..

..( البارت الـ5 والعشرون )..
.
.
‏أنبيكِ عن عيني وطولِ سهادِها
وحرقة قلبي بالجوى واتقادها !

وأنّ الهموم اعتدن بعدكِ مضجعي
وأنتِ التي وكلتني باعتيادها ! .
"البحتري"
.
.
انتفض خوفاً وهو يسمع صوت الباب الخارجي ينفتح .
هتف عاضاً شفاهه السُفلية : انقبري لك بمكان مايشوفك فيه .
اماني بخبث : لا مو صار الوقت اللي نكون فيه لبعض .
سحبها بقسوة وادخلها الخزانة الخاصة بثيابة وهمس بحدة قبل ان يُغلق بابها : ماراح يخسر غيرك بكل ذا .
وحمل حقيبته وتحرك خارجاً ، تنهد ب ارتياح ونظره يستقر في محمد الذي صعد السلالم بدون اي مُبالاة .
..
صرخت بحماس : وقسم شعور رهيب تشوف خيل قدامك ع الطبيعة .
واشارت للحصان الاسود الوحيد في اسطبل لوحدة : ليش ذاك هناك ؟!.
علي بتإمل للخيول : مو مروض ، ويروضة انس .
ارتبكت من طاري اسمة وهتفت مُغيرة مجرى الحديث : البيضاء ذيك كيوت .
علي نظر لها وببتسامة من كلمة كيوت : سمعت انها مو عاجبة انس وشكله بيبعها .
بعينان امتلئت خيبة : وليش المريض بيبعها لما اعجبتني .
سحبها علي : تعالي ندخل لها .
صرخت وهي تعود كم خطوه للخلف وتسحب ذراعها : انت صاحي ، والله مادخل .
استدار لها علي : يعني بتجلسين تناظرينها من بعيد ؟ .
رفعت النقاب اعلى راسها وفتحت عيناها بقوة : ايه بجلس اتامل خلق الله .
علي بهدوء مُفضفض : صرت احب المزرعة من بعد ماجات فيها .
نظرت له اريان وب اهتمام لكلامة انصتت .
اكمل علي : و افكر لو يكون عندي خيل واصير تاجر خيول .
وضحك مُكملاً : ونصير بعدها اغنياء .
بشبه ابتسامة نطقت : خل املك بالله كبير .
علي بضيق : مابي اكذب عليك ي اريان لو اقول مابي اتزوج ، بالعكس هذا وقت الزواج وكل اخوياي تزوجو ، بس صعبة وانا بذي الحالة .
واكمل بعد صمت : عائلتنا مو قليلة عشان ازيدها فرد .
اقتربت مُحتضنة كتفة : استاذ رياضيات وتقول كذا .
علي بتنهيدة : خليها ع ربك بس .
اعطها قفاه وهو يبتعد ابعدت عيناها الحزينة ، وابتسمت ع حركة الخيول .
تحرك نظرها تلقائي للحصان الاسود ، ثم انقلبت ملامحها لاشمئزاز ، وتتبدل خبثاً وهي ترفع الحقيبة وتُخرج هاتفها ، والشريحة الجديدة .
..
وكيل التحقيق رمى الملف ناحيتة صارخاً : الملف وش جابه معك ي سعود والقضية مقفلة .
سعود بتوتر : لان القضية تقفليها ظلم للميت .
صرخ بحدة : مو اهله اللي قفلوها ، وش نبي اكثر ؟! .
اكمل : نزيد اشغالنا اشغال .
سعود بحدة الاخر : انا فاضي دامك مشغول .
الوكيل اشار للباب : لك عقاب جزائي ، ويلا ورني عرض اكتافك .
خرج بوجه مُسود ودخل مكتبة صارخاً بعد ان رمى كومة الملفات التي كانت تستقر اعلى مكتبة : ممممحمد .
دخل السكرتير بربكة : سم .
سعود ب انفاس مُضطربة من الغضب : وين راكان ؟.
السكرتير : عنده قضية تحقيق .
سعود اغلق هاتفه وحملة خارجاً : قول له يمسك مكاني لما يرجع .
..
لُجين بهدوء ونظرها لاصابعها بعد ان وضعت طلاء الاظافر : احمد وش قال لك ؟! .
عبير جلست امامها وبهدوء : ماقال لي شي ، بس هي كلمتني وعزمتني ، واكيد احمد عنده علم مو هو صديق اخوها ماجد .
لُجين ببتسامة : خلاص نروح ، عاد والله حبيتها .
ورفعت حاجبيها بخبث : ويمكن نصيد واحد من اخوانها .
عبير ابتسمت : ي حليلك واحد منهم قد تزوج .
لُجين اتسعت عيناها : لا تقولين اخذ نوف ؟ . !
عبير ب استغراب : وش نوف ؟! .
لُجين وقفت وهي تُرجع عبوة الطلاء لرفها : دكتورتنا بالجامعة الكل عارف انها لماجد العايد .
واكملت بتفكير : وسمعت انها تقرب له .
رفعت عبير كتفيها : والله مدري ، بس اكيد هي يعني من بيتزوج ؟ .
ثم وقفت واقتربت ناطقة بخبث قاصدة ناصر : وانتي عاد من بتتزوجين .
لُجين عضت شفاهها ونطقت بخبث اخر : تذكرت السواق اللي امس جانا من الشركة .
واكملت غامزة : وقسم مُناسب لك .
صرخت عبير مُبتعدة : شكراً لك عرفتي تخربين جوي .
ابتسمت لُجين : احسن عشان ماتنغزين مرة ثانية ، وتخربين بعد جويي .
..
بعد ان خرج الجميع نطق بهدوء : لا تبكين وانا ولد العايد والله ان يرجع حقك .
ام هادي بنفضة بسبب البُكاء : والله انه تاب ، وللحين يظلمونه .
انس ابعد نظرة عنها وبضيق : يكفي انك وافقتي على فتح القضية وكل شي بيرجع وكلن بياخذ حقة .
وقفت ام هادي بتعب : ي امك اخوه لا يدري .
نطق انس بعد ان خرجت : اشك في اخوه .
واكمل بتفكير : ولا كيف قدر يسكت اهل المقتولين .
راكان رفع نظره عن الملف امامة وببتسامة : والله مكانك بجنبي مُناسب .
عدل انس شعره بترتيب وبهدوء : لا يرحم والديك مالي قوة ، يكفي الاشغال اللي فوق راسي .
ابتسم راكان : الله يعينك ، وان شاء الله كلها وقت ونعرف كل شي .
نظر انس لساعتة وب اهتمام : مو باقي ع الطيارة شي ، اشوفك بعزيمة ماجد .
راكان اغلق الملف ووقف يجمع الاوراق : يمكن ماقدر اجي .
ونطق ب استفسار : الا وش مُناسبتها .
انس بهدوء : عزيمة لاهل زوجته .
راكان بتفكير : بنشوف ان شاء الله .
..
وقف في ابعد مساحة عن انظارهم وبدا يتامل نزولهم من الطيارة .
شادن عدلت نقابها وقبضت على عبائتها اغمضت عيناها وهي تستنشق هواء الرياض .
حاوطت معصمها والدتها وببتسامة : ماتغيرين عادتك .
شادن فتحت عيناها وسارت بجانب والدتها : احب الرياض .
وقفو بمسافة قليلاً عن سلم الطائرة : ماكان ابوك طول وعمك .
شادن اشارت لهم : لا ابشرك شوفيهم ذوليك .
..
تنهد مُبعداً نظره ونطق : برجع لحالي .
الحارس الضخم خلفة : طويل العمر رافض نتركك لحالك .
استدار له وقبض على قميصة وبحدة : انا قلت برجع لحالي .
هز الحارس راسة ، ترك جابر قميصة بقرف ، وابتعد الحارس حاملاً حقيبته .
فصخ جكيت الجلد بسبب حر الرياض ورماه في سلة القُمامة البعيدة وتحرك بخطوات واثقة خارج المطار .
..
توقفت حركة انس ونظره يقع على من تعرف علية سابقاً في الطائرة ونطق ببتسامة : كايد .
وصرخ : كاااايد .
لحقة وهو يبتعد ومسك ذراعة : كايد .
جابر التفت واتسعت عيناه صدمة وبتلعثم : انس .
انس ببتسامة فتح كفة : كيفك ي كايد .
جابر بهدوء اخفى صدمتة خلفه : عال العال .
واكمل : وش ذي الصدفة ، مانلتقي الا بالمطار .
انس ادخل كفية بجيبة ورفع زاوية حاجبة الايمن : عطيتك ارقامي ولا كملتني .
جابر مرر اصابعه على عُنقة : اشغال ، لكن ابشر ب اقرب وقت نلتقي .
انس : وش رايك تكون الليلة .
جابر ونظره يقع في من خلف انس : لا مشغول اعذرني ، اشوفك وقت ثاني .
وابتعد بخطوات هاربة ، تاركاً انس بملامح مُستغربة .
استدار انس ورفع حاجبية هامساً : والله تو مانورت السعودية صدق .
اقترب وبصوت عالٍ : ماتقولون ورانا عيال بنعلمهم يستقبلونا .
ارتسمت الصدمة ع ملامح الجميع .
همست ام انس : اخوك لا يدري بشي ، تدرين ماراح ينام لين يعرفة .
عضت شفاهها بحُزن وهي تْبعد نظرها عن انس .
..
عدلت ملفعها ورفعت نظرها لتلك الصامتة من اليوم : وش فيتس ساكتة ؟!.
ابرار تخرج من دوامة راسها : مافيني شي .
ام هزاع : بتجلسين بقميصتس ؟! .
ابرار نظرت لثيابها وبتوتر وقفت باحثة عن هاتفها : لا .
بعد دقائق ابتسمت وهي تسمع الطرق ع الباب .
ام هزاع عدلت ملثمها وب استغراب : من عند الباب ؟ .
صرخت ابرار : ادخخخلي .
طلت عليهم نورة وببتسامة : جده ادخل ؟! .
ابتسمت الجدة واشارت جانبها : تعالي ابيتس .
اقتربت ورمت الفُستان الاسود وحقيبة المكياج الصغيره التي طلبت ابرار بحجرها وجلست جوار الجدة .
ام هزاع وضعت الخُصلة المموجة بطبيعتها خلف اذنها وهمست : وش ذا الزين .
عضت شفاهها نورة بخجل : زينك والله .
ام هزاع رتبت فخذها : والله ماشفتي وجهي .
ضحكت ابرار عليهم وابتعدت للحمام حتى تلبس .
ام هزاع مسكت يد نورة وهمست : وش رايتس نخطبتس.
احمرت وجنتين نورة وسكتت خجلاً .
ضحكت ام هزاع وهمست : واسمة راجس .
نورة وقفت بخجل ع خروج ابرار .
ابرار التفت حول نفسها : وش رايكم ؟ .
رفعت حاجبها الجدة ب انتقاد : وش ذا اللبس العاري ، مانتي على خبري .
نورة بتلقائيه نظرت لفُستانها الزهري ذو الاكمام القصيرة ويضيق من اعلى ويتسع من اسفل وبحرج : لازم نلبس كذا ي جدة .
ابرار نظرت لُفستانها الاسود ذا الحمالتان الرقيقتان من المنكبين ، ويضيق حتى اسفل : ناس اول مرة اشوفها خليني اتكشخ .
ونظرت بعينان مُتوسلة : بس اليوم .
تنهدت الجدة بعدم رضا .
ابتسمت وهي تعود ناظره لوجهها ،ورفعت يدها رافعه شعرها ورمته خلفاً وبدت الخُصل تنسدل بنعومة خلف ظهرها .
فتحت الحقيبة وبدت ترسم الكحل ب اتقان .
ام هزاع : ابرار دقي ع راجس نعزمة ، مهب زين الرجال يذبح ولا يجيه من طرفنا احد .
اخفت ابرار توترها مُكملة وضع الكُحل : لاتتعبين عمرتس ماراح يجي .
ام هزاع ب اصرار :دقي وبس
ابرار لنورة : دقي لها بالله.
اقتربت نورة بعد ان بدت الجدة تُكمل المدعو راجس : تصدقين جدتك عارضه علي عرض مايتفوت .
ابرار نظرت لها ب استغراب : وش العرض ؟ .
نورة غمزت بخبث : بتزوجني ولد خالتك راجس .
اتسعت عيناها بصدمة وبربكة : تقولة ؟ .
نورة هزت راسها : ايه .
ابرار ابتسمت بتوتر هاتفة : اذا وافق اخوك ماجد اصلاً .
واكملت : شوفية بيجي ، وشوفي وش بيسوي بعد جيته اخوك .
نورة بفضول نظرت لانعكاس وجه ابرار بالمراءة : لية وش بينه وبين ماجد .
ابرار في نفسها " بلاك ماشفتني وش هبهبت معه وبغيت اندفن " .
استدارو ع دخول الخادمة المُفاجئ : والدك ينتظرك في الصالون .
صرخت نورة بصدمة : متى جاء .
ابرار بعدم فهم : وش تقول .
نورة مسكتها من عضديها وبدت تُقبل خديها : مدري بروح اسلم عليه واجيك .
مسكتها ابرار وثبتت جسدها : وش ماتدرين وتروحين تسلمين عليه ، تكلمي زين ي بنت .
نورة ببتسامة عريضة زينت ثغرها : ابوي جاء .
خرجت بخطوات واسعة ، تاركة خلفها ابرار تُصارع الخوف والفشلة .
رفعت راسها ع صوت جدتها : وش فيها طارت ذي .
ابرار بللت شفاههها ناطقة وهي تُشعر ان بلعومها قد جف : ابوها وصل وراحت تسلم عليه .
تغيرت ملامح الجدة وبحرج : هذا اللي ماحسبت حسابه .
ابتعدت ابرار بضيق بعد جملة جدتها ودخلت الحمام واتكت ع الباب مُغمضة عيناها مُتمتة : يوة فشلة كيف احط عيني بعينه وهم يقولون كان ابوي راميني عليه .
فتحت عيناها ومسكت صدرها بضيق : والله ماحد يحس بالفشلة غيري .
..
روان بتذمر : من راحت الجوهرة والبيت شاين .
اسيل محاولة اغاضتها : فرقاها عيد ، هواش ومشاكل مدري كيف تنام الليل ذي البنت .
ام علي بقلق : والله ماودي نجلاء راحت ووليدها تعبان .
هند مادة ساقيها ونظرها على هاتفها : لاتشيلين همها شوفيها قد خلفت الجوهرة ونجود قبله ولا فيهم الا العافية .
رفعت نظرها ع دخول اريان وهي تنزع العباءة وترميها صارخة : فاتككم فاتككم نص عمركممم .
هند بغيض ابعدت نظرها : لاتسوين تقهرينا ، وانتي عارفة كنا نبي نروح ورفض ابوي .
قبلت راس والدتها وجاورتها وبعينان تنبع سعادة : يمة ليتك معي تشوفين .
ابتسمت ام علي وهي تنظر لعيناها : شوفتك فرحانة كاني انا الفرحانة .
احتنضها اريان مُستنشق عطرها : جعلني ماذوق حزنك ي احلى ام بالعالم .
اسيل بغيض الاُخرى رفعت نظرها لتلفاز : وش ذي الدراما .
روان جلست بجوار اريان وبضيق : اكيد صورتيها وريني .
اريان جلست بحماس واخرجت الهاتف وانتفضت برعب بعد ان وصلت لها رسالة من سعود .
وقفت بتوتر : يوة نسيت سماعاتي .
وتحركت خارجة بخطوات واسعة .
انفجرت اسيل ضاحكة : وقسم رحمتك ياخي ، مفروض يعيشون الجوهرة معك ولا انتي تروحين معها .
تنهدت بضيق وبدت تنظر لتلفاز .
مسحت ام علي ع راسها وبهمس : كلها كم يوم وتتعودين ع غيبتها .
..
دخلت الحمام وبرُعب فتحت الرمز ب اصابع مُرتجفة دخلت ع الرسائل الواردة وتمتمت : راح احقق مع ولد عمي ،لكن اذا لقيتك كذاب ،والله ماتسلم من بين يديني .
اخرجت الشريحة بعد صعوبه وفتحت الباب وتحركت للمطبخ ، اشعلت الفُرن ورمت الشريحة في وسطها هامسة : ليش مارميتها بالمزرعة ، بعد لي وجه جايبتها معي .
استدارت برعب ع صوت هاجر : وش ذي الريحة .
اريان تنفست ب ارتياح بعد ان اختفت الشريحة وهي تذوب بين النار : في شي ناشب في عين الفُرن .
هاجر جلست وبهدوء وهي تُجفف شعرها القصير بالمنشفة : وين الفحم ،ودي اتبخر .
اريان ببتسامة اقتربت وقبلت خدها : مافقدتيني طيب .
هاجر دفعتها : قمت وقالو رايحة المزرعة ، وعاد مسكت قلبي قلت لو يكون تريكان ولا علموني لاذبحهم .
ابتسمت اريان : الحمدلله مو تريكان .
هاجر بملامح باحثة عن ايجابة : هو وينه اصلاً ادورة ولا لقيتة .
اريان ببتسامة بسطت كفها : كم تعطيني ، والله فيه بشارة تخصه وتخص اخوك ، توى ابوي قال لي عنها .
هاجر ابتسمت لابتسامة اريان : اذا نزلت المكافاة اعطيتك منها .
اريان برفض عادت للخلف : اجل لا ، وين مكافاة شهر 10 ؟! .
هاجر : والله خلصتها .
اريان اوقفتها وفتحت ذراعيها : البشارة تستاهل كل ذا .
هاجر بحماس فتحت ذراعيها ايضاً : يلا .
اريان ببطء : تركي وسيف توظف وبدو يشتغلون ، واليوم اول يوم دوام .
صرخت هاجر بفرح ودفعت جسدها في احضان اريان : لا عاد مو مصدقة واخيراً سيف حصل شغل .
ابعدت جسدها قليلاً ونظرت في وجهها : لاتنسين زوجك .
وضعت راسها على كتفها هامسة : انتي عارفة اني مستانسة له بعد .
..
ماجد ونظرة يقع في والده ثم راجس الجالس جواره زفر غضبة وتحرك خارجاً بقهر : بعد جالس قدامي .
وقف مُتنهداً ع صوت انس : وش فيك طلعت ؟!.
ماجد اشار لقلبة : احسه بضيقه ،وحرارة هنا .
انس عدل شماغة وغمز : عسى خير .
نظرة له ماجد بحقد ، ابتسم داخلاً .
التفت ع صوت سعود الغاضب : شفت انس ؟ .
ماجد بملامح استفهام : وش فيك ؟ .
سعود وقع نظره ع انس الجالس يساراً وابتعد مُغادراً : بطلع غرفتي .
مسكة ماجد : ابوي سلمت علية .
بهدوء : ايه شفته داخل .
ماجد بتساؤل وهو لازال يُمسك ذراعة : وش فيك؟! .
سعود ابعد ذراعة وبنفاذ صبر : مافيني شي .
بملامح مصدومة بدا يُراقبة وهو يتجه للباب الخلفي .
..
عدلت فُستانها الخربزي وببتسامة عريضة زينت ثغرها : وعشانك جيت .
احتضنتها نورة وتنهدت بحُب : ي فديت اللي جاي عشاني .
عبير اشارت للُجين الواقفة يسارها : وهذي اختي .
قاطعتها نورة وهي تُصافحها وتُقبل خدها : ومين مايعرف القمر .
لُجين بخجل : ترى مانعرف نرد ع الكلام الحلو.
ضحكت نورة وبحماس بحثت بعيناها خلفهم : وين وتين ؟! .
عبير بتوتر : عندها شوي ظروف وتعتذر لك.
هزت راسها ببتسامة : عذرها مقبول ، مع ان ودي كانت معنا ونتعرف اكثر .
واكملت وهي تتوسطهم وتجاورهم بالسير : بعرفكم ع زوجة اخوي قبل ندخل .
عدلت شعرها وبحماس : ان شاء الله بتعرفني .
نورة ابتسمت ضاحكة : تخيلي بس تعرفك .
صرخت وهي ترى ابرار واقفة مع احدى الخدم : ابرار تعالي .
اقتربت ابرار بخجل مُصافحتهم .
نورة بحماس اشارت لها : واعرفكم ع اجمل زوجة اخ بالدنيا .
لجين ابتسمت وبهدوء ويدها تستقر في يد ابرار : فعلاً جميلة .
وغمزت بُملاطفة : وماننسى زوجة اخوك نوف ، جميلة بعد .
اتسعت عينان ابرار ساحبة يدها بصدمة .
نورة بتوتر نطقت سريعاً : ماعندي غير اخو متزوج ، ومتزوج ابرار .
لجين ابتسمت : ع بالي دكتورة نوف تزوجة اخوك ماجد.
ابتعدت ابرار بضيق بعد نداء جدتها .
ونطقت نورة بهدوء : ماجد اخذ ابرار .
قاطعتها لُجين ب اعتذار : الدكتورة نوف كانو يقولون انها لماجد العايد ، ومادريت انه تزوج غيرها .
قطعت كلامها ونظرها يستقر ع دخول دكتورتها نوف وهي ترتدي فُستان ابيض يصل طوله تحت الركبة مُباشرة ابتسمت لُجين : ليتني طريت مليون .
بثغر مُغتاض نطقت نورة : بروح استقبلها.
لُجين بحماس : بروح معك .
سحبت ذراعها عبير وبهدوء : البيت مو بيتك .
نورة خللت اصابعها ب اصابع لُجين وسحبتها : ماعليك منها تعالي بس .
..
تحركت عبير بحُب وابتسامة حتى جلست بجوار ابرار وهمست : ماعرف احد كثير بالعزيمة .
ابرار ابتسمت ووقفت مُشيرة للجده : اما انا ماعرف احد ، بس خليني اعرفك ع جدتي ام هزاع .
ابتسمت عبير وقبلت الجدة بود واحترام .
ام هزاع ب اعجاب بشخصية عبير المُحترمة : ماشاء الله ماشاء الله، الله يحفظتس ي بنيتي .
عبير ابعدت شعرها الكيلري عن وجهها وببتسامة حياء : من ذوقك ي جده .
الجدة اجلستها جوارها وعيناها تتاملها .
تصنم نظر ابرار وبتوتر جلست مُبعدة نظرها عن نوف .
بدت نوف تتجول بين المعازيم وكان المنزل لها حتى وصلت للجدة .
ام هزاع وهذه الفتاة لم تدخل لقلبها وحتى لباسها : من انتي ي بنتي .
نوف بهمس قاصدته : خطيبة ماجد .
واكملت همسها : متى ماطلقها رجع لي .
الجده ابتسمت ماحية الصدمة عن ملامحها : اعوذبالله من الشيطان الرجيم .
نوف بفشلة من صوت الجدة العالي، ابتعدت عاضة شفاهها السُفلية بكُره .
ابتسمت عبير بعد ان وصلها كلام الجدة ، وهمست لابرار التي اتضح توترها : لُجين اختي ماتقصد ، وترى تدرسها بالجامعة .
اغمضت عيناها وهي تتذكر كلام ماجد .. فهذا يعني انها حقاً دكتورة بالجامعة .
وبملامح ضيق رفعت شعرها .. مافيه اي مُقارنة بينا .. هي اجمل ودكتورة اكيد يحبها اكثر .
تاففت مُبعدة هذا التفكير الخبيث عن راسها وبتمتمة : اي حب اي بطيخ .
والتفت لعبير التي دخلت سريعاً معها جو من الاحاديث والضحك ، مُتناسية نوف وماجد .
..
لبس الكاب الاحمر على خُصلات شعره القصيرة وهمس : مابعد جاء .
سيف بتذمر رابطاً المريلة حول خصره : اخر عمري قرسون .
دفعه تركي ضاحكاً : تحسبه عاجبني ، بس ابي اخذ حقي .
وهمس : اقولك انس كان معهم ، لكذا مافشلت نفسي وسكت ولا ضربتة .
حرك سيف راسة واتجه ناحية طاولة المُشروبات ، وحمل الصينية السوداء .
جاورة تركي وبخفوت : لاتنسى الراتب اكيد كثير .
السيف نطق بهدوء وهو يضع العصائر المُخصصة لاحدى طاولات المقهى : نقول ان شاء الله .
دفعه تركي بدفاشة هامساً : جاء ابن ابليس .
سيف مسك الكإس قبل ان يميل مُلتفتاً لباب المقهى : الله ياخذك من اول يوم بغينا نكسر كإسهم .
سيف همس : كاني قد شفته.
تركي اعتدل بوقفته وبعينان واثقة صوبها لرياض : ملامحه مو غريبة علي بعد.
كشر رياض وبملامح ارتسم عليها القرف اشار لنادل الواقف يسارة بالاقتراب.
تركي ضحك بخبث قاصداً اغاضة رياض وبخفوت : والله اخوه عنده شخصية كيف دق خشمه ورجعة .
وضع المريلة فوق كتفة واقترب وبصوت امر : كل واحد لشغلة .
تركي بعينان حادة : انت قبلي لشغلك .
رياض عض ع شفاهه وبملامح غاضبة : انا صاحب الشغل .
ضحك تركي بتسلية وحمل صينيتة واتجه بخطوات راقصة لاحدى الطاولات .
رياض بصق خلفة وبكُرة : انا ولا انت ي كلب .
سيف ابتسم وابتعد هو الاخر بعينان خبيثة .
..
صعدت تماماً وببتسامة : ليتني من زمان اعرفها .
لُجين خلفها : اي والله وقسم عسل، وزوجة اخوها بعد .
عبدالرحمن حرك المقود وابتعد متوسط الشارع : والله صاير افكر بالقرب منهم .
قفزت لُجين وضربتة من كتفة : والله ماغير اسير تفكر .
ضاقت عيناه وبقرف : لا تطورنا وصرنا نحدد اسماء .
عبير بهدوء : الا وين احمد ، مو من عوايدك تاخذنا .
ضحك عبدالرحمن وسحب الشماغ ورماة بحجرة وبدا يُدلك خُصلات شعره : دق عليه ابو مساعد وطلع .
عبير بخوف : عسى ماشر .
حرك كتفية : والله مدري ، ماقال لي شي .
وبتساؤل : الا وين امي ماراحت معكم ؟ .
لُجين عادت بظهرها للخلف مُلتزمة الصمت .
اجابت عبير بعد صمت دام ثواني : جات خالتي ام ناصر وجلست معها .
عبدالرحمن ابتسم : زين عشان امسك نويصر .
عبير ابتسمت وهي تفتح باب للحديث : ماشاء الله عليك مساعد وناصر كلهم قريبين منك بالعمر واخوياك ، بعكس احمد احسة مسكين مافيه احد قريب منه في العائلة .
عبدالرحمن ضحك وبمُتعة : والله ي انه مخاوي انس العايد ، اللي مايعرفهم بيقول اخوه .
وهمس بخبث : تخيلي يخطب عندنا انس ، والله مانرفضة .
عبير بتوتر قبضة ع حقيبتها : وش ذا الهبال ، وبعدين بنت عمه نورة موجودة .
انفجر عبدالرحمن ضاحكاً : استحت استحت .
ضحكت لُجين وبدت ترمي كلمات خبيثة .
..
جلس امام والدة وببتسامة ضمم يدية لبعضها : وطمني عنك .
ابو انس : ان شاء الله اني صرت بخير وبكمل العلاج هنا .
هز انس راسه : الحمدلله .
ابو انس واصابعة تطرق ع ذراع الاريكة : وش مرجعك لسعودية ؟! .
انس بتوتر اخفاه : شغل بالشركة ، وعشان الخيول .
ابو انس بعدم رضا : صح اني وافقت لانك طلبتني، بس اعرف اني للحين رافضها .
انس بهدوء : بس انا شايف ميولي لها .
ابو انس هز راسه وب استفهام : وين حطيتها ؟ .
انس بكذب لم يعلم لما اجتاحة : عند صديق ماجد .
ابو انس ب استغراب : ومن صديق ماجد ذا ؟!.
انس : اسمة راكان .
ابو انس نظر لانس وبتحقيق : وانت كيف أمورك تمشي .
انس حمل هاتفة وشاحنة المُتنقل : كل شي بخير .
وغادر انس صاعداً لغرفتة بعد ان اعتذر من والدة بالنوم .
ابو انس وعيناه تُراقب ابتعاد انس هتف : الله يستر، وراك شي وانا متاكد .

..
وقف بنصف السلالم وعيناه تتجه لغرفة شادن وصوت والدته .
تحرك لهم وبهدوء اتكى ع الباب المفتوح : وش في اصواتكم طالعة .
ام انس بتوتر وقفت : بسم الله ماتدق الباب .
انس وعيناه تدرس ملامح شادن الباكية : الباب مع الاسف مفتوح .
ونطق مُقترباً : شادن وش فيك .
قفزت شادن في حضنة وبدت تبكي بوجع .
طوق ظهرها وبخوف : شادن وش فيك ؟! .
ام انس بتوتر : مافيها غير العافية ، بس دلع بنات .
ابعد وجهها وبعينان حانية : اميرة اخوها وش تبي ؟! .
شادن تعلقت بعنقة وبُكاها يزيد .
سكت انس وهو يُحرك كفة على ظهرها وبعد دقائق همس بعد ان هدت : امري .
مسحت عيناها بخجل وابتعدت جالسة فوق سريرها وبتوتر: بس اشتقت لك .
زفرت انفاسها ب ارتياح وجلست جوارها : خوفتي اخوك وبس .
ابتسم انس وانحنى وقبل وجنتها وبهمس : وش ذا الشوق .
دفعته واحتضنت والدتها : ممكن تخليني انا وامي .
هز راسه واعطاهما قفاه مُبتعد : بروح لابوي اجل .
خرج واغلق الباب خلفة واتجه لسلالم وصعد للجناح الضخم الخاص به ، اخرج المفتاح وفتحه ودخل واغلقة خلفة ، سحب شماغة من كتفة ورماه ارضا ً، وفصخ ثوبة ورماة خلفة ، ووقف امام المراءة، ورفع خُصلات شعره الاسود الكثيف ونظر لندبة في جبينة بإلم تافف مُبعداً نظره عن ملامحة واستدار مُتجولاً بغرفتة ذات الاثاث الاسود ، جلس في وسط سريرة المُنخفض في تصميمة ، وحاوط راسة بيده هامساً : لاتجيب الصداع لنفسك ، كل شي محلول .
..
في الاسفل اتصل وبهدوء بعد ان اجاب الطرف الاخر : ابي تدور لي شخص اسمه محمد بن علي الصايل ب اقرب فرصة ، وشوفوه للحين حي ، وكم افراد اهله .
قاطع المُتصل : قلت دورة ، حتى لو ميت طلعة من قبرة .
واغلق الخط مُغمضاً عيناه بإلم مايشعر به وهمس : يارب انها للحين موجودة عنده .
..
لبست عباءة الراس الواسعة في خياطتها وبطلب منها وعدلت فتحت الملثم وبحدة : قلت امشي سلمي علية .
ابرار بتوتر وهي ترتدتي عبائتها : يعني لازم اسلم .
ام هزاع سحبت ذراعها بقسوة هامسة : لاتفضحينا عند الرجال تراه عمتس .
خرجت خلف جدتها بتوتر وبرجفة بدت تلتمس كتفها بعد ان توسطت الصالون باحثة عن طرحتها حتى تُغطي شعرها الطويل ، توقفت اصابعها برعب مُستوعبة انها قد نستها رفعت راسها ع صوت ابو ماجد : يالله انك ترحب ب ام هزاع وبنتها .
اتاها صوت جدتها التي بدت تُحادثة : كثر الله خيركم وماقصرتو ، والله ان علومكم سابقتكم بالطيب .
رفعت اناظرها لماجد الواقف بجوار والدة امامهم وبعينان خايفة نظرت له .
ابو ماجد ب احترام : وانتي كيفك ي بنتي .
ابرار اقترب بتوتر وقبلت راسة بخجل وانزلت نظرها هامسة : بخير .
خرجت ام ماجد من الصالون وقد وضح لاغلب الواقفين غضبها .
وتبعتها نورة بخجل من تصرف والدتها .
تحرك ماجد بعينان مُشتعلة مُتذكراً انها كانت لوالده قبلة وسحبها هامساً : لية ماغطيتي شعرك .
ابرار بتوتر همست : نسيتها .
ماجد بحدة : اجل قلتي نسيتها ، تحركي قدامي .
همست بضيق : جدتي بعد شوي بتروح خلني لين اودعها .
تحرك خارجاً بخطوات غاضبة .
رفعت نظرها لابو ماجد الذي بادلها نظرات حانية .
ابعدتها بخجل ع صوت جدتها المودع لابو ماجد ، تبعت جدتها بخطوات متوترة حتى اختفتا من امامة .
..
في الخارج همست : لايضيع من ايدتس ، ابوه طيب وهو مثلة .
واكملت : ام امه ماعليتس منها.
ابرار بملامح ضيق : بس انتي قلتي ماعجبتس اول ، وش اللي اعجبتس فيه الحين ؟!.
الجدة ضربتها بالعصا وبفحيح : اذا كثرو عيون النسوان عليه ف ادري انه زين .
قبلت راسها وبهدوء ضايق : بروح اجيب دواتس شكلتس تبين تنسينة .
ابتسمت الجدة ووقفت تنتظرها .
..
عبرت من امام الصالون وتصنمت قدمها : سعد لا تكذب علي عيونك بغت تاكلها .
ابو ماجد : تراني ساكت عليك ، ولا حركتك وانتي داقة ع ابو انس وانتي شايفته رجال تعبان وتكذبين علية ماعجبتني .
واكمل بفحيح : انتي عارفه ابوها اللي رماها علي ، ولا انا م افكر بوحدة قد بناتي .
ام ماجد بغضب : انت علمني وش تبي بالفلوس ، الله منعم علينا ماخليته يولي بدينة .
صرخ : والله ماتذلفين من قدامي ان تحرمين علي ليوم الدين .
ارتجفت وعادت لغرفة الضيوف ساحبة طرحتها ونقابها وحملت هاتفها هامسة : ماتوقع ب افشل نفسي اكثر من كذا .
تجمدت خطواتها ع دخول نورة .
نورة ب عينان اتسعت : وين بتروحين ؟! .
ابرار احتضنتها وهمست : بروح اريح راسي عند اهلي شوي .
نورة مسكت عضديها وبعينان قلقة : ماجد يدري ؟ .
ابرار حركت راسها : لا ولا ابية يدري .
واكملت : مابي يصير بين اهلك هواش عشاني .
توترت نورة وبهدوء سحبت كفها : طيب تحركي دامه فوق .
خرجتا واستدارت ام هزاع بصدمة : وينتس رايحة .
ابرار ببكاء : ابي اشوف امي ، مشتاقة له .
نورة بهدوء وعقلانية تقنع فيها الجدة : تشوف اهلها شوي وتريح راسها ثم بيجي ماجد ياخذها .
ام هزاع بعينان ضايقة : علمتي رجلتس .
نورة ببتسامة : ايه وانا اللي قلت له .
هزت راسها الجده بعدم رضا وتحركت خارجة .
ابرار احتضنت نورة وبخفوت : ماراح انساها لك .
نورة ابعدت راسها وبعينان مُتحدية : راح ترجعين وانتظرك .
كشرت ابرار وخرجت بخطوات واسعة خلف جدتها .
اغلقت الباب الخارجي الصغير خلفهم واتكت وتنهدة بضيق : اوف ي ابرار يوم تعودت عليك تخليني .
رفعت نظرها جهت غرفة ماجد وبملامح ضايقة : ان شاء الله بتفقدها زيي ، ولا قلبك حمار بعد .
انتفضت ع الصُراخ القادم من جهة مُلحق الحارس .
تحركت بخطوات بطيئة اختبئت في نقطه بعيده عن الانظار وتشنجت ملامحها ع سعود والواقف معه وهي تتعرف ع ملامحة .
..
سعود قبض ع قميصة ودفعه ب اقوى مالدية للجدار خلفة : تخوني ي راكان .
راكان مسك رسغيه بقوة ودفعه مُبعدة عنه : الحين مكلمني وجايبني لبيتك عشان تضربني .
دفعه سعود وصرخ بفحيح : لو تعرف الوكيل وش سوا ورا خططك الكلبة .
راكان بلل شفاهه وبهدوء : لية ماتسال اللي معلمك عن كل شي بدل ماتسوي لي تحقيق هنا .
ضربة سعود من زواية ثغره بقبضة يده هامساً : كنت اعتبرك اخو ، لكن الحين تخسى .
راكان مسح الدم النازل من زاوية ثغرة وبهدوء : مابي اغلط بحقك ولا اخوتنا تسمح لي اصلاً .
سعود بغضب يعتلية من عدم ردة ، دفعه من عضديه وبصراخ رماة ب اقوى مالدية ارضاً : انا اكلمك , لاتغير الموضوع من كيسك .
راكان بإلم ينبض بعضلات جسده همس : اللي تبي تعرفه اسال ولد عمك عنه وهو اللي يعلمك ، مهب انا .
ضربة سعود من ساقة وصعد سيارته بخطوات غاضبة وخرج .
استلقى راكان على ظهره وهو يتنفس ببطء وتعب .
..
مسكت ثغرها بصدمة وبرجفة اعتلتها همست : اخوي ذبحه وفي بيتنا .
اقتربت برجفة وانحنت بجوارة والتمست عرقه النابض في عنقة زفرت ب ارتياح .
سحبت اصابعها برعب بعد ان فتح عيناه .
راكان كرر اغلاق عيناه هامساً : بحلم ؟!.
وقفت وبرجفة : لازم تطلع لايشوفك احد كذا .
جلس راكان بإلم ونطق ونظره ارضاً : مافيني غير العافية.
وبهدوء مُتعب خائف عليها : ماتخافين ع نفسك احد يشوفك .
واكمل : روحي ادخلي ، لا يرجع سعود .
صابها الخوف من كلامة وهمست : طيب قوم اطلع .
رفع نظره لها وابتسم مُتمالاً شعرها الاجعد وفُستانها .
نورة بغضب : فقع ان شاء الله .
ابعد عيناه وبصوت مُتعبة : ماقدر اوقف، روحي نادي لي احد يساعدني .
نورة بتوتر وخوف اقتربت : لاتناظرني.
ابتسم وهو يشعر بذراعها يُحيط بذراعه وقف مُمثلاً التعب، ولفها بحركة سريعة ونظر لعيناها .
شهقت نورة محاولة ان تُفلت ذراعه، مسك عضديها وبهمس : لاتفكرين بـ احد غير ولد الصايل راكان .
دفعته وعادت بخطوات مرعوبة راكضة.
تنهد بصوت عالي : الله يقطع الحب .
همس وهو ينحني حاملا قُبعتة : لعيونها والله لانسى ضربك .
خرج بشبه عرجة بقدمة اليسار ، صعد سيارته البسيطة ، ورفع هاتفة مُتصلا ع انس، زفر بغضب والهاتف يُجيبه ان رقمة مُقفل .
..
ضرب قبضته بالجدار وبغضب : من اللي جابها ؟!.
ابو مساعد بُحزن ع حالة اخاه الذي اشتد تعباً : طلعت بدون احد يدري.
احمد تحرك بضياع : لو صار لابوها شي بيكون بسببها .
نظر لها ، خارجة من الحمام وتُعدل نظارتها الطيبة على عيناها .
احمد بصدمة : ليش ماقلتو لي انها ماتشوف الا بنظارات ؟! .
ابو مساعد رفع عيناه ع اقتراب وتين : مالها سنة وهي تلبسها .
احمد بعينان حادة : ماتشوفين ابوك تعبان وش جايبك.
وتين بصوت مُتعب شدت على اكمام عبائتها : ابي اشوفه.
صرخ احمد : وتقول ابي اشوفة، مهب توك شايفته.
واشار لباب الغرفة : شوفيه الحين بسببك ارتفع ضغطه، وبيسوون له كيماوي .
ارتفع صوت بكاها بعد جملتة، ضممها عمها وبعينان اشتعلت اشار لاحمد بالخروج .
ابتعد احمد شاتماً كُل من يسقط عليه نظرة.
وتين بكلمات مُتقطعه : انتم ماخلتوني اشوفه، وانا جيت .
ضممها ابو مساعد هامساً : حصل خير ي بنتي .
..
ابتسمت ضاحكة وهي تطوي مابين كفيها من ثياب : استغربت لما دق علي رياض، وجيت راكضة .
ام نايف اندست في فراشها : ي كثر هذرتك اطلعي وقفلي الباب ابي امسي، ولو تدقين ع رجلك ياخذك والله انه احسن .
هدى نظرت لوالدتها : عشان اخلاقك عسل بتحمل كلامك .
ادخلت الثياب بالخزانة وعينها تسقط ع البوم الصور القديمة، الذي اتضح من وجوده ان والدتها قد تصفحته، سحبته ودسته خلفها وبهدوء : جعله ممسى العافية.
واطفت الاضاءة واغلقت الباب خلفها، صعدت للغرفة المُخصصة لها نظرت بهدوء لابنها النائم وتوسطت السرير، وفتحت البوم الصور، وتنهدت بضيق حزين ونظرها يستقر ع اخُتها الاكبر منال، تاملت ملامحها فقد اشتاقت لها مرور عشرين سنة لم يُنسيها قط تلك الاُخت الحانية , بعد تإمل طويل ابتسمت مُتذكره طالبة الثانوية شبيهتها همست : يالله ي اريان كيف صرتي .
وبتدقيق مررت اصابعها على الصورة : سبحان الله العيون نسخة، كانو يقولون تشبهني بس اشوفها تشبهك اكثر .
اغلقت اللبوم ووقفت وهي تسمع خطوات رياض .
خرجت وابتسمت : كيف الدوام .
التفت وبغضب : لو تعرفين وش مسوي .
هُدى بفضول : وش مسوي .
رياض مُفضفض مافي خاطرة : امس متهاوش مع كلب واليوم مشغلة معي .
هُدى دخلت خلفه لغرفتة وببتسامة شامتة : نايف مستحيل يسوي شي ضدك .
وانحنت تحمل ثيابة : ليش ماتخلي الخدم يشيلونها ويرتبون غرفتك .
رياض اتجه للحمام : خليتهم مرة وتوبة بعد ماخربوها .
ضحكت بهدوء وبدت تُرتب غرفته .
..
. طرق الباب، وهتف بعد ان وصل له صوتها : انا ماجد .
نورة بتوتر فتحت الباب : عسى خير ؟!.
ماجد نظر خلفها : وين ابرار ؟!.
نورة صمتت ثواني وتنفست ناطقة : راحت مع جدتها.
اتسعت عيناه وعاد للخلف بصدمة : تستهبلين .
نورة برجفة من ملامحة : والله.
ماجد دفعها بقسوة صارخاً : توك تتكلمين .
نورة بإلم : مادريت الا من شوي .
ماجد ابتعد لغرفتة ناطقة : كذابة انتي سوسة زيها .
دخل غرفتة وبدا يبحث عن هاتفة : لها ساعتين رايحة يمديها وصلت .
رفع هاتفه واتصل ، اشتعلت عيناه بعد ان اتاه الرد بمشغول .
فتح تطبيق الواتساب كاتباً لها : لك ساعة بس ي ترجعين فيها , ولا دامك اخترتي هذا القرار تحملية .
..
ارتجفت اصابعها من ماقرت ، ورفعت عيناها ع صوت راجس : جدتي قالت كلها كم شهر ويطلقتس وانا راح انتظرتس .
انتفضت بعد ان اكتشفت وجودها لوحده معها .. كيف تركتني جدتي لوحدي معه .. عضت شفاهها بعد ان فهمت قصد جدتها وهمست بحدة قبل ان تنزل : لاتنتظرني انا مرتاحة مع زوجي , وانت الله يرزقك ببنت الحلال اللي تسعدك .
اغمضت عيناها من صوت السيارة العالي وابتعادها السريع .
ابرار حركت راسها بضيق : الله يسامحك ي جده شكلك تلعبين ع الحبلين .
..
رفعت عيناها من هاتفها ع صوت صرخت والدتها.
هاجر بخوف جلست : وش في خالتي؟! .
اريان رمت هاتفها وتحركت خارجة : الله يستر.
تصنمت قدمها ع شكل راكان وبذلته المقطوعة ازرتها.
راكان بصُداع : يمة الله يهديك مافيني غير العافية , بتعطيني مسكن ولا اطلع ادور لي.
تحركت ام علي بعجلة لغرفتها : الا بجيب لك .
ارتجف جسدها ع صوت راكان ناطقاً لعلي : تهاوشت مع ولد العايد سعود .
ورفع كفه لثغرة من الالم الذي نبض في شفاهه بعد ان تحدث : بيني وبين انس شغل ، وعرف فيه وبغى يذبحني .
عادت بخطوات خايفة للخلف ودخلت للحمام واغلقته وبعينان مرعوبة : ليكون انا السبب .
وبرجفة اعتلت جسدها : الله ياخذه الانس ذا .
..
الساعة الثامنة صباحاً .
سقطت على ساقيها وصوت الدكتور يُعيد الحديث : عظم الله اجركم ، وراح للي ارحم له من , والان الله يختبر صبركم .
صرخت مُغلقة اذنيها : لا مستحيل يروح ويخليني زي اممي .
وبدت تضرب الارض بيدها صارخة : تكذبون تكذبون .
ابو مساعد مسح دمعته اليتيمة واقترب والضيق يكتم صدرة : ي ابوي ي وتين لاتسوين بنفسك كذا.
اغمضت عيناها هامسة وهي تشعر بالدوار : انا جايتك يبة ، ماقدر اجلس بعدك .
..
فتحت عيناها بتعب ونظرها يستقر ع السقف الابيض، انزلتها بتعب وحركة نظرها ببطء لظهر كفها الذي كان يتوسطه مُغذي ، رفعت عيناها على صوت ام مساعد : كيفك ي بنتي؟! .
اغمضت عيناها وهي تدخل في الغيبوبة مره اُخرى بعد استيعابها ماحولها .
تحركت خارجة وببحة من اثر البُكاء : فتحت عيونها ورجعت سكرتها .
دخل احمد وبضيق : يمة بجلس معها لحالي.
هزت راسها ووقفت بالخارج .
..
اقترب ورفع يدها مُقبل ظهرها وهمس بُحب : لاتسوين فيني كذا .
انحنى مُقبلاً زواية ثغرها : مدري كيف اتحمل انتظر بعد ايام .
واكمل بفضفضة ونظره يتاملها : يقولون انتظر لين تنسى ابوها ، مانسيت انا ابوي عشان تنسية .
ابتعد بربكة ع صوت دخول ام مساعد : لايشوفونك البنات .
احمد بهدوء بعد ان جاورها : لازم نعلمهم، ماراح انتظر اكثر من كذا.
ام مساعد بحدة : البنت ابوها ميت وانت تفكر تعلم العالم، والله اللي ماعنده ضمير ولا احساس .
احمد نظر لها بضيق ، وبعد صمت : راح انتظر وبشوف .
وابتعد بخطوات واثقة وعبر ممرات المشفى بضيق اخفاه في صدرة .
..
..
.. ( نهاية البارت الـ5 والعشرون )..

يسعدك ربي

وتسلم الأناااامل وما شااهدناااااه


يعطيك العاااافيه


شكرا لك

يسعدك الله على الموضوع
وعلى اختيااااره الا كثر من رووووعه

شكرا يعطيك العااافيه

نجمكم

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

يعافيك ربي على زاويتك الراقيه
وشكرا لَطـــرحك المُميز وإِختيارك الرائع
’’
عبق الجُــــــوري لـ رُوحِك..’

http://www.hamsatq.com/kleeja/uploads/15524259646082.gif

سلمت يمناك
طرح جميل جدا

يسلمو ع المرور

سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي

طرح رائع
يعطيك العافية

هطول ثري
وطرح رائع يشُع منه التميز
لشخصيه عذبه أكثر تميز

يسلمو ع المرور

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

http://wahjj.com/vb/imgcache/10183.imgcache.jpg

يسلمو ع المرور

راقني انتقائك الماسي
تسلم يمينك
ودام عطائك العذب
پآقة ورد
http://www.hamsatq.com/vb/images/fac/14.gifhttp://www.hamsatq.com/vb/images/fac/14.gif

يسلمو ع المرور