مشاهدة النسخة كاملة : ذكرى سالفتها


سلطان الشوق
02-06-2010, 03:53 PM
آه ياذيك الخجول اللي عن عيوني بعيده=مابقى لي من هواها غير ذكرى سالفتها
صارت إلغيري عروسن جعلها الليله سعيده=عقب ماكانت عيوني تسعد بلحظة لقتها
كنت طفلن ماتعدى عمره إحدعشر وعيده=عيد ميلاد الصغير اللي حياته فأولتها
كنت ماأعرف في حياتي غير كراس ونشيده=كنت ماأعرف غير منزلها القريب ومدرستها
ياكثر ماجيتها جايب لها ورد وقصيده=تضحك إليا قمت أتمتمها وأنا من تمتمتها
ياكثر مابانت الغيره على نظرة فريده=وياكثر ماغار خالد من يديني لا خذتها
أصدقاء نلعب ولا نعرف قناه ولا جريده=ولا سمعنا عن جيوشن مشكلتها قنبلتها
مادرينا إنا نبي نكبر كذا وأصبح وليده=وهي ملاكن تسحر عيون البشر لا شاهدتها
غابت وراحت مواعيد اللقاء وأصبحت أعيده=في خيالي كل ماقمت أتذكر سلهمتها
علها تذكر زمانن فات ماكانت وحيده=مثل ماكنت أذكر أيامن مضت من سالفتها


بقلمي

صمت الجروح
02-06-2010, 04:03 PM
صح الساااانك اخوووي

ابيات في غاااايه الروووووعه


تقبل مرووووووووووووووووري

سعوديه وافتخر
02-06-2010, 04:20 PM
صح لسانك

تسلم ابيات في قمه الرووعه

دمت متمييز
ودي واكليل وردي

سعودي وافتخر
02-06-2010, 05:41 PM
صح لسانك اخوي

وبيض الله وجهك ع الابيات الرائعه

لاتحرمنا جديدك

نظرة الحب
02-06-2010, 06:36 PM
يسلموووو اخوي عالطرح