ضامية الشوق
01-10-2021, 11:11 PM
البارت 17❤❤.
انتظرت منّه ردة فعل ولا ردّ ، وكانت ملامحه ساكنـه !
مرّت من جنبه بتطلع ومسك ذراعها بقوّه ورجعها قدامه
وناظر فيها من فوق لتحت ، كـانت جميلة بعينه
ولاعمره توّقع انها جميله لهالحـدّ ، لكن جمالها ماهز فيه شعـره
اللي هزّ كيـانه انها لابسه هداياه لورد ، هو متأكـد ومانـسى
تفاصيل الفستان ولا تفاصيل العقد والخاتم
والكـرت اللي الى الآن ما انقرأ مكتوبه ..
قال بصوت خافت أرعب نوف وأربك نبضاتها : من الآخر
كيف وصل لك الفستان و الطقم !
طـال الصمت ، وابتسمت نوف بين دموعها : مو مهم كيف وصلني
المهم انه دلّ دربه ووصلني ، دلّ اللي تزهيه ويناسبها
دل اللي تجمله مايجمّلـها !
حد على أسنانه وقال بقهر وصوت مكتوم : جاوبي على سؤالي !
نوف بدت تستوعب الموقف اللي حطت نفسها فيه وردت
بصوت مهزوز : شفيك ، مجنون انت تسألني عن لبسي
شاف أمه تتحرك وحسّ انها بتصحى وتشوفهم ، برمشة عين سحب نوف وطلع برا الغرفه وثبتها قدامه وشد قبضته على يدها
وقال بحده : وش علاقتك بصاحبة الفستان؟
نوف : عادي ممكن نكون صاحبات ونتبادل الملابس ، ويمكن نكون كلنا لقيطات مالنا أصـل ونحن على بعضنـا ونتبادل صدقات الناس لنـا !
سـَند مايعرف طبعها ولا تصادم مع خباثتها بماضي الأيام
ولا اخذ اي فكرة عنها ولا سمع عنها بالشينه ، لكن بثواني بعد كلامها بثواني عرف ان كل الصفات الشينه فيها ، عرف انها تقصد ورد .
الحلـيم اللي يمسك نفسه عند الغضب كان سـند ، شد قبضة يده ورجع للخلف ..
نوف كمّلت وهي تتظاهر بالقوه : بس ولا يهمك برجعها لها
سند : اعرف وش نيتك يوم اخذتيها لذلك لاترجعينها !
ورد ماتلبس شيء لبسه غيرها ، حتى وإن كان مفصل لها
ومايحلى الا عليها ، وورد بعد ماتردى نفسها على شيء مو لها
وتعرف تفرّق بين العطيّه والهديّه والصدقات ، اشبعي فيه
سرحت فيه وكلامه يتردد بعقلها ويجرح بقلبها مثل طعنة السيف
والأرض من تحتها براكين ودموعها صارت مثل المطر
رجفت شفايفها وفقدت إتزانها بعد ماحسسها انها ولاشيء
جرح قلبها وانوثتها ، جرح حبّها له وسنين إنتظارها
ارتخى بعد ماشاف دموعها ، حس بضيق ونزل عيونه
ومسح على وجهه وهمست نوف بإنكسار : بس انت تدري
تدري اني احبك من قبل لا تلقاها بالشارع ، انا حبيتك قبلها
قبل تنولد وقبل تلقاها انت وقبل تربيها.
سكتت وهي تمسح دموعها بيدين راجفه ، سند تضايق من كلامها
وقال بهدوء : نوف ، وش علاقتك بورد ؟
نوف ناظرت فيه بجمود ، حست قلبها بيوقف من القهر
ماهزته دموعها ، ماهزّه كلامها ؟ الى الحين يسأل عنها ؟
استجمعت نفسها وتغيّرت نظراتها وقالت بوعيد : خدامـتي !
واذا مو مصدق تعال لي بكره العصر
انتظرت منّه ردة فعل ولا ردّ ، وكانت ملامحه ساكنـه !
مرّت من جنبه بتطلع ومسك ذراعها بقوّه ورجعها قدامه
وناظر فيها من فوق لتحت ، كـانت جميلة بعينه
ولاعمره توّقع انها جميله لهالحـدّ ، لكن جمالها ماهز فيه شعـره
اللي هزّ كيـانه انها لابسه هداياه لورد ، هو متأكـد ومانـسى
تفاصيل الفستان ولا تفاصيل العقد والخاتم
والكـرت اللي الى الآن ما انقرأ مكتوبه ..
قال بصوت خافت أرعب نوف وأربك نبضاتها : من الآخر
كيف وصل لك الفستان و الطقم !
طـال الصمت ، وابتسمت نوف بين دموعها : مو مهم كيف وصلني
المهم انه دلّ دربه ووصلني ، دلّ اللي تزهيه ويناسبها
دل اللي تجمله مايجمّلـها !
حد على أسنانه وقال بقهر وصوت مكتوم : جاوبي على سؤالي !
نوف بدت تستوعب الموقف اللي حطت نفسها فيه وردت
بصوت مهزوز : شفيك ، مجنون انت تسألني عن لبسي
شاف أمه تتحرك وحسّ انها بتصحى وتشوفهم ، برمشة عين سحب نوف وطلع برا الغرفه وثبتها قدامه وشد قبضته على يدها
وقال بحده : وش علاقتك بصاحبة الفستان؟
نوف : عادي ممكن نكون صاحبات ونتبادل الملابس ، ويمكن نكون كلنا لقيطات مالنا أصـل ونحن على بعضنـا ونتبادل صدقات الناس لنـا !
سـَند مايعرف طبعها ولا تصادم مع خباثتها بماضي الأيام
ولا اخذ اي فكرة عنها ولا سمع عنها بالشينه ، لكن بثواني بعد كلامها بثواني عرف ان كل الصفات الشينه فيها ، عرف انها تقصد ورد .
الحلـيم اللي يمسك نفسه عند الغضب كان سـند ، شد قبضة يده ورجع للخلف ..
نوف كمّلت وهي تتظاهر بالقوه : بس ولا يهمك برجعها لها
سند : اعرف وش نيتك يوم اخذتيها لذلك لاترجعينها !
ورد ماتلبس شيء لبسه غيرها ، حتى وإن كان مفصل لها
ومايحلى الا عليها ، وورد بعد ماتردى نفسها على شيء مو لها
وتعرف تفرّق بين العطيّه والهديّه والصدقات ، اشبعي فيه
سرحت فيه وكلامه يتردد بعقلها ويجرح بقلبها مثل طعنة السيف
والأرض من تحتها براكين ودموعها صارت مثل المطر
رجفت شفايفها وفقدت إتزانها بعد ماحسسها انها ولاشيء
جرح قلبها وانوثتها ، جرح حبّها له وسنين إنتظارها
ارتخى بعد ماشاف دموعها ، حس بضيق ونزل عيونه
ومسح على وجهه وهمست نوف بإنكسار : بس انت تدري
تدري اني احبك من قبل لا تلقاها بالشارع ، انا حبيتك قبلها
قبل تنولد وقبل تلقاها انت وقبل تربيها.
سكتت وهي تمسح دموعها بيدين راجفه ، سند تضايق من كلامها
وقال بهدوء : نوف ، وش علاقتك بورد ؟
نوف ناظرت فيه بجمود ، حست قلبها بيوقف من القهر
ماهزته دموعها ، ماهزّه كلامها ؟ الى الحين يسأل عنها ؟
استجمعت نفسها وتغيّرت نظراتها وقالت بوعيد : خدامـتي !
واذا مو مصدق تعال لي بكره العصر