مشاهدة النسخة كاملة : سعد علوش
الاسم عند الولادةسعد بن جابر بن محمد بن علوش المسارير الهاجري الميلاد15-8-1979
الجنسيةالكويت
اللقب المرعبوافلاطون الشعر
من روائعه :
في الحكمة:
من الذكاء انك تسوّي نفسك أحياناً غبي / بس الغباء إنك تذيكالك على ناس أذكيا
في الوصف:
إيـه .. والدنيا مساكن ورحلة واغتراب / والغلا بالوقت هذا مميز بالعيوب
في الغزل:
لا ارى لا اسمع لا اتكلم
اغليه .. يعني اعشقه .. اعشقه .. يعني اموت فيه /// يعني انا ميت مع عشقه ومرتبة الشرف ///
عش
التوبة
من كل حرف وكل شهوة صبابـه
أستغفر الله واتعوذ من أبليـس
أعوذ باللي آوى عبد وسرابـه
لاجي نهار الحشر خلف امرئ القيـس
يارب يارب الكرم والمهابـه
ياللي لك أعلام الأوادم مناكيـس
جردني من النابيه والسبابـه
ولبسني من دروع هديك متاريـس
تعبت من مسك القلم والكتابـه
والشعر وفتن النسا والأباليـس
والمدح في عزوه وشيخ وقرابـه
واللآء لدعـوات الرضيين والليـس
والحب وماحوله وماله ومابـه
والدمع لاهبت على النسانيـس
والشوق وغفال العقل وانغلابـه
والليل وخطط الدها والجواسيـس
والشهرة وحكي العرب واللبابـه
وزملوق شف ماتعسه عواسيـس
وحصر اسمي فـ شاعر فـ ساحه غرابـه
شعارها فيهم رخوم وملاحيـس
وانا لعطَاش الأوادم سحابـه
ومن خلقتي ماقد وطيت الدنافيـس
اتكي على إرث الاسم بالنيابـه
واقطف خلاصة ماغرسوه الغواريـس
احسبني فايز بالرضا والذرابـه
واثري مثل من يحصر النور في كيـس
اقفي من الله والامل والرضا بـه
واروح ادور من ورا إبليس أحاسيـس
أسهر على فن الكلم والخطابـه
واصبح ولين اللي جمعته حماليـس
قلبي لعزاف الاوادم ربابـه
وراسي لخطوات الشطانه دواعيـس
تقودني نفسي ولاأشعــــر ولا آبـه
مالت عليها عاصيات الهواجيـس
من عنده إن كل الشعور يتشابـه
روّس مع اللي في الدحادر مراويـس
الاثم ماحاكه في خفوق وخفابـه
والخير ماشاعته روس النواميـس
كم شي صار وصار محد(ن) درابـه
وكم غفوة ماكدرتها كوابيـس
ترى مااحد له في رقبتي طلابـه
بس الصراحه من شم الفواعيـس
والرجل اذا مايعتبر في شبابـه
يعيب قبل يشيب ويشيب ويخيـس
ياراجي ارج اللي ماينصك بابـه
لاترجي الوهبات من هيس ابن هيـس
استغفر الله واتتقى عـذابـه
اللي فرقني عن حياة المتاعيـس
من قبل لااعرف الهدى واعنابـه
انا همي والحزن فيس تو فيـس
والحين لله الفضل والانابـه
متعافي ويمشي على زندي التيـس
شريت عقلي في سؤال وإجابـه
أنا أعبد الله والا اعبد الوساويـس؟
لذه خفوقي وانجلايه ضبابـه
سجدات ليل ظالمينه مناعيـس
فـ اجواء مكه والحرم والرحابـه
لا يابعد روما ولندن وباريـس
هذي ديار المصطفى والصحابـه
وهذيتك دار إبليس وعويل إبليـس
يجيب السفر
يجيب السفر طآريك يآحي ذا الطاري
وأنا بين تغميض العيون ومدامعها
غريب السفر والأغرب إحساسه الناري
ياكم ناس فرقها وياكم ناس جمعها
فـ على الرغم من كمية الكبت الإجباري
يبين شعور النآس لما توآدعها
وانا لا بكيت البكي صدقي وإصراري
أحس إني انظف خلق ربي وأروعهآ
ترى الشآعر ليا حب ينجن ويمآري
مثل من معه ثروه ويبغى يوزعها
أحبك وإذا ماكنت داري انا داري
أنا كل يوم اقولها لو ماتسمعها
حبيبي .. حبيبي للوفآء بايع وشاري
تخون النفوس مالقت شي يمنعهآ
هداياي .. كتبي .. بآقي أغراضي .. أشعاري
إذا انّا افترقنا طآلبك لاتقطعها
تبرع بها لو ما أنت راغب ولاضاري
لعل وعسى تلقى لها ناس تنفعها
تعـــآل خذني ••
ياوي النعاس لعين من يرغب بإيواء النعاس*
وأنا مجلوي كل نعسة عين مع إني..سدر
العقل نعمه لكن أحياناًً يسبب انتكاس
يشوقك إن العقول الحين..ماقل وندر
أنا أفكر كيف ازيل المنحدر من الاساس
والأغبيا لاهين في لذة صعود المنحدر
تعبت لأني من هل الطولات صعيبين المراس
للي يحبون الوفا ولا يحبون الغدر
تعال..يابن آخي الغلا..ياهوه..ياعالم..ياناس
يافكر”ابن جدلان”ياتركيبتين من “البدر”
يامعضلة تمشي على رجلين يا العشر الحواس
ياشاطب من ذاكرة تاريخ يالوجه الودر
يا مطلع أهداف أجمل الغيد إلى “رمية تماس
يامهدف بقلبي ثمان أهداف من حب وقدر
تعال اخذني من يدين الهم ووجيه العماس
شوف العرب ضيقة صدر ومشاهدك وسعة صدر*
قصيدة جواب مقنع
الله خلق عبده عشان العبادة **** ماهو عشان مفاخر العرق بالعرق
صح ان فالدنيا عبيد وسادة *** لكن عند الله مابينهم فرق
خلك بسيط الكبر ماهو بعادة *** لا تسرقك دنياك عن خلقتك سرق
خلك صبور وخل عندك ارادة *** ولا صرت راعي ضو فأصبر على الحرق
لولا الصبر والمعرفة و الركادة *** ما تجرح العشاق ترنيمت الورق
واذ بتسيد فالمراجل سيادة *** خل المراجل باب وسيادتك طرق
خلك ذكي واخذ الأمور بهوادة *** ولا صدت وثب لاتجي صيدتك زرق
واليا عشقت اعشق من الحور غادة *** حورية(ن)في بحرها يحي الغرق
ان زعلت زانت بعينك زيادة *** وان ضحكت كنها تنافس مع البرق
واذا أدور فالحياة السعادة *** اسجد لربك سيد الغرب والشرق
قصيدة وريدي
ياللي غرامك جاري في وريدي لا وش غرامك جاري في وريدي
استغفر الله لو بقول ان غرامك ماباقي الا يطبع اسمك على ايدي
لانك بصدري وانت منته بصدري نطلع مع انفاسي وترجع ياسيدي
اليا طلعت احس كني اشوفك وانقص انفاسي ذكا يا ضديدي
اخاف لا تطلع ولا عاد ترجع واشفق على شوفتك واقول زيدي
فهل علمت عن جنوني يآنف اني لمجنون النشاز المجيدي
لبيك يا سلكا حملت الفضائل او عز لصاحبك بتحرير قيدي
يعني بحكينا لبا والله عروقك متى تعيد في عيوني يا عيدي
ثقفني بوصلك مثل ما اتثقف شعار جيلي من ثقافة قصيدي
لو ضلع عيني حس موطى وصالك ما طاح لا حيده ولا طاح حيدي
تخيل اني من كثر ما اتخيل اتخيلك تدعي واحسب انك ميدي
يا خي ترى جننتني بالمفارق جننتني وانا بعقلي يا جيدي
لكن مع الله كل بلوى بخيره انا ذكاي من التجارب رصيدي
اذكرني اليا من سمعت بغرابه اليا سرى فعروق مخك جديدي
وانا بعد لامن ذكرتك يا غالي بسجد لوجه الله وبقبل ايدي
سعد علوش يا أمير
- YouTube (https://www.youtube.com/watch?v=fgDhHfEL2f4)
تضيق بي الدنيا بكبرها من عابيـس الوجيـه و هاذاك لامنه تبتسـم شفـت للدنيـا طـرف
مني و اليي احببته و هو حبنـي منـه و أليـه من غير لا أنا أعترف
ومن غير لا هو يعترف لبه آتحاكـا و كلبـوي يعـرف غايـة كلبيـه اليا فرح و افرح و دمعـه لاذرف
دمعـي ذرف اغليه يعني اعشقه اعشقه يعنـي امـوت فيـه يعني أنا ميت معا عشقـه و مرتبـة الشـرف
ميت و يعشق و السبب ما فيه داعي ان آحكيه الغيـد فالدنيـا هـواه وهـو لحالـه محتـرف
الشامخ اللي لا أقبل و حضن يديني فـي يديـه تراعدت فرايصـه بالغنـج و أتساقـط تـرف
امشي معه من غير لا اين و لا كيـف و ليـه من حيث ما يجرفني آغمض عيوني و أنجـرف
ان قال لا أقول لا ان قـال أيـه اوقـول أيـه ما عرف مسمع ما أرى ما أرى مسمع ما عرف
اللي اعرفة انـي أبيـه أيتجمـل بـي و أبيـه وكان العدل في صدته سجلني اكبـر منحـرف
يغفرلـي الله و الله يديمـه و يرحـم و لديـه علمني ان البعد نكسه حـال و الصـده قـرف
يا مجميع المسافات العذاب يا حلال العين يا حرم اليدين
يا نقيض السعد عقب الاكتئاب يا نقيض الحزن عقب الضحكتين
يا سؤال من قبل يسئل يجاب يعكس سلوم الردود بجيم سين
يا أدب يا خلق يا قتنة شباب يا معونة راعي العون المعين
ذكريني بالملاقا والغياب أنما الذكرى تفيد المؤمنين
وأقبلي واقفي وقولي للهضاب أنك أطهر خد لا أطهر جبين
وعلمي شهاية حروف الكتاب أنها بين المغفل والفطين
فارع تعشق حروف الاغتراب لا فكر لا خلق لا دنيا لا دين
تقفل الفطره وتفتح الف باب للمضل وللخفيف وللرزين
تلقح النزوه وتحمل بالسراب والغباء وقلة الذوق الجنين
علميها وين يهوي الانتساب للحسان أو للحسن أو للحسين
وعلميها تذل لله وتهاب قاطع الشكات بايآت اليقين
وعلميها أني على حد السحاب ويوم قلتيلي سألتك هي وين
قلتي أنتي بسخرية فوق التراب قلت أنا وأنا أتبسم جملتين
قطعة الحلوى تحبذ للذباب ما تحبذ عند ضرغام العرين
قال أبقفي قلت شف ذاك الطريق امش في منحاه والا مفرقه
و الطريق اللي بلا خل ورفيق ما يوسع خاطر اللي يطرقه
منته ملاقي مثل صدقي صديق في مغيب الكون و الا مشرقه
رح جعل من لاق فعيونك يليق و سوبه مثلي وحبه و اسرقه
و خل من حبك بتوديعك غريق و لا نجا حرة فراقك تغرقه
خله اليا من ذكر وجهك يضيق و لانساه يون و يصب عرقه
سمه الناسي و سمه بالعتيق و شب قلبه بالرسايل و أحرقه
خل عينه لا قرت خطك تريق عذبه و أذبح طموحه بورقه
وخله الواقف على ذاك الطريق ميت من البرد و يصب عرقه
أن كنـت أنا أخطي شي طبيعي لان أنا ماني نبـي
محدن عصمه الله من الاخطــاء .. كون الانبيا
فعلا أنا أخطي بس ضوّي ماتشب الاّ أحطبي
أطمح ولولا الليل .. محدن شاف فايدة الضيـا
أمشي ولو أموت وأنا أمشي .. ولاكن مـاحبي
ولا أعشق الصوره . ولا الكربون . ولا أعشق غيا
كل ماتعثّر ؟ قلت في نفسي وأنا أمس شنبي
يـاكم على الدنيا فقير .. ويحسدونه أثـريـا
أبغا أتوحّد وأنت أخذ مزهبك وأترك مزهبي
كنّا أخويا ومن بعد مازلّليت ؟ ماحن بخويـا
أبعصم رجيـلي عن دروب السخافه ياصبي
لانّي حياوي والدروب السود .. مافيها .. حيا
تعال وادعني وداع الارض للحر الابي
أنا بعللّي .. وأن دعيتك ؟ فالعفو ... للأنقيا
ماني منادي بسمك . اللّي .. ماتسموااه أجنبي
فن قلتلك .. يا ؟ .. أعرف أنّي حاشمك لاقلت ..يا
يـا؟؟.. والله وبالله وبعد الله وبي وبسببي
صارت شياطين الحروف المستهيمه ..؟ . أتقيـا
فن شفتني متعب هجوسي في رسم راس الضبي؟
ماهو علاشان أكسب أعجابات .. ريمان .. وهيـا
لالا . أنا مخلوق مبدع . مايحب ومايبي
ألاّ يقول ؟ أن الاذكيـا؟ سبّة . رسوب الاغبيـا
من الذكاء؟ أنّك تسويّ نفسك أحيانن غبي
بس الغباء؟ أنّك تذيكالك .. على ناس أذكـيا
بري حالي لآنتهى العصر وأعلن الانسحاب
وخلت الشمس الصدارة ومالت للغروب
وأذن المغرب وساد الفضا مثل الضباب
وآنتهى والليل لبس الأماكن لبس ثوب
وأردت همومي على قلبي الصلب الخراب
وأردت هيام الضوامي على عبد جذوب
كلها هانت ولا هنت يا هم الغياب
من محبة صاحبك صرت ياهم محبوب
آخذ ليلك بأوله وآكل وآشرب في رحاب
قلب من شدة طهارته تجفاة الذنوب
إيه والدنيا مساكن ورحلة وآغتراب
والغلا بالوقت هذا مميز بالعيوب
وآشمل بجسمي وآعدي على روس الهضاب
وكل ما ضيعت وجهي دريت إنه جنوب
ويش آسوي فيك يا عم تلعات الرقاب
وآنت واقع والتمعان في عيونك هروب
آنت مجرم حب لا ويش جاب لويش جاب
آنت عذب عذّب رجيلي بشوك الدروب
صرت آهاب من التزاحم وآنا ما كنت آهاب
وآمشي بكيفك لو إني على المشي مغصوب
صرت آجمع من جروحك وكلماتك عتاب
وقبل آقول وشفيك تجرحني أستغفر وأتوب
صرت آحسب الناس ما كنت آحسب لها حساب
وصرت آكذب لأجل ترضى وأنا ماني كذوب
شوف مهما صار بي إنحنائي إنتصاب
العب بعمري وبعثرة بيدك باللعوب
آدري إن الجاذبية تسبب الإنسكآآب
وآدري إني منسكب وأدري إن يديك كوب
سلت فأرضك وآرتوت بي وفاضت بي عذاب
لين حبتني قلوب وتعادتلي قلوب
فأعرف إن زولي غدير وحكاياهم سراب
والمقادير الأيادي وشين الحظ طوب
يعني ليامن رموني حقيرين الجناب
صار زولي عشرة آزوال وعيوني قروب
آتعذب لأجل آداريك عن طيش الشباب
وآتوحد لين يطغى على وجهي شحوب
ماني آستاهل كذا منك ياوبل السحاب
لا تبللني وآنا ودي إنك ما شروب
بيتني وآدخل بقلبي ياقلبي باب باب
وآخطر عروقي برجليك يـ آسمر دوب دوب
جل من ولع عروقي بقنينة تراب
نوب تضحك من عذابي وتبكي منه نوب
لو .. لي دعوة وحيدة وهي بتستجاب
قلت ياربي ليا مر خالفه الهبوب
زوي قلبي كلما آزويت خصرك بإنسياب
وقف العالم يرد البحر من كل صوب
يا خلاصة شهد وعذوق ما لذ وطاب
يا مغلبي وأنا ما بعد صرت مغلوب
يا مسفرني لوجهك ذهاب بلا إياب
يا معزز بالغلا يا مقدر يا محسوب
بيتني وآذهب بي بعيد يامال الذهاب
ضمني بيديك بجمد على صدرك وآروب
أنت لو ضميت تمثال من ضمتك ذاب
كيف لو ضميت صدر على ذكرك يذوب..؟؟
********
سعد علوش _ قصيدة الارقام
- YouTube (https://www.youtube.com/watch?v=6Y596TM3wog)
القلوب البيض
متعب الحنجين لامنه ضوى زرفل برجلي على شين الدروب
ولا خذ إلا أنا من الهم إعوا تضرب أنفاسي بسمعي هوب هوب
هوب كانت قبل لا أعاني هوا بس صارت بعد ما أعاني هبوب
كل عرق بخافقي المرهق ذوا كن خفاقي على جسمي مغصوب
دامني الصادق وأنا مالي لوا ابك يا صادق وعيّد يا كذوب
حتى في حكيي مع نفسي أغوا صار بيني وبين ما عندي أسلوب
إلا في الشعر أبقى شيخ المستوى أحترق لأجله وأنا أدري أني أذوب
ما هو شعر اللي إلى قلّ أرهوا أما شربوا خمر ولا أكلوا حبوب
عزّتي لي وأشهد أن حالي طوى طوي زلّ المصمكي قبل الغروب
ما هي بلحية ولع ولا جوا أعوذ بالله العرب شبوا شبوب
كل ما تعطي مجرّحهم دوا كنّك تعطيهم من ذنوبك ذنوب
القلوب البيض ملعونة ثوا لا تشل ولا تزل ولا تتوب
ويش أقول وويش أعيد ووا .. ووا أخذها من كف صاحب ومحسوب
بيّض الله وجيه سمحين النوا ولعن الله أبو سودان القلوب
يا مسهّر النايم ومحضض النوم الله يكافيك الليال وسهرها
علمتني كيف أنعس شوي وأقوم وأنسق كبار الجمل واختصرها
الله يا لك عندي علوم وعلوم ومن شانك تعبرني بتعتبرها
البارحة ضاقت على وجة الروم وما باقي إلا وجهتين أخبرها
ويممت لك وجهي وأنا أغتاض وآشوم من سكة تخفا على اللي سبرها
ما جيتك لك اضحك محزن ومهموم فكره طرتلي فيك قلت أفتكرها
حبت أمهد فيك سخطي على التوم اللي تعزز لي وأنا محتقرها
يا قوم يا عيبات الاقوام يا قوم اللي مع العيبات تنشر صورها
الناس ذي في كوم والعرف في كوم والله مصغرها على من قهرها
يقرب من الآخر ويا محمل اللوم تضيق بك الأنفس ويطغا بحرها
أن كانها بحقوق وعهود وسلوم صدقني أن حجتك ذي بتخسرها
اليا صغرت عينك فلاني بملزوم أرفع حواجبها وكبر صغرها
نجوم تطلع فوق وتحدر نجوم وأنتَ كذا لا فوقها ولا حدرها
خلك كذا وضعك حلو أنت ملموم لا تخسر إلهيه ولا تنتصرها
ما مجد التاريخ أشباه ورخوم الأبطال تفنا بس يبقى ذكرها
الله يمدد في وأعيش وأدوم وأبصم على وجه الليالي ونحرها
فن ما طلعت فحدث في مثل ذا اليوم ولا بلاش من الحياة بكبرها
لاتقيس الدّين بالعقل ياعقلي .. ونام فيه غيبيّات أأمن بها بلا . مقوت
لان أيمانك بها يعني أنّك في سلام من غضب ربّي وسخطه وتخريب البيوت
لاتفكّر في مسائل نتايجها .. أثام يكفي أن الوقت ملبسني من الأثم .. كوت
أأثمٍ بس آآعرف ويش تالية الغرام بين شيخان العقيده وشيخان البشوت
تالية حب الطرفين ؟ ضيعه وأنقسام تنعكس.. على من إيدوّر لـمضناه قوت
السكوت؟ أيزين لاصار من حولك كلام بس ماهو زين لاصار من حولك سكوت
ويش أقول؟ أقول يالله جعلهم للعدام؟ لا .. بقول .. أنا أتمنّى قبل عمري يفوت
ودّي أنّي ماتعدّاك يالبيت الحرام وودّي أن أعيش فيك العمر كلّه وأموت
الله أكبر لا أذّن المذّن وكبّر الامام وأصبحو زاكين الأنفاس من خلفه صنوت
وابتدأ إيرتّل ونظّم بترتيله زحام وأنتهى من ركعته وأبتدا .. يدعو .. قنوت
الله الله الله الله .. على شعور الوئام جعل صوت ابن سبيّل بعد مليون صوت
يجعل بيوت الشياطين في عقلي .. حطام كن صوته ينتشلني معه من بطن حوت
لاسمعته؟ يصغر الكون فعيوني .. وأنام وأمن أنّي مؤمن أبما يقول .. إبلا مقوت
سعد علوش يا ربي لك الوجد -
- YouTube (https://www.youtube.com/watch?v=5gg2sCSwWvM)
- سعد علوش / أحبك بزيادة
- YouTube (https://www.youtube.com/watch?v=gWYzmF_77Yc)
قصائد مختاره الشاعر سعد علوش - YouTube
- YouTube (https://www.youtube.com/watch?v=Y2bpx5l04KQ)
ابنك البار
ياقلبي اللي ثعا فيك ابنك البـار
ماخربك بس ماعادك بصالـح
يزل وتألف لزلاته اعـذار
وتقدره قدر عبدالله و فالـح
أنا أشهد إنك كبير فعالم صغـار
وانا أشهد إنك عن التقصير جالـح
وانأ أشهد انه غبي وضعيف و(تكرمون)
من قاس قدر المشايخ بالمشالـح
لو ما الوجيه لنوايا الناس معيـار
ماشفت وجه(ن) يشع و وجه كالـح
ياقلب هذا عصر جاحد و غـدار
مافيه حب الفديع و طيب شالـح
قنّن محبتك والبوّار بـوّار
لو كان تعطيه شهد ؟ يقـول مالـح
مادمت على شفا حفره من النـار
درء المفاسد ولا جلب المصالح
الخوف
ماتورد البل هكذا يابن أخي
الحب ماهو صدفة شعور وظروف
الحب فن الدرب والجري والضي
وتشوف قدامك ولا كنك تشوف
تستأرض من اللهفه وفي رجا الري
وتطوف أشياء قبل ماكانت تطوف
وعمك يحب وحب عمك ماهو بغي
وهذا البلى لاصرت عاقل ومعروف
مصايبك واجد ولو إنها شوي
وملقوفك يجي عن ثمانين ملقوف
وأنا يابوك أحب وشعوري سخي
شف قلبي مشقق متاهات وحسوف
مالك ومال الحب والجرح والكي
ملئانه الدنيا خيارات وشفوف
غامر بذوق وجرب الشمس والفي
وإن نفت طحت وطيحتك عقبها نوف
تعلم تعايش ظروفك كما هي
ولا تكلف دام منته بمكلوف
ولا ترخص دموعك ولا تجادل العي
ولا تسرق البسمات من وجه مألوف
الطيّب اللي يسخي بذي وبذي
يضحك ولو في صدره رماح وسيوف
والحي ماهو اللي لأجل حاجته حي
الحي من يطفي ضما كل مشغوف
والخوف ماهو بإنك تخاف من شي
الخوف هو الخوف من طاري الخوف
الذيبه
يالله يارب يارحمن
ياعالم سدّي وغيبه
بيديك تدويرة الازمان
ومطلاعه العمر ومغيبه
حتى اللي ماحل ولاحان
تعرف وشهو وتدريبه
ياذروة الجاه والسلطان
والعفو والملك والهيبه
ملوك الانس وملوك الجان
تشفق لمدك وتشفي به
سبحان سبحانك وسبحان
عظمك واسرار اساليبه
تذل امّه من الطغيان
وتقدّر المسلم الشيبه
عليك تبيحة الكتمان
لانها على غيرك معيبه
الارض جردا وانا بردان
والسبع حدد مخاليبه
ومابشع من فراسة الجوعان
وتسحبه من عراقيبه
إلا مرضاك للزعلان
وحضور يشابه الغيبه
البارحة كان ياماكان
ضيفان عز ومعازيبه
شتان لكننا سيان
بالفعل والذكر والطيبه
اقلنا شان لاجا شان
يصرف على قومه من جيبه
والان والان ليت الان
ماجآ ولاجآ بتعذيبه
تقول ماكن حنّا اخوان
كلن عناده مقفي به
بعض الاماني طوال عنان
تجمع الامل بالخيبه
ياليت مانيب ولد فلان
اللي ربوعه تماريبه
ياليتني حارث في بستان
ومسلم بلاشكه وريبه
إن عاش مايعمل إلا احسان
وان مات محدن بداريبه
يالله يامنزّل القرآن
وفاتحته السبع المهيبه
سجلني مع الندم ندمان
واصلح لعبدك عذاريبه
كتاب وان كان لي عنوان
شريف وايامي صعيبه
يمرني العارض الهتان
وترد العرب من مشاريبه
واصد منه وانا عطشان
شين الجموح وقطع صيبه
المرجلة في بعض الاحيان
تودي الرجل في مصيبه
ياجعلني طمعة الشفقان
لو تاكل عظمي الذيبه
لاني مجرب ولي برهان
في كل وادي اغني به
الحاجه اللي ورى الرديان
ابشع من الموت في عيبه
العالم
اليا بكى رجل يبكي حوله العالم
ليت الأماني بشر وأقضي حوايجها
آخر جروح السنه واولها ياسالم
هي هي ياسالم ومنتجها منتجها
الواقع الشرس بكى الشاعر الحالم
ونفخ على شمعته وأغتال واهجها
تصدق احيان احس اني انا الظالم
أحد نفسي على العسرات وأحرجها
أحسب نوض الغلا ترحيب ومسالم
شين الجماله ليا خابت نتايجها
تدري متى الجرح يبطي وقعة ويالم
لاجاك من ناس أنت الي تعالجها
ماينفع انك تكون سنافي ومسالم
ماينفع العالم الآ من يحاججها
على كبار المصايب قلبي معالم
الا الآخيره هذي عجزت ادرّجها
حبيبتي روحت يادمعي الوالم
وياليت من يقضي لنفسي حوايجها
وياليت مابه فوارق بين هالعالم
وأن اللي اتحبها فـ الآخر تزوجها
الطرقات
في الكبد ليعاتها وفي النفس حاجات
حاجات ماهي برغبات وشهوات
ندم على حزن على ماادري شسمه
اللي يكلمك وتكلمه بسكات
ياودي اصرخ من اللي داخلي حيل
وياودي ماتنبس من الليعه شفات
مزحوم تفكير ومشوّش وبردان
وياخوفي من الغضب والانفعالات
تعارك الشر مع الخير فيني
يأثر على اتخاذي للقرارت
ثاقب وألاحظ تفاصيل التفاصيل
كن البشر عري وعيوني مرايات
أفضال ربي علي واجد وأفضل
أفضال ربي علي الفقر وأنكارة الذات
يامجمل الفقر وأشياءه وروحه
تموت منه تعب وتعيشه ازمات
يعلمك ضعفك وبأن عقلك
هو اللي يميزك عن الحشرات
وتعرف بأن هذا لك وذا لغيرك
ولاتفكر ولاتكسّر حسابات
الفقر مفيد وأشياءه مفيده
مليء قوه قناعه وغايات
يمكن لو أن إنك غني تطغى وتنسى
وتطيش وتطوف الخمس الصلوات
لذلك الحمدلله والثناء له
على الفقر والمصايب والمسرات
يمكن اني فقير بس مانبي تبعي
أجلس ولا أنقاد خلف الاتجاهات
وان مااعجبتني قناعات الزمن هذا
انا أألف لتفكيري قناعات
شاعر ويسكن فمخي ألف شاعر
ماهم بشعار هالوقت التروفات
اللي يقولون مافي الشعر نادر
وان الشعراء نفس المستويات
لو انهم واحد وبتفكير واحد
كان ماشفت ناقد ولامعجب وشمات
الله على هاالكلام ومن يقوله
الله يقطع سياسة هالمجلات
يعني اللي قصيده ملى الدنيا جماهير
مثل اللي يطلق قصده سرة ابيات
لامن سمعت القصيد قلت هذي
سمعتها قبل هذي عشر مرات
يشيل اخر كلام الشطر الاول
ويحطه باخر الثاني وخذ هات
قاف متكرر ولا فكره ولاشي
يبني القصيده على تفكير بنات
وبه نوع ساذج علشان يتميز
يصرخ ويعمل بيدينه حركات
والمرء عدو مايجهل لذلك
هالشعراء يكرهوني انا بالذات
الله يخليني لشعري وأصونه
وأحرق به كبود شعار المسجات
أجذب به أذواق حكام الجزيره
وازرعه في عقول فتيان وفتيات
أركبه جن وأمارسه بجنون
وأشبعه فلسفات وإبتكارات
وأعلم الجيل هذا واللي بعده
جودة الاطاله وفن الاختصارات
ووشلون احرث صخر فكري وأخلي
بيني وبين اقرب منافس مسافات
الشعر في نظرة أغلبهم مصالح
فلوس وشيوخ وبنات ولقاءات
وفي نظرتي الشعر رورح وروح حرة
ماتخضع لشف واشخاص وقياسات
الشعر ماتقشعر له الابدان
ومايسرق من الكلمات الكلمات
تقراه في عيون شاعره وتحسه
يفتح له فجلد يدينك مسامات
ردد قصيدي ياجمهوري وصفق
وعلمهم ان الغلا ماهو خيارات
وتعال نسرح سوى في شي عندي
واخاف لاابكي وتبكيني العبارات
حزين جداً ومتعومس وخايف
أحس كني على مهوى نهايات
حبيبتي اللي أغليها وابيها
راحت وقالت بجي وللحين ماجات
ما اذكر اني مسوي شي لكن
الحب اذا زاد يسبب حزازات
والصبر صبر القلوب البيض وادري
يامصعب الصبر لاقد به محاتات
دمرني الشوق واستنزفني شعور
وتعبت اثبت وجودي داخل اشتات
تمر كل الوجيه بدرب عيني
نفس الملامح ونفس الابتسامات
حبيبتي طاغيه وبشكل طاغي
صديقة الليل واجناب البنايات
من وين ما افتر لاهذا وجهها
على الطرقات وأضواء السيارات
يابري حالي عليها بري حالي
عليها يابري حالي عشر بريات
لأني أحبها فعلاً وجداً
ماهي محبة رفث ولا اتصالات
احس كني أبوها او أخوها
أدرى عليها من العالم مدارات
واللي سواتي يحب وخايف الله
يعرف معنى معانات المعانات
الحزن في بعض الاحيان أزدواجي
وجميل لاصار من تجنيب غلطات
من خلا حاجة لربي عاضها خير
منها واحسن دبلات الدبلات
وانا لابي غيرها ولا التفت له
السيده لا رجعنا للسيادات
جعل امها اتوافق ان جيت اخطبها
تكفون دعواتكم يااهل الدعوات
حزن النبلاء
الجرح ماهو خاطر شوي ويروق
الجرح حتى لو تشافى يعللك
واذاك متحمس متاهات وطروق
انا تعبت اشد حيلي واحاولك
سماي ما شيّ شمس ورعود وبروق
والريح ماهبت ولايجري الفلك
والقلب ناشف بحر وشقوقه شقوق
وشلون بيكوّن سحاب ويبللك
يا ضامي انا اضما ومتشبع حروق
واذاك ضامي للمواصل انا هلك
هلك ووقف في وجهي الاصل والذوق
والمجتمع والعرف والفقر واهلك
متعومس وحزن النبلاء مرموق
يعني لو احتاج لك ماجيتك اسألك
اللي علي اشكي واعاتبك برفوق
واقولك ودي ماعاد اتأملك
من دورة الايام ياخوك مخنوق
الوقت مشاني من السلك للسلك
ازل خطوه بس ما ازل منطوق
ولو صارت ابحب خشمك واجاملك
يبقى البني ادم مجرد ومخلوق
ملك ولكن في الحقيقه بلا ملك
والناس عوق الناس والدرب مسبوق
تتعب على اشياء فـ الاخر مهي بـ الك
كذاب قايل كل مطرود ملحوق
سنين وانا اطردك وازريت لا اوصلك
كنك تطيش وكني ادور في طوق
كل ما وصلت اخرك يطلعلي اولك
ياليت مافي خاطري شوق وفروق
ماكان حسيت ان انا بس منك الك
الشوق ماهو رعشه وقبضة عروق
وماهو اللي من شينك فعينك يجملك
وماهو شعور يخالج الروح برفوق
ولاهو سحر ولا ادري والله شقول الك
كنه سحابة حلم وتطير بك فوق
وتطير ولا ودك انها تنزلك
الشوق هذا والا انا شوقي البوق
ماقد حصل في شوق هذي ولا تلك
تدري وش اسوي ليا اضناني الشوق؟؟
اسوي بعيوني كذا واتخيلك
واقربك واتوق واتوق واتوق
واكثرك واحلف ماعاد اقللك
واصورك في الموق وتكبر على الموق
وتطيح مع دمعي على ايدي واقبلك
هذا غلاي اللي مع الدم مدقوق
ولا عاد تسأل عن شعوري وازعلك
محبة ماهيب من طارف السوق
لو انك توكل كان والله لاكلك
جيتك حقوق ورحت ماعندي حقوق
وان قلت ما احبك ابجحد مواصلك
احبك الا يا بري حالي وعوق
من كثر ما احبك اخاف اني اقتلك
برحل
برحل وبآتي أذا آني بقدر آتي
بس أخاف أرحل ولا عاد أقدر آتي
لان هذا حظّي وهذي صدوفه
يكره أستقراري ويغلي شتاتي
وعاد عقلي كل ماجيت آتشتّت
يحسب شتاتي على قدر أمنياتي
والبلا أن كل ماعقلي تمنّى
ماحصل لا في شتاتي ولا ثباتي
يمكن أن وضعي وضع سيىء ويمكن
ماتحمّل جسمي كبار شهواتي
والدليل أن ودّي ما أرحل وشفني
أربط أشلائي بمحزم ذكرياتي
ياحبيبي ليتني ماكنت أحبّك
لجل أحبّك دبل وأسوّي سواتي
يعني كل شي حطّه فعقلك وحاته
الاّ بخصوص أنّي أحبّك لاتحاتي
لمّني وامسح دموعك وأبتسم لي
وحبّني منّا ورتّب حاجياتي
وأعرف أن ماودّي أتكلّم ولا أبكي
بس دايم دمعي يحرّك سكاتي
شي واحد قبل ما أرحل بقوله
أنت أجمل حظ سيّىء في حياتي
اللوبي
الراس بيت شيوخ والحلم جاسوس
للنفس يقطع من تركها ثواني
خذني وطلعني ولو الهوى كوس
ابا أتنفس شي صافي وهاني
داخل تصادم فكر ومزاحم نفوس
على فتافيت الغوى والغواني
في هاللوبي كل شي ضايع ومعكوس
ماكن في هالكون رب واماني
اثاثه الغامق وتصفيفة الكوس
تدل على ذوق راقي وداني
شفهم وشف كيف الفشل يجعل الروس
اشيا كماليه مابين الاذاني
وشف كيف هذا ثمل ويعثر ويدوس
على مسمى جده الاولاني
وشف كيف هالشايب برغبته محبوس
تحت شعار ان آخر العمر فاني
احس عنده عيله وبنت عروس
تخجل من ابوها كثير وتعاني
وشفت الثنين هناك تراهم جنوس
رجال بس رجال من نوع ثاني
ضحايا نفط وقل طاعه وناموس
والام كانت طيش والاب اناني
وشف هالجمال اللي مدّثر ومحيوس
مثل الكلام اللي بليا معاني
فتاه تعرض جسمها الغض بفلوس
ويبيعها في اليوم عشرين زاني
كل الزوايا طافحه قبح ونجوس
تسبح وفي الركن الاخير المواني
واحد يغني وعنده حثاله جلوس
كأن ما في هالحياة الا اغاني
ياوخز قلبي وخزة الجرح بالموس
ياعالمن ما فيه حلم وتفاني
في هاللوبي ما فيه ريس ومريوس
الكل بايع نفس والكل جاني
والكل عنده عذر واهي ومدروس
لو قلت ليه انت كذا قال اعاني
انا اللي اعاني من القوس للقوس
هذا مهب جوي ولا هو مكاني
بركض وابي يركض معي ألف فانوس
الى صباحات الغلا والتهاني
روّح معي والواقع احيان كابوس
وانا ما احط اللوم على زماني
احمد ربي كل ما دق ناقوس
واعرف حدودي واستحي من كياني
واصمت اذا جا للحكي روس وعسوس
واضحك ولو وجهي من البكي حاني
لو كل شي محسوس بالفعل ملموس؟
طلعت آخر جرح بين المحاني
اخذيني
أخذيني ألياا عجبتك. بس رديني
وأن ماا عجبتك خلاص أخذيني. ماابيني
ما دامني شفت فيك الطهر والعفه
بااعيف نفسي ليا منك كرهتيني
أخذيني لو أعتبر من ضمن أشيااائك
وأناا بحبك ولا لازم تحبيني
مابي علاقه ولابي نضره أو بسمه
أحسااسي أني بقربك بس يكفيني
ولو أني أنضفت. لشياائك غصب عنك
طللي علي .. يااغناتي لاتخليني
ترااي لاجاا المصامد ماااني أبهين
تقوول كن العرب لعبه بيديني
شخصيتي من غرابتها وطيبته
ااكن الزمن في تحدي بينه او بيني
أخذيني الشاعر اللي ماااصدق حضه
لاقلت ياااحض وينك قاال يااويني
أخذيني المبدع. المتفلسف. التحفه
مؤمن وتضحك على العاالم شيااطيني
شهرة.شكسيبر وافلاطون وأنيوتن
لاقلتلي بيت شعر أطيح من عيني
وأخذيني العنصري اللي صدق متعنصر
من دون ربعي لو أقطع شرايني
وأخذيني اللي لياامنه طلب يعطا
اوتكفين لامن طلبتك لاترديني
تكفين يااغاايتي يابهجة الدنياا
أبحرق أقلوب ناااسن مااتدانيني
أخذيني أبكل شوق أو قولي
أأحبهوأن شككو فيك والافي ضميني
قولي سعد .والله أنه غاالين جدا
ويااجعل فدوه شبابي وااخر أسنيني
وأنا بصدق كلامك...وأعتنز بالله
وباااقول للناس ماايعيك يعنيني
وأنا علي نذر مرخص جيتك.وأنتي
نذرن على أرقبتك أنك مااتخليني