السلطان
05-03-2010, 08:37 PM
وين من راح وترك قلبي من غيابه عطيب=
مارحم حالي ولافكر ولاضني درا
ليه في صده تمادى وإعتبرني له غريب=
وإعتبر حبي قديم و ذكرياتن تذكرا
كيف شمس الحب بعد إشراقها ترجع تغيب=
مادرى صده مثل طعنات سيف وخنجرا
كنت احسب إنه حبيبي مايبي غيري حبيب=
وتالي الأيام والله ماعرفنا وش جرا
سنة اهل الحب صابت مدري صدفه او نصيب=
الوكاد إني عرفت الحض عله وأقشرا
هذا حظي ومتعود لاتبسملي يخيب=
دايمن من دون مابغى واقف حجاب وذرا
حال من دوني ودون اللي تمنيته قريب=
مثل ماقبلي وقف من دون قصه عنترا
حالتي يرثى لها والوضع من صده صعيب=
إتفيض عيني كل ماطيفه على بالي طرا
ودي اصرخ مثل صرخة سالم بموتة كليب =
وعزة النفس اللعينه ماتبيها تظهرا
صحت بأعلى الصوت طاح الذيب في وسط القليب=
وإتركوني مادرو كلن على همه سرا
ومن فهمني ثم نشدني اتلعثم ماجيب=
إتخنقني عبرتي واكنها لاتنظرا
مت بجروحي ولاظني ابلقالي طبيب=
علتن بقصى الحشا منها ترى حالي برا
كم تمنيت الليالي مثل ماتاخذ تجيب=
وكم تمنيت الوصل من بيننا لو ينشرا
طالت المده ومسفر في رجى يلقا نديب=
يخبره باللي جرى واللي من صدوده جرا
اما يعود حبنا من دون لا كذب وكذيب=
والا إعتبرته ماضي بزينه وشينه يقهرا
كلمات / السلطان
مارحم حالي ولافكر ولاضني درا
ليه في صده تمادى وإعتبرني له غريب=
وإعتبر حبي قديم و ذكرياتن تذكرا
كيف شمس الحب بعد إشراقها ترجع تغيب=
مادرى صده مثل طعنات سيف وخنجرا
كنت احسب إنه حبيبي مايبي غيري حبيب=
وتالي الأيام والله ماعرفنا وش جرا
سنة اهل الحب صابت مدري صدفه او نصيب=
الوكاد إني عرفت الحض عله وأقشرا
هذا حظي ومتعود لاتبسملي يخيب=
دايمن من دون مابغى واقف حجاب وذرا
حال من دوني ودون اللي تمنيته قريب=
مثل ماقبلي وقف من دون قصه عنترا
حالتي يرثى لها والوضع من صده صعيب=
إتفيض عيني كل ماطيفه على بالي طرا
ودي اصرخ مثل صرخة سالم بموتة كليب =
وعزة النفس اللعينه ماتبيها تظهرا
صحت بأعلى الصوت طاح الذيب في وسط القليب=
وإتركوني مادرو كلن على همه سرا
ومن فهمني ثم نشدني اتلعثم ماجيب=
إتخنقني عبرتي واكنها لاتنظرا
مت بجروحي ولاظني ابلقالي طبيب=
علتن بقصى الحشا منها ترى حالي برا
كم تمنيت الليالي مثل ماتاخذ تجيب=
وكم تمنيت الوصل من بيننا لو ينشرا
طالت المده ومسفر في رجى يلقا نديب=
يخبره باللي جرى واللي من صدوده جرا
اما يعود حبنا من دون لا كذب وكذيب=
والا إعتبرته ماضي بزينه وشينه يقهرا
كلمات / السلطان