جنــــون
12-29-2020, 08:47 PM
دورة الأيام تمحيص لأخلاق الرجال
كم تطمّن من رخومٍ وكم ترفع خوي
الثمين من المعادن على مرّ الليال
مايصدي والحديد القوي ما ينطوي
احمد الله فالتجاريب عندي راس مال
والضروف اذا تجاوزتها تصبح قوي
مايشيل الحمله الا القوي من الجمال
والضعيف يموت ما يارد العد الروي
وبالرجال فروق فرق الجنيه من الريال
وبالمثل يقلون ما كل طيرٍ ينشوي
ندري أن الذيب ياقف على روس القلال
وأن نوى له نيةٍ بات يسمع له عوي
والثعل يحفر ويدفن في اطراف التلال
من طبوعه مايسير الطريق المستوي
كم تطمّن من رخومٍ وكم ترفع خوي
الثمين من المعادن على مرّ الليال
مايصدي والحديد القوي ما ينطوي
احمد الله فالتجاريب عندي راس مال
والضروف اذا تجاوزتها تصبح قوي
مايشيل الحمله الا القوي من الجمال
والضعيف يموت ما يارد العد الروي
وبالرجال فروق فرق الجنيه من الريال
وبالمثل يقلون ما كل طيرٍ ينشوي
ندري أن الذيب ياقف على روس القلال
وأن نوى له نيةٍ بات يسمع له عوي
والثعل يحفر ويدفن في اطراف التلال
من طبوعه مايسير الطريق المستوي