لعنبـو قصـة غـرام كـل ابوهـا كلمتيـن

ابتدينـا عنـد احبـك وانتهينـا عنـد بـاي



تونـا مامشيـنـا في الـهـوى لوخطوتـيـن

وانتهىـآالموضوع كله حتى ما أعرف وش خطاي



و انتهت قصّة حياتي بكـل سهولـه تحكميـن

وين احبك ؟ وين اريدك ؟ وين ساكن في حشـاي



يمكن انـك ماوفيتـي يـوم جيتـي تعشقيـن

ويمكن انك تحسبينـي بتبعـك مـن دون راي



ويمكن أصلا ماعشقتي بـس كنتـي تلعبيـن

ويمكن انك ماوصلتي فـي هـواك لمستـواي



ويمكن انـي ماعرفتـك فالحقيقـه وش تبيـن

ويمكن اني خنت نفسي يوم اعطيتـك وفـاي



علمينـي فالهـوى ياجاهلـه وش تعرفـيـن

تعرفين انك غديتي ( شئ ) يجـري فـي دمـاي



علمينـي في العطـاء والتضحيـه وش تفهميـن

لعنبو حبك عشانـك بعـت اقـرب اقربـاي



كنت احطك في عيوني تسرحيـن وتمرحيـن

كنت اشيل هموم قلبك وارمي همومـي وراي



كنت اطير من السعاده يوم اشوفك تضحكيـن

كنت ذايب في هواااك مثل سكر وسـط مـااي



كنت نايم فالعسل وارسم مـن الفرحـه سنيـن

كنت اظنك قلب عاشق ما سكن وسطه سـواي



ماوعيت إلا وإنتـي في خفوقـي تطعنيـن

ماوعيت الاوسيفـك بالحشا رايـح وجـااي


وردة ايه والله ورده بـس عرفتـي تجرحيـن

كل شي فينـي جريـح الا فخامـة كبريـاي



ما تأثـرت بغيابـك ويـش يعنـي دمعتيـن

بكره انسى صدقيني وارجـع بكامـل قـواي



أدري إن احنا افترقنـا بـس بفهـم حاجتيـن

علميني وش كسبتي ؟ علمينـي وش خطـاي؟




أصلاً الموضـوع كلـه مـا تعـدى كلمتيـن

التقينا عند ( احبك ) وافترقنـا عنـد ( بـاي)


مما راق لي..

أدري إن احنا افترقنـا بـس بفهـم حاجتيـن

علميني وش كسبتي ؟ علمينـي وش خطـاي؟


صح لسانكـ ولسان شاعرها
والله روعهـ
واختتمها بكلمة احبكـ عند اللقا وباي عند الختام

جدآ راقيهـ

ربي يحفظكـ ياذوق

مروري
تقديرا واحترام لشخصك الكريم

واعجابآ بطرحك الراقي
التميز عنوان النجاح ومن صنعه غيرك

كنت هنا وسأكون دومآ


اختك

نظرة الحب

كنت احطك في عيوني تسرحيـن وتمرحيـن

كنت اشيل هموم قلبك وارمي همومـي وراي

الله عليك كلمات في غاية الجمال
نقل موفق

جعل الدنيا ترووووووووووووووق لك دائما

عود الليل ... الرااااااقي هو مرورك الماسي.. تسلم يالغالي..

نظرة الحب وربي يثلج صدري مرورج .. لاتحرمينا طلتك يالغلا

سراب .. مرورك راقي,, وربي يجعل الدنيا رهينة يديك..

يسلم الجميع..