اعزائي الزوار و الاعضاء
مرحبا بكم جميعا
اليوم قرأت رواية اعجبتني
وحبيت انكم تشاركوني قراءة هذه الرواية الرائعه .....

ولذلك سانقلها لكم هنا لتشاركوني قرائتها هنا في منتدانا العزيز
اتمنى لكم وقت ممتع مع احداث الرواية ..

بسم الله الرحمن الرحيم
ॐख़ख़ღ في الغربة التقينا ღॐख़ख़

السلام عليكم ورحمة الله وبركاته
روايتي الرومانسية أقدمها بين يديكم .. ومعكم .. أكتب أروع التضحيات بين سطورها وأصدق معاني الحب معها ..
روايتي في استراليا أكتبها .. وطبيعتها الخلابة تساعدني بأن أجعل العشاق في سماء الحب يلتقون ..
...

..
.


يجمعنا الحب أو ربما نفترق عليه.. هكذا علمتنا الحياة..

علمتنا بالحب نلتقي وبالحب نفترق ولا حياة بدون حب..
نرسم أجمل اللوحات والحبيب لا يفارقنا..ونرسم أروع التضحيات من أجله..
نعم نحب ونعم نعشق ولكن نحن في مجمتع لا يرحم ولا حب إلا بعد الزواج وهكذا تعلمنا وما حثنا عليه ديننا..

ولكن قد تلتقي القلوب قبل الزواج .. ولكن من يتجرأ في إعلان حبه..

أحبه وقد لا يحبني !!

أحبها وقد لاتحبني !!
وحب من طرف واحد قد ينتهي أو قد يضحي طرف طيلة حياته.. أيضاً هكذا علمتنا الحياة

أحبه ويحبني !!

أحبها وتحبني !!

أيضاً هكذا نرسم أجمل لوحات العشق وأعذبها وأصدقها شعوراً ,, وأروعها!!

وهكذا نستطيع أن نسطر أحلى وأصدق التضحيات !!

روايتي الرومنسية والتي تحمل بين طياتها أجمل وأصدق القلوب التي تلتقي دون سابق ميعاد !!

الحب يأتي دون أن نشعر بأننا سوف نحب !!
قد يأتي من لمحة !!
أوقد يأتي من بعد مليون لمحة !!




فيصل ابن الرياض الولد المثقف والذي يحب الدراسة والتعليم.. انسان طموح يحب يتعلم كل يوم.. ويحب التجديد في حياته.. ولايحب الروتين أبداً.. تخرج من الجامعة قسم انجليزي وقرر يكمل دراسته في استراليا ماجستيرفي إدارة الأعمال
M.B.A (Master of business administration)
بعد تخرجه من الجامعة تزوج من ابنة خالته (نورة) ولم يتوفق أبداً في حياته الزوجية .. ويعاني من زوجته كثيراً.. تزوج دون أن يحدد مواصفات شريكة حياته فقد أجبرته أمه على الزواج من ابنة اختها.. لأنها يتيمة الأب.. ولكن لم تعجب فيصل أبداً.. وجامل بحياته من أجل أمه الغالية..
فيصل له من الإخوان علي ومحمد ومنار..علي عمره 22 عام ومحمد 16 ومنار 10 سنوات.. فيصل أكبرهم وعمره 26 سنة
عائلة فيصل عائلة طموحة ويحبون التعليم جميعاً.. عكس زوجته التي تخرجت من الثانوي ولم ترغب أبداً ولا حتى فكرت بأن تكمل دراستها.. وأيضاً هذه ضمن المواصفات التي لا يطمح لها فيصل في المرأة.. فيصل يحب المرأة مثقفة و واعية وذكية..

نورة هذه الإنسانة العنيدة جداً ولا تتنازل ولاتضحي من أجل من تحب.. فقط تحب نفسها ولكن قد تغيرها الأيام وقد نرى نورة انسانة طموحة أو قد تستمر على حالها..

نورة البنت المدللة فقد تيتمت وهي في العاشرة من عمرها ولها من الإخوان عبد الله والذي يكبرها بخمس سنوات نورة البالغة من العمر 23 سنة .. هذه الإنسانة التي لا تحب الثقافة فقط تحب الدلع والغنج دون فائدة.. فلا فائدة منها وهي لاتعي تماماً ماهي عليه.. فالشهادة الأهم الآن والثقافة الأهم في وقتنا هذا..!!

دانة هذه الإنسانة التي كرست حياتها من أجل العلم ولم تفكر في الإرتباط أبداً خوفاً بان يقتل الرجل طموحها.. دانة ابنة 24 ربيعاً مضرب للمثل في عائلتها المتفتحة جداً.. ناس يحبون العلم والتعليم ويتنافسون تنافس شريف فيما بينهم.. دانة ابنة الرياض أيضاً قررت أن تكمل دراستها في اللغة الإنجليزية خارج المملكة وتحديداً في استراليا..!!
دانة البنت المدللة والتي لا يرفض والدها أي طلب تطلبه ولا والدتها طالما هي ابنتهم الوحيدة.. فقد صار على والدها حادث وهي صغيرة وسبب له العقم بعد أن أنجب ابنته الغالية دانة ..!!


روايتي قد اتضحت بعض الملامح منها ولكن ما يدور بين حروفها قد يعلمنا ان الحياة جميلة مع الحب ولا حياة بدونه !!



في بيت أهل دانة ..وتحديداً في غرفة دانة !!

أبو دانة: دندونة اليوم كلمت واحد ويقول بنتك مشينا امورها وان شاء الله خلال شهر وهي في استراليا ..
دانة " تطالع ابوها وتضحك من الفرحة " : جد ؟؟؟
ابوها : ليش أضحك عليك والله كلمت واحد ويقول خلاص لا تشيل هم ..!!
دانة "ضمت ابوها " : الله يخليك والله مرررررررره فرحانة الأرض مو شايلتني !!
ابوها " بفرحة " : والله انبسطت لك يا يبه بس الله يعين على فراقك !!
دانة " تضحك " : ايه ان شاء الله إذا رجعت ومعي الدكتوراه بتنبسط وبعدين أنا سألت ويقولون لا تشيلون هم الغربة مو لذيك الدرجة بس تعرف الناس يحبون يكبرون ويخوفننا !!
ابوها " يبتسم " : الله يوفقك ..




طبعاً البنت السعودية ممنوع تسافر بدون محرم أو تدرس بدون محرم وأنا شخصياً قعدت مع بنات مغتربات يجون ابوهاتهم معاهم ويرجع الأبو ويترك البنت بروحها بدون علم وزارة التعليم العالي ولو يدرون ان البنت لحالها يرجعونها لأن هذا مخالف للشروط دراسة البنت خارج المملكة !! ودانة بتسوي نفس الحركة بيروح ابوها معها وبيرجع ويخليها لحالها !!



مر الشهر مثل اللمحة .. ودعت دانة امها وهي تبكي .. وامها تبكي وتدعي لها وحضنت أمها وطلعت تمر على جدتها وتودعها وكلمت أعز صديقتها مشاعل و ودعتها بالدموع !!





سافر والد دانة معها ..
بعد السفر والتعب في الرحلة .. وصلوا سدني ..طبعاً سدني مو غريبة أبداً على دانة كونها كل صيف يسافرون خارج المملكة .. راحوا الفندق وارتاحوا..




راح اليوم بسرعة على دانة وابوها من التعب .. في طلة رائعة جداً من شباك الفندق على النهر والقوارب اللي ع النهر .. دانة بابا ماتبي نروح نفطر الحين أحسن من أكل الفندق.. ابوها: اي والله أحسن بعد نختار المطعم اللي نبيه ..
دانة : يوووه يا بابا والله نيوكاسل ما أعرفها أبد
أبوها : ماسألتي أحد عنها
دانة : إلا قريت عنها في النت وفيها سعوديين كثير مغتربين وأشوفها وأرتاح
أبوها: أكيد ان شاء الله بترتاحين يبه




نيوكاسل هي المدينة اللي بتدرس فيها دانة وتسكن فيها .. وتبعد عن سدني 120 كيلو وبالقطار مدة الرحلة ساعتين.. طبعاً جامعة نيوكاسل تعبتر من أهم الجامعات في استراليا..




دانة في المطعم تفطر هي ابوها .. بابا والله شايلة هم رجعتك السعودية الأسبوع الجاي
ابوها: وش أسوي يبه أشغالي وزيك عارف بس انتبهي لنفسك ولا أوصيك
دانة " تبتسم " : تعرف بنتك سنعة
أبوها : عاد أنا أعرف ولد صديقي يدرس بنفس جامعتك بوصيه عليك إن شاء الله
دانة " تبتسم " : قلت لك ان شاء الله ما تخاف علي




في نيوكاسل وتحديداً في بيت فيصل .. فيصل معصب يا نورة يانورة كم لي هنا الحين وأنت أبد مو مهتمة فيني !!
نورة "معصبة ": وش تبيني أسوي والله تعبت من الترتيب أبي خدامة..
فيصل " يضحك " : والله أنا بيجيني شي منك .. أنت تشوفين وشلون منضغطين ورزقنا على الله ثم على هالمكافآة وأنت تبين شغالة الله يصلحك بس ..
نورة " بعصبية" : اجل شغل مره وحدة كل يومين أسوي شي وماأعجبك شغلي وش أسوي لك
فيصل " بهدوء " : نورة ياقلبي أنا مقصر معاك بشي أنا معطيك كل شي وموفر اللي تبينه ؟؟ وش فيك أنت ؟؟
نورة " وهي رايحة بعصبية": يوووووه مقصر ومو مقصر والله مليييييييت من ذا الكلام تذلني عشانك تصرف علي هذا واجبك ياطويل العمر ما أعجبتك اتركني ..
فيصل مسك أعصابه .. وسكت وخلاها وبينه وبين نفسه الحين لي شهرين هنا ماحسستني بالحب والحنان اللي احتاجه وقت الغربة بس همها نفسها الله يعينني عليها طلع فيصل للشاطئ واللي دايم يحب يروح له ..
طبعاً شواطئ نيوكاسل تعتبر من أروع شواطئ استراليا .. فيصل ويسمع الأمواج تتلاطم والهوا يحرك قميصه الأسود ويدخن بشراهه .. ويفكر ياااالله هل أقدر أخليها تتغير معي أو لا ..!! يمكن تحبني بس ماقدرت توصل حبها لي بالطريقة اللي أبيها ؟؟
يارب تحننها علي يارب تهديها .. ويارب تخليني أحبها والله ما أتحمل كلامها !!






مر الأسبوع بسرعة على الجميع .. دانة ودعت أعز إنسان على قلبها.. ودعته والدموع مالية وجهها.. وتشوف الأشجار الخضراء والمناظر الطبيعي وهي بالقطار رايحة للنيوكاسل.. وتبكي وتتذكر بوسة ابوها على راسها وهو يقول لو ما أثق فيك يادانة ما رجعت وخليتك لحالك وتمسح دموعها ..
وصلت دانة نيوكاسل وراحت لشقتها .. وبينها وبين نفسها .. يااااالله هذي نيوكاسل غيييير عن سدني يوووه والله شكلها هادية وأجواء دراسة جد ..




بدأ الجد عند دانة وبدأت دراستها .. دراستها 3 أيام بالأسبوع .. بس ما يمنع التعب والإرهاق والتعب.. طبعاً في أوقات وأوقات !!






في بيت فيصل ..
فيصل يدرس وزوجته قاعدة تتصفح الانترنت.. أجواء هادية مرة .. فيصل مل من الدراسة ويبي يروح للشاطئ يغير جو كالعادة ويمشي لأنه يحب يحافظ على جسمه ويحب يمشي كثير على الشاطئ .. وخاصة انه في ممشى مره حلو يمر فوق المحيط الرائع والأمواج تتلاطم بقوة حواليه ..
فيصل : نورة تروحين معاي بمشي على الشاطئ..
نورة : لا ما لي خلق .. روح انت !!
فيصل : اوكي اللي يريحك .. بس قومي طلعي جزمتي حقت المشي ..
نورة " تتنهد " : طيب ,,
فيصل : قولي وين مكانهم أنا اخذهم
نورة: شفهم بدولاب الجزم ..
فيصل " بصوت عالي وهو رايح" : هذا واجبك تقومين وأنت ساكته مو بنفس شينه وبعد ما تقومين
نورة سكتت وبينها وبين نفسها ياربي منك يا مزعج .. الله يآخذ روحي وأفتك من ازعاجك ..
فيصل طلع وسكر الباب بقوة .. نورة اخترعت من الصوت ..





فيصل معصب وكالعادة تعصب فيه نورة اللي ما تحترمه أبداً وتعامله بتعامل جداً مو طيب ولا لصالحها أبد لأن الرجل له طاقة وينفجر خلاص .. نورة ما فهمت فيصل أبداً وخاصة ان فيصل شخص عصبي لدرجة ويدور الراحة بأي شكل .. مستعد يدفع عمره عشان يرتاح بس الله ما كتب له الراحة .. فيصل ذبحه الدخان ويبي يركز عشان دراسته بس نورة أبد مو سند له في غربته ولا توفر الأجواء اللي تساعده في الغربة .. فيصل صح عصبي بس جواه الرجل الرومانسي الحالم ..




فيصل طلع سيجارة ويدخن .. جذبه منظر وحدة متحجبه بيضاء ولابسة جينز وبلوزة بيضاء طويلة قاعدة عند الشاطئ .. جذبه قعدتها البرئية .. ويطالعها من بعيد من فوق على الممشى .. يطالعها وهي تآكل الآيس كريم .. ابتسم فيصل يقول ياحبي لبنات ديرتي بنات محترمات ..

دانة تتلفت ولمحة واحد وهو فوق عند السياج أسمراني جذاب وعرفت انه سعودي أو خليجي لأن ملامحنا واضحة مره .. ابتسمت .. وهو ما انتبهت انها التفت .. كان يطالع الأمواج اللي تتلاطم ..
قامت دانة وتنفض ملابسها من وشالت الفرشة الصغيرة اللي كانت قاعدة عليها .. دانة أعجبها شاطئ نيوكاسل وقررت تشتري روايات عشان تقرا على الشاطئ ..



فيصل بدا بالمشي .. وهو يدعي ربه إن الله يحنن عليه زوجته .. ويحب يذكر الله دائماً ..


مرت الأيام وحالة فيصل من اسوأ لأسوأ .. وهو يحب يطلع لحاله يغير جو .. ونورة ماتحب تطلع معاه .. تحب تروح للمولات والمطاعم ولا تحب أماكن فيصل ..
في يوم حب فيصل يتغير مع نورة .. وقال بجرب الطريقة هذي معها إذا نفعت وإلا ربي ما كتب إننا نحب بعض ..



دخل فيصل على نورة وهي نايمة الصبح .. الساعة 9 ونص ..
فيصل " تممد على السرير وقرب لنورة وبهمس " : نورة .. نورة .. نوري حبيبتي ..
نورة " فتحت عيونها مستغربة " : هلا فيصل سوري نايمة وأنت صاحي ..
فيصل " بهدوء " : يالله حبيبتي قومي بطلع أنا وياك طلعة ماراح تندمين ..
نورة " تضحك " : فيصل الحين مصحيني من النوم عشان تقول لي انك بتطلع فيني ؟؟
فيصل " مسك نفسه " : أقول لك الطلعة غيييير .. شوفي أنت قومي وخوذي شاور .. وأنا تلقينني بالحديقة اللي ورا بيتنا !!
نورة "تبتسم " : أي حديقة اللي عند المول ؟؟
فيصل " بهدوء " : لا اللي ورا بيتنا على طول اللي عند المول قبل شوي شفتهم يلعبون كورة فيها لذلك اخترت الحديقة هذي وهادية بعد ..
قام فيصل وقال : شوفي نص ساعة وألقاك عندي حبيبي لا وأبيك تتزين لي بس مو مره أغار عليك أخاف أحد يشوفك ..
ابتسمت نورة يالله ثواني وأنا عندك .. نورة بينها وبين نفسها .. غريبة والله يافيصل.. بس يالله الله يديم عليك ما تتغير .. ماسكه رومانسية اليوم ..

في الحديقة فيصل جهز كل شي .. والفرشة المخططة بأحمر وأبيض والأغراض كلها أحمر وأبيض .. ومسوي لها الفطور بنفسه والحديقة مررره تجنن والأشجار مظلله الشمس عنهم ولا فيها غيرهم حب يغير روتين حياته وحب يجدد يمكن نورة تتغير أو ينفع معها ..

جت نورة والإبتسامة مالية وجهها .. ووقف فيصل هاه وش رايك ؟؟
نورة " تضحك " : يااااحياتي أنت والله أخجلتني .. ومسكت يده وجلسوا ..
فيصل : قايم من الساعة 8 ورحت للسوبر ماركت وقلت بسوي لك الحركات هذي .. بس ماسألتيني ليش ؟؟
نورة " تبتسم " : ايه صح وش طاري عليك ؟؟
فيصل " يضحك " : غريبة ما جاء فبالك ليش ؟؟
نورة " تفكر " : امممممممممممم ما أدري ؟؟
فيصل " ضرب كتفها " : اليوم يوم زواجنا هذا وهو أول يوم لنا ههههههه غريبة أنا الرجل وأذكر ..
نورة " تبتسم بقهر " : أهاااا يوم زواجنا بس أنا ما تعجبني ذي الأشياء يعني يوم زواج ما يوم زواج ؟؟
فيصل " استغرب ويطالعها " : بس كل البنات يهتمون في ذا اليوم وأنت مو بنت ؟؟
نورة " بنظرة حادة " : ايه كل انسان وله قناعاته أنا عندي وجهة نظر إن حب الزوجين مو بيوم واحد أبينه .. كل يوم أبين لزوجي اني أحبه ..
فيصل " عصب " : وأنتي مابينتي لي ولا يوم حتى بيوم زواجنا مابينتي ؟؟ أنت من ايش مخلوقة .. أنا مهتم من الصبح وأنت ولا حاسة ؟؟ أنا تعبت منك يا نورة .. تعبت .. قلت بغير روتيننا وبتغير معاك ولا نفع جربت كل الطرق ولا نفع .. أنت مو مثلي أبد !!
نورة " عصبت " : الحين طالع عشان تقول لي الكلام هذا .. مليت من كلامك وأنت تجرح فيني .. والله مليت هذي وجهة نظر بس ماقلت لك يالله شيل أغراضك وفطورك ؟
فيصل " معصب مره " : ايه بس كان خليتي وجهة نظرك لك .. مو تقولينها وأنا متحمس وصاحي عشانك .. هذا غير اللي كنت بسويه لك اليوم كله .. وهذا غير اللي ويقطع كلامه " ويطلع من جيبه علبه صغيرة " ورماها عليها .. هذي كنت بلبسك اياه في يوم توقعت شريكة حياتي بتموت من الفرحة ..
نورة تطالع وبينها وبين نفسها ياربي أنا وش سويت لا وجايب لي هدية .. أخذت نورة وفتحتها وتشوف الخاتم الناعم ..
فيصل " وقف وبعصبية " : والله ما تستاهلين ولا أعطيك ربع اللي بقلبي .. نورة انتبهي أنا وصلت حدي !! ومو قادر أتحملك .. انتبهي وأحذرك ..
نورة " طاحت دمعتها " : طيب اجلس خلنا نتفاهم ..
فيصل " بهدوء " مابيننا تفاهم وأنا راجع البيت أحسن .. وأبرك لي .. راح فيصل والقهر يلاحقه ..

راح وهو يقول وين الناس اللي يقولون دلع زوجتك تدلعك يجون يشوفون كيف صرت معاها ..؟؟ وينهم وأنا اللي عطيت الحب ما أخذته .. ؟؟ وينهم وأنا حسرتي وقهري من وحده ماتستاهلني ..؟؟ آآآه على حظي .. أبي حنان أبي حب أبي أصير طفلها .. وهي طفلتي .. أبي الحياة ترجع لي .. وأبي أنولد من جديد .. بس آهاتي هي اللي تنولد وحسرتي على حظي تزيد ..


نورة وهي تشيل الأغراض تبكي وتقول ايه ابكي على خيبتك والله إني ما أستاهلك يافيصل .. والله مو قادرة أسعدك.. أقول لك إن أمي أقنعتني فيك .. وأنا مو مقتنعة أقول لك إني كنت أحب قبلك أقول لك أني أشوفك بعض الأحيان شخص ثاني .. أقول لك إني إ اذا قلت حبيبي (أحط مكانك شخص ثاني) أنا مو لك يا فيصل.. بس الأقدار جمعتنا ..!!









ياترى .. هل فيصل ينجح في تغيير نورة ؟؟ أو هل نورة سوف تعلن رحيلها عنه ؟؟أو ماذا ؟؟
كل شي من السهل أن نفعله إلا نسيان الحبيب هذا حال نورة ..
فيصل ذلك الشخص الحالم فارس أحلام كل فتاة .. مالذي سوف يفعله حتى يكسب نورة ..
دانة الفتاة الطموحة ما دورها ؟؟

فيصل يكلم أمه بالجوال .. يمه لا بالعكس نورة إنسانة خلوقة ونعم الزوجة الحمد لله ربي رزقني بزوجة غير .. سكت شوي يسمع كلام أمه اللي تدعي له .. اللهم آمين يا يمه ياحبي لك أوكي سلمي عليهم كلهم وبوسي لي إياهم إلا أبوي عيب تبوسينه ههههههههههههههه ايه ايه أدري إنه عيب وش دعوى يا أم فيصل .. ياحبي لك بس الله يخليك لي .. فمان الكريم سكر الجوال





يكلم نفسه والله ماتدرين عني يايمه آآآآآه بس الله يحن عليي على قولت أبو عصام .. أو الله يحن عليك والله ما أدري وش يقول أبو عصام المهم الله يعينني وبس .. جلس على مكتبه .. أدرس أحسن لي ..




دخلت نورة ومعها الأغراض ,, نورة فيها قهر .. وفيها الكبرياء اللي بيدمر حياتها ..راحت بالأغراض للمطبخ .. وهي مقهورة ..



فيصل شافها .. وحس إنه قسى عليها المسكينة .. فيصل فيه رحمة وحنان مو سهل نلقاها بأي شخص .. مو قادر يركز بدراسته باله مع نورة المسكينة ..



نورة جلست الأغراض بالمطبخ.. و قررت تطلع للمول .. تتنفس شوي لأنها تنبسط هناك .. بدلت وراحت لفيصل .. فيصل ماعليه أطلع ..
فيصل ساكت .. نورة تناديه فيصل سألتك ماعليه أطلع ؟؟
فيصل " فيه قهر بداخله ويحاول يمسك نفسه " : نورة ولك عين جايتني ؟؟
نورة : إذا ماتبيني أطلع كيفك ؟؟
فيصل : لا أطلعي ..
راحت نورة .. يااااربي والله مافيه منه وأنا أرمي النعمة برجلي والله حرام فيصل قلبه كبير وحنون هذا اللي مخليني كذا معاه ..





فيصل يفكر فيها .. أنا يمكن لو أقسى معاها أكثر يمكن تتغير .. بس والله أرحمها لو هي تحس صدق ما جتني بعد ما هاوشتها والله مسكينة وفيها برائة دايماً .. وفيها قساوة ما أدري وش نوعها هالبنت مو فاهمها أبداً ..





دانة تكلم أمها بالجوال يايمه مره اشتقت لكم .. وربي .. لالالا تخافين علي أبد أنا مره ذكية الحمد لله .. هههههههه اي واثقة ..لا حبوب الرجال اللي ابوي كلمه أشوفه بعض الأحيان ويدق يسأل إذا ناقصني شي .. اسمه تفكر .. خالد .. لا والله ماشاء الله وزوجته قابلتها عسل اسمها بعد ليلى .. وكلهم مستعدين يخدمونني .. اللهم آمييين يالله يمه سلامتك بوسي بابا كثييييييير .. قولي دندون اشتاقت لك .. حبيبتي يمه ..




دانة قررت تطلع للمول .. لبست بسرعة وطلعت .. طبعاً في مول بنيوكاسل حلو اسمه كوتارا طبعاً مافيه مقارنة مع مولات سدني أكيييد .. دانة أطلع وأشتري لبس وحركات ..






نورة تتمشى في المول .. قررت تشتري هدية لفيصل بمناسبة يوم زواجهم .. وتتأسف منه .. تطالع من بعيد وتشوف بنت حلوة محجبة وتقول منهي البنت هذي ماقد شفتها .. جت دانة وقربت السلام عليكم ..


نورة "تبتسم " : وعليكم السلام والرحمة ..
دانة : كيفك ؟
نورة : تمام أنت كيفك هاه سعودية ؟
دانة " تبتسم " : ايه سعودية ..
نورة : من زمان هنا ؟
دانة : لاااا لي أسبوعين بس ..
نورة "تبتسم " : اوه جديدة هنا أجل ؟
دانة : مررره نيو .. هههه
نورة : من وين بالسعودية ..؟؟
دانة : من الرياض وأنت ؟
نورة : من الرياض بعد ياهلا وغلا والله تشرفت ..
دانة : حياك الله يالله ما أشغلك أشوفك وقت ثاني ..
نورة : عطيني رقمك .. ونتعارف والله بتطفشين لحالك ..
دانة " تبتسم " : بقول لك بس استحيت ..
نورة أخذت رقمها وعطت دانة رقمها .. وتفرقوا .. انبسطت دانة لأنها تعرفت على وحدة شكلها حبوبة ..





تمشت نورة واشترت هدية لفيصل.. واشترت لها لبس بتلبسه الليلة لفيصل عشان يرضى عليها.. نورة فيها شي بداخلها نفسها تسعد أي شخص تعيش معاه بس ماتقدر تنفذ وفيها كبرياء وعناد وهذا الشي بحد ذاته يدمر الحياة الزوجية.. لأن الحياة الزوجية تنازلات..





وصلت نورة للبيت .. وسلمت ورد عليها فيصل .. نورة .. راحت تتزين وتلبس لفيصل.. وفعلاً تزينت خلال ساعة وراحت لفيصل اللي قاعد يدرس بمكتبه .. نورة ومعها الهدية .. وتبتسم فيصل .. فيصل طالعها وابتسم لأنها متزينة وشعرها ناعم مره وطايح على وجهها.. هي مو حلوة مره عادية بس جذابة ..



فيصل "يبتسم " : ايه هذي نورة حبيبتي ..


نورة " بخجل " : فيصل أنا مره آسفة ع اللي صار .. وجبت لك هذي الهدية أتمنى تعجبك ..
أخذ الهدية فيصل وقام باسها على راسها.. شكراً حبيبتي .. فتح الهدية .. نظارة شمسية روعة بفخامتها ماركة "برادا" ..



فيصل : الله الله ذوق يانورة ..
نورة "تبتسم" : أعجبتك .. ؟
فيصل : مره حلوة والله محتاج نظارة بعد ..
نورة : يالله البسها وأنت تشوفها .. بشوفها عليك ..
فيصل لبسها وطلعت روعة عليه ولايقة على وجهه .. فيصل بحيرة تعالي بسألك النظارة صعبة تضبط إذا مارحت بنفسي وقستها على وجهي ..؟؟
نورة " تضحك " : أخذت نظارتك القديمة ياقلبي .. ذكية مرتك ..
فيصل "حضنها" : الله يسعدنا ويخلينا لبعض .. خلاص رضيت عليك ..
ومر اليوم حلو على فيصل ونورة .. طبعاً هذي الحياة يوم حلو ويوم مو حلو .. وهذي الحياة الزوجية خاصة .. ممكن مشكلة تقلب الدنيا .. وممكن أسف يصلح كل شي ..
بس إذا كان هناك تراكمات ممكن الرجل توصل معاه بأي وقت ولا يقدر يغفر أي خطأ لانه المرأة إذا صارت نكدية الرجل بسرعة يصد عنها .. وهذا حال نورة معاه .. قليل الأيام الحلوة معاها ..!!






دانة اشترت روايات وقررت تطلع تقرا كل يوم على الشاطئ وخاصة إن الشاطئ قريب عندها ولا تحتاج تاكسي ولا شي لأنها بتمشي وتبي تستغل غربتها عشان تحافظ على رشاقتها .. وتتمشى على راحتها ..








وفعلاً نامت دانة وهي تقرا رواية لأنها تبي تطور لغتها أكثر وأكثر .. وهي من عاشقات الروايات .. نامت وهي تبكي على رواية قرأتها انتهت بالفراق ..!!



فيصل مهتم كثير بترتيب نومه ينام 11 ويصحى 5 يصلي الفجر ويرجع وينام ويقوم 8 وخاصة إن محاضراته تبدأ الساعة 6 المغرب .يحب يطلع كثير .. لأن طبيعته مو بيتوتي ..






فيصل صحى من النوم .. الساعة 8 مركب المنبه .. وأخذ شاور .. ويصحي نورة .. نورة تقومين معاي ..
نورة "وهي تسحب اللحاف " : يوووه فيصل أنا مانمت زين ..
فيصل : متى نمتي ..؟
نورة : 3 الفجر .. خلني تكفى ..
فيصل " بعصبية " : نورة مو عيشة هذي رتبي نومك ..
نورة : يااااالله فيصل اطلع وسكر الباب وكيفي أنام متى ماأبي وأقوم متى ماأبي ..





طلع فيصل من وهو معصب يااالله ما كأني متزوج أحسها مو زوجتي ولا مهتمة بس تبيني ألبي كل طلباتها وهي ولا طلب تلبيه لي .. مر المطبخ وسوا له فطور .. طبعاً فيصل متعود يسوي الفطور لأن نورة أبد مو مهتمة فيه .. المهم سوا الفطور وراح جلس ع الكمبيوتر يتصفح الانتر نت ..






لما جت الساعة 10 طلع يمشي لمكانه المفضل ع الشاطئ.. طالع من فوق السياج ويناظر البنت المتحجبة وتقرا رواية ومعها كافي .. بينه وبين نفسه والله مرتبه نفسها .. "طبيعة الإنسان فضولي " فيصل نفسه يدري وش سالفتها ؟؟



فيصل يطالعها .. أروح أكلمها وأسلم عليها وأقول إذا تحتاجين شي حنا فيه وإلا أخليها يمكن معها زوجها يجيني هالحين .. !! أقول اعقل بس وبلا لقافة .. راح فيصل ..يمشي ..




دانة منسجمة تقرا الرواية وهي قاعدة على الكراسي اللي عند الشاطي .. وأجواء ماتوصف .. طالعت الخليجي اللي يمشي .. ابتسمت وكملت قرأتها .. !!




دانة قررت ترجع لشقتها .. وتدرس شوي .. وهي ترقى الدرج طالعة .. وشافت الشاب الخليجي واقف جنب الدرج .. ولابس التيشيرت الأخضر والبرمودا الجينز ..


دانة "ابتسمت " : السلام عليكم ..
فيصل " يطالعها " : وعليكم السلام ..
بس سلمت وراحت .. فيصل شافها من قدام وابتسامتها ما فارقته .. والله البنت حلوة ..
راحت دانة .. لشقتها .. وجلست تدرس ..




فيصل لو مرته مو مقصرة معاه ما فكر بأي بنت غيرها .. بس الرجل إذا نقصه حب وحنان بأي وقت ممكن يبحث عن غيرها .. هذي طبيعة في الرجل .. ودامه مقصرة معاه ونكدية هو بيبحث عن الراحة اكيييد والحب ..أهم شي ..



فيصل رجع البيت ع الساعة 12 .. والبيت مافيه صوت .. دخل يصوت نورة .. نورة .. نورة .. !!
الله يعينني عليها .. ماراح تتعدل راح لغرفة النوم وفتح الباب بقوة دخل ونورة نايمة ولا مهتمة ..!!
فيصل "عصب وبصوت عالي " : نورة مليييييييييت منك .. ياحبيبتي اهتمي شوي حسي ؟؟ مو عيشة هذي ..



نورة " فتحت عيونها " : ياااالله ع الإزعاج .. طيب طيب بقوم ..
فيصل " جلس على طرف السرير ومعصب مره" : الله يعافيك اهتمي شوي .. مو أنا أسوي كل شي ابيك عون في الغربة صرتي فرعون ؟
نورة " بهدوء " : طيب ليش تعصب وش تبيني أسوي لك ..
فيصل " يحاول يفهمها : أنا مليت من الموال هذا بعد .. أبيك تسوين لي الفطور .. وأبيك تهتمين فيني اكثر مو أنا أقوم أجيب كل شي ..
نورة " بحيرة " : هالحين أنت مو الإنسان المثقف المتعلم .. ياخي قوم واخدم نفسك تطوروا خلاص مو احنا نخدمكم شوف الاستراليين مو يقولون لك يساعدون حريمهم ..
فيصل " بحيرة " : أهااا قلتيها يساعدون مو كل شي فوق راسه ماناقصني إلا أكوي وأغسل .. حتى طبخ أنا أطبخ لنفسي .. نورة حسي ..
نورة : أنا أبي أرتاح .. ماأبي أشتغل ماتعودت .. جب شغالة وبعدين زين أرتب البيت وأكوي وأغسل وأرتب الثلاجة !!
فيصل " يصفق " : لالالالالا زوجتي جد مافيه مثلها ..
نورة " تناظره بحده " : أصلاً أنا براسي شي وبقولك إياه من زمان .. هالحين مو لنا أكثر من 3 شهور هنا .. أنا مامني فايدة أبد برجع السعودية ..
فيصل "عصب " : لاااا أنا وشوله متزوج .. أبيك تحميني بالغربة من كل شي !! وبترجعين للسعودية ..؟؟ غريييييبة أنت يانورة ..؟؟
نورة : اشتقت لأهلي .. وبرجع .. وأنت منكد علي عيشتي ..
فيصل " واصله معاه " أقول أقول رجعة للسعودية مافيه إلا بعد 7 شهور .. وانسي الموضوع ..
نورة " بهدوء " أجل تحملني ..



فيصل قام بسرعة وطلع .. ياااااااااااااااارب تعينني أنا وش مسوي .. إنسانة عديمة إحساس ماهمها إلا نفسها .. الله يآخذ الساعة اللي تزوجتها فيها .. والله نكد نكد ..



نورة صحت وأخذت شور وراحت سوت لها كوفي وجلست عند التلفزيون .. فيصل جالس يتصفح الانترنت .. !!
البيت هدوء واللي جواهم اثنينهم قهر .. كل واحد يبي يتكلم ومن فيه الجرأة يبدأ .. وهذا حالهم ولا جديد .. أجواء ماتساعد فيصل على الدراسة أبداً .. ونورة غريبة مره وما تعرف توقت صح عشان تتكلم بالموضوع ..




فيصل " بصوت حاد " : بعد شوي جهزي الغداء ..
نورة " بصوت زعلان " : ماكدونالدز قريب .. !!
فيصل " وقف وبصوت عالي " : تقومين تسوين الغداء بالطيب بالغصب تقومين ..
نورة " بحيرة " : يالله طيب أنا مو جوعانة .. وتشوفني أتقهوى ..
فيصل : بس أنا جوعان تقومين تسوي لي .. شوفي الساعة 1 الحين الساعة 2 الغداء جاهز وغير الكلام هذا ماعندي ..
نورة تتنهد .. وسكتت .. وقامت تجهز للغداء ..
نورة " وصوتها الزعلان " : وش تبي أسوي لك ؟؟
فيصل : كبسة ..
نورة تكلم نفسها حتى هنا الكبسة ورانا ورانا .. يااااربي .. بس متى يرتفع سعر حبة الرز لميه عشان أرتاح .. !!
فيصل يسمعها ويبتسم .. الحمد والشكر لك ياربي على ما عطيتني ..





دق جوال نورة .. نورة طالعت الرقم .. يووه وتبتسم .. وردت .. هلا وغلا
دانة : أهلين سوري لا أصير أزعجتك بس ..
نورة : لا والله عادي الله يحييك بأي وقت ..
دانة : كيفك ان شاء الله تمام ..
نورة : الحمد لله ماشي حالي ..
دانة "تضحك " : شكلك طفشانة ؟؟
نورة : والله يعني تعرفين الغربة تجيب كل فبالك ..
دانة : أوكي أنا بقول لك تعالي اليوم عندي ع المغرب .. ونستانس ..
نورة "تبتسم " : اشوف عن زوجي وأرد لك بمسج ..
دانة : اوكي بالإنتظار ..





سكرت الجوال نورة .. ياربي وشلون بقول لفيصل هالحين ..
فيصل سمعها تكلم بالجوال .. وعرف إن أحد عزمها ..




نورة وهي بالمطبخ : فيصل ماعليه أروح لوحدة ..؟؟
فيصل " يتنهد " : أكيد لا ..
نورة " بهدوء " : ليش ؟
فيصل: لأنك ما تستاهلين من يقول لك إيه ..
نورة " فيها قهر " : حتى بالغربة علي ؟؟
فيصل : خلاص قفلي الموضوع قلت لا يعني لا ..




طاحت دمعة نورة لا شعوري .. ياربي بس والله أستاهل .. وكتبت مسج لدانة واعتذرت منها ..


سوت الغداء نورة .. وحطت على الطاولة .. فيصل تعال تغدى .. قام فيصل وجاء يتغدى .. !!
فيصل "بحيرة " : موب متغدية معي ..
نورة " بحزن " : مالي خلق ..
فيصل طالعها : كيفك .. وسما بدا يآكل ..




فيصل : نورة ..
نورة : نعم .. وش تبي .؟؟؟
فيصل "بهدوء " : ممكن تكلميني زين ؟
نورة : سم ..
فيصل : متى تبين تروحين السعودية ..
نورة تغيرت ملامح وجهها لأنه اخذ الموضوع جد .. نورة ماأدري ..
فيصل: خلاص أحجز لك اشوف أقرب رحلة وارجعي ..
نورة "تبتسم" : وأنت ؟
فيصل : وش فيني ؟
نورة : من يتهم فيك ؟
فيصل هههههههههههههههههه
نورة : وش فيك تضحك ؟
فيصل : يعني على بالك مهتمه ؟
نورة : الله يخليك الله يخليك لا تتطنز مليت من كلامك المالغ ..
فيصل " بهدوء " : أكيد بتملين لانه أجيبه على قلبك ..
نورة تتنهد لا إله إلا الله .. لا هالحين لازم ارجع لأن وضعنا مزري .. ومو ضابطة معنا أبد ..
فيصل: يمكن نشتاق ونعرف قيمة بعض ..
نورة : عشان كذا أبي أرجع .. يمكن أشتاق وتتغير معاملتك معي ..
فيصل " يضحك " : يعني أنا اللي معاملتي زفت معاك وأنت عسل وقايمة بالواجب ..
نورة " بثقة " : أنا ماقصرت معاك .. والواجب مسويته لو ما سويت الواجب كان ماقعدت تآكل الحين ..!!
فيصل هههههههههههههههه أقول أقول واجب أحجز لك الحين والله واجب وضعك ع الصفر ..






فيصل قام وراح يغسل وهو راجع الحمد لله والشكر لك يارب ع النعمة .. نورة تدرين ليش خلصت متغدي بروح احجز لك ع أقرب طيارة
نورة " تطالعه " : أحسن .. وأريح ..
فيصل " عصب " : نورة ممكن تسكتين لا أرميك بأقرب كتاب ..
نورة " بتتطنز " : بعد بتضرب .. والله هذا اللي ناقصني ..



طبعاً كلام نورة قوي .. والمرأة الخلوقة ماترد .. فيصل عصب ودخل ع النت بيحجز لها ..
خلص فيصل حاجز ..
فيصل : شوفي أنا بروح معاك أرجعك لأنك ماشاء الله بتدبرين نفسك بالمطارات .. ولغتك ماشاء الله تدّرس !! لذلك الله يعينني بعد اسبوعين لانه عندي اختبارات وبروح خلال 3 أيام ..
نورة بينها وبين نفسها .. والله يافيصل ياأنت شايف روحك ع الكلمتين اللي حافظهم في اللغة . هذا اللي أنا ما أبيه ..
نورة : طيب الله يسهل ..
نورة فرحانة ومو فرحانة إنها بترجع .. ويمكن يتفاهمون اكثر بعد الشوق اللي راح يحسون فيه .. !!








راح تبين لنا الأيام من الغلطان .. !!

في شقة دانة .. جايتها ليلى ..

دانة : ايه تعرفت عليها بالمول وقلت لها تجي عندي بس شكل زوجها رفض ..

ليلى : حبوبة نورة قابلتها كذا مره ..

دانة : ايه صادقة شكلها ..

ليلى : تصدقين دانة .. أول ماجيت هنا استغربت من الاستراليين ..!!

دانة "تبتسم" : وشلون .؟

ليلى : صح هم مو مسلمين .. بس يالله إلى العجوز والشايب يسلمون عليك ويبتسمون ..؟؟ وحتى الأطفال لو يلمسك واحد غصب عليه تأسف بسرعة وباقي بس يبوس رجولك وأنت بكرامة .. يااختي على قولت الشيخ القرني لما راح بريطانيا .. أخلاق مسلمين وهم مو مسلمين ؟؟

دانة " تبتسم" : والله صادقة .. لاحظت الشي هذا مرررره وحنا ياللي المفروض نبتسم .. تشوفين لو أبتسم بالجامعة قالوا معجبة وإلا مسكينة .. يفسرونها شي مو حلو ؟؟ لاااا غير كذا اللي يقهرك ترتيب نومهم مو طبيعي ع الساعة 10 المدينة هادية وحنا يالله مانصدق تجي العطل عشان نحوس النوم وبعض الشباب والبنات يجمعون الصلاة .. والله لو نعدل نومنا كان الصلاة بوقتها وسوينا أشياء خيرية كثيرة ويصير عندنا وقت نقرا ونتثقف ونقرا قرآن بعد بس الله يهدينا .. والله محرومين من نعمة الإسلام هنا ..

ليلى : اي والله قهر .. حنا المفروض اللي كذا حتى الأسف نتثاقله .. والله أنا قررت إذ ارجعت السعودية .. بتغير مررره ولا علي من أحد وببتسم غصب ههههههه وبنام بدري حتى بالعزايم بطلع ع الساعة 10 حتى لو ماتعشيت يا أختي حسيت اني عايشة صح هنا ..

دانة ههههههههههه أحسن لك والله ... الله يهدينا







اسكتوا شوي .. وليلى سرحت .. وهي تشرب الكافي ..







ليلى :تعالي ما اشتركتي بالدش العربي وسعي صدرك شوفي العربية والأخبار ..

دانة هههههههههه ياحبي لك ياليلى قبل شوي نصايح وهالحين أوسع صدري .. طيب يا قلبي العربية كلها موت وقتل وين أوسع صدري إلا أقهر نفسي إنه ما بيدي شي ايه بس مفكرة أشترك ولا أعرف يقولون أروح لسدني قريت بالنت ..

ليلى : حنا بنروح لسدني الأسبوع الجاي بقول لخالد يجيب لك ..

دانة : القنوات حلوة اللي فيه ..؟

ليلى : العربية وام بي سي والجزيرة .. وامممم المستقبل وإل بي سي وفيه إذا بتشتركين اكثر بس مو لك القنوات وفيه اي آر تي أذكر كان خالد يتابع الدوري السعودي فيها ..

دانة : لالالالا مالي خلق كورة ..

ليلى : لااا تجيب برامج دينية حلوة .. وبرنامج العودة اللي ع ام بي سي حلووو مره .. صراحة هذي البرامج اللي تفتح النفس ..

دانة: البرامج الوثائقية حلوة .. كنت أشوفها ع العربية هذي أحبها ..







يوم دانة وليلى أحلى من الحلو .. قربوا لبعض أكثر ارتاحوا لبعض .. وقررت ليلى تطلع مع دانة الصبح للشاطئ يمشون ..









ومر اليوم مر على فيصل اللي ماعاد يطيق نفسه .. قرر إنه يرتاح ويبعد نورة عنه .. ناموا وكل واحد بطرف "وظهورهم " متقابلة .. هي مو أول ليلة تمر على فيصل بس يمكن تصير آخر ليلة .. !! يمكن نورة تتغير يوم قرر يعيش لحاله في الغربة .. فيصل مانام ويفكر كيف راح يعيش بدون نورة .. مع إنها مسوية قلق بس يفقدها .. ويحس إنها تعني له الشي الكبير بحياته .. فيصل حاول أكثر من مرة يتقرب لها وماقدر .. ولذلك قرر يرجعها يمكن ينفع معاها .. !!











الساعة 5 الفجر صحى فيصل من النوم ونورة حتى على المنبه ما صحت .. !! شي غريب إن الرجل اللي يحس وهي ولا مهتمه .. !!





فيصل بهدوء نورة .. نورة ..

نورة التفت وفتحت عيونها .. هلا فيصل ..

فيصل : قومي صلي الفجر حبيبتي ,,

ابتسمت نورة .. يالله ألحين ,, وصحت ..

فيصل دخل الحمام ..يتوضأ .. ونورة قاعدة على السرير .. طلع فيصل أشهد أن لا إله إلا الله وأن محمد رسول الله ..

نورة : لا إله إلا الله ..

فيصل : نورة تصدقين انسدحت بنام 10 وجت 1 ما نمت ..

نورة " مستغربة " : يوووه وش فيك ؟؟

فيصل " يبتسم " : ما أدري أفكر فيك والله وكيف بفقدك ..

نورة " تبتسم " : ياااااحياتي .. أنا يااااربي بسرعة نمت .. ههههه

فيصل " يبتسم " : القلوب تختلف .. والإحساس يختلف .. يالله أنا بصلي ..

نورة " نزلت من السرير " وراحت للحمام تتوضأ ..







دانة صحت لصلاة الفجر .. وصلت وأخذت رواية تقرآها عشان ترجع تنام لأنها مواعدة ليلى تطلع هي وإياها للشاطئ .. وفعلاً قرأت شوي من الرواية وركبت المنبه ع الساعة 9 .. !!







فيصل رجع واسترخى ع السرير .. ونورة استرخت معاه .. فيصل : النوم طار من عيوني .. والله شايل هم مررره ..

نورة : يااااحياتي والله بفقدك ..

فيصل: مو مثلي .. أنا أكثر .. لأني أحبك أكثر ..

نورة " تبتسم " : حبيبي وأنا أحبك وبفقدك .. بس حنا محتاجين الشي هذا ..

فيصل : صح ..





سكتوا شوي ..





فيصل : يالله أنا بنام شوي .. وبصحى ع الـ 8 ونص لأني بروح أمشي .. وعندي إختبار ..

نورة : الله يعينك .. ويوفقك ..

فيصل : آميييين

ونام فيصل .. على طول .. ونورة ماقدرت تنام تفكر بكلام فيصل اللي قاله .. معقول ماقدر ينام عشاني .. وأنا على طول نمت .. يالله والله فرق بيني وبينك .. !!







راحت الأربع ساعات بسرعة .. فيصل ما صحى إلا الساعة 9 وربع .. لأنه مانام زين ..



دانة وليلى طلعوا للشاطئ والجو غيم وهوا بارد شوي .. وأجواء ماتوصف ..





ليلى "تبتسم " : تدرين دانة نفسي أشيل الجو هذا وأحطه في السعودية.. والله أرحم أمي إذا كلمتها وقالت الشمس أحرقتنا ..

دانة هههههههههههه

ليلى : لاااا والله أرحم الكويت أمس أشوفهم بالنشرة الجوية 48 درجة الحرارة .. والله نفسي أعطيهم من البرد هذا ..

دانة : يووووه يااااعمري 48 الله يعينهم ولا هانت الرياض بعد ..





أكلوا الفطور اللي مشترينه وقاموا يمشون ع الشاطئ .. دانة لمحت الشاب وهو يمشي ..بينها وبين نفسها يااااالله هذا كل يوم الصبح بوجهي ..



ليلى "تبتسم " : هذا فيصل ..

دانة " استغربت " : تعرفينه ؟

ليلى : إيه زميل لخالد .. هذا عسل ويخدمك باللي يقدر عليه وزيادة ..

فيصل لمح ليلى وابتسم .. قرب لهم ..

فيصل : صباح الخير ..

ليلى "مستحية " : صباح النور فيصل كيفك ؟

فيصل : تمام ..

دانة ساكته .. لأنه ما تعرفه ..!!

ليلى : كيف نورة ؟

فيصل : تمام تسلم عليكم "يضحك " وأنت كيفك ؟..

انصدمت دانة ..لأنه معجبها بس مافكرت فيه بس حست بشعور غريب ..

ليلى "تبتسم" : الحمد لله بخير .. طيب سلم عليها وأمانة فيصل خلها اليوم تطلع تجيني البيت والله اشتقت لها ..

فيصل : إن شاء الله .. ابتسم وطالع دانة .. السلام عليكم أختي ..

دانة " استحت " : وعليكم السلام ..

فيصل : إن شاء الله مرتاحة هنا ..

دانة : الحمد لله مرتاحة مره حلو نيوكاسل ..

فيصل : ما شفنا زوجك خليه يمر علينا ..

ليلى : ههههههه ماتزوجت لحالها هنا ..

فيصل "يبتسم " : أجل أمانة إذا احتجتي شي حنا أخوان ..

دانة : إن شاء الله .. الله يسلمك ..

فيصل : يالله أجل سلمي على خالد .. وأشوفكم على خير ..

ليلى : فمان الكريم

دانة سرحت وماتدري وشلون تسأل ليلى هو متزوج وإلا لا !!

ليلى "تبتسم": هذا زوج نورة ..

دانة " فيها شعور غريب وقهر " : أهااا الله يوفقهم .. هذا كل يوم أشوفه من يوم جيت ..

ليلى : ماشاء الله كلهم عسل لايقين لبعض اثنينهم ..

دانة " تبتسم " : ماشاء الله عليهم .. بس هو أحلى منها

ليلى : لازم مافيه رجل وسيم يتزوج وحدة أحلى منه .. أنا كذا راسمة الفكرة هذي بحياتي ..

دانة : الله يوفقهم





كملوا مشي دانة وليلى .. ودانة تسرح كثير وضاق صدرها ..وليلى ماانتبهت على اللي صار لدانة ..















الساعة 11 في استراليا صباحاً وتحديداً توقيت سدني .. إذاً الساعة في السعودية حوالي 4 فجراً ..







وتحديداً ..في بيت أبو دانة ..

أبو دانة صحى من النوم ..مريم ..

صحت من النوم أم دانة " مريم " : سم يا أبو دانة ..

أبو دانة : أحس بحرارة بجسمي ماقدرت أنام ..والله تعبت .. روحي جيبي كمادات ..

أم دانة "حطت يدها على راس أبو دانة " : يوووه بسم الله عليك .. مره حرارتك مرتفعة .. ياعلك ماتشوف الشر ..

أبو دانة ماقدر ينام من التعب .. ونامت أم دانة بعد صلاة الفجر لأنها جلست تكمد زوجها الغالي أبو دانة ..











في بيت أبو فيصل ..

بعد صلاة الفجر .. أبو فيصل .. لولوة ماسألتي ولدك ما نقصة شي وحنا ماندري عنه في الغربة ؟؟

لولوة " اللي هي أم فيصل " : يقول الحمد لله ماعلي قاصر .. وماشاء الله ولدك يعرف يصرف نفسه ..

أبو فيصل : لازم أحول له فلوس يمكن تضيق عليه والله ماندري عنه ..

لولوة "مستغربة " : يووه يا أبو فيصل ما تعرف ولدك والله إن يزعل أعرفه عزيزة نفسه والله بيطق قهر .. لا الله يخليك إذا احتاج قال ..

ابو فيصل : ياربي لك الحمد ربي رازقني بولد يرفع الراس .. وعاد شوفي يا أم فيصل أمانة إذا كلمتيه شوفي عنه يحتاج شي وإلا لا ..

لولوة : أبد لا تشيل هم .. وتراه مجمع فلوس قبل يروح .. والله رجل وليدي الله يحفظه من كل شر ..يارب يسهل أمره ويسعد عيني بشوفته " بكت أم فيصل "

أبو فيصل " يتنهد " : لا لا يالولوة وشوله الدموع هذي .. "يمسح دموعها " بيرجع إن شاء الله ..

لولوة " تبكي " : اشتقت له والله اشتقت له الضنا غالي يا أبو فيصل ..

استرخى أبو فيصل على السرير .. يالله يالولوة خلي ننام .. هالساعتين يروحون بسرعة ..

لولوة : صادق والله ..







نامت أم فيصل وأبو فيصل .. ومسحت دموع الشوق على وسادتها .. وهي تدعي ربها الله يرجعه بالسلامة ..













رجع فيصل للبيت .. ع الساعة 12 ونص.. دخل وشاف نورة جالسة تشوف التلفزيون .. ومسوية قهوة .. فيصل : السلام عليكم ..

نورة " تبتسم " : وعليكم السلام .. حيا الله فصولي ..

فيصل " مستغرب " : الله يحييك .. كيفك .. "جلس جنبها "

نورة " تبتسم " : دامي شفتك بألف خير ..

فيصل !!!!!!!!! غريبة ..

نورة : هههههههههه أدري مو متعود .. خل أصب لك قهوة

فيصل : إي والله شميت ريحتها من برا .. واشتهيت أتقهوى ..

نورة "تبتسم" : بس ماطلبت شي ..

فيصل " يضحك" : نورة مو لايق عليك تدلعينني أبد ..

نورة " تضحك " : لالالالالا بتتعود إن شاء الله .. لا بعد ورجعتي قربت وبصير مشتاقة لك بتتعود مره ..

فيصل ههههههههههه الله يديم عليك ..

نورة صبت لفيصل قهوة .. وفيصل مره مستغرب .. يقول يمكن عقلت جد .. الله يديم عليها ..















دانة .. بعد ما رجعت لشقتها بحياتها ماحست بشعور غريب .. يااااربي أي شعور هذا اللي حسيت فيه .. معقول هذا حب من أول نظرة !! والله موب صاحية يادانة الرجل متزوج ومستقر ومبسوط وش تبين فيه ؟؟ يااااربي ابعد عني الخرابيط هذي .. أدق على نورة أعزمها .. وأشوف وأتعرف عليها أكثر .. عشان أعرف فيصل .. !! لالالالالا هذي خيانة .. حرام أسحبها بالكلام عشان زوجها .. يااااربي وش فيني أنا .. بس والله أعجبني وطريقة كلامه .. ياليتني ماشفته .. يااارب تبعده عن بالي .. كله من الروايات تسوي فيني حركات .. يارب ليلى تعزمها وتعزمني وأعرف فيصل أكثر .. يوووه يادانة خلاص اعقلي .. عيييب الرجل متزوج ..






ايش راح تسوي دانة بغياب نورة عن زوجها ؟؟





( أنتم مع نورة وإلا دانة ؟؟ أبيكم تقولون لي )

دانة .. بعد ما رجعت لشقتها بحياتها ماحست بشعور غريب .. يااااربي أي شعور هذا اللي حسيت فيه .. معقول هذا حب من أول نظرة !! والله موب صاحية يادانة الرجل متزوج ومستقر ومبسوط وش تبين فيه ؟؟ يااااربي ابعد عني الخرابيط هذي .. أدق على نورة أعزمها .. وأشوف وأتعرف عليها أكثر .. عشان أعرف فيصل .. !! لالالالالا هذي خيانة .. حرام أسحبها بالكلام عشان زوجها .. يااااربي وش فيني أنا .. بس والله أعجبني وطريقة كلامه .. ياليتني ماشفته .. يااارب تبعده عن بالي .. كله من الروايات تسوي فيني حركات .. يارب ليلى تعزمها وتعزمني وأعرف فيصل أكثر .. يوووه يادانة خلاص اعقلي .. عيييب الرجل متزوج ..





ربما لن نصدق ماسمعناه عن الحب من أول نظرة !!
ولكن الواقع الذي نعيشه يرسم لنا أغرب قصص حب !!
ربما نحب شخص نراه في الحلم .. وهذا واقع عشناه في مجتمعنا !!
وربما نعشق في الخيال .. وهذا واقع نعيشه أيضاً !!
أو ربما يتحول العشق إلى مرض يعجز عنه أطباء الكون !!
وقد نسمع في السنة قصة واحدة لعاشق أو قد لا نسمع!!
والغريب أن أكثرية من حولنا ترتجف قلوبهم عشقاً ..
ولكن لا نتجرأ بالتحدث عن حبنا أو عشقنا لأسباب كثيرة !!




مر الوقت على دانة وهي تفكر .. قد تعشق .. وقد تجرب الحب الذي كانت تسمع عنه من يدري !!


دانة هذه الفتاة المؤدبة الخلوقة .. كما ذكرت سابقاً نشأت من عائلة متفتحة ومتمسكة بالعادات لأنه لا يجرؤ الكثير من تلك العائلات كسرالبعض من العادات والتقاليد.. رغم كل شئ .. !!




في بيت فيصل وتحديداً في الصالة .. فيصل " يضحك " : لالا لا نورة والله مو لايق عليك أبد وش قاعدة تقولين ؟؟
نورة " عصبت " : يوووووه فيصل والله ماعرفت لك إذا دلعتك ما صدقتني وكأني أتصنع وإذا ما دلعتك أكلتني ؟؟
فيصل " بهدوء " : طيب طيب .. أنا ماقلت شي ,, بس أبيك وسط خير الأمور الوسط .. مو مهملتني مره وإلا لازقة فيني مره ..
نورة " انقهرت من كلامه " : لااااا فيصل جد جد إنسان نكدي وممل .. وتجيب لي المرض .. ياخي جاملني ع الأقل وأنت من اليوم مو مصدق .. مو مصدق ؟؟ !! وش شايفني ؟؟
فيصل " عصب ": أنا نكدي ؟؟ وممل ؟؟ قومي ابعدي عني الله يرحم والديك ..!! تقول الكلام ولا تحسب له أي حساب .. !! غريبة أنت والله غررررررريبة ؟؟
نورة " وقفت " : أنا بروح للغرفة .. وشوف الغداء مسويته لك من باب الدلع الكاذب .. لأن زوجتك شكلها ماتحبك .. ولا تطيقك ..
فيصل " عصب " : روحي عني واتركيني .. ياثقيلة الدم .. يا قليلة الأدب ..



راحت نورة وهي تكلم نفسها إيه قليلة أدب دامي معاك وآخذه منك .. مارحت عنك يا ولد خالتي ..
فيصل عصب .. طلع الدخان .. ويدخن بشراهه .. رفع صوت التلفزيون .. مايدري وش يسوي من العصبية .. اللي فيه .. بينه وبين نفسه يارب أنا وش سويت عطيتني إنسانة مريضة .. الله يرجعها السعودية بسرعة والله يجيب الأسبوعين بسرعة .. يارب تنقلع عني وأرتاح من القلق .. !!



لن نصدق أن هناك نساء نكديات لهذه الدرجة !!
ولكن واقعنا يقول نعم هناك نساء نكديات لدرجة لا تطاق أبداً !!
والنكد مرض قد يهدم الحياة الزوجية مبكراً أو متأخراً !!
ربما يخطئ الرجال ولكن بعض النساء لا تعرف كيف تنبه زوجها عن الخطأ !!
بل تقع في خطأ أكبر منه قد يغتفر أو لا !!
هذا هو حال نورة .. هذه الإنسانة الطيبة خارج حياتها الزوجية .. ولكن لا تستخدم فن التعامل مع الزوج .. فالتعامل مع الزوج ليس كالتعامل مع الأخ أو مع أي رجل كان .. الزوج شخص يحتاج إلى الإستقرار والهدوء .. الزوج هو الشخص الذي خرج من دولة حنان أمه إلى عالم حنان زوجته .. الزوج شخص يحتاج للحنان والدفء أكثر حتى من الأطفال .. !!

غريبات تلك النساء اللاتي لا يعلمن ما هي الطرق المثلى للتعامل مع الزوج أو مع الطفل الكبير .. !!
غريبات تلك النساء من يقرأن ويكتبن ولا يستطعن قراءة بعض النصائح البسيطة عن هذه الحياة الجميلة الواسعة بالحب والألفة !!





نورة مسترخية ع السرير .. ياااربي منك يافيصل والله حيرتني ..وش أسوي بنفسي أنا .. يارب يخلصون الأسبوعين بسرعة ياااارب طاحت دموعها .. والله فقدتك يمه أبييييك الله يآخذ روحي إذا بقعد مع واحد مثل النكدي هذا !!



في شقة خالد زوج ليلى ..
ليلي : يوووه هذي دانة وحدة تجنن .. والله أحس ربي عطاني أخت ..
خالد " يبتسم " : يالله أهم شي حبيبتي تنبسط .. وترتاح ..
ليلى : ايه صح اليوم الصباح شفنا فيصل ويسلم عليك ..
خالد : ماشاء الله عليه يحب يمشي الله لا يضره ..
ليلى : تقول زوجته من زمان حتى وهو في السعودية يحب يمشي وداخل نادي رياضي ..
خالد : أحسن له .. والله المشي زين .. عقبالي ..
ليلى ههههههههههه من زينك أنت وعصاقيلك وش بتصير !! عشان إذا رجعنا السعودية ولبست ثوب ما ألقاك .. لا حبيبي أنت يبي لك تآكل وتنام عشان تسمن شوي .. بس أدعي ربي يسمنك شوي ..
خالد : ههههههههههههههههههههه والله طلع اللي عندك ما أعجبتك يعني ..
ليلى هههههههه لا والله عاجبني بس أبيك تسمن حبه .. بس ههههههه
خالد ههههههههههههههه







في شقة دانة .. !!

دانة فتحت " اللاب توب " يارب ألقاك مشاعل يارب .. فتحت الماسنجر شافت مشاعل متصله .. دانة تكلمها
هلا مشمش ..
مشاعل : هلا دندونة يااااااااااااقلبي اشتقت لك كيفك ؟
دانة : تمااااااام انت كيفك ؟
مشاعل : الحمد لله هاه كيف استراليا ؟
دانة : تجنن .. شوفي أنا بطلع بس أبيك بموضوع شاغلني .. واحتجت أحد أتكلم معاه ..
مشاعل : الله يستر .. طيب سكايب ؟؟
دانة : لا أبي كذا أكلمك عشان أصير أكثر جرأة ..
مشاعل : يالله بسرررررعة طيب ..
دانة: ترا الموضوع يمكن عادي .. بس ما أدري
مشاعل : يووووه يالله قولي ..
دانة : بقول لك السالفة كلها ..
مشاعل : أحسن .. بعد ..
دانة .....................
مشاعل تحمست مع قصة صديقتها ..







فيصل .. جالس ع الكنب .. ووضع نورة ماتغير جالسة بالغرفة .. فيصل بعد ما هدا شوي .. قرر يدخل على نورة .. فتح الباب بهدوء وشافها تمسح دموعها ..


دخل وجلس على طرف السرير ..ومد يده يمسح الكحل اللي سال على وجهها .. نورة .. حبيبتي والله العظيم كنت أمزح وما كنت أقصد .. بالعكس انبسطت ,, بس قهرتيني عصبتي بسرعة ,, واضح إني أمزح معاك ..
نورة ساكتة وتطيح دموعها ..
فيصل " بهدوء" : حبيبتي والله العظيم أموت قهر إذا شفت دموعك .. تتوقعين بفرح وأنت تبكين لا والله أكره شي بحياتي دمعة المرة وشلون عاد إذا صارت زوجتي وحبيبتي ..!!
نورة ما زالت تبكي ...!!
فيصل قرب لها وحضنها .. بس حبيبتي .. آآآآآسف يالله اضحكي .. عاد ..
نورة ابتسمت .. فيصل يطالعها .. ايه هذي حبيبتي .. هذي نورة اللي أعرفها ..
نورة : تدري فيصل ..أنت إنسان طيب مرررة وعسل ,, مافيه منك .. والله بطيبتك تحرجني ..!!
فيصل : لا إذا أخطيت أعترف وأعتذر وين المشكلة .. بس حتى ولو لازم كلنا نعترف حتى أنت غلطتي وقلتي لي كلمات المفروض ماتنقال لي أنا ؟؟
نورة " طاحت دموعها " : أنا عصبت وآسفه والله العظيم آسفة وأنت مو نكدي عسل .. وتكره شي اسمه نكد
فيصل هههههههههههههههههههه تراضينني حلووووة طريقتك .. عفوية .. ياحبي لك بس .. والله ياقلبي يموت يموت يموت فيك ..
نورة : حياتي أنت ..
فيصل : قلبي اللي يموت فيك مو أنا " يضحك " ..
نورة " تبتسم " وأنا وش اللي أبيه من الدنيا غير قلبك .. !!
فيصل .. يالله خلي الغداء نتعشاه وبنطلع الحين .. بس بشرط ..
نورة " تضحك " : سم ..وشو شرطك ؟
فيصل " بهدوء " : بليييز ما تفهميني خطأ .. ما نبي نتهاوش ؟
نورة " تضحك " : يووووه مليت من المشاكل .. لا ماراح نتهاوش ..
ضحكوا .. وراحت نورة تلبس .. وطلعوا وهم مبسوطين ..!!








في شقة دانة .. وهي تقرأ رد صديقتها مشاعل ..
مشاعل : لا أكيييد أكيد فاقدة عقلك يا دانة .. حرام عليك لا تسوين شي ولا توضحي لفيصل شي .. حرام والله حرام ..
دانة "انصدمت " يااااربي وش سويت هذي وهي صديقتي قالت كذا!!
دانة : إيه بس أنا قلت لك شعوري ما نويت على شي .. وتقول ليلى مبسوط
مشاعل "عصبت" : مالك دخل بحياته مبسوط أو مو مبسوط انسيه الولد متزوج وحرام تعذبين نفسك كذا وأنا أعرفك يادانة عليك أفكار تحفة !!
دانة : يااااالله ماراح أسوي شي ولا علي منهم بس أقول لك هو مستقر ..
مشاعل " بعصبية " : المفروض تنسينه ولا تسألي عن حياته والله قهرتيني وأنا صديقتك وشلون زوجته حطي نفسك مكانها ولو تدري والله قهر !!
دانة " دمعت عيونها " يوووه وش فيها هذي .. !! ياااربي والله شكلي فاقدة عقلي جد ياليتني ما قلت لها شي ..
دانة " بعصبية " : خلاص خلاص مشموش .. انسي وأنا بنسى الموضوع .. بس قلت لك أعجبني شوي مو مرة ..
مشاعل : :$ أحسن خلي الرجل فحاله .. والله يوفقهم ..
دانة أنا غبية قلت لها عن شعوري المفروض ما أقول لأحد .. !!
دانة : طيب انا بدرس شوي .. لأني شوي وأروح الجامعة .. بدك شي ؟
مشاعل : يؤ مو قبل شوي تقولين الساعة 3 عندكم العصر ؟؟
دانة "تبتسم " : ايه .. عادي اليوم محاضرتي الساعة 5 وبطلع أقرا شوي قبل أروح .. يالله ياقلبي تآمريني على شي ؟؟
مشاعل : سلامتك وانتبهي لنفسك .. ولا تفكرين بشي مو حلو وأنت خارج المملكة وفاقدة الكل وممكن تقعين بالشي هذا من باب إنك فاقدة الجميع وتحتاجين أحد وخاصة للرجل لأنك فاقدة أبوك وانتبهي أنا صديقتك وأقرب وحدة لك ..
دانة : صادقة يمكن عشاني فاقدة أمي وأبوي مو بس أبوي .. والله يعين وشكراً ع النصيحة اللي جد أخذتها بعين الإعتبار ..
قفلت دانة اللاب توب .. واسترخت ع السرير تفكر .. ياااربي أنا ليش ما أنسى .. والله بس صورته على بالي .. بس لازم آخذ نصيحة مشاعل بعين الإعتبار .. هو متزوج .. وخير أنا أفكر فيه والله إني مجنونة !!








في السعودية وتحديداً في بيت أبو دانة .. الساعة 8 ونص الصباح ..!!
أبو دانة يتألم من التعب وهو نايم ..
أم دانة صحت من النوم .. أبو دانة وش فيك ما تحس إن التعب راح ؟
أبو دانة : لا والله احس جسمي فيه حرارة والله ماقدرت أنام زين يامريم ما أدري شفيني ..
أم دانة : أروح أجيب كمادات ..؟
أبو دانة : ما ينفع بروح المستشفى .. يمكن يعطونني شي يخفض الحرارة شوي ..
قام من السرير أبو دانة .. يالله بروح .. إذا بغيتي أي شي دقي علي..
أم دانة : خلني أروح معاك أحسن ..
أبو دانة : لا يابنت الحلال خليني أروح نامي وتراها حرارة بس لا تخافين ..
أم دانة " تبتسم " : عاد الجو متغير ولا تشيل هم وياعلك ما تشوف شر يارب ..
راح أبو دانة للحمام .. ولبس وراح للمستشفى .. وهو بالطريق ما يشوف زين من التعب .. وقف السيارة وركب " تاكسي " ..

دخل المستشفى .. وحرارته ع 39 وتعبان مره .. طلب الدكتور يآخذ له تحاليل ويرتاح اليوم عندهم ..!!!






في المطعم خلصوا فيصل ونورة متغدين .. فيصل : عاد تدرين نورة من زمان ما أكلت هالوقت فلذلك عشاء مافيه ما أقدر ..

نورة " تبتسم " : الحمد لله .. وشكراً ع الطلعة .. والله انبسطت حبيبي ..
فيصل " يبتسم ": ولوووو ماسويت شي ومافيه شي من قدرك .. ياقلبي أهم شي تنبسطين ..
نورة " بهدوء " : عاد تدري فيصل شكلي بهون عن الروحة للسعودية !!
فيصل : ههههههههه أقول عشانك انبسطتي اليوم وإلا إذا جاء بكرا قلت برجع أعرفك يانورة أنا أكثر واحد يفهمك بس عشانك طالعة ..
نورة " حست بالقهر من رد فيصل " ابتسمت .. وقالت : يمكن عشاني انبسطت اليوم ..ليش لا !!
فيصل : ههههههههههههههههههههههههههه تضحكينني دايم
نورة " بنظرة حادة " : يوووه وش فيك ؟
فيصل"بمزح " : أنت لك مليون كلمة .. يالله ماعليه بنسى اللي قلتي ..
نورة " عصبت " : طيب خلااااص زودتها ؟
فيصل : لالالالا شكل النفسية بدت خلاص ما ضحكت ولا شي انسي انسي طالعين ننبسط حنا ونغير جو ..
نورة أسكتت .. وهي من جواها قهر .. طيب يالله حاسب بنطلع ..
فيصل " يبتسم ": مافيه رجعة للبيت بروح للشاطئ .. وش رايك ؟
نورة سكتت شوي .. مابي أروح برجع البيت ..
فيصل : ليش ماتحبين الشاطئ مثلي .؟
نورة "ضايق صدرها " : بس ما أرتاح الناس يختلفون ..
فيصل " يبتسم " : طيب .. أنا أبي نروح للشاطئ وننبسط ..( فيصل حاس إنه ضاق صدرها لأنه ضحك وبالغ في ضحكه لذلك قرر يغير مزاجها ) ..
نورة: يالله اللي تشوف بس الساعة الحين 4 إلا ومايمدينا ساعة وتبدأ تغيب الشمس ..
فيصل " يبتسم " : أحلى نشوف الغروب هناك حياتي ..







في السعودية وتحديداً في المستشفى .. أبو دانة يكلم أم دانة بالجوال .. لا موب لازم تجين ..بكرا إن شاء الله أكيد بطلع ..
أم دانة : بجيب لك لبس وأغراض يمكن تحتاجها وأجي أتطمن عليك بعد مايضرني شي ..
أبو دانة : الله يهديك .. طيب خلي أحد يجيبهم والله مالها داعي تجين ..
أم دانة : الله يهديك بس .. خلاص أنا بكلم ولد أختي إبراهيم ويجيبني ..
أبو دانة : ماتسمعين أنت تسوين اللي براسك ..
أم دانة : يالله ساعة بالكثير وأكون عندك ياعلك ماتشوف شر ..
أبو دانة : الله يجزاك خير ..
دخل الدكتور على أبو دانة .. والله التحاليل ما تطمننا يا أستاذ فهد .. بس لا تخاف إن شاء الله ممكن تطول عندنا بالمستشفى ..فلذلك بكرا إن شاء الله بنسوي لك أشعة طبقية.. والله يشفيك يارب ..
أبو دانة " استغرب " : عسى مافيه شي خطير بس يادكتور .. واللي فيني حرارة يالله لك الحمد مايحتاج كل هذا ..
الدكتور : لا الحرارة ناتجة من شي والله يشفيك حنا بنتابع حالتك وإن شاء الله تكون حرارة .. وحتى شكلك مو طبيعي أبد بس لا تخاف ولا تشيل هم يومياً تجينا مثل حالتك ومع تغير الجو ..
أبو دانة : الله يعطيك ألف عافية يادكتور .. ماقصرت ..



على الشاطئ .. والهوا البارد .. والجو غيم .. نورة : يوووه يافيصل الجو بااارد ..
فيصل : هههه والله الجو شي ..
نورة : ياحلو البحر يجنن .. ربي عطاهم أجواء ..
فيصل : هذا اللي مدوخني في نيوكاسل شاطئها .. وإلا مافيها زود ..
نورة : بالعكس مدينة هادية يكفيها ..أجل سدني يوووه زحمه مستحيل تنسكن ..
فيصل : سدني ياعيني عليها,, إن شاء الله بنروح لها .بـالـ .Weekend
نورة : إيه ماعليه يوم السبت والأحد أوكي بس أيام الدوامات والزحمة مستحيل أروح ..
فيصل : ههههههههه الحين اللي يشوفك يقول تسوقين ؟ أنا اللي أتضايق أنت بس راكبة ومالك دخل!!
نورة : هههههههه بس أتضايق أبي الطريق بس لي لحالي ..
فيصل : عاد الرياض ماتفرق زحمتها عن سدني ..
نورة " بنظرة استغراب " : وتقارن الرياض بسدني .. والله فرق ياااااحبي لها الرياض .. الرياض لو يصيرون الناس فوق بعض تجنن..
فيصل " يتنهد " : وه بس يالرياض والله اشتقت لها ..
نورة " تقاطعه " : وكمل اشتقت لمين فيها ؟؟
فيصل " يكمل ويضحك " : وخوياي والإستراحة ..
نورة " تضحك " : ايه ايه هذا اللي يخليك مشتاق يا ذي الإستراحات .. حنا البنات اللي تونا متزوجين نحس الإستراحة هذي ضرة مو إستراحة..
فيصل هههههههههههه لازم
نورة هههههههههههههههه
انبسطوا فيصل ونورة وتغير مزاجها وكانت طلعة مرررررة حلوة ..




في السعودية .. وكمان في المستشفى .. أم دانة : يارب ماتشوف شر .. والله خوفوني عليك الدكاترة ..
أبو دانة : يا بنت الحلال لا تشيلين هم بس لازم يتأكدون ..
إبراهيم : ماتشوف شر يا أبو دانة .. والله خفت عليك يوم قالت لي خالتي إنك بالمستشفى ..
أبو دانة : لا لا تخافون بس حرارة وشوي مرهق .. أخبار البنت الجديدة ؟
إبراهيم " يضحك " : ياااازين البنات والله كل شوي رايح لبيت أهل مرام أشوفها .. ياحبي لها الله يخليها ..
أبو دانة : عقبال ما تزوجها ..
إبراهيم : آمييين يارب .. يالله زوج دانة تجيب لها عريس ..
أم دانة " تتنهد " : يا بعد عمري يابنيتي .. والله موب مزوجتها توها صغيرة ..
أبو دانة " يضحك " : تسمع يا إبراهيم هذي حالتي مع مريم .. أقول لها خلينا نزوجها تقول من كثرها ..
إبراهيم : وينها دانة تنبسط على هالأم ماشاء الله الله يخليها لكم .. ودامها مرتاحة شهاداتها أهم من الزواج .. إذا تخرجت وضمنت الوظيفة بتصير مزحومة من كثر اللي يبونها ..
أم دانة : هههههههههههه صادق أهم شي تستلم راتب يمشي حالها .. الله يرزقها الرجل اللي مايشوف فلوسها ولا يشوف غيرها..
أبو دانة " يتنهد " : آميين يارب .. ويخليها لنا ,,

دانة طلعت من الجامعة .. راجعة لشقتها .. دقت على ليلى .. أهلين ليلى ..
ليلى : هلا وغلا كيفك .؟
دانة : والله تمام .. هه توي أخلص من المحاضرة قلت أكلمك شوي أبعد عني أجواء الدراسة ..
ليلى : الله يعينك .. ويوفقك .. أجل بترجعين تنامين ؟
دانة : شوي ساعة وأكيد بدوخ من التعب ..
ليلى : تعالي ليش ماتروحين معنا لسدني .. والله العظيم تنبسطين وتغيرين جو ..
دانة : لا لا مالي خلق وبدرس ..
ليلى : كيفك .. كلمتني نورة قبل شوي وقالت بيروحون سدني .. وهناك والله تجتمع والله وناسه
دانة " وهي مرتبكة " : ما أدري ما أدري أشوف .. وأرد لك .. على حسب المزاج ..
ليلى : أوكي ردي لي بسرعة وبتروحين معنا موب بالقطار ..
دانة : إيه عادي ههههههه يالله ياقلبي قلت بشوف وش مسوية ؟
ليلى : مع السلامة ياقلبي .. ردي هاه ..
دانة : إن شاء الله ..

في بيت فيصل .. وفي الغرفة ..

فيصل مسترخي .. ونورة جالسة تحط كحل ..
فيصل " يطالعها " : سؤال ما تملون من المكياج ؟
نورة : لا أنا من ناحيتي أبد فيه بنات يملون ..
فيصل مستغرب ..
نورة : كلمت ليلى قبل شوي وأنت بالحمام وقلت لها بنروح لسدني ..والله فرحت ياحبي لها .. طيوبة ..
فيصل : حلو ..
نورة " التفتت عليه " : وقالت بقول لدانة تجي معنا ..
فيصل : أهااا طيب مين دانة ..؟ (ناسيها)
نورة : يووه البنت الجديدة اللي جت ,, × تذكرت .. يوه صح أنت ما تدري .. فيه بنت جديدة جت اسمها دانة شكلها عسل كلمتني بعد..
فيصل " تذكر " : ايه ايه .. شفتها مع ليلى ذيك المرة عند الشاطئ .. ياحليلها جاية ما معها أحد ..
نورة : إيه ناس يبون يتعلمون يضحون بكل شي وأنا مالت علي كل شي متوفر ولا لي خلق دراسة ..
فيصل : ما أحد مانعك إدرسي ..
نورة وهي تمشي جاية للسرير .. وجلست على طرفه .. أنا إنسانة مالي خلق دراسة .. يجيني المرض لو أدرس ,,
فيصل " يضحك " : إيه جايتك عين عشان شطارتك الزايدة ..
نورة " تضحك " : شفت وشلون .. !!

وراح اليوم أحلى من العسل على فيصل ونورة .. ومن أحلى الأيام اللي مرت عليهم خالية من مشاكلهم اللي تطول ..!!





دانة رجعت لشقتها وهي تفكر تروح لسدني عشان فيصل وإلا سمعت كلام صديقتها ولا تبي تخرب على نورة !!

في الصباح الساعة 9 .. فيصل يسوي الفطور .. كالعادة !! عاد هذي نامت معي ماشاء الله نفسي أنام كثر نومها إذا ما نامت أكثر من 12 ساعة يعني ما نامت أبد .. !! متزوج أسد أنا كل الوقت نايمة .. !!




دانة .. تفطر .. وجالسة تتصح ع السريع ايميلها .. بتطلع تقرا روايتها عند الشاطئ .. يارب يارب أشوفه .. والله نفسي أشوفه .. إذا تحرك جواي شي فشكلي طحت وما أحد سمى علي !!
يارب بس إذا أنا أحبه تبعده عني .. والله ماله داعي أحب الولد وهو متزوج ..!!
أفطرت دانة وسكرت اللاب توب قبل تطلع .. وراحت للشاطئ ..






فيصل ع الساعة 10 ونص حب يطلع للشاطئ .. بس قبل يطلع .. راح لنورة .. دخل شوي شوي .. وجلس على طرف السرير ونزل راسه .. نورة نورة ..
نورة " تتحرك": هااااااااااااه فيصل وش تبي ما نمت زين ؟
فيصل " يبتسم ": أبي أذكر مرة من يوم تزوجتك متى نمتي زين ؟ الساعة 10 ونص بتقومين تطلعين معي ..
نورة " فتحت عيونها " : فيصل حبيبي وش تبي بالضبط ..
فيصل هههههههههه وش أبي !! أبيك تقومين تطلعين معي والله والله الجلسة ما تزين إلا معاك ..
نورة " تبتسم " : طيب بقوم بس تتنظرني ..
فيصل " يبتسم " : من عيوني الثنتين وأنا وشوله مصحيك .. خلاص أنتظرك بالصالة ..والفطور أشتري لك ..
نورة " تبتسم ": لا كافي أبي عاجبني الكافي اللي عند البيتش ..
فيصل " يطالعها من عيني اليمنى قبل اليسرى ويأشر على عيونه .. أنا كم نورة عندي !!
نورة " تبتسم ": ياحبي لك ..
فيصل " وقف " : يالله أنا أنتظرك بالصالة ..



دخلت نورة الحمام .. وبعدها لبست وطلعت لفيصل .. هاه فيصل وش رايك بشكلي ..
فيصل " يبتسم " : قمر .. يالله مشينا ..
نورة تبتسم ..
فيصل " وهو يمشي " : بتمشين معي هناك ..
نورة هههههههههه لا لا أجلس أنتظرك مالي خلق بالمشي بالمرة ..
فيصل هههههههههه
طلعوا ..





دانة داخلة جو وهي تقرا الرواية .. !! دق جوالها .. يؤ برايفت نبر ..؟؟ أكيد أمي هلا وغلا والله والله اشتقت لك ..
ياحياتي أنت كيفك .؟ .... حبيبتي ماما والله اشتقت لكم وكيف بابا عساه بخير .. ..... الحمد لله الحمد لله .. وينكم !؟؟ ههههههههه ايه عاد أنا أحس انكم من زمان عني .. ليش ما نمتي ؟؟ ....... أهااا قمتي للصلاة .. ... مافيه جديد .. ... ... .. حبيبتي أنت ..... مع السلامة ..سلمي على بابا كثيييييييير .. ... طيب .. ان شاء الله ... مع السلامة ..


قفلت دانة الجوال .. وقامت تمشي .. على وقفتها شافت فيصل يضحك ومعاه زوجته .. يووووه وش جابه هذا !! يااااربي رجعت جلست ولا كأنها شافت أحد ..





وصلوا فيصل ونورة ومر يشتري لها كافي ..

نورة "مستغربة " : يوووه هذي دانة اللي شفتها بالمول .. !!
فيصل " يبتسم " : إيه دايم أشوفها تجي تقرا هنا .. روحي اجلسي معاها وأنا أمشي ..
نورة " تطالع فيصل " : والله مستحية منها ..
فيصل : روحي لها عادي .. سلمي وشوفي تبي شي وإلا لا ..
نورة " وهي تبتسم ": وش رايك تجي معاي .. !!
فيصل : يالله أنا سلمت عليها قبل ..




دانة مرتبكة وهي تشوفهم على جنب ياااااربي وش يبون والله ما أتحمل ..!!
نورة " تبتسم " : دانة ..!!
دانة "مرتبكة ": هلا نورة .. هلا وغلا ..
فيصل بعيد عنهم شوي .. يطالع ويبتسم ..
نورة : كيفك ؟ وينك ؟
دانة : والله دراسة زيك عارف ..
نورة : الله يوفقك ..يارب
دانة " تبتسم " : اجلسي معاي شوي ..
نورة " التفتت على فيصل " : ايه فيصل بيمشي وقلت بجي أجلس معك شوي ..
دانة " تطالع فيصل " : أهلين أخوي فيصل ..
فيصل " يبتسم " : ياهلا والله كيفك ؟
دانة " بابتسامه " : ماشي حالي ..
فيصل : الله يعينك ويوفقك .. يالله أنا بروح أمشي .. وراجع ..
نورة : أوكي أنتظرك ..
دانة يوم شافت فيصل ماباقي إلا تدوخ .....!!
راح فيصل ..وجلسوا دانة ونورة ..
نورة : كيفك والله استحيت منك أول شي ؟
دانة " مستحية " : لا ياقلبي عادي خوذي راحتك ..
نورة : ياربي صحاني فيصل من النوم مع اني أجي معاه بعض الأحيان مو دايم
دانة ترتبك أول ما تسمع اسمه ..
دانة : أهااا اشوفه دايماً هنا .. شكله يحب يمشي ؟
نورة "تضحك " : مررررررره ذبحني ..
دانة تبي نورة تسولف عن فيصل .. !!
دانة : والله أحسن له يمشي .. وبعض الأحيان أشوفه يدخن عاد أنا أنواع اللقافة ..
نورة : لااااااا يا قلبي خوذي راحتك .. هو يحب يدخن الله يكفيه شر التدخين ..
دانة "يرجف قلبها بقوة " : آمييين يارب .. ( بينها وبين نفسها يازين السواليف عنك )
نورة : وعساك مرتاحة ؟
دانة : ماشي حالي ..حلو البيتش .. وفيه أماكن حلوة ..
نورة : صادقة بس تملين أنا اول شي انبسطت بعدين ملل ..
دانة : يمكن !! طيب لكم إجازات .. ؟
نورة : يوووه خليها على ربك .. بالكريسمس الإجازة وحنا جينا بشهر 1 لنا 4 شهور تقريباً .. والله اشتقت لأهلي .. بس أنا برجع بعد أسبوع وشي ..هيك ..
دانة " انقهرت على بالها فيصل بيرجع " : ليييييش وش فيكم ؟
نورة "بسرعة " : لا لا بس أنا لأني مشتاقة لأهلي وبرتاح شوي .. ويمكن أرجع استراليا ..
دانة بجواها أشوى على بالي فيصل ..
دانة " تمثل" : يوووه قهر ما تعرفت عليك زين بعد ..!!
نورة "تذكرت " : ايه صح قالت لك ليلى .. إننا بنروح سدني .. بكرا إن شاء الله
دانة "تتنهد " : إيه بس مستحية أخرب عليكم وأنا ما أعرفكم زين أنتم تمونون على بعض أكثر والله أخاف تطفشون مني ..!!
نورة : لااااااااااااا وش دعوى .. أمااااانة أمااااانة تجين معانا عاد .. وش دعوى والله عادي أنا وليلى أنواع الفله ماعلينا اللي يجي يدخل على طول معنا .. منها نتعرف على بعض أكثر وبعد حنا من الرياض نشوف بعض بالسعودية ..


دانة راح بالها مع فيصل .. .. !! يااااربي والله نورة مسكينة مالها ذنب وش أبي بحياتهم أنا !! لازم أبعد !! وبترجع بعد أسبوعين والله حرام !!

نورة : هاه وش قلتي تكفين الله يخليك تعالي كل ما كثرنا انبسطنا أكثر ..
دانة "رحمتها " : لاااااا ما أقدر .. والله مشغولة والإختبارات قربت .. والله صعبة .. لو يكلمني بابا ودري إني أتمشى وأنا عندي إختبارات زعل ..!!
نورة " تضحك " ههههههههههههه أعجبتني بابا هذي .. أقول بتجين إن شاء الله .. خلاص ..
دانة : أشوف أشوف .. على حسب بس احتمال لا ما أقدر ..
سولفوا دانة ونورة بكل شي وكانت دانة تبي تبعد السواليف عن فيصل تخاف تكتشف شي وتحبه أكثر وتقربها تبي تسمع عنه غصب عليها !!
جاء فيصل و وقف عندهم.. وهو تعبان من المشي .. نورة .. هاه أعجبتك السواليف مع دانة ؟
نورة "تضحك ": إيه مره أخذتني السواليف وراح الوقت ..
فيصل " يطالع دانة " : هاه آخذ زوجتي وإلا تبينها ؟
دانة " استحت " ههههههههه
فيصل : يالله نورة ..
نورة " وقفت " : يالله دانة ونستيني إذا بتجين معانا ردي ,,
دانة : إن شاء الله ..
نورة : مع السلامة أشوفك ع خير ..
دانة: مع السلامة ..


راحوا فيصل ونورة ..


دانة أهنيك يانورة .. يااااااااااااالله .. ياااااااااليتني ما جيت أدرس .. ياليتني ماشفته ..ياااااااااليتني زوجته ويقول يا زوجتي بدالك يانورة ؟؟ ياااااااااااربي وش فيني .. ضاق صدرها دانة ورجعت للشقة .. مو قادرة تركز بأي شي .. خلاص فيصل بدا يزعجها وصورته تجي فبالها كثيييير .. تتذكر ابتسامته وتعبه من المشي وتتذكره وهو يسلم عليها وتتذكر حتى نظراته و تتذكر حتى أول لمحة له بحياتها !! .. دانة تعبت من التفكير .. ولا تدري تروح سدني وإلا لا !!

تخاف إذا راحت تتعلق بواحد واضح إنه يموت بزوجته ومستحيل يبدلها بأي إنسانة ..وتخاف إذا جلست تتعذب أكثر وتندم لأنها بتفوت فرصة ممكن تقربها من شخص حبته بنظرة !! ولاتدري من هو هالإنسان وايش اللي يسكنه !!



دانة حبت شخص ما تدري عنه !! ولا تدري عن صفاته ولا أي شي !!
غررررريب الحب .. وغريبين احنا كيف نحب !!

!!





في بيت فيصل .. ونورة تسوي الغداء ..
نورة : لا لا شكلها مره عسل يارب توافق تجي معنا
فيصل "ماأعجبته فكرة إن دانة تجي": طيب تآخذون راحتكم..؟؟ وبعدين داخله أنت مع ليلى مرة مو مثل هذي ؟؟
نورة "تبتسم" : لا ماشاء الله شكلها عسل أقول لك وبعدين تعرفت على ليلى مره ..
فيصل : كيفكم والله اللي يريحكم ..
فيصل "راح لنورة بالمطبخ " : تبين أساعدك حبيبتي ..
نورة "تضحك " :لا لا وشوله أنا أسوي اطلع أنت بس لا تحوس المطبخ علي
فيصل "يبتسم " : لا بغسل الصحون عشان مايكثرون عليك .. /راح بيغسل
نورة " عصبت": خلهم فيصل من زين تنظيفكم الأشياء اللي مو تخصك خلها ..
فيصل طارت عيونه ..!!
نورة : وش فيك ؟
فيصل "عصب": اقصري صوتك طيب والله مزعجة ../ وطلع ..
نورة يااربي منه ملقوف كل شي يقط وجهه فيه !!



فيصل راح جلس بالصالة وطلع الدخان !!!!


راح الوقت بسرعة تغدى فيصل والنفسية واصلة من نورة وطريقة تعاملها .. ونورة ماهمها لأنها تشوف نفسها صح ..!!
وبعد العصر راح فيصل الجامعة ويرجع ع الساعة 9 وشوي ..




دانة راحت بعد المغرب لليلى ..وجلسوا يسولفون عن كل شي حاولت ليلى إنها تقنع دانة تجي معهم سدني بس رفضت خلاص خصوصاً إن الرحلة بكرا والساعة 9 الصبح يعني خلاص ..ماتبي تروح ..



رجعت دانة شقتها ع الساعة 9 ودايخة ومصدعة وفيها كل شي!!

ولأنها رفضت تروح معهم !! حست إنها غبية !! وفي داخلها تقول وش فيها إذا حبيت واحد متزوج ويحبون بعض أنا ربي كتب لي أحبه وش ذنبي لاااازم أوصل حبي له !!بس لما تروح زوجته !!!!!!!




دانة الإنسانة الواثقة المدللة بدأت تفقد السيطرة على نفسها !!
وصارت تحس أنها ضعيفة وضعيفة جداً أمام عظمة شعور داعب قلب لم ينبض لأي شخص
في حياتها !!
دانة كانت تسخر من الحب وتحتقر أي بنت تحب وكانت تقول الحب بس لأمي وأبوي !!
ياسبحان الله !!





في السعودية وتحديداً في المستشفى .. مسترخي أبو دانة على السرير وعنده أم دانة !!
أبو دانة : والله فيني حرارة مو طبيعية ..
أم دانة : الله يستر بس ويشفيك يارب وترجع لي والله البيت مايسوى بدونك ..
أبو دانة : اليوم سويت أشعة .. والله ماأدري وش يسوون فيني ياما دخل دكتور وياما طلع دكتور ..
أم دانة خايفة عليه وتخاف يصير فيه شي خطير !!!
أم دانة : اذكر الله وادع ربك ولا تشيل هم تذكر أختي حصة وش سوو فيها وبهذولها بهذلة بالمستشفيات وآخر شي ياربي لك الحمد ماصار فيها العافية ..
أبو دانة : أنا ذبحني التفكير بدانة أنا ماراح أرتاح إلا لما أشوف الرجل اللي يستاهلها ويرتاح بالي والله والله إن شفت الرجل اللي يدلع بنتي ويريحها خلاص مابي من الدنيا شي ..
تأثرت أم دانة وطاحت دموعها .. ياااه يا أبو دانة مافيك إلا العافية وإن شاء الله بتشوف عيال عيالها ..
أبو دانة : اللهم آمين ..ياجعلني ماأبكيها ..





في بيت أبو فيصل .. بعد المغرب تقريباً .. يعني اللي باستراليا نايمين ..!!
أم فيصل جايتها أختها أم عبد الله اللي هي "أم نورة " ..
أم فيصل : والله أريح لك وش يخليه عندك .. ماشاء الله ومتوظف وظيفته زينه ..
أم عبد الله : البنات ياكثرهم وإذا صرنا ندور ما نلاقيهم أبد ..وإلا والله من السنة اللي راحت وهو يقول دوري لي حتى نورة ياحبي لها ماقصرت يوم هي عندي وهي إذا شافت بنت قالت لي ..
أم فيصل : أنا أدور وأشوف من أهل أبو فيصل ماشاء الله نلقى .. وش يبي مواصفات ..
أم عبد الله : ما حدد يقول إختاري لي ..
أم فيصل : إيه أشوى يصير مثل فيصل جايب لي مواصفات بالخيال الله يصلحه قلت والله مالك إلا نورة ومايعرف لك إلا نورة ..
أم عبد الله : هههههههه وماشاء الله هذه مرتاح ..
أم فيصل : يرتاحون غصب .. ياحبي له وليدي اشتقت له أذكر يوم يدخل علي يقول بتزوج وأبيها تشبه إليسا ههههههههههه قلت من وين أجيب لك وحدة تشبه إليسا الله يصلحهم الدش مخربهم ..
أم عبد الله : ههههههههههههههه عليهم ذوق بعد والله بنيتي أزين من إليسا ألف مره ..!!!
× دخل محمد ..وسلم على خالته أم عبد الله .. والتفت على أمه ..يمه قولي لفيصل يجيب لي لاب توب من استراليا ..والله كمبيوتري موب زين ..
أم فيصل : دق عليه أنت وأنا وش دخلني بينكم .. وبعدين لا تشغل أخوك خله يدرس فاضي أنت اطلع بس بسولف أنا وأختي ..
محمد : أنا أدق عليه .. ياااالله .. الله يعين ياويله إذا عصب نفسية ولدك هذا,, والله لا أرفع صوتي عليه ..
أم فيصل " عصبت " : تدق وتهاوشه والله ماصارت رح عني تكفى ..
أم عبد الله : هههههههههه




تمر الساعات بسرعة ..!!


في استراليا .. فيصل صحى من النوم الساعة 7 ونص وهو ع السرير ..ويشوف جواله .. يووه برايفت نبر مين ؟؟
فيصل "بهدوء" : نورة .. نورة ..
نورة "فتحت عيونها ": خلاص خلاص صاحية ..
فيصل : صاحية وأنت بفراشك يالله قومي سوي لي فطور وتجهزي عشان نمشي ..
نورة : ياااااربي منك الحين لازم فطور أنت ..
فيصل " يضحك " : اللي يشوفك يقول تسوينه لي كل يوم .. أقول قومي يالله ..
نورة "بهدوء" : شوي ..!!
فيصل "سحب اللحاف " : يالله قومي وشو اللي شوي يالله ..
نورة : ياااربي منك انواع الإزعاج .. قلق من الصبح ..
فيصل : وش رايك نهون عن سدني ..؟ أحسن صح .؟ لأن شكلك بتحوسين جونا ؟
نورة " طيرت عيونها ": لالالالا الله يخليك أنا أبي أروح
فيصل : أجل يالله تحركي ..
صحت نورة .. وراحت تسوي الفطور وفيصل شغل التلفزيون ..وينتظر الفطور..
فيصل : بتجي صديقتكم الجديدة ؟ (نورة بالمطبخ بس المطبخ مفتوح ع الصالة )
نورة : لااااا قهر والله ليلى قالت لي أمس إنها ترجتها تبيها تروح ..
فيصل : قسم ياعطيتوها وجه خلاص وبعدين عيب تشغلونها ..
نورة " تطالعة " : عادي وين العيب بعدين حنا البنات متفاهمين ونعرف حركات بعض ..موب مثلكم ..
فيصل هههههههههههههه ياملغكم أنتم وحركاتكم .. الله من السخف بالسواليف ..
نورة " عصبت " : وش دخلك ؟ كيفنا أحد قال لك تعال سولف معنا ؟
فيصل : وع وش أقول بس أصلاً لو أفتح سالفة قاطعتني مليون حرمة حنا الرجال محترمين وإذا تكلم رجل كلنا نسمعه موب أنتم أحزاب!!
نورة "بعصبية": كيفنا طيب نسمع للي نبي واللي مانبيه يسولف على نفسه !!
فيصل هههههههههههههههههه تدرين وش أحسن شي إنك على طول تعصبين هههههههههههه جيبي الفطور بس






دانة صحت من النوم وعلى أعصابها أدق على ليلى وأقول هونت بروح وإلا حرام أنكد على المسكينة !! والله حرام ..!!

أقعد أحسن .. فتحت اللاب توب .. وجلست تفكر ومعها الكافي .. بكلم مشاعل أسألها .. والله بتزعل علي ..ياااربي وش أسوي ,,
فتحت الماسنجر .. مالقت مشاعل . أدق عليها جوال أقول تدخل .. دقت ..
هلا ميشو .. ياحياتي إذا فاضية ادخلي ماسنجر أبيك بسرعة .. يالله ..



دخلت مشاعل ,, بعد عشر دقايق كذا ..
دانة : أهلين مشمش .. والله بقول لك شي بس أخاف تزعلين ..
مشاعل : لا ماراح أزعل ما زعلت عليك ذيك المرة وانتي قهرتيني ..
دانة : طيب بسرعة ردي طيب أبي رآيك ..؟
مشاعل "مالها خلق " : قولي ..
دانة : فيصل بيروح سدني وقالوا أروح معهم وزوجته مره مهتمة فيني تبيني أروح وأنا لو بروح ..بروح عشان فيصل بس راحمة زوجته مسكينة ..و أنا ودي أروح أنبسط في سدني بس جواي فيصل
مشاعل "عصبت " : دامك جواك فيصل انثبري .. حرام عليك وزوجته تبيك وتروحين عشان زوجها والله العظيم مسكينة
دانة "تتنهد " يااالله وش فيها هذي !!
مشاعل : وش فيك ما تردين أكيد اللي تسوينه خطأ وين أبوك عنك وهو يقول واثق في بنتي وبزوجها الرجل اللي يدللها وحضرتك رايحة تلاحقين واحد متزوج والله تقهرين ..قسم بالله قهرتيني ..
دانة طاحت دموعها يااااربي وشلون لو أصارح فيصل وش راح تسوي هذي !! وأنا ناوية أصارحه بعد ..
مشاعل : ردي وينك ؟؟
دانة : معك بس مقهورة ما تحسين فيني حطي نفسك مكاني والله العظيم مايفارقني بلوى هذا أنا وش سويت عشان أتعلق كذا
مشاعل : ابعدي عن المكان اللي يروح له لا تشوفينه غيري مكان دراستك تقدرين
دانة تتنهد : طيب خلاص ماراح أروح سدني ..بنطق هنا وبطفش وكل شي
دانة تمسح دموعها اللي طلعوا غصب ..!!
دانة : طيب شكراً مشمش أنا تعبت بطلع ..
مشاعل : ياويلك تروحين والله بزعل ..
دانة : خلاص خلاص أصلاً أنا قايلة لليلى ما راح أروح .. بس حبيت اقول لك عشان يمكن أغير رايي ..
مشاعل : يالله فمان الله وادعي ربك يبعده عنك البلوى هذا ..
دانة : إن شاء الله مع السلامة ..

سكرت دانة المحادثة وسكرت اللاب توب واسترخت ع السرير وأخذت الرواية اللي جنبها تقراها ..



راحوافيصل ونورة .. وخالد وليلى وكل واحد بسيارته .. لسدني .. الطريق تقريباً ساعة ونص ..



فيصل : حجزت فندق مكانه شي بيعجبك وخالد بعد معنا بنفس الفندق ..
نورة "تبتسم" : ياحبي لك وش اسمه..؟
فيصل "بتطنز " : يعني لو بقول اسمه بتفهمين ؟
نورة : أعرف أسماء فنادق (المملكة – ماريوت - ...
فيصل يقاطعها : بس بس بس ههههههههه أنا أقصد انجليزي
نورة : يووووووووه ترا كل العالم يتكلمون انجليزي أقول بسرعة قل اسمه وخلني أقوله بكرا شف إذا نسيته وإلا لا ؟
فيصل : شيراتون فور بوينت يطل على الدارلينج هاربر .. قوليه كذا بسرعة يالله ههههههههههههه
نورة "تطالعة باستحقار " : تكفى اسكت بس سوق وأنت ساكت سخيف ..وبعدين أعرف فندق الشيراتون الحمد لله والشكر لو أمسك ولد بالتمهيدي يعرفه .. بس المساكين اللي يستحقرون الناس وشايفين أرواحهم فوق يحسبون أنفسهم واصلين القمر ..!!
فيصل " يضحك بقوة وبتطنز " : ههههههههههههههههه بالله بس تصدقين نورة ان شاء الله بشتري أرض بالقمر خلاص وصلوا الناس للقمر الأغبياء اللي مايقرون ولا يطلعون على معلومات ولا تثقفوا هم اللي اكيد ما يدرون ..
نورة "عصبت " : فيصل خلاااااص والله العظيم مزحك ثقيييييييل وكلك ثقيييل دم تدري .. خلااااص اسكت مابي أسمعك ..ولا تكلمني ..

زعلت نورة قبل يآصلون سدني ..




وصلوا سدني .. وراحوا يتغدون بمطعم لبناني ..!!
ليلى ونورة مع بعض .. وخالد وفيصل مع بعض ..
نورة : قسم يا فيصلوه قهرني قبل شوي بالسيارة ..
ليلى : يؤ وش سوا بعد ؟
نورة : ما أكلمه ولا أبي أكلمه ..
ليلى : بس أنتم جايين تنبسطون ..
نورة "بحزن": وهو يخلي الواحد ينبسط .. ياختي يقهرني مزحة يجيبه جد ..
ليلى : هههههههه يعني مزحه ثقيل ..
نورة : مرررره بس يتطنز .. وشايف نفسه فوق ..المغرور ..
ليلى : طيب عادي عطيه جوه واضحكي مايبي لها إذا هذا طبعه ويحب يتطنز ..
نورة " طاحت دمعتها " : قهرني والله العظيم قهرني ..
ليلى "بهدوء " : امسحي دموعك لا يشوفك .. خلاص ياقلبي .. وإذا مزحه ثقيل تحملي
نورة "تمسح دموعها": والله العظيم تعبت حتى هو معاملته بعض الأحيان زفت معاي ..وش أسوي مادري ..!!
ليلى : بس لازم تتصالحون وخاصة انه باقي لك اسبوع هنا يابنت الناس تحمليه ماعليه انبسطي ..
نورة : ثقيل دم .. ماأبيه..
ليلى "تضحك " : لالالا .. ماشاء الله هو يعزك حتى خالد يقول باين غلاها ..
نورة "تبتسم": يمكن ..
×دق جوال ليلى ..
ليلى : هذي دانة .. أهلين دانة ..
دانة : هلا ليلى مشيتوا ..؟
ليلى : ياااي واصلين ..
دانة : إيه أصلاً مانويت أجي مالي خلق كيفك .؟
ليلى : أهااا عاد حنا مره مبسوطين والحين بمطعم لبناني نتغدى ..
دانة : جد ؟ يووه أعشق الأكل اللبناني ..
ليلى : ههههههه يجنن أجل لا تجينا عين منك ..
دانة :ههههههه أجل وين ساكنين .؟
ليلى : بالشيراتون .. اليوم بنتمشى ع الدارلنق هاربر ..

دانة : حلو الله يوفقكم يالله قلبي ما أشغلك سلمي ع نورة ..


دانة قفلت وجواها تقول ياااااليتني لحقت عليكم ..


ليلى : ياحبي لها حبوبة ..
نورة : شكلها تحب الأكل اللبناني ..
ليلى : ههههه ايه تقول أعشقه ..
نورة "تبتسم " : ليتها تقعد مع فيصل شوي يدوخ بالأكل اللبناني ..
ليلى : المهم تتصالحون .. خير حنا طالعين مع اثنين مايكلمون بعض ..
نورة : أنا ماراح أسامحه يجي هو يعتذر ..
ليلى : ايه ايه كلكم كذا لما تنكد الطلعة يا شينكم ..
.. جاء فيصل ..
ليلى : هذا فيصل جاء ابتسمي ..
نورة "بتطنز " : الحين أبتسم ..
فيصل : أهلين ليلى .. كيفك إن شاء الله تمام ؟
ليلى "تبتسم " : الحمد لله أنت كيفك .؟
فيصل : تمام .. يالله أنا بطلع ..
ليلى "تضحك":وزوجتك ماتبيها ..؟
فيصل " يبتسم " :أنا جيت أعلمها إننا بنطلع قلت بطلع .. تفهمني هي ذكية ..
ليلى تعمدت إنه تحرجه ..!!
ليلى : ههههههه طيب ..
نورة ساكته ومنزله راسها ..
وقف فيصل شوي .. وشاف نورة ما اهتمت وراح ..!!
ليلى "بهمس " : قومي معاه والله جاي يصالحك يالخبلة ..!!
نورة : أسمع كلمة آسف أكثر من أحبك خليه يروح بس برجع معكم ..
ليلى : قومي أقول أنا ما أبيك تجين معي أنا و زوجي ههههه يالله قومي .. ياشينك ..
نورة " وقفت " : اوف منك ..!! طلعت .. وشافت فيصل يدخن برا ..
ووقفت .. فيصل شافها .. ابتسم ..
فيصل " يأشر " يعني تعالي ..
نورة راحت ..


فيصل "بهدوء " : معجبك الوضع كذا .. ولا كلمة بيني وبينك وقدامهم ؟..!!
نورة "بهدوء" : كذا مرتاحة ..
فيصل " مستغرب " : مرتاحة مني ؟
نورة " دمعت عينها " : إيه .. مرتاحة من تطنزك ..
فيصل "يبتسم " :مافهمتيني ؟؟!!
نورة "قاطعته وبصوت هادي " : إلا فاهمتك بس أنا زوجتك مو أخوك علي .. ولا محمد ولا أختك منار .. أنا زوجتك ..احترمني لو شوي ..بكرا إذا صار عندنا عيال بيصير التطنز شي طبيعي عندك ..! وبتجرحني بكل شي قدامهم ..
فيصل "يبتسم " : إذا ؟
نورة " مستغربة " : حتى اسلوبك هنا تطنز ..؟؟ إذا ما أعجبتك ومتملل من وضعي ..برجع السعودية وخلني مرة وحدة اتركني لواحد يمكن يعرف قدري ..
فيصل " يطالعها مستغرب " .. أول مره نورة تتكلم كذا معاه !! جادة !!
فيصل " بهدوء" : لالالا ما وصلت ويين ما أقدر أصلاً .!! وبعدين اللي أقوله مزح وما تتحسسين منه لهالدرجة !! وش فيك حبيبتي ..
نورة " تبكي "..!!
فيصل " مسك يدها " : تعالي تعالي للفندق نتفاهم .. هنا غلط ..

دق فيصل على خالد .. اهلين خالد خلاص ترانا رحنا الفندق .. لا تنتظرنا ..
طول الطريق ونورة تمسح دموعها مو قادرة ترفعها أبد !!


راحوا الفندق .. !!
................
جلست نورة على طرف السرير ..

فيصل جلس جنبها .. تنهد .. نورة قهرتيني ماتوقعتك كذا زعلانة ..
نورة طاحت دمعتها ..!!
فيصل "يتنهد " : ياااااالله وش سويت أنا.. (سكت شوي ),, نورة حبيبتي ..والله ماأقصد يا ثقل دمي بالمزح .. آسف إذا جرحتك ..
نورة " تبكي ": ملييييت حتى بالطلعات الحلوة تنكد علي وتتطنز .. وش فيني أنا ؟
فيصل : وش تبين أسوي والله لا أسويه .. بس سامحيني الله يخليك ..
فيصل مسح دموعها ..
نورة : ما مليت من كثر ماتمسح دموعي .. !!
فيصل "يضحك " :لا ..أبداً ..
نورة سكتت شوي ..

فيصل : هاه سامحتيني ؟
نورة "ابتسمت " .. خلاص سامحتك ..
فيصل : أدري ..عسل أنت .. (وضمها ..





دانة تشيل أغراضها بتطلع .. بدق على ليلى أبشرها ..
دانة : أهلين ليلى ..
ليلى : هلا وغلا ..
دانة : ساعتين وأصير عندكم ..
ليلى "تضحك" : جد ؟؟؟
دانة : اي والله هه بطلع بالقطار .. لاااو حجزت بنفس الفندق ..
ليلى "انبسطت " : يالله بقول لنورة .. نشوفك ياعسل ..
دانة : باي ../ ليلى : باي ..
دانة قولي لنورة والله بجي عشان زوجها ..!!

ليلى تدق على نورة .. يؤ ردي .. أهلين يا قشطة ..
نورة : هلا والله ..
ليلى : أبشرك دانة بتجي ..
نورة : حلوووووووو اشوى تكثرنا ..
ليلى : ايه أشوى اخيراً.. يالله ما أشغلك ..
نورة : مع السلامة ..

نورة وهي تبتسم دانة بتجي ..
فيصل " يبتسم ":والله انتم البنات تخلون السالفة إلا سالفة وإذا جت يعني !!
نورة "تبتسم ": تونا متراضين مالها داعي أرد صح ..
فيصل " يبتسم " : إيه .. صح ..
نورة : حرام تجي تجي وتتبهذل إذا وصلت تذكر وشلون تبهذل نركب مع تاكسي ومادري كيف !! وش رايك نجيبها من محطة القطار ؟
فيصل : لاااااا والله بعيدة خليها تجي هي ..
نورة : والله فشلة الله يخليك ..
فيصل : أقول وش اللي فشلة خليها تجي مع تاكسي يعني حنا عادي نتعب وهي لا خليها .. ملكة ؟
نورة : مستحية منها وهي حطت عندنا خبر ..
فيصل :واضح قصدها بتعلمكم إنها بتجي .. أنا بدق على خالد بشوف وينه نطلع نتمشى ..
نورة : لا لا دام الوقت توه أبي أطلع أنا وياك شوي نتمشى تحت ..
فيصل : فكرة حلوة يالله قومي ..


طلعوا يتمشون على الدارلنق هاربر ..


نورة : تعال فيصل أبي آيس كريم ..
فيصل "يبتسم": لازم بيذبحك الجو بارد ؟
نورة : لاااا أبي الله يخليك .. عادي مايجيني شي إن شاء الله ..
فيصل "قرب لنورة وهو ماسك يدها ويبتسم ": قولي لي بإذني اللي تبينه بهدوء..
نورة "استحت وقربت " : أبي آيس كريم حبيبي ..!!
فيصل " يأشر على عيونه " : من عيوني يابعدهم أنت ..
× دق جوال فيصل .. يطالع برايفت مين ؟
نورة : أكيد اللي دق عليك ولا رديت ..
فيصل " يضحك " : هلا هلا حمود كيفك ؟
محمد : تمام أنت كيفك وكيف استراليا ؟
فيصل : زينة .. ياقلبي أنت ..
محمد : فيصل كمبيوتري خايس تقدر تجيب لي متى ماجيت ..
فيصل " يتنهد " : شف ترا الكيبورد بتصير حروفه انجليزي عادي ..
محمد : يعني ما يكتب عربي ..
فيصل : لالالالا يكتب بس الحروف تصير انجليزي وتقدر تغيرها أظن وأنا ما أدري بالسعودية ..
محمد : خلاص إذا قدرت جب لي تكفى ..
فيصل : من عيوني خلاص ترا هذي هديتك ماتغثني ..
محمد "يضحك " : خلاص .. يالله مع السلامة
فيصل : هلا وسلم على أبوي وأمي وكلهم ..
محمد : يآصل ..
× سكر فيصل ..
نورة : ياحبي له .. يبي كمبيوتر ؟
فيصل "يضحك " : إيه يحبه .. بشري له وأرتاح خلال الأسبوع إن شاء الله ..



تمشوا شوي وضحك وسواليف .. !!

فيصل : نورة اجلسي على الكرسي ..
نورة " تضحك " : ليييش ؟
فيصل : شوي بروح وأرجع مواعد واحد هنا ..
نورة " استغربت " : جاااد ..؟
فيصل "يأشر براسه" : إيه جاد .. اجلسي وجاي .. ماراح ياكلونك ..
نورة "جلست " : روح يالله ..
فيصل طالعها شوي وراح واختفى عنها ..!!






خالد وليلى يتمشون بس هم راحوا السيتي سنتر ..
ليلى : لاااا أكيد تصالحوا عشان كذا ما دقت إيه أحسن خلهم شوي لا تدق على فيصل ..
خالد "يضحك " : يعني قلتي لي بروح أدق أنا ؟؟؟
ليلى : لا بس أخاف تدق تخرب .. أعرفك أنت ..
خالد : وش دعوى ؟؟ أنا راعي الحركات هذي ..
ليلى : ههههههههههه ياربي منك يا ابو المقالب الله يكفينا شرك بس ..





نورة تنتظر فيصل له أكثر من ربع ساعة رايح ومخليها لحالها .. !!
نورة يااالله وين راح هذا ؟؟ ياااربي منه ..!!






دانة في القطار .. يااااارب أشوفه زين ياااارب أمل منه .. مع إنه شوفته ما تملل .. !! دانة تشوف الشجر .. والمناظر اللي تجنن .. يااالله متى أجتمع أنا وياك .. ونروح سوا بالقطار .. ياااااااارب يتحقق حلمي ..

والله إني طموحة .. واحد متزوج يعني بتزوجه اقول بالحلم .. بس يالله يكفيني شوفته ومابي من الدنيا إلا شوفته .. يا بعد عمري ..
دانة طلعت دفتر تكتب ..


قد لا نلتقي !!
وقد يصير ذكرى !!
ومن الصعب أن أنساها !!
أحببته !!
ولن أهدي سواه قلباً صادقاً ينبض بالوفاء والإخلاص ..!!


........




دانة تتنهد .. يارب ياحي ياقيوم تدلني على الصح .. يارب أنا أجهل وش قاعد يصير ويارب تهديني ياااارب ..
دانة طيف فيصل مايروح عن بالها ..!!






نورة شافت فيصل جاي .. يبتسم ..
نورة "تطالعه ": احلف ؟
فيصل : ههههههههههه ليش أحلف ..؟
نورة : تأخرت علي طفشت وأنا هنا .. جالسة كأني خبلة ..
فيصل : ماعليه تحمليني شوي ..
نورة : يالله خلنا نتمشى ..
فيصل " يطالع بعيد " : نورة تشوفين المكان ذاااك اللي ما عنده أحد ..؟
نورة : إيه وش فيه ..
فيصل "يبتسم " : تخيليه على غروب الشمس ومنعكس الغروب على النهر .. ؟ وش رايك ؟
نورة " تطالعة وتبتسم .. يعني تبي نروح نجلس هناك للغروب ؟
فيصل : إيه .. ونرجع نصلي المغرب وبعدين نرجع مره ثانية مع خالد ..
نورة يالله ومشوا راحوا للمكان ..والطلة الحلوة ..
فيصل جلس ومسك يد نورة وجلسها جنبه .. وحطت راسها على كتفه ..
فيصل " يبتسم " : حبيبي ..
نورة : عيونها ..
فيصل : بسولف واسمعي ..
نورة : طيب ..
فيصل "بحماس وهدوء " : تشوفين جسر مرفأ سدني ..
نورة : إيه جسرهم المعروف ..
فيصل : إيه .. هذا عام 2000 احتفلوا بمرور 75 عام على إنشاءه وطبعاً احتفال كبير ..
نورة : أصلاً اللي محلي سدني هالجسر ..
فيصل : إيه بس تدرين أغلب سكانها بريطانيين وايرلانديين .. و عاد الآسيويين كثير .. لكن يوم سووا احتفالهم هذا ..
نورة " متحمسه " : ايييه ..
فيصل : تخيلي .. ربع مليون سكان سدني محتفلين.. والحلو خلوا الأطفال يمشون على الجسر ومرت طيارة فوقهم بالدخان الأبيض والسماء زرقاء وكتبت عذراً ..!!
نورة : ليش عذراً ؟
فيصل : تشوفين الأطفال اللي مشوا أخذهم رئيس استراليا غصب من أهلهم يحتفلون بس أختار اللي جذورهم إسترالية .. واعتذر للأهل بالطيارة .. والله حركة ..
نورة " تضحك " : أعجبتك الفكرة لأن الإعتذار أكثر شي تسويه بحياتك ..
فيصل : هههههه تصدقين بسويها لي مره ..
×دق جوال نورة .. وهي حاطة راسها على كتف فيصل .. يوووه مالي خلق أرد والله مرتاحة ..
فيصل : لاتصير أمك ياويلك ..


نورة "فتحت الشنطة ": لا هذي دانة .. أهلين دانة ..
دانة : أنا بالفندق متى أشوفكم ,, ؟؟
نورة : أنا الحين مع فيصل شوي وراجعين ونطلع سوا عادي تتنظرين ..
دانة "وقلبها يرجف " : إيه عادي ياقلبي ..يالله ما أشغلك ..
نورة : مع السلامة .. أشوفك ..


سكرت نورة .. ييوووه فشله البنت بالفندق ..
فيصل "بهدوء " : يااااه حبيبي يالله حطي راسك بس قلتي لها شوي خلي نقعد ..
نورة " حطت راسها وسكتوا شوي "
نورة: فيصل تحبني ؟
فيصل "يتنهد " : والله العظيم أحبك .. وشايل هم سفرتك .. اللي جد أفكر أكنسلها ..
نورة " تبتسم ": بس محتاجين نبعد .. وأنا مشتاقة لأمي وعبود ..
فيصل " يتنهد " : الله يعينني .. ياااالله أحبك يا أحلى وأغلى إنسانة ..
نورة "ابتسمت " : الله يخليك يارب ..
×فيصل طلع من جيبه علبه صغيرة وحلوة مره .. قلبي ..
نورة "منزله عيونها تشوف النهر " : هلا حبيبي ..
فيصل : ارفعي راسك شوفي وش معي ؟
نورة "مستغربة " : يااااحياتي.. هدية ؟
فيصل "فتح العلبة " : عطيني يدك ..
عطته يدها ..
فيصل "ماسك يدها ويربط السوارة " : ياحلو السوارة عليك..
نورة "احضنته " : ياااااااحياتي والله تجنن ..
فيصل "يبتسم " : أعجبتك ؟
نورة : مرررررة حياتي مشكوووور ..
فيصل : تدرين قبل شوي يوم أقول اجلسي انتظريني جت فبالي الفكرة ؟ قلت لازم إذا رجعت نورة السعودية ما تنساني ولا لحظة .. وما لقيت غيرالسوارة هذي عجبتني .. وأبيك تتذكرين اللحظة هذي ومنظر الغروب وتتذكرين كل كلمة قلتها لك وخاصة " أحبك " ..
نورة "طاحت دمعتها " : فيصل أنا ادري مقصرة معاك .. وأدري إني عصبية وغبية .. بس والله قدرت تملك مشاعري كلها ..
فيصل " يبتسم " : طيب حبيبتي يالله عشان نصلي .. وروحوا لصديقتكم ..
وقف فيصل .. ومسك يد نورة .. وراحت معاه ..

وقت ممتع ..قضوه مع بعض ,,





راحوا للفندق .. ودق فيصل على خالد وتواعدوا يطلعون بعد مايصلون ..




فيصل ونورة .. بالغرفة ..
فيصل : اقعدي شوي بطلع أجيب أوراق من السيارة وأجي .. دام خالد ما دق ..
نورة : أوكي أنتظرك .. وإلا إذا دقت ليلى طلعت معها ..
فيصل : عاد دقي قولي لي حبيبي طيب ..
نورة : أوكي ..
طلع فيصل .. ونزل يجيب الأوراق ..






في السعودية وتحديداً في المستشفى الصباح .. دخل الدكتور على أبو دانة ..
أبو دانة كان صاحي .. الدكتور الحمد لله إنك مو نايم ..
أبو دانة : وأنتم تخلون الواحد ينام والله على أعصابي ..
الدكتور جلس "وبهدوء" : والله يا استاذ فهد التحاليل طلعت ..
أبو دانة : والنتيجة ؟
الدكتور : عند فيروسات في كبدك .. وخطيرة جداً الحمد لله إنك في البداية ..
أبو دانة "مستغرب " :بداية ايش ؟
الدكتور : الحمد لله والشكر على العافية .. بس أنت عندك فيروسات سببت تليف بالكبد .. وسببت المرض والله يشفيك ..
أبو دانة "انصدم " : يعني يا دكتور فيني الخبيث ؟
الدكتور "بهدوء" : أنت في البداية .. وفيه طرق لعلاجه وبإذن الله راح تشفى منه لأنك في البداية ولكن تحتاج شوي وقت ..
أبو دانة " بنبرة حزن " : وشي الطرق طيب ؟
الدكتور "يتنهد " :استئصال الجزء المصاب وغالباً ما تفشل هذه الطريقة ومن ثم تفشل الكبد .. الطريقة المنتشرة والناجحة بإذن الله زراعة الكبد وذلك من شخص ميت أو حي وهذه أثبتت نجاحا كبيرا في علاج هذا المرض ولكن يجب إن يتم ذلك بسرعة حيث إن سرطان الكبد قد ينتشر خارج الكبد إذا لم تتم الزراعة مبكرا.

وقف الدكتور : الله يشفيك .. وادع ربك ..

أبو دانة "دمعة فعينه " : الله يعين ..
طلع الدكتور وأبو دانة كل شي جاء فباله .. وأول شي بنته الوحيدة وخاصة إنها مالها أخو ولا أحد غير عمانها اللي أخوان أبوها من الأبو .. !!!!! ومو ذيك العلاقة .. أبو دانة قرر يسوي المستحيل ولا يروح ويترك بنته وزوجته !!!! يتنهد وطاحت دموعه (يااااارب يااااااااااارب )








دخل فيصل الفندق ومعاه الأوراق جايبها من السيارة ....
دانة شافته وابتسمت وارتبكت مررررة .. فيصل شافها وابتسم ..
دانة "وقفت " وراحت لفيصل .. أهلين فيصل ..
فيصل : هلا والله كيفك ؟
دانة : تمام الحمد لله .. وين نورة أجل أنا أنتظرهم هنا ..
فيصل :هذاني بروح لها .. بودب الأوراق ذي وأرجع ..عشان نطلع ..
دانة "تبتسم وعاد اتبسامتها تجنن ": عطني الأوراق أنا أروح لها ..
فيصل : هههههه لا لا أنا أروح اجلسي أنت والحين يجون ..
دانة "تتنهد " :أوكي .. أشوفك ..

×راح فيصل ورجعت دانة جلست وهي خلااااااص موب قادرة تمسك نفسها .. ياااااربي وش ذا ؟؟ يااااازينك .. يابختك يانورة ..يااالله هذا بشوفه كثير هاليومين وش راح يصير فيني ؟؟؟!!! بموت .. ياااارب تخليه يارب ولا تحرمني شوفته .. لاااا والصوت يدوخ بعد .. ياااربي ..


طلعوا كلهم مع بعض .. دانة وليلى ونورة مع بعض .. وفيصل وخالد مع بعض ..


راحوا يتمشون .. ويتقهوون .. ووناسة وأجواء ما توصف أبداً ..






دانة الأرض مو شايلتها من الوناسة لأنها تشوف فيصل .. وتحس إنها قربت له أكثر ..
ليلى مرتاحة مع زوجها الطيب .. ومرتاحة مع نورة اللي حست إنها أخت لها في الغربة ..
نورة اللي عرفت إن فيصل مافيه منه بالدنيا وقلبه كبير وفتحت قلبها له .. وتبي ترجع عشان تحس بالشوق وعظمة شعور الحب اللي راح تحس فيها إذا فقدت أغلى الناس .. قدر ينسيها الدنيا كلها ..




جلسوا البنات ..
نورة دق جوالها .. يؤ برايفت يارب أمي .. نورة تضحك : أهليييين يالقاطع .. ولا يقول لي أخت ..أوريك ..
عبد الله : ههههههههههههههه ياحبي لك اعذريني والله أشغال مو قادر أحك راسي منها ..كيفك وكيف استراليا ؟
نورة "تتنهد " : والله ما تزين إلا فيكم ,, الحين حنا بسدني ومبسوطين مررررة وأجواء تجنن ..
عبد الله : ليت من عطاكم من حرارة الشمس شوي .. ياالله شي مو طبيعي الله يعين ..
نورة : الله يعينكم .. كيف أمي ؟
عبد الله : تمام تسلم عليك ..لو أجيب طاريك بأي شي .. ياوليدي إذا كلمتها سلم عليها ..
نورة : يااااحياتي هي .. هاه متى الزواج .. والله صرت عانس أنت ..ههههههه
عبد الله : ههههههههههههه يالله على يدك هذا أمي تدور والله يسهل ..
نورة : فيه احد فبالك وإلا مواصفات ؟
عبد الله : لالالا أبد على ذوقكم ..
نورة : عندي وحدة معنا .. تبيها ..؟
عبد الله : جد ؟
× دانة تطالعها استغربت ..!!!!!
نورة : إيه جد أجل أمزح ؟ لا وعسل بعد وتجنن .,!!
عبد الله : يالله تدرس هي ؟ وإلا سياحة ؟
نورة : تدرس وتوها يبي لها وقت ..
عبد الله : لا والله أجل بتعب معها إلا إذا تنازلت ..
نورة "تكلم دانة " : هاه تنازلين عن الدراسة ..وتزوجين أخوي ؟
دانة : هههههههههههههههههههههه تاج راسي دراستي ما أتركها عشان واحد ههههههه
نورة "تضحك " : رفضت تتركها ..
عبد الله : ههههههههه الله يوفقها ويرزقنا .. يالله قلت بشوف أخبارك وش مسوية وسلمي على فيصل اللي ما كأن له ولد خاله يا زوجك ذا شايف روحه قولي له يدق علي لا أجي أطب في بطنه ..
نورة : هههههههههههه شوي شوي عليه ما يتحمل ..
عبد الله : يالله وخري أنت وياه وسلمي عليه ..
نورة : يآصل مع السلامة وبوس أمي ..
عبد الله : إن شاء الله ..
×نورة تتنهد ..
ليلى : مشتاقة ؟
نورة : مرة مرة مررررة قد الدنيا اشتقت له هو بالذات ..
دانة : وأخوانك اللي غيره مالهم مكان ؟
نورة : مالي أخوان بس عبد الله .. الله يخليه ..
دانة : جد ؟
نورة : إيه والله أبوي متوفي من زمان ..الله يرحمه ..
دانة : تقريباً مثلي أنت بس أنا امي وأبوي الحمد لله عايشين ..صار لبابا حادث ولا قدروا يجيبون غيري ..
نورة "استغربت " : طيب وعادي جاية تاركتهم ؟ ولا تشتاقين وأنت لحالك وأكيد مدلعة بعد !!
دانة "تتنهد": خليها على ربك اشتقت لهم مررررة ..بس هم يبونني أدرس واللي أبيه آصل له بنفسي,,تعرفين إذا صار ماعندك أخوان أوخوات كل شي تسوينه بنفسك ..وتعلقت بالعلم والثقافة .. وحلمي أشتهر وأسوي المستحيل عشان أصير مميزة ..ويقولون لي الدكتورة دانة مابي شي إلا أصير دكتورة ومشهورة وناجحة وشي ثاني فبالي ..
ليلى : ههههههههه وشو الثاني ؟
دانة :ههههههههههه أشياء موب شي ..
نورة : يا حبي لك .. جد حركات أنا ما أحب أدرس .. أنت مثل فيصل .. يووه يعشق يتعلم ويتثقف ..
×دانة داخت .. ياحظي والله ..
دانة : حلو طيب تكسبين منه أنت بعد .. ويربي عياله صح .. ولو تكملين دراستك بعد تصيرون شي ..
نورة : لالالالالالا أبداً مافكرت ..خليني كذا والحمد لله معجبته كذا ..
×انقهرت دانة ,,
دانة "بقهر" : ايه بس حتى ولو الدراسة أهم شي ,,
نورة : يمكن .. بس أنا قناعاتي غير عنك ..
ليلى : جبتوا لي الإكتئاب أنتم وكلامكم .. خلونا نفرفش شوي .. بلا كلام ماله داعي ..
×طلع فيصل من الكافي اللي كان فيه عشان يدخن .. شافته دانة .. لأن نورة وليلى معطينه ظهورهم ..
دانة : تبيننا نفرفش يا ليلى ؟
ليلى : إيه .. والله جيبوا سواليف حلوة ..
دانة : أنا معي كاميرا بصور للذكرى .. (طلعت دانة كاميرتها ..وتصور الأماكن بكل مكان وأخذت صورة لفيصل بس موب واضحة لأنه بعيد .. )
نورة : انتبهي لا تصورينني والله يذبحني فيصل ..
دانة "استغربت " : يؤ ليييش ؟ أبيها ذكريات ..
نورة : لا فيصل مايبي ..
دانة "تبي تقرب لفيصل" : أنا أستأذن منه الله يخليك أبي صورة لكم ,,
ليلى "قاطعتها" : يالله صوريني أنا ..
×دانة تصور ليلى .. عطيني ابتسامة حلوة ,,
دانة : قمر ,, ليلى ..
ليلى : ههههههههه الله يجبر بخاطرك ..
نورة : هههههههههههه
دانة : يالله نورة بصورك ..
نورة : والله يزعل فيصل يخاف مايبي أصور إلا أغبيها عندي ,, ما يضمن ,,
دانة "وقفت وتطالع فيصل " : بروح أقول له ..
نورة "التفتت " : يؤ فيصل هناك ؟
دانة "مشت " بروح أقول له ..
نورة : روحي إذا وافق ..



× راحت دانة وأصلاً هي أصرت على نورة عشان تروح يوم شافته .. فيصل استغرب يوم جته دانة ..
فيصل "وهو ماسك الزقارة ويبتسم ": اللهم اجعله خير ..
دانة "وهي معها الكاميرا" : أهلين فيصل ..
فيصل " يطالعها " : أهلاً ..
دانة " بدلع " : ليش ماتبي نورة تصور ؟
فيصل : أخاف عليها .. زوجتي ..
×دانة حست بقهر يوم قال زوجتي ..
دانة "بدلع " :الله يخليك .. بصورها والله أبيها ذكريات ..
فيصل " يبتسم ويمزح " : صوريني أنا .. أحسن أنا وياها واحد ..
×انقهرت دانة وبنفس الوقت فرحت ..


نورة : كل هذا عشان الصورة ماقلت لك زوجي متخلف بعض الأحيان ..
ليلى : يمكن تقنعه شكلها عندها أسلوب ووافق شن طبقة ..


دانة "بدلع " : smile..
فيصل "يضحك " : هههههههههههههه وش سمايله وخري بس ..(تجرأ شوي )
دانة صورته وهو يضحك .. وأخذت له صورة ثانية وهو ماسك الزقارة بيده ..
دانة "تضحك " : شوف الصور تجنن ..
قرب فيصل يشوف الصورتين .. والله حركة الصور .. كاميرتك رهيبة بعد ..
دانة : ماشاء الله أنت محليها ..
×فيصل استغرب كلمتها وسكت شوي ..
× دانة تشوف الصور بالكاميرا ..
فيصل "يطالعها " : خلاص روحي صوري نورة بس ياويلك تطلع الصور وإلا تورينها أحد بالسعودية ..
دانة : يعني لو السعوديين يجون استراليا عادي أوريهم الصورة بس بالسعودية لا ؟؟ وش التخلف هذا ..(قاصدة تقهره عشان يطول النقاش )
فيصل " يطالعها ومستغرب " : أي تخلف ؟ كل مجتمع له عادات وتقاليد .. ما أفرض عاداتي على أحد ولا يفرضون عادتهم علينا لو يجون السعودية ..طبعاً والدين قبل كل شي ..


×قامت نورة ,,
دانة " تبتسم " : صح .. معك حق .. بس شوي أنا متحسسه من الموضوع ..
فيصل "يطالع نورة وهي جايه " : يااااااهلا وغلا نور المكان ..
× دانة ماتت قهر ..
نورة "مستغربة " : طولتوها ؟
دانة "تبتسم " : أقنع زوجك أصورك .. بس شفتي خلاص بصورك ..
نورة "قربت لفيصل وحطت يدها ورا ظهره ومسكته " : يالله صوريني معاه ..
×دانة بينها وبين نفسها ياليتني مكانك يانورة ..
فيصل .. انبسط .. عشان نورة قربت .. لأن خلاص قلبه بدا يرجف إذا شاف نورة .. وبدا يحبها ويدعي ربه يتمم هالحب عليهم .. بس يمكن ما يكتمل ..!!!

×ورتهم دانة الصورة ورجعت لليلى ..
ليلى "تبتسم": أشوفك صورتيها ؟ إن كيدهن عظيم ..
دانة "تبتسم " : جد جد كيدهن عظيم .. (تقصد نفسها )


نورة : مبسوط ؟
فيصل "يطالعها " :أصلاً السفرة هذي عشانك وربي .. (فيصل طلع زقارة )
نورة "تشوفه ومستغربه " : توك مدخن ؟ بعد مره ثانية ذبحك وربي ..
فيصل "يبتسم " : بلوى وش أسوي ..؟؟
نورة : الله يكفيك شره يارب ..
فيصل : طيب قربي بضمك وأنت بعيده شوي .. وبعدين دانة ذي جرئية أحسها ..
نورة "تبتسم " : كل شخص وله طريقته وهي عسل وحبوبه "تضحك " لاااا بعد مثلك تحب تتعلم والثقافة وماأدري كيف ؟
فيصل "يطالعها " : جد والله متعلقة ؟
نورة "تبتسم " :مررررة شكلها ..
فيصل "وهو يبتسم " : تصدقين كان شرطي الأساسي وحدة مثقفة ..
نورة "أبعدت عنه وتطالعه " : طيب ؟ وإذا ما عندها ذيك الثقافة مثلي يعني .. وتزوجتها ايش راح تسوي ؟
فيصل " يضحك " : هههههههه خلاص راحت علي ما أبدلك أبد .. حبيتك أنا وتمكنتي .. لأن قلبك طاهر اكتشفت الشي ذا فيك ..
نورة "رجعت " : إيه أشوى على بالي .. هههههههه


×دانة تشوفهم من بعيد واصله معها .. ياااربي ليش قدامي ..!!



طلع خالد وراح لليلى ودانة وجلس ..
خالد : السلام عليكم ..
ليلى ودانة : وعليكم السلام .. وش فيك ..
خالد : فيصل قال بطلع شوي وطول .. وهذه مرته ..
ليلى : إيه .. الله يوفقهم ..
خالد : هاه دانة ناقصك شي .. أبوك كلمني ويقول أنتبه لك ..
دانة : الله يسلمك والله ماقصرتوا معي ..
ليلى : والله إذا احتجتي شي قولي ..
دانة : ياحبي لكم والله ماقصرتوا كأنكم أهلي ..




رحلة سدني .. كانت ضحك ووناسة .. وتمشي وراحوا لأماكن معروفة بسدني .. فيصل ارتاح مع نورة وبعد ذيك المشكلة ماصار شي ..دانة كأنها تجرأت مع فيصل أكثر وصار لها مواقف كثيرة وحتى فيصل شاف فيها شي مو طبيعي ونظراتها كمان مو طبيعية !! .. نورة الطيبة البرئية ..ما انتبهت طول الرحلة لأي شي تسويه دانة .. ليلى وخالد كانت رحلة ممتعة لهم ..
فيصل أبرز مافي الرحلة أهدى نورة سوارة للذكرى .. لأنه خلاص بيفترقون أكثر من 6 شهور مدة مو قصيرة أبد ..فيصل اللي يوم عن يوم يكتشف إن طيبة القلب أهم بكثير من المواصفات اللي طلبها في المرأة ..

بعد ما ارجعوا لنيوكاسل .. كانت رحلة موفقة للجميع .. دانة اللي تعلقت اكثر وأكثر وأكثر بفيصل وقررت تصرح بحبها بأي شكل حتى لو على حياتها لأنه مايفارق بالها ولا قادرة تنام وخاصة إنها تملك له صور وعلى طول تشوفها !! ..


نورة بعد ذي الرحلة مر الأسبوع عليها بسرعة وكانت تخدم فيصل لأنه آخر أسبوع لها وتبيه يفقدها إذا راحت وكلمت اهلها وقالت بجي أمها حطت يدها على قلبها لا يصير بينها وبين فيصل شي .. عبد الله انبسط عشان تدور له بنت .. ام فيصل مثل اختها خافت إنها الرجعة هي الرجعة كلهم حاطين يديهم على قلوبهم وش القرار المفاجئ وهو بالواقع قرار من الإثنين عشان يتفاهمون أكثر !!!!!


فيصل ونورة وهم بينامون ..!!
نورة " تمسح دموعها " : والله بفقدك فيصل والله العظيم بموت ماتوقعت إني كذا أحبك ..
فيصل : يووووه نورة تكفين خلاص والله ماني قادر أتحمل ولا مصدق بكرا بتروحين والله شايل هم كبر الدنيا ولا قادر انام حبيبتي .. (يمسح دموعها ..
نورة "نامت ودموعها على خدها " .. فيصل موب قادر ينام .. يااااه يانورة والله غالية .. إذا جاء الجد يافيصل طلع اللي عندك .. أحبها والله أحبها ..

ادعيـ علي بالموتـ وإلا سمنيـ !!
بس لا تفارقني دخيل الله وتغيبـ !!
طاري السفر يابعد عمري هدنيـ !!
شلون أودع في المطار أغلى حبيبـ !!

أشرقت شمس الرحيل ..!!
وقد يفترقوا للأبد من يدري !!
أو قد يزداد قلبه عشقاً !!
من يدري !!


نورة " تطلع أغراضها " : لا مو كل الأغراض بشيلها يمكن أرجع وإذا مارجعت اشحنهم قبل تجي بس رتبتهم بشنط لك عشان ماتتعب ..
فيصل : فكرة ممتازة .. طيب أخذتي لي لبس .. حق يومين بس والله يعين على التعب والإرهاق .. أبقعد اكثر من 3 أيام موب على بعضي..
نورة : الله يعينك .. يالله شل الشنطة هذي ثقيلة ..
×دق جوال نورة .. يوووه من اللي على هالصبح يدق .. ايه دانة ..
فيصل :ردي ..
نورة : اهلين حبيبتي ..
دانة : هاه مشيتوا ؟
نورة : للحين هذانا نشيل الأغراض ..
دانة : تآصلين بالسلامة يارب .. الله يحفظكم سلمي على فيصل ..
نورة : يبلغ مع السلامة ..
دانة : مع السلامة ..


دانة وقلبها يرجف يارب ترجعة سالم يارب .. والله مادري وش أسوي نورة طيبة والله حرام أخونها .. ياااربي بس شسوي قلبي أكبر منهم كلهم وشي مو بيدي ..








نورة وفيصل شالوا الأغراض وراحوا لمطار سدني .. !!


فيصل ونورة جالسين في المطار يشربون كافي ...
نورة "وهم في المطار" : يوووه بتصير رحلة متعبة .. قرف الله يعيننا عليها ..
فيصل "يبتسم " : وش أقول أنا اللي برجع بعد .. يالله ربنا يسهل ..
نورة : يوووه أمي خافت تحسب فينا شي أو متزاعلين ..
فيصل : هههههههه الله يستر .. أنا من ناحيتي ارتاحي ماراح يصير الشي ذا أبد إن شاء الله ..
نورة "تبتسم " :إيه ومابيننا مشاكل ومتفاهمين ..حتى في اصعب الأمور متفاهمين ..
×أعلنوا عن الرحلة .. !!
فيصل "وقف " : يالله حبيبي ..

× راحوا فيصل ونورة .. ..!!!!



رحلة فعلاً متعبة معنى الكلمة .. وطويلة ومملة ..



بالطيارة .. فيصل "بهدوء" .. يكلم نورة نورة حبيبي نايمة ؟
نورة " بتعب": لا بس مصدعة شوي بغيت شي ؟
فيصل : نورة مرة شايل هم وماني قادر حتى أفكر إيش راح يصير لي والله الغربة صعبة للرجل لحاله الله يعين دراسة وتعب..
نورة : حبيبي أصلاً خلاص أنا قررت بقعد فترة وأجيك .. ماراح أطول ..
فيصل : صعبة وأسعار التذاكر والله مو سهلة علي .. تحسبينها خذني جيتك ..
نورة : أدري أدري بعدين .. بعد 3 أربع أشهر والله أعلم ..
فيصل "يتنهد " : الله يسهل يارب ..




راح اليوم ونص تقريباً المتعب والممل بنفس الوقت .. ووصلوا .. أراضي الوطن السعودية ..
نورة بالطيارة يوم وصلوا المطار وخلاص بينزلون "طاحت دموعها " : يااااالله مشتاقة مشتااااقة ودي أنزل من الطيارة أبوس أرضها !!
فيصل " يتنهد " : الحمد لله على السلامة حبيبي ..
نورة : الله يسلمك " تمسح دموعها " ياااااربي مشتاااقة مشتااااقة والله مادري شسوي إذا شفت أمي وعبود ..
فيصل " وقف " :يالله حبيبي .. قومي ..

× نزلوا وأخذوا الشنط والأغراض .. بعد وقفه يمكن مدتها نص ساعة ونورة على قلبها لأن عبد الله وعلي ينتظرونهم..
نورة " تضحك والدموع في عينها " : شف عبود هنااااك .. يالله بروح .. ( راحت وهي طايرة من الفرحة ..
عبد الله "يضحك " : ياااااااااااااااااااهلا والله نورت الرياض والله العظيم نورت ..
نورة "احضنته وتبكي " : الله يخليك والله اشتقت الله مرررررررره اشتقت ..
عبد الله "يضحك " : ياحبي لك ..
× سلمت على علي ..
علي "يبتسم " : الحمد لله على السلامة نورة .. نورتوا ..
× جاء فيصل .. وشاف علي .. وحضنوا بعض وسلم على عبد الله ..
فيصل "يضحك " : يا شينكم طلعت مشتاق لكم وأنا مادري ؟؟
علي : الحمد لله على السلامة .. يالله يالله تعالوا الأمهات على نااااار مجتمعين بعد ..
عبد الله "ماسك يد نورة " : لااااا ومن اليوم يدقون وصلوا وإلا لا .. هههههه ؟
×دق جوال عبد الله ..
× مشوا كلهم وهم يمشون يسولفون ..
علي : هههههههههههههههههههههههه يالله رد ..
عبد الله "يضحك " : ايه ايه وصلوا شوي وجايين ... هههههههه الله يسلمك ,, لالا بيجون الحين كلميهم إذا دخلنا وجهاً لوجه .. مع السلامة هلا والله
عبد الله " يضحك " : هذي أمي .. صاحت على طول يوم قلت وصلوا ..
فيصل " يضحك " : ياحبي لها ..





شعور غريب حب الوطن !!
وشعور رائع عندما نرى ناس أحبتهم قلوبنا بعد مدة طويلة !!




بعد السواليف بالسيارة ونورة مرة مبسوطة .. أما فيصل كان مرهق وشايل هم الرجعة بكرا !!
وصلوا لبيت أبو فيصل ..
كان أبو فيصل أم فيصل وأم عبد الله ومحمد ومنار جالسين ينتظرونهم ومبسوطين ..
دخلوا .. كانت لحظات حلوة ,, الأمهات أكيد بكوا ,, وأبو فيصل انبسط بشوفتهم .. ومحمد ومنار ..
جلسوا وسولفوا .. حوالي ساعة وشوي ..
أم فيصل : والله ياوليدي شكلك تعبان ..
فيصل "وشكله مرهق " : والله تعباااان وبكرا عندي رحلة .. وراسي بينفجر ..
نورة "وقفت " : يالله فيصل تعال نرتاح تسمحون لنا .. ؟
أبو فيصل : أكيد روحوا ارتاحوا ومتى ماصحيتوا جلسنا مع بعض ..



× فيصل جلسته يوم .. يعني وش راح يسوي بذا اليوم كأنه ثانية مر عليه ..!! ماشاف أصدقائه ولا قدر يشوف غير أهله ..

راح اليوم بسرعة وبغمضة عين .. وفيصل يلبس بيطلع ..
نورة " تبتسم " : ببتأخر على المطار ..
فيصل " يبتسم " : يالله هذاني جهزت ..
نورة " تطالعه وطاحت دموعها ": فيصل بفقدك .. والله ..
فيصل حضنها وباسها على راسها .. وأنا أكثر .. وربي
نورة "تتنهد" : يااارب ترجع لي سالم ..
فيصل " يبتسم " : امسحي دموعك .. وإن شاء الله بأقرب فرصة بجي متى ماقدرت ..
نورة " تبكي " : ياحياتي أول ما تآصل دق علي ..
فيصل "يتنهد " : يالله حبيبي بفقدك وربي وسامحيني على كل شي .. يمكن ما انبسطتي معي في الأشهر اللي راحت ..
نورة " تبتسم " : مسامحتك وأنت سامحيني ..
فيصل "يطالعها وضمها " : مسامحك حبيبـي يالله مع السلامة ..
نورة "وكأنه حرارة بجسمها وبكت ": مع السلامة ..
×طلع فيصل ...


" نورة ودعته ودموعها على خدها .. واسترخت على السرير وتبكي .. والله مادري وشلون بعيش بدونك ..

" فيصل شايل هم ومو على بعضه ودع الكل وطلع .. ومن جواه جمر مايبي يروح .. بس في باله إن اللي يسويه عشان نورة ودراسته عشانها وعشان تكون أسرتهم أسرة ناجحة ..

" نورة جلست أكثر من ساعة لحالها ..وتبكي !!
فمان الله يا مسافر ..
عسى الله يسمح دروبك وترجع بالسلامة ..

دانة في شقتها .. ومسترخية على السرير وتراجع بعد ماارجعت من الجامعة .. تركت الكتاب .. وسرحت مع فيصل .. هالحين وشلون بدري إنه وصل !! وصعبة أدق على نورة ..خلاص لازم أنهي علاقتي معها !! إيه صح أكلم ليلى .. لكن أكيد الحين ماوصل أنام أحسن وبكرا يحلها ربي ..


فيصل بعد التعب والإرهاق .. في مطار سدني .. !! وخلاص تعبااان وباقي رحلة القطار ساعتين .. وشكله مره مرهق ..





في السعودية في بيت أم عبد الله ..

نورة "بهدوء " : يمه وش راح يصير بيني وبينه بس اشتقت ومتفاهمين حنا ,,
أم عبد الله "تتنهد " : الله يستر عليك ويوفقك ولو بينك وبينه شي قولي لي أنا أمك وأعلمك وش تقولين له .. وشلون تحلين المشكلة .. مافيه أحن من قلب الأم وأصدق منه ..
نورة "تبتسم " : ياحبي لك .. الله يخليك ولا يحرمنا منك يالغالية .. ×دق جوال نورة ..


نورة "وقفت " : أهلين ..
فيصل "صوته تعبان " : هلا نورة كيفك .؟
نورة "وهي تمشي " : والله تمام ومبسوطة ..
فيصل : أنا وصلت والحين بروح في القطار لنيوكاسل ..
نورة "مبسوطة " : الحمد لله على السلامة يالله روح ارتاح .. وصوتك تعبان ..
فيصل " يتنهد " : تعبااااااااااااااان .. والله يعينني يالله مع السلامة ..
نورة : مع السلامة ..



قفلت نورة "تتنهد " تجنن حتى وأنت تعبان .. نورة فتحت قلبها مررررة لفيصل ..

رجعت نورة وجلست مع أمها .. دخل عبد الله ..
عبد الله "يضحك " : السلام عليكم ..
الأم ونورة : وعليكم السلام ..
أم عبد الله : اجلس سولف معنا ..
×جلس عبد الله ,, وهذي قعدة لعيونكم ..
عبد الله : كيفكم ؟
نورة : الحمد لله أنت كيفك ؟ وكيف الشغل ..؟
عبد الله : الله يعين بس متى أتزوج وتجي المرة تعدل نومي وتعدلني كلي خطأ بخطـأ ..
أم عبد الله : الله يرزقك .. وبعدين وش مستعجل عليه .. على الغثى والمسؤولية ..؟
عبد الله "مستغرب " : هههههههههه يمه غريبة أنت كل الأمهات يبون عيالهم يعرسون .. وش فيها .. أجل اكيد ما دورتي لي صح .؟
نورة " تضحك " : أنا أنا بدور لك .. خلاص .. لا تشيل هم ..
عبد الله : والله قهر كل خوياي تزوجوا إلا أنا .. ومكون نفسي من زمان وكلهم متوقعين إني أتزوج أول واحد ..
نورة : إيه اصبر شوي وندور ..
عبد الله : هذا بعد سلمان ولد عمي أمه تدور له ..

نورة " حست بشعور غريب " : سلمان يدور ؟
عبد الله : إيه هو قال لي إن أمه تدور له ..

× سلمان اللي كانت تحبه نورة قبل الزواج ..

أم عبد الله "عصبت " : خلاص غثيتنا ياكره سواليفك .. ندور لك وخر بس .. والله يوفقهم .. عاد مقرودة حظ اللي بتزوج ولد حصه ..
نورة "تطالع أمها " : يمه حرام تجيبين طاريهم خلاص شي بيننا وبينهم والحين مالهم دخل فينا ..
عبد الله : يا بثره سلمان إذاجاء للإستراحة معنا أتفشل ,, بثر يسمع بالهسترة وخفة الدم..
نورة "عصبت " : خلاص وش فيكم ؟؟؟ حرام عليكم ..
أم عبد الله "تتنهد " : إي والله حرام علينا .. وماشاء الله هم يعرفون الحلال والحرام ..
نورة : ياااااااازين الراحة في بيتي ما أسمع شي ولا أسمع مشاكل ولا شي ..
عبد الله " يطالع نورة مستغرب " : ارجعي لبيتك مسوية مهمة يعني ؟,, والله مشكلة الناس إذا صدقوا أنفسهم ..
نورة " تستهزء " : ههههه وشلون تبيني أضحك ؟؟ كذا .. وإلا أجيب ضحكة أحلى ..
عبد الله : هههههههه أقول نامي بس ..



× نورة قامت ترتاح .. لأن الخبر ما كان عاجبها وكانت تحب سلمان طول عمرها .. لكن فيصل قدر ينسيها هذا الحب .. وهي حست بشعور غريب يوم سمعت إن سلمان يدور بنت .. وعارفة قبل مستحيل يتم زواجها من ولد عمها لأن بينهم مشاكل عائلية لذلك ما أصرت على رفض فيصل وفيصل ولد تتمناه كل بنت .. دخلت نورة غرفتها واسترخت .. وفتحت درج كانت تحتفظ بخواطر تكتبها عن سلمان .. قررت ترمي كل شي يذكرها فيه .. لأنها عرفت إن فيصل ملك كل شي فيها .. نورة طاحت دموعها شوق لزوجها ..وقهر على عمرها اللي قبل كيف ما عرفت ولد خالتها الطيب !! وكيف ترددت بالموافقة عليه .. كل شي يجي فبالها .. لأن فيصل صار بالنسبة لها كل شي !!






في المستشفى .. وفي غرفة أبو دانة ..
أم دانة " تطالعه مستغربة " : هم قالوا لك مافيه شي أبد .. بس والله أنت مو طبيعي أبد ..ووجهك مو طبيعي
أبو دانة " يتنهد " : لا إله إلا الله .. الحين ليش ما تسمعينني ولا تجين ولا أشوفكم خلوني هنا ..
أم دانة "تطالعه " : ليش نخليك وش فيك أنت ؟
أبو دانة : يابنت الحلال قالوا لازم نخليك عندنا فترة وخلاص لاتجين لأن الرجال داخل طالع وأنت جالسة ..
أم دانة " تبتسم " :ماشاء الله من متى يهمك ..
أبو دانة : لا أنت تكشفين .. ولا أبي كل الرجال يعرفون إنك تكشفين خلاص الله يخليك لا تجين فترة بس ..
أم دانة " تتنهد " : أنت فيك شي والله العظيم كلامك غريب ومن اليوم تقط ألف خيط وخيط .. ماني فاهمه شي !!

×سكت أبو دانة .. وسكتت أم دانة ..

أبو دانة " بهدوء " : أنا مريض ومرضي صعب علاجه ..
أم دانة " سكتت شوي... لا حول ولا قوة إلا بالله العلي العظيم .. " طاحت دموعها ..
أبو دانة " بهدوء " : ارتحتي الحين .. وشوفي يا مريم دانة مابيها تدري ..
أم دانة " وهي تبكي " : طيب وين ؟
أبو دانة " ودمعة فعينه " : بالكبد .. والله يعين ..
أم دانة : طيب الله يشفيك يارب "قامت وعطته بوسه على راسه " .. طاحت دموعها ..
أبو دانة : إن شاء الله فيه أمل كبير أنا الحمد لله بأول شي وطمني الدكتور وقال إذا في أول شي يصير فص صغير بالكبد ويستئصال وعندي امل كبير أ ..
أم دانة " تتنهد " : ياااااارب تشفيه ياااارب .. ياحي ياقيوم ..
أبو دانة : دانة يا مريم لا تحس بشي .. وأنا قريب بسوي العملية ..
× طالعته .. وبكت ..
أم دانة ما توقعت الشي هذا يصير .. وخافت تفقد أبو دانة .. ويصير واحد من عمانها اللي مايعرفونها ولي أمرها ..!! كل شي جاء في بالها ..







في بيت أبو فيصل .. بالصالة ..
أم فيصل "تسولف مع بنوتتها الصغيرة " : هم قالوا خلينا نتعرف على أمك ..
منار "متحمسة " : إيه قالت خلي أمك تدق علي بكرا أبيها حرام حنا قريبين عند بيتكم وجيرانكم ولا نعرف بعض ..
أم فيصل : إي والله حرام .. وطيبة أم صديقتك ؟
منار : إيييه بس عجوز شوي و روان صديقتي أصغرهم .. وبعد عندهم عيال متزوجين ..
أم فيصل : أهااا وعندها بنات وإلا لا ..
منار "بحماس مره " : إيييييه عندها بنات ماشاء الله كثيرين .. عندها بنت مخلصة من الجامعة .. ووحدة بالجامعة وبعدهم ولد وبعدين روان ..
أم فيصل : هههههههههههههههههه ياحبي لك عارفتهم كلهم ..
منار : وش أسوي يمه ما عندي أحد وروان حليله معي .. وتكفين بروح معك إذا رحتي ..
أم فيصل " تبتسم " : إيه يا أمي تروحين الحين تروحين لحالك وشلون وأنا معك .. خلاص أدق عليهم وأِشوف .. وأوسع صدري بعد ..
× دخل علي .. هلا يمه ..
أم فيصل : هلا أبوي .. وينك ورا ما تدخل تنام الساعة 11 وعندك جامعة بكرا ..
علي : إيه هذاني جاي بنام .. بس وين محمد بشوف لاب توبه اللي جاب له فيصل ما استخدمته ..؟
أم فيصل : لا تصحيه ما صدقت ينام ..
علي : إيه خلاص أشوفه بكرا .. يالله يمه "قرب وعطها بوسه على رآسها " تصبحين على خير ..
أم فيصل : تلقى خير .. ×طالعت منار .. يالله يا أمي روحي نامي أنت لا تقومين وأنت دايخة ..
منار : طيب تصبحين على خير يمه .. وشوفي دقي الساعة 10 وإلا 11 تقول أمها ..
أم فيصل "تضحك " : طيب أمي .. روحي ..







في استراليا الساعة 5 الفجر .. صحى فيصل يصلي الفجر .. وهو مرتاح ويحس بالنشاط بعد النومة الحلوة .. يطالع الفراش !! ياااالله وينك ؟ أبي بس أشوفك لو أنت نايمة ..

صحت دانة تصلي .. بعد ما خلصت مصلية .. النوم طار من عيونها .. وشلون بيجيني النوم وأنا عندي احساس إن فيصل واصل وبشوفه عند الشاطئ .. وأول لقاء بعد نورة .. ولا عندنا أحد يضايقنا ..
ياااارب .. أشوفه .. جلست دانة موب قادرة تنام من الوناسة .. وافتحت اللاب توب تتصفح ..



فيصل صلى وطلع للمطبخ يسوي له كافي .. يوووه الله يعين أنا بغسل الصحون والأكواب وكل شي لااااا يالله .. !!
سوا كافي وجلس بالصالة .. فتح التلفزيون .. !!




راحوا الساعتين بسرعة ..كان الجو معتدل وحلو .. فيصل طلع لحديقة البيت وشاف الجو مرة حلو .. وقرر يروح للشاطئ ويمشي وخاصة إن له أكثر من 3 أيام ما مشى .. طلع جزمة المشي وبدل ملابسه وطلع ..



دانة جالسة تتصفح النت .. شافت الساعة ع الـ 9 يوووه تأخرت .. بطلع يارب أشوفه يارب ..





فيصل يمشي .. !!
دانة وصلت .. وطالعت مافيه أحد جلست بمكانها اللي تجلس فيه دايم وطلعت روايتها .. إيه شكله ماجاء من السعودية أنا وشلون راح أدري أخاف أدق على ليلى نايمة ؟؟!! ومستحية منها هالوقت ..

جلست شوي حتى الرواية اللي طلعتها ما افتحتها .. دانة وحست بالضيقة والملل .. وقامت بترجع ..




وعلى وقفتها جاء فيصل "يضحك " ..
دانة ارتبكت .. وقلبها يرجف .. فيصل أهلين الحمد لله ع السلامة ..
فيصل " جلس " : الله يسلمك ..
×ماصدقت دانة ورجعت جلست .. !!!
فيصل " يتنهد " : يووووه تعبت والله عوضت حق 50 يوم ..
دانة " بدلع " : ههههههههههههه
× فيصل سكت شوي ..
دانة " تبتسم " : بروح أجيب لك ماء ..×وقفت ..
فيصل " يتنهد " : تسوين فيني خير ..
×راحت دانة تشتري له ماء ..
فيصل "كان يطالعها وهي جاية " : الله يعطيك العافية .. دولارين ؟؟
دانة " تضحك " : أقوووول وش دولارين خير ؟؟ خلاص اشرب والحمد لله ..
×جلست دانة ..
فيصل : كيفك دانة ؟
دانة "تبتسم " : الحمد لله .. كيف نورة عساها بخير ..؟
فيصل "يضحك " : نورة !! الحمد لله بخير ..
دانة " تطالعه ": ليش تقول نورة !! باستهزاء ..
فيصل : ياحبي لها بس والله فقدتها ..


× دانة انقهرت مررره ..
دانة " وهي مرتبكة " : فيصل أنا لازم أروح .. × دق جوالها وقطعت كلامها ..

× تدور الجوال بالشنطة يووه وينه هذا !! وطلعت الرواية على الطاولة .. وبعدها طلعت الجوال ..

دانة : هلا ليلى ..
ليلى : أهلين يا عسل صاحية أشوى قلت أخاف إنك نايمة ؟
دانة " تبتسم " : إيه من زمان من صلاة الفجر عاد ماتجي الساعة 8 إلا وأنا نايمة ..
فيصل " أخذ الرواية " ويطالع دانة وهي تكلم !!!!
ليلى : الله يعينك وش مصحيك من 5 ؟
دانة " تبتسم " : والله ماقدرت أنام .. وحتى كلمتني أمي الساعة 5 ونص وصوتها مادري وش فيه ؟؟
ليلى : يالله الله يعينك .. ويوفقك بس قلت بشوف وش تسوين ..؟
دانة : أوكي أشوفك ..مع السلامة ..
ليلى : مع السلامة ..

×دانة ماحبت تقول لليلى إنها على الشاطئ خافت تجي ليلى !!
فيصل "يطالعها " : أنت مثلي ما قدرت أنام صحيت الساعة 5 ..
دانة " مرتبكة وموب قادرة تمسك نفسها ": هههههههه القلوب عند بعضها ..
فيصل "يبتسم ويطالع الرواية " : على فكرة قراءتك للروايات باللغة الإنجليزية تخليك شي باللغة ..
دانة : وغير كذا خلقه أحب أقرا الروايات ..
فيصل " وقف ومعاه الرواية " : ماعليه آخذها بقراها..
دانة " تضحك " : وش دعوى تفداك ..
فيصل "يضحك " : ما أدري حسيت ما لي داعي جيت وجلست معك .. أحرجتك والله ؟
دانة " تبتسم " : الله يحييك بأي وقت .. وبصراحة أنا ارتحت لك وحسيت إنك أخو لي ..
فيصل " يطالعها ويبتسم " : بتجين بكرا ؟
دانة " تطالعه " : أكيييد أعشق المكان هذاوأحب أقرا هنا ..
فيصل "يقاطعها " : بس الرواية معي ..
دانة " تضحك " : هههههه عندي غيرها ..
فيصل "يتنهد " : يالله بروح أحل الواجب الله يعين ..
دانة "تطالعه" : الله يوفقك ..


× راح فيصل ....
دانة " تنهدت " : ياااازينك .. وياحلو كلامك .. وحتى عفويتك .. إيه مره أحسك مثل أخوي والله تسوى الدنيا كلها ..
×جلست شوي دايخه يوم شافته .. وانبسطت .. والأرض مو شايلتها ..

×تذكرت دانة .. لاااااا ياربي .. الرواية فيها ورقة أنا حاطتها !!!فيها خااااطرة لاااااااااااا ياربي وشلون بجيب الرواية منه !!
× لحقته دانة .. بس شافته حرك السيارة ..
دانة "خافت " : يااااااااااااااربي وش أسوي .



× دخل فيصل للبيت .. وترك الرواية على طاولة الصالة ..


× دانة رجعت لشقتها .. وعلى أعصابها ..

والله فشله يادانة ياغبية .. وشلون ما جاء فبالي .. بس يالله أحسن خليه يدري إنه في أحد في حياتي وليته يعرف مين.. عشان يهتم ..


× فيصل فتح اللاب توب ودخل بيحل الواجب .. !!





× راحت الساعات بسرعة .. ودانة تفكر فيه .. موب قادرة تشيل فيصل من رآسها .. مستعدة تسوي المستحيل عشان تآصل له ..


× دانة وهي تشيل أغراضها بتطلع للجامعة العصر .. يارب يقرا الخاطرة ويرد لي بكرا يارب ..!!




× فيصل طالع وهو يركب السيارة طالع للجامعة .. ×دق جواله ..
نورة : السلام عليكم ..
فيصل " يبتسم " : وعليكم السلام .. يااااااااااهلا والله وغلااااا
نورة " بصوت هادي " : كيفك ؟
فيصل "بصوت عالي ومزعج " : الحمد لله ياااقلبي مبسوط ورتاح .. ومشيت اليوم وعال العال ..
نورة : باين عليك مبسوط .. أنا هه توي صايحة نمت بدري .. وصحيت ياربي عاد مافيه احد بيعطيني وجه الحين ..
فيصل " يضحك ": الله يرحم أيامك يا استراليا أجل هاه ؟
نورة " تضحك " : صادق أنت ألقاك أي وقت مثل الجني ..
فيصل " يضحك " : هههههه هيه أسوق قولي ماشاء الله لا يجيني شي ..
نورة "تضحك " : ماشاء الله .. فيصل ..
فيصل " يضحك " : عيونه ..
نورة : بروح للمستشفى اليوم ..
فيصل " استغرب " : وش فيك ؟؟







في السعودية .. في بيت أبو فيصل .. منار توها داخلة من المدرسة .. وأمها جالسة بالصالة ..
منار " دخلت تأفف " : أوف بس يمه حرررر والله حر ..
أم فيصل "تضحك " : تعالي عطيني بوسة أول .. وين أبوك أجل ؟
منار "قربت وعطت أمها بوسه " : أبوي الحين يجي يقول بروح أجيب الجرايد ..
أم فيصل : إيه .. طيب روحي بدلي يالله وصلي الظهر ..
منار : طيب كلمتي أم صديقتي ..
أم فيصل : إيه يا حبي لهم تقول تعالوا العصر .. لا تنامين عشان تروحين معي وادرسي أول ..
منار "تضحك " : الله الله بروح أصلي وأجي أكلم روان ..
أم فيصل "استغربت " : هه توك جايه منها وشوله تكلمينها ..
منار " وهي تقعد شنطتها " : إييييييييه بس ما تدري إني أبجي ..
أم فيصل : يالله طيب روحي سوي اللي قلت لك ..






× نورة جالسة بالصالة مع أمها ...
أم عبد الله : لا قبل شوي مكلمة خالتك تقول بطلع العصر تعالوا بعد العشاء ..
نورة "تتنهد " : أحسن بعد عشان أروح للمستشفى وأنت قلتي إيه أروح معك أمس ..
أم عبد الله : إيه وأنا عند كلمتي .. نروح بعد شوي ..بس ياليت عبد الله يجي ونفسيته زينه ..
نورة "تضحك " :والله بهالحر مافيه أحد بيجي نفسيته زينه ..




× فيصل جاي من الجامعة وجالس على الكمبيوتر يتصفح .. جلس شوي وقام مر الصالة وأخذ الرواية بيروح ينام .. الساعة حوالي 8 ونص .. صلى العشاء .. واسترخى على السرير .. فتح الرواية .. وحس بوسطها ورقه فتح صفحات الرواية بسرعة.. وطلعها .. ويقرا الخاطرة ..

في الغربة التقينا ,,
وفي الغربة قد أرسم أجمل وأصدق المعاني للحب ..
لا يعلم ما يخفيه قلبي من عشق !!
ولا يعلم أنني أتعذب من أجله ..
***
سمعت عن الحب !!
وسمعت عن العشق ..!!
وبل أقرأ عن أروع التضحيات من أجل الحب !!

***
أحببته من أول لمحة ..
وفتحت له باب قلبي دون أن يطرقه !!
جعلت حرفه يجمل كل صفحاتي ..
وصار لا يفارقني .. أبداً ..
***
أحبك
فهل تقبلني الحبيبة !!
أحبك
فهل أبحر في قلبك ..
أحبك
يامن علمتني فنون العشق ..
وعلمتني أن الحب أسمى ما في الحياة ..
أحبك
***
شكراً لك أيها الرجل
جعلت قلبي يشتعل شوقاً ....
همسة في إذنك حبيبي
"وعلى الشاطئ نلتقي"





فيصل " يتنهد ": وعلى الشاطئ نلتقي .. وفي الغربة ؟؟؟!!!! والله البنت خطيرة ؟؟ ×فيصل يفكر .. مين على الشاطئ نلتقي ؟؟؟ ومين في الغربة !! والله غريبة ..
رجع يقرأ الخاطرة أكثر من مرة .. لالا أكيد فيه أحد ثاني .. وشلون تحبني بس !! على أي أساس .. بس خذني جيتك .. والله البنات مو صاحيات أبد .. وما تعرف إني متزوج .. لا لازم أبعد عنها .. أنا ما صدقت أستقر شوي ..وماصدقت أعدل نورة .. !!

× فيصل ما قدر يرتاح وده يدري وماوده .. ونام وهو يفكر .. !! وقلقان ..




× نورة داخله ومبسوطة .. الحمد لله ياربي .. لازم أدق أبشر فيصل ..
أم عبد الله " تضحك " : بصير جده خلاص والله وكبرتي يا أم عبد الله ..
عبد الله " يبتسم " : أنا أحس إن شكل خطأ وأنا بصير خال وعععع لازم أعرس لازم ..
نورة " تضرب كتفه " : وش دخل العرس .. وخر بس بدق على فيصل أبشره ..
× راحت نورة .. تدق .. تدق مايرد ..× رجعت للصالة ..
أم عبد الله " تضحك " : انبسط ؟
نورة " زعلانة " : قهر ما يرد ..
عبد الله : أحسن .. خليه آخر واحد يدري ..
نورة " تبتسم " .. طيب يمه ما تبين نروح لخالتي لو حنا رايحين على طول أحسن ..
أم عبد الله : لا ما جت أنا دقيت على البيت ويقولون ما جت ..
عبد الله "وقف " : أنا بروح ما راح أودي أحد ..
أم عبد الله " عصبت " : من يودينا أجل أقول اجلس ساعة ونطلع كلنا ..





× في بيت أبو فيصل ..أم فيصل وعلي ومنار بالصالة ..
أم فيصل " تطالع منار " : الحين بتجي خالتك .. وبتجي نورة تحبك أكيد مشتاقة لك ..
منار "فيها نوم " : بس يمه دايخه والله تكفين بنام ..
علي "رحمها " : روحي نامي .. خليها تنام يمه ..
أم فيصل " عقدت حواجبها " : تونا يا وليدي والله موب زين كل الوقت نايمة ..
منار : تكفين بنام .. الله يخليك يمه ..
أم فيصل " تتنهد " : الله يصلحك وأنا قبل شوي أمدحك عند أم عبد العزيز وأقول محظوظة بنتك ببنتي ..
منار : طيب بنام شوي وصحيني ..
أم فيصل : خلاص قومي نامي .. والبسي بيجامتك قبل ..
منار " وقفت " : طيب ..
علي " يضحك " : ههههههههه والله رحمتها من اليوم وهي تبي تنام ..
أم فيصل : الله يصلحها بس .. × رن الجرس ..
أم فيصل : قم افتح هذي أكيد خالتك ..




× عند باب الشارع .. أ م عبد الله تكلم نورة ورا أخوك ما نزل روحي قولي ينزل يسلم على خالته ..
× راحت نورة .. عبود تقول أمي انزل سلم ..
عبد الله " يتنهد " : لا إله إلا الله .. مستعجل .. عندي أشغال الدنيا يالله وخري بمشي ,,
نورة : كيفك ..

× رجعت نورة .. ودخلت لأن علي فتح الباب وطلع ..

×سلموا واجلسوا ..

أم فيصل : الله يحييكم والله توسعون صدورنا ماغير أنا ومنار وصرت ألعب معها بعد ..
أم عبد الله : هههههههههههههه
نورة " تضحك " : خالتي عندي لك بشارة ..
أم فيصل : سمي ..
نورة : بتصيرين جدة ..
أم فيصل : والله ؟
أم عبد الله : إيه تونا جايين محللين له ..
أم فيصل " بكت " : يااااالله ياوليدي بيصير أبو .. ياليته فيه ..
أم عبد الله : إي والله ياليته فيه ننبسط ..
نورة " تضحك " : حاسة من زمان والله .. بس خفت وترددت ..
أم فيصل "أخذت منديل تمسح دموعها " : والله أحلى خبر سمعته .. الله يبشركم بالخير ..ياليته عندي × تبكي..
أم عبد الله "طاحت دموعها " : يالله الله يرده بالسلامة يارب ..

نورة " ماتحملت وطاحت دموعها " ... بينها وبين نفسها وش أقول أنا اللي أتمنى إني أبشره .. وأشوف ملامح وجهه وأنا أبشره .. آآآآه يافيصل .. فقدتك ..
أم فيصل : أنت اللي بتقولين له .. طيب حنا ما راح نقول له شي ..
نورة " تضحك ومبسوطة : إ ن شاء الله خالتي ..
أم عبد الله : أجل وين رحتي اليوم العصر ؟
أم فيصل : إيه رحت لجارتنا أم عبد العزيز بنتها صديقة منار وقالت خلينا نتعرف على أمك .. منار دايم أخليها تروح عندهم ..
أم عبد الله : إيه ..
أم فيصل : وماشاء الله شفت عندها بنات ومقدمين لي أنواع المعجنات والحلى والله تقديمهم يفتح النفس هذي وحدة متخرجة عمرها 24 ماشاء الله مزيونة وسنع .. والثانية 21 عمرها .. والله سنعات .. كلهم .. أنا أول ماجاء فبالي عبد الله .. موب تقولين أشغلك ؟
أم عبد الله : خلاص أشوف عنه .. ونسأل عنهم بعد ..
أم فيصل : يا بنت الحلال جيراننا والله ما قد سمعنا عنهم إلا كل خير .. وماشاء الله يقول أبو فيصل أبوهم طيب مره .. وأمهم والله أحلى من العسل وما تدري وين تحطك ؟؟ بس لا تفوتين البنات وخلي اللي عندك ينبسط ..
أم عبد الله : أوووف غثني ليتني أفتك منه .. طالع داخل يبي مرة الله يجزاك خير يا أخيتي والله ريحتيني الله يكتب اللي فيه الخير ..
نورة "وقفت " : بروح أجيب القهوة ..




× فيصل صحى الفجر .. وكانت الرواية جنبه .. والخاطرة مخليها برا الرواية .. " يتنهد " ياااالله صباح خير .. أخذ جواله .. شاف برايفت نبر .. يوووه أكيد نورة .. نورة هذي بتشغلني على بالها المكالمات الدولية ببلاش .. !! الله يصلحك .. وهو منسدح بفراشه ..


دق على نورة .. أهلين نورة ..
نورة "تضحك " : هلا حبيبي شكلك نايم ..
فيصل : لا توي قايم بصلي الفجر ..
نورة : ياااااااااي تونا هنا ..
فيصل " ماله خلق أبد " : يقاطعها أنت اللي داقه ؟
نورة : إيه .. بقول لك ,,
فيصل " عصب" : نورة أنا مو بالشرقية ولا القصيم .. أنا بنيوكاسل .. مو تدقين علي كل شوي .. من رخص المكالمات الدولية ..
نورة " ضاق صدرها " : طيب طيب شوي شوي ..
فيصل " معصب ": لا جد آخذه الدنيا ببساطة أنت تعرفين إني طالب وعلى الله ثم هالراتب منين أجيب أضرب الارض وإلا عساك تبينني أقول لأبوي حول لي .. شوفي بعد 3 سنين بالكثير كيفك كلمي اللي تبين ..
نورة " انصدمت وطاحت دموعها ..
فيصل " يتنهد " : لا إله إلا الله .. جد تقهرين عليك حركات كأنك بزر بعض الأحيان يالله منك ..
نورة " وهي تبكي انقهرت مرة " : خلاص خلاص مع السلامة ..
فيصل : مع السلامة ..



× فيصل منقهر من الخاطرة أشغلت باله وماله خلق أبد .. !!

× نورة المسكينة .. بغرفتها .. ومنسدحه على السرير يااالله يافيصل وش سويت تسوي فيني كذا ..!! كل ما زانت معي شوي خربتها .. ليش ؟؟ و نامت من القهر وهي تبكي ..
آآآه يا جود الحزن وياي وبالفرحة .. شحوح !!
ضايعٍ بهمومي الغبرا بوسط المعمعة ..
أشتكي لوسادتي دنياي وأسمعها تنوح ..!!
كنها بعضي وبعضي وين هو ؟؟ ومن هو معه !!








× فيصل جالس بالصالة .. يااالله وش قلت للمسكينة أنا حطيت فيها حرت اللي قريته والله رحمتها .. أدق عليها ؟؟ وإلا أخليها .. يالله طيوبة ترجع تكلم ..



× دانة صاحية .. وشلون راح أدري إنه قرا الخاطرة وإلا لا ؟؟ ياربي منه .. بروح على الشاطئ .. وأنتظره .. / أخذت أغراضها وطلعت ..




× صحت نورة من النوم بالليل وعيونها متنفخة من كثر البكي ولا قدرت ترتاح في نومها أبد !! على طول جاء فبالها فيصل × تفكر × تفكر وبعد نص ساعة كذا ..قررت ترسل له مسج تحسسه فيها .. وتعلمه إنها حامل ..


(فيصل حبيبي .. ماتوقعت إن شوقك لي ترده بالطريقة هذي ..على كلٍ أنا مسامحتك وعمري ماراح أشيل في قلبي شي .. بس حبيت أبشرك بشي ولا عطيتني فرصة حتى أعبر لك بفرحتي المهم راح يصير بحياتنا شخص ثالث يقربنا أكثر لبعض .. ومشكور يالغالي )




× فيصل وصله المسج .. فتحه .. .. لالالالالا ما أصدق ياااااااالله ودق عليها على طول .. فيصل : نورة ..
نورة "بهدوء " : هلا فيصل ..
فيصل " مبسوووط " : جادة والله ؟
نورة " ضحكت " : والله ..
فيصل " يضحك " : ياااااااااااااالله بصير أبو .. يااااحبي لك يانورة ألف ألف مبروك حبيبي ياليتني عندك .. أضمك وأضمك وأضمك ما أمل منك ..
نورة " تضحك " : سبحانه ..؟؟
فيصل : آسف آسف آسف ,,, لعيون اللي في بطنك ..
نورة " تضحك " : ياحبي لك انبسطت ..
فيصل : مررررررررررره والله ودي أطلع أفحط ودي أسوي شي ياليتني عندكم .. ياااالله ..
نورة " بهدوء " : طيب وخر ..مكالمة دولية ..
فيصل " يضحك " : ماراح أزعل ولا شي بس يالله مع السلامة يااااقلبي وألف مبروووك ..
نورة : فيصل أحبك ..
فيصل : وأنا أعشقك وأموت فيك .. الله يخليك لي يارب ..ولا تزعلين علي حبيـبي ..
نورة " طاحت دموعها " : ماراح أزعل .. مع السلامة ..
فيصل : مع السلامة ..

× نورة "بكت " : ياااااليتك عندي والله اشتقت لك نفسي أبشرك وأنت قدامي ونسولف عنه وايش راح نسميه !! وكل شي كل شي !!.. ياااالله وش فيني والله صرت أفقدك يا فيصل ..




× دانة على الشاطئ تتنظر وتطالع كل مكان .. ملت وهي تنتظر .. الساعة 10 ولا جاء مو معقول وأنا لي كم ساعة هنا !! والله مو معقول ..



× فيصل غير المكان اللي يمشي فيه .. فرحان والأرض مو شايلته .. بس يجي في باله الخاطرة اللي قرآها .. تردد يروح للشاطئ يمر يشوف دانة فيه وإلا لا !! إذا صارت فيه بيعرف إنها تنتظره لأنها بالعادة ترجع بدري .. أروح وإلا ما أروح !! والله جت فبالي فكرة أعرف إن الخاطرة تقصدني وإلا !! ...
أقول بلا دانة بلا هم خلك بزوجتك .. ويبجيك ولد إن شاء الله .. ينسيني الدنيا كلها .. !!
فيصل متردد ولا يدري وش يسوي !!
بس في النهاية قرر يروح للشاطئ !!



× نزل فيصل من السيارة .. ويدور بكل مكان وخاصة مكانها ما شاف أحد .. عرف إنها رجعت .. وفعلاً دانة رجعت !! فيصل ركب السيارة وانقهر يبي يعرف مين تقصد !! يالله والله البنت المفروض أعطيها شوي جوها !!


× دانة في شقتها .. ليش ما جاء أكيد قرا الخاطرة ياربي معقولة عرف ومايبيني !!



معقول فيصل اهتم بدانة مع الفرحة المفروض ينسى شي اسمه دانة بس أكيد فيه انتظروني !!

× دانة في شقتها .. ليش ما جاء أكيد قرا الخاطرة ياربي معقولة عرف ومايبيني !! × دق جوال دانة .. يؤ ياربي ..مين !!
دانة " تبتسم " : هلا وغلا ..
مشاعل : يوووه وينك بعد ذيك المحادثة ولا اشوفك ولا شي ..
دانة : يوووه ياربي لاااا تتكلمين أستحي والله تبينني أصير جرئية على الماسنجر أحسن ,,
مشاعل " تضحك " : لالالا ما كلمتك على الموضوع ذا أكيد ما فيه جديد دامك ما رحتي لسدني ..
× دانة سكتت ..
مشاعل : وينك ؟
دانة : إيه معك .. كملي ..
مشاعل " تضحك " : تعالي تعالي عندك شي !!
دانة " بخوف " : مشمش أخاف تزعلين ..
مشاعل " تتنهد " : لا إله إلا الله مسوية شي أكييييد الله يآخذك حرام عليييييييييييييييك يامجنونة !!
دانة " دمعت عينها " : مشاعل الله يخليك لا تزعلين .. بقول لك ..
مشاعل : يالله قولي ترفعين الضغط مع اني داقه أبي رآيك بشي بس بتعكرين مزاجي ..
دانة " بهدوء وبخوف " : رحت لسدني وقربت من فيصل أكثر ..
مشاعل " عصبت " : ما تستحين ولاتعرفين الحلال من الحرام أنت .. اللي تسوينه حراام شيطان أنت بينهم والله العظيم حرام..
دانة "خافت " : أدري إنه حرام بس حبيته ولا أقدر أصبر عنه ..
مشاعل "بتتطنز": حبيته ولا أقدر أصبر عنه ..أقول أصلاً مكالمتي لك غلط بس أرفع ضغطي على وحدة ما تسمع الكلام أبد وأصلاً مجرد أنت بالغربة لحالك ولا معك محرم خطأ في خطأ ..وخاصة لك وأشكالك ..
×دانة ساكتة ولا تقدر ترد لأن كلام صديقتها صح .. !!
مشاعل "بهدوء ": على كل أنا داقة بآخذ رآيك بواحد متقدم لي بس دام تفكيرك كذا ومو عارفة مصلحة نفسك أكيد ماراح تعرفين مصلحتي أنا .. ويالله مع السلامة وانسيني ياقلبي لما تتعدلين لأن أهلي ما يبونني أصادق وحدة عقليتها كذا ..
دانة " بسرعة " : لحظة لحظة مشمش ..
مشاعل : نعم ..
دانة "ودمعتها فعينها ": وإذا أبعدت عنه ؟
مشاعل : تذكري إن عندك صديقة أو بالأصح أخت اسمها مشاعل ..
دانة "بكت " : مشاعل حسي فيني .. حرام عليك أنا مالي أحد أشكي له ..
مشاعل " بهدوء " : قولي لأمك ياقلبي والأم أصدق شخص معك ..؟؟ ليش ماتقولين لها .. أكييييد لأنك عارفة ايش راح تكون ردت فعلها ..
دانة "تتنهد" : صح ..
مشاعل : أما أنا صديقتك تبينني ألين معك وأصفق لك باللي قاعدة تسوينه ..
دانة : يااالله يا مشاعل .. أحبه طيب ,,
مشاعل "قاطعتها وبعصبية" : أقوووول يالله مع السلامة .. وانسيني لما تعقلين .. ×قفلت الخط
دانة " رمت الجوال على السرير .. ورمت بنفسها على السرير وتبكي .. ياااالله حتى مشاعل صديقتي ضدي !! أجل مين راح يآقف معي..







×في شقة خالد ..
خالد : روحي شوفيها ووانتبهي لها أبوها مأمني عليها .. الحين يصير لها شي وحنا ما ندري عنها ..
ليلى "تبتسم" : أنا مكلمتها ومافيها إلا العافية تبيني على طول عندها أنت ..؟
خالد : لا بس من يوم ما جينا من سدني وأنت ما شفتيها إلا مرة .. حرام ..والله
ليلى "تطالعه " : هي تدرس ومو فاضية لي .. وأنا مشغولة اكثر الوقت تنظيف وغسيل وطبخ وما معي وقت أبد ..
خالد "يتنهد": المهم لا تفشلينني انتبهي لها ..وبس ودقي عليها ..
ليلى "تقاطعه ": طيب طيب .. خلاص حفظت هالموال من يوم جينا وأنت انتبهي لها انتبهي لها !! أنا ما اهتميت فيني كذا ؟
خالد : هههههههههههه تغارين يعني ؟ لا لاتخافين علي، وحدة ويالله متحملها ..






×فيصل يدرس قبل يطلع للجامعة .. وهو يشرب الكافي × دق جواله ..
.. أهلين أهلين
أبو فيصل : هلا أبوي وشلونك ؟
فيصل "يبتسم " : تمام الله يطول بعمرك ..
أبو فيصل "يضحك ": مبروووك ماشاء الله .. الله يتمم لكم بخير يارب ..
فيصل "يضحك " : الله يبارك فيك والله ما توقعت ..
أبو فيصل : هههههههههه الله يوفقكم وهذي أمك تبيك ي أبوي والله يوفقك
فيصل : الله يسلمك عطني إياها ..
أم فيصل : هلا فيصل × بكت ..
فيصل "يضحك " :وش فيك يمه ؟
أم فيصل : والله إني فرحانة لك .. وتمنيتك عندي ..
فيصل "يضحك" : إن شاء الله قريب وأجي انبسطي وأشوى إن نورة جت بعد عشان ما نشيل هم هنا ..
أم فيصل : إي والله الحمد لله ولا تعب الطيران عليها .. وهي بأول الحمل ..
فيصل : الحمد لله والله يتمم ..
أم فيصل : زين يبه قلنا بنبارك لك .. تبي شي؟
فيصل : سلامتكم سلمي على أخواني كلهم ..
أم فيصل : إن شاء الله مع السلامة ..
فيصل : مع السلامة ..
× سكر فيصل الجوال ..يكلم نفسه .. كم يوم اجازاتي بين الترمين ؟.. إيه 15 يوم .. يعني باقي عليها شهر وشوي لا والله حوالي شهرين باقي بس حلو .. أروح أشوف نورة وأخليها تنبسط .. يالله مع إني بضغط على نفسي لكن ما عليه أتحمل.. أهم شي أشوفها وهي حامل "يتنهد " .. ووه بس بصير أبو ..






× دانة في شقتها طفاشة ومخلصة دارسة وما عندها جامعة اليوم .. وقاعدة تتصفح النت وما لها خلق .. × أخذت جوالها .. ودقت ..
ألو .. أهلين بابا ..
أبو دانة " وصوته متغير " : هلا يبه وشلونك ؟
دانة "مستغربة " : تمام بس وش فيه صوتك ؟
أبو دانة " يتنهد " : توني صاحي من النوم ..
دانة : بس اليوم عندك دوام ..؟
أبو دانة : إيه مارحت اليوم .. مالي خلق ..
دانة "مستغربة مرة": والله غريبة !! أنت تقول ما لي خلق لالالالا أكيد فيه شي طيب كم الساعة عندكم ؟
أبو دانة : وش فيك أنت !! قلت نايم .. الساااعة الحين 10 الصباح ..
دانة : طيب حتى لو ما عندك دوام تقوم بدري .. لا يصير فيكم شي ؟؟
أبو دانة : لا يايبه مافينا شي وش فيك أنت ؟؟ ماتبين أبوك يرتاح أبد ، تبينني على أشتغل ..
دانة "تضحك " : لالالا بالعكس بس استغربت وسوووري بابي ع الإزعاج .. والله ماأستحي صحيتك من النوم ..
أبو دانة : لا يايبه أنا ما أرتاح إلا إذا سمعت صوتك ..
دانة "والدمعة فعينها " : بابا اشتقت لك والله ..
أبو دانة " يتنهد " : وأنا يايبه بس لا تشيلين هم أهم شي تجين رافعة روسنا بشهادتك حبيبتي ..وأفتخر فيك بكل مكان ..
دانة : يارب الله يسمع منك أبي دعواتك يالغالي ..
أبو دانة : الله يوفقك ويسعدك يارب ..
دانة : يالله بابا سلم ع ماما وبوسي لي إياها ..
أبو دانة "يضحك " :إن شاء الله ..
دانة : مع السلامة ..
أبو دانة : مع السلامة ..
× سكرت دانة وسرحت .. ياااربي والله صوتي بابا مو طبيعي أكيد فيه شي !! وإلا على قولته ما داوم !! بس غريبة وشلون ما له خلق والله مو طبيعي !! ويعني أمي نايمة للحين معه ماني فاهمة شي ..







مرت الساعات خالية من كل شي يوم ممل على الجميع .. وخاصة فيصل واصل من الجامعة ماله خلق شي .. ولا له خلق حتى يآكل .. جلس بالصالة عند التلفزيون .. ويفكر . .أدق عليها وإلا لا ..بس أنا غبي قايل مكالمات دولية ..إيه صح .. × دق فيصل على نورة ..
فيصل : أهلين نورة ..
نورة : هلا وغلا ..
فيصل : كيفك إن شاء الله تمام ..
نورة : الحمد لله بخير ..
فيصل :وش فيك ؟
نورة "بهدوء" : مافيني شي بس مالي خلق ..
فيصل "يتنهد" : يووه كنت بقولك افتحي السكايب نسولف .. والله مشتااااق لك ..
نورة : لاااااا خلها بعدين مالي خلق ..
فيصل "استغرب من ردها " : تعالي وينك أنت ؟
نورة : بالبيت ويني يعني ؟
فيصل : طيب وش فيك ؟
نورة : طفشانة .. أمي رايحة لجيرننا وعبد الله نايم .. وضايق صدري..
فيصل : طيب افتحي السكايب نسولف وتنبسطين ..
نورة : فييييييصل اللاب توب بعيد وأنا جالسة عند التلفزيون أشوف سنوات الضياع ومالي خلق أسولف أبد صراحة ..
فيصل "عصب" : معقولة مو مشتاااقة ؟؟ يالله علييييييك ..؟؟
نورة " تتنهد " : لا إله إلا الله محمد رسول الله .. أقول شكلك تبي أحد تتهاوش معه .. أنا مالي خلقك ..
×فيصل عصب وسكر الجوال وهي تتكلم .. غبية ولا تعرف تتكلم بعد .. هذا وأنا داق بدلعها .. بس أنا أوريك .. طلع الدخان .. !!!!





× دانة مسترخية على السرير ومعها اللاب توب .. وتشوف مشاعل فيه بالماسنجر .. ومترددة تكلمها ..
مشاعل : أهلين دانة ..
دانة : أهلين ..
مشاعل : آسفة إني سكرت الجوال اليوم .. بس ما كان قصدي..
دانة : لالالا خلاص ..
مشاعل : دانة ابعدي عنه
دانة "تتنهد ": خلاص لاتكلميني عن الموضوع هذا مليت منه.. ودامك مو حاسة فيني مايهمك ..
مشاعل : السالفة مو كذا ياقلبي ..بس مجرد إنك آخذه راحتك مع الرجل هذا بحد ذاته شي يقهر لأنه حرام ..
دانة : يعني لو أتزوجه ماتقولين شي
مشاعل : ههههههههه وأنت على بالك بيتزوجك ؟ هو إذا فباله شي فهو راح يسوي اللي يبي ويرميك ..
دانة "عصبت" : خيييييييييييييييييييير أنت أكيد مو صاحية ما وصلت وأنا أبد مو قصدي كذا .. أنا حبيته والحب شي مو باليد
مشاعل : طيب هو قليل أدب إذا عطاك وجه وخان زوجته ..
دانة : أنا أفكر فيه هو ماعلي من زوجته ولا هامتني ..
مشاعل : ياااااحراااام عليك .. تخيلي وحدة تسوي معك نفس اللي تسوينه ..
دانة "معصبة" : وش سويت أنا ؟؟؟ بيدي أحب وبيدي أكره؟؟؟ .. هذا شي مو بيدي ,, وأنا بسوي المستحيل عشان أكسبه
مشاعل : الله يوفقك إذا عطاك وجه أصلاً ..
دانة : طيب تراني ما زعلت والله ولا راح أزعل عليك أبد ..
مشاعل: أنا آسفة .. وحقك علي بس شسوي شايلة همك أكثر مني ..!!
دانة : تعالي من اللي متقدم لك ..
مشاعل : واحد يقرب لنا بس من بعيد شوي ووافقت مبدئياً وإن شاء الله بوافق.. لأن وظيفته حلوة .. وسمعته بعد حلوة ..وأبوي عاجبه الولد مرة
دانة : يعني بتتزوجين ؟
مشاعل : إن شاء الله ادعي لي..
دانة : الله يوفقك يارب بس لا تسوين الزواج إلا إذا جيت ..
مشاعل: أكيييييييد إن شاء الله ..يالله بطلع أنا ..
دانة : أوكي مع السلامة
مشاعل: مع السلامة






× في بيت فيصل .. الوقت بدري على النوم .. دق فيصل على خالد .. لأنه يبي يسولف مع أحد
خالد : هلا فيصل ..
فيصل : فاضي ..؟
خالد : إيه مره فاضي .. تبي شي ..
فيصل : تعال عندي نسولف والله فاضي مرة وضايق صدري ..
خالد : خلاص مسافة الطريق ..





× نورة وعبد الله بغرفة نورة ..
عبد الله : حلوووو طيب سألوا عنهم ..
نورة : تقول خالتي ناس يجننون وبناتهم يجننون بعد ..
عبد الله : يالله الله يوفق قولي لأمي خليها تدق عليهم وأروح أشوفها ..
نورة "تضحك " : مستعجل ؟
عبد الله : إي والله ودي أعرس ..
نورة : ههههههه الله يوفقك خلاص أقول لأمي تدق عليهم بكرا ..والله يوفقك يارب تعجبك ..
عبد الله : أكيد إن شاء الله بتعجبني .. طيب أبي الصغيرة ..
نورة : لااااااااا أبي وحدة قريبة من عمري لأن بصير مرة معها وخر بس وبعدين الكبيرة أحلى ..
عبد الله : هههههه حلللللوة هذي .. أنا اللي بتزوج وإلا أنت ؟
نورة : لا يعني لا .. بتتزوج الكبيرة وغير الكلام هذا ما عندي ..
عبد الله : يالله الله يوفق ولعيونك كل شي يهون ..
نورة "تبتسم " : ياحبي لك الله يخليك لي..





× فيصل وخالد في الصالة ..
فيصل : اعذرني على القهوة عاد عارفني بس زين طلع معي شي ..
خالد : لا بالعكس والله شي قهوتك الله يعافيك يارب ..
فيصل : قسم بالله مليييت ودي أرجع للسعودية .. ودي أستقر خلاص ..
خالد : الله يعين والله الغربة تبي ..
فيصل "يتنهد" : يمكن أنت مبسوط مع زوجتك ؟ أنا اللي حتى لو رحت السعودية قدامي قلق وتعب وقرف ونكد ..
خالد " يطالعه " : أوف أوف كل هذا بالسعودية لالالا وسع صدرك وادع ربك يوفقك ويسخرلك زوجتك ..
فيصل " يتنهد" : إيه .. وقبل قلت لك عنها وقلت لي اصبر .. ياخي صبرت وحملت والله يعين ..
خالد "مستغرب " : حامل ؟
فيصل : والله إني فرحت وانبسطت بس إذا فكرت ما راح أستمر معها وحرام أجيب منها ولد ..
خالد : طيب سويت اللي قلت لك معها ؟
فيصل "بسرعة" : سويت كل شي قلت دلعها دلعتها ماباقي إلا أجيب نجوم السماء لها .. قلت سفرها غير جو اطلع فيها سويت كل شي .. أبعدنا عن بعض نبي نشتاق أكلمها تقول مالي خلق ودي أفهم من ايش مخلوقة هالبنت ..!!
خالد : قل لا إله إلا الله .. ودامها حامل عذرها معها أذكر قبل أتزوج أمي تقول إذا حملت زوجتك تحملها لأنها تتعب مرة ..
فيصل : يااااااااليتها حامل من أول ما تزوجتها عشان أحطه عذر !! ياخي مليت حتى وهي بعيدة ماني مرتاح .. ×طلع الدخان
خالد "يطالعه " : أنت ماتبي تصبر .. اصبر وبعدين حرام عليك تحكم من مكالمة ..
فيصل "يقاطعه " : شف خالد أنا بروح للسعودية أسبوعين إن شاء الله عشانها .. لأني أكذب إن قلت ما لها مكانة فقلبي .. بس والله والله إن شفت شي ما عجبني بأدبها ..
خالد "عصب" : ليش تحلف طيب .. ياخي حرام عليك ..
فيصل "بعصبية " : زهقتني ..
×سكت خالد .. وسكتوا شوي كلهم ,,
فيصل : والله العظيم ما كان المفروض أقول لك وأدري إنه خطأ .. بس إذا قلت لأمي بتزعل وتشيل بخاطرها لأنها هي اختارتها ..ولمين أقول ,, أنت عارفني وعادك مثل أخوي ..
خالد "يبتسم " : وش دعوى أخوك أنا .. وقبل استراليا وأنا وياك مثل الأخوان .. بس ماكتب ربي يتعرفون ليلى ونورة إلا هنا ..
فيصل "بهدوء" : مادري يمكن تسرعت وعصبت على نورة .. لكن فيني قهر منها لي سنة وشوي يمر علينا أسبوع حلوين وشهر متزاعلين وهذي حالتنا .. دلعتها بالغربة دلع ما تحلم فيه ولا بنت والله ولا كأني أسوي لها شي ,, ولااااا حملت وبيجي ولد يااااسلام والله ماراح تهتم فيني أبد و والله ما تحملتها إلا عشان أمي وإلا كان مطلقها من أول شهر تزوجنا فيه لأنه ا نكدية ودايم مالها خلق شي..
خالد :تعوذ من ابليس .. وشف دق عليها بعد شوي إذا جيت تنام وخلك عادي ..
فيصل "يضحك باستهزاء " : ههههههه والله العظيم أتخيلها قدامي الحين وصاك الجوال بوجهها وجايه ولا على بالها ولا كأنها مسوية شي .. أدري فيها إنسانة غبية ..تلقاها الحين مبسوطة وتضحك ولا أحد صاك الجوال بوجهها ,,
خالد "يبتسم ": يالله .. الله يعينك ..





× نورة وعبد الله يسولفون ,,
نورة : ههههههههههههههه الله يآخذ ابليسك .. احلف إنك سويت كذا ..
عبد الله : والله ما همني أحد .. مع إن المدير بالبنك ما يطيقني بس أسوي حركات وأسوي نفسي غبي ..
نورة "تطالعه " : أريح لك .. طنش ولا عليك من أحد وتعيش حياتك .. هههههههه
عبد الله : لا وأعطيه من الكلمات الطيبة اللي تحرجه والله اخليه ينحرج ..
نورة : هههههههههههههه ياربي منك ما عقلت .. أنت ..
× دخلت أم عبد الله عليهم ..
عبد الله "وقف " : هاه بشري ..
أم عبد الله : تقول نسأل عن الولد ونرد لكم ..
نورة "تبتسم ": خليهم يسألون مافيه مثله ..
عبد الله : طيب متى أشوفها ؟
أم عبد الله "عصبت " : الحين خلصنا من متى أتزوج بدينا متى أشوفها .. اصبر خلهم يردون ..
عبد الله : طيب وش اسم زوجتي ؟
نورة : هههههههههههههههههههههه على طول زوجته ..
أم عبد الله "تطالعه " : ياربي لك الحمد والشكر ..
عبد الله : وش فيكم واثق إنها بتوافق طيب ..؟ وش اسمها تكفين يمه ..
أم عبد الله : اسمها يا طويل العمر سارة ..
عبد الله "مستغرب " : والله ؟
أم عبد الله : وش دعوى أكذب عليك ..
عبد الله : والله ما توقعت اسم مرتي كذا ..
نورة : هههههههه صاحي أنت ؟
أم عبد الله :ههههههه خليه على راحته ..





×فيصل مسترخي على السرير معاه الرواية اللي كانت جنبه .. وفتح الرواية وطلع الخاطرة يقراها .. ×تنهد فيصل .. والله شي غريب طيب لو صرت أنا وشلون حبتني بسرعة !! معقولة !!×دق جوال فيصل ..
فيصل : نعم ..
نورة "بهدوء" : أهلين فيصل ..
فيصل "بنفس شينه " : نعم وش تبين بسرعة ..
نورة "مستغربة " : المشكلة أنت الغلطان !! وأنت اللي سكرت بوجهي ومع ذلك أرجع وأدق عليك يعني في النهاية أنا اللي لازم أعتذر ..
فيصل "بهدوء ومن جواه معصب " : طيب وش تبين دامي أنا الغلطان أحد قال لك دقي اعتذري ..
نورة : ما دقيت أعتذر أصلاً داقه بس أحسسك بخطأك ..
فيصل"يقاطعها": يعني تبينني أعتذر ..عجيب والله تدقين تبينني أعتذر ..!! ههههههه
نورة "عصبت": من الأساس أنت غلطان مهما كان ما تسكر الجوال بوجهي ..
فيصل "بعصبية": استرجعي المكالمة برآسك وتعرفين من الغلطان ,,
نورة "مستغربة ومعصبه " : يعني أنا الغلطانة !! قلت لك بصراحة مالي خلق .. يعني تبيني أسولف معك وأنا مالي خلق ..
فيصل : مهما كان أنا زوجك .. ولا أسمح لك تتعاملين معاي كذا .. وإذا داقه براسك مشكلة أنا والله تعبان ومالي خلق ناس متخلفين..
نورة "بعصبية" : طيب طيب .. شوف لا تدق علي إلا إذا بتعتذر......
× قطع كلامها وسكر الجوال بوجهها ورماه عا لأرض ومعصب مرررة منها .. ياااالله على هالمريضة هذي ..!!
×فيصل تأخر ما نام مايدري وش يسوي مع نورة ..!! حيرته ويفكر فيها لأنها عكرت مزاجه .. وقرر يرسل لها مسج قام وجاب الجوال وكتب لها الكلمات ..
اسقني حب ..
أو اسقني فرقى ..
إن صبرت أشقى .. أو هجرت أشقى !!
اختر الحل الصعب ..
ياتفارق يا تحب !!


















× نورة كانت جالسة بالصالة مع أمها .. وانصدمت من المسج !!
أم عبد الله : وش فيه المسج اللي قريتيه ؟
نورة "تبتسم " : مافيه شي بس كلمات حلوة ..
أم عبد الله : الشعر الحين مو مثل شعر من أول ..
نورة "تطالعها وبالها مع فيصل ": إيه شعر من أول ألغاز ..وشعرنا الحين يخوف .. !!
× قامت نورة ..
أم عبد الله : وين قمتي ..؟
نورة " وهي تمشي " : شوي يمه بروح لغرفتي بجيب شي ..


× دخلت نورة غرفتها .. وقفلت الباب .. ودقت على فيصل .. عادت الإتصال أكثر من مرة بس مايرد لأنه حطه صامت ونام .. ولا يبي نورة ترد ولا يبيها تدق !!!! يااااربي وش فيه والله إني خبلة نورة خافت .. وصارت مو على بعضها أبد .. بالها مشغول مرة مع فيصل .. ليه أرسل المسج وش يبي مني هو الغلطان .. ×طاحت دموعها .. ياااربي وش يبي هذا مريض والله مريض .. ماني قادرة أفهمه أبد .. ماني قادرة أغير شخصيتي على حسب مزاجه .. والله صعب ذا الإنسان ..



× أم عبد الله تطق باب الغرفة ..
× فتحت نورة الباب وهي تمسح دموعها ..
أم عبد الله " استغربت " : وش فيك يمه ؟
نورة "جلست على طرف السرير " : يمه ياليتني ما خليت فيصل ..
أم عبد الله "تتنهد": ليش وش طرا عليك ؟
نورة "طاحت دموعها": حنا أبعدنا عشان نتفاهم أكثر .. بس شكلنا ماراح نتفاهم ..
أم عبد الله "استغربت" : بس أنتم قلتوا غير الكلام هذا .. يمه فيكم شي؟
نورة "بكت " : يمه فيصل صعب .. فيصل مزاجي ماني قادرة أفهمه ..
أم عبد الله "تتنهد " : والله من يوم جيتي وأنا حاطه يدي على قلبي عارفة إن بينكم شي .. يايمه المفروض تفاهمتوا هناك دام بينكم مشكلة ما يصلح تفترقون ..
نورة " تبكي " : يمه أنا حبيته بس ماقدرت أسعده ماقدرت ,, وهو صعب والله العظيم صعب .. له ألف مزاج ..
أم عبد الله "تتنهد": والله يايمه الرجال كلهم صعبين وماتحملتي ماراح تعيشين و الله يعين على الأيام الجاية ..




×صحى فيصل وصلى الفجر ورجع ينام ع الساعة 6 وركب المنبه ع الساعة 9 عشان بيطلع يمشي .. أما دانة صحت صلت الفجر ولا رجعت تنام لأنها نايمة بدري .. وحبت تطلع تدور وتغير جوها الممل ومتردده تروح الشاطئ وإلا ..!!




×نورة تحس بضيقة الصدر ولا قادرة ترتاح ندمت لأنها دقت على فيصل .. وراحت لغرفة عبد الله وحبت تقول لأخوها السالفة ..
عبد الله : والله يا نورة دق عليك فيصل ويبي يسولف معك مهما كان ما تقولين له كذا أبد .. أنا لو تقول لي سارة كذا والله والله لا أخليها متساوية مع الأرض ,,
نورة " تبتسم ومالها خلق " : طيب وش أسوي الحين ؟ هو زعلان.. وما رد علي ..
عبد الله : فيصل طيب يرجع يدق عليك وقولي ما قال عبود ..
نورة : أحس إني كثييير ما أعرف أتصرف
عبد الله "يقاطعها": بإختصار قليلة دبرة على قولتهم ..
نورة "تبتسم " : تقريباً وخاصة مع فيصل ..
عبد الله "مستغرب من نورة " : بعد أنت فكري قبل تسوين شي أنت مو وحدة صغيرة ما تعرف تصرف نفسها ..
نورة "تتنهد": ما أعرف !!
عبد الله : هههههههههههه حلوة ما أعرف ..
نورة "تطالعه " : ياربي ليش تضحك ..
عبد الله "يبتسم " : شوفي وأنا أخوك تبينني أدق على فيصل؟ وأساعدك لكن إذا ما تدخلت أنا وحليتيها بطريقتك أفضل ..
نورة "تتنهد " : لالا أنا أحلها إن شاء الله .. يالله بروح أنام الساعة 1 والله سهرت ..
عبد الله : ياعيني سهرانة 1 أنا اللي أعوذ بالله حوست نوم مو طبيعية ..
× نورة وهي تمشي طالعة .. الله يعينك .. يالله تصبح على خير ..
عبد الله : تلقين خير .. نامي زين وارتاحي ولا تشيلين هم ..
نورة : الله يسهل .. × طلعت ..




× نورة راحت و ساعة وهي مو قادرة تنام .. والله أخاف بعد ما تعلقت فيك تطير مني .. بنجن والله .. أنا غبية ما عرفت أتصرف .. × جت فبالها فكرة .. أرسل مسج .. أكييد راح يقراه بس المكالمة مو على كل حال يرد ..
أشكي عليك الحال ياعارف الحال ..
ولو مابيدك شي يكفي لك أشكي ,,
يكفي تروح بكلمتك ضيقت البال ..
ويكفي تحس بضيقتي دون ما أحكي ..
لو شفت في عمري همومٍ وغربال ..
فيك الحنان بصادق الحب يحكي ..
دنيا مشاكلها .. على كل موال ..
وكلٍ على همه من الوقت يشكي ,,











× نورة انتظرت رد فيصل ولكن ما رد .. للأسف ..

× فيصل توه صاحي .. من النوم دخل الحمام وطلع .. أخذ جواله .. وفتح المسج .. قراه .. " تنهد .. يااالله يا نورة .. والله كسرتي خاطري .. جلس على طرف السرير يقراه ألف مرة .. !! سرح فيصل مع نورة اللي راحمها .. يارب تساعدني .. يارب تصلح بيننا .. فيصل مو قادر يدق عليها .. لأنها كاسرة خاطرة .. حب يرسل لها مسج ..


تزعل وأنا لك موووت ولهان ..
ماكني محبوبك أو أعنيك ..
ترضى أعيش العمر حيران ؟
وأنا اللي راحة قلبي بيديك ..
لك في الغلا شيدت بنيان ..
لك صاحبٍ دايم يداريك ..
ياسلوتي عن كل من كان ..
لا تفتكر في يوم ناسيك ..
خذ صادق الإحساس برهان ..
ما يقبل مساوم وتشكيك ..
لأنك على الفؤاد سلطان ..


× صحت نورة على صوت المسج .. وعرفت إنه من فيصل افتحت المسج .. وهي فيها نوم مرره .. قرت المسج .. وصحت .. ياااالله تجنن فديتت قلبك أنا .. نورة دقت على فيصل ..
نورة "بهدوء" : ألو ..
فيصل "صوته توه صاحي من النوم "" : أهلين..
نورة : رضيت ؟
فيصل "يتنهد " : أكيد راح أرضى ..
نورة " وصوتها مبحوح من النوم " : فيصل آسفة ..
فيصل : خلاص رضيت ..
نورة "طاحت دمعتها " : والله أحبك .. ومشتاقة لك ..
فيصل : مشكورة .. باين شوقي أصلاً ..
نورة " تتنهد": ما رضيت ؟
فيصل : لا رضيت ..يالله بطلع بسرعة اخلصي ..
نورة "تمسح دمعتها " : طيب مع السلامة ما أعطلك عن طلعتك ..
فيصل : صحيتك من النوم سو سوري .. بس تصبحين على خير ..
نورة : تلقى خير مع السلامة ..


× قفلت نورة وبالها مع فيصل .. وباين المسج ما طلع من قلب .. لأنه شايل بخاطره عليها .. نورة مسحت دموعها ورجعت نامت ..


× فيصل طلع يمشي على الشاطئ .. رجع للشاطئ لأنه ما ارتاح بالمكان اللي راح له قبل ..


× دانة تشرب كافي على الشاطئ .. طالعت فيصل وهو يمشي .. وحاولت تصد عنه ماتبي تشوفه .. لأنها عرفت إن كلام مشاعل صديقتها صح .. بس شسوي وين أروح .. هذا مكان عام .. إيه إذا جاء فيصل قلت له ما أبيك تجلس معي !!!!



مرت ساعة وفيصل يمشي .. جت في باله خاطرة دانة أكثر من مرة .. بس ما حب يروح لمكانها خايف يحرجها ..



× دانة "وقفت " بتمشي .. طالعها فيصل من بعيد وابتسم .. ابتسمت له دانة ومشت وهي معطيته وجهها يعني (مقبله على فيصل) .. فيصل شاف إنها ما اهتمت ولا تطالعه .. شك إنه فيه شي .. إيه أكيد عشان الرواية .. لحقها فيصل . دانة دانة ..
دانة "رفعت رآسها وابتسمت " : أهلين فيصل ..
فيصل "يبتسم " : صباح الخير ..
دانة : صباح النور ..
فيصل : روايتك ؟
دانة "ارتبكت ": وش فيها ؟
فيصل "يبتسم " : صراحة مافتحتها ولا قريتها شكلي أخذتها كذا بس ..لذلك بجيبها لك بكرا ..
دانة "حست بالتحطيم جواها لأنها حاطة امل إنه قاري الخاطرة " : اوكي ..
فيصل "يطالعها " : فيه شي ؟
دانة "مستغربة " : لا مافيه شي .. بس خلاص إذا تبي تجيب الرواية جبها ..مافيه مشكلة ..
فيصل "يطالعها " : لالالا أضحك عليك قريت شوي منها وبكملها ..وقريت الخاطرة صراحة رووووعة ..
دانة "ارتبكت وحست إنها خلاص بتموت من الحياء ووجهها صار أحمر " : طيب بروح أنا مستعجلة أشوفك × مشت دانة وهي مو على بعضها ..
فيصل " يضحك " : لااااااااا والله البنت مو طبيعية !! هههههههههه



× دانة تكلم نفسها .. يااااااااااربي ياليتني ما عطيته الرواية .. وياليتني ما شفته وش سويت أنا !!

×دانة تمنت إن الأرض تنشق وتبلعها ولا صار لها الموقف هذا .. ولا توقعت تكون ردت فعلها كذا ..بينت كل مشاعرها .. وفيصل فهمها ..!!!
فيصل "واقف مكانه ولاصدق باللي صار.. يتنهد " : والله هذا الوجه اللي يفتح النفس على هالصبح .. أنا مادري وشوله أدخل البيت .. وأنكد على نفسي ..× فيصل يفكر باللي صار له مع دانة ؟؟؟؟








× دخلت دانة شقتها .. وهي ترتجف .. رمت أغراضها على السرير .. ورمت بنفسها ومبسوطة .. أخيييييييييييييييييييراً .. الحين ارتحت.. × دق جوالها .. تسمعه .. ماااااراح أرد ما أبي أحد .. خلوني بفيصل وبس .. لكن انتبهي يا دندونة امسكي نفسك .. وشي اسمه شاطئ انسيه ..









وش ناوية تسوي دانة .. في بالها أكيد شي !!

× مرأسبوع.. ولا جديد .. دانة ما صارت تجي على الشاطئ .. ونورة ما دقت على فيصل بعد ذيك السالفة وفيصل نفس الشي ما دق !!!! أبو دانة قررا يسوون له عملية استئصال للكبد .. خالد وليلى لا جديد .. وأهل سارة ما ردوا .. يعني تقريباً كل شي على حاله .. وفيصل بدأت اختباراته وحالته حالة ..!!






× في بيت فيصل .. معصب وطفشان من المادة اللي يدرسها .. يدور .. يالله وين راح الباكيت .. !! لا إله إلا الله وين حاطه .. إيه صح بالسيارة .. راح يجيبه من السيارة .. فتحة .. شافه مخلصة رماه بسرعة .. ياااااااااالله يعني أروح فيها طلعة .. أووووف .. ×دق جواله ..
فيصل "بنفس شينه " : نعم ..
نورة "بهدوء " : اهلين فيصل ..
فيصل "يتنهد " : اهلين ..
نورة : وييينك أنا ترددت أدق عشان ما تهاوشني بس ما صبرت ..؟
فيصل "يتنهد " : ماشاء الله لك أسبوع وماصبرتي ؟؟ وبعدين أشوى تأدبتي .. حلو يعني ينفع معك ..
نورة " دمعت عينها " : فيصل ليش ما نسيت اللي صار خلااااص ليتني ما قلت مالي خلق ولا شي ..خلاص لاتكبر السالفة وهي ماتستاهل ..ياااااسبحان الله الطبع ما يتغير .. ولا تقول ما أحقد طيب !!
فيصل " معصب " : نورة .. سكري أحسن لأن مررررره واصلة معي واقصريها وخلينا نتفاهم بعدين..
نورة "بعصبية " : ماراح اسكر لما أتفاهم معك .. معقولة أسبوع ما سألت ؟؟ هذا وأنا حامل وأحتاجك ..
فيصل "بعصبية " : نورة سكري قبل أسكر ..
نورة " بعصبية " : مرررريض ماراح تتعدل أبد وقول أنا غلطانة ومسجات لا ترسل ولا حتى أبي أسمع صوتك ولا نتفاهم ..
فيصل " بعصبية " : نورة .. أنت فاضية أنا عندي اختبارات صعبة وأبي بااالي مرتاح .. حتى وأنا بعيد تنكدين أنا أرتاح إذا ماسمعت صوتك خلاص فكيني منك ..
نورة " طاحت دمعتها " : طيب مع السلامة ..
فيصل "بعصبية وهو يركب السيارة " : لا تدقين أنا اللي أدق طيب و خفي من مشاكلك لا تلاحقني ..
×نورة ساكته ,,
فيصل "بسرعة " : مع السلامة × سكر الجوال .. أعوووذ بالله .. ما تخليني مرتاح ..


× نورة بغرفتها .. يااالله وش فيه فيصل .. ليش صار كذا .. !! معقولة خلاص مل مني !! معقولة ماقدرت أكسبه .. خلاص طااار مني فيصل .. لاااااااا والله بموت لو يصير شي .. يعني فكرتنا نفترق فكرة غبية !! معقووووووول ..





× ليلى ودانة .. بشقة ليلى ..
دانة : والله ما أدري وشلون صايرة .. دراسة .. وطفش وأبي أروح لأي مكان أغير جو ..
ليلى : صادقة بعض الأحيان تحسين بالضيقة وهذي الغربة مو كلها تمشي ..وحتى تبين أحد تسولفين معاه لكن الوقت يختلف عن السعودية وإلا يمكن السكايب الله يسلمه 24 ساعة شغال وتدرين باللي يصير ..
دانة "تتنهد" : وغييييير كذا .. أدق على أمي ما تعطيني سالفة .. وأدق على أبوي والله ماني فاهمتهم .. حاسة فيهم شي ويقولون لا تكثرين مكالمات تراها غالية .. وقبل يقولون الحمد لله بنوفر لك كل شي وتكلميننا براحتك .. وبيني بينك حالتنا المادية ممتازة الحمد لله .. وبابا ما عليه .. يعني المكالمات هذي سخيفة ..
ليلى : يااااابنت الحلال يمكن توافق وقت مالهم خلق وإلا شي ,,
دانة : ميبي ..ليش لا .. بس ليش مايبونني أكلم كثير ..والله ماني مرتاحة وبس ..
ليلى : إيه ما قلت لك .. كلمت نورة ..
دانة "انصدمت " : إيه وش فيها ؟
ليلى : تسلللللم عليك مرررررة وتقول بوسي لي إياها .. تقول دخلت قلبي دانة .. مره طيبة ..
دانة "تبتسم وانحرجت " : يا حبي لها .. بالله سلمي عليها إذا كلمتيها ..
ليلى : إن شاء الله .. لااااا وشكلها ندمت إنها رجعت ..
× دانة تبتسم ,, لأن الموضوع ما عجبها ..
ليلى "بسرعة وتضحك" : لالالا والخبر اللي انبسطت لها يااااسبحان الله كأنهم حاسين ..
دانة "تطالعها ومستغربة " : وش فيه ؟
ليلى : حاااااامل ههههههههه ياحبي لها ..
× دانة صاعقة فوق رآسها .. حست بقهر مو طبيعي أبد ..
ليلى " تضحك " : ياعمري ولا تعب المطارات .. ربي راحمها ..
× دانة مصدومة وساكته ..
ليلى "تسولف وتضحك " : والله شي غريب ..
دانة " رافعة حاجبها وتناظر الأرض وسرحانه " : إي والله شي غريب ..
ليلى "تطالعها وتضحك " : طيب وش فيك تقولينها كذا ؟؟هههههههه
دانة " تبتسم " : أتعجب من رحمة ربي .. يا سبحان الله ..
ليلى : والله فرحت لها من كل قلبي تبي بيبي من زمان ..
دانة " تبتسم ابتسامة مجاملة " : طيب وزوجها عرف ؟
ليلى : إييييييه تقول مررررره انبسط ..
× دانة تستقبل الصدمة الثانية ,..
دانة " سرحت " : الله يوفقهم ..
ليلى : وش فيك أنت ؟عليك حركات ههههههههههه
دانة "تطالعها وتصرف السالفة ": تصدقين إذا قالوا فلانة حامل .. أتخيل بيجي يوم ويقولون أمك حامل ويصير عندي أخو .. وأسرح ..
ليلى : يالله عسى ربي يعوضك بالرجل اللي يعرف قدرك ..
دانة "تبتسم " : آميييييييييين
ليلى " تضحك " : وإلا أقوووول عسى ربي يرزقك اللي فبالك إذا فبالك أحد هذي الدعوة يحبونها البنات ..
دانة " تطالعها وابتسمت وبتطنز " : اللي فبالي ؟؟؟ هههههههههههههههههههههه لا اليوم أنت بتقضين علي على فكرة
ليلى " تطالعها " : ما أعجبتك الدعوة ؟
دانة : أحلى دعوة بس مستحيلة الحين ..
ليلى "تطالعها وبقهر " : ليييييييش صاير فيه شي وإلا لا تقولين متزوج غيرك ..
× دانة خلاااااااص نفسها تقتل ليلى ..
دانة : لا لأني مافيه أحد فبالي ..
ليلى " تضحك " : أريح لك .. خليك ما تدرين من زوجك مثلي ,, والله ما أعرف عنه شي ,,
دانة : ههههههههههههه × ضحكت مجاملة بقووووة لأن مالها خلق مصدومة ..





× دانة بعد ما رجعت من ليلى .. مسترخية على السرير .. تكلم نفسها ... يااااااعمري يا دانة .. على نياتك .. على بالي طيحت الولد .. وخلاص ما راح يشوف غيرك .. وبعدين غبية أنت ؟؟ وش سويتي له غير الخاطرة .. من متى العيال بيهتمون بخاطرة ..!! وإلا بيعرف إنها له .. والله غبية طلع الولد يموت بزوجته جد مثل ما لمحت لي ليلى قبل بس أنا غبية مسوية فاهمة .. يااالله .. أرجع للشاطئ .. وإلا خلاص أقفل على موضوعه .. والله حبيته .. ولا قادرة أنساه.. ياااااااالله وش سويت فيني طلعت دفترها .. بس قطعها الجوال ... ليلى : سوووو سوري إذا أزعجتك الوقت هذا لا تصيرين نايمة ؟
دانة " تبتسم " : لالا مانمت سمي بغيتي شي ..
ليلى : جتني فكرة واحنا نشتكي لبعض من اليوم .. الصبح نطلع نتمشى على الشاطئ قلت بقول لك قبل أنام أخاف ما أحصلك بكرا ..
دانة : لالا خليها للمول أحسن أبي أغراض بعد ..
ليلى : أوكي اللي يريحك اهم شي نطلع نغير جو ..
دانة : الله يعافيك ..
ليلى : يالله تصبحين على خير ..
دانة : تلقين خير ..


× قفلت دانة .. وش أبي بالشاطئ خليه لأهله .. ؟؟!! أبي أرتااااح .. دانة فتحت الدفتر .. وتكتب ..
سهل الحب ..
ولكن
نسيانه صعب !!

× طاحت دمعتها .. تتنهد .. قفلت الدفتر .. جلسته على الكومادينه .. وانسدحت وسحبت لحافها .. دانة خايفة تنجرح ..وتكون ضحية من ضحايا الحب .. !!





× فيصل استرخى على السرير بعد يوم دراسي متعب.. حتى الشاطئ ما راح له ولا مشى لأنه منضغط مرة ولا معه وقت .. طالع الرواية اللي كانت جنبه على الكومادينه .. يوووه لازم أرجع لها الرواية .. بس شوي لما أشوفها على الشاطئ وبنفسي أعطيها روايتها !! بس ليش ماصارت تجي !! ياااالله والله فقدت شوفتها اللي تفتح النفس للمشي .. راح أسبوع ولا شفتها بعد ذيك السالفة .. أكيد عشانها تقصدني ..




× في غرفة نورة .. عبد الله جالس على طرف السرير ونورة مسترخية ..
نورة "تطالعه " : فيصل مو طبيعي أبد ..
عبد الله "يتنهد" : تذكرين يا نورة يوم كنت أنتقدك على تصرفاتك أول الزواج وكنتي تقهرينني صراحة وأقول الرجل يمل انتبهي وأنا أخوك .. أنت خلااااص ولد خالتك مايقدر يتركك ..!! لا غلطااانة ممكن يبيع الناس كلهم عشان يشتري راحته .. الرجل كذا أهم شي الراحة ولإستقرار والمرأة النكدية .. عدوة الرجل الأولى ..
نورة "طاحت دموعها " : ليش كلكم تقولون نكدية ؟
عبد الله "يطالعها " : بصراحة أشوفك مع فيصل نكدية .. ويعني انصدمت يوم شفتك بأول زواجك وأنت مكشرة والنفس شينه ..!! انصدمت قلت وين نورة اللي تضحك وتفرفش .. !!
نورة " تتنهد " : عبود ما أحد يدري وش فيني أول الزواج .. وكان فيه شي قاهرني أول الزواج وما ارتحت لفيصل أبد وكنت بصراحة أكرهه وماني طايقة أشوفه ..
عبد الله "عقد حواجبه " : يوووه ليش كل هذا سوا لك شي أول الزواج ؟
نورة : لا .. كان أطيب منه ما فيه بس ماقدرت أعطيه لأن قلبي مو معاه أصلاً ..
عبد الله "مستغرب " : وشلون يعني ؟؟
نورة "تتنهد": ما أدري !! بس أنا مو بالساهل أحب .. وبس ,,
× دخلت أم عبد الله ,,,
عبد الله "يضحك": ياااهلا وغلا بهالوجه ..
أم عبد الله "تضحك " : هلا فيك أبوي .. عندي لك بشارة ..
عبد الله : بشري ..
أم عبد الله : كلمتني ام عبد العزيز وتقول سألنا عن ولدك ماشاء الله لا إله إلا الله أخلاق .. وصراحة نتشرف فيكم ..
عبد الله "قام وباسها ويضحك " : والله أحلى خبر ..
× نورة قامت وباست أمها .. مبرووووك يمه ..
أم عبد الله : ماخلصنا للحين .. تقول يجي بكرا ويشوفها ..
عبد الله "انبسط " : والله .. يااااااااالله اروح أشوف مرتي ؟؟ يالله يالله بطلع أحلق وأتضبط .. مع السلامة × طلع ..
أم عبد الله : ههههههههههه طلع ما كملت ..
نورة "تضحك " : يا رب دوم مبسوط ..
أم عبد الله : آميييييييين يارب اشوفكم مرتاحين ومبسوطين دوم ..
× نورة طالعت أمها .. آميين ..







× صباح جديد في نيوكاسل .. !!

× فيصل يسوي الفطور .. خلص مسويه جلس على طاولة الطعام .. × دق جواله .. يتنهد .. لا إله إلا الله وش تبي هذي !!
فيصل : ألو ..
عبد الله : السلام عليكم ..
فيصل " يضحك " : وعليكم السلام ..
عبد الله : كيفك ؟
فيصل : تمام الله يطول فعمرك .. كيفك أنت ؟
عبد الله : تمام الحمد لله .. والله قلت أخاف تصير نايم ..
فيصل : لا والله أفطر الحين .. موقت ..
عبد الله : جالس أحسب من اليوم .. والله ما نمت أنتظرك تصحى ..
فيصل "مستغرب " : عسى ما شر ..؟
عبد الله " يتنهد " : ما شر .. بس نورة يافيصل والله كاسرة خاطري ..
فيصل "يتنهد " : أنا مادوي تآصل كذا ولا ودي بعد تآصل الأمهات أبد .. بس تعبتني يا عبد الله .. والله تعبت ..
عبد الله : والله العظيم قلبها طيب وما تقصد .. تقول اللي بخاطرها ..
فيصل " يتنهد " : بس انا مو أي واحد تقول اللي بخاطرها .. يعني تخيل تقول لك زوجتك نفس الكلام اللي تقوله لي .. أنا طفح كيلي منها .. خلاص ..
عبد الله : تعوذ من ابليس وزوجتك حامل وش فيك المفروض تتعاطف معها ..
فيصل : قسم بالله لو فيه شي مصبرني عليها أنتم ..وإلا اسمحي أختك ما تستاهل من يصبر عشانها .. اسألها كيف أعاملها ..
عبد الله " يتنهد " : إيه قالت إنها مقصرة وقالت إن طيبتك مافيه منها بالدنيا .. بس تقول كثير أوقات ما أعرف أوصل فيها اللي بخاطري .. اعذرها فيصل ..
فيصل "ابتسم " : شوف عبد الله أنا مسامحها .. بس قل لها تتصرف صح معي .. خلاص أكلمها اليوم والله مو عشانها عشان هالمكالمة اللي تسوى الدنيا والله ..وأحاول باللي أقدر عليه
عبد الله " يضحك " : الله يسلمك .. واصبر شوي عليها ..
فيصل : الله يعينني .. وبصبر وش أسوي ؟؟
عبد الله : يالله فيصل .. الله يعطيك العافية ..
فيصل : يعافيك ربي ..
عبد الله "يضحك": يالله فمان الله ..
فيصل : فما الله ..

× يتنهد .. كل وقت نورة نورة نورة ريحوني شوي .. ياااالله .. !!!!!






× ليلى ودانة في المـول .. ليلى وش فيك ما تبين الشاطئ ؟؟ كل ما قلت شي قلتي الشاطئ لا .؟؟
دانة " تضحك وانحرجت " : مافيه شي بس ملييييييت منه ..
ليلى " تضحك " : قلت لك قبل تملين منه ..
دانة : صادقة .. ممل ..
ليلى : مادري وش معلق فيصل فيه .؟
دانة "تبتسم " : الرجال غير عنا ..






× فيصل خلص آكل .. وراح يودي الحوسة للمطبخ .. اااااووووف على الحوسة والله المطبخ صار زبالة ياااالله وشلون بغسل .. وش أسوي !! ودراسة والله مو فاضي .. أدق على خالد أسأله .. اهلين خالد .. كيفك ؟ .. بالله اسأل ليلى إذا تعرف خدامات يطلعون للبيت هنا .. ×يتنهد .. ما قد جبتوا .. ..... والله البيت حوووووسة .. لالالا لاتقول لليلى والله البيت حوسه مرررره .. خلاص بجيب خدامات ..طيب بس والله أخاف أحرجها .. طيب شوف عنها وإذا مالها خلق خلاص أنا أدبر احد ينظف .. الله يعافيك ..





× في المول .. دق جوال ليلى .. وهم يمشون .. أهلين خالد .. "استغربت " :وشلون ؟ ههههههه يعني أروح أنظف بيته ؟ اوكي من عيوني .. خلاص متى .. ؟ أروح أنا ودانة "تطالع دانة " إذا ما عندها مانع ؟؟ خلاص شوف متى يبيني أجي ..؟؟ اوكي .. دق علمني ..
× سكرت ليلى الجوال .. × دانة سرحت .. ليلى : خالد يقول إن فيصل بيته حوسه ويبي خادمات يجون ويقول إني قلت له ليلى تنظفه .. قلت من عيوني , حرام زوجته بالسعودية ..
دانة "تبتسم " : والله ..
ليلى " تضحك " : وأنت تجين معاي ..
دانة " مو على بعضها " : إيه أروح من عيوني ..



× فيصل وهو جالس على مكتبه بيدرس .. دق جواله .. أهلين خالد .. اوكي الله يعطيها ألف عافية يارب ما قصرت .. × ارتبك .. هاه معها دانة .. أهااا اوكي مشكورين كلكم .. شوي وأجيك اجل خلهم يجون الحين عشان أدرس وانا مرتاح ..

× ليلى ودانة .. دانة .. شوي ليلى خليك هنا .. بروح شوي وأجي .. بعيد المحل لا تعبين نفسك اجلسي انتظريني .. × دق جوال ليلى .. خلاص روحي دانة ..
اهلين خالد .. يبينا الحين نجي .. خلاص طيب خله يطلع عشان نآخذ راحتنا .. اوووووكي .. يالله شوي وتعال خذنا .. مع السلامة ..

× دانة راحت لمحل هدايا !!!!!!!!!!!!!!!


× فيصل بسرعة راح يجيب الرواية .. ويطلع الخاطرة .. وكتب وراها .. !!!!!!!!!!!!!!!!

....


× حط الورقة جوا الرواية وسرح بدانة .. جلس شوي .. × طق الباب ..فيصل وهو يمشي بيفتح الباب
O.K .. I’m coming
ليلى : السلام عليكم ..
فيصل "يبتسم " : وعليكم السلام .. تفضلوا ..
ليلى : كيفك فيصل ؟
فيصل ك الحمد لله تمام ..
×فيصل انبسط يوم شاف دانة ..
× دانة مرتبكة لدرجة ما قدرت تسلم ..
فيصل " يبتسم ويطالع دانة " : دانة شوفي على المكتب الرواية اللي عطيتيها نورة .. قالت لي رجعها ..
دانة " تبتسم وهي منحرجة " : اوكي ..
× طلع فيصل ....
ليلى " استغربت" : ماشاء الله يا نورة طلعت تقرا روايات من ورانا ..
× دانة انحرجت .. شالت حجابها .. يالله ليلى البيت حوسه مره والولد بيدرس ..
ليلى " تبتسم " : صادقة ..
× دانة راحت لمكتب فيصل .. وأخذت الرواية وحطتها بالشنطة .. × وطالعت المكتب .. سرحت .. هذا المكان اللي تدرس فيه .. ياااحظ المكان .. وياحظ البيت .. وياحظ كل شي فيك ..
× ليلى تصوت .. دانة راح نبدا بالمطبخ عشان نرتاح منه ..
دانة " جت " : أوكي يالله ..


× بدوا ينظفون ...راحت ساعتين على التنظيف ..




دانة " تضحك " : خلصنا هههههههه ..
ليلى " تطالعها " : تصدقين توقعت الحوسة أكثر من كذا ..
دانة " تطالعها " : عاد تدرين وش اكتشفت في فيصل ..!!
ليلى " تضحك " : وش اكتشفتي .. ؟؟
دانة " تضحك " : مدمن دخان ياااااالله بكل مكان طفاية .. بكل مكان باكيت طايح .. !!! الله يكفيه شره ..
ليلى : إيييييييه صادقة .. × طلعت جوالها بدق على خالد .. يجي ..
دانة : أوكي .. × سرحت ..
ليلى : أهلين خالد .. خلصنا .. أوكي قريب .. يالله ..
دانة " طالعتها " : قريبين ؟
ليلى "أخذت شالها " : بسرعة بسرعة خالد ما يطيق أحد يأخره ..
دانة " تبتسم وأخذت شالها " ..

× انتظروا شوي وهم ساكتين ....
.....

...
ليلى : إيه صح دانة اخذتي الرواية ..
دانة " تبتسم " : إيه أخذتها ..
ليلى " تبتسم " : عطيني إياها بشوفها يمكن تعجبني ..
دانة "انحرجت فتحت الشنطة ... بس حظها فيصل .. فتح الباب ..
ليلى "تضحك " : خلاص خلاص جاء فيصل ..
دانة " تطالعه وارتبكت .. ياااااااقلبي بس ..
فيصل : يعطيكم ألف ألف عافية .. مشكورييين والله ماقصرتوا ..
ليلى "وهي تمشي طالعة " : تسلم ما سوينا شي ..
دانة " واقفه ما تحركت " ...
فيصل " يطالعها مستغرب ..
دانة " لاحظت .. إيه صح ..بس ما عليه نسيت شي بالغرفة إذا ممكن !! .. وبسرعة حطت علبة على الكومادينة .. وطلعت من الغرفة ..
فيصل " يبتسم " : مشكورة ..
دانة " وهي تمشي " : تسلم .. × طلعت





× في سيارة خالد .. ليلى .. والله مو وسخ مره البيت توقعته فوق تحت ..
خالد : الله يعطيك العافية .. ماقصرتي والله راحمه زوجته مو عنده ..
ليلى " تضحك " : وش دعوى ..!!
× دانة سرحااااااااااااانة .. وآخذ باااااالها فيصل .. يااااااااحلوك .. ويا حلو الحب معك .. ويا حلو تعذيبك .. وكل شي !! ياربي وش سويت فيني ..يالله إن شاء الله تشوف العلبة .. !!!!





× فيصل جالس في الصالة الحين البيت يفتح النفس .. لا ودانة منظفته بعد .. !! بدق على العلة هذي الله يعينني عليها .. × دق

فيصل : أهلين نورة ..
نورة " تتنهد وبنفس شينه " : نعم !!!
فيصل " سكت ..
نورة " حست إنها وقحة " : فيصل وش تبي ؟
فيصل " يتنهد " : والله مو عشانك داق .. عشان اللي دق علي ومكالمته تسواك ..
نورة " استغربت " : مييين .؟؟
فيصل " عصب " : نورة مو معقولة عبد الله مهتم وأنتِ ولا مهتمه ؟؟
نورة " استغربت " : عبد الله دق عليك ؟
فيصل " وهو معصب " : بيصلح بيننا بس أتمنى يسمعك كيف تردين على زوجك .. غبية أنت ؟.
نورة " سكتت " ....
فيصل : نورة قرفتيني ..والله العظيم قرفتيني .. لا تجين استراليا ولا أشوفك ..
نورة " طاحت دمعتها " : فيصل آسفة ..
فيصل "يتنهد " : نورة تعبتني .. ماني قادر أرتاح .. لا وحامل بعد .. !!
نورة " انصدمت " : فيصل وش فيك ؟
فيصل " بهدوء " : نورة لازم نآصل لحل ..
نورة "قاطعته" : فيصل أنا أحبك .. والحل خلنا كذا .. عشان نشتاق ..
فيصل : ههههههههههههههههه نشتاق وتسوين كذا ؟؟
نورة : خلاص قلت لك آسفة والله خلاص ..
فيصل "يقاطعها" : لا تحلفين .. وأنت عارفة نفسك زين ..
نورة " تبكي " : فيصل أنا احتاجك .. ومره حاسة بضيقة من دونك ..
× فيصل ساكت ..
نورة : فيصل بجي ..
فيصل : لااااااااااااا مستحيل تجين .. خلاص لازم نلقى حل لوضعنا ..
نورة "تقاطعة" : بس تونا في البداية ..
فيصل " يتنهد " : يااااااااليتك ماحملتي ..آآآآآخ بس ..
× نورة منصدمة من كلام فيصل .. وش غيره ؟؟؟!!!
فيصل : نورة أنا بصرااااحة أبد مو مشتااااق لك .. واكتشفت اللي فقلبي مو حب ..اللي فقلبي رحمة لك ..
× نورة بكت ولا قادرة تعبر ..
فيصل " يتنهد " : نورة كله منك .. أنا ما قصرت سويت لك كل اللي تبينه .. بس الحين جاء الوقت اللي أقول لك الكلام هذا .. ما أنكر إني أفقدك بس مو يعني إني أحبك ولا أقدر أعيش بدونك .. آآآآسف نورة .. بس هذا الكلام لازم تعرفينة ..
× نورة تبكي ..
فيصل " انقهر " : ما عليه نورة تحملت كثير ما قصرت معاك بس شفت إنه ما نفع معاك بشي ..
نورة " تقاطعه وهي تبكي " : بس تونا وأنت كسرت كلمتك ..
فيصل : إذا هذا أوله ينعاف تاليه ..
نورة : فيصل أنا أحبك .. والله آخر مرة جربني .. والله لا أسعدك باللي أقدر عليه ..
فيصل " يقاطعها " : نورة نورة ملييييييييييت من الكلام
نورة "تقاطعه " : بس أنا حبيتك فرق عن أول حياتي معك .. فيصل أنا تغيرت صدقني ..
فيصل " يقاطعها " : نورة أنا ما راح أتركك بس حبي انسيه .. ومن الأساس أنا مجبور عليك ..
× نورة تبكي بقهررررر ..
فيصل " يتنهد " : مع السلامة ..
× نورة ما قدرت تتكلم من البكي .. ويالله قالت مع السلامة..
× سكر الجوال فيصل .. ياااااااااااااااااااااالله والله كسرتي خاطري .. والله كسرتي خااااطري .. بس مليت من العيشة معك .. آآآسف نورة قلبي مو لك .. راح لمكتبه .. بيدرس .. مع إن باله مشغول مع نورة .. !!!!!


× نورة تبكي بصوت عالي بغرفتها .. وبكاها يحرق القلب .. رمت الجوال .. ليييييييييييييش علقتني فيييييييييييييك لييييييييش ؟؟!! ياليتني ما تزوجتك .. يااااااااااااليتني ماسمعت كلام أمي .. تبكي .......................
.........................




× أمها تطق الباب .. خلوني يممممه خلوني ..
أم عبد الله : افتحي يمه وش فيك ؟
×تأخرت نورة شوي ما فتحت .. أم عبد الله : يا يمه افتحي بشوف وش فيك ؟

نورة " راحت تفتح الباب " : طاحت على أمها ..
أم عبد الله "مستغربة وخافت على بنتها " : يمه وش فيك ؟؟؟؟
نورة : فييييصل يمممه زهقت منه مابيييييييييه .. مابيه مابببيييه فكوني منه .. خلاص الله يخليكم ..
أم عبد الله " اسدحت بنتها على السرير .. وطاحت دموعها .. يمه تعوذي من ابليس .. اذكري الله .. قولي لا إله إلا الله ..
نورة " وهي تبكي " : لا إله إلا الله ..
أم عبد الله " تمسح دموعها " : اذكري الله .. تعوذي يمه ..
نورة " خفت بكي " : أعوذ بالله من ابليس ..
أم عبد الله " جلست على طرف السرير " : يمه وش فيك ؟؟
نورة " اخذت منديل وتمسح دموعها " : يمه مليييييييت من تجريحه .. مليييت من تعامله معي وكأني ولا شي !!
أم عبد الله " تتنهد " : بس حتى ولو يمه أنت حامل وما يصلح تسوين بنفسك كذا ما تخافين ..
نورة "بعصبية " : أحسسسسسسسن ليته يطيح اللي في بطني ,, مابي شي منه ,, أبيه يطلقني ..مابيه ..
أم عبد الله " استغربت وعصبت عليها " : خيييييييير إن شاء الله وأنت آخذه الدنيا بهالبساطة .. على أتفه الأسباب أبيه يطلقني ..
نورة " تطالع أمها " : يمه ما عشتوا معه هذا مغررررررررور ولا يبي يشوف بالدنيا إلا نفسه .. ويشوف اللي حوله صغار ..
أم عبد الله " تتنهد ووقفت " : يمه بخليك لحالك .. واذكري الله واستغفري وإذا هديتي جيتك .. بس انتبهي لنفسك اللي في بطنك بذمتك ولا تسوين بنفسك شي يمه .. × عطتها بوسه على رآسها .. اذكري الله ..

× طلعت أم عبد الله .. نورة مسترخية .. وتبكي .. ليش خليتني أتعلق فيك .. آآآآآآآآآآآآآآه

سير علي بس امسح دموعي وروح
سير علي جيب لي معك قلب وروح
سير علي اذا تذكرت الجروح













× في بيت أبو فيصل .. أم فيصل وولدها علي بالصالة ..
علي "بصوت هادي " : يمه شوفي أمس جلست أفتش لاب توب محمد ولقيت فيه بلاوي .. انتبهي لا ينحرف ولدك ترا ماقلت له لأنه بيرفع صوته ولا راح يخليني ألمس جهازة ولا أقدر أفتشه مره ثانية ..
أم فيصل "عقدت حواجبها " : وش بلاويه ؟
علي : شوفي قلت لك انتبهي لولدك وإذا جت الساعة 9 افصلي النت عنه وأنا ولا كأني قلت لك شي ..
أم فيصل "خافت " : عمى يعمي ابليسه اللي ما يستحي هذا .. توه بعد الله يعينني على اللي بيجي ؟؟
علي : ترا ما قلت لك شي .. وإلا قولي لفيصل إذا جاء خليه يتفاهم معه ..
أم فيصل : ياي ويني ووين فيصل .. ورا ما تكلمه أنت ؟ وتنصحه أنا والله ما أعرف للكمبيوتر والبلاوي هذي ..
علي : يمه ولدك قليل أدب بيرفع صوته علي وأنا مالي خلقه .. تعرفينني إذا عصبت مافيني ملح يمكن أقتله ..
أم فيصل "تطالعه " : والله ما أدري من وين جايبين لي هالعصبية .. أبوكم ما فيه أهدى منه .. بس أنتم بسم الله الرحمن الرحيم ..
علي : ههههههههههه يمكن منك ؟
أم فيصل : مير فيصل اللهم صلي على محمد قسم وأنت ما تذكره وهي صغير ياربيه يتعبنا .. ويضرب ويكسر ..
علي : هههههههههه فيصل مرة عصبي الله يهديه ..
أم فيصل "تتنهد " : المهم أخوك هذا شكله بينحرف بدري لذلك أنا بكلمه والله يعين عليه مراهق قليل أدب ..
علي : الله يعينك .. وإذا شفتي إنه انكر ناديني قسم بالله لا أمسح فيه الأرض ..
أم فيصل : تمسح فيه الأرض على كيفك بس ؟؟!! خلاص أنا أتفاهم معاه ..




× أم عبد الله في الصالة سرحانه بالها مع نورة .. × دخل عبد الله ..
أم عبد الله : هلا بوليدي ..
عبد الله "يطالعها " : وش فيك ضايق صدرك ؟
أم عبد الله : مافيني شي بس ماله من الجلسة لحالي ..
عبد الله : ونورة وينها .؟
أم عبد الله : تو ماراحت فوق ..
عبد الله "يضحك " : ادعي لي يمه .. الحين بدخل أتروش وأطلع أشوف سارة ..
أم عبد الله "ترفع يديها " : يالله ياكريم تيسر أمره وتوفقه ..



× فيصل للحين ما دخل الغرفة .. يدرس !!!!! وتعبان مرة من الدراسة ..


× دانة وليلى في شقة دانة ......
ليلى " تضحك " : والله غثيتك وسهرتك .. بعد .. اليوم كله معك ..
دانة "تبتسم " : وش دعوى وبعدين أي سهر الساعة 11 عادي ..
ليلى : يالله أكيد خالد جاء قال لي 10 دقايق واطلعي ..
دانة "تضحك " : دقي شوفي جاء وإلا لا ..
ليلى : لا خليني جاهزة له تحت .. والله يعصب .. ومالي خلقه .. إذا وصل دق ..
دانة " تبتسم " : يالله مع السلامة قلبي والله ونستيني اليوم ..
ليلى : ياااحياتي وأنا انبسطت معك ..
× طلعت ليلى ..


× دانة بالها مع الرواية ,, وتنتظر ليلى تطلع !!! يارب إني ما ألقى الخاطرة يارب آخذها .. فتحت الشنطة بسرعة طلعت الخاطرة .. وشافت اللي هو كاتبه ورا الخاطرة .. تقرا ..


فتحت قلبي ..
" لتلك الهمسة التي جعلتني أشعر أن الكون في كفة وأنتِ في كفة "
....

لم تفارقيني يوماً ..
بعد تلك الهمسة ..
وصار قلبي يحترق شوقاً لك ..

...
أين كنتي عندما سلمت روحي لها !!
أين كنت عندما مات الهوا !!
أين كنت عندما انكسر قلبي من أجلها!!
...

شكراً لك ..
أحييتي قلباً كاد أن يموت !!
أحييتي قلباً تاه في صحراء ..
كنت أبحث فيها عن قلب صادق يعيد لي الحياة ..
...

همسة على طريقتك ..
" وعلى الوفاء نلتقي "


فيصل


× دانة طاحت دموعها .. ماسكة الورقة وسرحانة ودموعها تطيح .. فيصل حبني !!! فيصل حبني !!! تضحك هههههههههه لا ياااااااربي مو مصدقة .. فيصل أكيد ؟؟.. يوووووووه وش أسوي بعمري .. تبوس الورقة .. أخييييييييييييييييييراً ... أخيراً فيصل ..



× فيصل توه يدخل الغرفة .. بعد التعب .. شاف الغرفة مرتبه مره .. وشاف العلبة الصغيرة الناعمة .. استغرب .. راح وأخذها .. فتحها .. فيها قلب صغير .. أخذه .. استغرب مررررره .. وطلع الورقة الصغيرة اللي فيه .. مكتوب فيها ..هذا قلبي من عرفتك .. ما عشق غيرك .. احفظه عندك إذا ما عندك مانع !!!
فيصل يتنهد .. ايييييييه خليه عندي أنا اللي أحفظه لك .. دانة .. أحتاجك .. !!!

× في السعودية .. وتحديداً عند بيت أبو عبد العزيز .. عبد الله وقف سيارته عند الباب .. ×يتنهد مرتبك .. يالله إنك تعينني يالله .. والله مادري شسالفة .. فتح باب السيارة ونزل .. وهو يتنهد لا إله إلا الله محمد رسول الله .. راح يرن جرس البيت .. انتظر دقيقتين لما فتحوا .. فتح له ولد صغير يعني بالمتوسطة .. الشعرأسووود و ناعم والبياض والزين .. عبد الله بينه وبين نفسه ماشاء الله هذا الولد وشلون بتصير أخته .. مير الله يصبرني .. السلام عليكم ..
الولد : وعليكم السلام
عبد الله : بيت أبو عبد العزيز ؟
الولد "يبستم " : إيه إيه تفضل ..
× دخل عبد الله المجلس ..
الولد : الحين يجي الوالد ..
عبد الله "يطالعه ويبتسم " : طيب ..
× طلع الولد ..و عبد الله لحاله ومرتبك مع إنه حس بالراحة شوي .. × دخل أبو عبد العزيز ..السلام عليكم ..
عبد الله "وقف " : وعليكم السلام ..
× سلموا على بعض .. جلس عبد الله .. وحس إنه ارتاح ..مره ..
جاب الولد القهوة .. وعبد الله يطالعه ..
أبو عبد العزيز : هذا ولدي راكان أصغر العيال ..
عبد الله "يبتسم" : ماشاء الله تبارك الله ..
× دخل واحد طويل شوي والعمر مابين 35 -40 .. السلام عليكم ..
عبد الله "وقف وسلم " ..
أبو عبد العزيز : وهذا عبد العزيز .. وعاد اثنين مو بالرياض .. واحد بجدة .. والثاني الشرقية .. متزوجين
عبد الله "يبتسم " : ماشاء الله تبارك الله ..الله يخليهم يارب
× سولفوا شوي وتعرفوا أكثر على بعض ..
× وقف أبو عبد العزيز .. يالله أنا بروح أنادي البنت ..(أبو عبد العزيز حب هو اللي يطلع مايبي يحرج بنته )
عبد الله ارتبك شوي ..
عبد العزيز : الله يوفق ويكتب اللي فيه الخير ..
عبد الله "يبتسم" : اللهم آميييين ..

× كان عبد الله جالس قبال الباب .. ومنزل رآسه ينتظر سارة تدخل .. وفعلاً دخلت سارة .. والشعر الناعم طايح على وجهها ..والبياض والزين والجسم الدلع ومعها صينية فيها العصير .. وبجرأة ولا مرتبكة ولاشي .. قربت لعبد الله السلام عليكم .. وتمد له العصير .. عبدالله طارت عيونه وعليكم السلام .. تسلمين .. جلست الصينية وجلست جنب عبد العزيز يعني قدام عبدالله..
عبد الله "يبتسم " : ماشاء الله ..كيفك ؟
سارة "طالعته وابتسمت " : الحمد لله وأنت ؟
عبد الله : الحمدلله ..
×عبد العزيز كان جنبها ..وبصوت واطي خلاص روحي ..
× قامت سارة ..
×عبدالله انقهر ولا دقيقتين امحق شوفة .. بس وش يسوي !!!





× أم عبد الله ونورة بالصالة ..
نورة "تبتسم" : إيه الله يوفقه ..
أم عبد الله "تطالع بنتها " : شوفي يمه .. أنا حالتك ما أعجبتني أبد .. ولازم تشوفون لكم حل يفيدكم وإلا بقول لأمه
نورة "قاطعتها": لا يمه خالتي لا تكفين والله تطيح فوق رآسي ..
أم عبد الله "عصبت " : تشوف ولدها بعد .. الدنيا مو على كيفه .. أنت صح مقصرة معاك بس يعطيك فرصة وبنات الحين مو مثلي ولا مثل أمه .. يا يعقل يا بقول لأمه تشوف له حل ..
نورة "طاحت دموعها": بس يمه ما كان كذا أكيد فيه حتى لو رحت له ماراح يتعدل ..
أم عبد الله "تطالعها" : والله يا دمعة منك تسواه وتسوى الدنيا كلها وإلا يوم أجبرتك تتزوجينه يحسب إنك مضيقة علي ..صح هو ولد أختي وغالي بس بحدود ..
نورة "تتنهد": الله يعين ..
×دخل عبد الله .. مبسووووط ..
نورة "تطالعه " : بشر ؟
×أمه تطالعه
عبد الله "يطالع أمه " : الحمد لله مرة ارتحت لها ومزييييييييونة يمه .. والله ماشاء الله كلهم مزايين ..أحس إني صرت شين عندهم..
أم عبدالله "تضحك " : والله ماشاف زينك إلا أنا ..
نورة : ههههههههه ياعمري أنت .. واثق
عبد الله : لا بس الحمد لله ارتحت عاد يارب إني أعجبتها .. كل أمس وأنا بالحلاق أتضبط أكيد إني أعجبتها إن شاء الله ..
نورة : الشين شين .. لو يتزين من اليوم لبكرا ..
عبد الله : ههههههههههه طيب وش رآيك يمه ..؟
أم عبد الله : خلها تتكلم بكرا إذا جاء ولدها يشبهك بتقول ياملحه يا زينه ..
نورة "تبتسم" : لا إن شاء الله يطلع يشبه أبوه .. هو أحلى منا كلنا ..
عبد الله "يتنهد ويطالع أمه " : يمه يقهرون دقيقتين والله ماشفتها زين .. وشي هالشوفة يابعض هالناس فاهمين الدنيا غلط ..
نورة "تطالعه " : احمد ربك فيه ناس عندهم الشوفة عيب ..
أم عبد الله : الله يهديهم .. لو يسوون كل شي بديننا صح كان ما صرنا كذا بس لا حياة لمن تنادي .. والله يهديهم هذا اللي نقول ..
عبد الله : ايييييي والله كان شفت سارة زين .. وووه بس





× في بيت أبو فيصل ..
أم فيصل"بغرفة محمد " : أنت تدري إن العين زانية ؟
محمد "يتطنز": والله ؟ العين زانية ؟؟
أم فيصل "عصبت" : الحين كل ما قلت كلمة تتطنز غبي أنت ؟ اسمع كلامي أنا أمك وأنا أدرى الناس بمصلحتك ؟؟؟
محمد "بصوت عالي " : أنت تقولين انتبه لنفسك ومادري وشو .. ماسكين علي شيء ..؟؟
أم فيصل : حرام أنصحك ؟؟ اسمع بس خل اللاب توب للفايدة والدراسة .. موب غاثنا بحوث والدراسة بالنت .. وتجيب لي بلاوي
محمد "يطالعها " : طيب أنتم تقهرون تقولين قبل شوي العين زانية وفيصل وش يسوي باستراليا قولي له يجي ترا الحريم ما يتغطون هناك ..
أم فيصل "وقفت " : أنت ما منك فايدة بس تدري خل فيصل يجي ويسنعك إن شاء الله .. ياقليل الأدب .. وإلا وشوله فيصل أخلي علي يوريك الشغل .. هذا وأنت بزر وشلون بكرا لا كبرت .. ياخوفي تجيب البنات عندي بالبيت .. يا أبو البنات ياللي ما تستحي ..
محمد " يطالعها ويتطنز " : أبو البنات حلوة ذي !!!
أم فيصل : أنا اللي ما عرفت أربيك مدلعتك .. تتطنز يا قليل الحيا .. × طلعت .. و رجعت .. وهي معصبة .. شف والله والله ما أرضى عليك إن شفت بلاوي وكيفك .. أنت وضميرك .. × طلعت وهي تقول الله يهديك الله يهديك ..
× محمد يكلم نفسه .. أكيد هذا العله علي هو اللي مفتش جهازي .. أوريك والله ما أطيعك أبد .. رح للبقالة ورح جب لي عشاء طيب طيب ياعليوه ..




× في المستشفى .. أبو دانة بيدخل غرفة العمليات والعملية مدتها طويلة أم دانة "تبكي " .. الله يقومك بالسلامة يارب وتنجح العلمية أبو دانة : ادعي لي .. ادعي لي يا أم دانة ..
أم دانة : يارب ياحي يا قيوم تشفيه ..






× بدا يوم جديد في استراليا ..
دانة تحس إنها مالكة الدنيا كلها .. تحس إنها خلااااص ماتبي شي غير فيصل .. وهي تشرب الكافي سرحانة و تتنهد يازين الصبح بعد ذيك الخاطرة أنا وشلون لو أعيش معه !! قامت وأخذت الكاميرا وافتحتها .. تشوفه يااااااربي تخليه ياناس .. لا لازم أروح للشاطئ اليوم.. ياااااااااارب أشوفه خلااااص ماأتحمل ..



× فيصل .. مسوي كافي وراح يدرس اليوم اختباره .. ×دق جواله .. هلا خالد ..
خالد : والله خفت تصير نايم ..
فيصل : وش يخليني نايم بس ؟ من بعد صلاة الفجر ما نمت والله راسي بينفجر ..
خالد : طيب ورا ما تطلع شوي ..
فيصل "يقاطعه" : لالالا وش أطلع والله الإختبار صعب ..
خالد : كيفك .. قلت أبيك تطلع وترجع مصحصح ..
فيصل : لا والله اختباري العصر .. وخلاص ماباقي شي .. الساعة 9
خالد : وش اللي ما باقي شي تونا .. أنا والله زهقت من الدراسة وقلت بشوف عنك نطلع ..
فيصل : خلها بكرا ..
خالد : خلاص بكرا بكرا يالله مع السلامة ..
فيصل : مع السلامة ..
× فيصل سكر الجوال يعني إذا رحت بشوف دانة !!!! خلاص ما تجي الحين وشو له أضغط على نفسي ..




× في السعودية .. عبد الله سهران كالعادة حوسة في النوم وجالس على الكمبيوتر يتصفح النت.. × نورة تطق باب الغرفة ..
عبد الله : ادخلي ..
نورة "دخلت تبتسم " : وش فيك ما نمت الساعة 2 ونص ..
عبد الله "يطالعها ويضحك " : وأنت ما نمتي ؟
نورة "جلست على طرف السرير " : لا نايمة من الساعة 9 بس أتنبه كل شوي موب قادرة أرتاح ..
عبد الله " ترك الجهاز ويطالعها " : نورة عندي فكرة ..
نورة : قول ..
عبد الله : إن شاء الله بكرا راح يرد لي أبو عبد العزيز متى الملكة .. وراح نحدد الزواج .. المهم أنا بروح شهر العسل لسدني قررت لأني شفت الصور اللي معك مدينة صراحة تستاهل أقضي شهر العسل فيها ..
نورة "تبتسم" : فكرة حلوة ..
عبد الله "يقاطعها" : مو هنا الفكرة .. أبي آخذك معي تروحين لفيصل .. خليه يرضى غصب عليه ..
نورة " تطالعه ومستغربه " : لالالا مو صاحي وبعدين أنا حامل ..
عبد الله " يطالعها " : تعالي تعالي ندور بالنت أضرار الطيران على الحامل ..
نورة : لا عادي أسأل دكتورتي اللي أراجع عندها .. وتعرف إذا أنا أقدر أسافر وإلا لا ؟
عبد الله " يبتسم " : طيب حلوووو بكرا أنا أوديك .. وأسوي لك اللي تبينه ..
نورة "تبتسم " : إيه بس أقل شي زواجك بعد 3 شهور ..
عبد الله : طيب حلووو .. فيصل باقي له 5 شهور وشوي ويجي عشان الإجازة بالكريسميس ..تروحين شهرين تقعدين عنده .. لا وولدي هناك ..
نورة " تتنهد " : صعبة .. والله أولد هناك .. وأنا ما أعرف شي أبد ..
عبد الله "يقنعها " : يابنت الحلال .. ربي معك .. والله وضعك صعب ..
نورة : مستحيل .. والله لو يدري فيصل إن يعصب ..
عبد الله : ياااااالله منك وش فيك تخافين منه .. كيفك فكري وقولي لي ..
نورة : وبعدين أمي تبيني أولد هنا .. والله ماتقدر تصبر ..
عبد الله : والله كيفك أنا أبي مصلحتك ..
نورة : شف أنت متى زواجك .. وبعدين لكل حادث حديث ..
عبد الله : وحتى قلت لأبو عبد العزيز إني مستعجل لأن ماعندي اجازات .. وأبيه بعد شهرين إذا تقدرون ..
نورة : أيوه والله ماعندك وقت والبنت تجهز ..
عبد الله : تكمل معي ومن سدني .. وأنا أقنعها إذا تملكنا .. وحتى أبو عبد العزيز يقول ما أحب الملكة تطول وبناتي أزوجهم على طول يقول وحدة من بناتي بشهرين خلصنا كل شي ,,
نورة "تضحك " : يا حليلهم .. الله يوفقك .. قلت لأمي ..؟
عبد الله : إيه وتقول دام مافيه حفل ولا شي يعني تآخذها من البيت وشوله تطولونها وكذا ..
نورة "استغربت " : قهر هم ما يحطون حفل والله قهر كنت متحمسة ..
عبد الله : لا بتروحون أنت وأمي وخالتي لولوة ..ومنوري بعد أسمح لها ..
نورة : الله يوفقك ,, خلاص أنا أفكر .. طيب ما أقول لفيصل ؟
عبد الله "قاطعها " : لالالا انتبهي لا تقولين لفيصل شي ..
نورة "وقفت " : طيب بطلع أنام ..
عبد الله : حتى أنا بنام أخاف أتأخر على الدوام ..
نورة "رايحة للباب " : تصبح ع خير ..
عبد الله : تلقين خير ..






× دانة معها كتابها تقراه وهي على الشاطئ .. يوووه وينه ؟؟!! والله قهر أجي أنتظر ولا أشوفه ,, جلست شوي دانة بعد انتظار ساعتين وملت .. ورجعت مشي لشقتها وهي تحس بقهر تبي تشوف فيصل .. والله اشتقت لك فيصل والله اشتقت لك ..



× في شقة خالد .. خالد بمكتبه يدرس .. ..وليلى كانت بالصالة تشوف التلفزيون .. خالد يصوت ليلى .. ليلى : سم خالد ؟
خالد : تعالي ..
×راحت ليلى ..
خالد "يطالعها " : جت فبالي فكرة ..
ليلى : اللهم اجعله خيير وايش فكرتك ؟
خالد : بنروح السعودية ..
ليلى "تتنهد": ياااكثر ماسمعتها ولاتسوي ومتى إن شاء الله ..
خالد : أنا عندي أسبوعين .. خلي نروح ..
ليلى : والتذاكر ؟
خالد : ماااعليك .. لاتشيلين هم ..
ليلى : يااااااااااااااليت .. متى طيب.. ؟
خالد : بعد الاختبارات ..
ليلى : ودانة ؟
خالد "يطالعها " : صح ؟ × يفكر,,
ليلى : صعبة نخليها .. وهي ما عندها إجازة ماجت بوقتنا ..
خالد : إيه أقول لفيصل حط بالك عليها ..
ليلى " تضحك": إي والله فيه فيصل ..
خالد : عشان ما أهون الحين بدخل أحجز ..
ليلى "تطالعه " : طيب شف عن فيصل يمكن هو بعد يبي يسافر وخاصة ان مرته مو عنده ..
خالد : إييي والله صادقة .. × مسك جواله .. ودق هلا فيصل ..
فيصل : والله ماشي بس تعبتني الدراسة ..
خالد : الله يعين ويوفق .. والله جد تعب ..
فيصل : الله يخلصنا بسرعة .. ودكتوراه ماأبي هونت ..
خالد : طيب فيصل .. أنا بصراحة ودي أروح للسعودية بالأسبوعين اللي بعد الإختبارات ..
فيصل "يضحك " : جايتني الفكرة أروح لأهلي وخاصة إن زوجتي هناك بعد ..
خالد " انقهر " : أهاااا على بالي ماراح تروح .. كنت أبيك ..
فيصل "يبتسم " : لالالا ترا مو أكيد قل وش تبي ..
خالد : دانة
× فيصل انبسط ..
خالد : أبوها موصيني أهتم فيها ..
فيصل "قاطعه " : لالالا ترا أنا مو أكييييد أروح .. بس كذا فكرة .. لأنه بيني وبينك شوي منضغط التذاكر وكذا ..
خالد : أكيييييد فيصل يعني أحجز من الحين ..
فيصل "مبسوووط : إيه إيه أكييييد خلاص روحوا أنتم انبسطوا .. أنا شايف أهلي .. وخاصة أنت من زمان ..
خالد "يضحك ": أوكي الله يعطيك ألف عافية ماقصرت ..
فيصل : يعافيك ربي ..
خالد : أوكي مع السلامة ..
فيصل : هلا والله ..
× فيصل انبسط .. حلوووووة يا خالد .. أنا تبيني أحط بالي على دانة أنا أحطها بعيوني .. يااااااااهلاااا بدانة .. × انبسط مررررررة وانفتحت نفسه للدراسة أكثر ..



× في السعودية .. وتحديداً في المستشفى .. أبو دانة طلع من العملية بعد عملية طويلة .. وللحين ما صحى .. أم دانة عند الدكتور .. الله يبشرك بالخير .. الدكتور : بس تدرين الحمد لله إن المريض أول ما حس بتعب جاء على طول ..
أم دانة : الحمد لله .. الله يقومه بالسلامة ..
الدكتور : طبعاً يُعتبر سرطان الكبد من أخطر الأمراض السرطانية لسرعة انتشاره، ولا يكتشف إلا متأخر لكن الحمد لله ونقول إن شاء الله العملية تنجح ..
أم دانة : الله يكفينا الشر ويقوم أبو دانة بالسلامة ..
الدكتور : اللهم آميين ..





× دانة جالسة تراجع ومو قادرة تركز أبد لأن بالها مع فيصل .. أخذت الكاميرا وفتحت الصور .. يوووووه يا فيصل وينك ؟؟ والله ودي أشوفك .. طاحت دموعها .. ياااااه تحبني ومعذبني .. والله ماني قادرة أتحمل .. وش أسوي ,, حتى الدراسة مو قادرة أركز .. ×تتنهد ..وسرحت شوي .. طالعت ساعتها.. إيه الوقت حلووو .. × قامت وطلعت ورقة حلوة ..





× فيصل .. يبدل لبسه بيطلع الجامعة ..يسمع طق الباب .. يووووه من اللي جاي .. لبس بسرعة وطلع .. فتح الباب .. طالع مافيه أحد .. ويتلفت ماشاف أحد .. ياااالله ناس رايقة .. جاء بيسكر الباب وشاف على الأرض وردة وورقة صغيرة .. !!!!! ابتسم وأخذها .. ودخل .. وهو واقف فتح الورقة ..

ربما لن يعجبك تصرفي أبداً ,,
لكن شوقي أكبر من كل شي !!

فيصل
[ أحبك ]
...




× فيصل يشم الورد .. × يتنهد .. ياعيني ع الناس اللي يعرفون الرومانسية .. ياااالله هذي وهي ما تدري إني راح أحط بالي عليها إذا راح خالد .. وش راح تسوي فيني .. هي اللي راح تحط بالها علي .. والله جد دايخة البنت .. يالله يالله لا أتأخر ع الجامعة .. ويارب أركز .. ترك الوردة والورقة على طاولة الطعام وطلع ..





× دانة وهي بالشقة .. يااااااارب تضبط .. ياااااااارب يتعلق فيني أكثر .. والله ماني قادرة أتحمل .. خلاص لازم لازم أقرب له أكثر وبسوي اللي براسي .. لو أضطر أقول للناس كلهم .. أحبك أحبك أحبك ..





× ليلى وهي جالسة بالصالة .. دق جوالها .. يؤ برايف يا حظي فيه أحد يسأل .. أهلين ..
نورة : أهلين ليلى ..
ليلى " انبسطت " : هلا وغلااااااااااا بهالصوت .. يااااحيآآآتي ..كيفك ؟
نورة : تمام ..كيفك أنت ؟
ليلى : تمام الحمد لله والله فقدتك ..
نورة : ياحياتي .. عساك ماتفقدين غالي .. وكيف الأجواء ..
ليلى : والله الجو بارد شوي ..
نورة : عطونا شوي .. يوووه حر ..
ليلى : الله يعينكم .. مااااشاء الله قال لك فيصل رتبنا بيتكم ؟
نورة "بهدوء " : ليش متى بس صار مزاجة زين عشان يقول لي وإلا يسولف لي .. الله يعين بس خليها على ربك ..
ليلى "تقاطعها": اييييييه وطالعة تقرين روايات من ورانا ؟؟
نورة "استغربت " : من حبي لها أقراها ؟
ليلى "استغربت " : يؤ .. فيصل عطى دانة رواية يقول نورة قالت رجعها لها ..
نورة "استغربت " : متى قلت له .. ما أذكر ..
ليلى "شكت وقطعت السالفة " : يؤ يؤ أنا أنا أكييييد غلطانة .. تصدقين شكلي محلمة ههههههه لا لا شكلي موصاحية ..
نورة "تضحك " : مررررة مو صاحية .. والله طفشانة أبي أجي .. بس فيصل ؟
ليلى : بعد أنت مو على كيفك ولا لعبة تروحين وترجعين اصبري ؟؟
نورة : إيه صادقة .. وشوي أنا صراحة أبي أولد بالسعودية ..
ليلى : الله يهون عليك يارب ..
نورة : طيب قلبي سلمي على دانة ..
ليلى : يآصل مع السلامة ..
نورة : مع السلامة ..

× ليلى قفلت .. يؤ يؤ أنا أكيد سامعة خطأ .. لااااااا بس متأكدة إن قال نورة .. يوووووه فيه شي !!×سرحت .. لا فيه شي






× فيصل طلع من الجامعة يمشي .. ويكلم بالجوال .. الحمد لله يارب .. ياربي لك الحمد .. اجابتي حلوة ..
نورة : الحمد لله ..
فيصل "يتنهد " : نورة آآآآآسف والله آآآسف على كل كلمة قلتها .. والله فيه كلام ما كان المفروض أقوله ..
نورة "طاحت دمعتها " : فيصل أنا آسفة بعد .. بس اللي عندك طلع واللي فقلبك قلته لي وواضح ..
فيصل "بقهر" : فيه كلام مادري شلون طلعته وماكان المفروض يطلع ..
نورة " تمسح دموعها اللي ماراح تغيرشي " : بس هذا اللي فقلبك لي صح ؟
فيصل "محتآآآر بشعوره ويحس بقهر " : نورة أنا فقدتك والله فقدتك .. بس × يتنهد .. نورة أحتاجك ..
نورة "بكت " : فيصل والله العظيم مرررة مشتاقة لك .. والله كارهة كل اللي حولي والسبب أنت .. ماتفارقني أبد لو يصير لك شي ما أدري شسوي الله يخليك انتبه لنفسك .. عشآني إذا لي خاطر عندك ..
فيصل "وهو يركب سيارته يسمع ومنقهر لأنه محتآآآر " : نورة ليش بكيتي .؟ والله يضيق صدري ..
نورة " تبكي " : مشتاقة لك .. الله يخليك بجي .. أسوي لك اللي تبيه .. أبيع ذهبي وأشتري التذكرة ..والله لا أصير خدامتك بس أبجي الله يخليك .. والله أتعدل
فيصل "خلااااص مات من القهر " : نورة نورة سكري والله ما أتحمل أسمعك كذا سكري وأرد لك أنت تجين وإلا لا ؟
نورة " تمسح دموعها " : فيصل قول إيه الله يخليك ..
فيصل : اذكري الله .. وإن شاء الله أشوف ..
نورة : طيب .. مع السلامة ..
فيصل : مع السلامة ..
× فيصل وهو جالس بالسيارة سرحان .. يا دآآآآآآنة من وين طلعتي لي .. !!! يااااااااااالله .. والله تعبتوني والله .. × يتنهد .. ما شغل السيارة .. صوت بكاء نورة ما يفارقه .. قطعت قلبه .. يالله يا نورة .. حبيتيني .. يعني نفعت معاك الفكرة .. مو مثلي ..أحس إني أنا اللي مجروح من اللي أسويه فيك ..


أشكي مرارة حيرتي بدنيا ما ظني بتزين !!
وإذا بدا بعيني الأمل ..
تجد أحزاني وتبين ..
روح زماني وانتهى وترك لي الجرح الدفين ..
دنيا كفى الله شرها .. تخلي كل قاسي يلين ..
سآآآآآآآآآآآآآعات

× في شقة خالد .. خالد مسترخي على السرير بيستعد للنوم .. ليلى .. جالسة على طرف السرير .. × سرحانة .. يوووه خالد والله شي غريب صاير ..
خالد "يطالعها ويبتسم " : هاه وش مكتشفه زوجتي ؟
ليلى " تطالعه " : خالد .. تذكر يوم فيصل يقول تعالوا رتبوا البيت ؟
خالد "يبتسم " : إيه .. وش فيه ؟
ليلى : أول ما دخلنا قال لدانة خوذي الرواية اللي عطيتيها نورة .. وإن نورة قالت رجعها ..!!
خالد "يضحك بسخرية " : طيب وين المشكلة ...
ليلى "وهي متحمسة " : المشكلة مو هنا اليوم يوم أكلم نورة .. قلت لها أنا بعفوية ولا أقصد شي,, قلت ماشاء الله تقرين روايات ..قالت ماأحبها المهم قلت إلا أنت آخذه من دانة رواية .. وقالت ما أخذت شي,,
خالد "يطالعها وحس بقهر من ليلى " : يااااقلبي ياحبيبتي فيصل صديقي ومستحيل يسوي حركات وبعدين أنتم البنات تكبرون السواليف وهي سخيفة .. يمكن أخطأ ,. يمكن أنت فاهمة خطأ ..
ليلى "تطالعه وانقهرت " : وش فيك أنت أنا والله متأكدة .. وبصراحة بصراحة على فيصل ما أستبعد لأن علاقته مع نورة مو مرة ..
خالد "عصب عليها " : وأنت وش يدريك عن فيصل أنا أعرف فيه منك ؟؟!! وحتى لو ما ارتاح مستعد يتحمل عشانها ..
ليلى " عصبت " : طيب وراح تشوف إنه فيه شي مو طبيعي .. والأيام قدامنا .. لا تخليني من القهر أقعد وأراقبهم ولا أروح للسعودية ..
خالد "سحب اللحاف وانسدح " : أقول طفي النور و نامي بس .. وبعدين مو أنت اللي تقررين حنا نروح وإلا لا ..؟!! وتراني دايخ ومواضيع الحريم هذي لا تجيبن طاريها عندي ..
ليلى "وقفت " : طيب يالفاهم ..



× دانة وهي مسترخية على السرير .. وماسكة الكاميرا .. وتشوف الصور × تتنهد .. آآآآه يافيصل ما أدري وش قلت يوم شفت الوردة .. والله إنك تجنن .. × طاحت دموعها .. أنا ليش حبيتك ومن الأساس أنت مو لي .. هذا حب !! بس لازم أنهي حبي بشي حلو .. لااااازم .. × أخذت منديل ومسحت دموعها .. والله عذااااب .. نفسي أشوفك وأقول لك عن كل اللي بخاطري نفسي أجتمع أنا وياك تحت سقف واحد .. ولا أحد عليه منا ..!! آآآه يافيصل .. من وين طلعت ؟؟ أحبك .. والله أحبك .. × ضمت الكاميرا لصدرها .. يارب ما تحرمني شوفته وتجمعني أنا وياه بالحلال .. وإذا ما اجتمعنا يارب تعوضني





×مرت الأيام .. وراح أكثر من شهر ولا جديد .. استمر كل شي على حاله .. ممكن تمر أيام متشابهة ومملة .. لكن دوام الحال من المحال .. بس الأيام هذي لا تغيير .. فيصل ما شاف دانة أبد أبد أبد !!!.. دانة ما صارت تروح للشاطئ .. ولا التقت فيه حتى بالصدفة .. لأن المدينة مو صغيرة مرة .. ولا الأقدار اجمعتهم .. فيصل رفض إن نورة تجي خايف عليها من الطيران .. وفيه شعور غريب لدانة .. يحس إنه يشتاق ويحس أنها ما تعني له شي !! بس قرر يحط باله عليها .. أما عن السعودية طلع أبو دانة من المستشفى .. وهو بالفراش .. وتحسنت حالته .. !!! وعن عبد الله .. تملك بعد أسبوعين .. لأن أبو عبد العزيز ما يحب يطول في أي شي لا خطبة ولا ملكة ..!!!




× خالد وليلى في مطار سدني الساعة 9 الصباح .. وفيصل معهم لأنه هو اللي موديهم المطار .. خالد : يالله فيصل نشوفك على خير وما قصرت ..
فيصل "يضحك " :ولو ما سوينا شي ,,
خالد : ولا تنسى حط بالك على دانة .. وتراني كلمت أبوها ,, وأخذ رقمك ,, والله يعينك ..

× ليلى تطالع فيصل ..
فيصل " يبتسم " : وش دعوى أبد لا تشيل همها ..
خالد ×تذكر : تعال أنا عطيتك رقمها .؟
فيصل "يبتسم " : إيه إيه .. معي ..

× ليلى بينها وبين نفسها .. والله الجو صافي لك يا فيصل .. والله يعينك على البلوى يا نورة .. ويصبرك ..

× توادعوا ..!!!





× فيصل وهو راجع .. بالطريق ,, يااااااالله ويطق بالدركسون .. ويغني .. أجيك يسلم رآسك وشلون ماجيك ,, وياك أنا بالذات صعب أتغلى .. ويصرخ .. وووووووه يادانة ,, أخيراً ماعندي أحد .. أخذ جواله .. ويكتب مسج .. (أهلين دانة أنا فيصل .. راح خالد وأنا اللي راح أنتبه لك .. وإذا احتجتي شي هذا رقمي ..)



× دانة وهي تذاكر .. والجوال كان جنب كتابها .. أخذت جوالها .. وقرت المسج × تنهدت .. خلااااص راحوا يووووه وناسة .. يعني أنا وفيصل لحالنا .. وأرتاح من تحقيقات ليلى .. يالله ..[هي عرفت إن فيصل راح ينتبه لها ]
دانة على طول ردت بمسج .. ( الله يعطيك العافية ما تقصر )




× فيصل طالع المسج .. وابتسم .. والله لا أسكن عند شقتك ..










× في السعودية .. وتحديداً في بيت أبو فيصل .. محمد سهران !!!! وجالس على الإنترنت .. توه مضيف واحد عنده بالماسنجر ..
محمد : طيب وش اسمك وأنا أسولف مع اسمك ..؟؟
... : أبو معاذ ..
محمد : ههههههههه أبو معاذ شكلك كبير ..
أبو معاذ : إيه عمري 38 سنة ولله الحمد ..
محمد "استغرب " وش يبي هذا ..!!
أبو معاذ : أنا أريد أن أنصحك هداك الله .. فوجودك في المواقع المحظورة شئ لا يبشر شبابنا بالخير ..
محمد " بينه وبين نفسه " وش دراه عني هذا ..
محمد : الله يهدي الجميع .. طيب وش المطلوب مني ..
أبو معاذ : التوبة والرجوع إلى الله .. فوالله لن ينفعك أحد في هذه الدنيا .. لا أمك ولا أبوك ولا حتى أخوانك .. (كل من عليها فان ويبقى وجه ربك ذو الجلال والإكرام ) ياأخي الكريم لا زلت صغير السن على هذه الأمور وقد تتطور إلى السفر للخارج وتقوم بفعل ماحرمه الله ونهانا عنه ..
× محمد انشد مع كلام أبو معاذ .. وتحمس ..
محمد : طيب وش تبيني أسوي ..
أبو معاذ : نحن نقوم بتوعية الشباب وندرسهم الدين الحق ,, فما عليك إلا أن تنضم إلى مجموعتنا .. وتسمى بمجموعة المجاهدين ..
محمد : وينهم أنا أبي أتوب وأرجع لربي وأمي بتنبسط لو تدري ..
أبو معاذ : لا تسمع لأمك ولا لأبيك .. اسمعني أنا فقط ..(لا طاعة لمخلوق في معصية الخالق ) فحال أمتنا لا يبشر بخير أبداً .. وأنا وأنت سوف نصنع جيل الجهاد .. وسوف نصحي أمتنا من سباتها .. هداهم الله ..
محمد : الله يهديني ..
أبو معاذ : كم عمرك ؟ وأين تسكن ؟
محمد : 16 سنة وأسكن الرياض
أبو معاذ : الله يحفظك من كل شر .. وعمرك مناسب جداً ونحن نحتاج هذا العمر كثيراً وحتى لنا في الرياض أكثر من استراحة نجتمع فيها..
×محمد يوووه يحتاجني بإيش هذا .. واستراحات ايش ؟؟!!
محمد : وش المطلوب .. ؟
أبو معاذ : إذا أردت أن تنضم إلى السعادة والراحة فما عليك سوى أن تتبع كلامي وتتطبقه ؟؟
محمد "يبتسم وأعجبه كلام الرجل " : يالله ..







× فيصل دخل البيت .. لاااازم أسوي شي خلال هالأسبوعين .. لااااازم .. وفاضي بعد .. هالحين ليش ما أقول لها .. والله من ردها شكلها تحسبني ماني راضي عشان الوردة .. ×جلس على الكنب .. فتح التلفزيون .. طلع جواله وكتب مسج .. (دانة أنا بصراحة أبيك في موضوع مهم إذا أقدر أشوفك؟ )





× صوت المسج يقطع عليها جوها الدراسي .. أخذت الجوال افتحت المسج .. يوووه ×خافت .. وش يبيني فيه ؟؟ .. كتبت مسج .. أنا بصراحة عندي اختبار وآخر اختبار .. ومامعي وقت خلها بكرا على الشاطئ ..



× فيصل وهو يدخن وكان جواله على رجله .. فتح المسج .. × تنهد .. طيب بكرا بكرا ..

× دانة سرحت ..فيصل قطع جوها الدراسي عليها ..وتخاف يقول لها خلاص انهي كل شي .. دانة ما قدرت تركز والعصر اختباراها .. ياااافيصل ليش قطعت علي .. تعرف أنت وش تسوي فيني .. ×تتنهد .. لا إله إلا الله محمد رسول الله ..








× في السعودية .. الصباح .. أم فيصل تصحي محمد .. !! يوووه وش فيه هذا ؟؟ دخل علي ..
أم فيصل : وش فيه أخوك عجزت عنه يقوم ؟
علي : صحيت الساعة 3 لقيته جالس على الكمبيوتر ..
محمد "فتح عيونه " : وش دخلك أنت ؟
علي "عصب وراح سحب اللحاف " : قم يالله .. يسهر على المقاطع الوسخة ..
ام فيصل "عصبت " : أنا لازم آخذ اللاب توب هذا .. ماشفت منه خير ..
محمد "يطالعهم " : خوذوه لأني خلاص مابيه .. وحذفت كل اللي فيه .. والدراسة ماني دارس ..
أم فيصل " بعصبية" : لا والله مو صاحي .. يالله قم ..

× طلع علي بسرعة..


أم فيصل : تعرف وش يسوي علي أكيد راح يسوي شي ؟؟ لا يصحي أبوك عليك ! قم من نفسك ..
× دخل علي ومعه كاس ماء ..
علي : قم وإلا بكبه على وجهك ..
محمد " قام " :يالله منكم .. خلاص .. وبعدين الدنيا ما راح تنفعني بشي والركض وراها والدراسة ومالدراسة كلها قلق ..
أم فيصل : قم أنت ادرس وإذا رجعت افتح لي محاضرات ..
علي " يطالعه " : اووووه تطوع الولد .. من بعد المقاطع طوع الله يستر منك ..
محمد "يطالعهم " : استغفر الله العظيم الله يهديكم الله يهديكم ..
أم فيصل وعلي مستغربين .. !!!!







× عبد الله وهو يفطر في الصالة .. ونورة صاحية معاه ..
عبد الله " يطالعها " : لا مرررة طيبة ومتحمسة تتعرف عليك ..
نورة " تبتسم " : يااارب توسع صدري .. والله ضايق صدري مرة ..
عبد الله : قهر ليتك ما قلتي لفيصل بجي .. وقلت لا تقولين بس ما تسمعين ..
نورة " تطالعه " : والله ما تعرفه إذا عصب .. بتطيح فوق رآسي وبعدين خلاص أنا اخترت إني أجي وخلاص مليت .. أولد إن شاء الله ويصير مخلص ماجستير .. لأنه يمكن ماراح يكمل دكتوراه ..
عبد الله : الله يوفقك .. وإن شاء الله ترجعون أحسن من أول بكثير ..




× دانة تنزل من الباص .. يارب توفقني يارب .. يارب .. والجو بارد شوي .. وهي تمشي متجهة لباب الجامعة .. × دق جوالها .. أهليين .. هلا بابا .. كيفك ؟؟ .......




× خالد وليلى .. بالطيارة .. خالد نايم .. ليلى .. مو قادرة ترتاح .. وخاصة لما قربت لدانة وسألتها وحست إنها ترتبك ومو على بعضها .. وتتذكر لما سألت دانة عن الرواية .. وتذكر الحوار وتعابير وجه دانة اللي تقول بينهم شي كبير ..وتتذكر
دانة "وهي مرتبكة " : ايه فيصل قال الرواية تقول نورة رجعها .. بس هو أخطأ .. لأن الرواية أخذها مني على الشاطئ ..
ليلى " وكانت محتارة " : طيب أنت تشوفينه على الشاطئ وتكلمينه عادي لدرجة إنك تعطينه رواية ..
دانة " كانت مرتبكة مرة وتتخربط بكلامها " : اييييه مو أشوفه بس كذا بسرعة صدفة يعني أخذ الرواية والله مادري شلون أشرح لك المهم خليني أقوم أسوي الكافي .. × وقفت دانة ..
ليلى "كانت تطالعها ومستغربة " وتكلم نفسها .. أقول لها إني شاكة فيك !! وإلا أسكت !!

× المضيفة تكلم ليلى .. والتفت ليلى بسرعة لأنها كانت سرحانة ..
Hostess: Hi.. would you like to have tea or coffee?
المضيفة : وش تشربين شاهي وإلا قهوة ؟
Layla: Coffee please!
ليلى : قهوة ..
× المضيفة وهي تبتسم مدت لليلى القهوة .. وراحت .. بس ليلى حاسة بالجوع .. ونادتها مرة
Layla: Excuse me!
ليلى : لو سمحتي ؟
Hostess: yes, how can I help you?
المضيفة : نعم بإيش أقدر أخدمك ؟
Layla: I would like to have some ******s.
ليلى : أبغى كوكيز ..
Hostess: No worries!! Is that all?
المضيفة : ولا يهمك ,, هذا كل شي تبينه ؟
Layla: yeah.. Thanks!
ليلى : ايه شكراً ..
× صحى خالد .. أزعجتيني .. اقصري صوتك ..
ليلى : ههههه جوعانة ..
خالد : من اليوم وأنت تآكلين ,,
ليلى "تضحك " : قل ماشاء الله ياويلك ..





× في بيت أبو فيصل .. أم فيصل أبو فيصل ومنار ..
أم فيصل "قلقانة " : اسأل أصدقائه ما شافوه ؟
أبو فيصل "توه داخل " : سألتهم .. يقولون طلع من المدرسة .. وراح مع واحد كبير ويقولون نحسبه واحد من أخوانه ..
أم فيصل " خايفة " : ياربي وين راح ولدي ؟؟؟؟
أبو فيصل : قسم يا لو أشوفه الحين لا أوريه شغله .. وأسنعه قليل الأدب ..
أم فيصل : الله يهديك خلنا نلقاه لا يصير فيه شي ..؟؟

× دخل علي ..
أم فيصل " والدمعة بعينها " : هاه لقيته ؟
علي : لا والله سألت يقولون طالع ,, أنا بدق على جواله أشوف يمكن فتحه .. × دق علي ..

× أم فيصل وأبو فيصل يطالعون علي ..
علي " يتنهد " : مقفل .. معقولة وين راح ؟؟ الساعة 3 ولا جاء ؟؟ وين ذلف ..
أم فيصل : ياربي يا ولدي .. وين راح ؟؟



× سمعوا باب الشارع انفتح ..
أم فيصل " راحت بسرعة للحوش " : محمد ؟؟؟ وينك الله لا يعافي ابليسك ؟؟

× طلعوا أبو فيصل وعلي
محمد " يطالعهم " : وش فيكم ؟؟
أبو فيصل " معصب " : وين كنت ؟ أشغلتنا عليك ؟
محمد : في أرض الله الواسعة ..
×علي مستغرب لهجة أخوه وشكله ؟؟ والثوب قصير ؟؟؟
أم فيصل : وش فيك ؟؟ ورا شكلك كذا ؟
محمد " بهدوء " : هداني الله ..
أبو فيصل " بعصبية وخوف " : وين كنت يا حيوان ؟؟؟؟
محمد " بعصبية " : لازم تدري وين كنت خلاص هذاني جيت
× على طول ولا كمل كلامه .. الكف على وجهه من أبوه ..
× دخل محمد .. وراح لغرفته ..

× دخلوا كلهم للصالة ..
منار "تهمس لعلي ": ليش شكل محمد تغير ؟؟
علي : مادري عنه .. بس يمكن ربي هداه ..
أبو فيصل : أنا ما ارتحت له أبد .. أكيد طايح بشي أو بلا ..
أم فيصل " تمسح دموعها " : والله إني خفت عليه أحسب صارفيه شي وإلا بالمستشفى ولا درينا عنه ..
أبو فيصل " بصوت هادي " : ليته بالمستشفى .. وأرتاح منه .. أدري إنه طايح له بشي والحين عمره يبونه يساعدهم
أم فيصل " طالعته " : استغفر الله يهديك .. وربي يمكن هداه الله يتمم عليه ..
أبو فيصل " يطالع علي " : اسمعني .. أبي اليوم اللي تصير فاضي تراقبه .. وتشوف وين يروح بعد المدرسة .. تراه بدأ راسه ينقلب ..
× منار تطالعهم ببراءة وما فهمت شي أبد ..
علي : إن شاء الله يبه باللي تآمرني عليه .. وماعليك خله علي ..
أم فيصل : من يوم صحيته للمدرسة وهو مو طبيعي ..





× في بيت فيصل .. وتحديداً في غرفة النوم ومنسدح بينام .. ياااالله مر اليوم بسرعة ما استفدت منه وحتى ماقدرت أشوفها ؟؟ بس لازم أحط حد للي قاعد يصير .. × دق جواله .. أخذه ورد .. هلا ..
نورة " بهدوء ": أهلين حبيبي ..
فيصل "يضحك " : وين الناس ؟
نورة : والله بالدنيا .. أنت اللي وينك ؟
فيصل : كيفك طيب ؟
نورة : الحمد لله زينة ..
فيصل " مستغرب" : وش فيك صوتك ؟
نورة "بهدوء " : ماني مرتاحة دامي بعيدة عنك ..
فيصل "يضحك " : لالالا ارتاحي ..
نورة " مستغربة " : فيصل وين الكلام الحلو اللي كنت تقوله .. مثل حبيبي عمري قلبي .. ماصرت تقوله وش فيك لهالدرجة ماتبيني .؟
فيصل "يتنهد " : لا مليت منه .. لأنه ما نفع معاك قلت أستخدم اسلوب ثاني يمكن ينفع ..
نورة : تراااا مررررررة مالي خلق مشاكل .. الحمل متعبني .. بس أنا والله جبتها بنقاش وما أقصد .. كل السالفة إني مشتاقة أسمع كلام حلو منك ..
فيصل " بهدوء " : ولا أنا مالي خلق مشاكل .. وإذا تبين أقول لك ياعمري ياقلبي وهي ما تطلع من قلبي قلت لك عادي .. راس مالها كلمات لا راحت ولاجت ..
نورة " طاحت دمعتها كالعادة " : طيب طيب .. مع السلامة ..
فيصل " بهدوء " : وش فيك ؟
نورة " بكت " : فيصل أنا محتاجتك .. لو مهتم فيني جيتني الأسبوعيين .. يعني مو مهتم أبد .. والله العظيم توقعت تسوي لي مفاجآة لما كلمتني ليلى من مطار سدني وقالت والله ماراح يجي ..فيصل حسسني إنك مهتم .. ما أقول لك تعال .. خلاص مليت من الموال تعال وإلا أنا بجي ؟؟ أقول لك حسسني بكلمات حلوة .. أنا زوجتك .. وأصدق قلب معك ..
فيصل " يتنهد ": نورة نورة .. تكفيييين أنا دايخ وأبنام .. والله مليت من كلامك .. وينك عني يوم أقول لك محتاجك حسي فيني ؟؟ ولا مهتمة ؟؟؟ أنا ما أنتقم .. ولا شي ,, بس هذي تراكمات صارت من اللي سويتيه فيني .. وخلاص طقت كبدي منك ..
نورة " تبكي " : ياااالله .. ياااااليتني كنت أدري إني راح أحبك وأموت فيك .. كان ما ضيعت ولا فرصة كنت قريب فيها مني .. يااااااليتني بس أدري إنه راح يصير فيني كل شي يوم أبعدت عنك .. والله ما أتركك ولا ثانية .. بس أنا كذا من وأنا صغيرة تمنيت يكون لي أبو إذا احتجته وضاقت علي الدنيا رحت له .. كنت أقول ربي راح يعوضني بزوج راح ينسيني كل شي حسيت فيه .. تمنيت إني أتجرأ معاك وأقول لك يا يبه .. بس اكتشفت إنك ما تستاهل ..وهذي أنا حظي دايم كذا .. بس تدري بدعي ربي يصير اللي في بطني ولد يعوضني عن كل شي ..
فيصل " يتنهد ورحمها مرة" : نورة .. أنا أقرب شخص لك .. إذا فيك ضيقة فيك مشكلة قولي ..
نورة "تبكي " : أنت المشكلة ..؟؟ وشلون بحلها ؟؟ بس أبيك ترجع تفتح لي قلبك .. والله والله لا أعوضك ..
فيصل " بقهر وهو يسمعها " : نورة تقدرين ترجعين المياه لمجاريها وحنا تونا بأول الطريق ..
نورة " تمسح دموعها " : ياااليت .. بس بحاول ..
فيصل : وتكفين بطلبك شي ..
نورة : سم باللي تآمرني عليه ..
فيصل : دموعك خففيها شوي .. والله ما أتحمل ..
نورة " بابتسامة حزن " : إن شاء الله ..
فيصل : يالله مع السلامة ..
نورة " بهدوء وصوت تعبان " : مع السلامة ..
× فيصل × يتنهد .. يااااااا مسكينة .. والله إني واحد نذل وما أستاهلك أبد .. فتحت قلبي لوحدة وثقتي فيها .. قسماً بالله ماأستاهلك .. ولا دانة تستاهلك .. ياااالله يانورة .. الحين فهمتك .. وتوي أفهمك للأسف .. الحين عرفت منهي نورة .. يااااقلبي أنت .. والله عسل .. والله تكسرين خاطري ..



× نورة بغرفتها .. والشوق حارق قلبها .. والتعب مع الحمل .. وتحتاج فيصل كل وقت .. تحتاج واحد تشكي له .. وتحتاج واحد يمسح دموعها .. ويخفف عنها التعب .. تحتاجه تحط رآسها على صدره .. تحتآآآآآجه في كل وقت ..
كتبت المسج وأرسلت لفيصل
المحبة نارها نار ,, ودواها دوا
وأنت في قربك سعادة .. وفي بعدك عذاب ..
ودي إنك معاي تعيش وإن متنا سوا ..
ما تغيرنا الليالي ولا طول الغياب
***
أحبك ياأحن قلب في الدنيا ..






× دخلت أمها ..
أم عبد الله " تطالعها ": والله لو دموعك أمطار اخضرت أراضي السعودية من كثر هالدموع .. بس يمه .. بس ..
نورة " تتنهد " : مادري حاسة بتعب مع الحمل وقرف وكل شي فيني ..
أم عبد الله " جلست على الكرسي " : يمه بروح لخالتك لولوة تروحين معي ؟
نورة "تبتسم " : أكييييد إن شاء الله أروح أم فيصل هذي ..
أم عبد الله : يالله قومي البسي وافردي وجهك شوي .. تراها تهتم فيك .. وتبي تشوف بأحلى صورة ..
نورة " تبتسم " : عاد تعرفيني أنا أحب أتزين ..
أم عبد الله : يالله يمه ..
× دخل عبد الله معصب .. خلاااص بتركها يمه ..
أم عبد الله : خييييير من تترك ؟؟
عبد الله " بعصبية " : سارة ما أبيها ؟
نورة " بسرعة " : خيييير وش السالفة ؟
عبد الله " يصرخ " : الله يآآآخذه سلمانوووه ؟؟
نورة "استغربت " : وش مسوي ؟؟
عبد الله : خطب أختها .. وتقول أكيييد ولد عمك مثلك راح نوافق ..
أم عبد الله "عصبت " : وجع يوجع عدوانهم ؟؟ وش يبون منا ؟
نورة " مستغربة " : أكيد اسألوا عنهم لأننا خطبنا بنتهم .. وشافوا إن لهم بنت ثانية قالوا نقهرهم ..
عبد الله "واصله معاه " : يمه وش أقول لها .. أنا ماقدرت أسبه وأقول إن الولد مو مضبوط ..
نورة "استغربت " : وشلون مو مضبوط ؟
أم عبد الله : أنت خليك ما تدرين عن شي ..
نورة " تبي تدري عن سلمان " : ليش وش فيه ؟؟
عبد الله : كل شي فيه .. أي بلوى في الدنيا فيه بس ناقصه مخدرات .. ويااااويلك يطلع لأحد ..
× نورة انصدمت ..
أم عبد الله : ياااربي لا تبلانا .. بس لازم تمنعهم ..قل أي شي ,, حرام ما تبين لهم .. وبعدين لا تنسى إنها راح تصير خالة لعيالك ..
عبد الله "يتنهد " : يمه بقول لها عن كل شي .. بقول الولد راعي سفر .. وراعي بنات وهذي نصيحة مني ..
أم عبد الله "تتنهد " : والله فشله مهما كان ولد عمك هذا ؟
عبد الله : هذا اللي قهرني .. وماقدرت أتكلم لأنه ولد عمي ..
نورة : عندي لك فكرة ؟
عبد الله : قولي تككككفين فكيني منه وقربه ..
نورة : قل اسألوا عنه حتى لو صار ولد عمي مو شرط إنه كويس ..
عبد الله : قلت .. بس هم أغبياء شوي ..وتقول أهم شي تاجر ..
أم عبد الله : وإذا صار تاجر الفلوس مو كل شي ..
عبد الله "بعصبية " : وش أقول ؟؟
نورة : قل لها الحقيقة ..
عبد الله : المشكلة تقول خلاص بيننا موافقين وراح نقول لهم إننا وافقنا .. × وصله مسج .. يقراه ..
نورة : ياااربي والله ما توقعت الولد كذا ..
أم عبد الله : الله يستر علينا بس ولا يقرب منا .. يفكنا بلاويه ..
عبد الله "يتنهد " : يااااالله تقول بالمسج وافقنا .. لا وتقول انبسط ولد عمك وأهله.. عمت عيونه ..
نورة " عصبت " : حراااام ندري عنه ونسكت .. والله البنت مالها ذنب ..
عبد الله : وفيه مشكلة أكبر أنا قايلها لأمي بس ..
نورة "تتنهد" : يالله اصدمني بعد ..
عبد الله : والله البنت مالها ذنب والله ما تقعد معه ثانية ..
نورة " بسرعة " : قل يالله وش فيه ؟
عبد الله : يشرب .. 24 ساعة سكرااان ..
نورة "تحس ماء حار على جسمها " : لااااااااا حراااااام .. والله حراااام ..
عبد الله : إن شاء الله ينكشف .. وأفتك منه ..
أم عبد الله " تتنهد " : يااااربي لا تبلانا .. خلوهم خلاص والله قطعناهم ..
نورة " بحزن " : يالله والله صادقة أمي .. بس والله رحمته مسكييين ..
عبد الله : وش أقول أنا ..؟؟ ما أنقهر عند العيال .. وكلهم يدرون .. يفشل ..

× نورة بينها وبين نفسها .. ياااالله وشلون حبيته هذا .. ياحسافة الحب اللي عطيتك اياه ..
أم عبد الله " تطالع عبد الله " : أبيك تودينا لأختي .. وأنا أقولها الموضوع وتحله .. وإذا ما حليناها نخلي بنتهم لهم .. والله مايشرفنا نقرب منه أكثر ..
عبد الله "معصب ": إيه بتركها إذا بيتزوج أختها .. بس إن شاء الله نلقى حل .. يالله اجهزوا عشان أقول لخالتي بعد







× في بيت أبو دانة .. وتحديداً في الغرفة .. وأبو دانة مسترخي على السرير
أم دانة :قبل شوي أخوك كلمني وأنت بالحمام ..
أبو دانة : أي واحد منهم بس .؟
أم دانة : ناصر .. ويقول يكلمني ضروري ..
أبو دانة " يتنهد " : غثني هذا .. وش يبي ..!!
ام دانة " مستغربة " : وش عندك أنت وياه ..
أبو دانة : يقول ولدي أحمد بيروح استراليا .. وأبي له الستر وفكرنا أنا وأمه وقلنا دانة تصلح له يدرسون هناك .. وإنه من حينه يبي دانة..
أم دانة " تبتسم " : طيب وين المشكلة .؟؟ بالعكس ناصر أحن أخوانك عليك .. وأحمد ماشاء الله رجل .. وتراه أحسن عيال أخوانك ..
أبو دانة " بسرعة " : يابنت الحلال أنا أعرف اخواني زين .. وصح ناصر أحن أخواني وفيه طيبة .. بس مهما كان يتعاطف مع أخواني الثانين ,,
أم دانة : والله وإذا فكرنا فيها يسترها في الغربة .. وننام وحنا مرتاحين .. وخلاص دانة بدت تكبر ,, والدنيا لو تقول فينا كذا وإلا كذا أنا وإلا أنت راح تضيع بنتنا ,, وأنت حالتك بعد ما تساعدك تتردد .. لازم نسترها ..
أبو دانة "يطالعها " : والله إنك صادقة .. أشوف أكلمه أنا بكرا .. وأهم شي راي دانة ..






× في بيت أبو فيصل ..
أم فيصل وأم عبد الله وعبد الله ونورة .. ومنار ..
أم فيصل : لا لاتشيلون هم أنا أدبرها لكم ..
منار "متحمسة " : حرام تخربون عليه يمكن هو حب أخت روان ..
أم فيصل "تطالعها وعصبت " : وش دخلك أنت يالله قومي عيب تدخلين بسواليف الكبار ..
نورة وعبد الله يضحكون ..
منار "وقفت " : بقول لروان تراهم بيخربون ..
عبد الله " يطالعها " : لا أنت كبيرة .. وما يصلح .. عيييب تقولين أسرار البيت ..
أم فيصل : خلها بس تقول والله والله لا أذبحك ..
عبد الله : هذا وأنا بتزوجك ..
منار "تطالعه وبتطنز " : لااااا من زينك ؟؟ أبي واحد مثل فيصل أخوي ..
نورة "تضحك " : إيه قايلة لك يا منور أنت أحلى وحدة بالعالم ..
× طلعت منار وهي تتكلم بصوت واطي .. أنا دايم أطلع ,, وما عندي أحد وين أروح ,,






× يوم ممطر في نيوكاسل .. وأجواء رائعة .. تغيم على المدينة .. فيصل بالحديقة يشوف قوس قزح .. يااالله على الأجواء .. بس والله الجو بارد .. دخل فيصل .. × صوت الرسالة .. وقفه .. ورجع أخذ الجوال اللي كان على طاولة الكافي ..
(صباح الخير فيصل .. بس حبيت أذكرك إن بيننا لقاء )
لازم أوصل حد بيننا يادانة .. × دق فيصل .. صباح الخير دانة ..
دانة " بدلع وهي مرتبكة " : صباح النور .. كيفك .؟
فيصل : تمام .. بس الجو مطر ولا نقدر نروح الشاطئ .. ممكن أجي أكلمك عند الشقة ..
دانة : أوكي .. مافيه مشكلة ..
فيصل : طيب شوي وجاي .. مسافة الطريق .. اوكي ..
دانة : طيب مع السلامة ..
فيصل : مع السلامة ..



× دانة قلبها يرتجف بقوووة .. يااااربي .. وبسرعة طلعت لبس وشالها .. ولبست ... يوووووه بموت إذا شفته .. بعد 10 دقايق .. طق الباب فيصل .. فتحت بسرعة دانة .. لأنها واقفه عند الباب ..
فيصل "مرتبك " : السلام عليكم ..
دانة "الوجه طماطه " : وعليكم السلام .. × يااااقلبي
فيصل " معاه كيس " : سمي هذا فطور .. قلت أكيد ما أفطرتي ..
دانة " تبتسم " : تسلم ..
فيصل " يطالعها " : أدخل بالموضوع بسرعة صح ؟
دانة " تبتسم " : يااااليت ..
×فيصل بينه وبين نفسه فديت هالابتسامه أنا ..
دانة "تطالعه ومرتبكة " : قول فيصل ..
فيصل " يطالعها " : دانة .. أنا صراحة فتحت قلبي لك ..
دانة "و وجهها خلاص وتحس بتدوخ " ........!!!
فيصل " يتنهد " : لكن أنا متزوج .. ومرتي ما تستاهل أبد إني أخونها صح إني ما حبيتها ..وهذا الشي المفروض ما أقوله لك .. بس بقوله لأني أبيك تعرفين إنك جد جد قدرتي تكسبين قلبي ..
دانة "تبتسم " : إيه ..
فيصل " يطالعها " : يعني يااااليت ياااليت تبعدين عني .. ×دانة انصدمت .. أنا واحد أبي أرتاح .. وأخاف أتعلق فيك أو أعلقك فيني واحنا نضحك على أنفسنا .. أنا زوجتي حامل .. وتدرين من وردتك وخاطرتك وأنا منقلب عليها .. أكلمها ودمعتها على خدها .. يعني يرضيك ؟؟
دانة " تطالعه وطاحت دموعها " : طيب .. خلاص اللي تبيه أنا حاضرة ..
فيصل " منحرج وبهدوء " : والله أمس نورة كلمتني وكسرت خاطري .. حسيت إني مجرم وقاعد أحط فيها حرة شوقي لك فيها ..
دانة " بهدوء " : تشتاق لي ؟
فيصل "يقاطعها " : دانة .. يمكن هذا حب جاء بوقت مشاكلي مع زوجتي ؟؟ وأتوقع لو أرجع راح أنبسط معاها .. أنت جيتي بوقت فيه خلل بعلاقتي مع زوجتي .. وقدرتي تدخلين بيني وبينها .. يعني بليييز دانة .. ياليييت حركاتك تبطلينها .. لأني واحد متزوج وماسويت الحركات هذي وأنا مراهق أسويها بعد ما تزوجت ..!!
دانة "مومصدقة " طيب فيصل .. خلاص مع السلامة ..
فيصل : أتمنى ما تزعلين وخلي الوضع عادي .. مع السلامة ..
دانة : إذا قدرت أخليه عادي .. وخلاص لا تنتبه لي أنا أعرف أدبر نفسي ,,
× فيصل طالعها ومشى ..!!!!




× دخلت دانة وسكرت الباب وهي تمشي رايحة للغرفة مصدومة أبد ما توقعت تقول لي الكلام .. وترمي على نفسها بالسرير .. وتبكي .. لييييييييييييش .. !!!! والله جرحتني .. والله ما توقعتها منك .. لااااا فيصل ليش جيت .. ليش جرحتني .. والله عطيتك قلبي .. يااااااكرهك يانورة .. يااااااكرهك ..



× فيصل يضرب الدركسون .. وش سويت ياغبي .. !! يااااالله والله تحبني البنت .. ودموعها وصدمتها .. يااالله .. والله رحمتها .. أنا وش طيحني بالبنات ؟؟ والله قبل أعرفهم مرتااااح .. ياااااالله يادانة .. بس شسوي لازم وحدة منكم تنجرح .. آآآآآآآه ياقلبي على هالبنت والله حابها من كل قلبي .. والله قهر سويت فيها والله مو هذا الكلام اللي كنت بقوله لها .. بس مكالمة نورة غيرت كل الكلام ..!!!!! .. ماقدر يمشي بالسيارة .. حاس بقهر .. والله طلعت أحبك .. والله أحبك .. يادانة .. كذا تهتم فيها تجرح البنت .. × طلع الجوال دق .. هلا نورة ..
نورة " تبتسم " : هلااااااااا وغلاااا
فيصل "ضايق صدره " : نايمة ؟
نورة " مبسوطة " : نو .. هه طلعت من غرفة عبد الله قاعدة معاه ..
فيصل " يتنهد " : نورة أحبك ..
نورة " تضحك " : يااااااااااحياتي وأنا أحبك .. وش طاري عليك ..
فيصل " يتنهد " : مادري محتاجك .. والله محتاجك ..
نورة " انبسطت " : ياحبي لك يا أحلى قلب وأطيب قلب ..
فيصل " يحس إنه يكلم دانة " : أموووووت فيك بعد .. وأعشقك ,, وما أقدر أعيش ثانية بدونك .. وأنقهر إذا جرحتك ..
نورة " مرررره انبسطت " : يووووه ياااافيصل والله ما أصدق ؟؟ والله استحيت ..
فيصل " سرح " ...!!
نورة : فصولي .. أنا مشتاقة لك ..
فيصل " يسمعها وباله مع دانة " : وأنا .. مرررة أحس بقهر لأني جرحتك .. × يقصد دانة ..
نورة : خلاااااص شي راح ..
فيصل " يتنهد " : طيب قلبي .. مع السلامة ..
نورة : مع السلامة وكثر هيك مكالمات تفتح النفس ..
فيصل : إن شاء الله .. فمان الله ..

× سكر الجوال لاااااا باااااين إن دانة خلااااص .. تمكنت .. !!


× دانة .. تبكي .. وبقهر .. شافت الرواية .. ورمتها على الأرض .. ورمت الكاميرا .. وقفلت الجوال ..

× فيصل راح للشاطئ وقف السيارة ومانزل لأن الجو مطر .. طلع الدخان .. يطالع البحر .. ورجع رآسه على المرتبه .. حاس الدنيا ضايقة عليه .. وحاس إن قلبه ماصار ملكه .. طلع جواله من جيبه .. ويقرا مسج دانة .. (صباح الخير فيصل .. بس حبيت أذكرك إن بيننا لقاء ) .. × يتنهد .. يا ليتني قلت الكلام اللي كنت بقوله .. أنا أجامل على حساب نفسي .. آآآه يا دانة ..!!






× في شقة دانة ودانة جالسة على طاولة الطعام .. تقرا الخاطرة ..

شكراً لك ..
أحييتي قلباً كاد أن يموت !!
أحييتي قلباً تاه في صحراء ..
كنت أبحث فيها عن قلب صادق يعيد لي الحياة ..
...

همسة على طريقتك ..
" وعلى الوفاء نلتقي "


فيصل

× دانة سرحت .. طيب أرسل له مسج وأقول له اللي فبآلي .. والله ما عطيتني فرصة يا فيصل .. × تتنهد صعبة .. والله أنا اللي أقط نفسي عليه ..


× راح اليوم وفيصل ودانة مو على بعضهم أبد .. !! ولا واحد تجرأ يصلح اللي صآآآر ..

× فيصل .. يرتب الصالة .. بيدخل ينام .. يالله بس من الحوسة .. راح وفتح درج المطبخ وطلع حبتين بنادول .. وطلع ماء من الثلاجة .. وش ذا الصداع اللي ماسك .. يارب تعينني يارب .. وتفرج عني كل ضيقة ..



× في شقة دانة .. مسترخية تقرا رواية قبل تنام .. × دق جوالها .. يووه هذي أكيد ماما .. أهلين مامي ..
أم دانة : كيفك يمه .. ؟
دانة "تتنهد" : محتاجتكم والله ..
أم دانة : إن شاء الله ترجعين رافعة روسنا ,, وتشرفيننا ..
دانة " تبتسم " : الله يسمع منك يارب .. ويوفقني ..
أم دانة : وش تسوين أجل ؟
دانة : مسترخية أقرا رواية وبنام ..
أم دانة : ما عليه بشغلك شوي قبل تنامين يمه ,,
دانة "تبتسم " : سمي .. وش بغيتي ..
أم دانة "تتنهد " : الحين أنت مرتاحة لحالك ولا تخافين ؟
دانة "تضحك " : من ايش أخاف .. إيه مرتاحة الحمد لله .. ودامي أقرا وردي وأذكر الله ماعلي خوف ..
أم دانة : بس يمه لازم يصير عندك رجل ..
دانة " مستغربة " : وش فيكم ؟ ماتثقون فيني ؟
أم دانة " تقاطعها " : لالا لاتفهمين خطأ .. يمه فيه واحد بيجي يدرس في استراليا ..
دانة " تتنهد " : و موصينه بعد ينتبه لي .. ما خليتوا أحد ما قلتوا له انتبه لها ..
أم دانة "عصبت " : وش فيك أنت ؟ اصبري لما أخلص ..
دانة : طيب طيب ..
أم دانة : أحمد ولد عمك ناصر .. بيجي يدرس عندك .. وطلب يدك من أبوك ..
دانة "مستغربة " : ايييييش ؟
أم دانة : عمك ناصر يقول نبي نزوجه عشان يستقر ويرتاح ويقول فكرنا بدانة هي تصلح دامها هناك ..
دانة " تتنهد " : شوفي ماما .. أحمد والله ما أقدر أقول فيه شي وحتى عمي ناصر حبوب .. بس ما أفكر أتزوج الحين .. والزواج يبي لي أهتم فيه .. ويبي لي أتفرغ للرجل .. أنا وحده بدرس بعدين أفكر ..
أم دانة "تقاطعها " : يا يمه .. أحمد متفهم ,, وحتى عمك ناصر يقول عارفين انها تدرس ولا راح نضغط عليها يقول حتى الشغل والله ماراح نتعبها ..
× دانة سرحت .. والله جيت بوقتك أحمد ..
أم دانة : طيب شوفي بخليك تفكرين يومين لأنهم يبون ردك بسرعة ..
دانة "تتنهد " : أوكي عطوني فرصة وأرد لكم ..
أم دانة "تبتسم " : ترا الولد حسافة تفوتينه .. والله تندمين .. ماشاء الله أبوه ناصر ولا تنسين إن الولد صعبه نلقى مثله الوقت هذا ..
دانة "تبتسم " : أدري والله الولد حسافة .. وحبوبين ..
أم دانة : يالله يمه ما أسهرك تصبحين على خير ..
دانة : تلقين خييير .. مع السلامة
أم دانة : مع السلامة ..


× قفلت دانة وسرحت .. جلست الجوال على الكومادينة .. والرواية بيدها .. ورجعت تفكر .. والله أحمد !! ما توقعت تخطبني .. بس جيت بوقت خطأ .. طيب يافيصل .. طيب .. ابتسمت .. وجلست الرواية على الكومادينة .. وانسدحت تفكر .. !!!





× في بيت أم فيصل .. أبو فيصل وأم فيصل بالصالة معهم علي .. جالسين ..
علي "يتنهد " : ياااالله وين راح ؟؟ حتى ما قدرت ألحقه من الزحمة ..
أم فيصل "تبكي " : الله يستر عليه ..
أبو فيصل "معصب " : شوفي كم الساعة وللحين ما جاء ولا يستحي .. هذا مو طوع وما أدري أي دين هذا !!
علي "يطالعهم " : طيب حالتنا بتصير كذا على طول لازم نلقى حل ..والله راح يقلقنا ..
أبو فيصل " بعصبية " : كله منك ليش ما لحقته ..
علي : وش أسوي يبه .. والله زحمة ..

× دخل محمد .....!! السلام عليكم ..
أم فيصل " معصبة وهي تبكي " : وأنت بتخلي حالتنا كذا كل يوم ..
×أبو فيصل "منزل رآسه لأنه معصب " ....
علي " يطالعه " : وين كنت ؟..
محمد " يطالعهم " : كنت في أرض الله الواسعة ..
أبو فيصل "بعصبية " : كل ما سألناك قلت في أرض الله الواسعة .. ؟؟؟ وين تروح ؟؟ أنت لا تجيب لنا بلوى بكرا ..
محمد " يهز راسه " : هداكم الله .. هداكم الله .. × راح ..
أبو فيصل " وقف " : بروح أذبحه وأرتاح منه أنا .. ولا يجيب لي مصيبة بكرا وإلا ينزل رآسي ..
× وقف علي ومسكه .. خله يبه أنا أحل المشكلة ,, خلاص ..
أم فيصل " تطالعه " : اجلس يا ابن الحلال وتعوذ من ابليس .. خلاص علي يروح يشوف وش فيه ..
أبو فيصل " مسك علي " : شف يبه أبيك تسحبه بالكلام ,, وبهداوة ..وقل بالعكس حنا فرحنا إن ربي هداك بس تتغير شخصيتك وتروح أماكن ما ندري عنها لا ومن هالكلام ,,
علي " باس رآسه " : لا تشيل هم .. ارتاح أنت ..

× راح علي ..






× في بيت أم عبد الله .. أم عبد الله وعبد الله ونورة .. توهم مخلصين متغدين ..
عبد الله : اليوم سلمان بيشوف سحر ..
نورة "تطالعه " : والله مستعجلين .. وش عليه مستعجلين ؟؟
عبد الله : وأنا أدري وش عليه ..
أم عبد الله : وش بتسوي طيب ؟
عبد الله "يتنهد " : فكرت وشفت إن سارة مالها ذنب .. وش أسوي خلاص برضى ودام الولد معجبهم كيفهم ..
نورة " تطالعه " : والله إنك صادق ,, مالها ذنب ,,
أم عبد الله " تتنهد " : إيه مالها ذنب وحتى عيالك بعد مالهم ذنب يفتحون على مشاكل .. !!
عبد الله " بقهر " : يمه وش أسوي ؟ قولي وش أسوي .. البنت أعجبتني .. وطيبه ..
أم عبد الله " تطالعه " : نلقى غيرها .. أكثر ماكثر الله البنات ..
عبد الله " بقهر " : يمه أقول لك أعجبتني .. وهي بعد .. ما أقدر أبعد عنها أبيها وش أسوي ..؟ والله البنت مالها ذنب ..
أم عبد الله "عصبت " : بعد وش يبون كل ما أبعدنا قربوا .. خلاص والله ملينا منهم ومن مشاكلهم ..
عبد الله : يمه ما أقدر ,, أبي سارة ..
نورة "تطالع امها مستغربة " : يمه خلاص هو يبيها ويالله لقيناها له ,,
أم عبد الله " بعصبية " : شوف عبد الله لا تجي وتقول لي عن المشاكل اللي راح تصير .. ولا أبي أسمع ولا مشكلة ..
عبد الله " وقف " : بروح أنام ما نمت زين .. والله شكلك يمه أنت اللي بتبدين خلاص إذا شكيت تكلمي ..
أم عبد الله " تطالعه " : كيفك رح نم أنا أبي مصلحتك ..
نورة " تطالع عبد الله " : ما باقي شي على آذان العصر .. الصلاة أول بعدين نم لأنه إذا نمت ما قمت ..
عبد الله : إيه أدري ما راح أنام على طول .. بكلم ..
نورة "تضحك " : الله يوفقك ..






× في بيت أبو فيصل .. وتحديداً في غرفة علي ومحمد .. كل واحد جالس على طرف سريرة ومتقابلين ..
علي " بهدوء" : يعني ماراح تقول لي وين تروح ؟
محمد " يطالعه " : وش تبي بالضبط .. ؟
علي : قلت لك وقسم بالله إننا فرحانين إن الله هداك والصلاة تصليها بوقتها .. بس فيه تصرفات غريبة ..
محمد : أروح لمسجد أحفظ قرآن خلاص ارتحت ..؟
علي " يطالعه " : طيب صدقتك .. بس إذا تكذب وجبت لنا مصيبة بكرا .. ؟
محمد : ما أكذب رح تكفى وخلني .. وقل لأمي وأبوي أروح لمسجد أحفظ قرآن ..
علي "وقف ": طيب بطمنهم .. ( علي ما اقتنع بكلامه أبد .. وشاك إن فيه شي )


أبو فيصل " يبتسم " : ماشاء الله يروح يحفظ قرآن ؟؟ بعد المدرسة والتعب والكرف يروح يحفظ قرآن .. اقطع يدي إذا ماصار مطلوب بكرا ..
أم فيصل " تطالع أبو فيصل " : طيب يمكن صادق ؟ ليش ما يروح ؟
علي "يضحك " : ياحبي لك يمه على نياتك .. وش يحفظ قرآن أنا مع أبوي والله الولد مو طبيعي ..
أم فيصل " تتنهد " : يارب تستر على ولدي .. يااارب ..


× في بيت أم عبد الله .. عبد الله بالغرفة .. يكلم ..
عبد الله " بقهر " : أهااا .. تتزين الحين بيجي يشوفها ؟
سارة " تضحك " : إيه عاد أنا أقول لها صيري جرئية مثلي .. ولا يهمك اللي قدامك ..
عبد الله : هههههه من زينك ..
سارة : ياااربي بسرعة انخطبنا .. وما توقعت أبد أنا وسحر بهالسرعة ..
عبد الله : الله يوفقها .. ويوفقنا وأقدر أسعدك ..
سارة : آمييين .. ويارب أنا أقدر أسعدك بعد .. لأنك مرة طيب وعسل .. والله ما توقعت إن فيه شباب كذا ..
عبد الله "يضحك " : لا توقعي دامي موجود تأكدي ..
سارة : هههههههه ياعيني على الثقة ..



× راح .. اليوم في السعودية .. بسرعة .. وهذا حالنا الأيام تركض وكأنها ثواني .. !!
× الساعة 2 نورة بتنام .. والغرفة ظلام .. وفاتحة الأباجورة على اضاءة هادية مره .. أخذت الجوال ,, وتكتب مسج ..



× دانة في شقتها .. صاحية من الساعة 9 يالله أسويها وإلا لا ..؟؟ والله ذبحني هالفيصل لازم أشوف لي حل معاه ,, برسل وأشوف ,,



× فيصل صحى على صوت المسج .. يتمغط أخذ الجوال .. يووووه الساعة 10 وش فيني أنا .. واستغرب 2 Messages من مرسل؟
ترك الجوال على الكومادينة ورمى اللحاف وجلس على طرف .. يااالله وش ذا النوم الخايس .. طالع الجوال وأخذه فتح الرسايل .. يقرا المرسل
DANAH
3omRi

يوووه نورة ودانة .. ؟؟؟!!!

ترك مسج نورة وعلى طول قرا مسج دانة

( فيصل أنت ما قدرت مشاعري وجرحتني والحمد لله ربي عوضني بولد عمي وخطبني واليوم برد بالموافقة ) .. فيصل ضاااااق صدره وماصار يشوووف .. عصب ,, ياااالله صبآح خير .. يتنهد.. ماسك الجوال ومنزل راسه .. يارب .. وش أسوي الحين ..؟؟ قرب الجوال وفتح مسج نورة ..

( فيصل عمري إذا صحيت ما عليه تدق علي والله مشتاقة لك ,, وبطمنك على البيبي لأني رحت المستشفى عشانه )
يووووه يا نورة .. والله مو وقتك أبد .. دق على نورة .. هلا نورة
نورة " مبسوطة " : هلا عمري ,,
فيصل "وواضح من صوته إنه مو على بعضه " : كيفك ؟
نورة "مستغربة " : تمام بس وش فيك ؟
فيصل " يتنهد " : مادري توي صاحي .. وقلت بشوف وش تبين .؟
نورة " استغربت " : أنا كتبت لك بالمسج إني رحت المستشفى ..
فيصل "والنفسيه واصله " : إيه إيه .. وش سويتي ؟
نورة " ضاق صدرها " : خلاص خلاص أكلمك بعدين بنام بس ما نمت أنتظرك تدق ..
فيصل "عصب وحط الحرة فيها" : لعبة هي خلاص خلاص .. قولي اللي عندك بسرعة .. ترسلين مسج وتسوين قلق وتقول خلاص ..
نورة "دمعت عينها " : ايه رحت المستشفى وقالوا الجنين بصحة جيدة الحمد لله ..
فيصل " بسرعة وبصوت مزعج " : الحمد لله .. وبس هذا اللي داقه تقولين .. نورة تكفين ارسلي رسالة وقولي قالوا لي كذا وكذا ,, ماله داعي دق ومادري كيف ,, عليك توقيت ,,
نورة " نزلت دموعها " : يا شين نفسك وأنا الغبية اللي داقه عليك ,, قلت بيهتم .. حشى والله ولا كأنه ولدك .. وحتى أنا ما كأني زوجتك ولا مهتم أبد بصحتي ,,
فيصل " يتنهد " : يااااااااالله قسم بالله مالي خلق ,, × سكر الجوال ..ورماه ع الأرض .. وحط يديه على راسه ..



× نورة ودموعها تطيح سكرت الأباجورة وسحب اللحاف وشهقت وهي تبكي لأنها كاتمه القهر .... وش فيك فيصل ..!! يعني معقولة وصل كرهي لهالدرجة .. تقفل الجوال وأنا أطمنك عني وعن ولدنا ,, معقووولة .. كله مني كله مني ,,




احكي بغيبتي وش قد تغيرتوا ؟؟
احكي وشلون الدنيا بيكم ؟؟
احكي لي ولهان لسوالفكم وإلا .. لا لاتحكي .. لا !!
مادري قلبي ش اللي جاه ..!!
خاطرة قلبي يضمك ,, خاطرة صدري يلمك ..
ماأريد قبل لا أحكي قبل لا أحكي إلا أضمك ..








× دانة .. تشرب الكافي .. وتتصفح النت .. أخذت جوالها اللي كان جنب اللاب توب .. × تكلم نفسها .. أنا أرسلت أكيد وإلا ما وصله ؟؟ وشافت الرسائل المرسلة .. ايه مرسلته .. طيب ليش ما رد .. يعني معقولة يضحك علي .. وما هميته أصلاً .. ياربي لا يصير كذا .. والله بنصدم ..




× فيصل يسوي الكافي ومو مركز أبد وباله مو مع الكافي .. وكثر السكر .. ×عصب .. وترك الكوب وترك كل شي وطلع من المطبخ .. يتنهد .. يااااااالله وش أسوي أنا .. وأصلاً وش قاعد يصير والبنت وش دخلها بحياتي .. !! أخاف أقولها لا تتزوجين وأعشمها فيني .. !! وأخاف أقولها تزوجي وأموت قهر ,, يااارب وش أسوي .. !!




× دانة ماسكة الجوال وسرحانة .. خلاص خربانة خربانة لأنه إذا ماضبطت بوافق على أحمد .. يعني برسل له .. وهي تتكلم وصلها مسج .. فتحته ياقلبي فيصل ..

( صباح الخير دانة .. أنا آسف قبل كل شي وأنت أبد ما تساهلين واليوم شمس ..ما ودك أكلمك على الشاطئ ) دانة باست الجوال .. ومبسوووطة .. ياااااااالله .. وش أسوي قامت بسرعة تلبس ,, × تذكرت ,, يوووه ما رديت عليه ,, رجعت وأخذت الجوال وتكتب ,,,


× فيصل جالس على الكنب وماله خلق شي .. وصله المسج والجوال على طاولة الكافي .. وأخذ الجوال بسرعة .. ( أوكي بس والله تأخرت ما رديت خفت والله طاح قلبي ) ,, دخل فيصل يلبس .. وسوا كافي .. وطلع ,,









× على الشاطئ .. جالسين على طاولة ..
فيصل " يتنهد " : دانة .. مادري شقول .. بس جد انقهرت من المسج اللي أرسلتيه لي ..
دانة " تبتسم " : إيه ولد عمي خطبني وما عليه كلام ..
فيصل " يطالعها ويبتسم " : دانة .. أنا بصراحة ما توفقت بزواجي .. وأبي أرتاح ..
دانة " تبتسم وتطالعه " : طيب ..
فيصل " وهو يبتسم " : دانة لا توافقين على أحمد ..
دانة " ومن جواها مبسوطة " : ليش ما أوافق ؟؟
فيصل " قرب وحط يده على الطاولة " : لو أقول أبيك زوجة توافقين ؟
دانة " حست بدوخة من الفرحة تضحك " : والله ؟
فيصل : دانة أنا اكتشفت إني ولا شي بدونك .. وحتى لما جرحتك حسيت بقهر ..
دانة " بهدوء ": بس أهلي ,,
فيصل " يطالعها ويبتسم " : ما عليك إن شاء الله راح يوافقون .. وأنت اضغطي عليهم .
دانة " ونفسها تطير من الفرحة " : طيب .. خلاص خل الموضوع علي ..

× سكتوا شوي .. ودانة مستحية .. !! ,, فيصل منزل رآسه ..


دانة "تبتسم " : كيف بنسوي الزواج وكيف بنسوي كل شي وحنا هنا ..
فيصل "يضحك ": ماااعليك نرتب له .. ودامنا هنا .. بنسوي شهر العسل .. وبنسوي كل شي ,, وحتى التجهيز تجهزين معي ,,
دانة " وهي مبسوطة مرررة " : طيب .. × تطالعه .. يوووه مالله مادري شقول ..
فيصل "يضحك " : تكلمي .. وش تبين ؟
دانة " وهي تبتسم " : فيصل .. أنا قريب عندي اجازة .. بس قهر بوقت أنت ما عندك ..
فيصل " يطالعها ويبتسم " : لا .. ماعليك .. وقتها نضبط كل شي ..
دانة " وهي تبتسم " : خلاص .. أنا لازم أكلم بابا وأقول له ..
فيصل " يطالعها ومستغرب " : أنا أقول له عطيني رقمه ..


× راح الوقت يتفقون على أهم شي .. والأهل وكذا ..!!

دانة " وقفت " : فيصل .. تسمح لي أروح ..
فيصل " يطالعها " : أكيد أسمح لك ,, بس مثل ما قلت لك ما أبي أحد يدري .. وحتى ليلى لو تجي ..
دانة " تضحك " : لالالا ماعليك .. يالله مع السلامة
فيصل " يطالعها " : مع السلامة ..

× راحت .. فيصل يكلم نفسه .. ياااااالله .. والله وناسة .. أخيراً تجرأت ..


× دانة تمشي .. وحاسه بفرحة مو طبيعية .. ودها تبكي من الفرحة وودها تنطط ودها تسوي كل شي ,, !! ×طلعت جوالها .. مالي إلا أفضفض لمشمش اللي مشتاقة لها .. ألو مشموشتي ..
مشاعل : أهلين .. كيفك ؟ وين الناس ؟
دانة "تضحك " : شوي شوي .. ههههه والله بهالدنيا .. مبسوطة مرررره يامشمش ,,
مشاعل " تتنهد " : وش عندك بعد .. والله طاير النوم من عيوني أكيد عشانك حاسة إنك جايبة لي خبر
دانة " تضحك " : فيصل بيطلبني من أبوي للزواج ..
مشاعل "انقهرت" : لااااااا والله انهبلتي ..
دانة " تقاطعها " : لااااااا مالي خلق نصايح ,, خلاص تمكنت ياقلبي وخلي نصايحك لك ..
مشاعل " بقهر " : ياااااااااااويلك من ربك بهالمسكينة .. كيف رضيتي على نفسك تجلسين معها دامك أخذتي زوجها منها .. يااااااويلك يادانة .. قسم أحس إن جواي جمر وشلون زوجته اللي مأمنة ومرتاحة ..
دانة "بهدوء " : وش ذنبي أنا .. تعلقت فيه ,, وبعدين هي مو مهتمة فيه أبد وهو طاق منها ..
مشاعل " بعصبية " : وش عليك منهم وكم مرة أقول لك وش عليك منهم .. دانة قسم بالله مصدومة منك وش اللي غيرك وش اللي خلاك كذا ؟؟والله ماني مصدقة إنك صدقيتي الحبوبة الرحومة تسوي كذا بوحدة مالها ذنب .. وبعدين ماتدرين يمكن هو اللي مقصر معها ..
دانة "بقهر" : وش ذنبي أنا ؟
مشاعل : لا تقطين خيط وخيط وش اللي وش ذنبك ؟؟ أنت مالك دخل من الأساس وأنت شيطان بينهم وأنت اللي راح تدمرين علاقتهم .. ياويلك هذا اللي أقوله ..
دانة " تتنهد " : الحين أنا داقه أبيك تفرحين وأبيك تنبسطين ..
مشاعل " والدمعة بعينها " : بإيش أفرح على خيبتك ؟؟ وبعدين أنت آخذه الدنيا ببساطة .. والأيام راح تعلمك .. وترا يمكن فيصل طلع لك بشخصية ثانية أنت ما تدرين عنه ولا هو يدري عنك ,, يمكن أفكاركم تختلف وكل شي يختلف ..
دانة " تضحك " :لااااا ياقلبي أنا وفيصل مررررة نشبه بعض ..
مشاعل " تطنز " : ماشاء الله عليك حكمتي وأنت ماسكنتي معه ,, أقول الله يوفقك ويدلك الطريق الصح ..
دانة " تتنهد " : آمين .. بس أبيك تحضرين زواجي ..
مشاعل : والله واثقة .. لااااا والله إذا وافقوا أهلك وتم كل شي لا تقولين لي شي أبد لأني جد انصدمت فيك .. حتى العلاقة اللي سويتيها وحركاتك كأنك مراهقة .. وكلها سخافة بسخافة ..
دانة "انقهرت " : طيب مع السلامة الشرهه علي أنا داقه أبشرك ..
مشاعل: مع السلامة وياليتك ما صدمتيني .. × سكرت دانة .. يوووه وش فيها هذي .. اييه ما حست بالشعور اللي أحسه .. والله عاذرتك مشمش ..









× راحت الأيام بسرعة وراح أكثر من شهر ونص .. وكثرت مقابلات فيصل ودانة .. وهم يخططون للزواج والترتيبات .. أهل دانة رفضوا في أول شي وخاصة أمها اللي عصبت منها وزعلت عليها وبنتي الوحيدة تتزوج واحد متزوج وترفض ولد عمها اللي ما فيه منه .. وأما أبوها رفض أول شي وبعدين تراجع وقال الرآي الأول والأخير لدانة وخاف يصير فيه شي ويبي يضمن مستقبل بنته لأنهم اكتشفوا إن المرض منتشر في جسمه !! ..

وأمها نصحتها وقالت راح تعانين وخاصة إنه ما طلق زوجته وزيادة على كذا حامل .. ومن ضمن اللي قالت لها أمها إنه كل الرجال يتمنونك .. يعني ليش ترمين نفسك على واحد متزوج .. لكن دانة .. مصرة ومتعلقة في فيصل .. !!
نورة .. يااااالله فيصل كل يوم يسمعها كلام أقوى من اللي قبل .. وهي صارت تعصب ,, وملت من نفسها ومن كثر دموعها ..
عبد الله قرب زواجه .. وسلمان تملك على سحر ..
محمد صار يغيب عن البيت يومياً .. !!! وعلي يضيعه في زحمة الرياض ولا قدر ولا يوم يلحقه .. لكن أهله صدقوه لأنه قال أكثر من مرة إني أروح أحفظ قرآن !!! بس علي ما زال مصر إن فيه شي !!

أما عن خالد وليلى رجعوا .. وليلى .. ما قدرت تمسك شي لأن دانة فتحت عيونها .. !! وتقابلوا أكثر من مرة ليلى ودانة ..

ونرجع للأهم فيصل ودانة .. قرروا يروحون للسعودية ويتزوجون ويرجعون يدرسون ويتمشون ..




× في مطار سدني الصبح .. فيصل ودانة جالسين ينتظرون الرحلة ..
دانة "وهي جنب فيصل " : ياالله والله ماني مصدقة ..
فيصل " يطالعها ويضحك " : لا لا صدقي ..
دانة " تطالعه " : يوووووه بسكن معك ..
× أعلنوا عن الرحلة ..
فيصل "وقف ": يالله ..



× في بيت أم عبد الله .. في نورة في غرفتها وعندها عبد الله ..
نورة "تضحك " : لاااااا خلاص أنا فقدت الأمل مع فيصل وعرفت إنه مل مني بس تدري عبد الله ..
عبد الله "يطالعها " : إيه ..
نورة : والله العظيم مقتنعة مرة إني أنا السبب ..
عبد الله "يبتسم ": حلو إنك تعترفين .. وأنا قلت لك كذا مرة بيمل ..
نورة "تتنهد " : بس مليت أحس اني صرت مثل المعلقة .. فيصل مايبيني .. ومايقدر يقول لأنه خايف من أمه أو بالأصح يحترم أمه مرة
عبد الله "استغرب " : لاااااا وش اللي معلقة هو يدرس ومعذور وإن شاء الله ترجعون أحلى من أول بكثير ..
نورة "تبتسم وباستهزاء " : إيه صح .. يمكن نرجع .. ليش لا ؟
عبد الله : وش فيك أنت شايلة الأمل ..
نورة : أنا اللي أكلمه وأنا اللي أحس فيه .. فيصل مااااال مني مرة ..
×عبد الله ساكت ما عنده تعليق ..
نورة : الله يوفقك .. ويارب ترتاح مع زوجتك ..
عبد الله "يبتسم " : آمييين خلاص ماباقي شي ..
نورة "تطالعه " : يااااسرع الدنيا ..



× في الطيارة ..
فيصل " بصوت واطي " : تدرين دانة ؟
دانة "تبتسم" : وش فيك ؟
فيصل "يتنهد " : والله اني مشتاق لأهلي ومنقهر إني بروح السعودية ولا راح أشوفهم ..
دانة "حست بغيرة " : ايييه عادي وإن شاء الله تعوضها..
× سكت فيصل ......



× في بيت أبو دانة .. أبو دانة صاحي من النوم يآخذ علاجه والتعب باين عليه ومايقدر يرتاح في النوم من التعب والألم ..
أم دانة "تعطيه العلاجه وراحمته " : سم أبو دانة ..
أبو دانة " يتنهد " : والله دانة ما تفارقني أبد ..
أم دانة " ودموعها طلعت " : ياالله مادري ايش راح تسوي إذا شافتك ..؟
أبو دانة : والله أخاف ما تكمل دراستها .. وخايف عليها بس إن شاء الله يتم زواجها وترجع مع زوجها ..
أم دانة : الله يوفقها والله استعجلنا و وافقنا على واحد ماندري عنه بس لأنها مقتنعة فيه ؟؟
أبو دانة : يا بنت الحلال هي تبيه وهي مرتاحة له .. الله يوفقها وأنا مادري متى ربي بيآخذ روحي ,, يآخذها واحد متزوج ولا يطلعون عمانها بكرا يغصبونها على واحد .. الله يتمم لها دام الولد طيب وأنا كلمته وشكله طيب ..
أم دانة " تتنهد " : إيه الله يوفقها ..
أبو دانة " يشرب ماء" : الحمد لله .. × أخذت الكاس .. لاااا وغير كذا فيصل بنفسه شرح لي وضعه وشرح إنه ما ارتاح مع زوجته ولا يقدر يتركها ومتى ما حصل فرصة يقنع أهله إنها يتركها بيتركها ..
أم دانة " مستغربة " : ما تدري يمكن البلا منه .. واكيد راح يقنعك ..
أبو دانة : أنت ادعي ربك يسعدها ويوفقها ..
أم دانة : الله يسعدها يارب ..
أبو دانة : يالله سكري النور .. والله يعينني ..
أم دانة " راحمته " : يالله أخذت مهدي وإن شاء الله تنام ..



×مر الوقت بسرعة ووقت متعب وممل على فيصل ودانة ..

× في مطار دبي .. ودانة تلبس عبايتها وتتحجب بدون غطى .. فيصل طالعها مستغرب .. ليش ماتغطين وجهك ..
دانة "تبتسم " : ليش ؟
فيصل "مستغرب " : وش اللي ليش بنروح السعودية الحين ؟
دانة "تبتسم " : طيب ؟ أنا من الأساس ما أتغطى ولو أنا أتغطى تغطيت بكل مكان ..
فيصل "قاطعها ومتسغرب " : ما تتغطين ؟؟
دانة : إيه حنا عايلتنا كذا .. وقلت لك يمكن راح تكتشف أشياء فينا ..
فيصل " مستغرب " : حرام .. طيب ..
دانة " تبتسم " : لا مو حرام ..
فيصل : إلا حرام .. غطاء الوجه واجب ..
دانة : لاااااا مو حرام وغطاء الوجه والكفين جائز .. إذا عندك أدله أنا عندي أدله مو تمسكون حرام ولا تقرون ولا شي .. وترا النقاش هذا ممل وراح يفتح لنا باب للمشكلة ..
فيصل " انقهر " : طيب أنا بعايلتي عيب .. وشلون أدخلك على عايلتي بالساهل ..

× دانة انقهرت وأسكتت ..

× فيصل أسكت وحس بالقهر .. ومصدوم ..

× دانة تطالعه .. يالله شكله أخذ عني فكرة .. والله أخاف يهون ..










دانة للحين ما تدري عن أبوها يمكن ما ترجع ويمكن تهون عن فكرة الزواج لأن أبوها أهم شخص في حياتها..!! وفيصل اكتشف شي في دانة والخافي أعظم .. ممكن أفكاره فعلاً ما تتوافق مع أفكار دانة مثل ماقالت لها مشاعل .. !! هل الزواج راح يتم .. !!

× دانة واقفة عند الباب .. منصدمة من شكل أبوها ولا شعره فيه .. وصاير جلد وعظم يالله معقولة .. !!! ساكته .. أبوها طاحت دموعه .. قربي يبه ضميني .. × دانة ساكته .. والدموع على وجهها ..


ليت المرض فيني ولا فيك ياأبوي *** وليت العمر يهدى لأهديك عمري ..



قربت دانة وتحس بشي جواها ماتقدر توصفه قهر .. وحسرة ..وحزن من شكل أغلى إنسان عندها.. وضمته وهي تبكي .. وتشاهق من البكي .. أبعدت عنه .. وتشوفه .. وتطالع أمها اللي تبكي ,, ماما ليش ما قلتوا لي ؟؟
أم دانة " تمسح دموعها وسكتت شوي " : مانبيك تشيلين هم والحمد لله على كل حال ..
أبو دانة : الحمد لله .. يبه أنا بخير ..
دانة "نزلت راسها والدموع مالية وجهها وبهدوء ": ايه بخير .. !! × تسترجع أحلى لحظاتها مع أبوها .. تسترجع أيام الدلع ..ومستحيل أي إنسان يعوضها حب أبوها وعطفه ..
أبو دانة " يطالعها " : كيفك يبه ؟
دانة " تطالعه ومنصدمه " : كنت بخير .. الحين لا ماني بخير ..

× أم دانة جالسة على كرسي جنب السرير .. ومو قادرة تتكلم ..
دانة " مسكت يد أبوها وباستها ودموعها تطيح على يده " : عسى ربي يخليك لي .. والله مابي دنيا أنت مو فيها ..
أبو دانة " حط يده على رآسها ويمسح " : هذا قدر ومكتوب يا يبه .. والحمد لله ..
أم دانة "بهدوء" : يالله يمه روحي ارتاحي أنت توك جاية وتعبانة ..
دانة : لا يمه بجلس عند الغالي .. مشتاقة له .. خليني ..
× سكتوا ..
دانة " بهدوء" : طيب قولوا لي السالفة .. والله قلبي ناغزني من زمان لا تطمنت وحاسة إن فيه شي ..






× فيصل سكن في شقة .. قريبة من بيت أبو دانة ..وتعبآآن وعلى طول نآآآم لما وصل .. !!






× نورة في غرفتها .. تكلم مستشار في العلاقات الزوجية تبيه يساعدها .. طيب لو سمحت ممكن لو أولد يرجع لي مثل أول ..
المستشار : إن شاء الله .. يا سبحان الله فيه رجال يتعاطفون مع نسائهم إذا ولدوا ويرحمونهم وممكن يحبها إذا جابت له الولد ..
نورة : يارب .. طيب تنصحني بشي بعد ..
المستشار : تبتعدين عن النكد .. تقابليه بابتسامة دائماً .. تغيرين بشكلك .. إذا أمرك تبتسمين .. لا يجي وأنت نايمة .. سوي اللي هو يبي خليك دائماً مطيعة بعيدة عن العصبية وخليك مرحة ..
نورة : يعطيك ألف عافية .. والله ماقصرت ..
المستشار : الله يعافيك .. ومثل ما قلت النكد العدو الأول للرجل .. وحاولي تبتعدين عنه..
نورة : إن شاء الله .. يالله مع السلامة ..
المستشار : مع السلامة بالتوفيق ..


× سكرت الجوال.. ياااارب ينفع معاه .. يااارب .. نزلت من السرير بتطلع ووقفت .. وتناظر شكلها بالمرآية .. يوووه وينك يافيصل تشوف بطني وتلمسه .. والله راح تنبسط وأنت تحس بالبيبي يتحرك .. ياحياااااتي أنت ..








× دخلت دانة غرفتها .. قفلت الباب .. ورمت نفسها على السرير وتبكي .. ياااااااالله كل هذا صار ولا أدري .. دانة تبكي والتعب بعد السفر والإرهاق وفوق كل هذا الصدمة لما عرفت عن المرض .. وإنه خلاص بأي وقت ممكن أبوها يرحل ويتركها .. ويبعد عنها للأبد وتودع عيونها أصدق الناس .. وأوفاهم وأطيبهم قلب وأحنهم .. تبكي بقهر .. والدموع ماراح ترجع الصحة والعافية لأبوها .. تبكي رجل مو أي رجل .. تبكي أصدق نصيحة تسمعها أذنها .. وأحلى كلام.. !! دانة تمنت إنها موجودة وتعطيه كبدها .. وتمنت إنها موجودة تواسيه وتخدمه ,, تمنت كل شي لأنه بحاجتها وشكله يقول إنه قريب بيودع الدنيا .. × تفكر .. مين راح يعوضني ؟؟ مين راح يتحملني .. لمين أشكي بعد الله .. لمين أفضفض .. يااااااااارب تشفيه .. يارب تطول بعمره .. نامت وهي غرقانة بدموعها ..










× يوم جديد في استراليا .. خالد وليلى يفطرون .. على طاولة الطعام ..
ليلى " تطالعه وبتطنز " : ماشاء الله فيصل راح بنفس رحلة دانة .. والله صدفة وأدوخ على الصدف اللي كذا ..
خالد "يطالعها " : أنت وش دخلك بالناس .. خلي الناس بحالهم ..
ليلى " رفعت حاجبها " : طيب .. بنشوف هالصدفة وش تسوي .. الله يعينك يا نورة ..
خالد "مستغرب" : طيب تدرين إني سألت فيصل .. ولا قلت لك ..
ليلى " انهبلت " : يااااااشينك .. ما لك داعي تسأله ..
خالد : صديقي .. وقهرتيني أنت بعد ..
ليلى : بس حتى ولو اللي بيني وبينك ما تقول له ..والله انك تقهر ..
خالد "يضحك " : ويقول الحريم ذولي عليهم سواليف .. يقول وش فيها شاكة خبلة مرتك .. والله فشلتيني ..
ليلى : ما أحد قال لك قل له .. بس جد مالك داعي ..
× خالد بينه وبين نفسه .. والله مادري وشلون أتستر عليك يا فيصل راح تبين السالفة بعدين ..







× الساعة 5 الصبآح في السعودية .. فيصل توه مخلص مصلي .. × والله نفسي أشوف أهلي ومشتاق لهم حرام بالسعودية ولا أشوفهم .. يارب تعينني .. قام فيصل بيرجع ينام .. استرخى ع السري ويفكر .. يفكر.. ومشتآآآق لأهله .. !!






× دانة مسترخية على السرير .. وماسكة جوالها تكتب مسج .. يالله لازم ترضى يافيصل وش أسوي ؟؟ ..





× فيصل غفى وصحاه صوت المسج .. يالله مين ؟؟ أخذ الجوال يقرا المسج ( كيفك فصولي ؟ إن شاء الله تمام .. بقول لك موضوع زواجنا لازم نأخره لأني يمكن ماأرجع استراليا وبعتذر الفترة هذي لأني رجعت والدنيا متغيرة وبابا مريض بالمرض الله يكفيك شره ودعواتك وأشوفك على خير ) ياااالله يارب تشفيه .. بس وش أسوي جاي وتارك دراستي عشان أتزوج وآخر شي أرجع ما سويت شي ,, يكتب لها مسج ..





× دانة وهي جالسة بسريرها .. ولامه رجولها لبطنها والجوال جنبها .. وصوت المسج وصل ,, ( الله يشفيه يارب ويخليه لك ..بس صعبة والله أنا جيت وخليت دراستي أسبوعين أرجع كذا أقل شي نتملك عشان نآخذ راحتنا ) يااااالله يافيصل رايق والله أنا فيني هم كبر الجبل وأنت تبينا نتزوج ,, وش أسوي ..؟؟


× دانة طق بااب غرفتها ,, وقامت تفتح ,,
أم دانة : إيه أشوى صاحية ,,
دانة "وتبتسم وهي حزينة" : إيه قايمة لي ساعة كذا وأصلي..
أم دانة " جلست على طرف السرير " : اسمعي يمه .. أنا وأبوك تكلمنا عن موضوعك .. وأبوك يبيك تستعجلين ..
دانة " تقاطعها " : لا ماما ما أقدر والله نفسيتي تعبآآنه .. أجلوها ..
أم دانة " تطالعها " : يمه أبوك حالته صعبة ويقول أخاف عليها من عمانها بكرا .. أضمن حياتها دامي حي ..
دانة " سكتت شوي " : بس والله صعبة ..
أم دانة "تطالعها " : يا يمه أنت تملكي وسوي اللي تبينه ..
دانة "تتنهد " : أخاف والله يآخذني فيصل معه وأبوي محتاجني ..
أم دانة "تبتسم " : لا يا يمه بيتفهم ..
دانة "سكتت شوي : طيب اللي تشوفونه بس ماراح أسافر ..
أم دانة "وقفت " : طيب يمه نامي أنت .. وحاولي إنه يستعجل لأنه الولد عاجب أبوك مرة ..
دانة "بابتسامه " : إن شاء الله .. × طلعت أم دانة ..





× فيصل منسدح بفراشه طآآآير النوم من عينه .. وخاف دانة تطير منه .. والهواجيس توديه وتجيبه .. !! يطالع جواله .. والمسج وصله .. فتحة بسرعة ( سوري والله أزعجتك .. بس اللي تبيه يصير وأي وقت تبي نتملك ونرتاح ونآخذ راحتنا أنا حاضرة ) فيصل ابتسم .. ويكتب مسج ( أنا بجي اليوم وأسلم على أبوك ونحدد الوقت اللي هو يبي )





× دانة وصلها المسج .. ابتسمت .. والله توقعت إني راح أكون مبسوطة .. بس صار الموضوع يالله خلينا نسرع بكل شي عشان عمانك .. وأبوي وصحته أنساهآآآ يعني أفكر في نفسي !! وإلا أفكر بمين ؟؟!!! بس يالله أتملك وأرتاح ..







× راح الوقت بسرعة .. نورة وأمها جالسين في الصالة..
نورة "تطالع أمها" : دقيت عليه ألف مرة مقفل ،مقفل .. ياربي والله أخاف فيه شي..
أم عبد الله : دقي على ليلى شوفي يمكن يدرون وينه ..
نورة "ابتسمت": يوووه مادري شلون ماجتني الفكرة .. !! × اخذت جوالها تدق .. تطالع أمها .. هلا ليلى ..
ليلى " خالد عندها" : هلااااا وغلا ..
نورة : كيفك ؟
ليلى : تمام الحمد لله أنت كيفك ؟
نورة : بخير ياربي لك الحمد .. شوفي ماأقدر أطول بس بسألكم عن فيصل أدق ومقفل جواله ..
ليلى: إيه الحمد لله والشكر ماوصل ؟
× خالد طالعها منهبل ؟؟؟؟
نورة "استغربت " : وصل وين وصل ؟؟
ليلى "تشوف خالد ومستغربة " : السعودية .. والله فيصل راح يقول عشانك ..
نورة "انهبلت " : لاااااا أكيد فيك شي أنت ؟؟
× خالد سحب الجوال وقفل بسرعة ..
خالد "بعصبية" : غبية أنت ؟
ليلى " مستغربة " : وش فيك ؟ تسأل عن زوجها ؟؟
خالد : ماعليك منهم بحريقة هو وزوجته ؟؟
ليلى "عصبت " : والله فيه شي مو طبيعي إذا دقت نورة بقول أنا فاهمة السالفة خطأ أحسبه بالسعودية × دق الجوال ..
خالد : قولي لها أمزح وإلا أي شي .. × ردت .. هلا نورة ..
نورة " مستغربة " : وش فيك ؟
ليلى "تضحك" : الله يآخذ ابليسه الجوال تسكر من نفسه ..
نورة : طيب أنت تقولين فيصل جاي ؟
ليلى " تضحك مجاملة " : ياااااعمري أنت أمزح معك بشوف وش تقولين .. لا هنا وتوه خالد جاي من عنده ..
× خالد سرحان .. والله مادري وش أسوي فيك يافيصل ؟؟
نورة " تتنهد " : الحمد لله ريحتيني أهم شي يصير بخير .. والله يخليك قولي لخالد يقول له يفتح جواله ..
ليلى : إ ن شاء الله يالله ماأطول عليك ..
نورة : يالله مع السلامة ..
ليلى : مع السلامة .. × سكرت وتطالع خالد .. كيف فيصل ودانة عساهم مبسوطين ؟؟
خالد "يطالعها " : وش تبين توصلين له بالضبط ؟
ليلى : ترا علاقتهم حرام خلهم يتزوجون أبرك لهم ..
خالد "مستغرب " : وأنت وش دخلك يالملقوفة ؟
ليلى : صفق له بس حرام عليكم .. ياكرهكم صدق مالكم أمان .. ودانة وحدة جد مالها أمان ..
× خالد سكت وخلاها ..
ليلى "تطالعه وهي معصبة " : بس نفسي أنبه نورة المسكينة .. !!
خالد "عصب" : خلاااااص اسكتي ..
ليلى : طيب بسكت بس إذا كبرت بتكلم ..
× خالد سكت وخلاها مرة ثانية لأنه مايدري وش يقول..






× أم عبد الله ونورة .. !!
نورة : والله غريبين ؟
أم عبدالله : زوجك أصلاً مو طبيعي وبس ..
نورة "تطالع أمها ": لا طبيعي بس هو تجيه حالات يقفل جواله يطفش من كل شي أفهمه مرة فيصل ..
أم عبد الله : الله يستر منه بس ..






× فيصل وهو راكب تاكسي.. لا قبل مر بنك الرياض اللي قريب من هنا الله يعطيك العافية..
االسواق : حاضر أخوي ..
فيصل : إن شاء الله ما تتعبون مرة ..
السواق "يضحك " : ههههههه لا أكيد تعب يعني تعرف طول اليوم تعب وندور رزقنا ..
فيصل : الله يعينكم جد تعب .. الله يرزقك يارب ..
السواق : وعندي العيال واجد الله يخليهم والحريم 3 ومصاريف ..
فيصل "يضحك " : الله يعينكم مادري ليش تضغطون على أنفسكم وخاصة الزواج بأكثر من وحدة ..
السواق : هذي الدنيا ومكتوبين العيال بس أنصحك ماتزوج أكثر من وحدة × يمزح
فيصل "ابتسم " : إن شاء الله ..

× سكتوا شوي .. ووصلوا البنك .. حاسبه فيصل ونزل ..
يمشي بيدخل البنك .. ويوقفه صوت واحد .. فيصل .. فيصل .. × فيصل انصدم ..
أبو سعد "صديق أبو فيصل " : ماااااشاء الله يالله حيه ..
فيصل "منحرج " : هلا والله ابو سعد .. × سلم عليه ..
أبو سعد : بشر عنك ؟
فيصل : الله يسلمك بخير والله أنت كيفك وكيف العيال ؟
أبو سعد : الحمد لله كلنا بخير .. أبوك أمس وأنا معه ولا قال لي إنك جيت ولا شي يقول توك على الجيه ..
فيصل "انحرج " : إيه ايه .. وشلونك أجل ؟
أبو سعد : تمام الحمد لله ..
فيصل : أنا والله مستعجل يا أبو سعد عندي كم شغله بخلصها واشوفك على خير ..
أبو سعد : الله يساعدك .. يالله مع السلامة وسلم على الوالد ..
فيصل : يآصل .. × راح فيصل .. من وين طلع لي هذا الله يآخذ ابليسه ..




× أبو سعد × يدق على أبو فيصل .. يكلم نفسه الحين يقول لي توه على الجيه ..
هلا أبو فيصل ..
أبو فيصل : هلا هلا ..
أبو سعد : مهوب أمس تقول لي توه فيصل ماعنده نية يجي ..
أبو فيصل " يضحك " : الله يصلحك يا أبو سعد وش عندك ؟
أبو سعد : توي شايف فيصل عند البنك مادري وشوله تضحك علي من حينك تستخف بي ..
أبو فيصل "مستغرب " : ولدي ؟
أبو سعد "بتطنز" : لا ولدي ؟ إيه ولدك ؟
أبو فيصل : ههههههههههههه تأكد الله يصلحك أنت وهاللقافة ..
أبو سعد : والله إني تو سلمت عليه .. وسولفت شوي معه ..
أبو فيصل : يا ابن الحلال مخطي ولدي باستراليا ..
أبو سعد "عصب " : أقول لك والله إني مسلم عليه تبي أروح أدوره أنا قريب من المكان اللي هو فيه ؟
أبو فيصل : وخر بس وش تدور الله يصلحك ..
أبو سعد " بعصبية " : كيفك ترا ولدك جاي بس ماتدري عنه ..
أبو فيصل : طيب مع السلامة بس داق تقول لي إنه جاي ..
أبو سعد : إيه وخر مع السلامة ..


× سكر أبو فيصل الجوال ..
أم فيصل " تطالعه " : وش عنده الملقوف ؟
أبو فيصل " يضحك " : ملقوف أبو سعد الله يصلحه يغالطني يقول ولدك تو سلم علي ..
أم فيصل " تضحك " : هههههههههه ما عقل هو وكذبه ؟
أبو فيصل " يضحك " : والمشكلة كبر الجبال وإلا مستخف ..
أم فيصل : هههههه يا حليله .. بس نكته هالرجل ..
أبو فيصل : أبد يوسع صدرونا بالاستراحة ..





× في بيت أبو دانة .. دانة تساعد الشغالة بترتيب المجلس والتنظيف .. شوفي مسحي الطاولة زين وأنا بطلع لبابا طيب ..
الشغالة : طيب ..


× طلعت دانة .. من المجلس ,, وراحت لغرفة أبوها .. × دخلت وهي تبتسم .. يالله بابا تقوم تجلس هناك فيصل شوي ويجي ..
أبو دانة " يطالعها " : يالله يبه .. × وقف أبودانة .. وجسمه تعبان
دانة "قربت ومسكته ومشت معه " : الله يخليك لي يالغالي ..
أبو دانة : ويخليك يارب ويوفقك .. × رن جرس البيت ..
دانة " قلبها طاح وتصوت للشغالة .. ناني .. ناني .. روحي افتحي الباب بسرعة ..
× دانة دخلت أبوها المجلس وطلعت .. دخل فيصل لابس ثوب وشماغ وكااااشخ ع الآخر .. السلام عليكم ..
أبو دانة "يطالعه " : وعليكم السلام .. × وبيوقف ..
فيصل "بسرعة " : استريح استريح ياعم × باس رآسه ..
أبو دانة : ياهلا وسهلا ..
فيصل " جلس " : ياهلا فيك ..
أبو دانة : كيفك إن شاء الله بخير ..
فيصل : الحمد لله الله يسلمك ياجعلك ماتشوف شر وطهور إن شاء الله ..
أبو دانة : الحمد لله والشكر .. ياربي لك الحمد ..





× دانة جالسة بالصالة .. ياااربي والله نفسي أشوفه .. بس فشله .. ايه أحسن إذا تمكلنا إن شاء الله × جت أمها .. خلاص ودينا القهوة ..
دانة : ودتها الشغالة ؟
أم دانة : إيه .. الله يوفقك يمه ..
دانة "تبتسم " : آمين يارب ..





× أم فيصل توها داخله على أختها أم عبد الله وتوها جالسة .. ونورة عندهم ..
أم فيصل "تضحك " : اليوم أبو سعد ياختي هالرجل أحس إنه مسكون ؟
ام عبد الله : بسم الله
نورة : ههههههه وش فيه ؟
أم فيصل : يقول سلمت على فيصل وشفته عند البنك..
نورة "انصدمت عشان ليلى قالت لها بعد" : وشلون ؟
أم فيصل : خبل هالرجل موب صآآحي ..
× نورة سرحت ..
أم عبد الله "تضحك " : بسم الله الرحمن الرحيم .. عليه كذبات ..
نورة " سكتت ......!!!! وحطت ألف سؤال في رآسها ..






× فيصل مبسوط ومرتاح .. والله يشرفني إني أرتبط ببنتك ياعم ..
أبو دانة : تسلم وتستاهل كل خير .. ودانة إن شاء الله تسعدك ..
فيصل "يبتسم " : وإن شاء الله أسعدها وارتاح ياعم لاتشيل همها..
أبو دانة : الله يستر عليكم ويوفقكم ..
فيصل : طيب بكرا نتملك لأن ما معنا وقت والله ..
أبو دانة : اللي يريحك وتشوفه أنت .. أنا خلاص هاللي تشوفني وشلون ..
فيصل : الله يعطيك الصحة والعافية ..







× نورة راحت تشكي لأخوها ..
عبد الله : معقولة ؟
نورة : يعني أول شي قلت يمكن صدفة بس الحين لا والله أتوقع فيه شي مو طبيعي ..
عبد الله "يطالعها ويفكر " : لالالالا ماني مصدق وش يبي يجي للسعودية الحمد لله والشكر أنت وأبو سعد حتى صرتي مثله اللهم لك الحمد ..
نورة "والدمعة بعينها " : طيب ليش من أمس أدق على جواله مقفل ؟
عبد الله : صدف في صدف ؟؟ وين المشكلة طيب أقول لا توسوسين وروحي اجلسي عند أمي وخالتي ..
نورة "تتنهد ووقفت " : والله ماني مرتاحة ..
عبد الله "يضحك " : نورة تكفين بلا حركات مالها داعي ..روحي بس الله يهديك ..
نورة : طيب تشوف مصير الأيام تبين ..







× راح الوقت بسرعة .. فيصل رجع للشقة .. وجالس بالصالة .. الحين مادري وش راح يسوي هذا أبو سعد ؟؟!! والله شكله فضحني ؟ وأخاف أنكشف وبكرا الملكة وينكشف كل شي ,, الله يستر بس ومتى أرجع لاستراليا أفتك..




× دانة جالسة عند أبوها .. وهي مرررة مبسوطة .. أنت ارتحت بابا؟
أبو دانة : الرجال مسكت ماشاء الله عليه ..
دانة : الحمد لله أهم شي أعجبك ..
أبو دانة : طيب الرجال والسواليف ثقل وعقل ..
×دانة مبسوطة ..
أبو دانة : بكرا تزيني والبسي خلاص يبه لازم تروحين معه خليني أرتاح ..
دانة "انصدمت وتضحك " : لا بابا وشلون أروح وأنا ماسويت شي ؟ وحتى فستان زواج ماعندي ولا شي سويته ..
أبو دانة "يفهمها " : الرجال متفهم .. ويقول تجهز معي كل شي وعن الفستان البسي أي شي ..
دانة "تضحك " : جاد ؟؟ لالالالا مستحيل ألبس أي شي خله بكرا ملكة وانا غسلت فستان حلو عندي أجلس معاه وبس ..
أبو دانة : الله يصلحك بس لازم تجهزين خرابيطك هذي عشان تروحين تدرسين؟؟
دانة : باااااااابا وش فيك ماني رايحة استراليا بعتذر وشلون أروح وأنت تعبآآآن ؟
أبو دانة : لا مافيه اعتذار بتروحين الأسبوع الجاي جهزي نفسك بس أنامافيني إلا العافية والرجال تارك دراسته وتقولين بقعد لا بتروحين وأنا ماأبيك تأجلين ..
دانة : الله يخليك أبي أجلس عندك
أبو دانة "يقاطعها " : يا يبه أنا ماراح أدوم لك ومصلحتك أهم اسمعي كلامي والله تندمين بكرا ..
دانة "طاحت دموعها " : بس أبي أجلس عندك والله ماأقدر ارتاح وأنت كذا ..
أبو دانة "يتنهد " : حتى أنا أبي أشوفك .. وراح ترتاحين إن شاء الله واسمعي كلامي أنا أبوك وأبي مصلحتك ..
دانة "منزلة راسها وتطيح دموعها " : يااالله والله أحس إن فيه نآآآآر جوا ..
× أبوها سكت ..





× نورة منسدحة بتنام .. مسكرة النور وعلى الإضاءة الهادية .. !! وتفكر .. والله كلام عبد الله صح خييير إن شاء الله يجي وش عنده !! بس لالالا أكيد فيه شي .. نورة نامت والوساويس توديها وتجيبها ..!!




× فيصل وهو منسدح بينام .. والله يا نورة لو تدرين راح تقلبين الدنيا علي .. بس الله يعين ويارب ماتدرين مالي خلق مشاكل ..ويارب تريحني إذا تزوجت دانة ..




× في بيت أبو فيصل .. علي ومحمد في الغرفة ..
علي "جالس على طرف السرير " : أنت راح تتعب أمي وأبوي معك ..وكأن عقلك مو براسك ؟
محمد "منسدح" : لا براسي وأنت اللي عقلك موبراسك الله يهديك بس ..
علي : حتى دراستك أهملتها .. سبحان الله مافيه عائلة تكتمل لازم يطلع واحد مخه مضروب ..
محمد "عصب" : وش تبي الحين ؟ خلاص ياخي اتركني ..
علي "بهدوء" : بخليك ..
×دخل أبوفيصل عليهم.. وش عندكم ؟
علي : يبه ولدك طويل لسان .. ماتعرفه ..
أبو فيصل : الله يهديك يامحمد .. خلاص احترم اللي أكبر منك .. ترا الإسلام أمرنا إننا نحترم اللي أكبر منا مو تآخذ اللي تبيه وتخلي اللي مايعجبك .. الله يصلحك ..
محمد "غطى وجهه باللحاف" : أقول خلوني أنام بس ..
أبو فيصل "يطالع علي " : للأسف ماقدرت أربيه صح ..
علي سكت ..
×طلع أبو فيصل ..

............................


مرت الساعات بسرعة وراحت الليلة على الجميع كما هي !!




وأخيراً ..
صارت ملكي وحدي !!
وأخيراً ..
سوف أعانق قلبها !!
وأسمع نبضاته !!
..

يامن لونتي حياتي بألوان الفرح ..
وعانقتي نجوم سمائي بحبك..
أحبك ..
فهذا قلبي لك ..
اجعليه بين ضلوعك ..
حبيبتي
أحبك ..



فيصل "يطالعها " : أعجبتك الهدية ؟
×دانة ترفع رآسها ومعها البطاقة ..
دانة "تضحك " : مررة روعة ..والله ماني مصدقة أخيراً صرت زوجتك ..
فيصل "يطالعها " : بس وش هالزين وش هالحلا ..
× لابسة فستان أحمر ماتكلفت فيه.. والشعر رافعته بتسريحه ناعمة الخصل على وجهها والمكياج مررة هادي ..
دانة "استحت " : عجبتك ؟
فيصل "يبتسم " : أكييييد كل هالزين ولاتعجبينني ..
دانة " نزلت رآسها " : شكراً ..
فيصل : ههههه تسلم هالشكراً .. مبروووك ألف مبروووك دنو ..
دانة : الله يوفقنا يارب وراح اسعدك ..
فيصل "يطالعها" : هاه غيرتي رآيك تجين معي استراليا ؟
دانة : والله مادري بس بابا يبي أروح أكمل ..
فيصل : شوفي حبيبتي اللي يريحك .. بس ترا قلبي بيموت من الشوق ..
دانة : بسم الله على قلبك .. بحاول أجلس انا لأني مثل ماقلت لك أكييد بابا يحتاجني وتعرف الأيام هذي مرة قلبه مو ملكه
فيصل : الله يشفيه يارب .. ويعينه .. وأنت واللي يريحك ياقلبي ..
× دانة ابتسمت .. وتشوفه ..
فيصل : وش فيك تشوفينني ؟
دانة " تبتسم " : أنت أحلى بالزي السعودي مرة خطير عليك .. والله شكل الغيرة بدت عندي
فيصل : ههههههههه ياحياتي أصلاً ماراح أشوف غيرك وفيه أحلى منك ..
دانة "بدلع " : فيييييصل والله أستحي ..
فيصل "يطالعها" : يااااحظي فيك .. ياحبي لاستراليا اللي جمعتني معك .. يازين الحب الحقيقي ..
دانة "انتبهت لكلمته " : يعني أنا حبي حقيقي والباقي خرابيط ..
فيصل : كلللللللهم خرابيط أنت الأساس ..

× انبسطوا فيصل ودانة .. وأحلى أيام حياتهم يوم ملكتهم .. اجتمع قلبين حبوا بعض !!!




× نورة تبكي .. عند أمها بالصالة .. بس يمه والله قاهرني أقلها يتصل يسأل عني .. هذا وأنا حامل حتر الرحمة مارجمني
أم عبد الله : وش بيدي أسويه يمه .. أكلم اختي أقول لها .؟. والله ما ودي أقلقها ..
نورة " والدموع تطيح " : والله يافيني قهر ونكد وقرف مايدري فيه إلا الله كله منه .. ياليتني ماعرفته ..
أم عبد الله "تتنهد وتهون عليها" : لا حول ولا قوة إلا بالله العلي العظيم .. اذكري الله .. واكيد فيه شي يمكن جواله خربان يمكن فيه الف شي كله علمه عند ربي ادعي ربك إنه يرجع مثل أول استغفري .. الحين يمه قومي وتوضي وصلي لك ركعتين ادعي ربك ..
نورة " تبكي " : الله يعينني بس ..





× دانة بالصالة هي وأمها .. ماما والله عسسسسسل ومرة انبسطت معه ..
أم دانة "تضحك " : يااااااقلبي أنت توك لا تفرحين تحسبين كل أيامك كذا .. ولا تحكمين عليه بأول يوم تملكتوا فيه ..
دانة " سكتت شوي " : طيب مامي افرحي لي موب تخوفينني ؟
ام دانة : ما خوفتك بس لاتصيرين خبلة ..
دانة "وقفت " : طيب ..× تضحك .. يالله خلينا نروح لبابا أكيد يبينا ..



× فيصل رجع الشقة وجلس بالصالة وفتح التلفزيون ونفسه يطير من الوناسة حاس بشعور غريب براحة بكل شعور حلو .. ورفع للصوت التلفزيون على العربية .. ومرجع رآسه على الكنب .. ويسمع الخبر بالعربية .. ياااالله يارب تستر .. × دق على دانة .. أهلين حبيبتي .. شوفي العربية فيه خبر تفجير بالرياض .. أوكي شوفوه .. لالالا عاجل توه مابينوا تفاصيل ولا شيء ..


× في بيت أبو فيصل .. أم فيصل واقفة هي وعلي .. وأشكالهم مو على بعضهم أبد ..
أم فيصل "تبكي ": والله قلبي مو مرتاااااااااااح أبد .. أحس بطني مو معي وكلي بطيح من الخوف واللي يعافيك دور أخوك ؟
علي : يايمه سألت عنه بكل مكان .. سألت حتى بالاستراحة اللي يروح لها .. × دق جوال علي .. هلا يبه .. لا والله محمد مارجع .. إيه سمعنا الخبر .. الله يستر ..
أم فيصل "جلست على الكنب وتبكي " : والله ماني مرتاحة رجولي مو قادرة تشيلني .. ياااااااارب تستر علينا .. ياااااارب تخلي لي وليدي .. ياااااحي ياقيوم ترجعه .. يالله ياكريم إنه مو ولدي .. × تبكي ..
علي "جلس جنبها " : يمه وش فيك ؟ اذكري الله ..
أم فيصل "تطالع علي " : يا وليدي اقرا لي الرسالة اللي هو مرسل لك ..
علي " فتح جواله " : السلام عليكم .. علي سلم على أهلي كلهم وقل يسامحونني ويحللونني وترا الدنيا فانية اتقو الله أحبكم .. !!

× شهقت بقوة تبكي وكأنها فاقدة الأمل .. تبكي ولد برئ ماله ذنب يضحك عليه !! تبكي قطعة منها وهذا حال كل أم مرت بنفس التجربة,,!! حسبي الله عليهم حسبي الله عليهم إذا ولدي صار فيه شي ..
علي : لا إله إلا الله يمه .. اذكري الله ..
أم فيصل " تبكي " : ارفع لصوت التلفزيون يمكن يجي خبر ..
علي " قام يطول للتلفزيون ..
× جت منار .. تطالع علي ومنهبلة من بكي امها .. علي وش فيكم ؟
علي : ولا شي روحي نامي بس ..
منار "جلست على الكنب وتشوف أمها " : علي وش فيكم ؟
علي "عصب " : خلاص اسكتي ..
منار "سكتت ورحمت امها وطاحت دموعها " ...!!


× راح اليوم ولا فيه ولا خبر عن محمد ...!!! وأهله كلهم مو على بعضهم عدا فيصل اللي غايب عن الدنيا ولا يدري عن شي .. !!




× فيصل يكلم دانة قبل ينام..

فيصل " بهدوء " : لاااا ياقلبي الزواج مستحيل أعلنه الحين ..
دانة "بدلع " : طيب وين المشكلة إذا أعلنته خلاص .. لا تخاف من أحد ولا يهمك أحد الشرع حلل لك أربع ..
فيصل : ههههه المسألة مو مسألة أربع .. أنا أحترم أمي ورايها يهمني .. ولا ودي أجرحها لأن زوجتي بنت اختها ..
× دانة انقهرت لما قال زوجتي ..
دانة : طيب أنا زوجتك بعد .. ماعليه اعلن الزواج ..
فيصل "يقاطعها " : دانة دانة اسمعيني .. حنا مو اتفقنا حول الأمر هذا و وافقتي خلاص ,, الحين مو وقته .. بعد ماودي أجرح نورة وهي حامل ..
دانة " حست بنار من الغيرة " : يووووه كل ماقلت شي قلت نورة .. خلاص احترمني شوي ..
فيصل "استغرب" : وش فيك أنت ؟
دانة "بعصبية " : ما تحس بالشعور إذا جبت طاريها خلاص فيصل احترمني ولا تجيب طاري زوجتك أبي كأننا اثنين لحالنا مافيه أحد معنا ..
فيصل " يتنهد " : بس لازم تتعودين على طاريها ياقلبي ..
دانة " بهدوء " : طيب الله يعينني ..
فيصل "بهدوء " : تغارين ؟
دانة " بدلع " : إيه ومرة بعد ..
فيصل : هههههه طيب أنا مررررة دخت بنام ..
دانة : أوكي تصبح على خير ..
فيصل : وفكري زين ترا زوجك محتاجك في الغربة ..
دانة : إن شاء الله ..
فيصل : مع السلامة حبيبي ..
دانة : مع السلامة ..

× في بيت أبو دانة .. الفجر ع الساعة 3 .. أبو دانة يتألم من التعب .. وأم دانة ما تقدر تسوي شي ..
أبو دانة : صبي لي ماء يامريم ..
أم دانة قامت تصب له ماء ..
أبو دانة : والله تعبت ..
أم دانة " تطالعه وتمد كاس الماء" : قلت لك روح للمستشفى ..
أبو دانة : خلاص مافيه حل ..وش يسوون فيني ؟
أم دانة " رحمته " : الله يكون بعونك ..
أبو دانة "شرب الماء" : خلاص انتهيت أنا والله ماأقدر ..
أم دانة " تتنهد ": يالله ارجع نم ..
أبو دانة " انسدح " : وأنا بيجيني نوم .. وفيه أحد يهنى له النوم والمرض فيه .. الحمد لله .. الحمد لله ..
أم دانة "طاحت دموعها " وانسدحت .. الله يعينك ..
× أبو دانة ماقدر ينام إلى صلاة الفجر .. خلاااااص المرض قضى عليه .. ينتظر يومه ويدعي ربه يرتاح ..


؛؛؛؛؛




× في بيت ابو فيصل .. أم فيصل .. تصلي الفجر .. وتدعي ربها يرجع لها ولدها .. !! أبو فيصل جالس على طرف السرير .. خلصت مصلية أم فيصل .. وتمسح دموعها ادع معي يا أبو فيصل ..
أبو فيصل " يطالعها " : الله يرجعه لنا بالسلامة .. والله اني ماقدرت أنام بالي معه ..
أم فيصل " تتنهد " : حسبي الله عليهم ..
أبو فيصل سمع صوت باب انفتح : لحظة لولوة صوت أحد !! وبسرعة طلع .. لحقته أم فيصل .. !!








× علي شافهم .. يصوت يبه .. يبه .. التفت أبو فيصل .. نعم
علي : وش فيكم ؟
أم فيصل " بسرعة " : من اللي فتح الباب
علي : أنا ..
أبو فيصل "يتنهد " : يااالله نحسبه أخوك جاء ..
× طاحت دموع أم فيصل ..
علي : الله يرجعه لنا بالسلامة ..
أم فيصل " تبكي " : اللهم آمين ..
× رجعوا .. والقهر باين عليهم .. والحسرة لأن ما بيديهم شي يسوونه .. !! أم فيصل ما قدرت تنام ودموعها على خدها .. وتدعي ربها يرجع لها ولدها .. !!






× الساعة 10 .. فيصل صاحي ويسوي له فطور يغني .. احكي لي بغيبتي شقد تغيرتوا ويدندن وطربان ع الآخرومبسوط .. سوا الفطور وجلس على طاولة الطعام .. بسم الله .. بدا يآكل الساندويتش .. قطعه صوت الجوال .. يااااالله بفطر يا دندونه .. قام وراح يرد .. أهلين حبيبتي ..
دانة " بصوت هادي " : صباح الخير ..
فيصل : ياصباح الورد .. كيفك ؟
دانة : والله اشتقت لك ..
فيصل "يضحك " : أمس وأنا عندك ؟
دانة "بدلع" : بس والله اشتقت وش أسوي ..؟؟
فيصل " وهو يمشي راجع المطبخ " : حتى أنا مرة اشتقت لك حبيبتي .. ودك أجي اليوم .. × دخل المطبخ ..
دانة : امممم أبي أطلع للسوق ..
فيصل "مستغرب " : وش عندك ؟
دانة : ماعندي لبس حلو كله مالة منه .. وأنت هالأسبوع وشوي اللي باقي بتصير عندي ..وأبي أتزين لك ..
فيصل " جلس ع الكرسي .. يتنهد " ": ماعليه البسي لي أي شي أبوك ياقلبي لا تطلعين وتخلينه وأنت بعد يمكن تروحين معي ماتدرين ؟
دانة : لالالا خلاص قررت ماراح أروح معك ..
فيصل : لا بتروحين .. على كيفك هي وأنا مكتوب علي أروح بدون زوجة .. خلاص الحين زوجتين وعلى الفاضي ..
دانة "تضايقت " : أنا زوجتك الحين بس ..
فيصل "استغرب " : لا كلكم ..
دانة "تقاطعه وبدلع " : فييييييصل والله أغااار ..
فيصل "ابتسم " : ياقلبي على اللي يغارون .. أنا الحين وش مقعدني ورا ماأجي أشوفك وأشوف الدلع بعيني ..
دانة "بدلع" : يوووه استحيت والله ..











× في بيت أبو فيصل .. أبو فيصل .. وأم فيصل .. وعلي ومنار في الصالة ,, وجو الهدوء والحزن معهم .. !!
× دق جوال أبو فيصل .. كلهم يطالعون ..
أبو فيصل " اللهم اجعله خير " : وعليكم السلام ,, × سكت شوي ................ !!!!! وشلون .. !!! × × تقفل الخط ..!!
أبو فيصل "نزل يده اللي ماسكة الجوال وتنهد ..
أم فيصل "بسرعة " : هاه في خبر عن ولدي ؟
أبو فيصل "يتنهد " : هذا اللي كنت خايف منه ..
أم فيصل "بكت " : وش فيه ولدي ؟
أبو فيصل " يتنهد " : ممسوك ولدك وين راح يكون ؟
× علي انصدم ..
أم فيصل " تبكي " : حسبي الله على اللي ضيع ولدي .. حسبي الله عليهم .. حسبي الله عليهم ..
أبو فيصل " بصوت تعبان " : لا حول ولاقوة إلا بالله العلي العظيم ..
علي " طاحت دموعه وقام .. .. .. !!
منار الحقت علي .. علي علي ,,
علي "بهدوء " : نعم منار وش تبين ؟
منار "ببراء" : وش فيكم ؟
علي "سكت شوي" : محمد مسجون ,,
منار "شهقت ودمعت عيونها : وش يسوون فيه ؟
علي " مسك كتفها " : روحي صلي وادعي ربي يطلعه ..
منار " بكت " : طيب أنا أبيه أحبه ..
علي : كلنا نحبه .. روحي سوي اللي قلت لك يالله ..
× طاحت دموع البراءة .. !!









× في المديرية العامة للمباحث .. في مكتب العميد يوسف
× دخل عليه الملازم تركي وحيّاه ..
العميد " يطالعه " : تفضل وش فيه أخبار جديدة ؟
الملازم : يا طويل العمر .. محمد عبد الرحمن اللي مسكناه أمس فيه أخبار جديدة وراح تفيدنا إن شاء الله باكتشاف الكثير ..
× العميد يطالعه ..
الملازم : محمد له أخو جاي من استراليا بوقت التفجيرات .. ومن خلال ما توصلنا له إن أهله مايدرون عن جيته ..
العميد : يعني جيته ماهي طبيعية ..وبوقت التفجيرات
الملازم : أبداً .. وخاصة إنها سرية .. على كلٍ اليوم بنبدأ البحث عنه .. وراح نعمم على كل المطارات ..
العميد : شوفوا شغلكم ..








× فيصل جالس بالصالة .. وأخذ جواله .. يكلم نفسه .. يالله أكلم أمي وإلا ما أكلمها .. والله مشتاق لها .. × جت فباله فكرة .. صح تيلفون البيت ما فيه كاشف رقم ,,







× في بيت أبو فيصل ..
أم فيصل وأبو فيصل بالصالة .. أم فيصل تعبت من البكي ..!! .. رن تيلفون البيت .. أبو فيصل رفع السماعة ..
فيصل : السلام عليكم ..
أبو فيصل " بتعب " : وعليكم السلام ..
فيصل : وشلونكم ؟
أبو فيصل " يتنهد " : الحمد لله أنت وشلونك ؟
فيصل "استغرب صوت أبوه " : الحمد لله تمام .. وش فيه صوتك ؟
أبو فيصل : مافيني شي يا أبوي .. بس تعبان شوي ,,
فيصل : الحمد لله خفت فيكم شي ..
أبو فيصل : لا الحمد لله وشلون أجواء استراليا ..
فيصل : حلوة تعالوا عشان تزين استراليا ..
أبو فيصل "بحزن" : ايييييه ..
فيصل " حس ان فيه شي " : يبه عندك أمي بسلم عليها ..
أبو فيصل " يطالع أم فيصل " : أمك نايمة ..
فيصل "استغرب" : نايمة ؟ أمي تنام الظهر ؟
أبو فيصل : ايه تنام ..
فيصل : طيب أدق عليها اليوم مع السلامة ..
أبو فيصل : مع السلامة .. × أبو فيصل حط السماعة ..
أبو فيصل "بهدوء" : شك إن فيه شي ..
أم فيصل " طالعته " : ايه أحسن لا يدري عن شي خله بدراسته ..
أبو فيصل : الله يوفقه ويخليهم لنا ..










× في بيت أم عبد الله ..أم عبد الله و نورة وعبد الله ..
نورة : طيب يمه كلمتي خالتي ..
أم عبد الله : لا والله ما كلمتها ..
عبد الله : كلميها شوفي جاهم أخبار ..
أم عبد الله : والله إنها مو على بعضها .. شوي وأدق عليها ..
× دق تيلفون البيت .. رد عبد الله .. وعليكم السلام ..
فيصل : كيفك عبد الله ؟
عبد الله " مستغرب " : تمام بس من معي ؟
فيصل : هههههههه ماعرفتني ..؟
عبد الله : ههههه فيصل وش فيه صوتك ؟
× نورة طاح قلبها .. وحست انها ترتجف ,,
فيصل : مافيه شي .. كيفك ؟
عبد الله : والله تمام .. وش عندك داق على الثابت ؟
فيصل : كذا ما تعرفني .؟
عبد الله " استغرب" :عليك خطمات بعد ..
فيصل : طيب يالمملوح عندك زوجتي ؟
عبد الله : ايه .. هاك اياها ..
نورة " تطالعه " : لا بروح أرد من تيلفون غرفتي ..
عبد الله " يضحك " : طيب يالله بسرعة ..


× راحت نورة وقلبها يرجف من الشوق لأغلى إنسان عندها .. دخلت الغرفة ..
نورة : ألو .. × سكر عبد الله ..
فيصل " حس انه مشتاق " :يااااااهلا بهالصوت ..
نورة " الدمعة طلعت " : وينك ؟ حرااااام عليك يافيصل والله قلبي تقطع ..
فيصل : موجود يعني ويني ؟
نورة " تتنهد " : والله العظيم أبد مو على بعضي ومرة مشتاقة لك .. ارحمني على الأقل ..
فيصل " رحمها " : حقك علي .. كيفك ؟
نورة : منيحة .. ماشي حالي .. يعني فيصل وش رايك ؟,, حمل وقلق وشوق وكل هم في الدنيا فيني ..
فيصل " استغرب" : وش فيك ؟
نورة "بكت " : فيصل والله أحتاجك .. أكبر غبية يوم تركتك ..
فيصل "رحمها " : يااااقلبي أنا معك .. خلاص خلاص .. × يتنهد ..
نورة "تبكي ": وش تبي أسوي لك عشان ترجع لي مثل أول والله لا أسوي ..
فيصل "أنبه ضميره " : أبي سلامتك يالغالية ..
نورة " وصوتها الحزين " : فيصل يعني تحسبني ما أحس ,, ولا أنقهر على كل شي سويته .. والله منقهرة إني طيرتك من يدي وأتمنى ترجع فيصل اللي تدق علي باليوم مرتين من الشوق ..
فيصل : برجع برجع بس اذكري الله .. مو إذا دقيت عليك بس تبكين..
نورة : وش أسوي ,, ؟؟ والله مليييييييت من عيشتي ..
فيصل " يتنهد " : خلاص راح تنحل إن شاء الله ..
نورة " هدت شوي " : طيب كيفك ؟
فيصل : تمام الحمد لله ..
نورة : كيف الدراسة ؟
فيصل : زينة الله يعين بس ..
نورة : ما اشتقت لي ..
فيصل " ابتسم " : إلا مرررة مشتاق .. ودي أشوفك وأنت حامل ..
نورة " مستغربة " : يوووه غريبة أول مرة تقول لي ..
فيصل " يضحك " : بشوف وشلون صار شكلك ..
نورة : نفسي أروح أشوف هو بنت وإلا ولد ..
فيصل " يدخل عليه انتظار وسكت شوي " : لالا خليها مفاجأة أحسن ..
نورة : إيه أنا أقول كذا ..
فيصل : طيب قلت أسلم عليك ,, وعلى البيبي ..
نورة : تسلم ولا تقطع ..
فيصل : لا تخافين .. ×بسرعة .. يالله مع السلامة ..
نورة : مع السلامة ..
× قفل بسرعة .. ورد على دانة .. هلا دانة ..
دانة : وش فيك انتظار ؟ من اللي يعرف رقمك ؟
فيصل " بسرعة " : أكلم نورة ؟
دانة "انقهرت " : يووووه وشلون تكلمها من رقم سعودي ؟
فيصل : دقيت على البيت .. وأظن وأنا مو متأكد إن ما عندهم كاشف .. وبعدين عادي يصير فيه خلل بالاتصالات الدولية وأقول مو رقمي ..
دانة " بغيرة " : طيب ليش تقول لي إنك تكلمها .. احترمني وكم مرة أقول لك احترم مشاعري ..
فيصل " بحيرة " : يعني أكذب ؟ تبينني أكذب ؟
دانة " سكتت شوي " : ايه إذا نورة هذي .. تكذب ..
فيصل "انقهر يوم قالت هذي " : طيب لا تقولين هذي ؟
دانة "استغربت " : لااااا تدافع عنها ؟
فيصل" عصب " : أنت أخطيتي بدافع عنها ..
دانة : ما أخطيت .. أو ماشاء الله طلع اللي في القلب ..
فيصل " بعصبية " : وش فيك أنت خبلة ؟
دانة " عصبت " : إيه إذا بتجيب طاريها خبلة ..
فيصل : أقوووول أنا عصبت وإذا عصبت تراني أفقد عقلي لذلك قفلي لا أقفل بوجهك ..
دانة "انهبلت من اسلوبه " : لاااااااا وهي الدنيا سايبه تقفل بوجهي .. × بعناد .. قفل والله ماتشوف رقمي ..
فيصل "استغرب اسلوبها " : طيب أنت وشوله داقه ؟
دانة : بسلم عليك اشتقت ماتبي أشتاق ؟
فيصل "بهدوء" : طيب ممكن تقفلين تعكر مزاجي ..
دانة " تتنهد " : تعكر المزاج ؟ طيب أكلمك بعدين .. مع السلامة ..
فيصل : مع السلامة ..
× فقل فيصل .. والله البنت قوية الله يذكرك بالخير يانورة أقفل ولا تقولين شي .. !! من أولها قوية .. × طلع زقارة .. أهدي أعصابي أبرك لي من هالحريم ..









× في بيت أبو دانة .. أم دانة بغرفة دانة ..
أم دانة "جالسة على الكرسي " : أمس دقت علي زوجة عمك ناصر ..
دانة " جالسة على السرير " : وش عندها ؟
أم دانة : تقول صدق دانة بتتزوج واحد متزوج .. قلت لها إيه ,,
دانة " تبتسم " : أكيد راح تنقهر ..
أم دانة " تضحك " : بس خلاص ربي ماكتب لا تدق ..
دانة " تبتسم " : صادقة والله ..
أم دانة " تتنهد " : ياعمري أبوك اليوم الفجر ماقدر ينام والله ياجاه ألم مو طبيعي ؟
دانة " رحمته " : يااااعمري طيب قولي بنوديك المستشفى حاولي فيه ..
أم دانة : ما يبي .. يقول مليت منهم والله العظيم اليوم الفجر شكله مايطمن وتعبان مرة..
دانة "نزلت من السرير " : بروح أكلمه ..
أم دانة " تتنهد ": يارب تعينه ..
دانة " تطالعها وتمشي بتطلع " : يووووه لازم يروح ..
أم دانة " وهي تمشي " : هالحين أكيد نام .. ما ينام بالليل ..
× مشوا للغرفة ..
× فتحت الباب شوي شوي دانة ودخلت .. وشافت أبوها نايم وطلعت ..
دانة "بهدوء" : نايم ياقلبي عليه ..
أم دانة : الله يعين يا يمه .. أبوك مرررة تعبان ادعي له يمه ادعي له ..
دانة " سرحت " : وش راح يصير فينا لو يصير فيه شي ..!!
أم دانة : الله يجعله تكفير عن ذنوبه ..
دانة : آميييييين × تتنهد .. ماما ماني مرتاحة بدخل عليه مرة ثانية..
× رجعت دانة تفتح الغرفة .. وقربت للسرير .. ودخلت وراها أمها ..
دانة "بهدوء" : بابا .. بابا .. بابا ..
أم دانة " استغربت وقربت " : أبو دانة ..


دانة " حست بشي غريب وهزت كتفه " : بابا .. × التفتت على أمها وبخوف .. ماما ما يتحرك ..
أم دانة " قربت تهزه " : أبو دانة .. × على انسداحته يرجع .. ما يتغير ..
دانة " بكت وصرخت " : وش فيه ؟؟؟؟ تكفين شوفي وش فيه ؟
أم دانة " تهزه والدموع طاحت " : أبو دانة .. تسمعنا؟ ..

× دانة طلعت بسرعة وراحت لغرفتها .. تدق بالجوال .. وهي تبكي .. فيصل بابا ماندري وش فيه.. تكفى تعال بسرعة .. يالله الله يخليك..

× رجعت دانة وكأن الدنيا سوداء قدام عيونها .. وتصرخ وهي تبكي.. دخلت الغرفة .. ماما تكفين حركيه ..
أم دانة " تبكي " .. .... !!
دانة " راحت عن أبوها " : تكفى رد ..
× جت الشغالة .. انصدمت .. وش فيه بابا ؟؟
دانة " التفتت عليها " روحي افتحي الباب الحين بيجي فيصل بسرعة ..
أم دانة " راحت تدق على الإسعاف " ......!!
× دانة طاحت بالغرفة .. ياااااااااارب تخلي لي ايااااااه يااااااااااارب تخليه .. يااااااارب مالي غيره .. وتبكي ..






× دخل فيصل .. انصدم من شكلها .. قومي دانة قومي اذكري الله ..
دانة " تمسك يد فيصل " : الله يخليك فيصل شوف وش فيه ما أبيه يموت ,, الله يخليك × تبوس يده .. تكفى شوف وش فيه ..
فيصل "رحمها " : طيب طيب ,, قولي لا إله إلا الله ..
× دانة تضرب الأرض .. ياااااااااارب يااااااارب ..
أم دانة " هي تعرف حالة أبو دانة .... ومتوقعة الخبر بأي وقت ..× تبكي .. فيصل جت سيارة الإسعاف ..
× فيصل أخذ دانة وودها للغرفة وأمها راحت .. فيصل راح يدخلهم عشان يشيلون أبو دانة .. !!

× يعني ايش راح نتوقع من حالة بنت مدلعها أبوها ع الآخر وتفقده بلحظة !!..
عطاها الحب والحنان والعطف .. وعطاها قلب صافي .. !!
عطاها الثقة في نفسها .. وهو السند لها بهالدنيا .. وهو كل شي ..
إذا فقدته فقدت أعز إنسان .. !!





× أخذوه للمستشفى .. فيصل بس اللي راح .. دانة وأمها بالبيت ..
دانة " تبكي بغرفتها " : تكفين ادعي له ..
أم دانة : يارب تخليه لنا .. يارب ما تحرمنا منه .. ياحي ياقيوم ..
× حالة ما يعرفها اللي عايشها !!!!!!!!!!!!




× في بيت أم عبد الله .. نورة وأمها في الصالة ..
نورة " واقفه ولابسه عبايتها " : يمه وين عبد الله .. والله قايلة لي الخياطة إذا ما جيتي بطلع مشغولة ؟
أم عبد الله "جالسة " : والله مادري قبل شوي مريته بالغرفة يقول الحين أنزل أظنه يكلم ..
نورة "عصبت " : ياربي منه الحين ماباقي شي على زواجه ويكلم ذبحنا ..
× جاء عبد الله ينزل بسرعة .. وش فيك وش فيك ؟ ياأختي كيفي أكلم زوجتي ..
نورة "تضحك " : يالله يالله بس ودني بسرعة ..
عبد الله : يا سلام يالعريس تكرفونه قبل عرسه ..
أم عبد الله : ههههههه وليش بس ما تنكرف .. ؟
عبد الله : دلعوني لو على آخر أيامي عندكم ..
نورة " تضحك " : دلعناك لما قلت بس ..








× في بيت أبو فيصل .. أبو فيصل وأم فيصل بالصالة .. × رن جرس البيت ..
أبو فيصل " تنهد " : اللهم اجعله خير .. × يصوت .. علي علي ..
× علي جاء بسرعة .. سم يبه ..
أبو فيصل : رح شف من عند الباب إذا صار من خوياي قل نايم ..
علي : أبشر ..




× راح علي يفتح الباب ..



أم فيصل "بحزن " : يارب فيه خبر عن ولدي ..
أبو فيصل : خلااااص انسي الله يستر علينا بس .. ويرجع لنا محمد بالسلامة ..

× دخل علي .. يبه الشرطة عند الباب يبونك ..
أبو فيصل " قام ويتنهد " : اللهم اجعله خير هاليومين ما راح يعدون على خير ..
× أم فيصل خافت ..





× طلع أبو فيصل .. وسلم عليهم ..
الملازم تركي : ولدك فيصل وينه ؟
أبو فيصل "مستغرب " : ولدي فيصل باستراليا ؟
الملازم تركي "بحده " : لمصلحتك ومصلحته وينه ؟
أبو فيصل "مستغرب بقوة " : والله ولدي باستراليا ..
الملازم تركي "بصوت قوي " : ياعم ولدك فيصل له أسبوع تقريباً بالسعودية ..
أبوفيصل "مستغرب " : والله مادري ,, !!
الملازم تركي : طيب ممكن نفتش البيت ..؟
أبو فيصل " يطالعه " : معكم إذن ؟
الملازم "طلع الورقة " : تفضل ..
أبو فيصل "انقهر " : لحظة بس أبلغ الأهل ..


× دخل أبو فيصل ... وقال لأم فيصل البسي عبايتك وإلا ادخلي أي مكان بيفتشون الشرطة بيفتشون ..
أم فيصل "استغربت " : وش فيه ؟
أبو فيصل : سوي اللي قلت لك الحين بسرعة ..




× في بيت أبو دانة ..أم دانة ودانة بالغرفة ..
أم دانة تكلم أختها أم إبراهيم .. هاه إبراهيم طلع ؟
ام إبراهيم : إيه الحين اكيد وصل المستشفى ..
أم دانة "تبكي " : ادعي له يا أوخيتي ..
أم إبراهيم : الله يخليه لكم يارب ..
× دانة أزعجت فيصل بالاتصالات .....






× في المستشفى .. فيصل ينتظر الدكتور ومعاه إبراهيم بعد ماسلم عليه وعرف بنفسه .. !! ؟؟؟؟؟ ويدق جواله وشاف إنها دانة ولا رد .. × طلع الدكتور


فيصل " طالعه " : هاه دكتور طمنا ..
الدكتور "تنهد " : يعني حالته كانت مرة صعبة .. والحمد لله على كل حال راحة له من المرض ..
فيصل "انصدم " : يعني ؟؟
الدكتور : البقاء براسك ..
إبراهيم " يتنهد " : لا حول ولا قوة إلا بالله العلي العظيم ..
الدكتور : مين قريبه ؟
إبراهيم : أنا يا دكتور راح أهتم بكل شي .. × التفت على فيصل .. خلاص فيصل روح للبيت قول لهم ..
فيصل : الله يجزاك خير ..




× فيصل .. حس هم على قلبه وصدمة .. هو ما عرف أبو دانة .. ولا جلس معه إلا مرة أو مرتين بس عرف إنه أب حنون ورجل طيب وكبيرالقلب .. !! انصدم وشلون راح يقول لبنته المسكينة وأمها اللي مالهم إلا ثم هو .. ×جاء فباله .. ياسبحان الله من وين طلعت لك يادانة عشان أصير سبب تشوفين أبوك في أيامه الأخير قبل يودع الدنيا .. فيصل يمشي وباله مع حبيبته وشلون راح تتلقى أسوأ خبر.. !!







× في بيت أبو فيصل .. خلصوا مفتشين ..وعند باب الشارع ..
الملازم : عم إذا تدري عن ولدك وتسترعليه ترا مو لمصلحتكم أبد ..
أبو فيصل : والله ماندري إنه بالسعودية ..
الملازم : طيب وإذا دريتوا وين مكانه بلغونا ..
أبو فيصل : حنا معكم ..
الملازم : مع السلامة ..
أبو فيصل : مع السلامة ..

× دخل معصب .. يالله متى جاي فيصل للسعودية ..
أم فيصل " استغربت ": فيصل بالسعودية ؟
أبو فيصل " بعصبية ": إيه ..
أم فيصل " بكت " : ياربي وش صاير فيهم عيالي ..؟
علي : متى جاء ؟
أبو فيصل : طلع أبو سعد ما كذب ..
أم فيصل : لا إله إلا الله .. ياربي تعيننا ..





× في بيت أبو دانة .. فيصل وأم دانة ودانة ..
فيصل "توه داخل يطالعهم " : ادعوا له ,,
دانة "صرخت " : لا فيصل لا تقولها ..
أم دانة " بكت .....
دانة " راحت لفيصل وتمسكه" : أبوي وينه ؟
فيصل " مسكها " : ادعي له .. × دانة طاحت .. وتبكي .. بس ماينفع !!!
فيصل " طالعهم وماتحمل وطلع ..... !!


× دانة استرجعت أحلى ذكرياتها .. مع أبوها الغالي .. استرجعت شريط ذكريات ما توقعت هذا اليوم أبد .. آآآه يالغالي .. !! دانة تمنت يومها قبله .. لكن القدر أكبر منها ..وأكبر من الجميع .. زوّجها ورحل .. !! بس أم دانة ايش راح يصير فيها !!













× فيصل رجع لشقته .. وضايق صدره مرة .. يالله اليوم الصبح وهي تسولف معي ولا كأن راح يصير هذا الشي .. والحين الله يعينهم .. القدر أقوى من كل شي ,, طلع زقارة .. واسترخى على الكنب .. ويسترجع منظر دانة .. ياااالله معقولة متعلقة فيه لهالدرجة .. × فيصل بحياته ماشاف كذا مواقف ..وبطبعه حوم ..!!



× راح اليوم أسود على دانة وأمها وحتى أخوان أبو دانة .. كان طيب مع الكل .. كان حنون بمعاملته مع الجميع وكأن الكل عياله .. بس ياسبحان الله الطيب .. !! إبراهيم كان متأثر لأنه يعده مثل أبوه .. الكل فقده حتى فيصل حس إنه فقده مع انه ماجلس كثير لكن عرف إنه طيب .. دانة نامت ووسادتها غرقت بالدموع .. !! أم دانة .. مع إنه تعبان وتعبها في أيامه الأخيرة تتمناه يرجع .. !!








× يوم جديد .. الظهر في السعودية .. !!
×فيصل كالعادة يدخن بالصالة بعد ما تغدى .. × تذكرإنه قايل لأبوه بيكلم أمه ,, يااااالله والله بعذري لو نسيت أمس يوم غريب . × طلع جواله .. × دق .. رد أبوه .. هلا يبه ..
أبو فيصل " يتنهد " : هلا فيصل ..
فيصل : وشلونكم ؟
أبو فيصل " معصب " : طيبين ,,
فيصل : وش فيك ؟
أبو فيصل "بعصبية " : أنت وينك ؟
فيصل "انهبل " : ويني يعني يبه ؟
أبو فيصل " بعصبية " : لا تكذب علي يافيصل .. من وين جبتوا المصايب أنت وأخوك ؟؟
فيصل " خاف يحسبه دري إنه متزوج " : وش فيك يبه ؟
أبو فيصل : أدري إنك بالسعودية ..
فيصل " استغرب " : طيب يبه ,, ايه أنا بالسعودية ..
أبو فيصل "عصب ": خلااااص بتقضون علي وأنا حي .. لابارك الله فيك ولا بأخوك ..
فيصل " يتنهد " : وش فيكم ؟ منهو أخوي ؟
أبو فيصل : مسوي نفسك ماتدري أصلاً من يوم جبت له اللاب توب وأنا عارف إن ماوراك إلا البلاوي ..
فيصل " مايدري وش السالفة " : يبه اصبر وفهمني أي لاب توب أي بلاوي ..
أبو فيصل " استغرب " : فيصل لا تسوي نفسك ما تدري عن شي جاي للسعودية بالسر ومساعد محمد وتقول لي أي بلاوي ؟ كل اللي صار من تحت رآسك محمل أخوك الضعيف شي أكبر منه .. بس ودي أدري من اللي خربكم .. وأنا ربيت وتعبت ..
فيصل " قطعه " : يبه والله ماأدري وش السالفة .. قسماً بالله ماأدري فهمني .. اذكر الله وفهمني ..
أبو فيصل " تنهد " : فيصل أنت ماتدري عن شي ؟
فيصل "يفهم أبوه " : يبه صح أنا بالسعودية بس مادري عن شي ولا أدري عن محمد من زمان ماكلمته ..
أبو فيصل " بهدوء " : اسمعني بيتنا مراقب .. ولا تجي أنا أجيك بس قل وين مكانك وأجيك ..
فيصل " انهبل ": مراقب ؟
أبو فيصل : إيه كله منك وجيتك اللي مو بوقتها أبد ..




× في بيت أم عبد الله .. أم عبد الله ونورة بالصالة..
أم عبد الله : لازم أروح لها اليوم والله اللي صار لها شي مو هين أمس قلت أخليها تآخذ راحتها هي وأبو فيصل الحين ماأقدر ماأتحمل بروح لها ..
نورة "دمعت عينها " : يااااااعمري ياخالتي بروح معك ..
أم عبد الله : ايه ياليت يمه نوسع صدرها .. ودي أروح لها الحين وأجلس عندها إلى العشاء ..
نورة : قولي لعبد الله ..بسرعة قبل ينام ..
أم عبد الله :ياربي منه ونومه .. يمه روحي قولي له مع اني بتعبك بس مالي خلق أرقى روحي له أنت ..
نورة " وقفت " : من عيوني .. بس أهم شي نهون على خالتي المسكينة






× في شقة فيصل .. فيصل وعنده أبوه .. توه داخل ..
فيصل " يتنهد " : والله ما أدري وش أقول لك الجية خاصة يبه أنت اللي قل لي وش سالفة محمد ..؟
أبو فيصل : محمد من ضمن اللي لهم يد بعملية التفجير اللي صارت ..
فيصل " انصدم " : لاااااا ياااالله .. بس صغير محمد توه .. وأنا طيب وش دخلني ؟
أبو فيصل "يضحك بسخرية " : يعني جاي بالسر وبوقت التفجير وأخوك له يد .. يعني بيخلونك بالساهل تروح ؟ ولا إله إلا الله يعني مسكت معك تجي السعودية إلا بوقت التفجير ؟
فيصل " طالع أبوه ومستغرب " : يعني أنت شاك فيني ؟
أبو فيصل "بسرعة وبعصبية " : إيه شاك فيك .. وش عندك تارك دراستك وجاي .؟؟ وأخوك مو طبيعي ؟
فيصل " يضحك ومستغرب ": أنا وش دخلني ؟
أبو فيصل " بعصبية " : من اليوم أقول لك وش عندك جاي ؟ وتونا ندري عن جيتك وتعطيني ألف كلمة ؟ إذا أنا أبوك مادري وشوله جاي ؟ يعني ماتبيهم يشكون ؟
فيصل " يتنهد ": يبه افهمني .. أنا الحين مصدوم من اللي صار لمحمد .. وتراه أخوي ..
أبو فيصل "بعصبية " : فيصل .. بسرعة قل لي وش عندك جاي ؟
× سكت فيصل ..
أبو فيصل : شوف إذا ماراح تقول أنا بسلمك ,, أنا ماعندي استعداد أتحملكم وأنتم بهالشكل ..
فيصل " بهدوء" : يبه .... × سكت شوي .. بصراحة جاي أتزوج ومالي ومال الإرهاب والتفجير ..
أبو فيصل " استغرب " : تزوج ؟
فيصل : إيه .. وخلاص تزوجت ..
أبو فيصل " انصدم وسكت " ...
فيصل " بعصبية " : يبه أنتم اللي حديتوني ..
أبو فيصل " يضحك بسخرية " : لاااااااا والله عرفت أربي .. بيض الله وجهك ..
فيصل " سكت ....
أبو فيصل " نزل رآسه " : من تزوجت ,,, ؟
فيصل " بهدوء " : وحدة معي باستراليا وجينا نتزوج ونرجع ..
أبو فيصل " يطالعه وبتطنز " : ماشاء الله عشقتها ؟ سعودية ؟
فيصل ,,,,,, سكت ,,, ايه
أبو فيصل " يتنهد " : وش أقول لأمك الحين .. وش أقول للي يدرون إنك بالسعودية .. ؟ يااااااااالله .. شقى ..
فيصل " نزل رآسه " : والله مشكلة أنا مالي ذنب باللي صار لمحمد ..
أبو فيصل " بعصبية " : أنا مصدقك .. بس لو تقولها للمباحث ماراح يصدقونك ؟؟ يعني بتقول والله جاي أتزوج ؟ بالله عليك بيصدقون .. يعني وافقت تزوج بالأسبوع اللي صار فيه التفجيرات.. ماراح تدخل روسهم بالساهل يالرومانسي .. × بتطنز ..جاي أتزوج ..
فيصل : أنا بقول لأمي ..
أبو فيصل : يقالك بتريحها .. لا ارهابي أهون من انك تزوج على نورة عندها ..
فيصل : لازم أقول لها ..
أبو فيصل "قام " : أنا بقول لها بطريقتي .. عطني رقمك..
فيصل : عطني جوالك أخزنه ..
× أخذ جوال أبوه وكتب الرقم
أبو فيصل "أخذ جواله " يالله مع السلامة ..
فيصل " وقف " : مع السلامة .. وخل أهلي يجون ..
أبو فيصل : أشوف إن شاء الله على حسب حالة أمك ,,
فيصل : طيب ..

× طلع أبو فيصل ..

× فيصل حس هموم الدنيا على رآسه يااااااااااالله معقولة محمد .. جلس على الكنب وطلع الباكيت .. وطلع زقارة .. × يتنهد .. آآآآه بس .. وش هالمصايب اللي جت مرة وحدة .. يالله يا محمد.. وأنا وش راح يصير فيني ؟؟؟ ودراستي ؟؟ يااااااالله ..





× في بيت أبو فيصل .. أم فيصل وأختها أم عبد الله بالصالة .. كلهم يبكون .. ونورة بالمطبخ مع الشغالة
أم عبد الله : والله إني انقهرت يوم دريت بس الله يعينك وأنا أختك وادعي ربك ..
أم فيصل " وهي تبكي " : الله يرجعه والله انه مايفارق بالي .. لا وأمس جوا الشرطة يدورون فيصل .
أم عبد الله "استغربت " : وش فيه فيصل ؟
أم فيصل " بصوت واطي " : طلع بالسعودية ولا ندري عنه .. وشاكين فيه ..
أم عبد الله " بحيرة " : وش عنده بالسعودية ؟
أم فيصل : والله مادري بس شفتي وشلون جت مرة وحدة ..
أم عبد الله " مستغربة " : طيب ليش ماجاء يسلم على مرته المسكينة اللي كل يوم دمعتها على خدها ..
أم فيصل " تتنهد " : والله ماأدري .. بعد لا يصير مع أخوه وإلا وشوله جاي بالسر إلا فيه شي .. × تبكي .. والله إني بموت من القهر ..
أم عبد الله ... سكتت .. وسرحت ..
أم فيصل " بصوت واطي ": واللي يسلمك لا تقولين لنورة شي ..
أم عبد الله : وأنا خبلة .. بنتي والله ما أقهرها ..

× جت نورة .. وهي تبتسم .. هذي أحلى قهوة لأحلى أم فيصل ..

×تبتسم أم فيصل .. وبينها وبين نفسها .. ياقلبي قلبك يانورة طايرة فيني عشان هالولد اللي مايستاهلك .. المقرود مقرود ..




× في بيت أبو دانة .. أم دانة ودانة .. والصالة مليانة حريم .. × دق جوال دانة وقامت ..
دانة "بصوت تعبان " : هلا فيصل ..
فيصل : أنا جيت عند الرجال إذا بغيتوا شي قولوا لي ..
دانة : إن شاء الله ..
فيصل : مع السلامة ..
دانة : مع السلامة ..



× فيصل باله مو معه .. خايف من كل شي .. خايف من السالفة اللي طلعت له .. آخر يوم يجي للعزاء ومع انه أول يوم .. فيصل قلقان .. وبأي وقت بيمسك !!!





× دانة دموعها تطيح وهي ماتدري ..!! تسرح وتتذكر أبوها .. والدموع تطيح وحالتها تنرحم قربت لها جدتها " أم أمها " قومي صلي وادعي ربك .. × قامت تصلي العصر .. ودخلت غرفتها ورمت نفسها على السرير .. وتبكي .. يالله بعد شوي بتصير تحت التراب .. يااااااااااالله × دق جوالها كان على السرير .. أخذته وشافت إنه فيصل وردت .. هلا فيصل ..
فيصل " بهدوء" : كيفك ؟
دانة " تبكي " : فيصل دفنتوه ؟
فيصل : إيه ..
× بكت بقوة .. ورمت الجوال .. آآآآآآآآآه .. حطت رآسها على السرير وتبكي ..
× فيصل قفل ,, !!!






× في بيت أبو فيصل .. أبو فيصل وعلي بالمجلس ..
علي " استغرب " : جاي يتزوج ؟
أبو فيصل : إيه الله لا يبارك فيه ..
علي " يطالع أبوه " : غريبه .. والله مسكينه مرته ..
أبو فيصل " يهز رآسه " : اي والله مسكينة أشوفها قبل شوي تسلم علي وكأني معطيها الدنيا كلها عشانه وهو تزوج عليها ..
علي : يالله ليش سوا كذا ..
أبو فيصل : أخوك ما يستحي ولا يقدر أحد .. أقل شي لو عشان أمه ..
علي : وش راح تسوي أمي لو تدري ,,
أبو فيصل : والله مادري شلون أقولها

× دخلت عليهم أم فيصل .. السلام عليكم ..
× كلهم / عليكم السلام ..
أم فيصل "تطالع أبو فيصل " : شفت فيصل ؟
أبو فيصل : إيه وسألته وطلع ماله دخل بسالفة محمد أبد وعلى الله يتركونه ويتفهمون إن ماله دخل ..
أم فيصل "استغربت " : وش عنده ؟ وليش ماجاء يسلم علينا ؟
أبو فيصل " يتنهد " : لا تقلقين روحي عند أختك الحين ..
أم فيصل " تتنهد " : الله يخليك لا يصير بولدي شي ولا تبي تقول والله اللي فيني كافيني ..
أبو فيصل : يابنت الحلال مافيه إلا العافية .. ولدك مفشلنا .. والله مادري وشلون بنقول لمرته ..
أم فيصل " خافت " : الله يخليك تكلم والله طاح قلبي × جلست على الكنب ..
أبو فيصل " بهدوء" : ولدك جاي يتزوج ..
أم فيصل " شهقت " : تزوج ؟
أبو فيصل : إيه تزوج ..
أم فيصل "بكت " : الله لا يعافيه ..
أبو فيصل " يتنهد " : مرته لا تدري ..
أم فيصل " تبكي " : الله يفشله وش أقول لأختي .. ؟
علي : تدري إن فيصل هنا ؟
أم فيصل : إيه تدري ..
أبو فيصل : بعد أنت الله يهديك وشوله قلتي لها ..
أم فيصل : وأنا أدري إنه بيتزوج × وقفت وهي تبكي .. مابي أشوفه ولا يشوفني ..

× راحت .. وهي تقول الله يفشله ..


علي " يتنهد " : وش اللي صاير لنا هاليومين ..
أبو فيصل : الحمد لله على كل حال .. نهون ماجانا من الدنيا شي ..
علي " يتنهد " : الحمد لله ..





× فيصل طلع للشقة .. على وقت المغرب .. وراح الوقت وهو مسترخي على السرير ويفكر بكل شي ..


× أخذ جواله اللي كان على الكومادينة .. وكتب مسج .. ( إلى زوجتي الغالية دانة أدعي الله أن يفرج همك .. أحبك وقلبي معك )



× يفكر ,, ومل من التفكير ,, ومايدري شلون يكمل دراسته .. يعني بجيته هذي تبهذل .. مايدري وشلون يرجع استراليا وهم يدورونه .. كل شي جاء فباله .. وش هالحظ .. !! وأهله عرفوا بالزواج .. !! يالله يارب تعينني ..







× في بيت أم عبد الله ,, نورة توها تسترخي على السرير .. × دخل عبد الله ..
نورة "ابتسمت " : هلا وغلا ..
× جلس على طرف السرير
عبد الله " بهدوء" : نورة أبي أقول لك شي قالت أمي قبل شوي ,,
نورة "ابتسمت " : يا أبو الأسرار قل ..
عبد الله " يطالعه " : بس لا تدري أمي إني قلت لك ..
نورة : يعني أنا أقول لها ؟ قل ,,
عبد الله : فيصل ..
نورة "بسرعة " : وش فيه ؟
عبد الله : بالسعودية ..
نورة " تضحك " : جد يعني جاي مفاجأة ؟
عبد الله " رحمها " : يمكن ..
نورة "انبسطت " : شفت يوم أقول لك إنه بالسعودية ..
عبدالله "يبي يبين لها " : إيه أنت قلتي إنك شاكة ومن زمان قلتي لي قبل أسبوع وشوي ..
نورة "سكتت ": وش قصدك ..؟
عبد الله : فيصل له أسبوع وشوي بالرياض ..
نورة "انصدمت " : جد ؟
عبد الله : إيه .. ولا يدرون وش سالفته ..
نورة " دمعت عينها " : معقولة ولا اهتم يشوفني وأنا حامل ومتحمسة عشانه ..
عبد الله : والمباحث يدورنه شاكين فيه لأنه جاء بوقت التفجير ..
نورة " انهبلت " : بس فيصل ماله بهالأمور ..
عبد الله : إيه بس وافقت إنه بوقت تفجير أخوه ..؟ وبسرية جاي ..؟ أكيد راح يشكون ؟ والله لو هم ايش ؟
نورة " بكت " : بس فيصل أعرفه والله ماله دخل ..
عبد الله " بهدوء " لا تخافين .. وبعدين اسكتي لا تجي أمي ,,
نورة : أمي نامت .. طيب وش عنده جاي ؟
عبد الله " يطالعها " : أنا أخذت الرقم اللي دق منه من الكاشف أمس يوم يدق على باله إن التيلفون مافيه كاشف مع اني ما توقعت إنه بالسعودية .. عطيني جوالك أسجل الرقم .. وكلميه الحين وشوفي وش عنده ..
نورة " عطته الجوال " : سم والله أقلقتني ..
عبد الله " وقف " ولا قلق ولا شي زوجك ومن حقك تعرفين يالله الله يوفقك ..
نورة : طيب .. بتنام .؟
عبد الله : لا بسهر .. بكلم زوجتي
نورة "تبتسم " : طيب ..

× طلع عبد الله ,,


× نورة ماسكة الجوال ,, ياربي والله خايفة أدق وإلا ما أدق ..









× فيصل ما قدر ينام ,, جالس بالصالة .. !! × دق جواله .. شاف الرقم انصدم ,, ياااااااالله نورة وش عرفها إني أنا بالسعودية معقول عرفوا كلهم.. رد ..
نورة " بهدوء " : ألو ..
فيصل : هلا ..
نورة "استغربت الصوت " : فيصل ؟
فيصل : إيه .. أهلين نورة ..
نورة " دمعت عينها " : يعني بالرياض ؟
فيصل "يتنهد " : إيه حبيبتي جاي عشان شغله سرية ..
نورة " بكت " ,,,,,,
فيصل "سكت شوي " : آسف ..
نورة " بهدوء وهي تبكي ": فيصل خلاص واضح إنك ماتبيني ..
فيصل " يتنهد " : نورة لو تدرين شكثر أحتاج لك الحين ..
نورة " بحزن " : خلاص فيصل تعبت من تمثيلك .. والله تعبت ..
فيصل "وصوته تعبان " : نورة افهميني والله أحتاجك .. ونفسي أشوفك ..
نورة "بعصبية ": لا تمثل .. خلااااص اتركني ماأبيك .. حتى ماقلت أشوفها 5 دقايق ..

× فيصل سكت ...


نورة "بقهر" : بس ودي أدري باللي فقلبك لي ..
فيصل "يقاطعها " : نورة أنا بنسجن بأي وقت وما أدري كم بقعد بالسجن وأبي أشوفك لازم أشوفك ..والله لازم ..

نورة "رحمته " : صعبة يافيصل طاب خاطري ..
فيصل : الله يخليك بشوفك أجي الحين إذا تبين ..

× سكتوا شوي ..

فيصل : والله بتندمين يمكن أقعد سنين بالسجن .. ماتدرين ؟
نورة "خافت ماتشوفه " : طيب تجي ؟
فيصل " يتنهد " : المشكلة أكيد بيتكم مراقب ..
نورة " سكتت شوي " طيب وينك أنا أجي أقول لعبد الله يجيبني وبشرط ..
فيصل : آمري ..
نورة : نتفاهم على كل شي وتنحل امورنا ..
فيصل : إن شاء الله ..

× أخذت العنوان .....وطلعوا .. ع الساعة 10 .. نورة من جواها مبسوطة وحاسة بشعور غريب تجاه فيصل بحياتها ما حسته ..!!






× دخل عبد الله ودخلت بعده نورة مبسوطة ويوم شافته نست حتى تعاتبه من الفرحة.. ضحكت وسلمت .. على فيصل ..
فيصل " يطالعها ويضحك ": يالله يانورة تغيرتي ..
عبد الله : من زمان عنها .. شفت البطن بس كيف ؟
فيصل " حن قلبه لها " : ياااااالله والله متغيرة ..
نورة " تبتسم " : محلوه ؟
فيصل " يغمز لها " أكيد ..


ودخل فيصل سوا لهم كافي .. وسواليف حوالي ساعة .. وطلع عبد الله .. !!
نورة جالسة جنب فيصل .. مسك يدها وباسها .. تصدقين شكلك طالع غيييير ..
نورة " نزلت رآسها وسكتت " : فيصل وشوله جاي ؟ أنا ماقدرت أسألك عند عبد الله ..
فيصل "تنهد " : شغل .. وغيري السالفة .. لأني محتاجك ..
نورة " دمعت عينها " : ماني مرتاحة أبد ..
فيصل "يطالعها " : لا ارتاحي يعني ماتثقين بزوجك ؟..

× دق جوال فيصل وطالعه رقم دانة .. وحطه ع الصامت ..
نورة " استغربت " : رد ؟
فيصل : واحد من العيال مو وقته ..



× حست نورة إن فيه شي .. وخاصة إن الجوال دق اكثر من 5 مرات ..!!







× انبسطت نورة هذي الليلة .. وحاسة إنها مالكة الدنيا من الفرحة .. ونومت فيصل بحضنها وقلبها مشتاق ماقدرت تنام بس تشوفه ..










× الفجر .. نورة صحت فيصل ..
فيصل "فتح عيونه ": انبسطتي ؟
نورة "تبتسم " : مرررة ماني مصدقة إني شفتك ..
فيصل "ابتسم وقام .....دخل الحمام .. ونورة جلست تتنظره والجوال على الكومادينة وشافته يدق .. قربت واخذت الجوال وردت .. !! سكتت ..
دانة " بهدوء " : ألو فيصل ..
نورة "انصدمت " ..
دانة "بصوت تعبان " : حبيبي نايم ؟ يالله قوم الصلاة ..
نورة " قفلت ..... وهي مصدومة ..


وتفتش الجوال بسرعة .. وتقرأ الرسائل الصادرة .. وانصدمت (زوجتي الغالية دانة أدعي الله أن يفرج همك .. أحبك وقلبي معك ) ..

رمت الجوال بقوة على الأرض .. !!!!!











دانة مات أبوهآآ !! ونورة عرفت إنه متزوج !!
وفيصل راح يكمل دراسته وإلا لا ؟؟؟ ودانة راح تكمل وإلا لا ؟؟

الجزء القادم يبين لنا .. !!

× فيصل وهو بالحمام .. يصوت .. نورة .. نورة .. وشو اللي طاح .. !!!!!



× نورة منصدمة وجالسة على طرف السرير .. ولا حركة ودموعها ملت وجهها.. !!

× طلع فيصل وقف عند الباب الحمام ويمسح وجهه بالفوطة .. وش فيك حبيبتي ؟

× نورة ساكته ...!!
فيصل " يبتسم " : نورة وش فيك حبيبتي ؟
× فيصل استغرب ,, حبيبي وش فيك أكلمك ؟
نورة " قامت وراحت لفيصل وحطت يدها على فمه " : تكفى حبيبتي لا عاد أسمعها ..
فيصل " حس " : نورة ما فهمتك ..
نورة " بعصبية وبسرعة " : متزوج يافيصل ؟؟

فيصل " سكت ....
نورة " وهي واقفة قدامه وبهدوء و ترتجف " : تكفى تكفى .. خلنا ننتهي بهدوء ,, تعبت منك ..
فيصل " بهدوء " : طيب خلينا نتفاهم
نورة " تقطعه وبعصبية " : ما أبي أتفاهم مع واحد حقير مثلك .. خلاص كل شي انتهى ..
× فيصل انقهر من كلمتها ,,
نورة "طالعته " : طلقني يا فيصل ..
فيصل " بهدوء " : ما أقدر ..
نورة " ترتجف بقوة " : مستحيل أخليك تشوفني بعد اليوم .. خلاص الطلاق أحسن حل ..
× سكت فيصل ..


× أخذت أغراضها من الغرفة بسرعة وراحت للصالة .. ولبست عبايتها وهي تبكي ..وطلعت من الشقة ..
× فيصل واقف بمكانه ما تحرك من الصدمة .. !!!!!










× نورة واقفة عند الشقق وتبكي ,, طلعت جوالها ودقت على عبد الله .. هلا عبد الله .. بسرعة تعال خذني .. × تبكي ,, أقول لك بعدين تعال خذني ..





× فيصل أخذ جواله من الأرض .. وشاف المسج اللي هو مرسل .. !! ×بقهر ... هذا اللي ما توقعته .. !!








× عبد الله ونورة بالسيارة ..
عبد الله : قولي وش فيك طيب ؟جايبتني على هالفجر ؟
نورة " تبكي بقوة " : متزوج ياعبد الله .. فيصل طلع متزوج ..
عبد الله " انصدم " : ايييييش ؟
نورة : مابيه خلاص طاب خاطري منه ..
عبد الله " بعصبية " : وآخذ الدنيا على كيفك هو .. وإلا يحسب إننا رامينك عليه .. جد واحد مايستاهل التقدير..اصبري بس خليني أوديك البيت برجع له وأشوف وش سالفته ..!!؟؟
× نورة تبكي ..







× فيصل صلى وجلس على طرف السرير ومعه الجوال .. × تدق دانة .. رد .. هلا حبيبتي ..
دانة " بهدوء " : وينك ؟
فيصل : نايم وحاط الجوال على الصامت ..
دانة : يااااه يا فيصل ما اتفقنا الجوال ما تحطه ع الصامت ..
فيصل " ماله خلق ": المهم .. اليوم الصبح بجيك أبيك ضروري ..
دانة " استغربت " : وش فيك ؟
فيصل : يابنت الحلال إذا جيت قلت لك .. يالله أنا بنام شوي ..
دانة " استغربت " : طيب مع السلامة ..
فيصل : هلا .. × وقفل الجوال ..



× استرخى على السرير .. يااااالله وش راح يصير ؟ ؟ و وشي هالمشاكل اللي جت مرة وحده ؟ ياااااالله .. فيصل بدا يسترجع شريط ذكرياته مع نورة وخاصة أول ليلة معها .. كان ماسك يدها .. ويقول
أوعدك إني راح أفتح لك قلبي ..
نورة " مستحية وتبتسم ..
× سكتوا شوي
فيصل " يطالعها " : ما توقعتك بهالحلا × يبتسم ..
نورة "بهدوء" : أعجبتك ؟
فيصل " بصوت واطي " : أكيييد .. × أخذ يدها وحطها على قلبه .. تحسين بنبض قلبي ..
نورة " تطالعه " : إيه ..
فيصل : هذا ما راح يسكنه غيرك ..

× طاحت دمعة فيصل واللي بحياته ما طلعت دمعته .. يكلم نفسه ماني قدها يا نورة .. والله جرحتك ؟؟!!







× نورة دخلت غرفتها وبسرعة قفلت الباب ورمت بنفسها على السرير .. × تصرخ .. مابيه .. فكوني منه .. طلقوني منه خلاااااااص
× أمها تطق الباب .. يايمه افتحي أنت حامل شوي شوي على نفسك ,,
× نورة وهي تبكي .. ماااااااابي ولده ولا أبي منه شي أبي أنساه خلاص تكفون طلعوه من حياتي ..
× عبد الله وبهدوء .. يانورة افتحي خلينا نقدر نتفاهم معك ..
× نورة × بعصبية ... خلوني لحالي خلااااص .. اتركوني ..
× أم عبد الله وعبد الله .. وهم واقفين برا .. عبد الله يطالع أمه : خلاص خليها تهدا من نفسها ..
أم عبد الله " طاحت دمعتها " : أخاف تسوي بنفسها شي ..
عبد الله " مسك يد أمه وأخذها " : يمه البسي عبايتك وامشي معي لفيصل نتفاهم معه ..
أم عبد الله " بحزن " : لا مابي أشوفه روح له لحالك يبه وشوف وش السالفة بتفاهم ..
عبد الله : طيب أنا بروح له .. مع السلامة .. وشوفي يمه لا تضغطين عليها خليها تطلع كل اللي فيها .. ترتاح ..
أم عبد الله : إ ن شاء الله ترتاح ..مع السلامة يبه








× نورة والدموع مالية واجهها .. سحبت اللحاف وتغطت فيه ,, وتلمس بطنها .. أبوك خاين .. شفت شلون .. !! أبوك ما يستاهل يصير أبو .. ولا يستاهل قلبي أبد ..





× فيصل وعبد الله بالصالة .. عبد الله × منزل رآسه .. بصراحة انصدمت فيك يافيصل ..
فيصل "وهو يآكل شفايفه " : عبد الله أنت الوحيد اللي يمكن يفهمني ..
عبد الله " طالعه " : قول يا فيصل وبسمعك أنا قريب لك وبحاول أعذرك ..
فيصل " بخجل " : حبيتها ياعبد الله ما قدرت أصبر عنها .. وربي حتى دراستي ماقدرت أركز .. البنت حبتني من كل قلبها وحبيتها ,, ونورة كانت مقصرة معي ..
عبد الله " يبتسم باستهزاء " : حبيتها ؟ .. × سكت شوي ... طيب وأنت ممداك متزوج أختي لاااااا وغير كذا حامل حرام عليك ..
فيصل : هذا اللي قاهرني ..
عبد الله : فيصل أنت من الأساس تبي الجو هادي وماتبي مشاكل .. هذي مستحيلة ومافيه حياة بدون مشاكل خاصة للي توهم متزوجين ومو قادرين يفهمون بعض .. نورة فتحت قلبها لك ووعدتني وأنت مليت منها وتجرحها وكأنها لعبة عندك ؟ بس جد ما تستاهل يافيصل ..
× فيصل ساكت ..
عبد الله " بهدوء " : على كل إذا أختي تبي تتطلق ومو قادرة ترتاح ياليت تخلصنا بسرعة × وقف ,,,
فيصل " يطالع عبد الله " : طلاق لا وهي معصبة الحين ..
عبد الله : فيصل إذا أختي تبي الطلاق بتطلق غصب .. يالله فمان الله ..
× فيصل ماقدر يدافع ولا يقول شي ..

× عبد الله وقف عند الباب التفت على فيصل : فيصل ترا نورة أغلى شخص بحياتي هي وأمي وجرحك لها كأنك جارحني وأنا مستحيل أخلي حقها لو أموت .. × فيصل ساكت .. ×طلع عبد الله ..








× أم عبد الله جالسة عند نورة بالغرفة ..
أم عبد الله " بهدوء" : يايمه مصير الأيام ترجعه لك والله الطلاق بيدمرك ..
نورة " بحزن " : خليه يدمرني ولا أشوف وجهه .. أبيه يطلقني
أم عبد الله : ترا ما أحد نافعك يايمه .. كثير حريم عاشوا حياتهم ورجالهم يتزوجون 3 عليهم .. مو وحده ..
نورة : ما بيه مابيه مابيه خلاااص ..
أم عبد الله " تقنعها " : والله يمه لو اني منك أجذبه لي أكيد أنت مقصرة معاه .. روحي واجذبيه منها ..
نورة " تطالعها ومستغربة " : يمه هذا كلام تقولينه ؟ خلاص اللي فبالي بسويه .. جرحني .. تعرفين وش معنى جرحني ؟؟ ياما وياما تحملته .. بس جاء الوقت اللي وصلت حدي فيه .. × بكت
أم عبد الله " تمسح دموع نورة " : يمه ريحي نفسك الحين واهتمي بصحتك طيب ؟
× بكت نورة بقوة ..
× أم عبد الله تطالعها وما بيدها تسوي شي .. خلاص يمه وقربت مسحت دموعها .. !!












× فيصل ودانة جالسين بالمجلس .. دانة وجهها مرة متغير من البكي والتعب بعد وفاة أبوها ..
دانة "بحيرة " : بس اليوم أنت أبد مو طبيعي ؟
فيصل : لا مافيني شي .. بس فيه مشكلة صايرة لي ويمكن أنسجن ..
دانة " انهبلت " : تنسجن ؟
فيصل : يمكن أطول بعد ..
دانة " دمعت عيونها " : فيصل وش فيك ؟








× في بيت أم عبد الله وعندهم أم فيصل .. جالسين بالصالة .. أم فيصل وأم عبد الله ونورة ..
أم فيصل " بحزن " : والله العظيم انقهرت يوم دريت يا بنيتي وتحسبين اللي صار شي هين علي ..
نورة " بحزن " : أدري يا خالتي والله أدري وأنت واقفة معي من يوم تزوجنا ..
أم عبد الله : لا والله ما نظلمك يا لولوة أنت ما قصرتي .. بس ولدك الشكوى لله ..
أم فيصل " بكت " : مع اني مشتاقة له شوق ما يعلمه إلا ربي وبيمسكونه بأي وقت ومادري هو يطول بالسجن وإلا لا ؟ إلا إني ماودي أشوفه من قهري باللي سواه فيك .. × تبكي ..
نورة " رحمتها " : لا ياخالة لا تتعبين نفسك عشاني .. روحي شوفيه هذا ولدك ..
أم فيصل " تبكي " : والله إني تعبت من الدموع وولدي الثاني مادري عنه .. والله إن نوم الليل ما أعرفه ويوم قالت لي أمك إننا عرفنا بزواج فيصل على طول جيت أركض خايفة عليك وعلى اللي ببطنك ..
× بكت أم عبد الله ..
نورة "طاحت دموعها " : لا ياخالة روحي لفيصل حرام والله حرام تسوين بنفسك كذا ..








× فيصل ماسك يد دانة .. مستحيل أنساك دانة .. وبفكر فيك طول عمري إن شاء الله ..
دانة " تمسح دموعها " : فيصل أنا حبيتك ..
فيصل : وأنا اموت فيك ومستحيل أتركك .. أنت الغالية ..
دانة " بهدوء " : فيصل روح أنت سلم نفسك وقولهم السالفة كلها ..
فيصل : مادري خايف أطول !! ..
دانة : بفقدك ..
فيصل : وأنا أكثر ..
دانة " طالعته " : فيصل أنت تقول أهلك عرفوا إنك جاي ؟
فيصل : إيه ..
دانة "مستغربة " : طيب كيف صرفتهم أكيد شكوا فيك ..
فيصل " يبتسم " : إيه صرفتها بس ما عرفوا عن الزواج ولا طاريه .. قلت بسويها مفاجأة لنورة ومن هالكلام ..
دانة : أهااا .. يعني ما عرفوا .. ؟
فيصل "بسرعة " : لالالا ما عرفوا ..
دانة : أنا أبيهم يعرفون ..
فيصل : لا خليها بعدين ..




× عبد الله يكلم بغرفته .. اسمعيني ياقلبي حنا نمر بظروف مرة صعبة ..
سارة : يعني ما أسوي شي أبد .؟
عبد الله : لا .. بس بجي آخذك وبس ولا تكلفون ولا شي لأن أمي ونورة نفسيتهم مرة تعبانة .. وحتى خالتي .. والله البيت منقلب ..
سارة : أوكي أشوف عن أهلي ..
عبد الله : طيب .. كيفه سلمان مع أختك ؟
سارة " تذكرت " : إيييييه ماقلت لك .. والله ياعرفنا عن ولد عمك أشياء ؟
عبد الله "ابتسم " : وش عرفتوا ؟
سارة : أشياء مرة مو حلوة ..
عبد الله "يضحك " : وش اللي مو حلوة ؟
سارة : ماأبي أقول المهم إن أختي تعلقت فيه ورفضت تتركه ..
عبد الله "يعرف وش فيه " : إيه الله يعينها .. ماتعرف مصلحة نفسها أختك أبد ..
سارة : أنا صراحة انقهرت بس وش أسوي مرررة تبيه ..
عبد الله : الله يوفقها ..






× في بيت أبو دانة .. !! وبالمجلس ..
× فيصل وقف مسك يد دانة .. ووقفها .. وبسرعة حضنها ..
دانة " تبكي " : بشتاق لك ..
فيصل " بحزن " : خلاص دانة لا تبكين حبيبتي بإذن الله برجع لك أو يمكن أشوفك بكرا ..
دانة : فيصل والله أحبك .. وراح أحبك طول عمري ..
فيصل "مسك يدها وباسها ": أنا بسوي المستحيل عشانك ..يالله حبيبتي مع السلامة ..
دانة " تطالعه " : مع السلامة ..
× طلع فيصل .. وجلست دانة على الكنب وهي مقهورة وتبكي ..











×رجع فيصل لشقته وتمدد على الكنب في شقته الساعة 11 بالليل تقريباً ويفكر ,, بكل شي .. × طلع جواله ودق على خالد .. أهلين خالد .. والله تعباااان وصارت لي مشاكل ما توقعتها ..
شوف خالد مابي أطول أنا الحين تعبان وأبيك تعتذر لي الترم هذا دبرها بتعبك شوي ..
ماعليه والله السالفة طويلة بس يمكن أنسجن وأخاف دراستي تروح علي ..
× سكت شوي فيصل ..
ايه ظروف طويلة إذا روقت قلت لك السالفة .. مع السلامة .. هلا والله × حط الجوال على الطاولة ..

× فيصل قام وجلس وأخذ الباكيت اللي على الطاولة وطلع زقارة .. × ويفكر وش راح يصير على دانة بعده !!!!!
× قطع تفكيره صوت طق الباب وطفى الزقارة بسرعة.. قام يفتح .. وهو يمشي لا إله إلا الله .. فتح الباب .. السلام عليكم ..
فيصل " يطالعه " : وعليكم السلام ..
الملازم : أنت فيصل ؟
فيصل " بهدوء ونزل رآسه " : إيه أنا ..
الملازم " يطالعه " : تفضل معنا لو سمحت ..
فيصل : ما عليه أبدل ملابسي وأجي ..
الملازم : تفضل بس بسرعة ..




× دخل فيصل الغرفة .. ويكتب مسج ( حبيبتي خلاص مسكوني المباحث تعالي وشيلي أغراضي كلها وادعي لي أحبك دانة وراح أشتاق لك ) أرسله بسرعه ,, وكتب مسج لعلي أخوه ( علي خلاص مسكوني سلم عليهم كلهم وخاصة أمي يالله مع السلامة ) ,, قفل جواله وبسرعه بدل ملابسه وطلع .. !!!!!









× دانة تبكي بغرفتها .. وعندها أمها .. ماما ما أدري متى يرجع ..
أم دانة " مستغربه " : ماشاء الله البلاوي طلعت بسرعة يوم جاء والله خايفة منه من زمان ..
دانة " تطالع أمها " : ماما تشكين بفيصل ؟
ام دانة " بعصبية " : رااااااح وياقلبي دراستك .. ؟؟ حنا ندري وينه ؟؟
دانة " انصدمت من كلام أمها " : أقدر أكمل دراستي وش فيها ؟
أم دانة " بعصبية " : متى تكملينها ؟ قولي ,, لازم إذن من زوجك ,, وأبوك الله يرحمه .. من وين راح ندبرها هاه ردي ؟
دانة " سكتت شوي .. يوووه ما جاء فبالي أبد ..
أم دانة : وتعرفين يا يمه مالي إلا ثم أنت ,, لازم تشتغلين وتنفعيننا ..
دانة : الحمد لله اللي تركه أبوي يكفينا خمسين سنة ..
أم دانة : الدنيا تخوف وأبيك تدرسين وتشتغلين عشان تنفيعنني وتنفعين جدتك ..
دانة : بس فيصل إن شاء الله ماراح يطول ..
أم دانة : ياااااااقلبي المشاكل هذي مو سهلة أبد أقلها 3 شهور أربع شهور .. هذا اللي استفدناه من فيصلوه ..
دانة : الله يخليك اللي فيني كافيني .. خلاص
أم دانة : فكري يا يمه .. دراستك راحت ..
× دانة سكتت ومنقهرة ..







× نورة جالسة بالصالة .. × نزل عبد الله .. نورة ..
نورة " التفتت بسرعة " : يوووه هبلتني ..
عبد الله " جلس جنبها " : مسكوا فيصل ..
نورة " انصدمت " : مسكوه ؟
عبد الله : إيه علي قال لي ,,
نورة " طاحت دموعها " : ياااااالله وش راح يسوون فيه .؟
عبد الله " استغرب " : راحمته ؟
نورة " بكت وسكتت ..
عبد الله " يطالعها " : قلبك كبير والله محظوظ فيك ..
نورة : مو عشاني أبكي يا عبد الله .. عشان اللي ببطني .. أخاف يثبت على فيصل شي ويطلع ولدي ما يعرفه أبد ..
× نورة تبكي عشانه .. وخايفة عليه وتكابر ., !!




ما زال قلبي ينبض حباً لك .. !!
رغم الجرح الكبير ..
ورغم ما فعلته بي ..
أحبك ..
ومن أجل راحتك ..
سوف أترك كل شيء من أجلك ..
حتى أنا سوف أرحل من حياتك ..
من أجل سعادتك ..







× دانة جالسة عند جدتها وأمها .. !!
الجدة " تقنعها " : أنت ما آخذتي رايي بالزواج .. بس الرجل ما تضميننه بكرا يرجع لمرته ولا حتى يسأل عنك ..
دانة " بخوف " : بس هو يبيني .. ؟
الجدة : ايه يبيك لأنه توه بأول شي ,, بس خلي مرته تولد وتجيب له الولد بيرجع لها وخاصة إنها قريبة تراه يرحمها ويحن عليها يا يمه ..
دانة " تتنهد " : والله خوفتوني وين النصايح قبل أتزوجه ..
أم دانة " تطالعها " : وأنت سمعتي نصايحي أقول لك تزوجي ولد عمك أبرك لك .. ويحن عليك .. ومثلنا وعاداتنا ..
× دانة ساكته ..
الجدة : شوفي لو مرته ماهي حامل كان قلنا يمكن يشوفك ويحن عليك ويحبك ..
دانة " قاطعتها " : لا هو يحبني ..
أم دانة " اسلوب اقناع " : أنت لو تسمعينني ودامك بالملكة .. خليه يطلقك أول ما يطلع من السجن ..
دانة " عصبت " : ماما وش فيك ؟ ليش يطلقني ؟ معقولة ما تخافين علي يقولون عني مطلقة ؟
الجدة : لا كلام أمك صح أنت توك بالملكة وأخف من إنه يقال مطلقة بعدين ..
دانة " وقفت " : أصلاً كله واحد وكلمة مطلقة بالملكة ما تفرق .. لا جد عرفت غلاي بقلوبكم .. الحين أبيكم عون . جالسين وتقنعوني أتطلق منه ..؟؟ بالعكس أنا مقتنعة فيه وراح أكسبه أنا وإن شاء الله الطلاق لمرته مو لي أنا ..؟؟
أم دانة " بعصبية " : روحي ونشوف والله ما تعرفين مصلحتك أبد يكفي إنه ضيع دراستك وورطك معه ..
دانة " تطالعهم " : تفداه دراستي ..× راحت ..
الجدة : والله بنتك ما تعرف مصلحتها أبد ..
أم دانة : الله يرحمه أبوها اللي وافق وإلا أنا منقهرة ما أبيه ودام أحمد ما خطب نقدر نخليه يرجع لها ..
الجدة : هي تبيه هالعله هذا اللي مادري من وين طلع لها ..



× أبو فيصل وأم فيصل بغرفة النوم مسترخين بينامون..
أم فيصل " تبكي بقهر " : والله يافيني قهر على عيالي يا ابو فيصل ..
أبو فيصل " طاحت دمعته " : أنا قلبي جمر عليهم .. والله مادري وش أسوي ... ماباقي لي إلا علي .. الله يردهم لنا ..
أم فيصل : آميييين يارب ..










× يوم جديد .. وبدأت الحياة ترجع على بيت أهل دانة بعد ما رضوا بقدر الله .. !!
دانة " بصوت واطي " : ماما ماجانا كثير يعزون مثل أمس ..
أم دانة : ايه خلاص آخر يوم يخفون ..
دانة : الله يرحمه ويغفر له ..
أم دانة : اللهم آمين ..





× في بيت أم عبد الله .. دخلت على نورة بالغرفة .. هاه صليتي الظهر ..
نورة "تبتسم " : إيه صليت ..
أم عبد الله : ودك تروحين معي اليوم لبيت خالتك ..
نورة " سكتت شوي .. " يمه ماودي الحين الوقت حساس روحي لها أنت .. وبعدين مواعدة عبد الله بطلع أغير جو أنا وياه ..
أم عبد الله " استغربت " : تغيرين جو ؟ وش طاري عليك ؟
نورة : بس كذا بطلع أتمشى ..
أم عبد الله " بحيرة " : يعني تقبلتي زواج فيصل بهالسرع وصار عادي تطلعين تتمشين ؟
نورة " بسرعة " : إيه لأنه مايهمني أصلاً وبطلعه من حياتي ..
أم عبد الله " هزت كتوفها يعني مادري ومستغربة" والله مادري عنك ؟ بس أشك فيك ؟
نورة " تضحك " : وش فيني ؟ بالعكس أريح لي يوم دريت إنه متزوج عرفت اللي بقلبه .. والله يهنيه ..








× دانة وأمها وجدتها جالسين بالصالة وفيه حريم جايين يعزون..
دانة "تطالع البنت اللي دخلت مستغربة ...
أم دانة " نغزت دانة " : وش فيك ؟هذي مشاعل ..
دانة " وقفت بسرعة .. وقربت لها مشاعل وضمتها .. وتبكي .. عظم الله أجرك يا دانة .. ولا قلتي لي ولا شي ..
دانة " طاحت دموعها " : سامحيني ..
مشاعل " وهي تبكي " : والله إن الخبر خلاني كأني خبلة وما دريت إلا البارح ..
دانة " بكت " : الحمد لله على كل حال .. وهذا قدر وأريح له تعبان مرة ..
مشاعل " راحت تسلم على أم دانة : عظم الله أجركم ..
أم دانة : أجرنا وأجرك .. الله يجزاك خير







× فيصل بالسجن .. ما قدر ينام ولا يرتاح أبد .. يفكر بهالظلمه .. يااااي بنتظر لما يآخذون أقاويل محمد ويمكن أطلع ويمكن لا ؟ × يفكر .. وش صار على أمي لما عرفت يارب تسامحني إذا أخطيت بحق أحد !!!










× دانة ومشاعل بالغرفة ..
دانة " تضحك " : ياحبي لك والله اشتقت لك .. عاد تدرين قبل شوي أتذكر كلامك وأنت تقولين × بتطنز لاااا أنا أبي ملكتي 6 شهور بنبسط
مشاعل " تضحك " : شفتي وشلون ؟
دانة " تطالعها " : طيب حبوب معك ؟
مشاعل : يعني موب مرة وااااو إذا قال لا يعني لا .. وكلمته ماتصير ثنتين ..
دانة : الله يوفقك .. أنا اللي شكلي خلاص راحت علي ..
مشاعل " استغربت " : لا إن شاء الله ماراح يطول بالسجن ..
دانة " تتنهد " : مادري حسيت زواجي خرابيط أبد ما توقعت كذا يصير لي وما أتوقع حتى نكمل دراستنا ..
مشاعل " تبتسم " : نصايحي لك كانت من كل قلبي واصبري خليه يطلع بعد بيروح لزوجته وخاصة إذا صارت مولده ..
دانة "بسرعة " : ياربي وش فيكم كلكم تقولون يروح لزوجته .. زوجته خلاااص مال منها وأنا اللي جلست معه وشفته الرجال عايفها بقوة .. وكان يشكي لي من القهر ..
مشاعل : طيب نشوف من اللي صح بالنهاية ..









× عبد الله ونورة بالسيارة ..
عبد الله : الحين أنت وش ناوية تقولين لها بالضبط ..
نورة " بقهر " : قاهرتني تعرف وش معنى قاهرتني كيف كذا تخونني ..؟؟
عبد الله : طيب وإذا صارت مو هي ؟ دانة ثانية ؟
نورة " وهي متأكدة " : أنا سمعت صوتها وقريت المسج .. الله يعطيها المرض ..
عبد الله " يقاطعها " : استغفري .. يمكن فيصل اللي جايها ..
نورة : لاااا ياقلبي تذكرت كل حركاتها وأنا ياغافل لك الله .. والله آخر شي كنت أتوقعه إنها تفكر بفيصل ..









× في بيت أبو فيصل .. أم فيصل وأم عبد الله بالمجلس
أم عبد الله " تبتسم " : لا الحمد لله والحين طالعة هي وعبد الله ..
أم فيصل : الحمد لله أهم شي يتوسع صدرها ..
أم عبد الله : خلاص والله بنتي من يوم إنها صغيرة وهذي هي الحظ نايم ..على أمها ..
أم فيصل : الله يعين يابنت الحلال وهذا حال الدنيا .. وربي يعوضها بولد ..









× الشغالة تطق باب الغرفة ..
دانة : ادخلي ..
الشغالة : دانة فيه حرمه تحت يبغى أنت ..
دانة "استغربت " : مين ؟
الشغالة : ما أدري ..
دانة " نزلت من السرير " : خليك مشمش راجعة لك ..


× طلعت دانة .. تسأل الشغالة وهي تمشي : ماقالت وش تبغى ؟
الشغالة : لا بس قول نادي دانة .. وروح مجلس ..ماتبين شوف أحد بس أنت ..






× دانة راحت للمجلس .. وبسرعة دخلت .. ×انصدمت .. نورة ؟؟؟؟؟
نورة " واقفة وعيونها دموع " : عظم الله أجرك .. ماكنت أدري إن اليوم آخر أيام العزاء ..
دانة " قربت وسلمت وبخوف ": أجرنا وأجرك .. الله يجزاك خير .. × بسرعة ,, اجلسي يا نورة ..
نورة " بقهر " : أنا ماجيت أجلس .. ولا لي مكان عندك ..
× دانة ساكته وماتدري هي جاية عشان العزاء وإلا فيصل !!!! محتارة
دانة " ابتسامة خوف " : طيب وش جايه عشانه ؟
نورة " بسرعة " : فيصل ؟
دانة " بحيرة " : عرفتي بشي ؟
نورة " تضحك بسخرية " : مافيه أحد مايدري ..
دانة " مستغربة " لأن فيصل قال ماأحد يدري ....!!
نورة " سحبت منديل تمسح دمعتها " : دانة سؤال واحد وأبي إجابة ؟ ليش خنتيني ؟
دانة " بثقة " : و أنا أعرفك عشان أخونك ؟ مابيننا شي ,, اللهم طلعتين مع بعض .. أي خيانة بس؟
نورة " قربت لدانة واقفة قدامها " : شوفي فيصل ضاحك عليك وأنا أعرفه .. وشكلك ما تدرين إن كلنا نعرف عن زواجه لأنه يضحك فيك وهذي أول كذبة..
دانة " مرتبكة " : أصلاً متملكين ولا جاء الوقت اللي يقول لي أنتم عارفين وإلا لا ؟
نورة " تضحك بسخرية " : المهم فيصل بخليه لك والله يبارك لك فيه .. بس أبيك تعرفين أنا بنت خالته ومهما كان الظفر ما يطلع من اللحم .. وغير كذا بإذن الله اللي ببطني ولد ..
دانة " بكبرياء" : ما تقدرين تآخذينه مني ولا أحد يقدر .. لو أترك الدنيا كلها .. وبعدين والله عاذرته يوم تزوج عليك أنت وحدة غبية من لما كنا باستراليا والماء تمشي تحت رجولك ولا تدرين .. × بخبث .. لأنك غبية وغير كذا نكدية
نورة " قطعتها بكف قوي وبعصبية " : فيصل لك يا دانة بس أنت الندمانه .. × طلعت بسرعة ..
× دانة .. واقفه مكانها .. طيب يا نوير .. طيب .. أنا اللي أوريك .. !!








× عبد الله ينتظر نورة بالسيارة .. وشافها طلعت .. يكلم نفسه .. يارب تبردين قلبي ..
× فتحت الباب نورة وركبت .. تبكي ..
عبد الله " يبتسم " : بشري ..
نورة " بسرعة وهي ترتجف " : عطيتها كف يربيها الحيوانة ..
عبد الله " يضحك " : هههههههه يابعدي والله .. شقردية ..
نورة "تضحك وهي تبكي " : بس ما بردت شي والله يافيني قهر منها .. ودي أستغل هالفرصة دام فيصل بالسجن ..
عبد الله " يضحك " : خلاص كل يوم أجيب تعطينها كفوف تربينها ..
نورة " تضحك " : هههههههه عبد الله والله مالي خلق أضحك ..






× دانة معصبة عند مشاعل بالغرفة ..
مشاعل " استغربت " : بأي حق تضربك ..
دانة " معها ثلجة تمشيها على وجهها " : وحدة ماتربت .. وش ترجين منها ؟
مشاعل " تضحك " : هههههه شكل الكف قوي ..
دانة : الله يآخذها .. والله صدعت برآسي .. بس خلي فيصل يطلع من السجن ..
مشاعل : يااااااي مت يا ...
دانة : والله قهرتني .. نفسي أضربها ..
مشاعل : يوووووه يالجارات .. خلاص فكينا بس أصلاً خلاص ماراح تجي ..
دانة "متقرفة " : أولها مشاكل وعععععع وش ذا الزواج ؟
مشاعل " تضحك بسخرية " : ماشفتي شي ياقلبي .. وعلى بالك مثل الزواج العادي .. استعدي لأي شي ..
دانة : والله عايلة يخوفون لا ولهم بالإرهاب بعد ..؟ أخاف بكرا تفجر فينا..
مشاعل " سكتت .. شوي ..: لاتتطنزين ربي يبلاك ..
دانة " منقهرة " :خليني بس أشوفها والله ما أخليها ..






× نورة توها داخلة غرفتها بتنام جلست على طرف السرير .. ومعها جوالها .. ودقت على ليلى .. أهلين ليلى ..
ليلى " تضحك " : ياااااهلا وغلا ..
نورة " بهدوء" : كيفك ؟
ليلى " استغربت النبرة " : وش فيك ؟
نورة " بكت " : ليلى ليش ماقلتي لي ؟ ليش تصرفين وتغطين معهم ؟
ليلى " منهبلة " : وش فيك يا نورة ؟ أنا مالي دخل بشي ..
نورة " بقهر " : والله العظيم كلهم قاهرينني وأنت كنت تدرين لا تكذبين ياليلى مو معقولة عندك ولا شفتيهم ولا شكيتي حتى فيهم ..
ليلى " فاهمة بس تسوي نفسها مافهمت " : وش فيه يا نورة ؟ فهميني ؟
نورة : أنت تدرين عن فيصل ودانة ؟
ليلى " بسرعة " : وش فيهم ؟
نورة " وهي تبكي " : يااااالله منك ياليلى لا تستغفليني معهم .. خلاص ملييييييت كلكم تعاملونني كذا وكأني مغفلة .. خلاص الله يسلمك ..
ليلى "رحمتها " : شوفي يانورة أنا كنت شاكة فيهم لا أكثر بس إذا صار فيه شي أقوى مادري عن شي وهذا اللي أعرفه ياقلبي ..
نورة " شهقت من البكي " : ليلى فيصل تزوج دانة ..
ليلى "انهبلت " : لاااااااا والله مادري إذا وصلت هالحد جد يقهرون ..
نورة : ليلى والله مادري لمين أشكي تعبت والله فيني قهر وفيني شي مادري شلون أقول لك .. من فيصل ومن دانة أكثر كيف تسوي فيني كذا وأنا وثقت فيها ؟
ليلى " بهدوء" : جد وحدة حقيرة ..
نورة : المهم ليلى أنا تعبانة وأبي أرتاح .. وأكلمك إذا شفت نفسي مرتاحة ..
ليلى : أوكي مع السلامة الله يعينك ..
نورة : فمان الله ..









نورة تخطط لأشياء كثيرة .. !! لأن ردت فعلها صارت قوية .. ويمكن تنتقم مندانة دام فيصل بالسجن ؟!!

× مرت 4 أيام بسرعة .. !!







× في بيت أم عبد الله ..

عبد الله واقف بالصالة ولابس البشت الأسود وكاشخ على آخر شي .. !! ونورة واقفة تعطره .. أم عبد الله ترتبه
عبدالله " يبتسم " : هاه مضبوط شكلي ..؟
أم عبد الله " طاحت دموعها" : الله يوفقك يايبه .. والله نفسي أشوفك واقف مع عروستك .. بس تعرف ..
عبد الله "باس رآسها " : وش دعوى ياميمتي .. دعواتك لي ..
نورة " تضحك " : شكلك شي .. والله أول مرة أحس انك مزيون ..
عبد الله " يضحك " : ايه ماتدرون .. × طالع ساعته .. يالله أنا تأخرت ..
نورة " تبتسم " : الله يوفقك ..
أم عبد الله : اقرا وردك يبه ..
عبد الله " يبتسم وهو يمشي طالع " : إن شاء الله .. دعواتكم ..


× طلع عبد الله ..


× أم عبد الله بكت دموع فرح .. يااارب توفقه ..


نورة " تبتسم " : الله يوفقه ويسعد البنت أهم شي .. حنا مساكين ..
أم عبدالله " طالعتها ورحمتها " : الله يسخرهم لبعض ..



× دق تيلفون البيت .. ردت أم عبد الله .. وجلست .. هلا لولوة ..
أم فيصل : وشلونكم ؟
أم عبد الله " بكت " : راح عبد الله .. ادعي له .. والله بفقده يابعد عمري ..
أم فيصل : يااااارب توفقه .. أخبار نورة عسى ماتأثرت ؟
أم عبد الله "تبتسم " : لاااا مبسوطة .. فرحانة لأخوها أكيد..
أم فيصل : الله يسخر وليدي لها هذا أخوها راح وماباقي لها إلا الله ثم أنت وفيصل والله أدعي لها ..
أم عبد الله " ماتبي تبين عشان نورة عندها " : الله يسلمك ..
× نورة سرحانة ..









× في بيت أبو دانة ... دانة وأمها وجدتها بالصالة ..
دانة : وش أسوي اعتذرت الترم هذا ..
أم بدانة " منقهرة " : هذا اللي كسبناه من زواجك .. الله لايعافي ابليسك ..
جدتها : توظفي على شهادتك ..خلاص ..
دانة " تتنهد " : هذا اللي أفكر فيه .. وبتوظف بقناة أصير مذيعة وإلا مراسلة وإلا أي شي في القناة ..
أم دانة " استغربت " : وش تبين بالتلفزيون ..؟
دانة " تطالع أمها " : أنت تعرفين إني من زمان أبي أصير مذيعة وشوي شوي وأطلع إن شاء الله ..
جدتها : أهم شي تشتغلين بشرف .. وترفعين روسنا ..
دانة : والله الموهبة فيه ولغة معي .. بس يارب يقبلونني ..
أم دانة " سكتت شوي " : بس زوجك يادانة يرضى ؟
دانة " تشوف أمها " : وش علي منه ؟
جدتها " عصبت " : وشوله تزوجتيه ؟
دانة : أبيه .. بس هو الحين بالسجن .. وأنا بشتغل .. لا دراسة ولا شغل بموت ..
أم دانة " طالعتها " : يمكن تفكيره غير عنك يرضى تطلعين بالتلفزيون وإلا تختلطين مع الرجال ؟
دانة " استغربت " : ليش فيه ناس ما تميز بين الشغل الشريف والشغل اللي مو شريف ؟ وش فيه شغلي دامي محافظة ؟ أكيد راح يرضى وبرفع رآسه ..
أم دانة : أنا مثلك وجدتك بعد .. بس فيه ناس غير عنا يايمه .. لا تحسبين كل الناس مثل عايلتنا ..
دانة " مصرة " : لالالا فيصل نفس تفكيري .. وبالعكس أتوقع يفرح لو يشوفني أشتغل لقناة أو أقدم أي شي طيب بالتفلزيون ..
أم دانة " انقهرت من كلام بنتها " : والله ياأنت جاهلة الدنيا ولا تدرين عن شي توي أدري إنك كذا ..
جدتها " تقاطع أم دانة " : والله ولا تعرف للرجال تحسبهم على كيفها وهواها ..
دانة " بقهر " : وش فيكم أنتم كل ماقلت شي جبتوا طاري فيصل وكرهتوني بالزواج وش ذا ؟ يعني لهالدرجة قاهرتكم ؟
أم دانة " عصبت " : مو قهرتينا بس لو أنت متزوجة أحمد ولد عمك يمكن عادي عنده حنا عايلتنا تختلف عن كثير من العوايل .. وفيصل مو منا .. وباين من يوم قال لا تكشفين ..
دانة " وقفت " : ياااااليتني ماقلت لكم عنه .. خلاص أنا بروح بكرا وبحاول أقابل المدير الاقليمي وبقول حطني أي شي لو أتكلم بتقارير واللي براسي بسويه .. × راحت ..
جدتها : والله بنتك ماهي صاحية أبد ..
أم دانة : الله يعينني عليها ..
جدتها : قولي لعمها ناصر .. بتسوي شي بدون علم زوجها ..
أم دانة : هذا اللي بيصير لازم أحد يوقفها عند حدها .. صح أنا مابي فيصل بس لازم تحترم زوجها لأنها لو تركت فيصل وحرضناها على كذا راح تتمرد على زوجها الثاني ولا راح تمشي حياتها أبد ..
جدتها : صادقة .. لازم تتأدب ..








× في الفندق .. عبد الله وسارة توهم يدخلون الغرفة ..
عبد الله " يبتسم " : والله هذي أحلى ليلة بعمري ..
سارة "تبتسم ومستحية " : الله يسلمك ..
عبدالله "مسك يدها وجلسها على الكنب " ...
سارة مرة مستحية ..
× جلس عبد الله قدامها .. وش فيك .؟
سارة " تضحك وهي مستحية " : مادري شفيني ؟ والله مستحية ..
عبد الله : هههههه لالالا لاتستحين .. خلاص أنا زوجك الحين وأقرب شخص لك ..
سارة "طالعته وابتسمت ..
عبدالله " ابتسم " : بس شكلك مرة خطيررر .. أنا سمعت وأقرا ان البنات يكثرون المكياج بليلة الزواج ..
سارة "منزلة رآسها " : ايه ..
عبدالله : بس أنت مرة خطير مكياجك مع اني ما أعرف فيه .. بس خفيف وحلو كأنك طبيعية ..
سارة : إيه أنا طلبته كذا .. أحب أكون طبيعية ..
عبد الله " قرب لها ومسك يدها " : ياحبي لك أنت وطبيعتك .. الله يوفقنا ..








× دانة بغرفتها .. منسدحة بتنام .. يالله وش صار فيك يابعد عمري .. تآكل زين ,, تنام زين .. يااااارب تفرج عنه كل ضيقة يارب .. يارب يطلع بأقرب وقت والله اشتقت له .. × طاحت دموعها ..








× نورة جالسة على السرير .. كل اللي فبالها عشان تنام وهي مرتاحه ..


( فيصل ليه خنتني .. بس تدري أنا الحين مرتاحة أكثر من أول لأني عرفت اللي فقلبك .. وأنا مابي من الدنيا إلا أشوف ولدي اللي منك .. وبهتم فيه زيادة لأنه منك.. بس اخترت اننا ننتهي ولا أبي أشوفك أبد .. مع إن قلبي مشتاق لك مرة .. بس عزت نفسي ما تسمح لي أشوفك .. الله يهنيك مع دانة وأنا يهنيني مع البيبي .. يوووه وصح نسيت أقول اليوم زواج عبود الغالي .. × طاحت دموعها .. أكيد راح أفقده أغلى إنسان وأصدق إنسان معي .. بس خلاص تزوج وبينشغل عني ×بكت بقوة ) × سكرت الدفتر من دموعها ماقدرت تكتب .. وتلمس بطنها .. خلاص قربت تطلع على الدنيا وتزين دنيتي وترجع لي الضحكة .. وأنسى أبوك ..








× في بيت أبو فيصل ..
أبو فيصل عند علي بالغرفة ..
علي " بهدوء" : من وين جبت الأخبار ؟
أبو فيصل " يبتسم " : أمك ماتدري .. بس فيصل قريب إن شاء الله بيطلع ..
علي "انبسط " : طيب بهالسرعة ؟
أبو فيصل : اللي قايل لي مايبي أحد يدري لأنه الشغلات هذي سرية بس قلت بطلع اللي فقلبي من الفرحة .. وأمك أكيد بتقول لأختها و أبي السالفة بيني وبينك ..
علي " يبتسم " : أنا أقول ليش مانمت للحين ؟
أبو فيصل : خلاص محمد قال كل اللي عنده ..
علي " طالع أبوه " : طيب محمد ؟
أبو فيصل " يتنهد " : محمد ؟ والله مادري الله يستر عليه .. ويفرج عنه .. بس إن شاء الله مايطول ..
علي " يتنهد " : والله انبسطت مسكين فيصل وبنفس الوقت منقهر عشان محمد ..
أبو فيصل : بس أهون .. والله يسهل يارب .. × وقف .. والله ماقدرت أنام قلت أقول لعلي وأرتاح ..
علي : وإلا عاد بقدر أنام بنتظر فيصل أحس بكرا بيدخل ..
أبو فيصل : ههههه لالا ما أتوقع يبي له أسبوعين شهر .. يعني حولها .. بس الحمد لله ..
علي : الله يبشرك بالخير .. يالله تصبح على خير ..
أبو فيصل " وهو يمشي " : تلقى خير ولا تقول لأحد ..


× علي يكلم نفسه .. والله أم فيصل بتنبسط .. يارب تعجل باليوم .. يارب ..








× الصباح .. دانة بغرفتها تتجهز بتطلع .. دخلت أمها عليها .. مستغربة .. دانة ؟ وش تسوين ؟
دانة "بهدوء" : بروح أقدم دامي متحمسة ..
× قربت أمها .. لاااا والله مانتي صاحية .. أبوك ماله شهر ميت .. وزوجك بالسجن وبتروحين ترززين بين الرجال ..
دانة " وقفت " : ماما خلوني على راحتي بسوي اللي أبيه خلاص مات بابا أستسلم ؟؟ لا من قال كذا لازم أشتغل ولازم أنسى العمر يمشي تبونني أبكي طول الوقت .. خلاص الدموع خلصت ..
أم دانة " مستغربة كلام بنتها " وبهدوء " : اقعدي واسمعيني الله يرضى عليك ..
دانة " بعصبية رجعت قعدت .. قولي بسمع .. !!
ام دانة : يا يمه اصبري لما يطلع فيصل واتفقي أنت وياه .. وبعدين أبوك يايمه معقولة ما أثر فيك ؟
دانة " تطالعها " : والله مأثر فيني ومرة مقهورة .. بس أنا ماأحب أستسلم .. هذا قضاء الله وقدره .. ولازم حياتي تمشي .. ماأوقفها ..
ام دانة : بعدين وش هالقناة اللي بتشغلك وزوجك مشتبه به ؟
× دانة سكتت شوي .. طيب وش دخلني ؟
أم دانة : يايمه يايمه اسمعيني خلي زوجك يطلع وتنحل الأمور ..
دانة " تطالع ساعتها " : يالله ماما بطلع الساعة 10 تأخرت ..
أم دانة " طالعتها " : يعني مامنك فايدة ؟
دانة : لا .. بسوي اللي أبي ..

أم دانة " راحت بسرعة للباب وسحبت المفتاح × بعصبية .. أنا اللي أعرف وشلون أربيك .. وقفلت على دانة ..

دانة " وقفت بسرعة وتركض للباب .. وتطق ماما الله يخليك افتحي ..
أم دانة " بعصبية " : انسي .. لما تعدلين ..
دانة " رجعت وقعدت على طرف السرير " طاحت دموعها " : ليش ماما .. كله من فيصل ؟ .. × ندمت .. بس فيصل ماله ذنب .. كله مني ..


× نزلت أم دانة ومعها المفتاح .. راحت للصالة .. وأمها جالسة فيها ..
الجدة : وش فيكم ؟
أم دانة " بعصبيىة رايحة للتيلفون " : قليلة هالأدب .. تبي تروح تقدم على وظيفة تقول ؟
الجدة : وش فيك عليها ؟ خليها تروح يعني بيوظفونها على طول ؟
أ م دانة " ماسكة السماعة " : مو على يوظفونها يا يمه البنت متمردة خلاص ما وراها رجل تمردت .. وبعدين أبوها توه ميت وزوجها بالسجن خليها تنطق قفلت عليها عشان تحلم تطلع ..
الجدة : الله يهديها .. وبعدين لاتقفلن عليها تعاندك ..
أم دانة " تدق الرقم " : والله العظيم كأنها طفلة ياسبحان الله .. بس خلي عمها يجي يربيها ..
× الجدة سكتت ..
أم دانة : السلام عليكم .. أم أحمد ..
أم أحمد : وعليكم السلام ..
أم دانة : لا تصيرين بس نايمة ؟
أم أحمد : لا والله جالسة أنا وناصر نفطر .. اليوم ما داوم ..
أم دانة : طيب الله يسلمك ممكن أكلمه أبو أحمد ..
أم أحمد : لحظة ..
أم دانة " تكلم أمها " : من حظي بعد ماداوم عشان ما أطول قافلة عليها ..
الجدة : أحسن ..
ناصر: هلا ..
أم دانة : صباح الخير أبو أحمد ..
ناصر : ياصباح النور .. هلا والله أم دانة .. وشلونكم ؟
أم دانة : والله كلنا بخير ..
ناصر : الحمد لله ..
أم دانة : بغيتك با أبو أحمد تجي بخصوص دانة ..
ناصر " استغرب " : وش فيها ؟
أم دانة : والله جننتني بتروح تقدم على وظيفة ؟
ناصر : ايه طيب الله يقويها عادي خليها تروح لمصلحتها وين المشكلة ؟
أم دانة " تفهمه " : يا أبو أحمد المشكلة إنها تبي تصير مراسلة وإلا مذيعة ؟
ناصر " انهبل " : خير إن شاء الله بتطلع وزوجها بالسجن ؟
أم دانة : وغير كذا أبوها توه ميت .. لو هي وظيفة عادية ..
ناصر : خلاص أنا أتفاهم معها ..
أم دانة : الغداء عندنا ؟
ناصر : إ ن شاء الله ,, انتظروني ..
أم دانة : مع السلامة ..
ناصر : فمان الله ..
× سكرت السماعة أم دانة .. خليه يجي ..
الجدة : وبتقفلين عليها .. لما يجي ؟
أم دانة : لا 12 بطلعها .. بس خلي الموظفين يطلعون ..





× دانة تكلم نفسها بالغرفة .. والله ما أكون دانة إذا ماسويت اللي براسي ..






× في بيت أم عبد الله ..منار توها داخله ..
أم عبد الله : أجل أمك مارضت تجي ؟
منار : لا تقول روحي أنت انبسطي ومالها خلق أبد أمي..
أم عبد الله " تنهدت " : الله يعينها ..
× سكتوا شوي ..
منار " تطالع خالتها " : خاله أنا دايم أقول لأمي ليش أنا ماصرت بدال علي عشان أصير مثل عمر نورة .. أنا ماعندي أحد ..
أم عبد الله " تضحك " : يااااااابعد عمري اليوم بيجون أهل روان صديقتك .. وروان معهم .. شفتي خلينا روان تقرب لك أكثر ..
منار " تضحك ومستحية ..

× نزلت نورة وهي تبتسم .. ومتزينه .. ولابسة فستان حمل ناعم ..
× تشوفها أمها وكاسرة خاطرها .. وبينها وبين نفسها .. يابعد عمري والله لو على كيفي ماصار لك اللي صار .. بس الحمد لله ..
نورة "تضحك " : تو مانور البيت يامنور.. × منار وقفت وتبتسم .. × ونورة قربت وسلمت ..
منار " بحياء " : مرة حلو شكلك وين فيصل يشوفك ؟ بينبسط .. × ببرائة
نورة " ابتسمت بقهر " : شكراً .. يامنور ..
أم عبد الله "تطالع نورة " : اجلسي يمه ريحي نفسك ..
نورة "جلست " : والله من زمان عن العزايم .. وإن شاء الله نبدأ نجتمع مع أهل سارة .. ونوسع صدرونا ..
أم عبد الله : ياليت يصيرون ناس يحبون الجمعة ..










× في بيت أبو دانة .. في المجلس .. دانة وعمها ..
دانة "تبكي " : يا عمي أدري طيب خلاص أوقف عمري ؟
ناصر : يا دانة لازم تحترمين زوجك .. ومايصلح تسوين شي من دون إذنه ..
دانة : طيب وش سويت حرام أو خطأ أو مافيه احترام ؟.. الله يخليكم افهموني أبي أسوي شي ماأبي اجلس كذا ..
× عمها رحمها .. سكت شوي ..
دانة : وش قلت ؟
ناصر : شوفي يادانة أنا مستعد أساعدك .. بس والله أخاف فيصل مايرضى ؟
دانة " تتنهد وهي تبكي " يالله .. كل ماقلت شي قالوا فيصل .. لا تمللوني منه ..
ناصر " رحمها " : خلاص × سكت شوي ,, أنا أوديك بنفسي بكرا ..
دانة " ضحكت " : جد ؟
ناصر : إيه بس إذا قالوا مافيه وظايف ترا خلاص لا تفكرين وبتجلسين لما يطلع فيصل ..
دانة : الله يخليك يارب ..
× دق جوال عمها .. رد .. هلا أبو سليمان .. والله تمام .. خلاص متى تبي أمرك .. إن شاء الله شوي الحين أنا ببيت أخوي فهد الله يرحمه عند بنته وأمرك إذا طلعت .. لالا مافيه شي بس نسولف .. ياهلا ..
× دانة ساكته ..
ناصر " يطالعها " : هذا عمك صالح ..
دانة " تبتسم " : مو مثلك طيب ما يسأل عنا ولا شي ..
ناصر " يطالعها واستغرب ": ايه هو مشغول بهالدنيا اللي تغير وأنا عمك ..
دانة : طيب بكرا نروح ؟
ناصر "وقف " : أمرك الصبح .. ومثل ماقلت لك إذا مافيه وظايف مافيه أبد .. تصبرين لما يطلع فيصل ..
دانة " باست رآسه " : والله ماتقصر ياعمي .. وإن شاء الله تحقق اللي فبالي .. الدراسة راحت وطموحي مابيه يوقف ..
ناصر : الله يوفقك ..









× في بيت أم عبد الله .. مجتمعين كلهم بالمجلس .. أم عبد الله .. وأم عبد العزيز وبنتها سحر وروان .. ونورة تجيب وتحط ومرة مشغولة ..
أم عبد الله : هذي الساعة المباركة تو ما نور البيت ..
ام عبد العزيز : الله يسلمك .. والله يقاربك بالإحسان ..
أم عبدالله : الله يوفقهم ويسخرهم لبعض ..
ام عبد العزيز : اللهم آمين .. ويوفق نورة ..


× نورة بالمطبخ .. دق جوالها .. بسرعة ردت .. هلا وينكم ؟ طيب طيب .. خلاص بقول لسحر تتغطى والباقي مافيه أحد يتغطى عنك .. يالله ادخلوا ..

× نورة طلعت وراحت للمجلس .. تبتسم سحر تغطي عبد الله بيدخل ..
× سحر تبتسم أخذت عبايتها وتغطت ..
× دخلوا عبد الله وسارة للصالة قبل المجلس ..
نورة تزغرد .. ومافيها غيرها مرة مبسوط .. × جت منار ووقفت وتصفق ..
نورة " تضحك " : يااااهلا بالمعاريس ..
عبد الله "يضحك " : تحفة أنت ومنار .. ههههههه
نورة " راحت تسلم على سارة " : مبروووك ياقلبي الله يوفقك يارب ..
سارة " تبتسم ومستحية " : ويوفقك حياتي ..
عبد الله " يطالع سارة وبصوت واطي " : شيلي عبايتك مافيه أحد بالبيت ..
نورة " قربت " : عطيني عبايتك ..
سارة "تبتسم " : سمي ..
× ودخلوا على الحريم ..
كل الحريم .. ماشاء الله تبارك الله .. سلمت سارة وجلست وسلم عبد الله وجلس ..
أم عبد الله " مبسوطة " : أخبار معاريسنا ؟
عبد الله : تمام الحمد لله .. أنتم أخباركم ..؟
× جلسوا يسولفون وانبسطوا وكانت عزيمة حلوة للكل ..








× نورة طلعت وراحت لغرفتها ووقفت ورا الباب.. تبكي ..وش جابك فبالي هالوقت .. خلاص اطلع من حياتي والله مبسوطة بدونك .. × مسحت دموعها وراحت للمرآية تعدل الكحلة .. وتمسح بالمنديل ..
× طق باب الغرفة .. راحت تفتح ..
عبد الله " يبتسم " : وش فيك رحتي ؟
نورة " طاحت دموعها " : عشانك .. مابيك تتركني ..
عبد الله " يطالعها " : وش دعوى نوير ماراح أطول أسبوعين وجاي .. والله لو أنت مو حامل والله أخليك تروحين معنا ..
نورة " تطالعه وتبتسم " : الله يخليك ياعبود والله لولا ثم أنت كان ماشفتني أتشجع وأصبر ..
عبد الله " مسك يدها " : يالله انزلي وأنا أدري وش فيك ؟ بس ماعليه بمشيها لك .. يالله اجلسي مع زوجتي واضحكي ..
نورة " وهي تمشي " : هاه حبوبه سارة ؟..
عبد الله : تعرفين تونا بالحكم عليها بس إن شاء الله إني مرتاح ..
نورة " تبتسم " : دامك مرتاح الحمد لله ..







× في بيت أبو دانة ..
الجدة ودانة بالصالة ..
دانة " بقهر " : طيب ليش ماما ماتكلمني ؟ خلاص عمي تفهم للموضوع بس هي مو راضية ..
جدتها : أمك أبخص من عمك وأدرى منه .. هي تبيه عون صار فرعون ..
دانة : يالله .. وش أسوي الحين والله مليت ..
جدتها "عصبت " : وش راح من الوقت عشان تملين بس هذي نتيجة الدلع الزايد .. وأصلاً وش جاك من الدنيا عشان تسوين بأمك كذا ..؟ بس والله ما تستاهلين ولا ربع اللي سوته لك ..
دانة " سكتت شوي .... يالله بس خلاص أنا بروح مع عمي وإذا مافيه فرصة عمل خلاص .. راح ترضى ..
جدتها " انقهرت " : إن شاء الله يطلع اللي بالسجن ويوريك دلع أمك وأبوك الله يرحمه ..
× دانة شافت جدتها وسكتت .. ملت من الكلام معهم ..









× بيت أم عبد الله .. أم عبد الله وأم عبد العزيز يسولفون بالمجلس .. ومنار وروان يلعبون .. وعبد الله ومرته ماطولوا لأن عندهم رحلة..
× نورة وسحر يسولفون بالصالة ..
نورة " تبتسم " : حلو الله يوفقك ..
سحر : يعني تمنيت إني أتزوج مع سارة عشان ماأحس بفراقها .. بس يالله شوي وش مستعجلين عليه ..
نورة " تطالعها " : جد وش مستعجلة عليه ترا الزواج شقى .. والرجل يبي ..
سحر " تطالعها وبهدوء" : بس بيني وبينك شكل سلمان عسل ومايبي على قولتك × تضحك ..
نورة " حست بشعور غريب " : أهااا.. × ارتبكت .. الله يوفقك ..
سحر " ودها تآخذ وتعطي بس نورة ماتساعد ..
سحر " بسرعة وعفوية" : نورة أنت مبسوطة مع فيصل ؟
نورة " ابتسمت بتطنز " : تستهبلين ؟
سحر " انحرجت " : وش دعوى ؟ لا ماأستهبل ..
نورة " مستغربة وتطنز " : عبود قايل لسارة وسارة أكيد قالت لك ..
سحر " سكتت " ...
نورة : تراها متساوية معي .. عادي .. × منقهرة ..
سحر " رحمتها " : لالا ماأقصد والله .. بس مايمنع يمكن أنت تحسين انك مبسوطة ..
نورة " تضحك بقهر " : ما أظن فيه مرة عاقلة يتزوج عليها زوجها وتنبسط .. تضحك على روحها هذي .. !!!!
سحر : صح ..
× نورة سرحت ..
× سحر منحرجة .. طيب خلينا نرجع عند أمي وأمك ..
نورة " تطالعها .. يالله " وقفت .. × بينها وبين نفسها .. وش جاب طاريه هذا وراي وراي .. ؟؟ اوف منه ..
سحر " وهي تمشي " : نورة ترا ماأقصد أجرحك وربي ..
نورة " تمسك يدها " : عادي ماصار شي لا تصيرين حساسة ...








× راحت الليلة ..









× الفجر ..




× نورة خلصت مصلية .. وراحت جلست على طرف السرير .. وتتألم ,, ياااالله وش فيني .. زاد عليها الألم .. آآآآه ياربي وش أسوي ,, وقفت .. وراحت بسرعة لغرفة أمها ..
× دخلت .. وأمها توها مخلصة مصلية ..
أم عبد الله " استغربت " : وش فيك .؟
نورة " بألم " : يمه شكل الطلق بدا ..
أم عبد الله " ابتسمت ووقفت بسرعة ": اصبري شوي توه بادي معك ؟
نورة " تتألم " : يمه وش أصبر ؟؟ له أكثر من ساعتين المغص يروح ويجي .. الله يخليك بسرعة ..
أم عبد الله " مسكت نورة وجلستها على طرف السرير .. اصبري يمه أدق على علي مافيه غيره ..
× نورة تتألم وزاد معها ..
× أم عبد الله تدق من جوالها على علي ..
أم عبد الله "تتنهد " : مايرد ..
نورة : يمه دقي على خالتي تصحيه تكفين .. بسررررعة ..
أم عبد الله " راحمتها " : يالله يمه اصبري .. تحملي شوي ..
× دقت على جوال أم فيصل .. مقفل ..
أم عبد الله " طاحت دموعها " : يالله وينهم مافيه أحد ؟ ياربي الله يذكرك بالخير ياعبود ..
نورة " بكت من الألم " : يمه دقي على الثابت دوري حل وإلا على أبو فيصل ..
× دقت أم عبد الله على جوال أختها مرة ثانية .. ومسك ..
ام عبد الله : يارب ترد ..
نورة : ياااارب ..
أم عبد الله " بسرعة " : هلا أم فيصل ..
أم فيصل " مستغربة " : وش فيك داقه هالوقت ؟
أم عبد الله : واللي يسلمك أم فيصل دوري لنا أحد يجي يودينا للمستشفى نورة تطلق ,,
أم فيصل " انبسطت " : يالله يالله أقوم أصحي علي ..
أم عبد الله : الله يعافيك بسرعة ..
أم فيصل : مع السلامة ..






× أم فيصل راحت بسرعة لغرفة علي .. وشافت مافيه أحد بالسرير .. يااااااربي وين راح هذا .. معها جوالها .. وتدق عليه مايرد .. ياااربي وش أسوي .. ؟؟




× تسمع صوت أحد تحت ... × تصوت .. من اللي تحت ..
× علي يرقى الدرج .. أنا يمه وش فيكم . ؟ أزعجتوني بالمسجد وش عندكم .. ؟
أم فيصل " بسرعة راحت له " : ياوليدي رح بسرعة لبيت خالتك .. نورة بدا معها الطلق ..
علي " انهبل " : يعني بتولد إذا جاها الطلق ؟
أم فيصل " عصبت " : مو وقت أسئلتك رح هالحين وإذا جيت اسأل يالله يبه بسرعة ..
علي " رجع " : يالله يالله ..






× أم فيصل دقت على أم عبد الله .. هلا أم عبد الله .. يالله خلك عند الباب ترا علي جاء ..








× في بيت أم عبد الله ..
أم عبد الله " واقفه عند نورة " : وين عبايتك ؟
نورة : بغرفتي معلقة على الشماعة ..
× طلعت أم عبد الله .. ونورة زاد الطلق عليها ..
نورة " تصرخ " : يمه الله يخليك بسرعة ..
× دخلت أم عبد الله ومعها العباية .. يالله يمه قومي ألبسك ..
× نورة وقفت ..
أم عبد الله : وين حطيتي الشنطة اللي جهزناها ؟
نورة : بالغرفة عند سريري ..


× راحت أمها وأخذت الشنطة ..

× طلعوا ينتظرون علي عند الباب ..








× في بيت أبو فيصل ..
أبو فيصل " توه داخل غرفته " : وين راح علي ؟ سيارته مو عند الباب ..
أم فيصل " جالسة على طرف السرير ومو على بعضها " : نورة ياعمري بتولد ..
أبو فيصل " انبسط " : الله يهون عليها يارب .. أجل ما أقدر أنام ..
أم فيصل " بكت " : ولا أنا ..
أبو فيصل " قرب وجلس جنبها " : المفروض تفرحين أبوه فيصل ..
أم فيصل " تبكي " : تمنيت فيصل بيننا يحس ويسمع الخبر ..
أبو فيصل " يهون عليها " : إن شاء الله قريب يطلع .. ادعي له .. وراح ينبسط ..
أم فيصل " والدموع مالية وجهها " : يارب تفرج عنه وعن محمد.. يارب ..





× نورة تتألم وهي بالسيارة .. والطلق يزيد.. علي الله يخليك بسرعة ..
علي " منحرج وخايف ": يالله قربنا ...
أم عبد الله : تحملي يمه .. اصبري ..
نورة " تبكي " : ياااااالله ..






× أبو فيصل منزل رآسه .. طيب ماودك ننزل وش يقعدنا ماراح ننام ..
أم فيصل : اي والله صادق لما تولد نورة ونروح لها الله يهون عليها ..
أبو فيصل " وقف ومسك يد زوجته " : يالله قومي وادعي ربك يهون على نورة ..
أم فيصل "وقفت " : الله يهون عليها .. ويارب ولدي يشوف ولده قريب .. يارب .. × تبكي ..






× علي جالس بالإنتظار .. دق جواله .. هلا يمه ..
أم فيصل : هلا يبه .. هاه وش الأخبار ؟
علي : دخلت خالتي مع نورة .. وأنا أنتظر ..
أم فيصل : وش قالوا ولادة ..؟
علي "بسرعة " : ايه ايه ولادة وبسرعة دخلوها ..
أم فيصل : يارب تهون عليها .. بشرني يبه ترانا ننتظرك أنا وأبوك ..
علي : إن شاء الله ..
أم فيصل : مع السلامة ..
علي : هلا ..











× في استراليا .. خالد وليلى ..
ليلى " مسترخية بتنام وعندها خالد .. بس حتى ولو ياخالد أنا زوجتك والمفروض تقول لي ..
خالد "بهدوء " : طيب وشوله تعيدين السالفة بس حب مشاكل ؟
ليلى " مستغربة " : لا بس قاهرني .. ليش ماقلت يعني شايفني خبلة بقول لنورة ..؟؟
خالد " يطالعها " : مو مسألة خبلة ؟ بس أنتم يالحريم مريضات ولا تأمنون أبد ..
ليلى " تضحك بتطنز " : حنا مريضات ؟
خالد : إيه مريضات .. وتحبون القيل والقال .. وتسوون أنفسكم فاهمين الدنيا .. لااااا ويجي فبالك إنك بتصلحين بيت وأنت بتخربينه أنا أعرفك زين ..ملقوفة ..
ليلى " طالعته وبتطنز " : نم نم بس تكفى .. دامك تشوفني مريضة .. خم وسادتك ونم ..
خالد " يضحك " : شفتي ماتقدرين تدرين ..
ليلى : إلا أقدر أرد .. بس اللي مثلك حرام أتعب نفسي بالكلام معه ..
خالد " سحب اللحاف " : الله يوفقه فيصل ما قصر تحمل أنا عشت معه كل لحظة وأنت ماتدرين عن شي أبد ..
ليلى "مستغربة " : وش فيك أنت ؟ صاحي ؟
خالد " يطالعها " : ايه صاحي .. نورة ماكانت تعرف تتعامل مع فيصل أبد .. وقسم بالله ماكان ينام الليل من القهر اللي فيه .. بس هذا أنتم يالحريم ماتصحون إلا إذا عطيناكم العين الحمرا ..
ليلى " عصبت " : يااااالله فيه رجال يتحملون إلى خمس سنين وإلى عشر ,, وفيه حريم يصبرون العمر كله .. هذا وش شاف ياحسرة .؟؟ توه حتى سنتين ماكمل .. جد بعض الرجال مايستاهلون التقدير ولا الصبر .. وعلى فكرة مو بس فيصل صبر .. حتى نورة صبرت عليه..
خالد "بتطنز " : قومي قومي تكفين طفي النور .. لأن الكلام معك عقيم وباين ماتدرين عن السالفة أبد .. وجلستي مع نورة جلستين وضحكت عليك بكم كلمة .. يالله قومي طفي النور الله يصلحك بس ..
ليلى " طالعته وسكتت ... !!









× في بيت أبو فيصل .. أبو فيصل وأم فيصل بالصالة ..
أم فيصل : يابعد عمري ياعبد الله نفسه يصير عند أخته ..
أبو فيصل : ياحليله هالولد ماشاء الله ..
× دق جوال أم فيصل ..
× ردت بسرعة .. هلا علي .. هاه بشر ..
علي "يضحك " : أبشرك يمه ولد ..
أم فيصل " بكت " : ولد يا أبو فيصل ..
× أبو فيصل انبسط ..
أم فيصل "بسرعة " : طبيعي ؟
علي " يبتسم " : خالتي تقول طبيعي ..
أم فيصل " وهي تبكي " : الحمد لله ونورة كيفها ؟
علي : يمه دقي على خالتي جوالها فاتحته اسأليها والله مادري عن شي بس قالت لي وراحت ..
أم فيصل : يالله مع السلامة ..
علي : مع السلامة ..









× أم فيصل وهي ماسكة الجوال .. ألف مبروك ياأبو فيصل ..
أبو فيصل : الله يبارك فيك .. يالله دقي تطمني ..
أم فيصل " تدق " ... .... هلا أم عبد الله .. ماشاء الله مبروووك والحمد لله على سلامة نورة ..
أم عبد الله " تبكي من الفرحة " : الله يسلمك ..
أم فيصل " بكت بقوة " : والله إني تمنيت ولدي بيننا ويفرح .. والله نفسي يدري ..
أم عبد الله : ادعي له ..
أم فيصل " أخذت منديل " : طيب كيفها نورة عسى ماتعبت ؟
أم عبد الله : لا ياربي لك الحمد ..
أم فيصل : الحمد لله .. عاد أنا الظهر بجي إن شاء الله ..
أم عبد الله : الزيارة الساعة 3 ..
أم فيصل : خلاص إذا قدرت أصبر جيت على 3 أنا وأبو فيصل ..
أم عبد الله : مع السلامة بدخل عند نورة ..
أم فيصل : سلمي عليها وباركي لها ..
أم عبد الله : يبلغ .. ومبروك وأنا أختك ..
أم فيصل : يبارك بعمرك ..









× في بيت أبو دانة .. دانة تلبس عبايتها وهي تنزل الدرج ..
× طلعت أمها من غرفتها وشافتها .. دانة ..
دانة " التفتت " : سمي ..
أم دانة " وهي زعلانة " : تراني ماني راضية عنك لو تشتغلين ..
دانة " طالعتها ولا اهتمت " : مع السلامة ماما ..
× أم دانة انقهرت ولا ردت ..




× دق جوال دانة .. وشافت الرقم وابتسمت .. أهلين عمي .. يالله هذاني طالعة .. × حطت جوالها بالشنطة وطلعت ..









× في المستشفى ..

أم عبد الله " تطالع نورة " : هاه كيفك الحين ؟
نورة : الحمد لله ..
أم عبد الله " تمزح " : هاه تحملين مرة ثانية ؟
نورة "بتعب " : لالااااااا خلاص .. والله اني وأنا أولد أقول الله يعظم أجر أميمتي .. وبس أدعي لك ..
أم عبد الله " تبتسم " :ايه حسيتي بالتعب عرفتي ورا الأمهات ينقهرون إذا ارفعوا بناتهم أصواتهم عليهم .. عشان هالولادة والتعب ..
نورة " بتعب " : خلااااااص سامحيني يمه .. والله والله ماتوقعت الولادة كذا لو كنت أدري بس عن ربعها كان شلتك فوق راسي ..
أم عبد الله : يابعد عمري طول عمرك عسل ولا شفت منك إلا كل خير يايمه .. الحمد لله على سلامتك ..
نورة " تطالع أمها " : الله يسلمك يالغالية .. × سكتت شوي .. يمه تكفين قولي لهم يجيبون ولدي بشوفه ما مليت ..
أم عبد الله : قلت للممرضة تجيبه تقول شوي ..
× نورة سكتت ..
أم عبد الله : يابعد عمري يا أختي شبعت من الصياح ..
نورة " برحمه " : تبكي ؟
أم عبد الله : إيه .. تقول ياليت فيصل بيننا ..
نورة " سكتت .. ونزلت رآسها .. وتكلم نفسها .. مو بس هي تحتاج فيصل .. حتى أنا أحتاج بوسته على رآسي ,,
أم عبد الله " تطالع نورة " : الحمد لله .. يرجع إن شاء الله ويشوفك وبتطمن عليك وعلى
نورة "قاطعتها " : لا أنا ما أبيه .. الله يفرج عنه ويروح لأمه المسكينة ..
× أم عبد الله سكتت ..










× في مكتب المدير الإقليمي ..
× ناصر ودانة ومدير المكتب ..
ناصر : الموهبة إن شاء الله موجودة .. والبنت متمكنة ..
المدير : بالعكس حنا نرحب في تواجد العنصر النسائي وزيك عارف ..
ناصر : شي طيب ..
دانة : كيف الحين تم قبولي وإلا لا ؟
المدير " يطالعها " : مو بالسهولة هذي أختي .. راح نسوي لك تجربة .. وإذا نجحتي تسوين تقارير للأخبار أو للبرامج .. أو حتى تصيرين مراسلة ..
دانة "تبتسم ": وين أسوي التجربة .. ؟
المدير : امممم تسوينها في قسم الأخبار .. لأن هناك التقارير كثيرة .. وإن شاء الله تعجبينهم ..
ناصر : ومتى نجي .. ؟
المدير : تقدر تروح له الحين .. وترتبون معاه ..
ناصر "وقف ومد يده يصافحه ": الله يعطيك العافية ماقصرت ..
المدير : الله يعافيك وبالتوفيق ..
دانة "تطالعه وتبتسم " : مشكور ..
المدير : العفو ..


× طلعوا ..

دانة " وهي تمشي " : توقع يقبلونني ..
ناصر : إن شاء الله .. وشكلك أعجبتي المدير بجرأتك بالحوار ..
دانة "تبتسم " : أهم شي الجرأة ..
ناصر : الله يوفقك وأنا عمك ..








× أم فيصل لابسة عبايتها وواقفة تنتظر أبو فيصل .. تكلم نفسها .. يالله وش فيه تأخر وينه ؟؟
× جت منار .. يمه تكفين بروح معك ..
أم فيصل : لا يمه بكرا بتطلع تروحين معي لبيتهم ..
منار "مسكت عبايتها " : الله يخليك يمه ..
× نزل أبو فيصل .. يالله يالله تأخرنا ..
أم فيصل " تطالعه " : وينك يالله بسرعة ..
منار " تطالع أبوها " : يبه تكفى بروح ..
أبو فيصل : يالله روحي غيري لبسك وأنتظرك بالسيارة بسرعة ..
أم فيصل : لا مو لازم تروح خلها تروح بكرا ..
أبو فيصل " وهي يمشي التفت على منار " روحي البسي يبه أنتظرك ..
أم فيصل : الله يهديك بس ..
أبو فيصل : تحرمينها مبسوطة بتشوف ولد أخوها ..









× ناصر ودانة بالسيارة راجعين للبيت ..
دانة : ياي التجربة بعد أسبوع والله بموت من الملل ..
ناصر : زين بعد أسبوع ..
دانة : يالله حلو .. يمكن أعجبهم على قولتك ..
ناصر : لا وتراه قال لي شكل البنت جرئية ..
دانة : هههههه وش فيهم كل من شافني قال جرئية ..؟
× دق جوال عمها .. ورد .. هلا أحمد .. ..
ناصر : مبرووووك الله يبشرك بالخير .. ألف ألف مبروك يبه .. زين بعد عشان تآخذها معك لاستراليا .. يالله يالله إذا جيت للبيت قل التفاصيل مع السلامة ,, هلا يبه ..
× دانة ساكته ..
ناصر " مبسوط " : ماشاء الله وافقوا أهل البنت اللي خطبناها لأحمد ..
دانة " بقهر " : مبروك .. ماشاء الله ..
ناصر " بهدوء" : بس لا يدري أحد لأن الموضوع ماتم .. وتعرفين أنت بالأمور هذي ..
دانة : لا تخاف عمي .. طيب بيدرس هو ؟
ناصر : إيييه ماشاء الله ماباقي على دراسته إلا 3 أسابيع .. يروح ويرجع يتزوج ..
دانة : الله يوفقهم
× دانة حست بقهر لأنها خسرت دراستها ولو كانت مكان البنت ماصار لها اللي صار .. تكلم نفسها .. وش هالحظ لك .. ؟؟ مالت علي بس ..







× في المستشفى ..
أم فيصل شايله الولد .. ياااابعد عمري والله يشبه فيصل .. × تبكي ..
أبو فيصل "واقف جنبها " : ماشاء الله مزيون ..
أم عبد الله : منهي أمه يالله من فضلك ..
منار : يشبه فيصل ياخاله .. مرة بعد ..
أم عبد الله "تمزح " : يشبه بنتي مايشبه أخوك ..
نورة " تبتسم " : هاه وش رآيك ياعم ؟
أبو فيصل : ماشاء الله تبارك الله مزيون الله يصلحه .. وش بتسمينه ؟
نورة سكتت .. !!
أبو فيصل " يطالعها " : ما اتفقتوا على اسم قبل ؟
نورة " طاحت دموعها " : قبل يختلف عن الحين ياعم ..
× سكت أبو فيصل ورحمها ..
أبو فيصل " يطالعها " : أنت وش الاسم اللي معجبك ؟
نورة " بكت " : اللي يعجبك ياعم .. أنت سمه ..
أبو فيصل " جلس على الكرسي " : شوفي يايبه إذا ماودك تسمين علي كيفك ومسامحك يايبه ..
أم عبد الله : اسمك من أفضل الأسماء .. يا أبو فيصل ..
نورة : صادقة أمي ..
أبو فيصل " يقنعها ويبي يرضيها عشان فيصل" : بس نورة أكيد فبالها اسم ؟
نورة " سكتت شوي .. ايه أنا فبالي اسم ..
أبو فيصل " يبتسم " : قولي يبه .. ونسميه ..
أم فيصل " تطالعها " : نورة سميه هذا ولدك يايمه ..
نورة " بهدوء " : بعد من أفضل الأسماء .. وغالي على قلبي والله .. أبي أسميه عبد الله ..
أبو فيصل : يالله من فضلك والنعم وألف نعم .. والله لو يآخذ من عبد الله بس اسمه يكفيه ..
أم عبد الله "تضحك " : الله يسلمك مير ياأبو فيصل ..
أم فيصل " تطالع أختها " : إلا بشرتوا عبد الله ..؟
أم عبد الله : ياااااابعد حيي ياعبود .. لا والله مابشرناه مقفل جواله .. وأرسلت له رسالة بس شكله ماشافها ..
نورة : يوووه بس أخاف يرجع من سدني لو يدري ..
أم فيصل : ياحبي له الله يخليه لكم .. وصل ؟
أم عبد الله : ماأظن إنه واصل شكله بالطيارة للحين .. وإلا يانورة ؟
نورة " تطالع أمها " : أكيد لأن الرحلة طويلة.. × سكتت شوي .. أو يمكن جواله مافيه شحن ..
أم فيصل : يدري إن شاء الله ..










× في بيت أبو دانة ..
أم دانة وأمها بالصالة ..
أم دانة " بقهر " : دخلت والله حتى السلام ماسلمت .. بس تقول تم القبول مبدئياً ..
الجدة : هذا اللي قهرني ..
أم دانة : كلمت عمها صالح .. وعصب وحتى عصب على ناصر ..
الجدة " استغربت " : صاحية أنت تكلمين صالح والله ان يقلب الدنيا على بنتك وتفتحين لنفسك ألف باب . ويتدخل فيكم ..
أم دانة " سكتت شوي " : أحسن هذا اللي أبيه ..
× رن جرس البيت ..
أم دانة " تصوت " : ناني افتحي الباب .. × تشوف أمها .. ووقفت هذا أكيد صالح جاء .. بروح أجيب شي أحطه على شعري ..
الجدة : الله يهديك بس مادري وشوله قلتي له ..
× دخل العم صالح للصالة بسرعه .. وبعصبية .. وينها ؟
الجدة " تطالعه " : اذكر الله وسلم قبل ..
العم " معصب " : هلا هلا وشلونكم .. وين دانة ..؟؟





× دانة بغرفتها مسترخية وماسكة الرواية بيدها .. وتسمع صوت الإزعاج .. ونزلت من السرير وحطت الرواية على الكومادينة .. يوووه وش فيهم .. ؟ فتحت باب الغرفة .. وطلعت وشافت عمها يرقى الدرج ..
العم " بسرعة وبعصبية " : دانوه ..
دانة " بكبرياء " : خير ؟
العم " قرب بسرعة ومسك شعرها وبعصبية " : لا تتكلمين معي بهالأسلوب أقطعك تقطيع ..
دانة : أيييي اترك شعري طيب ..
العم " ويشد شعرها " : أنت بتنزلين وجيهنا بالأرض ياقليلة الحياء ..
دانة " بكت " : اتركني طيب .. والله عورتني ..
العم " رفع رآسها وضربها كف قوي ..
× دانة بكت ..
العم " بصوت عالي " : شوفي بنت أبوك تروحين للقناة ..
دانة " وهي تبكي " : بروح ومالك دخل فيني أنت مو ولي أمري ولا شي ..
× قطعها الكف الثاني ..
دانة " بكت بقوة بصوت عالي " : ماتعرفنا إلا بالمشاكل ..
× جت أم دانة .. خلاص خلاص يا صالح ..
العم " وهو رافع اصبعه االسبابة ومعصب " : دانة ترا ماطلع شي .. وقسماً بالله العلي العظيم لا أمسح فيك الأرض وأنسيك الدنيا .. خلك بس تتجرأين وتسوين شي .. وناصر حسابه معي ..
دانة " وهي تبكي " : اتركنا خلاص ماعليك منا ..
× أم دانة مسكت بنتها ... خلاص اسكتي ..
العم : أنا رايح الحين وخليني بس أدري إنك متعدية عتبة البيت ..
× دانة بينها وبين نفسها انقلع الله يآخذك..
× نزل عمها ..

دانة " تطالع أمها وتبكي " : أنت اللي علمتيه .. أدري ..
أم دانة " بهدوء " : أبي مصلحتك .. ولا سويت شي خطأ ..
دانة " ماتكلمت .. ودخلت غرفتها وسكرت باب الغرفة بقوة وقفلت الباب وبصوت عالي وهي تبكي بقهر .. يااااااارب تفرج عن فيصل .. ياااااارب .. والله إن الغالي على حق يوم يزوجني قبل يموت .. × جلست على طرف السرير تبكي بقوة ..
× أمها واقفة عند الباب وتسمع .. ورحمتها ..
دانة " وهي تبكي " : ليش تقولين له .. خلاااااص ماله دخل فيني .. وإلا عشان اللي يتكلم ويدافع عني مات بيتدخل فيني .. الحين أنت تدرين إنك فتحتي له باب يرجع ويسوي مشاكل .. الله يآآآخذه × تبكي ..
× أم دانة واقفة وندمت إنها علمت .. ×تتنهد ..لا إله إلا الله محمد رسول الله ..







× في المستشفى ..
نورة تكلم بالجوال .. يااااابعد عمري أنت ..
عبد الله " يضحك " : أخيراً صرت خال ..
نورة : لا واسمه عبودي بعد ..
عبد الله : ياحبي لك .. أنا ورا ماأجي الحين والله ماأقدر أصبر ..
نورة "تضحك " : لالالا انبسط وإن شاء الله عبود الصغير ماراح يطير ..
عبد الله : طيب ياعسل سارة تسلم عليك مرة ثانية ..
نورة : يسلمها ربي واشكرها على المكالمة ..
عبد الله : يالله فمان الله وانتبهي لعبودي ..
نورة "تبتسم " : إن شااااااء الله .. يالله فمان الله ..
عبد الله : هلاو غلا ..


× أم عبد الله تطالعها .. هاه مبسوط ..
نورة " تبستم " : مرة ياحبي له .. يقول بطير من الفرحة ..
أم عبد الله : ياحبي له .. شوفي ترا اليوم أم سلمان بتجي لا تقولين ولا كلمة عندها كلمة ورد غطاها ..
نورة : إن شاء الله .. وطيب توقعين يدرون إن فيصل متزوج ؟
أم عبد الله "تتنهد " : والله مادري يمكن سحر قايلة لسلمان وعاد سلمان مثل أمه ..
× نورة سكتت ..
أم عبد الله : المهم لا تجيبين طاري انك منقهرة .. لأنها بتفرح بالمشكلة بيني وبين اختي ..
نورة : طيب يمه .. ماراح أقول شي .. وأم عبد العزيز بتجي بعد ..؟
أم عبد الله : لا لا ماأتوقع يجون بالبيت إن شاء الله .. والله يعين .. هالنفاس تعب ..
نورة : الله يعين ..








× دانة مسترخية على السرير وتبكي .. الله يرحمك يالغالي .. الله يرحمك .. والله فراقك صعب .. × تمسح دموعها .. وفيصل بالسجن .. وش هالحظ .. ؟؟ يارب يارب تصبرني ..






× في بيت ناصر .. ناصر وصالح جالسين بالمجلس ..
ناصر " وهو يصب القهوة " : بس حتى ولو مالك حق تمد يدك عليها ..
صالح : تستاهل أصلاً من قبل وهي قاهرتني أبوها معطيها الضوء الأخضر في كل شي ..
ناصر " يطالعه " : الله يلوم اللي يلوم أبوها ,, ماله إلا ثم هالبنت وش تبيه يسوي فيها ؟
صالح " سكت شوي وبقهر " : لااااا واللي يقهر إنك تسوي لها اللي تبيه ..
ناصر : أنا راحمها .. مسكينة البنت أبوها وزوجها راحوا بوقت واحد ..
صالح " يتنهد " : زوجها بيرجع إن شاء الله ..
ناصر " يقنعه " : ياخي لو بنتك أمل يصير لها نفس اللي صار لدانة ماتنقهر .. حتى فرحة مثل البنات مافرحت على طول زوجها انسجن..
صالح " مستغرب من أخوه " : بعد أخوي الله يرحمه مزوج بنته واحد حتى السؤال عنه ماسأل وغير كذا متزوج بس لأن بنته دانة وافقت وتبيه.. وبعدين لا تقارن بنتي بدانة أرجوك ..
ناصر " ابتسم باستهزاء " : ليش ماأقارنها ؟
صالح "بسرعة " : تربيتي لأمل غير .. حتى الحمد لله ماتخالطهم عشان ماتخرب أخلاقها ..
ناصر " يبتسم " : دانة أخلاقها قمة .. وأنا لو عندي بنات كان خليتهم 24 ساعة عند دانة ..
صالح " بسرعة " : المهم المهم .. لا تودي دانة الأسبوع الجاي وإلا والله لاأقلب الدنيا عليك أنت وياها ,,
ناصر " سكت ..
صالح " وقف " : تآمرني بشي ..
ناصر " وقف " : شوف صالح دانة بتسوي اللي تبيه وأنت مالك سلطة عليها ولا لك حتى كلمة .. البنت متزوجة
صالح "قاطعه": قلتها البنت متزوجة .. يطلع زوجها وهو يتصرف معها لا أنا ولا أنت ..
ناصر : بس حنا ماسوينا خطأ .. اللي سويته أنت هو اللي خطأ ..
صالح : أنا بربيها من جديد .. وماأبيها تسوي شي من ورا زوجها .. لأن زوجها يختلف عنا زي ماقالت لي أمها .. ولا أبي بنت أخوي تتطلق ..
ناصر " يتنهد " : يحلها ربك أنا أجلس مع دانة وأشوف ..





× بعد مرور أكثر من أسبوع .. !!





× في بيت أبو دانة ..


× أبو فيصل ودانة بالمجلس ..

دانة " مستحية " : الله يحييك ياعمي ..
أبو فيصل : تعبت والله وأنا أدور عنوانك ..
دانة : الحمد لله إنك حصلته ..
أبو فيصل : والله من زمان عندي العنوان ولا أحد يدري .. بس قلت أجي بوقت مناسب × سكت شوي .... وهذا واجبنا وأنا عمك ..
دانة : الله يجزاك الجنة ياعم × دمعت عيونها .. والله توي أحس إني متزوجة ..
أبو فيصل : صح مارضينا بس خلاص صار واقع وإن مارضينا نرضى غصب .. المهم أنا قلت أجي أبشرك بنفسي ..
دانة "ابتسمت " ...
أبو فيصل : فيصل بكرا بيطلع ..
دانة " ضحكت " : جد ؟
أبو فيصل : إيه .. وقلت أجي أقول لك لأنك أكيد ماتدرين عن أخباره وهذا واجبي وأنا عمك أنت زوجته ومن حقك تعرفين ..
دانة " مبسوطة " : الله يعطيك العافية على الخبر .. والله جد فرحتني ياعم ..
أبو فيصل " وقف وطلع من جيبة فلوس ومسك يد دانة خليهم معك وأنا عمك ..
دانة " ترجعهم " : لا ياعمي والله ماعلي قاصر الله يجزاك خير ..
أبو فيصل : والله ماآخذهم خليهم معك يبه .. × رجعهم ..
دانة " نزلت رآسها وطاحت دموعها " : والله أحرجتني ياعم ..
أبو فيصل : ولا احراج ولا شي أنا أبو زوجك ..
دانة : تسلم ..
أبو فيصل : يالله مع السلامة والله يوفقك .. وانتبهي لا أحد يدري بجيتي لك ..
دانة : إن شاء الله .. مع السلامة ..








× في بيت أم عبد الله ..

× أم عبد الله وأم فيصل ونورة ومنار ..
أم عبد الله "تطالع نورة " : رضعي ولدك أنت لا يصير جوعان ..
نورة : يااااااربي توي مرضعته يمه وش فيك ؟
منار " تقاطعهم " : شيليه وحطيه على رجولي نورة ..
أم فيصل : لا يا منار نايم خليه مو زين الصغير يصحى من النوم ..
نورة : صادقة خالتي أحطه على رجولك إذا صحى ..
× سكتوا...
أم فيصل : والله مادري وش أسوي إذا جاء فيصل بكرا .. فيه بقلبي شي عليه ..
أم عبد الله : لا يا لولوة لازم تشوفين ولدك ..
× نورة سرحت .. !!!!!
أم فيصل " بحزن " : مشتاقة له والله العظيم قلبي جمر من الشوق .. بس وش أسوي اللي سواه مو هين ..
أم عبد الله : سامحيه يا لولوة .. واللي صار بينه وبين بنتي ..
أم فيصل : مادري والله مادري .. × طاحت دموعها ..








× في بيت أبو دانة ..
× دانة ومشاعل بالغرفة ..



دانة : ياختي عسل أبو فيصل ..
مشاعل : الله يوفقك يارب ..
دانة : المهم فجرت رآسك من يوم جيتي بالسالفة .. وتركت سالفتي الأولى ..
مشاعل : إيه وش صار .. كيف التجربة للقناة ؟
دانة " مبسوطة " : انهبلوا يقولون صوتك جناااان وتدرين .. !! يركزون على أشياء ما توقعتها فيني ..
مشاعل " تبتسم " : تجنين أنت .. الله يوفقك يارب ..
دانة : آمين يارب .. وعمي مايدري عن شي الكريه هذا .. ياحبي لعمي ناصر قال ماراح يدري عن شي .. وخلاص بكرا يطلع فصولي..
دانة " بسرعة " : ماقلت لك .. يوم الأربعاء اللي فات دخلت فستان زواجي ..
مشاعل " بقهر " : لييييييش ماقلتي عندي فستاني والله يجنن وقاعد بالدولاب كذا ..
دانة : لالالا أنا أبيه ذكريات الله يسلمك ياقلبي ..
مشاعل " تطالعها " : أنا قلت كذا قبل أتزوج الحين خرابيط والله أبي أستفيد منه وأأجره على الأقل أكسب منه ..
دانة "تبتسم " : أحس الأسبوع هذا حلو .. مو مثل اللي فات يوووه بس أبكي ..
مشاعل " دق جوالها .. هذا زوجي .. أكيد عند الباب .. هلا يالله جاية .. ×سكرت .. ووقفت .. يالله تزيني لزوجك لاتنسين ..
دانة : لا توصين ياقشطة .. يالله ولا تقطعين ..
مشاعل : إن شاء الله .. عاد أنت تعالي ..
دانة : إن شاء الله ..





× في بيت أبو فيصل ..
أبو فيصل وعلي بالصالة .. يتعشون ..
علي : زين أمي راحت لخالتي والله إني راحمها أمس تقول ماقدرت أنام أسمع صوت محمد بالبيت ..
أبو فيصل : يالله ماتنام الليل .. والله حتى أنا اشتقت لمحمد ولفيصل ومزحه ..
علي " يتنهد " : الله يعين ..
أبو فيصل : تدري ياعلي ..
علي : سم ..
أبو فيصل : رحت لزوجة فيصل اليوم وقلت إن فيصل بكرا بيطلع ..
علي " استغرب " : يبه وش سويت ؟
أبو فيصل : وش سويت ؟
علي : يبه حرام ونورة ؟
أبو فيصل "يقنعه " : لازم نرضى يايبه البنت مالها ذنب بعد .. حرام نتركها ..
علي : ياااالله لو تدري أمي ..
أبو فيصل : لا تقول لأحد ..
علي : لالالا ماراح أقول أكيد .. طيب تدري إن فيصل جاه ولد ..
أبو فيصل : لا ماقلت شي وشكلها ماتدري ..
علي : أحسن ..
أبو فيصل : إذا خلصت متعشي جب أمك من بيت خالتك ..
علي : إن شاء الله ..







× في بيت أبو دانة ..
أم دانة والجدة .. وأم إبراهيم بالصالة ..
أم دانة : زوجة إبراهيم ماعمرها جت لبيتي ..
أم إبراهيم : خليها تجيني أنا ياأم زوجها وبعدين تجيك × تضحك ..
الجدة : الله يصلحها .. عكس إبراهيم ..
أم دانة : شفتي يا أم إبراهيم .. رجل دانة بكرا بيطلع من السجن ..
أم إبراهيم : الحمد لله .. الله يبشرك بالخير .. مسكينة دانة والله مقطعة قلبي ..
الجدة : وبس تبكي ومتضايقة متعلقة فيه ..
أم دانة : توها بعد .. ماشافت إلا الدلع ..
أم إبراهيم : صادقة الحين أيام الدلع ..









× في بيت أبو فيصل ..
أبو فيصل وأم فيصل بغرفة النوم ..
أم فيصل " مسترخية " : والله مادري وش أسوي ياأبو فيصل ..
أبو فيصل : إن شاء الله بتسلمين وتستقبلينه عادي ..
أم فيصل " بكت " : ما أقدر والمسكينة إلى اليوم تطيح دموعها منه .. كاسر خاطرها ..
أبو فيصل : لازم ترضين عنه يالولوة ..
أم فيصل " تسمح دموعها " : يارب .. والله مادري شسوي ..
أبو فيصل : هذا ولدك وبكرا بيجينا غير عن كل مرة .. بيجي مشتاق للدنيا كلها ..
أم فيصل "بكت بقوة " : والله اني مشتاقة له .. يابعد عيني ياوليدي ..




× يوم جديد ..


في بيت أم عبد الله ..
نورة " وولدها على رجولها يبكي " : بس يبه .. بس ..
أم عبد الله : ياربي مانومنا بالليل بدينا بالشياطين ..
نورة " تضحك " : على خاله .. ياحبي له ..
أم عبد الله : يالله غيري له قومي ..
نورة : تكفين يمه غيري له أنت ..
أم عبد الله : عطيني اياه وبسبحه بعد .. أكيد أبوه بيجي يشوفه اليوم .. × أخذته ..
نورة " سكتت ..
أم عبد الله "راحت " وتكلم عبود .. ياعين أمك أنت ..

× نورة .. بينها وبين نفسها .. والله مشتاقة لك يافيصل .. والله نفسي أشوفك .. ياليتك تدري عن فرحتي.. !! والله ودي أضمك .. يابعد قلبي أنت ..






× في بيت أبو فيصل ..
أم فيصل ومنار بالصالة ..
منار : يمه دقي على علي شوفي وينهم والله طولوا وأنا أنتظر ..
أم فيصل : يابعد قلبي يافيصل وش بيسوي لو يدري عن ولده ..
× سمعوا صوت باب ..انفتح ..
أم فيصل "وقفت ": يمه روحي شوفي أكيد هم ..
منار "راحت تشوف .. وتصوت يمه يمه فيصل جاء ..
× طلعت أم فيصل بسرعة ..
أبو فيصل : تو مانور البيت يبه ..
أم فيصل " شافته وبكت .. فيصل يااااااابعد قلبي ..
فيصل " بسرعة قرب وضمها " : هلا بالغالية ..
أم فيصل " تبكي وهي حاضنته " : الحمد لله على السلامة يبه ..
فيصل : الله يسلمك يالغالية ..
× علي يكلم أبوه بصوت واطي .. متى نقول له عن ولده ؟
أبو فيصل : شوي إذا دخل وارتاح عشان مايروح ..
علي : زين ..
أم فيصل " تلمس رآسه وتبكي " : يابعد قلبي ياوليدي يالله ادخل خذ لك دش وارتاح ..
فيصل " يتنهد " : ارتحت بشوفتكم والله ..
× دخلوا ..




× في بيت أم عبد الله ..
× دق التيلفون .. ردت نورة .. هلا
أم فيصل : هلا نورة يمه ..
نورة " قلبها يرتجف بسرعة " : أهلين ..
أم فيصل : وين أمك ؟
نورة : تغير لعبود .. بغيتي شي خالتي .
أم فيصل "مبسوطة " : قولي لأمك فيصل طلع ..
نورة " طاحت دموعها " : الحمد لله على سلامته ياخاله ..
أم فيصل : الله يسلمك يالله يمه بقعد مع ولدي .. سلمي على أمك ..
نورة : يبلغ .. × قفلت ..
× نورة تكلم نفسها .. ياااااالله .. كذا طلعت من حياته على طول .. خالتي تكلمني وكأني غريبة مو زوجته .. !!!!!!







× في بيت أبو دانة ..
× دانة فتحت باب غرفة أمها وبسرعة دخلت وهي مبسوطة .. ماما أبشرك فيصل طلع ..
أم دانة " ابتسمت " : الحمد لله على سلامته ..
دانة " قربت لأمها " : والله مبسووووووووطة مرة نفسي أروح الحين أشوفه .. × تضحك ..
أم دانة : دوم مبسوطة .. بس من قال لك ..
دانة : عمي أرسل لي .. ياحبي له ..
أم دانة : الحمد لله يايمه ..






× في بيت أبو فيصل ..
× كلهم جالسين بالصالة ..
أم فيصل " ودموع الفرحة مالية وجهها ": عقبال محمد .. أشوفه بيننا وترجع حياتنا مثل أول ..
فيصل " نبرة تعب " : آمين ..
كلهم : آمين ..
أبو فيصل : دامك ماتقدر تنام عندنا لك بشرى ..
فيصل "يطالع أبوه " ...
أبو فيصل " يبتسم " : نورة جابت لك ولد ..
فيصل " بسرعة " : والله جاني ولد ؟
أم فيصل : إيه سمته عبد الله ..
فيصل " بكى من الفرحة " ... ووقف بشوفه .. تكفون بشوفه .. !!!!








وش راح يسوي فيصل يرجع لنورة وإلا دانة !!!!!!

× في بيت أم عبد الله ..
× نورة وأم عبد الله بالصالة ..
نورة "بصوت واطي " : من جاي معه ؟
أم عبد الله " بهمس " : علي .. وقال لي علي فيصل يبي يسلم عليك قلت لا ..
نورة " سكتت شوي .. " طيب ماسمعتي وش ردت فعله يوم شاف عبود ؟
أم عبد الله " وقفت وبصوت واطي " : بروح أنادي علي يآخذ القهوة له .. وأقول له ينتبهون للولد إذا بيطول ..
نورة : أوكي ..
× راحت أم عبد الله ..
× نورة وقفت ,, وراحت تمشي شوي شوي للمجلس وتسمع .. فيصل يكلم علي ..
فيصل " يضحك ويلعب ولده " : يابعد عين أبوك .. × يطالع علي .. تدري ياعلاوي ما توقعت شعور الأبوة كذا ..
علي " يبتسم " : تنصحني أتزوج ..
فيصل " رفع ولده " : إذا بتجيب مثل عبود تزوج ..
علي " يضحك ....!!




× نورة تسمع .. وبينها وبين نفسها .. يازين صوتك.. نفسي أسلم عليك .. وأسألك عن أخبارك × طاحت دموعها .. ×ورجعت .. جلست بالصالة وكأن هموم الدنيا كلها على رآسها .. × جت أمها للصالة ومعها القهوة .. نورة ..
نورة " مسحت دموعها بسرعة " : سمي ..
أم عبد الله " تطالعها " : والله إني مشتاقة لفيصل وودي أسلم عليه وأتحمد له السلامة ولو مو عشانه عشان أختي ..
نورة "ابتسمت " : سلمي يمه .. لا تجاملينني ..
أم عبد الله " قربت وبرحمه وبهمس " : والله إن التراب اللي تمشين عليه يسوى الدنيا ومافيها واللي سواه فيصل كأن الجبال فوق صدري من القهر ,, بس والله إني بين نارين أنت وأختي ,, وبتنقهر لو تدري إني ماسلمت ..
نورة : ياااااابعد عمري أنت .. لا والله يمه جد روحي ..
أم عبد الله "مشت " : الله يعينني والله أخاف أصيح ..
نورة " تطالعها " : روحي بسرعة يالله .. × بصوت واطي .. ياليتني خالته .. ولا صار اللي صار ..


× دخلت أم عبد الله ..
× فيصل انحرج ..
× قربت أم عبد الله .. الحمد لله على السلامة يافيصل ..
فيصل " يبوس رآسها وعبود معه " : الله يسلمك .. × نزل رآسه بسرعة ..
× علي أخذ القهوة يصب ..
أم عبد الله "جلست وفيها حرة " : كيفك ؟
فيصل " يبتسم " : الحمد لله دامي شفت عبود بخير .. وشفتكم بعد ..
أم عبد الله " نزلت رآسها " : الحمد لله .. ×وقفت .. يالله مع السلامة أشوفك على خير ..
فيصل " استغرب " : ما سولفت معك ياخاله ..
أم عبد الله " والدمعة بعينها ووقفت عند الباب " : ما أقدر .. × طاحت دموعها ..
× علي نزل رآسه ,,
أم عبد الله " التفتت وتطالعه " : لولا غلا أمك بقلبي ما مديت يدي لك ..
فيصل " سكت ..
أم عبد الله " مسحت دمعتها " : ترا نورة وعبد الله أغلى ماأملك بالدنيا .. واللي يرمي عليهم كلمة تضيق فيني الدنيا ..
فيصل " ساكت ..
أم عبد الله " ابتسمت بحزن " : ماودي أقول لك الكلام هذا الحين .. بس أنا أم ومو قادرة أنسى اللي سويته في بنتي .. × طلعت لأنها تبكي ..




× سكتوا شوي فيصل وعلي ..
علي " بصوت واطي " : ياااااويلك من الله .. بكيتها .. والله تقطع قلبي ..
فيصل " يتنهد " : تدري علي ؟ والله إني تسرعت بالجية .. والله وسيع وجه .. اللي سويته مو هين ..
علي : أحرجتهم ..
فيصل " يطالع ولده " : عشانه ماقدرت أفكر ودي أشوفه .. وتوي أحس إن الجية مالها داعي أبد ..
علي : يالله .. الله يعينك أنت فتحت لنفسك مليون باب ومن الأساس ماشاورت أحد .. واللي بيجي أكثر .. بعد عبد الله ماجاء ..
فيصل " يتنهد" : شكلي بخسر أهلي عشان دانة ..
علي : أنت اللي اخترت .. وتحمل ..
× فيصل سكت ..








× في بيت أبو دانة ..
× دانة بالمطبخ تكلم مشاعل بالجوال .. مشمش حتى مسج ما أرسل !!!
مشاعل : يمكن جالس مع أهله .. والله المفروض تقدرينه اليوم أول يوم ..
دانة : حتى أنا من أهله .. المفروض مسج طيب ؟ والله شي غريب !
مشاعل : يمكن فيه شي عندهم ..
دانة : ياخوفي رجع للعلة يامشمش والله بموت لو يرجع ..
مشاعل : عادي توقعي كل شي .. يمكن يبي يعدل بينكم .. أول يوم بعد السجن لها واليوم اللي بعده لك × تضحك ..
دانة " بتطنز ": وش المطلوب مني أضحك وإلا أبتسم وإلا ايش ؟
مشاعل " تضحك " : صيحي .. ×بسرعة .. شوفي شوفي .. تذكرت شي ..
دانة : وش تذكرتي .. ؟
مشاعل : نورة مو حامل .؟
دانة " تتنهد " : ايييييييييييييه أكيد ولدت .. لأنها من زمان حامل ..
مشاعل : أكيد ياقلبي ..
دانة "عصبت " : الله يآخذها مو وقتها ..
مشاعل : أنت حرام عليك تدعين عليها ..
دانة : ياكرهها بعد ..ميشو إذا تزوج عليك اللي عندك عرفتي وشلون القهر ..
مشاعل " بهدوء " : أكيد بنقهر لأني بصير مكان نورة واللي راح تزوج رجلي بتصير خاطفته مني وبموت قهر .. لأنها زوجة ثانية ..
دانة " استغربت من كلام مشاعل " : وش تقصدين ..؟
مشاعل : جد هذا واقعك لا تتهربين أنت اللي داخله عليها وتتكلمين عنها وكأنها خاطفة زوجك ..
دانة " انقهرت " : أقول وخري بس تقولين الكلام ولا تثمنينه .. ياثقل مزحك .. بايخه .. × عصبت ..
مشاعل " تضحك " : مع السلامة شكلك عصبتي ..
دانة : وخري بس × قفلت بسرعة ,, يووووه منك وكلامك البايخ ..









× في بيت أبو فيصل .. فيصل وعلي بغرفة النوم ..
فيصل " مسترخي " : أمي ياحبي لها مرة فرحت يوم عرفت إن خالتي سلمت ..
علي " جالس على طرف السرير " : ماتدري إنها بكت ..
فيصل "تنهد بقهر ": يالله .. وش مسوي أنا ؟
علي : شكلك ندمان ..
فيصل " يبتسم ويكابر " : ومن قال ؟ .. والله مشتاق لدانة مرة .. ومتوقع إن نورة ترفض تسلم علي ..
علي " استغرب " : للحين تبي زوجتك الثانية ..
فيصل " يضحك باستهزاء " : ياخي لعبة هي ؟؟؟ وبعدين وش تغير ؟؟ دخلت السجن وطلعت ..
علي : بس كلهم ضدك ..
فيصل : يتعودون أنا بضحي عشان أرضيها .. × يتنهد .. أحبها ياعلي .. والله أحبها .. × أخذ جواله .. ويطالع علي .. تدري الجوال للحين مافتحته وأكيد داقه وقالبه الدنيا ..
علي " منقهر " : يا مسكينه يانورة ..
فيصل : حتى نورة أبي أشوفها وأدري عن أخبارها ..
علي "يضحك " : كم قلب لك ؟.
فيصل " يطالعه " : مو على كم قلب .. !! نورة تعودت عليها .. ودانة حبيتها .. يعني كلهم أفقدهم ..
علي : طيب من تختار ؟
فيصل " سكت شوي " : هذي أم عبد الله .. وهذي دانة ..
علي : يعني كلهم سوا ..
فيصل : لو نورة ماجابت عبود كان اخترت دانة ..
علي " سكت ..
فيصل : ما أعجبك كلامي ..
علي " بقهر " : والله العظيم لو شايف حالة نورة وهي تولد إن تترك دانة واللي جابها ..
فيصل " تحمس " : وشلون ؟؟؟
علي : أنا اللي وديتها يوم بدا معها الطلق .. والله العظيم رحمتها وقلت كيف يتزوج عليها فيصل .. تمنيتك أنت اللي موديها عشان تعرف قيمتها جد ..
فيصل " سكت ..
علي : كانت تتعذب .. وأدعي ربي نآصل المستشفى بسرعة ..
فيصل : مرة تتألم ؟
علي "يتنهد " : يااااااااااالله .. بعض الأشياء ماأتذكرها من صدمتي بالولادة ماتوقعتها كذا .. وشلون هي اللي تحس فيها ؟؟؟
× فيصل سرح ..!!!!!!









×دانة منسدحة بتنام .. ماسكة جوالها .. وتدق .. ياااالله للحين مقفل .. وش أسوي أنا ؟؟!! والله بموت قهر ..













× فيصل منسدح ومشغل الاباجورة.. ويطالع علي وهو نايم .. × يبتسم .. ماشاء الله عليك ياعليوي قبل شوي تسولف وهالحين تشاخر .. عطني شوي .. طلع جواله من تحت الوسادة وفتحه .. وقام من السرير يمشي شوي شوي عشان مايصحى علي ..وفتح الباب وطلع .. نزل للصالة .. وجلس .. وطلع رقم دانة .. ودق ... !! بصوت هادي .. السلام عليكم ..
دانة " كانت نايمة وبهدوء " : وعليكم السلام ..
فيصل " يضحك " : نايمة ؟
دانة "تنبهت وبسرعة " : فيصل ؟
فيصل " يضحك " : ياااااابعد عمري ياهالصوت .. وربي اشتقت لك ..
دانة : حيااااتي ,, أخبارك ؟
فيصل : والله تمام بس مشتااااق .. تعرفين وش معنى مشتاق ؟
دانة " بكت " : والله اشتقت لك .. حرام عليك ولا دقيت ولا مسج ..
فيصل : أبيك تشتاقين أكثر .. مايحق أتغلى ..
دانة "تتنهد وبدلع " : إلا يحق لك والتغلي لك ..
..........

......






× راحت الليلة سواليف وغزل وعتب .. !! بين قلبين جمعهم الحب .. !!











× في بيت أم عبد الله نورة جالسة على طرف السرير ومعها الجريدة ..


نسيت أول حب داعب نبضات قلبي ..
ونسيت أيام شوقي لذلك الحبيب ..

أحبك
يامن أعشق حتى تعذيبه !!
يامن سلمته قلباً مخلصاً ..
ورده لي جريحاً ..
يبكي دماً ..

أحبك
يامن جعلت سعادتي ترحل معك ..

أحبك
فهل تعود ...!!



× نورة ماسكة الجريدة وتتنهد .. تكلم نفسها .. يالله على صاحب الخاطرة يعاني مثلي .. !! يعني مو بس أنا اللي مكسورة .. × قطع تفكيرها صوت أمها تصوت .. نورة تعالي شوفيني وأنا أغسل ولدك تعلمي أنا ماراح أدوم لك..
نورة " تكلم نفسها " : الله يخليك لي بس .. × وقفت .. جيت جيت أتعلم × تضحك ..











× في بيت أبو فيصل ..

× أبو فيصل وأم فيصل بغرفة النوم .. بيطلعون منها ..
أبو فيصل " واقف وبهمس " : مثل ماقلت لك تفاهمي معه شوي شوي باللين كل شي يمشي ..
أم فيصل " تطالعه " : إذا قدرت إن شاء الله ..
أبو فيصل : الله يهديك مافيه شي يجي بالشدة ..
أم فيصل : هذي أنا مأقدر أتغير .. وش أسوي ..
أبو فيصل " عصب وبصوت واطي " : هذا اللي خلا فيصل كذا .. كله منك ومن البداية غاصبته على شي مايبيه .. خلاص اسلوب الشدة ماينفع ..
أم فيصل : الله يهديك بس وش قلت أنا بحاول أتفاهم معه .. خلاص








× فيصل وعلي ومنار جالسين بالصالة ..
فيصل " يطالع منار " : هاه منور تغطيتي ؟
منار " تضحك " : ياااااي من زمان أتغطى بالشارع بس جوا البيت لا ..
علي " يضحك " : يعني عن عبد الله ما تغطي وجهها ..
منار " تطالع علي " : بعد هذا اللي ناقص أتغطى عن عبد الله .. زوج أخت صديقتي ..
فيصل وعلي يضحكون ..
فيصل " يضحك " : ياخال أبوي حك ظهري .. ليش أبعدتي ولد خالتك ياخلبة .. وبعدين بتتغطين عنه إن شاء الله أحسن لك الستر زين..
علي " يطالع منار " : السنة الجاية صح ؟
منار : لا مابي أتغطى عنه .. هو يقول بزوجك ولدي .. وبيصير عمي وبكشف بعدين .. يعني وشوله أتغطى .. هو اللي يقول كذا..
فيصل " يبتسم " : ماشاء الله كلامك أكبر منك ..
× نزلوا أبو فيصل وأم فيصل .. ......... السلام عليكم ..
كلهم : وعليكم السلام ..










× دانة توها طالعه أخذه شاور .. وتحط كريم على وجهها بالغرفة .. × أمها تطق الباب .. دانة دانة
دانة : مفتوح الباب ادخلي ماما ..
أم دانة " تبتسم " : ماودك تنزلين تغدين معنا ..
دانة : مامي اليوم بيجي فيصل يشوفني وأبي أتزين له .. خلي الشغالة تجيب لي الأكل هنا .. مالي خلق أنزل ..
أم دانة : على راحتك يمه .. بس إذا خلصتي مري وريني شكلك ..
دانة " تبتسم " : إن شاء الله ..
أم دانة " رجعت " : ايه صح .. وش بتلبسين له ؟
دانة "تفكر " : امممممممم والله محتارة أنت وش رايك ؟ فستان نعوم مرة وإلا تنورة ..
أم دانة : فستان حلو ..
دانة " التفتت للسرير وأخذت الفستان " : هذا شوفيه حلو ..
أم دانة : لااااا والنيلي يجنن عليك .. ماشاء الله ..
دانة : توقعين يعجبه تعرفين الرجال يمكن الألوان هذي جرئية ..
أم دانة : لالالا يعجبهم أي شي .. لأن الرجال يهمهم اللباس مو اللبس ..
دانة " ابتسمت ..








× أم فيصل وفيصل بالمجلس .. لحالهم ..
فيصل " منزل رآسه " : يمه ما أقدر أطلقها .. تكفين لا تضغطين علي ..
أم فيصل : يايبه بنت خالتك حرام تكسر خاطرها .. وجابت لك الولد اللي بيزين العلاقة بينكم ويمتنها ..
فيصل " رفع رآسه " : ونورة ماراح أطلقها .. والله يقدرني وأعدل ..
أم فيصل " تضحك باستهزاء " : عبد الله مسافر وإذا رجع بيحل كل شي .. وبيحط لسالفتك مع أخته حد ..
فيصل " ساكت ..... !!
أم فيصل " عصبت " : أنت ماتغيرت أبد .. هي هي عادتك .. ماتعطيني كلمة .. حتى يوم أخطب لك نورة استسلمت وساكت .. رد خليني أسمع رآيك .. عطني لو كلمة وحدة ..
فيصل " يتنهد " : لا إله إلا الله .. يمه وش أقول .. خلاص قلت لك ماني مطلق ولا وحدة ..
أم فيصل " بتطنز " : أقول لك خل نرجع نورة لك تقول ماني مطلق .. وكل كلامك ماني مطلق .. × وقفت .. شف يافيصل .. أنا أمك وأنا أكثر وحدة تعرف مصلحتك ,, اللي عرفته إنك للحين طايش ولا تعرف تدبر نفسك أبد .. المهم دامنا ماوصلنا لحل .. يا تطلق دانة .. وإلا البيت يتعذرك ..
فيصل .. ساكت ..
أم فيصل " وهي واقفة ومعصبة " : للحين ساكت ما ترد .. ؟؟ فيصل اطلع دبر نفسك بنفسك .. مثل ماقدرت تدبر مهر لعلتك هذي .. تقدر تدبر لك شقة .. أنا ماعندي استعداد أخسر أختي عشانك .. وأنا طقيت لها صدري وقلت بحلها .. بس للأسف اللي قدامي مو رجل .. ولا فيه ذرة رجولة ..
فيصل " عصب " : وش أقول وش تبيني أسوي .. تطلبين المستحيل .. × وقف .. خلاص أطلع من البيت .. وأنا اللي قلت قلبك متقطع من الشوق .. آخرتها تطردينني .. وأنا مالي يوم عندك .. !!
أم فيصل " تطالعه ومستغربه إنه رفع صوته " : ترفع صوتك عشان وحدة ماتسوى ؟؟؟ أنا أمك يافيصل .. أنا أمك ..
فيصل " معصب " : أنت اللي تفرضين رآيك .. تبين الناس على كيفك .. × طلع بسرعة ..
أم فيصل " طاحت دموعها .. .. !! لا إله إلا الله .. يارب تصرفه عنها ..






× في سدني .. عبد الله وسارة بالفندق ..
سارة " واقفة على الدريشة وتطالع المطر " : عبد الله .. أجواء تفتح النفس ..
عبد الله " جالس على الكرسي " : أهم شي تعجبك الأجواء ؟
سارة " تبتسم " : أكيد دامي معاك ..
عبد الله : يالله والله منقهر .. المفروض نورة معنا ..
سارة " حست بغيرة " : بس الأقدار فوق كل شي وربي كاتب الشي هذا ..
عبد الله : صح .. الأقدار فوق كل شي ..
سارة " تطالع عبد الله وبخبث" : ياعمري يانورة مسكينة مرة وتكسر الخاطر .. ياربي ليش الرجال مايرحمون .. يعني مالها سنتين أو أقل وتزوج عليها .. بس بصراحة بصراحة .. أكيد التقصير منها ..
عبد الله " استغرب " : لا نورة ماتقصر .. وما أسمح لك تتكلمين عن نورة مو مسكينة ولا شي .. ربي معها ..
سارة " تضحك بخبث " : بس إذا فيصل بيطلق بيطلق ماسأل عنكم ..
عبد الله " يطالعها " : ومن قال لك إنه بيطلق .. فيصل يبي نورة وقريب بيطلق زوجته الثانية .. وأرجوك سارة أمورنا العائلية اطلعي منها ..
سارة " عصبت " : لااااا ياقلبي .. أنا الحين منكم وفيكم ..
عبد الله : يالله يالله بس البسي خلينا نطلع .. وحركات الحريم اللي يدخلون أنفسهم في كل شي ماأبيها .. وأبيك تعرفين إن نورة عن الدنيا كلها ..
× سارة انقهرت وسكتت ...













× دانة .. بالمطبخ .. عصبت على الشغالة .. أنا ماقلت لك صبي العصير الثاني ..
الشغالة : نسيت .. خلاص سوي مرة ثاني ..
دانة : يالله بسرعة .. × رن الجرس .. خلاص خلاص روحي افتحي الباب وارجعي يالله ..
الشغالة : طيب .. × راحت ..
دانة " تنهدت " : ياااالله بدوخ .. !!









× أبو فيصل وعلي بالصالة..
أبو فيصل : أمك ماراح تغير أسلوبها أبد ..
علي " بهمس " : قلت لها شي ..؟؟
أبو فيصل : إيه قلت لها وقالت إذا بترجع فيصل والله لا أطلع من البيت ..
علي " يبتسم " : ياااااه غريبة أمي بعض الأحيان ..
أبو فيصل : المشكلة إني ماأقدر أفرض رايي عليها .. مادري ليش ..؟؟!!
علي "يطالعه " : أجل لو تدري إنك رحت لدانة ..
أبو فيصل : يووووه بتقلب الدنيا ..× سكت .. المهم .. وش أسوي مع أخوك ؟
علي : ساعده يبه .. دبر له شقة والله فيصل ماعنده شي .. وفلوس الشقة مايقدر .. ساعده لما تبدأ دراسته ..
أبو فيصل : هذا اللي بيصير .. بدبر له كل شي ..
علي "يبتسم " : بس تكفى يبه لا تجيب طاريي عنده .. لأني أنا جد ضده بهالزواج ..
أبو فيصل : لا تشيل هم .. والله يوفقه..






× في بيت أبو دانة ..
دانة وفيصل بالمجلس ..
دانة "تضحك " : يالله انبسطت يوم شفتك .. ماني مصدقة وربي ..
فيصل "يبتسم" : لا صدقي حبيبتي ..
دانة "مسكت يده " : الله يخليك لي ..
فيصل " يطالعها " : المهم دانة .. حاولي تخلصين أمورك لأني جد بحاجتك .. وزواج مازواج مابي إذا خلصتي قول لي تعال خذني ..
دانة " تضحك " : من جدك أنت ؟
فيصل : إيه من جدي .. وبآخذ شقة نقعد فيها فترة ونروح ندرس ..
دانة " سكتت ..
فيصل : وش فيك ؟
دانة : تتوقع يسمحون لك تطلع وأنت كنت بالسجن وبتهمة ومو أي تهمة بعد ؟؟
فيصل "يبتسم " : لالا مالي دخل .. إن شاء الله نطلع وندرس .. ونرجع نرفع روسهم ..
دانة : إن شاء الله
فيصل : يالله متى أجي آخذك .. مو قلتي لي البارح طلع فستانك ..
دانة : إيه طلع ..
فيصل : الحمد لله .. والباقي تجهزين معي .. والله العظيم محتاجك دانة ..
دانة : طيب أنت وش الوقت اللي يناسبك .. ؟
فيصل : أكثر من شهر مابي ..
دانة " تطالعه وتبتسم " : أوكي حبيبي أجهز أغراضي المهمة .. والباقي معك الله يعينك ..









الحياة ألوان .. !!

منها الأسود ..
ومنها الأبيض .. !!
ومنها الرمادي .. !!

يغيم الحزن تارة ..
ويبتعد تارة ..
لتحل السعادة محله ..
هكذا تعلمنا الحياة .. !!






بعد مرور أسبوع .. !!
__________








× في بيت أم عبد الله ..
× عبد الله ونورة بالصالة ..
عبد الله " بهدوء " : وفيصل يقول مستعد أسوي لها اللي تبيه ..
نورة " وولدها على رجولها وتلعبه .. تطالع عبد الله " : بس والله بقلبي شي عليه .. وأخاف أرجع وأصير أشد من قبل معه ..
عبد الله " يطالعها " : قلبك هذا خلاص طنشيه .. نورة الولد ماله ذنب يعيش بدون أبو .. ويربى وفيه نقص عن غيره ..
نورة " تتنهد " : طيب مثل ماقلت موافقة يجي نتفاهم على كل شي .. ويحلها ربي ..
عبد الله " ابتسم " : يارب تآصلين لحل ..
نورة : طيب خلنا من موضوعي اللي أشغلتك فيه .. سولف لي وش سويت وكيف سارة معك ؟
عبد الله " يتنهد " : والله السفرة ماناقصها إلا أنت وأمي ..
نورة "تقاطعه " : وكيف زوجتك معك ؟
عبد الله " سكت .. والله مادري وش أقول ..
نورة "استغربت " : وش فيك ؟
عبد الله : تشوفين الحريم اللي بالمسلسلات اللي ألسنتهم طويلة .. وياويلك تدوسين لها على طرف .. هذي سارة ..
نورة " استغربت بقوة " : جد ؟؟
عبد الله : انصدمت .. تعرفين وش معنى انصدمت .. ؟؟ جد .. البنت لو أقول لها أخبار أبوك .. × يتطنز .. تقول وش فيه أبوي ..؟؟ وش عندك تسأل عنه .. حان عليه .. الله يديم عليك .. × يضحك .. ومن هالكلام ..
نورة : لالالا ماأحب اللي كذا ..
عبد الله " يبتسم " : وش أسوي .. يمكن أنا مافهمتها للحين .. أنا وسيع صدر .. وأضحك .. ولا علي من كلامها .. وبالعكس مرتاح ..بس أنت حاولي ماتقولين لها أي شي .. أخاف تروح تقول لأهلها ولا أبي يصير بيننا مشاكل على سواليف صغيرة ..
نورة : ما عليك أختك سنعة .. ومالي ومال المشاكل ..
× جت أم عبد الله ..
عبد الله " يطالع أمه " : هاه يمه أعجبتك الهدية ؟
أم عبد الله " جلست " : والله حلوة .. ودامها منك أحلى وأحلى .. بس ليش ماجبت سارة معك .. ؟
عبد الله : تقول مشتاقة لأهلي ..
أم عبد الله : بسلامتها ..
عبد الله : يمه بكرا فيصل بيجي يآخذ زوجته ..
أم عبد الله " تطالع نورة " : جد ؟
نورة " تضحك " : لا بس قلت يجي نتفاهم .. هههههه عبد الله بلا نصب ..
أم عبد الله : الله يآخذ ابليسك فرحتني ..







× فيصل بالسيارة .. ويكلم .. يابعد عمري .. يابعد عمري .. اسمعيني ..
دانة " معصبة " : بس أنت ماقلت لي بترجعها .. أو عشانها جابت لك الولد ..
فيصل : لا أنت رضيتي تزوجيني وأنا متزوج .. يعني من البداية هذا اتفاقنا ..
دانة " بكت " : فيصل الله يخليك .. خلها بعد زواجي .. أبي أنبسط معك ..
فيصل " يتنهد " : صعبة .. هي بعد بحاجتي .. ولازم أكون بينهم ومع ولدي ..
دانة : طيب وين بتحطها ؟ والشقة أنا اللي بسكن فيها ..
فيصل : تتدبر .. يحلها ربي ..
دانة : ياااااااااااالله .. والله أغاااار فيصل .. مستعدة أسوي أي شي عشان تنساها ..
فيصل : أنا ناسيها أصلاً .. بس عشان الولد .. لو مالولد بيننا كان تركتها لعيونك ..
دانة : طيب مستعدة آخذ الولد .. بس طلقها ..
فيصل : دانة وش فيك .. ؟
دانة : مادري تعلقت فيك أكثر .. أبيك لي لحالي ..
فيصل : طيب أنا وصلت أكلمك بعدين ..









× سارة وسحر بالغرفة جالسين ..
سارة : كيفه معك ..؟
سحر " بسرعة " : تعاااالي ماقلت لك .. مرة كلمني يوووه صوته غريب ويقط خيط وخيط .. والله مو طبيعي ..
سارة " سكتت شوي" : بيني وبينك عبد الله مايطيقة ..
سحر " طالعتها ونزلت رآسها .. وسكتت ..
سارة " ندمت إنها قالت عبد الله مايطيقه " بينها وبين نفسها .. وش قلت أنا ؟؟

سحر " طاحت دموعها " : خايفة منه يا سحر .. يخوفني ماني مرتاحة .. وزواجي باقي عليه 3 أيام وش أسوي ؟
سارة "تضحك " : ههههههههه يوووه الحالة هذي تجي كثير من البنات خوف وارتباك .. شي طبيعي ياقلبي ..
سحر " تبكي " : شي طبيعي للي يحسون إنهم بيتزوجون رجال طبيعيين .. بس أنا لا .. سلمان أبد مو طبيعي .. وأنت عارفة إنه راعي سفرات .. ويهيت والله خايفة ..
سارة " تقنعها " : كل شباب الحين يحبون السفرات .. الدنيا تغيرت مو مثل قبل .. سحر " تمسح دموعها " : يالله الله يعين ..








× دانة بغرفتها ,,, وتبكي .. !! × الشغالة تطق الباب ..
دانة " بهدوء " : ادخلي ..
الشغالة " معها كافي " : دانة وين أحطه ؟
دانة " تطالعها " : جيبيه واطلعي .. وإذا قالت ماما نادي دانة تتعشى قولي ماتبي .. زين ؟
الشغالة : إن شاء الله .. × طلعت ..
دانة : يااااالله وش أسوي معاه هذا .. ؟ ؟ لازم أسوي شي .. مابيها .. ماأطيق أشوفها .. × دق جوالها .. وأخذته وشافت الرقم ولا ردت .. ماراح أرد يافيصلوه .. رح لحبيبة قلبك .. الله يآخذ روحها ..

× دق الجوال مرة ثانية .. ولا ردت .. تطالعه .. وبعد دقيقتين تقريباً .. وصلها مسج .. فتحته .. ( شوفي دانة حركاتك هذي ماتسوينها عندي .. إنك ماتردين على الجوال هذا تصرف طفولي .. وانسي أدق عليك طيب .. ؟؟ أنا بس فاضي للمشاكل وإلا رايق لها ؟.. إذا بغيتي شي الرقم عندك أما إني أدق أنا انسي ) .. تكلم نفسها .. لا تدق أبركها من ساعة ..








× في بيت أم عبد الله .. فيصل وعبد الله بالمجلس ..
فيصل : طيب خلها تجي الحين أتفاهم معها على كل شي ..
عبد الله : هي تقول بكرا .. اليوم مالها خلق ..
فيصل :عبد الله ..
عبد الله : سم ..
فيصل : ماعليه إذا رجعت لي أخليها عندكم .. ؟
عبد الله " يبتسم " : اتفق أنت وياها أنا مالي دخل .. إلا إذا طلبت مني أتدخل ..
فيصل : يعني راضي ؟
عبد الله : ماعلي منكم أبد .. بس أهم شي نورة لا تزعل .. × يبتسم ..
فيصل : إن شاء الله مالها إلا اللي يرضيها ..
عبد الله "وقف " : بجيب عبودي ماتبي تشوفه ؟
فيصل : إلاااا تكفى ..
× طلع عبد الله ..






× دانة بالغرفة .. ومساكة جوالها .. أرسل وأقول له .. أكيد بيقابلها .. لازم أخرب .. لااااازم .. أنا ساكته طيب فيني .. بس خلاص ماراح أسكت .. تكتب مسج ..






× في بيت أم عبد الله .. بالصالة
× عبد الله " شايل عبود " .. ونورة واقفة جنبه .. وش يقول بعد ؟
عبد الله : يقول تجي نتفاهم الحين .. وقلت هي تبي بكرا ..
نورة " فرحت بس مابينت " : لا أبي الحين ..
عبد الله : عادي أروح أقول له لأنه مطول ولا عنده شي .. بس روحي البسي ..
نورة "تبتسم " : طيب .. × راحت بسرعة .. وهي تمشي وقفتها أمها .. وش عندك ؟
نورة : بتفاهم مع فيصل ..
أم عبد الله "مستغربة " : شكلك مبسوطة .. ؟
نورة " تضحك " : إيه أكيد ..
أم عبد الله " تطنز " : اركدي اربطي نفسك شوي خليه يعرف إنك قوية على الأقل .. الحمد لله والشكر ..
نورة " مشت " : بروح ألبس وراجعة لك ..
ام عبد الله " بتطنز " : ياربي لك الحمد .. ماكأنه متزوج عليها الخبلة .. يالله انك تخلف علي ..




× دانة .. تقرا المسج .. أيوه ضبط .. طيب .. أرسلته ..





× فيصل لحاله يلعب عبود .. يااااقلب أبوك .. والله مشتاق لك ..
× نورة خلصت .. ونزلت .. عبد الله بالصالة مع أمه .. يالله يانورة بسرعة فيصل ينتظرك ..
× فيصل " طلع جواله " .. ويقرا المسج .. ( والله أنا محترمة نفسي ولا قلت وش سوت فيني زوجتك وأنت بالسجن أنا مابي أفرق بينك وبينها .. لكن فيني قهر .. وحاسة إنها أهانتني .. إذا كنت ماتدري ترا نورة جتني البيت وضربتني .. والله راح يحاسبني إذا أتبلاها .. )
× فيصل دق على دانة بسرعة لأنه عصب ولا يشوف اللي قدامه ..
فيصل "على طول بعصبية " : ليش ماقلتي إلا الوقت هذا ؟
دانة : مادري .. بس هذاني قلت لك ..
× نورة مرتبكة ولا دخلت .. ووقفت وسمعت قبل تدخل .. !
فيصل " بعصبية " : متى ضربتك ؟
دانة " تبكي " : وأنت بالسجن .. والله العظيم ماأكذب ..
فيصل " يتنهد " : ليش سوت كذا ؟
دانة " تمثل بالبكي " : منقهرة يعني ليش ؟
فيصل " يهديها " : طيب حبيبتي .. أنا أوريك فيها ..
× نورة تسمع ومستغربة .. ؟؟
دانة : فيصل من غلاك بقلبي قلت بسكت .. بس ماقدرت ..
فيصل : لا أكيد نورة فاقدة عقلها .. ماتدري إن ظفرك يسواها ويسوى اللي جابها فعلاً ماتربت..
× نورة انصدمت .. وطاحت دمعتها .. ورجعت .. × شهقت بقوة .. ماراحت للصالة .. راحت لمجلس ثاني .. وجلست على الكنب .. تبكي .. لييييه وش سويت لك .. ؟؟




× أم عبد الله وعبد الله بالصالة .. يارب يتفاهمون ..
عبد الله : لا فيصل إن شاء الله بيحلها ..
أم عبد الله : نقول إن شاء الله .. وحتى ماضغطنا عليه ولا شي ..



× في بيت أبو دانة ..


× دانة جالسة على طرف السرير .. ياربي وش صار ؟؟ والله كان معصب .. يارب يقلب الدنيا عليها ..




× في بيت أم عبد الله ..

× دق جوال عبد الله .. استغرب " هذا فيصل ؟؟ × وقف بروح أشوف وش يبي ؟



× فيصل جالس ينتظر .. دخل عبد الله .. استغرب .. هه وين نورة ؟
فيصل " يبتسم مجاملة " : للحين ماجت ؟ مادري وينها ؟
عبد الله " مستغرب " : وشلون ماجت .. قبل شوي راحت من عندنا ؟؟؟ طلع يصوت .. نورة نورة ..
× فيصل " يكلم ولده " .. شفت أمك وش مسوية .. والله لا أوريها .. بس خلني أشوفها ..
× دخل عبد الله المجلس .. شاف نورة تبكي .. نورة وش فيك ؟
نورة " بكت بقوة " : عبد الله اتركني الله يخليك ..
عبد الله " جلس جنبها " : فيصل قال لك شي ؟
نورة : أصلاً ماشفته .. خلاص مابيه ..
عبد الله "يتنهد " : أنت قبل شوي تبين تتفاهمين معاه وش غيرك ؟
نورة " عصبت " : خلااااص كذا من ربي مابيه .. ياخي طلقوني منه .. خلاااااص
عبد الله " مستغرب بقوة " : نورة أكيد قال لك شي ..
نورة " بصوت عالي وهي تبكي " : أبيه يطلقني .. × وقفت .. أنا أروح له .. × فقدت أعصابها ..
× وقفت عبد الله ومسكها .. اذكري الله ..
نورة " تبكي بقوووة " : بروح أقول له يطلقني .. إذا يبي ولده يآخذه .. مابي شي يذكرني فيه ..


× فيصل يسمع صراخ .. !! أروح أشوف .. ؟؟ إيه بروح هذي زوجتي مافيه أحد غريب ..



× دخلت أم عبد الله عليهم وش فيك يانورة ؟
نورة " جلست وكأن حيلها منهد " : يمممه خلوه يطلقني قبل يطلع ..
× دخل فيصل وعلى طول شاف نورة .. !!!
نورة " نزلت رآسها وتبكي " ..
فيصل " يطالعهم ونورة كسرت خاطرة " : وش فيكم ؟
عبد الله " عصب" : فيصل قلت لها شي ؟
فيصل "بسرعة ": ماجتني أصلاً .. ؟؟ وشلون أقولها ؟
نورة " تطالع فيصل " : فيصل تكفى طلقني ..
× سكتوا ..
× قربت أم عبد الله ومسكت يد نورة .. تعالي معي يمه ..
× فيصل " ومعه ولده " .. وعبد الله .. واقفين ..
فيصل " شك إنها سامعة " : عبد الله تراها مادخلت ..
عبد الله " تنهد " : هي طلعت من عندنا تضحك .. وش غيرها ماندري .؟؟
فيصل " يهز كتوفه " : مادري ..










× فيصل بالسيارة يكلم دانة .. صارت الأمور صعبة يادانة ..
دانة "ابتسمت " : كيف ؟
فيصل : شكلها سامعة كل شي وأنا قلت كلام المفروض ماأقوله..
دانة " بينها وبين نفسها " : أحسن ..
فيصل : طيب أنا مررررة مالي خلق .. أكلمك بعدين ..
دانة : يالله مع السلامة ..
فيصل : مع السلامة ..



× نورة بغرفتها تبكي ..


× دخلت أمها .. يمه خلاص .. والله تعبتي نفسك ..
نورة " تطالعها " : خليني أبكي يمكن يطلع القهر اللي فيني ..
أم عبد الله " قربت وجلست جنبها " : طيب قولي لي وش قلبك ؟
نورة " تتنهد" : يمه كذا ..
أم عبد الله "تقاطعها" : مافيه شي كذا ..
نورة : تكفين يمه خليني ...
أم عبد الله : مليت لحالي وعبد الله راح لزوجته ..
نورة " بهدوء" : وعبود وينه ؟
أم عبد الله "تبتسم " : ياقلبي ياعبود .. نايم .. قومي رضعيه عشان تنامين ترتاحين ..







× فيصل بالشقة ..جالس بالصالة ويدخن .. وباله منشغل مرررة .. إذا طلقتها أمي ماراح ترضى أبد .. وإذا خليتها على ذمتي ضيعت عمرها .. والله اللي قاعد يصير غلط .. لازم أدور حل .. وبعدين نورة شكلها من الأساس ماتبيني .. × يتنهد .. صعبة أطلقها والولد .. !!








× في بيت أبو فيصل .. الساعة 3 الفجر تقريباً .. وفي غرفة أبو فيصل وأم فيصل .. صحى أبو فيصل من النوم يسمع صوت بكي قريب عنده .. التفت على أم فيصل .. لولوة .. لولوة ..
أم فيصل " التفتت وعيونها دموع " : سم ..
أبو فيصل " استغرب ": وش فيك ؟
أم فيصل " بكت " : شفت محمد بالحلم ومن الفرحة بكاني .. وماقدرت أنام بعدها ..
أبو فيصل "باس رآسها " : قومي توضي وصلي ركعتين وادعي له .. بحاجه للدعاء الحين ..
أم فيصل : صادق .. يارب أكحل عيوني بشوفته ..
أبو فيصل : آمين ..










× يوم جديد .. في شقة عبد الله .. وعبد الله وسارة بالمطبخ يفطرون ..
سارة " جالسة على طاولة الطعام " : أجل نورة تبي الطلاق .. ؟
عبد الله " واقف يدهن الخبزة " : إيه .. وبقوة بعد .. تقول مابي أتراجع ..
سارة "تضحك " : استغفر الله .. وأنت معها ومع رآيها ؟
عبد الله "يطالعها " : أهم شي راحتها .. وبعدين اللي جاها مو شي هين .. أنت ترضين أتزوج عليك ؟
سارة " تضحك باستهزاء " :ههههه أصلاً ماتقدر .. وبعدين أنا أفرق عنها .. ولو سويتها عادي .. مو أنا اللي تدمر حياتي وحدة ..
عبد الله : المهم إنها تبي الطلاق ..
سارة : بس أنت تقول فيصل مايبي يطلق ..
عبد الله : بالطيب بالغصب يطلق .. إمساك بمعروف أو تسريح بإحسان ..
سارة : إيه .. خلها يقولون عنها مطلقة .. اللهم لك الحمد .. والله شي يفشل أخت زوجي مطلقة ..
عبد الله "عصب" : وإذا صارت مطلقة جابت لنا عار ..
سارة " تطالعه " : وش فيك عصبت ؟
عبد الله "قرب عندها " : شوفي سارة يا تكلمين زين وإلا تسكتين .. × طلع من المطبخ وهو يقول .. ياسبحان تسد النفس عن الأكل ..
سارة "تكلم نفسها " : هذا اللي ناقصني وش قال قال .. تبي الطلاق .. وإذا تزوج عليها ؟؟ أول وحدة هي ؟؟ !!!






× أم فيصل بالصالة تكلم .. أختها .. شوفي يا أم عبد الله والله ماخليت شي ماقلت له حتى طردته من البيت ..
أم عبد الله " بقهر " : هذا اللي خفت منه يالولوة .. تذكرين يوم أقول والله لو تصير مشاكل راح تصير بيني وبينك .. وقلتي أبد .. ولدي وأعرفه يدلع .. والله ماشفنا منه إلا القلق .. والسموحة ياأوخيتي ..
أم فيصل " طاحت دموعها " : والله إني مقهرة ..وإني القصد نقرب أكثر .. ولا يفرقنا إلا الموت .. بس فيصل الله يهديه ..
أم عبد الله : المهم أنا أبي راحت بنتي واللي صار صار .. عسى الله يعوضها بواحد يشيل عنها همومها ..
أم فيصل "تقطاعها " : لا تكفين .. الطلاق واللي يسلمك لا .. يمكن تنحل ..
أم عبد الله "بكت " : تعبت يالولوة .. وأتعبتني بنتي ماتنام إلا ودمعتها على خدها .. أبي لها الراحة بعد أنا .. وأنت تذكرين وشلون تعبت بالحمل .. والشكوى لله ..
أم فيصل : الله يعين .. والله يكتب اللي فيه الخير .. والله اني مابيها تصير بيني وبينك ..
أم عبد الله : مالك دخل أنت ولا لك ذنب باللي صار ..







× في شقة عبد الله .. عبد الله جالس بالصالة يشوف التلفزيون .. × جت سارة جلست جنبه ..
عبد الله " زعلان .. !!
سارة : اليوم وش عندك ؟
عبد الله : بروح لأهلي .. أرتاح شوي ..
سارة " بعصبية ": وش تقصد ماريحتك .. ؟؟
عبد الله " حط يدها على فمها " : اقصري صوتك واللي يرحم لي والديك ..
سارة "وقفت " : يعني ماشاء الله عليك والراحة اللي تلقاها في بيت أهلك .. كلها مشاكل في مشاكل ..وأختك تجيب المرض .. وين الراحة..
عبد الله " رفع صوت التلفزيون ..
سارة " تطالعه " : أكلمك ..
عبد الله .. سااااااكت ولا رد ..
× راحت .. وتكلم نفسها .. أنا مادري وش شايف بأهله .. ؟؟







× أبو فيصل وأم فيصل وعلي بالصالة ..
أم فيصل : لا أنا ابي أروح له .. علي يالله ..
أبو فيصل "يطالعها " : خليه يجي يعني كل هذاعناد .. وإذا جاء تفاهمي معه ..
أم فيصل "وقفت " : أنا اللي بروح له وأشوف وش عنده .. ؟
أبو فيصل : طيب خليها بعد الغداء ..
علي : صادق أبوي خليها بعد الغداء ..
أم فيصل : طيب بروح أصلي وبعد الغداء إن شاء الله أروح له .. دق عليه وقل له لا يطلع ..
أبو فيصل " يهز رآسه " : لا إله إلا الله .. وين بيطلع يعني .. لا تدق عليه ولا شي ؟؟ أصلاً مايطلع الظهر ..
أم فيصل " بعناد ": وإذا طلع .. ؟
أبو فيصل"يتنهد " : أقول اذكري الله وروحي صلي بس .. وماشاء الله ياهالاجواء اللي تساعد على الطلعة الظهر .. روحي روحي الله يهديك ..





× فيصل جالس بالصالة .. ويكلم .. متى بتروحين ؟
دانة : بعد شوي .. عندي أشياء بسويها بالمشغل ..
فيصل : ياكثر خرابيطكم ما تخلص ..
دانة "تضحك " : أبداً ماتخلص .. المهم .. تقول لي الشقة بنفس الشقق اللي أخذتها قبل ؟
فيصل :لالالا بس العمارة قريبة منها .. وبعدين الشقة اللي قبل صغيرة مرة مو مثل هذي ..
دانة : طيب والأثاث ..
فيصل"يقاطعها" : الأثاث فيها والعمارة كلها جديدة .. وبعدين حرام بنروح ندرس ..
دانة : صح صح .. طيب وش اسمها ؟ وينها
فيصل "يضحك " : تحقيق هو ؟
دانة : بس كذا .. يالله عاااااد ..







× في بيت أم عبد الله .. أم عبد الله بالمطبخ .. تكلم الشغالة .. روحي نادي نورة تتغدى معي .. يالله دامي أحط الغداء ..
الشغالة : طيب ماما ..
× دخلت نورة ومعها ولدها .. جيت يمه ..
أم عبد الله "ابتسمت " : يااااااااهلا وغلا بهالوجه .. واللي معك بعد ..
نورة "تبتسم " : ياحياتي أنت .. × قربت وباستها ..
أم عبد الله : خلاص يمه شوفي وش سرع الدنيا باقي أسبوع وتطلعين الأربعين ..
نورة : تركض الأيام ولا نحس فيها .. × تطالع عبود .. عقبال ماأفرح فيه ..
أم عبد الله " أخذت الصحن وتمشي " : أخبارك اليوم ..؟ نمتي زين ..
نورة " تمشي وراها " : يعني .. تعرفين .. واستخرت يمه .. ومرة مرتاحة لرآيي ..
أم عبد الله : الله يكتب اللي فيه الخير ..








× أم فيصل وعلي بالسيارة ,,
أم فيصل : من وين دبر فلوس الشقة تدري ؟
علي : لا ماأدري عنه ..
أم فيصل : الله يهديه هو ورآسه اليابس .. آخر مرة أشوفه إذا مارضى يسوي لي اللي أبيه ..
علي " ساكت ..
أم فيصل " عصبت " : حتى أنت مثل أخوك .. ماتعطونني كلمة ..
علي "بهدوء" : تسولفين وأسمعك يمه .. وش دعوى ..
أم فيصل : مادري كل العايلة منقلبة علي .. وكأني على خطأ ..
علي : لالا يمه ماأحد انقلب بس أنت تحسين لأنك زعلانة على فيصل ..




× دانة توها طالعة من محل ورود .. ومعها بوكيه ورد أحمر .. وركبت مع السواق .. × أرسلت مسج لفيصل ( بعد ربع ساعة افتح باب شقتك .. ياويلك تفتحه قبل ترا بزعل .. أحبك )





× فيصل جالس بالصالة ومعه اللاب توب على رجوله .. وقطعه صوت المسج .. أخذ الجوال وفتح المسج وابتسم .. يكلم نفسه .. ياحبي لك .. الله يخليك لي .. ويكتب مسج ( أحبك ياأحلى دانة بالدنيا ) ..




× وصلوا علي وأمه للشقق .. نزلت ..
× بنفس الوقت وقفت سيارة سواق دانة .. ونزلت لابسة نظارة شمسية وشكلها مررررة حلو ..
× دخلوا بنفس الوقت ..



× أم فيصل تهمس لعلي .. الحمد لله وش هالبنت ؟
علي " ابتسم " وسكت ..
أم فيصل " بتطنز " : لااا ومعها ورد وع يابنات الحين .. ؟؟



× دانة تضغط على اللفت .. وأم فيصل وعلي جنبها .. × انفتح باب اللفت ..
دانة " تبتسم وتشوفهم " : تفضلوا ..
× كلهم مع بعض .. وساكتين ..
دانة تشوف ساعتها ..
× انفتح الباب وطلعت دانة بسرعة ..



× دانة حطت الورد عند الباب وشافوها علي وأم فيصل ..

× علي انصدم .. لأنه يعرف رقم شقة فيصل ..

علي " بسرعة يأشر" : هذي شقة فيصل ..
أم فيصل " استغربت " : لا تصير هذي زوجته بس؟
علي " منصدم " : أظن يمه ..
× راحت بسرعة أم فيصل ودانة واقفة .. هذي شقة فيصل ؟
دانة "تبتسم بخوف " : إيه ..
علي "قرب ومو مصدق ": أنت دانة ؟
دانة "تبتسم ومرتبكة " : إيه ..
× فيصل فتح الباب ..
أم فيصل " بسرعة أخذت الورد اللي عند الباب ورمته بعيد " " تطالع فيصل و بعصبية " : الله يخلف علي .. هذي اللي أنت متزوجها ؟
فيصل " يطالع دانة .. يمه ادخلي لا تصرخين برا ..
دانة " راحت بسرعة .. وهي تسمع أم فيصل تقول .. هالحين تارك اللي متسترة ومحتشمة عشان هالضايعة ..
علي " بهدوء " : اقصري صوتك يمه وادخلي ..
فيصل " فتح الباب بقوة ومعصب " : ادخلي نتفاهم جوا تكفين مالها داعي الصراخ ..
× دخلت أم فيصل بسرعة .. ×ودخل علي وراها بسرعة وصك الباب وراه ..


فيصل " يتنهد" : يمه ليش تكلمين قدامها ؟
أم فيصل " معصبة وبتطنز " : خايف عليها ؟؟ وعلى مشاعرها ياقلبي ؟؟ وهذي اللي قالب الدنيا عشانها .. لا بارك الله فيك أنت وذوقك .. وين بودي وجهي ؟؟ وذي زوجة ولدي ..
فيصل " معصب ": مو كل وحده تكشف يعني خلاص البنت ضايغة .. المسألة مو كذا .. البنت عاقلة وفاهمة وطيبة بس مو راضية تقتنعين فيها ..
أم فيصل "بسرعة " : ولا أبي أقتنع طول عمري ..
فيصل " طلع زقارة وأول مرة يطلعها عند أمه ... !
أم فيصل " استغربت " : لاااااااااااا والأخلاق خربت بعد .. ياعيني على ولدي .. أنا جاية بصالح بينك وبين نورة .. بس والله العظيم دمعة من دموع نورة تسواك يالضايع أنت واللي متزوجها ..
× علي جالس على الكنب .. وساكت ..
فيصل " عصب " : خلاص نورة بطلقها ..
أم فيصل " دمعت عينها " : ياحسااااافة تربيتي .. بس تدري ياليت صاير علي حادث قبل أوصل أهون من إني أشوف زوجتك.. الله يخلف .. الله يخلف .. × بسرعة .. يالله علي خلنا نرجع ..
× طلعوا علي وأم فيصل ..
× فيصل جلس الكنب ورجع رآسه ياااااالله .. اووووف متى أرتاح ..؟؟




× دانة تبكي بالسيارة .. يالله وش هالحظ .. !! وبعدين وش هالمتخلفة .. تقول عني ضايعة .. الله يعينني بس ..







× أم عبد الله وأم فيصل بالصالة ..
أم فيصل " صوتها تعبان " : والله قلت لعلي ودني له وياليتني مارحت .. قلت أمرك أرتاح شوي ..
أم عبد الله : الله يهديه ..
أم فيصل " بسرعة " : مادري وشلون قبلها على نفسه ..
أم عبد الله : والله وش نقول .. خلاص هذا الحل المناسب ..
أم فيصل : الشكوى لله .. الله يعيننا على الدنيا وبلاويها .. واللي قاهرني منقلب علي عشانها ..
أم عبد الله : القلب وأنا أوخيتك .. والضحية بنتي وولدها .. الله يعوضها برجل يدللها ..
× دخلوا عبد الله وسارة ..
أم عبد الله "تبتسم " : يااااااهلا وغلا ..
عبد الله وسارة : السلام عليكم ..
× قربوا وسلموا ..
أم فيصل " تبتسم " : وشلونكم ؟
سارة : تمام الحمد لله ..
× جت نورة .. تبتسم .. أهلين عبود .. نور البيت ..
عبد الله : بوجودك ..
× قربت وسلمت على سارة ..




× دانة جالسة بالصالة وتكلم وعبايتها عليها .. والله يافيصل تقول عن ضايعة وأسكت ..
فيصل : تعرفين أنت العادات خلاص انسي .. تبينني أضربها يعني ؟ هذي أمي ..
دانة " بعصبية " : طيب تحترم نفسها .. يعني كاشفة خلاص مو بنت ناس .. وسمعتي في الأرض ... ؟؟ والله شي يقهر ..
× أم دانة وقفت تسمع ورا دانة ... !!
فيصل : ما عليه آسف عنها حبيبتي ولا تزعلين ..
دانة "بكت " : بكرا إذا صار لي عيال وش راح تسوي .؟
فيصل " بسرعة " : طيب غطي وجهك .. وخلاص ..
دانة " بعناد وبصوت عالي " : لاااااااااا انسى
فيصل : خلاص أجل .. تحملي .. عادات أهلي تختلف عن عاداتكم تحملي مايجيك .. لأن بكرا بتجتمعين معهم ..
دانة " بسرعة " : مو لازم أجتمع الله يخلي لي أهلي ..
فيصل "استغرب ": لاااا لا لا .. إن شاء الله المشاكل هذي تعدي وترجع المياه لمجاريها حبيبتي .. حركات مابي أهلك ومادري كيف انسيها .. مو يعني إني تزوجت غصب على الكل إني ماأبيهم .. لا ياقلبي هذولا أهلي ,, إذا ضاقت فيني الدنيا مالي إلا الله ثم هم ..
دانة : يا سلاااام .. يحترمون أنفسهم طيب .. المهم المهم .. أنا موب رايحة المشغل .. أمك عكرت مزاجي .. بروح أرتاح ..
فيصل : يالله مع السلامة .. ولا تتكلمين كذا عن أمي ..
دانة " تبتسم بتطنز " : إن شاء الله .. مع السلامة .. قفلت ..
أم دانة " بعصبية " : ماشاء الله رايحة لهم وأنت تقولين بروح المشغل ..
دانة " التفتت بسرعة ووقفت " : من متى أنت هنا ؟
أم دانة : أنت وش تسوين من وراي ؟؟؟
دانة " تحط جوالها بالشنطة " : ماما السالفة غررررريبة .. بالصدفة شفت أم فيصل وسوت قلق تعرفين المتخلفين بكل مكان .. وهذي السالفة ..
أم دانة " تطالعها " : داااانة .. قولي الصدق ..
دانة : والله العظيم .. رحت اشتريت بوكيه ورد لفيصل قبل أروح للمشغل وشفتها هناك .. وقالت كلام عشاني كاشفة ..
أم دانة " تتنهد " : ماشفتي شي بعد .. بس والله انهبلت قلت لا يصير راحت لهم ..
دانة : لاااااا مامي وش دعوى أروح من وراك ..





× نورة وسارة بغرفة نورة ومعها ولدها ..
سارة "بخبث " : أبرك لك بالطلاق .. اليوم أقول لعبد الله ريحوها بس ..
نورة " تطالعها وابتسمت " : اللي كاتبه ربي بيصير ..
سارة "بسرعة " : طيب يقولون زوجته صديقتك ؟
نورة " تبتسم " : لاااا مو صديقتي من قال لك .؟؟
سارة " تبتسم " : سمعت .. وتدرين ياعمري إذا جلسنا بمكان قالوا فيه مغتربة هي وزوجها .. صادقت وحدة وخطفت زوجها ..
نورة " انهبلت " : جد السالفة طالعه مرة ؟
سارة " تكذب " : إييييييييه مرررررة .. ياعمري أنا أقول لو إني منك أتطلق بأسرع وقت .. واقهريه ..
× نورة نزلت رآسها ..
سارة : يا عمري وش فيك ؟
نورة : مافيني شي ..
سارة : زوجة أخوي عبد العزيز سوسة سوسة .. تعرفين وش سوسة .. أنا وسحر مانطيقها .. بس أمي على نياتها ..
نورة "تتنهد " : ماعلينا من الناس .. يالله قومي نجلس عند أمي وخالتي ..
سارة " بنفس شينه " : يووووه أنا أكره أجلس مع الحريم الكبار .. سواليفهم تجيب لي المرض .. بايخين ..
نورة "استغربت " : هذي أمي وأم زوجك .. وشلون تقولين عنها كذا ؟
سارة : شوفي أنا اللي فقلبي على لساني أقوله مايهمني أحد ..
نورة " تطالعها وبهدوء " : بس احترمي نفسك وخلي أسلوبك حلو لو سمحتي ..
سارة " بتطنز " : يااااعيني على المثالية أدوخ أنا ..
نورة " بتطنز " : أقول بروح عند أمي وخالتي ..
سارة " بخبث " : أنا مادري وش مخليك تموتين على خالتك وولدها وراك نجوم الظهر ..
نورة " واقفة وانصدمت وعصبت " : سارة أرجوك احترمي نفسك ,, هذي خالتي قبل أتزوج ولدها .. وإذا ماأعجبتك الجلسة عندنا مافيه شي غصب تقدرين تطلعين ..
سارة " وقفت وتمثل ": تطردينني من البيت ؟
نورة " انهبلت " : لا ما أطردك .. بس أقول ما أعجبك مانتي مجبورة تجلسين ..
سارة " تطالعها " : شوفي نورة أنا محترمة نفسي مابي أخليها آخر مرة أجي ..
نورة " مسكت كتفها " : حقك علي بس يمكن فهمتيني خطأ ..










------------------------------





×
عانقت قلبه قبل أن أعانقه ..
أحببته قبل أن آراه ..
سلمته قلباً عذرياً لم يسكنه سواه

×××
أجمل ليلة في عمري
إنها الليلة ..

فيصل


أحبك
زوجتك دانة

فيصل " يطالع دانة " : مبروووك دانة ..
دانة " قربت ومسكت يده " : فيصل أخيراً .. والله والله مرررة مبسوطة ..
فيصل " بهدوء" : دانة أنا عارف إنك تزوجتيني لأنك فتحتي قلبك لي .. ومستعدة تتحمليني بحلوي ومري صح ؟
دانة "تبتسم " : أكيد ..
فيصل : أنا خسرت وكسبت بحياتي .. ومن أعظم ماخسرت نورة ..
× دانة نزلت رآسها ..
× فيصل حط يده على خد دانة .. بس أنت أجمل وأحلى ماكسبت بحياتي ..
دانة "ابتسمت " : الله يوفقنا .. وعسى مايفرقنا إلا بالموت بعد عمر طويل ..
فيصل " يطالعها " : آمين.. ياحلوك بفستان العرس ..قمر يادانة ..
دانة "استحت..








× نورة .. بغرفتها .. مسترخية .. والله ماني مصدقة .. فيصل خلاص طلع من حياتي ..حتى ماحاول نتفاهم .. طلقني بسرعة .. آآآه بس ..



لحظه وداعك آه يا لحظة وداعك ياهي صعبه بالحيل صعبه
وأنا إللى أبي قربك وأبي قلبك وأبيك أبدنيتي تبقي معي تبقي
نسيت إني أعشقك ولا تنسي إني بفقدك..
لحظه وداعك ياهي صعبه بالحيل صعبه




من لي غيرك ياعمري لو بعدت ورحت عني
لو تحس بس إلى فيني بلحظه ما تتخلى عني
نسيت إني أعشقك ولا تنسي إني بفقدك..
لحظه وداعك ياهي صعبه بالحيل صعبه




هل حين أنت بعيد صدقني هذا الجديد
الهم والضيقة وحزني زاروني وأنت بعيد
نسيت إني أعشقك ولا تنسي إني بفقدك..
لحظه وداعك ياهي صعبه بالحيل صعبه