قصيده اعجبتني وحبيت تشوفوها ::

كان قصد عذابي لا توصي حريص = الزمن مايقصر وأنت فيك إبركه
لاتعاند تراني صرت مثل القريص = ماحد(ن) راح صوبه والعذاب انهكه
لمعة الشوق فيني مثل لمع الفصيص = والقدم سقتها لك والطريق سلكه
قانص لك وطحت برمش عينك قنيص = يوم شفته غدا بالقلب صوت أدبكه
جيت بافر منك واثر مالي محيص = اثر سهمك تعدا للحشا وادهكه
أشهد إنك بقدرك وابغلاتك بخيص = من كثر زود حبك طحت وسط شبكه
خل قلبي بحبك ياغناتي يهيص = بين روحي وروحك وقف معركه
ماهو بشرط من دش البحر صار غيص = كم وكم واحد شاف البحر واربكه
اشتوت كبدي وصارت ببعدك حميص = وقرقعة قلبي بصدري تقول إتنكه
الأمل إنطفا نوره وباقي بصيص = والعمر فات دوره والزمان ادركه
صح قلت إبتعد لاشك منت إبرخيص = ماتناساك عقلي دام فيه إحركه
مايأثر عذول جا عيونه نفيص= راح مني كفه بالقهر يفركه
ياحبيب جعلني من غلاته خبيص = له عيوني وطن والروح له ممكله
ماعلى غير شوفك ياحياتي نقيص = هاك خيط المحبه وبيديك إمسكه
بينهم وتفكير وحظ عويص =كل ماقال خله قلت كيف إتركه
كيف أخلي حبيب في المحبه خليص = فارض أحترامه والحنان إملكه
لو جعل لي رسالة وسط مخبا القميص =ادري إن التجافي والزعل فبركه
ويوم قلت إبتعد والله منت إبرخيص = كيف يرخص مقام اللي هواه إحبكه

كيف أخلي حبيب في المحبه خليص = فارض أحترامه والحنان إملكه

بيض الله وجهكـ

اتحفتينا اليوم بالقصائد الرائع

ذوقكـ رفيع

ربي يسعدكـ

مروري
فقط تقديرا واحترام لشخصك الكريم

كنت هنا وسأكون دومآ


اختك

نظرة الحب

عود الليل & نظره الحب ........تسلمو على المرور الكريم ..........وربي يحفظكم

تووووووحفة ويسلمو على هيك طرح ولا أروع.. ريحونة..

تسلمي ريحانه غلا على مرورك الكريم اخيتي ......................ودمتي بود