في يوم مشمس بس أنا جوي تلبد بالغيـوم
حده ولاقبله ولابعـده سـوا رزم الهمـوم

وماعاد باقيلي سوا عبره على ذيك الرجوم
عبره على خدي تطيح ولا أذل الدمع يـوم

ياريح أبوي وريح جدي يابعدكـل القـروم
شفله على خدي بقا من غيبة الغالي وسوم

طيوفه بصدري تلوفه لوف لين أصبح هدوم
لايزعلك وصلٍ بدون أساس وصلٍ مايدوم

ولاتهون أنته على قلبي وأنا من روس قوم
أنا أشهد إنه مابقا فالوقت طيب .. ولاقروم

دمعة عيــــــــــوف


يطيح سهم وسهـم ترفعـه ينسـاب
قلوبٍ تعلق فـوق شاشـة حـراوي

يومٍ خسر سهمـه ويوميـن كسـاب
راحـت حياتـه كلبوهـا رجـاوي

وأنا حياتـي مـن بداياتهـا أتعـاب
واللـي تراكـا للمتاعـب نـداوي

ياطيري إنهض لايبيعـوك بتـراب
دوّر لجرحك ثم لجرحـي مـداوي

إكفخ بجنحانـك علـى كـل هبـاب
شلعـة قوي..ولاشلـوع متـقـاوي

ياطير طاوعنـي تراالغبـن لهـاب
دمعة عيوف..ولادمـوع الجـلاوي

لايزعجك ياطير من جا ومن غـاب
معـاد فيهـا يـوم خابـت هقـاوي

معادفيها شور لاأقراب..لاأغـراب
عزم وعش ياطير عيشـة خـلاوي

أفضل ولاعيشتك مكسور .. منصاب
معـاد ينفـع للمواجـع سـحـاوي

تراالكرامه روس وإرقابها إرقـاب
ماتقبـل العيشـه بـدرب متسـاوي

والحر لامن شام وإحساسه إرحـاب
تضيق روحه لين تصبـح شـلاوي

ماأسلاه مـوال المواليـف لعتـاب
ولايطرب جروحـه محمدخـلاوي

يزبن بروحه مع جروحه بمرقـاب
يصبر إلا صكـت عليـه البـلاوي

ياطير مالك في وطا الأرض مخلاب
إشلـع بمخلابـك لـدربٍ نحـاوي

ياطير لاتصخف على دمعة أجنـاب
تصير بالتصنيف..مشـروع هـاوي

مدام لك جنحـان فإشلـع ياغـلاب
إكفـخ بريشـك لاتـدور عـزاوي

ومدام لاإسمـك بإكتتابـات ينسـاب
ولاأنته ضمن جمهور فن الخـلاوي

لملم بقايـا ماتحسـه مـن أتعـاب
وإفتح بنص الليـل بـاب الدعـاوي

مشــــــــــاعيب

ماأقدر أعيش العمر لحظه بدونه
أبيه أنـا لوكـان غيـري يبونـه

العيب والله كان صـدت عيونـه
إن كان ربي حط جوفـه ليونـه

وربعيه يملاها مشاعـر حنونـه
لاسولفـوا بالطيبـات يحكونـه

يشلع لـدربٍ مايمـر المهونـه
ومجلس ردا كن الخزا في ركونه

يمشي ومن خلفه ثنيـن يحمونـه
ورث الجدود اللي حماه ويصونه

فزعة كرم ماردهم مـن يجونـه
أسمّعـه بالحـب ويسمعّـونـه

رد إعتباااااااري



دام هذا الدرب جيته بإختيــــــــــــاري
.. .. .. .. .. .. .. ليش ألوم الوقت وأستسخف سنينـــي
كلما سجيت تطريلي طــــــــــــــواري
.. .. .. .. .. .. .. ولاتنبهــــــــــتك .. وإلاك تعيش فيني
بس ليتك عاد تشعر بإنكســـــــــاري
.. .. .. .. .. .. .. يوم باحت دمعتيني في كنينـــــــــي
يوم ضاقت فيّ هليت العبـــــــــــاري
.. .. .. .. .. .. .. ويوم هلت طاح عمري من يدينــــــي
بس أحياناً أنا أشعر بإنتصـــــــاري
.. .. .. .. .. .. .. كلما ضقت .. وتملت فيك عينـــــــــي
صاحبي مليت من طول إنتظـــــــاري
.. .. .. .. .. .. .. والشقا بالموت الأحمر منتوينــــــــي
لليال السود في صدري مـــــــواري
.. .. .. .. .. .. .. سرمدياتٍ تعلّم في جبينــــــــــــــي
صاحبي والوقت لي والــــدار داري
.. .. .. .. .. .. .. كيف تتجرأهالألسن وتحكينــــــــي
ليش تثعا بالخناجر في نهـــــــــاري
.. .. .. .. .. .. .. ليش تدميني وهي بيني وبينـــــــي
ليش يرضا الوقت في ذل إنحـــداري
.. .. .. .. .. .. .. ليش يرضا الوقت في عاقة يمـينــي
جيتك بإحساس ماهوب إستعـــاري
.. .. .. .. .. .. .. فاقده هالعمر ..وأغلا والدينــــــي
جيتك بتكفا عن سنين العــــــزاري
.. .. .. .. .. .. .. جيت تكفا من عنا الوقت تحميـــني
جيت أبشكيلك وأبي رد إعتبــاري
.. .. .. .. .. .. .. من سنينٍ للغرابيل تحديــــــــــــني
للطعون الحمر في صدري شــواري
.. .. .. .. .. .. .. ماتوسد فالليال إلا ونينـــــــــــــي
صاحبي..أسرفت شكوا..وإعتذاري
.. .. .. .. .. .. .. وأقصر الموضوع ذا في كلمتينــي
والله إني فيك أشعر بإنتصـــاري
.. .. .. .. .. .. .. كلما ضقت وتملت فيك عينــــــــي

الذنـــــــــــــب

ماهـقـيت الـــــذنب يمحـــــــــــــيه الغياب
.. .. .. .. .. .. وكــل دربٍ يمتلـــيبه أســــــــــــــــــــــئله
رحت ..مدري راح ..واللي غاب ..غاب
.. .. .. .. .. .. والحمــــــــــــــــول لشخص واحد مزمله
واحـــــــــــــــــدٍ كن البشر بعده .. ذياب
.. .. .. .. .. .. وكن مابالـــــــــــــــــكون بعده .. مرجله
وكن طعم الوقت من عقبه .. ســــــراب
.. .. .. .. .. .. يوم كل عــــــــــــــــــــروق قلبي تحمله
المهم إن الغياب أبسط عـــــــــــــــــقاب
.. .. .. .. .. .. لواحــــــــــــــــــــــــدٍ بين الحنايا منزله
كان .. مدري كنت في رحلة عــــــذاب
.. .. .. .. .. .. وكان أقرب لي .. وأنا أقرب من هـــله
لين صرت أشعر بقلبه .. بإغـــــتراب
.. .. .. .. .. .. وكل درب ٍ .. كان .. ياخذني الـــــــــه
قلت شفت الشمع ..قــال الشمع ذااااب
.. .. .. .. .. .. قلت شفت القلب .. قال أصلاً ..دلــــه
قلت آآآآآه .. وضجت بصدري عتاب
.. .. .. .. .. .. لين بلت كــل عــرقٍ بالــــــــــــــــوله
كل لحظه كانها.. صارت خــراب!!
.. .. .. .. .. .. كن بين الوقت .. وإحساسه صـــــله
في طريق الهم .. والرؤيه ضبــــاب
.. .. .. .. .. .. وصـــــــاحبي ماكـل عــذرٍيقـــــــبله
فلت .. تشعر بي؟؟ وردد..لا جواب
.. .. .. .. .. .. قلت أي إحساس في قلبك .. قـــــــله
طالما هالـــــــــــــدرب تاليته غياب
.. .. .. .. .. عطني إحساسك .. بصيغة أســـئله

الجحيم

ماهمني كثر الجروح .. ولا العتيـــــــم
.. .. .. .. .. .. .. ليلٍ ملاه الهم .. والحســــــــــره ظلام
ماهمني إلا إنت .. ياوجـــــــــه الكريم
.. .. .. .. .. .. .. ياصبحٍ يبلل عروقي .. بالســــــلاااام
لا قلت (أحبك)أشعرك..وسط الصميم
.. .. .. .. .. .. .. تملا جميع أعضاء جسمي .. بالغــرام
أشتاق لك شوق ٍ يودي .. للجحيــــــم
.. .. .. .. .. .. .. وأحن لك لأبعدت وأجفا هالمنـــــــــام
وأحشمك عن ..نوحٍ.. ممراته هشــيم
.. .. .. .. .. .. .. وأكماك عن ..بوحٍ.. يوصل للمـــــلام
حتى شعورك يابعد روحي .. وسيـــــم
.. .. .. .. .. .. .. ماهوب بس أنته تملاك الوســـــــــــام
خطوات رجلينك على قلبي نعـــــــــيم
.. .. .. .. .. .. .. ماكنك إلا من على ريش النعــــــــــــام
وإلا حكيت تجيب من عذب النظيــــــم
.. .. .. .. .. .. .. وإلا سكت أحس خلق الله صيـــــــــام
وإلا إلتفت .. أحسها لفتة فهيــــــــــم
.. .. .. .. .. .. .. وإن برّقت عيناك .. حرٍ لا يظــــــــــام
وإن مر ذكرك .. قالت الدنيا حشيـــــم
.. .. .. .. .. .. .. وإن مر فكرك..طارت أسراب الحمــام
أصلا .. ً نفسك .. إلا تنعنع فالنسيــــم
.. .. .. .. .. .. .. كنه يساومني .. على درب الهيــــــام
ياأغلا من أغلا شي .. يالقلب الرحيم
.. .. .. .. .. .. .. ياأوفى من أوفى شي .. ياعال المقام
أقبل علّيه .. ماأنته بحالي غشيـــــم
.. .. .. .. .. .. .. معاد ينفع فالوجع.. كثر الكـــــــــــلام
تعال .. وإحماني من الليل البهيــــــم
.. .. .. .. .. .. .. ليلٍ يشتتني .. وخلق الله نيـــــــــــام
يمرني بالجرح .. جرحٍ لي قديـــــــم
.. .. .. .. .. .. .. بعده تصير صروح أحاسيسي هدام
تعال وإحماني من الليل العتيــــــــم
.. .. .. .. .. .. .. خلك بجنبي كلما إشتد الظـــــــــلام

اتركوني


إن جيت أبيـــــهم أغلـــقـوا دونـــي الــــــباب
.. .. .. .. .. .. .. ولو طـــــــــــــــــــاحت دموع الوله .. مابكوني
ناسٍ أبد ماأعــدهم عني أغـــــــــــــــــــــراب
.. .. .. .. .. .. .. كنت أتولم يمـــهم .. وإتركـــــــــــــــــــــوني
في ضيقتي والقلب بالحــــــــــــــــــيل منصاب
.. .. .. .. .. .. .. جيت أتلمس قربـــهم .. وإخــــــــــــــــذلوني
والله .. لو ماأعــــــــــــــــــــدهم كل الأحباب
.. .. .. .. .. .. .. ولو غيرهم يســــــــــــــــــــــــكن بغبة عيوني
ماأشره عليهم لو قــــــــــــــــــضا العمر بغياب
.. .. .. .. .. .. .. . ولاتحرك من غــــــــــــــــــــــــــلاهم شجوني
أعدهم عن الملا ستر وإحجــــــــــــــــــــــــاب
.. .. .. .. .. .. .. وأبني لهم قصر الـغـــــــــــــــــلا .. وإهدموني
أول ليامن جيت بألفين ترحـــــــــــــــــــــاب
.. .. .. .. .. .. .. وفأجمل محطات الأمــــــــــــــــــــــاني لقوني
واليوم صاروا من ورا ظهري .. أحــــــــــــــزاب
.. .. .. .. .. .. .. أحزابهم .. هي ليش ؟؟!! بعد قتـــــــــــــلوني
ياويل قلبي .. مابقا فيني عـــــــــــــــــــــتاب
.. .. .. .. .. .. .. ماباقي إلا دمعتين بعـــــــــــــــــــــــــــــيوني
أخاف لاأذرفها وأنا حولي أجــــــــــــــــــناب
.. .. .. .. .. .. .. تفرحهم دموعي وهدة مــــــــــــــــــــــــــــتوني
والموت يوم الصد .. جـــــــــــــاني بلا أسباب
.. .. .. .. .. .. .. كذا .. بليا أسباب راحــــــــــــــــــــوا بدوني
إخترت خوتهم على كل الأصــــــــــــــــحاب
.. .. .. .. .. .. .. وذكرتهم بالخير يومن نســـــــــــــــــــــــوني
وإستسهلوا بعدي .. وباعوه بأكـــــــــــــــذاب
.. .. .. .. .. .. .. أحلف لهم بالله .. ماصدقــــــــــــــــــــــوني
ومن يوم ضاقت .. وإمتلا صدري أتــــــــــعاب
.. .. .. .. .. .. .. وأبطت تنازف في خفوقي .. طعـــــــــــــــوني
شلعت أنا وطعوني براس مرقــــــــــــــــــاب
.. .. .. .. .. .. .. وبكيتهم في صمت .. لين .. وحشــــــــــــوني
ياكثر وحشتهم على خــــــــــــــــــافقٍ ذاب
.. .. .. .. .. .. .. وياكثر مافي هالغلا .. كرهـــــــــــــــــــــوني
وياكثر غيبتهم على قلب مرتـــــــــــــــــاب
.. .. .. .. .. .. .. وياكثر ماضاقت بعد ما جفـــــــــــــــــــوني
إن جيت أصد .. وكل ظرفٍ له أنـــــــــياب
.. .. .. .. .. .. .. وإن جيت ألد لهم .. ملتني غبـــــــــــــــوني
هم علموني .. ويش هو حرق الأعصــــــــــاب
.. .. .. .. .. .. .. وفأصعب مواقف رحلتي .. هملــــــــــــــوني
وعلى رغم كل المواجع .. فلا خـــــــــــــاب
.. .. .. .. .. .. .. ظني بهم لو بالمـــــــــــــــــــــــفارق نووني
وحا بدو .. والله خلقنا من تــــــــــــــــراب
.. .. .. .. .. .. .. لكّن بدوي بالمكارم .. ملــــــــــــــــــــــوني
ماحنا بحيالله بدو .. بدوي ذيـــــــــــاب
.. .. .. .. .. .. .. ياما وياما لاإعتزيت .. إنصحــــــــــــوني
ولا فيني إلا شي واحد .. وينعـــــــــــاب
.. .. .. .. .. .. .. إنصافي لناس ٍ جفوا وإظلمـــــــــــــــــوني
ويوم إلحقوا قلب .. الكرامه .. بمخـــلاب
.. .. .. .. .. .. .. تهدمت كل القصور بجفـــــــــــــــــــوني
ومدام قلب المخلصه صار كــــــــــــــذاب
.. .. .. .. .. .. .. وشهوله أرجع .. دامهم .. كذبـــــــــــوني

الظما

تكررلي مشـــــــــــــــــــاهد مؤلمه من كم ســــــنه .. للآن
.. .. .. .. .. .. .. بنفس إنــتاجهم .. وإخــراجهم .. وبنفس أياديــــــــــــهم
وجيهٍ ماتمر البال .. غـــــــــــــــــــــير .. بصكة الأحزان
.. .. .. .. .. .. .. وإلا غابوا .. بدون شعـــــــــــــــــور مني .. قمت أحاتيهم
أجيهم لاإمتلا صدري من الآهــــــــــــــــــات .. والحرمان
.. .. .. .. .. .. .. وأروح بألف طعنه في خفــــــــــــــــــــــــوقي من مراميهم
يحذفون الجروح بخــــــــــــــــــــاطري حذفٍ بلا حسبان
.. .. .. .. .. .. .. وعلى كثر الفـــــــــــــــــــتوق اللي لهم .. عييت أعاديهم
لهم في وسط صدري منزله.. ولهم بعيني شـــــــــــــــــــان
.. .. .. .. .. .. .. ولهم دمٍ جرابي بالمحـــــــــــــــــــــــــبه .. في مجاريهم
وقلت القلب .. دوكم .. بس عزوني معه .. لاأنــــــهان ؟؟
.. .. .. .. .. .. .. وأثر قلبي هو اللي مسرفٍ فيــــــــــــــــــــهم .. ومطغيهم
ولاعــزوا .. ولارزوا .. ولا قـــدرٍ .. ولاتحـــــــــــــــنان؟؟
.. .. .. .. .. .. .. ولاخلوني أبحر بالمـــــــــــــــــــــــــعزه .. مع موانيهم؟؟
وأنا .. مليت أجازي كل صدمـــــــــــــــه منهم .. بكتمان
.. .. .. .. .. .. .. أنا مليت .. أدور بباقي إحساسي .. حواليـــــــــــــــــهم
على حد الظما .. قلبي وقف بي للغلا .. ظمــــــــــــــيان
.. .. .. .. .. .. .. وأنا ماحدني .. لأم الظما .. إلا تناسيـــــــــــــــــــهم!!
بري حالي .. وإلا لديت ماحولي سوى .. الخـــذلان!!
.. .. .. .. .. .. .. وثلاث فتوقٍ بصدري ولا زالـــــــــــــــــــــت تداريهم
تهون .. إن كانها بس .. الجروح .. وقصة الهـــــجران
.. .. .. .. .. .. .. مصيبه .. لاعرفت إن السبب أصلاً .. مباديـــــــهم ؟؟
مصيبه لاأكتشفت إن آخر الرحله هو .. النكـــــــران ..
.. .. .. .. .. .. .. بعد هذي.. على ويش الغلا ؟؟ وشله يناديــــــــهم ؟؟
بشر حولي .. ولكن لاتجد فيهم .. ولا إنســـــــان !!
.. .. .. .. .. .. .. كذا طبع البشر ؟؟ وإلا مغربلةٍ مساعيــــــــــــــــــهم
مدامه .. مايشرفني .. طريقٍ ممتلي حـــــــــــــــقران
.. .. .. .. .. .. .. ولا حتى يشرفني أبد .. لو ذكر أساميــــــــــــــــهم
ومدامي بنت ناسٍ صاملين الراي فالعتـــــــــــــــبان
.. .. .. .. .. .. .. قسم بالله .. ماأرجع للحنين اللي يباريــــــــــــــهم
قسم بالله لأذبح كل عرقٍ يرفض النسيـــــــــــــــان
.. .. .. .. .. .. .. قسم .. لأشب نار الهجر .. فالذكرى .. وباقيهم ؟؟

باكستان

نــــــــــــاسٍ تدندن بالمواجع على ناي
.. .. .. .. .. .. .. .. ونـــــــــــاسٍ يدندنها الوجع من غلاهم
هم ســــــــــــافروا وأنا توسدت رجواي
.. .. .. .. .. .. .. .. يالله تفرجـــــــــــــــــــها علي وعلاهم
راحوا وخلوني على متن شكـــــــــــواي
.. .. .. .. .. .. .. .. وإن عودت للجد مالي ســـــــــــــــواهم
البارحه بالذات ضاقت حــــــــــــناياي
.. .. .. .. .. .. .. .. كن المرض جوفي وأعاني عـــــــــــــياهم
وفتّقت صدر الليل من عاتي بكـــــــــاي
.. .. .. .. .. .. .. .. ولاأدري وش اللي فيه ربي نـــــــــــواهم
خوفي من اللي راح واللي بعد جــــــــاي
.. .. .. .. .. .. .. .. والخوف الأعظم لا يطول لـــــــــــــقاهم
ليت المرض يدري بما صار جــــــــــواي
.. .. .. .. .. .. .. .. يوم إلتفت وضاق فيني مســــــــــــــاهم
ليته يحس بآهةٍ فجت أقـــــــــــــصاي
.. .. .. .. .. .. .. .. وبإحساسي اللي راح يتبع خــــــــطاهم
ماقلت تكفا غير أنا أبل تكــــــــــــفاي
.. .. .. .. .. .. .. .. فالنازفات اللي طوتني وراهــــــــــــــم
على الورق باح القصيد بخـــــــــــفاياي
.. .. .. .. .. .. .. .. وهمٍ إلا سجيت قام يحــــــــــــــــداهم
يمي إلين إستسلمت له زوايـــــــــــاي
.. .. .. .. .. .. .. .. أحسهم جواي وأطعم حــــــــــــــلاهم
قامت درهم بي همومي بمســــــــــراي
.. .. .. .. .. .. .. .. مافيه مره درهمت بي بلاهــــــــــــــم
والضيقه اللي بعدهم جابت أتـــــــــلاي
.. .. .. .. .. .. .. .. قامت تملاني برحلة عـــــــــــــــناهم
يالله طلبتك بس تحقيق رجـــــــــــواي
.. .. .. .. .. .. .. .. يالله لاتقطع رجاي ورجـــــــــــــــاهم

الزعيـــــــــــــــــــم

الموت لاجاك القصيد من الصميــــــــــم
.. .. .. .. .. .. .. وش عاد أبكتب بالغرام عن الغـــــــــــرام


وأدهى من الموت إلتفاتات الــــــــزعيم
.. .. .. .. .. .. .. اللي خذاله في سويـــــــــــــــــدايه مقام


هذاك لفتاته على قلبي .. نعيـــــــــــــــم
.. .. .. .. .. .. .. وبحة حروفه في وسط سمعي .. هيــــام


وصدة عيونه عن مساراتي .. جحيــــــم
.. .. .. .. .. .. .. وخطوات قلبه .. نبض عــــابق بإحـــترام


ومدة كفوفه .. مدة الشيــــــــــــخ الكريم
.. .. .. .. .. .. .. وهو بعد شيـــــــــــــــــخٍ ومن ناسٍ كرام


وابري حالي .. راحت عــــــروقي هشيم
.. .. .. .. .. .. .. وإن ماأفطرت فيك أنت.. يهناها الصيام


وازوي روحي .. كل مامر النسيــــــــــم
.. .. .. .. .. .. .. وتبعثرت ريحتك .. وإنفج الظــــــــــــلام


ثم هاض بي جرحٍ بعد مبطي قديــــــــــم
.. .. .. .. .. .. .. ماكن ربي خالقٍ غيرك حـــــــــــــــــرام


إن جيت مقبل .. قالت عيوني .. وسيــم
.. .. .. .. .. .. .. سبحان من صورك وأهداك الوســـــــام


وإن جيت تقفيبي مثل رجلٍ عظيــــــــــم
.. .. .. .. .. .. .. إقفايته وحده.. على الدنيا الســـــــــلام


والموت لاجبتك قصيد من الصميــــــــم
.. .. .. .. .. .. .. وش عاد أبكتب بالغرام عن الغــــــــرام

يادوووبي

هلابك..كثر مامر الغلا ومريت في بـــــــــــالي
.. .. .. .. .. .. .. .. .. أنا دوبي حبيبي كنت أجيب بسيرتك دوبــــــــي
أنا توي أسولف للقصايد عنك يالغـــــــــــــــالي
.. .. .. .. .. .. .. .. .. وثاعت ريحتك بين الحروف..وقلت..محـــبوبي
تلفت ولقيتك في عروق القلب تخـــــــــــــتالي
.. .. .. .. .. .. .. .. .. ألا حيالله اللي يزرع البسمات بــــــــــــــدروبي
تخيّل كل ماإسمك يظهر بشاشات جـــــــــــوالي
.. .. .. .. .. .. .. .. .. يفوح العود الأزرق كل رنه تبعث طـــــــــيوبي
تعال..وإترك الدنيا..دقيقه..حبني لحـــــــــــــالي
.. .. .. .. .. .. .. .. ..أبي منّك دقيقه وبعدها لاتلتفت صــــــــــــــوبي
حبيبي يابعد عمر السنين ويابعد حــــــــــــــالي
.. .. .. .. .. .. .. .. .. حياتي يابعد عمر الشعور الحب مكتـــــــــــوبي
أحبك غصب أحبك غصب عن وقفات عـــذالي
.. .. .. .. .. .. .. .. .. أشوف الحب بك ميزه ولو خلوه عـــــــــذروبي
ياروحي ماأشعر إلا بإرتسامك فوق فــــــالعالي
.. .. .. .. .. .. .. .. .. كذا طبع الكبار الحب فيهم شي مهــــــــــــيوبي
لهم هيبة مشاعر ياعسا ماللغلا والـــــــــــــي
.. .. .. .. .. .. .. .. .. إذا مالامس إحساس الكبير وجاب مطـــــــلوبي
تعال وخذ عيوني بس لحظه .. شوفك بــــــدالي
.. .. .. .. .. .. .. .. .. وحس شلون أحبك كيف عنّك مقدر آتــــــــوبي
يامال العافيه يازين طعم العمر بك حــــــــــالي
.. .. .. .. .. .. .. .. .. طلبتك لاتحد من الشعور القلب مشبـــــــــــوبي
على كيفي بحبك بأي شكل بكل الأحــــــــــوالي
.. .. .. .. .. .. .. .. أبسرف في غلاك وبستمر أعشقك بإســـــــلوبي
بلملم لك شعوري وأنثره فالقاف ويـــــــــــــلالي
.. .. .. .. .. .. .. .. .. وأبل أوراق شعري بالفلا ويطيب مشـــــــروبي
أحس بخطوتك تعزف لحن فيروز مــــــــــوالي
.. .. .. .. .. .. .. .. ..من ألحان الغلا لاهوب لا نجــــــوى ولا روبي
وأحس بوقفتك لو أنت واقف فالــــــــخلا الخالي
.. .. .. .. .. .. .. .. .. كأن المسك الأبيض من تحت خطوتك مسكوبي
وكأن الورد يتفتح هنا لاجيت في بـــــــــــــــالي
.. .. .. .. .. .. .. .. وأنا دوبي بأول خطوتين الحب يــــــــــــــادوبي

ضاميه ملت يباس الوقت وأسبـــــــــــاب الشكاوي
.. .. .. .. .. .. مابقالي غير قلبٍ ممتلي طيـــــــــــــــــب وحبابه

قلبٍ أصغر من همــــــــوم الدرب وحصون البلاوي
.. .. .. .. .. قلبٍ أضعف من هطــــــــــــول الدمع في ليل الكآبه

كان طفلٍ يشعل برود المواجـــــــــــــــــع بالدعاوي
.. .. .. .. .. وكنت له صدرٍ يلم دمـــــــــــــــــوع ليله وإضطرابه

قال آآآآآه..وصاحت جروحي على صوت الشكاوي
.. .. .. .. .. آهته .. عيناه .. قلبه .. والمكــــــــــــان اللي بكابه

سكة الحرمان .. رجف شفاه .. جمـرات الخطاوي
.. .. .. .. .. نظرته ذيك البريـئــــــــــــــــــــه من بدأ يذبل شبابه

العمر هذا بدون إحســــــــــــاس قلبه وش يساوي
.. .. .. .. .. ياعساالله ياعساالله مايلحقني غــــــــــــــــــــــيابه

طفلٍ إن لاحت بوارق للغلا .. جـــــــــــاني حياوي
.. .. .. .. .. وإن نهره الوقت.. عــــــوّد .. خطوته تدمي ترابه

ذاق يتم الوقت وتجرع مرارات العـــــــــــــــداوي
.. .. .. .. .. جرحٍ أبكم مالقاله لامغــــــــــــــــــــــيث ولا قرابه

يايبـــــــــــــــــــه!!

يايبـــــــــــــــــــه!!

يايبه ويــنك ؟؟ أنا مليت .. ليلي .. والتعــــــــاوي
.. .. .. .. .. من رحلت ومابقا بهالكون من أحسب حســـــــابه

غير طـــــــــــــــــــفلٍ كلما سجيت جابته الحراوي
.. .. .. .. .. جايســـــــــــــــوق خطاه طفلٍ مشيته طيب ورتابه

يايبه من غيبتك زادت جــــــــــــــــروح بلا مداوي
.. .. .. .. .. ثم جرحني الوقت فالطفل اليتيم .. وبإغـــــــترابه

غبت غيبه دون رجعه .. آآآآه يالعن المـــــــناوي
.. .. .. .. .. كلما تمنيت قلبك زادني الوقت بعــــــــــــــــــــذابه

لا والأدهى من عذاب الوقت ..طفلي ..والرجاوي
.. .. .. .. .. كلما أترجا ظـــــــــــــــــــروفه جدت ظروفٍ هبابه

وشيبي فيه المرض خـــــــــــــلاه قدم العين ذاوي
.. .. .. .. .. وشيبي فيه الزمن ماعاد بجــــــــــــــروحه طبابه

كلما هبت هبوب .. أشم ريحه عــــــــــــود جاوي
.. .. .. .. .. وكلما كنيت ريحه .. فز قلبي وإحتـــــــــــــــفابه

وكلما ناظرت عينه .. ماذكرت إلا النـــــــــداوي
.. .. .. .. .. وكلما عانقت صوته .. ماذكـــــــــرت إلا الربابه

وكلما تدمع عيونه.. راحت عيوني شــــــــلاوي
.. .. .. .. .. وكلما ونت ظروفه .. ضــــــــاقت حدود الرحابه

ولو يمل الوقت مامليت من كثر الدعــــــــــاوي
.. .. .. .. .. ياعسالله ياعسالله .. مايلحقني غـــــــــــــــيابه