رغم حزني رغم همي ورغم الماضـي الحاضـر
رغم صدقي ورغم كذبي ورغم إحساسي بالهامي
رغم جرحي رغم كثر الطعـون وفرحـي العاقـر
رغم مافات من عمري ضيـاع وشتـت أيامـي
رغم نار السنين وجمرها فـي جفنـي الساهـر
( رغم ماغاب عن عيني عزيز ومـات قدامـي).
رغم بعدك رغم قربـك وروعـة خـدك الطاهـر
رغم سود العيون وسحرها في جفنـك السامـي
رغم كل ماقلته .. تقولي ليه أنـا شاعـر .. !؟
أنا شاعر ولـو أكتـب عذابـي تبكـي أقلامـي
أنا مـن سّمتـه سـود الليالـي والقـدر جابـر
أنا من عشت عمري حيّ ووقتي أعلـن أعدامـي
يعيش الغير في صحرا وحظـه بالسمـا ماطـر
وأنا وسط البحر حظي / نحيل / ويابس / وضامي
تعبت أحمل من الماضي كفن لي والبسـه باكـر
وأموت وينتصر ياسـي وأدفـن باقـي أحلامـي
أنـا ياطاهـره كلـي ذنـوب ومسلـم وكـافـر
أخذت من الظلام النور وعشت العـارف العامـي

صمتي مايعني إني غامض أو حياتي مبهمـه
بس تكفي أفواه المجنن طبقـت دور الحكيـم
وأنا لعلمك لي لغـه ولاكـل شخـص أكلمـه
عدم قناعه إن سليم الجسم له عقـل ٍ سليـم
وإذا تبـي منـي دليـل بهالكـلام أقـدمـه
ترى البهيم أقوى جسم من البشر لكن .. بهيم
عسى قدرت أفهّمك معنى السكـوت وتلزمـه
أشغلتني بصمتي كأن الصمت في إذنك رنيـم
لو ينفجر صمتي بتعلـم شـي مالـم تعلمـه
راح أتمنى إني ساكت وإنـك أنتـه الفهيـم
وإن قلت شـي ولافهمتـه لاتحـاول تفهمـه
يعني إذا جسمك سلم ممكن تكون أكبر غشيم
ميقات وأحرم للشتات وكل حرف أشرب دمـه
ولاتنتظر نزف الصميم وكلها بوسط الصميـم
أنشودة العصفور مع ناي العـزا ومترجمـه
خل المشاعر راهبه وأسمع تراتيـل النسيـم
اللي طلع للمجد لـو تـدري بتعـرّج سلمـه
كنت أتمنى الهاويـه لأن التساقـط مستقيـم
أزرق فضايه خانني طـال الجنـاح وحطمـه
خان الثلاثين وسنه بالضبط إلى دمع الفطيـم
بعثرني كلي بس تدري أكثـري مـن لملمـه
سجـادة الخاشـع وركعـة التهجـد بالعتيـم
الله رحمني يـوم قالـوا جعـل مالله يرحمـه
من ضامني مايدري له يوم ٍ بيدّي يستضيـم
واللـي جرحتـه وأتعمـد أستفـزه وأظلمـه
لايطلب إني أرحمه مانـي غفـور ولارحيـم
مابه عظيـم إلا أنـا صنـع بذاتـه أعظمـه
كذاب من قال إن الأنثى خلف كل رجل ٍ عظيم
أنا وراي ألفين أنثى فـي غرامـي مفعمـه
شقق ملابسهن خيالي وأغتصبهـن الجحيـم
وكم عبدتني وكفرت باللـي خلقهـا مسلمـه
ماهيب ريم ولاتشابـه فالصحـاري أي ريـم
ماعظمّن كـل النسـاء إلا عبـاره محكمـه
الله يبارك بالجديـد اللـي يعـوض بالقديـم
صحيح إن أجسادهن تغري جنوني وأرسمـه
أحب أفصل جزمتي في شكل يشبـه للحريـم
شاعرك مايحتاج في ليـل القصايـد ملهمـه
ولا يهيم بـوادي لكـن داخلـه وادي يهيـم
أوراقه العذرا يفضّ أبكارها أبـراس أقلمـه
بنت الفكر من عنفوانه تحسب إن الأرض غيم
أصبر وباقي في سنيني عام يحكـي أطرمـه
دام الكريم اللي ربحته صـار عقبالـك لئيـم
يظن من ربّى الشنب يفرض عليّـه أحشمـه
يسعد مساء أطول شنب وأسود لثامه الحشيم
دام الخرير اللي يخالط فـي شهيقـه تمتمـه
يعبر وسط سور الحنايا لأسفل العظم الهشيـم
عنق الزجاجه أخنقه وأسرح وأنا فمي بفمـه
وأتذكر إن الطاولـه بـلا كـؤوس ولانديـم
شيطاني اللي كنت في بيت القصيده أرجمـه
عانق لساني وأرجمتني بنت شيطان ٍ رجيـم
شوف البحر من المدامع صار مالح بطعمـه
بس البكا مارجع الغرقـان لأحضـان اليتيـم
ياهيه لاتتعبني وإن تبغـى حلـول الطلسمـه
أسمع وش اللي دار بين القارئه وعبد الحليم

في نفس هالتاريخ مـن كـل الأعـوام
تذكـرّوا وش كنـت أنـا وأذكرونـي
راح العمر واللـي بقـى آخـر أيـام
والعلـم عنـد الله مـتـى تدفنـونـي
تكسرّ المركب وسـط بحـر الأحـلام
والعـذر مـن جمهـوري لايحترونـي
الموت أشوفه يغـرس أبمخـي أورام
وش جاب طاري المـوت لاتسألونـي
ماعاد فينـي حيـل أوقـف ع الأقـدام
تعبـان كلـي ذابـل وضـاع لـونـي
أصرخ بصمـت وداخلـي تشهـق آلام
تكفون مـن هـذا العـذاب أنقذونـي
هم وينهـم اللـي أنـا ألهـم حـزام
اللـي إذا جونـي بضيقـه لقـونـي
وّصلت راسي لأجلهـم حبـل الأعـدام
والحيـن أمـوت وكـنّ مايعرفـونـي
يلعـن أبوهـم كلهـم شلـة أعــلام
ينسوني كيف !! وليه ..؟ وهم يعبدوني
أقزام ولو ينسونـي يبقـون الأقـزام
محد ٍ رفعهم غيـري ليـن أوصلونـي
ماأعتب على هذا الزمن كلـه أوهـام
المصلحـه هـي الأهـم وأنشـدونـي
الله خلق هالخلق ولـه فيهـم أحكـام
كـل ٍ علـى طرقـه يجّـر اللحونـي
وأنا ترى مانـي متحسـف ولا أنـلام
حقـي أخـذت فالحـيـاة أبجنـونـي
لـي دفتـر ٍ موجـود بـه دمّ الأقـلام
ولافيـه حـي ٍ شـافـه إلا عيـونـي
ميتين صفحه كلهـا أوجـاع وأسهـام
سهم ٍ نزفته وسهـم باللـي أطعنونـي
أخذوه بعد موتي هـو مسـك وختـام
وإن كان فيه أشياء غريبه أعذرونـي
تلقونه عند أمي وسط درّجهـا الخـام
مع غترتـي وثيابـي اللـي كسونـي
أخـذوه منهـا أبرضاهـا ولاتـضـام
هـذي أمانـه عنـدهـا وأفهمـونـي
وأقروه وشوفوا وش سبايـب الألهـام
الفقـر وجرحـي والضيـاع أكتبونـي
عنـوان هالدفتـر "قصايـد بالأجـرام"
عطـوه جيلـي كـان جيلـي نسونـي
وشوفوا لكم واحـد مصلـي وصـوام
يبـي الأجـر فيّـا ويسـدد ديـونـي
الله لا يسامـح هـذا اليـوم وهالعـام
تجمعـوا علـيّـه ثــمّ أذبحـونـي

ذبحني هالسؤال أرجـوك قلـي بـس وش جابـه
دخيلك ليـه تتعمـد مـع ضحكـك تبكينـي..؟؟
من البـارح تعيـده هالسـؤال وتطـرق أبوابـه
وعلى نفس الطريق اللـي تجـي منـه تودينـي
ياأخـي وش تبـي منـي وحزنـي وش تلقابـه
يهمك إيش في هذا.!!؟ عذابي وإنخلـق فينـي.!!
تبي تعـرف حكايـة شاعـر ٍ جمهـوره أحبابـه
تبي تعرف يصفق ليـه جمهـوري ويحيينـي..؟
لأن الشعر عنـدي ماهـو بـس أوراق وكتابـه
ولاني من فراغ أكتب وأبي تكثـر دواوينـي..!!
تبي تعرف شاعر ليه؟؟ هـاك الشعـر وأسبابـه
تبي تعـرف مكانـي وين!؟؟رتبّهـا وتلاقينـي!!
فقر مال .. وفقر حال .. وفقـر حيلـه وطلابـه
فقر حـظ ٍ كريـم .. أمدلّـه كفـي ويعطينـي..
فقر دين .. وفقر دنيا .. وجوع ٍ تنهـش أنيابـه
فقر راحه .. وفقر صحه.. وفقر فرحـه تنسينـي
فقر أيه الفقـر يعنـي ضيـاع العمـر وركابـه
فقر يعني فقـر يعنـي عـذاب وضيـم مالينـي
وراس الفقر..وراس الجوع..وعمر طارت أسرابه
وحـق الدرهـم اللـي مانـوى مـره يخاوينـي
رضعت الويل من صغري ولبست الحزن وثيابـه
على شط الشقا مولـود وهمـي كـان يروينـي
تقطع وجهـي وجلـدي بنـاب الفقـر ومخلابـه
ولكنـي عزيـز النفـس ولـو أحتـاج تغنينـي
كساني ثوبي المشقـوق وبيـن النـاس أزهابـه
وكـل ٍ يلتفـت يمـي يظـن بتنكسـر عيـنـي
حشا ماتنكسر عيني وأنا اللي وقتـه يهابـه..!!
عزاي أني فقيـر وصـارت النظـرات ترمينـي
عيون النـاس تطعني..وكـل ٍ يغـرس أحرابـه
وبعض عيون أقدرها وبعض عيـون تدمينـي..!!
وشلي مابعـد قلتـه وتبغـى تعـرف أعرابـه.
مضـت ساعـات أتكلـم وأنتـه بـس توحينـي
تبي تعرف حكاية عشـق وبنـت ٍ حيـل لعابـه
تبي تعرف عن أسباب الجفا مابينهـا وبينـي..؟؟
تخيـل جتنـي وقـالـت فـمـان الله يابـابـه
تشرفـنـا بمعـرفـتـكـويالله لاتـأذيـنـي..!!
وأنا أعشقها "ثمان سنين" وهي (تلعب وكذابه)..!!
تسلـي نفسهـا فينـي ونيتـهـا تخليـنـي..!!
تبي تعرف حكاية قبر وطفلـه تسكـن ترابـه..
تبـي أقـولـك مظلـوم ودّم الطفلـه بيديـنـي
تبي تعرف وش الغربه ومن اللـي طـول غيابـه
تبي أحكي قبل أعـوام بالتفصيـل أنـا وينـي.؟؟
تبي أحكي لك عن الزاهد وعن ذنبه في محرابـه
دخيلك ماأقدر أتكلـم خـلاص أرجـوك أعفينـي
قسم بالله فـي صـدري مدينـه تلتحـف غابـه
مدينـه ساكنـه قلبـي وغابتـهـا شراييـنـي
دخيلك سكر الموضوع وشف لـك شـي تسلابـه
أنـا منـك ألاقيهـا أو ألقاهـا مــن سنيـنـي

دوك .. الحقيقه وأفهميني .. فارقيّ يـا آدميّـه
خلّي .. أبوجهك .؟ حيا وأرجوك حلّي عن سمايا
أنتهى .. عصر الغرام بقيس وليلـى العامريّـه
وأبتدى وقت الخيانه .. وأنتي وأمثالك ضحايـا
الليالـي علمتـنـي .. والسـلـوم الحنبلـيّـه
مثلك .. أضعيفة عقل وعقل مثلـي بـه مزايـا
ناقصـة ديـن وفهامـه ميّتـه والنـاس حيّـه
ضايعـه بـأول حياتـك .. وانتهيتـي بالبدايـا
التكبـر مـن صفاتـك والطبـاع النرجسّـيـه
والسذاجه والغـرور .. وهمـك الأكبـر مرايـا
تعشقيـن اللـي يهينـك أو يـوريـك الأذيّــه
ومن وفالك تكرهينه .. باغضه صـدق النوايـا
ماتعرفيـن المحبـه خاينـه منـتـي وفـيّـه
وأن وفيتي كاذبـه !! وربـي أعلـم بالخفايـا
أعترفلك ! من عرفتـك ! ماعشقتـك ! ياغبيّـه
كيف أحبك وأعشقك وأنتي كذا !!؟ كلك خطايـا
أعرفيني .. قبل أعرفك شايف هالاشكـال ميّـه
لكن أني ماتأثر في حسـن بعـض .. الصبايـا
أعذريني عـن غرامـك .. وأتركينـي يابنّيـه
وأسمحيلـي ماتشـرف أنـك تكونـي هـوايـا
ما أخون أن كان خنتي شامـخ ونفسـي زهيّـه
أستري نفسـك وروحـي وأكتفـي هـذا كفايـا
أذبحيني . وأحرقي قلب ٍ رفـض طعنـة خويّـه
وأدفنينـي بالحيـا أرحـم .. ولايظهـر ردايـا
شاعر ٍ وأجهل مصيري .. وأعرف الدنيا ردّيـه
دوك نصفي . دوك كلي . لمّـي آهاتـي معايـا
وش تبين ؟؟ أخذي .. وردي باقي أجروحي عليّه
وأتركيني للرحيل أجمـع شتاتـي مـع عنايـا
دوك جرحي .. دوك حزني .. دوك همّي والخطيّه
دوك جابر .. والذنـوب ودوك أبطـال الروايـا
دوك دمي والطعون .. ودوك كبّـدي فـي يديّـه
دوك موتي والحيـاة اللـي تفنـن فـي بكايـا
دوك دربي من سريتـه .. والليالـي سرمّديـه
دوك نار ٍ تشتعل فـي وسـط جوفـي بالحنايـا
دوك شعري .. يعترفلـك بالحـروف الأبجدّيـه
من مشيت العمر أدري مـن نهايـا فـي نهايـا
حاتميّه .. هالليالـي .. فـي عذابـي حاتميّـه
ألف خنجر .. وسط صدري وألف رمح ٍ في قفايا
لاتغرّك ضحكتـي فـي ذمتـي .. هـم وأسّيـه
أضحك أقبال البشر والنـار تآكـل فـي حشايـا
سوّد الله وجه حظـي !! بالشقـا مافيـه زيّـه
وسوّد الله وجهك أنتي يوم زدتـي فـي شقايـا

على كأس الخمر .. والبسـت والرقاصـه والطبلـه
هنا تلقا العرب .. وهناك تلقـا القـدس مضيوومـه
على هزّة ردوف وكتف .؟ ذيـك الساقطـه الخبلـه
على قلّة حيا .. وضحكة هزل من ؟ مومس ٍ بوومـه
على ضرب الكؤوس !! .. بصحة الفوضاء والشلـه
هنا تلقا العرب ؟ تنسـى وتسـلا بـروح معدومـه
نسينـا المسجـد الأقصـى .. نسينـا أول القبـلـه
نسينـا .؟ ياحيـاة الـذل ديـن ٍ شقـوا أهدوومـه
نسينـا مريـم العـذرا . وعيسـى وهّـزة النخلـه
نسينـا يازمـن ؟ منهـو صـلاح الديـن وقرومـه
نسينا !! محمـد الـدرّه !! وذبحـة سـاره الطفلـه
نسينا كـم رضيـع ٍ فـارق أمـه ماكمـل يوومـه
نسينـا صرخـة الأطفـال وعـرض ٍ انهتـك كلـه
نسينا كم ؟ عجوز وشيـخ عليـه الـدار مهدوومـه
نسينـا أرضنـا ؟ دم .. ودمـوع .. وعـار مبتلـه
نسينـا هالقبـور اللـي تضـم أجسـاد مفروومـه
نسينـا . وان نسينـا مانسينـا الــدرب ونـدلـه
ولكنـا عشقنـا الخـوف عشـق ٍ طـول النـومـه
يفوح من القهر صدر البحـر !! والضيـق والعلـه
يهل من العتب ؟ جرح ٍ سكن فـي عيـن ديموومـه
رحا .. الأيام تطحـن فـي ضلـوع الديـن والملـه
وحنـا أرقابنـا بانـت بخـط الـذل ؟ موسـومـه
ملينا !! الأرض !! بالكثره !! ولكن !! نخضع !! لقله
سكن فينا خراب !! وخوف ! وحق ٍ ضاعت علووومه
تنادينا / الجهات / الأربع/ إن / القـدس / محتلـه
ولكن لاحيـاة .. ألمـن تنـادي ؟ تطلـب القوومـه

صباح .. ألطف صباح أنتي .. صباح الخير ياسمرا
صباح أول فجر أشرق بنوره .. والزمن ؟؟ غافـي
هلابك ياصباح أشـرق تعبـت أواصـل المسـرا""
على كفي أشيـل الهـم وحزنـي فـوق أكتافـي
تعبت أكتب عذابي في زمـن جاهـل !!! ولايقـرا
نسجت من الحروف أروع قصيده .. صارت الحافي
ثلاث أسنين ياسمـرا .. وجرحـي مايبـي يبـرا
بصدري خنجـر ٍ ذابـت بـدم العاشـق الوافـي
وربي والعيون السـود وراسـك والسمـا العـذرا
ماغيرك بالبشر أنسـان سجدلـه فكـري وقافـي
أحبـك لويمـوت الحـب وتبقـى داخلـي جمـرا
تشب وتحترق فيني .. ماصحـت وقلتلـك كافـي
صباح .. أنتي يانور الكون .. صباح الخير ياسمرا
صباح يذوب في عينك خجل .. من رمشك الضافي

لاتدفنون الشيخ منصـور ماجيـت
خلوه لين أحـب خشمـه وجبينـه
له قدر عندي ذايع الطيب والصيت
الطاهـر الوافـي لربعـه ودينـه
الصاحب اللي كل ماضقـت دقيـت
أشكي عليه الضيقـه ولا الغبينـه
وكان أيتبسم كـل مابـه تلاقيـت
ويضمني ضمة غـلا فـي يدينـه
أخوي وشيخي في ديـاره تربيـت
قبـل السنيـن أتحدنـا للمديـنـه
كنت الطفل وإن شفت منصور فزيت
وأقول ياليت أنا منصـور وزينـه
زين الفعل والشكل لو به تماليـت
كل الخصـال الطيبـه لـه قرينـه
ويوم ٍ كبرت مع القطامي تخاويـت
مافيـه كبـر وكلـنـا عارفيـنـه
ياما قطعنا كل صحصـح وغنيـت
وهو معي ماينشـد الـدرب وينـه
وياما معه شبيت ناري وتقهويـت
من بننـا اللـي تونـا حامسينـه
والحين راح وأنا حي ٍ وهو ميـت
ياليتنـي معـه ومعـي دافنيـنـه
أو ليتني أصقه ولالموتـه أوحيـت
أومثـل مجنـون ٍ نسـى والدينـه
يمكن عذابي خف ولاصحت أونيـت
أون مثل اللي عمى الموس عينـه
ياشيخ رحت ولو تأذيـت ماأذيـت
تبكي عليـك المرجلـه والسمينـه
ويبكيك نجد ويشهق أرطاوي حليت
والضلع يبكـي والذيابـه حزينـه
ويبكيك غيم ٍ مـن رذاذه توضيـت
ويبكيك ورد الأرض مع ياسمينـه
ويبكيك مسجد فيه أميت وصليـت
ويبكي عليك الطيب مـع كاسبينـه
ويبكيك دلو البير وكل نخله أسقيت
وأبكيك أنا والناس في حال شينـه
ويبكيك ذود ٍ مابرك مـن توفيـت
ويبكي عليك القبر وينـوح طينـه
يالله ياللي بأمـرك نحـج للبيـت
يالواحـد اللـي كلنـا عابديـنـه
تغفـر لعبـدك يـاإلـه ٍ تعلـيـت
منصـور أبـن وديـد يالله تعينـه
الله يرحم ذايع الطيـب والصيـت
آميـن قولـوا قولـي ياسامعينـه

مصير الحي يتلاقـى تجـي وأذكـرّك بعديـن
تذكر زيـن هالجملـه ولـك فائـق تحياتـي
على هونك أنا قلبي قسـى لاتجـرح السكيـن
ترى ماني على خبرك أشوف الناس في ذاتـي
ألف شكرًا على التجريح وبعتبرّه عليّـه ديـن
وأنـا لازم أسّـد الديـن بالكامـل ولاتحاتـي
بحاول قد ماأقـدر أرد الصـاع لـك صاعيـن
يجوز إنك بلحضتهـا تميّـز ويـش معناتـي
لزوم أعلمك منهـو أنـا ولا أنتـه المسكيـن
بسيطه وين دربك وين وأنـت بكـل وجهاتـي
لك الله لو تموت أبسئل الحانوت حطك ويـن!؟
بما معناه وين تروح وصـرت أهـم غاياتـي
عليّه نذر ماأضحك وفوق النذر حلـف يميـن
ألين إنك تجي خاضع تحت رجلـي لمرضاتـي
قسم لعطيك درس بيوم ماتنساه عشـر سنيـن
وأعيده لك بثاني يـوم أجـرب فيـك قدراتـي
أنا ماني قليّـل شـر والله ولا قصيـر يديـن
وإذا ودي أعديـهـا أعديـهـا بمشـهـاتـي
خطاي إني رفعتك فوق وأنت أبن الوحل والطين
كان المفروض من أول أراجع كـل حساباتـي
حسبتك الرفيق اللي على جور الزمـان يعيـن
وجيتك يوم ضاقت بي وخابـت كـل هقواتـي
ومدامك دست عشرتنا أجل بالمعرفـه طزيـن
وتبقى حيّ بين النـاس ولكـن مـت جواتـي
لعلمك بس وأستوعب مايرفع قدرك القرشيـن
أنـا رمـز الفقـر لكـن بأسيـادك علاقاتـي
ترى الرجال ماهو بكثرت أمواله عن الباقيـن
ولاهو بشعرتيـن الوجـه ولوطالـت شنباتـي
تعرف الرجل بأفعاله مثل السيف أبـو حديـن
بيعطي حق وياخذ حق وركـز فـي عباراتـي
ماعاب الفقر سيدنـا محمـد والغنـى بالديـن
كثيـر المـال مايغنـي إذا فقـري بحسناتـي
بكلامي معك كبرتك وأنا لـو أبتـرك نصفيـن
عليّ أهون ولاأوصخ بشخصك وجـه كلماتـي
حسافه ليتنـي ماجيـت أدوّر أقـرب الغاليـن
أجي هارب من أوجاعي وأطيح بيـد معاناتـي
ماعاد الصاحب الصاحب وكل الخلق في وجهين
حقيقـه شفتهـا بعينـي وتحكمهـا قناعاتـي
فعلنا الطيب فالأقرب والأقرب صار فعله شيـن
والأقبح عذره من ذنبـه إذا بيّنـت شرهاتـي
دمحنا ألف زله كلها من شـان خاطـر عيـن
عمى بالعين هـذي كانهـا ترضـى بإهاناتـي
إذا هالنـاس دجالـه أنـا دجلـت دجالـيـن
ودجالين هالدنيـا هـم أصحابـي وحبيباتـي
أبي العب على الحبلين وأرقصـك ع الحبليـن
وساعتها تبي تركع على أقدامـي وخطواتـي
لأنك أنت تعرفني وتعرف ويـش جابـر زيـن
وتعرف أني شخصيـه تطابـق كـل كتاباتـي

لاتزعلني وأنـا شاعـر يخـوّف فـي صوابـه
وإن زعلت الله يعينـك والله إن مافينـي حيلـه
مبتلش في نفسي وأنت أشغلتني وصارت طلابه
ألف مره قلت لـك مزحـك تـرى زوّدت كيلـه
منهو أنت ومنهو حنا هالسـؤال أبغـى جوابـه
هاتهـا مـن لحيتـك ياللـي تـدّور للفشيلـه
حط أيدك فوق راسك جعل يشبـع بـه غرابـه
مابقى غير أنت تحكي فـي عتيبـه بالهزيلـه
لن أسامح قبل أشوفك منحنـي قـدر ومهابـه
نيلت من فـوق راسـك يالغبـي ستيـن نيلـه
أنا ماأشبه أحـد والزيـر سالـم لـي يشابـه
مثل منت الحين فـي عينـي تشابـه للجليلـه
ياكديش القوم قم والدرب يوصل مـن مشابـه
منت كدش إلا جحش وأحصاننا أسمع صهيلـه
من كويت العز أصهل والتفـت نجـد وهضابـه
والصدى يحفر في وداي الرشا ويسيـل سيلـه
الشعر لو مامـدح ربعـي أنـا ياويـش أبابـه
والله اللـي خصنـا بيـن القبايـل بالفضيلـه
أي خوال المصطفى حنا وحنـا مـن الصحابـه
بيننا عاش الرسول الهاشمـي وعنـدي دليلـه
عاش معنا وفي حمانا طفـل إلـى أول شبابـه
ثم عاد بحكمة الله وجـاب ديـن ٍ نهتـدي لـه
كان يرضع من حليمـه أختنـا وتغسـل ثيابـه
ومن حليمه لولا بنت سعد لـم تنجـب جميلـه
من بني سعد ٍ حليمه وحنا معهـا فـي قرابـه
كلنـا بنـي سعـد أبـن هــوازن النبيـلـه
كنا في أرض الحجاز وجينا في نجـد ورحابـه
قادنا شيخ ٍ نصى له شيخ فـي أجمـل وسيلـه
ثم جانا الشيخ ثوبه قاصـر ٍ مـن حـرّ مابـه
وحنا جينا نروي كبد الشيخ مـن دّم الصقيلـه
جينا جينا غصب جينا وتاكـل الجـن الذيابـه
وسط نجد أولنا وآخرنـا يركـبّ سـرج خيلـه
هايله من الهوايل من حسـب ضيّـع حسابـه
لاأجتمعنـا كـل حـيّ يشوفنـا نبـا نهيـلـه
ماجهلنـا كـل كائـن بلله وبــل السحـابـه
دام حنا روسنـا مـن فـوق أكتـاف المخيلـه
كوكب ٍ ع الأرض منزل من سمانـا الله جابـه
الله اللـي أنزلـه والله وحـده مـن يشيـلـه
ربعي الهيلا عتيبـه لابتـي هـم خيـر لابـه
من بحر جده إلـى شـط الفـرات وسلسبيلـه
ياعتيبـه وياعتيـبـه ياعتـابـه وياعتـابـه
ماهو نقص ٍ بالقبايل مير حنـا أعظـم قبيلـه
يامطانيخ الرجال اللي علـى راسـي عصابـه
يامحولـة المحـال لحاجـه ماهـي مستحيلـه
يامعمـرة المساجـد حيـن تدعـو الإستجابـه
يامطاليـق الوجيـه ويامـروضـة الأصيـلـه
لولا خوفي من إله الكون وأخشى مـن عذابـه
قلـت حنـا آلهـه للطيـب وأسيـاد الجزيلـه
من خلقنا الله خلق فينا الشموخ مـع الصلابـه
كل عتيبي من خلق هو العظيـم بوسـط جيلـه
لـو نفـود السـر تحكـي نودهـا ولا ترابـه
ماذكر غير الشحم والعود وجمر أحرق شليلـه
كم ضحك لنـا حقـود وممتلـي بالسـم نابـه
لكن النفـس الحقـود بسمهـا تصبـح قتيلـه
سيري سيري ياقوافل لـو نبـح خلفـك كلابـه
لايهمـك كلـب ينبـح رابـط ٍ راسـه بذيلـه
اللي ماهو من عتيبه فيه سؤال أبغـى جوابـه
ودي أعرف ليه عايش أو حياته ويش هي له !؟

ثوبي كفـن وظلـم الأيـام تابـوت
دنياي سوّت بي كذا ليه مـدري !؟
كم لي وأنا مسافر على رحلة الموت
تعبت أدوّر ويـن محفـور قبـري
كل وجه أشوفه يبتسم وجه حانـوت
وكل المدامع مابكت غيـر عمـري
كذب السنابل تسمعه شجرة التـوت
والحيّ عيا ماسمع ويـش عـذري
أنا الضياع اللي سكن جلد هلفـوت
وأنا الوحيد اللـي ملاييـن كثـري
كنت الصغير اللي بنا برجه الحـوت
والحوت مات وبرجه ماعاد كبـري
أعوام أشيل أبداخلي جمر مكتـوت
مليت أشيله داخل ضلـوع صـدري
كل يوم أقول الهم لحظـات ويفـوت
واللي يفوت اليوم ولا فـاد صبـري
تطري عليّ أشياء كثيره بلاصـوت
ودّم الغريب اللي إندفن معه سـري
منظر عذاب بلوحة العين منحـوت
واللي يبرّوز لوحة الحـزن فكـري
صرت أحسد المجنون وأقول مبخوت
عذره معه لو قـال قالـوا يهـذري
تعبت وحيلي أنهد والغصن محتـوت
سنين وحملي يشتعل فـوق ظهـري
يسقط من أيدين المسا أنسان مفتوت
وألمّلمّه وأنسى بعض منه وأسـري
أجزاء مني واضحه وجزء مبهـوت
يلقاني اللي يدرس بيـوت شعـري
ياموت تكفى أشتقتلك حيل يامـوت
ودي أضمك وأحضنك وسط قبـري

هلفوت وضايع منتهـي وأتصعلـك
أوكي أنا صعلوك طبعـي وشكلـي
سكير ومدمن للنسا منهـو قلـك!؟
لايكون أختك نالـت أمجـاد خلـي
طيب أبعرف كيف هذا وضـح لـك
وش شفت مني ياأسود الوجه قلـي
هـذا جزايـه يـوم فكيـت قفلـك
سويت بك معروف وأرخيت حبلـي
رفعت قـدرك أنـت وآلاف شكلـك
وأنتـم تذمونـي وتهابـون ظلـي
كنت أحسبك رجال وتعمـل بأصلـك
وأثرك طويل آذان ( وحمار ) أصلي
لو الكرامـه روح ماعـاش مثلـك
ياللـي بعرقـك دم الأنـذال يغلـي
غرك قطار ( الشهره ) اللي وقف لك
وصدقت نفسك نجـم ياربـع ملـي
يلعن أبو الأعلام يومه سمـح لـك
وخلاك تتمادا على شخـص مثلـي
مانيب عبد ٍ عندك أو عنـد أهلـك
أنت اللي عبدي وعبد عبد ٍ لأهلـي
حلت عليـك اللعنـه وتتجـه لـك
رفقًا بحالـك مانـي جايلـك كلـي
برقصّك بشويـش وأنتـه ياخبلـك
يحرم عليك النوم لاأوحيـت طبلـي
أبوصلـك ملـزوم أجيلـك وأذلـك
يمكن نسوا أهلـك يربـوك قبلـي
كان الجمل شال الحمول وبرك لـك
أنا اللي شايل الجمل فـوق حملـي
وإن كان حظك في زمانك ضحك لك
ثق إني أضحك ع الزمن ماضحك لي
هين بسيطه نلتقـي وأعتـرف لـك
أيهّو محلـك أنـت وأيهّـو محلـي
لو دامت الغيرك وش اللي وصلـك
أتفل بوجهي إن ماوصلـك وصلـي
وعشان تلفت ناظري والتفـت لـك
تنزل على ركبتـك وتحـب رجلـي
ماباقـي إلا أنـت وأهتـم لأجلـك
ياهم كثير اللـي يموتـون لأجلـي
وإن كانهـا بالشعـر خلـك محلـك
من غيري له أم القوافـي تصلـي
أنذار أخير وحطنـي وسـط عقلـك
منته بقـدي لأجـل أوريـك فعلـي
هالمره الحشمه لمنهو شفـع لـك
طوفتها ياصغيـر وكبـرت عقلـي

بـلاش نعيـد بالموضـوع .. مـدام النّيـه الفرقـا
عن أذنك .. لوتكرمتي وأنا أعرف وشهو ؟؟ الباقي !!
وداع لعذرك التافـه !! .. وكـذب جفونـك الغرقـا
وداع لزيـف أشواقـك وصـدق وطيـب أشـواقـي
فمـان الله .. والذكـرى ؟ فراشـه لونهـا زرقــا
على ورد الضمير .. تعيش وتعشق ريحـة أخلاقـي
تغطيها الضلوع العـوج .. هاللـي نصفهـا حرقـا
وتسـلا .. فـي بساتيـن الحنايـا وروض خفاقـي
فمـان الله .. والباقـي سنيـن وجيهـهـا عـرقـا
أخاف أخدش حياهـا لـو أبـوح بحلمـك الراقـي
وداع ومّره قلتيها .؟ شقـيّ ومـن عاشـرك يشقـا
وأنا من يوم قلتيهـا وأنـا أعـرف ؟ ودك أفراقـي
نسيتينـي ؟ إلاهـك بالشعـر يالراهبـه الحمـقـا
نسيتي كـم ركعتـي ثـم سجدتـي فـوق أوراقـي
تركتيني ..؟ لجل خدي عليـه مـن الزمـن صفقـا
صفقني فقـري وجوعـي وعمـر ٍ أنخلـق شاقـي
تحدتنـي سنينـي .. وأنكسـرت ونيـتـي طـرقـا
تمنيـت الطمـوح اللـي تحقـق لحضـة أغراقـي
ولكـن .. أعرفـي بالله ؟ وحـق الغـرب والشرقـا
وحـق النجـم والكوكـب وغيـم ٍ هــل بـراقـي
قنوع / وعزتي / فوق / احتياجي / توقف / وترقـا
تعلمت / الشموخ / من النخـل لـو عافـه الساقـي
وسّري ماعرفه أنسان .؟ ولكـن !! تعـرف الورقـا
أهي تعرف سبايب جرح ؟ عـاش سنيـن بعماقـي
سبب هالجرح ..؟ أنزف هالقصايـد وأرحـل وتبقـا
يرددهـا ..؟ بعـد موتـي !! جماهيـري وعشاقـي
فمـان الله .. ولـو بعشـق بـدّور غيـرك وبلقـا
وأنتي لـو تحبيـن السمـا غيـري ويـن أتلاقـي

عجزت أنام ونبرة الحـزن بأذنـي
والله واللي خالقـك منـك تعبـان
من زعلـك قولـي دخيلـك لأنـي
أجلس من البارح على فـم بركـان
يابنت يبشر بالسعـد مـن زبنـي
لو جارحك أبويه ماعاد لـه شـان
دامك زبنتيني عـن الضيـق دنـي
في شاربي أنتي ولو كـان ماكـان
هـذا وعـد منـي ورديـه عنـي
اللي يهينك وأنـا ع الأرض ينهـان
تحيزمّي في جابر الشعـر وغنـي
وأنا لعينك والله لصلخ لـك أنسـان
مبا فعينـه عينـي وبسّنـه سنـي
أبيه كلـه لأحمـر الـدم ضميـان
صبرك شوي أجيب دمّـه وتحنـي
حني شعـرك وكفـك بـدم خـوان
لايزعلك مخلـوق عيشـي وتهنـي
أنا الدوا لأهل التعاطـي والأدمـان
اللـي فقـد عقلـه يبـا يفتكرنـي
لامن حضر أسمي صحى كل سكران
والله واللـي خالـق الشـر منـي
واللي خلق جابرك في روح شيطان
لطبخ بقدر الموت أنـس ٍ وجنـي
أنا عذاب اللي جرح بنـت عتبـان
ماجابتـه أمـه ولاهـوب مظنـي
من يجرحك في حرف لو كان غلطان
مـدام جابـر حـي لـك أطمأنـي
وإن مات جابر صورته تضدّ شجعان

الغضـب والصبـر .. والحرمـان وأنـواع الكـآبـه"
"والقهـر .. والهـم . والغربـال . وعمـر ؟ البهذلـه
والقصايد . والسهـر . والليـل . وحـروف الكتابـه"
"والعنا . والضيـق . وجـرحٍٍ فـي ضلوعـي منزلـه
والهبايـب . والشتـا . والبـرد . ودمـوع السحابـه"
"والحرايـق واللهب . وهــم ؟ يطـفـي وأشعـلـه
والسواقـي والنخـل ؟ والبيـر فـي نجـد وهضابـه"
"والكـرم والـجـود . والجـزيـل أمّــده وأقبـلـه
والعتب ؟ في عيون ؟؟؟ أبويـه . والنباهـه واللبابـه"
"والتحـدي والتواضـع ؟ فـي طـريـق ؟ المرجـلـه
كل ؟ هاذي ؟ علمّتنـي ؟ عمـرٍ ٍ راح وكـم ؟ بقابـه"
"دام ؟ أشوف ؟ الجمر يشهق ؟ فـي كفـوف المنقلـه
وأخلقتنـي ؟ شاعـرٍ ٍ بركـان !! فـكـر وينهقـابـه"
"لـو ؟ كتبـت . البيـت قامـت هالسطـور ؟ ترتلـه
عزف ناي . وصمـت نـود . وجّـر ونـات الربابـه"
"وضحك موج . ونوح قبر ؟؟ وهمـس جّـن وبسملـه
وأختناق ؟ الضعف ؟؟ وصرخة . حق ؟ بأصوات الذيابه"
"وأعتـراف بذنـب ؟؟ يفجـر هالـمـآذن ؟؟ هلهـلـه
بيت واحد ؟ وأرتوت ؟ كـل السطـور مـن الغرابـه"
"كيف ؟ لو أكتـب قصيـده ؟ وش تصيـر المسألـه؟؟
لونعيد .. مـن البدايـه ؟ هالشعـر وأبـدأ .؟ بآبـه"
"ومثل ماهي هالقوافي ؟ نصـف آبـه .. ونصـف لـه
وأتـريـث بالمعـانـي ؟ وأتـخـيـر بـالـذرابـه"
"وأتنـاسـا هالجـنـون ؟ الـلـي بـديـت بـأولـه
يالله ؟؟ ببدأ من جديـد؟؟؟ بهالشمـوخ وفـي صلابـه"
"وباتنـقـا .. بالمعـانـي .. جـزلـهـا وأدلّـلــه
أو .؟؟ ها .؟؟ والله ؟ فكره ؟؟ ليه ما أجمع ؟ طابه طابه"
"ثم أبني ؟ بيـت وأسكـن وأتـرك الشعـر ؟؟ لهلـه؟
دام ساحـة الأدب والشـعـر ؟؟ أغلبـهـا عصـابـه"
"صار ؟ باقـي بـالأدب ؟؟ قلّـة ؟ أدب ؟ مـا أتحملـه
كذب ؟ واضح مع نفاق ؟ ومصلحـه لجـل ؟ الخرابـه"
"مهزلـه فـي مهزلـه فـي مهزلـه فــي مهـزلـه
قّلـه اللـي باقيـه ؟؟ يملـك ضميـر ولـه ؟ مهابـه"
"والبقّيـه كـل واحـد ؟ طـوق وأسـم ؟ وسلسـلـه
أختلـط دم العريـب ؟ بـدم ؟؟ مشـكـوك العـرابـه"
"وانحنـى راس الأصيـل ؟؟ وأمتـلا ؟ مـن أسفـلـه
الوجيـه الخاينـه ؟ بالأقنـعـه صــارت تشـابـه"
"صاحـب الوجهيـن ضايـع ؟؟ فـي هـدوء وبلبـلـه
الله اللـي خالـقٍٍ ٍ الـداء .؟ فـي نصـف الذبـابـه"
"وأن ؟ بغيت أدوى ؟ لداهـا ؟ النصـف الآخـر كملـه
مـن لبـس ثـوب المذلـه ؟ لايضيـق وذي ثيـابـه"
"مايفيـده ؟ بعـد هــذا ؟ لــو بدمـعـه يغسـلـه
من زعل ؟ خلـوه يزعـل . ذاك بحـر ؟ وذي ترابـه"
"صوت شاعـر ؟ يوصلـه ثـم يوصلـه ثـم يوصلـه
علمـوه .. أنـي وصلـت أبطعنـه ؟ وأبغـى عذابـه"
"مـن يخـون الشعـر ؟؟ حالـف والله انـي ؟؟ لقتلـه
والله أنـي لأطعنـه مليـون مـرّه فـي ؟ صـوابـه"
"أو ؟ يجـاوب بالحقيقـه ؟ لـو طـرحـت الأسئـلـه
أبسئلـه ؟ بالله ؟ وأسمـع كيـف يقـدر بالأجـابـه"
"ليه صـارت ساحـة الشعـر ؟؟ أبوجـوده مزبلـه؟؟؟

إلـيـكـم هالقـصـيـده .. ياجمـاهـيـري وهـــي خـطــره
وخـلـوا .؟ هالرقـابـه تسـجـن الـشـاعـر وجـمـهـوره !!
هـدوءًا .. أيــوّ .. هالـسـاده حـضـور الحـفـل والسـهـره
مسـاء الخيـر .. عالصـاحـي وأشــوف الـنـاس مخـمـوره !
أنـا آســف عـلـى الأزعــاج ولـكـن طــارت .. السـكـره
ذكـرت أنـي قبـل ساعـات ..؟ .. أصـيـل وعـزوتـي نــوره
عـلـى فـكـره .. ( الكرفـتـه ) .. عـجـزت أفكّـهـا عـسـره
أبــي واحــد ينـزلـهـا .. أو .. أيّ وحـــده ومـشـكـوره
وأبـي ثوبـي .. جيبـوا لـي ثوبـي الأشـهـب مــع الغـتـره
قـبـل والله .. لطربـقـهـا عـلــى هالـحـفـل بـحـضـوره
ولا واحــد يتـكـلـم قـبــل مـــا أخـلــص الـنـشـره
ومــن يحـكـي قـسـم بالله لــدوس بـرجـلـي حـنـجـوره
تـراهــا .. قـفـلـت يـاســادة أبــــلادي ويـاسـتــره
وهــي مدامـهـا خـربـت .. بـقــول اللـيـلـه الـثــوره
أنــا بحـكـي مــن أول يــوم جـيـت لـدنـيـة ٍ قـــذره
وتـكــرم عـــن قـذارتـهـا بـيــوت الله ومـعـمــوره
أنـا مولـود .. فـي ليـلـة شـتـا .. مــع بـردهـا مـطـره
فـي خيمـه وســط صـحـرا مابـهـا سسـتـر .. ودكـتـوره
أنـا ياحضـرة الـسـاده غـريـب .. وضــاع مــن صـغـره
لـعـن .. جــدي زمـانـي بـيـن .؟ مـدهـوره ومهـجـوره
حمـلـت مــن الشـقـا .. مــالا يـطـاق وجايـكـم ذكــره
ولانــي عـاجـز .. أتحـمـل وأمــوت بنـفـس مـقـهـوره
وأنـا أدري يذبـح الـرجـال .. كـثـر الصـبـر فــي قـهـره
وعــن قـهـر الـرجـال المصطـفـى حـــذرّ ومـذكــوره
وهـم قـالـوا .. مفاتـيـح الـفـرج .. للـحـيّ فــي صـبـره
وأنــا أشــوف الصـبـر مفـتـاح ضـــاع وزاد طـابــوره
تعـبـت المـلـم أيـامـي .. بـيـديـن الـهــم والـحـسـره
تعـبـت ألـمـع الـبـرواز وأمـســح غـبــرت الـصــوره
تعبـت أبـوس كـف الجـوع وخـشـم الفـقـر طــال عـمـره
تعبـت أكـذب علـى الحـاجـه ... وأقــول الـحـال ميـسـوره
تعبـت أحمـس مـن القـهـوه .. وأحــط السـمـن والتـمـره
تعـبـت ودلـتـي وحــده .. وكـــل شـــوي مـنـثـوره
أحسـب الـعـز بالـدلـه .. وبـيـت الـنـذل .. بــه عـشـره
دلالــه .. أكـثــر المـلـعـون .. وملـيـانـه ومـسـطـوره
أنــا بحـكـم الـبـداوه .. أنــزرع فــي داخـلـي بـــذره
عـن أعـلـوم المـراجـل .. الــف بــذره فيـنـي مـبـذوره
تربيـنـا .. عـلـى الـديـن ونـطـيـع الله مـــع شـكــره
وتعلمـنـا نصـلـي ونحـفـظ الـقــرآن وكـــل ســـوره
تعلمـنـا نـحـب الـضـيـف وفـيـنـا الـكــرم .. فـطــره
تعـلـمـنـا نــقــول الــصــدق .. لالــفـــه ولادوره
تعلمـنـا نحـلـب الـنـوق .. ونـعـرف وشـهــي الـبـكـره
تعلمـنـا الضـمـا .. وحـنـا بيـديـنـا الـبـيـر مـحـفـوره
تعلـمـنـا وكـثـيـر الــلــي تعـلـمـنـاه وش كــثــره
أخـذنــا درس بالـدنـيـا .. بـــلا دفـتــر وســبــوره
وأنـتـم ياسـكـارا .. الحـفـل عـفـوًا .. أيــوّ .. هالـزمـره
مـنـو فيـكـم عــرف قـهـر الـزمـان وظلـمـه وجــوره
مـنـو .. فيـكـم وطــاه الـجـوع وذلــه وصفـقـه فـقـره
مـنـو .. فيـكـم عــرف يحـتـاج للقـمـه ونـشــف زوره
مـنـو .. فيـكـم مــن الضيـقـه حـفـر بأصابـعـه قـبـره
مـنـو .. فيـكـم رقــد ليـلـه وســط أجـسـاد مـقـبـوره
منـو .. فيكـم مشـى حافـي .. برمـضًـا .. كنـهـا الجـمـره
مـنـو .. فيـكـم سـهـر لـيـل الـظـلام بــدون أبـاجـوره
لكم ( الماء ) .. ( والوجه الحسـن ) .. ( والمـال ) .. (والخضـره )
ولنا حنا ( الضما ) .. ( والجوع ) .. ( وفقر ) .. ( وشيفة ٍ عوره ) !؟
ولامــره .. ضـحـك حـظـي بوجـهـي .. وأشـكـره مــره
وغـيـري يبتـسـم حـظـه .. وكــل أيـامــه مـســروره
كتبـت الشعـر .. مـن صـغـري وبيـوتـي مابـهـا .. كـسـره
وأنـتـم تـبـرزون الـلـي .. كـتــب بيـتـيـن مـكـسـوره
أنـا ياحـضـرة الـسـاده .. فقـيـر ٍ مــا أغتـنـى ّ بشـعـره
مـدام .. ( المومـس ) .. اللـي تـشـري الأشـعـار مشـهـوره
وأنـا ياحضـرة .. السـاده ..هـنـا الليـلـه .. وعـلـى فـكـره
تـرى .. ( هالبدلـه ) .. مسروقـه .. ورجلـي بجزمـه محشـوره
ولـكـن قـلـت .. أبحـظـر .. هالحـفـل والعـمـر أبختـصـره
وأبـي أبـدع .. معاكـم وسـط .. ليلـة أنــس .. ومحـظـوره
وأذا كـانـت .. رجولـتـكـم بـكــأس الـثـلـج والـخـمـره
أنـا بشـرب .. بــدون الـكـاس وثلـجـه .. ألــف قــاروره
أبـويـه .. قــال لــي مــرّه .. دســم شـاربـك بالغـبـره
مايـدري .. بالشـنـب محـلـوق .. وجـابـر فـاقـد أشـعـوره
أنــا بمـشـي مــدام الـلـيـل ودّع .. وأبـتــدى فـجــره
بـروح أرد .. ( هالبـدلـه ) .. عـلـى المـعـلاق .. مــزروره
وأنـا أدري ياكـلاب الحـفـل أنــي .. ( بالسـجـن ) .. بـكـره
مــدام الليـلـه جـبـت العـيـد بـهـذا الحـفـل وحـضـوره