حسب النظام وماصدر من قرارات
في مصلحتنا ليتنا نحترمها

ماعاد منها لامفر وخيارات
يابخت من باب الهدايه زبنها

تمر باذن الله ... وسلامات
عاللي حياته في رضاء الله رهنها

هذي علامه قبلها كم علامات
راحت وهذي واحده من ضمنها

ولا نطالع للدشر والخواجات
اللي فقط تلهث ورا مصلحتها

ونطبق السنه وخمس الصلوات
فرصه وجت ياليتنا نغتنمها

ياماشين خلف اللهو والملاذات
هذي كورونا صد فالبيت عنها

ماعد تفيدك لاعماير ومولات
واعمالك الشينه بتدفع ثمنها

لكن عُد وارجع لرب السموات
اللي بامره كل حاجه وزنها

البدع
ابن عمي ارسلها لي على الواتس اب

الله يكفي جميع المسلمين وجميع العالم شر هذا الوباء ويرفعه عنا


سلام يامن سكن بالعقربيه وسيهات
لبو سليمان راع القاف بكفه نسجها

عبرالرسائل تواصل بالرساله بهمات
يعزف لحون الشعر والا بجديه سبكها

وصي بهاالناس بالتقوى لرب السماوات
أن يرفع الضر والشر يقتصر في لحدها

الله وحده احد قادر على رفع الآفات
عن البشريرفع الله مانزل من عللها

ياالله وقفنا على بابك ونلهث بدعوات
عداد من طاف بالكعبه وقبل حجرها

وإعداد مايرم بالجمرات سبع الحصوات
ماخاب طلاب وجه الله يحقق طلبها

دام الربيعة وزير الصحه رجل المهمات
بعد الله أن البلد محمي وحاميه منها

دعواتنا للمصابين بالشفاء بالسلامات
طهور لاباس فيه الأجر فاعلى كتبها

وختامها بالتحيه والسلام والتحيات
وعداد ماهل همال المطر من سحبها


الرد
السكب 12

ماشاء الله فن اخوي حبيت


.
,

اعجابي وتقييمي و5 ستارز وختم وتنبيهات

م شاء الله ابداع تبارك الرحمن

جميييييل


يعطيك العاااافيه

صح لسانك
قصيده روعه من شاعر متمرس

الله صح منطوقك
بدع ورد ومافيكم حيله
القصيدتين دخلت مزاجي

مبدعين وكلمة مبدعين قليلة في حقكم
كيغت مع البدع والرد

ياااخي جبه معنااا وسلم لي عليه

صح السانك والسان ابن عمك
الله يبعد عن الجميع شبح الكورونا
والناس اذا اتبعت القرارت وتحملت المسؤلية
ان شاء الله ينزاح هذا البلاء
قلم قمة في الابداع
دمت بخير

مشكورين جميعا على ردودكم ومشاركاتكم الغاليه تقديري واحترامي لكم جميع

اعتبر رد احدكم عن عشرين رد جزاكم الله خير الجزاء
السكب 12