على طاولة الاكل .. مجد : ليش مارحت المدرسة اليوم ؟؟ وش وراك ؟؟ ماجد : ياخي مكسل مافيني حيل .. وبعدين مافي شي مهم .. مجد : وش اللي مافي شي مهم ترى الاختبارات قربت تستهبل ؟؟ شد حيلك خلاص اخر سنة ياويلك لو تنزل علن 98 ..
سلمى : ماجد ترى اخوك صادق اكتشفت اني مدلعتك حبتين خلاص اخر سنة ..

ماجد يطالع اخوه ومعصب يبتسم مجد .. ويلتفت على امه .. ها امي كيف المشغل معك ان شاء الله ماشي .. سلمى : الحمدلله يا امي ماشي والزباين كثير عاد تعرف صيف ومناسبات والحريم كلهم في المشاغل ..

مجد : الله يرزقك يا امي ... انا بروح انام شويات للعصر ..هلكان ..
طلع مجد راح لغرفته ينام ..
سلمى : وانت اكيد شبعان نوم تعال ساعدني شيل الصحون ..
ابشري .. ماجد شال مع امه ونظف الصحون ^_^ ...
ماجد : امي بطلع شويات وارجع
سلمى: طيب لاتطول وخلك قريب .. ماجد : ابشري طيب

مجد باقي مانام كان يقلب بجواله وجالس ..جنب سريره كان الشباك مفتوح
طلع ماجد فتح جواله ومشى شوي ..قابل رجال كبير في ال 40 لحيته طويله وفيها بياض
كان لابس الشماغ بدون عقال ومنزله على وجهه وماكان باين كثير .. ثوبه قديم ومغبر ..

الشايب : سلام عليكم ياولدي .. ماجد : هلا اخوي ..
الشايب : ذا بيت هيثم الراشد ..؟؟
ماجد : ايه اخوي بغيت شي ؟؟
الشايب : لا بس بغيت اسال عنه هو عنده عيال ؟
ماجد : ايه عنده ولدين !!
الشايب ارتبك شوي وقال : انت منهم ؟؟ ماجد : ايه بغيت شي ياعم ..
الشايب : طيب وينه ؟؟ ماجد :: متوفي من سنين ..
الشايب : طيب سلمت نشوفك على خير ..
طنش وحط السماعات باذنه ومشى ..

مجد سمع كل شيء ..شك بالموضوع تعووذ من ابليس ونام ...

الليل الساع 9 سلمى جهزت العشا ونادت الاولاد .. ماااجد ..مجد تعالو الاكل على السفره يلا

صوت ركض في السيب والدرج الاثنين كانو يدفدفون بعض وينزلون وهم يضحكون بسرعه

سلمى : ولد انت وياه والله لو اشوف احد كسر شي راح يبدلة وينظف اللي كسره بعد ..

جلسو وتعشو سوا .. بعد العشاء .. كان مجد وماجد عند التلفزيون يتابعون فلم .. امهم معاهم على جوالها .. شوي دق تلفون البيت وان بعيد شوي عن الصاله ..
نط مجد .. انا برد ..
سلمى : اقول اقعد اقعد بروح انا تلقاها وحده من صديقاتي بالشغل .. رجع مجد جلس وماجد يضحك عليه : هههههههاي قصفت جبهتك .. ضربه مجد على كتفه .. اقول انطم وخلنا نشوف ..
ردت سلمى : الوو .. الصوت : هلا بالحب .. سلمى باستغراب : من معي ؟؟ الصوت : افا نسيتي صوتي ..؟؟ سلمى :: ترى مو فاضيه للعب البزران ذا ياتقول من معي ولا والله راح ابلغ عليك ... الصوت : ..ليش ماقلتيلي ان عندي ولد ثاني ..معقولة السنين ذي نسيتيني ونسيتي حياتنا الحلوه مع بعض .. ماشتقتيلي ...؟؟ وبعد قايلتلهم اني ميت ..

سلمى حست ان صوتها راح ولسانها انبلع .. من الخوف .. كانت تقول بنفسها : ليش ليش ياربي ليش رجع ليش ؟؟
الصوت :: حبيبتي وينك .. لاتنسين انك باقي زوجتي .. وفوق ذا هربتي بعيالي .. وجا الوقت اللي نتحاسب فيه .. اشوفك قريب .. سلمى كانت باقي ماسكه السماعة ودموعها تنزل بدون ماتحس ..
مجد حس ان امه طولت وماسمع صوت ..مجد :: بروح الحمام ..اقعد .. ماجد: طيب
راح عند امه .. وشافها زي ماهي سكرت السماعه ويسمعها تبكي وتشهق .. راح عندها
امي .. امي وش فيك ؟؟ صاير شي ؟؟ امي تكلمي تكفين وش فيه ؟؟

سلمى : مجد .. ابوك .. ابوك رجع ... مجد بياخذكم مني .. بيذبحني وياخذكم مني ..
مجد كان بحاله صدمة :: اييييش ؟؟ امي وش الكلام ذا ؟؟ سلمى ماقدرت تتحمل مجد مسكها وطلعها فوق لغرفتها .. سكر الباب ..
سلمى : مجد تكفى ماجد لايدري اخوك لايدري عن شيء .. مجد : امي ماعليك ارتاحي .. لاتخافين اخوي ماراح يدري .. اللي شفناه انا وانتي منه ماراح اخليه يعيده مع اخوي تكفين ارتاحي ... تعوذي من ابليس ..
سلمى شربت كاس مويه من مجد وانسدحت ..مجد غطاها ونامت ..

نزل مجد عند اخوه .. ماجد .. ماجد : هاااا ...مجد : اسمع امي تعبانه من الشغل لاتسوي ازعاج رح ارقد بشويش ... ماجد :: طيب اهم شي هي بخير ؟؟ مجد : ايه الحمدلله ماعليك بس ارهاق الشغل ... ماجد : طيب تصبح على خير ...مجد : وانت من اهله ...

يتبع ...

الله الله
عاشيت جو قصه
انتظار جزء الثاني وش بيصار
مع سلمى وربي حلوووو قصه يا ساره
امتعني بقصه موشقه
اعجاب وتقيم وختم وتنبيهات

والله اني تحمست معك
بنتظر الجزززء اللي بعده
بشوووف وش يصير

لا حول الله يعينهم
والله من العنوان شكل القصه كلها حزن

<<< محد خاف

بين طيات احرفك
الم لا ينسى
رائعه انتي ي حب

قصةةةة تجننننن

متحمسههههه للجزء 3 قلبببببي


اعجابي وتقييمي

متشوقين للجزء القادم
قصه جميله بأنتظارك ساره

متابع
يعطيك العافيه

ماشاءالله تبارك الرحمن
قصه اتعب وانا اقول رائعه
أبدعتي سارونا
أسلوب مشوق ي غناتي
تقييمي واعجابي

قصه قصيره رائعة
جميل قلمك
وأصلي ذلك الإبداع
لروحك الفرح

يالله بدينا حماس
ابدعتي حبيبتي
لا تتاخري علينا

إنتقاءطرح ثري بالذائقه
سلمت ودام رقي ذوقك
بإنتظار القادم بشوق
كل الود لروحك

تسلم آيدينك على روؤوعة طرحك آلمميز
آلله يعطيك آلف عآفية وً عسسآكِ على ـآلقوة
في آنتظآر روآئع جديدك آلقآدم
دمت بسعآده

طرح غاية في الجمال والنفع

دُمت وسلمت




https://dc576.4shared.com/img/yMjYQnAVei/s24/160eba07e20/ioYWg4I?async&rand=0.3322051008990756