هذه القصيدة يرددها البعض لشهرتها وهم لا يعرفون ان قائلها هو
الشاعر والاعلامي محمد بن شلاح المطيري رحمه الله واسكنه فسيح جناته..


أمل الوجار وخلوا الباب مفتوح = خوف المسيّر يستحي ماينادي
نبغي الى جاء نازح الدار ملفوح = وشاف البيوت مصككه جاك بادي
يقلط لديوان به الصدر مشروح = ورزقه على رازق ضعاف الجرادي
يانمر مافي صكة الباب مصلوح = ولاهيب النا يامضنة فوادي
تصلح لمخلوق يبي يستر الروح = ناشي عليها معتمدها اعتمادي
يانمر لو المرجلة سد ومسدوح = كلّ نقزها حر والا برادي
لكنها من دونها المر مطروح = وارض تبي من بذر فعلك سمادي
رجال تقصيره مع الناس مسموح = لحيث ماله في القديمة شدادي
ورجال تقصيره مع الناس مفضوح = وكلّ يقول النار تخر رمادي
رحم الله الشاعر فقد كان من اعظم الشعراء ومن اعظم من خدم الشعر الشعبي من خلال برنامجة مضارب البادية الذي كان يعرض في التلفزيون السعودي

رحمة الله عليه

وبصراحه روعه

وهذا اشهر بيت يردد فيها
يانمر مافي صكة البـاب مصلـوح...........ولاهيـب النـا يامضنـة فـوادي

تسلم ياذوق

ولعيونكـ الموضوع خاص ويغلق