إرتواء نبض
06-23-2021, 08:46 PM
وياهم مثل ما آني ظليـت
بدون ألوان وجهي الخام بعده
ليهـسه إمحسب بصدري الگصب بيت
وبلا بيبان گلبي يبات وحده
آنه بين هاي الناس مريت
مثل قارب ورق والموج ضده
المنطي عيوني يگلي شطيت ،؟
آنه الماتركت الشوف وحده
آنه حتى على اليشمتون حنيت
وأصبر الگاعدين بجرحي گعده
إذا ظلت علىٰ الشمات ياريت
لكن لوعتـي من الآني أوده
چم صاحب وكت طعناته فزيت
وقنعت بقصة الما چان قصده
علىٰ هوايه عفو تبذير صديت
الهوايه عليهم نظره وحده
اليشعلون يمي النار للزيت
وأخليهم لما يرحون أخمده
من اليمرن على أذني هوايه عديت
واليخشـن الخواطر چنت أبُرده
علىٰ اليلاگيني منهم ما تعليت
أضم جناحي يم الريشه بعده
العليهم من مشو بالماي غصيت
دعولي بروحة الما بيها رده
من الأسماء الچثيرة هواي چزيت
عليمن ينسگي المايسوىٰ حصده ،؟
أنا من الخاطر ويه الناس وفيت
أبد ما دورتلي جتاف أصعده
خفت حتىٰ على اليگولون جَفيت
أغرگهم إذا ما خلي سَده
ما نادم على المنهم تبريت
ماهم بجرح مايسوىٰ أشده
يكفيني عفيت وزين سويت
وشمرته ومستحي من الشط أجرده
ماحبيت بس بعدين مليت
ولا دنيت الأعرف راح أبعده
هذا آنه إذا حبيت … حبيت
عكس ذاك العمر حنيته مده
بدون ألوان وجهي الخام بعده
ليهـسه إمحسب بصدري الگصب بيت
وبلا بيبان گلبي يبات وحده
آنه بين هاي الناس مريت
مثل قارب ورق والموج ضده
المنطي عيوني يگلي شطيت ،؟
آنه الماتركت الشوف وحده
آنه حتى على اليشمتون حنيت
وأصبر الگاعدين بجرحي گعده
إذا ظلت علىٰ الشمات ياريت
لكن لوعتـي من الآني أوده
چم صاحب وكت طعناته فزيت
وقنعت بقصة الما چان قصده
علىٰ هوايه عفو تبذير صديت
الهوايه عليهم نظره وحده
اليشعلون يمي النار للزيت
وأخليهم لما يرحون أخمده
من اليمرن على أذني هوايه عديت
واليخشـن الخواطر چنت أبُرده
علىٰ اليلاگيني منهم ما تعليت
أضم جناحي يم الريشه بعده
العليهم من مشو بالماي غصيت
دعولي بروحة الما بيها رده
من الأسماء الچثيرة هواي چزيت
عليمن ينسگي المايسوىٰ حصده ،؟
أنا من الخاطر ويه الناس وفيت
أبد ما دورتلي جتاف أصعده
خفت حتىٰ على اليگولون جَفيت
أغرگهم إذا ما خلي سَده
ما نادم على المنهم تبريت
ماهم بجرح مايسوىٰ أشده
يكفيني عفيت وزين سويت
وشمرته ومستحي من الشط أجرده
ماحبيت بس بعدين مليت
ولا دنيت الأعرف راح أبعده
هذا آنه إذا حبيت … حبيت
عكس ذاك العمر حنيته مده