الشاعر/ سلطان (http://www.dlooah.com/vb/showthread.php?t=9145)الهاجري,,,

شاعر من قبيلة بني هاجر من عبيده من قحطان ,,,

يتميز بأنه شاعر مبدع في مجال النظم وفي مجال المحاوره يأخذك بقصائده وابداعاته الى روعة الشعر وتهيم بين سطوره وخياله,,,

اليكم بعض قصائده اتمنى ان تحوز على اعجابكم:

يالحـون العـود والا يامجاريـر iiالربابـه
إختلف معنى القصيد وضيّـع الفنـان iiفنـه

حلم مدري علم مدري نوض برقٍ في سحابه
أثرها طلّة جبينـه يـوم زاح الليـل iiمنّـه

أقبلت مثل الفرس لا سمعت طبول iiالحرابـه
مقتفيهـا ليـلٍ أسـود والنجـوم iiيفرّّّّّّّّّّّّّّّّّّّّّّّّّّقنّـه

النهار يمـر ويعـدّي وليلـه فـي iiعقابـه
النحـر صبـحٍ تجلّـى والجدايـل iiكنّهنّـه

مخملٍ يلتفّ فـوق الجيـد الأتلـع بالنيابـه
عن سلاسيل الذهب والماس خوف iiيجرّحنّه

غاب عنّي والوله خلاّه عندي فـي غيابـه
مادرى ان فرقاه نار ولا درى ان لاماه جنّه

ياوجودي وجد من صفّق على ماضي iiشبابه
بان شيبه والسنين اللـي يبيهـن iiخالفنّـه

غرّته خضر السنين وراح عمره مادرى iiبه
غرّرنّـه وارفعنّـه ليـن سـجّ iiوحولـنّـه

وياوجودي وجد عودٍ لا عيـال ولا iiقرابـه
ماجـداه إلا يـونّ ويـردف الونّـه iiبونّـه

مالقى فزعة رفيـق ولا دعـاةٍ iiمستجابـه
كلّ ماامسالـه بظـنّ خيّبـت الايـام iiظنّـه

هذا وجدي في غياب اللي نزح والله iiجابـه
صح فرض الله فرض وسنّة المرسول iiسنّه

الغلا جسمٍ رقيق ومرهف احساسـي iiثيابـه
مثل غصن الورد يـومٍ الهبايـب iiيطرقنّـه

مازرعت إلا غـلاه ولا نقلـت إلا iiصوابـه
والحشا ماضاق من خضر الطعون المستكنّه

ياحبيبي مازها كفّ الخضـاب إلا iiخضابـه
فيه نظم المفـردات وفيـه للعشّـاق iiعنّـه

الظبي ماله شبيـه وبينـك وبينـه iiتشابـه
إلتفت بشويش وألقى فيه منك وفيـك iiمنّـه

خالقك من فضّل محمد على كـلّ iiالصحابـه
وسخّرك مثل المهار اللي تسخّرها iiالأعنّـه

والثنا والشكر للي رحمتـه تسبـق iiعذابـه
لا لخلـق الله شكـر ولا لخلـق الله iiمنّـه

قاله اللـي ماخـذا ممـا يريـد إلا iiهبابـه
خيرة الفارس ثنيّة خيـل صفـراً iiمستعنّـه

واليكم هذه القصيده:

واهني الصخره اللي مايحرقها iiسمـوم
الزمان اللـي يهـد العـزم مـا هدّهـا

الزمان اللـي تحـدا قوييـن iiالعـزوم
لين مشّاهـا علـى ود ماهـو iiودّهـا

والمجامل بعض الأحيان ما يقضي iiلزوم
لابو النفـس الضعيفـه ولابـو جدّهـا

مير تجبرنا العوايد وتجبرنـا iiالسلـوم
نكتم الأسـرار ياليـن تاصـل iiحدّهـا

الردي لا طاح جعله يطيـح ولا iiيقـوم
باح سدّه والنشامـا مـا بـاح سدّهـا

كل ماكبرت وضاقت على عيال iiالرخوم
نحتزم لأكبـر مصيبـه وناطـا iiخدّهـا

جعل قسمي عند ربي من خيار iiالقسوم
واحـدٍ يعطـي العطايـا ولا iiيرتـدّهـا

ياعيال آدم وحـوّا تراهـا مـا iiتـدوم
دورة الأيــام لابـدّهــا iiلابـدّهــا

ياوليد البـط وشلـون ماتقـدر iiتعـوم
وانت ابوك يعوم جزر البحور iiومدّهـا

وانت ياحلمٍ حلمته مهو مثـل iiالحلـوم
ياضحيّة مزح الأحـلام مـدري iiجدّهـا

ادري ان فالناس معطى وفالناس محروم
ايـه يابيـض النوايـا ويامسـودّهـا

وياضميري لا يهمك من الدنيـا همـوم
الصعيبـه حلّهـا والبسيطـه iiعـدّهـا

جات في سد الشوارب وفي سد iiالخشوم
كبّر الضيفه وعش الضيـوف iiوغدّهـا

والمراجل ماتوفـى بضافيـة iiالهـدوم
كود بسيوفٍ يشـوق النواظـر iiحدّهـا

والردي لو درّس المرجله في كل يـوم
المراجل عنـد اهلهـا يذعـذع iiندّهـا

يعتبر قسمه مثل قسم زاهيـة iiالرقـوم
يوم تكحل رمشهـا والقـرون iiتكدّهـا

ماكسبت الا رضا اهل النمايم iiوالعلـوم
يارسول الحكي هـات العلـوم iiوودّهـا

الصفوف اثنين هذا دفـاع وذا iiهجـوم
وانت اظنك لانت معها ولا انت iiبضدّها

شرهة الطيّب تعـداك للغـوج iiالعـزوم
وانت صلفات المشاريه ماانـت iiبقدّهـا

وانت في سود الأظله تريّـح iiومخـدوم
وان ذبحك الجوع كد التكاسـي iiكدّهـا

وهذه القصيده ايضآ :

الرفيـق اللـي ليـا غبـت مايحمـي iiقفـا
اجل لامن صرت حاضر ماني فـي iiحاجتـه

احتمـي دوري ودور القبيلـه مــن iiوراي
جمـدو هــرج الفـراغـات ياهراجـتـه

كانهـا بمصامـخ الـروس ولا بـاي iiبـاي
خلـو الفلـم المدبلـج عـلـى iiدبلاجـتـه

طول عمري ماستمع من ضعيف الراي iiراي
ولاطمعـت بديـك خيـبـر ولا iiدجاجـتـه

العداوة شـي عـادي تجينـي مـن عـداي
من نسج نسج العـداوات عرفـت iiنساجتـه

وإن كلاني مخلب مـن مخاليـب iiأصدقـاي
قلت ضاعت صيدته فـي طـرف iiعجاجتـه

وإن ثناهـا مـرة ثانيـة جعـلـه iiفــداي
لافسـق كلـب الخواجـة كـلا iiخواجـتـه

الارض ماهي ورث ابي والسماء ماهو سماي
مير الاعوج لاعترض لي عدلـت عواجتـه

أفـردة واذوقـه لمستيـن مـن iiعـصـاي
وأدبـة تأديـب طفـل عـلـى iiدراجـتـه

لين ينسى عنـاد راسـه ويذكـر مستـواي
ينتبـه ولا يسوهـج عـلـى iiسوهاجـتـه

في نظرة الناس مالون واهوه هـاي iiهـاي
والمـدوج مابعـد فـاق مــن iiدواجـتـه

أبك أنا لو اشرب البحـر مايقطـع iiظمـاي
وانت مثل الضب يزحـف تحـت iiعجاجتـه


وهذه القصيده:

البـارح امسيـت لا هـمٍ ولا iiضيـقـة
واصبحت والخاطر اضوق من ثقب لابره

واخذت فـي نجـد تغريبـه iiوتشريقـه
واقول وين انت يا ضيدان اخـو iiحبـره

الصاحـب اللـي تونسنـي طواريـقـه
حبر القلم يستمـد الحبـر مـن iiحبـره

الهـم يجتـاح قلبـي مـع iiمعاليـقـه
لي ماضي التجربه يا ماضـي iiالخبـره

الـحـر لا تــل فكيـنـا iiمسابيـقـه
وان رد يـا مرحبـا مـن رد iiنعتبـره

ليـلٍ رعــوده تقفتـهـا براريـقـه
ولا رفيق الوفـى شبـري ورا iiشبـره

وهذه القصيده :

يا مجهز الفكسـار بسيـوف iiورمـاح
ومفرقـات الجمـع حيـن التحـامـه

مـن ثقـل مافوقـه مطبـه iiتمرجـاح
مجهـزه راعيـه والـدرب iiأمـامـه

يهوي كما حـرٍ دعـي لـه iiبملـواح
فوقـه عطـاوي خـوالـه عمـامـه

من وادي الشبرم الى مفـرق iiرمـاح
يحـدّد السرعـه ويـربـط iiحـزامـه

وساعة تعـدى سعـد يـالاح iiيومـاح
عوّذ من الشيطـان وارخـى iiخطامـه

ولحظة وصوله والشفق مابعـد iiبـاح
رحبـت بـه قـدام يبـدي iiسـلامـه

على أشقـر الفنجـال والعـود iiفـوّاح
وفقـار شـتـوي سنـامـه يـدامـه

واخذت منـه روس الأقـلام iiبألحـاح
وازرا المفسّـر لا يفـسّـر iiحـلامـه

ورحت أتصفّـح كـل بيـت تصفـاح
وافـك حـرف وحـرف أزوّد iiلحامـه

يا ( ناصر الروقي ) ترى الزند iiقـداح
والسلـم الأول عــزه الله iiوادامــه

ماكـل راعـي ذود للـذود مـصـلاح
بعـض الرعـاه مرافقتـه iiالغشـامـه

اللهم انـه بـس ضـاوي iiوســرّاح
عنده مسـاس الأرض كنّـه iiوخامـه

الموت لا طيـح مـن الـذود iiطيـاح
واقفـى عليهـا الليـل يابـو دلامـه

وجاتـك بعـد مـدّه معاشيـر iiولقـاح
وولادهـن عيـد الضحّيـه iiتمـامـه

والغيث لاتكـره مطيحـه اليـا iiطـاح
ربـع بصفـاره وعطـنـي خـزامـه

وان مرتـك هجـن المهابيـل iiطفـاح
اهبـال طيـب ولا صحـاوة iiرخامـه

هذا شطر بيـت كمـا النجـم iiوضـاح
وعـز الله ان راعيـه علـى كلامـه

اللي مسح روس التماسيـح iiتمسـاح
واليـا انتقـم كـلٍ يعـرف iiانتقامـه

والأولـه والثانيـه ســم iiاذحــاح
يبحر بها الصايـم وتجـرح iiصيامـه

راحـت سوالـف كحيـح iiونتحـنـاح
كـلٍ شكـت سبّابتـه مـن iiابهـامـه

واليـا حصـد زرع الفلاليـح iiفـلاّح
العـز يبقـى مـن يجـوّد iiزمـامـه

ولا يربح المليون يا جـورج iiقـرداح
يكـود مـن راسـه قويّـه iiعظـامـه

ما يستـرد الحـق بصيـاح iiوانيـاح
وبشـتٍ حسـاوي وسـاعٍ iiكمـامـه

الا بيـوم فيـه للجمـع iiضحـضـاح
يشيـب منـه اللـي بحـزّة iiفطـامـه

واسلـم ودم مانـاض برقـا iiومـالاح
واقبـل تحيـة صاحبـك iiواحتـرامـه

واخيرآ هذه القصيده :

مرحبا يأعذب الاصوات iiواغلاهـا
صوتها العذب مرسالته على شانى

والمشاعر تلبى لى من iiاقصاهـا
من خفوقى ومن دمى وشريانـى

كل بيتن يداعب حمـرة اشفاهـا
يمتلكنـى ويامرنـى iiوينهـانـى

أنا وأرضى وشعرى من iiفداياهـا
حتى بحرى ولولـوى iiومرجانـى

وان كتبت القصيده من iiمزاياهـا
اتحدى بيـوت الشعـر iiتعصانـى

ميـر حتـى قوافيهـا iiومعناهـا
كل بيتن يسابقنى علـى iiالثانـى

والله اعلـم ولولاهـا iiولـولاهـا
ما تحـدت ظـرف ولا iiتحدانـى

لين راحت وراح القلـب iiوياهـا
قلب سلطان (http://www.dlooah.com/vb/showthread.php?t=9145)مير الحب iiسلطانـى

حطتـه كنـه الخاتـم iiبيمنـاهـا
مثـل خاتـم نبـى الله سليمانـى

وكل طعنه مـن الغاليـن iiحياهـا
قد ذبحنى غلاااها العام iiواحيانـى

كنت من حبها اكتبها ولا اقراهـا
مير ذالحيـن تكتبنـى iiوتقرانـى

في حياتى من اولها الـى iiاتلاهـا
مهرتن كنها مـن خيـل iiجدانـى

كـل مـا وصفوهـا كنـه اياهـا
بس هذى بليـا سـرج iiوعنانـى

سرجها الليل لا انهـل iiوتغشاهـا
تفهقه عن جبين الصبح iiلابانـى

وان نطحها الهـوى ولا iiتقفهـا
قمت اغنى لها لاحـي ياليحانـي

وأزرقتني برمحـن مـا iiتعداهـا
وابتلتنـى يـاربـى لا تبـلانـى