاصه من دون العيال طبعا وافقوا وعلى راسهم ألف استفهام

جلسوا العيال حمد وفهد وعبد الله في الانتظار

عند الضابط
الضابط : أكيد راح تستغربون ليش جمعناكم والسالفه اللي فهمتوها أن الموضوع حادث وبس لكن اللي تبين أن الموضوع أكبر
أبو فهد : مافهمت كيف ؟؟؟
الضابط : راح تفهم انتظر شوي حنا جانا بلاغ بوجود حادث وتوجهنا للموقع بس الأمر اللي شفناه ما كان حادث وبس والدليل قدامنا واضح كان سعود برا سيارته طايح والدم على وجهه وسيارته مافيها شي وسلمان صحيح كان في السياره بس الحادث بسيط مايستاهل هالاصابات قمنا سوينا بحث و تحقيق عن الموضوع بس ماتوصلنا إلا لشي واحد وهو وجود شخص كان معهم وهرب ولا أحد يعرف من هو ؟؟
أبو سلمان : طيب يمكن سعود يعرفه
الضابط : وهذا هو الأمل بس ننتظر حالته تستقر بس إذا سمحتم أدري أنك راح تنصدمون حنا لقينا في سيارة سعود هذا الشي ...
وحطه على الطاوله ( كان كيس فيه مخدرات )
أبو فهد يناظر أبو سلمان : لا ما أتوقع الوحيد من عيالي اللي مستحيل أشك فيه
أبو سلمان : وأنا معه سعود عاقل ولا عند هالحركات
الضابط : بصراحه ما أقدر أصدق ولا كلمه لأن ماعندي أدله والتهمه ثابته عليه وسلمان بما أننا لقيناه بنفس الحدث لابد أننا نحقق معه بعد ما يستعيد وعيه

أبو سلمان : بس لا تتعجلون ولازم تعرفون الشخص الثالث اللي معهم ..

الضابط : يكون خير
وطلعو الاثنين وكل الدنيا عندهم سودااااا واتجهو لبيوتهم وقررو ما احد يدري عن سالفة الحادث هذي غيرهم
أبو سلمان دخل البيت وشاف عياله ومنظرهم الحزين
أم سلمان : هاه بشر عنه ؟؟ نقدر نزوره العصر ؟؟
أبو سلمان : ما أعتقد لأنه في العنايه الحين ادعو له
أم سلمان تصيح : ياقلبي عليك ياولدي الله يشافيه
أبو سلمان : أنا بطلع الغرفه ارتاح إذا جاكم أي خبر علموني
وطلع غرفته

الساعه 4 العصر كانو عايلة أبو فهد متجهين للمستشفى لأن سعود مسموح له الزياره وكلن مشتاق له حتى الجوهره اللي ماكان لها احتكاك في أهلها كانت بقوه ضايق صدرها

فتح الباب أبوفهد ولقى سعود جالس يقرا قرءان ويوم شاف أبوه وأهله سكر المصحف وقال : هلا والله با اهلي
أبوفهد : هلابك لا اليوم وجهك زين
وشوي تدخل ام فهد : الحمد الله على سلامتك ولدي
سعود : الله يسلمك أمي وحضنها وجلست تصيح عاد أمه من بين عيالها سعود غير
سعود : يمه لا تصيحين أنا بخير وراح أطلع لكم مثل أول ان شاء الله
منى والجوهرة وراهم يتابعون هالموقف اللي وجع قلوبهم ويقولون تونا نعرف غلاك ياسعود
منى : الحمد لله على السلامه سعود وتسلم عليه
سعود : الله يسلمك هاه فقدتيني ولا افتكيتي مني
منى : لاااااااااا ارجع بس البيت يضيق الصدر بدونك
الجوهره : وخري شوي بسلم عليه
سعود : هلا جوجو
الجوهره : ماتشوف شر أخوي وتسلم عله
سعود : الشر مايجيك
سهى : سلامات سعود
سعود : الله يسلمك قلبي والله اشتقت لكم
سهى : تعال ارجع لنا نبغاك
سعود : يا حبيلك بس ان شاء الله برجع قريب
منى : عاد سعود حبينا نقدم لك هالهديه الحلوه مني أنا وأختي الحلوه الجوهره وسهى الصغيوره

وكانت باقة ورد كبيره روووعه تجنن وحاطين بطاقه على جنب ألف الحمد لله على السلامه ياالغالي ... أخواتك
وكان بجنبها سلة حلاو اللي يحبه سعود ( باتشي )

سعود : تسلمون زيارتكم تكفي يابعدهم ليش مكلفين على أنفسكم ؟؟

الجوهره : لا بس تعبير عن فرحتنا بسلامتك
أم فهد : وش أخبار ولد عمك سمعت عنه شي ؟؟
سعود نزل راسه : لا يا يمه كل اللي أعرفه أنه مازال في العنايه
أم فهد : الله يطلعه سالم لأهله
الكل : آميييين
أم فهد : ما قلتي لي وشلون حصل هالحادث ؟؟؟
سعود لازم يطلع له كذبه وش يسوي : لا بس صدمت فينا سياره مسرعه على الخط السريع
أم فهد : عسى ماتعور صاحب السياره
سعود : يعني اصابات بسيطه ..

وانتهت زيارتهم اللي حس فيها سعود براحه وتغيير جو عليه لأنه ضايق بسبب سلمان

في بيت أبو سلمان كانت منيره تكلم ليلى : هذا اللي صار ويارب أخوي يرجع لنا والله مالي في هالدنيا مهتم فيني كثره توني أعرف قدره
ليلى : لا ان شاء الله يرجع لكم وترى كثير يصير مثل هالشي ويرجعون أحسن
منيره : الله يسمع منك
ليلى : بتداومين ؟؟؟
منيره : ما أعتقد نفسيتي زفت بقوه
ليلى : خليك أقوى وخلاص راح أوصلك محاضراتك إلى ماتداومين
منيره : مشكوره ماتقصرين والله
ليلى : العفو يالله ما أطول عليك سلميني على أمك
منيره : الله يسلمك
العنود اللي قالبه الدنيا ولاهي راضيه تكلم أحد حتى سحر دقت فيها كم مره بس ما في فايده وقدرت تعرف من منى السالفه عشان كذا مهتمه ...

بعد يومين مرو بطيئات طلع سعود رغم الكسر اللي في رجله لكن قالو له مايتحرك كثير ولازم يرتاح لكن سعود كثير تغير وصار هادي وكل وقت يدعي على من كان السبب بهذا الشي

وفي عصر يوم من الأيام كان جالس في الحوش على كرسيه ويحاول يراجع شوي من كتبه لأنه له وقت غايب وماحضر وشوي يدق جواله كان رقم غريب
سعود : نعم
الضابط : السلام عليكم
سعود : وعليكم السلام
الضابط : الأخ سعود ؟؟
سعود : نعم من معي ؟؟
الضابط : معك مركز الشرطه حابين نجيك الآن في البيت إذا ما عندك مانع
سعود : لا أبد تفضلو


بما أنه سعود مايقدر يحضر فقررو يجون عنده في البيت بعد ساعه دق الجرس سعود كان جالس في المسجد ينادي حمد
سعود : حمد حمد
حمد : نعم وش عندك
سعود : افتح الباب
حمد : طيب طيب
حمد راح وفتح الباب وانهبل يوم شافهم الشرطه
الضابط : هذا بيت سعود ال.......
حمد : ايه نعم بغيتو شي
الضابط : ايه حنا لنا موعد معاه
حمد فتح لهم الباب وهو مو قادر يفهم السالفه وليش أهله ساكتين ؟؟ مع انه شاك
دخل الضابط ومعه اثنين من الضباط وسلمو على سعود وجلسو

الضابط : أنت عارف ليش جايين نبغى تتعاون معنا عشان تطلع ببراءه
سعود : راح أقول اللي أعرفه
الضابط : أول شي تعرف اللي كان معكم ؟؟؟
سعود : كان متلثم ومعه سلاح لكن ما أطلق شي وكان معه أشخاص تقريبا ثلاثه كل اللي سواه ضرب سلمان فيه على راسه وأنا جيت بدافع وجاني صدمه خفيفه بالسياره وأنا شفتهم يوم ركبو السياره حقتي بس ما توقعت أنهم بيوصلونها لهاالدرجه

الضابط : زين طيب ماتشك بأحد ؟؟؟
سعود :كل اللي أعرفه أن سلمان كان بينه مشكله مع واحد اسمه عبد العزيز ال........ ومو بعيده يكون هو
الضابط : خلاص هالاسم بنبحث فيه

وبعد تحقيقات طويله انتهت هالجلسه وسعود ارتاح يمكن قدر يسوي شي يدافع عن نفسه وعن سلمان

نرجع لل العنود نفسيتها شوي تحسنت وكانت تكلم سحر
سحر : خلاص انتي يكفي غياب لك أسبوع الكل يسأل عنك
العنود : والله ماااالي خلق أجي
سحر: إلى متى أنتي حاولي تداومين الأسبوع الجاي
العنود : بحاول
سحر : تصدقين عاد اني أكسر الخاطر
العنود : لييييييش ؟؟
سحر : كذا مافيه وحده تستهبل معي ووحده اسمها العنود أقابل وجهها كل يوم وكلن يناظر لي كاني مسكينه
العنود : يااااعمري انتي لا تصيحيني كلش ولا سحر والله اشتقت لك
سحر : احم احم استحي
العنود : أقول وش رايك تعالي اليوم عندي ودي أغير جو ماله وطفشانه
سحر : امممممممممم اليوم ما أتوقع يمكن نطلع لجدتي من زمان ما رحنا لهم ويمكن ننام عندهم
العنود : قهررررر خليني أقول لمنى تجيني
سحر : إلا وش أخبارها ؟؟؟ مداومه ولا مثلك دلوعه
العنود : أنا دلوعه ؟؟ اوريك لا مداومه أخوها طلع الحمد لله
سحر : خلاص يالله بسكر الحين أهلي بيمشون وأنا بقعد شكلي أشوفك في المدرسه خلاص مع السلامه
العنود : أكيد و يالله مع السلامه

في صباح يوم الجمعه يدق جوال سعود بس كان توه مابعد قام لكن جواله كان عالعام ناسي يخليه صامت قام وشاف الاتصال لقاه من الضابط رد بسرعه
الضابط : السلام عليكم
سعود : وعليكم السلام
الضابط : ازعجناك على الصبح العذر اخوي بس الامر مهم
سعود : لا عادي تفضل
الضابط : اللي اسمه عبد العزيز مفقود له اسبوع وشوي تقريبا من الحادث أبيك إذا تعرف أحد من أصدقائه
سعود : كل اللي أعرفه أنه كان يجي بين فتره وفتره للاستراحه اللي نتجمع فيها ولا أعرف له صديق معين
الضابط : خلاص مشكور بس إذا قدرت تعرف شي علمنا
سعود : ان شاء الله

نروح الحين لمكان بعيييييييييد أبعد شوي في لندن من تتوقعون فيها
أكيد عرفتوه عبد العزيز كان جالس في غرفته ومعه صديقه صالح
كان كل الوقت من يوم جا هالبلده وهو في عالم ثاني يفكر في اللي سواه ( أنا حقير سالفه صغيره تخليني أسوي هالشي أورطهم في سالفة مخدرات وأنا الحين ماادري حيين ولا ميتين ... قطع تفكيره
صالح : ياشيخ ترى ملينا من هالقعده يا تستانس وتفلها يانرجع
عبد العزيز : استانس بعد اللي سويته
صالح : ماتوقعتك رحوم لهالدرجه وش الطاري
عبد العزيز : صالح خلاص مهما كان أنا ذبحتهم بيدي وأنت السبب
صالح : أنا السبب ؟؟؟؟ والله ما ادري من اللي قاعد يخطط
عبد العزيز : بس أنتو شجعتوني تقدر تقولي لا تسويها بس أنت من يوم عرفتك وأنت كلك شر
صالح : أنا كلي شر ؟؟ وانا اللي تارك ديرتي وقاعد معك هنا أنا وش قعدني يكون في علمك بكرا تراني حاجز بسافر وأنت اقعد عشان تعرف قيمتي
عبد العزيز : أنا قابضين علي قابضين انت رح في طريقك وأنا إن تيسرت لي جيت
صالح ناظر له نظراته كره : أتمنى بعد هاليوم ما أشوفك ولا تعرفني فاااااااااهم
عبد العزيز : الله لايحوجنا لناس أمثالك
صالح خلاص وصلت معه : عبد العزيز لا تخليني ارتكب فيك جريمه ..

طلع صالح من الفندق وحجز أقرب رحله للسعوديه يبغى يفتك وكانت رحلته الليله الساعه 12
رجع الفندق وحتى ما ناظر لعبد العزيز ولاعبره وهو شايل أغراضه وطالع ناداه عبد العزيز
عبد العزيز : صالح
فكر مايرد عليه بس وجعه قلبه : نعم بغيت شي
عبد العزيز : أول شي إذا ماعليك كلافه توصل سلامي للأهل وقل لهم أنا بخير وأبي توصل لي أخبار سلمان وولد عمه وان شاء الله برجع قريب
صالح : عبد العزيز شف أنا صح مازال قلبي يلومني على اللي سويته مع ذلك أقولك كل اللي تبيه راح أوصله لك ويالله مع السلامه وطلع

عبد العزيز خلاص حس الدنيا صغيره في عينه وأول شي حطه في باله قال برجع قريب بس مابي أحد يدري وقبل هذا كله أتمنى أعرف أخبارهم ان شاء الله يكونون بخير ..
عبد العزيزندم أكبر ندم على اللي سواه واستحقر نفسه لأنه بالفعل شي صغير خلاه كبير بس هو كان يقول ( كرامتي ماتهون علي ) بس شوفو وين ودته هالكرامه

في غرفتها كانت جالسه ومشغله المسجل على القرءان وهي جالسه تذاكر خلاص الامتحانات قربت ولازم يجي الجد منيره كان شاغلها الوحيد سلمان على نفس حالته ماتغيرت من الحادث سمعت صوت الجوال شافته ناصر
منيره : ألو هلا
ناصر : هلا بك السلام عليكم
منيره : وعليكم السلام
ناصر : وش أخبار الحلوين ؟؟
منيره : الله يسلمك تمام أخبارك وأخبار الأهل ؟؟
ناصر : الحمد لله يالله شدي حيلك آخر ترم في الجامعه ان شاء الله تتخرجين بتفوق
منيره كل ماتذكرت انها خلاص آخر ترم ضاق صدرها لأنها ماتعرف مصيرها بعد الدراسه
ناصر : الوووووووووو وين رحتي ؟؟
منيره : لا معك وش أخبار نوره وحنان عاد هم ثالث ؟؟
ناصر : والله قالبين البيت علينا من كثر المذاكره أول مره أشوفهم متحمسين ياحليلهم

في هاللحظه طق الباب عند منيره : خلاص يالله أكلمك بعدين
وسكرت
أبو سلمان : منيره من تكلمين ؟؟

منيره تغير وجهها وش قصده
أبو سلمان : ادري من هو ؟؟
منيره : بس يبه
أبو سلمان : لا بس ولاشي أنا ماكنت بيوم من الأيام أتوقع انك تغبين علي هالشي
منيره : هو أخوي يبه عادي
أبوسلمان : أدري عادي ومن قالك موب عادي بس العيب أني آخر من يدري ؟؟ ليش يامنيره تا خذين رقمه ؟؟ وش بينكم لو أنك تكلمينه على انه أخوك ما خبيتيه علينا

منيره : والله يبه مابينا شي لو تبي تكلمه كلمه أنت بنفسك وأسأله
أبو سلمان : منيره خلاص يكفي لا تلعبين علي بكم كلمه أنا ما راح أمنعك من أنك تكلمينه لكن زوجك قريب يمكن يمنعك

وقام ولا عطاها مجال تتكلم

منيره وش قال ( زوجك ) لاااااا يعني عنده نيه هالسنه يزوجني يارب أبوي ما يحطني بيد واحد مايعرف قيمتي عندي احساس أعرفه فهد بس يارب موب هو يااااااااارب حتى لو كان هو برفض ما آخذه لو وشو


انتهى الجزء ............
سلمان وهالغيبوبه اللي طالت على قلوب اللي يحبونه ...
سعود والقضية اللي شاغلته وش نهايتها وفقدانه لأعز صديق اللي تغيرت حياته من بعده ..
منيره تطلع من مشكله وتدخل في ثانيه وكل أمنيتها تعيش يوم بدون ما يجيها خبر ينكد عليها
العنود هذي الانسانه اللي الدنيا عندها بسيطه لكن هالأيام تحملت هم كبير وهو فقد أخوها سلمان
عبد العزيز صحيح ندم على اللي سواه بس وش ظنكم يسوي عشان يرتاح ولا يأنبه ضميره ؟؟

الجزء الرابع

يا سنين كفي عن الذكرى وخليني
ما عدا أنا أقوى على حزنك وأشجانك ..
ما اتحمل أكثر من اللي بينك وبيني
جفت عروقي وأنا صابر على شانك ..
حاولت اداري الحزن اللي عاش فيني
وأحاول أضحك وأصد في وجه خلاني ..

العنود اللي اختفت الضحكة من حياتها وحتى صديقاتها لاحظو هالشي كان جالسه في الفصل وسرحاااانه وما كانت معاهم أبد سحر كتبت لها على الطاوله ( الووووووو ترى بتجيك كم تهزيئه من الأستاذه ) ابتسمت العنود وتوها تحس بنفسها
كتبت سحر( اللللللللللله ياحلوها هالضحكه من زمان عنها )
الأستاذه لاحظت هالشي ..
أ ـ ابتسام : سحر وبعدين معك ترى مو أول مره أنبهك خلي البنت مركزه معنا
سحر ساكته ماتكلمت
العنود : استاذه في جزئيه مافهمتها في الدرس <<<<<<< حلوه التصريفه
أ ـ ابتسام : نعم تفضلي العنود <<<<<< ماصدقت أحد يسأل
العنود : لا بس المسأله الثانيه ممكن تعيدينها

سحر ماااااااااااسكه نفسها وودها تضحك والبنات استغربو هالشي من العنود

وانتهت الحصه والأستاذه وهي جايه تطلع قالت : العنود تعالي شوي عندي في الغرفه
العنود اختبصت وش الساااااااالفه وتقول أنا أصلا الغبيه اللي سألت اليوم بس كله منك ياسحر
طلعت الأستاذه عند الباب
سحر : أحلللللللللللللللللللللى كشخه استاذه ابتسام تناديها بسرعه روحي عشان تقولين لي وش السالفه

العنود : روحي بس حلمي أقولك كله من هالسؤال اللي بأنقذك فيه

نزلت غرفة المدرسات وكانت مستحيه تدخل لأنها أول مره أحد يناديها وتصير مهمه وبعد تحفيز داخلي طقت الباب
العنود : السلام عليكم
أ ـ ابتسام : وعليكم السلام تعالي العنود
مشت العنود بكل أدب وبعد منزله راسها <<<< الدنيا كذا مره عالي مقامك ومره مالك أهميه خخخخخخخ

أ ـ ابتسام : وش أخبارك العنود ؟؟؟
العنود : الحمد لله
أ ـ ابتسام : العنود أنتي هاليومين متغيره وصايره مؤدبه ماشاء الله وبصرااحه أعجبني هالحرص فيك بس أتمنى يستمر إلى الاختبارات
العنود في بالها ( انا مؤدبه وااااو لو تسمعها سحر )
أ ـ ابتسام : بس أحس أنك تسرحين شوي اعتبريني مثل أمك فيه شي مضايقك
العنود : لا مافيني شي أستاذه بس أنا قررت أنجح بنسبه حلوه هالسنه وأخلي اللعب <<<<<<< الله على الكلام الحلو

أ ـ ابتسام : كذا العنود اللي أبغاها وترى بأبذل اللي أقدره عشان أساعدك في أي شي
العنود : مشكوره استاذه
أ ـ ابتسام : يالله العنود الله يوفقك
العنود : امين

وطلعت العنود وهي في بالها شي كثييييييييير أنا مؤدبه شاطره كله من الهدؤء اللي حل علي ولا بعد باتكرم من قدي صراحه

وهي راقيه مع الدرج الا تقابلها سحر
سحر : العنوووووود هلا والله
العنود : من انتي ما أعرفك ؟؟؟؟
سحر : العنود بلا استهبال وش صااااااااااااار بسرعه ؟؟
العنود : اممممممممممم
سحر : ترى والله بأفلقك بقارورة المويه هذي
العنود : فيك عرق لقافه ما ادري وش يبي ؟؟؟
سحر : بتقولين ولا لا ؟؟
العنود : سحر أنا شاطره ومؤدبه ومتغيره كثير
سحر : لاااااااااااا العبي على غيري شكلها الأستاذه مهاوشتك وبتسوين فاهمه علي
العنود : لا والله هذا الصدق ( وقالت له بالتفصيل الممل اللي قالته أستاذه ابتسام كانت حافظته من الفرحه )
سحر : والله وطلعت شي عشان كذا ماعرفتيني
العنود : ايه صح تذكرت انا لازم أصادق بنات جديدات شاطرات موب زيك
سحر : نعععععععععععععععععم ؟؟؟؟؟؟؟؟؟؟؟؟
العنود : هههههههههههههههه ولا تعصبين أصلا أنا باقدر استغني عنك
سحر : أشوى زين ولا بعد تسوينها

....... انتهى اليوم هذا اللي حست العنود انها من زمان ماضحكت ولا سولفت
ورجعت البيت اللي الكل فيه مكتئب وحزين والله العذر لهم سلمان وإلى الآن ما أفاق من غيبوبته ولا يدرون وش مصيره؟؟
كانت راقيه مع الدرج وقابلتها منيره
العنود : هلا السلام عليكم
منيره : وعليكم السلام
العنود : ليش كذا طالعه نحيييفه بزياده
منيره : وش أسوي من زمان ما أكلت زين وأمس كله ما كلت وأنا نازله أسوي لي شي تبغين أجيب لك
العنود : لا ما اشتهي الحين بعدين باانزل وأجيب لي

العنود تحس بدووخه من قل الأكل بس النفسيه ما تأهل دخلت غرفتها ورمت الشنطه على السرير وبدون شعور فتحت الدرج وطلعت دفترها اللي تكتب فيه مذكراتها وهي جايه بتفتحه طاحت منه صوره من تتوقعون لمين ؟؟؟
كانت الصوره الجماعيه اللي عطتها منى وهي كانت بتوريها سلمان بس نستها وجلست تتأمل سلمان
وييييييييينك والله فاقدينك ارجع خلني أضحك وارتاح من غيره يعاندني ومن غيره يخليني استانس في البيت آه يا سلمان ما كنت أتصور بعدك يسوي كذا يا رب تقوم وترجع لنا مثل أول

ومرو الأيام على هالحاله اللي كلها هم ولا تغير شي الكل كان يستعد للامتحانات النهائيه رغم الهم اللي يصادفهم
كان أبو سلمان جالس في العصر يشرب الشاهي ويجيه اتصال من رقم ماعرفه
أبو سلمان : نعم
الدكتور أحمد : السلام عليكم
أبو سلمان : وعليكم السلام من معي ؟؟؟
الدكتور أحمد : معك الدكتور أحمد اللي متابع ولدك سلمان
أبو سلمان فز قلبه أكيد سلمان فيه شي : حياك الله
الدكتور أحمد : أحب أقولك أنه من بركات دعاءكم صحة سلمان اليوم متحسنه حتى انه قدر يفتح عيونه ويناظر من حوله بس إلى الآن ما ندري هل الغيبوبه مأثره عليه ولا لا لأنه ماتكلم ؟؟
أبو سلمان ما احد يتصور فرحته : الحمد لله لك يارب نقدر نزوره اليوم ؟؟؟
الدكتور أحمد : تقدر ليش لا ..

وسكر منه وهي في قمة فرحه ويشكر الله على هالنعمة
أم سلمان كانت جنبه : بشر وش صار فيه ؟؟؟
أبو سلمان : الحمد لله يقول الدكتور انه تحسن كثير ويالله تجهزي بنروح له
أم سلمان : خلاص خمس دقايق على مابال أنادي البنات
وراحت أم سلمان ولقت منيره والعنود جالسين فاتحين كتبهم يذاكرون لأن السبت اختباراتهم
أم سلمان : منيره العنود بسرعه البسو عباياتكم بنزور سلمان
العنود تناظر منيره : سلمان ؟؟؟؟؟؟؟؟
منيره : يمه أكيد ؟؟
أم سلمان : ايه الدكتور توه داق يقول تحسنت صحته ..
منيره والعنود من فرحتهم ما عرفو يتصرفون حتى يحسون الموضوع كذب
وهم في السياره
العنود : يبه صدق سلمان قام
أبو سلمان : الدكتور يقول قدر يفتح عيونه يعني تعدى مرحلة الخطر
العنود : الحمد لله لك يارب
ومنيره كانت مره مبسوطه رغم الحزن اللي فيها ومعاملة أبوها لها بالجفا بس أهم شي سلمان يرجع لنا والله ما أزعله يوم وأتجاهله عرفت قيمته
وصلو المستشفى واسألو عن غرفته دخلو بس ماكان سلمان اللي يعرفونه كان واحد هزيييل جدا والمغذيات حوله قرب أبوه ومسك يده وحبه على راسه هو حس فيه أحد فتح عينه بس ماعبر بشي قربت من عنده أم سلمان : سلمان حبيبي أنا أمك
العنود ومنيره يشوفونه من بعيد ويصيحون ويتمنون لو يتكلم أو يعرفهم
العنود ما اتحملت وجت عند ومسكته من كتوفه : سلمان أنا العنود تكلم تسمعنا
صار يقول كلام بصوت خفيف ماحد فهمه الكل قرب منه يبغون يفهمون اللي قال وقدرو يستوعبون بعض الكلام كان يقول ( سامحوني ) ( وقولو له أنا مسامحه ) طبعا أبو سلمان فهم وش قصده
أبو سلمان : ان شاء الله ترجع لنا والحمد لله الحين خفيت وكل يوم بتحسن بإذن الله
سلمان كان يهز راسه انه فهم
كانت هالجلسه بالنسبه لهم حلوه بس ناقصهم صوته وضحكته
وبعد ساعه من جلوسهم مرت بسرعه ولا حسو فيها طلعو من عنده
وراح أبو سلمان للدكتور
الدكتور أحمد : الحمد لله على سلامة سلمان ..
ابو سلمان : الله يسلمك بس بغيت تقولي أي تحسن يصير له
الدكتور أحمد : ان شاء الله ومن الحين أقولك ترى حالته في تحسن بإذن الله
ابو سلمان : يعطيك العافيه ماقصرت
الدكتور أحمد يبتسم : هذا واجبنا ..
العنود من أول ما دخلت البيت خذت التلفون ودقت على منى وبالصدفه ردت عليها منى
منى : هلاااااااااااا بالقاطعه
العنود : هلا بك وش أخبارك ؟؟
منى : تمام وانتي وش الدنيا بك ؟؟
العنود : أنا مستاااااااانسه بقوه
منى : خليني استانس معك
العنود : بلا استهبال تو رحنا لسلمان
منى : وش تقولين سلمان ؟؟؟ يعني قام من الغيبوبه
العنود : ايه قدر يفتح عيونه ويكلمنا اللللللللله بصراحه مره مبسوطه منى
منى : الحمد لله على سلامته ..

في غرفة عبد الله كان جالس يذاكر دخل عليه أبوه وقاله عن سلمان هو من فرحته رمى الكتاب اللي معه ودق على سعود
سعود : هلا عبود
عبد الله : هلا بك الحين بمر عليك سلمان قام
سعود : عبد الله تستهبل ولا صدق
عبد الله : لا صدق تو أبوي قال لي يالله تجهز وشف حمد يبي يروح ؟؟
سعود : خلاص طيب
وسكر سعود وحط راسه ونزلت دمهته غصب عنه من الفرحه يعني سلمان بيرجع لا مو مصدق
وكلها ربع ساعه وعبدالله عند بابهم طلع سعود بعكازته ووراه حمد وركبو

منيره كانت جالسه في الصاله فاتحه الملازم وقاعده تذاكر جاها اتصال وشافته من ليلى
ليلى : السلام عليكم
منيره : وعليكم السلام هلاااااوالله
ليلى : هلا بك كيفك أكيد مقطعه الكتب من المذاكره
منيره : مرررره خخخخخ الا ماقلت لك توني جايه من عند سلمان
ليلى : الحمد الله على سلامته
منيره : الله يسلمك مع انه مررره متغير ولا تكلم توه
ليلى : أهم شي قام من الغيبوبه الحمد لله
منيره : ايه الحمد لله وش كثر مرتاحه بس هالاختبارات لازم تنكد علينا
ليلى : يالله هذي آخر سنه تمسكين الكتب وتذاكرين
منيره : آخر سنه سكتت شوي ليتها أول سنه
ليلى : ليش غريبه الناس تستانس بالتخرج وانتي العكس
منيره : ايه الله يعين خلصتي المنهج ولا لا؟؟
ليلى : والله تقريبا خلصت باقي لي شوي
منيره : زين أنا باقي لي الباب الأخير كله
ليلى : بيمديك ان شاء الله وبعدين الأستاذه حقتنا أسئلتها مره سهله
منيره : ياحلوه من قال سهله الا يبيلها مذاكره
وجلسو يسولفون لين ليلى نادت عليها أمها

في مكان ثاني سعود جالس عند راس سلمان
سعود : الحمد لله على السلامه والله وش كثر فرحت
سلمان كان بقووووه مرتاح يوم شاف سعود لأنه مايذكره إلا آخر موقف صار وهو الحادث رد عليه بصوت خفيف ( الله يسلمك )
وصارو يستهبلون ويسولفون عنده عشان يغيرون الجو عليه
حمد : ترى الدب عبدالله مره مستانس ومفتك منك سلمان
عبد الله : حمد والله أنت الدب خلك ساكت بس أخوي وحبيبي ليش أفتك منه الا انت يوم سعود كان ما يقدر يمشي ماتنازلت تساعده
حمد : وش دراك إلا شف كتفي شلون الى الحين يوجعني منه وحتى كان يقومني من النوم عشان أمسكه
سعود : أوب أوب عليك تعرف تألف انت أصلا انت لا نمت ما حد يقومك غير العصا ولا ماتحس باحد شلون تبغاني أقومك
سلمان حس بتغيير جو وجلس يضحك عليهم


في صباح يوم السبت كان الكل عنده امتحانات ومستعد له منيره كانت مخلصه لبس وكل شي وجالسه تنتظر الباص يجيها ومعها كتابها تراجع وصلتها رساله على الصبح يوم افتحتها لقتها

( منوره دعواتك لنا والله خايفين كأننا داخلين ساحة معركه خخخخخ أخواتك حنان ونوره )
ابتسمت وتقول ياحليلهم ذكروني بأيام ثالث ثانوي كنا مرتبكين بقووه ههههه والأمر عااادي

ردت عليهم ( الله يوفقكم وتاخذون نسب حلوه وعادي لا تخافون الأمر عادي كلها أسئله سخيفه صدقوني )

العنود جالسه في الباص ماتدري وش سالفة المنهج غير انها قرته وإذا تذكرت كلام أـ ابتسام قعدت تضحك على نفسها
ويوم وصلت كانت سحر توها داخله وشكلها ماذاكرت زين
العنود : سحر بصيح
سحر: وسعي صدرك ياشيخه وأنا ضامنه النجاح لك
العنود : والله ماااااااادري وش السالفه تعالي ذاكري لي شوي
سحر : وليش وش عندك ماذاكرتي ؟؟ <<<<< مسويه قويه
العنود : بلا ذل من فرحتي بسلمان ماعرفت أذاكر
سحر : سلمان ؟؟؟ ليش وش صار
العنود : ايه صح ماقلت لك أنا السالفه اسمعي
سحر : بس بس بعد الاختبار قوليها الحين خلينا نذاكر
العنود : طيب يالله اسأليني أي سؤال يمكن يجي في الامتحان

وجلسو يذاكرون ويسألون بعض الين دق الجرس وراحو لفصولهم

عند جامعة العيال كان سعود جالس يراجع مابقى إلا حوالي دقيقتين ويدخلون
محمد : السلام عليكم سعود
سعود : وعليكم السلام هلا محمد وش أخبارك ؟؟
محمد : الله يسلمك بخير بشر عنك ان شاء الله مذاكر تمام
سعود : والله تقدر تقول الله ييسر
محمد : إلا وش أخبار سلمان ؟؟
سعود في باله ( والله مو وقته خلني أختبر على خير ) : ماعليه الحمد لله
محمد : الله يشفيه يارب وماتحس ان الناس دخلو ومابقى إلا حنا الاثنين
سعود : والله من سواليفك امسكني شوي
وتمسك في محمد ومشى
سعود بدت تخف عليه رجله شوي وقدر يمشي بدون عكاز

في المستشفى تحسنت حالته مره وقدر يتكلم ويستوعب اللي حوله

كان سلمان جالس وقاعد يمر عليه شريط الحادث وش صار له معقوله هذا اللي صار يعني توصل فيه إلى هالدرجه يسوي فيني كذا والله لو اني ذابح واحد من أهله عشان يضربني هالضرب
وربي كتب لي حياه ولا خلاص حسيت اني مودع
وسعود آآآه ياسعود وش ذنبه هالمسكين يتورط معي أنا صح يمكن بالنسبه له أهنته بس سعود ليش سوى فيه كذا ياحليله أكيد خلص من امتحانه الحين ) <<<< سلمان مايدري عن سالفه المخدرات شلون لو درى

ومسك الجوال واتصل عليه
سعود كان قاعد مع الشباب يسولفون عن الامتحان ويوم شاف الاتصال من سلمان ابتسم والدنيا ماوسعته من فرحته
سعود : هلاااااااااوالله وغلا
سلمان : هلا بك السلام عليكم
سعود : وعليكم السلام والله ماتدري وش فرحتي بهالاتصال
سلمان : دايم فرحااااان يارب هاه بشر عن امتحانك ؟؟
سعود : والله مررره حلو الأسئله سهله الله يعافيه الأستاذ
سلمان : زين والله شد حيلك أجل في الباقي
سعود : وش أخبارك انت الحين ان شاء الله أحسن
سلمان : والله هاللي تشوفه أحسن شوي
سعود: الشباب كلهم يسألون عنك ويسلمون عليك كثير السلااام
سلمان : الله يسلمهم والله مشتاق لكم ادع لي اطلع مليييت من الجلسه هذي
سعود : ان شاء الله تطلع قريب
سلمان : الا أقول مر علي اليوم لاطلعت أبغاك ضروري
سعود : خلاص الحين أنا قضيت وبحاول أمر عليك
سلمان : خلاص انتظرك سلمني على الشباب كلهم
سعود : الله يسلمك يالله مع السلامه

منيره كانت جالسه مع ليلى و لمياء وساره توهم طالعين من الاختبار ومعصبيييييييييين
ساره : وش رايكم بالأسئله مره صعبه وش هذا ؟؟
لمياء : شويه صعبه هذي تبغانا نصم كل شي والله حاسه اني برسب في الماده
منيره : لا ان شاء الله ماترسبين بس هي صراحه موب على شرحها أبد
لمياء : ايه تدخل وتفتح الكتاب وتقرا وتجيب لنا أسئله زفت زي وجهها
منيره : والله عاد هذي آخر سنه مفروض توسع صدورنا موب كذا
ساره : لاهي شكلها تحبنا وودها تشوفنا السنه الجايه
ليلى : خلااااااااااااص بنات يكفي كلام عن الامتحان خلونا نروح نتمشى شوي
لمياء : وانتي وش همك تلقينك يالدافوره حاله زين وحنا اللي رحنا فيها
ليلى : من قالك والله خربطت لها وكتبت كل المنهج بالورقه بس خلاص اللي راح مات وسعو صدوركم وذاكرو الماده الجايه زين
منيره : أنا عن نفسي انسدت نفسيتي مادام أولها كذا أجل وش تاليها ..
ليلى : منيره لا تقولين كذا أكيد مادام بدايتها صعبه أكيد اللي بعده حلو
لمياء : أقول ليلى ليش ماتسكتين مسويه عمرك فيلسوف زمانك اليوم
ليلى : طيب أنا فيلسوف زماني أوريك مره ثانيه لا دقيت تبين أشرح لك لاتفكرين أرد عليك
لمياء : والله عندي سارونه ومنور الله يعافيهم بلا منتك أصلا

ساره : ترى بصفقكم انتي وياها بسسسسس خلاص اليوم عازمتكم على الفطور وعندي سالفه مهمه بقولها لكم
ليلى : الللللله أحلى صديقه انتي وعندك سالفه مهمه بعد


العنود في المدرسه تتمشى وهي متحمسه في السواليف
العنود : شفته والله ياحبيله متغير ومسكته مع كتفه اهزه لأنه شكله مايسمع
سحر : شوي شوي عليه ليش كذا انتي عربجيه
العنود : وش أسوي من فرحتي
وسمعو وحده تصارخ وراهم
: جعلك العمى ماتشوفين
العنود ماتدري وش السالفه بعدين استوعبت انه ضربت البنت وهي تمشي ومادرت
العنود : طيب مادريت أعصابك حقك علي هالمره امسحيها في وجهي
: مسويه أخلاق وانتي بعيده عنها ابعدي عن وجهي
العنود : لو سمحت حدك عاد والله وش مسوين حنا عشان ترفعين صوتك
سحر سحبتها : أقول تعالي ناقصين مشاكل أنتي تعالي
العنود : سخاااافه صراحه
سحر : ناس فاضيه ترى خليها
العنود : وش اسمها ودي أعرفها
سحر : ما ادري وش تبين بها خليها في حالها هالأشكال ترى تحب المشاكل

وهم ماشين قابلتهم أ ـ ابتسام معها أوراق التصحيح يوم شافت العنود ابتسمت لها وسلمت عليها والعنود وجهها طمااااااطه من الحيا
أ ـ ابتسام : وش أخبار امتحانكم اليوم ؟؟
العنود : زين الحمد لله
أ ـ ابتسام : يالله زي ماو عدتيني نسبه حلوه نبغى
العنود : ان شاء الله
أ ـ ابتسام : يالله عن اذنكم بروح أصحح أوراقي ومشت
العنود : اااااااااااه بغيت أموت صراحه
سحر : لاا وتعرفين تستحين أنتي ووجهك
العنود : والله هالأستاذه انحرررج منها بقوووه
سحر : علينا حركات الحب هذي
العنود : وش حب بعد انتي

سحر : ما ادري عنك الوجه أحمر واليدين تنتفض والكلام يالله يطلع
العنود : اقووووول عاد هذا من احترامي لها فقط لا غير
سحر : لا صدقتك العبي علي وبعد واعدتها الأخت بنسبه حلوه
العنود : خخخخخ أنا أصلا ورطت نفسي بس لازم أشد حيلي عشانها صراحه وأصير قد كلمتي

عند منيره وصديقاتها
يمشون مالقو مكان يجلسون فيه البنات ماسكين كل الأماكن
لمياء : شوفو هناك كراسي فاضيه
ساره : آآآه أخيرا ترى تعبت وانا أمشي
وراحو جلسو
ساره : تفضلو حياكم الله على قل الكلافه
لمياء : الله يسلمك سارونه على هالفطور الحلو
ليلى : احم احم يالله وش السالفه
ساره : يوووه مانست
منيره : هذي إلا السواليف ماتنساها
ساره : السالفه ياحلوات امممم استحي ترى
لمياء : لا السالفه فيها حيا بسرعه تكلمي
ساره : اممم انا ... أنا ... قريبا بصير حرمه
ليلى كانت تاكل : ايش ؟؟؟
منيره : والله وكبرنا خلاص ألف مبروووووك
لمياء : مبروك ياللي يستحون
ليلى : أنا مابعد استوعبت صدق ولا كذب
ساره : ليش العب عليكم
ليلى : ألف مبروك
ساره : الله يبارك فيكم
ليلى : يالله سولفي وش صار وماصار؟؟ شافك ولا لا ؟؟متى الملكه ؟؟شفتيه ولا مابعد ؟؟

ساره : كل هالأسئله بجاوب عليها الله يعين شوي شوي علي
لمياء : والله متحمسين يمكن حنا مثلك نصير حريم
ليلى : ايش لا تقولين بتعرسين انتي بعد
لمياء : والله أهلي جايبين هالطاري شكلهم ناوين علي
ليلى : لاااااااا ومنيره بعد انتي لا تقولين معهم نفس الشي
منيره : لا أنا ما راح أعرس الا معك وفيه أنا
ليلى : ياحبييييييييلك يلوموني فيك

منيره ماحبت هالسالفه لأنها تذكرها بفهد وسالفة أبوها اللي ماتدري وش وراه

ركب سعود السياره وشغلها ومشى وهومشتااااق لسواليف سلمان أخيرا رجع سلمان الأولي

سلمان كان قاعد ومشغل التلفزيون ويتابع له برنامج يسلي عمره طق الباب ودخل الدكتور أحمد
الدكتور أحمد : السلاام عليكم حبيبنا
سلمان يبتسم : وعليكم السلام هلا والله ( سلمان حب الدكتور مره وارتاح له لأنه حبيب ودايم يسولف معه من يوم قام من الغيبوبه ويوسع صدره )
الدكتور أحمد : وجهك اليوم أحسن بكثييير الحمد لله
سلمان : أقول دكتور ترى مليييت من هالمكان طلعوني خلاص
الدكتورأحمد : ههههههه لا يبيلك أسبوع كذا ترتاح
سلمان : أسبوع ؟؟؟؟ لا حرام عليك
الدكتور أحمد : لازم ياسلمان تحمل شوي والحين خلني أكشف عليك
منيره راجعه البيت تعباانه مرره ودايخه وحمدت ربها أنها ماعندها شي بكره عشان ترتاح شوي وهي داخله كان عبد الله جالس وكان شكله توه جاي من المدرسه
عبد الله : هلا منيره وش فيك شكلك تعبانه أو ماحليتي زين مثل أختك
منيره : لا والله بس دايخه والاختبار حليو والله وأنت
عبد الله : لا الحمد لله زين
منيره : عاد أنت ماشاء الله كل سنه من الأوائل وترفع روسنا
عبد الله : وحتى انتي تراك شاطره بس لعابه ماتذاكرين
منيره : ايه اسكت بس أنا أكره المذاكرة

وهم يسولفون دخل أبوهم ويوم شاف منيره لف وجهه على عبد الله
وضحك له : هاه ولدي شلون امتحانك ان شاء الله زين زي العاده
عبد الله : ايه الحمد لله يبه تمام
أبو سلمان : دايم تمام يارب
عبد الله : يالله عن اذنكم دايخ بنام شوي عشان يمديني أذاكر الماده اللي بكره

منيره كانت واقفه وصدمها نظرة أبوها ليه أنا مو بنته زي ماهو ولده يسأل عني ؟؟
ليش أنا دايم انسانه مو مهمه عنده ؟؟
يبه ناظر لي تكلم ابتسم حتى لو تكذب علي ؟؟
ابي أحس بحنانك زي ماحسو به الباقين ....

أبوها لاحظ شرودها هي قربت وحبته على راسه
أبو سلمان : هلا وش أخبارك
منيره : الحمد لله
أبو سلمان : ماقلتي لي وش أخبار ناصر ؟؟؟
منيره في نفسها ( يبه خلاص ليش تعيد السالفه هذي رغم أني أحسها عاديه وانت اللي مكبرها )
منيره : بخير عن اذنك أبوي ومشت
وهي في نفسها ( أمشي أحسن لي كفايه كلامه اللي يطعني وكفايه نظراته أنا ما أتحمل )

عند سلمان كان سعود جالس وقاله عن سالفة الحادث وعبد العزيز وقضية المخدرات اللي ممسوك عشانها
سعود : والله يا سلمان ماتدري وش الأزمه النفسيه اللي جتني
سلمان : أصلا أنا داري انه هو شفته بعيوني يوم يضربني واذكر الموقف الى الحين ومستحيل أنساه
سعود : والحين مفقود ما يدرون وينه ؟؟
سلمان : الله يجيبه وصدقني بتطلع ببراءه دامك صادق
سعود : بيصير تحقيق معنا انا وياك قريب بس ينتظرونك تستقر شوي
سلمان : أنا ماخفت منهم ولا أثرو علي وواثق من عمري والصدق باقوله
سعود : سلمان التهمه ثابته وشايفين هالشي بسيارتي يعني وش دراهم يمكن أكذب عليهم هذي اللي مخوفني
سلمان : الله معك ياسعود لا تخاف وهذا لو انه صدق قوي ما اختفى بس خليني أقابله يوم لأوريه نجوم الليل في عز الظهيره

الدكتور أحمد دخل عليهم وهم يتكلمون وسلم على سعود
الدكتور أحمد : وش أخبار رجلك ؟؟
سعود : والله ماعليها كاني شايب لازم أمسك أحد لا جيت أقوم هههههههه
الدكتور أحمد : ههههه لا ان شاء الله قريب تركض ركض فيها

والتفت على سلمان
الدكتور أحمد : عندي لك بشاره حلوه
سلمان : قل اني بطلع الله يخليك
الدكتور أحمد : امممم بتطلع بس يمكن بكره لأن الفحوصات تقول أنك ولله الحمد سليم غير أنك يبيلك مراجعات عشان الجرح اللي في راسك
سلمان يناظر سعود : سعوووود بطلع أخيرا
سعود يضحك عليه : على البركه
الدكتور أحمد : بس لا تتعب نفسك كثير يمكن تجيك دوخه ولا شي خلاص
سلمان : كلامك أوامر أهم شي أبعد عن هالمكان

مرو أيام الامتحانات بطيئااااات جدا على الكل
منيره تغصب نفسها تذاكر رغم الحزن اللي قطعها
والعنود مسويه شاطره تذاكر عشان أ ـ ابتسام وسحر طايحه طنازه فيها هههه
عبد الله الانسان المجتهد وكل اختبار أحسن من الثاني
حمد يقول في نفسه يارب ما أرسب هالسنه أبي لو مره أستانس
سعود زانت نفسيته بعد ما طلع سلمان بس يحس نفسه إلى الآن في خطر
سلمان طفشااااان في البيت ماحد عطاه وجه كلن ملتهي وامتحاناته بتكون قبل الدراسه بكم اسبوع
منى ماشيه أمورها واهم شي عندها تنجح لو بالدف
نوره وحنان زي ماعرفنا متحمسين ويذاكرون لبعض وحتى ناصر على انه عنده اختبارات الا انه مهتم فيهم ويبيهم يجيبون نسب عاليه


عبدالعزيز اللي مل من نفسه وحتى فكر أنه أيام ينتحر واللي قهره أن صالح ماكلمه بعد ماراح ويدق عليها بس مايرد ولا يدري وش السبب
كان جالس في مقهى مع واحد تعرف عليه مصري جاي يدرس اسمه عاطف وكان هو الوحيد اللي ينسيه همومه وتفكيره المستمر
عاطف : أتمنى اسألك سؤال وتجاوبني بصراحه
عبد العزيز : نعم تفضل
عاطف : أبغى أعرف ايه اللي جابك هنا في البلاد ده وأنت ماعندك لا دراسه ولا حاجه
عبد العزيز : كذا ترويح عن نفسي
عاطف : مش علي الكلام ده تكلم اعتبرني أخوك
عبد العزيز ماكان وده يقوله لأنه كلها أيام وبيرجع وليش يعلمه وأكيد بيستحرقه ويعصب منه لادرى

عبد العزيز : هذا هو قلت آخذ لي نقاهه أيام وأنا خلاص يمكن هالأيام ماشي وبعدين ماتحس أننا تأخرنا الساعه 12 وأنت عندك دراسه بكره
عاطف : صحيح بس الجلسه معاك تمشي بسرعه
عبد العزيز : الله يسلمك
عاطف قام بيمشي : حاسبقك للفندق
عبد العزيز : خلاص في أمان الله

دارت الأفكار في راسه وجت على باله أمه وحن لها
أنا أكبر مجرم خليتها كذا بدون أي احساس
أنا أصلا كل عمري مجرم ولا أحد حسيته فيه
ومسك جواله ويدق على صالح مع أنه يااااااائس أنه يرد عليه ودق وعلى آخر رنه رد عليه وهو ما صدق حتى شك أن الرقم خطأ

صالح : ألو نعم
عبد العزيز : السلام عليكم
صالح : وعليكم السلام عبد العزيز ؟؟؟
عبد العزيز : ايه عبد العزيز لهدرجه نسيتني
صالح : اخلص ماني فاضي للكلام الكثير
عبد العزيز عصب منه : افهم انت ليش كذا خلتني وانت معطيني وعد انك تدق والا على الأقل رد علي لاكلمت
صالح : لا تنافخ وبعدين هذا شي راجع لي أرد ولا ماأرد أدق ولا ما أدق
عبد العزيز حس انه انذل قدامه وسكر الخط وقال في نفسه ( أنا الغلطان اني دقيت عليه )
ورجع للفندق وهو مخطط يرجع بعد يومين ويصير اللي يصير


آخر يوم في الامتحانات
منيره وشلتها ضايقه صدورهم لأنه آخر يوم بيشوفون بعض
لمياء : والله بافقدكم يابنات وبنفقد جيتنا كل يوم صبح
ليلى : وش همك انتي بتعرسين أنتي وساره وتلتهون عنا أصلا
ساره : لاااا يالدوبا والله ماانساكم حتى لو اعرست ..
( ودمعت عينها << ساره مرره حساسه ودمعتها بسرعه تنزل
منيره : خلاص حبيبتي لا تصيحين نلتقي قريب ان شاء الله
منيره كان ضااايق صدرها بقووه وتحس أنه الجامعه كانت هي المتنفس الوحيد لها وكانو البنات بضحكهم واستهبالهم ينسونها كل الهموم والمتاعب
ليلى : خلاص بلا صياح بما أنه آخر يوم خلونا نستغله بالقعده مع بعض قبل مانطلع
لمياء : صادقه
وتلتفت على منيره كانت ساااااهيه وفي عالم ثاني
لمياء : منوره لا تصيحين بعد انتي وتقلبونها مناحه
منيره تبتسم : لا بس تراني مو مصدقه أننا بنتخرج ولا راح ندرس يعني كبرنا في لحظه
ليلى : لا أنا وياك ماكبرنا تونا بنات هذولي بيصيرون حريم خخخخخ
ساره : احلفي والله
لمياء : والله عندي احساس انكم الثنتين زواجكم قريب
ليلى : أقووول هذي أعرست وتبي كلن معها يعرس
لمياء : ههههههه لا تعصبين ياحلوه

هالشله الحلوه بيفترقون عن بعض وكل وحده ماوها تتبتعد عن الثانيه حسو أنفسهم كانهم خوات

في مدرسه العنود وسحر كانو مسوين حفله وداعيه لبنات ثالث والبنات أنواااع الاستهبال والضحك وكانت العنود جالسه في نصهم
العنود : بنااااااااااات هدوووووء شوي عندي لكم كلمه حللوه
البنات التفتو كلهم عليها
قالت مرام : الله وطلعت تعرفين تلقين كلمات
العنود : قولو ماشاء الله بس ومسكت المايك
العنود : شوفو يابنات بصراااحه راح نفتقدكم كثير كثير بس ياويل وحده ماتسجل في الثانويه اللي بجنبنا كلنا فيها ان شاء الله
سحر : أكيييد وين بيرحون بعد
العنود : خلاص بنات انتهت الكلمه حقتي
البنات قاعدين يضحكون
مرام : بصراحه أرشحك تلقين كلمات دايم ليش مخبيه عننا هالمواهب
العنود : مافيه داعي للاحراج استحي ترا بس والله ما سمعت تشجيع
البنات صفقو بقووووووه
العنود : خلااااااااااص والله بتجي المديره وتطيرنا من المدرسه

قامت مرام وهي معروفه صوتها مررره حلوه في النشيد وسحبت المايك من العنود
مرام : بنات هذي أهديها لكم
سحر : الللللله يالله بسرعه أحب صوتك

مرام : تودعني أخي والدمع جاهري
ودمعي بالمحـــــاجر والمآقي

بكى قلبي وماســـالت عيوني
وفاءً بالغاً أقصـــــى المراقي

دموعك هيجت نيـــران قلبي
وتلك النار تؤذن باحـــتراقي

لقد سال النشـــيد على لساني
كما دب السرور على البواقي

أراكم أخـــوتي وسط الليالي
نجــــوماً لا تمل من إأتلاقي

ولست أطيب عيشاً لا تراكم
به عيني وقد فارقتـــموني

إلى آخر الأبيات وكان صوتها رووووووعه والبنات بعضهم جلسو يصيحون
مرام : وسلامتكم
والبنات صفقو لها
سحر: يجننننننننن الله يعافيك
وطبعا ما جاز لها منظر البنات لأنه ضاقت صدورهم شوي وقبل كانو يضحكون وخذت بخاخ ثلج وعطت العنود واحد وهي خذت واحد وقامت تبخ على البنات اللي جالسه تصارخ واللي عادي ماهمها وبعضهم رقيقات يخافون تخرب شعورهم وملابسهم فراحو بعييد

وكانت أجوااء المدرسه حلوه مره وطبعا الأوقات الحلوه دايم تمر سرييييعه انتهى الدوام وسلمو على بعض وهم طالعين كانت العنود ماسكه عبايتها تبي تلبسها وبجنبها سحر
العنود جت على بالها أ ـ ابتسام : سحر وش رايك نسلم على أـ ابتسام والله بنفقدها
سحر : عاد هذي حبيبة قلبك لازم تسلمين عليها
العنود : سحر بلا استهبال بتروحين ولا أروح ؟؟ <<< مسويه قويه ولا هي ودها تروح معها لأنها تستحي تناديها
سحر : بعد تنافخ بعد روحي أنا ماودي
العنود تناظر لها بترجي : سحر
سحر : خلاص أصلا مايطاوعني قلبي
العنود : أقول ترى الباص بيروح ويخليني وانتي تتفلسفين

وسحبتها مع يدها ومشت وطبعا سحر هي اللي تصرفت ونادتها
أ ـ ابتسام : والله بتطفى المدرسه بدونك عاد لا أوصيكم بأنكم تستمرون على أدبكم
سحر : أكيد يا أستاذه وأنتم سامحونا ترى يمكن أيام أزعجناكم ولا شي
أ ـ ابتسام : الله يسامحكم بالعكس أنتم هالبنتين الله يجزا أهلكم عالتربيه الزينه ما شاء الله
العنود : الله يسلمك بس أستاذه ودنا ناخذ رقمك إذا سمحتي
أ ـ ابتسام : عادي بالعكس يسعدني اسمع أخباركم ونقلتها الرقم
العنود : مشكوره أستاذه ويالله تأخرت على الباص مع السلامه
أ ـ ابتسام : نشوفكم على خير ان شاء الله
وسلمت عليهم وطلعو

نرجع حبتين شوي لمنيره والشله

منيره : بالله بنات دق أخوي بطلع
وقامو البنات يسلمون عليها
لمياء : يالله ولا تقطعينا زورينا
منيره : ان شاء الله أكيد لازم نجتمع قبل عرسك ياساره
ساره : احم احم خلاص تعرفوني حيويه
ليلى : لا أوصيك أول بنت سميها ليلى خخخخخخ
ساره : شف الحين مابعد أعرست وهذي تقول لا جتك بنت
منيره : ههههه هذي الله يعين اللي بياخذها
ليلى : والله داعيه له أمه اللي بياخذني

وتفرقو البنات بعد ماودعو بعض وكل وحده ماتدري وش مخبي لها المستقبل


منى كانت راجعه من المدرسه وتحس نفسها بتطير من الفرحه أخيرا قضت الاختبارات دخلت البيت بس مافيه
رقت لغرفتها وهي ماره سمعت صوت سعود يكلم وقالت بمر عليه واسلم
سعود : يعني لازم بكره نكون في مركز الشرطه أنا وياك
سلمان : ايه لا تنسى خلنا نرتاح
سعود : والله ماندري نطلع ولا نقعد عندهم
سلمان : تفائل ليش كذا أنت لا ان شاء الله مايكون شي
سعود : تدري أن جزانا السجن لو ما فيه أحد يثبت براءتنا
سلمان : بس حتى ولو هم مايحكمون بسرعه الين يلقونه عبد العزيز الخايس
سعود : ايه الله ييسر أخليك الحين
سلمان : يالله سلمني على الأهل كلهم
سعود : الله يسلمك

منى ماقدرت تفهم شي شرطه وسجن وش الساااااالفه

منى حاولت تسوي نفسها طبيعيه : السلااااام عليكم أخوي
سعود نقز من مكانه : روعتيني وعليكم السلام
منى : توني أكتشف أنك خوااااف هههههه
سعود : الواحد يطق الباب أول
منى : أنا سلمت هذا أهم شي
سعود : هاه وش شعورك آخر يوم في الاختبارات
منى : شعور لا يوصف وناااااسه واليوم بنوم الين أشبع وبكره لازم تطلعنا يا اخوي الحبيب
سعود : اللي يشوفك مقطعه عمرك في الاختبارات والله انك لعابه
منى : بس حتى ولو يكفي أمسك الكتاب تعب علي
سعود : الله يعافينا بس
منى : هاه تودينا بكره خلاص لازم نحجز عشان ماتروح منا ولامنا
سعود تذكر بكره مركز الشرطه : لا ما أعتقد بكره بس وعد مني هالأسبوع ان شاء الله
منى : ياحلوك بس وش أخبارها رجيلتك ؟؟
سعود : لا خفت الحمد لله والحين جايه بعباتك وشنطتك لغرفتي ليش ماتروحين ترتاحين بغرفتك أحسن
منى : حلوه الطرده بس والله سمعت صوتك قلت أسلم عليك

سعود ( عسى ماسمعت شي من السالفه )
سعود : ولاتزعلين أصلا منوره الغرفه بوجودك
منى : تعرف تصرف بعد يالله بروح ارتاااااح وأنام نوم عمييييق
وطلعت لغرفتها
سعود يضحك عليها ( والله انها توسع الصدر ياحبيلها عكس الجوهره مررره )

العنود رجعت البيت وجالسه فوق راس سلمان تسولف له عن المدرسه وش سوو وهو معطيها وجه يضحك معها ومتحمس مع سواليفها

منيره يوم دخلت كان شكلها باين ضايقه لكن سوت نفسها مبسوطه وتسولف وأهم شي أنها ما شافت أبوها عشان ماتتنكد من معاملته
وجلست بغرفتها بعد مابدلت ملابسها وجو على بالها نوره وحنان وقالت اتصل اشوفهم
وتدق بس ما احد رد عليها وقالت شكلهم نامو مساكين انهدو من كثر المذاكره

بعد صلاة المغرب كانو عايلة أبو سلمان مجتمعين كلهم في الصاله
عمر : العنود حطي أفلام كرتون
العنود : لا عمر ماني فاضيين صكة راس والله نبي نسولف شوي
عمر : ابغى يعني ابغى
العنود : لا تصيح خلاص رح للتلفزيون اللي في المقلط شاطر عشان تروح معي بكره السوبرماركت والعبك ملاهي
عمر : خلاص طيب بروح << عشان الملاهي
العنود : حبيبي والله أخوي مطيع ويسمع الكلام

عبد الله : وش رايكم بمناسبة أن سلمان طلع بالسلامه نسافر لمكه وناخذ عمره
أبو سلمان : والله انا مفكر فيها نروح حنا وعمكم أبو فهد حتى عمكم علي قايلي يمكن يحاول ياخذ اجازه عشانا
أم سلمان : خلاص أجل عالأسبوع الجاي نجهز أنفسنا ونمشي
العنود : ونااااااسه بنروح ومعي منى وبعد مكه من زمان ما سافرنا معهم خلاص يبه لاتهون

سلمان يفكر في القضيه اللي انحطو فيها ولا هو لم السفر
أبو سلمان : هاه وش رايك سلمان ؟؟؟
سلمان : والله حلوه موب شينه حتى اننا من زمان ما خذينا عمره

أم سلمان لا حظت شرود منيره
أم سلمان : وحلوتنا منور ماقالت رايها

منيره تبتسم : على راحتكم أنا معكم وين ماتروحون


الصمت يكفي ويشفي صدر راعيــه
لا صار كل الحكي ماله معانـــــــــي
والقلب ما عاد تعنيه المشا ريـــــه
و العين ماعاد تغريها الامانــــــــي
ياليت حزني مجرد دمع وابكيه
ماهوب عايش معي بين المحانـــي
ماهوب يظهر علي واحاول اخفيه
و تصير نظرات حزني هي لسانــي
مدري ذكرني زمان كنت ناسيـه
مدري ذكرت الزمان اللي نسانــي




............................ انتهى ال

الجزء الخامس


الكل درى عن السفره وكانو مأيدين الفكره ومررره مبسوطين رغم انه في ناس كانت همومهم أكبر
سلمان مانام الليل من كثر التفكير
وش بيصير فيه هو وسعود بكره ؟؟؟
عنده احساس بيصير شي كبييير ....

الساعة 2 بالليل
منيره فاتحه النت تكلم نوره وحنان على المسن
منيره النيك نيم حقها
( لفراقكم صوره مثل كل الصور ما أقدر أقول اني حزين إلا بمووووت من القهر )
وش رايكم تزورونا قبل مانسافر والله ودي أشوفكم

( يااااارب نجيب نسبه عاليه )
والله فكره حلوه بشاور أمي ونشوف

( لفراقكم صوره مثل كل الصور ما أقدر أقول اني حزين إلا بمووووت من القهر )
بيصير وناااااسه تصدقون حتى العنود بتطير من الفرحه دايم تقول ودي أقعد معهم

( يااااارب نجيب نسبه عاليه )
ياحليلها سلميني عليها


( لفراقكم صوره مثل كل الصور ما أقدر أقول اني حزين إلا بمووووت من القهر )
أكيد أمي ماراح تقول شي روحو تجهزو بس

( يااااارب نجيب نسبه عاليه )
مررررررره مستعجله ياوخيتي

( لفراقكم صوره مثل كل الصور ما أقدر أقول اني حزين إلا بمووووت من القهر )
ههههههههههه


ودخلت العنود وجلست على الكرسي تقلب بعض الأوراق على المكتب
منيره تناظرها : وش فيك ؟؟
العنود : طفشانه وزهقانه دوري لي شغله
منيره : تعالي كلمي حنان على المسن اقترحت عليهم يجونا وش رايك
العنود : ونااسه ان شاء الله وافقو
منيره : ما ادري يمكن المهم بنزل أجيب لي شي آكله جوعانه ماتعشيت .
العنود : جيبي معك لي شي
وتجلس تسولف مع حنان
منيره نزلت بهدوء عشان ماحد يسمع لأن الكل نايم وماتبي تقوم أحد دخلت المطبخ وفتحت الثلاجه ومالقت غير انه تجيب خبز وجبن سايل وشاهي وبصرااحه له طعم لا صار الواحد جايع
وهي مندمجه تزين سمعت حركه أحد ينزل مع الدرج قالت أكيد العنود سكرت النت وجت
دخل المطبخ وشافها متحمسه وقال بخوفها بعدين قال لاااا تسوي لنا فضايح خلنا مؤدبين
سلمان : السلااااام
التفت بسرعه وحطت يدها على قلبها : بسم الله من وين طلعت ؟؟
سلمان : هههه خوفتك
منيره : يعني كنت ساهيه توقعتك العنود أصلا وش عندك مانمت ؟؟
سلمان : والله قاعد أتقلب ولا جاني نوم
منيره : خابرتك نومك ثقيل وراعي نوووم أكيد اليوم تفكر في شي
سلمان : لا وش أفكر شكلي مكثر قهوه اليوم
منيره : اها
سلمان : منيره وش تزينين ؟؟
منيره : لا بس أنا والعنود ماتعشينا
سلمان : احسبيني معكم
منيره : تامر أمر

وسكتو شوي ومنيره خلصت اللي معها
منيره : يالله أخ سلمان ماودك تشيل معي
سلمان : هاتي
وخذا منه كيس الخبز ومشى قدامها وهم ماشين للغرفه
سلمان : أي غرفه جالسين ؟؟
منيره : قصر صوتك هنا وتأشر له على الغرفه اللي قدام

سلمان يطق الباب
سلمان : العنوووووووووود
العنود : سلمان ؟؟؟ هلا والله أحلى سهره بتكون اليوم تفضل تفضل
منيره : خلصتي من النت ؟؟
العنود تقفل الكمبيوتر : ايه خلاص حنان طلعت من زمان والله انها تجنن وسعت صدري
منيره : ياليت يجون ودي أشوفهم قبل ما نسافر
سلمان : من هي حنان ؟؟؟؟
منيره : أختي
سلمان : اللي لها توأم صح ؟؟
منيره : ايه وتفضلو صراحة تعبت وأنا أسوي العشاء لكم
العنود تسحب كيس الخبز : مرره اختي أشوف عرقك يصب
منيره : هههههه كولي وانتي ساكته بس
سلمان : ايه وش فيه هالعشاء بالعكس حلو الخبز والجبن ومعها كاس شاهي شي صراحه
العنود : ياانك تحب تمدح الشي لو انه شين
منيره : وش قصدك شين ؟؟ هذاك تبلعين ماشاء الله
العنود : وش أسوي الجوع يسوي كذا وأكثر
منيره : أصلا الشرهه علي أنا اللي مسويتلك
العنود : خلااااااص عاد إلا زعل منور

في هاللحظه دق جوالها وشافت رقم ناصر حطته صامت ماتبي ترد قدام سلمان بس انه دق مره ثانيه قالت أكيد عنده سالفه مهمه قامت : خليني أشوفها ليلى وش تبي أكيد ضروري

وجلسو العنود وسلمان يسولفون
العنود : بسألك عن شي بس ماتزعل مني
سلمان : لا عادي ليش أزعل
العنود : أنا سمعت ما ادري صح ولا غلط
سلمان : وشو ؟؟
العنود : منى قالت لي ان سعود عنده قضيه عشان الحادث وتقول يمكن انت معه
سلمان حاول يفهم وش تقول يعني دارين معقوله سعود قايل لهم اللي أعرفه أن ابوي وعمي اللي يدرون بس
العنود : وش فيك ..؟؟
سلمان : انتي وش قاعده تخربطين ؟؟ وبعدين منى من قايلها ؟؟
العنود : ما ادري بس هي سامعه نفسي
سلمان : اقول العنود لا تقعدين تخرفون انتي وبنت عمك
العنود : سلمان لا تعتبرني صغيره أنا أحس السالفه فيها شي وانتو مخبينه
سلمان : مو مسألة صغيره ولا كبيره بس السالفه حادث وبس
العنود : بس انت ما عمرك جبت طاري الحادث وتتحاشاه دايم ولا ادري وش السبب ؟؟
سلمان : طبيعي بكره هذاك الموقف أجل تبيني أحبه
العنود يأست منه ومافيه مجال انه يتكلم ويقول شي رغم انه شاكه وبقوه بعد انه فيه أشياء وأسرار ورا هالحادث بس قالت ( الخبر اليوم بفلوس بكره ببلاش )

منيره تكلم ناصر ..
منيره : الحين مسوي صجه عشان كذا أحسبك فيك شي
ناصر : حنان ناشبه فيني الا تكلم وتقول اننا بنجيهم
منيره : هههههههه الله يحيهم والله اني استانست أخيرا من زمان ودي يزورونا في البيت
ناصر : يالله ما اطول عليك مع السلامه
منيره : مع السلامه


ورجعت منيره وشافت سلمان يضغط في جواله والعنود تقرا مجله
منيره : شكلكم جاكم النوم
سلمان : لا يعني
العنود تحط المجله : أنا بروح أنام يالله تصبحون على خير
منيره جلست وسلمان مازال يحوس بالجوال
سلمان : عندك رسايل حلوه ..
منيره : اممممم ما ادري شف الجوال وعطته
وجالس يناظر الرسايل
سلمان : الللللله حلوه الرساله هذي
منيره :أشوف وكانت من ناصر
سلمان : مين رورو ؟؟
منيره : مين يعني صديقتي ؟؟
سلمان : بس أنا ملاحظ شي كلهم أسامي صريحه الا هذي وش السر ؟؟
منيره : عاد هي تحب اننا نلقبها كذا <<< منيره ماكان ودها تكذب بس خايفه يصير موقفه مثل أبوها
سلمان قام وحط الجوال على الطاوله : منيره يا تتكلمين بصراحه وتوخرين هالغموض اللي فيك ولا بطلع
منيره : سلمان وش فيك أنا ماقلت شي
سلمان : أنا عارف من رورو
منيره تناظر له : سلمان ليش عصبت طيب ؟؟؟
سلمان : أنا بصراحه أدري أنك تكلمين ناصر من زمان أعرف رقمه وعادي ما أبديت أي تعارض بس ليش تو تقولين صديقتي

منيره خنقتها العبره أول مره سلمان يتكلم معها بهالجديه
نزلت راسها وجلست تصيح
ماهانت عليه أخته ولا هانت دموعها وحس فيها شي كبييير
سلمان جلس بجنبها ورفع راسها : منيره هالدموع ماتنفع أدري يمكن قسيت عليك شوي بس والله من خوفي عليك بس

منيره تمسح دمعتها : سلمان أنت موالمشكله أنا أعيش هم اكبر لا أنت ولا غيرك درى عنه
سلمان : طيب أنا اعترف يمكن قصرت معك بخصوص المرض اللي جاني

منيره : لا سلمان لا تقول كذا بالعكس انت الأمل الوحيد في حياتي ولا عمرك قصرت بشي ..
سلمان : كنت أتمنى أساعدك بأي شي بس تبين الصراحه أنتي ماعطتيني مجال
منيره : شف سلمان باقولك وابيك تفسر هل هو شي عادي ولا لا ..؟؟
سلمان في نفسه 0( خليني اعرف وش سر الحزن اللي تخبيه دايم والله لسوي المستحيل عشانها )
منيره : سلمان انك تشوف نظره احتقار من الانسان اللي تشوفه مصدر الحنان عشان موقف بايخ
سلمان : وش قصدك ؟؟
منيره : أبوي ياسلمان درى اني أكلم ناصر ومن بعدها ولا حتى يحط عينه بعيني ولا يعبرني وعطاني كم كلمه جرحني فيها والله لو اني مكلمه غريب ..
سلمان : تبين الصراحه أنا ملاحظ هالشي على أبوي بس ماحبيت أقول شي لك أما عن سالفه عشان تكلمين ناصر فأبد السالفه عااديه جداً وأنا ما أثرت علي
منيره : هو قال لي مو عيب بس العيب أنك ما قلتي لي وخبيتي هالشي ..
سلمان : يمكن شوي يزعل هالشي بس مو لدرجة أنه يعاملك كذا لو تبين فتحت الموضوع معه
منيره : لا سلمان لاتقول شي تدري خلاص على قولته زوجك بيمنعك بعدين
سلمان عصب : منيره انتي أختنا ولا عمرنا فكرنا اننا نبعدك وإذا كان هذا مكتوب فالحمدلله خيره ان شاء الله

منيره :أنا مايهمني أتزوج ولا لا لأني الشقا لا حقني وين ما أروح ؟؟
سلمان : لا تقولين هالكلام وش دراك والله الدنيا في لحظه تتغير وتنقلب وتحس ما كأنك الانسان اللي كنت أول تضحك وفي لحظه تقول الحمد لله كنت أعيش الحزن والحين سعيد
منيره : بس أنا عشت الحزن من يوم طلعت على الدنيا يكفي أول يوم اني صغيره كان أبوي يبين لي أنه يكره أمي وكنت أعيش دوامه من الأفكار ليش يكرهها وأنا أشوفها أغلى الناس مفروض يخليني أعيش ببراءتي ممدي على هالحزن

سلمان : أنا ما كنت أتوقع أبوي يوصل لهدرجه بس أكيد غصب عنه وصدقيني بيوم بيعرف أنه غلط في حقك
منيره : شلون بيعرف وأنا عندي احساس كبير انه بيعطيني فهد
سلمان : فهد ؟؟؟
( تذكر أن أبوه مره قاله أن فيه واحد خاطب منيره وانسان عاقل ورجال ينشرى واستغرب من اللي تقوله )
سلمان : لا إذا هو وافق أنا ماراح أرضى فهد ما يستاهلك وانتي من قايل لك الكلام هذا ..
منيره : لو تشوف اهتمام مرة عمي وعمي وتخطيطهم ودايم يلمحون لهالشي وأبوي ينتظر هالسنه عشان يقولي بس مستحييييل أرجووووك لاتوافق عشاني حاول تقنعه ..
سلمان : لا تخافين ماراح يصير الا اللي فيه خير <<<< ما يقدر يعطيها وعد لأن ابوه صعب يقنعه اذا اصر على شي
ويسمع صوت أذان الفجر
سلمان : يالله بطلع الحين يجي ابوي يقومني ويقول وينك ؟؟
منيره تبتسم له : يالله ومشكور سلمان
سلمان وهو طالع : ماسوينا شي ياحلوه مع اني ما مليت من القعده معك
وطلع
منيره تاخذ نفس أول مره تطلع اللي في قلبها لأحد إلا نادر يمكن لليلى بس لكن واحد من العايله مستحيل وسلمان هالمره أصر عليها وارتاااااحت راحه فضيعه لأنه يمكن يقدر يساعدها

في الصباح الساعة8 تقريباً
سلمان كان نومه متقطع لكن قدر ينام تقريبا ساعه متواصله دق المنبه وقام يتروش لأن الساعه 9 ونص لازم يحضر هو وسعود خذا له ترويشه سريعه وهو طالع من دورة المياه يمسح شعره سمع جواله يدق رد عليه
سعود : السلام عليكم
سلمان : هلا سعود وعليكم السلام
سعود : هاه جاهز ولا توك ما قمت
سلمان : أصلا قل نمت والله اني نمت ساعه وكلها حلوم وخرابيط
سعود : نفس حالتي يعني يالله يااخوي الله ييسر
سلمان : سعود فيه أحد غير عمي وأبوي يدري .؟؟
سعود : أتوقع حمد لأنه يوم يجون عندي في البيت هو اللي فتح الباب لهم
سلمان : طيب من الحريم ؟؟
سعود : ما أتوقع وانت وش جاب هالسؤال على بالك الحين ؟؟
سلمان : لا بس أمس العنود تسألني تقول فيه سالفه وانتم مخبينها
سعود ( تذكر يوم منى تدخل عليه قال شكلها فهمت السالفه )
سعود : والله ما ادري كان سمعوا وحنا ما ندري بعدين وش عليك انت اليوم مصيرهم بيعرفون
سلمان : أنا ماودي أمي تدري تعرف بتقعد على أعصابها أبغى إذا قضى كل شي في هالوقت عادي الكل يدري
سعود : طيب ياحلو ماتحس اننا تأخرنا أبغاك تمرني مافيني حيل أسوق وأحسن نجي مع بعض
سلمان : خلاص بس بشوف الوالد قام ولا لا ؟
سعود : يالله في أمان الله

سعود كان جاهز وطلع للحوش لقى أبوه فارش له فرشه ويتقهوى
أم فهد : ماقلتو وش المشوار اللي على الصبح
أبو فهد : مشوار قريب بنزور واحد تعبان
أم فهد : خلوها العصر أزين وش تروحون الساعه9
أبو فهد : لا العصر عندي كم شغله والولد مشغول
أم فهد : على راحتكم والله

أبو فهد يلتفت على سعود كان سرحان : سعود
سعود يلتفت بهدوء : هلا يبه
أبو فهد : بيتأخرون ولا نمشي
سعود : لا في الطريق جايين

سلمان طلع لبس ثوب وغتره وحتى هو من النوع ما يلبس عقال دايما لكن هالمره لبسه وكان لابس جزمه سودا جلد وكان شكله رسمي وريحته تفوح عطر
شغل السياره يحميها وأبوه طلع ومره قلقان عليه هو وسعود
أبو سلمان : يالله وش تنتظر أحس تأخرنا ..
سلمان : يبه هد أعصابك ترى لا شافوك متوتر يحسبون وراك شي
أبو سلمان : والله غصب عني

ومشى وشغل على الراديو ومر على سعود وعمه وهم في الطريق الكل ساكت ولا تكلم مشغولين بأفكارهم اللي ماتنتهي ..

أمام مركز الشرطه وقف سيارته ونزلوا كانت أشكالهم ناس موب راعين مشاكل وأمور قضايا عشان يجون لهالمكان

كان في استقابلهم أحد الشرطه وشرحوا له الوضع ليش جايين ؟؟ وأمرهم يدخلون في أحد المكاتب طق الباب سعود
الضابط : تفضل
سعود : السلام عليكم
الضابط : وعليكم السلام
سعود : معك سعود وسلمان ال ........
الضابط قعد يقلب في الأوراق قدامه بعدين قال : ايه نعم موجوده قضيتكم تفضلوا ..
دخل سعود ووراه سلمان وأبوانهم كانو برا مو مسموح لهم الدخول ..
الضابط : تفضلوا
سلمان : مشكور وجلسوا
الضابط : في البدايه بقول حنا كل هالوقت اللي مر ماراح عبث وحققو رجال الشرطه في القضيه بس للأسف التهمه ثابته عليك أنت ياسعود ( وناظر له ) وتعرفون لازم يسجن سجن تأديبي
سعود خلاص حس الدنيا تدور في راسه وش يقول ؟؟؟
سجن ؟؟؟
سلمان انفعل : بس انتم ماحققتو في اللي اسمه عبد العزيز شايفه بعيني أنا
الضابط : لحظه معك حق من ناحية هذي بس سعود يحال للسجن إلى ما نعرف شي عن عبد العزيز
سلمان : والله ربي بيجازيكم على هالظلم
الضابط : انتظر وفيه أوامر لازم تملى عليك انت ..
سلمان : نعم وش فيه دام أقدر أطلعه بهالأوامر
الضابط : نبيك تبحث مثل ماحنا نبحث بما اني سمعت أنكم تعرفونه قبل أكيد تعرفون أحد من أصدقائه سامع عنه وساكت




نزل من اللموزين وكان معه شنطة السفر ويمشي بكل ثقة واتجه للشرطي اللي عند الباب
عبد العزيز : ممكن أكلم المدير هنا
الشرطي : ومن صفتك ؟؟
عبد العزيز : عندي معلومات عن أحد القضايا
الشرطي : تفضل معي

بعد اجراءات مو طويله قدر عبد العزيز يدخل على المدير
المدير : تفضل أخوي وش عندك
عبد العزيز : أنا عبد العزيز ال.......
المدير : نعم ؟؟ انت هو
عبد العزيز : ايه نعم
المدير يناظر له معصب: وين كنت طول الفتره اللي نبحث عنك ؟؟
عبد العزيز : شي راجع لي وين كنت أنا جاي اسلم نفسي وأعترف أنا السبب في أنهم دخلو المستشفى وأنا ورطت سعود في قضية المخدرات
المدير كان عنده بلاغ أنهم اليوم اجتماعهم مع الضابط
المدير : اجلس جلس عبد العزيز وهو مقتنع باللي يسويه
اتصل على الضابط
المدير : السلام عليكم حضرة الضابط
الضابط : وعليكم السلام
المدير : تعال عندي المكتب ضروري وسعود وسلمان خلهم لا يروحون
الضابط : ان شاء الله

وطلع الضابط وأمرهم ما يتحركون من مكانهم
سعود : سلمان شفت نهايتها قايل لك أني ببقى هنا
سلمان غصب عنه نزلت دمعته : والله ياسعود ما اقول إلا حسبنا الله ونعم الوكيل
سعود : شلون بيتقبلون الأهل الموضوع وش بتكون سمعتي ماسكيني بقضيه مخدرات هذي آخرتها
سلمان رفع راسه : بيطلع الحق عندي احساس



عند المدير
الضابط : تدري أنك حقير ولا تستحي على وجهك ولا دمك شف شلون بهذلتهم ونكدت عليهم أبي تبرير واحد للي سويته ...

عبد العزيز كان ساكت ولاتكلم
المدير : خلاص اهدى الحين وابغى سعود وسلمان يدرون وهذا بيكون عندنا في السجن الين يعفون عنه
طلع الضابط وهو تفكيره شلون بس بيكون الموقف
الضابط دخل عليهم وكانت أشكالهم تضيق الصدر كل واحد في همه
الضابط : سعود سلمان
التفتوا ورفعو روسهم زي ينتظرون أي خبر يقول ان القرار تراه خلاص انلغى
الضابط : حنا متأسفين
سعود : شلون ؟؟
الضابط : سلمان عبد العزيز الحين عندنا
سلمان قام من مكانه : وش قلت عندكم ؟؟؟؟؟؟؟؟؟
سعود : وليش توك تقول ؟؟
الضابط : افهمو السالفه عبد العزيز جاي قبل دقايق سلم نفسه
سلمان رفع صوته: الخايس توه يفكر بعد ايش لازم اقابله الحين
سعود : ايه لازم نقابله قبل مانطلع
الضابط : بحاول اذا تقدرون
سلمان : قدرتو والا ماقدرتو أنا لي كلام لازم احطه بين يديه

أبو سلمان وأبو فهد حسو بأن فيه شي من أصواتهم اللي بدت ترتفع
الضابط : خلاص الحين خليكم جالسين برا الى ما أجيب لكم خبر

طلع سلمان وهو قباله أبوه وعمه
سلمان : إذا ما خلوني أشوفه راح ادخل غصب عنهم
أبو سلمان : وش فيكم فهمونا شي
سلمان كان منفعل ومعصب ولا تكلم وسعود جلس يشرح لهم الوضع
أبو فهد : يعني لوانه ماجا كان انت في السجن الحين

عند المدير كان واقف على جنب مع الضابط
الضابط : بس بصراحة له الحق يكلمه
المدير : بس أخاف يكون فيه صجه وازعاج
الضابط : بنكون حولهم لا تخاف
المدير : خلاص خل سلمان وسعود يجون عندي المكتب
الضابط : ان شاء الله

رجع المدير وجلس : عبد العزيز الحين سلمان وسعود جايين
رفع راسه بسرعه وبدا الخوف عليه : وشلون بهالسرعه عرفو
المدير : اليوم جايين ننقاشهم على القضيه ولو انك ماجيت في هاللحظه سعود كنا مقررين يكون بالسجن
عبد العزيز رجع وحط راسه على الكنب وخذا نفس ويقول في نفسه ( الله يعين )

طق الباب وطق معه قلب عبد العزيز دخل سلمان بكل هدوء ووراه سعود وكان عبد العزيز منزل راسه ولا قدر يحط عينه بعينهم
سلمان جلس يتأمله ولا تكلم والكل استغرب حتى سعود ينتظره يتكلم بس شكله ما فيه فايده
سعود : الله يسامحك على اللي سويته مسأله صغيره خليتها بهالكبر
عبد العزيز ما صدق يتكلمون : أدري ويكفي تأنيب ضمير تراني اليوم جاي مسلم نفسي
سلمان عطاه نظره خلته يطير من مكانه وقال بصوت عالي : الحين تمن علينا بتسليمك نفسك أنا تراني ماطلبت اني أكلمك إلا عشان أقول خاااااف ربك أنا كنت بين الحياة والموت وسعود اللي ماله ذنب معلقه بقضية مخدرات أنت وش هالتفكير عندك أنا ماتوقعت يبقى في الكون ناس مثلك ومثل تفكيرك الاجرامي

حس عبد العزيز أن كلام سلمان في الصميم وجا عالجرح وهو معه الحق في كل اللي يقوله ..
هنا الضابط جلس يهدي سلمان وقال : خلاص سلمان ماتقدرون تطولون أكثر
سلمان : خلاص أنا ماعندي كلام غير هذا وطلع

سعود الى الآن مأثره عليه الصدمه ويحس ما كأنهم في الواقع سحب رجوله بيطلع
عبد العزيز : سعود
سعود ماتكلم واكتفى انه بس يناظر له
عبد العزيز : أنا أتأسف رغم اني أدري ماراح تقبلون أسفي لأن اللي سويته كبير
سعود : الله يسامحك
وطلع وخلو عبد العزيز في دواااامه من الأفكار والهموم

وهم طالعين كان الضابط يقولهم : لكم الحق تعفون بأي لحظه ..
سلمان في نفسه يقول خله يتأدب في السجن بعدين أفكر أعفي عنه
وسعود كان حاط في خاطره منه يكفي صدمته يوم قالو انك بتدخل السجن عشانه لكن كان عنده يقين بيجي اليوم اللي بيقول ( مسامحه )

ويوم يطلعون كانت الساعه تقريبا 1 ونص الظهر والحريم حارقين جوالتهم لأنهم تأخرو
في السياره
أبو سلمان : الحمد لله على كل شي ياعيالي
سلمان ارتاح مرره أهم شي انه جا ومعه سعود وطلع وهو معه
سلمان :يبه شفت الدنيا كذا مهما تقسى ربي بيخليك تعرف خطاك وشف هو بنفسه عرف انه مخطي وجا يسلم نفسه

أبو سلمان يلتفت على أخوه : وش رايك غداكم اليوم عندنا
أبو فهد : الله يسلمك بس أكيد الأهل ينتظرونا
أبو سلمان : أجل خلاص العشا الليله أنت والأهل الله يحييكم
أبو فهد : والله ماودنا نكلف عليكم وخصوصا فيه سالفه ودي أقولها لك
أبو سلمان أجل تم ان شاء الله ...

في بيت أبو فهد الكل عرف السالفه
كانو جالسين فهد وأم فهد وحمد وسعود والجوهره على جنب فاتحه اللاب توب ولا ابدت اهتمام أصلا
أم فهد سوت نفسها زعلت : وكل هذا يصير وحنا تمشون علينا بكم كلمه تسكتونا
سعود : يمه ولا تزعلين والله ما ودنا نشغل بالكم علينا
أم فهد : ايه الحمد لله اللي طلعت بسلامه ..



وجت منى وحطت السفره
منى : الحمد لله على سلامتك أخوي والله وتعرف تخبي أسرار
سعود : الله يسلمك وش هالسناعه لازم يبيلك رجال
منى : حرام عليك توني طفله
سعود : طفله مره وحده كثري منها بتدخلين الثانوي الحين
منى : على طاري الثانوي ترا نتايجنا السبت مرررره خايفه
سعود : يالله اخلصو عشان نقرر نسافر أكيد ولا لا ؟؟
منى : وأنت واثق من عمرك حيييل انك ناجح
سعود : ايه ان شاء الله وش قالو لك منى انا

أم فهد : يالله جيبي الغدا منى ويكفي كلام
منى في بالها ( والجوهره وش حضرتها جالسه ولا عمرها بيوم فكرت تساعد آه بس مشكلة الطيبين )
منى : ان شاء الله بس هو كلامه مايقضي
سعود : أقول روحي بس ما ادري من هي اللي كلامها ما يقضي

منى مشت وهي تضحك عليه
سعود كان وده يتكلم عن السالفه بس ماحد معبره حمد مطير عيونه في الجوال وكل شوي جايته رساله ويرد
فهد : سعود والله ما توقعت السالفه كذا كبيره لأنه مابان عليك
سعود : والله كانت مأثره علي بس ليش أضيع مستقبلي وحياتي عشانها
فهد : مع اني والله ماشميت ريحة الخبر أبد
سعود : من كثر قعداتك بيننا
فهد : وش قصدك ؟؟
سعود : لا ولاشي بس تعرف يعني نادر مانشوفك ما تركد أبد الله يجيب الحرمه اللي تقعدك
فهد يبتسم : قريب ان شاء الله
سعود : والله الولد ناوي ولا تعلم أخوك عاد من هي ؟؟
فهد يناطر أمه : يمه قولي له من هي ؟؟
أم فهد : عاد ياولدي من حظك فيها إذا وافقت هي منيره بنت عمك
سعود : منيره ؟؟؟؟؟؟؟؟؟؟؟
الجوهره انتبهت ورفعت راسها
فهد : ليش مو عاجبك ؟؟؟
سعود ما تكلم وساااكت وما حب يعلق لأنه عارف بنت عمه وسمعتها وأخوه حرام ياخذها يعذبها والله

خلصت منى وجابت الغدا
أم فهد : روحي سهى حبيبتي نادي بابا دخل الغرفه ولاطلع
سهى : طيب وراحت تناديه

في بيت أبو سلمان بعد ماتغدو كانو منيره والعنود قالبين البيت لأن حنان ونوره بيجون وصار بالصدفه اليوم عمهم بيجي
العنود تمر من عند الصاله كان جالس سلمان عند التلفزيون ولاعبرته
العنود منقهره عقب ماعرفت السالفه ليش يكذب عليها


سلمان : سلمي عاد لا مريتي ولا الى الحين معصبه
العنود ماتقدر تصدعنه لأنه تحبه وغصب ترد عليه
العنود : قايله لك ماني صغيره بس انت مستحقرني
سلمان : خلااااااص والله ياحلوه مره ثانيه نقولك بس هالمره الموضوع مادرو عنه ناس أهم مثل أمي عشان انتي تدرين
العنود : أهااا يالله بروح اطلع لي لبس
سلمان : ايه صح اليوم بيجون بيت عمي
العنود : وبعد خوات منيره وأمها
سلمان : والله ياحليلهم أول مره يجون بيتنا صح ؟؟
العنود : ايه
سلمان : عاد ناظريهم زين كان فيه وحد زينه تصلح لي مثلا
العنود :ههههههه توك ياخي بتعرس الحين اخلص من الدراسه وتوظف
سلمان : اوووووووووووه بعيده مو مشكله لااعرست وأنا أدرس وش فيها ؟؟؟؟
العنود : شف عاد من بيزوجك وانت منتف لاوظيفه ولاشي
سلمان : والله الف من تتمناني يااختي ياحظها اللي بياخذها سلمان
العنود : ضحكتني وأنا ماودي أضحك خلني أزين شغلي أحسن

ومشت لغرفتها
عند نوره وحنان ..
نوره : وش بتلبسين ؟؟
حنان : ما ادري وش رايك البس لبس العيد
نوره : أي واحد اللي تنوره بيج صح ؟
حنان : ايه
نوره : ايه مره حلو لأن بنات عمهم بيجون تو منيره قايله لي
حنان : صدق يالله خلينا نعرفهم
نوره : وأنا شكلي بالبس اللي لبسته يوم نروح لعزيمة خالي
حنان : خلاص حلو وابيك تزينين شعري مالي خلق له
نوره : وأنا كوفيره عندك لازم تدفعين استشوار بسبعين تسريحه بميه و
حنان : اوص بس لا يكثر كلامك وترمي عليها كرتون المناديل اللي بجنبها
نوره : هههههههههههه

عند العنود قاعده تكلم منى
منى : صدق انك سخيفه ليش ما عزمتيها
العنود : ماجا على بالي تصدقين أجل يالله مع السلامه بكلمها وأشوف
منى : يالله مع السلامه

ودقت العنود على سحر ردت أمها
أم سحر : هلا والله
العنود : هلا خاله السلام عليكم
أم سحر : وعليكم السلام وش أخبارك وأخبار أمك وأهلك ؟؟
العنود : والله كلهم بخير
أم سحر : انتظري انادي لك سحر
العنود : لا لحظه خالتي ودي اليوم تجي عندي الله يعافيك
أم سحر : والله أنا ماعندي مانع وواثقه فيكم بس خليها تشاور أبوها ويصير خير

سحر سمعت وهي نازله مع الدرج وش تقول أمها واستااااااانست
العنود : هي حولك ولا لا ؟؟
في هاللحظه دخلت سحر
أم سحر : تعالي سحر شوفي العنود تبيك
سحر جت بسرعه لأنه سمعت خبر حلو
سحر : أهليييييييييييين
العنود : هلا والله يالله استعدي بتجين اليوم عندنا
سحر : خخخخخخخ على طول بابا توه ما بعد قلت له
العنود : لا ما راح يقول شي أكيد كم مره جيتيني وترىكثيير اللي بيجون
سحر : كثير مين ؟؟
العنود : بيت عمي وخوات منيره وأمهم ويمكن تجي ليلى صديقتها
سحر : كل هذولي يعني لازم اكشخ
العنود : ايه اكشخي أحس اليوم أكيد بيطلع وناااااسه ولا تتأخرين بعد المغرب تعالي بسرعه
سحر : أوامر ثانيه أخت العنود
العنود : لابس لا ذكرت شي بقوله
سحر : مصدقه عمرك انتي يالله روحي بس
العنود : خخخخخخخخ ياحلوك وانتي معصبه يالله عندي اشغااااال واجده
سحر : يالله أخليك مع السلامه

وسكرت العنود وراحت تشوف منيره وين ؟؟
لقتها في المطبخ
العنود : وش سويتي كم حلى ؟؟
منيره : أنتي تعرفين تسألين وليش ماجيتي تساعدين ؟؟
العنود : اممممم هذاني الحين جايه بسوي حلى مرررره يجنن سوته وحده من البنات وأعجبني
منيره : يالله يالسنعه ورينا شطارتك ..

وجلسوا إلى تقريبا آخر العصر وهم في المطبخ بعدين راحو يتلبسون

بعد أذان المغرب كانو جاهزات
العنود كانت لابسه لبس مره نعوم تنوره لونها زيتي ميدي وفيها حركات بسيطه مع تيشرت أورنج وشبشب أورنج فيه فصوص زيتيه وشعرها مو طويل مره يعني تقريبا إلى آخر كتوفها مدرج وكانت فاكته وهي من النوع اللي ماتحب تكثر مكياج يعني كحل ومسكره وقلس وبس .. وكانت متحمسه مررره تروح وتجي وترتب البيت

منيره لبسها كان مرره حلو ولايق على طولها تنورتها بيج وفيها كسرات من قدام وورى وبلوزه لونها ارتكوازي ومعها داخل بعض الألوان وشعرها بما انه طويل ما فكته كانت ماسكته ببنس وحاطه مكياج طالعه فيه حلوه ومرره مبسوطه أخيرا راح يجونها خواتها وليلى بعد معاهم ومادرت أن يمكن فيه خبر بينكد عليها

العنود : عمر بلا ازعاج خلاص رح انت وسهى والعبو بعيد عننا خلاص
عمر طالع وش ملحه يجنن لابس بدله لونها بيج وأحمر وكاشخ
عمر : طيب أصلا حنا دايم مؤدبين مانزعج

دخلت أم سلمان : منيره حبيبتي جيبي البخور
منيره : ان شاء الله يمه

في هاللحظه نزل سلمان وشافهم جالسين
سلمان : الللللله كل وحده احلى من الثانيه أقول العنود لا أوصيك اليوم شوفي البنات زين
العنود تناظر له مع ابتسامه خفيفه : عيب عليك
سلمان : خخخ مؤدبه بسم الله عليك ولا البنات لاكشخو ماحد يكلمهم خلاص
العنود : احلف عاد بعدين ليش توك تنزل لو جو الحين
سلمان : خليهم يشوفون الزين اللي فيني حرام أخبيه

وسمع ابوه يناديه
العنود : رح شف يمكن عمي جا

مشى سلمان للمجلس بسرعه
أبو سلمان : سلمان تو الناس كل هذا نوم
سلمان : والله مادريت عن نفسي
أبو سلمان : شف عمك عند الباب افتح لهم
سلمان : طيب ان شاء الله
وفتح الباب وكانو توهم موقفين سيارتهم واستغرب يوم شاف وراهم سيارة فهد مو من عادته يجي
سلمان : هلا والله نور البيت تفضلوا
وسلم عليهم ودخلهم
والحريم دخلو من الجهه الثانيه
في مجلس الرجال كانو جالسين يسولفون سلمان قرب من أذن سعود وقال : وش سالفة فهد اليوم على غير العادة
سعود : بتعرف قريب وسكت
سلمان شك في السالفه وقال في نفسه ( كأني عرفت بدايتها )

عند مجلس الحريم ..
أم فهد : وش أخبارك يا منيره وش أخبار الدراسه ؟؟
منيره : الحمد لله خالتي
أم فهد بس جالسه تناظر فيها وعاجبتها مرره لا من ناحيه الأدب والأخلاق ولا من ناحيه الزين
الجوهره جايه بالغصب ونفسها في خشمها ومنيره ماودها أحد اليوم يضيق صدره وحاولت تسولف معها
منيره : وش عندك ناحفه ولاهم اختبارات
الجوهره : مره مقطعه نفسي أنا لابس كذا يجيني حالات ما أشتهي آكل
منيره : لا عاد لازم تسمنين شوي وترجعين مثل أول دبدوبه
الجوهره : في الإجازه عاد أنواع الأكل لا تخافين بسمن
منيره : هالاجازه مافيه عروس قريبين مره عشان تقولين الفستان مايخرب
الجوهره تفكر ( والله ماتدرين ليش جايين اليوم )
الجوهره : وش دراك يمكن على آخر الإجازه يكون فيه
في هاللحظه دق جوال منيره وشافته ليلى
منيره : هلا ليلى
ليلى : هلا بك يالله أنا عند الباب تعالي
منيره : خلاص جايه الحين

وطلعت فتحت لها الباب وسلمت عليها وجلسو يسولفن
ليلى : أقول عندك مرايات برا ودي أشوف شكلي قبل ما أدخل
منيره : حلوه بدون ماتنظرين في المرايه والا تعالي شوفي شكلك يمكن يخطبونك لولد عمي ههههههه
ليلى : انقلعي أنتي وأفكارك

وشافت شكلها ودخلو مع بعض
ليلى : والله اني استحي منيره
منيره : توهم مابعد جا أحد بس بيت عمي جايين
ليلى : أمك وخواتك ماجو
منيره : لا الحين بالطريق جايين

دخلو على الحريم
ليلى : السلام عليكم
الكل التفت عليها : وعليكم السلام
وسلمت على أم سلمان : وش أخبارك يابنيتي ؟؟
ليلى : الحمد لله خاله أنتي وش علومك ؟؟
أم سلمان : الحمد لله
وتسلم على أم فهد
أم سلمان : هذي ليلى بنت جارنا الله يحفظها
أم فهد : الله يحيك وش أخبار الأهل ؟؟
ليلى : بخير كلهم والله ..

وسلمت على الجوهره ومنى وهي بتجلس دخلت عليهم العنود
العنود : هلااااا ليلى أقول أنا وش هالنور
ليلى : هلا بك الله يسلمك وسلمت عليها
العنود : وش أخبارك من زمان عنك ؟؟
ليلى : الحمد لله وش هالزين كبرتي والله
العنود : هههه الله يسلمك عيونك الزينه


عند الرجال
أبو سلمان جالس يسولف مع ابو فهد وفهد كل شوي ينغز أبوه يبدا في السالفه
سلمان وسعود وعبدالله وحمد جالسين على جنب وكا واحد فاتح جواله يرسلون لبعض بلوتوثات ..
أبو سلمان : عبد الله قم ناد خواتك قل عمك بيجي يسلم عليكم

عبدالله مسك جواله ودق على منيره وقالها يجون عند المجلس بيسلم عليهم عمي
منيره : العنود تعالي نسلم على عمي
العنود : طيب جايه

جلست ليلى تسولف مع منى وأعجبتها
ليلى : انتي كبر العنود أجل
منى : ايه كبرها
ليلى : متى نتايجكم ؟؟
منى : لا تجيبين طاريها خليني انساها شوي
ليلى : ههههه وسعي صدرك بتنجحين ان شاء الله
منى : والله اني خايفه أبوي قايل مافيه سفره إذا أحد رسب

ليلى تلتفت على الجوهره : وانتي على ما أظن الجوهره ؟؟
الجوهره : ايه
ليلى : انتي أي قسم تدرسين ؟؟
الجوهره : انجليزي
ليلى : ماشاء الله ان شاء الله ماشيه فيه
الجوهره : الحمد لله ماشين

العنود تحب راس عمها : وش أخبارك عمي وعلومك ؟؟
أبوفهد : الحمدلله يابنيتي
منيره سلمت عليها وهي مستغربه اهتمامه يسألها عن الدراسه وش مسويه ومرتاحه ولا لا وهو مو من عادته يسأل ويهتم هالكثر
فهد جالس على أعصابه ويسمع أصواته ووده يطل ويشوفها

وصلت أم ناصر وبناتها وكانت منى في استقبالهم لأن منيره والعنود مابعد جو
استقبلتهم ودخلتهم المجلس
أم سلمان : هلا والله بأم ناصر الله حيها
أم ناصر : الله يحيك ويسلمك
أم سلمان : وش أخبارك وش أخبار العيال
أم ناصر : والله بخير الله يسلمك وأنتي بشري عنك ؟؟
أم سلمان : الله يسلمك هذي الساعه المباركه اللي نورتو علينا
أم ناصر : الله يجزاك خير ويعافيك

منى كانت واقفه مع نوره وحنان
منى : هلا والله وغلا أخيرا شفناكم
حنان : هلا فيك أنتي أي وحده ؟؟
منى : من تتوقعون ؟؟
نوره : امممم أتوقع منى صح ؟؟
منى : صح بسم الله وش دراك ؟؟
نوره : تشبهين العنود
منى : لا وين مانشبه بعض مره
حنان : إلا أقول وين منيره

منيره توها طالعه
منيره : هلااااااااااااا حنان نوره
حنان : هلا أختي
وتسلم عليهم
منيره : ليش تأخرتو ؟؟ تو دخلت وشفت أمي حسبتكم ماجيتو معها
نوره : وش أسوي فيه ناصر ماجانا إلا متأخر
منيره : دخل هو ولا لا ؟؟
نوره : لا عنده مشوار وبغى مايجيبنا بعض
منيره : ياويله عاد ادخلو يالله ترى ليلى فيه
حنان : والله ؟؟
منيره : ايه ومسكت يد نوره ومشت وكانت مرره فرحانه فيهم

دخلتهم وعرفتهم على بنات عمها وليلى
حنان : منيره وين العنود ؟؟
منيره : الحين جايه شكلها راحت تجيب القهوه عاد اليوم طالعه سنعه مسويه حلى
نوره : ياحبيييييلها خليها تجي مافيه داعي تتعب عمرها

العنود تكلم سحر
العنود : تراه مو عرس الى الحين ماجيتي
سحر : هههه لا تعصبين خلاص كلها عشر دقايق وأنا عندك تعرفين بيتنا بعيد عنكم
العنود : يالله تأخرت عليهم بروح
سحر : يالله مع السلامه

العنود شايله القهوه وداخله : السلام عليكم
وشافت أم ناصر قدامها ولا عرفتها هي أول مره تشوفها سلمت عليها
منيره : هاه العنود وش رايك بماماتي ؟؟
العنود استحت : عسل والله
منيره تأشر على حنان ونوره : هذي حنان ونوره تذكرين أشكالهم
العنود سلمت عليهم : يعني مع انهم كبرو عن أول
حنان : هههههه حلو كبرو انتي اللي متغيره طالعه تشبهين منى بنت عمك
العنود : وععع أنا أشبها أنا أحللللى بكثيير
منى طارت عيونها : أقول العنود لك الشرف تكونين تشبهين لي
منيره : خلااااص عاد والله ترى إذا ماسكتو أوريكم الشغل

العنود قاعدة تضحك على شكل منى ومسكت القهوه وقاعده تصب

عند الرجال
فكر أبو فهد يبدا ويدخل الموضوع
أبو فهد : والله ياخوي اني جاي اليوم وعندي طلب لاتردني فيه
أبو سلمان : ماعاش من يردك إذا قدرت أبشر
أبوفهد يناظر فهد : والله تعرف الولد كبر ووده يستقر في بيت خصوصاً انه لقى له وظيفه وحنا ودنا نخطب بنتك لولدنا إذا ماعندك مانع

في هاللحظه سلمان بان على وجهه أنه متضايق وحتى عبدالله ماجاز له الوضع وحمد وسعود لاحظو هالشي وفهد كان ينتظر أي رد من عمه
أبو سلمان : والله ما ادري شقولك من ناحيتي موافق بس بنشاور البنت ونرد لكم خبر واللي فيه الخير بيصير

عبد الله قال لحمد تعال نطلع شوي نتمشى برا
وهم طالعين
حمد : عبد الله وش فيك ؟؟
عبد الله : لا ولا شي مليت من القعده قلت خلينا نطلع
حمد : طيب وش رايك ندور بالسياره شوي

عند البنات خذتهم منيره وجلسو مع بعض عشان ياخذون راحتهم أكثر والعنود منقهره من سحر إلى الحين ماجت

العنود : بنات وش رايكم بالحلى <<<< أول مره تسوي حلى مستانسه
منى : زي وجهك
ليلى : حرام عليك منى يجنن توني بقول هذا احسن حلى ذقته
منيره : وياسلاااام وأنا أكرف ولا تمدحين و لا واحد من حقاتي
ليلى : خخخخخ لا تزعلين تسلم يدينكم
حنان : والله بالعكس الحلى اللي بالجالكسي حلو مره
منيره : ماحد فاهمني غير خواتي ياحبيييلهم

دق الجرس العنود نقزت من مكانها أكيييد سحر وياويلها منها على التأخير

................. انتهى الجزء

الجزء الســـــــــادس

كانو البنات جالسين يسولفون
و العنود راحت تفتح الباب لسحر
العنود فتحت الباب ودخلت سحر
العنود : هلا ااااا ( وتسلم عليه ) أخيرا كل الوقت جالسه على أعصابي
سحر : وش أسوي زحمة الشوارع وش أخبارك ؟؟
العنود : الله يسلمك تمام وش ها لزين سحر طلعت حلوه وحنا ما ندري
سحر : الله يسلمك عيونك الحلوين
العنود : يالله اخلصي خليهم يشوفونك صديقتي الحلوه
سحر : خخخخخخخ طيب عنوده شوي أزين شعري


ومشو وهم يسولفون
دخلت العنود ووراها سحر
العنود : بنات أخيرا شرفت أميرتكم سحر
سحر ضربتها على كتفها <<< مستحيه
قامو البنات وسلمو عليها وجلست العنود تعرفها عليهم
العنود قالت لسحر في اذنها تعالي بنروح أنا ومنى وانتي لغرفتي أحس أحسن فيه أشياء بوريكم اياها

سحر : خلاص يالله
العنود قامت : بنات اسمحولنا بنطلع أنا وسحر ومنى
منيره : مسمحوين روحو بس لاتتأخرون انزلو بسرعه
العنود : طيب يالله تعالو

قامو سحر ومنى
وهم في الطريق
العنود : من هنا تعالو
منى وسحر يسولفون ولا عطوها وجه
منى : ياحليلك متى دخلتيه المنتدى ؟؟
سحر : من زمان وأنا فيه مسجله
العنود : أصلا موب حلو المنتدى اللي مسجله فيه
سحر: بالعكس مرره حلو وتعرفت على بنات فيه كثير
العنود : أنا ما أحب أتعرف من المنتدى وش يضمن لي
منى : أقوووووول بالعكس عادي وش فيها وانتي يالكذابه متعرفه على وحده تذكرين يوم تقولين لي أنك عرفتي وحده اسمها شهد
العنود : عاد شهد غير ياحبيلها من زماااان أعرفها من يوم سجلت المنتدى وهي حبيبه
سحر : حرام علينا وحلال عليك انتي ياأميرتنا
العنود : على طاري أميرتنا وش رايك تو يوم قال ( شرفت أميرتكم )
خخخخخخخخخخخخخخخ
سحر : سخيييييييفه أصلا مايضحك أحرجتيني بس توني داخله بسلم باتعرف عليهم وانتي تتهزين فيني
منى : هههههه ياحبيلك تراها هذي دايم كذا حتى تو تقولي قدام الحريم أنا وعععع يوم قالو اني اشبها
العنود : ههههههههههههههههه ياحليلكم وانتم معصبين تعالو من هنا غرفتي بس
وفتحت الباب ودخلو

العنود : هلا وغلا نورت الغرفه واعتذر عن هذي الحوسه ترى دايم انا نظيفه بس اليوم مالقيت وقت أنظف
سحر : لا صدقناك يالنظيفه

وتقوم العنود تطلع دفتر لونه أحمر وشكله يجنن
العنود : سحر تعرفين هذا الدفتر
سحر : الللللللللله من وين طلعتيه هذا ذكرياااات حلوه

منى : لا تقولين هذا دفترك اللي من أولى ابتدائي
العنود تضحك : ايه وأتوقع انتي مخربطه علي فيه
منى : ههههههه جيبيه نشوفه بس
وجلسو يتفرجون عليه وكان ذكريات حلوه ضحكوعليها ضحك

من جهه أبعد شوي عبد العزيز جالس بين أربع جدران وكل هموم الدنيا فيه حتى الأكل ياكل عشان مايموت بس طق الباب الضابط
الضابط : السلام عليكم
بدون نفس وحتى مارفع راسه : وعليكم السلام
الضابط : ابوك عند الباب
رفع راسه بسرعه وناظر بعيونه اللي تحتها سواد من السهر والهم : ابوي ؟؟؟؟؟؟
( عبد العزيز ما احد زاره ولا فكر فيه من دخوله السجن غير أمه مره جته وأبوه كان مره معصب عليه ولا فكر يزوره بس هالمره ما يدري وش عنده )
الضابط : تفضل معنا
قام بثقل ويوم قام حس بدوخه فضيعه وقف شوي الين صفا الجو عليه
ومشى مع الضابط وشاف ابوه من بعيد اقشعر جسمه من زمااااان ماشافه ويشوفه في هالموقف وش بيكون ردة فعله مني كان مره خايف
الضابط مشى عنهم بعيد عشان ياخذون راحتهم
عبد العزيز : السلام عليكم يبه وحب راسه
أبو عبد العزيز : وعليكم السلام مع اني ما اتشرف اني ابوك بس شي سحبني اليوم لك
عبد العزيز : يبه سامحني ادري غلطتي كبيره وصعب تغفر لي بس أنا ندمان ( دمعت عينه في هاللحظه ما تحمل هالنظره من ابوه )
أبو عبد العزيز : ندمان ؟؟؟ بعد ايش ياعبد العزيز بعد ما نزلت راسي أنا وأمك وصارت الناس كلها تحكي فينا الله يسامحك ..
عبد العزيز : يبه أرجووووك كلنا نخطي وأنا أبشر لا طلعت من السجن بارفع راسك وتفتخر فيني
ابو عبد العزيز : ماندري والله وش بيصير هل بيسمحون لك ولا لا ؟؟ يالله توصي بشي بس حبيت اطمن عليك
عبد العزيز : سلامتك يبه وسلم على الوالده وخواتي

ورجع يسحب رجوله حس انه فقد كل اللي حوله حتى ابوه أغلى ماعنده راحت الثقه اللي كان حاطها فيه عقب هالموقف

منيره جالسه مع حنان والجوهره
منيره : أي سوق اللي اشتريته منه؟؟
حنان : من صحارى بس مررره يجنن بس نوره الى الحين تدور فستان
منيره : وش رايكم طقمو انتي وياها
حنان : لا لا أنا ما احب هالحركه خليك ساكته
الجوهره : مع انكم تتشابهون مره حتى ما قدرت أفرق بينكم ولا منيره ؟؟
منيره : بعذرك اللي يشوفهم اول مره مايفرق أبد بس أنا خواتي اكيد بعرفهم ههههههه

نوره وليلى مندمجين مع بعض وكل وحده توري الثانيه صور من جوالها ومقاطع
ليلى : ههههههه نوره الله يرجك من وين جبتي المقطع هذا يموت من الضحك يعجب واحد من اخواني لو يشوفه ارسليه
نوره : هذا ما خذته من جوال ناصر أخوي


عند الرجال سلمان بعد ماسمع ان فهد يبغى ياخذ منيره وهو متنكد وضايقه الدنيا عنده
<<< مسكينه منيره لو تدري بس أنا راح أوقف معها وأقنع أبوي قدر الإمكان ..

سعود لاحظ هالشرود عليه وعارف السبب اللي خلاه كذا
سعود : سلمان وش فيك قلبت الدنيا
سلمان : سعود ماتزعل إذا قلت لك أني مابي أخوك ياخذ منيره اختي
سعود سكت وفي خاطره ( معذور من يبغاه هذا )
سعود : طيب مافيه شي بالغصب شاوروها وبيصير خير
سلمان : أكيد ماراح نغصبها بس أبوي لادخلت الفكره مزاجه بيحاول الين توافق
سعود مايدري وش يقول في البدايه هو أخوه ما يقدر يتكلم ويقول لا توافقون

العنود فتحت لهم النت وجالسه توريهم مواضيعها ورجتها في المنتدى
العنود : والله قهر لو شهوده داخله الحين
سحر : طيب انتي ما اخذت رقمها ولا شي
العنود : لا ما وصلنا لهدرجه
منى : عادي لا دخلت قولي لها وأكيد ماراح تمانع من متى وأنتو صديقات

سحر : أقول العنود شو أخبار رقم أ ـ ابتسام ؟؟
العنود : آه ياقلبي هي والله وحشتني
سحر : هالعاشقه هذي مادريتي منى عنها
منى : وش فيها بنت عمي عسى ما طاحت في شباك الحب
سحر : ههههههههههههههههه إلا طاحت وصادوها
العنود : انقلعي سحر والله عادي الوحده تحب استاذتها
سحر : ايه عادي وش قلنا حنا وش صار وش رايك ترسلين لها رساله عشان تعرف رقمك
العنود : اممممم ما ادري مستحيه وش ارسل ذاك اليوم انقلب راسي وأنا أدور رساله حلوه ومؤدبه
سحر : أقول أي رساله بلا تعقيد
العنود : لا لا لازم رساله حللللللوه ومنمقه وكلماتها تصير
قاطعتها منى : خلاص اسكتي وانتي وحبيبه قلبك هذي

العنود أعجبتها الفكره : خلاص لا تزعلون عندك رساله تحسين يعني انها أسلوب
منى : شوفي جوالي مع اني أتوقع رسايلي كلها رجه وسواليف
هي ماسكه الجوال
دخلت الماسنجر شهد
العنود : شهوووووووووووووده
سحر : بسم الله علينا خليني أكلمها وخري
العنود : يالله وقولي لها أنا سحر ترى تعرفك مسولفه لها عنك
شهد بدت تكلم
( حبيب الروح ونورالعيون انت وبس )
هلااااا عنوده الحلوه

( ما أجمل أن تبتسم وفي عينيك ألف دمعه )
هلا وغلا فيك


( حبيب الروح ونورالعيون انت وبس )
كيفك ياقمر ؟؟

( ما أجمل أن تبتسم وفي عينيك ألف دمعه )
تمام وأنتي أخبارك وعلومك ؟؟

( حبيب الروح ونورالعيون انت وبس )
الحمد لله أقول وش هالموضوع الرجه اللي منزلته على المنتدى ؟؟

سحر : أقول العنود وش سالفه الموضوع ؟؟
العنود : والحين ليش ما تقولين لها انك سحر
سحر : خليني شوي العب عليها يلا وش أقولها ؟
العنود : ما ادري انتي ورطتي عمرك كملي معها
سحر تضربها على راسها : عنيده

( حبيب الروح ونورالعيون انت وبس )
ألووووووووو وين رحتي ؟؟

( ما أجمل أن تبتسم وفي عينيك ألف دمعه )
هلا هاه وش رايك في الموضوع حلو ؟؟

( حبيب الروح ونورالعيون انت وبس )
مره يجنن بس من هي اللي ضاربتك في القصه ؟؟

سحر : العنووود تعالي قولي شي
العنود سافهتها تسولف هي ومنى ويدورون رساله حلوه يرسلونها

( ما أجمل أن تبتسم وفي عينيك ألف دمعه )
ههههههههههههههههههه

( حبيب الروح ونورالعيون انت وبس )
خير وش فيك تضحكين عسى ماشر ؟؟؟

( ما أجمل أن تبتسم وفي عينيك ألف دمعه )
انا لست العنود خخخخخخخ

( حبيب الروح ونورالعيون انت وبس )
ايش ؟؟؟؟؟؟؟؟ أجل مين ؟؟

( ما أجمل أن تبتسم وفي عينيك ألف دمعه )
لا تخافين هههه أنا سحر قد مره سمعتي هالاسم ؟؟

( حبيب الروح ونورالعيون انت وبس )
سحر انتي الللي غاثتنا العنود عشانك

( ما أجمل أن تبتسم وفي عينيك ألف دمعه )
هههههههههه ايه أنا حتى هي كل سواليفها شهد

( حبيب الروح ونورالعيون انت وبس )
خخخخ وش أخبارك من زمان ودي أتعرف عليك وش عندك سارقه الايميل اليوم ؟؟

( ما أجمل أن تبتسم وفي عينيك ألف دمعه )
الله يسلمك أخجلتيني بهالكلام الحلو لا اليوم متجمعين عند العنود وهي جنبي هي وبنت عمها منى

( حبيب الروح ونورالعيون انت وبس )
شكلكم ونااااسه وفلله ليتني عندكم

منى يدق جوالها
العنود : خوذي الجوهره تدق
منى : ألو
الجوهره : يالله بنروح انزلي
منى : خلاص طيب الحين نازلين

منى : يالله العنود بنمشي
العنود : شخيفين تونا شوي وبعدين شوي أبي الرساله هذ أعجبتني ..
سحر : لقيتي رساله ؟؟؟
العنود : ايه تعالي أوريك مرره رايقه بس انتي قفلي النت الحين
سحر : طيب بقولها مع السلامه وأجي

ونزلو الثلاثه
العنود : خاله لبش كذا مبكرين بتروحون ؟
أم فهد : والله ما ادري عنه عمك أكيد عنده شغل المرات الثانيه أكثر ان شاء الله يالله مع السلامه
أم ناصر : مع السلامه والله اللي تشرفنا يوم عرفناكم
أم فهد : الله يسلمك وتجون المره الثانيه عندي ان شاء الله

منى كانت جالسه تلبس عبايتها وبجنبها سحر
منى : ياحليلكم ماودي أروح بسرعه مشى الوقت
سحر : أكيد بيمشي بسرعه معي احم احم
منى : انتي وش تقرب لك العنود يا فيكم ثقه
سحر : هههههههههه امزح والله نجتمع مره ثانيه أكثر والله من جد حبيتك
منى : ووووووه استحي ترى هههههه

وسمعت العنود تناديها
العنود : مننننننننننننى
منى : طيب جايه يالله مع السلامه سحر ( وسلمت عليها وطلعت )

سحر راحت وجلست مع حنان ونوره وليلى كانت واقفه مع منيره بتطلع
منيره : ياحليلها لازم أكلمها ملكتها بعد اسبوعين
ليلى : ايه أنا داقه على لمياء وقالت لي تقول انها يقالها مستحيه ما علمت أحد
منيره : ههههههه تعرف تستحي صارت
ليلى : يالله مع السلامه منور ( وسلمت عليها )

سحر يوم شافت الناس بدت تروح راحت دقت على أهلها بدون ماتدري العنود لأن العنود لو تدري ياويلها ماتبيها تروح بس هي حست انه فشييله مابقى الاهي

حنان : وش أخبارك سحر ؟؟
سحر : الحمد لله وانتو ؟؟
نوره : بخير
سحر : صراحه أهلكم شلون يعرفونكم مره تتشابهون ؟؟
حنان : ههههههه لا عادي تعودو على خششنا أكيد بيحفظونا
سحر : انتو الحين أي سنه ؟؟
نوره : ثالث ثانوي وننتظر النسبه
سحر : واااااو شلون شعوركم ؟؟
حنان : تصدقين بديت اصير باارده أحس طولت ههههه

العنود دخلت معصبه : سحر ليش قايله لاهلك يجون ؟؟
سحر تسوي نفسها ما تدري وش السالفه : غريبه جو ما قلت لهم
العنود : بلا كذب أخوك داخل يقول هي داقه علينا
سحر : هههههههه كشفتيني يالله بنات مع السلامه
نوره وحنان : مع السلامه

في المجلس كان قاعد سلمان مع ابوه وعبد الله
سلمان : عبد الله ممكن تطلع شوي ابي أبوي في موضوع
عبد الله عرف وش وراه سلمان فقام بسرعه
سلمان : يبه
أبو سلمان : ادري وش بتقول منيره
سلمان : يبه حرام عليك تظلمها
أبو سلمان : استح على وجهك وش ظلم أنا ماعطيتها غريب ولد عمها
سلمان : وإذا صار ولد عمها يمكن الغريب أحيانا يكون أفضل منه
أبو سلمان عصب منه : وانت وش لك بنتي وعارف مصلحتها والحين قل لي وش دراك يمكن توافق ؟؟
سلمان : واحد مثل فهد سمعته شينه تبغاها توافق يبه والله في يوم من الأيام بتندم
أبو سلمان : خلاص سلمان قفل الموضوع الحين بكره يصير خير
سلمان : بس أرجوك لا تغصبها يبه

مسك جواله دق على أم سلمان يبي يسأل كان راحو الضيوف
أم سلمان : ايه توها طالعه أم ناصر وبناتها ..

منيره والعنود في غرفهم يتلبسون
منيره رمت نفسها على السرير تحس بتعب فضيييييع ومع كل هالتعب اليوم عندها غييير أول يوم تحس بوناسه بين أخواتها وأغلى صديقه ..
العنود جالسه في الغرفه ماجاها النوم قالت بمر على سلمان من زمان ماسولفت معه ومادرت ان سلمان مقفله معه ولا له خلق يكلم أحد
راحت لغرفته طقت الباب
سلمان : مين
العنود : أنا العنود
سلمان : ادخلي
العنود فتحت الباب وهو جالس يقرا: سلام يا أحلى أخو في الدنيا
سلمان يبتسم ابتسامه بارده : هلا وعليكم السلام وين منيره ؟؟
العنود : ما ادري عنها شكلها نامت
سلمان : أها وش رايك باليوم حلو مع البنات ؟؟
العنود : مررره يجنن وناسه وسكتت شوي سلمان وش فيه وجهك كذا ؟؟
سلمان : ولاشي بس تعبان شوي
العنود : وش رايك أطلع وأنت ارتاح نام
سلمان : بنام بس أقرا هالكتاب شوي
العنود : يالله أخليك أجل تصبح على خير
سلمان : وانتي من اهله

العنود حست ان فيه شي ولا حبت تضغط عليه وتنرفزه قالت تطلع احسن

عند منى والجوهره كانو جالسين ساكتين
منى : وش رايك باجمعه اليوم حلوه صح ؟؟
الجوهره : مره حلوه الا ملل وطفش ما صدقت اهلي يقولون يالله المشكله اني اليوم مواعده وحده من صديقاتي في السوق خربتو علي
منى : طيب أعصابك بكره اطلعي معاها
الجوهره : السالفه مو كذا السالفه اني أكره بيت عمي فاهمه ..
منى سكتت لأن أختها ماينفع معها الحكي أبد

مرت الليله هذي وعلى الصباح كان سلمان أول من قام وجالس تحت في الصاله ينتظر أحد يقوم طفشان وضايق صدره ومعه الجريده يقرا
البنات كانو تعبانات عقب أمس ونايمين وعبد الله نفس الشي ماقام

دخل عليه عمر توه قايم
سلمان : صباح الخير حبيبي
عمر ساكت ماتكلم
سلمان : تعال حبيبي وش فيك عمور
عمر : مافيني شي بس أبغى ماما
سلمان : ماما نايمه الحين تقوم تعال أوريك عندي لعبه في الجوال
عمر جلس جنبه وعطاه الجوال يلعب فيه
عمر يرفع راسه : سلمان مابي الجوال طفش أبغى نروح البقاله
سلمان يناظر الساعه : الساعه 10 ونص يلا مشينا ياحلو

سلمان كان وده يلهي نفسه بأي شي فطلع هو وعمر للبقاله وقال بيتمشى شوي هو وياه عشان يروح عن نفسه

أبو سلمان شاور أم سلمان اللي أبدت تعارض في البدايه لكن هو أقنعها أن فهد صح طايش بس هو فترة شباب لا أعرس بيتعدل حاله وبيعقل قالت له شاور البنت وماله داعي تغصبها ..

كان أبو سلمان وده يقول لها هالوقت بيكون الكل لاهي وهي بغرفتها لحالها طق الباب عليها
منيره : ادخلي العنود
أبو سلمان : أنا أبوك
منيره يوم سمعت صوت أبوها خافت وش عنده أول مره يجي على الصبح غرفتي أكيد عنده شي الله يستر قامت من مكانها بسرعه
منيره : هلا أبوي وحبته على راسه
أبو سلمان وهو يبتسم : وش أخبارك اليوم ؟؟
منيره منزله راسها : الحمد لله

جلس يتلفت في الغرفه : ممكن أجلس عندي موضوع ابغى أتكلم فيه
منيره تسحب الكرسي حقها : تفضل هنا
وهي جلست على السرير
أبو سلمان : منيره انتي الحين ماشاء الله كبرتي وصرتي حرمه وألف من يتمناك
منيره وجعها قلبها عرفت وش وراه أبوها ..
أبو سلمان : وانا يابنتب ما أبغى لك وقطع كلامه صوت الجوال
منيره قامت بسرعه وحطته صامت
أبو سلمان يناظرها بنظره قويه : والجوال حتى على الصبح يرن
منيره سكتت وش تقول المشكله ان اللي داق ناصر
أبو سلمان ياخذ نفس : وولد عمك جاي يطلبك مني
منيره بدون ماتحس : لا أبوي
أبو سلمان : مافيه شي اسمه لا فكري هذي حياتك
منيره : أبوي إلا فهد ما أبغاه
أبو سلمان : طيب قولي لي أي عيب عشان أقتنع
منيره : قل وش مافيه من العيوب
أبو سلمان : منيره ترى عطيتك وجه أكثر من اللازم عيب هذا ولد عمك من دمك
منيره جتها الصيحه : واذا صار ولد عمي لازم آخذه يبه لا تغصبني على شي ما ابيه
أبو سلمان : أصلا انتي طايل لسانك عيب تكلمين أبوك بهالطريقه
منيره جلست تصيح : لا ما أبيه بيعيشني بتعاسه
أبو سلمان : أصلا البنت دايم على شور أبوها وانا بعطيك مهله تفكرين
منيره : ماااااااابي وجلست تصيح من قلب

سلمان كان توه جاي هو وعمر وسمع صوتها لأن البيت كان هدوء فباين الصوت صار يركض مع الدرج بسرعه
وشاف أبوها طالع
سلمان : يبه وش فيه
أبو سلمان : بنات آخر زمن دلع أقولها فكري بالموضوع تجلس تصيح

سلمان مشى بسرعه على غرفتها شافها منزله راسها ودموعها على خدها يوم شافت سلمان قامت ومسكت يده : سلمان الله يعافيك مابي فهد
هو مسك يدها وجلسها
سلمان : الحين اهدي وعمر الصياح مايفيد
منيره : طيب ليش يرغمني عليه
سلمان : منيره أنا بقولك هالكلام وخليك بنت فاهمه واعرفي وش مقصودي من الكلام
منيره تسحب المنديل وتمسح وجهها : طيب سلمان
سلمان : شوفي منيره من عندي وافقي وصدقيني أبوي بيجي اليوم اللي يندم ويجيك بكبره يقول ( سامحيني )
منيره : وأنا أضيع حياتي عشان بعدين يندم
سلمان : أبد ليش تضيعين حياتك وهذا فهد ليش ما تجذبينها وتغيرينه بنفسك
منيره كانت ساكته ولا تكلمت
سلمان : الحين اعتبري اللي خاطبك غير فهد ولا تحطين في بالك انه فهد الطايش اللي سمعتي عنه

( سلمان قال هالكلام يبغاها توافق قبل ماأبوها يغصبها وتكره نفسها )
منيره : سلمان الموضوع كبير ويبيله تفكير خلوني على راحتي
سلمان : والله ما قلت هالكلام الا لمصلحتك فكري ولا تتردين اذا احتجتي شي
منيره : مشكور سلمان ما تقصر

طلع سلمان وهو كل الدنيا ضايقه عنده يفكر وش بيكون حالها أخته

العنود كانت توها قايمه ولا درت وش يصير فتحت النت على الصبح وتلقى شهد جلست تسولف معها

( حبيب الروح ونورالعيون انت وبس )
متى نتايجكم ؟؟؟

( ما أجمل أن تبتسم وفي عينيك ألف دمعه )
بكره والله مرررره خايفه احس انب برسب

( حبيب الروح ونورالعيون انت وبس )
لا ان شاء الله تنجحين بتفوق

في هاللحظه العنود تذكرت أـ ابتسام والرساله توها ما بعد ارسلتها
جلست تقراها مره ثانيه كانت تقول :
جسور تمتد لتصل كل الأرجاء ..
تجمعنا بمن نحب وقت ما نشاء ..
ألا وهي جسور الدعاء لمن سكنوا قلوبنا ..
فيارب احفظهم وأكرمهم وجنان الخلد أسكنهم ..

قالت ما راح أرسلها على الصبح خليها العصر ولا المغرب


( ما أجمل أن تبتسم وفي عينيك ألف دمعه )
أقول شهوده بقولك شي بس لا تزعلين

( حبيب الروح ونورالعيون انت وبس )
لا وش دعوا أزعل قولي

( ما أجمل أن تبتسم وفي عينيك ألف دمعه )
اممممممممممم ابي رقمك ودي أسمع صوتك لنا يمكن سنتين متعرفين على بعض ولا عمرنا سمعنا صوتك ولا شفناك

....................... طولت ما ردت بعدين قالت

( حبيب الروح ونورالعيون انت وبس )
خلاص هذا رقمي ............. وإذا بغيتي نتواعد ما عندي مشكله

( ما أجمل أن تبتسم وفي عينيك ألف دمعه )
من زمااااااااااااان ودي أشوفك والله ممكن أدق الحين هههههه

( حبيب الروح ونورالعيون انت وبس )
لحظه شوي بروح أجيب الجوال مو عندي

وطولت شوي
هنا راح نكشف نقطه العنود ما تدري عنها اللي قاعده تكلمها مو شهد هذا واحد اسمه سامي بس هو لاعب عليها وهي المسكينه مصدقه وهو راح ينادي أخته تكلمها عشان ماتشك وكان بيموت من الحماس عشان يسمع صوتها

سامي يفتح الغرفه على أخته غاده لقاها جالسه تمشط شعرها عند المرايه
سامي : بسرعه غدو تعالي أبغاك ضرووري
هي قامت تحسب عنده شي : وش فيك ؟؟
( وقالها السالفه من أولها لآخرها )
غاده : انت ما تتوب عن حركاتك شف بكلمها بس ياويلك لو يوم من الأيام انت كلمتها
سامي : اصلا هي بنيه مؤدبه مستحيييل تكلمني يالله بسرعه مشتاق أسمع صوتها
غاده : وش قلت مشتاق ؟؟
سامي : خلاص ماقلنا شي امشي بسرعه وسحبها مع يدها

العنود شافته تأخر جلست على المنتدى ترد على المواضيع

( حبيب الروح ونورالعيون انت وبس )
أهلين آسفه ع التأخير يالله دقي

العنود مسكينه استانست ودقت
دق الجوال عنده وهو فز قلبه : خوذي غاده حطي على السبيكر
مسكته غاده : الو
العنود : هلا وغلا أخبارك ؟؟
غاده : تمام ياحلوه
سامي يأشر لها يقول ( قولي صوتك حلو )
العنود : ما توقعت صوتك كذا انتي قلتي لي بأي صف
غاده تناظر سامي يعني وش أقول هو يتكلم بصوت خفيف ثالث ثانوي
العنود : الو وينك
غاده : لا بس يقطع ما عندي ارسال هنا
العنود : ايه وش قلتي أي سنه ؟؟
غاده : ثالث ثانوي
العنود : أها يالعجوز أكبر مني ههههه
سامي مستانس على سواليفها وده هو اللي كلمها وكل شوي يقول لغاده قوليلها ( صوتك حلو )
غاده : بصراحه صوتك نعومي
العنود : احم احم ترى استحي أنا ماتعرفيني
سامي في قلبه ( فديت اللي يستحون)
العنود حست أن أحد بيدخل غرفتها
العنود : خلاص شهوده أخليك الحين في وقت ثاني أكلمك
غاده : خلاص حبيبتي مع السلامه
العنود : مع السلامه

سامي بغى ينجن راح على الكمبيوتر بيشوف إذا هي موجوده ولا طلعت لقاها موجوده
كتب لها (أتوقع إن أمك نحلة .. تدري ليش ؟؟ لأنها جابت عسل مثلك . )

العنود قرتها جلست تضحك عليها وقالت : ياليتني من زمان ماخذه رقمك
كتبت لها ( فديت الكلام الحلو يالله شهودتي بطلع مع السلامه )
هو استانس يوم شاف الرد
كتب ( الله يسلم قلبك وترى بشتاق لك لا تطولين )
سامي هالمره بس حس انه يحبها ما يدري ليه ووده يشوفها وفكر أنه يوم يواعدها ويخلي غاده بداله وهو يراقب من بعيد بس
أعرفكم عليهم : سامي وغاده هم الوحيدين في العايله امهم كل وقتهم برا البيت ومهملينهم
سامي بثالث ثانوي وكل همه النت والخربطه بس هو أول مره يلعب على بنت ويحس انه يحبها
وغاده أكبر بسنه أول سنه بالجامعه وكل وقتها طلعات مع صديقاتها ولا حد يسأل وين راحت وين جت ؟؟

العنود بعد ما قفلت النت شافت منيره داخله عندها ووجهها باين ضايقه
العنود : منور وش فيك حبيبتي
منيره لقت نفسها تمشي لغرفة العنود بدون شعور
منيره كان ودها تتكلم بس كل اللي قدرت تعبر عنه دموعها
العنود حست أن اختها فيها شي كبير: منيره وش فيك ؟؟؟
منيره : العنود ما ادري تفهميني ولا لا ؟؟
العنود عصبت : انتو كلكم في البيت معتبريني صغيره ولا تشاوروني بشي
منيره : العنود أنا جايه عشان تعصبين علي
العنود : خلاص آسفه منيره بس قولي وفضفضي كل اللي فيك
منيره : العنود تدرين أن فهد خاطبني
العنود فتحت عيونها : فهد ولد عمي ؟؟؟؟؟؟؟؟
منيره : من غيره
العنود : طيب انتي استخيري يمكن ترتاحين له وصح حنا سمعنا عنه كلام موب زين بس صدقيني بيتغير وما اختارك انتي الا لأخلاقك وسمعتك الزينه
منيره : بس أنا خايفه يعيشني بضنك وتعاسه
العنود : طيب انتي استخرتي
منيره : لا
العنود : أجل لا تتكلمين الحين روحي صلي وادعي ربك وان شاء الله ما ينكتب لك إلا الخير
منيره فهمت مقصود أهلها يبغونها توافق من نفسها بدون ما أبوها يفرض هذ الشي ..

منيره : خلاص العنود انا بروح لغرفتي وإذا أحد سألك قولي لهم نايمه تعبانه اليوم نفسيتي زفت ما بي أنزل
العنود : لا تكبرين المسأله ربك بيهونها

منيره قامت وهي ما تدري هاللي اسمه فهد وش يبي ؟؟
العنود ضاق صدرها على أختها وهالحزن اللي معميها ..

سلمان كان يكلم سعود
سعود : سلمان بقولك شي يمكن أبوي وفهد ما قالوه
سلمان : ليه وش فيه ؟؟
سعود : انت تدري ان فهد تعين في الجنوب
سلمان : وش قلت ؟؟
سعود : هذا اللي صار وهو يحاول يسوس نقل بس ما أتوقع
سلمان غصب عنه قال : والله ما ادري وش بقى فيها ذاقت كل ألوان الحزن
سعود : سلمان حاس فيك شي عادي قل لي واعتبر فهد مو أخوي
سلمان : تدري أني جالس أقنعها تاخذه وأنا لو الود ودي والله ما يحصل اليوم اللي ياخذها فيه .
سعود : طيب ليش تقنعها خلها ترفض
سلمان : ما تدري عن أبوي انت مابيه يغصبها
سعود : ماتدري سلمان الدنيا تتغير يمكن يعيشون أسعد اثنين
سلمان : الله يسمع منك يالله تامر بشي
سعود : سلامتك

وسكر منه ونزلت دموعه غصب عليه يعني منيره بتروح بعيد عنهم شلون بتتحمل مسكينه



نزلت العنود وشافت سلمان حاط راسه على الوساده وفي عالم ثاني
العنود تناظر له بس هو ما انتبه : سلمان
وهو ماحس ان فيه أحد يناديه
العنود تهزه من كتفه : سلمان وش فيك ؟؟
هو نقز قلبه خاف : العنود شلون جيتي
العنود تبتسم : من زمان بس انت في عالم ثاني
سلمان : ايه يالعنود حرام اللي يصير في منيره
العنود : حتى أنا ما توقعت أن فيها كل الهموم
سلمان : انتي توك تطلعين على الدنيا العنود في اللحظات الأخيره اللي منيره بتعيشها بيننا خليك حولها لا تبتعدين عنها
العنود : انت وش قاعد تخربط يعني إذا أعرست ماراح نشوفها يمكن أشوفها أكثر لا تضيق صدري
سلمان : شوفي بقولك شي بس ما تدري منيره
العنود حست انه شي كبير : وشو ؟؟؟؟؟
سلمان : منيره ماراح تسكن عندنا فهد تعين في الجنوب
العنود : سلمان تتكلم من جد
سلمان خذا نفس : ايه من جد
العنود نزلت راسها وجلست تصيح : لا إلا منيره ما عندي أخت غيرها وتبعد عني
سلمان : العنود خلاص بلا صياح ما بي أحد يدري
العنود قامت وطلعت الدرج وهي تقول وش هالهموم اللي حلت علينا دخلت غرفتها وطاحت على السرير وجلست تصيح كانها طفل صغير
صارت تسمع صوت يدق الباب بس هي ما قامت تفتح وبعد وقت قامت فتحت هي كانت تتوقعه سلمان ولا منيره بس يوم شافت عبد الله
عبد الله شاف وجهها اللي ليان دموع وعيونها الحمر مسك مع ايدها ودخلها الغرفه هي كانت محتاجه احد تشكي له حطت راسه على رجوله وجلست تبكي بصمت
عبدالله مسح على راسه وهو عارف انها جاها خبر خطبة منيره
عبد الله : العنود حبيبتي الدنيا مو على كيفنا
العنود تتكلم بصوت متقطع : عادي تتزوج بس لا تبعد عنا
عبد الله : ومن قال لك أنها راح تبعد انتي حاطه هالشي في بالك
العنود :إلا بتسافر ماراح تسكن عندنا
عبد الله : من قالك ؟؟؟؟؟؟؟؟؟
العنود : سلمان

في هاللحظه رفعو روسهم وتفاجأو من اللي كان داخل
العنود : منيره
منيره راحت لأختها وضمتها لصدرها لأنها سمعت صوتها وصياحها
منيره : والله بتصيرين أغلى أخت لو ابعدت
العنود : انتي تدرين انك ما راح تسكنين عندنا
منيره قالت بقوه : أيه أدري وأنا موافقه
العنود : موافقه ؟؟؟
منيره تبتسم : العنود روحي غسلي وجهك يالله الحين
العنود قامت تغسل وجهها
عبد الله يلتفت على اخته : منيره أنتي موافقه جد ولا تسكتينا
منيره : لا موافقه وباقول لأبوي موافقتي اليوم ان شاء الله

منيره شافت الحزن بعيون الكل وقالت مابي أكون سبب لتعاستهم أنا كيفي ما دام أني راح أعيش حزن كل حياتي أوافق ويسعدون كلهم ويرتاحون ومنيره خلت هالموافقه أنها هي تبغاها ومرتاحه لها

على أذان المغرب
العنود كانت تضغط في الجوال وكانت ودها تسولف مع احد دقت على منى بس ماترد عليها وراحت دقت على بيتهم
رد عليها حمد
حمد : نعم
العنود : السلام عليكم
حمد : وعليكم السلام مين العنود ؟؟ <<< وده يسولف
العنود : ايه وينها منى ؟؟
حمد : لحظه أشوفها
راح شوي ورجع
حمد : امممم ما ادري طالعه مع الجوهره شكلها لا جت قلت لها تكلم
العنود : طيب خلاص
حمد : لحظه لحظه وينه عبد الله ؟؟
العنود : ما ادري دق على جواله
حمد : مقفل جواله هو في البيت
العنود : ما ادري ماشفته يمكن في غرفته
حمد : المهم إذا شفتيه قولي حمد يبيك ضروري
العنود : طيب

العنود ماتحب حمد ولا تحب تكلمه وهو كم مره حاول يخلي الأمر بينهم عادي بس هي ماتعطيه وجه فيحترم نفسه

يوم سكرت منه فكرت ترسل الرساله ل أ ـ ابتسام وكانت ماتدري ليه خايفه ؟؟؟
بس ما حست إلا تشوف ( تم إرسال الرساله )



( يوم النتايــــــــــــــــــــــــــــــــــــــج )
العنود كان عبد الله بيوديها لأنه هو بياخذ نتيجته بعد
حطها في مدرستها وراح
العنود دخلت وما لقت أحد قبالها تعرفه قالت بانتظر سحر تجي وأدخل معها جلست على الكراسي تتفرج على البنات وحده ضايق صدرها على النتيجه ووحده تصيح والثانيه موسعه صدرها ماخذه من الأوائل وهي تقول والله ما ادري وش بيكون وجهي إذا طلعت

: أهلييييييييييييين العنود
العنود : هلا مرام وسلمت عليها
مرام : ألف مبروك
العنود : توني مابعد نجحت خخخخخخخ ألف مبروك لك ..
مرام : الله يبارك والله ماصدقت نجحت
العنود : الحمدلله
سحر توها داخله : هلا بنات وجالسه تسلم عليهم
سحر : هاه العنود راسبه ؟؟
العنود : وش هالتشاؤم يالدوبا ما ادري مين اللي راسبه ؟؟
سحر : لا أنا ماعلي خوف
العنود : لا تكثرين هرج امشي الحين بيجي عبد الله وأنا ما خذت النتيجه
سحر : فديت عنوده ما تمشي إلا معي

العنود مشت معها وقدام باب الأستاذات
العنود : تخيلي أقابل أ ـ ابتسام
سحر تضربها على راسها : الحين فكري بالنتيجه بعدين أـ ابتسام
العنود : يالله ادخلي
سحر دخلت ووراها العنود
وشافت قدامها أ ـ ابتسام تبتسم لهم وقامت من مكتبها عشانهم والعنود بتطير من الفرحه
أ ـ ابتسام : هلا والله
العنود وسحر : هلا أستاذه وسلمو عليها
أ ـ ابتسام : وش اخباركم وش مسوين
العنود : الحمدلله
أ ـ ابتسام : هذي نتايجكم ( وطلعت أساميهم ) وألف مبروووك تستاهلون
العنود : الله يبارك فيك
سحر : وااااو ناجحه ما توقعت
أ ـ ابتسام : ليش محطمه نفسك عاد انتي مو كسلانه لهالدرجه بالعكس حريصه
العنود : أستاذه وش رايك بإجاباتي ؟؟
أ ـ ابتسام : بالعكس مررره باين عليك مذاكره
سحر : ايه بلاها مقطعه الكتاب من المذاكره
العنود ودها تضربها على راسها من كلامها هذا اللي ما يدري وش يبي
وسمعت صوت عبد الله ينادي عليها
العنود : يالله أخوي جا مع السلامه أستاذه
أ ـ ابتسام : يالله مع السلامه و زورونا بعدين
العنود : ان شاء الله إذا حصل

وبعد ماسلمو عليها طلعو
في السياره العنود توها داخله
عبد الله : هاه بشري ؟؟
العنود : نجحت الحمد لله والله مرررره فرحانه
عبد الله : على البركه
العنود : انت شو صار من عندي الأول
عبد الله : الحمد لله
العنود : الف مبرووووووووووووك عبود
عبد الله : الله يبارك فيك

ورجعت العنود البيت والكل كان مبسوط من نجاحهم لأنهم راح يسافرون هالسنه
كانو قاعدين كلهم حتى منيره كانت جالسه معهم
سلمان : يعني في سفره السنه هذي
أبو سلمان : ان شاء الله
عبد الله : وش دراكم هالخبل حمد تلقونه راسب خلني أدق عليه
ودق عليه
حمد : هلااااااااااااا والله اني ناجح مو مصدق عبد الله
عبد الله : ههههههههههه ألف مبرووووك ياولد عمي تستاهل
حمد : الله يبارك فيك تصدق اني شكيت رجعت أقرا اسمي مره ثانيه هل هو صدق حمد ولا لا
عبد الله : الله يرجك بس قلت بتأكد منه هل بنسافر هالسنه ولا لا ؟؟
حمد : لا هالمره أنا رافع روسكم صح نسيت أبارك لك على البركه
عبد الله : من الفرحه نسيت العالم ههههه الله يبارك فيك
وبعد سواليف ورجه سكر منه

أبو سلمان قام من مكانه والتفت على منيره : منيره أبغاك عندي في مكتبي
منيره : ان شاءالله يبه جايه
يوم طلع أبوها
سلمان : منيره انتي موافقه
منيره : ايه سلمان
سلمان : عن اقتناع ولا لا ؟؟
منيره : لا عن اقتناع ليش تسأل ؟؟
سلمان : لا بس كذا الله يوفقكم يارب

قامت منيره
ودخلت على أبوها
أبو سلمان : تعالي اجلسي ..
منيره : هلا أبوي
أبو سلمان : هاه فكرتي بالموضوع ؟؟؟
منيره : ايه فكرت بس قبل ما أقول أني موافقه عندي شروط
أبو سلمان يهز راسه يعني كملي
منيره : أمي وأخوي ما خذتو رايهم لازم يكون عندهم علم
هنا أبوها تنرفز في كل سالفه أهلها بيدخلون
أبو سلمان : طيب عندك شي ثاني
منيره : لا وان كنت آخر من يدري اني بسكن في الجنوب
أبو سلمان : ومن قالك يمكن يسوي نقل
منيره : على العموم يبه هذي موافقتي وانا تراني أمانه بين يديك وإن ضيعتني فربي بيحاسبك
أبو سلمان : أبد ما دامك عند ولد عمك فأبشري بسعادتك وأهلك راح نشاورهم في الموضوع ما قلتي وش صار على نتيجتك ؟؟؟
منيره : لا الحمد لله ناجحه
أبو سلمان : الف مبروك والله يوفقك بحياتك كلها

منيره تقول في نفسها ( ما جا الكلام الحلو إلا يوم وافقت يااااارب حط لي في هالموافقه خير لي )

أبو سلمان كان مكلم أبوفهد على أساس انهم يرتبون للسفر وقررو يروحون بالسياره لأن السفر ما يحلى إلا بالطريق وكان أبو سلمان مايبي يقوله عن موافقة بنته إلا بعد مايشاور أهلها عشان ترضى ...



الضحك ماهو علامة مستريح
والبكى احيان مايوحي بحزن
خذ مثل مني انا قلبي جريح
وابتسملك من غرابيل وشجن
وان بكيت يجوز ابكي من صحيح
من جرح,من ظلم ,من صدمة زمن
او يجوز ابكي على شان استريح
او نتيجة شوق او حزن وندم

انتهى الجزء،،،

الجزء السابع

كان المكان ظلام والجو بارد موقف بسيارته ومشغل اللمبات وحاط راسه على مرتبة السياره وعايش في أفكاره كانت الساعة 1 ونص تقريبا
سلمان اللي شايل هموم الدنيا فوق راسه اختار هالمكان عشان يكون بعيد عن العالم يبغى يصفي هالتشويش اللي حصل له ..
كأنه عايش حلم ..
منيره وخطوبتها السريعه..
ولا كأني قبل شهر تقريباً طالع من المستشفى وكنت على وشك الموت ...
وعبد العزيز صحيح نسيته بس هو أكيد ينتظر كلمة عفو مني ولا من سعود بس أنا عن نفسي مابردت قلبي عليه خله شوي يتأدب والسالفه اللي مشغلتني أكثر أبوي ..
ليش إذا شافنا حنا يكون مرتاح ولا يتضايق أما منيره لا كانت موجوده قلب الدنيا وعفسها مع أنها ياعمري ماشفت منها في حياتي شي يضايق طيبة قلب وسماحة وأخلاق وتدور سعادتنا دايم وأنا خايف من موافقتها اللي جت سريعه وفهد الله أعلم وش مصيره مع أختي ...
أنا أبي أعرف وش قلب حياتنا فجأة وبدون مقدمات بس الله له حكمة في كل شي
<<< عاش على هالأفكار وشوي يشوف جواله يأشر لأنه كان على الصامت وكانت المكالمه من أبوه
سلمان : هلا يبه السلام عليكم
أبوه : وعليكم السلام وينك تأخرت ياولدي ؟؟؟
سلمان : هذاني في الطريق جاي
أبوه : لا تتأخر بكره ورانا سفر
سلمان : إن شاء الله بس زحمة الطريق

سكر من أبوه وحرك السياره راجع للبيت
منيره والعنود كانو يرتبون ملابسهم عشان السفر
العنود : وش آخذ معي أكثر ملابس بيت ؟؟؟
منيره : لا بالعكس خوذي معك بلايزك الحلوه وكم تنوره لازم بتلبسين كل الوقت بملابس البيت
العنود : ايه صح ... أقول منيره ودي أكون أنا ومنى بنفس الشقه يعني ما نفترق حلاة السفر كذا
منيره : صعبه اخواني وين يروحون ؟؟؟
العنود : المفروض العيال ياخذون لهم شقه خاصه يعني فهد وسعود وحمد وسلمان وعبد الله في شقه مو أحسن ؟؟
منيره : صح اقترحي هالاقتراح عليهم

العنود : منيره بسألك بما أننا بنروح مع منى والجوهرة في مكان واحد أنا يضيق صدري لا شفت واحد من بيننا متنكد أو متضايق يعني الجوهره ليش كذا تعاملنا ؟؟؟
منيره : والله بصراحة ماني عارفه وش أقولك ؟؟؟
وحاولت معها بس هي مرره ماتستجيب ورافضه الفكره أنها تدخل بيننا
العنود : وش رايك منيره في هذي السفره نخلي الدنيا تصفى علينا ونعيشها كصديقه لنا وتستحي من تعاملها لنا
منيره : هههههههه ياحبيلك يالعنود أنتي وأفكارك بنحاول ويصبر خير

العنود فاتحه الدولاب تتنقى لبس وشافت لبس مصري كان عندها من زمان
العنود : منيره تذكرين هاللبس هههههههههه
منيره : هذا اللي لبستيه في مدرستكم يوم الحفله كنت في أول متوسط صح ؟؟؟
العنود : اللللللللللللللللللله ذكريات حلوه بس أتوقع اني سمنت وماراح يدخل فيني
منيره : وش دراك جربي من قال انك سامنه مو مره
العنود خذت اللبس تقوسه
العنود : وش رايك هههههه طالعه مصريه صدق
منيره : أقول خليه في الولاب أحسن
العنود : ما تعرفين تجاملين قولي فديتك أصلا هو موب حلو بس يوم لبستيه طلع حلو
منيره : ياحبلك للتمديح

سلمان دخل للبيت ولقى البيت مطفى اللمبات والكل نايم طلع لغرفته وشاف نور من غرفة البنات قال وده يوسع صدره مافيه نوم
سلمان يطق الباب
العنود : سلومي ادخل
سلمان يدخل مبتسم : سلام خواتي
العنود تحط يدها قدامه: هلا والله محسوب لك تأخير اليوم بعد الساعة 2 ما حد يدخل كم مره نعيد الكلام
سلمان يوخر يدها : تونا قاضين من الجامعه وخري
العنود : ههههههههه
سلمان : شكلك من زمان ماضحكتي ويلتفت على منيره : وش أخبارك منور .؟؟؟
منيره : تمام عايشين
سلمان : خلصتو أغراض السفر
منيره : تقريبا خلاص متى بنمشي ؟؟
سلمان : ما ادري يمكن الساعه 10 الصبح لأنهم يبون يوصلون مبكر
العنود : أجل خلونا ننام عشان ما أنام بالسيارة تلقين منى الحين في سابع نومه وبكره تجلس تستهبل علي
سلمان : ههههه وأنتي وبنت عمك هذي نكته
العنود : ايش ماسمعت ما أسمح لك ترى نسواك
سلمان : بسم الله علينا ترد الصاع صاعين يالله تصبحون على خير
منيره والعنود : وانت من اهله
منيره : العنود طفي اللمبه بناااااااام
العنود : وين تنامين هنا في الأرض
منيره : مشتهيه هالمكان هاتي الوساده والبطانيه
العنود : أجل أنا بجيب وسادتي بعد ليش انتي ؟؟
منيره : الله يعين على الغيورين بكره أقوم الصبح وألقى رجلك في وجهي تسوين مصارعه إذا جيت تنامين انتي
العنود : لك الشرف العنود أختك الصغيرونه نايمه جانبك
منيره : قال قال صغيرونه جيبي الوساده بس
العنود : خوذي

وتجيب العنود فراشها وتنام بجنبها اللي يشوفهم ماعندهم سرير بس كذا تغييير مكان

العنود كانت ودها تكون بجنب منيره دايم ولا تحسسها أنها وحيده
رافعه راسها لفوق ولا جاها النوم
العنود : منيره
منيره : وش عندك ؟
العنود : اممممم بسألك بس لا تعصبين
منيره : لا عادي ليه أعصب ؟؟
العنود : منيره ليش وافقتي على فهد ؟؟
منيره خذت نفس : العنود انتي لو بمكاني بتوافقين
العنود : ليش انتي ماتبين ؟؟
منيره : بصراحه عادي أوافق ولا لا ومادام هالشعور فيني ليش ما أسعد أبوي بأني أوافق
العنود : بس حتى لو لا تقدمين سعادتك على حساب أبوي
منيره : خلاص أنا وافقت ومتفائله من المستقبل

غمضت عينها ونزلت دمعتها كانت بس تمني نفسها بشي يمكن كذب سمعت صوت رساله جايه على جوالها
فتحتها وقرت
( ألف مبروك حبيبتي والله يجمع بينكم بخير ويوفقك يااااااااااارب يوم سمعنا موافقتك أمي وافقت وانا ) المرسل : رورو

منيره ( يعني أبوي أمس كلمهم أنا بعرس صدق ولا هذا كذب ليت أحد الحين يضربني ويقول منيره قومي انتي في حلم مو مصدقه )

غمضت عينها ونامت وهي تحمل في قلبها معاناة ما يقدر أحد يشيلها

في الصباح الساعه 10 كانو يحملون أغراض السفر
أم سلمان : العنود نزلتوا أغراضكم كلها ولا بقى شي
العنود : لا خلاص أتوقع منيره جبتي الكاميرا ؟؟
منيره : ايه معاي

أبو سلمان يدخل : يالله اركبوا ما بقى شي بسكر الباب
لبسوا عباياتهم منيره تذكرت دفتر مذكراتها نسته وطبعا هو أهم شي عندها
سلمان ومنيره والعنود في سياره
وأبوهم والباقين في سياره

في الطريق سياره سلمان
العنود : سلمان عندي طلب
سلمان : حتى على الصبح طلبات يالله صباح خير
العنود : لا بس ودي أركب مع سيارة منى
سلمان : منى أكيد راكبه مع سعود ومافيه
العنود : لا عادي نركب مع عمي أنا وياها
سلمان : لحظه بدق عليه وأشوف

ودق عليه
سلمان : السلام عليكم
سعود : وعليكم السلاااام حياك الله
سلمان : الله يحييك صباح الخير
سعود : صباح النور
سلمان : مشيتو ؟؟
سعود : ايه لنا ربع ساعه طالعين
سلمان : الله يعين إلا بسألك من معك في السياره
سعود : معي منى وحمد ليش ؟؟
سلمان : فيه ناس مزعجين عندنا يبون أختك
سعود : ههههههههه الله يعافيك تسوي فينا خير لا خذتها مزعجتنا
سلمان : ههههههه لا الله يجزاك خير نبي نصرفهم كلهم عند عمي
سعود : لا ترى أمزح خلها تجي معنا
سلمان : لا وين معك حمد بعد
سعود : على راحتك بس أبوي سابقني ما اقدر أوقفه
العنود تأشر له ( الله يخليك )
سلمان : خلاص وقف عند المحطه جايك
سعود : خلاص

سلمان يلتفت على العنود : اسمعي اول شي استأذني من أبوي وثانيا إياني وإياك حركات استهبال مالها داعي فاهمه خليك عاقله
العنود : وش قالو لك مو مؤدبه كلي أخلاق

سلمان يلبق عند المحطه وإلا سعود جاي
سلمان يفتح الشباك : هلا كيف الحال ؟؟
سعود : الحمد لله يالله اخلص تأخرنا سبقونا
سلمان : يالله العنود
العنود : طيب طيب نازله منيره هاتي شنطتي وخذت معها الجوال عشان يتصلون عليها

ونزلت وهي شوي مستحيه من عيال عمها
فتحت السياره وركبت
العنود : السلام عليكم
الكل : وعليكم السلام
سعود : وش أخبارك العنود ؟
العنود : الحمدلله << بصوت واطي

منى : أقول العنود ترى معي اللاب توب أجيبه
العنود : وش تنتظرين هاتيه ؟؟
منى : ماقلت لك أمس دخلت على المنتدى وقلت لهم بروح مكه مساكين ضاقت صدورهم
العنود : الله وأكبر وش بيفقدون
منى : من زينك
العنود : فديت قلبها شهوده مرسله لي على الصبح رساله
منى : الله يخلف على العقل بس

حمد : سعود جوعان أبي فطور
سعود : شوي وبنوقف انتظر
حمد : ما عندك شريط حلو نسمعه

العنود قاطه معهم : أنا عندي وتحوس بشنطتها وطلعت شريط كانت مجمعه فيه أصوات مررره حلوه
والأخت كانت بتمده لسعود نست عمرها تحسبه سلمان وهي جايه بتمده سحبته منها منى وعطته سعود
هنا العنود تفشلت ( الحين وش بيقول عني قليلة أدب )
سعود يقلب الشريط : وش فيه ؟؟
العنود بالقوة تكلمت: منوعات أنا جامعتها
حمد : شغله بس شكله حلو
سعود يناظر له باحتقار ويشغل الشريط

العنود ( تقول في نفسها ليتني ما ركبت معكم )
العنود سكتت ومنى تسولف على راسها بس البنت في عالم ثاني
دق جوالها وكان مكتوب رورو هي ببراءتها تحسبها وحده من صديقات منيره
العنود : الو
ناصر : هلا وغلا
العنود انهبلت ( معقوله منيره تكلم شباب وتقصر صوت الجوال عشان مايسمعون ولو شوي من صوته )
العنود : من أنت
هنا ناصر عرف انها مو منيره
ناصر : وينها منيره
العنود انقهرت وبكل جراءه يقول اسمها
العنود : بس ما قلت من معي
ناصر حس انها شكت في الموضوع : أنا ناصر أخوها
العنود انحرجت لأنها تو تنافخ عليها ( وش هالفشايل اليوم مع سعود وهذا شكلي اليوم مسويه ذنب )
العنود : الجوال معي وهي مو عندي دق على سلمان إذا بغيتها
ناصر : مشكوره ,آسف إذا أزعجناك
العنود انحرق وجهها : العفو وسكرت منه وودها تصيح من الفشيله

سعود درى انها تكلم ولد
سعود : مين اللي تكلمينه ؟؟
العنود ( وش دخلك ) : هذا ناصر
سعود انهبل وش ناصر بس هي ودها تقهره على اللقافه
سعود : ما أخبر تعرفين واحد اسمه ناصر
العنود : لا الجوال حق منيره
فهم سعود السالفه وسكت

الجوهره في سيارة أبوها بقوووووووووه طفشانه وكانت فاتحه جوالها وحاطه السماعات في اذنها وتتسمع
سهى : الجوهره
الجوهره ماتسمع عشان السماعات
سهى تطقها على رجلها : الجوهره
الجوهره : وش تبين ؟؟
سهى : وخري شوي أبي أنام
الجوهره : توك قايمه وشو له تنامين ؟؟
أم سلمان : خليها تنام مسكينه طفشت
سهى تحط راسها على الشباك وتنام لأنها تعرف الجوهره ماراح تعطيها مجال

سعود وقف عند البقاله ووقف وراه سلمان
سعود وهو نازل : حمد بتنزل ؟؟
حمد : ايه جاي يلتفت على البنات وش بغيتو؟؟؟
منى : جب لي كروسان جبنه وعصير مشكل وانتي العنود وش تبين ؟؟
العنود : مابي شي
منى : بلا سخافه حمد جب لها أي شي

نزل حمد
منى : العنود وش فيك والله أخوي تراه حبيب ما يقصد
العنود : قال قال حبيب وليش شاك فيني يوم أكلم
منى : مو قصده بس لو أي أحد بمكانه بيشوف نفس النظره
العنود : حتى ولو
منى : عاد اللي يشوفه هاوشك ولا شي بس سألك وانتي كبرتي السالفه
العنود : دافعي عنه أخوك بعذرك
منى : مو قصدي أخوي ولا شي خلاص انسي
العنود : والله ما اقدر بدايتها يوم أمد له الشريط والحين عشان المكالمه ما اقدر أناظر له من الفشله


في البقاله
حمد : أقول سلمان أختك وش تاكل ؟؟
سلمان : جب لها أي شي كل شي تاكله هي
حمد : هههههه
حمد نوع لهم شوكلاتات وعصاير وكم شيبس

يدق الجوال عند العنود وشافته شهد بس ماردت
منى : وش فيك ردي على الجوال
العنود : لا مابي أتكلم وأسولف وأخوك الحين بيجي خصوصا أنها شهد
منى : أخذتي رقمها ؟؟
العنود : ايه فاتك ياحبيلها وسولفنا مررره عسل بس كانت منحرجه شوي وقلت لها بنسافر
وصلتها رساله من شهد وبالأصح نقول ( سامي )

حبيبتي عنادي بس حبيت أشوف أخبارك وصلتو لا لا ؟؟
وشكلك مشغوله يالله غناتي دقي علي لا شفتي الرساله مشتااااقه لك

العنود تقرا الرساله وتبتسم على كلامها ردت لها
فديتك والله الحين بالطريق بس ما اقدر أرد لأني بسيارة ولد عمي وماراح آخذ راحتي لا وصلنا بكلمك قلبي

سامي استانس على كلامها قلبي وفديتك وصدق عمره خلاص ويتمنى بس يشوفها

الساعه 3
فهد كان توه قايم وموعد الطياره الساعه 4 العصر هو مايحب طريق السفر ووده يسافر معهم لمكه خصوصا هالمره بتكون غير مع انه ماسمع الموافقه من عمه بس الأخ ضامن

سعود حاس ان العنود متنرفزه منه لأنها أول مادخلت كانت تضحك ومستانسه وفجأه انقلبت
سعود : حمد الحين جوالك ليش مايسكت
حمد : على راسك خله موسع صدري
ويدق جواله حطه صامت بسرعه
سعود : غريبه رد عليه
حمد : مالي خلق له الحين
بس الرقم أشغله كل شوي داق
سعود يمد يده : هات أرد وأقول نايم
حمد : لا لا خله بس أنا برد

حمد : الو
: اهلين وينك ياحلو
حمد : كنت نازل والجوال بالسياره
: بس حبيت أطمن عليك خذ بالك على نفسك حبيبي
حمد : الله يسلمك أكلمك وقت ثاني اوكيه
: باين شكلك يالله تتكلم يالله باي قلبي
حمد : هلا والله مع السلامه

العنود كانت وراه وسامعه الصوت مو ولد بنت وبقوووه انقهرت ( الحين سعود ليش ما يأدب أخوه بس علي أنا )
منى : وش أخبارها أ ـ ابتسام ؟؟؟
العنود : آه ياعمري هي ودي أكلمها
منى : أكيد هي مشتاقة لك
العنود : لا تخليني أطير من الفرحه
منى : الى الحين وانتي مراهقه للأسف
العنود : أقول ما تحسين أننا طولنا مليــــــــــــت كم بقى ؟؟

سعود : الحين بنوقف نصلي الظهر والعصر وإن شاء الله على اذان المغرب واصلين
حمد : ما كلمك فهد ؟؟
سعود : ذكرتني فيه خليني أشوفه
سعود يدق : مقفل أكيد في الطياره خليني أشوف أبوي وينه الحين

سعود : السلام عليكم أبوي ؟؟
أبو فهد : وعليكم السلام هلا
سعود : وينكم ماشاء الله سابقينا
أبو فهد : واقفين الحين بنصلي ونكمل طريقنا
سعود : الله ييسر أجل حنا لاحقينكم

الساعه 4ونص وقفوا سلمان وسعود عشان الصلاة
سعود : يالله انزلو صلو ولاتتأخرون
العنود في بالها ( ياحبلك للأوامر )
وينزلون منى والعنود وكانت منيره توها نازله
العنود : أختي ( وتسوي نفسها تضمها ) اشتقت لك
منيره : العنود خير وش جاك بلا استهبال تونا في الشارع
العنود تكلم منيره بصوت واطي : برجع الحين معكم
منى : تراني سمعت
العنود : وش هالأذان
منى : قولي ماشاء الله وبكيفك على راحتك ترجعين ولا لا
العنود : منى حبيبتي لا تزعلين
منى مسويه نفسها زعلانه ماتكلمت
العنود : منى بلا سخافه كلميني
منى : والله ما ادري منه السخيف عشان أشياء بايخه تسوين كذا
العنود : أخوك شكله متضايق مني ليش أحشر نفسي
منى : لا متضايق ولا شي بس انتي تفسرين على كيفك
العنود : خلاص كم منى عندي أنا لا تزعلين ( وتمسك مع خدودها وتقبصها )
منى :ههههههه أي العنود شوي شوي علي
العنود : كذا أبغاك تضحكين يالله تعالي نصلي
العنود راحت تتوضا أما منى فكانت متوضيه وراحت تصلي يوم خلصت رجعت للسياره تبغى تكلم سعود بس مالقت غير حمد يكلم بجواله

منى : وين سعود ؟؟
حمد وهو يكلم : لحظه شوي يرد عليها : ماتشوفيني اكلم بس
منى : اوووووف الحين اللي يشوفك من تكلم خاف ربك تراك في طريقك لمكه
حمد ارتبك ماوده تسمعها نوف حبيبة قلبه

نوف : خلاص حمد أكلمك وقت ثاني
حمد : اوكيه باي

حمد : منى قسم بالله ان ماعقلتي لاوريك من هو حمد
منى : حمد تدري لو يدري سعود ولا أبوي وش بيسوي
حمد : مااااالك شغل فاهمه وأنا حر من أكلم
منى : طيب حمد أنت تعرف بس تنافخ علي بس أنا أعرف أأدبك

وتنزل من السياره إلا سعود جاي
حمد : منى

سفهته ومشت
منى : سعود وقف
سعود : وش عندك يالله بنمشي
منى : لا ابي أقولك شي
سعود حس فيها شي : وش فيك منى
منى : العنود لا تتكلم معها تراها متضايقه
سعود : انا حاس انها متضايقه خلاص مايصير إلا الخير بس والله مو قصدي شي
منى : والله أدري بس هي توها ما عرفتك زين
سعود : الله يعين وبس هذا اللي مضايقك
منى ساكته ودها تقول عن حمد بس مو وقته يعصب عليه في السياره ويفضحنا عند العنود

منى : ايه خلاص ومشت للسياره

حمد : منى ليش مارديتي علي
منى ساكته وسافهته
حمد : مسويه قويه بس أنا أعلمك ودخل سعود

سعود : وش فيك تنافخ ؟؟؟
حمد : ولاشي يالله تأخرنا ترى
سعود : وينها العنود
منى : الحين بتجي
العنود داخله : السلام عليكم
مارد عليها غير سعود : وعليكم السلام

منى معصصصبه وساكته
العنود : وش فيك منى سولفي
منى : مالي خلق أبي أنام شوي
العنود : بكيفك عطيني اللاب توب أجل
وشغلت أنشوده ( منو كثري شكى همه وعانق حرقته وغمه
منو جرب بقلبه يوم هموم الدنيا ملتمه

سعود خاش جو مع الأنشوده وحمد يفكر بنوف وعلاقته فيها يدري انه على غلط بس هو يحبها

في سيارة سلمان
منيره : تصدق اليوم نتايج خواتي أتوقع بس العنود ما خذه الجوال هذي لازم تطلعون لها جوال وتريحني
سلمان : طيب خوذي جوالي
وهي ماسكته بتدق دق فهد
منيره : امسك يدق
سلمان : من هو ؟؟
مدت له بدون ماتتكلم
سلمان حطه على السبيكر متعمد : هلا فهد
فهد : هلا بك كيف الحال ؟؟
سلمان : الحمد لله وصلت ؟؟
فهد : ايه توني واصل وخلاص استأجرت الشقق
سلمان : زين الله يعافيك
فهد : ليش مقفل جواله سعود ؟؟
سلمان : ما ادري عنه يمكن مافيه شحن
فهد : باقي لكم كثير
سلمان : لا ساعه أو أكثر شوي
فهد : زين يالله لا وصلتو دقو أوصف لك المكان
سلمان : ان شاء الله مع السلامه

وسكر منه منيره راحت في عالم ثاني ( معقوله هالصوت بيكون يوم من الأيام أنا وياه ببيت لوحدنا بنعيش لوحدنا لا ما ابيه )

سلمان : منيره
بس ماردت
سلمان : تبين الجوال خوذي
منيره انتبهت : وشو؟؟
سلمان : منيره ليش كذا ضاق صدرك
منيره : ابس أسألك ليه تتكلم معه بهالجديه
سلمان : ما ادري وش أقولك أصلا فهد من يوم أنا طلعت للدنيا وأنا ما اعرف غير اسمه وناااادر نشوفه
منيره : مو حرام أني أعيش معه ( قالتها غصب )
سلمان : منيره انتي وافقتي
منيره : ايه الله ييسر ويكتب اللي فيه الخير ابوي قال لهم
سلمان : ما اتوقع بس بيقوله أكيد هالأيام

منيره بتسكر الموضوع : عطني الجوال شوي
سلمان عطاها الجوال وهو عارف انها كارهه فهد من قلب

منيره تدق على جوال ناصر
ناصر : هلا سلمان
منيره : احم احم هلا
ناصر : منور هلا وغلا أخيرا دقيتي
منيره : هههه وش أخبارك
ناصر : الحمد لله وألف مبرووووووووووك حبيبتي
منيره تسكت شوي : الله يبارك فيك
ناصر : والله مو متصور بتطلعين عروس
منيره ( آه لو تدري ياناصر اللي في قلبي البنات يحبون اسم عروس اما أنا اكرهه )
منيره : ههه وش أخبار أمي وحنان ونوره وخالد وديما
ناصر : ههههههه كلهم صافين عندي الحين ويسلمون عليك
منيره : الله يسلمهم والله بشتاق لهم
ناصر : خوذي امي
منيره جتها الصيحه من طاري أمها شلون الحين بتكلمها
منيره : هلا وغلا أمي
أمها : هلابك بنيتي على البركه والله يوفقك ويهنيك
منيره نزلت دمعتها وبصوت متقطع : الله يبارك فيك
أمها : لا تصيحين ولد عمك وماراح يقصر عليك وبتعيشين معه بإذن الله بسعاده
منيره : ان شاء الله
أمها : ولا حددو ملكه ولا شي
منيره : لا توهم وش تبين أجيب لك من مكه ؟؟
أمها : والله ما بي إلا دعاك وترجعين لنا سالمه يارب
منيره : من عيوني ياأغلى أم ما راح تسافرون هالإجازه ؟؟
أمها : ما اتوقع تعرفين شغل عمك بس إذا تيسر مرينا على مكه
منيره : زين والله وش اخبار نتايجهم البنات ؟؟
أمها : لا ماشاء الله يرفعون الراس
منيره : الف مبرووووك وينهم عندك ؟؟
أمها : هاذهم نوره تعالي ولا انتي حنان
نوره تقمز : أنا أنا هلا منوره
منيره : هلا بك قلبي ألف مبرووووك مع اني ما عرفت كم نتايجكم ؟؟
نوره : الله يبارك فيك أنا احم احم 97 وحنان الدوبا 95
منيره : والله ما تلعبون دوافير
نوره : نعجبك ايه صح مبروك منيره
منيره : الله يبارك في عمرك
وتسحب الجوال حنان
حنان : هلا منيره
منيره : هلا بك شلون طلعتي انتي
حنان : خخخخخ وش أخبار العروس ألف مبروك
منيره : الله يبارك فيك وش هالنسب الحلوه مبروك وأبشرو بالهدايا
حنان : الله يبارك فيك وينكم في مكه الحين ؟؟
منيره : لا تونا شوي وبندخل
حنان : توصلون بالسلامه

خالد جنبها : سلميني عليها
حنان : خالد المهمل يسلم عليك
منيره : الله يسلم قلبه هاتيه بكلمه

خالد : هلا
منيره : هلا بهالصوت وش يقولون عنك مهمل ما هقيتها منك
خالد : ههههه خليك ساكته بس ما صدقت أنجح أخوك ما خذ نسبته 67 ومع مرتبة الشرف
منيره : الله يفشلك ليش كذا ؟؟
خالد : لا تقعدين تعطينا محاضره زي بعض الناس
منيره : ههههه أكيد هاوشك ناصر
خالد : لا أصلا أخوي حبيب ما يهاوش ولا شي ولا يعصب
منيره : ههههههههه هذا جزاه مهتم فيك
خالد : أبوي ماتكلم عشان هو يتكلم
منيره : الله يرجك بس يالله توصي شي
خالد : ايه جيبي معك سبحه لونها أصفر
منيره : ههههههههه وش هالتعقيد عاد كثرالله السبح في مكه بس أصفر ما ادري ألقى ولا لا
خالد : لا ماعلي منك أصفر وبس ولا مابي
منيره : طرار ويتشرط ماتنعطى وجه
خالد : هههههههههههه لا عاد من جد لا تنسين من دعوه قدام الكعبه ان ربي يهديني ويعقلني
منيره : أبشر كم أخو خالد عندي أنا
خالد : لا أدوخ ترى
منيره : يالله سلمني عليهم كلهم
خالد : لحظه قبل ما تسكرين مبروك
منيره : الله يبارك فيك وعقبالك
خالد : الللللله متى تجي ليلة عرسي
منيره : توك ياشيخ قبلك ناصر
خالد : ماعلي منه أنا بعرس قبله لو بانتظره شيبت
منيره حست أنها طولت على جوال سلمان مره : يالله خلودي ياكثر سواليفك
خالد : أوسع صدرك هذا جزاي
منيره : لا الله يسلمك سواليفك عسل سلم على الأهل
خالد : الله يسلمك
وسكرت منه

وعطته الجوال : آسفه سلمان طولت مررره
سلمان : لا عادي وش بيننا وش أخبارهم ؟؟
منيره : الحمد لله بخير

العنود ودها تكلم شهد لأنها مااااله منى حطت راسها ونامت مسكت الجوال وتدق يوم شاف سامي الاتصال كان بغرفته وركض على غرفة غاده بس ما كانت موجوده في البيت قال بس بسمع صوتها
العنود : ألو أهلين
سامي : ....
العنود : شهوده تسمعين
سامي : عفوا
العنود : مين ؟؟
سامي : أنا أخوها وجوالها معي
العنود : متى أقدر أكلمها أجل
سامي استانس عليها : والله على الساعه 9 بكون في البيت
العنود : خلاص مشكور
سامي :العفو

وسكرت منه وهو مرره انبسط انه سمع صوتها وقال شكلها مره حبوبه لو وحده ثانيه عصبت مني لازم أشوفها ماعلي أحبها

على الساعه 6 ونص دخل أبو سلمان وأبو سعود مكه والباقين كانو لا حقينهم

أبو سلمان يدق على أخوها أبو علي بيشوف بيجي ولا لا
أبو سلمان : السلام عليكم
أبوعلي : الله حيه وعليكم السلام

أبو سلمان : وش الأخبار عسى ماهونتو
أبو علي : لا بكره موعد الطياره الساعه 9 الصبح
أبو سلمان : زين والله
أبو علي : وصلتوا ؟؟
أبو سلمان : ايه والله تونا داخلين
أبو علي : الحمد لله على السلامه أجل
أبو سلمان : الله يسلمك
أبوعلي : وكل الشباب معك
أبو سلمان : ايه هالمره كلهم حتى فهد معنا
أبوعلي : ما شاء الله أجل هالرحله بتطلع حلوه مع الشباب
أبو سلمان : أكيد يالله ما أطول عليك
أبو علي : هلا بك والله

وصف لهم فهد مكان الشقق كانت مقابله للحرم مره يعني يمشون على رجولهم
وصل أبو سلمان أول ونزل عبد الله وشال عمرعلى كتفه لأنه نايم
عبد الله : آه يمه ثقييييييل
أم سلمان : طيب يالله مع المصعد ارقى الدور الثالث
عبد الله : يالله هذاني رايح

رقى عبدالله وهو مو عارف وين الشقه بس لقى فهد قباله
عبد الله : هلا فهد
فهد : هلا بك الحمد لله على السلامه
عبد الله : الله يسلمك وين الشقه بسرعه ترى هلكان
فهد : ههههه هنا شقتكم وترى خذيت شقه لنا العيال
عبد الله وين والله بس بودي عمر وأجيب الأغراض من السياره

وهو ماشي عمه كان طالع
فهد راح حبه على راسه : الحمد لله على السلامه عمي
أبو سلمان : الله يسلمك ولدي
فهد : هات عنك الأغراض <<< فهد مرره متغير معاملته مع عمه ينتظرهم يوافقون بس

وصل أبو سعود ونزلو شقتهم وسلمان وسعود بعد نص ساعه كانو موجودين

في شقة الشباب حمد أول واحد دخل يتروش وفهد كان جالس على التلفزيون يقلب في القنوات
عبد الله حاط راسه وخلاص فيه النوم بس ينتظر حمد يخلص
سعود وسلمان جالسين يسولفون
عبد الله : سلمان سعود ممكن تسكتون ازعااااااااااااااج
سلمان : وش فيك معصب
عبد الله : تعباااااااااان أحس فيني دوخه
سعود : تبي بنادول أتوقع معي بالسياره
عبد الله : لا وش بالسياره بتعبك أقعد الحين بنام ويخف
سلمان : أكيد الحريم معهم بروح أسألهم وأجي

سلمان راح لشقة أهله يدق الجرس
فتحت العنود
سلمان : هلا بالحلوين فيه أحد
العنود : لا راحو لشقتهم تعبانين
سلمان : زين ودخل
شاف أمه منسدحه
سلمان : هلا يمه ( حبها على راسها ) مشتاااااق لك والله
أم سلمان : اشتاقت لك العافيه
سلمان : ماعندك بنادول ولا مهدي
أم سلمان : وش فيك سلامات
سلمان : لا عبد الله تعبان
أم سلمان : ياقلبي ولدي عسى مو تعبان مره
سلمان : لا بس صداع خفيف عندك ولا أنزل الصيدليه
أم سلمان : لا عندي العنود هاتي شنطتي

أم سلمان تعطيه اياه : انتبه لأخوك ولا صار له شي قوي علمني ولا خذه المستشفى
سلمان : لا تخافين يمه مافيه إلا العافيه

ويلتفت على العنود : وانتي ليش ماتنامين وترتاحين ؟؟
العنود : الحين بنام بس انت خربت علي قمت أفتح لك الباب
سلمان : الله من الكذب بس يالله تصبحون على خير
أم سلمان : وانت من أهله

طلع سلمان لشقتهم
عبدالله : سلمان والله لأرتكب فيه جريمه هذا
سلمان : ما طلع إلى الحين
عبد الله : لا أوريه
سلمان : خذ البنادول وارتاح شوي

طلع في هاللحظه حمد
عبد الله : أخيييييييييرا وش جالس تسوي
حمد وهو يفرك راسه بالمنشفه : الواحد لازم يتنظف زين النظافه من الإيمان
عبد الله أخذ أغراضه وقبل لا يدخل سحب المنشفه من على راسه وضربه فيها ودخل
حمد : أي عبيد أوريك يالدب
سعود : تستاهل ماجاك
حمد : خلك ساكت بس وين غرفتي
سعود : انت هنا معك عبد الله
حمد : وهذا في كل مكان لاحقني
سعود : أجل أنا بصير معك
حمد : لا لا لا هونت ياحبيله عبد الله ولد عمي
سعود يناظره بنص عينه : اركد بس ورح نم

كان الكل تعبان ونامو بسرعه وهم ينتظرون بكره اللي بيكون حافل بالضحكه والوناسه
على أذان الفجر قام أبو سلمان وأبو سعود وهم طالعين
أبو سلمان : هلا ماودك تمر على العيال ما فيه أمل يقومون إلا بالصراخ
أبو سعود : خلني أدق عليهم
ودق عليهم بس ماحد رد حتى عبد الله اللي نومه خفيف ماحس لأنه تعبان
دق أبو سلمان على جوالاتهم بس مقفلينها كلهم انقهر منهم ومشو يصلون في الحرم

على الساعه 11 الصبح قام عبد الله وهو على باله ان الوقت توه يوم شاف الساعة 11 بغى ينهبل قال يمكن الساعة خربانه فتح جواله وفعلا الساعة 11
عبدالله يلتفت إلا حمد بسابع نومه ولا هو حاس بأحد : حمد حمد
بس ما رد عليه
عبدالله يضربه على ظهره : حمد يالله قم
حمد : وش تبي ؟؟
عبد الله : حلوه وش أبي الساعة 11 الحين ما صلينا
حمد : العب على غيري وخر عني
عبد الله : والله حمد قم والا اليوم بنتهزأ صدق
حمد قام من فراشه يفرك عيونه : وليش ما احد قومنا
عبد الله يقوم من مكانه : وانا وش دراني
راح لغرفة سلمان وسعود وفهد اللي نومهم ثقيييييييييل
عبد الله يصرخ : سلمان
سلمان فاتح نص عين : بلا ازعاج عبد الله
عبد الله : انتو مصلين الفجر
سلمان : وش تقول الحين كم الساعة
عبد الله : الله يعين على هواش عمي وأبوي قومو صلو ويالله نروح لشقتهم
سعود قام على اصواتهم : وش عندكم ؟؟
سلمان : قم ياشيخ الساعة 11 وحنا ماقمنا
سعود : احلف ويناظر جواله إلا الساعه 11 ومكالمات من أبوه وعمه سعود الوحيد اللي مخلي جواله مفتوح
سعود : شف كم مكالمه 7
عبد الله : الحين مطولين قومو بسرعه
سلمان وسعود قامو يتوضون وعبد الله راح يشوف حمد ولقاه بدورة المياه
عبد الله يكلمه من ورا الباب : حمد ياويلك تتأخر فاهم
حمد فتح الباب وطلع : لا مافيه مجال اليوم نتأخر تعال نصلي جماعه
فهد قام وشافهم مرتبشين
فهد يناظر سعود : كم الساعه
سعود : صباح الخير شف جوالك
فهد : أوب وقمز من السرير وراح يتوضا
وبعد ماتوضو صلو
حمد كان لابس بدله رياضه وعبد الله لابس ثوبه بدون شي وسلمان وسعود لا بسين ثيابهم مع الشمغ وطالعين وفهد قال بيلحقهم
عبد الله : الحين تعرف أهم مو مخلينك تصلي الظهر بهاللبس
حمد : ايه برجع وأغير لا أذن

دق سلمان الجرس فتح له عمر
عمر : سلمان وينكم
سلمان : من فيه ؟؟
عمر : كلهم هنا
سلمان : تفضلو قبلي
سعود : لا ياحلو خلك انت في المقدمه عشان يحطون الحره فيك
سلمان عرف انهم ماراح يدخلون دخل ودخلو وراه

في المجلس كانو جالسين عمه وأبوه
سلمان : السلام عليكم
أبو سلمان ما يناظر له : وعليكم السلام لا كان نمتوا شوي بعد
سلمان يحب راس أبوه : اسمح لي والله ما حسينا
ويسلم على عمه
سعود دخل ووراه حمد وعبد الله وسلموا عليهم
أبو سعود : الحين قبل كل شي ليش ماتردون على الجوالات
عبد الله : عمي ما حسينا بالعالم تعبانين
أبو سعود : اليوم يبيلكم عقاب ماصار ولا جا حتى أكبركم فهد أهبلكم
أبو سلمان : وينه معرسنا خلاص ما راح نزوجه
سعود : هههههه بقوله يجيك طاير الحين
أبو سلمان : الله يهديكم بس اسمعوني ان صارت السالفه مره ثانيه كل واحد راح ينام عند أبوه
حمد : لا خلاص اسفين وخلونا بشقتنا
أبو سعود : توك تتكلم انت
حمد سكت ما عرف وش يقول
أبو سلمان : يالله عمكم في الطريق جاي زين جيتو قبل مايجي
عبد الله : بنزل أجيب لنا فطور
أبو سلمان : خلاص وخذ معك أحد لا تروح لحالك
عبد الله : يالله حمد

وهم طالعين يقابلهم فهد طاق الزين كله
عبد الله : والله انك فاضي قاعد تكشخ ترى ماراح تشوفك
فهد يناظر له بحقران : مالك شغل
عبد الله خاف منه : يالله حمد تأخرنا ويسحبه مع يده

عبد الله : والله أخوك هذا ما ينفهم
حمد : أكرهه دايم كذا
عبد الله : لا تكره أخوك قل الله يهديه

فهد دخل وسلم على عمه وأبوه
فهد : وش أخباركم ؟؟
أبو سلمان : بخير وراك الله يهديك ما قومتهم تعرفهم ونومهم الثقيل
أبو سعود : هو أثقل منهم
فهد : السموحه منكم
أبو سلمان : اليوم جاي بقولك مبروك بس انت خربت على نفسك
فهد يبتسم : والله عمي وافقو
أبو سلمان : ايه الله يوفقكم
فهد يحط راسه على الكنب وياخذ نفس ( أخيرا تحقق اللي في بالي وباخذك يامنيره )

سلمان منقهررر منه ووده يقول ( ما تستاهل )

عند البنات
كانوا جالسين يشربون شاهي على جنب منيره والجوهره والعنود ومنى
العنود : كم بقى على الأذان
منيره : نص ساعه يمكن
منى : لا لا تروحين حر وشمس العصر نروح الحرم
العنود : منى مشتهيه أروح
منيره تلتفت عل الجوهره : شكلك تعبانه
الجوهره : لا عادي بس أحس مانمت زين ما اعرف أنام إلا بغرفتي
منى : يالدلع انتي لازم تتعودين
الجوهره : وش أسوي بس بتعود
العنود : وش عندهم أسولق حلوه
منى : لازم نمر على أسواق مكه
منيره : بس انتي وياها الناس جايه تتعبد هنا وانتو أسواق ماكفتكم الأسواق هناك
العنود :ياربيه المشكله انتي وسلمان نفس الأفكار حتى هو بيعيي
منى : ما عليك ندبر لنا أحد ما دام معك منى لا تخافين

وشي يدخل عليه ولد صغير شعره أشقر وعيون وساع يضحك معه حلاوه يمصها
العنود : ياناااااااس من هو هذا
منى تناظر له : هذا علي ولد عمي
الجوهره : جا عمي

دخلت أم علي وراه ( وفاء )
وفاء انسانه هاديه وحبوبه عمرها كبر منيره بي هي ماكملت جامعه تزوجت يوم خلصت الثانويه وكان الكل يحبها عشانها جدا متواضعه وكل أحد تعطيه وجه

.............................. انتهى الجزء

الجزء الثــــــــــــــــامن

أم علي دخلت وابتسامتها على وجهها
وفاء : السلام عليكم
الكل : وعليكم السلام
أم سلمان : الله حيها ( وتسلم عليها ) الحمد لله على السلامه
وفاء : الله يسلمك
وتسلم على الباقين
العنود مستانسه على علي ماسكته وتقبصه مع خدوده وهو يضحك
العنود : قل العنود
هو يضحك مو فاهم شي
منى : لا عاد ما نطق إلا اسمك العنود
العنود : وش عليك غياره الحين بيقوله

وفاء : ههههه ياحليلك العنود توه ناطق اسمي ماما عشان تبينه يقول العنود
العنود : فديته والله يوسع الصدر ياحظك فيه اليوم خليه ينام عندي
وفاء : لا والله ان تنجنين خليه عند أمه بس ما يصلح للنوم
منيره : هذا أختي تصلح مربيه
العنود : لا أنا مو أي أحد أحبه بعض البزران غصب يجذبك مثل علاوي

علي كان يلعب بسلسالها على رقبتها
وفاء : انتبهي ترى بيقطعه لك
العنود : لا خليه مستانس عليه

وفاء : وش أخباركم من زمان عنكم
أم سلمان : والله شغل رجلك مره صعب
وفاء : والله بنهبل منه كل وقته شغل مايفضى إلا خميس وجمعه بس قايلين بيرقونه ويخف عليه
أم فهد : بيرقونه وتجون الرياض
أم علي : لا ما اتوقع حنا كل عمرنا في الشرقيه
أم سلمان : عاد الشرقيه حلوه ولا غيرها

وفاء تلتفت على البنات : تصدقون اني ناسيتكم هههههه
منيره : من جد من أنا ؟؟؟
وفاء : عاد انتي ما أنساك لا مو قصدي مره ناسيه بس أشكالكم تغيرت الجوهره مرررررره ناحفه وش عندك
الجوهره بابتسامه تسكتها : ما ادري كلن يقوله
وفاء تغمز لها : علينا قولي بتعرسين
الجوهره : لا ( وتأشر على منيره ) منيره قبلي
منيره كان ودها تصفقها ما تحب أحد يجيب طاري العرس
وفاء : ماسمعنا شي بشرو

منى : أخوي الموقورفهد بياخذ بنت عمه الحلوه منيره
وفاء تلتفت على أم سلمان وأم فهد : على البركه الله يوفقهم توني أسمع الخبر
أم فهد بابتسامه حلوه : الله يبارك فيك لا توه هالكلام قريب
منيره ودها تغير الموضوع بس مافيه مجال
وفاء : مبروووك عروستنا وعقبال البنات كلهم
منيره تبتسم عشان ماتبين انها متضايقه : الله يبارك فيك إلا وينه عمي ما دخل ودنا نسلم عليه
وفاء : ما ادري عنه انشغل مع الشباب بيدخلكم ان شاء الله

عند الرجال
أبوعلي ( راشد ) : تصدق فهد ما اتخيل شكلك معرس
فهد : ليش مو مزيون عمي
راشد : ههههههههههه الله يوفقك صحيح بتسكن في الجنوب
فهد : ايه والله ماودي بس أنا طالب نقل وما ادري وش يصير
راشد : يعني وين بالتحديد ؟؟
فهد : أبها
راشد : الله يعينك والله بعيده أنا في الشرقيه ومتعذب

أبو فهد : يالله الصلاة أذن
أبو سلمان : يالله بنسبقكم ياشباب والحقونا
عبد الله : سم يبه

يوم طلعوا
سعود : ههههههههههههههههههههه
سلمان يضربه على راسه : وش هالضحكه
سعود : والله اني ماسك ضحكتي ههههههه أشكالكم خطيره وانتم خايفين من عمي وابوي
حمد : وانا يوم تكلمت كلمه طب علي بالهواش
عبد الله : تستاهل
حمد : أقول عبيد ترى كف من زينك أنت بعد ماقمت
سلمان : أصلا المفروض ان فهد يصير أبونا يقومنا للصلاة
فهد : وش قلت أبوكم هذا اللي ناقص والله لو اني أبوكم بتبرا منكم

راشد : وش السالفه ؟؟ مافهمت
سلمان : والله فاتك ( ويقوله وش صار )
راشد : هههههه الله يرجكم بس أصلا هم غلطانين يوم انهم يحطونكم في شقه وحده وما تحسون انكم بتتهاوشون اليوم مره ثانيه
سلمان : يالله قبل ما يقيم بسرعه كل واحد يتوضا وانت ياحمد رح غير لبسك ماتصلي بالبدله بسرررررعه ولا ترى بالعقال
عبد الله : حبه حبه علينا ياشيخ
سلمان : ما دام فهد تبرا منكم فأنا بتولى كفالتكم حمد قم بسرعه
حمد : طيب يابابا
سلمان : حبيبي لازم تطلع مؤدب عشان أشري لك حلاوه
سعود : هههههههههه مصدقين انتم وياه
سلمان : خلاااااااااااااااص يالله قم سعود وانت يافهد
راشد وهو طالع : الله يعينكم مادامه مسك كفالتكم
سعود : لا وش قالو لك هنود كفاله ضف وجهك بس سلمان
سلمان ما قدر يمسك نفسه : ههههههه ياحلوك وانت معصب بس مصيري بانشب فيك وأصير أبوك
سعود : الله يعين بس

وطلعوا من الشقه وحمد راح يبدل ملا بسه ولحقهم

عند البنات
العنود : سحوره فديتها من زمان عنها
منى : ياعيني بس فديتها من وين جبتي الكلام الزين
العنود : أقول خليك ساكته كل كلامي زين مو زيك
منى : بس أنا على الأقل عاقله مو حركات حب وخرابيط
العنود : انقللللللللللللللعي انتي وسحر تراكم ما سكينها علي
منى : ههههههه تستاهلين
العنود : ايه كيفي أحبها وبكلمها اليوم مشتاقه لها
منى : خلاص لا تزعلين ياحلو

الجوهره كانت جالسه هي ومنيره ووفاء
وفاء : ياحليلك يامنيره أحس انك تناسبين فهد ولا الجوهره ؟؟
الجوهره : لو ما يناسبون كان ما خطبناها ههههه

منيره في بالها ( يازينكم ساكتين )
منيره : والله ما ادري المهم خلونا نقوم نصلي بس
وفاء : طلعو من الصلاة الحين ولا ؟؟
الجوهره تناظر الساعة : ايه

رجع سلمان وسعود أول شي من المسجد وجلسوا بالمجلس
سلمان : الحين ليش مانروح للشقه أحسن

سعود : أقول خلك ساكت لا يعصبون علينا يعرفون اننا بننام هناك

سلمان يحط راسه على المخده : تصدق اني ما شبعت نوم
سعود : هههههه كل هذا وما شبعت خلاص بعد الغدا نروح للشقه وانت طبعا أبونا تقومنا
سلمان : ههههه والله بتمسكونها علي الله يعين انت وعبد الله ما عليك خوف أقدر عليكم أما حمد وفهد

يدخل حمد ووراه عبد الله
حمد : وش فيه حمد أدري جالسين تمدحون كالعادة
عبد الله يضرب على ظهره : يالثقه وخر بس

البنات قررو يمشون على الشقه الثانيه لأنهم طفشوا من الحجره ما يقدرون يتحركون أي مكان إلا قبالهم أحد من الشباب
منى : يالله بنات البسوا عباياتكم
العنود : خلاص أنا جاهزه تعالي وبعدين يلحقونا
منى : بس مامعنا مفاتيح الشقه
العنود : خليني أقول لسلمان

وتدق عليه
العنود : هلا سلوم
سلمان : هلا بك والله
العنود : امممممم سلمان تعال شوي أبي أكلمك
سلمان : شي ضروري ولا شي سخيف
العنود : لا يجنن تعال بس
سلمان : خلاص طيب

سلمان : خلني أشوف وش عندهم
سعود : أكيد يبون السوق
سلمان : لا وش السوق ياويلهم
عبد الله : ههههههههههه حتى في مكه لا حقنا هالسوق

سلمان ينادي على العنود : العنود
منى : واااو جا اخوك وانا مرتزه هنا
العنود : هلاااااا وغلا أخوي مشتاااقه لك كم لي ما شفتك
سلمان : هههه والله ما ادري عنك وش أخبارك وأخبار منور ؟؟
العنود :الحمد لله وهذي منور لازم تقط معي
سلمان : وش هالغياره ؟؟
العنود : المهم نبي مفتاح شقة عمي ملينا هنا كل الوقت جالسين
سلمان : ليش ودكم تناقزون
العنود : الللللللللللله سلمان من زمان مالعبنا
سلمان : الله يخلف على العقل بس
ويدور في جيبه وطلعه لها : خوذي بس ياويلك يضيع تورطينا مع أبوي
العنود : ليش وش شايفني عمر قدامك
سلمان : على طاري عمر بتاخذون البزران معكم
العنود : لاااااااااا نا قصين بس أنا منى ومنيره والجوهره وما ادري عن وفاء بس أتوقع راح أطردها لأن معها ولده مانبي ازعاج
سلمان : ياعليك تخطيط يالله بروح
العنود : منى يالله

منى تقوم : يالله منيره والجوهره الحقونا
الجوهره : خلاص جايين

قامت منيره ولبست العبايه وهي مخططه ماتخلي الجوهره في حالها اليوم الين تفهم وش وراها ؟؟

وهم طالعين كان أبوها وعمها جايين
أبو سلمان : على وين ؟
منيره : ابوي بنروح للشقه
أبو سلمان : زين أجل ترى تنزلون الحرم قبل أذان المغرب بساعه
منيره : ان شاء الله
فهد كان وراهم وشاف منيره وقدم شوي دخل أبوها وعمها والجوهره مشت عنها تبيه يكلمها
منيره أول مره تشوفه من قريب ومن زمااااان ما شافته أصلا وكان طاق الزين ارتبكت مررره ومشت كأنها ما شافته
فهد : السلام عليكم
بدون ما تلتفت : وعليكم السلام
فهد : كيف الحال ؟؟
منيره بصوت مو مسموع بس تسمع همس : الحمد لله
فهد : انتهبوا على أنفسكم ولا تفتحون الشقه لأي احد
منيره في عالم ثاني
فهد : خلاص منيره
منيره ( آه ليش ينطق اسمي ليش ؟؟؟ ماكانت متقبله بس ليش قمت أنتفض )
منيره : ان شاء الله ( ومشت )

فهد حس بفرحه كبييييييره وقال هذي أول خطوة وان شاء الله الجايات أكثر
منيره بسرعه راحت للشقه وكانت تحس بحر فضييييييع دخلت وخذت لها كاس مويه بارد وغسلت وجهها فيه

الجوهره لا حظت عليها هالشي بس طبعا الكبر يمنعها تسأل وش فيك ؟؟

العنود : بنات أنا معي أونو وش رايكم نلعب ؟؟
منى :ايه الله يخليكم
منيره ودها تنسي نفسها : خلاص يالله
الجوهره : لا وش هاللعبه القديمه ما ودي
منيره : بلا سخافه يالله عاد
الجوهره : اممممممم يالله عشاكم لو اني مو متحمسه
العنود ( لا الصراحه بنموت بدونك )

وزعت عليهم منيره : يالله ببدا أصفر امممممممم عندي هاه
منى : أنا الحين ( وتحط )
العنود فرحانه عشان اللي وراها الجوهره حطت اسحب 2 : هههههه
الجوهره : من بدايتها أوريك انتي اضحكي بس
وهم يلعبون
العنود : لحظه بناااااات في شي مهم
منى : من جد وشو ؟؟
العنود : بمووووووووت من الجوع
منيره : حتى أنا
منى : والله كلنا بس بيرسلون لنا الغدا الحين

يدق الجرس
الجوهره : كانهم سامعينا قومي العنود
العنود : لا والله شغالتكم قومي انتي
منيره : بلا استهبال وحده تقوم تشوف
منى : انا بقوم بس أخاف يكون سلمان
العنود : بياكلك سلمان ( وتقوم )

العنود خذت طرحتها احتياط
العنود : مين ؟؟
سعود : افتحي بسرعه مليت وأنا عند الباب ...<<<< يحسبها منى
العنود ( لا وش جابه ذا ) فتحت الباب وراحت
هو شافها وعرف انها العنود قام ينادي منى
منى : طيب جايه
سعود : والله ما دريت أنها العنود أحسبها انتي
منى تغمز له : علينا سعود
سعود : روحي بس وقولي لها لا تقعد تتعقد مني البنيه
منى : وش عليك تتعقد ولا لا ؟؟
سعود عصب : منى ترى كف
منى : ههههههههههه يعطيك العافيه على الغدا ولا تعصب يا احلى أخو
سعود : تر عندنا لكم مفاجأه حللللوه ويمكن تكون اليوم ولا بكره
منى : مفاجأه بلا ألغاز اخلص وشي ؟؟
سعود يطلع ويصك الباب ويقول : لا لا مافيه ويالله بالعافيه عليكم الغدا

منى انقهرت منه وفي بالها ( أكييييد حلوه المفاجأه ما دامها منك يا سعود الله لا يحرمنا منك )

منى حطت لهم الغدا : ايه العنود ترى سعود ما يدري يحسبك أنا مسكين دايم يطيح بمواقف معك هههه
العنود : أصلا أنا دريت أنه مغلط الرجال
منيره : ليش شو المواقف العنود ؟؟؟
منى : أقول العنود
العنود تناظر لها بجد يعني اسكتي
منى : هههههههههه لا حرام البنت ماتبي تعيدها الجوهره عطيني الكاتشب

العنود ارتاحت لا تقعد تفضحها بعد ناقصه

بعد الغداء العنود ومنى جالسين يكملون لعب

منيره والجوهره جالسين على جنب ومنيره ودها تتكلم للجوهره بس مو عارفه كيف تبدا
منيره : الجوهرة
الجوهره بدون ما تلتفت : نعم
منيره : وش فيك شكللك طفشانه
الجوهره : ايه
منيره تمسكها مع وجهها وتلفه لها : طيب ممكن تناظريني
الجوهره يوم لفت شافت منيره دمعتها وحست أن فيها شي كبير

منيره : اعتبريني اختك الجوهره
الجوهره : منيره صديقتي غاده ( ونزلت دمعتها غصب )
منيره : وش فيها ؟؟
الجوهره : القصه طويله ولا راح تفهمين من الحين
منيره : مستعده أسمع لآخر كلامك تكلمي
الجوهرة كانت متردده بس هالأيام حست أنها مرتاحة لمنيره

الجوهره : شوفي بقولك وأعرف اني مخطيه بس وشو الحل ؟؟
منيره : كلنا نخطي عادي قولي
الجوهره : صديقتي هذي تعرفت عليها عن طريق ماسنجر وتعلقت فيها بقوووه وقابلتها كم مره بس ما توقعتها تسوي فيني كذا
منيره : ليش وش صار ؟؟

الجوهره : تدرين انه يهددني ؟؟ ( ونزلت راسها وجلست تصيح )
منيره : اهدي الجوهره ما دامك في بداية المشوار تقدرين تعدلين من نفسك بس ما قلتي القصه من البدايه

الجوهره : منيره بقولك وبتحسين القصه خياليه أو أنا أكذب بس والله هذا الصدق
منيره تهز راسها ( يعني كملي )

الجوهره تاخذ نفس وتتلفت : منيره مو مرتاحه حاسه أحد يسمعني
منيره تقوم وتمسك يدها : تعالي
منيره في بالها ( ابغى أساعدها بأي طريقة غامضتني )

عند الشباب بعد الغداء
حمد يتراسل مع حبيبته نوف وما قدر يتحمل وده يكلمها بس كل الشباب حوله صعبه بيشكون

قام بعد تردد
سعود : وين حمود
حمد : بروح أكلم مزعجيييين انتو
سعود : احلف بس والله كلنا لا دقت جوالتنا كلمنا
حمد : أقول لا تقعد تتفلسف علي

سعود حاس ان وراه شي بس ما حب يفشله

فهد بعد ما شاف منيره وهو بعالم ثاني حس انها هي اللي بتسعده وبس
فهد : أقول شباب وين ناوين اليوم الليله
سلمان : والله بما أني أبوكم فتوني ما بعد قررت
عبد الله : سلمااااان ترى بصفقك
سلمان : ههههههههه
فهد : لا من جد وين بتروحون
سلمان : وش تشوف انت ؟؟
فهد : ودنا ننزل لجده مو بعيده
سلمان : لا صعبه ياشيخ والله ما راح يرضون الشيبان
عبد الله : والله انها حلوه موب لازم يروحون معنا الشيبان على قولتك

سلمان : سعووووود الوووو معنا
سعود بدون نفس : لا انقطع الإرسال
سلمان : خير انقلبت النفسيه في لحظه وش فيك ؟؟
عبد الله : يفكر يعرس غار من فهد ههه
سعود : ههه ما يضحك أنت ووجهك

فهد : شوفوا أنا بشاور ابوي وعمي ونروح مع البنات بس
عبد الله : احم احم المسأله فيها بنات عشان كذا فازع
فهد : أقول تكلموا البزران عاد

سعود قام للغرفه اللي فيها حمد
حمد منسدح على السرير
حمد: فديت الضحكه
نوف : أقول من زمان عنك تدري عاد ان أهلي اليوم يقولون يمكن نسافر لمكة
حمد : والله يالله غناتي عشان نتقابل
نوف : مو عارفه ان شاء الله يبقون على كلمتهم بس ابي منك طلب
حمد : عيوني لك اطلبي

سعود في هاللحظه تمنى جنبه شي يضربه على راسه من القهر هذي آخرتها ياحمد وثقت فيك بس للأسف

نوف : ارسل صورتك لي
حمد : ههههه ابشري بس هذا لازم أكشخ
نوف : مزيون على خبري
حمد : باقي زينك ما شفناه
نوف : ...........

سعود : حمد
حمد طار قلبه من الخوف
حمد : خلاص أكلمك وقت ثاني


عند منيره والجوهره
الجوهره بعد ما ارتاحت شوي : شوفي السالفه هي دايم تقولي أنها تكلم شباب أنا بصراحه كانت الفكره عند عاديه بس كنت خايفه وكنت أقولها هذا الكلام
وكانت تقول ( وش عليك من أهلك والله ما راح يدرون وسعي صدرك والعبي على الشباب )
منيره : وش هالبنت صدق خراب
الجوهره : المهم ظلت في بالها فكرة أنها تخليني أكلم بأي طريقه الين جا ذاك اليوم اللي تجرأت وكلمته بس كان عن طريق استهبال بعدين تطور مكالمات يوميه ورسايل وصرت أحسبه شي عادي أهم شي ما اطلع معه

( خذت نفس وسكتت شوي )

منيره : وبعدين وش صار
الجوهره : وبعدين ذاك اليوم دقت علي غادة تسولف وقالت أنها ودها تشوفني في السوق ونتقابل أنا ما مانعت وأهلي طبعا ما قالو شي وطلعت وليتني ماطلعت
منيره : ليش لا تقولين أنها مواعدته
الجوهره : ايه والله اني جلست أنتفض من الخوف تعرفين ما تعودت بعدين حاولت أتهرب ورجعت البيت وأنا أرتجف من الخوف
منيره : خطاك انتي من البدايه وبعدين الى الحين يكلمك
الجوهره : كل يوم يدق ولا أرد عليه وصاير يهددني بصوتي وما ادري ايش يقول لا رجعتو من السفر لازم أطلع معك ولا فضحتك عند اخوانك

منيره : ما يقدر كذاب والله بس يبغاك تطلعين

الجوهره : طيب الحين وش الحل حتى غادة ما ترد علي وسافهتني
منيره : أصلا هالغاده بداية المشكلة شوفي حبيبتي لا تردين عليه وان بغيتي غيري رقمك عشان ترتاحين

الجوهرة : بس أنا خايفة يجيني للبيت
منيره : شلون يجي ما يقدر قلت لك س هو تهديد
الجوهرة : والله ما دام غاده جابته لي تقدر تدله على بيتي
منيره : عطيني رقمها والله لأوريها
الجوهره : لا لا لا نا قصين مشاكل خليها الحين تحقد علي زياده

منيره : طيب انتي خليك قويه ولا يصير هو أكبر همك

تدخل العنود : بنات ترى أذن العصر من زمان صليتوا
منيره : لا والله زين اللي دخلتي نسينا أنفسنا
الجوهره قامت تتوضا

العنود بصوت خفيف : منيره وش هالعلاقات والله أنك فنانه الجوهره وخليتيها تتكلم معك
منيره تبتسم : أعجبك أنا صح ؟؟
العنود : فيدت أختي والله



نرجع حبتين عند سعود اللي كره نفسه يوم شاف الموقف من حمد حس أن المسؤليه عليه كلها
حمد يرفع راسه بخوف : سعود
سعود : هالمره شفتك بس اعرف ربك كل يوم يشوفك
حمد : وش سويت الحين أنا
سعود عصب : حمد لا تستهبل من هي اللي تكلمها ؟؟
حمد : مالك دخل
سعود يمسكها مع بلوزته : تتكلم زي الناس ولا ترى أتعامل معك تعامل ثاني
حمد يدف سعود : ابعد ولا مدير مدرسه أكلم من أبي أنا
سعود : حمد جب الجوال
حمد : وش تبغى فيه ؟؟
سعود : قلت جب الجوال حمد
حمد حس ان سعود خلاص وصلت معه : خذ
سعود : هذا الرقم بيتغير فاهم وبكون مراقب لك
حمد : سعود لا كلن عرفني بهالرقم
سعود : ولا كلمة زي الأطفال لازم أراقبك عطيناك جوال مو عشان تلعب فيه وتكلم بنات الناس
حمد : سعود خلاص غيره ومابي غير هالكلام
سعود كان ماسك الجوال بيده طلع منه الشريحه وكسرها قدامه ورمى الجوال عليه

سعود : يالله الصلاة


حمد حس انه باااااايخ بهالموقف ( الحين هذا جزاته سعود معتبرني أقرب اخوانه ودايم أحس انه كانه أبوي باهتمامه فيني )

عبدالله دخل يدور الشماغ حقه
عبد الله : حمد وين شماغي شفته
حمد : ............
عبد الله : حمد يالسخيف تكلم وين الشماغ ؟؟
حمد معصب : وأنا وش دراني عنك أنت وشماغك
عبد الله : خلاص حقك علي لا تعصب
حمد : ..............
عبد الله : وش تنتظر قم بيقيم الحين وانت جالس
حمد قام يوم تذكر سعود وخاف يسويها سالفة ثانيه

حمد فتح المويه وجلس يتوضا وحس أنه جدد الجو عليه
تذكر نوف كيف بتتقبل الموقف ؟؟؟ ولا أنا كيف بعيش بدونها ؟؟؟
أصلا أنا الغبي اللي أكلم هنا بالشقه
طلع مع عبدالله من البيت وهو على هذي الأفكار


في شقة البنات
منى : بنااااات عندنا ضيف بالشقه تعالو
العنود : مين .؟؟؟
منى : عمي راشد جا
العنود : ياحليله والله واحشني الدب

راشد : ترى سامعك عنوده أنا الدب
العنود تضحك : هلا وغلا وأنا أقول ليش الشقة نورت فجأه
راشد : هلا بك والله أنكم يالبنات تلعبون علينا تو الدب والحين منوره الشقه

العنود تسلم عليه : وش أخبارك وعلومك من زمان عنك
راشد : الله يسلمك بخير
منيره : هلا عمي
راشد : هلا والله ومبرووووك ياحلوه
منيره : الله يبارك فيك أخبارك ؟؟
راشد : بخير وش علومكم كلكم ؟؟
العنود : والله كلنا بخير دام شفناك
راشد : ناقصكم وحده
منى : الجوهره الحين تجي تصلي
العنود : عمي ليش ما جبت علي معك فديته
راشد : لا خليه عند أمه أحسن أقول تراني جاي باخذكم للحرم الحين
منيره : الحين
راشد : ايه الحين عشان تلقون لكم مكان
منى : يالله أجل بنات
راشد : بطلع أنا عند الباب معي سلمان وفهد
العنود : الحمد لله فيه أخوي عشان يمسكني لاأضيع
منى : احلفي يالنونو


( منيره ضاق صدرها يوم قال لها أن فهد معه يعني بتمشي وبيكون حولها )

الجوهرة دخلت ولا انتبهت : بنات متى بنروح
راشد : الحين
الجوهره : هلااا والله ( وتسلم عليه )
راشد : وش أخبارك ؟؟
الجوهره : الحمدلله جاي تاخذنا
راشد قام : ايه يالله لا تتأخرون بنات

منيره جوالها يدق وشافته ليلى
منيره : هلااااااااا وغلا
ليلى : هلا بالقاطعين
منيره : وش أخبارك والله تونا اليوم نستقر
ليلى : الحمد لله على سلامتكم
منيره : الله يسلمك بشري عنك عندي لك سواااااااااااليف كثيييره
ليلى : ههههه ياحبيلك بس والله مشتاقه لك
منيره : ليلى
ليلى : هلا
منيره : الشي اللي لازم أقولك أنا بعرس
ليلى : فديييييتك والله ألف مبروك
منيره : الله يبارك فيك
ليلى : من بتاخذين ؟؟
منيره بصوت خفيف: فهد ولد عمي
ليلى حست أنها من غير نفس : والله كبرنا يامنور الله يوفقك
منيره : أخبارهم البنات لمياء وساره
ليلى : والله ساره الخميس الملكة ولمياء توها ما حددو ملكتها
منيره : لازم أكلمهم والله اني قاطعه
ليلى : أنتي نسيتينا في مكه
منيره : ماعاش من ينساكم

العنود : منيره طلعنا يالله
منيره : لحظه جايه ليلى الحين طالعة للحرم أكلمك لا رجعت توصين شي
ليلى : ايه لا وقفتي قدام الكعبة لا تنسيني من الدعاء
منيره : غااااليه والطلب رخيص يالله مع السلامة قلبي
ليلى : مع السلامة

منيره بسرعة تدور العبايه هي ناسيه وين حطتها ويدق جوالها سلمان
منيره : هلا سلمان
سلمان : وينك يالله بنمشي
منيره : خلاص جايه
سلمان : بسرعة

منيره بسرعة تلبس العبايه وتطلع
العنود : أخيرا يا أميرتنا
منيره : خليك ساكته
العنود ومنيره وسلمان على جنب
وفهد وخواته قدامهم

منيره تناظر لفهد وشخصيته وتقول في نفسها ( ليه ما يضحك كثير ؟؟ ودايم غامض زي ما أسمع عنه ؟؟ معقوله بأعيش معه كذا كل حياتي ؟؟)

وصلوا للحرم
سلمان : يالله بنمشي أنا وخلوكم مع بعض لا تفترقون
منيره : خلاص ان شاء الله
فهد : لا بغيتو شي دقو
منى : أكيد بندق بدون ما تقول
فهد طاح وجهه بس هو مسوي ذوق قدام مرته وهي فشلته


العنود : منى شوفي هذي شلون لابسه ههههههه
منى : كاشخة وخري عن طريقها
منيره : بس انتي وياها حتى في الحرم تحشون

منى : كله منك العنود
الجوهره : مو هاذي وفاء وعلي
منيره : الا تعالو حتى أمي معها
العنود : وفاااااااااء
منيره : اسكتي فضحتينا
العنود : وسعي صدرك ما حد عارفك

العنود : ماااامي
أمها : من جابكم ماشاء الله
العنود : سلمان
أم فهد : يالله بناتي صلو ركعتين
قامو البنات يصلون

عند الرجال كانوا قاعدين كلهم
أبو فهد : والله يبيلنا نعتمر بكره الصبح أزين وش رايك أبو سلمان
أبو سلمان : والله انها زينه بس الشباب ما اتوقع يقومون

سلمان : لا وش الصبح بعدين اليوم ( وسكت شوي وناظر سعود )
سعود : ايه لا مانبي الصبح
فهد : اليوم نبي ن
قاطعه سعود : بعد صلاة العشا بكره أحسن الصبح شمس وحر
أبو سلمان : خلاص على راحتكم

سعود يكلم فهد : مو الحين نقول لهم بنروح لجده
فهد : أجل متى ياشيخ ( منقهر لأنه قاطعه )
سعود : لا طلعنا من الحرم هم بيروحون الشقه ونقولهم اننا ماشين ولا راح يمانعون فاهم

منيره بعد ما صلت ركعتين جلست تتأمل الكعبة ونزلت دمعتها وجلست تدعي ربها
يارب وفقني بحياتي
يارب اكتب لي اللي فيه الخير
يارب في هذا المكان الطاهر وأمام بيتك العظيم لا ترد لي دعواتي

البنات كل وحده في جهه تدعي وتصلي حتى العنود ما جلست تستهبل حسو بعظمة المكان اللي هم فيه

الجوهره اللي حست ان شي في حياتها تغير بعد ما أنبها ضميرها على اللي سوته ودعت ربها أنه يكف شره عنها

منيره وهي جالسة سمعت الجوال يدق وشافت مكتوب ( شهد )

منيره : الجوهره وين العنود
الجوهره : شوفيها هناك
منيره ( بعدين مو وقته تكلم الحين )

منيره وهي جالسة بهدوء
وفاء تصرخ : منيره شفتي علي
منيره : بسم الله علي ليش وينه ؟؟
وفاء : تو كان معي ما ادري وين اختفى

منيره تقوم : طيب دوريه أكيد ما راح بعيد
وفاء تصيح : وين بلقاه مع هالزحمة
كلن حس بارتباكها
العنود : وينه تو شايفه معك
منى : طيب بلغي عنه
وفاء : طيب بنات كل وحده بجهه

أم سلمان : منيره وش فيكم
منيره : يمه علي ما شفتيه
أم سلمان : تو مع أمه
أم فهد تقوم : دوروه أكيد ما أبعد

أم سلمان : انتبهوا انتو لا تضيعون عن بعض

وفاء من الخوف مو قادرة تتحمل توقف جلست وهي ميته صياح
منيره : اهدي ان شاء الله بنلقاه
وفاء : والله لو يدري راشد ان أروح فيها
منيره : خلاص البنات وأمي وخالتي كل وحده بجهه انتي اجلسي

منيره جلست عندها تهديها والكل تفرق يدوره أذن المغرب وهم ما لقوه
وفاء بدت تخاف أكثر وحست بيغمى عليها ومنيره فوق راسها تقولها ( ادعي وربي بيرده لك )


............................................. انتهى الجزء

الجزء التاسع ...



البنات تفرقوا يدورون على علي بس للأسف بدو الناس يصلون والولد مختفي

وفاء : أنا بيذبحني راشد اليوم
منيره : توكلي على الله بنلقاه ان شاء الله قبل لا نطلع
وفاء : الله يسمع منك

منيره تشوف العنود جايه من بعيد ومعها منى وشكلهم ما لقوه
منيره : وينه مالقيتوه ؟؟؟؟
العنود : لا
منى : والله بكل مكان دورنا بس شكله أبعد

يدق جوال وفاء
وفاء : هذا راشد وش أقوله ؟؟؟
منيره : لا تقولين شي فاهمه كلميه عادي

وفاء : ألو
راشد : هلا والله بالغلا
وفاء تحاول تسوي نفسها طبيعيه : هلا بك
راشد : تصدقين مشتاق لك من جينا هنا وأنا ماشفتك زين
وفاء ( صدق انك فاضي ) : الله يسلمك وأنا أكثر
راشد : وش فيك صوتك موب على بعضه
وفاء : لا أبد سلامتك ما فيني إلا العافيه
راشد : وش أخبار علاوي انتبهي له زين
هنا وفاء ما قدرت تمسك نفسها ونزلت دموعها
راشد : ألووووو وينك
وفاء وهي تصيح : راشد علي ما ادري وينه ؟؟
راشد : وش تقوووووولييييييييين ؟؟؟

منيره تضربها وبصوت خفيف : ليه تقولين له ؟؟
راشد :وشلون وينه ؟؟؟؟؟؟؟؟؟؟؟؟ خلاص أنا جاي الحين ( ويقفل الخط )

راشد : سلماااااان
سلمان : وش تبي ؟؟
راشد : تعال بسرعه
سلمان وهو جاي : وش فيك عسى ماشر ؟؟
راشد : اه بس علي مضيعينه امش معاي
سلمان : هوهنها ياشيخ تلقاه حولهم
راشد : تعال بس
سلمان : وقف شوي سعوود سعود

سعود يلتفت يأشره له تعال ( فهم سعود السالفه وكل الوقت وهم يهدون راشد )

راشد : والله اني خايف عليه تعرفون الحرم والسرقات اللي فيه
سلمان : تفائل ربك كريم
راشد : لا احد يدري فاهمين
سعود : ايه أحسن يسونها سالفه الحين

راشد لمحهم من بعيد
راشد : وفاااااااااااااء
سلمان : شوي شوي فضحتنا
راشد : أقول انت في وادي وأنا في وادي
سعود يأشر له اسكت خله بحاله

وفاء يوم شافته جت مسرعه
راشد بقوووووووه معصب عليها
راشد : الحين تقولين لي وينه الولد
وفاء وهي تصيح : والله كان بجنبي بس
راشد يقاطعها : امشي معاي بندور بس وهم بيدورون

سلمان : خلاص راشد حنا بنروح من ذا الجهه
راشد : خلاص لا صار شي دق علي
سلمان : طيب بس انت هد أعصابك لاقينه لا قينه ولا تنس الدعا

راشد يلتفت على وفاء : يالله وبدون صياح ناقص انا
وفاء صدق كرهت نفسها هذا يهاوش من جهه وهي قلبها مع ولدها

طلع راشد على ساحة الحرم وبلغ عنه والشرطه بدو يدورون

وهم بالساحه يدورون وكان مررررررررره زحمه وأنواع وأشكال من خلق الله
إلا تلمح وفاء بلوزة ولدها
وفاء : راشد مو هذا علي
راشد فز قلبها : وينه ؟؟؟ شفتيه
وفاء : لحظه ( وتمشي بسرعه ) وتمسكه مع ظهره وتلفه على وجهها
وفاء : علااااااااااااااااااااااوي ( وتضمه وكأن أحد كب عليها مويه باااارده )
راشد يناظر لها وبدت عيونه تدمع ( والله انك بهذلتنا )
وعلي كان قاعد مع مع بزران صغار باكستانيين وطاقها صداقه معهم
علي : ماااااما ( ويوريها اللعبه )
وفاء : انت وين رحت ؟؟؟
علي يجلس يضحك ولا هو هامه ولا درى عنهم

راشد دق على سلمان
راشد : خلاص سلمان لقيته
سلمان : من جد
راشد : ايه الحمد لله
سلمان : خلاص بنرجع لمكاننا ونقابلك هناك

راشد يلتفت على وفاء : يالله أذن العشاء
وفاء : طيب
وتشيل علي وهو يصيح يبي يقعد
راشد : حبيبي يالله بنروح
علي يأشر براسه : لاااااا
راشد : خوذيه بالغصب بس

وشالته وفاء وهم ماشين
وفاء : راشد أنا آسفه ماكان قصدي
راشد : ولو مفروض تكونين حريصه وخاصه هنا
وفاء : عاد والله شكله من كثر الحرص
راشد سكت ولا تكلم

وفاء حست بتأنيب ضمير ( والله وأنا وش ذنبي بعد صح غلطت بس مو كذا يعاملني )

ورجعت عند البنات
العنود : شوفي علي معها
منى : صاادقه
العنود تركض وتسحبه منها : يالدب ويييييين اختفيت
وفاء : بس قطع قلبي جالس يلعب مع البزران موسع صدره
العنود : يالعاااب ( وتضربه على يده )

وفاء : يالله بنات نصلي عشان نطلع لا يضيع مره ثانيه
منيره : وفاااااء الحمد لله على سلامته
الجوهره : الحمدلله لقيتيه والله جالسين ندعي لكم
وفاء : ايه والله ان قلبي طار

بعد الصلاة طلعوا الشباب
سلمان : الحين ياشباب من هو الحلو اللي بيقول لأبوي وعمي اننا نبي ننزل لجده
فهد : أنا
حمد : احلى يالفزعه موب عادتك
سعود يقول في اذن سلمان : الولد يبي يسوي علاقات
سلمان : هههههههههه
فهد : خير انت وياه
حمد : ولا شي سلامة قلبك أخوي يالله رح قبل لايمشي أبوي
فهد : معطيكم وجه تراني
يمر أبوسلمان عليهم : يالله امشو
فهد : عمي ابيك في موضوع
سلمان يقول لسعود : أخوك عليه كلام خخخخخ
سعود : احمد ربك والله انه فزاع

أبو سلمان : والله ياولدي ما ادري خايف عليكم
فهد : ما عليك أنا معهم
أبو سلمان : خلاص موافق بس لا تتأخرون وشاور أبوك
فهد : أبوي موب قايل شي بس بقوله

فهد يروح عندهم وهم يسولفون : هاه وش تعطوني
سلمان : شاف عمره عاد
فهد : اسكت بس بعدين تعال شوي
سلمان : تبغاني في موضوع خخخخخخخخخخخخخ
فهد : مايضحك تعال وانت سعود يالله على سيارتك وانت والاثنين هذولي ما ابيهم معي ونمشي مع بعض لا تمشون
سعود : أوامر ثانيه أخوي
عبد الله : أقول حمد ما تحس اننا منبوذين كلن ما يبينا
سعود : ياحبيلكم والله اني ابيكم من قال منبوذين
حمد : ياحبيلك والله أخوي بس أبي شريحه جواله
عبد الله : ليش وينها شريحتك ؟؟؟
حمد : امممممم احترقت هاه وش قلت سعود ؟؟
سعود ما رد عليه : يالله امشو

عند سلمان وفهد
سلمان : ما اقدر فهد أول شي هي ماراح ترضى وثانيا انت ما ملكت توكم مخطوبين
فهد : طلبتك سلمان
سلمان : لا آسف إلا اذا بتاخذ معها وحده م خواتك
فهد : خلاص معي الجوهره
سلمان : طيب كذا موافق بس اذا رضت
فهد : عارف ما راح توافق بس انت قلها اركبي لأني مستعجل وامش
سلمان : الحين بافهم وش غرضك ؟؟
فهد : بعدين أفهمك ترى تأخرنا

سلمان يدق جواله : ألو مراحب
العنود : هلا طلعنا من البوابه وينكم
سلمان : انتي من معك ؟؟
العنود : بس أنا ومنى
سلمان : وين منيره ؟؟
العنود : جايه مع أمي والباقين وحنا سبقناهم
سلمان ارتاح : حلو بسرررعه تعالوا بسيارتي
العنود : طيب ومنيره من بتركب معه ؟؟
سلمان : مالك شغل قلت بسرررعه
العنود فهمت وش قصده
منى : لا اااا استحي مابي بركب مع سعود
العنود : أقول ترى أنا راكبه معكم ولا قلت شي
منى : خلاص امري لله
العنود : منى تدرين ان منيره بتركب مع فهد
منى : وهي بتوافق ما أظن
العنود : الا سلمان يقوله تو
منى : الحين اختك ليه كارهه فهد
العنود : اتوقع تعرفين الاجابه
منى : بس أخوي والله يحبها وباااين من عيونه لا شافها
العنود : وش دراك يمكن لا ركبت معه اليوم يزين الجو عندهم
منى : انتي كارهه سعود وهي فهد
العنود : ............
منى : تكلمي وش فيه سعود ؟؟؟؟
العنود : من قال اني اكرهه عادي اعتبره ولدعمي يعني وش تبين أقول أحبه
منى : والله انتي بصراحه موب عارفه من هو سعود
العنود : امشي خلاص وصلنا هذي سيارة سلمان

سلمان جالس بالسياره وكان بجنبه سعود يسولف معه الين ما يجون
العنود بكل ثقه تفتح الباب اللي قدام ولأن سيارة سلمان مظلله ما شافت أن أحد موجود
العنود : بووووووووو
بس هي مو مستوعبه اللي قدامها ورجعت بسرررعه
العنود : مننننننننى
منى : بسم الله عليك لا تقولين غلطتي بالسياره
العنود : لا لا شوفي مين بالسياره فشييييييله خلاص ما الدري وين بودي وجهي
منى : خليك وش هالخبال ؟؟
العنود : والله أحسبه سلمان لحاله
منى : ليش من معاه ؟؟؟

سلمان ميت من الضحك : هههههههههه هالمهبوله عسى ما خرشتك بس
سعود شوي منحرج ومستانس : لا عادي هههه يالله بنمشي عشان الخطه تجي تمااام
سلمان : والله ما ادري عنها منيره أدري بتعصب علي
سعود نزل و كانوا منى والعنود واقفين على جنب

منى : سعوووود تعال تعال ههههههه
سعود : وش فيك تضحكين
منى : ما ادري على شكلك ولا على العنود اللي خرعتك
سعود : تعالي ( وبصوت خفيف ) والله اني خفت ما ادري الا وحده فاتحه الباب وتصرخ في وجهي
منى : ههههههههههه ولو تشوف شكلها ميته من الحيا
سعود يبتسم : لا عادي خليها توسع صدرها
منى ترفع صوتها : أكيد حبيبة القلب
سعود : منى يالدوبا اوص
منى : ههههه فديت اللي يستحون أنا
سعود يناظرها بنص عين : روحي اركبي بس
منى : ما قلت لي وش المفاجأة ؟؟
سعود : الحين بننزل على جده حنا بس يعني بدون عمي ولا أبوي وش رايك؟؟؟؟
منى : ونااااااااااااااااسه أموت على أفكارك
سعود : روحي اركبي تأخرتي عليهم
منى : طيب تبغاني أقول لعنوده شي خخخخ
سعود ( والله ماحد فاهمني غيرك ) : لا بس قولي لها توسع صدرها
( ومشى بسرعه )
منى ركبت
منى : السلام عليكم
سلمان : وعليكم السلام وش أخبارك ؟؟
منى : الحمد لله
يدق الجوال
العنود : هلا وغلا ترى مشينا وانتي ومنيره اركبوا مع فهد خلاص
الجوهره : طيب حبه حبه
العنود : تدرين اننا بنروح لجده
الجوهره : من جد
العنود : شفتي الوناسه بسرعه استعجلوا

بعد ما سكرت
منيره : وش تقول ؟؟
الجوهره ( فهمت وش مقصودهم يركبونها مع فهد عشان كذا سكتت ) : ولا شي يالله اليوم بيمشون في جده
منيره : حلو
الجوهره : هذي سيارة أخوي امشي
منيره : أخوك ؟؟؟؟؟؟؟؟؟؟؟
الجوهره : ايه كلهم راحو وما بقى إلا هو اركبي بلا دلع
منيره ( أوريك ياسلمان حتى انت تخطط معهم والجوال بعد مع العنود )

الجوهره : هلا فهد تأخرنا عليك
فهد : لا عادي يالله هم ينتظرونا عند المحطة
الجوهرة : منيره معك الجوال ؟؟
منيره : لا ما معي
الجوهره : وينه ؟؟
منيره ( هذي الحين وش تبي بجوالي أنا ما أبغى أتكلم خلاص ) : مع العنود
فهد : وش اخبارك منيره ؟؟
منيره حست بشعرها وقف يوم قال منيره : بخير
فهد يكلمهم كلهم : وش رايكم بالمفاجأه اللي مسوينها
الجوهره : مره استانست الله يعافيكم
فهد : شكلك منيره ما لك خلق
منيره ( والله زودها ) : لا عادي
فهد شافهم عند المحطة ووقف
فهد : بنزل أجيب لي عصير من البقاله تبغون شي
الجوهره : ايه جب عصير كوكتيل
فهد : وانتي منيره ؟؟
منيره : لا بس مابي شي
فهد : مره ولا شي لا لازم اليوم انا عازمكم
منيره : ..............
فهد : خلاص على ذوقي أجل
منيره ( مررره انت تتميلح )
بعد ما نزل
الجوهره : منيره ليش كذا ارحميه ليش تعاملينه كذا ؟؟
منيره : ما اعرف والله غصب علي
الجوهره : تدرين منيره انه تغير وانقلب عن أول بشكل كبيير
منيره : وهذا اللي خايفه منه
الجوهره : يعني انه جالس يمثل قدامك
منيره : ما تدرين
الجوهره : ادري يمكن وافقتي مجبورة بس مو هذا حل تعاملينه بهالطريقه
منيره : طيب أنتي تدرين الواحد لا صار يكره الشخص اللي قدامه صعب يغير النظره بسرعه
الجوهره : الله يعينه بس عشاني عطيه وجه

فهد دخل وعطاهم العصير وفي قلبه شكله ما فيه أمل تعطيني وجه
فهد : اسمعوا هالأنشوده مرره حلوه ( وكان يقصد منيره اسمعيها )
وكان على مقطع
لو يموت الشوق بقلوب البشر
مايموت بخافقي شوقي عليك

خذ مسافة يوم أسبوع وشهر
واعرف اني طول عمري مشتريك

بيننا الأيـــــــــــام وأحكام الدهر
راح تعرف وش كثر قلبي يبيك
( وكان الصوت مع الأصداء مرره مؤثر وروووعه منيره حست أنها هي المقصوده )
فهد : وش رايكم
الجوهره : مره جنااان هالأنشوده وربي يعينك
فهد يبتسم

وفي سياره سلمان منى والعنود بس سوالسف وضحك ومنى من النوع ماتستحي من سلمان أبد وتعتره كأنه سعود
منى : العنود جايبه معك ملابس سباحة ؟؟
سلمان : الله يفشلكم بتسبحون
العنود : ايه سلمان ليش ما علمتونا من قبل
منى : ولا موب لازم أكيد بيستأجرون لنا سفينه ونستانس
سلمان : ما تحسون انكم تتشرطون حنا اللي عازمينكم يعني حنا اللي نقرر بكيفنا
منى :هههههههههه أقصد أنكم ما تقصرون
سلمان : لا بصراحه كلك ذوق
منى : لا تتهزا
العنود : خلااااااااااص وش يفكنا منكم الحين

العنود : واااااااااااااو
منى : خير وش فيك ؟؟
العنود : شوفي من يدق
منى : سحر
العنود : فديتها وحشتني
منى : لا تصيحين بس
العنود : الووووو هلا وغلا ومرحبا بالغاليييين
سحر : هلا بك كله هذا عشاني بصدق عمري ترى
العنود : ههههه والله اشتقت لك
سحر : يسلمو وأنا أكثثثر وش أخبارك ؟؟؟
العنود : تمام الحمد لله وانتي كيفك ؟؟
سحر : اهي اهي بصيييح
العنود : ليه ؟هههههه
سحر : فاااقدتك
العنود : لا أبد كلها أيام وبنرجع
سحر : تصدقين عاد اننا بنسافر أبوي هالأيام قاله
العنود : صدق وين قولي لمكه
سحر : نوووووو ياليت والله عشان نتقابل بس بنروح لأبها
العنود : قهررر يالله تروحون وترجعون بالسلامه
سحر : وأخبار منيره ومنى والشله ؟؟
العنود : كلهم بخير
سحر : يقطع صوتك مره ما أسمع
العنود : ايه حنا بالطريق
سحر : راجعين للرياض ؟؟؟
العنود : لا هههههه بس بنتمشى بجده ونرجع
سحر : خلاص أكلمك بعدين لأن عندي سواليف جديده
العنود : نقطة تحميس هذي ما يصلح كذا
سحر : ههههههههه خليك عشان تشتاقين لي
العنود : يالدوبا سلمينا على أمك
سحر : الله يسلمك مع السلامه
العنود : مع السلامه
منى : كأنك ما شفتيها من شهر
العنود : وش عليك صديقتي مشتاقه لها
سلمان : ومين هذي ؟؟
العنود: من غيرها سحر ؟؟
سلمان : هي اللي أخوها اسمه طارق يدرس معنا بالهندسه
العنود : ايه عليك نور بس هو أكبر منك
سلمان : ايه بس قد سولفت معه حبيب مره
العنود : أكيد عشان أخته سحر
منى : بسأل سؤال هي ما عندها خوات ؟؟
العنود : الا وحده متزوجه وعنده ولدين وبنت وأخوانها الباقين أولاد
منى : هي أصغر وحده
العنود : ايه آخر العنقود ودلوعة ماما على قولتها

في سيارة سعود حمد كان ضايق صدره لأن سعود ما يعطيه وجه أكثر من اللازم يبغى يأدبه ويخليه يحس بخطاه

من جهه ثانيه نوف اللي تقطع قلبها عليه وعايش بحسره تبي تعرف وش سر اختفاءه

عبد الله كان معه مجله يتصفحها وحمد في عالم ثاني يفكر هل يرضي سعود ولا حبيبة القلب

حمد : سعود كم بقى ونوصل ؟؟
سعود : خلاص وصلنا ما بقى شي


على الساعة10 ونص تقريبا دخلوا لجده وراحوا على أبحر واختاروا لهم مكان على البحر مرره حلو

فهد : يالله انزلوا وانتبهوا على أنفسكم
الجوهره : كلنا ننتبه ولا ناس معيين
فهد يبتسم : لا كلكم وش دعوا ؟؟
الجوهره نزلت وشافت العنود ومنى جالسات على الكراسي

منيره بسرعه تبي تنزل بس كان معها أكياس تبي تنزلها معها
فهد : هاتي أساعدك
منيره : لا ما يحتاج أنا أقدر
فهد حب الكيسه منها : يالله انزلي
منيره انحرجت كيف بتنزل وهو واقف عند الباب وهو حس بإحراجها وبعد شوي
منيره غصب عليها قالت : مشكور تعبتك
وهو حس أن الدنيا كلها بيديه من الفرحة أخيرا عبرتني ولو بكلمة
فهد ما رفع عينه من عليها : لا تقولين كذا بالعكس

منيره أخذت الكيسه وراحت مستعجله ( أنا وش خلاني أتكلم أصلا بس والله اكتشفت أنه حبيب بس حاسه انه في حاجز بيني وبينه ومو عارفه ليه )
منيره : العنود تعالي ليش ماخذه الجوال معك ؟؟
العنود : هههههه ليش معصبه ؟؟؟
منيره : أقول خليكم ساكتين يقالكم ماسويتو شي
منى : أقول وسعي صدرك تعالو في شي بقوله لكم فاتكم نص عمركم ولو أنكم شايفين الموقف
العنود : لااااااااااااا خلاص منى بتمسكينه علي انتي
منيره : خوذي الجوال بعد انتي شهد تدق عليك ترى داقه وانا في الحرم
العنود : فدييييييييييييتها هاتي بسرعه وتروح بعيد عنهم تتمشى على البحر

العنود : هلا اااا والله
سامي : ..........
العنود : ألو
سامي : السلام عليكم
العنود انهبلت مين هذا : وعليكم السلام
سامي كان وده يسولف بس عارفها بتصك بوجهه
العنود : من معي ؟؟
سامي : عفوا ترى جوال أختي معي وانتي آخر مكالمة ويمكن دق بالغلط
العنود : أها لا عادي
سامي : عسى ما أزعجتك
العنود : لا بس سلمني عليها
سامي : لحظه لحظه أنا داخل البيت غاااااده
العنود بدت تشك بالوضع وش غادة هذي وسكرت بسرعة وبدت تلوم نفسها (أنا الغلطانه أصلا أكلمها وش يضمن لي أنها شهد والدليل تو شكله ألف لي قصه والله لو يدرون اخواني ولا منيره لا أطيح من عينهم )

جتها رساله على الجوال


أحاول أكتم إحساسي
ولاأرسل رسالة شوق
لكن لك وحشة بقلبي
نستني الصبر والذوق

هنا العنود حست بقهررر فضيييع خير وش هاللعب أبي أفهم السالفه فكرت ترد عليه وتحاول تعرف بس هي خافت لأن الجوال مو جوالها

وحست أنها أبعدت عنهم رجعت وهي ماشيه إلا يطلعون عليه ولدين
الأول : مسكينه شكلك ضايعه
الثاني : حرام لا تصيحها
الأول : تبين نوصلك عند أهلك

العنود : لو سمحت بعد عن طريقي

الشباب كانو جالسين على كراسي مقابله للبنات هنا لاحظ سعود العنود وهو شافها من يوم قامت بس حس أنها تأخرت وتأكد ويوم شاف الولدين حولها


سعود ماحب يربك أحد وقام بسرعه
سلمان : على وين ؟؟
مارد عليه
سعود وهو جاي عرفته العنود وحمدت ربها أن في أحد منهم شافها
سعود : خير انت وياه ماتستحي على وجهك
الأول : أكيد أنها حبيبته وخر لا يجيك طراق ( ويسحب صديقه ويمشي )
سعود : ناس ما تعرف الأدب
ويلتفت على العنود بس هالمره ناظر لها بجديه
سعود : وحنا وش قايلين ماحد يبعد
العنود حست بخطاها وودها تصيح من الضيق أول شي من سامي اللي ما تدري وش سالفته والا من هالولدين اللي خافت منهم وكملها سعود بنظراته

العنود : آسفه ما حسيت بنفسي
سعود حس أنها بتصيح : خلاص ماصار شي ولا أحد يدري حتى سلمان ما راح أقوله لأني أعرف انه بيعصب
العنود نزلت راسه وسكتت
سعود : يالله خليك قاعده مع البنات وشاوريهم وش حابين عصيرات ولا آيسكريمات خلاص ودقوا علي
العنود : طيب

عند البنات
منيره : أخييرا كل هذا مكالمة
العنود تصرف السالفه : أقول وش تبون عصير ولا آيسكريم
منى : لا لا نبي آيسكريم توفي
الجوهره : لا وش توفي أنا أبغى فانيليا
العنود : خلاص دقو على سعود
منى : ايش من قلتي سعود ؟؟؟؟؟؟؟؟؟ وأنا أقول ليش البنت طولت
العنود : منى ترى والله مشتهيه اليوم أصفقك أصلا وأنا جايه هو قابلني وقالي
منيره : خلاص لا تسوونها سالفه
منى : يالله طلباتكم وش تبون

وتدق على سعود
منى : ألووو هلا سعودي الغالي
سعود : هلا والله بمنو الغاليه
منى تقوم عنهم شوي : أحلى وش هاللقاءات
سعود : هههههههه الله يقلع ابليسك وانتي وشلون دريتي
منى : أعرف وكان بعد طولت زياده
سعود : هههههههههههه <<< مايقدر يتكلم أكثر لأنهم حوله
منى : المهم أنا أبغى ايسكريم توفي والجوهره فانيليا ومنيره امممم وش تبي ؟؟
تلتفت على منيره : وانتي ايش ؟؟؟
منيره : خلاص أي شي
منى : ايه صح تذكرت مثلي توفي وعنوده على ذوقك
العنود تناظر لها باستغراب ( وش تخربط هذي )
سعود : والله هي قالت على ذوقي ؟؟
منى : ههههه ايه انتبه بس لا تطير من الفرحه
سعود : الله يرجك بس خخخخخخ يالله بروح أجيب لكم

العنود : تعالي منى بجنبي أبغاك شوي
منى : نعم والله عيونك تخوف يقول بتصفقيني
العنود : تستاهلين بس بقولك سالفه بسرعه
منى : خلاص جيت لا تعصب حلوتنا

الجوهره كانت تضغط بجوالها وبعدين سرحت وهي تتابع أمواج البحر
منيره : الجوهره تصدقين البحر مره حلو شكله بس ليه نخاف منه ؟؟؟
الجوهره : تدرين وش يذكرني فيه ؟؟
منيره : بإيش ؟؟
الجوهره : بالحياة اللي نعيشها هي حلوه بس لا تأمنها
منيره ( وييين حلوه يمكن أنت عشت حلاوتها أما أنا لا من يوم انخلقت وأنا مشتته ومو عارفه عن المستقبل وش يخبي لي )
الجوهره : وين رحتي ؟؟؟
منيره : لا معك
الجوهره : بسألك سؤال ولو انه فضولي شوي
منيره : لا عادي
الجوهره : وش تعتبرين فهد ؟؟
منيره : ليش يهمك فهد لهدرجه ؟؟
الجوهره : كثيييييييييير لأني أحسه نفس شخصيتي صح كان لعاب وطايش بس تغير هالفتره بقوه وأنا أكثر من لاحظ عليه يعني أناأخته وفاهمته
منيره : ما ادري مره أقول لا هو طيب وحبيب ومره أنفر منه بشكل عجيب
الجوهره : صدقيني هو كان بفتره طيش والحين رجع وحس أن الحياه ماتمشي إلا بالعقل ولو أقولك شي يمكن ما تصدقيني فهد يعتبرك كل شي بحياته
منيره : معقوله ؟؟؟
الجوهره : انتي ليش ما تفكرين بعقلك إذا كان الحين يحبك عطيه وجه مو بكره تصيرين عادي ماتهمينه
منيره : أنا يمكن عشاني ما تقبلت فكره الزواج منه حاطة النظره براسي خلاص الجوهره لا تكلميني في هالسالفه خليني أنا أفكر بهدوء
الجوهره : على راحتك

حقيقه صفحتى بيضا
ولاعمرى جرحت انسان
اساير وقتي القاسى بظلم وغيظ عدواني
ولا أذكر شكيت الحال لأي انسان مهما كان
أخفىقصة الحرمان عن القاصي وعن الدانى
أجامل وابتسم للناس وانا كلى شقى وأحزان
اقاوم دمعي ولكن عيوني حيل تفضحني



العنود قالت لمنى سالفة شهد اللي صارت
منى : معقوله بتكون ولد لا تشكين
العنود : ما ادري مره محتاره
منى : انتي اصبري ولا تتسرعين

عند الشباب
حمد : الله يخليك عبد الله ودي أسبح
عبد الله : امممم والله خايف بالليل
حمد : ما عليك خوف دام معك حمد
عبدالله : والله مايندرى عنك وش رايك سلمان ؟؟
سلمان : بكيفك والله
فهد : وسعوا صدوركم وخلونا نسوي مغامره كلنا

سعود توه جاي
حمد :سعود بتعجبه الفكره أكيد
سعود : وش فكرته
حمد : سعود وش رايك نسبح
سعود : صعبه في هالوقت مررره يخوف
حمد : الله يخلييييك
سعود : شوفو أنا باسبح بس أي واحد يضيع في هالبحر مالي شغل
سلمان : اسمعوا ماحد يبعد ويسوي حركات مالها داعي عشان ما تصير مشاكل وحنا رايحين نستانس
سعود : أول شي ناكل اللي جايبه
سلمان : تسلم والله تعبناك سعود
سعود : لا والله عادي بس ماادري عن طعمه حلو ولا لا ؟؟ حمد رح وده للبنات
حمد : أبشر من عيوني
سعود : من متى الكلام الحلو
حمد يسوي نفسه زعل ومشى

حمد ياخذ الكيس
حمد : منى
منى : هلا حمد يعطيك العافيه من جابيه أنت ؟
حمد : ايه أنا
منى : كذاب والله انت ما عمرك سويت شي سنع
حمد : كلكم تحطموني أوريكم أقول ترى بنسبح الحين كلنا حتى فهد
منى : احلللللللف بروح أجهز الكاميرا
حمد : ايه أهم شي أنا صوريني زين


نروح شوي هناك في شقة راشد كانت وفاء شوي متضايقه منه وهو نفس الشي وكل واحد ما نزل نفسه للثاني
راشد : نام علي
وفاء : ايه
راشد : ممكن تكلميني زين
وفاء : للأسف راشد اكتشفت انك إذا عصبت تنسى نفسك
راشد : والله يحق لي
وفاء : بس حتى ولو أنا لي مشاعر في ذاك الوقت كان قلبك مع علي مفروض تجي تهديني مو تزودها علي
راشد حس انه أخطا : هالمرة أقولك أنا غلطان حبيبتي
وفاء : راشد عادي أنا مو هالكثر زعلانه بس ودي أنك قدرت ظروفي
راشد يحاول يغير الجو : مشكلة الحلوين غصب علينا نرضيهم
وفاء تبتسم
راشد : ايه كذا أبغاك أبد مو لايق عليك الزعل
وفاء : حتى أنت لا عمرك تعصب
راشد : ليش لهدرجه أخوف أنا لا عصبت هههههه
وفاء : مره تنسى نفسك وتخوف خخخ
راشد : بس والله ولدي غالي
وفاء : يعني اغلى مني
راشد يبتسم ابتسامه حلوه : كلكم غالييين وربي لا يحرمني منكم
وفاء ترده له نفس الابتسامه : آمين ولا منك
راشد : ودي أنام وفاء أحس بتعب اليوم فضييع
وفاء : تصدق حتى أنا
راشد : غطي علي زين وبعديه عن المكيف لا يمرض
وفاء : ان شاء الله


الشباب بعد لبسو ملابس السباحه
فهد :والله البحر يجنننن
سلمان : والله ما ادري عنكم لا يطلع علينا شي الحين
حمد : لا تخافون أنا أول واحد بطب
ودخل حمد ودخلوا وراه

البنات جالسين يتفرجون عليهن
العنود : شوفي أخوك الخبل هههههه ( كان يدف عبد الله وهو ميت خوف ويضحك عليه )
منى : ترى حمد والله موب صاحي بيموت عبد الله
العنود : بسم الله عليه صوري اللقطه لا تفوتك
منى : شوفي سعود وسلمان والله أبعدو بعييد
منيره : من هو هذا اللي شوشته طايره ههههه
منى : فهد الله يفشله دايم شعره طويل ما يقصه لازم تأدبينه منيره بعدين
منيره : ههههه لا يهمك أخليه يحلق صفر
منى : هههههههه أتخيل شكله
الجوهره ارتاحت شوي لأن منيره بدت ما تتنرفز من طاري فهد


سلمان وسعود استانسوا على السباحه وهم ما عليهم سباحين ما ينخاف عليهم
سعود : ما تحس اننا ابعدنا ترى البحر والله غدار امش نرجع
سلمان : استانست ياشيخ من زمان ماسبحت
سعود وهو راجع : اااااااااااااااي
سلمان خاف : وش فيك ؟؟؟؟
سعود : ما ادري سلمان شي جرحني مع رجلي أي والله يوجع
سلمان يمسك يده : تقدر تسبح
سعود : بحاول مع انه يوجعني وشكله يصب دم

وبعد محاولات من سعود بالحسره وصل الشاطئ
حمد : الحين هم اللي يقولون لا تبعدون وهم اللي راحو فيها
سعود : اقول ماني فاضي لك رح جب من السياره في شنطة اسعافات
حمد راح بسرعه والباقين تجمعوا عليه كان الجرح مو عميق مره بس جاي على عرق عشانك كذا الدم ماوقف

عند البنات ارتبكوا يوم شافوهم تجمعوا على سعود
منى : لا سعود فيه شي
العنود تسحبها : تعالي نشوف
منى : حمممممد تعال تعال
حمد وهونازل من السياره : والله انه دلوع
منى : ليش وش صار
حمد : لا بس انجرحت رجله وهو مكبر السالفه
منى : الحمد لله أحسبه غرق
العنود : يا انك متشائمه بشكل
منى : وليش الاهتمام يا بنت عمي
العنود : وش قصدك ؟؟؟
منى : ما ادري عنك ( وتمسكها مع كتفها ) مفضوحه تراك
العنود : أقول منى والله شاغلتني سالفة شهد
منى : طيب اسفهيها الحين بعدين كلميها على المسن أحسن
العنود : طيب بتدق على جوال منيره وخايفه تشك
منى : لا يهمك قولي لها أنك ماتبين تردين عليها
العنود : ومنيره بتسكت بتقول ليش ؟؟ ومن هي هذي ؟؟ خصوصا أنها لو تدري أني متعرف عليها عن طريق المنتدى بس ولا شفتها بتعصب وبعد الحين شاكة انها ولد
منى : أنا أقول أنك تصارحين أختك بالسالفه وأنتي تعرفينها أكثر منيره مرررره متفاهمه أزين من تكبر المشكلة
العنود : ما ادري بفكر

وهم يسولفون جا سعود يمشي وهو يعرج على خفيف العنود بسرعه تغطت
منى : هلا سلامتك
سعود : الله يسلمك
منى : خوفتنا عليك وطلع جرح بس
سعود : أكيد حمد قايل لك ومخرب أفكارك والله انه يوجع
ومشى للسياره عشان يبدل ملابسه

العنود : هههههه تصدقين شكله يضحك
منى : لا تضحكين لا تنجرحين علينا بعد انتي
العنود تضربها : بسم الله عليك انتي وتوقعاتك قايله انك متشائمه ..

طلعوا كلهم من البحر وبدلو ملابسهم وقررو يمشون يتعشون بمطعم لأن حسوا أنهم تأخروا الساعه 2

الوقت مر بسررعه مع سوالفهم وضحكهم وهم في السياره طبعا سعود ما ساق وما سكين عليه تعليق حمد وسلمان
حمد : ليتك دايم تنجرح عشان أسوق
سعود : ما يضحك انتبه بس لا تصدم بنا والله اني خايف
عبد الله : قايل لك خلني أسوق بس تعطيه هالبزر اللي قدام
حمد : طيب ياعبيد ما بزر إلا وجهك
سعود : اسكت عبد الله ناقصين

ووصلوا للمطعم وكان مره راقي وحلو ويطل على البحر طلبوا لهم بحريات أنواع وأشكال
( البنات على طاولتهم )
العنود : هالطلعه ماراح أنساها طول عمري تجنن
منى : الله يعافي اخوانا
العنود : حتى هالمطعم يجنن أكلهم ويعرفون يختارون
الجوهره : أكيد كم مره يجون هنا وعارفين المطاعم

وعلى الساعة 3 قررو يمشون لمكه عشان يصلون الفجر هناك
وركبوا السيارات
منيره : الجوهره ترى بركب مع سلمان
الجوهرة : لا عشاني أنا بس خليه يستانس
فهد : لا خليها على راحتها
الجوهره تلتفت : فهد انت هنا
منيره حست بإحرااج بس هي مو قصدها شي كل اللي تبيه تجلس مع سلمان عشان ترتاح أكثر
الجوهره مشت عنها وعصبت لأنها ملت من كثر ماتكلمها
فهد قبل لا يمشي : منيره آسف إذا كنت ضايقتك بأني خليتك تركبين معي
منيره قالت لازم أفهمه ان مو قصدي : لا عادي أنا ما تضايقت بس ودي أركب مع سلمان
فهد خذا نفس : ما ادري متى تفهمين ( ومشى )
منيره صح حست أنها غلطت بس مو كثر ما ارتاحت أنها بتركب مع سلمان

سلمان كان واقف ينتظرهم
منيره : سلمان بركب معك تراني
سلمان : ليش وفهد ؟؟
منيره : ليش ماتبغاني من الحين
سلمان : خير انتي وش تخربطين ؟؟
منيره : المهم بركب السياره الحين

سلمان ( والله مافيه أمل منها مع اني هالأيام صرت أتقبل فهد وغيرت نظرتي عنه لكن بحاول أقنعها والله يعين )
لي قلب محد هز عرشه ولا جاه ومحــد تجرأ يطلع في كـتابه
كم مر من عـنده حـبايـب بدنــياه وكم واحد ينثر لقلبي اعجـابه
لكن قلبي مـحد من الناس اغـراه كل الوجوه اللـــي تمره تشابه
الا واحــد كـــــل ما قلت بنــساه احس له وحشة وقدر ومهـابه


........................ انتهى الجزء

الجزءالعاشر


منيره ركبت السياره معصبه ولا تكلمت ولا كلمه مع ان العنود ومنى فالينها ضحك واستهبال وسلمان حس انه ضايق أخته بهالحركه بس هو وده انها تتأقلم عليه لأن مهما كان في المستقبل هو زوجها
منيره في فكرها مو تكره فهد بس ما تعرف وش هالشعور اللي تحس فيه كل ماناظرت وجهه ..

فهد في سيارته كاره الدنيا ومنقهر من حركاتها * والله ماتوقعتها كذا كل اللي أسمعه عنها أنها طيبه وحبوبه وكل الناس تحبهم بس ليش كذا صارت معقوله أنا فيني شي غير عن الناس *

فهد : الجوهره
الجوهره : هلا
فهد : أبغى رقم منيره
الجوهره : لا فهد ما أقدر
فهد : تراني معصب قلت عطينياه
الجوهره : أنا أنصحك ما تاخذه لأنك بتزود المشاكل
فهد : أصلا مادامها خربانه خربانه خليني أوريها
الجوهره : فهد أنا أبغى لك الخير شف فهد أنا عندي لك راي لا رجعنا من مكه قل لعمي أنك ودك تملك والعرس بنهاية العطله
فهد : ما ادري ودي أدخل معها أكثر
الجوهره : بالعكس عشان تكلمها أيام الملكة وتجيها وأنت معك حق الحين لا
فهد سكت شوي : خلاص الشور شورك
الجوهره: اسمعني فهد الحين لا تحرق نفسك صدقني يوم من الأيام بتعرف قيمتك
فهد : والله ما ادري عنها والله عذبتني

في سيارة سلمان صار هدوء كل واحد منشغل مع نفسه وفجأه دق جوال منيره ( شهد )
منيره : خوذي العنود
العنود يوم شافت الاسم تيبست مكانها الحين شلون تتصرف وعلى آخر رنه ردت
العنود بصوت خايف : ألو
سامي : أهلين
العنود : .........
سامي : اسمعي عنودتي والله ما كان قصدي شي
العنود * وش يقول هذا عنودتي الحين شلون برد *
سامي : ادري ماودك تتكلمين
العنود في هاللحظه ما قدرت تملك نفسها و سكرت بوجهه
وكتبت هالرسالة
( اسمعني أنا الحين بسيارة أخوي ولا أقدر أتكلم ولا كان وريتك من أنا رقمي هذا انسااااااه ولا عمري أشوف اتصال أو رساله فاهم أنا مو ناقصه مشاكل وفضايح )

سامي يوم شاف الرساله انصدم ماتوقع الكلام يطلع منها كان يفسر سكوتها أنها تبيه وتعود منها خلال السنتين اللي عرفها فيها أنها حنونه ومرحه ولا هي راعية الكلام بس سامي ما يحب أحد يهينه أو يرمي عليه مثل هالكلام وجلس يفكر وش بيسوي صحيح ما يقدر يكلمها بس وده ينتقم من حر مافي قلبه

على أذان الفجر وصلوا كلهم لمكة تعبانين البنات راحو على شقتهم وصلو الفجر ناموا
والشباب راحو للحرم يصلون وبعد ما خلصوا طبعا كل واحد مسك وسادته وبطانيته ونامو من التعب
بس واحد منهم ما قدر ينام ظل يتقلب ويفكر هل قراره اللي اتخذه صحيح ولا لا ؟؟؟
فهد احيانا تجيه أفكار يقول خلاص بفك الخطبه تعبت نفسيا منها بس الحب أحيانا يمنع صاحبه ...
على الساعه ثمان وهو نفس الحاله مو راضي ينام
قام وشاف كل واحد منهم نايم ومريح إلا هو غسل وجهه ولبس له بنطلون أسود وبلوزه قطن لونها أحمر فيها كتابات سوداء ومشط شعره على ورا ولبس نظارته الشمسيه

وراح على شقة عمه بدون شعور دق الجرس كان عمه وأبوه موجودين يتقهوون
فتح الباب عمر
عمر : فهد هلا والله
فهد : ياناس تعرف ترحب
عمر جلس يضحك
فهد : طيب سلم علي تعال
عمر بعد ما سلم عليه : فهد أنا أحبك
فهد : احم احم وش عنده الولد على الصبح
عمر : توديني البقاله
فهد : ههههههههههاي وأنا أقول ليش أحبك لا حبيبي تعبان بدخل..
عمر كشر ودخل

أبو سلمان : هلا وش عندك مانمت ؟؟
فهد : امم بس ماجاني النوم ومليت من الجلسه في الشقه
أبو فهد : ما يصلح ياولدي والله بتتعب أمس ما جيتو إلا متأخر
فهد : ما عليك يبه لا جاني النوم بنام

وجلس فهد يفكر * لازم أفاتح عمي وأقول أني أبي أملك بس ما ادري منحرج شوي *

وهو سابح في أفكاره دخلت منيره بدون ماتدري وكانت لابسه جلابيه حمرا وتوها متروشه وشعرها فاكته وخصل على وجهها
منيره : عموري شاطر روح لسهى في بيتها تبغاك
فهد فز قلبه * معقوله هذي منيره كل هالزين فيها بعذرك ياقلبي *

منيره ماانتبهت إلا لما التفت : أبوي أمي تقول ....

وهنا طارت عيونها وتمنت أنا الأرض تبلعها وش بعد هالموقف لاااا
أبو سلمان ما حب يحرجها فابتسم وخصوصا أنه فهد عشان كذا ما اهتم بالعكس استانس
منيره من الربكه ما قدرت تمشي وتداركت الموقف ومشت بسرعه دخلت الغرفه وجلست على السرير وهي ميته من الخوف ومو متصوره الموقف جلست تتذكر شكله أول مره يلبس هاللبس مره حلو عليه بس والله احررااااج كيف بحط عيني بعينه ولا بكلمه

أبو سلمان : والله البنت مادرت اسمح لها عاد
فهد : لا عادي عمي كذا البنات دايم لازم تصير معهم هالمواقف
أبو سلمان : بروج أشوف بنتي أكيد انخرعت

بعد ما قام فهد استانس
فهد : يبه
أبو فهد : عيون أبوه وش عندك
فهد : أبي أملك قريب
أبوفهد يبتسم : وأنا أقول الولد ليش مانام
فهد : مشكلة فاهمني ههههه
أبو فهد : امممم خلاص بكلم عمك ويصير خير
فهد : تكفى يبه لا رجعنا من مكه
أبو فهد : تامر أمر انت

في غرفة منيره
أبو سلمان من النوع اللي ما يحب يعطيها وجه بس هالمره حس فيها
أبو سلمان : معليش ترى فهد بينسى وهو قال أن البنات دايم تصير معهم هالمواقف
منيره : بس أبوي ليش انت ما قلت لي وأنا واقفه
أبو سلمان : اهوووو عاد يالدلع وبعدين تراه زوجك
منيره تاخذ نفس : خلاص حصل خير
أبو سلمان : وأنتم يالبنات الزعل عندكم ما أسرعه
منيره : مازعلت وحقك علي وانسى السالفه خلاص

طلع أبوها وهي بتصيح من القهر * الحين جاي يواسيني ولا يزيد علي الله يهديك يبه *
عمر وسهى جلسو فوق راس فهد الين وافق يروح بهم البقاله
عمر : هييييه أنت حلو يافهد
سهى : أصلا قايله لك أخوي حبيب
فهد : يالله ترى بغير رايي بسرعه روحو تلبسو
عمر : كلهم نايمين
فهد : لا فيه منيره
عمر : ايه صح فهد بسألك صح منيره زوجتك
فهد : هههه رح بس البس
عمر : إلا قوووول صح ولا لا ؟
فهد : باقي شوي وتصير زوجتي
عمر : الللللله وتجيبون ولد ولا بنت ؟؟؟
فهد يضحك من قلب على أسئلته : بعدين بنفكر روح البس ولا بخليك
عمر : لا خلاص

منيره كانت جالسه قريب وسمعت عمر وهو يتكلم
منيره : ليش تقول لفهد كذا عيب حبيبي
عمر : ليش هو زوجك صح
منيره : حتى ولو لا تقوله كذا مره ثانيه خلاص
عمر : طيب يالله أبي ألبس فهد بيوديني البقاله
منيره : اشتر لي عصير توت وجالكسي
عمر : خلاص
منيره : بس ماتقول حق منيره فاهم
عمر : ليش ؟؟
منيره : ياكثر أسئلتك
عمر بعد مالبسته طلع مع فهد للبقاله وهو كان ماسك سهى بيد وعمر بيد ثانيه
فهد : يالله اشترو وتعالو أحاسب
عمر : تعالي سهى شوفي هذا الحلاو نفس اللي عندنا بالرياض
سهى : ابي واحد
عمر : خلاص بناخذ لنا اثنين

وبعد ماخلصو الاثنين كانو مجمعين أشياء كثيره
فهد : والله ماتنعطون وجه كل هذا
عمر : مانطلبك مره ثانيه بس هذي المره
فهد : يالله جيب بحاسب
عمر تذكر منيره
عمر : فهد تعال بقولك باذنك
فهد : وش هذي اللي لازم بالإذن
عمر : تعال تعال ( وقرب من اذنه ) منيره تبغى جالكسي وتوت
فهد : هههههه طيب رح جب بسرعه
عمر بعد ماجاب : بس فهد ماتقولها اني قلت لك هي قالت لاتعلم فهد انه لي
فهد * والله انك فضيحه * : هههه ماشي ياحلو ماراح نعلم

على الساعه 3 العصر
بدو يقومون لأنهم بياخذون عمره على كلامهم
حمد توه قايم : عبد الله والله ماشبعت نوم
عبد الله : حتى أنا قم بس تروش والبس احرامك
حمد : طيب سعود وينه ؟؟

سعود يمسح شعره توه طالع من الحمام : سمعت اسمي
حمد : لا سلامتك
عبد الله حس انه يبيه بسالفه فسحب نفسه وطلع

حمد : سعود ما صارت أبي جوال
سعود : طيب حمد توعدني ماتكلم
حمد : ......
سعود : الحين وش تبي بنت الناس ما تستحي على وجههك ترى عندك خوات والله ترى الدنيا دين وسلف
حمد : ما ابيك تتفلسف علي أبي جوال الحين ضروري
سعود : طيب أنا بسمح لك بس ما راح أكون سعود اللي تعرفه
حمد : ليش وأنا صغير شايفني ليش مالي حريه
سعود : والله ياحمد لو ما أخاف عليك ما سويت اللي سويته
حمد : خلاص اشتر لي وبتشوف ماراح أكلم
سعود : طيب نشوف الليله باشري لك بس عيني ماراح تروح بعيد

حمد سكت * أهم شي انه وافق ونوف أقدر أكلمها بأي طريقه آه بس مشكله لا صار عندك أخو عله *

طبعا الكل استعد باحرامه عشان يؤدون مناسك العمرة ونزلو على الحرم وبدو يطوفون الرجال من جهه والحريم من جهه كان كل واحد عايش جوه ولا هو لم الثاني سبحان الله مشاهدة الكعبة لها هيبه تكسر القلوب وغصب تنزل دموع المسلم


انتهو عمرته
العنود : عطشانه أبغى مويه
منى : تعالي نشرب مويه زمزم هناك
منيره : ما لي خلق أمشي جيبو لنا معكم
منى : خلاص طيب

العنود بعد ماشربت : الللللله يازين المويه مرره بارده بعد التعب
منى : تصدقين العنود وأنا أمشي ماكنت حاسه إلا لما خلصنا
العنود : حتى أنا رحمة من ربي الحمد لله الله يتقبل
الشباب كلهم سوو تخفيف لشعورهم إلا راشد وسلمان حطوه على الصفر وكانت أشكالهم نكته وطبعا ما خلوهم في حالهم
حمد : أقول شكل مرتك اليوم بتنحاش من الشقه وتسكن عندنا ههههه عليك شكل وأنت وسلمان
راشد : هههه مايضحك وش عليك من مرتي انت
عبد الله : أنا متبري منهم خاصه سلمان طالع شكلك تحفه هههه
سعود : اقول خلوهم في حالهم وين ناوين تروحون ؟؟
سلمان : أنا أقول اننا نتمشى شوي وش رايكم يقولون في حديقه حلوه قريبه
فهد :امممممم فكره حلوه

أبو سلمان : خلاص حنا بنكون معكم كلنا
سلمان : خلاص يبه

البنات كانو طالعين مع البوابه
وفاء كان علي نايم وشايلته ومره متعبها زياده على تعبها

راشد يوم شافها بسرعه مشى لها
وفاء : رشود هلا والله خذه الله يعافيك انكسر كتفي
راشد : ههه هو طالع دب من كثر ما تأكلينه الله يهديك ( ويشيل الطاقيه من على راسه ) وش رايك بالمفاجأه ؟؟؟
وفاء : وش هذا كله مره وحده خخخخخخ
راشد : ليش مو عاجبك ؟؟
وفاء : لا أصلا الزين زين وانت بسم الله عليك ما بقيت لأحد من حلى
راشد : احم احم الله يخلي لي وفاء هي اللي تمدح وترفع المعنويات موب زيهم تو كرهت عمري
وفاء : بعدين حبيب قلبي ترى هذا من السنه وأفضل
راشد : الله لا يحرمنا منك
وفاء : ولا منك
راشد : يالله ترى رايحين على الحديقه بنتعشى هناك
ركبت السياره ومشو قبلهم ومشى يعدهم أبو سلمان وأبو فهد ومع حريمهم بس
منيره ركبت مع سلمان والعنود وسحروالجوهره مع سعود مع ان العنود في البدايه رفضت بعدين اقتنعت ووافقت
وفهد معه حمد وعبد الله
في سياره سلمان
سلمان : ما قلتي لي وش رايك بشعري
منيره : ههههه أنا ما أشوف شعر الله يعافيك
سلمان : أعجبك أنا وبعدين النظافه زينه
منيره : صح النظافه زينه وعبدالله عسى ما حلق مثلك
سلمان : لا ااا بس أنا وعمي راشد أقول منيره ليش كنتي معصبه أمس والله أحرقت قلبي
منيره : لا ولا شي خلاص انسى
سلمان : لا مافيه شي انسى تكلمي منور
منيره : ما ادري كذا كان مالي خلق
سلمان يناظر لها بطرف عينه : عشان فهد
منيره : امممم تقدر تقول
سلمان : أنا آسف اني أحرجتك بس صدقيني لمصلحتك
منيره : سلمان أقدر لك هذا الشي بس موب لازم أجلس معه تدري اننا تونا ماتملكنا
سلمان : من ناحية هذي صح بس كانت معك الجوهره ومو لوحدكم
منيره : ايه بس مشكلتي لا صرت أحب أخوي سلمان
سلمان : هههههه والله أحبك أكثر وأنا غلطان أزعلك يا أحلى أخت

منيره يدق جوالها وشافت مكتوب ( شهد )
منيره : هذي صديقة العنود أرد ولا لا ؟؟؟
سلمان : ردي عليها ولا أنا ترى برد ههههه
منيره : اتحداك
سلمان : والله عادي هاتي
منيره : سلمااااان لا ااا

سلمان ماعطاها وجه : ألو
سامي استغرب الصوت بس لقاها فرصه :السلام عليكم
سلمان ما قدر يستوعب من هذا : وعليكم السلام من معي ؟؟؟
سامي : هذا جوال العنود
سلمان : من يبيها ؟؟من انت ؟؟
سامي : مالك دخل أبي أكلمها
سلمان عصب ووصلت معه : شلون مالي دخل أنا أخوها

منيره ماتدري وش السالفه وخافت كثيير
سامي : أكيد انت أردى منها
سلمان : ما أصدق العنود تكلمك
سامي : ايه تكلمني وأختها منيره وبنت عمها منى وكل شي أعرفه
سلمان : ياحقيييييييييييير
وقفل بوجهه سلمان من العصبيه ما ملك نفسه بالسياره حتى أنه بغى يصدم في اللي جنبه
منيره : سلمان من هذا ؟؟؟
سلمان : أوريك يالعنود فضحتينا ما توقعتها منها آه يالقهر
منيره : سلمان لا تشك فيها وش دراك انت ؟؟
سلمان : كيف ما اشك وهو يقول كل شي عنها منيره وينك عنها قولي وينك بالله ؟؟؟
منيره : والله سلمان ما عمرها قالت لي شي
سلمان وصل على الحديقه وكانو كلهم واصلين وهو حاول قدر الامكان يمسك نفسه ولا يفضحها قدام الخلايق
منيره قبل ما تروح لهم حاولت تهدي سلمان
منيره : نتأكد من الخبر أول سلمان ولا تبين شي
سلمان : أقول ولا كلمه نادي العنود بسرعه الحين
منيره : تذكر لا تظلمها
سلمان : ماني فاضي للكلام بسرعه ناديها بنات آخر زمن

منيره راحت وشافت العنود تضحك وتسولف مع وفاء ومنى
العنود : هلا منورتنا تعالي اجلسي اسمعي آخر خبر
منيره تبتسم : تعالي العنود أبغاك شوي
العنود : شي حلو ولا لا ؟؟
منيره * لو تدرين وشو *
العنود تقوم لأختها ووقفت على جنب بعيد عنهم
منيره تناظرها بجديه : العنود بكل صراحه تكلمي وش شهد اللي بالجوال؟؟؟؟؟؟؟
العنود ارتبكت وخافت : منيره ليش ؟؟؟
منيره : قلت لك تكلمي بصراحه
العنود : والله ما أعرفه والقصه طويله
منيره : تدرين انه كلم سلمان وسلمان مسوي فضايح هناك ويبغاك
العنود صار قلبها يرجف : يعني سلمان يبيني
منيره : روحي شوفيه هناك

العنود كانت خايفه ومو عارفه كيف تفهم سلمان السالفه وهل بيصدقها ولا لا ؟؟؟

منيره رجعت وجلست وهي بالها مو معها حست أنها هي السبب في المشكله اللي صارت أهملت أختها الين وصلت لهالحد وهي مو متصوره كيف ان العنود تسوي كذا

سلمان كان جالس على كرسي عند السياره ويضرب برجوله على الأرض من القهر العنود لما شافته بهالطريقه زاد خوفها وعرفت أنه صدق معصب انتبه لها وناظرها نظرة كره
سلمان : تعالي العنود
العنود بكل أدب جلست
سلمان بكل حرقه : العنود كذا حنا ربيناك كذا علمناك بالله قولي وش ذنبنا وش سوينا في حقك عشان تظلمينا
العنود ما تحملت :سلمان بس
سلمان : لا تقولين بس غلطانه ولك وجه تتكلمين قولي من هو هالحقير اللي تكلمينه تكلمي ؟؟
العنود : والله ما أعرفه أنا متعرفه عليه على أساس انه بنت في المنتدى
سلمان : أنا مو بزر تلعبين عليه بكم كلمة ؟؟ تعرفتي عليه بالمنتدى ويعرف عنك كل شي خساره يالعنود ثقتي فيك
العنود : انت لا تصدقني والله اني أقول الحق
سلمان يدفها مع كتفها : لا تكلميني ولا أكلمك فاهمه ما أنشرف أنا فيك
العنود بدت تصيح بقوه ولا قدرت تدافع عن نفسها وهو ظن أنها تكذب وخافت لا تقول الحقيقه

سلمان مشى وخلاها بحالها ولا حن عليها بس كان فيه واحد يراقبه سعود اللي ما غابت عينه عنهم من يوم ناداها وشاف كيف كان يصرخ في وجهها حس انها مسويه شي كبير
بعد ماجلس سلمان وهو باين من شكله أنه كاره الدنيا قرب منه سعود
سعود : وش فيك سلمان
سلمان : سعود مالي خلق لا تكلمني
سعود : لا ماراح يهنا لي بال وانت جالس كذا بهالحاله
سلمان ما يبي يقول له السالفه وحس انها صعبه يعرف هالشي
سلمان : ريح أعصابك بس شوي خلاف
سعود : العنود ما أتوقع أنها تهون عليك تكلمها بهالطريقه
سلمان : انت وش دراك ؟؟
سعود : دريت بس ما ودي أضغط عليك على راحتك بس والله تهمني سلمان
سلمان سكت ولا رد عليه

العنود اللي تصيح بصمت وكانت لابسه نقابها ولا شالت الغطى ولا حتى تتكلم بكلمه وحده
منى : والله العنود وجتي قلبي تكلمي ..
العنود :منى ماحد فاهمني
منى : أنا بافهمك تكلمي
العنود : وش الفايده منك سلمان هذي آخرتها يشك فيني
منى : لا تقولين درى عن سامي
العنود تهز راسها ( ايه )
منى : طيب كان وضحتي له
العنود : جلس يصرخ في وجهي ولا رضا يسمع كلامي ويقول انا كذابه
منى : طيب الحين تراه معصب لما يهدى بيتفاهم معك زين
العنود : ما ادري خايفه والله

سلمان ما تحمل الجلسه بينهم وقام من مكانه وراح ركب سيارته وقام يدور بالسياره ولا هو عارف وين يروح واللي أكثر شي حاز بخاطره أنه أشقى عمره عشان خواته وهذا هو جزاه
كانت طلعتهم في ذيك الليله نكد وضيقة صدر وكلن حس أن الجو متوتر

بعد ما انتهو من العشا رجعو على الشقه
منى أصرت تكون مع العنود لكن العنود في حاله ماتبي أحد بجنبها جلست وحيده بالغرفه وتدور على حل يفكها كانت الغرفه ظلام ونور بسيط جايها مسكت شنطتها وطلعت دفتر صغير كانت تكتب فيه مذكراتها مسكت القلم ( آه وش بكتب أكتب أن أغلى أخو عندي خلاص ماراح يكلمني سلمان زعلان مني أنا العنود حبيبه قلبه ليتك فهمتني وخليت لي مجال أتكلم سلمان أحبك لا تبعد عني
الحين هل هو نايم ولا لا ؟؟ مرتاح ولا خلاص أنا منعت ضحكته
جلست تقلب الدفتر كان فيه ذكريات حلوه لما كان سلمان متخرج من الثانويه وكانت صورته وهو ضام العنود ومصوره معاه وكاتبه تحته ( عقبال ما نشوفك بعرسك فرحان )

والصوره الثانيه كانو ماسكين السكين مع بعض يقطعون الكيكه

رفعت يديها للسما وبدت تبكي ( يااارب أنا مظلومه يارب لين قلب أخوي علي يارب من كان السبب خلهيلقى عذابه قريب )

دخلت عليها منيره اللي ما جاها النوم من صياح أختها

العنود كانت منزله راسها
منيره مسحت على شعره : العنود خلاص حبيبتي قطعت قلبك مايصلح اللي تسوينه في نفسك
العنود ما ردت عليها حاولت ترفع راسها : كل هالدموع ياحلوتنا صدقني ماراح أظلمك قولي القصه كلها وراح أفهمك قلبي
العنود وهي تشهق : ليش كذا انتم ؟؟؟ تشكون فيني ولا واحد فهمني
منيره : هدي أعصابك الحين
وراحت جابت لها كاسة مويه وهدتها شوي
العنود بدت تقول قصتها مع سامي من البدايه إلى النهايه
كيف تعرفت عليه ؟؟
و آخر مكالمه كانت وش صار فيها ؟؟
وقالت لها عن الرساله ؟؟

منيره : ولو العنود مفروض انك تكونين أكثر حرص
العنود : أنا غلطت يمكن بس والله ماكلمته على أنه ولد
منيره : وليش ما قلتي لي عشان ماتصير هالمشكله ؟؟
العنود : كنت بقولك بس صار اللي صار قبل
منيره : أنا بكلم سلمان وبشوف مع انه ما يرد علي الى الحين

سلمان وقف سيارته وجلس فيها وجوال كان حاطه في الدرج مع ان سعود ما قدر ينام ولا منيره اللي خلاص ملت من كثر ماتدق
كانت حاطه الجوال قدامها وتنتظر أي مكالمه أو رساله بس شكله ما فيه أمل مسكت ورقه بجنبها وقلم وجلست تشخبط وكتبت هالأبيات

ودي أبكي لين مايبقى دموع
ودي أشكي لين ما يبقى كلام
من جروح صارت بقلبي تلوع
ومن هموم حرمت عيني المنام
انطفت في دنيتي كل الشموع
والهنا في دنياي مايوم دام
غربتي طالت متى وقت الرجوع
كل عام أمني أحلامي بعام
وبدون شعور كتبت بخط كبير ( فهد ) وبدت تحدده وتلون حوله
فهد كانت منيره تحس انه انسان بينتقم منها طلع كل اللي همه رضاها وهي لاحظت صدوده هالأيام بسبب تعاملها ..
يمكن ينقلني من الحزن اللي عايشته في بيت أبوي صحيح بفقدهم بس أنا أبي انسان ما يمنعني من أمي وأخواني متى ما بغيتهم آ ياناصر من زمان عنك وعن سواليفك ولا أنت ياخالد اممم وش كان قايل اشتري له سبحه صفرا ابشر يابعدهم تستاهل أكثر وخواتي نوره وحنان ليتني عايشه بينهم وأحس صدق بالخوات مع أن العنود ما تقصر

يوم خلصت شافت الورقه مليانه مره ( وينك سلمان ؟؟؟ ) ( أحبك أمي ) ( العنود حبيبتي ) ( سامحني فهد ) ( متى تضحك لي الدنيا )

ومن هالكلام مسكت الورقه وحطتها في جيبها وبدت تدور في الشقه سمعت صوت خفيف يدق الباب في البدايه خافت لكن قالت يمكن سلمان أخذت معها طرحه
منيره : مين
سعود : أنا سعود من انتي ؟؟
منيره : انا منيره سلمان وينه ؟؟
سعود : ما ادري جاي اسألك
منيره : طيب سعود رح اركب سيارتك ودوره
سعود : وين أدوره فيه ؟؟؟ صعبه بس انتظري يمكن يجي قبل الأذان
منيره : خلاص سعود لا جا عطني خبر

سعود راح ركب السياره كذا يدور بس يبرد اللي في قلبه

سلمان شاف الساعه 3 ونص حرك سيارته بيرجع بس صارت السياره ما فيها بنزين إلا شوي ويمكن توقف عليه مسك جواله وشاف كله مكالمات ورسايل

دق على سعود وهو ما صدق يوم شاف الرقم
سعود : هلا سلمان
سلمان بصوت تعبان وباين انه متضايق : هلا بك تعال أنا قدام أسواق مكه
سعود : وينك انت كل هالوقت ؟؟
سلمان : تعال ما عندي بنزين أقدر أمشي
سعود : جايك خلاص
ودق على منيره يطمنها وراح لنفس المكان وساعده وعبى له بنزين
سعود : يالله شغل الحين
سلمان : حلو اشتغلت يعطيك العافيه تعبتك
سعود : لا وش هالكلام وبعدين مو حرام عليك تقطع قلبي عليك
سلمان يحط يده على كتف سعود : أنا آسف سامحني بس والله اللي فيني يخليني أسوي كذا وأكثر
سعود : سلمان أنا سعود ولد عمك وصديق الطفوله تغبي علي فضفض قل اللي بقلبك وأنا بكون عند حسن ضنك

سلمان يصد بوجهه *مستحيل ياسعود هذا شي في أختي وأعرف مكانتها عندك وما ودي تطيح من عينك *

سعود : يالله مشينا على البيت وهناك يصير خير

سلمان ركب بسيارته وهو يحس انه بيفقد الوعي من بعد العمره ما أكل شي وزياده على هذا كثرة تفكيره وضيقة صدره مسك جواله ودق على منيره
سلمان : هلا منيره
منيره : سلمااان أخيرا فكرت فيني
سلمان : معليش منور
منيره : ترى العنود مانامت وكل وقتها صياح
سلمان عصب : لا تجيبين طاريها وخلها لا عمرها تنام دام هذي سوايها
منيره : انت ما فهمتها
سلمان : لا تحاولين تدافعين انتي الثانيه
منيره : الحين وينك ؟؟؟
سلمان : توني داخل الشقه
منيره : طيب بس أبي أجلس معك
سلمان : الحين مالي خلق أبي أنام
منيره : على راحتك بس فكر بعقلك
سلمان : تامرين بشي
منيره : سلامتك بس انتبه لنفسك

في جهه ثانيه حمد فرحان بالشريحه وجالس يرسل لأصدقاه رقمه الجديد ولا نام كتب رقم نوف وهو متردد هل يتصل ولا لا ؟؟ أو يرسل على الأقل ضغط زر اتصال بعدين سكر ما يعرف ليه مع انه مشتاااق لها ووده يسمع صوتها والشيطان كان أقوى منه وردت عليه : الو
حمد داخ يوم سمع صوتها :هلا حبيبتي
نوف : حمد حياتي هلا بك أكثر
حمد : أخبارك ؟؟
نوف : وش أقول لك بس موت واحشني
حمد : وأنا أكثر عمري
نوف : ما قلتي وينك قطعت
حمد : والله احترقت شريحتي وتوني أطلع جديده
نوف : وهنت عليك ولا من جوال ثاني تكلم
حمد : وش دعوا حبيبتي بس انشغلت شوي
نوف : يالله سولف لي وش سويت في مكه مشتاقه لسواليفك
حمد : تسلمين يالغلا بس الحين بسكر لأن اخواني وعيال عمي نايمين واكلمك بعدين
نوف : اوكي انتظرك
حمد : لا تزعلين عاد كلش ولا نوفتي
نوف : لا أزعل من كل العالم إلا انت
حمد : تصبحين على خير
نوف : وانت من اهله
سكر منها وارتاح ان ما حد هالمره كشفه وانه كلمها ارسلها بعد ربع ساعه


تمنيت أحس بلذة الدنيا وإنت موفيها أثاري هالدنيا ما تسوى بدون قمر يضويها


ابتسمت يوم قرت الكلمات ردت له :

لو قسى كل ها لعالم أدري بقلبك حنون بس لو قسى قلبك وين بكل ها لعالم أروح؟

هالاثنين عايشين بحب لحالهم ولا يدرون هل هم في الطريق الصح ولا لا ؟؟
كل واحد يلعب على الثاني بقولة أحبك ويبنون أحلامهم نوف المسكينه تتوقع حمد هو زوج المستقبل وهو يمنيها بهذا الشي



خلونا الحين نبعد شوي لمكان ثاني مكان نسمع منه صوت الحديد والسلاسل يمكن نسيناه أو بالأصح سلمان وسعود نسوه
من دخل السجن وهو في مصلاه ما فارقه ودموعه تطلب الله الغفران
عبد العزيز انقلب من الشخص الحقود المجرم إلى شخص ثاني حنون قلبه طاهر كل أمنيته يطلع من السجن ويعفو عنه سلمان ويعيش حياته بين أهله اللي شافو منه الأذى يبي يرضي أمه وأبوه

أبو عبد العزيز نظرات العتب ما زالت في عيونه وهذا اللي أحرق ولده ..

عبد العزيز من النوع اللي مايتكلم مع غيره من المساجين الباقين كل وقته ساكت ولا يتكلم

: عبد العزيز تبي الغدا
عبد العزيز : لا خالد مابي شي
خالد : ما يجوز كذا شف صحتك كيف ؟؟
عبد العزيز : ما عليك أنا مرتاح كذا

خالد هو الوحيد اللي يحاول يهدي عبد العزيز ويتكلم معه هو ماسكينه في قضيه مخدرات وساجنينه سجن تأديبي وقريب بيطلع بس من يوم دخل السجن تغيرت حالته وحس ان عبد العزيز نفس الشي نادم مثله ويبي يتقرب منه أكثر لكن عبد العزيز ماعطاه وجه



يوم الخميس الساعه 4 العصر كانو الشباب مجتمعين في شقة أبو سلمان سواليف وضحك ومبسوطين إلا سلمان اللي من بعد الموقف وهو في حاله ثانيه دق الجرس وكان على طلعة فهد فتح الباب وكانت مفاجأه لكل الشخصين فهد ومنيره انهم يتقابلون

من بعد الموقف اللي دخلت فيه منيره على فهد وهو ما قابلها
منيره : السلام عليكم
فهد بابتسامه عريضه * ونسى كل شي * : هلا وعليكم السلام أخبارك منيره
منيره منزله راسها : بخير وأنت ؟؟
فهد : اممم يهمك تعرفين ؟؟
منيره تبتسم * أكيد يهمني * وقالت بجراءة : ايه
فهد ماصدق عمره منه اللي قدامي منيره ولا غيرها : أنا بخير دامك انتي بخير
منيره : انتم هنا ما كنت أدري
فهد : لا عادي بغيتي شي
منيره : لا بس هذي شنطتي إذا ما عليك كلافه تدخلها

فهد : تامرين أمر

مسك الشنطه وهي راحت للشقه الثانيه وهو داخل طاحت منها ورقه أخذها وتردد يفتحها ولا لا بس فضوله خلاه غصب ياخذها وحطها في جيبه دخل شنطتها وركب سيارته فيه كم غرض موصيته أمه عليه فتح الورقه وقرا المكتوب ومن الفرحه كان وده ينطط *منيره تحبني مسامحك يانور عيني وعاذرك دامك فهمتيني *
قرا بيت الشعر وحس انها تعاني واللي يدل عليه ( أحبك أمي ) معقوله حارمينه من أمها وأهلها
مسك الورقه وباسها وحطها على قلبه * والله لأخليك تنسين الهم يابعدهم *

منيره حست براحه أنها قدرت تكلم فهد وتبين له لو شوي من مشاعرها يمكن يسامحها

العنود كل وقتها بتفكير وكلن لاحظ عليها لأنها كانت تعطيهم جو في الجلسات ولا أحد عارف وش السبب في حزنها
العنود : منيره
منيره : هلا العنود
العنود : أبي أشوف سلمان ابي أكلمه
منيره * وش أقول لك ( مايبيك ) *: الحين أتوقع انه مشغول
العنود : منيره أنا مو بزر أدري ما أنه كرهني ومايبيني
منيره : سلمان فهم غلط وان شاء الله بيجي الوقت بيتبين له الحقيقه
العنود لبست عبايتها بدون ما تشاور أحد وراحت على شقتهم ودقت الباب
عبد الله : هلا بعنودتنا
العنود تحاول ما تبين له : هلا عبود سلمان موجود ؟؟
عبد الله : وأنا مالي قيمه بس سلمان طيب أوريك ولا عشانه يحبك ودايم يسولف عنك
العنود * آه يا عبد الله هذا أول أما الحين تغير الحال * : كلكم غالين
عبد الله : ادخلي سلمااااان سلمااان
سلمان بدون خلق : قصر صوتك وش تبي ؟؟؟
عبد الله : فيه ناس يبونك
سلمان لمحها وهي داخله وعرف انها العنود وكره عمره قام بثقل ومشى
العنود خايفه منه ولا هي عارفه كيف بتكلمه دخل ووقف عند الباب وعطاه نظره تقشعر جسمها منها
سلمان لف وجهه : بغيتي شي
العنود : سلمان أنا أختك حرام اللي تسويه فيني
سلمان : أقول ولا كلمه تستاهلين من يأدبك
العنود : وانت والله ظلمتني هذا اللي كلمك ولا عمري كلمت تدري
سلمان : كم مره قلت لك ما ابي كذب ما تمشي علي هالحركات
العنود : انت ما ادري وش بلاك ما تسمع لي
سلمان : عمري ماراح أسمع لك فاهمه انتي فضحتينا ونزلتي روسنا
العنود : طيب ممكن تسمح لي أبين لك
سلمان بصوت عالي : لااااااا ولا أبس أسمع صوتك ومره ثانيه تطلبيني أفضحك عند الكل وأعلمك من هو سلمان الطيبه أبد ما تنفع معك انتي وأشكالك

وطلع وخلاها بعد الصدمه اللي ما توقعتها من سلمان الطيب اللي دايم يساعدها ويوقف معها صار اليوم عدوها

لا عاد تظلم وتطعن وتقسى علي وتشكيني
ولا تــقول فــي ابيـاتك انتـي.. ظلمـــتيني
ولا تسطر في القصايد الحــــنون خلاني
يكفي جرحي اللي تشوفه متربع فــــيني
ويكفي هموم واهــات غربال زمــــاني
عشت القهر و انشهد اني باول ســـنيني
وكتـمت الدمـعه بعزه حـرب احـــــزاني
كوتني النار واحرقني وبعد..لعـبت فيــني
وعذبـتني الهموم وصـارت هي عنـــواني
رجعت العنود وهي شايل همها وتحس الدنيا سودا دخلت الشقه ولقت قدامها منيره ضمتها وهي تصيح : منيره سلمان يكرهني خلاص ماراح يكلمني ليش ؟؟؟؟ تغير سلمان نظراته كلامه مو هو أخوي اللي أعرفه ..
منيره : عنودتي اهدي سلمان بيرجع صدقيني
العنود : منيره حاسه ما اشوف شي
منيره : انتي أكلتي شي
العنود : لا مابي
منيره : موب كيفك

دخلت منى وشافت حالة العنود
منى : منيره روحي جيبي لها شي أنا بجلس عندها
منيره : خلاص
منى يوم شافت وجه بنت عمه كيف الدموع غطت وجهها والبنت كانها بتموت بدت تدمع عينها
منى : العنود ودي أساعدك موب يدي
العنود : خلوني أنا يمكن أخطيت
منى : لا انتي ما اخطيتي خطا يستاهل اللي يسويه
العنود : منى هو مو فاهمني حاط في باله أني أكلمه ولا عطاني مجال أتكلم

منيره تدخل ومعها كاس عصير وكيك
منيره : اشربي العنود
العنود : ما اشتهي والله مالي خلق
منى : عشاني اشربي
العنود شربت شوي وحاولت تاكل عشانهم
منيره : العنود انتي تخلين الكل يتسائل عنك ولا داعي الكل يعرف بهالشي
العنود : والله غصب علي
منيره : حاسه فيك بعد عمري وحاولي تكونين أقوى وسلمان خليه علي
العنود : لو ماكان غالي كان ما ضاق خلقي سلمان هو أبوي وأهلي كلهم

منهو بقالي كان عني تخليت

وانت الوحيد اللي بعمري بقالي

الحب ماهو خذني وانا جيت

الحب وقفه بين غالي وغالي



................. انتهى الجزء

_ الجزء الحادي عشر _

سلمان تغير تماما وهالموقف أثر فيه كثيير بدى يحب الجلسة لوحده وأي واحد يكلمه في الموضوع يصرخ ويتنرفز ويسوي صجه ..
كان جالس في زاويه من زوايا الحرم يقرى قرءان وكان صوته شوي مسموع وهو معروف بصوته الخاشع قرب منه أبوه وحس أن ولده فيه شي مو طبيعي رفع راسه سلمان ويوم شافه حاول يصطنع الإبتسامه
سلمان : هلا يبه
أبو سلمان : هلا بك ولدي وش الأخبار ؟؟
سلمان : والله بخير
أبو سلمان : ما أتوقع إنك بخير هاليومين منقلبه حالتك وش فيك ؟
سلمان : لا ولا شي يعني الواحد لا صار هادي يصير متغير ؟
أبو سلمان : كلمني زين أنا أبوك
سلمان : على عيني وراسي ما قلت شي يبه ..
أبو سلمان : طيب تحتاج شي ؟
سلمان : سلامتك ما تقصر ..

راح أبو سلمان وهو حاس إن ولده فيه شي ما وده يقوله وبما إنه ما يجلس مع بناته كثير فما شاف العنود ولا درى عنها ..

في الغرفه كانت العنود منسدحه على الفراش ومنيره والجوهره منى ووفاء يسولفون
وفاء : وش رايكم نطلع على السوق لأن ما بقى شي ونرجع للرياض
منيره : ايه والله ودي أشري هدايا لاخواني
الجوهره : مين بيعطيكم وجه ؟؟
منى : الله يخلي سعود
الجوهره : أتحداك يكلمك هاليومين متنرفز بقوه
منيره عرفت وش فيه كل عشان سلمان وتبتسم : اممم فهد مايقصر
وفاء : احللللى وطلعنا نقول كلام حلو
منيره تنزل راسها وتضحك
الجوهره : خلاص كلميه فهد كانك صادقه
منيره : لاااا استحي وش بيقول عني من الحين تأمر
منى كاسره خاطرها العنود : وش رايك عنوده ؟؟
العنود : بكيفكم مع إني مالي خلق
وفاء : وش فيك قالبه الدنيا كل ذا شوق للرياض
منى : لا مشتاقه لــ أ _ ابتسام هههههه
العنود تناظرها باستحقار : سخيفه

العنود هنا شي قالها ليش ما تستعينين بـــ أ ـ ابتسام والله ما تقصر بتحطني في عيونها من الفرحه وهي قايله لي اعتبريني مثل أمك بس انتظر شوي يمكن سلمان يغير نظرته ويهدى شوي

الجوهره فيه رقم مقلقها بس هي حطت في بالها ما ترد ولا على أي رقم خايفه من غاده ومن ( منصور ) اللي غثها ..
الجوهره : خليني أدق على فهد يودينا
منيره : بس أنا ما تجيبين ولا شي عنا فاهمه
الجوهره تضحك عليها : ان شاء الله
منيره : ما ادري عنك
الجوهره دقت عليه مشغول
الجوهره : اهوووو عاد فهد إذا كلم ما يسكر ..
منيره : بسألك هو له أصحاب كثير
الجوهره : يعني موكثير مره بس هو صديقه العزيز ماجد ودايم معاه سواليف
منيره اها ( ودها تسأل عنه كثير بس شوي مستحيه وتقول حبه حبه وأفهمه )
الجوهره : أبشرك دق أخيرا
منيره : وش عليك منه خليه ياخذ راحته
الجوهره : طيييييب ترى أقوله
منيره : لا خلاص أصير مؤدبه

الجوهره فتحت السبيكر
فهد : هلا
الجوهره : هلا بك كيف الحال؟
فهد : تمام وانتم أخباركم ؟؟
الجوهره : بخير اممم فهود منيره تقول
منيره هنا شوي وبتموت وش بتقول الدبه ؟؟؟ وتأشر لها ( الله يخليك اسكتي )
الجوهره : ههههههه
فهد : تامر أمر وش تبي عيني الأولى ولا الثانيه
الجوهره : لا ما اقدر أنا بتذوب البنيه
فهد : خير فاتحه السبيكر
الجوهره : ايه خلها تسمع الكلام الحلو
فهد استحى شوي وانحرج : هاه وش تبون ؟؟
الجوهره : امممم نبي السوق ملينا من القعده
فهد : وش رايك كلنا نروح مو بس أنا أوديكم
الجوهره : ياليت إذا هم موافقين
فهد : ما عليك أنا أقنعهم
الجوهره : خلاص رد لنا
فهد : خلاص بروح أشوفهم

بعد ما سكرت الجوهره منيره جالسه تفكر ( فهد بهالحنيه وأنا كنت كارهته ما أدري ليه كانت نظرتي أول كذا ؟؟ )


كانو الشباب جالسين في المجلس يشربون شاهي قدام التلفزيون
فهد : شباب وش رايكم الليله نطلع السوق منها نتمشى والبنات ياخذون أغراضهم
حمد :ايه الله يخليك ملينا
عبد الله : أنا عن نفسي موافق
فهد : وانتم سعود وسلمان
سعود : أنا مع سلمان وش رايك تروح ؟
سلمان : لا روحو أنا بقعد
سعود : سلمان وين ضحكتك ووناستك
سلمان : سعود لا ترتبط فيني رح معاهم
سعود: وانت وش تقعد تسوي ؟؟
سلمان : ........
سعود : خلاص أنا بجلس معاك وانتم روحو
عبد الله : تدرون انكم سخيفين خلونا نستانس مع بعض مابقى شي ونرجع
سلمان ( ليش أقطع وناستهم وخاصه سعود اللي شايل كل همي )
سلمان : خلاص بروح أنا ودي أروح عن نفسي
سعود : ايوه كذا سلمان اللي أعرفه بس ناقصك الابتسامه شوي حبيبنا
سلمان يبتسم غصب عشان سعود ..
الساعه 9 بعد صلاة العشاء تجهزو البنات وطلعو على السوق
العنود في البدايه رفضت بس بعد اقناع الجميع وافقت وما كانت تدري ان سلمان بيروح ؟!
منيره والجوهره ووفاء طلعو ..
منيره : تعالي وفاء معنا
وفاء : بتركبين مع سلمان ؟؟
منيره : ايه يالله امشي
الجوهره طبعا ركبت مع فهد
فهد : فيه أحد بيركب معنا ؟
الجوهره : أتوقع منى لحظه شوي ..
منى كانت طالعه مع العنود وشافت سيارة سلمان واقفه
العنود : منى مابي أركب مع سلمان مو ناقصه مشاكل
منى : لا تركبين تعالي معنا وبعدين حبيبتي انسي السالفه اليوم وبتنحل ان شاء الله صدقيني
العنود : تقولين انسي والله ما حسيت في اللي بداخلي
منى : عنوده أخوك حبيب والله بيوم بيعرف انه غلطان وبيندم
العنود : الله يسمع منك
منى : يالله اركبي ( وتفتح لها الباب ) ضيفتنا اليوم ..
ركبت العنود ودخلت وراها منى
فهد : هلا مين معانا اليوم
العنود : العنود
فهد : هلا والله وش اخبارك
العنود : الحمد لله تمام
منى : تراها بعيده عن هالأدب والمستحى بس قدامك مسويه أدب
العنود تضربها بقوه
منى : اييييييي شفت فهد شلون
فهد : والله مثل بنت عمها مافي فرق
العنود بصوت خفيف : تستاهلين

المهم حرك كل واحد منهم سيارته على السوق ..
لما وصلو كان البنات يتمشون والشباب حولهم ما بعدو لأنهم خايفين لا يصير لهم شي
العنود : شوفي الشنطه جنان وإلا منى ؟
منى : مرره خطيره حتى اللي بجنبها الحمرا
العنود : سلمان الله يعافيك أبي هذي الشنطه
( العنود نست الشجار اللي حصل ومتعوده اسم سلمان على لسانها )
سلمان سوا نفسه ما سمع وقام يسولف مع سعود
سعود : لحظه كاني سمعت أحد ينادي
سلمان سكت
سعود التفت عليهم : بغيتو شي ؟؟؟
العنود ( بصوت خفيف ) : خلاص منى ماااابي شي
منى : إلا سعود شوفي هذي الشنطه مو حلوه
سعود : كشخه صراحه مين الذوق اللي مختارتها
منى تغمز له وتبتسم : العنود الحلوه
العنود انحرق وجهها من الحيا
سعود : خلاص العنود خوذيها وأنا بحاسب
العنود : لا مايحتاج أكلف عليك
سعود : وش دعوا كلافه ؟؟ بكم ياشيخ ؟؟
منى : وأنا سعود أبغى الحمرا ..
سعود : أدري انك تغارين فخوذيها ..
منى : انقلع بس أصلا من قبل وأنا حاطه عيني عليها ..
سعود : والحمرا بكم ؟؟
: 85 ريال
سعود : خذ ( وعطاه الشناط )
سعود : امممم هذي للعنود تفضلي ( ويمدها له وهو فرحااان إنه قدم لها شي )
العنود كانت مرتبكه : تسلم الله يعافيك
سعود وابتسامته الواسعه : الله يسلمك
منى : خلاص يكفي عطيناكم وجه
سعود : يالله مشينا
منى : أمووووت أنا على اللي يعرفون يصرفون !!

مشى سعود ووصل عند سلمان
سلمان : لا تعطيهم وجه ترى كل شي يبونه
سعود : خلنا نفرحهم

مرو على (محل هدايا) منيره اشترت لخواتها نوره وحنان هديه عشان نجاحهم عطر وساعه يد كشخخه وخلته يغلفهم لها تغليف كشخه ..
ولناصر وخالد ساعات اختارهم لها سلمان..
وطبعاً ريما مانستها اشترت لهادبدوب كبير معاه اكسسوارات أطفال ..
ولا نست صديقاتها ليلى وساره ولمياء ..


والعنود من جهه ..
العنود : وش رايك وش آخذ لسحر؟؟
منى : ما ادري عنها هي وش تحب ؟؟
العنود : اممم هي قد قالت انها تحب العطورات
منى : فيه عطر خطييير بس ما أتوقع هنا
العنود : خلاص هنا قريب ولا لا ؟؟
منى : اممم شوفي هذي عطورات
جلسو يتنقون وأعجبتهم بعض العطور وشرت لها واحد كشخه وغلفته
العنود : الللللله مره طلع يجنن
منى : فنان صراحه
العنود في هالمره ماتبي سعود يدفع لها خلاص تفشلت منه

العنود : بارتباااااك ملحوظ سلمان الله يعافيك تحاسب لي
سلمان مارد عليها وحاسب : يالله امشي

الجوهره وهي متحمسه مع الاكسسوارات لأنهم أعجبوها كثير
: الجوهره
الجوهره التفت الصوت مو غريب قد سمعت من قبل بس وش جابها هنا ( هذا صوت غاده الا هي ياااارب )
التفت عليها إلا صدق هذي غاده وهذي عبايتها ويدينها
الجوهره : غاده ؟؟؟
غاده : اهلين طيب سلمي ولا مو عاجبك ؟؟
الجوهره تبغى تتخلص منها : هلا وش أخبارك ؟؟
غاده : تمام عايشين
الجوهره : كيف عرفتي اني هنا ؟؟
غاده : انا غاده ما يخفى علي شي المهم جيت أقول لك كلمتين
الجوهره بدت تخاف : وش تبغين مني خليني في حالي
غاده : ههههه أخليك في حالك لا لا مستحيل انتي ضيعت علي شي كبير
الجوهره : وش قصدك ؟؟؟
غاده : منصور مهددني ان ما جبتك بيفضحني
الجوهره : يعني فهميني وش تبين ؟؟
غاده : شوفي هناك ( وتأشر على السياره )
الجوهره شافت منصور في السياره جالس ينتظر
الجوهره : غاده توصل فيني أخلي أهلي وأركب لاااااا ابعد عني
حاولت تبعد عنها بس كانت ماسكتها بقووه مع يدها
الجوهره تصرخ : بعدي ولا ناديت اخواني
غاده : ناديهم بقول عنك كل شي كان أول ومنصور مايقصر
الجوهره : ماتخافين من ربك انتي
منيره سمعت صراخها وتداركتها قبل لا يدرون الشباب
منيره : نعم اختي وش تبين منها ؟؟
غاده : شي مالك دخل فيه ؟
منيره : كيف مالي دخل بنت عمي هذي !؟
غاده طنشت منيره ولفت على الجوهره : هاه وش قلتي تركبين ولا أناديه
الجوهره : لاااا صاحيه أنا بركب
غاده لفت وأشرت لمنصور وهو نزل من السياره وجاي لهم
منيره : الجوهره من هذي ؟؟؟ وش السالفه ؟؟
الجوهره بدت تصيح : غاده ؟؟
منيره : وشو ؟؟؟؟؟؟؟؟؟؟؟ غاده ؟؟؟؟؟ وش جابها هنا ؟؟ امشي بسرعه ..
الجوهره : أنا خايفه يلحقونا
منيره سحبتها : تعالي وخلي عنك الكلام الفاضي
حاولو يمشون بين الزحمه وطلعو وكان فهد قبالهم ينتظر منيره في هالحاله نست الدنيا وهي عارفه الجوهره وموقفها فقالت لها تسكت عشان ما يشكون وتعدي السالفه على خير ..

منيره : فهد متنا من الحر وين السياره ؟؟
فهد : اصلا انتظركم تطلعون كلهم ركبو ورجعو للشقه
منيره : يالله الجوهره
الجوهره تتلفت وهي حاسه نفسها مراقبه وانها بتلحقها وفعلا منصور حرك سيارته ولحقها وعرف سكنهم وين ؟؟
منصور : خلاص غاده أنا انتهيت منك
غاده : يعني كيف ؟؟
منصور : يالله انزلي
غاده : انزل ؟؟ وين أروح ؟؟
منصور يصرخ في وجهها : خوذي لك سيارة أجره وروحي معها أنا ما أركب ناس أمثالك معي
غاده : يالخاااااااااااين إلا انت وعدتني تعطيني فلوس بسرعه حق اللي وصلتك لبيتها
منصور : هههه عيدي ما سمعت صدق انك يلعب عليك تحركي من سيارتي
غاده نزلت وهي مقهووووره وصكت الباب بقوه لدرجه ان السيارة اهتزت من
منصور حرك السياره ومشى وهو مرتاح أنه قدر ينتقم منها ...
في الشقه..
وكل وحده تقوس اللبس وتوري الثانيه
وفاء : منوووور جنان عليك الأحمر
منيره : والله ؟؟ مع اني ما أحبه !!
وفاء : إلا خطير وين حبيب القلب يشوفك ؟
منيره : خخخخ أقول وش اشتريتي انتي ؟؟
وفاء : أموت على اللي يستحون أنا ..
منيره لاحظت إن الجوهره هاديه وقالت:
( طبيعي من الموقف لأنه كان صدمه لها ولا توقعته نهائيا إنها تلقاها في السوق )

منيره تقرب من عندها : جوجو خلاص صدقيني ماراح يصير لك شي وترى أبوي قال بكره يمكن نمشي أو بعده
الجوهره : أخاف لا رجعنا جتني على البيت
منيره : لا لا الحين انتي انسي الموقف ووريني ضحكتك
الجوهره تبتسم : بحاول
منيره : يالله قومي البسي التنوره اللي اشتريناها بشوفها عليك

قامت الجوهره تقوس وقدرت تنسى شوي من سواليف منيره وتعليقها اللي غير عليها جو

عبد الله وحمد كانو جالسين في المجلس
عبد الله : ودي العب بلاستيشن
حمد : حتى أنا مشتاااق للتحديات بيننا
عبد الله : مع انك خسران دوم ياولد عمي
حمد : لا تنكر عاد فزت عليك كم مره
عبد الله : يمكن كنت دايخ أو تعبان عشان كذا
حمد يضربه على راسه : رح بس يافيك ثقه انت ووجهك
عبد الله : خلك شوي ناعم رجيت راسي رج
حمد : تستاهل عشان مره ثانيه تتكلم زين
عبد الله : أقول حمود عندك رساله حلوه
حمد يغمز له : من هي اللي بترسل لها اعترف ؟؟
( يحسب كل الناس مثله )
عبد الله : أقوول أنا مو راعي هالحركات مثل بعض الناس
حمد : لا أنا مؤدب بسم الله علي ( وهو يضغط في جواله )
عبد الله : هاه لقيت
حمد : ايه شوف هذي
عبد الله : حلللوه أرسلها بس قول مين هالرقم
حمد : اممم واحد من الشباب
عبد الله : مع اني ما أعتقد
حمد : ليش شاك في ولد عمك
عبد الله : لا مو قصدي شك بس صارحني عبد الله من هي اللي تكلمها ؟؟
حمد : بصراحه بقولك بس يكون بيني وبينك ..
عبد الله : على عيني وراسي انت والله غالي عندي
حمد : مع اني أبد مو مرتاح و أتمنى أتركها وكل مره أقول نفس الكلام ولا أقدر
عبد الله : أي علاقه زي كذا نهايتها الفشل صدقني من الحين أتركها أحسن قبل لايصير لك شي انت تندم عليه !!
حمد قال كل شي لعبد الله عن علاقته بنوف وكيف يحبها وسالفة جواله يوم خذاه سعود ..
عبد الله : طيب انت راضي الحين ؟؟
حمد : لا والله مابي بس هي تعلقت فيني ووووو
عبد الله : وانت تعلقت فيها صح ؟
حمد ينزل راسه : ايه ..
عبد الله : طيب ليش ما تكون أقوى من الشيطان وتقهره
حمد : كل مره أقول بس ما في فايده ؟
عبد الله : انا بساعدك هات الجوال ..
حمد : وش بتسوي ؟
عبد الله : قلت هاته ولا راح أسوي شي إلا لمصلحتك
حمد استسلم : خذ
عبد الله دق على الرقم وعبد الله صوته خشن شوي وكأنه كبير مره
نوف : هلا حبيبي تأخرت علي ..
عبد الله : هالحركات أنصحك تخلينها وهذا الرقم ممكن تنسينه ؟؟
نوف : مالك دخل انت وحمد يحبني وينه ؟
عبد الله : لا حمد قدامي وهو قالي أدق وأقولك ..
نوف : لا أنت كذاب كذاب خلني أسمع صوته حمد يبيني ..
عبد الله : المهم بلا كلام فاضي ما أشوف هالرقم مره ثانيه
( وسكر بوجهها )
حمد ولا تكلم بأي كلمه ..
عبد الله : حمد زعلان ؟؟
حمد نزل راسه وبصوت مخنوق قال : لا خلها تخسى أنا مع الأيام بتعود ..
ظل جواله يدق ويدق وهو كل ما دقت عطاها مشغول الين ملت فأرسلته :


يلي طعنتني جحود ونكران
ماللخيانة عندك حدود وأمان
روح وإبعد عن قلبي ماني مثل زمان
وأنا بعرف كيف أداوي جروحك يا خوان

عبد الله : شفت شلون لو إنها تغليك صح ما أرسلت هالرساله ؟
حمد حس انه سخيف يوم كان يلاحقها ويجاريه في الحكي
وكيف زعل أخوه منه وصار ما يوثق فيه !؟

حمد : عبد الله أنا نااادم خلاص ( ودمعت عينه )

حمد اللي ما قد بكى على أحد وكان قلبه قاسي يبكي ..
عبد الله : حمد انت كبرت وخلك عنك المراهقه أهلك يحتاجونك خلك مثل سعود
حمد : سعود خلاص انعدمت الثقه اللي كان حاطها فيني
عبد الله : لا أبد بتصرفاتك تقدر تثبت أنك رجال
حمد رفع راسه وابتسم : والله أحبك يا عبود ياما ساعدتني كثييير ...
عبد الله يمسكه مع خدوده : والله أحبك أكثر رح غسل وجهك وتستاهل أنت كل خير ...
قرر أبو سلمان أنهم يمشون على الساعة 7 الصبح والكل كان مستعد ..
أبو علي ودعهم في الليل بيمشي قبلهم ..
وفاء لا بسه عبايتها بتطلع
منيره : زورينا لا تقطعين
وفاء : من عيوني والله استانست معاكم كثير
أم سلمان : لا ان شاء الله لازم تتقهوين عندي
وفاء : لا سمحت الفرصه ابشري يا أم سلمان

سلمت عليهم وطلعت ...

الكل نام ولا سهرو عشان يقومون الصبح مبكر وطبعا الوحيده اللي ما ذاقت طعم النوم العنود من بعد موقفها مع سامي كانت ودها سلمان فهمها بس هو ذبحها بنظراته وكلماته اللي يرميها وهي خايفه لا يكون سعود يدري عشان ما يغير نظرته لأنها بدت تحس انه قلبه حنون وتعامله مع أخواته راقي..
حتى سلمان كان تعامله معي راقي بس الحال تحول يارب يفهمني قريب ومنيره ليه نستني هي وعدتني انها تكلمه ؟؟ معقوله كلمته ولا سفهتني ولا كانت ودها تسكتني ؟؟
لا لا ما أتوقع منيره حبوبه ؟؟ لكن ليش لهت عني ؟؟
ولا فهد خذا قلبها ولا صارت تفكر إلا فيه ؟؟

العنود تعيش كل ليله تساؤلات تتمنى أحد لو يرد عليها يفهمها إنها هي الصح وسلمان غلطان في شكه فيني

ليــــه الزعل وانت الأمـــــــــــل..
أخبــــاري .. كل يوم .. أنقتل.
ليـــــه الهجر وانت الفجـــر
تضوي لي من بين البـــــــشر...
وش منتظر.....غـــير القهر....
يكوي على قلـــــبٍ جريح.
أرجــــع ترى وردي ذبـــــــــل,,,
والغيــــث... مــــزنــه ماهمــــل
محدٍ سأل... لكن ..
كلٍ درى بشوقي عليـــــك
اللــــــــــــــه يعــــين المنتظــــر.

نرجع شوي لغاده اللي بعد ما حطها منصور راحت تدور سياره توصلها وبعد معاناة ركبت وكانت خايفه لأنها كانت لوحدها معه ووصلها على شقة أهلها ..
نزلت وكانت وراها سيارة سامي أخوها ( أحب أقول أن سامي هو اللي كان مع العنود وسبب مشكلتها )
سامي استغرب جيتها في هالوقت ولوحدها بعد
سامي : وين كنتي ؟؟
غاده : كنت ... في السوق
سامي : ومن أذن لك قولي
غاده : أنا أستأذنت من أبوي
سامي : امشي قدامي بسرعه
غاده مشت بخوف وفتحت باب الشقه وكان أمها وأبوها مو موجودين دخل وراها سامي

غاده : وينهم أمي وأبوي ؟؟
سامي يناظر لها بكل شرر : قولي من هو اللي كنتي راكبه معاه بسرعه قولي
غاده ارتبكت : مين ؟؟ انا ؟
سامي : لا تسوين نفسك ما تدرين عن شي مراقبك من يوم طلعتي
مسكها مع صدرها وعطاها كف على وجهها قوي
غاده : آآآآآآآآآآآآآآى ( وصاحت بقوه ) ابعد عني
سامي يمسك مع شعرها : تستاهلين من يأدبك انت وأشكالك ؟؟
غاده وهي تشهق : فكني فكني خلاص
سامي فكها ودفها على الجدار وطلع من الشقه وخلاها بدموعها بصياحها وحس انه برد اللي في قلبه

سامي * أدري إن هذا ذنب عشان اللي سويته في العنود وما أدري الحين وش حالها وش صار عليها *

مسك الجوال ودق الرقم وبالصدفه كان الجوال مع العنود هي يوم شافت الرقم ردت
العنود : أكرهك ياقليل الأدب تعال شف كيف فرقت بينا وكيف خليت أخوي يكرهني بسببك حراااام عليك ظلمتني والله ما تخااااف من ربك ؟؟
سامي * قولي اللي في قلبك عادي أعترف بالخطا أنا ربي جازاني بأختي وأتوقع اني إنتهيت خلاص *
العنود : الحين ليش ساكت ؟؟

سامي ما تحمل صوتها وسكر وحس انها تتعذب مع كل كلمه تقولها وهو يحس نفسه مخنوق ووده يبعد عن هالعالم لو يوم يرتاااح ..!

العنود بعد ماسكر بوجهها انقهرت منه وفي نفس الوقت حست انها مخطيه يوم ردت عليه ولو يدري سلمان بيسويها سالفه زياده فقررت ماتعلم أحد ومسحت المكالمه ..

وبدون شعور دقت على أ ـ ابتسام وهي في نفس الوقت متردده
أ ـ ابتسام : هلا وغلا بعنوده
العنود : هلا بك أستاذه كيف الحال ؟؟
أ ـ ابتسام : بخير الله يسلمك أنتي وش أخبارك وأخبار سحر ؟؟
العنود : كلنا بخير ومشتاقين لك
أ ـ ابتسام : مشتاقين لكم أكثر
العنود : تدرين حنا في مكه
أ ـ ابتسام : ما شاء الله عاد لا تنسينا ادعي لنا
العنود : أكيد انتي أول وحده
أ ـ ابتسام : الله يسلمك يابنيتي إلا أقول العنود وش فيه صوتك متغير
العنود : تعبانه شوي

أ ـ ابتسام : ما تشوفين شر انتبهي على عمرك
العنود : اممم أستاذه فاضيه الحين ولا عندك شغل
أ ـ ابتسام : لا أبد ما عندي شي وفرحت يوم شفت اتصالك
العنود : انتي كنتي لنا أمنا الثانيه وأنا أرتاح لك كثير وأحب أحكي لك مشاكلي
أ ـ ابتسام : والله أعتبرك بنتي وأكثر خذي راحتك
بدت العنود تحكي معاناتها من البدايه إلى آخر مكالمه اللي كلمت فيها سامي
أ ـ ابتسام : اسمعيني العنود أخوك وبيرجع لك بإذن الله بس يحتاج أحد يفهمه الموضوع
العنود : هذا المشكله ما يرضى أحد يكلمه ويصارخ في وجهك ما أدري وش صار له ؟
أ ـ ابتسام : يمكن إختك ما فاتحته ؟
العنود : ما أدري عنها وكل وقت تقولي أنا بفهمه ارتاحي وإلى وقتك هذا وهو مايعطيني وحه وكارهني ؟
أ ـ ابتسام : طيب العنود روحي كلميه مره ثانيه يمكن المره الأولى كان معصب وكان في حرته والحين هدى
العنود : مع اني عارف باحرج نفسي ولا راح يتقبل ؟؟
أ ـ ابتسام : انتي لا تقعدين كذا بدون ما تسوين شي اللي عليك وسويه وعنوده ودي أكلمك أكثر بس زوجي دخل وطمنيني عليك ..
العنود : لا عادي ومشكوره أستاذه تعبتك معاي ؟
أ ـ ابتسام لا تقولين كذا والله ماتتصورين فرحتي لا تقطعين عاد واليوم بدعي لك وقريب بإذن الله بتنحل المشكله ..
العنود : إن شاء الله مع السلامه
أ ـ ابتسام : مع السلامه

سكرت منها وحست انها ارتاحت والتفت لقت منيره وراها
العنود : منيره ؟؟؟
منيره : لا منى وش رايك ؟
العنود : من متى وانتي هنا ؟؟
منيره : من يوم كلمتي الأستاذه ..
العنود سكتت ونزلت راسها
منيره : أنا مقصره معاك بشي ؟
العنود : لا ما قصرتي بس وين وعدك لي انك بتكلمين سلمان ..
منيره : أنا متعنيه ما أقوله الحين ؟؟
العنود : والسبب ؟؟
منيره : كذا أنا مخططه لشي ..
العنود تقوم وترمي الجوال : ايه انتي وش همك أنا على جمره وانتي تخططين ؟؟
منيره : العنود تعالي ..
العنود طلعت وسكرت الباب وراها معصبه ..


وش هالكون بعدك علمني وش يكون؟؟
وش هي الدنيا بدونك؟؟
غير صمت وسكون..
الصبح شاحب
والليل تملاه الظنون..
والزوايا موحشه فاقده قلب حنون
عادي لو الناس عندي يروحون او يجون
إلا انت ياعمري روحتك عندي ماتهون


........................ انتهى الجزء

الجزء الثاني عشر

الساعه 7 الصبح استعدو ليرجعون للرياض منيره كانت شايله الشنطه وثقيله عليها بس هي متحمله
منيره : العنود بلا دلع تعالي شيلي معاي
العنود : طيب خلاص جايه ( وحاولت تشيل معها ) وش هذا ثقيله شلون متحمله ؟
منيره : شفتي أختك عضلات ..
العنود : خليك ساكته ما أدري من وين العضلات ؟
منيره : على فكره زعلتي أمس مني ..؟؟
العنود كانت ناسيه : لا عادي بس انتي أصلا مو حاسه فيني ...
منيره : والله وش كثر تهميني عنودتي بس إن شاء الله ما راح تشوفين إلا الخير ..
العنود : بس أنا على جمر وإنتي تتفلسفين ...

جاهم سلمان وهو لابس بدلته ونظارته الشمسيه وكان ماشي من بعيد ...
العنود : منيره والله أحبه ...
منيره : مع كل اللي يسويه فيك ؟؟
العنود : بالعكس زاد حبي له ليته يحس ...
منيره : صدقيني هو يحبك أكثر بس غصب عنه هالحركات ...

سلمان : هلا صباح الخير ...
منيره : هلا صباح النور وش هالزين لا أحد يشوفك من البنات عاد ينسدحون ...
سلمان يعدل النظاره : لهدرجه أنا حلو ...
منيره : شاف عمره عاد إلا تحوم الكبد ...
سلمان : أصلا غايره من جمالي ودك بنصه ...

العنود في هاللحظه فاتحه نقابها وتتأمله وعيونها ما فارقته وهو لا حظ هالشي ...
سلمان : يالله هاتي الأغراض عنك ...
منيره : تسلم والله هاتي العنود اللي معك ...
العنود : لا أغراضي أنا بشيلها ( ومشت لسيارة أبوها )

سلمان يآخذ نفس وجلس يناظرها إلى ما ابتعدت ...
منيره : سلمان قول بصراحه ماحنيت لها ؟؟
سلمان : كثيييييييير والله ...
منيره * أخيرا اعترفت * : طيب مو راضي تفهم الموضوع ...
سلمان : خلاص لا تحاولين تعيدين نفس السالفه ( وشال الأغراض ومشى )
منيره * الله يهديك *

طلع أبوها من الشقه ...
أبو سلمان : هاه منيره أخذتو كل الأغراض ما بقى شي ؟؟
منيره : ايه يبه خلاص ...
قفل باب الشقه وسلمها ...
وهو كان طالع من العماره كانو كل واحد منشغل سعود يرتب الأغراض وفهد يركب أغراض أهله وحمد نايم في السياره وبجنبه عبد الله ...
عبد الله : حمد قم يكفي نوم ..؟
حمد وهو كله نوم : طيب شوي ...
عبد الله : تشوف خلنا نمشي لأشغل المسجل على الأخير ...
حمد : ياويييييييلك عبيد تسويها ...
عبدالله : ههههه بكيفي ( ويطلع لسانه )

منصور كان مراقب الشقه يوم اطلعو جا ووقف سيارته ونزل وشاف الجوهره بالسياره وعرفها وراح لفهد لأنه كان راكب معها ...
منصور يبتسم : السلام عليكم الشيخ ...
فهد : وعليكم السلام ...

الجوهره كانت شوي ويغمى عليها من الخوف * يعني معقوله بيقول لفهد عني لا اااا يارب ارحمني يارب تبت * وكانت بقوه مرتبكه ولو أحد يكلمها يمكن تصيح ...!!
كانت تراقب الموقف وهي بتفقد الوعي وكان فهد يبتسم ومتجاوب معاه ويآخذ ويعطي وهذا الشي خلها تطمأن أكثر ...

فهد : خلاص ما يصير إلا الخير هذا رقم جوالي وهذا رقم الوالد بأي وقت يمكنك تتصل ...
منصور : الله يجزاك خير وما تقصر وان شاء الله توصولون بالسلامه ...
فهد : الله يسلمك ...

صافحه ومشى عنه وركب منصور سيارته ومشى ...
فهد ركب السياره وهو عادي ما قال شي للجوهره وهي ودها لو تسأله بس كيف بتبدى ؟؟
فهد : أقول الجوهره وش أخبار منور ؟؟
الجوهره : امم تمام ما عليها ...
فهد بابتسامه : تدرين أبوي وعدني أملك لا رجعنا ...
الجوهره : من جد مبروووك بيني وبينك باديه البنت تتغير ...
فهد : وأنا ملاحظ هالشي أصلا الطيب طيب ...
الجوهره : ايه والله منيره إنسانه صدق نادره ...
فهد : ليش ؟؟
الجوهره : ما أعرف بس أحس أن الكل يعتمد عليها على كثر الهموم اللي عندها ما تمانع تقدم أي خدمة ..!!
فهد : ماعليك أنا بفرحها وإنتي إن شاء الله ربي يرزقك برجال يعرف قدرك ...
الجوهره تناظر له : لا ما عليك مني في بيت أبوي مو في بيتك ...
فهد : ليش إنتي لو بتنخطبين ماراح توافقين ؟؟
الجوهره : وليه السؤال لا جا وقته يصير خير ...
فهد : يعني كذا جا على بالي ...
الجوهره : خلاص قفل الموضوع ...

الجوهره كانت حاسه أن منصور هذا ما وراه إلا الشر وأنه بيسوي لها مصيبه ما قد شافتها عشان كذا متوتره !!!

سامي بغرفته جالس ويقلب الجريده يمين ويسار ...
دخل أبوه : السلام عليكم ...
سامي يحط الجريده : وعليكم السلام ...
أبو سامي : مالقيت لنا حجز ؟؟
سامي : يقول يمكن بعد بكره مرره زحمه ...
أبو سامي : خلاص وبعدين سامي أختك وش بلاها ما طلعت من الغرفه يوم كامل ؟؟
سامي سكت شوي : وأنا وش دراني عنها ؟؟
أبو سامي : شلون وش دراك ؟؟؟ أختك هاذي!!
سامي : وانت مو بنتك هي ؟؟
أبو سامي : مشغول أنا فاضي للقعدات هنا في البيت ...
سامي : أصلا عمرك فضيت أنت ؟؟
أبو سامي : لا تكلم أبوك بهالطريقه عيب عليك ...
سامي : أبوي لو عرفت العيب ما أهملتونا ...
أبو سامي بدى يعصب : وأنا مقصر معاكم بشي ؟؟
سامي : لا أبد أهم شي عندك تأكلنا وتشربنا والفلوس متى ما بغيناها في جيوبنا ...
أبو سامي : هذاك قلتها ...
سامي : وأنا مابي هالشي أنا أبي تربيه أبي أحس بالحنان كأني عايش يتيم بدون أم ولا أب !!
أبو سامي : اسكت ولسانك هذا ما تطولها على أبوك فاهم ...؟
سامي : ايه خلاص يبه حصل خير ...
أبو سامي : قم شف أختك تحرك ...
سامي قام وطق الباب كم مره بس هي ماترد ..؟؟
سامي : غادووووه افتحي الباب ...
ويضرب بقوه بس ما أحد يرد راح شاف مفتاح بدل وفتحها ولقى أخته ممدده على الفراش راح يركض بسرعه لها ...
سامي : غاده غاده فيك شي ؟؟
قام يحرك ويهزها بس هي فاقده للوعي ولا تحس باللي حولها ...
سامي يصرخ : يبيببببببببببه تعال ...
أبوه خاف من صراخه وجا يركض ...

أبو سامي : وش فيك ؟؟؟
سامي : يبه شلها معي المستشفى ...
شاف بنته وكيف هي ممده وطايحه ولا تحس ؟؟
أبو سامي : لا وش نشيلها خل الإسعاف تجي كله منك إنت ووجهك ؟؟
دق على الإسعاف وخذوها للمستشفى وركب معهم سامي وهو خايف على أخته ويحس إنه هو السبب لو يدري أبوه إنه هو اللي ضربها بيموته ..

في المستشفى كانو جالسين ينتظرون الطبيب يجي يقولهم حالتها ...
أبو سامي : أمك لا تدري ؟
سامي * أصلا هي وش يهمها * : ايه طيب ...
أبو سامي : الله يهديه تأخر عسى ما فيها شي الله يستر ...

سلمان في سيارته كان مشغل المسجل ورافع صوته منيره وجت وقصرت الصوت على الأخير ...
سلمان : ليش موعاجبك ؟؟
منيره : إلا حلو بس أنا بقولك شي ...
سلمان : هلا ...
منيره : العنود ...
سلمان : منيره خليني مبسوط لا تنكدين علي ؟؟
منيره : طيب أنا بتكلم من البدايه للنهايه وبعدين إنت قرر ...
سلمان يكشر : طيب ...
منيره قالت له كل شي ...
سلمان : وأنا وش يضمن لي كلامك ويمكن العنود تحاول تبري نفسها بهالسوالف ..؟؟
منيره : العنود عارفتها أنا زين ...
سلمان : ولو إلى الحين وأنا مو مقتنع ...
منيره : طيب تقدر بنفسك تفتش رسايلها الخاصه هل تكلمه على إنه ولد ولا بنت ؟؟
سلمان : طيب بهالسهوله تآخذ الرقم ...
منيره : يمكن هو قدر يلعب عليها وهي وثقت إنه بنت ...
سلمان : العنود غلطت بحقي ومستحييييل أنساه لها ...
منيره : انت تعرفها زين مو راعية هالحركات ؟؟
سلمان : طيب خلاص أنا بحاول أفهم الموضوع زين ...
منيره : وإذا كلمتك حاول تعطيها وجه ترى موتها ولا زعلك تشوف إنت كيف طالع وجهها وجسمها حتى الأكل ما صايره تاكل زي الناس ...

سلمان حاول يقنع نفسه بس كل ماتذكر كلام سامي وهو يكلمه وكيف يتكلم عنها وأنه يعرف كل شي يخصها يتنرفز ويحس إنها كذابه ؟؟
على الساعه 5 العصر كان سامي وأبوه مازالو ينتظرون ما جاهم أي خبر والاطباء يروحون ويجون وحسو أن الحاله خطيره ...
دق جوال أبو سامي ...
أبو سامي : هذي أمك لازم تدري الحين ...
أم سامي : آلو هلا ...
أبو سامي : هلا بك ...
أم سامي : وينكم ولا أحد في البيت ؟؟
أبو سامي : والله الصراحه بالمستشفى ...
أم سامي : ويييين المستشفى ؟؟
أبو سامي : لا تخافين غاده صار لها دوخه ورحنا ناخذ لها دوا ...
أم سامي : أحس إن فيها شي قل الصدق ...
أبو سامي : هدي أعصابك ومافيها إلا الخير ...

أم سامي ما اطمئنت أخذت لها أجره وجت على المستشفى ...
أبو سامي كان حاط راسه على الكرسي وبحاله ما يدري فيه إلا الله ماحس إلا بأحد فوق راسه ...
أم سامي : قايله لك البنت فيها شي ..؟؟
سامي من الجهه الثانيه : يمه ارتاحي وهي إن شاء الله بتكون بخير ...

أم سامي جلست مع زوجها وولدها ينتظرون الطبيب يجيب لهم أي خبر ...؟؟


على الساعة 3 دخلو الرياض عايلة أبو سلمان وأبوفهد ...
سلمان : منور الللله ياحلو الرياض اشتقت لها ...
منيره : أكيد لها وحشه أنا أكثر شي مشتاقه له غرفتي وسريري ...
سلمان : احلفي عاد وش تبغين من هالغرفه ؟؟
منيره : ماتدري وش كثر أرتاح فيها ...
سلمان : ايه على طاري الغرفه ترى النت راح أشيله نهائي ...
منيره باستغراب : ليش ؟؟؟
سلمان : ناقصين مشاكل يكفي اللي صار مع العنود ...!!
منيره : الله يهديك إختك من لحمك ودمك وتشك فيها ؟؟
سلمان : هالزمن ماتضمنين أحد ...

منيره قررت تسكت لأن ما فيه فايده منه ولا هو راضي يقتنع أبد ...

وصلو بيوتهم على الأذان نزلو الأغراض اللي بالسياره وراحو المسجد للصلاه ...

منيره والعنود طلعو على غرفتهم ...
العنود : اللللللله كأني من سنه ما جيت هنا ...
منيره : ههههه يالله خلصي أبغى أنام أحس دايخه ( وتدخل الحمام تتروش )
العنود : اممممم ودي أفتح النت ...
منيره تلتفت قبل لا تدخل : لاا ...
العنود : ليه ( وتنزل راسها ) : حتى إنتي مو واثقه ؟؟؟
منيره : أنا واثقه ومقتنعه بس ...!!
العنود تقاطعها : سلمان ؟؟
منيره تهز راسها ( ايه ) وتمشي ...

العنود رمت نفسها على السرير وضمت المخده وبدت تصيح بقوووه ( ماحد فاهمني سلمان أبد ما توقعت بيوم من الأيام يصير كذا ولا هالأسلوب يطلع منه )

رجعو من الصلاه سلمان راح لغرفته وشغل المكيف وأخذ له دش خفيف ونام وهو يتقلب على الفراش سمع صوت الجوال يدق ويوم شاف إنه رقم غريب حطه صامت وخلاه بعد دقيقه جته رساله ...
( سلمان الحمدلله على سلامتكم
أنا عم عبد العزيز أبي أقابلك
إذا ما عندك مانع ) ؟؟

سلمان * عبد العزيز الحين وش جابه هذا صدق إني نسيته خلاص ياسلمان يكفي قوة قلب راح أنسق مع سعود يوم ونفرج عنه عندي إحساس إنه تأدب )

نام سلمان وهو شايل هموم الدنيا كلها كل ما التفت من جهه لقى الهم مع إنه في شبابه بس ماحس فيه ولا تمتع لكن هو حاط قدامه أن الأمل بالله كبيير ...

سعود جته نفس الرساله وهو أصلا من يومها وهو وده يفرج عنه بس سلمان رافض ...!!

في المستشفى ..
الدكتور طلع ومن وجهه باين أن الحاله صعبه ...
قام أبو سامي بسرعه : طمنا يادكتور ؟؟
الدكتور يحط يده على كتف أبو سامي : الحمدلله على كل حال بقولك البنت حالتها صعبه وإذا تبون تشوفونها تفضلو ...
أبو سامي : يعني كيف صعبه ما فيه أمل تتحسن ؟؟؟
الدكتور : ما فيه شي صعب على الله ...
أبو سامي : يالله ياولدي نشوفها ...
سامي يمسك يد أمه ويمشون لغرفتها دخلو بس اللي على السرير ما كانت غاده اللي يعرفونها كان وجهها مصفر ووالمغذي بيدها ...
أبو سامي يمسك يدها : غاده انتي بخير ؟؟
تناظر أبوها وتهز راسها ...
أم سامي ما وقفت عن الصياح : الحمد لله إن شاء الله تطلعين أحسن من أول ( وباستها على راسها )
سامي كان يناظر لأخته من بعيد وهو بقلبه * أنا السبب في كل شي *
تقدم ومسكها وبصوت متحشرج : الحمدلله على السلامه ...
ناظرته بنظرة عتاب وألم ومسكته وقربته من فمها وقالت بصوت متقطع : سامي أنا أحس اني بموت خلاص ( وسكتت شوي ) سامحني أخطيت بحق الكل ( وطلعت من تحت المخده ورقه ) وهذي ورقة وصلها لـ الجوهره الـ .......


سامي دمعت عينه : مسامحك وهذا شي مكتوب ولا تقولين كذا بترجعين لنا بإذن الله وأنتي اللي بتوصلين الورقه لها ...

فجأه بدت غاده تتنفس بصعوبه ووجها يتغير والجهاز بجنبها يصفر ...!!!
جا الدكتور يركض مسرع : لو سمحتو أخلو الغرفه بسرعه المريضه تحتاج علاج بسررعه ...!!!

طلعو برا وهم خايفين على بنتهم الدكتور قرب منها وبدى يضغط على صدرها ويحاول قدر إمكانه علاجها بس قدر الله فوق كل شي طلعت روحها مسح الدكتور على عينها وغطاها بالغطا حقها ...

طلع لأبوها وهو منزل راسه ...
أبو سامي : دكتور وش اللي صار ؟؟؟
الدكتور: البنت تطلبك الحل والله يعوضك ...
أبوسامي نزل راسه ودمعت عينه وجلس على الكرسي وحط يديه على وجهه وبدى يتذكر شريط حياته * أنا ضيعتها وهذي النتيجه يارب ارحمها يارب تغفر لها *
أم سامي لما وصلها الخبر حست بدوخه شديده وحاول سامي يمسكها ...
سامي : يمه احمدي الله وهذا قضاء وقدر وهي تحتاج دعاءنا ...
أم سامي وهي تشهق : الحمد لله ...

مر يومين على الخبر ...
أبو سامي رجع للرياض وصلو عليها هناك ...
الجوهره ماكان واصلها الخبر لكن هالمره جالسه تسولف مع وحده من صديقاتها ...
فاطمه : وش أخبار غاده تدرين عنها ؟؟
الجوهره : مابي أسمع عنها شي خلاص فكينا ...
فاطمه : لي كم من يوم أدق والجوال مقفل ؟؟؟
الجوهره : ايه وحده مثلها تتوقعين تفكر بأحد ؟؟
فاطمه :لازم اسأل عليها ...
الجوهره : ماعلي منها المهم أخبارك بعد ؟؟

فاطمه وصلها الخبر يوم دقت على البيت وكلمت أمها وكأن أحد صفقها على وجهها صح غاده كانت قويه مع الكل بس كانت تحبها أرسلت للجوهره لأنها ما تقدر تتكلم ...

الجوهره كانت جالسه بين أهلها كلهم ووصلتها الرساله ( غاده تطلب منك الحل ادعي لها )
الجوهره في البدايه حست انها تكذب تغير وجهها وقامت ودقت على فاطمه ...
الجوهره : فاطمه الخبر صحيح ؟؟
فاطمه بصوت حزين : ايه اليوم كلمت أمها ...
الجوهره رمت الجوال بجنبها وجلست تصيح دخلت عليها منى ...
منى :الجوهره ؟؟
الجوهره وهي تشاهق: منى غاده ماتت ...
منى : غاده ماغيرها ؟؟
الجوهره تهز راسها ...
منى : الحمدلله ادعي لها الجوهره ولا تجلسين تصيح ما يفيدها هذا ...
الجوهره تمسح دموعها : الله يرحمها ...
منى : بكلم أمي نروح لهم اليوم نعزيهم ...
الجوهره تقوم : خلاص بطلع لغرفتي والعصر بكون جاهزه ...
منى : خلاص ولا تنسين صلي ركعتين وادعي لها ...

سامي كل وقته بغرفته ولا يطلع إلا قليل ويحس الدنيا تضيق وهو خطر على باله شي كان وده يكلم سلمان ويقوله الحقيقه عشان يرتاح حاس إنه يتعذب بس المشكله من وين بيجيب الرقم رفع يديه للسما ( ياااارب يسر لي أمري )

منى قالت لأمها ...
أمها : الله يغفر لها خلاص اليوم نروح كلنا جميع نعزيهم بس شوفي سعود كان يودينا ...
منى : ان شاء الله بشوفه ...
سعود كان مار : أنا مواعد أحد ضروري لا تكلموني ؟؟
منى : سعود تعال بكلمك ...
سعود : نعم ...
منى : تدري الجوهره توفت صديقتها ...
سعود : لا إله إلا الله الله يرحمها وكيف نفسيتها ؟؟
منى : تمام بس ماراح تودينا نعزيهم ...
سعود : والله ودي حبيبتي شوفي فهد أنا عندي موعد أنا وسلمان ...
منى : خلاص بشوف فهد ...

دقت على فهد وقال ما عنده مانع ...

سلمان وسعود كانو مواعدين عم عبدالعزيز في بيته وصولو عنده ...
عمه : هلا والله تفضلو ...
سلمان : هلا بك وش علومك ؟؟
العم : الحمدلله ...
سلم عليهم ودخلهم على المجلس ...
العم : وش علومكم ياشباب ؟؟
سعود : بخير الله يسلمك ...
العم : عارفين ليش أنا جايبكم اليوم عندي ؟؟
سلمان : تفضل قل اللي عندك ...
العم : ولد أخوي ما ودكم تعفون عنه ؟؟
سعود سكت ولا تكلم لأن سلمان أحق ...
سلمان : أنا ما خليته في السجن إلا لصالح الكل إنت تعرفه قبل مل همه يخرب على الناس ويفسد عليهم
العم : صحيح وحنا ماتكلمنا الفتره اللي راحت كله عشان هذا الشي بس تبون الصراحه أبوه وأمه محتاااجينه كثير وأنا زرته أكثر من مره مو هو عبدالعزيز اللي تعرفونه وتقدرون تروحون بنفسكم تشوفونه ...
سلمان يبتسم : تستاهل كل خير وأنا أقولك من الحين الله يهني أهله فيه وأنا راضي ...
العم استاااانس والتفت : وانت سعود ؟؟
سعود : أنا مع ولد عمي الله يصلحه ...
العم : آآآآآمين ويلقى له الحرمه اللي تسنعه ...
سلمان وسعود : هههههه
سعود : بتزوجونه أول ما يطلع ؟؟
العم : ايه عشان يعقل أكثر ...
سلمان : نستأذن يالله عندنا كم شغله ؟؟
العم : الله يعافيكم على جيتكم هنا ...
سعود : ماسوينا شي سلمنا على أبو عبد العزيز ...
العم : يجيكم عبد العزيز للبيت إن شاء الله ...
عند بيت أبو سامي دخل فهد وسلم ...
فهد : عظم الله أجركم ...
أبو سامي : أجرنا وأجرك ...
فهد : الله يغفر لها ويرحمها يارب ...
أبو سامي : آميين ...

دخل سامي : السلام عليكم ...
سلم عليه فهد : أحسن الله عزاك ...
سامي : جزاك الله خير من معي ؟؟
فهد : معك فهد الـ......
سامي بدون شعور قال : أخو الجوهره ؟؟
فهد : ايه إختي صديقة أختك الله يغفر لها ...
سامي : اها لا بس فيه شي ودي توصله لها ...
فهد : أبشر ...

طلع سامي وجاب الورقه وعطاها فهد ...
سامي : إختي قبل لا تتوفى وصتني أعطيها الورقه ...
فهد : يصير خير ...
سامي : إنت تعرف واحد اسمه سلمان نفس عايلتك ؟؟
فهد : ايه سلمان ولد عمي ...
سامي كان يعرف العنود وعايلتها ...
سامي : ايه هو كان صديق لي بس ما أخذت رقمه وودي أزوره <<< اضطر انه يكذب ...
فهد : عادي والله بالعكس هو بيستانس هذا رقمه إكتبه : *********
سامي : الله يعافيك ...
وجلس يسولف معاه شوي وارتاحو لبعض ...

طلع فهد بعد ماودعهم وركب سيارته ...
فهد : خلاص نمشي ...
منى : ايه امش بعد من تنتظر ؟؟
أم فهد : والله إنها حبيبه أمها ...
الجوهره * الحين بس أول لو تدري أمي كيف مضيعه عيالها *

سامي أول ماطلع من عنده دق على سلمان ...
سامي : السلام عليكم ...
سلمان : وعليكم السلام ...
سامي : كيف الحال وأخبارك ؟؟
سلمان : الحمدلله من معي ما عرفتك ؟؟
سامي : أنا يمكن لو تعرفني يمكن تسكر بوجهي ؟
سلمان : وليه مين الأخ ؟؟
سامي : طيب بأطلبك اسمعني ...
سلمان بدى يشك إنه سامي تفضل ...
سامي : أنا اللي كلمتك وقلت لك عن إختك ...
سلمان عصب: وش تبي يالخايس خربت علينا الدنيا ولك وجه تكلم ...

سعود كان بجنبه واستغرب هو من النوع اللي ما يخبي عليه شي وش السالفه هذي ؟؟

سامي : تبي الصدق أنا بس سويت كذا إنتقام ...
سلمان : كيف إنتقام ؟؟
سامي : إختك لا كلمتني ولا شي ...
سلمان : فهمني وش قاعد تخربط ؟
سامي : هي البدايه كانت ..... ( وبدى يقص عليها كل شي بالتفصيل )
سلمان : وانت تدري ان إختي ما أكلمها من مده كله بسببك ؟؟
سامي : إبي منك تسامحني بس أختي توفت والحياة ضاقت علي وأحس إن هذا جزاء من ربي ...
سلمان خذا نفس : الله يسامحك ...
رمى الجوال بجنبه وحط راسه على الجدار * معقوله أنا غلطان أنا ظلمت أحلى أخت عندي مفروض ما أشك كل شي بان الحين قدامي وينك يالعنود وييييييييييييييينك سامحيني ( ودمعت عينه )
سعود : سلمان وش فيك كلمني ؟؟
سلمان : تتوقع تسامحني ؟؟
سعود : العنود أكيد بتسامحك ؟
سلمان : وانت وش دراك ؟؟؟؟؟؟
سعود : أنا اللي أعرفه انك غلطت عليها وبس ...
سلمان : سعود انا آسف اني ما قلت لك بس كنت أتوقع الخبر صحيح وخفت تطيح من عينك ...
سعود : ابي أعرف وش المشكله ؟؟
سلمان : ليش يهمك ؟
سعود : انت وش قاعد تقول انت سلمان أغلى واحد عندي وكيف ما تهمني ؟؟
سلمان بدا يحكي له كل شي وكيف كان يعاملها ...
سعود : كنت أتمنى قايل لي عشان أساعدك ؟
سلمان : طيب الحين وش أسوي ؟؟
سعود : أقولك بس ما تقولي لا ...؟
سلمان : ليش أقول لا ؟؟
سعود: رح الحين لـ العنود وامسك يدها واطلب منها تسامحك ...
سلمان : أحس فيه إذلال شوي ؟؟
سعود : لا ليش إنت أخطيت واتهمتها تلقاها ماتنام الليل عشانك يالله قم الحين ...
سلمان : أبشر ...

وصل سلمان سعود لبيتهم
سعود : لازم أعرف وش صار ؟
سلمان يبتسم له : أبشر كم سعود عندي ...

سلمان يدري ان سعود يموت في شي اسمه العنود بس يكابر ويستحي يتكلم ويسأل عنها والدليل اصراره انه يطلب منها تسامحه ...

دخل سلمان البيت وكان مافيه أحد ...
سلمان : منيييييييييييييره منييره ...
منيره : خير أنا هنا ...
سلمان : من وين طلعتي ؟؟
منيره : جنيه أطلع كذا متى ما بغيت هههه كنت أكلم بالتلفون ...
سلمان : ههههه أقول وين العنود ؟؟
منيره : العنود وش تبي فيها ؟
سلمان : منيره تعالي اجلسي بقولك ...
منيره : أحس عندك خبر حلو ...
سلمان قالها عن سامي ...
سلمان : والله ندماااااان ...
منيره : بس ماراح تتصور فرحتها لو بتدري حتى لو كابرت ترى بقلبها غييير ...
سلمان : خلاص بطلع لها بالغرفة ...
منيره : خلاص ...
سلمان : ماودك تروحين لأهلك ؟؟
منيره * ماحد فاهمني غيرك * : إلا والله مشتاقه لهم بس انتم هاليومين مشغولين وما عطيتوني وجه ؟؟
سلمان : أبشري من عيوني بكره خليك مستعده ...
منيره تبتسم : الله لايحرمنا منك ...


منيره رجعت تكمل سواليف مع ليلى ...

سلمان طلع فوق وهو مرتبك وخايف من ردة فعلها وش بتكوووون ؟؟؟

العنود كانت شابكه خط مع سحر ومنى مع انها ودها تسكر بس هم أصرو عشان يوسعون صدرها
طق الباب ...
العنود : لحظه بنات راجعه لكم بشوف من يطق الباب ؟؟
سحر : طيب خلاص ...

هي طبعا ما جا على بالها إنه سلمان لأنه مستحيييل بعقلها إنه يجي ...
فتحت الباب : وش هالإزعاج ( وشافت سلمان قدامها نزلت عينها ) كانت تتوقع إنه يصرخ زي العاده ولا يرمي بكلام ويروح ...

سلمان أول مره يحط عينه عليها بعد الموقف حس إنها تغيرت وناااحفه كثيير ومو العنود اللي يعرفها

سلمان بعد صمت : ممكن ادخل ؟؟
العنود بدون ماتتكلم فتحت الباب ودخلته وتذكرت التلفون ...
العنود : بنات بعدين بكلمكم مع السلامه ( وسكرت )
كان في الغرفه كرسيين على جنب جلس على واحد منها ...
سلمان : العنود تعالي ...
العنود جت وجلست وهي مو قادره تحط عينها بعينه إلى الآن ...

سلمان مسك يدها ورفع راسها : العنود ناظري لي ...
العنود ساكته ورفعت راسها وشاف الدموع بعينها ...
سلمان حس كل دمعه تنزل منها طعنه بقلبه : العنود اليوم ماجيت هنا إلا لشي واحد ( سكت شوي ) أنا آسف يا الغاليه ( ونزل راسه ...
العنود وبصوتها الضعيف وباين الألم من كلامها : سلمان ليش كذا سويت فيني لييييش ؟؟
سلمان : كنت أتوقع الكلام صح يوم كلمني ..؟؟
العنود رفعت راسها وبنظرة عتاب : أنا أختك اللي على الحلو والمر معاك تشك فيني ؟؟
سلمان : وإذا قلت لك غلطان وجاي أعتذر بترديني ..؟
العنود : سلمان ( وحطت راسها بحضنه وقاعده تصيح )
سلمان : العنود يكفي لا تقطعين قلبي راح أرجع لك مثل أول وأحسن وهذا كان لي درس بحياتي ...
العنود رفعت راسها ودموعها على خدها : أحتاااااجك سلمان لا تبعد عني ...

سلمان مسك وضمها ووعدها يكون معها طووول الحياة ولا يبتعد عنهم مهما صار ...


جيتك ولا غيرك ذكرته بممشاي
جيتك وكل انسان غيرك نسيته
جيتك وانا ماني ترى تايه الراي
جيتك وانا مدري وش اللي بغيته
جيتك وقلبي دقته تسبق خطاي
جيتك اقووول مفااااارقك ما قويته

........................................... انتهى الجزء

الجزء الثالث عشر

كان أروع خبر سمعته منيره إن إخوانها رجعوا لبعضهم وتصالحو وبترجع ضحكتهم للبيت ومعاندهم زي أول ...

في هذا اليوم كانت منيره مستعده لأن سلمان وعدها تروح لأهلها ...
العنود : منور ياحظك بتطلعين اليوم طففش ؟؟
منيره : ياعمري انتي وش رايك تتمشين مع سلمان وأنا ما راح أطول زي العاده ...
العنود : ليه اجلسي عندهم من زمان ما شفتيهم ؟؟
منيره : وأبوي أصلا ً بيوافق تصدقين إني ما استأذنت ؟؟ ( وقامت من على الكرسي )
العنود : وين رايحه ؟
منيره : بروح أشوف ابوي بقوله وعارفه بيقلب الدنيا ؟؟
العنود : منيره يمكن فهودي يخليك عندهم كل يوم بعدين هههههه ...
منيره : احلفي والله( وتسكت شوي) تصدقين والله الأمل فيه ...
العنود : تحبينه ؟؟
منيره : اممم وليش السؤال ؟؟
العنود : عيونك تقول ايه ( وتغمز لها ) ...

منيره تبتسم وتطلع العنود تضحك على أختها وهي فرحاانه إنه قدرت تتأقلم مع فهد موب زي أيام خطوبتها الأولى ...

طلعت وكان سلمان مقابلها في الدرج ...
منيره تبتسم له: اليوم حلو شكلك تصدق ...
سلمان : كل يوم حلو أنا بسم الله علي ( ويصلح شعره )
منيره : لا تدري ليه ؟؟
سلمان : وليه ؟؟
منيره : عشان رجعتو زي أول انت والعنود ...
سلمان : هههههه ربي لا يحرمنا منك لهدرجه نهمك ...
منيره : والله أغلى ما عندي انتم بس صايرين الأيام اللي راحت تقهرررون ...
سلمان : سوء تفاهم ورجعنا لبعض اممم ايه اليوم بتروحين لأهلك صح ؟؟
منيره : لا بنزل أشوف ابوي وش يقول ؟
سلمان : ماراح يقول شي ؟
منيره : وانت وش دراك عليه حركات أحيانا ً...
سلمان : وش رايك أخليك عندهم زي ذاك اليوم !!
منيره : لااااااااااااا لا تذكرني بذاك اليوم وتجيني بعد ساعه زي ما يقول أبوي بسلم عليهم وأجلس شوي وأرجع ...
سلمان : تصدقين على طاري هذا اليوم عبد العزيز طلع من السجن ...
منيره : صدق سامحتوه ؟؟
سلمان : يا أختي لازم بنسامح إلى متى قوة القلب ؟
منيره : طيب ماتحس إننا واقفين في الدرج ونسولف أنا بنزل لأبوي ...
سلمان : إلا قولي مليتي مني ؟
منيره : تقدر تقول ( وهي تضحك عليه )
سلمان : طييييييب ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,

في بيت أبو فهد ...
فهد كان جالس هو والجوهره ومنى وأمه ...

فهد : إيه يمه ترى مليت وأنا انتظركم كل يوم بكره أبي تسوون الملكه !!
أم فهد : طيب إنت وش معجلك كل شي بوقته ؟
فهد : إنتم وش همكم وش اللي يضر لو رحنا لهم اليوم ..؟؟
أم فهد : شاور أبوك ؟؟
فهد : وانتي يمه راضيه ؟؟
أم فهد : أهم شي عندي سعادتك ياولدي ...
فهد يبوس يدها : ياااارب لا تحرمنا من هالقمر ...

منى : أقول فهود الحين تموت في البنت وشلون بعدين خل الأوضاع مستقره خخخخخخ ...
فهد : عاد تكلمو الصغار ...
منى : ايييش ترى أنا منى ...
فهد : من جد أحسبك سهى خخخخخ ( والتفت على الجوهره وشافها منزله راسها وتفكر وماهي معاهم أبد في هاللحظه تذكر الورقه حقت غاده )
فهد : الجوهره تعالي فيه شي بالسياره معاي لك ...
الجوهره : تستهبل ولا صادق ؟؟
فهد : تعالي أقول ( وقام )
الجوهره : طيب ...

قامت ومنى منقهرره منه وتبي تعرف وش هالشي طلع فهد وفتح السياره وأخذ الورقه وبسرعه حطها في جيبه عشان ما تشوفها ...

فهد : الجوهره صديقتك اللي توفت ...
الجوهره بتحمس : ايه وش فيها ؟؟
فهد : هي كيف علاقتكم كانت ؟
الجوهره : اممم هي على آخر الأيام تغيرنا شوي وليش ؟؟
فهد طلع من جيبه الورقه : هذي الورقه منها ...
الجوهره تمسك الورقه وتقلبها : كيف جبتها ؟؟
فهد : هي وصت لأخوها توصل لك قبل لاتموت ...
الجوهره ما تجرأت تفتحها خايفه يكون فيها شي وما تتحمل قدام فهد ...

,,,,,,,,,,,,,,,,,,,,,,,,,,,,,,,,,,,

عند أبو سلمان
كان جالس في الحوش مع حرمته جت منيره ...
منيره : السلام عليكم ...
ابو سلمان : وعليكم السلام ...
أم سلمان : وش أخبارك ؟؟
منيره : الحمدلله يمه ...
أم سلمان : إلا وين العنود ما شفتها اليوم ؟؟
منيره : اممم بغرفتها يمكن تنزل ما أدري عنها ؟؟

منيره التفت على أبوها وهي حاز بخاطرها ليش ما التفت علي ولا ناظر لي ...
منيره : أبوي أخبارك ؟؟
بدون ما يكلف نفسه يناظر : الحمدلله ...
منيره : تسمح أروح مع سلمان بعد المغرب لأمي ؟؟
أبو سلمان : روحي بس لا تتأخرين ...
منيره * خلاص ماله داعي تعيد نفس الكلام كل مره حفظته *
: مشكور وما تقصر ...

كان الجو حلو والجلسه بس ناقصها أحد يبعد هالرسميه جا سلمان وهو ماسك يد العنود ويستهبل ويضحك معها يوم شافتهم منيره ابتسمت لهم ...
منيره : هلاااا بالقمر ...
العنود : مين القمر أكيد أنا ...
سلمان : بعيد عنك القمر من غيره سلمان القمر ...

أم سلمان : تعالو اجلسو وما أدري متى تعقلون انتو الاثنين ؟
سلمان ( يجلس بجنبها ) : يمه كل عمرنا حنا مؤدبين ولا العنود ؟؟
العنود : ماراح يعرفون قدرنا إلا لما نروح ...
أبو سلمان : لا عاد إلا فراق العنود مانقدر عليه ؟؟
العنود : هييييييه سلمان شفت شلون أبوي يحبني ؟؟
سلمان : لأنك بزره ...
العنود : وينه عمور ؟؟
أم سلمان : ياعمري ولدي تعبان اليوم مسخن شوي وتوه نايم ...
العنود : أقول ماله صوت ؟؟
العنود كانت مره فرحانه ومبسوطه انها بجنب أغلى أخو ...

العنود : وش رايك سلمان تسمعنا صوتك من زمان عنه ؟
سلمان : امممم ماعندي شي جاهز الحين ...
العنود : خلاص أنا بقول أبي الكل يرد معي خلاص حتى انتي يمه ؟؟
أم سلمان : لا تعلين صوتك ينخرعون الجيران ..!!
العنود : إلا قولي بيجون يركضون ؟؟
منيره : يالله عنود حمستينا ...
العنود : احم احم ...
وهي تناظر سلمان ...

ياخويا لا تبعد عني كثير
ما أعرف وش اللي جايب المصير

خلنا نتفاهم خلنا نتصالح
لا ما يمشي العقل الصغير

سلمان ابتسم وكان وده يصيح لكن مسك نفسه ...

كملت :

ياخوي لا تروح عني بعيد
افتح كتابتك وافتح على الوجه الجديد

انت أخوي انت الشقيق
اللذي لك الحب لأجله يزيد

العنود : ردو معاي يالله ...
وجلسو ينشدون معها الأبيات وسلمان نزل راسه ودمعت عيونه وهم يرددون ...

استأذن أبو سلمان وطلع وأم سلمان راحت تشوف عمر وش صار عليه خفت عليه الحراره ولا لاا
العنود : سلمااااان كفااايه دلع ...
سلمان يرفع راسه : إلى الحين زعلانه ؟؟
العنود : لا بس هذي الأبيات كنت دايم أرددها وانت بعيد عني فحبيت أقولها ...
سلمان يبتسم لها بحب : وش رايك إذا حطيت منيره نروح نتمشى شوي ؟؟
منيره : لااا أبي أروح معكم ...
سلمان : لا انتي اجلسي لازم تقطين وجهك معنا في كل روحه ...
منيره : سخيف ...
العنود : لا تزعلها العروس ؟؟
سلمان : بوديك بعد المغرب يعني الساعه 9 وانتي خالصه وقتها نصير طالعين ...
منيره : ادري ماتحلى الطلعه إلا معاي ( وتمشي )
العنود تسحب الجزمه وترميها عليها بس للأسف ماجت عليها ...
سلمان : خليك مكانك لا تحاولين ...

منيره تضحك عليها لأنها انقهرت منها ولا قدرت تسوي شي ...

العنود : مفروض تعاوني ... وينه عبود فاقدته اليوم ؟؟
سلمان : والله ما ادري عنه ما شفته ؟؟
انفتح الباب دخل عبدالله بالسياره ...
سلمان : ماشاء الله وسارق السياره الأخ بدون حتى يشاور ؟؟
عبدالله ينزل وكان لا بسه ثوبه والشماغ على كتفه : أنا رايح سوق الخضره وحضرتك نايم تعال نزل معي بس ...
سلمان : شفتي العنود ان ما عنده أسلوب ؟
العنود : قم ساعده مسيكين يالله وأنا بدخل معاكم ...

,,,,,,,,,,,,,,,,,,,,,,,,,,,,,,,,,,,

الجوهره دخلت غرفتها ورمت نفسها على السرير وهي متردده بفتحها تحس ان مصيرها هنا بهالورقة فتحتها بخوف وقرت المكتوب ...

( الغاليه : الجوهره
أكتب لك هالكلمات وأنا على فراش الموت أحس ان اليوم أو بكره وفاتي ..
أنا كتبت هالورقه خااااصه لك وترى الكلام اللي راح أكتبه ماحد يدري عنه أنا يالجوهره بكل أسف أقول إن شرفي ضاع مع الشباب وكنت أبغى آخذك لهذا الطريق بس انتي في الأخير عرفتي إنك على خطأ وتركتيني حاولت أنتقم بقدر إمكاني وأحاول أجرك بس ماقدرت ؟؟..
بتتسائلين عن السبب اللي خلاني أتوقع وفاتي واحد من الشباب أعطاني حبه وقال تبين ترتاحين من الدنيا خوذيها في وقتها كنت متهوره وبعد ماصارت لي المشكله مع أخوي زاد فيني التهور وأكلتها وكل دقيقه يزيد الألم فيني ؟..
فيه شي أنا ودي أقوله منصور تراه يحبك من قلبه وتغير كثييير بعد ما خليتيه صار بس يهدد ويتوعد فيني ويظن اني أنا السبب وأنا اللي قايله لك اقطعي علاقتك فيه ..
واللي صار في مكه كان من تخطيطه عشان يعرف شي عنك وعن أهلك وبصراحه ما أعرف وش يبي يسوي ..؟؟
يمكن طولت عليك بالحكي بس هذا شي لازم أقوله لك ويصير واضح قدامك الجوهره أنا ضعت وما أبغاك تضيعين أنا أهلي ماعرفو يربوني وتهت انتي أتوقع عندك اخوان أعقل وأب وأم واعين فخليك معاهم ولا تبعدين عنهم مهما صارت الدنيا ...

(( وهذا الكلام أبغاه يبقى سر بيننا على مر السنين ))

والله ندمت بس بعد ايش أبغى منك تسامحيني ولو اني قسيت معك كثييير لكن قلبك أعرفه طيب وبيسامح وطلب أخير أحتااااااج دعاءك لا تنسيني ...

المودعه : غدو ( وكانت موقعه بتوقيع كبير ) ...

الجوهره مع كل حرف تقراه تصيح معقوله هي كانت كذا يعني صداقتها لي بس عشان تجرني لها الطريق الحمدلله وعيت قبل مايصير اللي صار معها ومنصور وش يبي مني لازم يورطني بشي
( حطت يدها على وجهها ) وقالت : ياااااارب ياااارب ارحم غاده برحمتك واغفر لها وابعد عني كل سوء واقبل توبتي يا أرحم الراحمين ...

بس هي دمرتني وبعدتني عن أهلي كله بسبب الحقد اللي بقلبها ...

قررت ما تطلع من الغرفه لأنها ماتبي أحد يلاحظ عليها شي وهي كانت ودها تجلس مع نفسها جلسه تحاسب نفسها فيها وتفكر بحياتها وهي خاااايفه من المستقبل وش يخبي لها ...
,,,,,,,,,,,,,,,,,,,,,,,,,,,,,,,,,,,,,,,,,

منيره استعدت وتلبست وجهزت الهدايا اللي اشترتهم وهي مبسووطه دخلت عليها العنود لابسه عبايتها ...
العنود : يالله اخلصي ترى بروح وأخليك ...
منيره تناظرها باستغراب : وييين رايحه ؟؟
العنود تغمز لها وهي تضحك : سرررررر ( وتطلع وتخليها )
منيره * أكيد متفقه مع سلمان ياحلو ضحكتهم يوم رجعو لبعض وش كثر مرتاااحه *
سحبت عبايتها وشافت شكلها في المرايه قبل ما تطلع
ونزلت ركبت السياره ...

,,,,,,,,,,,,,,,,,,,,,,,,,,,,,,,,,,,

فهد بعد ماشاور أبوه قال نروح لبيت عمك اليوم نتفق على كل شي وهو طبعا ً طاق الزين ومافيه أحلى منه في رزته نزل من غرفته ...
منى : أقول فهد اليوم عرسك وأنا ما أدري ؟؟
فهد يبتسم : بالله حلو ولا لا ؟؟
منى : اممممم تبي الصدق كشخخخخه ...
فهد فرحان : تسلمين يعني بأعجب منيره ؟؟
منى : أها اليوم رايح لهم ...
فهد : ايه بنحدد الملكه وااااو فرحان ...
منى : صدق انك خبل خلك شوي ثقل ...

ويسمع ابوه يناديه : فهههد يالله ...
فهد : يالله الحين يهون ولا أعرس ( ويمشي )
منى : شوي شوي : لا تخرب التشخيصه خخخخخخخ ...

فهد ماكان يدري أن منيره مو في البيت وإلا ما تحمس هالكثر ؟؟

,,,,,,,,,,,,,,,,,,,,,,,,,,,,,,,,,,,

منيره قدام بيت أهلها ...
العنود : يالله مع السلاااامه ...
منيره : لا تطيرين من الفرحه بس ...
العنود : ههههههه أكيد فرحانه مادامي مع الغالي ( وتناظر سلمان )

منيره مشت وطقت الباب وفتح لها خالد ...
منيره : هلا خلودي ...
خالد : هلااااااااا وش هالمفاجأه ماحد قالي ؟؟
منيره : ههههه ( وتدخل )

خالد بعد ما سلم عليها ...
منيره : وش أخباركم وأخبار ماماتي ؟؟
خالد : بخير دامك بخير وش سويتو بمكه ؟؟
منيره : مرره وناسه وشف مابقيت شي إلا جبته لكم ...
خالد : ههه تسلمين يالغاليه وأخبار فهد ؟؟
منيره تبتسم : الحين وش جابه على بالك ههه ماعليه تمام ...
خالد : هههه تصدقين ودي أشوفه ماقد شفته ؟؟
منيره : لاحق بتشوفه وتشبع منه .
دخلت منيره الصاله وكان أبو ناصر موجود وهي مره تستحي منه ...
منيره : خلود هذا عمي ؟
خالد : ايه ادخلي سلمي ...
منيره : مررره استحي ...
خالد : ابوي حبيب بس إنتي حاطه هالحساسيات ؟؟
منيره تبتسم : يالله تعال معي ...
دخل خالد : امي جت منور ...
أم ناصر : ياهلااااا ببنيتي تفضلي ( وتقوم من مكانها )
منيره : اقعدي يمه مايحتاج ( وتضمها وتحبها على راسها )
أم ناصر : وش مسويه ليه الغيبات ماتدرين وش كثر اشتاق لك ؟؟
منيره : وش أسوي يمه توي ألقى فرصه والله مشتااقه لك أكثر ( وغصت بكلامها ودمعت عيونها )

الكون يحلى من حلاك
والنفس يرويها رضاك

يايمه أنا كلي فداك
من لي في هالدنيا سواك

يايمه يا أجمـــــل أمل
وأغلى بشر في دنيتي

ياللي بوجودك تكتمل
أسمى معاني فرحتي

يفز قلبي لنظرتك
ودايم إحساسي معاك

الله عليها لمستك
سبحان من أوجد غلاك

التفتت على عمها وصافحته ...

منيره وهي منزله راسها : وش أخبارك عمي ؟؟
أبو ناصر : الحمدلله وانتي وش أخبارك وأخبار أبوك وأهلك ؟؟
منيره : كلهم بخير يسلمون عليك ...
أبو ناصر : الله يسلمهم من الشر ...
( وقام من مكانه ) : يالله أستأذن عندي بعض الأشغال ...
أم ناصر : ما تشوف شر لا تنسى اللي وصيتك عليه ؟
أبو ناصر : هالحريم ماتنتهي أشغالكم أبشري اللي تبينه حاضر تصدقين اني كنت ناوي أعرس ثانيه بس لا تذكرت الطلبات هونت ؟؟
خالد : قل ما فيه أحلى من أمي ؟
أم ناصر : ايه ولدي الله يخليك ما غيرك فاهمني ؟
أبو ناصر : لا تزعلين وحنا نقدر نستغني عنك أصلا ً ولا وش رايك منيره ؟؟
منيره تبسم : إلا أكيد ...

وطلع أبو ناصر ...
منيره : وين البنات أبي أسلم عليهم ترى ماراح أطول ؟؟
أم ناصر : وليه من زمان ماجلستي عندنا ؟؟ هالمره خليك ...
منيره : اممم لا يمه سلمان مشغول مايقدر ؟
أم ناصر : طيب ناصر يوديك ...
منيره تصرف : إلا وينه ناصر ؟؟
أم ناصر : اليوم ماشفته أكيد عند الشباب خالد رح ناد خواتك أكيد مادرو !!
خالد : طيب حنااااااااااان نوووووووووره ريييييييييييما ...
أم ناصر : كلفت على عمرك أنا أقدر أقول كذا ...
خالد : والله ماني فاضي أرقى لهم بعييد وتعرفين رجولي هالأيام توجعني ...
منيره : لا شكلك صرت شايب قبل لاتعرس ؟
خالد : لا لا لا رجولي زينات أهم شي العرس ...
منيره : يالله أشوف قم ...

خالد على عناده إلا إنه طيب وحبيب قام ينادي خواته اللي جالسين بغرفتهم يتزينون حنان لابسه بنجابي لونه فيروزي وفيه شك نحاسي رهييييب عليها وشعرها فاكته وحاطه كحله داخل العين بس ...
ونوره لابسه جلابيه لونها فوشي وأحمر وطالعه عليها كششخه لأنها بيضاء ومناسبتها كثير
وريما لابسه تنوره وبلوزه ناعمه ...
نوره : تتوقعين منور جت ؟
حنان : ما أعرف انتي خلصتي أنا بنزل ...
نوره : ايه خلاص ...

وهم طالعات إلا يقابلهم خالد ...
خالد : لااااااااا ارجعو الغرفه بسرعه ...
حنان : خير خلود ؟
خالد : قلت ارجعي انتي وياها ...
نوره : بلا حركات مالها داعي وخر ؟
خالد يسوي نفسه معصب : ارجعوووووووووووو ...
نوره وحنان استسلمو ورجعوا ...
حنان جلست على الكرسي : فاضين له حنا وش يبي ؟
نوره : ما تحسين إننامعطينه وجه ؟؟
حنان : إلاوزياده بعد ؟؟

دخل خالد وهو يسمعهم معصبين ويضحك بصوت عالي ...
خالد : الحين انزلو منيره ترى جايه من زمااان ؟
نوره تقوم : سخيف وليش تو تسوي نفسك قوي ؟
خالد : بصراحه كذا أمي مخليتني أطلع وتعبان وآخرتها القاكم مقابليني ...
حنان تضربه على راسه : سخيييييييف ...

وطلعو من الغرفه وهو ميت عليهم من الضحك ...

,,,,,,,,,,,,,,,,,,,,,,,,,,,,,,,,,,,,,,,,,,,,,,,,

في بيت أبو سلمان وتحديدا في المجلس ...
أبو سلمان : الله يحيكم توه ماينور البيت ...
أبو فهد : الله يسلمك بوجودكم وين العيال ما أشوفهم ؟
أبو سلمان : سلمان رايح يودي خواته وعبدالله جايك الحين ؟

هنا فهد انقهر وكان وده تكون في البيت ...
فهد : والله ياعمي جايك اليوم وأقولك ترى خلاص مليت ما عندي صبر ؟
أبو سلمان : هههههههه أبشر انت بس آمر ...
فهد : وش رايك متى تكون الملكه لأني أبي العرس آخر الإجازه ...
أبوفهد : والله مستعجل الولد ...
أبو سلمان : خله ياشيخ والله يستاهل أكثر خلاص وش رايك بعد اسبوعين عشان البنت تجهزحق الملكه والعرس عاد متى ما بغيت نحدده ؟؟
فهد : تسلللم عمي الله لا يحرمني منك ...
أبو سلمان : الله يسلمك (ويصب القهوه) سم تفضل ...
فهد : بس قبل شاورها يمكن ودها شي ثاني .؟؟
أبو سلمان : بنشاورها زي ماتبي مع ان هالبنات فيهم دلع أحيانا يقهر الواحد ؟

دخل عبدالله وسلم عليهم ...
عبدالله : حي الله ولد العم توه ما ينور البيت ؟؟
فهد : الله يسلمك عبود بوجودك والله ...
عبدالله : كاني شميت ريحة ملكه ؟
فهد يسوي نفسه مستحي : وشمك تماام ...
عبدالله : مبرووك مقدما والله الله بأختي ...
فهد : في عيوني بحطها ...
عبدالله : والله ماتلعب ولا بعد طاق الزين ...
فهد : خلاص اسكت الحين خلني ثقل عشان عمي يرفع راسه فيني ...
عبدالله جلس يضحك عليه : عقبالي ...
فهد : توك يا ابن الحلال ...
عبد الله : أصلا وش أبي بالعرس وجعة راس وغثا ...
فهد : قابلني بعد خمس سنوات ...

وجلس فهد يسولف مع عبدالله اللي استغرب منه العاده لا جا ما يعطيه وجه ان سولف مع سلمان وبس لكن الكل قال فهد تغير وانقلب ...

,,,,,,,,,,,,,,,,,,,,,,,,,,,,,,,,,,,

عند منيره في بيت أمها ...
أم ناصر : الله يعافيك على الهدايا الحلوه ...
منيره : ماما تستاهلين كل خير وهذا أقل شي لك ...
( وتطلع هدايا نوره وحنان )
منيره : حبيباتي هذي بمناسبة نجاحكم تستاااهلون أكثر بعد بس هذا اللي قدرت عليه ...
حنان : تسلمييين منورتنا ...
نوره : كلفتي على عمرك وشوله ؟
منيره : لا تقولين هالكلام خواتي ومن لي غيركم ؟؟

وتطلع هدية ريما : وهذي لأحلى ريومه وش رايك ؟
ريما : وااااااااااو دبدوب حلوووو ( وتبوس منيره على خدها ) أحبك والله ...
منيره : وأنا أحبك أكثر أعجبك ؟؟
ريما : كثييير ...

منيره : وينه خالد جايبه له ولناصر ساعات بتعجبهم ؟
حنان : مادري عنه وين راح الحين جايك هذا زي الجني في كل مكان موجود ...
منيره :خخخخخخخ ياحبي له والله هو وناصر ...

حنان :يالله سولفي عن مكه وش سويتي ؟؟
( منيره جلست تسولف لهم عن كل شي بمكه وعن فهد وكيف حبته وكيف انه تغيروماصار فهد الأول العدواني بالعكس صار حبيب وكله طيبه وتحس ان سعادتها بعد الله بين يديه )

,,,,,,,,,,,,,,,,,,,,,,,,,,,,,,,,,,,

سلمان نزل هو والعنود منتزه وجلسو يتمشون ...
سلمان : وش رايك بهاللعبه نركب ؟؟
العنود : شكلها تخوووف ما ادري خايفه ؟
سلمان : لا يهمك اركبي بس دامك معي لاخوف عليك ؟
العنود : امممم يالله مع اني ما ادري عنك !!؟؟

سلمان مسك العنود وركبو اللعبه وهي خايفه ويوم بدت اللعبه تدور العنود جلست تصرخ من قلللب وسلمان مييت عليها من الضحك كان شكلها يضحك كانها طفله صغيره ...
العنود : خلاااااااااااص وقف خلااااااص ...
سلمان : هههههههههههه عادي وسعي صدرك ...
وهي متمسكه بيد سللمان : الله يخليك خلاص بمووووووت ...
سلمان : هههههههههههههههههه ...
العنود : اورييييييييك انت اضحك بس ...

ويوم وقفت اللعبه صح العنود كانت خايفه بس بضحكة أخوها انزاحت همومها وحست ان هذا اليوم يوم ماراح ينسى سلمان هالانسان اللي مهما كشرت الدنيا بوجهه بصبره وتحمله يحاول يسعد خواته ويوقف بجنبهم ...

بعد صلاة العشاء راح سلمان ياخذ اخته بعد ماودعت أهلها وهي ماشيعت طبعا منهم بس وعدتهم بزياره ثانيه أحلى وهي هالمره ماشافت ناصر لأنه مشغول ولاقدر يجي ...

منيره رغم عناد أبوها إلا انها تدافع عنه ولا يوم قالت لأهلها ان أبوها هو اللي يمنعها ...

سلمان كلن مخطط يعشيهم برا جميع بس دق أبوه قال يرجعون البيت ضروري ولانفع فيه المحاولات...

سلمان : معلييش أعوضكم المرات الثانيه ...
منيره : تسلم ماتقصر تعبناك هالمره ...
سلمان : ولو تعبكم راحه لا تترددون في أي شي ...

,,,,,,,,,,,,,,,,,,,,,,,,,,,,,,,,,,,,,,,,,,,,,,

بعد ماغيرت ملابسها عدلت شعرها ورفعت الخصلات من على وجهها فجأه دخلت عليها العنود ...
العنود : منيره ابوي يبغاك بسرعه ...
منيره مستغربه : ابوي ؟؟
العنود : ايه تو قالي خلي منيره تجيني بالغرفه ...
منيره : طيب ان شاء الله ...

بعد ماطلعت منيره فتحت النت العنود اللي من يوم جت من السفر مافتحته ؟؟
دخلت على المنتدى وأول مادخلت شافت رسالتين خاصه من سامي وكان اسمه في المنتدى
( أحبك موت ) ...
كانت متردده كثير وخذت نفس وقالت بفتحها وبمسحها ...
الرساله الأولى كان كاتب فيها ...
أوريك يالعنود صح انك اكتشفتي حقيقتي اني ولد بس ماراح أخليك وتراني لا قلت كلام أنا قده ...

علم غرورك عزتي مالها حد
ولي وجه غير الود مابي تشوفه !
ايام صدك عدها لاخر العد
ونشوف انا والا انت يلقى الحسوفة !

خافت من كلامه واقشعر جسمها وقالت هذا أكيد يوم كان معصب مني وأنا توي أفتحها ...

والرساله الثانيه ...
أعتذر لك وأدري جرحتك وفرقت بين اخوان كانو أحباب ترى أنا اللي قلت لأخوك الحقيقه وماادري رجعتو لبعض ولا لا والله ندمت بس بعد ايش بس اللي حبيت أقوله آآآآآآآآسف وترى خلاص نسيتك ونسيت الدرب اللي كنت ألعب فيها على البنات لأنه ضيااااع ...

انتهى كلامي اللي ارتحت يوم قلته ...

أخوك ...

العنود حست من كلامه انه نادم وعرفت وش السبب اللي خلى سلمان يسامحها بسهوله وكانت تعتقد ان منيره كان لها دخل بان لها الحين من كان ورى الموضوع ...

مسحت الرسالتين وسوت تسجيل خروج للمنتدى وحطت في بالها انه مستحييييييييييل تدخله لأنه يذكرها بغلطتها الكبيره اللي سببت لها مشكله كانت بتوديها في داهيه ...

دخلت الماسنجر وكان ايميل ( سامي) اللي كانت تفرح لا شافته مفتوح كان النيك نيم حقه
( لو قلت ندمـــــــــــــــــــــــــــان طول عمري ماكفت )
علطول سوت له بلوك ...

وكانت سحر موجوده وجلست تسولف معاها شوي وطلعت ما طولت ...

,,,,,,,,,,,,,,,,,,,,,,,,,,,,,,,,,,,,,,,,,,,,,,

بعد مقال أبو سلمان لمنيره الخبر اللي تفاجأت في البدايه منه بس بعد ما قالها ان فهد مصر ومتحمس على الفكره ...
منيره : خلاص اللي تشوفه يبه ...
أبو سلمان : خلاص حاولي تتجهزين للملكه هالأسبوعين وعندك سلمان ولا عبد الله يودونك
منيره : الله يسلمك ما تقصر ...
أبو سلمان : يالله بروح أنام محتاجه شي ؟
منيره : سلامتك ابوي ...

قامت وهي تفكر في هالخبر اللي بغير لو شوي من روتينها اليومي راحت على غرفتها لتنقل الخبر لأختها اللي فرحت ...
العنود : أخيييييرا جانا عرس من زمان مارقصت ؟
منيره : هذا الي همك الرقص الحين من بكره لازم أطلع على السوق أقضي حق الملكه لأن أبوي قال بيكبرها شوي ...
العنود : يعني بتجي سحر ونااسه ؟؟
منيره : لا تنادين غيرها لأني مابي ناس كثير وأنا صديقاتي اللي بيجون القريبات بس وبالزواج بنادي الباقين ...
العنود : اها يعني مين ليلى أول وحده ولمياء وووو مين بعد ...
منيره : سارونه صح انه الحين لها يمكن اسبوع متزوجه ...
العنود : ساره تزوجت ؟؟
منيره : ايه يوم كنا في مكه وودي كنت حاضرته ليلى تقول حلو زواجها مره ...
العنود : عقبال انتي زواجك يطلع أحلى ...
منيره : تحرجيني كذا انتي خلااااص خخخخخ ...

,,,,,,,,,,,,,,,,,,,,,,,,,,,,,,,,,,,,,,,,,,,,,,

أفـز من نومي على الخد عـــبرات
أقــــــــــول لـــدموعي ترى ما نســـــــــاني
من يومها صرت اقضي العمر حسرات
تمرني الذكـــــــــــــــرى تدمـر كــــــــــياني
احتاجلك دون البشر " انـــــت بالذات "
احـــتاجـــلك حاجـــة غريــــق للمــــــــواني

كتب هالأبيات وسكر الدفتر وحطه بجنبه وحاول يتقلب بس موقادر مايدر هل فرحه ولا خايف من المستقبل وش يخبي له ؟؟

فهد كان يحمل بقلبه كل الحب ومستعد يقدم أي شي لأجل منيره وسعادتها ماجاه النوم قام ولبس بدلته وراح لشقته اللي لها شهر يرتبها * هل بيعجبها الأثاث ولا بتقول ماعندك ذوق ؟؟
هنا باقي أحط مرايه وباقي المخدات ما فصلتها تونا يبقى بعض التعديلات والوقت طويل قدامي الله ييسر ويعجل في ذاك اليوم ...

,,,,,,,,,,,,,,,,,,,,,,,,,,,,,,,,

اسبوعين مرو ومنيره كل يوم في سوق تتقضى وتتلبس وطبعا العنود ماقصرت ساعدتها كثيير
منيره اشترت لها فستان لونه فيروزي ناعم وفيه كرستال على الصدر وكان شكلها طالع فيه حلووو
العنود : صدقيني بينهبل فهد عليه ؟
منيره : من جد حلو ولا تجاملين ...؟
العنود : وش أجامل لاصدق لو مو حلو قلت لك رجعيه ...
منيره : طيب أروح للمشغل ولا أخليها تجي ؟
العنود : لا خليها تجي أحسن عشان نتزين كلنا وحنا مرتاحين ...
منيره : يالله ما بقى شي غير يومين أحس كل ماتذكرته ودي أصيح ...
العنود : هذي ملكه والعرس توه يعني يمديك تتعودين عليها كل هالفتره ...
منيره : حتى ولو أنا برووح بعيده عن العالم ولا أحد أعرفها هناك في الجنوب ( وكانت دمعتها في عينها وهي تتكلم )
العنود مسحت على شعرها وحاولت تهديها ماتحملت نظرتها الحزينه والدموع اللي تشوفها من عيون أختها وأكثر وحده بتفقد منيره هي لأنها كانت معها دايم وتشاورها بكل شي وخاصه الأيام الأخيره يعني تعلقت فيها لكن العنود ماتبين عشان ما تضيق صدرها ...

,,,,,,,,,,,,,,,,,,,,,,,,,,,,,,,,,,,,,,,,,,,,,,

العنود كانت جالسه بالصاله لوحدها تدور أي شي تلتهي فيه مسكت الجوال ودقت على منى بس ماترد على جوالها دقت على البيت وسعود تو بيطلع سمعه يدق رد عليه ...
سعود : الو ...
العنود في البدايه تحسبه حمد : السلام عليكم ...
سعود ابتسم واستاااانس : وعليكم السلام هلا مين ؟؟
العنود : أقول لاتسوي نفسك ما تعرفني بلا حركات ...
سعود عاجبه كلامها : ههههه طيب من بغيتي ؟؟
العنود : ابغى منى وش فيها ماترد على الجوال هي وانت دايم كذا ما عمركم رديتو ؟
سعود : وليش عمرك اتصلتي فيني ؟؟
العنود : أقول حمد تذكر يوم عبدالله حارق جوالك وانت حاطه صامت ولا تدري عن العالم ؟؟
سعود * مسكينه تحسبني حمد والله لو تدري * : ههههه أقول لهدرجه أصواتنا تتشابه أنا وحمد ؟
العنود انهبلت وبغت تسكر السماعه : سعوود ؟؟
سعود : هههههه ايه وش أخبارك .؟؟
العنود : الحمدلله آسفه أحسبك حمد ...
سعود : لا عادي وش مسوين وأخبار العروس ؟؟
العنود : ماعليها والله الله يوفق ...
سعود : يالله منيره بتتزوج وعقبالك ...
العنود انحرجت منه وودها يسكت خلاص : الله يسلمك وين منى ؟؟
سعود : أدري اني أطفش بعض الأحيان ...
العنود : لااا بس ...
سعود : لا بس ولاشي خلاص زعلت ...

ويحط السماعه وهو في قلبه بس بيشوف هي تغليه ولا لا ؟؟
سعود : منننننى مننننننى ...
منى : طيب جايه ( جت وهي تبتسم وبعيونها مكر ) هاه جالس تسولف مع الحبيبه ؟
سعود : وش دراك بسم الله ؟؟
منى : هههاي أعرف كل شي ...

( وترفع السماعه )
منى : هلاااااااا بعنادي ...
العنود بصوت حزين : هلا ...
منى : وليه من مزعل الحلوين ؟؟
سعود التفت بسرعه يبي يعرف وش السالفه ؟
العنود : لا مافيني شي ؟
منى : علي الكلام هذا وش قايل لك سعود ؟؟
العنود : لحظه هو عندك الحين ؟؟
منى : لا راح اصلا قولي ...
العنود : ماقصدي شي والله بس هو حساس ...
منى : ههههههههه صراحه أخوي تراه حساس ولازم تراعين مشاعره ولا تجرحينه ...
سعود يبتسم ويأشر لها تسكت ...
العنود : أقول روحي بس لا تقعدين تتفلسفين والله من جد كان شكله زعلان ؟
منى : اممممممم سعود انت زعلان ؟؟؟
العنود : طيييييب اوريك عندك هو ؟
منى : ههههههههههه ايه بس هو يبي يختبرك ؟
العنود : أقول مالكم داعي انتي واخوك ...
سعود سحب السماعه من منى : العنود ...
العنود ماتكلمت ولا ردت عليه ...
سعود : والله أمزح معاك وهذي منى ترى فضيحه ...
العنود منحرجه ولا تتكلم ...
سعود : حشا تكلمي قولي شي طيب بس قولي مع السلامه عشان بطلع ...
العنود تبتسم على كلامه : يالله مع السلامه ...

منى سحبت السماعه : انتي وياه عطيناكم وجه تتغزلون ؟؟
العنود : اسكتي الحين وش قايله ؟
منى : يالله سعود ضف وجهك وكل حركاتك محسوبه ...
العنود : ماتحسين اننا صايرين عبيد عندك من اليوم تنافخين علينا وذالتنا ...
منى : هههههههه وش أخبارك يالدوبا وأخبار عروستكم ؟؟
العنود : والله بخير كلنا ...
منى : عقباااالك ( وبصوت خفيف ) أفرح فيكم انتي واخوي ...
العنود : لا مخططه العمه تعرسين قبلي ان شاء الله ...
منى : خلاص مانختلف في ليله وحد كلنا وش رايك ؟؟؟
العنود : خخخخخخخخخ ...
منى : العنود بسألك سؤال وتجاوبين بصراحه ؟؟
العنود : الله يعين شكل وراك شي اسألي يالله ؟
منى : من تحبين أكثر أ ـ ابتسام ولا سعود ؟
العنود : اقول منى امي تناديني الحين مع السلامه ...
منى : هههههههه لا مافيه جاوبي قبل ...
العنود : منى خوذي منيره تبغاك ...

منيره جلست تسولف مع منى وتسألها عن الجوهره وأخبارها وكيف نفسيتها ؟؟

مابقى إلا يوم على الملكه الكل مرتبش عايلة ابوسلمان من جهه وأبو فهد من الجهه الثانيه وقلبين مشتاقين لبعض وينتظرون اليوم اللي يجمعهم مع الخوف اللي بادي على وجيههم ...

................... انتهى الجزء

الجزء الرابع عشر

قولو لها.. اني بها حيل متيم..

واني لعينها اسهر طول الليالي..

واني فدوة لنظرة تطيب منها كل الاسقام..

والله اني كلي فدوة لنظرة العيوني..

احبها واكتب لها بوريــد الــدم..

اني على درب الهوى بــاقـي..


ليلة الملكة
منيره ما قدرت تنام وودها لو تنام ساعه عشان ترتاح بس مو قادره العنود حست فيها
العنود : منور وش فيك ؟؟
منيره : مااادري ودي أنام بس مو قادره
العنود : عشانك تفكرين
منيره تمسح دموعها : العنود خايفه
العنود : انتي مع أكثر واحد يحبك ويموت فيك فهد والله بيحطك في عيونه
منيره تحس كلام العنود يحط الأمل فيها ويبعدها عن الحزن اللي أرقها

من جهه ثانيه فهد اللي شايل هم وقلقاااان وما خلى أحد من أصدقاءه ما عزمه والكل فرح واستاانس له وخصوصا صديقه ماجد اللي من زمان وهو يقوله اعرس وجا اليوم اللي بيملك فيه

من يوم أشرقت الشمس ومنيره ناطه أصلا هي ما نامت إلا يمكن نص ساعه متقطعه وحطت قناع على بشرتها وجلست يمكن ثلث ساعه وهي ترتب في أغراضها بعدين غسلته شوي وتسمع صوت عند الباب
منيره :سلمااانوه لا تستهبل
سلمان : هههههههه شلون عرفتي ؟؟
منيره : عارفتك من غيرك يسوي هالحركات ؟؟
سلمان : ههههه ياحبيلك بس هاه وش أخبارك العروس ؟؟
منيره : خلاااص ترى استحي
سلمان : تقولين لي ليش من بدري قايمه
منيره : مادري ماجاني النوم
سلمان : أكيد تفكرين في فهودك
منيره تضحك وتحاول تصرف : امممم وانت الحين وش مقومك؟؟
سلمان : شفتي قلبي الرحوم ما أقدر أنام وانتي قايمه
منيره : لا أحسدك على هالقلب صراحه
سلمان : ههههههه لا والله أمس نايم مبكر فشبعان

جلس يضغط بجواله : اممم العنود ماقامت ؟؟
منيره : لاااا هذي إذا نامت تحداك تلمسها
سلمان : خليها ترتاح وراها اليوم شغل ملكة اختها من قدها
منيره : عقبااالكم كلكم
سلمان : آآآآآآآآآآمين الله يسمع منك عاد شوفي البنات اليوم وحده حلوه ولا لا ؟؟
منيره : أنا فاضيه لهم زين لو شفت نفسي
سلمان : بعذرك أنتي بس شوفي فهد زين تلقينه من أمس يتعدل
منيره : هههه خله يتزين أستاهل أنا
سلمان : صدق انك مصدقه عمرك امممم وش رايك اتصل فيه ؟؟
منيره : لا لا يمكن نايم تقومه
سلمان : احلقي عيني نايم تلقينه نفس الحاله عندك

يدق عليها وطبعا فهد جالس بغرفته وأصلا النوم مو مفكر فيه
وسلمان حطه على السبيكر
فهد : هلااااااااااا وغلاااااا بالنسيب
سلمان : ههههه هلا بك معرسنا وش الأخبار ؟
فهد : تمام حبيبنا وانت وش مسوي ؟؟
سلمان : والله بخير عايشين الحين ليش قايم ريح نفسك ياشيخ ؟؟
فهد : أقووول وين النوم عني
سلمان : بالله وش شعورك واليوم راح تملك وتدخل بحياتك انسانه جديده ( وهو جالس يناظر منيره ويضحك وهي متيه من الحيا )
فهد : انت احسن شي يعينوك مقدم في التلفزيون
سلمان : ههههههههه حلوه بس بايخه يالله جاوب
فهد : والله يا أخوي شعور لا يوصف فرحااان منحاس شوي خايف وبعد أزيدك مستحي
سلمان : لااااااا ما أقدر عليك انت واللي عندنا بتتقطعون من الحيا
فهد : الله يقلع شيطانك ههههههه هي عندك
سلمان : ايه نفسك بعد ماجاها النوم الله يهديكم بس
فهد : وش لك موكل فينا انت إلا قل والله اني فاضي
سلمان : ههههههههههههه جبتها والله على الصبح فيه أحد عنده شي إلا قلي مو وسعت صدرك
فهد : صراحه والله تو مليت حتى فكرت أطلع ادور بالسياره من الطفش
سلمان : تحمد ربك عندك ولد عم زيي
فهد : ترى زودتها حبتين ما تحس
سلمان :هههههههه خلاص معرسنا اليوم مفروض تصير مروق ونفسيتك زينه
فهد : لا الحمد لله ابشرك الأوضاع الحين ممتازه

جلس يسولف معاه ومنيره مرررره مستانسه وهي تسمع سواليفه وضحكه مع سلمان هالانسان اللي بيدخل بحياتها وتنتقل معه لمكان بعييده عن اهلها


العصر الساعه 5 كانت الكوفيره توها واصله وطبعا ماراح تزين إلا العنود ومنيره مع ان العنود قالت لمنى والجوهره يجون يتزينون معهم بس هم رفضو مايبون يحرجونهم

الكوفيره : من فيكم العروس ؟؟
منيره : انا
الكوفيره : الف مبروووك ان شاء الله تعيش حياه سعيده
منيره : يسلمو انتي لبنانيه ؟؟
الكوفيره : لا أنا من سوريا
منيره : ياهلا فيك تشرفنا
الكوفيره : من بدها ازينها اول
العنود : انا أبغى تسريحه ناعمه حقت ملكه
الكوفيره : اشوف شعرك ااه مش طويل باعملك تسريحه بتطلع جنان وتنخطبي كمان
العنود : ايوه كذا انا ابغى التسريحات اللي مثل هيك ههههههه
منيره : اثقلي وش مستعجله عليه ؟
العنود : ههه وش عليك يالله ابدي

العنود فستانها لونه ذهبي ناعم وما فيه إلا كرستال بسيط على جهه الوسط بس طالعه فيه تهبل

بعد ماخلصت العنود وسوت لها مكياج راحت العنود تشوف أمها عندها شغل ولا لا وعشان بعد توريها الزين
وهي نازله مع الدرج عبدالله كان قاعد بالصاله في البدايه استحت منه بعدين قالت وش علي منه
عبد الله : من هذي اختي ولا أبعد
العنود( تناظر له بنص عين) : تستهبل
عبد الله : لا من جد متغيره كثييير
العنود : عيب عليك لا تناظر البنات
عبد الله : هههه ضحكتيني تراك تحومين الكبد تحسبين نفسك شي
العنود : مقهوور أصلا تتمنى تلقى حرمه مثلي
عبدالله : لا مرتي بتطلع أحلى منك وش يجيبها لك

العنود تمشي وهي منقهره منه بس ما حاولت تبين وهي مييت من الضحك


دخلت العنود على أمها في المطبخ
أم سلمان : وش هالزيين كله بسم الله ماشاء الله
العنود : وش رايك فيني مامي حلوه أنا ؟
أم سلمان : تهبلييييين
العنود ( تبوس أمها ) : أحببببببك والله تو عبود يتهزا فيني
أم سلمان : ما عليك منه هذا وخري عن الحر لا يخرب مكياجك
العنود : لا من جد يمه ماتبين مساعده
أم سلمان : لا خليك بعيد كل شي جاهز ومنور خلصت ؟
العنود : لا توها باديه لها بالمكياج
أم سلمان : الله يوفقها يارب

منيره في غرفتها بعد ماخلصت منها الكوفيره وتتفرج على شكلها بالمرايه وكانت طالعه جماااال لا يوصف حتى لما خلصت منها الكوفيره قالت لها اقري على نفسك لا تنسين

دخلت عليها بهدوء العنود : منووووووور
منور انهبلت : يالدوووبا روعتيني حتى بيوم الملكه ما تصبرين
العنود : ههههههه وش هالحلاااوه شيييي ماشاء الله
منيره : لا صدق حلو مكياجها ؟؟
العنود : فنااانه ماشاء الله
منيره : جا أحد ؟؟
العنود : لا بس جت عمتي هيا وعمتي نوره وبنتها الكبيره
منيره : اها أهم شي لا جت ليلى خليها تطلع عندي
العنود : بتجي ليلى ونااسه أجل بنفلها ونرقص وسحر أكيد بتنهبل تحب الرقص
منيره : كلكم نفس الطبايع ومنى معكم
العنود : بنخليك ترقصين ما علي منك
منيره : ايه طيب تامرين أمر بس انا يالله بامشي وادخل عشان تبيني أرقص
العنود : يالله بنزل بشوف الضيوف
منيره : لا تنسين ليلى
العنود : طيييييب غثيتنا

منيره تحب ليلى من كل قلبها وتتمنى تفرح هالفرحه وهي بجنبها وتشاركها الكل يحسد هالبنتين على صداقتهم من يوم كانو صغار ولا عمرهم بيوم تخالفو

العنود تحت تستقبل مع أمها وبنات عمها منى والجوهره ومرة عمهم وشوي ووصلو أم منيره وبناتها
العنود : ياهلااااا والله تفضلو تفضلو
وسلمت عليهم ودخلتهم
نوره : وش هالزين عنوده ؟؟
العنود : تسلميين عيونك الحلوين وإلا انا عاديه
حنان : وش أخبار منيره ؟؟
العنود : ما عليها بخير بتشوفونها ان شاء الله

عند الرجال :
سلمان اللي شايل المكان بصوته ويهلي ويرحب وعبدالله داخل يصب القهوه
وشوي ويوصل فهد كان شكله معرس صدق هو من النوع اللي رزته حلوه وطوله
سلمان : هلا بالشيخ هلا تفضل ( وسلم عليه )
فهد : هلابك أكثر
سلمان ( يقرب من أذنه ) تبي الصراحه طالع تهبل
فهد : تسلم من ذوقك
دخل فهد وسلم على الموجودين وهو مرتبك وفي نفس الوقت فرحان وينتظر هالليله من زمان

وصلت ليلى هي وأمها
العنود : هلا وغلا ليلى
ليلى : هلابك أكثر وش أخبارك حلوتنا ؟؟
العنود : تمام والله
ليلى : وش أخبار منيره تصدقين كأن اليوم ملكتي انا
العنود : تراها مره غاثتني اطلعي لها فوق
ليلى : خلاص بسلم واطلع
العنود : منننى مننى
منى : نعم وش عندك ؟؟
العنود : اطلعي مع ليلى فوق عند منيره
منى : خلاص طيب

العنود تنتظر سحر تجي عشان يرقون لمنيره وينزلون معها وهم مفكرين يسوون لها حركه حلوه

دقايق ووصلت سحر نطت العنود لها بالحوش
العنود : اهلييييييييين ( وضمتها )
سحر : هلا بك وش أخبارك اشتقت لك والله
العنود : وانا أكثر ودايم انت آخر من يوصل
سحر : هههههه وش اسوي عاد
العنود : وين أمك ليش ماجت ؟؟
سحر : والله مره تعبانه وقالت لي اعتذر عنها
العنود : ما تشوف شر تقوم بالسلامه
سحر : الحين ليش موقفتني بالحر
العنود : تصدقين نسيت عمري بس انصحك افصخي عبايتك هنا وشوفي المرايا هذي أحسن
سحر : خلاص طيب بس تعالي عدلي لي شعري كانه خربان
العنود : لا تخافين ماراح يخطبونك اليوم هههه
سحر : سخيفه هذي أفكارك أصلا اما انا لا
العنود : ياعيني على اللي تفكيرها راقي
سحر وهي تعدل شعرها : ليش ما عزمتي أ ـ ابتسام ؟؟
العنود : والله فكرتي بعيدن قلت لا الملكه مختصره بالعرس بعزمها
سحر : اها طيب كذا حلو ؟؟
العنود : ايه حلوه تجنننننين
سلمان كان داخل ولاهو شايف أحد : العنود تعالي
( بس فجأه انتبه لوحده بجنبها وبالصدفه صارت عينه بعينها هو أصلا مختب عشان كذا ما عرف يمكن حتى العنود )
العنود : لااااااا لحظه
( نزل عينه ولف على جنب العنود جت تركض له )
سلمان : العنووود من هذي؟؟
العنود : مالك شغل لا تسأل عن البنات
سلمان : والله ما عرفتها أحسبها انتي انتم لا حطيتو المكياج تنقلبون
العنود : حلوه التصريفه ما تمشي علي أي أوامر ؟؟
سلمان : جيبي لي فناجيل زياده
العنود : خلاص طيب ولا تدخل مره ثانيه إلا مستأذن
سلمان : انتم أصلا وش مقعدكم في الحوش
العنود : بعدين أتفاهم معك

سلمان سحر رسخت في بالها لأنه شافها قدامه ومستحيل تنمحي من ذاكرته سحر من النوع اللي نظرته واستدارة وجهها حلو وهي اللي لفتت انتباهه بس قال بعدين بعرفها

طلعت ليلى عند منيره
ليلى : سلااام عروستنا
منيره : ليلى ( وتبتسم لها بكل حب )
ليلى شافت صديقتها ورفيقة عمرها راحت تركض بسرعه وضمتها لصدرها
ليلى : مبروووك غناتي والله يوفقك
منيره : الله يبارك فيك وعقبالك
منيره جتها الصيحه بس ماودها تخرب مكياجها بس هي عارفه لا شافت أمها ماراح تقدر تتحمل وتخرب المكياج وكل شي

طلعت العنود بسرعه لأن الكل يسأل عن منيره لأنها تأخرت
العنود : منووووووور
منيره تناظر لها وباين ان العبره خانقتها : نعم
العنود : لا لا حبيبتي
ليلى : خلاص لا تصيحينها ناقصين

دخلو سحر والجوهره وسلمو عليها وباركو لها ووسعو صدرها شوي وبعدين نزلوها وهي يالله تمشي وكانو مسويين لها زفه صغيره لأن الدرج حقهم حلو والحريم كانو قاعدين في الصاله لان صالتهم كبيره وفخمه وحاطين لها كرسي بالنص

نزلت بارتباك وليلى بجنبها ومن الجنب الثاني العنود ماسكتها وسحر معاها الورد تكب عليها وكانو مشغلين

حد منكم شاف في الدنيا بدر
مقبلن يمشي ومن حوله بشر

من حلاه يزف للناظر ضياه
إن ظهر للناس ولا ماظهر

مشت بكل حيا ومنزله راسها والحريم كلهم يذكرون الله عليها الوحيدين اللي كانت فرحتهم ما تساوي أحد هم أمها وخواتها

بعد مانزلت جو يسلمون عليها والكل بارك لها وجت أمها وهي من يوم دخلت عيونها ما فارقت أمها اللي وجهها يلمع من االدموع

أمها : الله يبارك لك ويوفقك ويسعدك ( قالتها وهي دموعها ما فارقتها )
منيره ( نزلت دمعتها وضمت أمها قدام الكل ونست انها عروس ونست شي اسمه كشخه ومكياج وصارت تصيح والكل يهديها طبعا كلهم يعرفون حياتها كيف انها ما عاشت مع امها
سلمت على حنان ونوره وريما وباركو لها

شوي وجلسو البنات يستبهلون معها عشان تنسى وشغلو المسجل يرقصون وهي صفقت لهم
العنود : عاااشت سحر عاشت
سحر ما تصدق شي اسمه رقص والكل يسأل من بنته هي وليلى لأنهم ما شاء الله طالعات حلوات

أم فهد تأشر على نوره وحنان : هذولي خوات منيره صح ؟
أم سلمان : ايه ما تذكرينهم
أم فهد : إلا بس ناسيه ما شاء الله الله يحفظهم وش رايك نخطب وحده لسعود ؟؟
أم سلمان : توه سعود على العرس
أم فهد : ما عليك الشباب هالوقت يبون العرس مبكر
أم سلمان : لا والله عن نفسي سلمان ما راح أزوجه الحين إلا إذا أصر مره
أم فهد : بيني وبينك سعود ما قد قالي بس بفاتحه يمكن يعجبه هالشي
أم سلمان : والله براحتك بس ترى إذا خذتي وحده منهم ترى ما عليهم جمال وأخلاق وأمهم بعد ما عليها كلام
أم فهد : حمستيني أكثر أجل

دق جوال أم سلمان وكان أبو سلمان يقول خلي منيره تجي عشان توقع على الموافقه

أم سلمان مسكت يدها وهي ترتجف : يالله حبيبتي أبوك يبيك
منيره : ان شاء الله

مشت وحلست بالمجلس ودخل عليها سلمان معاه الكتاب
سلمان : هلا منوره وش هالحيا ؟؟
منيره تكتفي بابتسامه حلوه وبس
سلمان باسها : الف مبرووووك ياقمر وش هالحلاوه ؟
منيره وجهها طلع أحمر : الله يبارك فيك
سلمان : هاه موافقه على شخص اسمه فهد ال.....
منيره تضحك بخفيف
سلمان : لازم نسمع صوتك تكلمي ولا مافيه بنطرده الحين
منيره تعرف أخوها واستهباله لازم يحرجها
أم سلمان : خل البنت موب لمك اليوم هي
سلمان : لا بس حبيت أستهبل معها
منيره : لا عااادري سلمان فرحتي تكتمل فيكم
سلمان : الله يوفقك يارب امسكي ( ويعطيها القلم )
منيره ترتجف يده موب قادره توقع وبعد محاولات وقعت
سلمان يقرب من عندها : منور
منيره : هلا
سلمان : فهد يبي يدخل اليوم عادي
منيره : لا لا مره مرتبكه
سلمان : شوفي بروح الحين وبدق عليك فكري زين تونا
منيره تهز راسها وتسكت

العنود : الف مبرووووووووك (وتضمها )
منيره : الله يبارك فيك عنودتي
العنود : وش شعورك وكيف حسيتي ؟
منيره : فاضيه لأسئلتك
العنود : خخخخ شكل في راسك شي
منيره : تو سلمان يقولي فهد بيدخل اليوم أخليه ولا لا ؟ظ
العنود : بيني وبينك وااافقي
منيره : انتي وش همك كل شي بيطلع فوق راسي
العنود : لا اسمعيني الحين انتي متزينه وكاشخه وشو له ؟؟
منيره : اممم عشان ملكتي
العنود : ياغبيه عشانه هو فخليه يدخل ويطيح اللي في راسه
منيره : والله انك دايم تخربين أفكاري
العنود : بالعكس أصلحها هههههه

دق سلمان بسرعه وقالت له خلاص يدخل منيره حز في خاطرها شي واحد ليه أبوها ما دخل يبارك ؟؟ بعدين قالت يمكن الحين بيدخل إذا دخل فهد

عند سلمان كان جاي لفهد
فهد : هاه وافقت
سلمان يهز راسه : للأسف لا
فهد : لاااااا قهر ليش ما أقنعتها
سلمان : مافيه شي اسمه غصب

فهد احترمه وسكت وشكله ضاق صدره
سلمان : إلا عاد زعلك يالمعرس تعال
فهد : تتكلم من جد يعني موافقه هي
سلمان : ايه وأصلا تقدر تقول لا
فهد : حتى في هذي الأوقات تلعب بأعصابي
سلمان يغمز له : كل هذا شوق ممدي بتمل منها
فهد : مالك دخل لا جت حرمتك نشوف

راح عبد الله مع سلمان عشان يبارك لها

سلمان جا في باله ان أبوه ما دخل وسلم على منيره وهذي النقطه حسااااسه عندها وأكيد بيجي بخاطرها
سلمان : لحظه فهد بس بشوف أبوي

سلمان راح يدوره شافه جالس مع الرجال أشر له وجا
أبو سلمان : وش بغيت صاير شي
سلمان : يبه اممم ما ودك تدخل تسلم على منيره
أبو سلمان بدون نفس : خلاص جاي معك فهد بيدخل ؟؟
سلمان : ايه بيدخل

مشى سلمان ومعاه أبوه والباقين
منيره عدلت لها المكياج العنود وعطرتها طق الباب أول ما رفعت عينها لقت قدامها أبوها اللي مفروض يناظر لها بنظره حنان وحب بس للأسف كأنه مغصوب هي كانت تتوقع الموقف بيلين قلبه بس للأسف ما سوى شي

أبو سلمان : على البركه الله يوفقكم ( وهو يسلم ) وبعدها طلع بسرعه

دخل عبدالله وسلم عليها وحلس يسولف معها شوي وبعدين طلع عاد بعدهم دخل سلمان وفهد اللي ما وسعته الأرض من الفرحه
فهد : السلام عليكم
منيره يوم سمعت صوته وهي جايها خوف وارتباك حتى ما قدرت ترد على السلام
جلس فهد قبالها وهو منزل راسه مرتبك
سلمان : الحين بتقعدون كذا
فهد يبتسم : وش أخبارك منيره ؟؟
منيره بهمس وبصوت خفيف : بخير

فهد ناظر لسلمان وأشر له يطلع ويوم قام منيره بدت نبضات قلبها تزيد
فهد : الحين جلسنا لوحدنا ما بغى يقوم
منيره اكتفت بابتسامه
فهد : على البركه الله يوفقنا
منيره بابتسامه حلوه وهي مو راضيه ترفع راسها : آمين
فهد : وش هالحلاوه كله عشاني ههه
منيره خلاص صارت طماطه من الحيا
فهد : من جد ما توقعتك بهالزين الله يحفظك أهم شي قريتي على نفسك
منيره تهز راسها ( ايه )
فهد : الحين ليش ما تتكلمين بظل أنا اللي أسولف
منيره ما تدري وش تقول
فهد : لا عادي مقطعكم الحيا انتو يالبنات
منيره ما توقعته بهالجراءه تحسبه بيستحي شوب بس هو فالها من أول يوم
فهد : عاد عشاني ارفعي عيونك شوفيني من اليوم وأنا أتزين حرام يضيع الزين ههههه
منيره هالمره ضحكت عليها ورفعت عينها بحيا
فهد : ايه كذا أحس فيه أحد معاي

ماطول معاها جلس شوي وشرب العصير ومشى ووعدها بجيات ثانيه أكثر

منيره يوم راح حست انها خلاص هو كل شي بحياتها يعني مالها إلا هو واللي ريحها هو مره معاملته معاها حلوه ودعت ربها يسعدهم
دخلت عليها العنود : منووور هاه قولي لي بالتفصيل كل شي
منيره : وش دخلك صدق انك ملقوفه
العنود : أنا أختك اللي مالك بهالدنيا سواها و
منيره تقاطعها : خلاص ابشري من عيوني بس مالي خلق أتكلم بعدين بسولف لك
العنود : ماشي مع اني أحس انك تصرفيني على فكره ليلى تسلم عليك كثيييييير
منيره : الله يسلمها ليش ماجت تسلم علي قبل
ليلى : جو أهلها وانتي حضرتك عندك زوجك وقالت سلميني عليها
منيره : الله يسلم قلبها ( وتحط راسها على الكنب )
العنود : وش فيك تعبانه ؟؟
منيره : مرررررررره تعبانه بموت من التعب تعالي شيليني
العنود : والله لو أقدر عادي ما تهونين علي
منيره : والله شغله يبغى لي أغير ملا بسي وأتروش عجزااانه
العنود : لازم تتحملين وتصيرين قويه وبعدين إذا جوك عيال وش بتسوين
منيره : الحين مو فاضيه لفلسفتك اسكتي

هالليله مضت سريعه وكانت بعيون منيره بطيئه ماتدري ليه قبل لا تحط راسها وتنام فتحت جوالها لأنها كانت مقفلته وصلتها رسايل من صديقاتها يباركون لها وآخر رساله استااااانست لما قرتها كانت من فهد كاتب

( اليوم كنتي قمر ماشاء الله وجمالك ما أقدر أوصفه صراحه يالله حبيبتي نوم العوااافي )

ودها ترد له بس مستحيه وجلست تفكر بكلام ترسله وأخيرا كتبت ( تسلم وتصبح على خير )
هي ما ادري كيف طلعت منها هالكلمات وهو يوم قراها استاااانس انها عبرته لو برساله وبعد مافيها مشاعر لكن بعذرها أول الأيام بتكون مستحيه شوي



من بكره الكل نايم ولا عندهم نية يقومون طبعا بعد التعب اللي أمس تعبوه قام أبو سلمان وزوجته يتقهوون
أبو سلمان : ماشاء الله أمس الناس كثيرين ما توقعته كذا
أم سلمان : زين والله حنا الحريم أقل شوي وأحسن أنا ماودي انها تكبر
أبو سلمان : الله يعين عاد العرس باقي لنا
أم سلمان : ماحددتو اليوم ؟؟
أبو سلمان: إلا حددنا بنهاية شهر 7 خلي البنت تتجهز من الحين
أم سلمان : الله يوفقها يارب والله بفقد حسها في البيت وصجتها مع اخوانها
أبو سلمان سكت شوي وقال : بالعكس زواجها خيره لها
أم سلمان : هذي بنتك مفروض ماتنام الليل عشانها الحين هي بتنقل لأبها موب عايشه عندك الله يهديك بس
أبو سلمان : أقول البنت ترى تتدلع أكثر من اللازم وحساسه كثير
أم سلمان : والله لو تدلع كل عمرها مفروض انت تعطيها عيونك يكفي الحياة المشتته اللي عايشتها بينا وبين أهلها
أبو سلمان : أبد هذي موب حجه
أم سلمان : وش قرق العنود عنها قلي ؟
أبو سلمان : أصلا ما فيه مقارنه
أم سلمان : إلا قل المشاكل اللي حصلت مع أمها السبب مع ان البنت وش ذنبها ما حست بالحنان أمها حارمها منها وأبوها ما يعبرها
أبو سلمان : انتي وش عليك ببنت الناس تدافعين عنها ؟؟
هنا أم سلمان انقهررت ليش يقول عنها بنت الناس : منيره بنتي مثل ما العنود بنتي ومابينهم فرق وغلاهم عندي واحد

منيره كانت نازله مع الدرج وسمعت هالكلمه من أم سلمان في نفس الوقت استانست انها عوضتها شي كبييير من اللي فاقدته وضاق صدرها ليش أبوها إلى الحين ما تغير أنا بروح وأسافر بعد كم شهر وهو ولا فيه ذرة احساس علي ..

أبو سلمان كالعاده إذا انفتح معها نفس الموضوع يحب يسكره بسرعه
أبو سلمان : طيب وين الشاهي ترى راسي مره يوجعني

راحت أم سلمان تسوي الشاهي

نزلت منيره وباين انها تعبانه ومانامت زي الناس
منيره : السلام عليكم
وجت حبت راس أبوها : صباح الخير يبه ( وحبت تغير الجو عليه ) ولا آسفه موب صباح الدنيا الظاهر نمنا وما حسينا بأنفسنا ههه

ابتسم أبوها : صباح ولا مسا كله واحد الله يصبحك بالخير
منيره : وش أخبارك أبوي ؟؟
أبوها : الحمدلله

سكتو وهي تحاول تجيب سالفه تغير فيها هالصمت اللي دايم يصير إذا كانت حاضره وأخيرا تكلم وليتها ما تكلم
أبو سلمان : تدرين زواجك بنهاية سبعه
منيره : حددتو ؟؟؟؟؟؟؟؟؟
أبو سلمان : ايه أمس اتفقت أنا ووفهد وهو بيقولك

منيره * وأنا ما لي راي ولا روحي ونفتك منك بس *

خذت نفس وحاولت تكتم اللي بنفسها وهالجرح اللي تعانيه أبوها اللي بيوم من الأيام قد ما تقدر تحاول ترضيه وتسعده وتبعد الأسى عن وجهه جلست تتذكر يوم كانت صغيره وكيف يعاملها مع انها توها ما فهمت بس يوم كبرت عرفت وش قصده يوم من الأيام وهي عمرها يمكن 6 سنوات كانت تلعب بالشارع مع ليلى طبعا صديقة العمر وسلمان كان صغير ويلعب بالسيكل جا أبوها وشافها وهي تلعب قال بكل عصبيه وصرخ بوجهها : الحين ليش طالعه قولي لي كم مره قلت لك الشارع ما تطبينه
هي بكل براءتها قالت : يابابا كل البنات مثلي يلعبون
هو قال بدون تفاهم : بس انتي ما تلعبين بسرعه دخلي سلمان

راحت تجيب سلمان وهو يصرخ ويصيح يبغى يجلس يكمل لعبه مع العيال
أبو سلمان معروف بمعاملته الراقيه مع عياله كلهم وحرصه على تربيتهم إلا هالإنسانه موقف مالها دخل فيه خلاه يظلمها

أم سلمان : منوور
منيره : هلا يمه ماانتبهت ( وتقوم تحبها على راسها ) وش أخبارك اليوم ؟؟
أم سلمان : أنا بخير بشريني عنك
منيره تبتسم لها : الحمدلله عسى ما تعبتي أمس
أم سلمان : لا والله من فرحتي لك ووناستي نسيت كل التعب
منيره بنظره كلها حب : الله لا يحرمني منك ( وتضمها وتصيح وأم سلمان ما تحملت دمعت عيونها وهي تشوف وحده غاليه عليها ربتها من يوم هي صغيره وتعودت عليها وبهاللحظه تنتقل لحياتها الزوجيه فرحه كبيييره ما وسعتها انها قدرت تطلع بنت مثلها )

في بيت أبو فهد
فهد كان قايم مبكر ولا جاه النوم راح ونزل تحت لقى أمه وسعود جالسين دخل وسلم عليهم وصبحهم بالخير وجلس يسولف عن الملكه وباين انه فرحان ومبسوط

لحظه صمت في وقتها كانت أم فهد تفكر أنها تكلم سعود عن خوات منيره وهي مقرره تاخذ نوره له بس موب عارفه ولدها بيتقبل ولا لا ؟؟
أم فهد حبت ما تبدا في الموضوع بسرعه فقالت : سعود وش رايك بالعرس ؟؟
سعود : يمه هذا مايبي له راي أكيد حلو ولا فهد ؟؟
فهد يضحك : اممم والله يعني
سعود : باين يعني قل إلا بتشقق من الوناسه
أم فهد : اسمعني ياولدي بصراحه انت رجال وما عليك كلام وكل بنت تتمناك
سعود : امممم بس ما فكرت الحين بالزواج المهم كملي * هو في باله يقول ياااارب انها العنود يااارب ان أمي حاطه عينها عليها *
أم فهد : أمس شفت خوات منيره وفيه وحده منهم مره ما عليها كلام زين وأخلاق وأدب
سعود * لاااااااااااااا أنا أبي العنود وبس * : لا يمه خليني عن العرس وغثاه
أم فهد : عارفتك تو تمدح العرس والحين لا
سعود بدا يتضايق : خلاص يمه قفلي الموضوع إذا جيت با عرس بقولك من هي البنت اللي أبيها
أم فهد : لا والله وكبرنا ياسعود وانت وش عرفك بالبنات تخطبهم
سعود يحرك رجوله بعصبيه بس هو ماوده يرفع صوته على أمه : طيب يمه انتي تخطبين لي بس مو الحين
أم فهد : طيب قلي من اللي تبيها وأخطبها لك
سعود ساكت ماتكلم
أم فهد : تغبي علي وأنا أمك
سعود : خلاص بقولها بس ما ترفضين
أم فهد : بشوف على حسب البنت
سعود : لا هي البنت ماعليها كلام ولا تقدرين تسبينها هي ( وبعد تردد ) العنود
أم فهد تبتسم : وكل هذا حيا
سعود يلتفت على أمه : وش قلتي الله يخليك وافقي
أم فهد : أنا ما قد فكرت بالعنود تكون لك وأحسها ياولدي ماتناسبك
سعود : ليش يمه وش فيها ؟؟
أم فهد : بس أنا أعرف البنات أكثر منك

سعود سكت وهو مقهور *مااابي إلا هي ولا مابي أعرس حرام إذا حطيت في بالك أحد وهم يحرمونك منه خصوصا انها ما قد سمعت عنها إلا الخير ليش أمي رافضه ؟؟عموما أنا لو يصير اللي يصير ماراح آخذ إلا العنود ولاموب لازم أعرس *

حبايب ذكرهم ما غاب ...سعاده قلبي وياهم
حسافه يازمن غلاب....ندور كيف نلقاهم



منصور
هالانسان يخطط ويبني بعقله أفكار ماحد يدري وش هي وضحيتها الجوهره

كانت جالسه بغرفتها ونوعا ما ناسيه سالفته بعد الملكه اللي صارت أمس وصلتها رساله



الجوهره حرام الحرمان اللي حرمتينياه وسهر الليل أدري انك تبتي
وهذا اللي أعجبني فيك وأنا بعد استحقرت الأيام اللي راحت عشناها بظلام فطلبي الوحيد أن تقبليني إذا خطبتك



انصدمت قعدت تقرا الكلمات عشر مرات وتتذكر كلام غاده * معقوله تاب وحس بغلطته ويبي يتزوجني أوافق لا لا أنا وش أبي به واحد رضى يكلمني أكيد يكلم غيري بس هوتاب ما أدري محتاره كثير باخلي أهلس يسألون عنه وأكيد كانه تايب صدق راح يوصلهم خبر


سعود هالسالفة نكدت عليه وقرر يصارح سلمان فيها
دق على سلمان اللي في سابع نومه ولا فيه أمل يقومه أحد لكن سعود أصر وقومه
سلمان وكله نوم : نعم
سعود : يكفي نوم يالله قم حشى كم ساعه وانت نايم
سلمان : والله ما ني فاضي لك أكلمك بعدين
سعود : لا الله يخليك قم
سلمان : طيب خلاص قايم
سعود صدقه وهو حط الجوال بجنبه وكملها نومه وطبعا غير الجوال وحطه صامت عشان يرتاااااااح من المكالمات والصجه

انتهى الجزء .......................................

الجزء الخامس عشر
والأخـيــــــــــــــــر

الناس في بسمتي بالحيل منخدعـة.. ياكـم وراهـا طفـيت النار بأنفاسـي..
بعض المواجع لها ماتنفع الفزعة.. كلما جرعـت الحـزن رد امتلى كاسـي..
عودت نفسي أسـاير هزة الفجعـة.. وإن دست جمر الزمن ماينحني راسي..


العنود بعد ماقامت نزلت لأمها تسولف معها ويحللون الملكة كلها من جاء ومن ماجاء وهذي حلوه وهذي شينه ومن خرابيط الحريم ونزلت منيره وكملوها سواليف ..

العنود : تصدقين إن سحر مره منجنه عليك تقول طالعه حلوه ..
منيره : والله عيونها الحلوين الله يسلمها يارب حتى هي متغيرة ولا يمه ؟؟
أم سلمان : ماشاء الله الله يحفظها حتى الحريم يسألون من هي أمس ؟
العنود : والله لو تدري بتستانس ..
أم سلمان : العنود حبيبتي روحي شوفي سلمان أذن المغرب وهو توه ما قام ؟؟
العنود : أوريييييك فيه أنا ( وتقوم وهي مستانسه لأنها تحب تتناقر معه )

في بيت منصور ..
منصور جالس يقنع أمه في الجوهره ..
أم منصور : وش دراني عنها هالبنت يمكن تطلع صايعه ضايعه لا لا خلنا منها !!
منصور : الله يخليك يمه أنا أعرف اخوانها زين وناس طيبين انتي روحي وشوفيها بنفسك ..

أخته كانت جالسه تأكل ولدها ..
سلمى : طيب يامنصور الحين وش اللي يخليك تصر بنت بدالها ألف بنت ..
منصور : بس أنا معجبتني هالعايله ..
أم منصور : خلاص تراك أزعجتني من قمنا وانت فوق راسي تحن !!
منصور : خلاص تروحين لهم بكره تجهزي ..
أم منصور : طيب عطني رقمهم ولا شي ..
منصور : خلاص ان شاء الله أنا أكلم أخوها وآخذ الرقم ..

أهله تفاجأو من الخبر هذا لأنه دايم ما يحب طاري العرس بس هالمره ما يدرون وش عنده متحمس بقوووه ومزعجهم ..

نرجع للـ العنود راحت ودخلت على سلمان اللي ماسك المخده وضامها وناااااايم أول شي شغلت اللمبات وهو حس شوي بس ماهمه ..
العنود : سلمان يكفي نوم حشا ..
سلمان مارد عليها ..
العنود : سلماااااااان ترى بحوس لك الغرفه ؟
سلمان : حوسيها اطلعي برا بس ..
العنود : قم مضبطه لك قهوه على كيفك وحلى ..
سلمان تشجع شوي وأصلا هو بدا يشبع نوم ..
العنود : ويالله عندي سوااليف تجننننننن عن الملكه ..
سلمان فتح عيونه وجلس يعرك عيونه : آآآآآآآآه كم الساعه الحين ؟
العنود : الحين بيصلون المغرب الحق على الصلاه ..
سلمان : خلاص اطلعي باتروش وأروح أصلي ..
العنود : يعجبوني المؤدبين أنا ..


منصور كلم فهد وأخذ رقم أمه وعطاه أهله وقالهم يدقون ضروري اليوم عشان يروح لهم
أم منصور دقت الرقم وردت عليها الجوهره ..
أم منصور : السلام عليكم ..
الجوهره : وعليكم السلام ..
أم منصور : وش أخبارك يابنتي ؟؟
الجوهره : بخير الله يسلمك ..
أم منصور : انتي الجوهره ؟؟
الجوهره استغربت من هي هذي الحرمه : ايه ياخاله من معي ؟؟
أم منصور : ماراح تعرفيني عطيني أمك كانها قريبة ..
الجوهره : ان شاء الله ..

هي شكت في الموضوع وحست أنها أمه ولا من هي اللي بتدق وتطلب أمي ولا أعرفها نادت أمها وقالت لها ان وحده تبغاها ..


بعد ما كلمت أم فهد اللي ما أبدت أي اعتراض وقالت الله يحيك اليوم وتعالوا شوفوها ..


سلمان بعد ما خلصوا الصلاه دخل وجلس يسولف مع خواته وأمه ونسى سعود اللي منشغل باله وضايق صدره بقوه ..

سلمان ماقدر ينسى العنود ..
سلمان : العنود ..
العنود : سم آمر وش بغيت ؟
سلمان : كل هذا عشاني ياحظي ..
العنود : اخلص ترى ما راح أجاوب على السؤال ؟
سلمان : لا ا اا خلاص من هي البنت ؟؟
العنود تسوي نفسها غبيه : مين ؟؟ كثيرين البنات صراحه ..
سلمان : تقهريييين يالدوبا ..
العنود ما تحملت جلست تضحك : وانت وش عليك منها تبيها ؟؟
سلمان : لا بس باعرف من أقاربنا ولا لا ؟؟
العنود : لا هذي سحوره ..
سلمان : أهااااااا هذي سحر اللي غاثتنا عليها ..
العنود : ايه وش رايك فيها ( وتغمز له )
سلمان يبتسم ويمد لها الفنجال : صبي القهوه بس ..
العنود : الله يخليك سلمان ودي تاخذها أنا مفكره من زمان بهذي الفكره ..
سلمان : لا وتخططين من وراي ؟
العنود : طيب قلي البنت وش فيها ؟

رن جواله وكان سعود ..
سلمان : أقول اسكتي هذا سعود تلقينه معصب علي ؟
العنود استانست يوم قال انه سعود ..
سلمان : هلا وغلا ..
سعود : هلا بك كيف الحال وش أخبارك ؟؟
سلمان : بخير الله يسلمك وش فيك شكلك تعبان ؟
سعود : مره ونفسيتي زفت !!
سلمان : لا لا أكيد أحد مضايقك قلي وش السالفه ؟؟
سعود : والله ودي أشوفك تجي تمر علي ..
سلمان : خلاص أشوف بعد الصلاه ان شاء الله تامر بشي ؟
سعود : سلامتك ..

بعد ماسكر منه ضاق صدره سلمان عليه وحس ان فيه شي كبير مضايقه ..
العنود : وش فيك سلمان ؟؟
سلمان : آآه بس والله صوته يضيق الصدر ..
العنود : وما قالك ليش ؟؟
سلمان : لا بروح له بعد العشا ان شاء الله ..

في بيت أم فهد ..
الجوهره : ماقالت لك يمه من هو ؟؟
أم فهد : إلا منصور الـ ..........
الجوهره ما تدري ليه خافت ؟ وفي نفس الوقت شي يقولها وافقي عليه ..
أم فهد : شكلهم ناس ما عليهم اليوم بتجي تشوفك وعقبها اخوانك بيسألون عنه ؟
الجوهره : خلاص يمه ان شاء الله متى بتجي ؟
أم فهد : بعد المغرب ..

أم فهد كانت فرحانه ان بنتها انخطبت واللي فرحها زياده ان عايلة منصور معروفه انها غنيه فما بغت تردهم ..

منيره بغرفتها جالسه عند النت تسولف مع وحده إلا يدق جواله ويوم شافته فهد ارتبكت زياده وردت قبل لا ينقطع ..
منيره : الو ..
فهد : هلا بهالصوت ..
منيره بصوت خفيف : هلابك ..
فهد : وش أخبارك ؟؟
منيره : بخير وانت ؟؟
فهد : دامك بخير أنا بألف خيييييير ..
منيره تبتسم وتسكت ..
فهد : مشغوله الحين ؟
منيره : لا ما عندي شي !!
فهد : مارحتي للسوق اليوم..؟؟
منيره : لا باروح بعد المغرب ..
فهد : وش رايك أوديك ؟؟
منيره بدون شعور : لا سلمان بيوديني ..
فهد: وأنا زوجك بعد ويحق لي أوديك ..
منيره : اممم لا بكلف عليك ..
فهد : إلا قولي ماتبيني ؟
منيره : وش دعوا بس انا ترى نشبه في اليوم الواحد أفر الأسواق كلها ..
فهد : هههههه عادي نفر معك وش ورانا ؟
منيره : لا اعرفكم انتم الرجال تكرهون شي اسمه سوق !!
فهد : هههههههه شكلك متعقده من اللي عندك ؟
منيره :لا والله سلمان ما يقصر بس بدون نفس أحيانا ً...

جلس يسولف معها شوي وسكر واستانس إنها جريئه ولا استحت منه وتأقلمت معه وهي بعد كانت مبسوطه انه كذا موب رسمي معها بس حست أنها حسااااس كثير ...

الجوهره كانت منحاسه وحالتها حاله ولبست تنوره لونها بني وبلوزه وردي وبيج وطالعه ناعمه فيها ولا حطت مكياج غير كحل جوا العين بس ...
وهي بغرفتها تفكر بهالقرار ما تدري صح ولا غلط وهي اللي خلاها توافق هو أنها تحب منصور أول وحنت له الحين وخاصه بعد ماتاب دخل مزاجها بقوه ...
دخلت منى ..
منى : أحلى على اللي يستحوون ..
الجوهره : والله ماني فاضيه لك منى ..
منى : عادي وسعي صدرك واستانسي كل البنات ينخطبون ..
الجوهره : أقابلك يوم خطبتك ..
منى : عاد أنا غير هههه ..
الجوهره : ليش وانتي مين ؟؟
منى : تدرين انك نسيتيني ترى أمه جت وأخته ..
الجوهره : احلفي لا لا مابي أنزل استحي ..
منى : وش هالحيا الزايد تعالي ( وتسحبها مع يدها وهي ميته من الحيا )
الجوهره : والله خايفه ..
منى : قولي الأذكار ..
الجوهره : أصلا من الخوف نسيتها ..

دخلت منى ودخلت بعدها الجوهره وهي منزله راسها وسلمت عليهم ..
أم منصور : هلا ببنتي وش أخبارك ؟؟
الجوهره : الحمد لله ..
سلمى : وش أخبارك وأخبار الدراسه ؟؟
الجوهره تبتسم لها : ماشيه تمام ..
واللي أربك الجوهره انهم ماشالو عيونهم عنها وكان شكلهم ملاحظ ..

جلست شوي وطلعت من عندهم لأنها ما قدرت تتحمل راحت لغرفتها وانسدحت على السرير وخذت نفس * معقوله انها بتصير خالتي وهذيك أخت زوجي ما أقدر أتصور ولا اللي مو خاش مزاجي منصور انه بيصر زوجي أحيانا أحس اني غبيه *
منى : بوووووو ..
الجوهره نقزت من على السرير : يالدوبا روعتيني ..
منى : وش قاعده تفكرين فيه ؟؟؟ قولي ..
الجوهره : امممم مالك دخل راحو ولا لا ؟؟
منى : ايه راحو ..
الجوهره : وش قالت ؟؟؟
منى : قالت بنتكم مره شينه وتحوم الكبد ..
الجوهره : كذابه ..!!
منى : لا تصدقين بكيفك ..
الجوهره : تكلمي جد بلا سخافه ..
منى : هههههههههههههه لهدرجه متحمسه خليني أحرق أعصابك شوي !!
الجوهره : سخيفه (وتلف وجهها )
منى : خلاص ولا تزعلين ياحلوه ما قالت إلا انها بترد على أمي ..
الجوهره : أها ..
منى : وش فيك ضاق صدرك ؟
الجوهره : ولا شي خلاص منى اطلعي أبي أرتاح ..
منى : اصلا انا وشو له أقابل خشتك وش أبي فيك ؟

في السياره منصور كان متحمس يبي يعرف رايهم ..
أم منصور : تدري انك ذوق ياولدي ..
منصور استاااانس : أعجبتك يمه ؟
أم منصور : لا ماشاء الله الله يحفظها أبد اليوم بكلم أبوك وتروح بنفسك تخطبها ..
منصور ارتاح نفسيا وحس انه سوى انجاز كبير وحتى ولو أنه ما عرف موافقتها بس ضامنها التفت على أخته : وانتي ياسلمى أعجبتك ؟
سلمى : مره خطيره وباين عليها مربيه زين ..

سكت منصور ولا علق على كلامها ..

سلمان مر على سعود وخذاه لكوفي وجلسوا يسولفون وفي البدايه ما فتح له الموضوع ..
سلمان : ايه صح سعود وش فيك اليوم متضايق ما قلت لي ؟؟
سعود ارتبك شوي : امم خلاص انسى ..
سلمان : لا حبيبي لازم تتكلم والله من جد شكل فيك شي كبير ..
سعود : بقولك بس لا تفهمني غلط ..
سلمان : وش دعوا أنا ولد عمك ووصديقك وفاهمك من عيونك ..
سعود يحرك رجوله وهو منزل راسه ..
سلمان يناظر له وقال فجأه : عادي الحب موب عيب ؟
سعود رفع راسه بسرعه : سلمان وش قصدك ؟؟
سلمان : لا ماقصدي شي بس انت تكلم وقل اللي بقلبك ..
سعود : بصراحه سلمان وبدون مقدمات أقولك أبي العنود يعني أبيها ..
سلمان : هههههههههه أنا قايلك فاهمك والله طيب ليش ما قلتي لي من زمان ؟
سعود : ما حصل وقت ..
سلمان : طيب تبي تعرس الحين انت ؟؟
سعود : لا بس ابي أخطبها وأضمنها وبعدين لا خلصت دراستها بتزوج ..
سلمان : والله انك غالي وطلبك على العين والراس وأنا أقول من الحين أبوي ما راح يرفض وبيني وبينك العنود أتحداها تقول لا ؟
سعود استانس : وش دراك ؟؟
سلمان : انتم الاثنين فاهمكم زيييييين وما تقدرون تخبون علي شي ؟
سعود : الله يخليك ريحتيني بس ( وسكت )
سلمان : بس ايش وش فيك ؟؟
سعود : أمي رافضه ..
سلمان : طيب تقدر تقنعها يمكن عشانك توك صغير على قولتها ..
سعود : لا هي تبي تخطب لي وحده ثانيه وتقول العنود ما تصلح لك ؟
سلمان : لا أبد رح اليوم واجلس معها بهدوء وناقشها وشوف ..
سعود : أمي ما عليك أعرف شلون أقنعها ؟
سلمان : دام نيتك زينه ربي بيوفقك ..
سعود : يعطيك العافيه سلمان والله ماتدري شلون خففت علي ..
سلمان ابتسم له : واجبي يالغالي ..
على الساعه 10 رجع سلمان البيت وكان وده يفاتح أمه أول بالموضوع وبعدين يشوف راي أبوه دخل البيت ولقى أمه جالسه بالصاله تتفرج على التلفزيون وعمر يلعب بلايستيشن ..

سلمان : السلام عليكم يالغاليه ..
أم سلمان : هلا وغلا بولدي وعليكم السلام ..
سلمان يحبها على راسها : وين البنات عنك ؟؟
أم سلمان : والله في السوق هالأيام نادر ما أشوف منيره ..
سلمان : عروس بعذرها ما عندكم يمه قهوه ؟
أم سلمان : إلا فيه أقوم أجيب لك ..
سلمان : لا والله ما تقومين اجلسي أنا بروح ..
راح للمطبخ وفتح الثلاجه لقى فيها حلى وشكولاتات حطها مع القهوه وجابها ..
سلمان : تدرين يمه اني تو مع سعود في الكوفي ..
أم سلمان : وانت ما تشبع من القهوه ؟
سلمان : لا سحر والله شكلها ما أقدر أعيش بدونها ..
أم سلمان : ههههه طالع علي والله ..
سلمان : عبد الله وينه نايم ؟
أم سلمان : لا وش نايم عند كمبيوتره ..
سلمان : أكيد فاتح النت خليه أحسن أنا عندي لك سالفه حلوه ..
أم سلمان : لا تقول اني باعرس ؟
سلمان : ههههههه ياحليلك يايمه لا أنا بقولك بس وش رايك بسعود ولد عمي ؟
أم سلمان : هو يبغى لها سؤال سعود اعتبره ولدي وهو ماعليها كلام أخلاق وأدب الله يحفظه ..
سلمان : طيب يمه اليوم فاتحني سعود بموضوع ..
أم سلمان : موضوع وشو ؟؟
سلمان : لا تستعجلين يمه هو يبغى العنود له ..
أم سلمان : ماراح ألقى أحسن منه للـ العنود بس توها البنت صغيره ..
سلمان : لا بس يبي يخطبها وتصير له ولا خلصت دراستها تتفقون على العرس ..
أم سلمان : أنا من ناحيتي موافقه وبالعكس مستانسه أن واحد مثل ولد عمك بياخذها بس بيروحون عني هالبنات وأبقى لحالي ..
سلمان يضحك : لا تخافين يمه كلها كم سنه وتجيك وحده ويمكن قريب بعد ..
أم سلمان : الله يوفقك ياربي ويجيب اليوم اللي أشوف فيه عيالك يلعبون قدامي ..
سلمان : هههههه بتشوفينهم وتشوفين عيالهم إن شاء الله ..

وهم جالسين يسولفون دخلت منيره ومعها أكياس ووراها العنود ..
العنود : شفتي يمه هالبنت والله تعبتني وهلكتني ..
أم سلمان : وش موديك أنتي اللي تبين ؟
منيره : يالكذابه أقولك خليها تقولين لا لا ..
العنود : ههههههه والله ما خلت شي بالسوق ماشرته ؟

سلمان : تعالي بس تقهوي وفليها ..
العنود رمت عبايتها وجلست مع سلمان ..
سلمان : ولا فكرتي تجيبين لي هديه ولا شي ..
العنود : أصلا هي تعطيني مجال كل الروحه لها ..
سلمان : حرام عليك وانتي ما شريتي شي ؟
العنود : إلا بس اشتريت شنطه وسلسال وتنوره أعجبتني ..
سلمان : كل هذا وما شرت شي صدق انك طماعه ؟؟
العنود : غاير مني أصلا ..
سلمان : وش أغار منه ؟؟ أقول وين منيره ليش ما نزلت لا يكون مزعلتها ؟
العنود : لا وش أزعل أختي حبيبة قلبي أكيد تكلم زوجها ..
سلمان : أها أجل ما فيه نيه تنزل ..

مر أسبوع تقريبا ومنيره مشغوله مع السوق والعنود ما قصرت معها ..
وسلمان فاتح أبوه في السالفه واستانس يوم درى أن سعود يبي العنود ..
منصور مزعج أهله كل يوم يبيهم يروحون وحددو معهم يوم يجونهم فيه ..
الجوهره وافقت مع ترددها الكبير من هذا القرار بس توها ما سمعت موافقه أبوها واخوانها ..
فهد وعايش أحلامه مع منيره وكلن يضرب فيهم المثل في حبهم ووشوقهم لبعض ..

الجوهره بنفس اليوم اللي بيجون فيه منصور وأبوه كانت مرتبكه كثير فتحت الستاره وجلست تنتظرهم يدخلون تبي تشوفه تغير ولا لا ؟؟
شوي ووقفت سيارة كامري ونزل منصور وأبوه وكان شكله حلو بالغتره واللحيه اللي على وجهه محليته هنا الجوهره ارتاحت انه تغير صدق ..

دخل وسلم على أبو فهد وفهد وسعود وحمد وجلس بالمجلس ..
أبو فهد : الله يحيهم نورتو البيت ..
أبو منصور : الله يسلمك وش أخبارك انت وعلومك؟
أبو فهد : بخير الله يسلمك ..
أبو منصور : والله اليوم جايينك وسمعنا عنكم كل خير وتعرف الولد وده يكمل نص دينه وودنا ببنتك الله يحفظها لولدنا ..
أبو فهد : أبد وجهك وجه خير وماتنرد بس نشاور البنت ومالك إلا طيبة الخاطر ..
منصور ارتاح من كلام أبو فهد وجلس يسولف مع فهد لأنه عرفه يوم شافه في مكه وفهد داخل مزاجه مره ويوم طلعوا من عندهم ..

أبو فهد : وش رايك بالرجال يافهد ؟؟
فهد : والله يبه لا تحكم من الحين أنا أقولك انه بمظهره الخارجي وكلامه رجال سنع بس لازم تسأل ؟
سعود : أي يبه لا تستعجل ..
أبو فهد : خلاص أنا بروح أصلي بمسجدهم وأسأل عنه وأنتم أسألو زملائه بالعمل ..
سعود : تامر أمر يبه ..

سعود ماكانت هذي السالفه مأثره عليه كثر العنود اللي خذت قلبه وراح يشوف أمه ويفتح معها الموضوع مره ثانيه ..

منيره منسدحه على السرير وتسولف مع فهد .
فهد : حرام عليك والله مشتاق لك ..
منيره صارت طماطه : وانا أكثر ..
فهد حب يحرجها زياده : وين الصوت اختفى ؟
منيره تضحك عليه ..
فهد : ياحلوها هالضحكه خلاص وش رايك أمر عليك اليوم ؟
منيره : الله يحييك ..


جلس يسولف معها شوي وسكر وهي راحت قالت للخدامه تجهز القهوه وطلبت لها صحن حلى وفطاير ..

ورجعت لغرفتها تطلع لها لبس ومحتاره وش تلبس وشعرها وش تسوي فيه ؟؟
فتحت دالوبها وشافت بلوزه حمرا حلوه وأنيقه وهم دايم يقولون لها الأحمر عليك حلو فقررت تلبسها مع تنوره لونها زيتي وشعرها مسكته بشباصه فيه كرستال أحمر مع الاكسسوار طالعه حلوه وحطت مكياج خفيف مره دخلت عليها العنود ...
العنود : وش هالزين ؟؟
منيره : من جد حلو ولا أغيره ؟
العنود : تستهبلين وين بتلقين أحسن من هذا ؟؟
منيره : بيجي فهد ..
العنود : قولي والله ولهدرجه فرحانه ؟
منيره تضحك : كثييير ياحبي له ..
العنود : احم احم وصايره تتغزل إلا أقول ودي أسألك ؟
منيره : وشو ؟
العنود : وش اللي خلاك تحبينه ؟
منيره : سؤال للأسف ماله جواب ؟
العنود : سخيفه ..
منيره : ههههههههه لا والله الصراحه فهد تغير تماما وحتى سلمان لاحظ عليه ويمكن كانت فتره كان شايف فيها عمره وبعدين فكر بعقله ...
العنود : أها حتى الجوهره كثير متغيره ..
منيره : إلا على طاري الجوهره تدرين سمعت انها انخطبت ؟
العنود : ياحليلها والله ..
منيره : بس اسكتي لا تقولين لأحد الين ينتشر الخبر ...
العنود : تعرفين من هو ؟
منيره : لا والله ما قالي سلمان حتى هو ما يعرفه بس سعود قاله ...
العنود : عقبالنا أنا ومنى ..
منيره : أول مره أشوف بنت ما تستحي من طاري العرس ...
العنود : شوفي جوالك يدق تلقينه جاء ...
منيره تركض وترد : هلا ..
فهد: هلا بك كيف الحال ؟؟
منيره : الحمد لله بخير أفتح الباب ...
فهد : ياليت والله ..

منيره نزلت وهي مرتبكه بقوه فتحت له الباب ودخل ...
فهد : السلام عليكم ...
منيره منزله راسها : وعليكم السلام ...
مسك مع يدها عشان يبعد هالحيا ودخل معها للمجلس ...
فهد : وش أخبارك ياحلوه ؟
منيره : الحمد لله ...
فهد : الحين ما تقولين لي ليش ما ترفعين راسك ؟؟
منيره تبتسم وترفع راسها شوي ..
فهد : ايه صح نسيت هذي لك ..

وأعطاها الهديه كان عطر وطقم حلو مره ومغلفه بتغليف روعه ...

منيره : ما يحتاج ليش مكلف على نفسك ؟
فهد : أبد ما تكلفت ولا شي بالعكس تستاهلين أكثر ...
منيره : مشكو ر الله يعطيك العافيه ...
فهد : العفو حبيبتي ...

منيره قامت تجيب القهوه وهو مانزل عينه عنها يراقبها في كل حركاتها ...


ماطول عندها كثير جلس يسولف معها وهي استانست صارت تاخذ وتعطي معاه وتجرأت أكثر ...

سعود وفهد بدورهم سألو عن منصور بكل مكان الكل قال عنه أنه متغير وصاير دايم في المسجد ومع أبوه ومعاملته وأخلاقه راقيه ...

وأبو فهد سأل الإمام عنه ومدحه كثير وخاصه خلال الشهر اللي راح هذا الشي خلى الكل يطمنون أنه ما عليه كلام وأهله معروفين انهم ناس فيهم دين ...

أبو فهد دخل في بيته بعد صلاة المغرب وكانو متجمعين كلهم يسولفون وسعود كان بقوه ضايق صدره لأن أمه رافضه تماما العنود وشكله بينهم ملاحظ ...
أبو فهد : السلام عليكم ..
الكل : وعليكم السلام ..
أبو فهد : ماشاء الله اليوم كلكم حاضرين ..
حمد : ايه يبه اشتقنا للجمعه مع بعض ..
أبو فهد يلتفت على سعود : وش فيك عسى ماشر ؟؟
سعود : لا ابد مصدع شوي عن اذنكم بطلع لغرفتي ( وقام من مكانه )
أم فهد : سعود تعال اجلس ..
سعود : لا يمه شوي وبنزل ..
أبو فهد : وش فيه الولد ؟؟
أم فهد تسوي نفسها ما تدري ك والله مادري عنه ؟؟

أبو فهد : تعالي حبيبتي الجوهره ..
الجوهره جايه وهي تبتسم : هلا يبه ..
أبو فهد : يمكن انتي داريه أن فيه واحد جاي يخطبك ..

الجوهره انحرجت وسكتت ..


أبو فهد : يابنتي انتي كبرتي وكل بنت مصيرها الزواج وأنا جاي آخذ رايك وأحب أقولك ترى اخوانك سألو عنه ولكل قال مدحه لنا ..

الجوهره بعد صمت : اللي تشوفه يبه ..
أبو فهد : لا تستعجلين استخيري كم مره عشان نرد عليهم لأنهم شكلهم مستعجلين ويبون يملكون ..

هي صار وجهها طماطه وطلعت لغرفتها بسرعه عشان تاخذ نفس وأبوها فهم من جلسته معها أنها موافقه ولا عندها مانع ..

طلع سعود لغرفته وهو ضايق صدره والدنيا متسكره عنده فتح دفتره وجلس يشخط بالقلم وجا على باله هالأبيات وكتبها ..

مشتاق له ياناس مقدر أخليه..
الله يرحم حالتي في
بــعــا ا ا ا ده..!
*عيني* و *قلبي*
معها الروح تــغليــه..
حبــه بــقلبي فــارش له
وســا ا ا ا ده..!
لامـــر طيـــفه في خيـــالي وطـــاريه..
شفت الحـــياه أجـــــمل وزادت
ســعا ا ا ا ده..!
.......

وجلس يتأملها ويقراها كم مره وماحس إلا دموعه على خده * حرام يحرموني منها حبيتها وتوني أدري أن الحب عذاب ليش ما تفهمني أنا اللي قاهرني العنود نفس شعوري ولا لا ؟؟ آه بس *
رمى القلم جنب الدفتر وسمع أحد يطق الباب ..
سعود بصوت تعبان : مين ؟؟
أم فهد : أنا سعود افتح ..
سعود بدون نفس فتح الباب ..
أم فهد : سعود حبيبي وش فيك ؟؟
سعود : سلامتك يمه ما فيني شي ..
أم فهد تبتسم : والله ما تهون علي خلاص العنود لك ..
سعود فرح من داخله : بس يمه انتي مو راضيه وأهم شي عندي رضاك ..
أم فهد : دام هالكلام جا منك فوالله ياسعود اني راضيه عنك وراضيه بالعنود لك ..
سعود ابتسم من قلبه : والله يمه ..
أم فهد : ايه حبيب قلبي وأهم مافي الدنيا سعادتكم ياعيالي ..
سعود ضمها بقوه : والله أحبك يا أغلى أم ..
أم فهد : والله ما دريت أنك متعلق فيها لهدرجه ..
سعود ابتسم : يمه هذي اللي اختارها قلبي ..
أم فهد : الله يوفقك يارب ما عليك أنا بكلم أم سلمان تجينا اليوم هي والبنات وأفتح معها الموضوع ..


سعود كانت فرحته كبيره وقرر ما يطلع من البيت عشانها بتجي وقال لسلمان يجي هو وعبدالله و يسهرون معاهم في البيت ..


سلمان خذا أهله وراح لبيت عمه وسهرو عندهم كان سعود فرحان وقال لسلمان أن أمه وافقت وفرح له سلمان من قلبه ووعده يكلم العنود ويقولها ..

بعد مارجعو في الليل الساعة 2 وسلمان كان حاط في باله أنه يكلم العنود عشان سعود اللي أقلقه
وقبل لاتدخل ..
سلمان : العنود ..
العنود : هلا ..
سلمان : بتنامين ؟؟
العنود : لا ليش ؟؟
سلمان : امممم أبغاك بغرفتي تعالي ..
العنود : من عيوني أبشر ..

هي حست أن السالفه فيها سعود لأن منى ما قصرت قالت لها أنه ناوي يخطبها وهي بقلبها فرحاااانه ومبسوطه أن سعود مهتم فيها هالكثر بعد ما بدلت ملابسها راحت لغرفة سلمان ..
سلمان : هلا وغلا منورين ..
العنود : هلا بك ..
سلمان : تعالي اجلسي يووووه ما طلبنا لك عصير ولا شي ..
العنود : مسوي فيها ضيافه الحين ..
سلمان : إلا عندي صح تذكرت ( وفتح الثلاجه اللي بغرفته وطلع لها عصير بارد )
العنود : الللللللللله بارد تسلم سلوم ..
سلمان : احم احم أنا جايبك عشان سالفه ..
العنود : ايه صح وشي ؟؟ >>> تسوي نفسها ماتدري ..
سلمان : لحظه أن مابي حركات حيا !!
العنود تبتسم : وش السالفه ؟؟
سلمان : سعود قالي اليوم كلام وأنا شاورت أمي وأبوي وموافقين بس نحتاج موافقتك ..

هي ساكته ومنحرجه في نفس الوقت ..
سلمان : وش رايك وأنا عارف من عيونك انك تقولين ايه ؟؟

العنود تضحك عليه ..

سلمان : ماجبتك عشان تضحكين ..
العنود : اللي تشوفونه أنتم أهلي وعارفين مصلحتي ..
سلمان : ياعيني على الكلام المؤدب ..
العنود : خلاص بلا إحراجات ..
سلمان : والله ما يليق عليك الحيا وسعي صدرك ..
العنود : سلمااااااااان من وين لك هذي الصوره ؟؟
سلمان : هههه كنت بوريك اياها بس شفتيها ماشاء الله ..


( كانت الصوره لسعود وسلمان والعنود فوق سعود ما سكته مع راسه وعمرها تقريبا 3 سنوات )

العنود : ههههههههه تضحك قسم بالله ..
سلمان : شفتي الحب من يوم كنتو صغار كانكم دارين أنكم بتاخذون بعض ..
العنود تحاول تصرف : وأنت عليك شكل هههههه ..
سلمان : والله أزين من خشتك خليها بوريها سعود ..
العنود : لاااااااا والله بياخذها وأنا أبيها ..
سلمان : خلاص انتي وياه واحد ولا ( ويغمز لها )

العنود تبتسم وتنزل راسها توها ما تعودت على هذا الكلام ..

مرت الأيام سريعه على الكل وبطيئه على منيرة وفهد في يوم الخميس اللي قبل زواجهم كان يوم ملكة الجوهره اللي كانت ما توسعها الفرحه بأنها بتاخذ منصور وهو جاي وابتسامته ما فارقته بس ماحد يدري وش وراها ؟؟
الجوهره : منى روحي شوفي أمي تنادي ..
منى : طيب بس انتي استعجلي ..
الجوهره : خلاص بالبس فستاني وبس خلصت ..

لبست فستانها وكان لونه فوشي وطالعه فيه تجنن مع تسريحتها الناعمه ومكياجها اللي كان روعه عليها ..

منى دخلت عليها وشافتها قدام المرايه : ما شبعتي من شكلك يالله الحريم ينتظرونك تنزلين ..
الجوهره : طيب جايه ..

رشت العطر على ملابسها وشعرها ونزلت مع منى والعنود وسلمت على الحريم وكان اللي نا قصهم بس منيره اللي ماجت عشان زواجها بعد أسبوع ...

جلسو البنات يستهبلون ويرقصون الين نادتها أمها عشان منصور بيدخل بعد ما توقع على موافقتها ..

الجوهره : يمه بيدخل الحين ..
أمها : ايه حبيبتي لا تخافين أبوك بيدخل وإخوانك معه ..

دخل منصور مع أبوها وأخوانها اللي جلسو يستهبلون عشان يعطون جو للمكان ..
حمد : يالله ما تحسون إن ودّهم يقولون ضفو وجيهكم زودوتها ؟؟
منصور : لا عادي ..
سعود : يالله نستأذن ..

بعد ما طلعو كانت منزله راسها ولا عنده نيه ترفع راسها وهو ظل ساكت ولا تكلم الشي اللي خلاها تنقهر منه ..
منصور : طيب عطيني وجه ؟
هي كانت منقهره من هالكلمه حتى مبروك ما قالها ...
منصور : ممكن ترفعين راسك ؟
رفعت راسها موب عشانه عشان تعرف وش يبي منها شافته نفسه هو منصور اللي تعرفه بس شي غيره هي اللحيه بس ...
كانت نظرته لها قاسية ...
منصور : تدرين الجوهره ليش أخذتك ؟
الجوهره حست بخوف كبير منه وغصب عليها قالت : وش ناوي عليه ؟؟
منصور : بس بقلبي أعذبك ..
الجوهره : منصور ..
منصور : لا تنطقين باسمي انتي وصديقتك الخايسه ..
الجوهره : ادع لها بالرحمه الحين ولا تتكلم فيها ..
منصور : ما خربني إلا إنتم وأنا حبيت بس أنتقم !!
الجوهره ماقدرت تتحمل وقعدت تصيح :تنتقم بهالطريقه من الحين مابيك ؟؟
منصور : وأنا خذيت رايك توك موب الحين أطلقك ..
الجوهره : لي أبو وإخوان وإنت ضف وجهك ..
منصور : لا يطول لسانك وأنا بعد عندي كلام أقدر أقوله لهم ..

هي سكتت لأنها نقطة ضعفها هالشي ..
منصور : يالله بمشي ولو أحد يدري عن أي شي ياويلك مني ؟؟

هي ودها تصارخ ودها تصيح بأعلى صوتها كانت راسمه أحلامها معه وآخرتها يقابلها بهالوحشيه ..

دخل عليها فهد وهي تصيح بقوه ..
فهد : وش فيك ؟؟
الجوهره وهي تشهق : الله يخليك ما أبيه ما أبيه ..
فهد : فهميني وش السالفه وش اللي خلاك تقولين هالكلام ؟
الجوهره : حرام عليكم ظلمتوني فهد ليش تمدحونه لي ليييييييش ؟؟
فهد : طيب فهميني السالفه بهدوء قبل لاتكبر ..
الجوهره : هو الخايس بس بيتزوجني انتقام ..
فهد ما قدر يفهم منها شي : الجوهره انتي تتكلمين من عقلك خلاص اهدي الحين وبعدين تكلمي ..

( أخذ كاس وصب لها مويه وهدت شوي وهي موب قادره تنسى صورته قدامها )

بعد ماهدت فهمته السالفه كلها ...
فهد عصب : حقييييييير أوريك فيه وأنتي وش دخلك بصديقتك ؟؟
الجوهره : شفت أنا صرت الضحيه وهو مهددني أني إذا قلت لكم بيصير لي شي ..
فهد : أبد لا تخافين أنا راح أكلم أبوي في الموضوع الحين وأروح لبيته وأخليه يعرف من هو فهد ؟

دخل سعود وهو مستغرب من صوت فهد ..
سعود : وش فيك صوتك واصل عندنا ؟؟
فهد : والله انه مايسوى هاللي اسمه منصور ..
سعود : وش فيك قلبت على الرجال ؟
فهد : إلا هو اللي لاعب علينا وعلى أختي ..
سعود : فهمني وش السالفه ؟؟
فهد : أقول أبوي عنده أحد ؟
سعود : لا توه عمي طلع ..
فهد يلتفت على الجوهره : خلاص انتي ارتاحي وبكره ورقة الطلاق عندك رضى ولا مارضى ؟
سعود : طلاق ؟؟
فهد : تعال بس ..

دخل فهد وهو معصب وشرح لأبوه اللي انهار من كلامه وكان بيقوم يروح لبيته الحين ..
فهد : يبه ما يستاهل تتعنى وتروح له خلك بس أنا بدالك ..
أبو فهد : بنتي موب لعبه ؟

البيت كله توتر وأمها درت ومنى وهي سكرت عليها الغرفه ولارضت تطلع أبد مع انهم حاولو فيها بس هي أصلا ما ترد عليهم ...


فهد انشغل مع الجوهره ونسى منيره بعض الشي وهي قلقانه عليه وهو ما وده أحد يدري بالسبب غير إنه قال إنهم ما توافقو مع بعض في البداية صار الكل يحكي من جهة وتعرفون الناس ما يخلون أحد في حاله ...!!

مر الأسبوع بطيء وكله حزن من هالخبر والجوهره اللي خفف عليها يوم شافت ورقة الطلاق دليل انها افتكت منه خلاص وفهد ماخلاه بحاله وأم منصور حاولت تعتذر منه وتفشلت من ولدها وسواياه الشينه وهو ما همها وحتى أنه في البدايه مارضى يطلق بس خوفه من فهد خلاه يوافق ...


ما زال الجرح بقلبها وحتى فكرت ما تحضر زواج منيره بس منى عيت عليها وأصرت عليها وأقنعتها تروح عشان تبين للكل انه ما همها واقتنعت رغم انها فيها ضيقة صدر فضيعه ..

ليلة العرس ..
أبو سلمان الوحيد اللي ما قدر ينام حاس بشي ما سك على قلبه ويأنبه ونفس الشي فراق منيره ما هان عليه في هذي اللحظه وده يروح يضمها ويقول أنا آسف يابنتي بس موب قادر كرامته منعته
طلع من الغرفه عشان يرفه عن نفسه شوي وبالصدفه لقى منيره في الصاله جالسه ...
أبو سلمان : ما نمتي ؟
منيره : لا يبه ما جاني النوم ؟
أبو سلمان جلس بجنبها وهي استغربت تصرف أبوها ..
أبو سلمان : منيره لا أوصيك يابنتي بزوجك والصبر ترى الحياة تحتاج مجاهده ...
منيره : ان شاء الله يبه ..
أبو سلمان خانقته العبره بس جمع كل قوته وقال : سامحيني !!
منيره حست ان أبوها ندم صحيح انها تعذبت منه بس هالكلمه منه واعترافه لها بأنه مخطي تسوى عندها الدنيا ...
أبو سلمان : أدري أخطيت بحقك بس كانت وساوس شيطان !!!
منيره : لا خلاص يبه انسى انت أبوي قبل كل شي ومستحيل آخذ بخاطري عليك ..
أبو سلمان : من قلبك هالكلام ؟
منيره تمسك يد أبوها وتبوسها : ايه يبه من قلبي والله اني أحبك ولا فكرت بيوم أني أشيل بخاطري عليك ...

كان هالموقف اللي ما توقعته منيره أبد من أبوها وفي هذي اللحظه ...

أبو سلمان توه يعرف طيبتها وقيمتها ولو وحده غيرها كان أخذت حقها منه لأن اللي سواه موب شي بسيط ...


يوم العرس وتحديدا ً بالقصر ..

منيره كانت بالفستان الأبيض والشرعة والمسكة اللي بيدها روعه مشت على صوت الموال ..

أمها اللي من يوم شفت وهي جهها يلمع من الدموع والعنود صاحت الين تقطع قلبها وهي تشوف أختها تروح عنها ..

جلست على الكرسي وبعدين جو الحريم يسلمون عليها ويباركون لها ..

جابت الكاميرا وصورت معها ليلي والعنود و بنات عمها وطبعا حنان ونوره اللي كانو فرحانين لها ..

بعدها نزلت لغرفتها ودخل فهد مع اخوانها وأبوها هي ماقدرت تتحمل دموع أبوها يوم سلم عليها وسلمان اللي كان ماسك نفسه وما وده يضيق صدرها أكثر ..
أبو سلمان : الله الله بنتي ..
فهد يبتسم لها بحب ويمسك يدها : أبد لا تخاف في عيوني بحطها ..

منيره حست بالأمان وهي بجنب فهد بس اللي قطع قلبها أنها توها تحس بشي واحد وهو ( انها بتفارقهم لديرة ثانية )
فهد قرب من اذنها : والله تجنننننننننين بتخليني انهبل اليوم ...
ابتسمت ابتسامه حلوه ونزلت راسها ..

وقف جنبها سلمان وأبوها وعبدالله من الطرف الثاني وخذو لهم صوره حلوه مع بعض ...

وكانت أحلى صوره خذتها بين أبوها وأخوانها الغالين وزوجها ...

ودعت أهلها بدموعها وحزنها الكبير هالبيت اللي فيه تربت اليوم بتبعد عنه بعيد ولاراح تسكن بقربه
فيه ذكرياتها وفيه أحلى مواقفها مع اخوانها وأغلى صديقة ليلى كان موقف صعب عليها
حست بقلبها يضعف وهي تركب الطياره وشنطتها بيدها تودع أغلى أحبابها
ودعتهم وهم يبكون وخاصه العنود اللي ضيقت صدرها بقوه ...

مشت وهي تسحب رجولها ولا ودها لكن كلما رفعت عيونها وشافت عيون فهد حست بألأمل وأنها بخير دامها معه ..

( منيره )

خذت الكل بحبها عاشت بطيبه وعاشت بسلام والكل شهد لها وعرفوا غلاهم بعد رحيلها ..
سلمان من جد حس بفراغ بداخله ..
العنود كان الكل يحسدها على منيره اللي كانت تفضفض لها كل اللي بقلبها والحين افتقدتها بقوه ..
أم سلمان جلست أيام مو متقبله الوضع بدونها لأنها دايما ً تعطيها جو في البيت ..
أمها كان كل قلبها مع بنتها وتسأل عليها كل فتره وطلبت من فهد انه يعجل بزياره قريبه ..

ياكلمــة اغلى مــن الناس كلـــهم ... ياشمــس بقلي بعـــيد زوالها
يفرحــة تملي لى الكـــون بكملــه ... ياشجــرة تكبر ويكبـــر ظلالها
تضحــك لي الدنيا لي شفت زولها ... مثل السما تزهى بطلة هلالها
والبعـد عنها ياهل العــرف مقــدره.. لاشــك ناري زايــده بشتــعالها
ماعيــش ببــلاد ولا هـي برضـها ... ولا بي عيوني كان ما هي قبالها
ارض تــدوس امي بالاقدام رملــها ...اموت فيها وانــدفن بـــــــرمالها


(الجوهره)

بدت تنسى منصور وتعيش حياتها خصوصا بعد ما بدت الدراسه ..

( والعنود وسعود )

ينتظرون اللحظه اللي تجمعهم سوى لأن حبهم واضح في عيونهم ..

(سلمان)

ما فكر بالزواج إلا بعد ما يخلص من الجامعه وكان حاط سحر في باله ولا هو قادر ينساها بس هو شخصيته ما يبين ..

(منصور)

أبوه طرده من البيت ولا رضى يكلمها بعد اللي سواه ونزل راسه قدام الناس ..

( منى )

براءتها الكل يقراها في عيونها وعايشه حياتها بضحكتها ..

(حمد وعبد الله)

صارو ما يستغنون عن بعض وبدو يليقون على بعض بالمره ..


.................................................. .... انتهت الروايته