جنــــون
10-07-2022, 02:17 AM
بلاش لما تاخد حد قدوة .. تبروزه في إطار المثالية .
عشان لما تكتشف انه انسان طبيعي له جوانب ضعف وقصور و أخطاء ماتتنصدمش و تظلمه و تقول دا انسان عادي .. مهو فعلا انسان عادي من الأول ! المشكلة إن إنت حطيت له تصور غير عادي .. اكتسب اللي يعجبك منه فقط لا غير و خليك فاكر انه بشر عادي مميز في جوانب وغير مميز في جوانب تانية .
بلاش تعتقد ان اللي مابيشاركش همومه على الفيس وفي وسط الناس معندوش مشاكل .. عشان دي فكرة غير واقعية أصلا .. القاعدة بتقول مهما كنت شايف اللي قدامك سعيد و منعم ومبسوط .. فهو عنده حاجة منغصة عليه حياته بالتأكيد .. عشان محدش حياته ١٠٠% كاملة وسعيدة .
بلاش تحكم على حد من خلال تجربة الآخرين معاه و كلامهم عنه .. جرب بنفسك .. في أحيان كتيرة بتتفاجئ إنه شخص كويس جدا ومشروع صديق جيد .. لكن بكل بساطة لم يوفق في علاقته بالشخص الآخر لإختلاف الطباع أو سوء التفاهم أو تعارض المصالح .
بلاش تحكم على شخص ك زوج/ة من خلال دوره كصاحب أو دوره كموظف ناجح .. الدورين مختلفين .. صدقني ممكن يكون صاحب جدع بس زوج سيئ .. عارف ازاي يكون جدع مع صاحبه .. لكن مفاهيمه عن الجنس الآخر و طريقة التعامل معاه مشوهه .. فالنتيجة زوج سيئ .. بس هيفضل صاحب جدع عادي .
بلاش تتمسك برأيك قوي عشان وارد لما تكبر وتتعرض لمواقف الحياة وتزداد خبرة تغير رأيك لفكرة أقرب للصح .. فدايما حط الإحتمال دا في دماغك .. ان دا رأيك مالم يقنعك شئ آخر .
بلاش نثبت حكمنا على شخص تعاملنا معاه فترة من زمن بعيد .. لأن أكيد الشخص دا اتغير واتعلم وكبر و نضج .. وبقى انسان تاني .. فحرام تسجنه داخل حكم قديم .. وهو اختلف عنه في الحاضر.
بلاش تفترض ان الدكتور ولاده مابيمرضوش .. أو اللي بيتكلم عن السعادة و الأمل مابيزعلش وما بيجيش عليه أوقات بيكون على حافة اليأس أو اللي بيدي نصائح زوجية معندوش مشاكل زوجية أو اللي بيتكلم في الدين ماعندوش ذنوب و مابيغلطش .. عشان دا ببساطة افتراض غير واقعي .. ممكن تفترض ان كل انسان بيحاول و طالما انسان يبقى ممكن ينسى أو ينهزم أمام بعض الظروف وطالما بيحاول يبقى ممكن مرات ينجح و ممكن مرات ماينجحش .
ماتتريقش على تصرفات الغير تجاه المواقف و ماتستنكرش اختياراتهم عشان ٩٩% هتتعرض لنفس الموقف و ممكن تتصرف نفس التصرف وتختار اضطراريا نفس الإختيار اللي استنكرته على غيرك و ساعتها هتفهم هم ازاي عملوا كده و هتعذرهم ..
متدخلش معركة انت عارف انك مش كفئ للإنتصار فيها ..
انك تتجنبها أحسن من انك تطلع مهزوم.
الإعتذار شرف مش عيب و قبول الإعتذار كرم أخلاق .
تعرض وعرض أولادك لأكبر قدر من مواقف الحياة .. الخبرة المبكرة هتحميك من احباطات كتير في المستقبل ..
قول رأيك الحقيقي حتى لو غير شائع .. حاول ماتعملش حاجة مش مقتنع بيها ..
الإنسان بيحب ياخد مجانا ومايبذلش مجهود .. بس هتيجي لحظة هيتوقف عطاء الكل و هتلاقي نفسك بتشحت نوعية العطاء دا .. اتعلم تبذل مجهود و تدفع المقابل و تقدم السبت .. و تدي شي مقابل اللي بتاخده .. عشان تفضل تاخده .
سامح إن قدرت عشان خاطر قلبك انت .. كل اللي ظلموك عايشين حياتهم وانت بس اللي قلبك واجعك ..
الأخلاق و الخبرة الحياتية و الذكاء العاطفي والإجتماعي أهم من العلم ! .. اتعلمهم بأي ثمن
اتجوز اللي شبهك في المبادئ والتفكير ..
مش مطلوب منك تكون مخترع أو قائد أمة أو حاجة عظيمة .. مطلوب منك تكون انسان ناجح في دايرتك الخاصة و سعيد ومتطور !
انت مش محتاج أكثر ومزيد من كل شئ .. انت محتاج تحسن استغلال اللي عندك بالفعل ..
ماتستقلش أي انسان في الدنيا كل واحد عنده حاجة ممكن تتعلمها منه .
ماتقارنش نفسك الا بالصورة اللي تحب تكون عليها ..
اعمل أي حاجة لآخرتك ..
سوالى هو ماهو اطار العلاقه بين المفهومين من وجهه نظرك القدوه والاطار المثالى
ماهى مقومات القدوه السليمه من وجهه نظرك والعومال الصحيحه ف بنائها
منقول
عشان لما تكتشف انه انسان طبيعي له جوانب ضعف وقصور و أخطاء ماتتنصدمش و تظلمه و تقول دا انسان عادي .. مهو فعلا انسان عادي من الأول ! المشكلة إن إنت حطيت له تصور غير عادي .. اكتسب اللي يعجبك منه فقط لا غير و خليك فاكر انه بشر عادي مميز في جوانب وغير مميز في جوانب تانية .
بلاش تعتقد ان اللي مابيشاركش همومه على الفيس وفي وسط الناس معندوش مشاكل .. عشان دي فكرة غير واقعية أصلا .. القاعدة بتقول مهما كنت شايف اللي قدامك سعيد و منعم ومبسوط .. فهو عنده حاجة منغصة عليه حياته بالتأكيد .. عشان محدش حياته ١٠٠% كاملة وسعيدة .
بلاش تحكم على حد من خلال تجربة الآخرين معاه و كلامهم عنه .. جرب بنفسك .. في أحيان كتيرة بتتفاجئ إنه شخص كويس جدا ومشروع صديق جيد .. لكن بكل بساطة لم يوفق في علاقته بالشخص الآخر لإختلاف الطباع أو سوء التفاهم أو تعارض المصالح .
بلاش تحكم على شخص ك زوج/ة من خلال دوره كصاحب أو دوره كموظف ناجح .. الدورين مختلفين .. صدقني ممكن يكون صاحب جدع بس زوج سيئ .. عارف ازاي يكون جدع مع صاحبه .. لكن مفاهيمه عن الجنس الآخر و طريقة التعامل معاه مشوهه .. فالنتيجة زوج سيئ .. بس هيفضل صاحب جدع عادي .
بلاش تتمسك برأيك قوي عشان وارد لما تكبر وتتعرض لمواقف الحياة وتزداد خبرة تغير رأيك لفكرة أقرب للصح .. فدايما حط الإحتمال دا في دماغك .. ان دا رأيك مالم يقنعك شئ آخر .
بلاش نثبت حكمنا على شخص تعاملنا معاه فترة من زمن بعيد .. لأن أكيد الشخص دا اتغير واتعلم وكبر و نضج .. وبقى انسان تاني .. فحرام تسجنه داخل حكم قديم .. وهو اختلف عنه في الحاضر.
بلاش تفترض ان الدكتور ولاده مابيمرضوش .. أو اللي بيتكلم عن السعادة و الأمل مابيزعلش وما بيجيش عليه أوقات بيكون على حافة اليأس أو اللي بيدي نصائح زوجية معندوش مشاكل زوجية أو اللي بيتكلم في الدين ماعندوش ذنوب و مابيغلطش .. عشان دا ببساطة افتراض غير واقعي .. ممكن تفترض ان كل انسان بيحاول و طالما انسان يبقى ممكن ينسى أو ينهزم أمام بعض الظروف وطالما بيحاول يبقى ممكن مرات ينجح و ممكن مرات ماينجحش .
ماتتريقش على تصرفات الغير تجاه المواقف و ماتستنكرش اختياراتهم عشان ٩٩% هتتعرض لنفس الموقف و ممكن تتصرف نفس التصرف وتختار اضطراريا نفس الإختيار اللي استنكرته على غيرك و ساعتها هتفهم هم ازاي عملوا كده و هتعذرهم ..
متدخلش معركة انت عارف انك مش كفئ للإنتصار فيها ..
انك تتجنبها أحسن من انك تطلع مهزوم.
الإعتذار شرف مش عيب و قبول الإعتذار كرم أخلاق .
تعرض وعرض أولادك لأكبر قدر من مواقف الحياة .. الخبرة المبكرة هتحميك من احباطات كتير في المستقبل ..
قول رأيك الحقيقي حتى لو غير شائع .. حاول ماتعملش حاجة مش مقتنع بيها ..
الإنسان بيحب ياخد مجانا ومايبذلش مجهود .. بس هتيجي لحظة هيتوقف عطاء الكل و هتلاقي نفسك بتشحت نوعية العطاء دا .. اتعلم تبذل مجهود و تدفع المقابل و تقدم السبت .. و تدي شي مقابل اللي بتاخده .. عشان تفضل تاخده .
سامح إن قدرت عشان خاطر قلبك انت .. كل اللي ظلموك عايشين حياتهم وانت بس اللي قلبك واجعك ..
الأخلاق و الخبرة الحياتية و الذكاء العاطفي والإجتماعي أهم من العلم ! .. اتعلمهم بأي ثمن
اتجوز اللي شبهك في المبادئ والتفكير ..
مش مطلوب منك تكون مخترع أو قائد أمة أو حاجة عظيمة .. مطلوب منك تكون انسان ناجح في دايرتك الخاصة و سعيد ومتطور !
انت مش محتاج أكثر ومزيد من كل شئ .. انت محتاج تحسن استغلال اللي عندك بالفعل ..
ماتستقلش أي انسان في الدنيا كل واحد عنده حاجة ممكن تتعلمها منه .
ماتقارنش نفسك الا بالصورة اللي تحب تكون عليها ..
اعمل أي حاجة لآخرتك ..
سوالى هو ماهو اطار العلاقه بين المفهومين من وجهه نظرك القدوه والاطار المثالى
ماهى مقومات القدوه السليمه من وجهه نظرك والعومال الصحيحه ف بنائها
منقول