يا طـــــــــــــــــــارد


يا طــــــارد اللي راح خــله ومــلوه
ما يستــقيم الظــل لا عـــوج عـــــــــــــــــوده
ولا ينفــــع النـــدمان قولــة حــولاه
جـــحـــــــر لـــــــدغ يمنـــــــاك لا لا تعـــــوده
مد النظر في خلق ربي تمعناه
إلى انتقص من حال حال يزوده
الله جعــــل للمبتــــــــلي داه ودواه
وكل على عزمات قلبــــــــه حدوده




كل ما نسنس


كلما نسنس من الغربي هبوب حمل النسمة سلام
وان لمحت سهيل في عرض الجنوب .. عانق رموز الغرام
لك حبيب ما نسا .. كلمته دايم عسى
اطلب الله وارتجيه .. صبح يومي والمسا
كل زين اشهاده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري
نشوتك تلعب مع قطر المطر .. وانتشى قطره معك
والسحاب يطاردك بين الشجر خالق الزين ابدعك
الندى في وجنتك .. صار عطر بلمستك
والهوى غنى طرب .. تستثيره بسمتك
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف
لا سحاب ولا مطر .. لا نسيم ولا زهر ..
لا طيور ولا زهر .. ولا مع باقي البشر ..



في سحــــــــابه ..


في سحباه ..
على متن التمني
شفت عمري
خيال في سحابه
يا ذهابه ..
تعدى ما ارجهن
كن عامه
نهار يا ذهابه ..
من غدا به
ربيع العمر مني
حسبي الله
على وقت غدا به ..
إلتوى به
رجا قلب يون
ويل قلب تعلق والتوى به
في شبابه ..
حبس نشواه عني
ما تهيا لذيذه في شبابه
ذا صوابه
عقب ما هو طعني ..
لو نسيته يذكرني صوابه
من هقابه ..
يخيب كل ظني
واعذاب الخفوق اللي هقابه
رد بابه ..
زماني وامتحني
يوم ثور عجاجه
رد بابه
يا ربابه ..
على المسحوب غني
من قصيدي
بكى قوس الربابه .


بنت الكحيله ..


بنت الكحيله مهــرتي
وخيالتي من كل اصيل
ألقى عليها طربتي
بين المعنـــــــق والشلــــــــيل
صدر وقطاة فلـــوتي
العنــــق والســـــاق الطويــــــــــــل
وقع الحـــوافر نغــــــمتي
وحــــداتنا رجـــــــع الصهيـــــــل
أبوي وجدي قدوتي
لو ما لهــــم عنــــــــــدي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل



سريت ..


سريت ليل الهوى لين انبلج نوره
امشي على الجدي وتسامرني القمرا
طعس وغدير وقمر ونجوم منثوره
انفاس نجد بها جرح الدهر يبرا
يا نجد الاحباب لك حدر القمر صوره

من بنات الريح ..


من بنات الريح لي صفرا جفول
كنها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول
والهوايه تمتلك رجالها


سمرت ..


سمرت بصحبة حروف القوافي
احملها تناهيت خوافي
اشكل بالحروف الوان صوره
احركها من المعنى بصافي
اشيل الحرف من معنى لمعنى
واجاري ما زهر واظهر بخافي
والى منى عطيت الحرف ونه
بها حرفي على النجمات طافي
يقوم كل نجم من منامه
أنا ما نيب اسامر نجم غافي
يجيني كل نجم منه معنى
ولا قد قلت للنجمات كافي
تصور لي دموع وابتسامه
من عيون تقصوت ما تشاف
ألا يا نجم يا عالي تبصر
شف بعين المحبه عين وافي
وخبرني عن علومه وحاله
عسى قلبه مع الأشواق دافي
ولو ممشاي في جمر يفيده
مشيت بجمرها كنه عوافي
ولكن وش يفيده لو ذبحني
ومن يوصف جماله عقب قافي



طفلة هلال وبنت اربع عشر بدرا
حبيبتي نجد عيني فيك معذوره
معشوقة القلب فيها للنظر سحرا
فضة شعاع القمر في نجد مسحوره
منشاف لمع قمر في خدة سمرا

طال السفر ..


طال السفر
والمنتظر مل صبره
والشوق با محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب

ساعة الفرحة ..


يا ساعة الفرحه تشوقت للعيد
عيد العيون وعيد قلب الصبابه
رد الجمال لشوفتي يا اتلع الجيد
واسحب على حرفي لحون الربابه
حرفي بصوتك يا اجمل الصوت تغريد
يا رمز حبي هاك رمز الكتابه
يا صبح عمر فيك للعمر تجديد
وحبك يجدد كل يوم شبابه
للعين والقمرا وحسنك مواعيد
وليل الهوى شرع للأحباب بابه
ياما زعجت الصوت باسمك تراديد
وياما نسيم الوجد يمك سرابه
وياما تمنيتك على باقي الغيد
واقول مثلك يا غلا الروح ما به
ابيك تهوى مثل ما اهواك وتزيد
يا من خفوق القلب حسنك غدا به
يا قطرة الغيمه على يابس البيد
رد الحياة لخافقي يا ذهابه


حدر القمر ..


حدر القمر صوّت لخله وناداه
ثلاث مرات وبالرابعة ون
حدر القمر يا ما همس له وناجاه
وعيونهم ياما بنوره تلاقن
والبارحه عدا على الذيب بعواه
واقفت ظنونه بالليال يتعادن
مرٍ حوالينه ومرٍ تعداه
ومر تضاحك له ومر يتباكن
هذي سواة اللي عن النوم قزاه
طيف الحبيب اللي على خاطره عن
ان شافت عيونه جمال تمناه
وان صوت القمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمثناه
والبينه عنها عيونه يبوحن

جرح القصيده ..


قصيدتي منك مجروحه
اخلفتني واختلف شعري
يا ونتي منك مبحوحه
لو ما طلع صوته عذري
ذي رايتي منك مطروحه
طرحتها وانت ما تدري
شف دمعة الشوق مسفوحة
والوجد في ملحها يسري
مواجع القلب مفتوحه
داريتها واحترق صدري
حمامه الوصل مذبوحه
يا خوفتي قبرها قبري

لو نسيت ..


لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهد النظرة وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع


لا يطول غيابك ..


لا يطول غيابك ثم اخذ عليه
لو تخليت عني عنك قلبي تخلى
العذر والتعلل والحكي ما نبيه
من تحرك فواده بالهوى ما تغلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقى نحتريه
ما بي دموعك اللي عقب موتي تهلا
ما بقى بالعمر مقدار ما راح فيه
كل ما زل يوم يوم بالعمر ولى
ما يعرف الجمر مثل الذي يكتويه
احد يدفا بناره واحد فيه يتصلى
يا من القلب حطيته براحة يديه
ما رضى له مكان غير كفك محلا
كم تعذر وعيا عن هوى مهتويه
لين طاح بيمينك بالغرام وتجلى


ساري الهاجس ..


ساري الهاجس حضرني وشلت لحونه
كل ما غنيت صوت يرد الثاني
كل شاعر تستضيف الخيال عيونه
ما ينام الليل من هاجسه سهران
كل نجم ساري يستهيض شجونه
واعذاب الشاعر المغرم الولهان


علامك ..


قالوا علامك قلت ما بي خلاف
ما بي بلا يا كود فرقى المحبين
الحب لو يجحد عليله يشاف
يدري به اللي عارف لوعة البين
شئ يشاف وشئ بالجوف خاف
عشر تبين وخافي منه تسعين


من شمال ..


هب نسناس الهوا لي من شمال
حامل ريح الخزامي والنفل
من فياضٍ ظبيها يلعب دلال
لى لمح ظله من النشوه جفل
يذبح العشاق صعاب المنال
كم شطير بالقناصة قد قتل
مثل شمس العيد فضاح الجمال
كل نجم لا ظهر نوره افل
خصني بمواجه السحر الحلال
واشهد ان السحر في قلبي نزل
ضاري بمقابل فحول الرجال
وارتعش قلبي من الفتنه خجل
قلت راح العمر من دون الوصال
قال لو حاولت يا القاطع حصل
قلت لوني طامع لو بالخيال
كان بدلت التوجد بالأمل
يا ندى الغيمه على ورد الجبال
يا عبير زهور ريضان السهل
اجتمع حسن الحلا بك والجلال
ما تبدل بك مع العالم بدل

ابداااااااااااااااع



من اجمل ماقرات لخالد الفيصل


رائع هذا القسم بتميز تلك الاقلام اللتي تكتب


سلمت

ياصاح أنا قلبي من الحب مجروح
جــرح عطيب مالقى له مـــداوي
لو ينشري قربه شريناه بالروح
مير البلا شوفه غدا به هقاوي
أهل دمعي فوق الاوجان مسفوح
علي الذي ماهوب للغدر ناوي
أنا ادري إنه مثلي اليوم مطروح
لا شك مايقوي ولاني بقاوي
لولاي أدري سر الاحباب لابوح
وابيع بيعات الهبيل الفداوي
لكني اجحد فيه عن كل مفضوح
خوف عليه من الحكي والدعاوي
حسبي علي اللي حط في الدرب ساموح
العاذل اللي جر كل البلاوي
من أول باب المواصيل مفتوح
يوم ان عذال الموده خلاوي
واليوم سد الباب لوح علي لوح
وامسيت أنا ياصاح قلبي شقاوي

http://abeermahmoud07.jeeran.com/619-welldone-AbeerMahmoud.gif


http://abeermahmoud07.jeeran.com/621-waitting-AbeerMahmoud.gif

يسلمو يا قلبي عالطرح

الرائع ربي يرعااااااااااااااااااااك

فدوة عيونك


فدوة عيونك لو غدت روح مغليك
وش عاد لو راحت لعينك عشاير

ابيع ما يغلى على الكون و اشريك
و اسوق لَى جتني علومك بشاير

و ازعّل جميع الناس بالحيل و ارضيك
و اصبر ولو دارت علَيّ الدّواير

و آخذ من ايّامي لك ايام واعطيك
وان راح عمري لك فلا هو خساير

احب انا شوفك و صوتك و طاريك
دايم وفكري فيك هايم وحاير

بالصمت اهوجس بك و بالصوت اناديك
و الله عليم البيّنه و السّراير

انا و قلبي و الهوى بين اياديك
عندك مفاتيح الهنا للضماير

من روحي احبك ومن روحي افديك
يامن غرامه و الحسن فيه ثاير


.................................................. .................................................. .............................

يبكي الصوت


يبكي الصوت و النظرات تشكي
و المعاني ولو صاحت حبيسه

يصمت الليل و التنهيد يحكي
و المعاليق في قلبي يبيسه

يا حبيبه سألت الليل انا عنك
و كل نجم فقد مثلي أنيسه

هل دمعي و قام الليل يبكي
و القمر نشّ من فرقى جليسه

ويل من شالته موجة بحرك
ليتني ما نزلت الشط أقيسه

لو لمستي البحير بأطراف يدك
من حلالك غدا طعمه مريسه

للهوى حس اذا لامس زهرك
ينعش القلب اذا جاني حسيسه


.................................................. .................................................. ..........................

غريب ومسافر


غريب و مسافر لحالـي
ودروب الايـام تعـابـه

ادور المنـزل العـالـي
ازايم الحمل وارقـى بـه

ما حب انا المركز التالي
الاول امـوت واحيـابـه

وش لو عاد الثمن غالي
روحي على العز وثابـه

ما همني جمع الاموالـي
زهاد بالمـال واصحابـه

من فيصل اعيش با مثالي
ادرس وادرس من كتابه


.................................................. .................................................. ............................

عز القصيد

عَزّ القصيد وزاعلتنـي حروفـه
من يوم غاب الّلي قصيدي مهاويه

غابت به الدنيا وخلّـت طيوفـه
عزّي لمن مثلي زمانـه يعاديـه

عقب الملاقىٰ بس بالقلب أشوفـه
وعقب المناجىٰ بس بالفكر أناجيه

كلامي وشوفي لغيـره حسوفـه
من غيره يْخاوي غريبي وأخاويه

يا لوعة المشتاق تصفـق كفوفـه
لين التفت ما شاف بالدّار غاليـه

كنّ العيون بكل شيـن محْذوفـه
والقلب كنّ جموع الأيام ترميـه

تسابقتني مـن زمانـي سيوفـه
تجرح مْرادي في حياتي وتدميـه

يا عونة الرحمن ويـن النكوفـه
لين انتحىٰ الخفّاق وش عاد يثنيه

ما رحت أدوّر عند خلّي مروفـه
ما يرحم إلاّ الله فلا شـك مغليـه


.................................................. .................................................. .............................

يا طـــــــــــــــــــارد
يا طــــــارد اللي راح خــله ومــلوه
ما يستــقيم الظــل لا عـــوج عـــــــــــــــــوده
ولا ينفــــع النـــدمان قولــة حــولاه
جـــحـــــــر لـــــــدغ يمنـــــــاك لا لا تعـــــوده
مد النظر في خلق ربي تمعناه
إلى انتقص من حال حال يزوده
الله جعــــل للمبتــــــــلي داه ودواه
وكل على عزمات قلبــــــــه حدوده

كل ما نسنس

كلما نسنس من الغربي هبوب حمل النسمة سلام
وان لمحت سهيل في عرض الجنوب .. عانق رموز الغرام
لك حبيب ما نسا .. كلمته دايم عسى
اطلب الله وارتجيه .. صبح يومي والمسا
كل زين اشهاده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري
نشوتك تلعب مع قطر المطر .. وانتشى قطره معك
والسحاب يطاردك بين الشجر خالق الزين ابدعك
الندى في وجنتك .. صار عطر بلمستك
والهوى غنى طرب .. تستثيره بسمتك
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف
لا سحاب ولا مطر .. لا نسيم ولا زهر ..
لا طيور ولا زهر .. ولا مع باقي البشر ..


خالد الفيصل

في سحــــــــابه ..


في سحباه ..
على متن التمني
شفت عمري
خيال في سحابه

يا ذهابه ..
تعدى ما ارجهن
كن عامه
نهار يا ذهابه ..

من غدا به
ربيع العمر مني
حسبي الله
على وقت غدا به ..

إلتوى به
رجا قلب يون
ويل قلب تعلق والتوى به

في شبابه ..
حبس نشواه عني
ما تهيا لذيذه في شبابه

ذا صوابه
عقب ما هو طعني ..
لو نسيته يذكرني صوابه

من هقابه ..
يخيب كل ظني
واعذاب الخفوق اللي هقابه

رد بابه ..
زماني وامتحني
يوم ثور عجاجه
رد بابه

يا ربابه ..
على المسحوب غني
من قصيدي
بكى قوس الربابه .

بنت الكحيله ..


بنت الكحيله مهــرتي
وخيالتي من كل اصيل
ألقى عليها طربتي
بين المعنـــــــق والشلــــــــيل
صدر وقطاة فلـــوتي
العنــــق والســـــاق الطويــــــــــــل
وقع الحـــوافر نغــــــمتي
وحــــداتنا رجـــــــع الصهيـــــــل
أبوي وجدي قدوتي
لو ما لهــــم عنــــــــــدي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل

سريت ..

سريت ليل الهوى لين انبلج نوره
امشي على الجدي وتسامرني القمرا
طعس وغدير وقمر ونجوم منثوره
انفاس نجد بها جرح الدهر يبرا
يا نجد الاحباب لك حدر القمر صوره
طفلة هلال وبنت اربع عشر بدرا
حبيبتي نجد عيني فيك معذوره
معشوقة القلب فيها للنظر سحرا
فضة شعاع القمر في نجد مسحوره
منشاف لمع قمر في خدة سمرا

من بنات الريح ..
من بنات الريح لي صفرا جفول
كنها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول
والهوايه تمتلك رجالها

سمرت ..

سمرت بصحبة حروف القوافي
احملها تناهيت خوافي
اشكل بالحروف الوان صوره
احركها من المعنى بصافي
اشيل الحرف من معنى لمعنى
واجاري ما زهر واظهر بخافي
والى منى عطيت الحرف ونه
بها حرفي على النجمات طافي
يقوم كل نجم من منامه
أنا ما نيب اسامر نجم غافي
يجيني كل نجم منه معنى
ولا قد قلت للنجمات كافي
تصور لي دموع وابتسامه
من عيون تقصوت ما تشاف
ألا يا نجم يا عالي تبصر
شف بعين المحبه عين وافي
وخبرني عن علومه وحاله

عسى قلبه مع الأشواق دافي
ولو ممشاي في جمر يفيده
مشيت بجمرها كنه عوافي
ولكن وش يفيده لو ذبحني
ومن يوصف جماله عقب قافي

طال السفر ..


طال السفر
والمنتظر مل صبره
والشوق با محبوب في ناظري شاب

رد النظر
خليت بالكف جمره
سعيرها في داخل القلب شباب

عز الخبر
والمهتوي ضاق صدره
يا من يرد العلم عن هاك الأحباب

طيفه عبر
ما أرسل مع الطيف عذره
هو خاطره من لوعتي ما بعد طاب

هو ما ذكر
أن الجفا فيه كسره
للخافق اللي من هوى صاحبه ذاب

يا ما سهر
طرفي على حبس عبره
اردها والوجد للدمع جذاب

دمعٍ حدر
جاله على المنع جسره
عظيم وجدي للدمع شرع الباب

يوم وشهر
عزاه والعمر مره
والناس واجد لكن الولف غلاب

ساعة الفرحة ..

يا ساعة الفرحه تشوقت للعيد
عيد العيون وعيد قلب الصبابه
رد الجمال لشوفتي يا اتلع الجيد
واسحب على حرفي لحون الربابه
حرفي بصوتك يا اجمل الصوت تغريد
يا رمز حبي هاك رمز الكتابه
يا صبح عمر فيك للعمر تجديد
وحبك يجدد كل يوم شبابه
للعين والقمرا وحسنك مواعيد
وليل الهوى شرع للأحباب بابه
ياما زعجت الصوت باسمك تراديد
وياما نسيم الوجد يمك سرابه
وياما تمنيتك على باقي الغيد
واقول مثلك يا غلا الروح ما به
ابيك تهوى مثل ما اهواك وتزيد
يا من خفوق القلب حسنك غدا به
يا قطرة الغيمه على يابس البيد
رد الحياة لخافقي يا ذهابه

حدر القمر ..

حدر القمر صوّت لخله وناداه
ثلاث مرات وبالرابعة ون
حدر القمر يا ما همس له وناجاه
وعيونهم ياما بنوره تلاقن
والبارحه عدا على الذيب بعواه
واقفت ظنونه بالليال يتعادن
مرٍ حوالينه ومرٍ تعداه
ومر تضاحك له ومر يتباكن
هذي سواة اللي عن النوم قزاه
طيف الحبيب اللي على خاطره عن
ان شافت عيونه جمال تمناه
وان صوت القمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمثناه
والبينه عنها عيونه يبوحن

من شمال ..

هب نسناس الهوا لي من شمال
حامل ريح الخزامي والنفل
من فياضٍ ظبيها يلعب دلال
لى لمح ظله من النشوه جفل
يذبح العشاق صعاب المنال
كم شطير بالقناصة قد قتل
مثل شمس العيد فضاح الجمال
كل نجم لا ظهر نوره افل
خصني بمواجه السحر الحلال
واشهد ان السحر في قلبي نزل
ضاري بمقابل فحول الرجال
وارتعش قلبي من الفتنه خجل
قلت راح العمر من دون الوصال
قال لو حاولت يا القاطع حصل
قلت لوني طامع لو بالخيال
كان بدلت التوجد بالأمل
يا ندى الغيمه على ورد الجبال
يا عبير زهور ريضان السهل
اجتمع حسن الحلا بك والجلال
ما تبدل بك مع العالم بدل

علامك ..
قالوا علامك قلت ما بي خلاف
ما بي بلا يا كود فرقى المحبين
الحب لو يجحد عليله يشاف
يدري به اللي عارف لوعة البين
شئ يشاف وشئ بالجوف خاف
عشر تبين وخافي منه تسعين

ساري الهاجس ..
ساري الهاجس حضرني وشلت لحونه
كل ما غنيت صوت يرد الثاني
كل شاعر تستضيف الخيال عيونه
ما ينام الليل من هاجسه سهران
كل نجم ساري يستهيض شجونه
واعذاب الشاعر المغرم الولهان

لا يطول غيابك ..
لا يطول غيابك ثم اخذ عليه
لو تخليت عني عنك قلبي تخلى
العذر والتعلل والحكي ما نبيه
من تحرك فواده بالهوى ما تغلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقى نحتريه
ما بي دموعك اللي عقب موتي تهلا
ما بقى بالعمر مقدار ما راح فيه
كل ما زل يوم يوم بالعمر ولى
ما يعرف الجمر مثل الذي يكتويه
احد يدفا بناره واحد فيه يتصلى
يا من القلب حطيته براحة يديه
ما رضى له مكان غير كفك محلا
كم تعذر وعيا عن هوى مهتويه
لين طاح بيمينك بالغرام وتجلى

لو نسيت ..

لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهد النظرة وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع

جرح القصيده ..

قصيدتي منك مجروحه
اخلفتني واختلف شعري
يا ونتي منك مبحوحه
لو ما طلع صوته عذري
ذي رايتي منك مطروحه
طرحتها وانت ما تدري
شف دمعة الشوق مسفوحة
والوجد في ملحها يسري
مواجع القلب مفتوحه
داريتها واحترق صدري
حمامه الوصل مذبوحه
يا خوفتي قبرها قبري

(مــجمــو عـــة أنـــــسان)



قالت من انت ؟ وقلت مجموعة انسان
من كـل ضـد وضـد تلقيـن فينـى
فينى نهار وليـل وافـراح واحـزان
اضحك و دمعى حايرٍ وسـط عينـى
فينى بدايـة وقـت ونهايـة أزمـان
أشتاق باكر و اعطى امسـى حنينـى
واسقى قلوب الناس عشقٍ و ظميـان
واهدى حيارى الدرب ,, واحتار وينى
و أحاوم طيور السماء حوم نشـوان
واسيـل الوديـان دمــعٍ حزيـنـي
فى عينى اليمنى من الـورد بستـان
وفى عينى اليسرى عجـاج السنينـي
تهزمنى النجلاء .. وانا نـد فرسـان
واخفـى طعونـى والمحبـة تبينـى
ان مـا عرفتينـى فلانـى بزعـلان
حتى انا ترانـى احتـرت فينـى !!

(مـــن يــــقول الزيـــــــــن)



من يقول الزين ما يكمل حـلاه
كل شيء في حبيبـي اكتمـل
الله اللـي كملـه والله عطـاه
مابقي للزين في خلـي محـل
العيون احلى من عيون المهـاه
شافها قلبي وصفـق واحتفـل
نظرته من فتنته شعلـه حيـاه
والجفون من الحيا فيها كسـل
ساهم رمشه على الخد وسنـاه
كن لمعه وجنتـه ورد وطـل
والشفايا كنها جمـر الغضـاه
تحرس الريق المحلى بالعسـل
والشعر ليل تقل حمـره مسـاه
اجعد حول على صدره همـل
مايج من فوق متنه مـا طـواه
لون شلال مع المغـرب نـزل
انطلق جيده يمارى فـي بهـاه
فوق ميـاس تعـزل واعتـدل
بالرشاقه فيه من ظبـى الفـلاه
لى مشى كنه على الريح انتقل
ريحته من كـل زهـر منتقـاه
والزيـاده للخزامـى والنفـل
صافي مثل المطر فوق الصفاه
باسـم مثـل البشايـر بالامـل
جامع من كـل زيـن منتهـاه
مستحيل الوصف في خلى سهل
كايد ماهـو يليـن لمـن بغـاه
يرتفع عن كل سقطات الزلـل

((تـــــــدلـــــــل ))



تدلل علينا يا شبيه الظبـي وش عـاد
تدلل ولك بامر الهوى شافـع عنـدي
ولك في خيال العاشق المهتوي ميعـاد
واجلس على غيمه وليلة قمـر نجـدي
اسافر معك لبلاد وانزل معـك لبـلاد
ومن غيمه لغيمـه ولا للسنـا وحـدي
رسمتك ضحوك الفجر يا فرحة الاعياد
ولمعة شعاع ينغمس في نـدى وردي
وغنيت بك صوت بقلب الهوى ميـلاد
ونغمة غلرام ذاب في لحنهـا وجـدي
اشوفك مطر هتان لا بـرق لا رعـاد
من الوسم يبعث بالصحارى زهر ودي
احبك وصل وبعاد احبك رضى وعناد
ولا يختلف وعدي ولا ينتقض عهـدي

(يغــــــــار ســـــمعـــي)



يغار سمعي و يشـره كـل وجدانـي
لا غاب صوتك نهار(ن) ما بلغ سمعي
ياللي لقيت بنواعس عينـك أوطانـي
هي ديرتي هي ملاذ القلب هي ربعي
أملي النّظر من جمالك يـوم تلقانـي
و احبس خيالك بعيني حبسي لدمعـي
لا شفتك اعيش في عيونـك ازمانـي
وآخذ من نجومها وأشعل بها شمعـي
من نورها سالـت الفرحـه بوديانـي
ومن سحرها قام يورق بالذهب زرعي
يا واحد الحسن مالك بالعـرب ثانـي
عطني شرابك وخذ قرطوع من نبعي
غريب الاطوار و الغربـات ميدانـي
هي غربة العمر وافق طبعكم طبعـي
اصبحت تغريبتي و اصبحت عنوانـي
يا واحدي بالهوا و اثنينـي و جمعـي

(مــــــــرتاح أحـــبك)



مرتـاح أحبـك ولا علّـمـت
حتى إنـت عييّـت أبيّـن لـك
البارحـه يـوم أنـا سلّـمـت
شكيـت لـو عيـنـي تـدلّـك
بـرقٍ لمـع بالعيـون وخفـت
مواجـع القلـب توصـل لـك
عساك في ناظـري مـا شفـت
كيـف المعاليـق يومِـن لــك
من خوفتي لا أحتـرق جنّبـت
هربـت مـن شمسـك لظلّـك
أخشى عليك الهوى لو طحـت
مــا تلّـنـي يـمّـك يتـلّـك
أبـي قليـلـك ولا حصّـلـت
بعضـك تركنـي مـع كـلّـك
ما أدري صواب أو خطا ما قلت
إنـك حبيبـي وأنــا خـلّـك

(يامــــسافر للجــــفا)



يا مسافر للجفا و الوصـل يبكـي عليـك
وين عهدك بالوفا للخفـوق اللـي يبيـك
لي جناح و لك جناح و لا نطير إلا سوى
إسقني عذب القراح لي زمان أشرب هوى
ليت لي قلبٍ خلي ما عرف فرقا الوليـف
لا عليه و لا عليّ لا ربيع و لا خريـف
الهوى أمرَّه عجيب مـرّه يسابـق حـلاه
إن صفى ود الحبيب الزمان أبعـد مـداه
ويل قلبي يالغرام كل يـومٍ لـي قصيـد
إشتكى مني الكلام أجرح حروفه و أعيـد

(غــــردي بالـــحب)



غرّدي بالحـب يـا لحظـة هـواي
و إلعبي تطريب يـا نجمـة مسـاي
و احضني خفقـات قلبـي لا تطيـر
و اجمعي رقصات فرحي في خلاي
إزدحم في صدري الشـوق العظيـم
و الهوى في قلبي أبعد مـن مـداي
فيني أكبـر مـن غـرام العاشقيـن
و الأمل يسبق من الفرحـه رجـاي
إنـتِ الدنيـا إذا جــاد الـزمـان
و إنـتِ الحسـره إذا جانـي بـلاي
و إنتِ المـا فـي حياتـي و الهـوا
و إنتِ أرضي و الوطن و إنتِ سماي
و إنتِ أجمل لحـن غنّيتـه طـرب
و إنتِ الحب الـذي يمـلا فضـاي
أتظـلّـل فيّـتـك فـيـظ الحـيـاة
و أتدثّـر دَفوتـك ليـلـة شـتـاي

(من يــــقول الليـــل)






من يقول الليل للعاشق ضريـر
الهوى في كل وقتٍ لـه نظـر
شوفة العاشق عن الباقين غيـر
له نظر بالعين و لقلبـه بصـر
ساهرٍ بالليل فارقـت السريـر
و البحر رفيقي بليل و سهـر
موجته تسري و أنا فكري يحير
ليت لي يا فيصل بسرّه خبـر
تلعب الموجه و للغبّـه هديـر
و القمر من فضّته رشّ البحر
من غزير القاع للشّط القصيـر
قامت من النوم في لحظة عمر
كنّها عَنْدَا تثنّـى فـي حريـر
أسرعت يمّ الحبيـب المنتظـر
عشقها ترقص على نسمة عبير
ترتفع ثم تنهصـر ثـم تنحـدر
ساقها شوقٍ على العاشق خطير
شوق من يهوى مواعيد الخطر
خلفها خواتها صفـوفٍ تسيـر
هايماتٍ مـا يعرفـون الحـذر
زفّها في محفل الزّار الكبيـر
كل مسحورٍ بشيطانـه حضـر
تلتوي في ثوبٍ أبيض ثم تطير
في حضن شطٍ تحبّه .. تنتحـر

(نادمـــيني)




نادميني كلهـا ساعـة و أغيـب
ما بقى غير الموادع يـا حبيـب
سلّي الخفّاق عـن هـم الزمـان
و اجلي من العين نزّات السريب
طالت أيامي و أنا فـوق الشّـداد
الذلول تسير و الراكب غريـب
درهمت بي في عجـاج القايلـه
و الثرى من حدرها جاله لهيـب
كل خفٍ يرسـم بدربـي حـذر
لاهل ركبٍ ما بعد طبّ الشعيـب
يفهم اللي يفهم و يجهـل كثيـر
و المراجل دربها دايـم صعيـب
يا كبر غلطـات جهّـال الحيـاة
ضيّعوا بعيدهم و أخطوا القريـب
يا بعد فرق الليـال مـن النهـار
و يا بعد فرق الغرير من اللبيـب
بعضهم يزمّ بـه كثـر الهـدوم
و إن تحدّث طاح من عين الرقيب
كل رجـلٍ يستـره قـل الكـلام
و اللسـان يجمّلـه و إلا يعيـب
نادميني .. وقتي الباقـي قصيـر
و المسي بعيونك جروحي تطيب
فرّغي قلبي و فكري من عنـاي
يا شعاعٍ بالعمـر قبـل المغيـب
ومضةٍ في ليل في دهـرٍ ظلـوم
تبعث الآمال في وقـتٍ عجيـب
السؤال يغيب من قبـل الجـواب
نادميني .. كلها ساعة و أغيـب

(يقابلني)




يقابلنـي يهلّلـي فــي سـلامـه
و إذا أقفيـت يرميـنـي كـلامـه
أعرفه لـو تضاحـك لـي بسنّـه
ظهر للخبـث فـي عينـه علامـه
يبيّـن لـي مـن الظاهـر مـوده
و في قلبه بنـى بغضـي خيامـه
يدوّر عثرتـي فـي كـل مسعـى
مناتـه لــو يقوّمـهـا قيـامـه
و قفت .. و قال ما يقدر و فاشـل
و سعيت .. و قال وش غايه مرامه
يـأوّل كـل فعـل و كـل كلمـه
يسِن بهـا علـى الغافـل حسامـه
خـذاك الله يـا عيـن الخطـيّـه
وراهـا مـا تشـوف إلا الملامـه
وراها ما تشوف الصبـح يضحـك
و ليـل الحـب يسـري بابتسامـه

(هـــون على الـــقلب)






هوّن على القلب المعنّـى خفوقـه
لا تتعب الخفّاق و النـاس ساليـن
ما أحدٍ درى بك يا مفجّر عروقـه
إنت و خلِيّ الهم حيـل متساويـن
يا صاحبي دنياك ماهـي صدوقـه
كذبة عبث بالحس و السمع و العين
أكذب من الأحلام لمعـة بروقـه
سحابها يرعد و لا للمطـر عيـن
ما صادق إلا من طوتني حروقـه
ياليتها تكـذب جـروح المحبيـن
ليت الهوى ما صادفتنـي طروقـه
و لا عرفت الوصل أو لوعة البين
لا واهني مـن لا يميّـز فروقـه
ما يفرق الجمعه على صبح الأثنين
يدلَـه و الأيـام الهنيّـه تسـوقـه
نوم الهنا يغشـاه بيـن العشاويـن
ما ذاق تسهيـد العيـون الشفوقـه
تسهر إلين الصبح يبـدي بخطيـن
على الـذي وسّـع بقلبـي فتوقـه
خلاني آهوبـي سـواة المجانيـن

(ليـــالــي نـــجد)




ليالى نجـد مامثلـك ليالـي
غلاك اول وزاد الحب غالي
ليالي نجد للمحبـوب طيبـي
امانه نـور عينـى ياليالـي
حبيبي لى ذكرت انه حبيبـي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حـره
لقيت بقرب مظنوني ظلالـي
عفا الله عنه مما جانـي اول
غسل حبه جميع الهم تالـي

( طال الـــسفر)


طال السفر

والمنتظر مل صبره

والشوق يا محبوب في ناظري شاب

رد النظر

خليت بالكف جمره

سعيرها في داخل القلب شباب

عز الخبر

والمهتوي ضاق صدره

يا من يرد العلم عن هاك الأحباب

طيفه عبر

ما أرسل مع الطيف عذره

هو خاطره من لوعتي ما بعد طاب

هو ما ذكر

أن الجفا فيه كسره

للخافق اللي من هوى صاحبه ذاب

يا ما سهر

طرفي على حبس عبره

اردها والوجد للدمع جذاب

دمعٍ حدر

جاله على المنع جسره

عظيم وجدي للدمع شرع الباب

يوم وشهر

عزاه والعمر مره

والناس واجد لكن الولف غلاب

( كـــل مانـــسنس)


كلما نسنس من الغربي هبوب حمل النسمة سلام

وان لمحت سهيل في عرض الجنوب .. عانق رموز الغرام

لك حبيب ما نسا .. كلمته دايم عسى

اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي

وان سهرت الليل اهوجس بك واعيد هل لاجلك مدمعي

وانت هاجس خاطري .. وانت فرحة ناظري

يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك

والسحاب يطاردك بين الشجر خالق الزين ابدعك

الندى في وجنتك .. صار عطر بلمستك

والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف

قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..

لا طيور ولا زهر .. ولا مع باقي البشر ..

(لاوالذي صورك)





لا والذي صورك ما لا ق للعين
غيرك ولا سوى بي أحد سواتك
أنت الذي حطيت بالجوف رمحين
رمح العيون ورمح وَردي شفاتك
وأنت الذي زينت يا غاية الزيـن
حياتي اللي نورها مـن حياتـك
أحب فيك الحب يا جامع أثنيـن
الزين وطبوع(ن) تكمل حلاتـك
أحب فيك العطف واللطف واللين
وأحب فيك رضاك عقب زعلاتك
وأحب هاك الجيد بين الجديليـن
وأحب ما تخفيه طرقة غطاتـك
يا جارح المجروح لا تودع البين
يقضي علي بغيبتـك وسفراتـك

(حــــدنــي وقـــتي)




حدني وقتي على شي(ن) جديـدِ
السهر ما هوب من عادة عيونـي
أَبعدوني عن هوى بالي وسِيـدي
وامنعوا عنّي خطوطه ياصلونـي
شطّروني عنه في دار(ن) بعيـدِ
حسبي الله كانهم منـه اقطعونـي
صارت الفرقا لنا علم(ن) وكيـدِ
ليتهم راحوا وأنا عنـده نسونـي
عاقني عن صاحبي سور(ن) حديد
دونه البحور حراس(ن) ودونـي
الرجا بك يا بو خالد يا عضيـدي
لا تخلّينـي تـراهـم عذبـونـي

(تعبت عـــيوني)





تعبـت عيونـي بـس أدور واراعـي
و أنشد عن الزينات واشتاق واشـوف
لاشك مـا قـد تـاه فكـري وضـاعِ
ألين شفتك و أصبح القلـب مشعـوف
اللي داعاني لك مـن الحـب داعـي
داعـي غـرام للمحبيـن مـعـروف
ملكتنـي يــا بوعـيـون وســاعِ
أسيـر حبـك بيـن أياديـك مكتـوف
ليتـك تخفـف مـن عظيـم التياعـي
و تبتسم لـي شفتهـا منـك معـروف
متى يصيـر بنـور عينـي اجتماعـي
و ألقى التّعب من سيد الأحباب مخلوف

(إستكثرك وقتي )



إستكثـرك وقتـي علَـيْ وغـدا بـك
عـادة زمانـي كلّمـا طـاب هــوّنْ
ليـت الـذي ودّاك يـا زيـن جابـك
تشـوف عقبـك كيـف الايّـام سـوّنْ
شرق(ن) مشيت وغرب وقتي مشىَ بك
والقلب ما له لايـم(ن) فيـك لـوْ وَنْ
عقب الهنـا بـك ذاق لوعـة عذابـك
تـلـونّـت دنـيــاه ولا تـلــوّنْ
طويتنـي طـيّ الـورق فـي كتابـك
حتّـى معاليـق الحشـا لـك تطـوّنْ
إشتقـت لأيّـام الهـوَى فـي جنابـك
يوم الشّموع بليـل الاحبـاب ضـوّنْ
واشتقت أقـول لهاتفـك مرحبـا بـك
واشتقـت لغيـوم الصحـاري تكـوّنْ
عوّد ترَى داعي الهـوَى عنـد بابـك
واروي القلوب الّلي بعـد مـا تـروّنْ
غنّيت لـك عمـري ولاجـا جوابـك
واسمـي مـعَ مجنـون ليلَـى تـدوّنْ

(قلبي اللي لواه )





قلبي اللي لواه مـن الصّواديـف لاوي
جرّحته الليالـي والحظـوظ الرديّـه
والله أني بوسط الناس كنّـي خَـلاوي
من يلوم المفَارِق عقـب فرقـا خويّـه
أشهد أن المفَارَق من عظيـم البـلاوي
مير هذا نصيبك يـا العيـون الشقيّـه
اتجَلّد واقول انّي علـى البعـد قـاوي
والله أعلم بقلب(ن) فيه الأشواق حيّـه
كيف راحت يا بوتركي حياتي شقـاوي
وين درب السّعـاده والحيـاة الهنيّـه
ليت لأهل الهوى والحب قاضي دعاوي
كان أداعي عيون اللي فراقـه خطيّـه
كنّي المبلي اللـي قطّعتـه المكـاوي
كـل مـا جـظّ بالونّـات زادوه كيّـه

(عزّ القصيد )




عَزّ القصيد وزاعلتنـي حروفـه
من يوم غاب الّلي قصيدي مهاويه
غابت به الدنيا وخلّـت طيوفـه
عزّي لمن مثلي زمانـه يعاديـه
عقب الملاقىٰ بس بالقلب أشوفـه
وعقب المناجىٰ بس بالفكر أناجيه
كلامي وشوفي لغيـره حسوفـه
من غيره يْخاوي غريبي وأخاويه
يا لوعة المشتاق تصفـق كفوفـه
لين التفت ما شاف بالدّار غاليـه
كنّ العيون بكل شيـن محْذوفـه
والقلب كنّ جموع الأيام ترميـه
تسابقتني مـن زمانـي سيوفـه
جرح مْرادي في حياتي وتدميـه
يا عونة الرحمن ويـن النكوفـه
لين انتحىٰ الخفّاق وش عاد يثنيه
ما رحت أدوّر عند خلّي مروفـه
ما يرحم إلاّ الله فلا شك مغليـه

( ياصقر)




ياصقر و اهنيك لـك جنـاح تطيـر"
" لى طرى لك نزعت وطرت يم الهوا
بين قلبي وبينـك فـرق والله كبيـر "
" لى كفخت انطلقت ولى كفخت التوى
انت حايم وانا بالقاع دوبـي اسيـر "
" في صحاري زماني ذيب ليلي عوى
فوق جوك سحاب وحدر جوي هجير "
" القدم فوق رمضا والخفـوق التـوى
الحذر يا صقـر لا يشبكونـك اسيـر"
" ويل صقرٍ يتله مربطـه لـى نـوى
برقعته اللّيالي فـوق وكـرٍ قصيـر "
" عقب صفقه جناحه بالهوا لى اهتوى
كل حرٍ الى ضاق انتهـض للمطيـر "
" حومتـه بالسمـا ساعـة لقلبـه دوا

(غـــريب والله)



غريـب والله يـا حبيبـي هوانـا
نستعذب الأشواق ما نطفي الشـوق
شوقي وشوقك هايـمٍ فـي سمانـا
في ناظري حيره وفي ناظرك موق
نطرد سرابٍ في صحاري ظمانـا
لا فيـه ميـرادٍ ولا حاصـلٍ ذوق
يـومٍ يبعّـدنـا ويــومٍ دعـانـا
ويوم يلبّسنا خيـال الهـوى طـوق
طيـفٍ يرغّبنـا وطيـفٍ نهـانـا
فوق الثرى نمشي وحلم الهوى فوق
خيالنـا مـن كـل نبـعٍ سقـانـا
وأيامنـا تسـوق عبراتنـا سـوق
ميعادنـا عنـد التمـنّـي نسـانـا
وظروفنا تزرع على دربنا عـوق

(ســـريت)



سريت ليل الهوى لين انبلـج نـوره
امشي على الجدي وتسامرني القمرا
طعس وغدير وقمر ونجوم منثـوره
انفاس نجد بها جـرح الدهـر يبـرا
يا نجد الاحباب لك حدر القمر صوره
طفلة هلال وبنت اربع عشـر بـدرا
حبيبتي نجـد عينـي فيـك معـذوره
معشوقة القلب فيهـا للنظـر سحـرا
فضة شعاع القمر في نجد مسحـوره
من شاف لمع قمر في خـدة سمـرا

(ايــــوه)



ايـوه قلبـى عليـك التـاع
مايحتمـل غيبـتـك ليـلـه
عسـاه عـسـاه مايـرتـاع
عليـك يانـافـل ٍ جيـلـه
غنيت يابـو عيـون وسـاع
من غيرك اقصد واغنى لـه
معذور لو صرت بك طماع
مـن حبكـم مالنـا حيـلـه
القلـب مـن يمكـم نـزاع
لوحاولـو صعـب تحويلـه
مانيب مـن عاذلـى سمـاع
والله ماقـطـع مواصيـلـه
من لام راعى الهوى خـداع
سيـور الايـام تبـدى لـه
ماضاع عمرى معك لو ضاع
ماضـيـه والا مقابـيـلـه
سلمت لك خافـق ٍ جـزاع
عسـاك يازيـن تـاوي لـه

(ســـاعة الـــفرحة)




يا ساعـة الفرحـه تشوقـت للعيـد
عيد العيـون وعيـد قلـب الصبابـه
رد الجمال لشوفتي يـا اتلـع الجيـد
واسحب على حرفي لحـون الربابـه
حرفي بصوتك يا اجمل الصوت تغريد
يا رمز حبـي هـاك رمـز الكتابـه
يا صبح عمـر فيـك للعمـر تجديـد
وحبـك يجـدد كـل يـوم شبـابـه
للعيـن والقمـرا وحسنـك مواعيـد
وليل الهوى شـرع للأحبـاب بابـه
ياما زعجت الصوت باسمـك تراديـد
ويامـا نسيـم الوجـد يمـك سرابـه
ويامـا تمنيتـك علـى باقـي الغيـد
واقول مثلك يا غلا الـروح مـا بـه
ابيك تهوى مثل مـا اهـواك وتزيـد
يا من خفوق القلب حسنك غـدا بـه
يا قطرة الغيمـه علـى يابـس البيـد
رد الحيـاة لخافقـي يــا ذهـابـه

(ســـمرت)



سمرت بصحبة حروف القوافي
احملهـا تناهـيـت خـوافـي
اشكل بالحروف الوان صـوره
احركها من المعنـى بصافـي
اشيل الحرف من معنى لمعنى
واجاري ما زهر واظهر بخافي
والى مني عطيت الحرف ونه
بها حرفي على النجمات طافي
يقوم كـل نجـم مـن منامـه
أنا ما نيب اسامر نجـم غافـي
يجيني كل نجـم منـه معنـى
ولا قد قلت للنجمـات كافـي
تصور لي دمـوع وابتسامـه
من عيون تقصوت ما تشـافِ
ألا يا نجم يـا عالـي تبصـر
شف بعين المحبه عين وافـي
وخبرني عن علومـه وحالـه
عسى قلبه مع الأشواق دافـي
ولو ممشاي في جمـر يفيـده
مشيت بجمرها كنـه عوافـي
ولكن وش يفيـده لـو ذبحنـي
ومن يوصف جماله عقب قافي

(ارفـــعي سهم المنــايا)





إرفعـي سهـم المنايـا يالعـيـون
مابقى فينـي مكـان(ن) للطعـون
كل شبر(ن) فـي حياتـي إنجـرح
و الذي شقّـوا خفوقـي يشتكـون
يا العيون الطاغيـه خفّـي علـي
كبرت اللّي بـاوّل ايامـي تهـون
فـي عيونـي دمعتـيـن واقـفـه
ردّت الايـام دمعـي بالجـفـون
بالغَـت فينـي تباريـح الـهـوَى
وأستبدّت بـي المواجيـع الظنـون
خبّرينـي يـا غـرام العاشقـيـن
كيف يستهوي هل العشـق المُنُـون
إرحمي قلب(ن) تجاريبـه قسـت
في زمان(ن) ماعرف يوم(ن) حنون
اللسان يخـون و البسمـه كُـذُوب
واصدق التعبير نظـرات العيـون

(يبكي الصوت)



يبكي الصوت و النظرات تشكي
و المعاني ولو صاحت حبيسـه
يصمت الليل و التنهيد يحكـي
و المعاليق فـي قلبـي يبيسـه
يا حبيبه سألت الليل انـا عنـك
و كل نجم فقـد مثلـي أنيسـه
هل دمعي و قام الليـل يبكـي
و القمر نشّ من فرقى جليسـه
ويل من شالته موجـة بحـرك
ليتني ما نزلت الشـط أقيسـه
لو لمستي البحير بأطراف يدك
من حلالك غدا طعمه مريسـه
للهوى حس اذا لامس زهـرك
ينعش القلب اذا جاني حسيسـه

(تعـــال أسهر)



تعال أسهر معك يا اسمر عشيّه
تعال أسلي خاطرك يا عيونـي
تهن وخل عينـي بـك هنيّـه
أنـا ويـاك والدنيـا تـهـون
تـرى الدنيـا لياليهـا شقيّـه
حذاري تستبـد بـك الظنـون
نويت وكـل قلـب فيـه نيـه
على اني لك وفي روحي تمون
هواك بخاطري سـوا سويـه
تركني بيـن أياديـك معنـون

( لـــــــوعـــــة العـــاشـــــــق )




قالوا لي العب قلت مـا نيـب لاعـوب
إلا مـزوحٍ عنـد صـافـي الجبيـنـي
الاعبه و افرح إلـى صـرت مغلـوب
و اشوف و جهـه لـى غلبنـي يزينـي
و اطرب على ضحكه و هو حيل طروب
و انادمـه فـي لحظـة أحلـى سنينـي
حبيبي اللـي كـل مـا فيـه محبـوب
ترخص لـه الدنيـا و مـا كـان فينـي
اللي يجينـي كـل مـا غـاب لاهـوب
أونـس حـرارة لاهبـه فـي كنيـنـي
و كني على غيره من النـاس مغصـوب
و كـن العمـر ياقـف بليـا ظنيـنـي
و اصير بيـن يديـن الأيـام مقضـوب
و الليـل يجلـد بالسهـر مـوق عينـي
يضحك بي الشامت إذا قلت مـا أتـوب
و يحزن صديـق العمـر ممـا يجينـي
ليتـه يغطـي لوعـة العاشـق الثـوب
و إلا عيونـي مــا تبـيّـن حنيـنـي
و إن كـان تعذيـب المحبيـن مكتـوب
علـى عـذاب الحـب ربـي يعيـنـي

(وش لــــــــونك)





..إن قلت وش لونك؟ فلانيب بالحيـل
همـي كبيـر وداخـل القلـب علّـه
..عيّا يرد الصّبـح مسترسـل الليـل
وعيّا يقـوم الحـظ مـن طيحـةٍ لـه
..رجلي..وغيري راكبٍ صهوة الخيل
أشقى ..وغيـري ياخـذ الكـار كلّـه
..يابندر امـزج فايـح البـنّ والهيـل
وبهّـر بهـا يـا بـوك للكيـف دلّـه
..أبا اطرد هموم تلاطم كمـا السّيـل
كـل مـا بغـى يدلـه فـوادي تتلّـه
..عجزت متوني وارتدم فوقي الشّيـل
والرّجل جاها من حصا الـدرب خلّـه
..تمشي جروح الوقت في خافقي غيل
وتلمع سيوف الضّيم في الوجـه سلّـه
..إن قمت.. طقّ الغار راسي من الميل
وإن جيت أبا اقعد... فوق جمرٍ وملّـه

( يا من سلامه )





يا من سلامه لي هلا يا حبيبي
و الله هلا بك يا محبّة عيوني
هلا هلا يا لون شمس المغيبِ
يا نسمة الليل العطوف الحنونِ
يا بدر لا هلّيت لا عاد تغيـبِ
ترى سواد الليل كحّل جفوني
انا دخيل الرّمش خلّك قريـب
يا اللي بقربه كل شي يهـونِ

(اجاذبك الهوى)



اجاذبك الهوى واطرب واغني
وابادلك الغـرام بكـل فنّـي
واشاهد صنعة الله في جمالك
وحكمه الذي فيـك امتحنّـي
واشوف الودّ في عيونك ولكن
يردّ الودّ خوفٍ فيـك منّـي
ولا ادري وش يخيفك ياحبيبي
وانا بك مغرمٍ جـاك متعنّـي
ولو انك تلاحظ شفت عينـي
وهي تروي حديث الحب عنّي
تنعّم دام تـوك فـي شبابـك
ليال العمـر ماقـط امهلنّـي
تعال اسقيك من جدول غرامي
شراب فيـه للعاشـق تهنّـي
واهيم بك بسمـاوات المحبـه
الين انّك بعـد مثلـي تغنّـي

(قالوا علامك )




قالوا علامك قلت ما بـي خـلافِ
ما بي بلا يا كود فرقـىٰ المحبيـن
الحب لـو يجحـد عليلـه يشـافِ
يدري به الّلي عارف(ن) لوعة البين
شي(ن) يشافي وشيْ بالجوف خافِ
عشر(ن) تبين وخافي(ن) منه تسعين

( يا روحي أحيا بك)




يا روحي أحيا بك و حنّا غريبيـن
ما نيب أشوفك و انت يا روح ذاتي
في داخلي و أشكي معك لوعة البين
بعيد عنـي وانـت نبضـة حياتـي
يا لحظتي لو الزمـن بيننـا سنيـن
و يا منوتي لو ما حصـل مناتـي
صوتي تقطّع فـي فـلاة المحبيـن
و شوفي تبدّد مـع سـراب الفـلاةِ
لا واهنيّ من هم على الما مقيميـن
و أنا يبَس صوت الرّجا في لهاتـي
أهيم في صحـرا عديمـة عنـاوي
متاهة(ن) خلو الشجـر والحصـاةِ
الليل يوحش و الضحى يجرح العين
و الحزن يكتب من عذابي غناتـي
أمنّي عيوني مـن الحيـن للحيـن
عسى الفرج مع طلعة الصبح ياتـي
ياطاغي الفتنه مـن الـراس للقيـن
ياليتي أستر لوعتـي فـي عباتـي

(ياسامرين الليل)





ياسامرين الليل في بحـر الأشـواق
يـا ليتنـي معكـم يلـوح شراعـي
بين القمر والمـوج لمعـه وبـرّاق
والنسمـه العذبـه للغاليـن داعـي
القـرب يالغاليـن للـروح تـريـاق
والبعـد ذَبّـاح القلـوب الوجاعـي
لا واعنا اللي باطرف الليل مشتـاق
خلّوه ربعـه مـع سـلام الوداعـي
يسهر مع الذكرى على صفر الأوراق
في صفحة(ن) تشرب دموع اليراعي
بين الرجا والياس وقّف علـى سـاق
والدرب بقلـوب المواليـف ساعـي

(عيـــــــــون الهـــــــنوفه)




اخلفتنـي نظـرة عيـون الهنوفـه
خلفة الصقار لا شـاف الحبـاري
واقت النظره على قلبـي تشوفـه
واشعل بقلبي كما البـرّاق سـاري
صد عني طاغي النظـره مروفـه
ظالم(ن) قلبي وهـو بالظلـم داري
ياحبيبي صدتـك عنـي حسوفـه
ارسل سهـوم الذوابـح لاتـداري
ارسل رماح الهوا وارسل سيوفـه
يشتهيك القلب في كـل الطـواري
عيني لحسن الذي غيـرك عيوفـه
في عيوني غيرك من الحسن عاري

(نــــفسي عــــيوف)




نفسي عيوف يا اريش العين تجزع
ما تقبل الحقران لو مـن عشيـري
إلى متـى فـي طلبتـك باتخضـع
وأسأل متى يوم الوصل بي يصيري
لو كان قلبي فـي هـواك يتقطـع
خلـه لعلـه بالقسـى يستخيـري
أنا جزمت أنساك يا زيـن وانـزع
اللي بقى من حبكم فـي ضميـري
مثلي عزيز النفـس عنـك يترفـع
دور هبيـل فـواد مثلـك غريـرِ

(هــــلي)




هلّـي علـى خدانهـا ياسحابـه
هلّي عليها لين ينبت بهـا الـورد
على محلّه لين يخضـر جنابـه
وافرح بشوفه فرحة مالهـا حـد
خل سقاني في الهوى من شرابه
ماصد لي جاني والى جيت ماصد
عـزاه ياقلـب تزايـد عـذابـه
على الـذي حبّـه بقلبـي تجـدد
اللي رماني باربع مـن حرابـه
ثنتين من عينـه وثنتيـن بالخـد
ياعمري اللـي راح لا واسفابـه
وين الرفيق اللي عليه ابدي السد

(يــاعـــــــــل قـــلــب )




يا عل قلب ما شكا الحـب والتـاع
تنهار من فوقـه محانـي ضلوعـه
يا ما نهيت القلب لا شك ما طـاع
ما طاع يـد لـه والليالـي تلوعـه
أثر المولّع دمعتـه تجـرح القـاع
وإلى ذكر ما فات هلّـت دموعـه
يفـز قلبـي تالـي الليـل مرتـاع
أخاف تبعد عـن ربوعـي ربوعـه
الموت كان العرف عقب البطا ضاع
والمنتحى يا سعود صعبٍ رجوعـه
في غير شوف العين ما نيب طمّاع
حقّه علي أمشي بـدرب المطوعـه
أبو عيونٍ رمشهـا سـود ووسـاع
في ذبحها العاشق فتـون وبتوعـه

(غربة الاشواق )





في غربتي ، عارضت أنا ركب الأغراب
أشـد .. وأنـزل .. والليالـي ركايـب
أضداد .. وأقران وعدوان .. وأصحاب
متناقضـات الخلـق .. ماغـاب غايـب
وقامت تجاذَبني على درب .. الأسبـاب
نفس الشبـاب .. يحدهـا عقـل شايـب
أصبح على فجرٍ ضحوك(ن) .. وعجاب
وأمسي على همسات ، ستـر العجايـب
أسهر مـعَ تهويـم نجمـات الأحبـاب
حتـى يصيـر النجـم بالصبـح ذايـب
مشيت في رمضا .. وسنّـدت بهضـاب
وعارضني سيول(ن) ، وهبّـت هبايـب
وأمسيت في صحرا .. و قيّلت في غاب
ومن طاول الغربات ، شـاف الغرايـب
مرتني الدمعـه ، بهـا الوجـد مـاذاب
في غربة الأشـواق ، راحـت ذهايـب
ومرتني البسمه ، تقـل فوقهـا حجـاب
وراك خـجـلا يـارسـول الحبـايـب
والحب.. مريته غريب(ن) علـى بـاب
عقب القصور .. أمست بيوته خرايـب
بغيت أسلي خاطـره .. عقـب ماشـاب
لقـيـت مـالـه بالتسـلـي طـلايـب
أقفى مع المقفين .. وجـل(ن) ومرتـاب
على عقـوق الوقـت ، بالحيـل عايـب
في غربتي .. مريت رجلـي وركّـاب
أرزاق .. من رب الخلايـق ، وهايـب

(تــــوك تـــجي)


توك تجي وش عندنا لك ترتجي
لانا أنا ولا الزمان هو الزمان
ولا المكان هو المكان
ولا القلوب ذيك القلوب
اللي توقد لك شبوب
تقدرتعود ترجع تولّع أو تذوب
توك تجي
فوق الغيوم غابت نجوم
تركت على عمري رسوم
تحكي لطلاب الهوى
قــصــة نوى
قصة كتبناها سوا
انت بجفا وأنا بعذاب
توك تجي
توك تجي .. لا لا تجي
خلك كذا
خلك شذا من غير زهور
موجه على ظلمة بحور
خلك على مر الزمن لحن وشجن
عشته معاك ساعة هواك
أحسن تروح عني بعيد
أخاف تجيني واجرحك
لا...لا تجي

(ظلمتـــني)





ظلمتنـي والله قــوي يجـازيـك
باللي بلاني خالق النـاس يبـلاك
شابهت عدواني وانا طامع(ن)فيـك
اقرب قريب(ن) لي هقيت انه اياك
اللي جرالي منك ماهوب خافيـك
روحي على حد الخطر من سواياك
والله ماغيـرك بقلبـي يـوازيـك
اغلى من الدنيا على الخد ماطـاك
أشفق على اللايم إلى جاب طاريك
ودي يطول الشرح في حال طرياك
الشاهد الله من كثر مانـي أغليـك
في سبّتك لو راحت الروح تفـداك

(أعــــذرني)



أعذرني يا سيدي الزّمان
فيني على الدنيـا عتـب
الرجل حيّرهـا المكـان
و العين حيّرها العجـب
تغيّـرت كـل الامـور
و احترت في مفهومهـا
النايمـه قامـت تثـور
و الصّاحيه جـا نومهـا
النجـم ماهـو نجمـنـا
و الليـل ماهـو ليلـنـا
و الصّوت ماهو صوتنا
و العشق ماهـو عشقنـا
تمطر ولا يظهر نبـات
و نبات ما جا له مزون
وعيون ما فيهـا حيـاة
و حياة مافيهـا عيـون
اسافر بفكـري و أتـوه
و اناظر بعينـي قريـب
في عالمي زحمة وجوه
وانا مع الزحمه غريـب
صقّار ماعنـدي صقـر
خيّـال ماعنـدي فـرس
بيني و فرحات الدّهـر
من لعبة ايّامـي حـرس
قصيدتـي لعبـة عمـر
و خيالتي صهوة سحاب
غنّيت في شمس و قمـر
حضرت في لحظة غياب
طالت مسافات الزمـان
وشلون ابقطعهـا مشـي
فـراغ مليـان المكـان
و خيالنا اصبـح غشـي

(لاتلتـــفت)



لا تلتفـت يـمّ خلـق الله
ما احدٍ من الناس يشبه لك
الله عطاك الحلـى كلّـه
وتّقاسموا باقيـة فضلـك
أنت القمر بيـن الأهلّـه
نورك وجذّابك وشكلـك
القلب برضـاي محتلّـه
لوتظلمه قلت من عدلـك

(قريت خطـك )





قريت خطّك بـالوفا عشر مرّات
في كل مرّه تنثـر العيـن ماهـا
ذكرتني هـاك الليـال الجميـلات
لو كان قلبي ذاكر(ن) مـا نساهـا
من عقبكم ما عاد للعيـش لـذّات
ما التذّ في دنيـا مخالـف هواهـا
اليوم انا مثلـك جـداي التنهـات
عيني تهل دموعهـا مـن عناهـا
هايم بعيد الدّار سهران مـا بـات
أتبع هواجيس(ن) بعيد(ن) مداهـا
نار(ن) تلهّب بين الاضلاع زافات
نار(ن) لجت بالخوف العالي سناها

(الحزن في صوتك )





الحزن في صوتك ازعج ساكنـي
لين صار الكون من حولي حزين
غصب عني حزن صوتك هاجني
لين خلّى عاصي المعنـى يليـن
وامتثل حرف القصيـد وعادنـي
وانسكب شعرك على حزني حنين
شلت انا صوتك وحزنك شالنـي
اكتم الصرخه وينسـاب الأنيـن
شفت حزنك كيف حزنك شافنـي
كيف داهم خلوتي فـي لحظتيـن
طير انا مثلك زمانـي ضامنـي
جرحتني مثلك سيـوف السنيـن
صابك اللي من زمانـي صابنـي
في معاليق الحشا جرحـه دفيـن
كلّمـا ودعـت هـم زارنــي
من عذاب الوجـد بيـاح الكنيـن
الفرح عقـب الصداقـه هابنـي
خافت البسمه على وجهي تبيـن
طير ياللي صوت حزنك صابني
الله اللـي ينتصـر للصابـريـن

(حــــدر القـــمر)




حدر القمـر صـوّت لخلّـه ونـاداه
ثــلاث مــرات وبالرابـعـه ون
حدر القمر ياما همـس لـه وناجـاه
وعيونهـم يـامـا بـنـوره تـلاقـن
والبارحة عـدا علـى الذيـب بعـواه
وقفـت ظنونـه باللـيـال يتـعـادن
مـر(ن) حوالينـه ومـر(ن) تعـداه
ومر(ن) تضاحك له ومـر(ن) تباكـن
هاذي سواة اللـي عـن النـوم قـزاه
طيف حبيب اللي على خاطـرة عـن
إن شافـت عيونـه جمـال تمـنّـاه
ون وصوّت لقمري لصوت الهوى حن
الجارحـه تجـرح وتسـري وتنسـاه
وجـروح مجـروح الليالـي تساقـن
والخافيـه طعنـة زمـانـه تمثـنـاه
والبيّنـه عنهـا عيـونـه يبـوحـن

(من بــــلاه الله)




من بـلاه الله تصبـر واحتسـب
عادة المسلم على الشـدة صبـور
اتلمـس للخـوي عـذر وسبـب
لي لحقني من بعض ربعي قصور
واتحمـل زلـة كحيـل العـرب
واتحاشا عضة الكلـب العقـور
اعشق الغالي ولاهـوب الذهـب
وانزل العالي و لاهيب القصـور
في هجير العمر خاويت التعـب
فوق رمل البيد او موج البحـور
كل حي فـي حياتـه لـه طلـب
ذا تهيالـه وهـذا فـي دبــور
لا تعجب ما على الدنيـا عجـب
حكمة الرحمـن خلاهـا تـدور

(ماعـــاد لـــي)





ماعاد لي بمطارد الصيد حاجـه
إلاغزالن صادني قبـل اصيـده
ريمن لبس في عالم الزين تاجـه
عزاه داري عـن ديـاره بعيـده
خشفن طعن قلبي وعنده علاجـه
ماله سلاحن غير عينـه وجيـده
إلى اظلمت دنياي ولع سراجـه
يمشي على دربه فـوادن يريـده
ياعاذلين القلـب هـذي سذاجـه
خلوني آحبـه واحبـه وازيـده
القلب قلبي والمخالـج خلاجـه
وكثر الحكي يااهل الحكي مايفيده

(احلى عذاب)





احلى عذاب اللي رضّى لي حبيبي
يجوز لي لا صار لعيون الاحبـاب
تستاهـل عيـونٍ سهمهـا عطيـب
لا سلهمت بالرمش و الرمش جذّاب
من شافها يشـوف شـيٍ غريـب
فيها حنان و ظلم و دموع و حراب
وفيها كلام و سر و امـرٍ عجيـب
لا جيت اعاتبها تراجعـت بعتـاب
لا شفتهـا دنيـاي عنـي تغـيـب
يلفني موج الهوى بيـن الاهـداب
إن كان ذبحي من عيونك نصيبـي
اموت لعيونك ولا أحسب حسـاب

(ياللي تعرفون الهوى)



ياللي تعرفون الهوى لا تلومون
يلومني من لا درى ويش حالـي
الحب يودع عاقل الناس مجنون
يودع كبير السن مثـل العيـال
واهل الكرم والجود لاجله يذلون
يشحذ عزيز النفس فيه الوصال
ان ساعد العشاق حظِ يسجّـون
اسعد ليالي العمر هاك الليالـي
وان عاكست سود الليالي يموتون
الحب غربال مـن اول وتالـي

(زانــــت بحــــبك)



زانت بحبّـك يـا حياتـي حياتـي
من عقبكم صفـوي تكـدّر عليّـه
يا دعوتي بـاوّل و تالي صلاتـي
و يا نيّتـي مـا دام للحـب نيّـه
يا حلم صحواتي و غفـوة مباتـي
و يا رغبتي من بين كـل البريّـه
احاول اجمع في غيابـك شتاتـي
بعضي معك عيّـا يفـارق خويّـه
أرواحنـا بـالحـب متعانـقـاتِ
و قلوبنا بـالشّوق و الوجـد حيّـه
وش لون تقوَى سيف زينك عصاتي
يـا بـو عيـون ٍ كلّهـا جاذبيّـه
خذ من حبيبك كل عمري و هـاتِ
بلسم جروحي يـا حبيبـي عطيّـه

(لك حـــق تزعـــل)





لك حق تزعل ثم لك حق نرضيـك
ما اقوى زعل حبيب قلبي وعينـي
ما دام قلبي يا اريش العين مغليـك
اطلب ولك روحي وما في يدينـي
لا تنشغل مالـك وزيـنٍ يضاهيـك
ابيك أنا لـو كـان غيـرك يبينـي
يوم الله احسن صورتك خصني فيك
فيك الجمال وصادق الـود فينـي
شعري يزين بوصف زينك وطاريك
والأرض من ممشاك فيها تزينـي
اول غناتي صوت الأشواق يدعيك
واخر غناتي شق صـدري حنينـي

(تســـتاهل الحــب نجــديه)





تستاهل الحب نجديّـه
رفيعة الشأن عجّابـه
العين يا عين بحريّـه
لقلوب الاحباب نهّايـه
والجيد يا جيد ريميّـه
تجفل من الزّول لعّابه
والرّيح يا ريح وسميّه
نبت الخزامي تثنَّى به
صفيت مع صافي النية
يوم الذي صابني صابه
معاد لي روحة أوجيه
وقف هوانا على بابـه

(ليــتك مـــعي)





ليتك معي ساهر(ن) ليـل الهـوى كلّـه
مانوم انا وانت لجـل الحـب سهرانـي
ترى السهر مع حبيبـك يبـري العلّـه
لا صرت شفق(ن) وهو عليك شفقانـي
كلش طراته الـى وافـق علـى حلّـه
والا ترى كـل شـئ يالغضـي فانـي
لا عاش خل(ن) تنكر في الهـوى خلّـه
يوم(ن) حبيب(ن) ويوم(ن) يصير قوماني
وش فيك دايـم تعسـر القلـب واتّلّـه
اخاف يوم(ن) يجـي مـا عـاد تلقانـي

(حـــول سحــابي)





حوّل سحابي واحسب أنّي وصلْتَـه
وهبْـت هبايبهـا وشالـت سحابـي
حلمٍ علَـى غفـوة زمانـي حلمْتَـه
ليت الزّمان الّلي غفا ما صحى بـي
في غمضةٍ من ليل.... عمري سرقْتَه
لاشك حظّي من عذابي وشَـى بـي
الّليل يوم أنّه صَحى بي... جرحْتَـه
والعمْر في مجروح ليلي سرَى بـي
من وقتيَ المجروح لجـروح وقْتَـه
يمشي وحظّي بالعَثايـر مشَـى بـي
لوْ أنّ قيـدي فـي يدينـي كسرتَـه
ميرْ البلى قيد الغـرام ألتـوَى بـي
الله من صوتٍ علَى الشّـوق جبتَـه
والله من كلمـة غلـى فـي كتابـي
أطوّح المسحـوب مـعْ كـل نْهتَـه
واسمع علَى همس الّليالـي جوابـي
يا معشر العشّـاق قلبـي عصرْتَـه
قطـرات خفّـاقٍ مـن الوجـد ذابِ
علَـى عشيـرٍ بالوفـا قـد وعدْتَـه
لو شبت ( أحبّه )... مثل فتنةْ شبابي

(يا ولد عوّد )





يا ولد عوّد لا هاليك ما تقـوّى
لوعة الفرقا سطت فيك مسطاها
لا تهقوى ما بالابعـاد سلـوى
المحبه ما سلم من شرب ماهـا
من بلي مثلك فلا يبري البلوى
كود شوفة من بالأوطان خلاها
الذي بك يا ولد بالـذي تهـوى
ياولد عوّد ترى شفاك بشفاهـا

( ســــــــــافر)




سافر عسى ربي يحرسك وياقـاك
هذا البخت عزّاه وش فـي يدينـي
يا شين باكـر يـا حبيبـي بليّـاك
لا جاء وعدك اللي بوقتـه تجينـي
لي قمت أدوج في مداهيل ما طاك
يا ما جرى بشهـار بينـك وبينـي
هذا وهو تـوّك تطـري بممشـاك
وشلون لي قفيت يـا نـور عينـي
يا شيب عينك يا هوى البال واشقاك
كانك مثل ما أبيك يااسمـر تبينـي

(بنـــت الكـــحيله)






بنت الكحيلـه مهرتـي
وخيالتي من كل اصيـل
ألقـى عليهـا طربتـي
بين المعنـق والشليـل
صدر وقطـاة فلوتـي
العنق والساق الطويـل
وقع الحوافـر نغمتـي
وحداتنا رجع الصهيـل
أبوي وجـدي قدوتـي
لو ما لهم عندي مثيـل
بالدين تفخـر عزوتـي
والرمح والسيف الصقيل
ماكـر حـرار ديرتـي
ما في هل العوجا ذليل

(نجمة حياتي )





ميّلـت نجمـة حياتـي للمغيـب
ودّعتني راعهـا فجـر المشيـب
ليلة(ن) في برد في صحراء زمان
عشتها في غربـة الدنيـا غريـب
عشتها جاهـل وعاشتنـي حكيـم
الخطا واجـد و مـرات تصيـب
بينـت فينـي تجاريـب الحـيـاه
كل سيل حط فـي دربـه شعيـب
الصخـر تشقـه سيـوف الدهـر
كيف تسلم خفقة القلـب العطيـب
و الريـاح تشيـل كثبـان الرمـل
كيف زهر العشب يبقى ما يغيـب
أجمع حروفي وأشكـل صورتـي
و الغريب اجمع شتاتـه بالعجيـب
مـرة ترقـص حـروفـي للهوى
ومرة اسمع مـن حرفـي نحيـب
هاضني صوت الضمير الى اشتكى
اختنق مالـه سميـع ولا مجيـب
وهاضني شكوى القلوب من العقل
ضامها كنه علـى الدنيـا رقيـب
كلما صاح الضميـر و ون قلـب
سالت حروفي على دمعة حبيـب

(وداع يانــــفس)





وداع يـا نفـس قدرهـا دعـاهـا
تنازعت والموت ما عنـه مـردود
تشبّثت بحبال زخـرف(ن) حياهـا
تبى نهار(ن) زود واليـوم موعـود
تسلّلت مثـل الهـوا مـن خفاهـا
عجزَت تقضّب في ذرى يابس العود
تبخّرت روحي من حيـاض ماهـا
يتلّهـا نــزّاع الأرواح بـركـود
بالهون يـا نـزّاع روحـي تراهـا
باقي عذاب أيام بيض(ن) على سود

(غـــربة الــــروح)




قامت تعاظم غربة الروح يـا سعـود
يالله دخيلـك و استـجـدّت جـدايـد
تغرّبت وسط الجسـد روح مجحـود
في دارهـا وشلـون راحـت بدايـد
والشوف ذاب و خالطت بيضها سـود
و الزّود نقص وناقـص العلـم زايـد
من اول(ن) و الطيب للناس مقصـود
و اليـوم صـارت طيّباتـه شـرايـد
للوقـت تالـي مثـل باديـه مشهـود
فيه الجهل عوّد علـى النـاس سايـد
يا عازف(ن) عمري على نغمة العـود
هـذي حياتـي غنهـا لـي قصـايـد
مر(ن) على الهيّن و مر(ن) على الكود
وعمر الفتى لحظـات هيّـن و كايـد
واسمع من الخفّاق رجـع و مـردود
قلب(ن) مع الونـات قـد لـه عوايـد

(لـــونـــسيت)




لو نسيت العمر ما انسى دمعتـك
صرخة(ن) ذابت من عيونك دموع
ترتعش مرتاعة(ن) فـي وجنتـك
وانتفض قلبي لها بيـن الضلـوع
أزعَجت صمت الليالـي عبرتـك
بالخفا ثوره وبالظاهـر خشـوع
تسكب الدمعه وتظمـى نظرتـك
مشهد النظرة وهي تظمى يـروع
يا ضياع العمر ضيعـة بسمتـك
ضاع معها خافق(ن) مثلك جزوع
ليت من يمتص جـارح لحظتـك
والفرح يشعل دياجيـرك شمـوع

(ســـاعات الـــعصر)





ليت عقل العود في سن الشبـاب
وحكمة الستيـن فـي عشرينهـا
كان ما جرَ القـدم درب العـذاب
وانتهزت ظروفهـا فـي حينهـا
وكان ما ضاعت دقايقهـا هبـاب
وكـل لحظـه أستغـل سنينـهـا
كم تركت من الفرص واقفلت باب
بعتها واهـل الفـرص شارينهـا
وان نصحني ناصح أحسب حساب
قلـت يمـدي .. توَنـا بادينـهـا
العمر بـاوَل زمامـه لا تهـاب
والَليـلْ طـوال يـا سارينـهـا
ما هقيت إن الزمن مثل السـراب
والَليـالـي خيَـبـت راجينـهـا
أثر ساعات العمر مثل السحـاب
بالظـلام تمـر مـا نـدري بهـا
ويل من همَاته صعود الهضـاب
ترجـمـه ريحانـهـا بايدينـهـا
وحظ من همَاته يحـوش التـراب
يبشر بكثر الذهـب فـي طينهـا
وكل قصر له أساس وسقف وباب
يحكـمـون اركانـهـا بانينـهـا
والصيانة للقصـر وإلا الخـراب
أفطنـوا للـدار يــا حامينـهـا

(أحـــب الليـــل)






أحب الليل و نجـوم الليالـي
حبيباتـي أساهرهـن لحالـي
لقيت بصحبة النجمات سلوى
عقب ما فارق الخفّاق غالـي
ألا يا ساريات الليـل سيـري
على واديه مع مسرى خيالي
تجلّي في سما خـلّ المـودّه
و قولي للحبيب وش جرالـي
هنيـك يـا نجـوم تناظرينـه
و انا مالي على النظره مجال ِ
و لكني ولو شابـت عيونـي
أحب الليل و نجـوم الليالـي
صبرت و كل حي لو تصبّـر
إلى مالت ليالي العمـر مـالِ

(عــــــــابــــــــر الخـــــــــاطـــــــــر)




ياعابر الخاطـر تصـوّرت معنـاك
لا شـك ماكـل الخواطـر تـقـالِ
خذ صورتك لَى جيت ساري بمسراك
مالك بها مصلـوح تبقـى ولا لـي
تلقى من الشعّـار الاقصيـن ذولاك
من ياخذ المعنـى علـى كـل حـال
وأنـا اتخيّـر مـن معقّـل مطايـاك
مركوبـة الفكـره وافـكّ العـقـال
إمّا سريت الليل مع نجـم الافـلاك
والاّ مـع شمسـي تبعنـي ظلالـي
أوزن كلامي قبـل يكتـب بالابـواك
واقلّب المعنى علـى ماطـرى لـي
الورد طيبي واتسـوّك مـن الـرّاك
والثوب ضافي والقصر راس عالـي

(صاحـــب الـــحاجه)




صاحب الحاجه ولو طالت لحوح
وصاحب الحلم القديـم يغازلـه
واعذاب القلب من كثر الجروح
كـم سيـف بالعـذاب ينـازلـه
أخفي الطّعنات وعيونـي تبـوح
كـن الاوجـاع بهدبهـا نازلـه
غايتي بليـل ظلامـه مايـروح
بينـي الايّـام وبينـه عـازلـه
كل ما مشيت له عنّـي يـروح
وعيّت الخطـوه تجـي منازلـه
والهوى بالقلب وهّـاج يضـوح
لـو يسوقـه للمنايـا جـازلـه
كل ياس يطرده فينـي طمـوح
وكـل عـزمٍ خافقـي ينحازلـه

(أحـــذر عـــدوك)



..كلٍ يعوّد لاصـل جـدّه ومربـاه
راعي الشرف يشرف والانذال يهبون
..الفْرع من عوده شرابـه ومسقـاه
والحنظلة مرّه ولو تشـرب مـزون
..الطّيـب كايـد والمناعيـر تقـواه
والهون هيّن تدنـع النفـس وتهـون
..ناسٍ على كسب المراجل مضـرّاه
وناسٍ على كسب الفشيلة يضـرّون
..هذا على وضح النقا كـل ممشـاه
وهذا الى شافـوه ربعـه يصـدون
..لا تامن الخوّان لو زخرف حكـاه
من خان بك مرّه يبي باكـر يخـون
..وافطن ترى زول الرّجاجيل تـوّاه
كم واحدٍ يعجبك زولـه وهـو دون
..يا طيّب الشارات من يـوم منشـاه
احذر عدوّك لايغدرك علـى هـون
..ترى عدوك غايتـه فيـك ومنـاه
يزرع بصدرك من قنا رمحه طعون
..والّلي رضع لبوة عـدوّك توقّـاه
الجرو ولد اللبـوة الّلـي تعرفـون
..للطّير يالصقّـار بالرّيـش مغـواه
الجاهل الّلي باكثر الريـش مفتـون
..للحُر والشبـوط ماكـر ومجنـاه
والفرق بالافعال لـو هُـم يطيـرون

(هلّــــــ وطلّــــــــــــه)




...خلّها يا باعث الفرحـات فلّـة
مابقى بالعمر كثر الّلي مضى لـي
...عطني من الحب سقوه ثم علّـه
تزهـر الأيـام وتشـع الليـالـي
...من بغى دربٍ سأل عنه ودلّـه
ما يرد المهتـوي صعـبٍ وغـالِ
...اطلق الخفّاق مـن قيـدٍ يتلّـه
كسّر الجنحان مقصـور الحبـالِ
...تبري الّلي صار به تسعين علّه
من نظر حالي نشدني كيف حالي؟!
...مابقى لي حال نشّ الحال كلّـه
الله يعديك ظلم الّلـي جـرى لـي
...كل شهر للقمـر هلّـه وطلّـه
وانت لك عامٍ وبدرك ما بدا لي!!

(أفــــكاري)





..ركضت الحق الهارب ومتمرّد افكـاري
ابا اروّض الفكره على حالـي الجـاري
..ابا اقضب عنان الطامح الجامح العاصي
ابا المس حنان الساهـم الحالـم السـاري
..ابا اجمع شتاتي عقب رحلات غرباتـي
واناغم هواجيسي علـى باكـي اوتـاري
..تعبت –وجرحني يا اهل المعرفة- دربي
وطالت مسافاتي وانـا اطـارد افكـاري
..وراها توارى من ورا حاضـر ايامـي
وراها تسافر مـن ورا قـدرة اسفـاري
..وراها تواري عجزي تشوفـه عيونـي
وراهـا تطيـر وكلـي قيـود واعـذارِ
..حبسني رماني بالثرى والسمـا حلمـي
اغازل سحاباتي وانا اكتب لهـا اشعـاري
..اروّح لها صوتي مـع رايـح النسمـه
واقول امطري ياغيمتـي جفـت انهـاري
..ويمسي علي الليل خالـي وانـا خالـي
لا باح لي سـرّه ولا بحـت باسـراري
..نجوم السما تقدح وليلـي بهـا ساكـن
عجيب السكون بليل فيـه الفلـك جـاري
..ويافكري الهـارب ويانـوري الغـارب
بدونك فراشاتـي تهـاوت علـى نـاري
..وانا لو عذرت الغير مااعـذر افكـاري
انا موطـن افكـاري ودار الفكـر داري

(أبي منه الخبر )




أبي منه الخبر و يقـول للّـه
لفى المرسول ما عيَّن محلَّـه
و قلبي تايهٍ مـن عـام الاوّل
ألا يا الله يسّـر مـن يدلّـه
خذاه اللّي على خدَّه علامـه
سوادة غيم في شمسٍ مطلّـه
سرقني ما دريت انّه سرقني
سلبني و أحسب إني فاطنٍ له
انا يوم أرسل عيونـه لقلبـي
عطيته مهجتي و المعطي الله
نصف زين الخلايق في عيونه
و باقي الزين في باقيه كلّـه