الصبر كاس نشربه حتى اذا كان مر

أكيد مع الأيام يحلى مذاقه

http://www.lahaonline.com/media/images/articles//healthknowldge/2014_1461832208.jpg (http://www.lahaonline.com/media/images/articles//healthknowldge/2014_1461832208.jpg)


بين السهر والنوم في مرقدي حرب
حرب على العينين محد خسرها
من ثورة الهوجاس في البعد والقرب
خلت عيون السلم يكثر سهرها
تبدا غياب الشمس لاميلت غرب
الين يطلع للعوالم سفرها


بوحي

لك القلب والنبض والعمر كله
وب هديك عمري وباقي امنياتي
ابيك تصون القلب في ترحله وحله
وترفق ب الروح وتسعدني بحياتي

ب \ ق \ غزلان

https://dncache-mauganscorp.netdna-ssl.com/thumbseg/134/134362-bigthumbnail.jpg

هذا المسا زود على القلب حيره
انطر وانا في هالمسا حيل حيران
حاير وشوقي هالمسا وش مصيره
بدرالدجى نوره على القلب مابان
اسأل نجوم الليل وتقول خيره
حنا نعوض غيبته وانت سهران
قلت القمر ماني معوض بغيره
والي فقد نور القمر حيل خسران
يالشاهدات اللامعات السهيره
خفوا علينا والقمر ماله اخوان
بوحي

لبيه ياصوت تغلغل بالاســماع
واخذ صداه بوسط الاسماع ساعه
صوت سكن راعيه من بين الاضلاع
واسدل على عرش المحبه شــراعه

http://25.media.tumblr.com/tumblr_lwoc8znjJr1qj7hvgo1_500.gif



الا يازاير عيون المسا والليل له جذاب
انا مثلك تراني اعشقه هالليل واحيا به
اسامر نجمة تسهرواحاتي غيبة الأحباب
اسلي خاطر يسهر حزين وفاقد احبابه



بوحي

يوم جتني من اقرب صاحبٍ تلتوي
كل شيء تحطم في عيوني وهان

مآ يهز آلصآدق ألآ نبض وجعه
لآ عطى من كل قلبه و أنخذل ..

https://akphoto2.ask.fm/099/568/729/1280003027-1pplqdl-5btd4e2gj53sj0p/original/9505_21286264692.jpg
يامنادي بالمحبة لايجي فيها برود
كان حبه ياعظيم الشوق في قلبك سطا
وش يردك عن مواصلنا وتجديد العهود
كان لك شف وتبينا لاتردد بالعطا
المواصل للحبايب يجعل الألفة تزود
والقطاعة والتغلي بينهم اكبرخطا
الحبايب للحبايب في مواصلها تجود
والمحبة ياكبيرالشوق يقتلها البطا

بوحي

عن كل نجم ظهر بسدل أجفاني
لعل ما عيش حزني لحظة غروبه
وعن كل خلٍِ طويل الصمت كفاني
الصاحب اللي قليل الهرج عذروبه
وعن كل ثوبٍ جديد باالبس أكفاني
وأدله ولا ألقى رسايل هم في جيوبه
أنا الجفا ليه أخاف الناس تجفاني
وأنا الحبيب الذي من يعشق عيوبه
راعي الوعد وأن صدق مرة ولاقاني
يحتار بين السراب وقلب محبوبه
يامن عذابه يشققني ويرفاني
فرقاك غصب علي بالحيل مكتوبه
خبرت نصف تعب من نصفه الثاني
بعضي الرماد وبعضي نار مشبوبه

أنا الهوى ألي بيك عليل
وأنا القصيد ألى مالاقي علل

وأنا بكا وفي قصايد الليل
حرف معناه إحساس وخجل

المشاعر لا بد أن تتغير حالتها
حـين نتاقسمها مع الآخـــرين
فحين نتقاسم السعادة تكبر
وحـين نتقاسم الألم يصــغر

إن بكيت من يزيح الهم عني
من يرسم على حزني ابتسامه

تمنيت وكم ضعت من ذاك التمني
وتاه دربي يا دروب السلامه

يا عطر له نبض إحساسي يغني
لحن الاشواق يطربني غرامه

سجل حضورك ويغيب الكل مني
سلم على وقلبي يردد سلامه

http://www4.0zz0.com/2012/03/01/22/515276308.jpg
لبيه يالي شفته كلها لين
فيها سواليف الغرام الطرية
خذها قصيدة حب ياكامل الزين
مع وردة فايح شذاها ندية

بوحي

ماخذ على خاطري من غيبتك عني
احس قلبي مزعلني من اسبابك

http://www.m5zn.com/uploads/2010/6/18/photo/061810020616xwwk6fd8.jpg

على كف الغلا ينبت على وعد اللقا ورده
تحرا مدت كفوف الغضي تقطف معانيها
تفرعن لونها وسط العروق الي سقت وده
بقلب يرتجي شوفه بنبضاته يغذيها
عسى نورالبني يوفي ويقطف ورده بيده
ورود الشوق تتحرا بكل الحب يسقيها

بوحي

ما تربينا على كسر الخواطر
لو خواطرنا من العالم تكسر
ظ°
امزحو في كل شي الا المشاعر
جبرها يبطي ويمكن ما تجبّر

الله اللي ثبتك في قلبي
ومالي على أمر الله إعتراض .

كتبت الحب على بيض الورق قصه
يحكيها قلب كل عاشق ويقراها

الفرح فيها كان وسط الوجع فرصه
ثواني يا فرح والحزن ارض وسماها

حرف الشوق تاه فى الكلام نَصَه
مين ياخد عيوني ويقول لقاها

‏على وقت اقفى و انتهى كنه من الاموات
‏â€قطعت الرجا به ، قطعه الحي لامواته

هسسس ولا تشكك فى غلا محبوبي
هسس لولا الحياء ذوقتك اطهرذنوبي

http://tasnimeadel.arablog.org/wp-content/uploads/sites/67/2014/08/BIRD.jpg

مضمون في يديك وتدور على عشرة ؟!
مفهوم يقطع حبال الوصل بيدينا
عصفور في اليد ولا عشرة على الشجرة
قصة قديمة وتحكي هالطمع فينا

بوحي

يازينها الدنيا و ( أنا وأنت ) لا غير !!
وضحك السحاب اللـي علينـا يعـدّي

فِراقٌ تلك هي الدنيا ,, عِناقُ الحب فيها يبكينا
وشوقٌ يقتل المُهَجِ ,, فمن من وأد الروح يُنجينا

يامدينه سولفي عن حزن اغترابه
‏وسولفي كيف الرحيل بلا "وداع"
‏و ذكريه فيني لا نساني في غيابه
‏و قولي اني مارضيت بِ هالضياع.

-
‏ادري وصالك حلم ما عاد موجود
‏وادري غيابك صار كل الحقيقة

يا رفيقه دام الغلا نبضه ركود
ما جرى الماء في بحور غريقه

تيه الهوى وانواره عتمه وسود
ما يلمع بدر ويبان لك بريقه

مُره الدقايق وكل الايام جحود
وشهد الهوى فى وصلك دقيقه

ليت القدر لاجمّع الـنـاس بالناس
يـجمـع قـلـوب الـنـاس كلٍّ وطبعه
.
مايستوي الألماس في جنبه نْحَاس
ولايروي الصافي سوى عذب نبعه

.
.
.
يا سعود عقب غياب شهرين و شوي
جتني تشاورني بقصة شعرها..

‏مليت كاسك بالوفا لين ماعاد
‏يقبل من الاخلاص مثقال ذرة
‏
‏
‏اما تحلل شوفتك لي بميعاد
‏والا لااشوفك في غيابي تشره

دقت طبـول الحــرب مني ومنش

للمعـركه ما.. بيـن الاســلام وقـريش

كـل مـا دليت الدلو حسيـت انش

سحبتـي عـروق المعاليــق بشــويش
بقلمي / عيسى العنزي

ليه البشر تبكي على موت الأجساد
وإن ماتت قلوب المخاليق عادي .

تعال عانق في مسا الحب روحي
خل المسا يرتاح في ضم روحين
خله يزيح الصمت عن صدق بوحي
واحكي لك الي في خفوقي من سنين

بوحي

سـر الغــلا محفـوظ يـا زيـن كلـّه
في خزنـة مـن دون باب وشبابيك

مفتاحهـا عنـدك ولاحـد يدلـّه
لأنك ملكت القلـب والقلب يفديك"

ياحلم عطنا وعد في الحب يلهينا
خل انتظار الوعد للنفس تلهى به
ياطاري اليأس لاتقتل امانينا
وش عاد لو الوعود تصير كذابه

بوحي

الصداقة عندنا ذخر وطماعه
صحبة ماهيب صحبة تمتاعي

حد جدتها على البرق لماعه
وإن خذت يومين مفعولها ضاعي

يمكن ولو حتى ولكن وبعدين
مفهومها لأهل المحبة قطاعة
تقتل قلوب الي تحروا من سنين
وتزيدهم كلمة لعل وجاعة
حتى العذر بالظرف حجة بليدين
اعذار شخص مابقلبه شجاعة

بوحي

طال ليل الندامه، وين شمس السلام
في بحور انتظاري ماظهر صبح عيد

طاح نجم وتعلا في سماي الظلام
موحش الدرب ليته عن خطايه يحيد

بنيت لك يازين في خافقي دار
قصر بكل الحب والود عالي
وسطه حديقة شوق من ورد وازهار
ومزين بكل الغلا والدلالي
فيه الغرام يحيط به مثل الاسوار
والعاطفة تعطيه شكل جمالي
سوالف العشاق تلفيه زوار
تروي حكاوي حب عن كل غالي
من زار قصر الحب خلاه تذكار
ويقول زرت اليوم قصر خيالي

بوحي

من عقب ما كنت تكتبني و تقراني
ما عاد تدري مع الأيام : وشلوني

ق - غ

ذكرى الغلا تجتاحني لاقبل الليل
للي خـــياله داخــل الروح يختــال
واسرج لشوقي صادق العاطفة خيل
دام الخــيال لطـاري الشــوق خيال
واسري مع الهوجاس مشتاق بالحيل
للي غــيابه عن مدى ناظـري طـال
لو بالخيـــال اعــيش ليــل التـعاليل
واسامر المحـبوب ويروق البــال
بوحي

*بلآ " آلدنيآ " تِفرق مَ تلـم ؟
كل يوم تآخذ وتمحي رفيق .!
.
آلعقول تبدلت و صآرت " عدم*
وآلصدآقهَ تجي لَـ آهدآف وتغيب !

‏تراه يدري بأنَّ القلب مَسكنه
‏ولستُ أبصر بالعينين إلّاه
‏القلبُ يسألُ عيني حين أذكرهُ
‏يا عينُ قولي متى باللهِ نلقاهُ ؟

‏آنا القصيده وأنت سطرتها آبيات
‏الشوق يكتبني وآنا لك وصفته

ل ملك الفن

أنا من بعدك كثير أصحاب غنوا لي
جميله عيونك بلا دموع ليه إنتي تبكيني ؟

شموخ الشجر عبره لمن يفهم الشارات
و الانسان في غفله و الأيام محسوبة
ارد النظر لاشك يا نظرتي هيهات
أبا ستوعب العبرة بالأشجار مكتوبه

كفوف النصيب تشح لا جادت الايام
ويمنى الظروف القاسيه راعية واجب

تهزمني النجلا وانا ند فرسان
واخفي طعوني والمحبة تبيني
ان ما عرفتيني فلاني بزعلان
حتى انا تراني احترت فيني

استبد..استبد احيان
استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح

‏"تمر البال
مثل طاري يفرّحني
‏مثل موال
‏مثل غيمة مطرها سال".

يا صدفةٍ ما جت على بال الأيام
‏كن العمر قبلك حظوظه بخيله .

واللي يعزك ما يدور لك بديل ،

ما ينكر العشره و لا يبعد أبد

أحدّك على درب الوصل وأنت مالك به
‏وعليك أتعذّر عند روحي وأنا داري .

البخور يموت وإسمه في جبين المبخرة
والفعول الطيبة يبقى لأساميها طلب
فرق شاسع بان بين المفخرة و الفشخرة
ذا غلب كل الظروف وذا وقف مع من غلب

سعيد بن مانع

أنا صبحك والشبابيك العتيقة وهمس وردك والحديقه
والأماني وإرتشافات الأغاني وسكر القهوه وكوبك .

,














ماذا أريد ؟ لا شيء لا
أنا لم يَعُدْ عِندي كَلامْ
مر بقلبي عشر مرات
تعال ردد هذا السلام
قُلي أُحِبُّكَ مُنْيَتي
لأضم وجهك دَاخلي
حتى أنام
أنا أَلْفُ طِفلٍ دَاخِلي
كل يكابد وحده
زَمَنَ الفِطامْ
هو ليسَ غَيرَك
كي أُجاوِزَ مِحْنَتي
و أذوب في ماء الندى
وأنام في حضن الغَمام

"طبيعتك ياقُربها مثل القطوف الدانية
من طيبها تدْني ، وانا من لذّة الطيّب جَنيَت".

يغيب شويّ
يغيب الضيّ ويموت الحيّ
وأحس إن المكان شتات
وأحس إن الثواني ، غيّ
وأضيع أكثر
وأتوه بخطوتي وأعثر
لأنه بس يغيب شويّ


،

في عيونك كل خيرات الصباح
وفي عيوني ضحكتك صبح الفرح.

لا ما نسيتك كيف لا يمكن أنساك ..
أنساك كيف انساك والله قويه ..

أهواك واحبك و لي عمر يفداك..
واسج بك سجة هل السامريه ..

,































إذا هَبت ريــاحـك فــ اغتنمهـا .. فــ عُقبى كُل خافقةٍ سُكــون
ولا تَغـــفل عن الإحـسان فيها .. فــ ما تدري السُكــون متى يكون

- باب ما جاء في اغتنـامِ طاقاتك !

الصمت في هالوقت حكمة وراحة بال
وفي زحمة حروف الجهل لياك تتكلم
ترا الكلام الزود يكشف ويفضح حال
وكثر اللجاجة تجرح احساسك وتتألم

بوحي

‎النآس تگره وآحد حگيه صريح
‎حتى ولو الشخص يغليهم غلآ

‎اتحب تسمع گل مآ ليس صحيح
‎وإلآ الصحيح بـ/ عينهم مآله حلا

ان تركناهم على شان السلوم
يزعلون وتكبر الشرهة علينا
وان بدا منا حكايات وعلوم
انتمنى ان حنا ماحكينا
حملونا عجز تحقيق الحلوم
يحسبون ان ألأماني في يدينا

بوحي

طفوُلية ملامح هالعيون الحور،
خلق ربي من الفردوس نظراتك .

ترقّ روحي لا تبسمّتي وشفتك هانية
أحيان معْ بسمتك ماتدرين ؟؟ يمكنّي بكيت

سعيد بن مانع

أنا باديٍ في عالي الرجم من واطيه
أحب البيان وذبّة الرجم غربالي

وأنا البارحه ليلٍ عليّ ساريٍ ساريه
بغيت المنام ولذّته ماتهيّالي

..~

‎كلن سألني يقول إشفيك مَتغيّْر ؟
‎و أنآ قسمَ بآلله إنيْ علىَ حَآلي
‎يْآنآس طبعيْْ كذا من يومي صغيّْر
‎مَآحَب اسولف عن إللي دآيّْر فيْ بآلي
..~

تقهويت حبه يوم حبه يجيب الراس
‏وعقب ما برَد خليت "بـاقيــه لـ غيريّ

يبطون والله مايجون فمكانك
مكانك الي في خفوقي مكانه
قلب العطا والحب يازين صانك
مايختلف لو يختلف به زمانه
باقي على ذكرك وحافظ حنانك
عندي عهود الحب مثل الأمانه

بوحي

ما افرقت واجد على كسر الجناح
دامني مهدوم من يومي شباب..

يا غانم اقلُط بـــسُلطانــــــه ورَعـــَّادَهـ
وفي ساحة اهل النــُّوَادر قَدِّم َ الشَّيخَه

ما يكسَب َ المدح غير اللي لُهُم عــــادَهـ
اللي بوَقت َ الجَهَل تـــُعرَف مـــَنـــَاوِيخـــَـه

آلاد عَمــــَّار لـــ الطـــَّالات معــتــــــــادهـ
جَمع ٍ تهَاب َ العِدَا صَطوَة مِجَـــــــاوِيخـــَـه

دواسر ٍ يـــــوم كل ّ ٍ يقدَح زنـــــــــادَهـ
مجد ٍ تَـــعَلا َّ على الامجاد تــــَارِيخـــَــه

^^
من باب الفــَخَر ماهو من باب العنصريَّه

‎الشعر صآر فـ صفحة القلب منحوت
‎أن ضـآق بآلي كل همـي , يشيلـه

يا مسلمين الله انـــَّه يلعن اُم ّ َ النـــِّفاق
اَمانـــة َ الشِّعر ماله قِيمــــه اَلاَّبــــــــــها
ولولا التـــَّهاوُن ما ضاعت مَكتَبات العِــراق
لَين َ الكــُتُب رَوَّحــَت مـــــروَاح كُتـــَّابــــها

يَنَام هَذَا الْلَّيْل بِعُيُوْن / حُرّاس
وَيْصَحَى بِعَيْن الْمُقَبِّلَات / الْخَجُوّلَه

اصْبَحْت كُنِّي شَيْخ وُلِّي عَلَى نَاس
وَامْسَيْت كُنِّي فَاقَدِن لِّي حُمَولَه !

" أغني لك "
وأنا صوتي يسولف فيك و أحكي لك !
عن أشواقي : عن الروح البسيطه في تفاصيلك !!


عن أوجاعي ..!
عن دموعي الحزينه في مناديلي !!
" شـ غني لك "
وأنا بأوّل نفس فيني " مواويلك "



وأغني لك !
وأغني لك !

أقرب : من الدمعة .. اذا زاد همّي
وأصدق من البسمه على ذكرياتي
جو المسا و قهوة أمّي و أمّي !!
أشياء تسوى في حياتي : حياتي .

يافتنة العشاق وأفكار : القصيد

لا جيت اعبر عن بهاك أحترت فيك



كنّك قصيده صاغها شاعر : فريد

مع كل شطر يرددون الله عليك

بتلقاني انا الأوفى في وقت ملغي التعبير
‏اعبرلك عن شعوري مدام الحب لك يرقى .

يقول

م َ يفَوِّت صلاته والله يجزاه الاحسان
كل ّ ما يــِذِّن المــِذِّن ويقــِيم المقـِيمـ
ســبــَّاقٍ لــ الطِّيب وفعله نــَوَّخ َ الشَّيــــطان
من زود ايـــمانه يـــتــوَطــَّا في بطن َ الرِّجيمـ
شايب ٍ لاقال الكَيف لـــَ الضَّيف قــــَد حـــــان
فاحَــــــــت له الدَّلَّه مــــع قــــدوع َ المعازيمـ

نمشي مع الوقت / والعلياا مطامعناا
وظـروف الايـام . فـرديھ ومجموعھ

وعن بعض الاحـوال تكفينـا مسامعناا
تـجـارب الناس مقـريـھ ومسمـوعھ

في فوادي من حطب شيخٍ ضيوفه شيوخ
جمرةٍ يغري سنا نارها أكبر موبذان


من جنونٍ دوختني وعيت لا تدوخ
والمجنن زادوا جنانها السابق جنان

عبادي يختصر العشق لمّا قال إن كنت ناوي
تعذبني انا رآضي بتعذيبك وأحبك".

في عيونك كل خيرات الصباح
وفي عيوني ضحكتك صبح الفرح

لا َ تـــَعَجَّب من علوج ٍ تــوَطــَّتها عــلوج
والله ان ّ الشَّر ّ لــ الشَّر ّ احيانـًا عــــلاج

في جنوب افريقيا البيض ياطَون الزّنــُـــوج
وفي شمال افريقيا البيض ما ترفـَع حجاج

من يحبّك مستحيل يقارنك في شخص غيرك ،
‏ولو يقارن قارنك فيك انت .. بين الحين واوّل

والله ان ّ الجود في من لا يستاهل الجُـــود
مثل من حـــَجَّج على غاربــَـه ذَبـــَّاح ابوهـ

لا الصد يشجي ولا لقياك تطربني
فما أنا بالذي قد كنت تعهدني
ولا البلابل تسبيني صوادحها
في مطلع النور إن غنت على فنني

.
.
.
أنّى اتـجـهت إلى الإسلام في بـلـد
تجده كالطير مقصـــوصاً جناحاه

الحشرجة في الحب ماتعني الموت
تعني كلام في الهوى ضاع نصه
هرج تعلق بين الأنفاس له صوت
بوح تعثر بالحـــيا فــيه غـصه
صوت ينادي بالحشا وسط تابوت
تمكنت منه المشاعر ترصه
وده يبوح بداخله شي مكبوت
بس الخجل لخبط مفاهيم نصه
شاعرويكتب في هوى قطعة التوت
يمكن قصيد الشوق يلقى منصه

عذب

اتذكرك - واعود للماضي الجميل حتى لقيت إن اشتياقي ملني ياسيدي
لو كان لوصالك سبيل كيف السبيل إلى وصالك دلني .

لو يعرف الشخص منا وش مع الغيب بيجي له
كان جنبنا المشاكل من قبل يوقع ضررها..

.




..

‏أعزف ولو حولك حطام ..
زلزل هدوء الأمكنة !
ٰ
ردد على سمع الأنام ،
ترى السعادة ممكنة

.
.
.
يا غافلاً وله في الدهرِ موعظةٌ
إن كنت في سِنَةٍ فالدهرُ يقظانُ

.
.
.
وقاُلوا: تَوَصَّلْ بالخضوع إِلى الغِنى
و ما عملوا أن الخضوعَ هو الفقرُ

.







..

‏في مثل هذا اليوم
من عامنا اللي طاف
-
ماكنت اشيل هموم
ولا عليّ خلااااف !

أرَاكَ عليّ أقْسَى النّاسِ قَلباً
ولي حالٌ ترقّ لهُ القلوبُ




حَبيبٌ أنتَ قلْ لي أمْ عَدوّ
ففعلكَ ليسَ يفعلهُ حبيبُ.

.





..


‏

اتكبر ،، دون حزني و " ابتسم "
وأحضن آمالي على صدري وانام
.

هواجيس في قلبي وهم وضيقه بال
ولانيب طيب صار لي مدة ايام

ولا من صديق أجيه واشكي عليه الحال
جميع البشر عدوان خلفي وقدامي

يـا الله طلبتكـ وأنت المانع المعطي
................يا رب فرّج عن المحزون ضِيقَاته

خذني جريح شعور يعشق وصالك
ينزف جروح العشق وايامه شهود
خذني غريق أحلام عانق خيالك
يرجي سحاب ايديك والشوق موجود
خذني بقايا إنسان كلي حلالك
وأسكن عروق القلب والعشق موجود

يـارب وان طاحت من عيوني جـبال
ماطاح من عيني عظيم الـرجــابك

انا كتبت اشعار واجد وغنيت
وانا على وصف الأحاسيس شاطر
يرقص براسي بيت ويلاعبه بيت
على لحون البر والجو ماطر
ان اطربك لحني مع الصوت حييت
والا اعتبر بوحي توارد خواطر

بوحي

والله ما أقسى من الغربة عن بلادي
إلا شعوري و أنا في بلادي بالغربة..

‏القلوب اللي نجيها ولانلقى مكان
لو تحدنا الليالي . . ماعاد نمرّها.

افتحي دفتر حياتي واكتبي
قصة المشتاق بعد البسمله
اكتبي شوقي وسهدي وتعبي
والغرام الي بقلبي احمله
واكتبي عن كل لحن يطربي
مع قصيد بالهيام محمله
واذكري فيها حنان المطربي
لاجت انغام الشجون المؤلمه
بس يكفي ياهجوس اليعربي
كل سطر بالعلوم تعلمه
دام محد يقرأ الي تكتبي
كن كتبك بالحروف المهمله
لكن امسح ماكتبته واشطبي
لاكتبت لشخص معنى يجهله
بوحي

تخيّل لو أصير الليل وامرَ بشارعك قمّرَه
واصيحك حيل واقطف لك من شبوب،الغلا جمّره .

قلت احتفظ فيك وادري مانت نافعني
يمكن مع الوقت اقول محبتك خيره

.



‏ما فيه شيء بالزمن يمكن يدوم
كلن على ما قيل فرصة سعيدة.

تستحي كل الحروف من العتب
لابغيت تعاتب الخل الوفي
دايم في بالها طاح الحطب
وان بغيت اللوم منها تختفي
اثر خلان الهوى فيها رتب
كل ماطال المعاشر تعرفي
احد يدور على الفرقى سبب
واحد بأيات عذر يكتفي
واحد ان حده زمانه واغترب
مانسى عشرتك لو يكتفي
القلوب اشكال لوقالت تحب
والليالي للمخبأ تكشفي
كم حبايب تحلف بمصحف ورب
قل من يصدق ولوه يحلفي
بوحي

على ذاك الجدار اللي على حد البيوت الطين
وقفت وهاجس الذكرى نفض عن قلبي غباره

وفي ذاك المكان ا ثبت بان الادمي من طيـن
تخيل يوم لامستـه تنهـد مـن شقـا نـاره

سألني و قال: انا اذكر تجوني من زمان اثنين
بكيت وقلت صدقني رحل وانقطعت اخبـاره

ودعتها والقلب مقسوم قسميـن

قسم حزين وقسم يبكي عليهـا ..

ودعتها والدمع في محجر العين

وأشتقت وأيديني بعد في يديهـا ،،!

تجـين نقـفّـل أبـواب الفـراق ونبلع المفتاح!
بعد مانسـترد اللي من أحلام الوصل فـاتك..

تجـين نحـارب الدنيـا ومن فيها بدون سلاح
انا بالحب وإنتي بالجـمال وسـحـر نظـراتك..

يالي زرعت الورد في داخل الروح
لاتتركه يازارع الورد عطشان
ماتدري ان الورد في داخله روح
عنده احاسيس ومشاعر ووجدان
لاتتركه محتاج للشرب وتروح
ماينتعش ويعيش لاصار ذبلان
بوحي

و لا تلتفت و انت مقفي خل لي الالتفات
اخاف لا تلتفت .. وتشوفني ملتفت..

.




..

‏ㅤ
أتثاقل جيّتي لك من عنادي
ولا انا لولا عنادي جيت طاير .

‏فلا وصال لمن بالوصلِ قد بخلوا
ومن تناسى فإنّا قد نسيناهُ !

وش حيرالقلب الا هالغلا واكثر
وش ضيع الحب الا هالوصل غادي
وانا من الوضع متعجب ومتحير
لا تحسب الوضع في هالمسألة عادي
مابيك عن باقي الأحلام تتعذر
خل العواطف تعيش بجوها الهادي

بوحي

مالك عذر يوم تنسى اسمي وهواي
وانت اسمك على لساني وخفوقي

كيف تكون ساكن في قلبي وحشاي
وتنادي على غروبي فى شروقي

مالك عذر ولا تقول زحمة سماي
كل النجوم عارفه يا قمر شوقي

يساورني قلق يكبر بداخل رحلة الوجدان
وانا ارتب حقايب سفرتي لاعماق وجدانك
على رحلة تمنتها الأماني والأمل تحنان
وقلب رتب احلامه يبي اجواء تحنانك
ولكن الرجاخايف طموحك يقفل البيبان
وتاقف رحلة الحالم على اعتاب بيبانك
ويبدأ للألم قصة غريب يعيشها انسان
تعب يحكي احاسيسه لعل يحس انسانك
بوحي

والله مابه شي ما هابه
لا صرت في بحر حبه والمدى غبه

.

‏

الصدف أصدق مواعيد الشعور
تجمع اللحظه " لقا " و تحبهآ

تنهايد المسا قهوة تفوح بزعفران وهيل
تشق دروبها بين الضلوع العوج مقهوره
يصحيها الخلا دايم اذا خيم ظلام الليل
وهي طول النهارتبات وسط الروح مأسوره
تسامرها النجوم الي لقت في صوتهاتعليل
تحسب ان الجريح يغني الآهات وكسوره
نجوم ماغدرفيها الزمان وغرها التمثيل
ولاعانت من طعون الجفاوالصد مغدوره
ولاتدري عن طبوع البشر جملة ولاتفصيل
ولاعاشت احاسيس الغلاوالحب معذوره
احديسهروحيد ومامعه غير العناوالويل
وناس مع حبايبهاتعيش الليل مسروره
بوحي

.
.


‏بعض البشر لا صار كافيك شره
كنه مسـوي بـك ثمانيـن معروف !

لاتشوف الجو من حجرة مكانك
اشرف المرقاب وتشوف المكان
زاوية ماتشكف الأمن وأمانك
ناظر بكل الزوايا للأمان
بوحي

ترقّ روحي لا تبسمّتي وشفتك هانية
أحيان معْ بسمتك ماتدرين ؟؟ يمكنّي بكيت

سعيد بن مانع

التفت وما لقيت الا انا
في متاهات الخطاوي والدروب
مابه الا ليل يتبع هالعنا
والقمرلونه بهالليله شحوب
وينه الي يشعل الرفقة سنا
خطوته صارت مع الطرقة تذوب


بوحي

‏أهرب من العتمة أبي ألمح النور
والنور يلبس من ظلامي ثيابه..
-
ٓسراب في عيني، وفي عين مكسور
غصنٍ على رجوى تمرّه سحابة
-
أبني على ضحكة تجي غافلة سور
أخاف لا تلمس حدود الكئابة.
-
شعور.. لو قلته بقى ثقله شْعور
ما بيّن بـ صوتي و لا بالكتابة.

قصة دموع الغيم احلى حكاية
تنزل على خد الثرى وتحكيها
تروي على نبت الربيع الرواية
الين عطشان الزهر يرتويها
وتسولف بعشق الفياض البداية
لاصار براق الحيا يبتديها
يازينها لاصار فصل النهاية
باطيب عطور ورودها منتهيها
بوحي

اللهه ياوقتن مضى لو هي بيدينا م يروح

ان كان عندك مقدره تقرا عبارات الكفوف
هذي يديني في يدينك ياحبيبي واقرها
ناظركفوف العاطفة واجمع بها كل الحروف
فكك رموز خطوطها واكشف خبايا سرها
ياعارف اسرار الغلا قلي بعينك وش تشوف
يومك لمست كفوفها وشو تحس بنبضها
قلي امانة وش حكت عن خافق الحب العطوف
ماصرحت لك بالغرام الي سكن في قلبها
المسألة ياقاري الكفين ماتبغى حلوف
كل الكفوف بنبضها تصرخ تقول احبها
بوحي

.
.


‏"أحس إنّي بديت أتثاقل الخطوة
كأن الأرض ، ما تتحمّل أقدامي
-
تسيّرني مقاديري على القسوة
مع إني ما قسيت إلا على أحلامي
-
عسى ما بيني وبين الفرح فجوة
عسى ما ينتهي صبري وأنا ظامي".

بين الخيال وبين سجات وسروح
تهزني ذكراك واقول هو وين ؟
ذكرك يمر القلب ويقطع الروح
لامن ذكرت انك بعيده عن العين
ياذكرها مالك من البال مصلوح
وش لك تعذبنا وحنا جريحين
ذكراك ماتبري من العبد مجروح
ولاتلم اهل الغرام البعيدين
ذكرى تمر البال ساعات وتروح
لكن صداها يوجع قلوبنا سنين

بوحي

.
.


‏من بقايا ماضي الوقت شيٍ فالضمير
كل ما هبّت هبوب البراد ... تجدّده !

احرص على الوافي وابادله الوفا
ولادور الزلة على اللي ماوفو
كم مرة قلبي عن اصحابه عفا
لاجا الخطا منهم يرده بالعفو

بوحي

قدرك كبير ويعجز الشعر يوفيه
كل القصايد فيك ينبض بحرها
ارفع يديني وأسأل الله وأرجيه
ينجيك من شر الحياة وكدرها

انا واجد من الشوق العنيف ومرهف الاحساس
وانا كل الشعور اللي يودك ساكن احساسي
وانا اللي في الهوى خصك غلا من بد كل الناس
وفي هالكون معتبرك هواي واهلي وناسي
بوحي

بعض الفرآق يمر في القلب عآدي
يطري على آلخفآق لحظآت ويفوت

وبعضه لو إنّه مر هف القلب هآدي
يشبه ونين الروح في سكرة آلموت

.
.







‏القبــول .. أوّل عناويــن المــودّه
واحترام الذات من طيب العقول
ٰ
شخص تحترمه من إسلوبه ورده
وشخص ماله لا احترام ولا قبول

من جرب الحب في وجه النقى يتعب
لو كان وجه النقى ما عاد له قيمة
َ
من خاطري لو بغيت ألعب قدرت ألعب
لكن عصاني الفواد و عيّت الشيمة !

الصمت نصه ثقه والهرج نصفه غرور
ياشين هرج الغرور وزين صمت الثقه

لاتحسب انك بكثر الهرج تثبت حضور
لا صـار ماكـل قـول بفعلك اتوثقه

ياغــارقه بالنـــوم والحـــب صـــاحي
راعــي المحــــبة يســهرالليــل مـانــام
بـيــن عليــه الصبــح والنـــورلاحــي
وانتي غــــريقة نــوم في بحــرالأحــلام
ماساهرك شوق على القلب طاحي
اتعب خــــفوقي بالتــــوجد والألام
الــظاهر ان الحــب عندك امزاحي
قــصة وتمحيــها الليــالي والأيـــــام
لعـبة تصـدقهاالقـــلوب الصحاحي
ويعيش من حبك خيالات واوهام

بوحي

على النقا نبقى ولو عاقنا عوق
ويبقى الوفا منا و فينا و إلينا
ووجيهنا بيضا و هاماتنا فوق
وإن ضاقت الدنيا ما ضاقت علينا

صدقيني ماقدرت اقرأ كشوفك
بس لحظة خلي البس منظرة
انعمت عين الغرام الي تشوفك
مالقت غير السطور مسطرة
الكتابة ترتعش فيها كفوفك
صفحتك فيها حروف مبعثرة
وين ذاب الشوق في داخل حروفك؟
مالقيت اوراق حب معطرة
اكتبي العنوان مع طابع ظروفك
وارسلي للقلب صورة مصورة

بوحي

-
الحيآه ظروفهآ مآهي : تمـآم
والجفـــآ قسّى علي ظروفهـــآ !
لو يموت الصمت مآعاش الكلآم
كل كلمه : تستشير حروفهآ !”

-

الظروف تمد الانسان بدروس الحياه
كل ظرف يمر الانسان درسٍ يشرحه
.
القوي صكات الاقدار ما تبحث خفاه
والضعيف ادناة موقف يمره يجرحه

طال انتظار العين للعين يازين
وانا اتحرا طاري القرب ياليل
ياليل ياجامع على الود قلبين
اجمع قلوب الحب ليل التعاليل
بوحي

غابو وهم في جفون العين برواز
يوجعني الشوق كل ماغمضت عيني

اووووه
نامي ياعين نامي
دام الناس نامت
ياعين بالله نامي
دام كل خلق الله
ياعين نامت وانتي مالك
ساهرة تسكبين دموع
ياعين بالله نامي
دام كل خلق الله
ياعين نامت وانتي مالك
ساهرة تسكبين دموع

راحت مراويح القطا ولا مراويح السحاب
اللي تجفّل من عصر واللي تزبّر من ضحى '

حاولت اعاتبها كذا مره ومليت العتاب
واجي وانا عيني لشارعها وفي وجهي سحى

ابي ياورد لو تسمح تذوب براحة يديني
ابا اضمك وابا اشمك وابيك تعانق انفاسي
ابي ريحة شذا عطرك تبات بدافي حضيني
وابسقيك الغلا من صادق الأشواق واحساسي
بوحي

رغم ابتعادي عن مراسيء تلاقيك
تبقى على ضفة فؤادي سفينه
أحيان اشوفك في خيالي واناجيك
وأحيان فصل الشوق يمطرحنينه

ارقب مجــية واتحـرا المراسيل
الله يـرده والمواصـل يتمه
يرجع وترجع لي ليالي المواصيل
شملي وشمله ياعسى الله يلمه
بوحي

اسمع وخذ علمي على محمل الجد
أكسر جدار الصمت بأية وسيله

غلاتك وقدرك ترى مالها حد
كلمة غلا في حق مثلك قليله

البوح لو يكتب دهر فيك ماسد
في داخلي شوق ومعاني نزيله

نآديت بـ اسمه ورد بشـوق ياعيونه
ذآبت عروقـي ودارت دنيتـي فيني

فدوه لعينه .. وعيـون اللي يحبـونه
واحد يساوي بها الدنيا نظـر عيني

.
.

‏لو يجيك اللي يجيني ، ما نويت الصدّه
بس طيشك فـ الهوى سبب زوالك منّي

هاك كلي بعد اذنك وأعطني بعضك شوي
مدني باجزل كثيرك لوهو بعيونك قلــيل

أروني من فيض نبعك واسكبك قطره بيْدي
بشربك كلك وكلك يشفي القلب العليل

لبى ولبى ثم لبى ولبى
لبى الخفوق الي يبيني وانا ابيه
الي مكانه في خفوقي تربى
من يوم شفته في حياتي مربيه
حبه عن العذال فيني مخبا
وعن كل حاسد في خفوقي مخبيه

بوحي

ياقلب خفف من كثير التنهات
صدري غدا كله لهايب سعيره
اوذيتني تبكي على كل مافات
مافات مات وجعل مافات خيره
كثر البكى ياعين مارد من مات
والنوح مارد العشير لعشيره
طرد المقفي ياعيوني خسارات
ترجع عقب طرده حياتك حسيره

لشاعرها

.
.

‏الناس عادات وقناعات وطبوع
وأنا ما أحب أزيد معهم ،، كلامي
.
لاصرت أجاريهم في كل موضوع
لا شك بفقد ،،، هيبتي وأحترامي.

يالله في صباحك لنا تكـتب الخـير
واعوذ بك شـر النـفوس وجهلهـا

يـاكافلٍ رزق الـبشر مشبع الطيـر
اغفـر لنفـس قصرت فـي عملهـا

.
.













‏يا النسيـم اللي تمـرّ دياره وتـرتـاده
بلغه شرهة خفوقي والسلام الواجد .

لاتسهرين الليل ياللي مدلعه
ترى السهر للي اذا طاول قوي
خل السهر لاهل العيون المولعه
والا انت كبر للوسادة وانطوي
امرح وبات بليلة لك ممتعه
ماهوب نايم من خفوقه منكوي

بوحي

بين المحال وبين تحقيق الآمال
اكيد فيه اشياء ماتت بيدينا
ولو بيننا باب الطموحات لازال
خايف سلاح الصمت يقضي علينا

لـ شاعرها

تدري متى تفرك يدينك وتعاف الحياة!
اذا عطاك ربي معاناه وحرمك الصبر..

ان كان تبغي فراقي.. مالك الا الفراق
وقصيدةٍ كل خلق الله يغنونها

مادام مافيه عقد.. ولا مؤخر صداق!
منتى ب ليلى وانا ماني ب مجنونها..

.
.




‏اروح بـ احزاني لـ وين
لي قلب .. ماخذْه الوله
ٓ
يا الله يااا كثر الحنين
و الليل " توّه " بـ أوّله !

وعلى دمع الزعل واللي زعل تدرين
ماتدرين بأني للـ زعل ملهوف

وصلت لاخر دموعي إلين الحين
ولابي شي ردي للـ أنا معروف

وأنا وش قهوتي ؟ مُره إذا تحبين !
مثل طعم الحياة اللي ملتني خوف

قولي لكل العذارى وش تبون
دام عندي كاملة و مكمله
لو جميلات البني عندي يجون
اي شخص غير شخصك ماقبله
انتي بس اللي على قلبي تمون
وانتي بس اللي تبينه افعله
بوحي

:0_c7f01_1194c319_S:

يقول بالحزن صرتي جميله يا جميله
كيف لا منك رضيتي وابتسمتي ؟؟

عندي قناعه ان ما فات فات
وما فينا نعود تانى لماضينا

الله يرحم قلب من الوفا مات
وظاهرنا ما يعلن عن خوافينا

بوحي
بُكاء

.
.







‏يدور الشك بين الناس والاعمال بالنيات
و يـمر الـواثق بـنفسه عليهم و يـتعداهم.

ماهو أنا من يقبل انصاف الحلول
عذرك هزيل وغلطتك ياكبرها
ماعاد يشفعلك غلا ولالك قبول
النفس طابت عقب طوّل صبرها
ورد اشتياقي جف واجتاحه ذبول
ودفنت أحلامي الجميله بقبرها
حتى الحكي والله مدري ويش اقول
كسر الخواطر حيل يبطي جبرها
والقصة اللي بسبتك عيت تطول
باكر مع الايام تعرف قدرها

كن الشتا من شرفة الوقت بيّن
وانآ ضلوعيء من شتا العاام نيّه
يا برد لا تقسسى و قلبيء حنيّن
و آلشوق غاابر .. و الحنايا نديّه

يا راسي لاتخضع للمخاليق مهما عشت
عسى الله عن الشامت و الأنذال يغنينا
الى صارت اطماع المساكين مال وبشت
عن اطماعهم فعل الجمايل تكفينا👌🏻

طال الطريق وهالمشاوير طالت
وياشين هالطرقة بليارفاقات
ومن التعب روح الكلافة تهاوت
ماتت ظماوالدرب مابه محطات
طاحت على رمل المهالك وماتت
مالومهاوالدرب كله متاهات
بوحي

نكتم شعور قلـوبنا مـن حـيا الـروح
‏دام الامانـي بالمحـاني گـثيره
‏
‏احيـان نـطريها على البـال وتروح
‏واحيـان تطـغـى بالخفـووق وتثـيره

.
.








‏لو مالت ظروف المقادير ما ملْت
أثبت مادام الصبر فيني طبيعه
ـ
واذا تحدّتني هموم الزمن قـلْت
بكره تزين ، ورحمة الله وسيعه.

فاضل ورايق بال والبوح رايق
وانا احمد المولى على سيحة البال
لانيب لامطلوب ولانيب سارق
ولاني من اللي كل يوم على حال
اليوم والا امس ماهوب فارق
يظهر عليك الصبح لوالسهر طال
هذه هي الدنيا غروب ومشارق
والله تكفل بالمرازق والأحوال
فاحذر تصير بغبة الهم غارق
مادام عندالله مقادير الآجال

بوحي

.
.




‏ودي اصبح مثل خلق الله و انام مبكر
مير عيني ما هقيت ان السهر يعتقها
َ
كل ما ناموا عباد الله ، قمت افكر
لين ما تطلع عليّ الشمس من مشرقها

إن قست دنياك يا عمري عليك

مرحبا بك .. والحنايا لك وطن

تدري متى يلـعب بك الفين وسواس
وتحـس نـفسـك فـاهـم النـاس تـوك
.
اليا ظلمك انسان كان اقرب الناس
وانصفك شخص تحسب انه عدوك

يرتاح قلبي ..يوم اشوفك ..تمرين
واحسب دقايق شوفتك لي سعاده
رااامز
بعيد رحتي ..حيث رحتي تعودين
هالليل ..مايبقى ..مخيم سواده

وإذا التقينا والعيونُ روامقٌ

صمَتِ اللِّسانُ وطرفُها يتكلَّمُ

تشكو فأفهَمُ ما تقولُ بطرفِها
ويردُّ طرفي مثلَ ذاكَ فتفهمُ


راقت لي

وشو علاج القلب لاصار مشفوح
في شوف من ذكره على القلب غالي
لاصار كامل في طباعه ومملوح
واسمه ورسمه داخل الروح عالي
المشكله وان صار ماهوب مسموح
للعين شوفه ويش اسوي بحالي
اما فزعلي هو والحظ والبوح
والا ترا ياالشوق ياعزتا لي
بوحي

‏وقال العقلُ دعهُ ولا تزُرهُ
‏وقالَ القلبُ فلتذهب إليهِ

‏حديثُ العقلِ مَوضوعٌ ولكن
‏حديثُ القلبِ مُتّفقٌ عليهِ

ﻣﺜﻠﻲ ﻣﺜﻞ ﻏﻴﺮﻱ ﻣﺰﺍﺟﻲ ﻭﺣﺴﺎﺱ
ﻣﺎﻫﻮ ﺿﺮﻭﺭﻱ ﻣﺜﻞ ﻣﺎ ﺍﺻﺒﺤﺖ ﺍﻣﺴﻲ
ﺍﺣﻴﺎﻥ ﺍﺷﻌﺮ ﺏ ﺍﺭﺗﻴﺎﺣﻲ ﻣﻊ ﺍﻟﻨﺎﺱ
ﻭﺍﺣﻴﺎﻥ ﻣﺎﻟﻲ ﺧﻠﻖ … ﺣﺘﻰ ﻝ ﻧﻔﺴﻲ

لا تلحق الدنيا مشاريه وعتاب
الي بها كله مجرد اماني
نكتب امانينا من القلب بكتاب
تبقى حروفه لوتموت المعاني
ويبقى الأمل في النفس مفتوح له باب
مادام للأنفاس باقي ثواني

بوحي

ما كان عابر سبيل ومرّني وأقفى
كان أكثر انسان تسّكني تفاصيله

‏اللي قهرني و خلاني .. على بابك
وشلون صديت عني و انت تبغيني

واللي ذبحني و زاد الجور فغيابك
انك حلفت .. بـ غلاتـي م تخليني

رسمت لك صورة على قطعة الجوخ
وخلدت ذكرك فوق لوحة حياتي
كني برسمك صرت لك فان بن جوخ
وابدعت في رسمك من الوان ذاتي
كنك بساح القلب مملي ومنسوخ
تعكس ملامح صورتك لي مرآتي
بوحي

‏عزفت لك حبي وجيتك من اقصاي
على نغم : لبيه .. و امر فديتك
ٰ
ياسلوة الخاطر .. و ياكل دنياي ؟!
مع الاسف محتاج لك .. مالقيتك.

ابغاك من بد الخيالات واقع
وابغى اعيشك في حياتي حقيقة
يمكن خيالي بعض الأحيان واسع
لكن لقيته للتلاقي طريقة
بوحي

لا تسالين الناس عن مغرمن هام
في غبة اوهام بعيد مدها
تلوح له شمس الهناء بعض الايام
لكن ظلام الياس يسرق ضياها
يمكن بعد يومين بمكن بعد عام
نفسه تحقق هواها رجاها
او يمكن تضيع الحقايق بالاوهام
وتبيعه ايام بعمره شراها

عسى الله يجملنا مـع اصحابنا الغالين
وعسى من هقى فينا نجي فوق هقواته
عسى علومنا بالطيب تذكر مع الوافين
وعسى الله يرزقنـــا بـ عفوه وجناته

.
.


‏جعلني لا تبت عن شي وخسرته
يرزق الله خاطري في شي غيره .

لكل حاجه في الزمن تلقى بديل
اصبر ولو صبرك على الجمره وطا
اعط السماح وخذا من العفو القليل
ترى الحيـــاه بكبرها اخذ وعطــــــا

و بعد مده ،
‏جاي تسألني عن الأحوال ؟
‏وش عقبه ؟
‏عقب ما ماتت الأمال ؟
‏و الأحلام ؟
‏اللي بنيتها ثم خابت !
‏أصبحت مجرد إوهام ،
‏و عقب ما إنتظرتك شهور !
‏و الشهور إصبحت أعوام ،
‏جاي تضحك كن ما همتك الأيام ؟
‏اللي راحت و أنت غايب !
‏و اللي قلت لي فيها :
‏باغيب دقايق و برجع لك ،
‏لكن غيابك طال ..

يالله في هاليوم حنا طلبناك
تحفظ وطنا عن جميع الفسادي
انت الولي والكون كله بيمناك
تحمي بلدنا عن حسود ومعادي
وبرحمتك يارب حنا رجيناك
تحقق لمنهو سألك المرادي
وتشافي المرضى بعطفك وحسناك
وتصلح لنا الأحوال ياخير هادي
ويالله ذاك اليوم لامن وردناك
انك تنجينا بيوم المعادي
في ساعة الرحمة الهي دعيناك
تقبل دعاء اللي خضع لك ينادي
وازكى الصلاة لمن يبشر بجناك
اللي بعثته هادي للعبادي
بوحي

وأخيراً .. أخذتُ منكِ رسالَهْ
بعد عامٍ لم تَكْتُبي لي خلالَهْ
عَرَّشَتْ وردةٌ على الهُدْب .. لمَّا
رحتُ أتلو سطُورَها في عُجَالَهْ
أبريدُ الحبيبةْ الغضُّ .. هذا ؟
أم ربيعٌ مُجرِّرٌ أذيالَهُ
فعلى أرض حُجْرَتي اندفعَ الزهرُ
وفوق الستارةِ المنهالَهْ
مرحباً .. ضيفةَ الهوى ، يجُفُوني
رقعةٌ ، عاطفيةٌ ، سَلْسَالَهْ
كلُّ حرفٍ فيها خزانةُ طيبٍ
يا لَهُ عطرَكِ النسائيَّ .. يا لَهُ

طردٍ ورى الي فات مايغني الحي
- اعـرف مسافـات الحـيـاه القصيره ! ٰ
لا عـاد تندم فـي حياتك علـى شي

-مـاراح راح وجعل في الامر خيره

لك أيامي وتبخل في دقيقة
أجل وشلون لو كانت ثواني

حنيت له والقلب بالبُعد ملزوم

وش حيلتي لا أشتقت له وما لقيته !!

⠀ ⠀

ادري اني لا طريت ازوي ضلوعك زوي..
وتدري اني عند طرياك ؛ ما رد النسم..

استنسخ اشباهك ولو مالك اشباه

واتأملـك فـي نـاسٍ ما يشبهـونك

أن بغيـت المواصـل أو نويت الــوداع
باب قلبـي مشـرع وأنت راعي محل .!

‏نأخذ من الصدمات ونرمـــي ورانـــا
ونكمــل المشــوار ونقـــول غاليـــين

.
.

‏" سولف لي ، كلامّك والله انه دواي /
من عنا الوقت والدنيا وأحزانهّا "

صابر واقول الوقت بكره يزيني
بكره تزين الحال والجو يصفي
صحيح مر ايام فيها حزيني
لكن بقول الحين ياهم يكفي

بوحي

لو تستحي أيامنا توزن " الكيل "
تقسم متاهات الحزن بالتساوي

يحل بناالمسا من يوم شمس المغيب تميل
وتبدا رحلة الليل الطويله من المغرب
وتبدا للألم قصة يرددها ظلام الليل
سواليف من الضيقة ومالي عنها مهرب
احد هاليل يجلب له هواجيس الغثا والويل
واحد خالي من همومه بليله يسهرويطرب

بوحي

⠀⠀⠀⠀
انا ياشاعِري مهره ولا لي بالنوايا السّود
عزيزة نفس من صغري ولاني بنتٍ عاديه

واخس حاجة على قلبي ثقيلة تمر
كلمة مواساة من شخص تنكر عطاي
واللي كسر بي وأنا وياه عشرة عمر
ما ابيه الحين لو جاني يطلب رضاي ..

.
.

يا عينها اللي من عنا الحب ناحت
ويا قلبها اللي ما حصل منه تقصير
ليلة فراق اللي من القلب زاحت
كل الهموم وعوَد القلب في خير
كني سما وابروقها تو لاحت
والمزن هماله يهل التباشير
والارض من عقب الربيع استباحت
طوق الزهور وصوت مغنى العصافير
هذي هي الفرصه ليا قلت تاحت
والعمر مره والمحبه مقادير

لا توقف الدنيا على كل تفصيل
لولا الأمـل ما يبـذر الزرع فـلّاح


ما للفرح كيمياء ، تحتاج تحليل
عيش الحياة ولا تدقق وترتاح

.
.

الشوق لك جارف وقلبي ولاطاب
تعال شفني يومني مالقيتك

.
.



عجّت الذكرى ولجّت واندفع كلي وعديت
خافقك يفتح يدينه وخافقي ضمّ بقواي

‏نعتذر بـالصمت من كبر الجروح
ونـبـتـسـم للحزن لـو مـتـنـا الـم

وش يفيد الـبوح لـو نبغى نبوح
دام بعض البوح يوصل للندم.

.
.
.
على موعدك يوم انك تجي سبع وشوي
يهاذي الشوي اللي بعد سبع يا طولك..

.
.

ماشد من طعنه من كفوف الأقراب
اللي مع الايام مايمكن تطيب
لوكنت تخفيها عن عيون الاجناب
يبقى لها بين المحاني لواهيب
وأنا من طعون القريبين منصاب

في لليله كانت تبين..معانات والم إنسان
تبين لي بها شخصٍ دخل في عالم اهاته
تصور لي عذاب اللي بحبه عايشٍ حيران
تعب من لهفته..والقلب عجز لا ينطق سكاته
ابي اسمع ولو كلمه..تبين لهفة الولهان
لقيت إن الوله رسمه وبانت كل رسماته

تبسّم وواجه الدنيا بـ وجهٍ سفر
حتى التبسّام فـ الوجه العبوس صدقه

من علّق امال عمره في العرب ماظفر
يعيش ويموت عاد اماله معلّقه

مثل ماينشاف في وجه الشجاع الظفر
تنشاف في المومنين الصادقين الثقه

في غيابك كل طاري ياحسافه
وفي حضورك كل شي في يديني

هذا ثمر قلبي تدلّى قبل يآتي موسمه
مدي يدينك وأجمعي فرقاك من عذق العتب

انا ثملت من الفراق اللي خذآ وجهي سمه
شوفي ملامح غيبتك تقرآ قبل لا تنكتب

في وجهي الشآحب وفي آهات صدري ونسمه
في ناظر عيونٍ هميل الوجد منها ينسكب

يانور لحظآتٍ غدت من دون وجهك معتمه
وينك بدآ هذا الحنين بجوف صدري يحتطب

ياحبٍ اجتاح الضلوع وفج قلبي وأقسمه
نصفين وازريت أجمع النصفين وغيآبك سبب

حبٍ بقآ لو وآقعه مره بحاليه أصدمه
عشقٍ حيا رغم العطش في روض روحي معتشب

ليت الغلآ ذنبٍ يتجنآه الخفوق ويندمه
وليت الصبر جرمٍ اليا طآولت همي يرتكب

إلى متى وانا أهين الوقت وآرجع وآحشمه
وآنا على رجم الوصآل اشرف وأنادي وأرتقب

يـ آم العيون الفاتنات الناجلآت المغرمه
يامن رموش عيونهآ تشكي سبب عكش الهدب

يامبسمٍ له ضحكةٍ تنطق بشيٍ تبهمه
يانبرةٍ لآمن حكت كل المعآني تنقلب

ياللي خذيتي خآفقي قبل أعرفك وآقدمه
ياللي غيآبك لحنٍ تغني به اعواد القصب

عودي على قلبٍ طوآه الهم والشوق أهزمه
قلبٍ معك غنايمه ضاعت ولا ادري وش كسب

انا انتهيت وشوقي بصدري بدت له همهمه
جمر انتظاري سندت ناره وانا صرت الحطب

حتآ ثمر قلبي تدلّى قبل يآتي موسمه
هزّي طرف جذعه تساقط لك من عذوقه عتب.

مماراق لي

بالله يامطول الفرقا
ماتجبر الخاطر المكسور

غيبتك في ضامري حرقا
تروح تبعد بليا شور

حررام وعيوني الغرقا
والجرح والخافق المهجور

غنيت وغنت لك الورقا
ارجع ترى هالزمان يدور

وان كان لزمت باالفرقا
مشكور ياصاحبي مشكور

.
.






ياصباح الشوق / دام الشوق له يزدادي
ياصباح اللي عيونه لا ارتخت ذباحه

لا يهمك ياصاحبي ترا صدري وسيع

انت دوّر الزله " وانا ادور لك عذر

كن في عيوني مثل غز الأبر
يوم اشوف الواقع المر المحيل
ماتعداني ولا لحظه شبر
حلم ٍ اكبر من مدى البحر الطويل

.
.
.
حبيبي هذي الدنيا
نقضيها صبر وكفاح
وهي من يوم ابونا ادم
أبد ماعمرها ارتاحت

لا مرّك الشوق سلّم يا بخيل الشعور

الناس لـ الناس ، والدنيا على حالها

فالثواني والليالي حينما غبتم سنين
هكذا الدنيا ستمضي كالحكايا والظنون..

إن كان للوصل درب سوف نسلكه
فإن تعذر الوصل لالوم ولا عتب ٌ
من قصيدي

.
.

إنس وقت فات مالك به نصيب
لاتذكر ،لاتذكر ماجرى
يوم هفت شمس حبك للمغيب
استرحت وعاد لي طيف الكرى

.
.

إنس وقت فات مالك به نصيب
لاتذكر ،لاتذكر ماجرى
يوم هفت شمس حبك للمغيب
استرحت وعاد لي طيف الكرى

ذواااقة
الله يرحم طلال مداح

ابتعد عني محبك ويش تبي بي
قدرك الغالي رميته في الثرى
واحسااايف قولتي لك ياحبيبي
ان عطفتك تباع وتشترى

ياسيدي مرهفات الحس قلن لنا
نحن الحياة ونحن الورد والأسلُ

والنحل يعطي لذيذ الشهد نطعمه
لابد من وخزه من دونه العسلُ
من قصائدي

صح بوحك يحيى


محتزم لظروف الايام بالصبر الجميل
ومن نشدني قلت طيب واموري طيبه
ما رجيت من البشر لا كثير ولا قليل
في رجا اللي من رجا رحمته ما خيبه


م:48:

ماسألت الشمس عن سر الغياب
علمتنا الشمس نرضى بالرحيل

الغياب اللي حضورك ضعفي
ماهو الخذلان اسمه خيره

تأوب طيف من سميرة زائر
وماالطيف الا ماتريه الخواطرُ

مســـــــاء الخير ياحلو النبا وينك
مساء الغيم والامطار والنسمة
بقلمي

.
.
.
لا يحْمِلُ الحِقْدَ مَنْ تَعْلُو بِهِ الرُّتَبُ
ولا ينالُ العلى من طبعهُ الغضبُ..

لو خذاك الغير عني
تبقى فيني وشي مني
يعلم الله لك غلاتك
واني والله أموت فيك..

حطت على قلبي من الشوق جمره
هي ولعتها بالجفا داخل الجوف
قفت ووسط الروح مليان حسره
ياشين حزات الجفا وانت ملهوف
بعض الغرام يصير للقلب كسره
مافيه لاعاطف ولافيه معطوف
كسرة قلوب الحب مافيه جبره
يبطي كسيرة عايش لحظة الخوف

بوحي

حتى المباني من فراقك حزينه
الريح صوت ونبرة الحزن شباك

والليل بيح في غيابك حنينه
ينشد نجومه وين طلعت محياك

تدرين احبك ي كل مناي
في ذمتي م احد قدك
رااامز

وش بقى في العمر معنى
وش بقى للشعر دافع
وكل ما سألت حروفي
ضاقت بصدري الضلوع....

حزين ومتعومس وبعد ضايق البال
من بعد فرقا اعز واعز مخلوق
اقفى وشيلني هم ما هوب ينشال
والقلب من بعده صار تالف ومحروق

،

مرحبـًا بعد غياب

..

من خيالك إصنع أدنى مستحيل
ومن حظوظك حطّ للفرصه مقام

يا تميل شعور ، أو لا لاتميل !!
إهتمام شوي محتاج : إهتمام



6/2/2017

‏يقولون : قاسي قلب و أقول : لا والله
و لكن علاج الصده آن طالت ؛ بصده !