: ها يا سلمى موافقة علية ... هذه المره الثالثه اللي يجي يخطب..
سلمى : ايوة ابوي موافقه خلاص .. ..ابو سلمى فرح وابتسم لها : على بركة الله .. الف مبروك يابنتي .. ام سلمى : مبروك ياا امي مبرروك ... سلمى : الله يبارك فيكم يا امي ..

بعد زواج هيثم وسلمى بشهر .. هيثم رجع للبيت اخر الليل ..
سلمى : وين كنت ياهيثم ادق عليك ماترد ولا مشغول .. خوفتني عليك ..
سلمى شافت هيثم مو طبيعي ..
سلمى : هيثم وشفيك .. .. ؟؟
هيثم : مافيني شي بس تعبان من الدوام .. وكنت مع اخوياي سمره .. باروح انام ..
سلمى كانت متوترة وقلبها ناغزها .. ..

يوم من الايام .. الساع 9 ونص الصباح ..هيثم بدوامة .. سلمى كانت تنظف غرفتهم ..
رتبت السرير ونزلت بتنظف من تحته .. شافت كيس اسود مربوط .. اخذته ... فتحت الكيس لقيت صندوق خشبي قديم وصغير ... فتحته ..

شافت اكياس صغيره مره بحجم الاصبع بيضاء .. جنبها كان كيس مربوط صغير فتحته شافت حبوب لونها وردي ..صغيره مره .. خافت . شكت بشيء وكانت تقول يارب مايطلع صح .. جنب الاكياس كان فيه مسدس بحجم نص الكف .. رجعت كل شيء مكانه وحطته تحت السرير ..

بعد فترة .. سلمى كانت راجعه العصر للبيت .. وهي مبتسمه وفرحانه .. هيثم كان في الصاله على جواله ..:: .. هيثم .. هيثم ...
هيثم :: هلاااا .... نطت سلمى جنبه على الكنبه ... وظلت تطالع فيه بعيونها ..
هيثم طالع فيها مستغرب وعبس حواجبه : ليش تطالعيني كذا ؟؟
سلمى : عندي خبر حلوو .. هيثم عدل جلستة لها وتوسعت عيونه :: وش هو ؟؟

سلمى :: انا حامل ....:3z (8): هيثم :: هاا :3 z o t e (171): ... سلمى : اقولك انا حامل ..

نط هيثم من مكانه :: من جد ولا تمزحين .. سلمى وهي تضحك : والله ...
من الفرحه هيثم حضنها :: الحمدلله اخيرا بيكون عندي عيال ..


هيثم كان فرحان بحمل سلمى ظل يعتني فيها طول فترت حملها ..وكان يختار الاسامي للمولود .. ولدت سلمى وجابت ولد ...سموه مجد ... ...

كبر مجد وصار عمره ..10 سنوات ... كان يشبه سلمى بكل شي .. بشعره الاسود ..عيونه العسلية .. وحتى بياض بشرته .... بتحملة المسؤولية .. .. من صغره يضحي عشان يسعد اللي يحبهم ..

الثلاثاء .. ساع 3 الليل .. رجع هيثم ..دخل البيت وصقع الباب بقوة .. نزلت سلمى :انت صاحي بتقوم الولد بكره عنده مدرسة ... هيثم : اقول اذلفي عني .. وعطيني شيى اكلة بسرعه ..
سلمى استغربت اسلوب هيثم معها .: وليش تصارخ علي ؟؟ .. هيثم قام وصفع سلمى ..
طلع برى جاب عصاته من السيارة وظل يضربها .. ويركلها على بطنها .. ويشد بشعرها .. مجد قام من النوم على صوت صياح .. نزل الدرج .. وشاف ابوة يضرب امة .. سلمى كان خشمها ينزف وفمها ..نزل مجد بسرعه .. ودفه :: وخر عن امي ... هيثم .. شافه ..وطلع برى البيت ..مجد رجع عند امه : امي امي قومي تكفين .. كان يبكي مايدري وش يسوي ... سلمى
باقي صاحيه
سلمى : مجد خذ جوالي وتعال .. مجد اخذ جوال امة ورجع : دق على جدتك بسرعه ..


اليوم الثاني .. المساء الساع 4 .. صحى هيثم كان نايم في السيارة ..فتح عيونه .. كان يناظر سقف السيارة ..شوي تذكر اللي سواه امس ..

فز من مكانه وشغل سيارته وراح البيت .....ياربي انا وش سويت ؟؟؟

يدق على جوال سلمى ردت ام سلمى : نعم وش تبي ؟؟ بعد اللي سويته ياسويد الوجة لك عين تدق عليها ؟؟
هيثم : عمة تكفين ابي اكلم سلمى .. والله مستعد اجيها وابوس يدينها وراسها بس ترضى عني وتسامحني .. تكفين ...
ام سلمى :: مع اني مو راضيه عليك بس الموضوع يرجع لبنتي سلمى .. ما اقدر اتكلم عنها .. تعال ويصير خير ..
هيثم : ابشري الحين جاي ...

دخل هيثم واستقبله ابو سلمى وهو وجهه مو راضي على اللي سواه ..

سلام عليكم عمي .. ابو سلمى :: لا سلام ولا كلام ... وش اللي سويته ؟؟ ذي الامانة اللي معطينك اياه انا وعمتك ؟؟ لولا الله ثم مجد مادق كان راحت سلمى من يدينا ..

هيثم :: عمي والله العظيم انا اسف .. وادري الغلط علي ومستعد اعتذر لسلمى انت تعرف اني احبها واغليها كثيييير .. وما ابي افرط فيها ...

ابو سلمى :: مو انا اللي يقرر بنتي بتجي وتتفاهمون والله يسر الامور ..

شويات ودخلت سلمى المجلس هيثم قام شافت عيونه وكان فيها ندم واعتذار ..
:: بغيت شيء ؟؟ هيثم :: ابيك ترجعين معي
سلمى : بشرط ..
هيثم : ابشري اللي تبين ..
سلمى : اذا مديت يدك علي مره ثانيه .. ماراح تشوف وجهي لا انا ولا ولدي ..
هيثم : مايصير خاطرك الا طيب .. بس ارجعي معي

بعد العشاء والرضوه رجعت سلمى مع هيثم للبيت ..وقعدو مع بعض ضحك وسوالف للصبح مجد ارتاح لان امه وابوه تراضو ..

بعد فتره طويلة .. اشترى هيثم بيت .. من دورين .. الدور الاول ..صاله كبيره .. في النص طاولة طويله شوي بطاولات صغيره تحتها ...وحمام ( الله يكرمكم ) .كان يفصل بين الصاله والمطبخ جدار المطبخ كبير وواسع بكراسي صغيره زي الكوفي
الدور الثاني .. 3 غرف ..نوم وحمام ( الله يكرمكم ) ومخزن متوسط ..

سلمى كانت حامل بالشهر التاسع ..مجد عمره 14 سنه ..امي امي .. سلمى : هلااا
مجد : باركي لي جبت الثالث على الفصل .. ابي الهديه اللي وعدتيني ..لاتسحبين ..

سلمى فرحت وحضنت مجد : الف الف الف مبرووووووووك ياعيني .. ان شاء الله دايم اشوفك من الاوائل ... من عيوني ابشر خل ابوك يججي ورح خذ اللي تبيه ..

دخل هيثم ..وركض له مجد : يبا يبا شف شهادتي وش رايك ؟؟
هيثم :: شاطر ولدي ...وكان مشغول بجواله ..اصبر بكلم ..راح وتركه ....راحت عنده سلمى :ماعليه مجد تعرف ابوك مشغول بدوامة ...مجد :: اصلا متى فضى لي طول عمره يادوام ولا اخوياه ...سلمى كانت تقول بنفسها : المصيبة انك صادق ..يامجد ..

هيثم كثرت طلعاته ولا حتى يسال عن سلمى ومجد .. ولا يشوفونه الا ساعات

في ليلة ... سلمى كانت هي ومجد في غرفتها مجد كان يلعب بالسوني وسلمى جنبه على جوالها ...سمعت اصوات تحت ..وراحت تشوف وقبل ماتوصل الصاله سمعت اصوات ضحك وصراخ .. وواحد منهم يقول :: العب ياحمار ....هيثم فين الشراب اللي امس جبته ..وربي يلعب في الدماغ لعب ..هيثم :: شوفه جنبك في الكيس ..
سلمى على طول تذكرت الصندوق اللي شافته تحت السرير ... قشعر جسمها ووجها قلب من الخوف ....هيثااااااااااام ابي الحمام وين ..؟؟ :: هيثم :: شوفه عند الدرج ..فزت سلمى وقامت بس كانت ثقيله بسبب حملها وشافها اللي كان بيروح الحمام ..:: على وين ياحلووه ... وقام يلحقها هي قامت تركض بالدرج .. الرجال كان سكران ويتخبط في الدرج دخلت الغرفه بس مسك طرف ثوبها وتعرقلت وطاحت على جنب .. شافه مجد .. الرجال كان بيهجم على سلمى وسلمى تصيح ..بسرعه مجد دفه بقوة :: ابعد عنها يا حيوان ... طاح الرجال على راس علاقه الملابس اللي بالجدار وكانت جنب الباب ..دخلت براسه ومات على طوول ..

مجد وسلمى كانو مكانهم متحجرين ... مجد : امم ي .. شكلة مات .. ااممي ..
سلمى استوعبت .. وكانت حاقده على هيثم .. كيف وصلت فيه الجراءة انه يدخل رجال سكرانين في بيتها .. فتحت دولابها .. :: مجد رح خذ كل ملابسك وحطها بشنطتك ..بسرعه

مجد : طيب وين بنروح ... سلمى : مجد بسرعه قبل لايجي ابوك بعدين اقولك ...
راح مجد لغرفته وسوا اللي قالت له امه ..
سلمى كانت ترتجف وهي تسوي شنطتها وتدعي ان هيثم مايشوفها ..
لبست عبايتها وسرقت مفتاح سياره هيثم .. وطلعت مع مجد من الباب الخلفي ..
سلمى : روح بيت اهلي بسرعة .. مجد : طيب ... سلمى في ذي اللحظه عرفت ان هيثم مافيه خير وانه لو قعدت معه اكثر معناته تركت كرامتها ومستقبل ولدها ..

يوم وصلت البيت .. دخلت وابوه وامها مستغربين .. وش جابك بذا الوقت ..؟؟
اسمعو انا هيثم ذا مارااح ارجعله .. ابدا وابي يطلقني مو مستعده اخليه يعيش مو ابو زي هذا
::: طيب طيب اهدي انتي الحين وبعدين نتفاهم .. سلمى ومجد في الغرفه .. سلمى : اسمع اللي صار للرجال ذاك بيني وبينك لاتخاف .. ..مجد هز راسه انه موافق معها بالكلام ..

هيثم من ذاك الوقت وهو يدق عليها بس ماترد وكل ماجا يشوفها يردونه ويقولون خل البنت ترتاح وتفكر ..

بيوم من الايام جت ام سلمى :: سلمى اسمعي باروح وانا ابوم معزومين عند الجماعة بتروحين ولا ؟؟ سلمى : لا امي روحو انتو انا باقعد ..طيب بس انتبهي على نفسك .. ابشري امي ..

الساع 12 دق جوال سلمى : الو المتصل : انتي سلمى ناصر ...سلمى ايوه تفضل من معي ..
المتصل : مستشفى خالد .. بغيت اخبرك ان صاحب الجوال واللي معه صار عليهم حادث .. وتوفو .....احسن الله عزاك ... . المتصل قفل الخط .. وسلمى كانت يدها باقي ماسكة الجوال

.................................................. .................................................. ......................

يتبع

أولا حجز مقعدي بصف الأول
وحاليا حتى انتهي من قراءة قصه
إعجاب وتقيم وختم وتنبيهات
تم اكمل رد زين لكي عزيزتي ساره

قصه مره استمعت في قرأءة
وانا انتظار بارت الخامس
بكل صبر لانه احب قصص
بس هي تذكر الأحادث
اللي تدور بمحور قصه
جميل جدا وعجبني كل ما فيه قصه حلووه
يا ساره

بإنتظار التكملة
لنعرف من الذي مات
تحياتي واحترامي

قسسسم وقف شعر جسمي
كويس انعا طلعت طيوبه
وربي يرزقها

تجنني سارونا
اكملييييييييي

اعجابي ولي عوده

سلمت ساارا
قصه جميله ومذهله

متااابعين لك

قصه قصيره رائعة
جميل قلمك
وأصلي ذلك الإبداع
لروحك الفرح

طرح رائع قلبي

طرح جميل قلبي

اعجابي وتقييمي

ابدعتي

كلمات صادقة وشفافة
كصدق المشاعر وشفافيتها
نص جميل ..
سلمت يداك

سلمت يمناك غاليتي ،
تقديري ..

إنتقاءطرح ثري بالذائقه
سلمت ودام رقي ذوقك
بإنتظار القادم بشوق
كل الود لروحك

تسلم آيدينك على روؤوعة طرحك آلمميز
آلله يعطيك آلف عآفية وً عسسآكِ على ـآلقوة
في آنتظآر روآئع جديدك آلقآدم
دمت بسعآده

طرح غاية في الجمال والنفع

دُمت وسلمت




https://dc576.4shared.com/img/yMjYQnAVei/s24/160eba07e20/ioYWg4I?async&rand=0.3322051008990756