https://encrypted-tbn0.gstatic.com/images?q=tbn:ANd9GcRQAxnbX1scX9050WCQOAhCmshAcwpRg Q4jT1jd9UAfnz7bkQYc







تاج الغرور شاعره وكاتبه سعوديه

حاليآ مديرة تحرير مجلة فتل الالكترونيه ومحرره بمجلة القناصه المطبوعه

اكتب الشعر من المرحله المتوسطه وقد تم نشر نص لي في مجلة بروز انذاك

ولانشغالي بالدراسه ولعدم نضج تجربتي لم اهتم بالتواجد الاعلامي

وقبل اربع سنوات وجدت من يلومني على بقائي في الظل فاتجت الى الانترنت بما انه الفضاء الارحب للابداع
وكتبت باسم تاج الغرور واستمريت به الى الآن

كتبت القصيده والخاطره والمواضيع العامه وصقلت موهبتي بالإحتكاك ببعض الشعراء الكبار من خلال التواجد في ملتقيات ادبيه كبيره

اول من أخذ بيدي للإعلام صحيفة عكاظ السعوديه فكان المسؤولون عن القسم الشعبي ينشرون قصائدي واجد منهم التشجيع والاهتمام

كبرت امالي واحلامي واصبح طموحي ان احلق خارج الوطن فكان هناك بعض الصحف الخليجيه تنشر بعض قصائدي


من ثم تم إستضافتي في البرنامج الاذاعي مرسى الاحاسيس باذاعة الكويت في 22/5/2010


وتم تكليفي بإدارة تحريرمجلة فتل الالكترونيه في 18/6/2010


بعد ذلك تم تكليفي برئاسة تحرير مجلةالادباء النسائيه في 7/7/2010
ثم مالبثت ان قدمت استقالتي للدكتوره خلديه ال خليفه صاحبة المجله

ومن ثم تم دعوتي للإنضمام لمجلة القناصه الشعبيه بشكل رسمي

اكتب بعض المقالات لصحيفة عالم اليوم الكويتيه

كتبت بعض المقالات في جريدة الصباح الكويتيه

تعاونت مع مجلة حول الخليج الشعبيه

تم إجراء حوارات معي في عدد من الصحف والمنتديات الادبيه مثل:

صحيفة عكاظ
مجلة جواهر
مجلة الوجد المطبوعه
صحيفة الساعة الالكترونيه
منتديات المختلف
منتدى عبدالله عبيان
منتديات الفجر


تم دعوتي لبعض الامسيات ولكنني لم اقتنع بها بعد فجميعها دعوات لم ترضي طموحي


قالوا عني:

// الشاعر والاعلامي الكبير راشد القناص :

الشاعرة الاديبة الاعلامية تاج الغرور 000 من الشاعرات اللواتي لهن باع كبير في الساحة الشعبية حيث قدمت لذاكرة الشعر الكثير من الجزالة والعذوبة والجمال لها فلكها وأجواؤها الخاصة فعندما تكتب النص تشعر بانه يحلق عاليا ليعود بالصيد السمين والنادر ..
فمجرد رؤية هذا الفضاء الخاص بالشاعرة سنتعرف كيف تقدم العاطفة بكل اشكالها والوانها الجميلة لانه قادره على الابداع
شاعره تعلن نجوميتها بكل ثقة..



// الشاعر والاعلامي خالد العزاب:


هذه الشاعرة الممتلئة الكثيفة بالشاعرية تكتب للشعر وبالشعر تمتلك لغة الغيم بلاغياً قطوفها دانيه و لكن للسماء السابعة ،أتقنت الفن الموسيقي الداخلي للنص بينما الكثير يقف على أعتاب الوزن والقافية ،صعبه جداً رغم سهولتها النادرة من يقرأ نصوص تاج الغرور يُجْزِمْ بيمين مغلظ انه يقف على شاعريه بحسً ذي تلول والثل بها إلى لوفر الشعر والشعراء ، خامرة النصوص والتراكيب اللفظية هي محكمة البناء والسياق لديها وهذا قليل من شاعرات جيلها تجاوزن ذالك شكرا مبجلة لها لا طالما هي تكثر الحرف شعراً ولا تنتهي ..

// محمد سعود رئيس القسم الشعبي بجريدة الحياة:
شاعره متميزه ومتمكنه قصائدها تلامس وتحاكي مشاعر الاخرين تتميز بالكلمات السهله والمفهومه لدى غيرها جميله في تعاملها وراقيه في أطروحاتها

// الشاعر والاعلامي عبدالله عبيان نائب رئيس الاقسام الثقافيه بصحيفة عكاظ:

تملكين شاعرية متدفقة قادرة على ادخالنا الى اجواء النص عنوة وهذه ميزة لا يملكها سوى الشاعرات المميزات
وهذاماجمعته لكم ي قصايدليل عن هذي الشاعره

شحوب الزوايا...!!


اعروق قلبي في غيابك ظمايا!
..............حاول تبلل نبضها لودقيقه!

جرب تقيس الشوق وسط الحنايا!
..............ترى إجتياح العشق محد(ن)يطيقه!

شف زرع حبك نابت(ن)بالخلايا!
..............اقتات به واتنفسه واستذيقه!

وان ماكفاك الشوق قل للبرايا!
..............ان الحياة ابلا تواجدك ضيقه!

من رحت عني والمواني عرايا!
..............مالفها لون الشفق في طريقه!

امست مداينا بدونك قرايا!
..............ماتت معالمها وباتت سحيقه!

واضح بنا حتى شحوب الزوايا!
..............مع عتمة الشباك صارت عتيقه!

حتى المكان اللي يثير الحكايا!
..............اصبح بدون ارضاك فاقد بريقه!

ماعاد يطربنا حنين الخفايا!
..............ولاندور في سرابك حقيقه!

اما تجي وتمد بيض النوايا!
..............وتسقي حنايا خافق(ن)جف ريقه!

والا بلاش من الكذب والهدايا!
..............روّح عسى تلقى بدالي رفيقه!

الخطايا....!!

الخطايا شوّهت طُهر الزمن!=بدلت بيض النوايا بالسواد!
توصم الاجساد بالوان الحزن!=تقتل احلام الصبايا بالمهاد!
تشعرك انك غريب بلا وطن!=وإن مالك بين هالعالم بلاد!
كنت تحلم والليالي ماوفن!=وانت ماحققت من حلمك مراد!
كنت تعطي ماتدور للثمن!=لين جف الزرع واضناه الحصاد!
كنت تطوي البيد باحلام المدن!=تزرع البسمه ولو حولك جماد!
تنتصر للروح من سجن الكفن!=ماتفرق بين موتك والجهاد!
لين مارست الخطايا بالعلن!=وماجنيت من الخطا غير الرماد!

حروب الغرام...!!


من عقب ليل القصايد والغزل والهيام!=طفل المشاعر براه الشوق قبل ايحبي!
ذبيت همي على بعضي وبعضي حطام!=واستوطنتني جروح(ن)نزفها ضاق بي!
غربة مميته بروحي والبشرفي زحام!=والدرب ياضيق بابه مل منه اتعبي!
حل أغتيال المشاعر في مكان السلام!=واستنكرته الحنايا مثل شجب أعربي!
ياشين ضعف الاراده في حروب الغرام!=ويامر طعم الهزيمه من عدوٍ غبي!
سقت امنياتي لعينك وانت جوك عسام!=كنت أحسب ان الغرام يزين به مشربي!
حلمت بك قبل أشوفك وانتشى بك حمام!=واعطيتها لك رساله من جنون أشغبي!
وردت حمامات شوقي كاسله بالحيام!=لانك قسيت بردودك واستثرت اعتبي!
حطمت حلم الطفوله وانتحر الف عام!=ضميتها لك بصدري وانت توك صبي!
كنت اشتهي شيطنتك ولا اخاف الملام!=وارقب يدينك وهي تحتاج قيظ الهبي!
بين المشاعر وروحي واحتياجك خصام!=ازريت لافهم غيابك والوجع طال بي!
وعييت لاالقى لجرحك في حياتي ختام!=كنه معلق بثوبي او بظل اهدبي!
ياوقت ارفق بجرحي لاكساه الظلام!=والنار شبت لظاها والضلوع احطبي!
والبدو دقوا وتدهم في صميم العظام!=وعروق قلبي بيدك ماخذنها سبي!
واليوم شفني اسيره بعد موت الهيام!=حلت بروحي ثلاث احتاج ودي وابي!

لاجيت اخاف العتب ياخذ مكان الغرام!=وان رحت عنك اشتهي وصلك ولذة شغبك!!
ياروح تاجك اخاف يضيع مني الكلام!=وان ماعجبك السكوت تزيد قسوة تعبك!!

اخفيت حرفي وكني خايفه غدره=الوقت كله ظلام ودنيتي قشرا
ياليل تكفى تدور للسبب عذره=توه ترك تجربه معروفة المسرا
ليته قبل ينجلي ليله عرف بكره=يمكن قلوب العذارى جرحها يبرى
كنه يقيس البحر في مده وجزره=مير السواحل بميعاد السفن ادرى

احدن يطيق الغرام ويشتهي ذكره=واحدن غلبه الهوى وبحالته ازرى
واحيان تقفي خيول الشوق منكسره=ويتوق راعي الغلا لمصافح البُشرى
ياشين بيتآ هزيل وماوصف قدره=من وقت والقلب وعروقه ترى خضرا
وان ماوضح لك شعوره في صدى شعره=يلعن ابوه القصيد ورايته غبرا

ياصاحبي خل الوجع في ضلوعي!=انا كذا مركب حياتي تعاسات!
ماهي جديده لاتعثر رجوعي!=شفني معك طول السنه بإنتكاسات!

الغالي اللي مابخل ب امحبته!=إذا قرب منك ترى كنه جبرك!
اللي يراعي لك وهوفي كربته!=واللي يعاف الكل لامنه ذكرك!
يقاسمك همك وينسى بهجته!=يعطيك من وقته ولامره حقرك!
لاشانت الايام واقفت صحبته!=انا اشهد ان مامت فقدانه كسرك!

اعطيتني وقتك معَ تقديرك!=ورقيت مرقاب الغرام ا لحالي!
ماهمني معجب ولا أبي غيرك!=وانت اتعرفني عاليآ منزالي!

وانا للي لفاني مركبي يبحر بدون اشعور=مثل ماهو تقهواني ترى عشقه تقهويته
اذاقلبه خلي ودي يعانقني غصن وجذور=وينسيني زمان(ن)في ظلام الغدر قاسيته
وانا بعطيه من ذاتي مداين صادقه وبحور=يعيش ابها ملك عمري بعرش القلب وليته
اكون اقرب بشر صادق من اجناس البنات الحور=ويطوي سالفة ليل(ن)سهرها يوم سرّيته

هلابمعانق حروف المواني والمطر والغيم!=تمد الصبح لاطراف البياض وطُهر اساريره!
تشيل الهم لاغاب الزمان وهده التحطيم!=عتب مدري تعب مدري شعور شح تأثيره!
معاك الشعر ياغالي يغازل لحظة التأثيم!=يدوّر للصباح وينتظر نغمة عصافيره!
يروادنا عن اشتات الشعور ولذة التحريم!=ويمحي ذنبنا لامن تعبنا في محاذيره!
ويغرينا الهوى لكن نقاوم نزوة التعتيم!=وننثر للبياض اقلوبنا ونفك تأسيره!

تلميذتك علمتها كيـف تهـواك
.............ونسيت تعطيها لبعـدك مناعـه
مع كل فجة نور تصحى تقهواك
.............من نبض روحك تستمد القناعه





علمتها تزرع يباس الطين ورد
وتحصد الوان الشتات وتمزجه بالون طيف
تبتسم لك,تنتصر لك,تقلب اجوائك خريفك
وانت تمنحها قليل اشياء وتحسبها كفايه
لا وربي مااكتفت من طهر قلبك
من شغبها في يدينك
من تعبها في سنينك
موغله في الإحتياج
تعشقك تقلب شقاوتها لعينك ابتهاج
كانت اصغر مترفه ترقب حنينك
صارت اكبر شاعره في وسط عينك
واستمد النور نوره من سناها واستخار
عاش شامخ من لمس راحة يديها في جهار
مابقى للذنب وادي
كبله شوق الايادي
واستباح اجمل تفاصيل الحكايه






ماشفتها تجتاح بـردك وتدفـاك
................وتمنح مشاعرك البليده حـراره
تعطيك عطر(ن)ينتشي من حناياك
................وتمد لك مع كل غيمـه عبـاره



وتعود لك طفله تحلق في سماك
تشتاق لك
تنصاع لك
تطلب ارضاك
تحتاج من صوتك دفا
ومن لمسة ايدينك شفا
وتحن لك

تلميذتك تاهت بوسط المدينه
تبحث عن اسباب الغياب
وتسير في كل الدورب اللي توصل للنجاة
مجنونه لايمكن تتوب وهي تشوف انك حياة
يآآآآآآآه

تلميذتك كبرت وصارت تحتريك
تبغى تشوفك لانها توله عليك
تبيع لعيونك كثير
وتترك العالم بكفه وانت وحدك حبهالك شي كبير



كبير

كبير

كبير

يقول بدري:قلت بدري على ايش؟=شف كم سنه وانا اتحرى وصالك!
مليت من كذب الوعد قلت بأعيش!=واختار درب(ن)مايزوره خيالك!

الغيبه الموجعه وحكاية الغربه!!=والليل والهم بعده ضيقت عيشي!
شح القدر لايوصلني على دربه!!=وازرى الوطن في غيابه يحتضن طيشي!

تقول غربه والوطن في ضلوعي=فرشتها لك والحنايا مداين
صب الغرام وعلمه لايجوعي=وارسم على جدران قلبي جناين
واحتل مع طهر النوايا ربوعي=وعروق قلبي في يدينك رهاين
واشتب من رمشي لدربك شموعي=واسكن بروحي وانتصر للغباين
ترى الشعر مشتاق لك جاك طوعي=والفلسفه مضمونها فيك كاين
ياليل من يجليك لاحل روعي=من يشعل القنديل وسط الخزاين
من يلهم البحار درب الرجوعي=ويعلم المرسى جنون السفاين
ويقول له شوف الوطن في ضلوعي=والقلب بيتك والحنايا مداين

اطفي الشمع واشعل هالمدينه شرار=وادفي اطرافهاوالعمق زده إشتعال
علم الزرع يحكي لا كساه الخضار=يتمايل و كنه محتفل بالجمال
عانقه في سعاده قبله في جهار=اكسراقيود خوفه واشبع من الدلال
علمه لاغفى بك يستلذ النهار =واحجب شعاع شوقك واسعفه بالظلال
حرره لاتمادى في فنون الحصار=علمه كيف يتعايش مع الأحتلال

""]
الخطايا شوّهت طُهر الزمن!=بدلت بيض النوايا بالسواد!
توصم الاجساد بالوان الحزن!=تقتل احلام الصبايا بالمهاد!
تشعرك انك غريب بلا وطن!=وإن مالك بين هالعالم بلاد!
كنت تحلم والليالي ماوفن!=وانت ماحققت من حلمك مراد!
كنت تعطي ماتدور للثمن!=لين جف الزرع واضناه الحصاد!
كنت تطوي البيد باحلام المدن!=تزرع البسمه ولو حولك جماد!
تنتصر للروح من سجن الكفن!=ماتفرق بين موتك والجهاد!
لين مارست الخطايا بالعلن!=وماجنيت من الخطا غير الرماد!

ليه الحسد وانتي كذا مستريحه!=وانافقيرة حظ وابحث عن المي!
تري حظوظي كلبوها شحيحه!=غيرالشعروالملح ما أمتلك شي!
انتي قفر واناغنية قريحه!=وهذا عطايا ربنا ساقها لي!
ليه القطاعه والكبريامديحه!=حنا بشر واذنوبنا صوتها حي!
لاتتركين الحقد يبني ضريحه!=يسوّد ايامك ويطفي بها الضي!
تواضعي وامشي بدرب النصيحه!=وباب الحسد سديه لاتتبعي الغي!
قضي حياتك بالنوايا الصحيحه!=تري الزمن يطوي مقاديرنا طي!
اليوم حنا بالحياة الفسيحه!=وباكر نعوّد للثرى دون لاشي!

صباح الشوق وانغام الفجر واغناية العصفور=صباح(ن)لو تجف اطراف عيني ماتعديته
انا لي في الغرام اجروح قلب(ن)عافها الدكتور=عجز من كثر طعناتي يقول الطب خليته
تمر بخاطري بعض الاماكن واكشف المستور=وابوح بما خفى في داخلي عن ماتمنيته
واذا كان الفضا خيمه وشرفات الليالي قبور=اشق النور لاطراف السديم اللي كسا بيته
اناموطن هيامي بالمحاني لو يطول الجور=بقى ثابت على خبره وربي ماتناسيته
امانه يالقوافي وصفي له دمعة المقهور=واذا عيا يجي صوبي حشى والله ماجيته
وانا لا مر بدروبي بعلمه الهوى المسجور=واقول اقرى تعابيري وشعر(ن)فيك غنيته
تفضل هج بيبان الضلوع وحطم المحظور=ووصلني على درب الغرام انكان مريته
وعلمني معاني العشق نفحات وعبق وعطور=على شان العبير اللي لفاك وماتهاديته
ربيع العمر ولى والمشاعر للحبيب طيور=وولت سالفة قلب(ن)وفا لك وأنت عنيته
متى تمطر علينا غيمة(ن)تسقي اراضٍ بور=تفيض بنبعها تروي يباس(ن)حل ماارويته
افاخر في وجوده واقهر اجمل مترفات الحور=مدام انه رقى عرشي جنون الشعر ناديته

أبيك لا ضاق الفضا تحتويني=وترد روحآ غايبه عن جسدها
تلمني لاقصر الوصـل فينـي=واجتاحني هم الليال ونكدهـا
ابيك تاخذنـي انـا ماابينـي=خذني حبيبه صادقه في وعدها

الليل من دون صوتك ضاق باحلامي!=وامتد حزن الغياب ولا بقـى حيلـه!
ازرعك قبل البزوغ وتحصد إعدامي!=ماكني اللي قبل يومين تشكـي لـه!

بارنيز ..يابارنيز قهوتك مُره

من يوم غاب الشارع اللي يمره

اونست له وسط المهاديف حره

وحرمت عقبه نومتي وإحتفالي

......
بارنيز ..عزل مالنا فيك حاجه

غاب الرفيق اللي تعدل مزاجه

من غاب صوته صار طعمك سماجه

قهوتك ماتنفع شديد إنفعالي

.......

بارنيز..يامقهى حضاري وعصري

انا انهدم في ساحة الصدر قصري

والله لولا عاملك شيف مصري

كنا بنينا لك قصيد(ن)هلالي

......




لانك شهدت اعظم فصول الحكايه

وياما تعلمنا فنون القرايه

بعيوننا واقلوبنا والكنايه

لكن غدر فينا سواد الليالي


..............




تاج الغرور

بكت لك ضلوعي والصدر ثار به بركان

وقلب المعذب لجلك ايثور بركانه



نحتّ الحنايا لجل توجد بها اوطان

وموطن غرامك داخلي صعب نسيانه

اتعرف وش يعني تموت العصافير..؟

يعني تغيب وتترك الشوق يذبل...!



اتعرف وش يعني تضيق المعاذير..؟

يعني تبيع احباب قلبك وترحل...!

اه يمه من تفاصيل الليالي

فرقة مابين الارواح وجسدها


مشكله لاصرت فاقد شي غالي

كنك ام فارقت تربة ولدها

ياماعطيت من الغلا والمشاعر
افرد لهم رمشي وصدري شمالي

لاضاقت الدنيا اغني واكابر
عشان لايدرون عن ضيق حالي

ماكل طير(ن)يعتلي مـع جناحـه
بعض الطيور تضيع بين الخطاوي

تراك مثل اللي مضّيـع سلاحـه
يرمي ولكن يرجع الـدار خـاوي

مثلك عشقت السهر يانجمة الراعي!
ارقب حضوره وادور للفرح ومضه!

شوفي غيابه عطش من مزنته قاعي!
لاهو مطرني ولاوقّاني الرمضه!

مايدري ان الحياه تضج باوجاعي!
وان السعاده بلاه تروح في غمضه!

يالنجمه اللي تعلّت هاجسي واعي!
جرح المحبه معاه اسرفت في نقضه!

ياحلمي الوردي ابي كل مافيك
شخص ٍ يحبك جاك روح وصبابه

بسكن بروحك واستظل بقوافيك
واعزف على حلم الليالي ربابه

واسمّعك صوتي والحن واغنيك
وارقص على حد النظر والكتابه

الجرح لاجا من سبب له نهايات
بس الذي ماله سبب كيف ننساه

لولاك يالذكرى تحنين لحظات
تردني للي غدر في خويه

هيهات نسلى خاين الود هيهات
كل مابرى جرحي تجدد عليه

لاتحاول تلمس اطراف الزجاج
تجرح ايدينك ولو قلبك سليم

اعتق ضلوعي وفك القيد واطلقني!
يالعشق عذبتني وش مكنك فيه!

روّح بشرك وراك ان قمت تلحقني!
ماعاد اطيق السجن فرقاك حريه!

حنيت له والظما قاعه يصدرني!
والغيم عاف امطري والهم خاويته!

سقت امنياتي لروحه كود يسهرني!
ويعلم الليل يدفي برد مغليته!

ماعاد يطربنا حنين الخفايا!
ولاندور في سرابك حقيقه!

اما تجي وتمد بيض النوايا!
وتسقي حنايا خافق(ن)جف ريقه!

والا بلاش من الكذب والهدايا!
روّح عسى تلقى بدالي رفيقه!

ماكل ليله يمسي البال مرتاح
ولاكل حزه يصبح البال رايق

ولاكل بارق في سماخافقي لاح
له منزله عندي وله قدرفايق

الخطايا شوّهت طُهر الزمن!
بدلت بيض النوايا بالسواد!

توصم الاجساد بالوان الحزن!
تقتل احلام الصبايا بالمهاد!

ابستظل الهوى وإن طال مشواري
وانسى غيابك وأعاتب وأجلس قبالك

وأحط راسي بصدرك واسرد أخباري
واسألك وش مشغلك عني وش أحوالك

ماغابت الا تحتري منك ميعاد
................ يمكن تشب النار بين الحنايا

الورد يحتاج المطر لجل يزداد
................ نور ونظاره لين يملأ الزوايا

ماشفتنا ياصاحبي وقت الاعياد؟
................ نحتاج له ونقدمه بالهدايا

خذني دلع خذني(قنينة)أنوثه

............................ لاضاق جوك أنتصر لك من الضيق

الحب حمامة سلام


يتنقل من قلب الى أخر


الى ان يجد عش يرمي بتعبه بين نبضاته..!!

ان مانصفك الحظ والاخلاص والحس الرقيق
ــــــــــــــــــــــــــــــــــــــــ لاتحلمين ان المطر يكمل معاك حكايته

ياشاعرة عصرك تعالي كسري حلمآ عتيق
ــــــــــــــــــــــــــــــــــــــــ وابني على قبر الغلا بيتين لجل اغنايته

عيشي بداخل جملة احزاني وخليني افيق
ــــــــــــــــــــــــــــــــــــــــ من حظي اللي لاوقف ضاقت عليه امرايته

ضميني لدفترك واقريني تري جرحي عميق
ــــــــــــــــــــــــــــــــــــــــ اتعب ضلوعي لين عجزت لاتشيل اجنايته


يردني لاردى زماني قبل لا ادل الطريق
ــــــــــــــــــــــــــــــــــــــــ طفله تعيسه والوجع علق عليها غايته

مااخذت من كثر العتب الا مفارقة الصديق
ــــــــــــــــــــــــــــــــــــــــ اللي يبي يوصل لعرشي وينتصرفـ انهايته

مالرغباتي علشانك حدود
ـــــــــــــــــــــــــــــــــــــــــ ياغرامن(ن)شدني له بإقتناعه

حطني بين الغوايه والصمود
ـــــــــــــــــــــــــــــــــــــــــ واعطني حب(ن)بقدر الاستطاعه

حرر اغلال الوصايه والقيود
ـــــــــــــــــــــــــــــــــــــــــ وادنني كثر احتياجي للقناعه

اترك افكار التعصب والجمود
ـــــــــــــــــــــــــــــــــــــــــ واجه العشق بميادين الشجاعه

عيشني لين نتهاوي في ركود
ـــــــــــــــــــــــــــــــــــــــــ وارضني لجل الغرور ابلا شفاعه

اعطني مااشتهي من دون زود
ـــــــــــــــــــــــــــــــــــــــــ وان طمعت يحق لي فيك الطماعه

امنح اجزائي تفاصيل الوجود
ـــــــــــــــــــــــــــــــــــــــــ واحتياجي لإنصهاري فيك راعه

وان تجاذبنا الحكي وقت الرعود
ـــــــــــــــــــــــــــــــــــــــــ مايكفيني معك مليون ساعه

ادفي انفاسك من اوساط البرود
ـــــــــــــــــــــــــــــــــــــــــ واغزل الفتنه بميدان المناعه

واتفنن في مواجهة الحشود
ـــــــــــــــــــــــــــــــــــــــــ استثير النبض واسعى في ضياعه

لاتجرحـيـن الغـيـم ياتـوّاجـه!
............هزي غصون الشـوق لـه هزيهـا!

واعطيه من فيض الشعـر ثجاجـه!
............خلـي القوافـي تحتفـل واغريهـا!

ان كان به جرح اسرعي ب إعلاجه!
............وحطيـه بعيونـك يقيّـل فيـهـا!

واهني عقب هذا البطى بمواجه!
............اعطيه من روحك وهو يعطيها!

خلي ضلوعك لاظمت تحتاجه!
............يسقي حناياها ويزرع فيها!

حبيـه ليـن يخالطـك ميـزاجـه!
............عيشيـه ليـن اعروقـك يغذيـهـا!

مدي جنونك واسرفي في إحراجـه!
............شبي الاماكن وارجعـي واطفيهـا!

ولاتزعجينـه لابغيـتـي حـاجـه!
............مشاعـره ثـارت قبـل يدعيـهـا!

واليوم رجله صوبكم دوّاجه!
............في داخله رغبه عجز يخفيها!

شفتي ثِمار الغُنج ياتوّاجه؟
............شواربه وقت الدلع حستيها!

ماغابت الا تحتري منك ميعاد
................ يمكن تشب النار بين الحنايا

الورد يحتاج المطر لجل يزداد
................ عطر ونظاره لين يملأ الزوايا

ماشفتنا ياصاحبي وقت الاعياد؟
................ نحتاج له ونقدمه بالهدايا

قم ولع الشمع وانا بكتب أشعاري
........................................ واول قصيدة غزل أكيد من فالك..!

(ودي تمر شوي)

ودي تمر شوي تنشد عن الحال
ـــــــــــــــــــــــــــــــ يمكن سؤالك يوقد الشوق فيني
ياصاحبي نبت الوجع داخلي طال
ـــــــــــــــــــــــــــــــ وده دوا وانا قصيره يديني
ماجيت ادور للتعب وسط الاغلال
ـــــــــــــــــــــــــــــــ جيت استريح بداخلك ياضنيني
كنت احترق والقيظ جاير وقتال
ـــــــــــــــــــــــــــــــ مافيه درب الا بكى من حنيني
احتجت لك وايقضت لك الف موال
ـــــــــــــــــــــــــــــــ ورديت اجر الصوت واقول ويني
الدمع من كثر البطى عذب الشال
ـــــــــــــــــــــــــــــــ والليل نومه حالف(ن)مايجيني
واليوم شفني بين ذكرك والاطلال
ـــــــــــــــــــــــــــــــ ادورانفاسك وهي ماتبيني
حبك جذبني من وريدي ولازال
ـــــــــــــــــــــــــــــــ يسقي فروعه من عروقي وعيني

بغداد راحت والوطن ضاق ثوبه
ــــــــــــــــــــــــــــــــــــ ماعاد يوسع همه اللي غدا جيش


وفي دار فور الكل زادت كروبه
ــــــــــــــــــــــــــــــــــــ وحلم الزعامه ضاع في زحمة الطيش


وطن يموت بفعل كثرة ذنوبه
ــــــــــــــــــــــــــــــــــــ كيان يفقد هيبته قبل لايعيش


تونس تئن وتنتخي بالعروبه
ــــــــــــــــــــــــــــــــــــ والكل يتظاهر على ايش ولويش؟


وابن علي زاد الوجع في هروبه
ــــــــــــــــــــــــــــــــــــ غادر وشعبه في غوايه وتشويش


بلد حضاري طاح واعلن شحوبه
ــــــــــــــــــــــــــــــــــــ واعقب خضار السنبله قطعة الخيش


والنيل شعبه قام واشعل حروبه
ــــــــــــــــــــــــــــــــــــ يقول حاكمنا منع لقمة العيش


فوضى,شغب واسراب حزب امغلوبه
ــــــــــــــــــــــــــــــــــــ نظام يسقط دبروا له مطاريش


ياليعربي احشم صفات العروبه
ــــــــــــــــــــــــــــــــــــ الى متى والكل عايش في تهميش


الى متى والشعب ينكر عيوبه
ــــــــــــــــــــــــــــــــــــ الى متى نذعن للأغراب بشويش


الى متى ندفع دمانا عقوبه
ــــــــــــــــــــــــــــــــــــ ونموت لجل احلامهم تقدر اتعيش

لــك حـبـسـت بـداخـلـي مـلـيـون صـــوت
ــــــــــــــــــــ وانـتـظـرت الـحــظ والـفـرصـه وجـيـتــك


مـــن عـقــب مـالاعـنـي هـــم الـسـكـوت
ــــــــــــــــــــ جـيــت ادورنـــي مـعــك لانـــي هـويـتــك


ماطلـبـت اكـثـر مــن احـســاس وبـيــوت
ــــــــــــــــــــ اسـكــن اجمـلـهـا وامـــوت ومانـسـيـتـك


جـيــت فــــي قـلـبــي غـرام(ن)مـايـمـوت
ــــــــــــــــــــ مـــن خــلــق فـيـنــي ولامــــره جـفـيـتـك


شفت وش كثر اعشقك من غير صوت؟
ــــــــــــــــــــ خــذت مـــن اجـمــل تفاصـيـلـك وجـيـتـك

نحلم بباكر والجسد مايعمر
ـــــــــــــــــــ والحلم يبقى ماتغيره الأزمان

وان كان زرع أحلامنا مايثمر
ـــــــــــــــــــ يكفي سعينا للأمل قدرالإمكان

ياكثر ماغبت عنك وياكثر طيش الصغار
............................................كل يوم يبين لك شوق جديد وتحقره



ياكثر ماضقت مني وجيتك انشد ويش صار
............................................اتظاهر بالبراءه لجل انال المغفره

ناس(ن)تمر القلب وتموت عادي
ـــــــــــــــــــــــــــــــــــــــــ و ناس(ن)تروح وباقي(ن)ذكرها حي

صباحك اعذب من حكايات الاطفال
.................................وانقى من اغيوم الربيع ومطرها

رسمت لك من برج الاحلام غيمه
ــــــــــــــــــــــــــــ من حزنها تبكي تبي تمسك يديك

واشوفها شحت علينا بديمه
ــــــــــــــــــــــــــــ عافت يباس(ن)صاب معظم صحاريك

كني يتيمه وامنياتي يتيمه
ــــــــــــــــــــــــــــ مااشوف كل الناس عندي تساويك

بقول لك رغبه بصدري قديمه
ــــــــــــــــــــــــــــ ودي تنور بالملاقا لياليك

قربك بحر وانا عدودي كريمه
ــــــــــــــــــــــــــــ اصوغ لك من مفرداتي واغنيك

يامن منح للعمر والوقت قيمه
ــــــــــــــــــــــــــــ حبك وطن واحلام عمري شبابيك

لك بالمحاني بيت والروح خيمه
ــــــــــــــــــــــــــــ تسري بها مثل الدما لامشت فيك

لباك يانبض الحياة العظيمه
ــــــــــــــــــــــــــــ لامن جفتك العين فالقلب شاريك

البرد قاسي والخيانه لها دور
ـــــــــــــــــــــــــــــ والصبر طال ومالقينا نتيجه

ماكل من غاب وهجر صار معذور
ـــــــــــــــــــــــــــــ يكفي الزهر مات وحرمنا اريجه

الحرف غايب مداده وانت فتشته
ــــــــــــــــــــــــــــــــــــــــ جمعت من مفرداته كل مترامي


رسمت به مترفات الشعر وانعشته
ــــــــــــــــــــــــــــــــــــــــ وسريت للحبر نورآ بالفضا سامي


من مر يقرى كتابك فز وادهشته
ــــــــــــــــــــــــــــــــــــــــ شاقه شعور(ن)بحرفك مثل الاحلامي

قلت اسقي البستان من غيث الاشواق
ــــــــــــــــــــــــــــ عل وعسى تثمر غصون الحنايا

اعزف لروحك لحن
ــــــــــــــــــــ واوقد لدربك ضو


امنح حبيبك وطن
ــــــــــــــــــــ وارسم لعمرك جو

لاجيت ادور للغلا في عيونك
ـــــــــــــــــــــــ كشفت انا وش كثرشوقك فـ/عيني

كنت احبـك بيـن نبضـي واجسـدي
ــــــــــــــــــــــــــــــ وصـار حبـك اكبـر مـن الاحتمـال

مـاقـدرت اسـتـره لاقـــام ايـعــدي
ــــــــــــــــــــــــــــــ محتمـي فـي صـدرك وزابنـك وال

والـهـوى الـلـي مـرنـي يـاسـيـدي
ــــــــــــــــــــــــــــــ جابنـي لـك دون توضيـح وجــدال

بـــس تـكـفـي لاتـفـكـر مـقـصــدي
ــــــــــــــــــــــــــــــ وصـل واهـي لالفتـه الريـح مــال

حلمي اكبـر مـن مساحـات ابلـدي
ــــــــــــــــــــــــــــــ جيت ادور بك عن اجروحي ظلال

جيت اصب الريح في كف الجـدي
ــــــــــــــــــــــــــــــ واتحـرى بالفـضـا دفء الـوصـال

عـل ماطـر شوفتـك يجلـي ابـردي
ــــــــــــــــــــــــــــــ وينصهـربـك كــل ماجـالـه مـجـال

ياكـثـر ماضـعـت لاجــا مـوعــدي
ــــــــــــــــــــــــــــــ وياكثـر مامـت فـي جــو الـسـؤال

لانـك انـت اللـي بشوفتـه اسعـدي
ــــــــــــــــــــــــــــــ ولانك انت اللي حرامه لـي حـلال

اتـمـادى بــك واعيـشـك وابـتــدي
ــــــــــــــــــــــــــــــ جــوي المـمـزوج حــب وإنفـعـال

انـت وحــدك تـقـدر تـحـل اعـقـدي
ــــــــــــــــــــــــــــــ وانت بس اللي اشـد الـه الرحـال

ياوليـف(ن)صـار قـربـك مـولـدي
ــــــــــــــــــــــــــــــ جعلنـي ماافقـدك لـو الوقـت طـال

بين المطر والحب وانته حكايه
ـــــــــــــــــــــــــــــــــــــ ضميتها يوم اوغل البرد فينا

كانت دفا كانت تنوّر سمايه
ـــــــــــــــــــــــــــــــــــــ كانت كذا لاحلام الايام مينا

تم والحمدالله من انتهاء اديوان