‏ - البااااارت العااااشر -











وافي : قمت من حرارة الشمس بوجهي *..
.. لأن الستاره مفتوحه .. تمغطت .. وآآآه ظهري بينكسر من نومة الكنب الضيق ..
.. حسيت باللوعه وكني برجع لما تذكرت اللي صارأمس ..


.. *آه ياحنو الله يهديك ويلين قلبك لي ..
.. تذكرت جوالي .. فزيت بسرعه يمكن أتصلت وأنا نايم !
.. يمكن رسالتي توها توصلها ! *
.. يمكن نست موعدنا اليوم ..
.. .بس تبخرت الأماني لما شفت المكالمات كلها من أبوي وأخواني !
.. ودقيت أطمن أمي ..






حنين : أتصلت وداد تسألني عن وافي ..
.. إن كانه كلمني ..
.. لأنه من أمس المغرب مايدرون عنه وأحنا الحين بعد الفجر ..




انهرت .. *وبكيت .. وفكيت سجادتي اللي لسا طاويتها وجلست أصلي وأدعي الله*
أنه يحفظه لي ولعياله ..
.. وكل شوي أدق لوداد أطمن كانه كلمهم ..
.. لأن مالي وجه أدق لأهله ..
.. أكيد بيقولون أنا السبب ..د
.. دقت وداد علي الساعه تسعه الصباح تبشرني أنهم لقوه ..
.. وكلمهم وبخير ..
.. رميت الجوال وسجدت شكر لله ..
وأنا أبكي .. بعدها أتصلت بوداد بعد ماهديت أطمن عنه ووين كان !






بعدها رجعت لعيالي .. اللي يبكون من الجوع ضميتهم بقوه ورضعتهم صدري بحنان ..









جواد : قرر أبوي يأجل عشاي للخميس الجاي ..
.. بدل الجمعه هذي ..
.. وبما أنه باقي خمس أيام ع الموعد ..
.. قالي أبوي أمر على عماني وعمتي الوحيده أسلم عليهم ..








وسن : هالفتو قالبه راسي ..
.. فيهاحفة دم مو طبيعيه ..
.. وتروف أختها ألعن منها ..
.. طلعت للسوق مع حنين ونوره مرت بشار..
.. اللي مرنا وخذنا معهم ..






.. حنو فلتها لما لقو وافي وعطتني شيك مكافأتها كامل ..
.. حق ثلاث شهور بمناسبه سلامتة - اللهم كثر دجته - أنا المستفيده الوحيده من ضيعته ..
.. *ياسلام لو يسوي هالحركه كل ماطلعت مكافأه حنووو !




قابلت فتو اللي واعدتها في صحارى ..
.. بدون لاتدري حنو ..
.. أرسلتلي أنها تنتظرني عند بوابه ثلاثه ..
.. أستأذنت حنين إني بطلع أقيس اللي شريته وبصلي وباكل حاجه لين تخلص من محلات الأطفال ..

واتصلت لفتو .. *اللي جتني في غرف القياس وبيدها كيس !
فتو : شرايك أنا بسوي أكشن تشاركيني وإلاتتفرجين علي !!
وسن : أف كورس بشاركك طبعا أنا عصاك اللي ماتعصاك ..





طلعت من الكيس عبايه .. أكل عليها الدهر وشرب ..
.. وبرقع قارضه الفاره أطرافه ..
.. وشيله فيها ريحة حنا تكتم النفس ورمتها علي ..
فتو : خذي ألبسي ..




وسن : رميتها بقرف واااع وش هالزباله ..
فتو : ههههه هذي أزياء الشخصيه اللي بتسوينها ..
وسن : لا عاد مو بها الشراشيح ..






فتو : هي هي لاتسبين تراث جدتي ..
.. *هذي كشختها أيام المراهقه ./

وسن : يانذلك !
.. عاد ليش ماغسلتيها وبخرتيها ..
.. تعرفيني ماطيق ريحة الحنا ..
..!بس ماقلتي وش بنسوي ؟






فتو وهي تطالع شكلها بالمرايه ..
.. وببرود : أبد بنشحد !!




وسن : ناااااعم *..
. ببوكي ثلاث الآف وأشحد ..
.. *ماشحدت وهو فاضي أشحد وهو مليان !



فتو خبطت وسن ع راسها ياالشريفه حنا بناخذها من هالهوامير ونعطيه الفقراء والمحتاجين ..




يعني تقدرين تقولين موظفين في جبايه الزكاه بس بدون منة احد علينا *بالوظيفه ..
.. وبطريقه بدائيه وسعة صدر ..
.. وأجرنا عند الله .. وتغيير جو ..






وسن : أقنعتيني *.. بس حنين أخاف تشوفنا ؟وإلا أتأخر عليها !
فتو :ماعليك أرسلي لها رساله أن جوالك بيفضا وتنتظرينها عند المطاعم عقب ساعه ..



وسن : أوكيشن، ..
.. بديت ألبس شخصتي الجديده بعد ماشلت لثمتي وعبايتي الكتف ..
.. *طالعت نفسي بعد ماأنتهيت وصرخت يمااااااه أخوف !

طالعتيي فتو : هههههههه طالعه كنك ساحره مو شحاده ..
.. أنتي وهالعييوون *اللي كنها فناجيل !






وجلسنا عند البوابه نشحد وطردنا السكورتي ..
.. بس أقنعته فتو ..
.. وأنا تغطيت كويس عشان محد يفكر فينا شحاده بيضا .. والثانيه سودا .. وبيحطون فيها إنا !




شفت صورتي بواجهه محل زجاجيه وشهقت ..
.. وخبطت فتو : ياحماره ليش ماقلتي أن جدتك نتفه طالعي العبايه علي طالعه شورت :





فتو : هههههههه تكفين باخذ لك صوره وأرسلها لجوادوه ..
.. والله أنك تحفه مخروشة وانتي على طبيعتك وش عاد وأنتي متنكره !
.. كنك هيجاء ! هههههههههه ..





وسن : ضحكتي بلا ضروس *بلا ..
.. أوريك كيف بكسبك ذهب ..









جواد : نسيت أجيب لعمتي هديه ..
..!فماحبيت ادخل عليها ويدي فاضيه ..
.. مريت أقرب سوق لبيتنا أنا ووافي ..







حنين : ياربي ...
..!أحرجتني هالوسن مع بشار ..
.. مالقيتها بمكانها اللي قالت لي ..
.. وجوالها مقفل ..
.. جلست أنا ونوره في كوفي وطلبنا قهوه ننتظر وسن !
بشار : دقيت لنوره أبيها تطلع قالت أنهم مضيعين وسن ..
.. وجالسه هي وحنين ينتظرونها ..
.. دخلت السوق أنتظرها معهم ..
.. طلبت قهوه وجلست معهم ع الطاوله ..
.. كنت أسترق النظر لحنين اللي مشغوله بواحد من عيالها ..
.. والثاني ماجابته ..
.. تغافلت نوره اللي من حملت وهي مسنتره بالحمام قربت من ولدها وشلته ألعبه ..
.. وعيني مو راضيه تنزل عنها ..











جواد : كنا بندخل منعنا السكيورتي ..
.. ألتفت لوافي والحل ؟
.. نرجع ناخذ أحد من البنات ؟






وسن : شفت وافي وصديقه وشهقت ..
.. والله لو يدري أن يصلخ جلدي ..
.. عاااد ماطحت إلا بها الأقشر وافي ..
.. *صديت بسرعه لايعرفني ..
.. التفت بسحب فتو من يدها عشان ندخل مع بوابه ثانيه .. ونلبس عادي بس ماشفت ألاغبرتها وينهي !





شهقت وضربت بيديني على خدودي ..
.. ياويلي رحت فيها !
.. لايكون فتو تسوي نذاله وتعلم وافي علي ..
.. بس تطمنت أنها ماتعرف وافي ..
.. يمكن شافته هو ووصديقه شيك راحت تشحد منهم ..
.. يوم ماعطوها وجه .. ...
ياويلي يطالعوني ... ياويلي جو جهتي ...







توني بحط رجلي وأنحاش مسكتني فتو ./.




فتو : هذي اللي بدخلكم ..
.. *مو أنا تراها بيضا زيكم يعني محد بيشك ..







جواد : ماطاح إلا أنبطح ..
.. ماأردى منك إلا هي ..
.. *كنها من العصر الجاهلي ..





وسن : فزيت للصوت ..
.. مو غريب علي .. بس ماقدرت أرفع راسي أطالع أخاف يعرفني وافيوه ..






فتو : ماعليك أنتظرها ربع ساعه بس بلمعها لك وأجيك ..




وافي : ليش ماتكلم لاتكون مو راضيه وأنتي غاصبتها ؟
فتو بثقه : لا بس هي طرما ماتكلم ..






وسن : رفعت راسي .. وطيرت عيوني *.. وتوني بقول بسم الله علي ..




سبقتني فتو وخزتني صح عمشاء !






طالعتها بقهر وهزيت راسي !







جواد : أخلصي علينا بتحكين لنا قصة حياتك !





دخلنا أنا وفتو لغرفة القياس ..
.. ورميت العبايه الزفت اللي علي ..
.. *انا طرما !
.. أنا من العصر الجاهلي !
.. أنزين خوذي شراشيحك وعطيني عبايتي !







فتو : هههههههه لزوم الشغل أنتي لسانك طويل وعندك بدل اللسان أثنين ..
.. *إخاف تحكين تفضحينا ..
.. يلا ألبسي تأخرنا عليهم ..








وسن : نعم .. مجنونه .. أنتي هذا ولد عمي وصديقه بيعرفني غطاي مميز بالعائله ..






فتو : موبكيفك عطوني ميتين عشان أدخلهم خوذي عبايتي راس ..





وسن : بعد ضغط من فتو ..
.. وافقت لبست نقابها وعبايتها اللي تسحب علي هي حيل طويله ..
.. دخلت يديني بكم العبايه ونزلت غطاي ودخلتهم بسكات ..
.. *أوف من هاليله أولها سعة صدر وأخرها نكد ..









وافي : انتظرت جواد يغلف الهديه ..
.. ورحت باخذ مويه من حدا هالمطاعم ..
.. *أنا بطريقي لمحت بشار ..
.. ومعه ولد .. وحرمه ع الطاوله .. اللي مريت جنبها ..
ماقدرت ألتفت لمحارمه بس شفت وسن جايه ومعها وحده أعرفها وسن بالعبايه وأطلعها من بين مية وحده ..






شفتها تجلس هي والثانيه على طاولة بشار ..
.. بسرعه التفت وفز قلبي ..
.. هذي حنين ومعها تركي ولدي والا جسار ..
.. قربت منهم وأنا أحس كل خليه فيني تتحرك من مكانها من العصبيه ..
.. ويدي لاإرادي مو قادر أسيطر عليها ..
.. بلعت ريقي وطلع السلام مني بصعوبه ..
.. قربت من حنين وسحبتها بيدها وأنا أضغط عليها وبيدي الثانيه ولدي .. و طلعت ..







وافي : وسن أرجعي مع بشار ومرته ..




وسن : صدق قليل خاتمه راح وخلاني !
بشار : ضحكت أنا وحنين لماقلت لها إن تركي يشبه لها وجسار لأبوه ..
حنين : صدق ماعندك سالفه هههه الكل يقول جسار قريب لي وتوتو لأبوه ..




و...ماحسيت إلابحد يمسكني بقوه بغيت أصرخ ..
.. بس شفته وافي وبعيونه نظره شر تخوف ..
.. سحبني بدون لايشاورني وأنا أحاول أجاري خطواته السريعه ..












وافي : فكيت أزارير ثوبي ودق جوالي ..
جواد : وينك يارجال ماترد وين أنت ؟
وافي : طلعت من السوق روح لحالك ماعادني مخاويك .
جواد : عسى ماشر ..0
وافي : ماشر بس بوصل أهلي !
جواد بغباء : من أهلي ؟
وافي : أم جسار ..






جواد بخبث : آآآهاااا أجل أم جسار بدلتها بخوتي ..

وافي يحاول يمسك نفسه : والله أنك رايق باي ..








وسن : طلعنا من البوابه ..
.. وصراحه استحيت من بشار ..
.. بيته بعيد عن بيتنا ..
.. وأحنا متفقين مع نوره أنه يودينا ..
.. وأحد من أخواني يرجعنا ..
.. طلبت بشار ينزلني ببيت عمتي بما أنه قريب من بيته بعدين بالقى الأخ عبدالعزيز مطيح عند أنسه إيمان أسهر مع البنات وأرجع مع عزيز ...




أووه نسيت حنوو وين راح بها هالوافي لايكون خطفها !
.. دقيت عليها عطتني مشغول ..






وصلنا بيت عمتي وبما أن حمود ولدها مسافر بدوره في الشرقيه خذت راحتي ..





دخلت في الصاله ومعي أكياس حنين اللي تسوقتها فكيت لثامي ونزلت طرحتي على كتوفي ونفظت شعري أوف حررر...









وسن .. دخلت الصاله مالقيت عمتي //
.. جلست ع الكنبه ..
.. وصوت بصوت عالي كني شريطيه .. سووووناري هاتي قهوه ومويه بسرعه و...





جواد : شفت سيارة عزيز فماحبيت أحرجه أكيد مع المدام بالمجلس دخلت للصاله بعد ماتنحنحت يااااولد !








طلعت لي الشغاله قلت لها تنادي عمتي :
.. وماأمداني أجلس إلا اللجلجله والخرشه ..
.. شفت بنت تقول للقمر قم وأنا أقعد بمكانك ..
.. سبحان من صورها !
.. من ياترى ؟
.. أكيد مو إيمان ..
.. ياأمل ياأريج .. واضح أنها من أهل البيت من أكياسها اللي معها ..
.. وتأمرها ع الشغاله بعدين طلعتها فوق يوم أستوعبت إني قدامها ؟


لازم أعرف منهي ..





دخلت عمتي وسلمت عليها ..
.. وعطيتها الهديه كنت ناوي أطلع على طول بعد ماعطيها الهديه ..




بس بعد اللي شفته لازم أسحبها بالكلام ..
..عشان أعرف منهي عشان آخذها بعد ماطلق هالوسن !






جواد : أجل أحمد عنده دوره !
أم أحمد : إي والله يابوي بس بيجي يشوفك قبل ماتسافر ..
جواد : أه أجل البنات معه ؟
أم أحمد : بس أمل تعرف رجلها بالشرقيه ومن زمان ماشافها لزم عليها تجي عشان يشوفها..







جواد بخاطره: .. باااااس هذا اللي أنا أبيه .. ياالله عميمه أستأذن ..

أم أحمد : في رعاية الله ..












جواد : ركبت سيارتي وصورتها ببالي ..
.. غريبه خواتها تزوجن قبلها ..
.. والله شكلها خفيفة دم وكيوووت ..
.. آه أريج كبر وافي يعني أكبر مني بخمس سنوات ..
.. بس عادي أنا بعد بكون مطلق وهي بنت ..
.. يعني متساوين حتى شكلها أصغر من عمرها يعني أعطيها بالكثير سبع طعشر سنه..











وافي : طلعنا من السوق ..
.. وماعاد فيني صبر لين أنزل من السياره ..
.. ابعدت عن المباني وشفت اللي حوالي بر وماحولنا أحد ..
.. وقفت سيارتي والتفت لها :






آه هذا اللي تبين الطلاق عشانه ؟
.. وش أحسن مني فيه هاه ..
.. قووووووولي ......قلتها بصراخ وأنا أهز يدها ..





حنين : بعد عني يامجنون وش تقصد ؟
وافي : لا يا شيخه .. تستهبلين علي ..
.. ماتعرفين وش قصدي ..
.. بشار بشار ياحلوه !
.. لعنبو ابليسك تلاحقين رجال متزوج وأنتي متزوجه وأم عيال ؟





حنين بصراخ ودموعها تنزل :
.. أنت مو طبيعي ..
.. فيك حاله نفسيه .. وإلامجنون فكني ./




وافي : تركتها لما شفت ولدي يبكي وخايف ..
.. خذته منها وضميته لصدري بقو ه أطمنه ./






شفتها تبكي بقوه ..
.. قلتلها خلاص اسكتي روعتي الولد ..
.. وحركت السياره ..
.. وبشار هذا أن شفتك مقربه جهته ..
.. وإلا مكلمته والله ثم والله ..
.. *لأذبحك ولا أسمي عليك ..







ولاتحلمين مجرد حلم ..
.. *إنك تكونين له لو بعد خمسين سنه ./









وسن : ياااااي من ذا الأطخم اللي عند عمتي ..
.. لعنبو بليسه يقزقز ..
.. جالس من الصبح يطالعني ولاتنحنح ينبهني لايكون ولد رجلها سعود ؟





بس عليه طخمه ماشاء الله ..
.. لو أقدر أبدله بجوادوه كان ياسلاااام !









حنين : رميت نفسي ع السرير ..
.. بعد ماعطيت تركي للمربيه ..
.. حتى جسار مامريته أطمن عليه ..
.. وبكيت ... ليه .. لييييه .. ياوافي كل ماحاولت أنسى تجي تجرحني جرح أكبر!!











وسن : فتحت إغراضي حقت تمايم عيال وافي وعزيمه جوادوه ..
. . وأغراض حنين لازم تكون نجمة الحفل !
.. تذكرت اللي صار بالسوق وضحكت على فتو ..
.. لما عطتني نص الغله ميه وواحد وسبعين ريال ./
.. ههههههه غبيه تحسبني باخذها حتى لما رحت معها أطق عطتني ألف نصيبي من الطق هههههه.













عساف : أحس بدوخه هالأيام ..
.. وأصرت علي وداد أروح للمستشفى أطمن ./
.. *بس أجلتها بعد عزيمة جواد وعيال وافي ..

قلائد أمتنان لهذة
الذائقة العذبة في الانتقاء
لروحك الجوري

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

سلمت يمناك
طرح جميل جدا

‏اختيار جميل جدا
يدل على ثقافه عاليه

‏شكرا من القب
على هكذا طرح




احترامي
‏محمد الحريري

‏اختيار جميل جدا
يدل على ثقافه عاليه

‏شكرا من القب
على هكذا طرح




احترامي
‏محمد الحريري

بيض الله وجهك على اختيارك
للطرح الراقي
لاحرمك الله رضاه

‏لك كل
تقديري واحترامي


مجنون قصآيد

‏http://i18.servimg.com/u/f18/12/38/24/05/4afakk10.jpg

قلائد أمتنان لهذة
الذائقة العذبة في الانتقاء
لروحك الجوري

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

سلمت يمناك
طرح جميل جدا

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

‏اختيار جميل جدا
يدل على ثقافه عاليه

‏شكرا من القب
على هكذا طرح




احترامي
‏محمد الحريري

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

بيض الله وجهك على اختيارك
للطرح الراقي
لاحرمك الله رضاه

‏لك كل
تقديري واحترامي


مجنون قصآيد

‏http://i18.servimg.com/u/f18/12/38/24/05/4afakk10.jpg

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

تسسلم يمينك على رووعه طرحك~
الله يعطيك الف عاآآآآآآفيه ...
ولاتحرمنا من جديدك وفيض ابداعاااك ..
دمت بخير..~

تسسلم يمينك على رووعه طرحك

سلمت أناملك على الجلب المميز
اعذب التحايا لك