http://smiles.al-wed.com/smiles/25/al-22.gif

http://smiles.al-wed.com/smiles/25/a.gif

الله يحيي الجميع في مدوتنتي ( احاسيس عذبة ) فكل ماتجدونه هنا انما هي مجرد أحاسيس ومشاعر شاعر فيامرحبا بكم في عالم العذوبة والخيال
ان شاء الله تلقون هنا كل الي يعجبكم ومشكورين على الزيارة ولكم كل التقدير والشكر مقدما ارق التحيا للجميع

ولكل من أتى هنا وزار المدونة اقول000

http://smiles.al-wed.com/smiles/25/10.gif
اهلين وسهلين
اهلا وسهلا بمن حضر وبالقادم مرحبا فالقلب ينتظر
اشرقت الانوار وتدفق الأنهار وغردت الطيور بكم فياهلا وياسهلا بالقلب نبعثر التراحيب ونزف استقبالنا معطر بالورد والكادي
مملؤء بالحب والشوق والمشاعر الفياضة
اهلين اهلين
اهلين اهلين اهلين
اهلين اهلين اهلين اهلين
اهلين اهلين اهلين اهلين اهلين
(مرحبا بالجميع )
اهلين اهلين اهلين اهلين
اهلين اهلين اهلين
اهلين اهلين
بكل ريحه الفل والياسمين والورد والزهر
وبكل ما اجتمع المسك والريحان والعود والعنبر
بعدد مانبت الشجر والورود والزهر
وبعدد ما طلع القمر
وبعدد مانور البدر
اقول مرحبا فيكم والبيت بيتكم والله يحييكم
ان شاء الله تجدون ماينال قبولكم واستحسانكم والمعذرة عن أي قصور لكم مني الشكر والتقدير مقدما
(( عذب ))

http://www.tratel3asheq.com/up/uploads/14957423401.gif

http://shabab.ps/img-upload/uploads/b605b7f421.gif
لي هجوس ودها تكتب قصيده
من حروف الشوق باحساس ومشاعر
نابعه من خافق الحب و وريده
ساكنه روح الغلا والشوق ساعر
تنزف بحلو العبارات الفريده
بالمعاني عطرت ديوان شاعر
بوحي

http://smiles.al-wed.com/smiles/25/15.gif


( انا قصيدة من عنا )

انا انا منهو انا ؟
يافتنة الحب الضرير
انا ترا ماني هنا
وافتح عيون العاطفه
شف هالخيال من المنى
معقود في سلك الحرير
وانا وميض من السنا
انورا مرت خاطفه
وانا قصيدة من عنا
مرت كذا عبر الأثير
ماحصلت لحن وغنا
وبعثرتها العاصفه
هم السنين الي بنا
بيته على القلب الكسير
الي من الوقت انثنى
مثل الحجرمتراصفه
هذا انا من هالجنا
الي امطره دمع غزير
ومثمراوجاعه دنا
وانا يديني قاطفه
هذي حروف من الأنا
ياقصة المين المثير
بداخل كتاب الفنا
ماتت جملها ناشفه


بوحي

http://img.rjeem.com/imgcache/2013/11/306085.gif

اهلا صباح الورد ياطيف خلي
يامرحبا والشوق دايم يناديك
يشوقني شوفك وارحب واهلي
لاياصباح الحب ياحي طاريك
اقلط تفضل فالحشا لك محلي
في مجلس الأشواق الله يحييك

بوحي

http://farm1.static.flickr.com/138/325752626_69392aa6b1.jpg







اكتب وعبرعن شعورك بالأبيات
ارجوك لاتخفي هواك وشعورك
لاتدفن احساسك وهوحي مامات
لاصارت انفاس المحبة تزورك

بوحي

http://i3.tagstat.com/p1/0/7nOIdY5BPtfIvWRcuRzLqc2YZEvmj5uJffrAbBqrGj2jM7e7Ww 9aqw==.jpg

http://smiles.al-wed.com/smiles/42/149692moe157msrf.gif
على ضوء شمعه تحترق
أجلس هاهُنا أنظر لـ القمر
أحاكيه عما بي
أغوص في أعماقه المليئه
بـ الخفايا
http://smiles.al-wed.com/smiles/42/i16782635_22410_4.gif

http://2.bp.blogspot.com/-jHQdUDG2JWE/TgizM73Ts6I/AAAAAAAAAKs/2LP9NqssnKw/s1600/147386.gif
على حلم تولم للرحيل وجهز اركابه
نخيتك ياالأمل تترك مساراتي ومسرها
بعد مل الرجا واقف ويتحرى على بابه
نسى نفسه على درب الوعود الي تحراها
ترا يا هاجس الذكرى حلوم الليل كذابه
نصيحة ابتعد وارحل ولا يشغلك ذكراها
بوحي

http://www.hamsatq.com/kleeja/uploads/1450075951611.jpg
مافيه احد
الا انا في هالمكان المبتعد
مافيه احد
غير المسافة والبعد
غيرانتظاري للوعد
مافيه احد
ياموعدي نفس الزمان
نفس الكراسي والمكان
جيت وعنيت لمقصدي
ودي الاقي موعدي
رد المكان وقال لي
مافيه احد
مافيه احد



بوحي

http://up.graaam.com/img/4e51215d455137a563a7db6c98d471e3.gif


ياقصة الأمس يا احلى حكاياتي
ياواقع اليوم يامستقبل ايامي
يالهفة الشوق في جملة رواياتي
في دفتر العشق عنوان الغلا نامي
قريتك الحب قبل عيوني تباتي
وانام واقرأ غراماتك باحلامي
يعني حفظتك حكاية امس للآتي
ياقصة ساكنه في مكتب اعوامي

بوحي

http://smiles.al-wed.com/smiles/42/i17123013_27316_4.gif
.
.

لاجديد...!
.
.

سوا..الحنين..إلي..ذاك..الزمان..!
.
.

.

والقلب..في..حاله..من..الأنين..!
.
.
.

تاره..اخدع..نفسي...واقول...هنا..الحنين
.


هنا..دفء..الأحساس..والشوق..هنا...الأمل.. الجديد..!
.
.
.
.

وتاره..يمتلىء..قلبي..من..وجع..السنين

والحزين الدفين...!
.
.
.

.

.
.





















فعلاً......لاجديد
.
http://smiles.al-wed.com/smiles/42/www.mowjeldoha.com-globes-19.gif

http://www6.0zz0.com/2010/04/27/06/523596700.gif

https://modo3.com/thumbs/fit630x300/25707/1440065596/%D8%AE%D9%88%D8%A7%D8%B7%D8%B1_%D9%86%D8%A7%D8%B1_ %D8%A7%D9%84%D8%B4%D9%88%D9%82.jpg
الشوق في صدري يلجلج هديره
وده يبوح وحارس القلب يكماه
لاجا يسولف بالغلا يستشيره
عن طيش من لا يعرف الحب ينهاه
لان الغرام لقلب عاشق سفيره
يحمل مراسيل المحبة بيمناه
اما عطا المكتوب للحب سيره
والا قصر عن سيرة الحب بخطاه

بوحي

http://farm4.static.flickr.com/3548/3684718022_ca7e7c794d.jpg
علميني كيف القى لي مدن
لاغديتي لي مسافة واغتراب
كم مشيتك وقت محتاج لوطن
لين اتعبت المشي فيني وذاب
اقرب وكن الخطاوي يبعدن
صرت مثل الي يطارد له سراب
احتضرضميان ويشح المزن
واتألم في انتظاري للسحاب
صارعمر الثانية عندي زمن
مالوقت الثانية عندي حساب
انتظر والياس لأنفاسي كفن
يدفنه طول المدى وسط الغياب
بوحي

http://www.samysoft.net/fmm/fimnew/shokrmror/1/ghhfgh.gif

http://tharwatna.com/img/uploaded/articles/echo.jpg



قولوا لصوت التمني لايغني امنيات
مات احساس المسامع من لصوته يسمعه
لورفع صوته يغني باللحون الماضيات
ماطرب له من هوى قلبه فنون منوعه
كم تغنى والأماكن تسمع اصوات الشتات
والصدى في هالأماكن وحده يردد معه
صارت الحانه تردد في شريط الذكريات
والمحطات الجديدة كل مطرب تتبعه
بوحي

http://v.3bir.net/3bir/2014/10/10338698_710852695697112_241086238680350-1.jpg

http://www.almstba.com/vb/imgcache/almstba.com_1357721196_947.gif
ليــــه نلقى في زماننا جروح وأحزان وهموم ...!


ليــــه التفاؤل والفرح يبقى ثواني ما يدوم ..!


ليه العيون الخايفة ..!


وبعض المشاعر زايفة ..!


ابســـألك....ياادنيــــــــــاا..!!



ليــــه دايم ننتظر ...!


لين آخر هالعمر .!


http://www.almstba.com/vb/imgcache/almstba.com_1357721264_681.gif



حتى الصبر


مل واختار السفر ..!


وما بقى إلا الهموم ..!


مكتوبة لك طول الدهر ..!



ابســـألك.. ... ياادنيــــــــاا ..!!



دامك الدنيـــا..ابسألك ..!!



http://www.almstba.com/vb/imgcache/almstba.com_1357721264_681.gif


يمكن ألقى منك جواب


أو يمكن بس أفهمك


أني تعبت من الهموم


وكل جرح من جروحي يعلمك ...!


انه تعود علـى العذاب


http://www.almstba.com/vb/imgcache/almstba.com_1357721264_681.gif




وابســـألك....ياادنيـــــــــاا ..!!



ليــــه في كل ابتسامة ألقى قدامي دموع ..!!


وكل دمعة من دموعي تطفي شمعة من الشموع ...!


وليــــه أرحل دام همي هو همي ...!


ما يتغير وما يزول


حتى لو حل الفرح هو ثواني ما يطول ..!



ابســـألك.... ياادنيــــــــــاا..!!



دامك الدنيا أكيد عندك جواب


لكل سؤال وكل عتاب ....!!


http://www.almstba.com/vb/imgcache/almstba.com_1357721264_681.gif




ابســــــألــك


فهميني..


بس سؤال وصارحيني كل الناس مثلي


أو أنا وحدي همومي تسري فيني


جاوبيني.. يا دنيـــــــــاا ...!


كانك تعرفين الجواب،،،


http://www.almstba.com/vb/imgcache/almstba.com_1357721192_640.gif

http://th01.deviantart.com/fs14/300W/i/2007/057/f/b/Hand_Writting_by_GGpictureTakings.jpg

ارسلت لك خمسين ستين سبعين
لا والله اكثر لوتضاعف عددها
كل الرسايل قالت لقلبك اهلين
يامرحبا مليون وادبل دبلها
لكن خسارة ماوصل رد يازين
طال انتظار العاطفة ماوصلها
ترا الصبر لاطالت السالفة شين
عجل ترا نفسي بداها مللها

بوحي

http://www.yemenm7bh.com/vb/uploaded/75_121.jpg
تنام اصواتهم لاجا الظلام وهاجسي صاحي
على حروة سنا نجم يسلي خاطري نوره
ابحكي له عن الي في خفوقي يقتل افراحي
مع غدر الزمان الي طعنها من قوي جوره
ولكنه سناها نجمتي ذا الليل مالاحي
غفت فوق السحاب وكنها للغيم مأسوره
وكنه هالمسا يبغى اعيش بزحمة جراحي
انا والجرح والذكرى وضيق القلب وكسوره

بوحي

http://almraah.net/imgcache2/798129.gif
اتخيل والخيال اوسع مدى
بس اصورحاجتي لك بالخيال
كل ماطيفك على البال اعتدى
ارفع الراية لجيش الأحتلال
واتحرى منك ياقطر الندى
تسقي الخفاق من نبع الوصال
حلم والأحلام مافيها جدى
لوتصيراحلامنا كبر الجبال
كم ندهته حلم ويرد الصدى
وادري انه حلمنا يابن الحلال
وان لقيته حلم ضاع ومااهتدى
فاعرف انه حلم تحقيقه محال
بوحي

https://scontent.cdninstagram.com/t51.2885-15/s320x320/e15/11324985_150670201930577_597851663_n.jpg?ig_cache_ key=MTAzNTM1OTUwMzIyODU3MDUyMQ%3D%3D.2
سويت لك من كثرالأعذار دفتر
وحطيت له عنوان اعذار خلي
يمكن تجي الفين لا والله اكثر
في كل ساعة اطلبك تعتذرلي
تصدق ان مافيه عذر تكرر
كله جديد ومنك صنعه محلي
حتى معه البوم كله مصور
ومن الغلا حطيت قسم التغلي
والخاتمه منها العلاقات تفتر
الين صدرالي قرا به يملي
بوحي

http://4.bp.blogspot.com/_IXOTL9dPKxc/S-EcWd6PEVI/AAAAAAAAAag/y1CaGHb7Q48/s1600/wangrung--.jpg
على جو السهر نادت عيوني والهموم ضيوف
تزاحم في وسط صدر فتح لكبارها بابه
تلافت حزة المغرب على باب الكريم صفوف
وضيق الخاطر الي مع غثاها نوخ ركابه
ونجمات السما عنده تعلل والسما مكشوف
مع كثار الظنون الي غدت له حسبة احبابه
يقهويها من دلال الهجوس الي تبوح حروف
وهي تسمع لقصاص الحزن يقرا من كتابه
بوحي

http://www.almstba.com/vb/imgcache/almstba.com_1357721206_924.gif

هل اخطأتي الطريق

لماذا لم تسالي عنه فتحفظي وصفه جيدا ؟

لماذا لم تحملي خريطة لتوصلكي اليه لكي لا تذهبي بعيدا ؟

لماذا لم تحملي له صورة لتعرفي ملامحة ؟

او تأخذي اسمه لتقرأي لوحته ؟



لمـــــــــــــــــاذا ؟؟

لمــــــــــــــــاذا ؟؟



الا تخشين الضيـــــــــــــــاع ؟

الا تخافين الســــــــــــــباع ؟



فطريقك طويل وشااااااااائك 00



اظلم ومخيف

تلك هي ليالي الخريف

اني اسمع صدى اقدامك على قارعة الطريق

الأشجار تقف عارية امامك بلا اوراق

الأوراق تئن تحت وطأت اقدامك القوية

الايوقفك ازيز الرياح المتلاحق

هل انتي جاهلة00 ؟؟

ام انها جرئة المرااااااااااهق

هل انتي واثقة من العبور

ام انه الغروووووووووور




نعــــــــــــــــــــــــم



لقد اوقفت خطاك الواثقة

نعـــــــــــــــــــــــم



لقد اوقفتك امام قصر شاهق كبير

شامخ الذرا عزيز الجنبات كأنه قصر وزير او امير

انه قصر عظيم المباني جميل المعاني يحجب الأفق

فهل هذا ماتريدين ؟ واليه تطمحين ؟

هل تملكين ثمنه ؟

اتعلمين مكانته عند صاحبه ؟

هل تعتقدين بأن صاحبه سيتخلى عنه بهذه السهولة ؟

انا لا اعتقد ذلك ؟


ولكن لا يأس مع الحياة فقد تحصلين عليه بشرط ان تعطي ثمنه 0

http://www.almstba.com/vb/imgcache/almstba.com_1357721193_745.gif

https://modo3.com/thumbs/fit630x300/46054/1439901373/%D8%A3%D8%AC%D9%85%D9%84_%D9%85%D8%A7_%D9%82%D9%8A %D9%84_%D8%B9%D9%86_%D8%A7%D9%84%D8%B5%D9%85%D8%AA .jpg

انا دفنت البوح في شفة الصمت
والنفس عن بوح الأحاسيس صامت
حتى المشاعرفي خفوقي لها سمت
لوان روحي مع هل الحب هامت
اسكت وعن سرالغلا ماتكلمت
والشوق خليته على وضع صامت
ياما سهرت بسبة الشوق مانمت
واقول عادي لو هل الشوق نامت

بوحي

http://4.bp.blogspot.com/_2P6_3NOXBqs/Sz1kimm6TsI/AAAAAAAAAEk/GKUA-__D4P0/s400/%D8%BA%D8%B1%D8%A8%D9%87.jpg
يالي بدنيا الحب تنشد عن الحال
هات اليدين ونترك الناس ونروح
ماشفتني عن زحمة الناس رحال
شايل معي اشياء من باقي البوح
ماشي وادور بالفضا راحة البال
يمكن الاقي بالخلا حاجة الروح
انا هناك بغربة مالها جال
جالس واساهرعلة القلب والنوح
صحيح انا محتاج للروح منزال
قلب يبث الحب ويداوي جروح
لكني اصبر لوتعب خافقي طال
واكتم عظيم الشوق لوروحي تروح

بوحي

http://4.bp.blogspot.com/-GGTpoEzlug4/TgmWeGSg82I/AAAAAAAABWU/QATzBGpV-qI/s320/8255031.jpg
قلبي عليك من الوله يالغلا ذاب
مشتاق لك بالحيل بالحيل بالحيل
لو يعذلونه عنك يازين ماتاب
والله مايسمع كلام العواذيل
لا لايصيبك شك فيني وترتاب
خلك معي تكسب محبة وتدليل


بوحي

http://www.ahlalsunna.com/f/uploads/images/sunna.859b315d7b.gif
http://forum.hwaml.com/imgcache2/hwaml.com_1286258358_147.gif

ياكم انادي وارسل الصوت مبحوح
لكن حروف الصوت يرجع صداها
ضاعت معاني صادق الهمس والبوح
صوت الغلا للروح عود نداها
بوحي

http://4.bp.blogspot.com/-odXCcX1yzFA/TsgF3Z7DZ8I/AAAAAAAAAM4/6h9TNDiNBWE/s1600/dohaup_1846173023.gif
ياغايبة ماعاد فيني بقايا
لاتتركين العذب يموت مقهور
تعال عوض مامضى من شقايا
ياكم تمنيت اللقاء سنين وشهور
يانجمة بالحب غطت سمايا
نورك يشع لخافقي نورفي نور
وش عاد لوسموك زين الحلايا
من شاف حسنك لونسى الناس معذور
حتى وصوفك كلبوها مزايا
يافتنة الزينات ياسيد الحور
اسمك ورسمك ناقشة بالحنايا
على جدار القلب يازين محفور
بوحي

http://img1.imagehousing.com/1/ddeb51b952e663b2821c212d7e313209.gif

ياشوق شوق الشوق شقيت صدري
قلي ياكل الشوق لوين رايح ؟؟
نام الغلا ياشوق ماعاد بدري
ماحدن بنص الليل ياشوق سايح
كم ليلة لعيون الأحباب تسري
وترد مكسور العواطف وصايح
ارجوك لاتقتل مع الحب قدري
لاصار حظك مع هل الحب طايح
تعال ماابغى عاذل القلب يدري
عود لصدري لاتسوي فضايح
بوحي

http://upload.traidnt.net/upfiles/Ufl68947.jpg (http://upload.traidnt.net/upfiles/Ufl68947.jpg)

وين الطريق الي يودي لدربك
عطني لدربك ياهوى البال عنوان
ارسل عناوين المحبة لقلبك
افتح لزوار الغلا كل بيبان
https://encrypted-tbn1.google.com/images?q=tbn:ANd9GcS9EpdM2IoahhfQmC_orQxPOfMDJhvSv VuhifGQ4eQhd15XbNAlCw (https://encrypted-tbn1.google.com/images?q=tbn:ANd9GcS9EpdM2IoahhfQmC_orQxPOfMDJhvSv VuhifGQ4eQhd15XbNAlCw)

انا ابيك وشاري القلب قربك
أمانتك لاتحرم القلب تحنان
وش فيه غير الي حلف لك بربك
ياخي تراني املك احساس انسان
بوحي

http://ar.mideastyouth.com/wp-content/uploads/love-letters2.jpg

اكتب على ظرف المواصيل اسمي
لاترسل المكتوب من دون عنوان
الي لقيته بس مكتوب رسمي
عنوانه المكتوب شكر وعرفان
خايف يصير الظرف ماهوب قسمي
جايز يصير الي سعى فيه غلطان
لانه اذا ماجا على الظرف وسمي
يصبح رفيق اهمال في درج نسيان

بوحي

قلي وين القاك ياموعد غدا
لا تخليني على ذمة وعود
غايتي لقياك لويبعد مدى
اسمح ليوم اللقاء خله يجود
بوحي

http://www.egys7.com/wp-content/uploads/2015/10/images-129.jpg

عسى المسا هذا يجي في احساس
ويصير عنده مع هل العاطفه ذوق
لويتكرم بس في غفلة الناس
يجمع قلوب الحب في ليله الشوق


بوحي

https://scontent.cdninstagram.com/t51.2885-15/e35/13248693_1035328166520696_2037203516_n.jpg?ig_cach e_key=MTI1MjMxNDEwMDU4NDAyMTY2Nw%3D%3D.2


المكان الي قصدته ما ابي به شخص ثاني
ما ابي غيري وغيرك داخل اجواء السكينة
ما ابي ناس وشوارع ما ابي صوت المباني
مابه الا بوح شاعر يحكي لبنت حزينة
ينثر ابيات الغرام وتحكي اسرار المحاني
لين ترتاح الصدور من الأحاسيس الدفينة

بوحي

https://i.ytimg.com/vi/QRj9wo9_mr4/maxresdefault.jpg
مع السلامة من تغلا يخلى
والله يسهلك دروب السلامة
مازم يهضم لوتعال وتعلى
من رادنا مرفوع حب وكرامة

بوحي

https://i.ytimg.com/vi/QtzYkeY2iCE/hqdefault.jpg

تئن من الألم احلى الورود بكف قاطفها
وهي تترك منابع روحها وتغادر الجنة
ومن احزانها اهل الهوى تنثر عواطفها
تبث أنفاسها اغلى عطر ذوق بلا منة
وتلطف أجواء الغلا محد يلاطفها
وهي تضحك مظاهرها وداخل جوفها ونة

بوحي

http://www.alummahaffairs.com/uploads/projects/1499465773349.jpg
قطع خفوق الي يحبك ويغليك
مزع شرايين الغلا والمحبة
خنجرغيابك شايفه بين اياديك
قتلتني بغياب من دون سبة

بوحي

http://1.bp.blogspot.com/-aiWN0uuEPqM/Tufa1e1pbUI/AAAAAAAAAUA/zcvji0JI6eo/s1600/rojo+flor.jpg
يامساء الشـوق وانغام الـغرام ولحـظة استرخاء
مع ورود الـحب والـوان الغـروب لعين قاريها
يامساء يرتشف كأس العذوبة من نهرطعم اللقاء
مع لذيذ البوح من همس الشفايف والغلا فيها
ياغيـوم الــود هــلي وامطـرينا لين حـد الأرتـواء
بللـي ورد القلـوب الي تفتـح شــوق نـهديــها

بوحي

https://encrypted-tbn0.gstatic.com/images?q=tbn:ANd9GcQCIbT7CnGfQvk2C5gTQNsGFRWZRzWXn Jq1wLRCmUSLESNe6REm

صارح الي تحبه بالغلا والمحبه
وارسل الشوق يمه يخبره بالغرام
حالي العشق صبه وسط روحه وقلبه
داخل الروح ضمه دلعه بالكلام

بوحي

http://up.graaam.com/uploads/imag-6/upload2ab833bf95.jpg

للمسا في عينها قصة حنين
سالفة مابين نجمات وقمر
الضيا من خدها نوره يبين
والشفايف ماخذه لون الجمر
بوحها يفرح به القلب الحزين
غنوة يحيا بها ليل السمر
ياحكاية ضمها حضن السنين
ما أمل فصولها طول العمر

بوحي

https://scontent-sea1-1.cdninstagram.com/t51.2885-15/s480x480/e15/11311241_915126198558567_1797464686_n.jpg?ig_cache _key=MTAzMTUwNjM2NzE2MDc0NTU4MQ%3D%3D.2

https://pbs.twimg.com/profile_images/507325322740498432/Tp3__2wA.jpeg

للعبد مقسومه وللرزق بيبان
ولوقفت الدنيا فلاني حزيني
ماني على رزقي طفوق وعجلان
باكر مع الأيام رزقي يجيني
وان فاتت الفرصة فلانيب زعلان
خيرة وغيبات الليالي تبيني
بصبر على المكتوب لوكان ماكان
عل العوض في مقبلات السنيني
بوحي

http://www.7ophamsa.com/up/uploads/1427661643491.jpg




ذكرى الغلا تجتاحني لاقبل الليل
للي خـــياله داخــل الروح يختــال
واسرج لشوقي صادق العاطفة خيل
دام الخــيال لطـاري الشــوق خيال
واسري مع الهوجاس مشتاق بالحيل
للي غــيابه عن مدى ناظـري طـال
لو بالخيـــال اعــيش ليــل التـعاليل
واسامر المحـبوب ويروق البــال

بوحي

http://up.top4top.net/uploads/2012/05/10/top4top_09169486a31.jpg
جيت اعبر عن شعوري ماقويت
ماقدرت احكي واقول احبها
خبروني دامني فيها ابتليت
كيف ابطلب في المحبة ودها
خايف لامن تجرات وحكيت
اتفاجأ من قساوة ردها

بوحي

https://i.ytimg.com/vi/d9DBsfamJzU/hqdefault.jpg

بقى هالصمت ياروح تذوب وتمتلي بالآه
وسط ليل تعزوا بالظلام وفل جنحانه
عجزيحكي عن همومه ومن حوله ضجيج افواه
دفن شكواه في صدره وخلا الصمت بيبانه
كذا اريح من صدور تبوح ويختلف معناه
وشخص يحترم ذاته يخلي الصمت عنوانه

بوحي

https://i.ytimg.com/vi/DsY8OpzF1go/hqdefault.jpg
الليل طال وضاق صدر المواعيد
يالي مواعدني بليل التعاليل
خليتني محتار يابن الأجاويد
بين الرجا واليأس ومساهر الليل
والحين وجه الليل كله تجاعيد
شاب وتغير مابقى لآخره حيل
لملم ظلامه والبقايا تناهيد
واقفى وخلاني مع الهم والويل

بوحي

http://scontent.cdninstagram.com/t51.2885-15/s480x480/e15/10413213_423072854501088_169024120_n.jpg?ig_cache_ key=NzQzMzQ4NDMzMjk5NDg1NDc4.2

في لمة الأحباب تطري فبالي
واكتم شعور الشوق خوفي يحسون

واتذكرك واقول ياعزتا لي
وابكي وغيري في هواهم يغنون

معهم وانا كني وحيد لحالي
اجامل الجلاس والقلب مغبون

بوحي

http://public.bay.livefilestore.com/y1pUkG22OXJMPJgDNBjYkWdNEvEWPP91-JPU9Ck3X_5ff7g9iubiQnLbZCYiIJ1YhY_h5_tbA7njJdAGSnK PfBiYQ/%D8%AF%D9%85%D9%88%D8%B9.jpg
اسهر واداري دمعة الشوق بالعين
خايف تطيح وتفضح الشوق فيني
واقول ياعيني رجيتك وتكفين
كفي دموع الشوق لا تفضحيني

بوحي

https://akphoto2.ask.fm/412/958/508/1650003004-1r9pc80-ia871af72kn3pt5/original/avatar.jpg


باسم الغلا والشوق ياسيد ذاتي
ابغى مكانه في مساحات قلبك
عطني رجاي والامل وامنياتي
عطني حنانك واهتمامك وحبك
يالي بأمر الحب تملك حياتي
ودي اعيش العمر كله بقربك
بوحي

https://encrypted-tbn0.gstatic.com/images?q=tbn:ANd9GcSYp4k2Hl8P7QFljCYSuikJE_IU4zL_v pnjGwDgF2RVxIm16iNh

عسى ماباس ياقلب جريح وخاطره حساس
عسى ماجورياصدر كفيف احلامنا قده
كتبناها لذيذ احلامنا في صفحة الكراس
على بيض الورق نكتب وحبر آمالنا مده
على القرطاس نبنيها آمانينا على قرطاس
وهبات الهوى دايم تهز الحلم وتهده
ولوطاحت امانينامن اوراق الرجالاباس
تزودنا محطات الرخافي ساعة الشده
ولوطالت مسافات الأماني مالحقناياس
نقول الخير والخيرة عسى لوطالت المده
بوحي

https://pbs.twimg.com/media/B3YF9gmCEAA_fH0.jpg
ياقلب يالي في خيالك تماديت
هجيت لك ياقلب باب الرحابة
ياقلب لامنك رقيت وتعليت
استشرف النيات فوق السحابة
واليا دعتك العاطفة ثم لبيت
اركد ترا كل العواذل تشابه

بوحي

https://modo3.com/thumbs/fit630x300/99264/1477154457/%D9%83%D9%84%D9%85%D8%A7%D8%AA_%D8%B1%D8%A7%D8%A6% D8%B9%D8%A9_%D9%84%D9%84%D8%AD%D8%A8%D9%8A%D8%A8.j pg


بنيت لك يازين في خافقي دار
قصر بكل الحب والود عالي
وسطه حديقة شوق من ورد وازهار
ومزين بكل الغلا والدلالي
فيه الغرام يحيط به مثل الاسوار
والعاطفة تعطيه شكل جمالي
سوالف العشاق تلفيه زوار
تروي حكاوي حب عن كل غالي
من زار قصر الحب خلاه تذكار
ويقول زرت اليوم قصر خيالي

بوحي

http://cdn1.bipfa.net/i/attachments/1/1414426511682718_large.jpg

انا ونجم الليل وعيون واهداب
نرقب على حد السما وانتحرا
وينك ملل هالوقت ياسيد الأحباب
قفى هزيع الليل مابان قمرا
لالاتغيبي طاري الشوق ماغاب
لاتتركي في كف الأشواق جمرا

بوحي

http://data.whicdn.com/images/87378079/original.png

مساء الخير ياليل اغترابي والقلوب اسرار
وانا مابين اقواس الضلوع تعيش اسراري
نهيت النفس عن بوحي ومن صمتي بنيت اسوار
تموت الآه في جوفي ولا تهتز اسواري

بوحي

http://www.alsada.org/album/data/media/7/Landscape_14.jpg

عيت تغيب الشمس والليل محتار
ينطر غياب الشمس يسحب نهاره
كن القمر والشمس مابينهم ثار
الكل منهم واقف في مداره
حتى حساب الوقت للعد ماسار
كنك تشوف الكون وقف مساره
وانا مع الاشواق واقف على نار
ابغى المساء يسدل علينا ستاره
يمكن مسىا الخلان يلفي بزوار
واقول ياحيا مساء الزياره
لكن شعاع الشمس قدم لي اعذار
حتى سواد الليل جاب اعتذاره
يقول بدرك ماله الليل مظهار
لبس السحابة واحتجب وسط داره
بوحي

http://scontent.cdninstagram.com/t51.2885-15/s480x480/e35/11427261_1636953803211533_436224442_n.jpg?ig_cache _key=MTA3ODQxMzc3MTk2OTkxNDIwNA%3D%3D.2

يامسا ليل التجافي والغياب
والعيون الي تحداها السهر
ياحسايف صارموعدهاسراب
خلت الفرحة تموت من القهر

بوحي

http://lh6.ggpht.com/_cwJ0D7A_V3I/TQeIDWM9-_I/AAAAAAAACAo/iS6eu8cOOKY/image_thumb%5B5%5D.png?imgmax=800

تركتك يالمدينة ضيق وكبر الهم مااطيقه
على مرقى تعليته وحيد ومامعي به ناس
ابي عن ضيقة الخاطر اعيش بجو ترويقه
وعن جور الزمان اسلى واقول لخاطري لاباس
شهقت بكل انفاس الخفوق ومارحل ضيقه
اثر في خاطري ضيقة تثور وتكتم الأنفاس
وصرت استنجده نبض البقى واغيب وافيقه
لعله ينتعش قلب رقيق وخاطر حساس
بوحي

http://www.hamsatq.com/kleeja/uploads/1451584479181.jpg


انا خيال يطير مع كل نسمه
يرف جنحانه مع الصبح عابر
طيف يمر الليل في جوعتمه
كنا السما صارت لطيفه معابر
يرسم وجوده بين نجمه ونجمه
ومن القمر ياخذ مداد المحابر
بين القمر والشمس موجود رسمه
كنه على لحظة وضوحه يكابر
بوحي

https://c1.staticflickr.com/4/3545/3306274049_bf5b365d27_b.jpg

حطت على قلبي من الشوق جمره
هي ولعتها بالجفا داخل الجوف
قفت ووسط الروح مليان حسره
ياشين حزات الجفا وانت ملهوف
بعض الغرام يصير للقلب كسره
مافيه لاعاطف ولافيه معطوف
كسرة قلوب الحب مافيه جبره
يبطي كسيرة عايش لحظة الخوف

بوحي

http://ar.mideastyouth.com/wp-content/uploads/love-letters2.jpg

اكتب على ظرف المواصيل اسمي
لاترسل المكتوب من دون عنوان
الي لقيته بس مكتوب رسمي
عنوانه المكتوب شكر وعرفان
خايف يصير الظرف ماهوب قسمي
جايز يصير الي سعى فيه غلطان
لانه اذا ماجا على الظرف وسمي
يصبح رفيق اهمال في درج نسيان

بوحي

http://free-illustrations-ls01.gatag.net/images/lgi01a201412162300.jpg

قل العطا يقتل غرام المحبين
ويموت لاصار الوصل شي معدوم
وتبقى العلاقة بينهم بس روتين
ويصير معهم طاري العشق مظلوم
بوحي

https://encrypted-tbn0.gstatic.com/images?q=tbn:ANd9GcRqMQExpRzY93qqh3e1uD2_Gq8yUhbdI 6l3Hgm3zLBnuogGvsIOXA

الحشرجة في الحب ماتعني الموت
تعني كلام في الهوى ضاع نصه
هرج تعلق بين الأنفاس له صوت
بوح تعثر بالحـــيا فــيه غـصه
صوت ينادي بالحشا وسط تابوت
تمكنت منه المشاعر ترصه
وده يبوح بداخله شي مكبوت
بس الخجل لخبط مفاهيم نصه
شاعرويكتب في هوى قطعة التوت
يمكن قصيد الشوق يلقى منصه

بوحي

https://scontent.cdninstagram.com/t51.2885-15/s320x320/e35/14596743_415200985493789_3779203811797630976_n.jpg

يامهاجر لاتعزوى بالوهم
يوم عن دنياي دورت البديل
من رحل ماحس في بعده ندم
كل وكيفه وكيفه به يميل
ابتسمت وقلت للفرقى نعم
واحتضنت البعد بيدين الرحيل
والألم لوزاد عاشرت الألم
صرت متعود على صبر جميل

بوحي

http://kalemat-moshreka.n2ta.com/wp-content/uploads/10730998_1431143127180946_3613703286318813831_n-610x330.jpg (http://kalemat-moshreka.n2ta.com/wp-content/uploads/10730998_1431143127180946_3613703286318813831_n-610x330.jpg)


الزهرة الي زينت بالشوق بستان الغلا
عطرت روض المحاني من عطر تحنانها
سيـدة كل الـورود الي تغـار من الحـلا
واهـني القــلب يـوم انه غـدا بسـتانها
من عبـقها غـنت طيـورالمحـبة ياهــلا
رددت احـلى ترانيـم الغــلا لاعيــانها
بوحي

http://www.hamsatq.com/vb/images/fac/14.gif (http://www.hamsatq.com/vb/images/fac/14.gif)

http://scontent.cdninstagram.com/t51.2885-15/s480x480/e15/10254118_306631626158615_139517154_n.jpg?ig_cache_ key=NzExNTUzNTgxMTkzODQzMzAx.2
حبيبي والمسا يضحك وليل فرحته لقياك
تناديك النجوم الي تبي تسهر على نورك
تــعال ونـور الدنيا بخـدك طـلعة محيــاك
مادام ان السماصافي يزين الجوبحضورك
تعال وظلـمة الليـل البـهـيم تبدده طـرياك
وجـوبالمسارايق حـداه الشـوق لعـطورك
بوحي

https://encrypted-tbn0.gstatic.com/images?q=tbn:ANd9GcRjwp1yZn8h_SYwEi3NyuAXyWRNE3DkH u7zi4JUismSaANjD4xn

كم واحد في عالم الحب مادش
نفسه كريمة بالمشاعر والإحساس
ماباق احساس ومشاعر ولاغش
متعــود صـدق التـعامل مع الناس
ماهوب مثل الي عطاياه مابش
يبخل وفيه من الأحاسيس اكداس
عنده مشاعر مار ماكن عندش
كنه بسوق العاطفة معلن افلاس
المسألة ماهيب درهم ولا قرش
نبض حبيس البوح مابين الأنفاس
وان كان عيا البوح للنبض ينعش
تلقى اكسجينه بين حبر وقرطاس

بوحي

https://pbs.twimg.com/media/DG0iWhlXgAAuq8a.jpg

بين المشاعر والمشاعر مسافات
تقرب وتبعد باختلاف النوايا
فيها المواصل للمحبة محطات
تحيي دروب الشوق بين البرايا
ولصادق الإحساس فيها اشارات
لأهل القلوب الي تضخ العطايا

بوحي

https://scontent.cdninstagram.com/hphotos-xpa1/t51.2885-15/e15/11187097_1437647829880266_2116686261_n.jpg
بعض العرب قاسين قاسين قاسين
ماهزهم ذكرى الزمان القديمة
ماهم لذكرى ماضي الوقت وافين
ماعندهم للطيب قدر وحشيمة
تمرهم دنيا الرخا رمشة العين
تمر عجلة مالها أي قيمة
والا انا لامن ذكرت القديمين
اتخيل الماضي بروح حزينة
احن له وأقول ياعين تكفين
هلي دموع كنها امطار غيمة
واحس في صدري سواة السكاكين
الي تقطع بالظلوع المتينة
وقت مضى ولى وأهله مولين
ماهوب راجع لوتحج البدينة
هذي هي الذكرى من الحين للحين
لامرت الخاطر غدى الدمع ديمة

بوحي

http://fashion.fsaten.com/images/imgcache/2010/04/1907.jpg



شمعة وليل احباب والجو هادي
واستارة العشاق بين سعدها
شوق وقف بالباب همسه ينادي
وده يصافح بالغلا كف يدها
في كفه اليمنى ورود وكادي
وفي كفه اليسرى بقايا وعدها
يمكن تجي لاحل وقت البرادي
يمكن غيوم الشوق يصدق رعدها
بوحي

https://khamsat.hsoubcdn.com/images/services/562656/25193204738dd08cb9530601b6dc8dfd.jpg

اكتب قصيدي بين حزة وحزه
يرتاح بالي لاكتبت القصيده
بيني وبين ابيات شعري معزه
حيث انها تمشي على ما اريده
ان صابني من رمح الأيام غزه
يفزع معي ضد الليالي الشديده

نبضي

https://modo3.com/thumbs/fit630x300/85507/1454319870/%D9%81%D8%B1%D8%AD%D8%A9_%D8%A7%D9%84%D8%A3%D8%B7% D9%81%D8%A7%D9%84_%D8%A8%D8%A7%D9%84%D8%B9%D9%8A%D 8%AF.jpg

استنسخ الفرحة من افواه الأطفال
الي تفر حهم من الضيق لعبة
وامرر الواقع على حلو الآمال
لو كانت احلامي من الوقت صعبة
واكتب حروف البوح عن راحة البال
والضحك فيني داخل البوح كذبة

بوحي

https://pbs.twimg.com/media/CNw_GZoVEAAUd6X.jpg

على هدوء الليل ياخافقي هد
تلقى بجو الليل جو السكينه
خذ راحتك ياقلب فيه وتنهد
واجذب ونينك لين يقضي ونينه
واترك نجوم الليل ياقلب تشهد
وابعدعن اجواء البشروالمدينه

بوحي

https://akphoto1.ask.fm/671/350/735/-239996988-1t4ekfh-c095egnhb7qn08a/original/avatar.jpg

ماعاد طعم العيد بالريق حالي
لاصار خلك نازح الدار وبعيد
والعيد ماهو عيد لاغاب غالي
لاغاب نور الدار ماكن به عيد
في زحمة الأقراب كني لحالي
ماغير اردد هاجس البعد ترديد
عن طاري الأحباب مانيب سالي
لو طوقوني بالغنا والزغاريد
بوحي

https://modo3.com/thumbs/fit630x300/45194/1440065057/%D8%AE%D9%88%D8%A7%D8%B7%D8%B1_%D8%B9%D9%86_%D8%A7 %D9%84%D8%AD%D9%86%D9%8A%D9%86.jpg
ترا الحنين احيان يجبر على البوح
ويصير صوت البوح اقوى من الصمت
بعض الغلا في داخل الروح مفضوح
يبين في عينك ولو ماتكلمت

بوحي

https://lh3.googleusercontent.com/-PVmyd9o1_kY/V3vvxsb6BjI/AAAAAAACM4k/3eQN08DDTKUFu7S4eae3z0_iu_Xi4MJuw/w346-h261/%25D8%25B9%25D9%258A%25D8%25AF.gif

غيمة فرح تمطر لنا العيدهتان
تسقي فياض قلوبنا بهجة العيد
منها يفوح الورد من كل بستان
والناس كل لابس زين وجديد
حتى طيور الصبح غنت بالالحان
احلى غناوي العيد بالحب تغريد
الله يعيد العيد والكل فرحان
جعله علينا دوم مبروك وسعيد
بوحي

https://scontent-sea1-1.cdninstagram.com/t51.2885-15/e35/1388972_1538472446472855_344309292_n.jpg?ig_cache_ key=MTE1NDAwMzM4MjYzNjU2NDQwNg%3D%3D.2&se=6

يالي تحــاول بالجـــفا تقتــل الــود
وش فيــك دايم تستفزه غــرامي
ياشوق حبي مافرضته على حد
الي فــرضته طيبـتي واحــترامي
مـن حبني مـن جـد حبيته بجـد
صدق المشاعر واضحه في كلامي
والي يحــبك بعــض الأيــام لـوصد
لابـد يقبــــل بـه عـــظيم الهــيامي


بوحي

http://3.bp.blogspot.com/-2hpCjE8Xo0Y/TyCqp4M9bRI/AAAAAAAALP0/DEt3BaYkowk/s1600/lua.jpg

شبيه صويحبي سبحان رب يخلق الأشباه
عطاك الله من نفس الوصوف الي لمحبوبي
تشابه طلته نوره بياضـه لمعــة محـــياه
وحتى بالصدف اسمه لقيته فيك مكتوبي
شموخك عزتك رفعة مكانك كنها اياه
تقول ان الحلا الي في حبيبي فيك مسكوبي
الا حسبي على بدر تجلى جابلي طرياه
شبيه صويحبي قلي وش الي جابك دروبي




بوحي

http://www6.0zz0.com/2010/04/27/06/523596700.gif

استغفر الله كل ما اصبحت وامسيت
عن كل ذنب في الحياة اقترفته
وابقدرتك ياخالق الحي والميت
تعطيني الي في سجودي طلبته

بوحي

https://3.bp.blogspot.com/-5tl4pyNHADE/V7n6zBT_JpI/AAAAAAAAa54/iCeKKpPunqkL-kzTYQOuRyWhGMm3hSVkQCLcB/s400/%25D8%25A7%25D9%2584%25D8%25AA%25D9%2582%25D8%25A7 %25D8%25B7-136.png

مايجيب الي تبي كثر العنادي
داعي الأشواق للعاشق طبيبه
لابغيت الي عشقته قوم نادي
قله ان الشوق بك زاد بلهيبه
بلغ الأاشواق مفهوم المرادي
صادق الاحساس لابده يجيبه
العطاملح الغلا والوصل زادي
قم وصب انواعها واشرب سكيبه

بوحي

http://forum.mn66.com/storeimg/img_1356777687_595.jpg

كانك تبيني اسأل الليل عني
والا النجوم الي تحرا قدومي
احضن سواده والشقا محتضني
واعطي قمرها لاتبين علومي
ياما لعين الليل جيت متعني
اجيه لاضاقت عليه هدومي
بوحي

http://almraah.net/storeimg/img_1351579504_352.jpg
ابي اكتب ويطلع لي فراغ وجمملة استفهام
غريبة كل ماجيت اكتب الكلمة تعاندني
على بيض الورق اكتب وترفض تكتب الأقلام
تقـــول ان العـــــبارات الغـراميــــة تعــــاتبني
احاول والفكر صاحي ويرجع هالخيال ينام
وانا الي كانت الكلمة على الدفتر تسابقني
بوحي

http://4.bp.blogspot.com/-F9V8_W2D8ew/UAJ-Pa4HBDI/AAAAAAAAArk/hcAbKOnLgqE/w1200-h630-p-k-no-nu/hujan.jpg

تحيا بك الروح يالي للغلا ديمة
وانا خفوقي من الهجران عطشاني
الناس غيرك هجير وشوفتك غيمة
تعال وامطر سحاب الحب هتاني

بوحي

http://up.3dlat.com/uploads/13364165493.jpg


يامساحات الأمل وين الطريق
ارسمي لي لوبغيت ارحل دروب
من تعب هاليأس بس اصحى وافيق
لوبغيت الشمس يلحقني غروب
خافق الأحلام في بحره غريق
ماتت احلامه وعيا لايتوب

بوحي

https://i0.wp.com/i.imgur.com/b7iP7t0.jpg?w=618
حنا شربنا حبنا للوطن شرب
شرب الرضاعة في سنين الطفوله
حق علينا نحمي الشرق والغرب
ونحمي شماله والجنوب ببطوله
نسقي ثراه بدمنا ساعة الحرب
ونرد كيد المعتدي ماينوله
لابوفهدحنا سيوف لهاضرب
فوق الرقاب العاصيات الجهوله
نحمي حمى البيتين ونعاهد الرب
ان الكلام الي نقوله نطوله
بوحي

http://n4hr.com/up/uploads/77598b6bdb.jpg
وش تبيني اكتب لروحك كلام
وش تبي قلي وش الي تطلبه
كم كتبته حب مع شوق وهيام
كم نظمت اشعار عشق مرتبه
مابقى بيت من ابيات الغرام
ياغلاي الا لعينك اكتبه
صادق احساس القصايد لك وسام
وانت تدري اجمل الشعراكذبه
عاد تدري بختصرها والسلام
خذ وجودي ولوجودك انسبه


بوحي

https://images.alwatanvoice.com/news/large/9998713786.jpg

الوطن غالي

يالراية الخضراء ونخلة وسيفين
ياكلمة التوحيد فوق الغمايم
يادارنا يامنبع العز والدين
دارالسعود الي بها العدل قايم
رفرف علمهافوق كل الميادين
غصب على الحسادواهل العمايم
يالمملكة جعلك على العزتبقين
في عهد قايدنا قوي العزايم
ابوفهدسلمان حكمة وتبيين
النادرالي يتبع الحق دايم
حكامنا الي للمعادي عنيدين
في حزة فيها لزوم ولزايم
هم لحفنا عن ليلة بردهاشين
صارواذراناعن هبوب السمايم
قدقالهاعود توفى من سنين
بالله ثم الشعب نبني دعايم
واليوم ابدعي للوطن قولوا آمين
بدعي وانا لله ساجدوصايم
احفظ وطناعن جميع الحسودين
والخاين الدجال واهل النمايم
واختامهاواعداد نبت البساتين
صلوا على المختارماحام حايم

بوحي

http://www9.0zz0.com/2013/09/29/22/810391586.jpg

كن المسا يستدرج البوح فيني
لاشافني من عقب الأشفاق وحدي
وده يبيح ماخفى من كنيني
لاحس مني في الهوى زود وجدي
واخاف قلب الشوق باسه يليني
تلعبه الأشواق ويبيح سدي

بوحي

https://encrypted-tbn0.gstatic.com/images?q=tbn:ANd9GcTaKFNsKeq9fs2UJi8Z7wUD4GDWJFBnF VCfFhCs0T_r9w376B80
تبي الغلا واعطيك في روحي مكان
تبغى العطا واسكنك قلبي هنا
تبغى حنان وقلب يعطيك الأمان
كلش تبي ياسيدي طيّب 00 وأنا ؟

بوحي

http://www.lamst-a.net/upfiles/34c57457.jpg
ياغــارقه بالنـــوم والحـــب صـــاحي
راعــي المحــــبة يســهرالليــل مـانــام
بـيــن عليــه الصبــح والنـــورلاحــي
وانتي غــــريقة نــوم في بحــرالأحــلام
ماساهرك شوق على القلب طاحي
اتعب خــــفوقي بالتــــوجد والألام
الــظاهر ان الحــب عندك امزاحي
قــصة وتمحيــها الليــالي والأيـــــام
لعـبة تصـدقهاالقـــلوب الصحاحي
ويعيش من حبك خيالات واوهام

بوحي

https://pbs.twimg.com/media/BuFuK37CIAAgOHo.jpg

ماهو ضروري يعجبك كل مافي
مافيه بين الناس انسان كامل
يكفيني اني مع هل الطيب وافي
واني لياجت حزة الجد صامل
مسلم وقلبي للمسلمين صافي
بيني وبين الناس زين التعامل
لاصرت طيب بالبدن ومتعافي
تزين والا تشين مانيب هامل

بوحي

http://up.graaam.com/img/00cc257115a3aacf8163a0a3c5ba2c58.gif

http://www.alshamelmag.com/wp-content/uploads/2015/04/walking-barefoot-465x310.jpg


وان قلت يارجل الهواوي على وين
وش هالطريق الي تبي تطرقينه ؟؟
كنك وقفتي حايرة بين دربين
حرتي يسار الدرب والا يمينه
جسي ليان الدرب بين الطريقين
قبل المسير الي تببن تخطينه
وان كان مالك يالرجل سبت تاطين
درب الوعر خليه لاتسلكينه
بعض الدروب وكاد تهدي عناوين
وبعض الطرق وحشة ولاهي امينه
بوحي

https://vid.alarabiya.net/images/2015/03/20/12028e82-9e52-42d2-aaeb-515a8a24adbf/12028e82-9e52-42d2-aaeb-515a8a24adbf_16x9_600x338.jpg


صحيح انا موجود في كوكب الأرض
لكني اسبح في كواكب خيالي
جوالفضاماشيه بالطول والعرض
ارقى الشموخ الي بالافلاك عالي
وانا فرضت اسمي على الخارطة فرض
بيدي كتبته في دليل المعالي

بوحي

https://dncache-mauganscorp.netdna-ssl.com/thumbseg/134/134362-bigthumbnail.jpg

هذا المسا زود على القلب حيره
انطر وانا في هالمسا حيل حيران
حاير وشوقي هالمسا وش مصيره
بدرالدجى نوره على القلب مابان
اسأل نجوم الليل وتقول خيره
حنا نعوض غيبته وانت سهران
قلت القمر ماني معوض بغيره
والي فقد نور القمر حيل خسران
يالشاهدات اللامعات السهيره
خفوا علينا والقمر ماله اخوان
بوحي

https://cdn.sindonews.net/dyn/620/content/2016/10/11/155/1146160/gejala-post-traumatic-stress-disorder-yang-harus-diketahui-0Oc.jpg
حيرتني مابين يمكن وياليت
مدري تبيني او بعد ماتبيني
ان جيت لك مقبل عن الوجه صديت
وان شفتني مقفي تعلقت فيني
مدري اصدق دمعتك كل مااقفيت
والا اكذب صادق الشوق فيني

بوحي

http://www.lakii.com/vb/attachments/a-87/140510d1360358540-a-601037_450733098294529_2135059266_n.jpg

http://25.media.tumblr.com/tumblr_lwoc8znjJr1qj7hvgo1_500.gif



الا يازاير عيون المسا والليل له جذاب
انا مثلك تراني اعشقه هالليل واحيا به
اسامر نجمة تسهرواحاتي غيبة الأحباب
اسلي خاطر يسهر حزين وفاقد احبابه



بوحي

https://akphoto2.ask.fm/099/568/729/1280003027-1pplqdl-5btd4e2gj53sj0p/original/9505_21286264692.jpg
يامنادي بالمحبة لايجي فيها برود
كان حبه ياعظيم الشوق في قلبك سطا
وش يردك عن مواصلنا وتجديد العهود
كان لك شف وتبينا لاتردد بالعطا
المواصل للحبايب يجعل الألفة تزود
والقطاعة والتغلي بينهم اكبرخطا
الحبايب للحبايب في مواصلها تجود
والمحبة ياكبيرالشوق يقتلها البطا

بوحي

http://tasnimeadel.arablog.org/wp-content/uploads/sites/67/2014/08/BIRD.jpg

مضمون في يديك وتدور على عشرة ؟!
مفهوم يقطع حبال الوصل بيدينا
عصفور في اليد ولا عشرة على الشجرة
قصة قديمة وتحكي هالطمع فينا

بوحي

https://scontent-sea1-1.cdninstagram.com/t51.2885-15/s480x480/e15/11376177_627476790722158_1518977795_n.jpg?ig_cache _key=NTE2Mjg4MzA1MjY1ODIzNzM4.2

ياعمي خلني ساكت قتلت الوصل بوعودك
تعبت من الوعود الي تناستني على بابك
على نور القمر ياما سهرت الليل لوجودك
يروح الليل وانتظرك انا والشوق واعتابك
يمــوت الشــوق ماجـيتي ولاتوفين بعهـودك
ذبحتي هالغرام الي ذبل ورده من اسبابك
بوحي

http://31.media.tumblr.com/b7f44800128a79f8c05a259c5e5aec44/tumblr_mu20s4mewI1s367ulo1_500.gif

بين السما والارض علقت روحي
لاطايل ارضك ولا طلت غيمة
بس اتمرجح بين حزات نوحي
واساهر جروح الصدود الأليمة
وان كان من صدك توفت فروحي
خل المشاعر في خفوقك رحيمة
عطني ثرى وادفن نزيف الجروحي
واغسل هموم القلب من كف ديمة


بوحي

http://l.yimg.com/qn/majdah/customavatars/avatar1382041_1.gif


يذوب الهرج في شفة رقيق العاطفة والشوق
ولا يقدر يعبر عن غلاه ولهفة اشواقه
وهو في خافقه يحمل عبارات الغلا والذوق
ولكنه يخاف اهل الغرام تسفه اذواقه
دفن سرالهوى تحت الضلوع ومادرى مخلوق
يداري سمعة الحب العفيف وسمعة اخلاقه

بوحي

https://i.ytimg.com/vi/3RpYld6x18A/hqdefault.jpg

يزين الوقت والمجلاس في حضرة سمو الليل
واقدم له عبارات الولا والسمع والطاعه
كريم معزبي لامن لفيته كثر التهليل
يسليني بحلو السالفة يامزين طباعه
وانا لاقلط نجومه على جمر الغضى والهيل
يطيب الكيف لعيون الشعر والناس هجاعه
واردد غالي ابياتي مع القمرا ونجم سهيل
من انفاس القصيدالي لصوت البوح سماعه


بوحي

http://www.lovely0smile.com/2009/qq/qq-528.jpg



اعرف ترا للحب سلم وقوانين
اول قوانين الغلا لا تكنه
فيه اعتراف العشق مابين قلبين
وتغني قلوب المحبين فنه
فيها الوصل مفروض بين المحبين
حتى العطاواجب ولافيه منه
كم قلت لك عطني لحبك عناوين
اقول حبك فرض وتقول سنه ؟!

بوحي

https://s-media-cache-ak0.pinimg.com/originals/bb/85/f7/bb85f792a70e71b53de4280479561904.jpg



ايه ولقيتك داخل القلب نايم
شكلك دخلت القلب ياشوق بشويش
وش لون ماحسيت والقلب هايم
اثرك قدرت تفوت من دون تشويش
خذ راحتك واسكن لك القلب دايم
دام العروق لشرب قربك معاطيش


بوحي

https://3.bp.blogspot.com/-xBRxT9gJTLI/WDSV4MICT6I/AAAAAAAAB8o/Q-WpaQmWyhgTt3DHvC1tMOLd6a9tRi49QCLcB/s640/%25D8%25A3%25D9%2588%25D9%2584%25D8%25A8%25D8%25B1 %25D8%25B2%2B%25D9%2585%25D9%2581%25D8%25A7%25D8%2 5B1%25D9%2582%25D8%25A9.jpg

يامـهاجـر للفـضا والبـعد والــغربة سـمـاك
انتظرني معك ابرحل عن مـدى العالم بعيد
لاتسافر عـن خـفوقي خـلني اسـري مـعاك
خلني اجمع بقايا الشـعر وحروف القصيد
خلني اترك طروق الحـزن وابيـات الهـلاك

وانتشل حـلو الأغاني وانقـذالحــان النشيـد
بوحي

http://www.tratel3asheq.com/up/uploads/1507020655581.gif

http://24.media.tumblr.com/tumblr_lo49m476UZ1qhz0ryo1_500.jpg

اجي عاني على حروة لقاك وفي يدي ورده
واحث خطاي لدروب الغرام وخافقي مسرور
على شوق يسيرني على طرياك من مده
مشيت الليل لعيونك ودرب معتم ومهجور
وهوجاس الهقاوي يطرق الخفاق وارده
اخاف اوصل عتب بابك وارد وخاطري مكسور

بوحي
http://www.rem2b.net/vb/images/smilies/xvih99756.gif.pagespeed.ic.WvNkiih0lH.png

https://v.3bir.net/3bir/2012/03/12887426318-1.gif


https://v.3bir.net/3bir/2012/03/128874263113-1.gif


https://v.3bir.net/3bir/2012/03/128874263120-1.gif

http://4.bp.blogspot.com/_4Ri_SG5O8YM/THuLhVrNPxI/AAAAAAAAANs/mEnxyLCn0kc/s1600/%D9%8A%D8%A7%D8%B1%D8%A8.jpg
ارفع يدينك للسما وقول يارب
تستر عيوبي والذنوب تغفرها
في ساعة فيها تنزل وتقرب
فيها النفوس المؤمنة تنتظرها
يارب ننهل من عطائك ونشرب
تسقي القلوب الضامية وتغمرها
وتجعل لنا من لاهب النارمهرب
نستوطن الجنة وناكل ثمرها
ماخاب من يرجيك ياكاشف الكرب
تقبل دعانا يامقدر قدرها

بوحي

https://encrypted-tbn0.gstatic.com/images?q=tbn:ANd9GcSwzq-mqgQY1-2S-6zh8gP_O5578tdKyA90XqeEVKLUUhTqfaCd
على نفس المكان الي اجي له والفكر ينساح
كتبت البوح واسرار العمر للنور يقراها
انا والليل والمغنى سوالف والأمل مالاح
وجيران القمر ملت تحرا نور قمراها
غدا جو السهر معتم بعد لبس الظلام وشاح
بعد ماعودت كل النجوم لدرب مسراها
كذا صار الوعد ليل وحيش وممتلي اشباح
على قلب فقد زين الوعود الي تحراها


بوحي

https://scontent-sea1-1.cdninstagram.com/t51.2885-15/e35/10576015_1754541271498893_366401357_n.jpg?ig_cache _key=MTIwMzcxODkyNTk2NDIzOTM1Mw%3D%3D.2

أعيش جوّي وانت خلك بجوّك
ما دام جوّي جايز لي ومبسوط
ما هو ضروري نجتمع حول ضوّك
جو السعادة فيك ما هوب مربوط
سعادتي ما ترتبط في سموّك
ولا ارتباطي فيك دايم ومشروط
لو يختلف بالذوق نوّي ونوّك
خل الونس لي شوط ولحضرتك شوط
بوحي

https://v.3bir.net/3bir/2013/11/58663_1263338441-1.jpg
لاملت الخطوة من الدرب ترتاح
لاصار درب البعد كله كلافة
كم واحد يتبع سراب اذا لاح
يركض ولوبينه وبينه مسافة
ماياصله وان مل في ماقفه طاح
مصير حاله للتعب والكسافة
وانا عن المشوار وقفت ياصاح
من خوف يلحقني ملام وحسافة

بوحي

https://78.media.tumblr.com/b316ebc89dffa484911a4d9c4a1d403b/tumblr_o7tuok5H951u6m8iuo1_500.jpg

وصلاة ربي عد ماطاير طار
وعد النجوم اللامعات السهيرة
وعد الرمال وعد همال الأمطار
واعداد من يسكن بلاد وديرة
مع ماخلق بالكون في بر وابحار
مع مثلهن واكثر صلاة كثيرة
على النبي الي من الله مختار
محمد الي للخلايق بشيرة
بوحي

http://www.arabtravelersforum.com/imgDir/56/09d7b698fe341894d519c553453169dd031011170333hra8fr 7rgd25st38ircq.gif

https://a.top4top.net/p_448oqa142.jpg

http://www.shuuf.com/shof/uploads/2014/08/11/jpg/shof_17bec5790357876.jpg

تستلذ البعد وتحب الغياب
كن مافي منهجك كلمة وصل
كل موعد نرسمه يصبح سراب
في مواعيد المحبة وش حصل
ياخي اهل الأرض وصلوا للسحاب
وانت ماحد يم ابوابك وصل ؟!

بوحي

https://s-media-cache-ak0.pinimg.com/originals/00/4a/c0/004ac067b8595c868c014bf7b8c564a9.gif
ياملاك الزين ياكل الحلا
جابك الطاري وجيت اسأل عليك
من نظرتك قالت عيوني هلا
نظرتك ياشوق تاخذني اليك
خاطري ياشوق عنك ماسلا
والمشاعر كلها فيني تبيك
اشهد انك ماخذن كل الغلا
والخفوق الي ملكته في يديك
شوقي الي زاد فيني وامتلا
كل ليلة ياخذ القلب ويجيك

بوحي

https://vb.elmstba.com/imgcache/almstba.com_1351389584_179.jpg




يالله ياخالق عبادك من الطين
يامنزل مريم وطه والأنفال
تحفظ بلدنا عن جميع المعادين
وتصيب من يحقد علينا بزلزال
وتغفر ذنوب الي لوجهك مصليين
وتمسح خطايانا خفيفات وثقال
وانك تثبتنا على الحق والدين
يوم العقول بمحشر الخلق تهتال
ونحشر مع اصحاب التقى والنبيين
وتكتب لنا في جنة الخلد منزال
بوحي

https://pbs.twimg.com/media/CCb_6zXUEAAYFqD.jpg


من يبي طرياك ماينظر عيوبك
لو بعين الناقدة كلك عيوب
حتى لو العاذلة عنده حكوبك
صار عنده كل من يحكي كذوب

بوحي

علميني كيف اكتب لك شعر
علميني كيف ارسلك شجون
لوبغيت اكتب عن اوصافك نثر
صابني من كثرة الحيرة جنون
لك وصوف واجدة ماتنذكر
فيك مجمع كثير من الفنون

من قصيدي

https://i.skyrock.net/7582/51177582/pics/2492990513_1.jpg (https://i.skyrock.net/7582/51177582/pics/2492990513_1.jpg)
عود الليل معتم قلت يالله تعين
كن طاري غيابه مع مساي انعقد
بين ليل طويل وبين شوق وحنين
المشاعر حزينه والجفن مارقد
من فقد حس غالي بالليالي يبين
جلسة الليل خالي تشعرك بالفقد
بوحي

https://scontent-frt3-2.cdninstagram.com/vp/d7b75a8d022f9df815fd946be118b06d/5E8C4E5D/t51.2885-15/e35/51870119_418379698931767_5171908716528842586_n.jpg ?_nc_ht=scontent-frt3-2.cdninstagram.com&_nc_cat=107&ig_cache_key=MTk4MzQ4MTkwMjEwODQ5ODIxMQ%3D%3D.2

يامزون الخير انا كلي ظما
مدهر حالي على حد الهلاك
اسكن بصحرا وتسكن في سما
خف من الله والحيا يملا سماك
كيف اموت وفي شفاك الحمرما
اسقني من عذب ريقك ياملاك

بوحي

http://up.haridy.org/storage/Ustsra001d-550aaa480.gif

http://cdn-tehran.wisgoon.com/dlir-s3/1053500x311_1456833244469466.jpeg

بسمتي اقوى من اصرار الدموع
اضحك بوجه السنين الجايرة
للظروف القاسية ماني خضوع
اتجلد للجروح الغايرة
اكتم الآهات مابين الضلوع
لوصرخات المشاعر ثايرة
ضحكتي لاصرت مابين الجموع
تترك عقول العواذل حايرة
بوحي

https://encrypted-tbn0.gstatic.com/images?q=tbn:ANd9GcQ0AhFjkkQ0S_SHri-YoOmhjSRtj1-KAGkH6i_vUwknnv_oDzxs&s
ياحنان الخافق اللي كل ماتبعد يزود
كثر شوقي لك وشوقي للملاقى مااكثره
طالبك في حق شوقي لاتمادى بالصدود
كان لي عندك محبة حاجز الصداكسره
لاتعاملني بطبع الكبرواسلوب البرود
دامني استفزع بحق الغلا واستنصره
لاتخلي صادق الاشواق في قلبي شرود
ان بغيته بعد هجرك مانت قادر تأسره
يجفل الخفاق منك لوتنادي بالورود
يحسبك عقب البطاشخص غريب بينحره
بوحي

http://ghlasa.com/up/do.php?img=3762

https://v.3bir.net/3bir/2020/09/160012055271-1.jpg

https://www.hamasatdamad.com/upload/uploads/1601492734021.jpg

https://v.3bir.net/3bir/2020/09/1600628473971-1.jpg

https://up.sham-alro7.com/do.php?img=1677

https://i.imgur.com/5Ns1tMb.jpg

https://i.imgur.com/ahqXJbP.jpg

https://i.imgur.com/4Lqamxb.jpg

https://i.imgur.com/v4Zz5HU.jpg