حبيبي [ لاتغلى ] دام أحبك والزمن دوار ,,
أخاف يحطني الزمن بيدين "غيرك" وأعلن إعجابي

أنا ماقول هذا لجل أحطك بين برد ونار ,,
أقوله خايف إهمالك يزيد ويحرق اعصابي

نصيحه !! رتب أوضاعك ترى اللي يعشقوني كثار
يبوني بس أنا مازلت أحفظ الحب لأحبابي

حبيبي خل عنك [ الثقل ] واسمع آخر الأخبار
أنا عزمت إذا ماطعتني أدور أصحابي


أبي أفتح لغيرك باب قلبي وأحكي اللي صار
يجوز إني معاه أرتاح وإنت تحس بغيابي


انا (( ماهددك )) لكن أذكر حضرتك تذكار
أبي منك (( الحنان )) كان قلبك حن لعتابي


إذا مشتــاق لي فعلآ وقلبك حافظ الأسرار
تعـــال وناظر اللي صار بعدك داخل كتابي


أنا مابيك تتركني وترميني على الأقدار
ترى هذي السوايا ماتجي من شخص أدرى بي

أبيك تحس فيني مابقى فيني صبر وإصرار
أخاف أموت من القهر ياغايتي وأشقق ثيابي

أنا وياك ياحبيبي عن بعض التغلي كبار
(( تحفظ )) لاتخليني أصك من الزعل بابي

أنا مابيك تتركني وترميني على الأقدار
ترى هذي السوايا ماتجي من شخص أدرى بي



صح لسانكـ على هذا النقل الجميل
قصيدهـ فيها الكثير من الروعهـ

باركـ الله فيكـ

مروري
تقديرا واحترام لشخصك الكريم

واعجابآ بطرحك الراقي

كنت هنا وسأكون دومآ


اختك

نظرة الحب

بختصر واقول مشكووووووووووووووورة

صح لسانك على النقل المميز

تقبلي مروري

صح لسانك ولسان شاعرها..

يعطيك العافية يالغلا..

للجميع يسلموووووووووووووو على المرور الكريم منكم جميعا

تشرفت بقراءة موضوعك

وتشرفت بمرورك غاليتي ..................ودمتي بود