روح الندى
01-07-2025, 07:14 PM
"
فراش الوهم يرتاح من عاش نايم فيه
ويحس بتعب بعدين لا قام من نومه
ولقى واقعه ماهو بمثل الذي يرجيه
وتخاصم مع نفسٍ بالافراح موهومه
طريق السعاده صعب لا بد من يمشيه
يعاني ولا منه عطش يشرب همومه
عشان السعاده عقب طول العطش ترويه
ويقسم ظهر من قال: ماهي مقسومه
يجيني بعض هالناس ويقول لي: (ياهييه)
ترى المستريح اللي على قدّه حلومه
واقول البطل لا شاف حلمه صعَب يغريه
ويركض وراه وكل ماطاح له قومه
يقولون لي: تحلم وانا اقول طيب ليه
مدامه مجرد حلم تشغلكم علومه
فراش الوهم خلوا عذولي يريّح فيه
إلين اوصل اهدافي وصحوه من نومه
"
فراش الوهم يرتاح من عاش نايم فيه
ويحس بتعب بعدين لا قام من نومه
ولقى واقعه ماهو بمثل الذي يرجيه
وتخاصم مع نفسٍ بالافراح موهومه
طريق السعاده صعب لا بد من يمشيه
يعاني ولا منه عطش يشرب همومه
عشان السعاده عقب طول العطش ترويه
ويقسم ظهر من قال: ماهي مقسومه
يجيني بعض هالناس ويقول لي: (ياهييه)
ترى المستريح اللي على قدّه حلومه
واقول البطل لا شاف حلمه صعَب يغريه
ويركض وراه وكل ماطاح له قومه
يقولون لي: تحلم وانا اقول طيب ليه
مدامه مجرد حلم تشغلكم علومه
فراش الوهم خلوا عذولي يريّح فيه
إلين اوصل اهدافي وصحوه من نومه
"