.
.
قالت تعال..
انت وين اليوم عني
ما رايتك
ماسمعتك قول وينك؟..
قلت سمي..
هاك روحي
هاك شرياني ودمي
طالما كلي بدينك
ياحياتي لاتهمي!
ساكنه عيني في عينك
فيك أهنأ وانتي..
في قلبي تهني
ليت امك اخت امي
او تكوني بنت عمي
ليتني قهوة صباحك
وتشربيني في كل ساعه
في غدوك وفي مراحك
وتاخذيني رشفه رشفه
بكل حنيه ورأفه..
مز مزيني مزمزه
مكيفه ومركزه؟!
عدلي فيني مزاجك
وروقي بالكيف راسك
ويبقى طعمي في شفاتك
لين ادمن في حياتك
وانا مدري مره عني
اشربيني ياحياتي
رشفه رشفه بالتأني
حتى آخر
قطره مني
وحطي فمك فوق فمي
اسكبي بـ فمي رضابك
واحمدي الحظ اللي جابك
وبقوه ضميني واضمك
وامزجي دمي بدمك
وقطعيني قطعه قطعه
واقطعك مليون قطعه
ولاتبقي شي مني؟!!
ولا ابقي شي منگ
واووه منك..واووه مني
واحمليني فوق ادينك
مثل طفلٍ ..ماتت امه
واحملك داخل فؤادي
حب ماعمره خذلني
حب اغرق لي جهاتي
والثرى صعبٍ يلمه
تغيرت حتى حياتي
ساكنه عقلي وذاتي
اطلبك ياحب طلبه
بيني ليه المحبه
جننيني باحتوائك
واعزفي ليه واغني
وانا مدري والله عني
طالما قلبي بدينك
وانتي قلبك في اديني
ياحياتي لاتهمي..
راح همك وزال همي..
وانتهى بعدك وهمه
وعد مني م اخوانك
دوم جنبك دوم عونك
وانتي خليني بعيونك
لاتغيبي مره عني
واحضنيني لين اذوب؟!
من هنيا ومن هناك
وانا اتقلب معاك
في كل وجهه وكل صوب
مره مني لاتتوبي
وانا منك ما اتوب
ولاتخافي من ذنوبك
حطي ذنبك فوق ذنبي
انا حمال الذنوب
واطلبي اللي تمني
ولاتخافي ولاتحاكي
بستغفر الله لي ولك
وبعدها نعقل نتوب
واووف منك..
وأووف مني

رااامز..حصري

الله الله يا رامز لوحة فيها الوفاء والحب وصدق المشاعر تفيض منها ترنيمات شوق وعشق تتغنى وتجذبنا تراتيل أشجانها تهفو النفس للإرتواء

دام لنا قلمك المميز مودتي

ينعنن شكلك ياااشيخ
اقسمم بالله قنبله فنيه وتتغنى بعد

ليت امك اخت امي
او تكوني بنت عمي
ليتني قهوة صباحك
وتشربيني في كل ساعه


يخرررب بيت بيت الابداع

وعد مني م اخوانك
دوم جنبك دوم عونك
وانتي خليني بعيونك
لاتغيبي مره عني

اسطوريه كل كلمه منها
تفوق الخيال
هذا رامز وهذا قلمه
صح لسانك

ولاتخافي ولاتحاكي
بستغفر الله لي ولك
وبعدها نعقل نتوب
واووف منك..
وأووف مني

وانت خليت فيها توبه
نص يدرس بيض الله وجهك عليه
للامانه
اليوم انت مختلف تماما
مبدع ونصك مدروس

https://www.plattpartu.de/natur/naturbiller/oderm_ranke.gif


اسلم وسلم الفكر والنبض
سيدي
هذا البوح فعلا لايحتمل التاجيل
كما هي ريشتي التي انتفضت من سباتهاا
لقد رسمت الحرف باجمل العبارات
القريبة للقلب
لغة رصينة على الرغم من ثورة المفردات
اشعر بان بقاائي بين كلماتك سيطول
اشكرك وسلمت الايااادي تحيتي وتقديري
وبانتظااار جديدك تقييمي وكون بخير


https://www.plattpartu.de/natur/naturbiller/oderm_ranke.gif