البارحة جاني مـن الحـب مرسـال =
وانا ترى في الحـب مانيـب فعّـال =

ولا بعد غنّيت فـي ساعـة وصـال =
ولا جرى دمعي على الخـد همّـال =

حتى وردنـي تالـي الليـل جـوال =
الرقم بايخ لكـن الصـوت قتـال =

قالت مساء الخير يـا طيّـب الفـال=
بالعود والصفـري ودلـة وفنجـال =

ردت بضحكة ثم قالت وش الحـال؟=
قالت وهي تضحك بعد مثل الأطفال =

من يـوم قالتهـا تزلزلـت زلـزال =
قلت ارفعي صوتك ترى مابه ارسال=

قالت أقول اسمع ترى هرجنـا طـال =
واسمي الحقيقي أول حروفـه الـدال =

صحيح أحب الفخفخة واعشق المال =
ما عندي امغازل ولا (لعب عيـال) =

بس الصراحة قلبي لشوفتـك مـال =
فكّر بعقلك واترك القيـل والقـال =

وارسل علي الحين خمسميـة ريـال=
أو طقم غالي فيه خاتـم وسلسـال =

قلت الحقيقة مانيب رجـل أعمـال =
أنا الصراحة شبـه عطّـال بطّـال =

والراتب الله يرحم الحـال مـا زال =
والدين بـالآلاف والبنـك شغّـال =

والسوق طايح والغلا ضيّـق البـال=
قالت تحمّل بـس والحمـل ينشـال =

ياخي تصرّف جعلك اتصيـر نشّـال =
لابد تفهمني علـى كـل الأحـوال =

قلت إيه والله فاهم اللي على البـال =
يا بنت هـذا صايـر اليـوم مـوال =

يا بنت ما تدرين كـم فيـه محتـال=
يا بنت كم من جاهلة دمعها سـال =

والبنت لا اقفى عرضها بيد الأنـذال =
قالت تبي ولاّ فخلّك علـى جـال =

عز الله إنك للأسف منـت رجّـال =
يا لعنبو اللي مـا يسطّـرك بنعـال =

( تفو ) عليك وصكّت الخط في الحال
مدري ( تفو ) هي مدح ولاّ شتيمـة؟؟
=

:





















أطّروَحُة غّآمُرةَ
سَلمْتمَ وِدٌمتْم كَماَ تّحبُوٍن وَتُرضّوٌنّ

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

سلمت اناملك لروعة ذوقك
يسعدك ربي ويحقق أمانيك

سلمت يمناك
طرح جميل جدا

قلائد أمتنان لهذة
الذائقة العذبة في الانتقاء
لروحك الجوري

سلمت الآكف ومَاجلبت
إبداع دآئم وتميز مُستمر
لا عدمنَاك
http://www.tra-sh.com/up/uploads/1678874120629.gif

طرح جميل
يعطيك العافية