دموع عذراء

الجزء الاول ،،



انتهى المسلسل بس انا ما كنت مع التلفزيون ،، كنت مع الحزن اللي سكن جوفي والهجر اللي بديت احس فيه ،، لين متى وانا جذي متى بصير مثل باقي البنات هذا اللي براسي واللي يتردد على بالي " ندى " وهي سرحانه ما رجعها للارض الواقع الا التلفون اللي كان يرن بدون انقطاع ردت بهدوء : الو !
سنه سنه لين تردين وينج عن الجهاز ما تشوفينه يرن والا عادي عندج احترق على الخط ! صوت اعز مخلوقه على الارض منيرة اعز صديقاتي واقربهم لي احبها الاخت اللي ما جابتها امي !! ضحكتني ورديت :ليش معصبه ! جاني صوتها وهي ضايقه : اووف يا ندى ابي اطلع من البيت مليت الناس جمعه اجااااااااااازة يا ناس بس من حاس ! لا اخواني يعبروني والا ام مهتمه والا اب يحن علينا واخرتها !! ندى وهي تبعد السماعه عن اذنها من صراخ منيرة وهي ترد بكل برود : منور خلصتي ! منيرة وهي تتستوعب ان في شي ؟! ندى حبيبتي فيج شي !
ندى وهي تتنهد وترد : قولي شنو ما في اذا انتي جذي انا ايش اقول العالم كلها عندنا وتدرين يوم الجمعه شنو يصير في بيتنا من ازعاج خواتي وعيالهم بس احس فيني شي ناقص منور تعبت متى القاه متى ؟ منيرة وهي تحاول تخفف على توام روحها : يا قلبي يا ندى والا تتضايقين قومي اذكري ربج شوي وتصير امورج احسن !
رديت عليها وانا اوجه نظراتي لسقف الغرفه : الله كريم خلاص منوش بكلمج بعدين ! مع السلامه صكرت بدون ما انطر رد منيرة !

ندى اصغر البيت عمرها 28 سنه بس اللي يشوفها يعطيها اصغر من عمرها والسبب مرحها وطيبه قلبها ما فيها جمال بس جذابه حنطاويه وشعرها قصير للاذن تحب العزله طالبه بالشمال الاطلنطي .. عايلتها كبيرة بس ما تحس فيهم اما منيرة اصغر من ندى 4 سنين وهي اكبر البنات بيضاء وربي عطاه من الجمال والاخلاق والادب شعرها طويل وحيل حبوبه وطبعا مع ندى بالكليه

طلعت ندى حق الازعاج اللي بالصاله وشافت عيال خواتها يرقصون على اغنيه المطربه هند" مجنون انا " وخواتها يصفقون لهم ويشجعونهم ويحذفون الفلوس فوق راسهم " عايله ندى مو غنيه !! ناس على قد حالهم " ابتسمت وهي تشوف حبيب قلبها حمدان من ضمن اليهال ندى !
هذا صوت اختها الكبيرة وهي تاشر عليها تجي عندها وهي تبتسم لها وينج وليش منخشه " مختفيه " لا والله هذاني عندكم بس كنت اطلع المسلسل ما ابي الحلقه تفوتني ! وندى عيونها تدور،، ادور ظبيه بنت اختها الكبيرة يوم ما حصلتها اسالت اختها: الا بنتج وين ! ام مبارك : ما جاءت اليوم صديقتها عندها يمكن الاسبوع الجاي تجي ،، اسكتت ندى وهي تشوف العالم اللي حوالها من ضحك ورقص وعبط واستخفاف دم تذكرت جوالها ،، قامت وهي تحاول تمر من بين اليهال اللي كانوا يرقصون وهي اطالع الساعه وراحت من صوب المسجل وصكرته ،، اوووووووووووووووه صوت واحد جماعي " ليش صكرتيه" ! هذي اختي فطوم اكبر مني بـ5 سنين طالعتها ورديت ما باقى على الاذان الا دقيقتين اذكري ربج شوي ضحكت وهي تقولي جانا القرضاوي ضحكت لان الكلمه هذي مشهوره في بيتنا وخصوصا لي !

ضحكت على خبال اختي فطوم بس ايش اسوي احبها قلبها كبير وطيبه صج عليها حركات بس بعد تجنن ،، طلعت من الصاله وانا اسمع التعليقات بس بعد ما اهتميت واول ما دخلت الغرفه الا الاذان يرفع على مسامع المسلمين خذيت جوالي وانا اشوف اذا احد عبرني او اتصل بس كالعادة ما في الشاشه شي ،، رحت الحمام " الله يعزكم " وتوضيت وانا اصلي صلاة المغرب وادعي بالسجود ربي صبرني وثبتني على دينك اللهم ارحمني وارحم اخواني واخواتي المسلمين ،، خلصت الصلاة و وقفت قريب المنظرة اشوف نفسي فيها حنطيه وجهي دائري شعري مرتب وهو مرفوع كنت لابسه بنطلون جينز غامق مع بدي ناعم ابيض ابتسمت ورتبت القلوس الوردي وحطيت كحل خفيف بعيني ،، طلعت لهم بس ! كانت الصدمه كان هناك واقف وهو شايل بنته على يده ويسلم على امي رجعت بسرعه وانا اخذ انفاسي هو وربي هو ليش يا ربي ليش !! كنت احس ان قلبيطاح علىالارض من كثر ما ضرب بصدري بلعت ريقي بقوه وانا ارجع للغرفه ،، كنت احس برجفه وضربات قلبي وصلت اعلى راسي ! ايش يبي ليش هو هنا ومن متى العلاقه صارت زينه بينه وبين اهلي ! وانا في قمت تفكير ادخلت فطوم وهي تسالني انتي بخير !

بيني وبين نفسي كنت اقول :بخير وين الخير وانا وين ! فطوم : ندوش وجهج صار برتقالي ضحكت : ههههههه شنو برتقالي الناس تقول صار اصفر ؟ ضحكت : هههههه انا غير عن الناس المهم شبلاج لا تقولين ان وجوده خوفج اللي اعرفه انج اكبر واقوى من جذي ! ايش تبين اقول لج احبه والله احبه بس هو اللي بعد ! هذا كلامي لنفسي بس لنفسي ما اقدر اعبر وافضح نفسي اكثر من جذي
قلت لها : لا عادي بس داشه البس شي واغطي نفسي وبجيكم ،، طلعت وانا اقول انا اكبر واقوى من كل اللي صار وانا اللي راح اعلمك من ندى يا عبد العزيز !!

الجزء الثاني ،،

طلعت لهم بالصاله خواتي الكبار على يمين المكان وامي وعبد العزيز على اليسار السلام عليكم ورحمه الله الكل ردوا السلام شلونك يا بو نور ؟ سلمت عليه ،،بخير جعلج بخير شلونج انتي وشلون امروج بالكليه ؟! صوته اهااا يا صوته عذاب يدش بالقلب على طول ندى اثقلي ! هذي كلمتي عشان اكون اقوى ! طلعته كان لبس بدله كحليه وقميص ابيض والكرفته حمراء شكله مهندس ابتسمت وانا افكر مو منك من النسب الطيب ! نسيت ارد عليه وسرحت فيه وجهه مثل ما هو ابيض وشعره ناعم ومرتب شكله توه مرتب القفل يعني جاي من الحلاق عيونه عسليه وكبار عذاب ياربي ! ندى ندى شبلاج يمه ! هذي امي تنادين وصحتني من الجو اللي انا فيه ،، هـلا يمه ! قهوى ولد خالتج ! ان شاء الله وقفت وانا ماسكه دله القهوة باليسار واصب له بالفنجان ونور تبتسم لي وهي بحضن ابوها ! ابتسمت وجاءت عيني بعينه وانا امد له الفنجان بس وقفت اللحظه اصابعه الطويله امسكت اصابعي ارتبكت وطاح الفنجال على فخذه ! وتوصخ البنطلون ؟! اسفه والله اسفه هذي كانت ردت فعلي ! لا عادي ما صار الا الخير رد علي وهو واقف يمسح مكان القهوة بعد ما اخذ المنديل من يد اختي ام مبارك ،، اقول ندى؟ فطوم اختي كلمتني ،، رديت عليها هلا... ابيج شوي !! طلعت من عندهم وانا اسمعهم يهمسون باسمي ،، اووف ايش سويت !! شبلاج صرتي خضراء ؟ فطوم تسالني وهي تقولي مصطلح جديد ! ههههههههههههه ضحكت عليهااا ،، انتي متى تعقلين رديت عليها وانا ادخل الغرفه معاها! يا قلبي ليش سويت جذي انت تعطينه سبب،، على طول دشت بعرض الموضوع حتى ما لمحت لي ؟ مادري يا فطوم مادري ؟ خلاص اختنقت ابي اصيح واطلع اللي بقلبي ،،سالتها: هو ليش رجع ؟ ما كنت مرتاحه منه ومن اسمه وطاريه !! فطوم وهي تضمني لا يالغلا دموعج مو سهله علينا وانتي تدرين ! ادري والله ادري بس ليش الكل واقف معاه ليش تبوني اكتم اللي بنفسي واختنق ! فطوم خليني ابي اكون بروحي ارجوج خليني افكر شوي ! خلاص انا طالعه بس اذا احتجتيني تعرفين رقمي والا تبين ارقمج ! رديت عليها ههههههههههه لا مشكورة ما ابي !ضحكت لي : يارب تدوم هالضحكه واشوف اسنانج اللولو!طالعتها وبينت لها إني معصبه فطووووم !! اطلعي عاد ،، طلعت وخلتني بروحي! ليش يا عبدالعزيز ليش ؟ بعد ما قلت لك احبك تركتني وتزوجت غيري ليه!

رجعت الذاكره لـ 5 سنين راحت كنت 23 سنه وهو اكبر مني بـ 4 سنين وكنت قاعده بالحديقه اللي كنت اعشقها ومن بين الورد كنت اغاني لفيروز " حبيتك "



حبيتك تنسيت النوم يا خوفي تنساني
حابسني براة النوم و تاركني سهراني
أنا حبيتك حبيتك أنا حبيتك حبيتك
بشتاقلك لا بقدر شوفك و لا بقدر احكيك
بندهلك خلف الطرقات و خلف الشبابيك
بجرب إني إنسى بتسرق النسيان
و بفتكر لاقيتك رجعلي اللي كان
و تضيع مني كل ما لاقيتك
حبيتك حبيتك أنا حبيتك حبيتك
يا خوفي إبقى حبك بالإيام اللي جايي
و اتهرب من نسيانك ما اتطلع بمرايي
حبسي أنت أنت حبسي و حريتي أنت
و أنتا اللي بكرهو و اللي بحبو أنت
يا ريت ما سهرت و خفيتك
حبيتك حبيتك أنا حبيتك حييتك

الله عليج الله يا بنت الخاله ايش هالصوت ؟ لفيت وزين ما انكسرت رقبتي !! همست عبدالعزيز ،، رد علي وهو مبتسم : عيونه ورحه ! وحشتيني!! انكسر وجهي وانحرجت وصار شكلي مضحك ،، ليش ما تردين لين متى بصبر... ندى ارجوج ارحميني وانطقيهاا ؟
ايش اقول ! رديت وانا عيوني على الارض ومتاكده لو احد يسالني كم عدد الرمال اللي تحت رجلي كانت قلت له ! ايش اقول ؟ قولي لي احبك يا عبدا لعزيز احبك ،، انتي تعرفين اللي بقلبي لج لين متى اصبر ،، اطلعت عيوني قدام وانا اسمع كلامه: ارجوك انت تحرجني عن اذنك ! حاولت امشي وابتعد عن طريقه بس للاسف يده امتدت وامسكت يدي وشدني قريب منه وهمس لي: طيب ليش ! ادري انج تحبيني وين الصعوبه اذا نطقتيها ؟!

الجزء الثالث ،،

غمضت عيوني بالقوة وانا اشم ريحته القويه تدخل بروحي ،، كل اللي سويته اني كنت احاول ابعد عنه بس انا وين وهو وين ،، ندى ! همس باسمي ووكل خليه فيني ترتجف ،، رديت عليه عبدالعزيز واللي يسلمك خلني اروح ارجوك ! ضربه قويه على الباب صحتني من احلامي ،، وزاد الضرب اللي رجعني للغرفتي ! حتى بالاحلام محرومه منك ،، صرخت على اللي عند الباب انزين جااااااااايه !! انصدمت ،، انتي معقوووووووووله !!


وفي منطقه ثانيه بالدوحه وتحديدا بالدفنه كانت قاعده بالصالون وتسولف بالجوال وبكل دلع وهي تبتسم وكان اللي معاها على التلفون يشووفهاا ،،

...؟ قلبي ما قلتي متى اشوفج !
العنود وبكل دلع : حبيبي مو الحين ! الجو ما يسمح لي وخصوصا واخوي بقطر !
...؟ يعني شنو انطر بعد اسبوع والا شهر لين متى يعني !
العنود : طلال يا قلبي ليش مو فاهمني المفروض تراعي ظروفي !
طلال : خلاص خلاص انسي الطلعه " حاط نفسه زعلان وهو اصلا مبسوط على الخبله اللي تكلمه !"

العنود وهي تمشي صوب الدرج رايحه للطابق الثاني اسمعت الباب ينفتح ولفت راسهاا وهي حاطه الجوال باذنها ارتبكت وحست بخوف عزيز ! خلاص حبيبتي اكلمج بعدين وطبعا طلال فهم ان احد معاها ما رد عليها طلال وصكرت التلفون بسرعه ! متى جيت ! وجهت السؤال لاخوها اللي كان شاك بتصرفاتها الغريبه .. جاوبها وهو عيونه ما انزلت من عينها... من ساعه بس رحت الريان وسلمت على خالتي ام عبدالله ،، ورجع يكلمها وانتي ما تبين تسلمين والا انا كنت نايم عندكم امس وانا مادري ! ضحكت العنود وهي تنزل لاخوه الكبير وقربت منه وهي تبوس خده ؟ شلونك وشلون الكويت عساك مرتاح وانت عند نسيبك ؟ طنش السؤال اللي توجه له وسال ! عيل وين فصيل ما اشوفه حتى سيارته مو موجوده ؟ ما اعرف عنه شي انت تدري اخوك هذا انا ما احبه والا افكر اني اسال عنه وطلعت الدرج والا فكرت انها تسلم على نور بنت اخوها اللي كانت واقفه قريب من ابوها ،،

اعرفكم على عايله عبدالعزيز ،،

عبدالعزيز 32 سنه مدير شركه وله منصب كبير بالدوحه ولشركه فرع بالكويت متزوج وعنده بنت ،،

فيصل 28 سنه موظف محترم جدا وطيب وخلوق بس اللي يشوفه يعتقد انه مو طبيعي او معقد مع انه حبوب وراح تشوفون بالقصه،،

العنود 25 سنه وهي اصغر البيت طبعا دلوعه ومغروره وما تحشم احد تخاف بس من عبدالعزيز اما الباقي بالهواء على قولتها ؟ لها حركات ما تعجب احد ومع هذا مو مهتمه ،،

صرااااااخ وضحك وشقاوه ولعب اطفال وجمعه اهل ،، كانوا على بحر الخور والكل مبسوط حمود هات الكورة ؟! صافيه معصبه على اخوها محمد وهو رافض يعطيها الكورة ؟ قولي لو سمحت وبعدين انا مو اصغر عيالج ؟! تراني الكبير ولازم تكلميني باحترام " حاط نفسه معصب " صافيه خافت تعرف اخوها اذا عصب ما في يمه ارحميني ! خلاص اسفه وهذا خشمك ابوسه !! ضحك على خبال اخته يا بنت اعقلي تراج رجيتي العالم !! راشد وهو يصارخ من بعيد يالله نبي ناكل ! ضحكوا اللي قاعدين ولف عليه ابوه ! ابو محمد: وانت شبلاك مطيور اصبر ! راشد وهو ماسك بطنه: يبه واللي يرحم لي والديك قول لامي تحط العشاء خلاص بموت ! وفجاءة صوت صرااااخ عالي غطاء على ضحك عايله ابو محمد !!

الجزء الرابع ،،


الله أكبر ، الله أكبر
الله أكبر ، الله أكبر
أشهد ألا إله إلا الله
أشهد ألا إله إلا الله
أشهد أن محمداً رسول الله
أشهد أن محمداً رسول الله
حي على الصلاة، حي على الصلاة
حي على الفلاح، حي على الفلاح
الصلاة خير من النوم ، الصلاة خير من النوم
الله أكبر ، الله أكبر
لا إله إلا الله

المنبه ضرب مع الأذان اللي تعال بالسماء وصداه بكل ركن بالبيت صحا فيصل على صوت المنبه وهو يحس بتعب بعد الجهد اللي بذله طالع حمد وسلطان اللي كانوا نايمين بذمه وضمير ومو حاسين بالدنيا ولف وجهه على الجهه الثانيه وشاف يعقوب وهو يرفع كم ثوبه ،، ابتسم وهو يقول بنفسه ما شاء الله عليك انسان محترم تعجبني وياليتك تكون من نصيب العنود ،، حمد يا حمد قوم صلاة يالله يا رجال قوم ! اهه أي انزين الحين الحين هذا حمد يرد وهو مو مع فيصل ابتسم فيصل وهو يشوف سلطان يطالعه ونص عينه مسكره ،، فيصل اذان الفجر هذا سلطان يسال ،، أي وانا اخوك قوم ترى يعقوب سبقنا للمسجد يالله وصحا حمد وياك ،، طلع فيصل من بيت يعقوب وهو يسبح ويذكر الله على النعمه اللي عنده ..

وفي الريان عند ندى اللي كانت فاتحه البوم كبير فيه صور عبدالعزيز من كان صغير لين ما تركهاا .. يا ندى مو بيده هذا قضاء وقدر وبعدين انا مؤمنه ليش ازعل الزواج قسمه ونصيب كنت احاول اقنع نفسي بس هذي الحقيقه !! قامت ندى اول ما سمعت الاقامه وراحت تتؤضا للصلاة وعقبها اتصلت على منيرة
رن التلفون وانقطع الخط غريبه ! منور تشوف رقمي وما ترد اكيد في شي ! وحاولت مرة ثانيه وبعد الرنه الرابعه انفتح الخط وعلى طول قلت : كان ما رديت يا شيخه منيرة ! ليش عورتي اصابعج المخمليه ورفعتي الجوال ؟ بس ما كان على الجهه الثانيه أي جواب!! رفعت حاجبي مستغربه ! منوش وينج ؟! رد علي صوت مبحوح ورجولي : منيرة بغرفه الطؤارى اتصلي فيها بعد خمس دقايق !! ايش انصدمت مش معقوله كانت معاي امس بالليل ! ايش اللي صار واللي يسلمك قولي ،، اللي معاي يكلمني وهو مخنوق يا بنت الحلال كلميها بعد شوي انا مشغول ! بس ...... طوط طوط طوط صكر بوجهي ،، صج قليل ادب ! الحين ايش اسوي من اكلم اوووف وبعد تفكير تذكرت وضحى اخت منيرة على طول خذت الجوال واتصلت وانا ادعي بقلبي يارب طمني عليها يارب ! ... بعد الرنه الخامسه جاءني صوتها ،، الو

هـلآ وضحى وبدون مقدمات شفيها منور !
صاحت وطاح قلبي ،، صرخت وضحى الله يخليج ريحي قلبي وقولي وشفيها !! الحقي علينا يا ندى منيرة بتروح عنا !! جمد الدم بعروقي وقفت ضربات قلبي واحس الدنيا تدور فيني ! ايش منيرة بس ؟

انتي كذابه امس كانت عندي بعد المغرب جاتني وكانت تبي تفاجئني انتي كذابه ؟ كنت اصارخ فتح اخوي عبدالله الباب وهو يطالعني ونظراته تسالني ايش فيج ! حذفت الجوال وانا اركض لحضنه وانا اقوله منور منور ؟!! ايش فيها رد علي وهو يحاول يبعدني عنه يبي يسمع اللي اقوله ! ندى صرخ فيني وهو يهزني وانا مو معاه ،، بعدها بساعه صحيت وراسي يعورني والاضاءة قويه بعيوني .. ااااه راسي ؟ طلعت مني وإنا احاول ارفع راسي ! اسملى على راسج فيني وإلا فيج !! لا لا لا مستحيل عزيز ! صوته وربي صوته !!

انا وين ؟ تكلمت او يمكن همست لاني متاكده ان الصوت ما طلع مني ،، رد وهو يقرب ويمسك يدي ويحضنها بيده: بالطؤارى طحتي على اخوج وجبناج للمستشفى ! تذكرت منيرة ،، عزوز ابي منيرة وينها ارجوك جيبها لي ؟ ونظرتي كانت رجاء حار ودموعي مليانه ووقفه عن طرف رمشي ،، ندى قال اسمي بس بدون ما ينطقه ! ورد قال : انتي اقوى ومؤمنه بالله وهذا قضاء قدر ومنيرة عطتج عمرها اليوم الصبح ! لاااااااااااااااااااااااااااااااااا مستحيل امس كانت عندي بالليل ،، وطلعت مع اخوها محمد ! كانت مبسوطه بتروح البحر ،، انت تكذب ليش راحت وما قالت لي ! هي وعدتني هي ............ ظلمه والدنيا صارت سوداء وما عدت اشوف قدامي كل اللي حسيته يد تضغط على يدي وصوته أي صوته يناديني ؟

الجزء الخامس ،،

في منطقه من مناطق قطر وتحديدا في معيذر وبعد شهر من فراق منيرة للدنيا ،، وعلى حزن ندى على اختها اللي انحرمت منها ،، كانت وضحى تنزل ثياب منيرة وهي تصيح مرة تشم عطرها اللي انتشر بالغرفه الصغيرة ومرة تضمهم!! وندى قعده تشوف وهي ساكته لين اليوم عندي امل ان منيرة مسافرة وبترجع قريب ،، ادخلت علينا ام محمد وبيدها كرتون" صندوق" كبير لباقي الاغراض ونادت علي ندى: هلا يمه ! قومي يمه ساعدي وضحى خليني نخلص ترى ابو محمد ناطر الإغراض ،، ان شاء الله رديت عليها وانا اقوم من على السرير ،، خذت الكرتون وطلعت من عندنا !! ندى صوت وضحى يناديني " نعم " ما تبين تعرفين شلون ! خذت نفس قوي وانا اشوف بدي وردي عليه صورة بنت تضحك وشعرها اصفر " اشرت على البدي وانا اقول : هذا كان مني لها علشان يوم ميلادها ! ندى ارحمي حالج واستغفري ربج هذي دنيا وكلنا لها ،، ردت وضحى نفس السؤال : ما تبين تعرفين ! وايش اللي بيفيد ؟! اذا عرفت راح ترجع يعني ،، وضحى ما اسكتت بدت تقول ايش صار ،، " كنا على البحر ومحمد وصايفه يتهاوشون على الكورة وابوي مع امي وراشد وانا كنت قاعده على الصخرة الكبيرة واضحك عليهم بس اللي اعرفه ان الجازي كانت مع منيرة وعقبها صار اللي صار؟" شنو ! انتي متاكده صرخت بصوت عالي " ليش كانت وياها وبروحهم انتوا تعرفون ان الجازي ما تحب منيرة ! شلون ؟ وضحى :ندى قصري صوتج ترى ما احد يعرف الكل يشوف اللي صار عادي بس والله ان الموضوع غير !طالعتني وهي تقول: انا خايفه ان الجازي هي اللي طيحت منيرة على الصخور؟ ايش ! جانا صوته اللي هز الغرفه اللي احنا فيها !

في الدفنه في المنطقه الراقيه والاستقراطيه كان يتكلم بالتلفون وهو على الكرسي بجنب باب الصالون ....

...؟ يعني شنو !!
...؟ يعني ابيها زوجه على سنه الله ورسوله !
...؟ ليش هي في غيرها والا انت تبي المشاكل وبس ؟
...؟ عبدالعزيز انت رجال متزوج وعندك بنت لا تربط نفسك فيها !
عبدالعزيز: فيصل لا تجنني شلون تاخذ ندى وانت تعرف اني احبها !
فيصل : لا حول الله والا قوة الا بالله العلي العظيم يا اخوي اذكر ربك تراك زوج واب والكلام اللي تقوله مو صح وبعدين انت ناوي تقطع نصيب البنت ؟
عبدالعزيز واللي بدت شيطانين الدنيا تلف على راسه: ابعد عنها وما لك خص فيها ندى لي انا وبس ؟

وصكر التلفون وبدون ما يسمع رد فيصل اللي كان ساكت ويفكر شلون يقنع اخوه ؟ وهو بعز انسجامه ادخلت العنود وهي تضحك وتقول: لا حبيبي مو على كيفك ترى ازعل ! كف حار اسكت باقي الكلام في حنجرتها ! انصدمت فيصل !! أي فيصل يا قليله الحياء والا ما احد عاجبج ،، ومسك شعرها بقوه وهو يسحبها من حبيبج قولي ؟ وهي تصارخ هدني والله لا ابلغ الشرطه عليك يا الارهابي ما اسكتها الا كف ثاني ! تكلمي هذا صوته وهو يرص على اسنانه علشان ما يزيد بضربها،،

في معيذر وخصوصا بغرفه المرحومه منيرة كانت المواجهه ،،

قولي ايش كنتي تقولين ؟ محمد وهو يكلمني وانا خايفه منه ،، رديت: اطلع ما علي غطى ! وضحى وهي تسحب اخوها حمود اطلع واللي يسلمك قبل لا يجي ابوي وتصير سوالف ؟ دز يدها وجاء صوبي تكلمي ليش ساكته ! غمضت عيوني وانا اخذ نفس قوي ما ابي اشوفه هو قريب مني لدرجه احس بانفاسه مسك كتفي وهي يهزني تكلمي اقولج ؟ كف من يدي على خده ! صدمه للعيون الاربعه محمد ووضحى ! قلت لك ما علي غطى استر به نفسي اطلع اطلع !! حط عينه بعيني وكانه يقسم لي انه راح يرجع الحركه طلع مثل الاعصار وانا قعدت على الارض اصيح : وينج يا منور اشتقت لج ،، جاتني وضحى وهي تضمني : لا تصيحين الله يخليج هو ما يقصد صدقيني ،،

في الستي سنتر كانت تتمايل وتترقص بمشيتها والشيله راجعه على وراء ونص شعرها طالع والمكياج العرس اللي بوجهها ملفت الانظار عليها طبعا ما كانت مهتمه لاحد مع ان العيون تتلذذ بمحاسنها رن جوالها اللي بالشنطه وصدى فنان العرب يردد بالمكان

حبيب الحب الحب و حبيببي
نفاس روحي بعد روحي وحالي
عسى دايم وشمسك ما تغيبي
عن عيوني وعن قلبي وبالي

ردت على جوالها بعد ما شافت المتصل وابتسمت،، واضغطت على زر الرد : الو !
الجهه الثانيه : جوجو الحقي علي !
الجازي : العنود شبلاج ليش تصارخين !
العنود : تعالي ابيج تعالي وكانت منهارة من الضرب اللي جاها من فيصل ،، خلاص خلاص انا جايه عطيني 5 دقايق ،، طلعت من الستي وهي خايفه ان احد عرف ايش اللي صار !

الجزء السادس ،،

اهل المرحومه منيرة ،،

ابو محمد كبير بالسن بس يبين انه شباب وعنده خير بس مقصر على عياله ،،
ام محمد انسانه مؤمنه وصابره على زوجها علشان عيالها اللي تتمنى تفرح فيهم،،
الجازي عمرها 27 سنه بنت ابو محمد من حرمته الاولى بس انانيه ومغرورة وراعيه مشاكل
محمد الكبير بعد الجازي وعمره26 سنه عسكري وحبوب بس عند الجد ما عنده يمه رحميني
منيرة 24 سنه " المرحومه" اكبر البنات من الاب والام
راشد 23 سنه دمار شامل هالولد مع الاحداث راح تعرفونه
وضحى 22 طيبه بس لها حركات ما تدخل العقل وخصوصا انها مطلقه من ولد عمه سيف
صافيه اخر العنقود 19 سنه حبوبه ومرحه

وانا ما زالت بحضن وضحى مسحت دموعي وقمت من مكاني وطالعتها انا رايحه البيت ممكن تشوفين اخوانج اذا ما احد كفايه محمد ! وضحى وهي منحرجه من الموقف: ان شاء الله بس لا تزعلين ما يقصد صدقيني خليه يهدى والله انه راح يعتذر! ابي اطلع رديت عليها وانا البس عبايتي ... طلعت وانا مازالت مصدومه الجازي سوتها الجازي " لالا ان بعض الظن اثم " بس هي ما تحب منور معقوله تذبح اختها ! ندى شبلاج من الصبح اقولج يالله !! انتبهت لصوت وضحى وطلعت لقيت الصاله مرتبه وما احد فيها وصوت احمد العجمي بالمسجل دمعت عيني وانا اطالع البيت خلاص يا منور المكان اللي ما انتي فيه ليش اجيه كنت اكلم نفسي سلمت على وضحى وطلعت ،، ركبت سيارتي وحركت وطول الطريق عقلي يشتغل شلون اعرف اللي صار شلون ؟


وهي تركض وناسيه الشيله اللي طارت بالهواء تركب الدرج البيت بسرعه وهي تضرب الباب وتصارخ يالعنود العنود افتحي ؟ تبطل الباب بس اللي طلع مو العنود انصدمت الجازي وهي تشوف ملاك على الارض بهيئه انسان انبهرت بعيونه العسليه وطوله وعرضه اللي كل بنت تتمناه ضاعت وهي تناظر بعيونه وتحس انها ذابت فيه! غطي راسج وصد عنها ،، اا .. اابي العنود هي موجوده ! انتي من !! سالها وهي مو قادره تغض البصر ،، اا انا اممم ههههههه تصدق نسيت اسمي من شفتك !! استغفرا الله استغفرا الله رد عليها وهو طالع من البيت وعلى طول عرفت الجازي ان هذا فيصل اخو العنود الارهابي بس حلو وربي قطعه اذا ما جبتك ما اكون الجازي الـ ..... اصبر علي وهي تبتسم وتتوعد بسرها !

بالشركة الـ ............ للاستيراد والتصدير وبمكتبه الفخم وحديث التصميم باروع الديكورات وبشكله المتميز والملفت عبدالعزيز جالس على كرسيه وهو مدنق راسه ويفكر بكلام اخوه ,, لا يا فصيل ما لك حق ندى لي انا وبس وما احد له الحق انه يخطبها او يطلب فيها كزوجه غيري غيري ! طق على الباب قطع عليه افكاره ومخططاته!! تفضل ،، دخل منصور السكرتير الوفي لسيده عبدالعزيز : نعم طال عمرك طلبتني ؟ رد عليه : أي ابيك في موضوع بس يكون مثل اللي قبلهم بدون ما يطلع او يشم احد منه شي ،، رد منصور وهو عتبان : افاااا عليك انت تامر امر ! اطلب عزك !!

الجزء السابع ،،

في منطقه دحيل وتحديدا بالكيله " الشمال الاطلنطي " ندى تمشي بسرعه لانها متاخرة عن الكلاس بـ 5 دقايق ،،وهي بالممر تلاحظ عيون اللي حولها ! شسالفه ليش يطالعون " حمدالله والشكر " صج ناس فاضيه ... ندى ،، ندى اصبري شوي لفيت لمصدر الصوت هيا !! ضمتني وهي مخنوقه : عظم الله اجرج والله توني ادري ! اجرنا واجرج يالغلا ؟ هيا شلونج" احاول اضيع السالفه" ،، انا اللي اسفه ربيتي وانا ما زرتج والا باركت لج ؟ هيا وهي تضحك : لاحقه على الازعاج اللي عندي يالله ترى تأخرنا،، مشينا وهي تسوالف وانا اسمع بس بدون اهتمام ،،!

في بيت ابو محمد الكل كان عايش حزن وضحى وصافيه قاعدين بغرفه منور ويطالعون المكان كان اول مرة يشوفونه ؟ الجازي بغرفتها تفكر شلون تجذب فصيل لها وهي تبتسم على كل فكرة تمر في بالها ،، في الوقت هذا دخل محمد البيت تعبان ومهدود حيله من الشفتات صرخ على اخته وضحى ! طلعت له وهي تحس ان الوضع ما راح يعدي على خير ،، : هلا محمد صباح الخير ؟! محمد يرد عليها وهو يفك الحزام : صباح النور وين امي ؟ ردت عليه وهي تقرب له طاوله الفطور : راحت المدرسه والا انت ناسي انها موظفه ،، وقفت وما رديت عليها ودخلت غرفتي وانا مخنوق ،، وجاءت في بالي كانت لابسه بنطلون ابيض وبدي وردي ناعم شعرها قصير لحد اذنها خمريه " حنطيه" لونها يجنني غمضت عيوني وانسدحت على السرير حسيت بصوت بالغرفه شدني بس ظليت مثل ما انا بس الصوت قرب مني فتحت عيني جهه الكبت نطيت مخترع انتي ايش تسوين هنا ؟


...؟ اقولك ضربني وتقول عادي عبدالعزيز اخوك هذا مجنون ؟
عبدالعزيز: العنود انتي الحين داقه من الصبح ومعوره راسي علشان هالكلام ؟
العنود وهي تتخصر : يعني شنو ما راح تقوله شي!
عبدالعزيز وهو خلاص طاقه جبده: انبلا بكلمه اليوم وراح اخليه يتاسف منج في شي غيره ؟
العنود: عزيز تعال اخذني والله مخنوقه وقبل لا تكمل كلامها صكر الجوال بوجهها ؟

العنود انصدمت من الحركه وظلت اطالع الجوال لين ما رن وخرعها بس الخرعه راحت اول ما شفت من المتصل " قلبك يتصل بك " ابتسمت وردت بدلع : الو


محمد وهو مصدوم من وجودها وصرخ وهو مرتبك: ايش تسوين هنا ؟ طلعتني بعيونها بس ما ردت قربت مني اكثر ،، لاحظي انج بغرفتي هذا اللي قدرت اقوله ؟ انتي مجنونه!! ايش تبين وهي تقرب اكثر واكثر لين ما صار بيني وبينها شبر بس وقفت ،، وانا ما اقدر احرك رجلي ،، اول ما حاولت افتح فمي حطت يدها على شفايفي وهي تبتسم .. يالله ما اقدر اتحمل : ااا .. انتي مجنونه ،، قربت مني خلاص انفاسها وانفاسي وحده قربها اربكني ضميتها لحضني وانا اشم ريحت عطرها بارده وناعمه مثلها ،، حطت يدها على رقبتي وهمست باسمي محمد احبك ،،! اهاااا طلعت من صدري بقوه .. وانا بعد وانا بعد احبج ..... محمد .. محمد اصحا اشبلك اذان الظهر قوم صل ؟ فتحت عيوني وانا اشوف راشد عند راسي ... أيش تبي !! ابيك تقوم للصلاة يالله يا رجال قوم !! ان شاء الله قمت خلاص روح ..؟! قعدت على السرير بعد ما طلع راشد من الغرفه اووووف حلم الله يسامحج حتى باحلامي معذبتني ليش ليش ؟ طلعت من الغرفه على الحمام " عزكم الله " اخذ شور واطلع للمسجد ..

الجزء الثامن ،،

بعد الاحداث السابقه باسبوع دخلت ظبيه على خالتها ندى وهي تمشي على اطراف اصابعها علشان ما تحس فيها وبصوت عالي : انا جيت ؟! صرخت ندى بصوت عالي وهي لفه وجهه جهت الصوت ،، ظبوي : وجع طيحتي قلبي يا ... ما كملت الا هي بحضن بنت اختها وفـ قعدوا يضحكون على بعض ،،

وبالصالة كانوا خواتي الكبار مجتمعين بس صار لهم فترة معتزلين الأغاني والطرب والسبب نفسيتي وفراق منيرة عني ،، صار لها شهرين ونص بس انا مو مع العالم ... السلام عليكم ورحمه الله ،، ردوا السلام وقعدت معاهم سوالف وضحكت وحسيت بشويه راحه احسن من العزله اللي اخترتها ،، وانا بعز انسجامي مع البنات وسوالفهم اسمع صوت جوالي بس اللي صدمني ان الرنه الصادرة من الجوال رنه منيرة فطوم وظبوي يطالعون بنفس الصدمه رحت اركض ارد على الجوال .. الو منيرة ؟!

...؟ ما في رد !! تكلمت : من معاي منور هذي انتي !
...؟ لا هذا انا اسف على الازعاج بس ابي اكلمج ضروري ؟
انصدمت صوت رجال ؟ سكت وانا اطالع النظرات اللي عندي وحاولت اطلع نفسي بدون ما يشكون : هلا هلا وضحى بس ليش متصله من جوال منيرة ؟
...؟ اهااا انتي مع اهلج ... ممكن تكونين بروحج بعد اذنج الموضوع ما يستحمل التاخير ،،
ندى : أي ان شاء الله بس دقيقه ،، لفيت عليهم وانا احس ان وجهي كاشفني قلت لهم شوي واجيكم اوكي ،، طلعت وعلى طول للغرفه وقفلت الباب وراي ،،

ندى: نعم خير ,, شنو الموضوع المهم اللي يخليك تكلمني من جوال منيرة ؟
...؟ مجبور اسوي جذي لاني عارف انج ما راح تكلميني ابدا خصوصا بعد الموقف اللي صار..؟
ندى : محمد انت معذور ..
محمد " يا ربي انا الغلطان مو انتي " : على العموم انا اسف على اللي صار ,, بس خلينا بالمهم ليش قلتي ان الجازي هي السبب بوفاه منيرة ؟
ندى: اولا مو انا اللي قلت وضحى اللي قالت ,, وبعدين انت اخوها والمفروض تعرف اكثر مني ليش ؟ محمد الله يخليك ما ابي اذكر الموضوع أبي .. اابي انسى ارجوك ؟
محمد وهو مخنوق يسمع صوتها اللي بدء ياخذ مجرى البكاء وقلبه يعوره ،، رد عليها : ندى في شي ثاني بس ما اعرف شلون اقوله؟
ندى : وصوت شهقاتها تطلع من التلفون ،، الله يخليك بعدين بعدين مع السلامه !
صكرت التلفون بوجهي وانا لين الحين اسمع صدى صوتها ,, اها يا ندى هذا تفكير محمد وهو يطالع الجوال ،،


على وقت العشاء وفي بيت يعقوب كان جالس ويفكر بعمق شلون يا فيصل شلون ؟ هو مقتنع ان البنت له لازم اخليه ينساها !! وهو سرحان وعايش على تفكيره جاه صوت الجوال رفع الجهاز وشاف اسم اخوه رد وهو مبتسم :

فيصل : السلام عليكم ورحمه الله وبركاته ،، حي الله بو نور.. اخبارك؟
عبدالعزيز يبتسم على كلام اخوه : وعليكم السلام بخير وانت ؟
فيصل : بخير ،، متصل تقول انك موافق !
عبدالعزيز وهو يتنهد : كم مرة اقولك لا تفكر فيها انا ابيها لي انا افهم يا فيصل افهم ؟
فيصل : يعني ما تبي البنت تاخذ نصيبها ؟
عبدالعزيز : انا نصيبها انا ،، وبعدين مو هذا موضوعنا .. ليش ضارب اختك !
فيصل : ليش هي ما قلت لك عن سواد وجهها ! يوم انها تشتكي ليه ما قلت ؟
عبدالعزيز : يعني متاخرة عن البيت قاطعه فيصل : لا كانت تتكلم مع ولد ويوم ضربتها قالت اسمه طلال وهي تحبه ويبيها !
ايش انت وايش تقول عبدالعزيز وهو معصب وضارب العرق براسه؟
اللي سمعته فيصل يرد عليه وبكل هدوء : تعال تفاهم معاها والا انا اخوها وانت لا !

الجزء التاسع ،،

ندى وهي قاعده وسط بنات الكليه وتاكل غداها بين ضحك ومزح شافت وحده اطالعها من بعيد وتبتسم ،، ابتسمت لها وهي تاشر لها انها تجي عندهم ،، السلام عليكم بنات ،، اسوووووووووم هلا والله يالقاطعه اصوات البنات بكل مكان ترحيبا بصديقتهم اسماء وهي تضحك عليهم ،، ومع التراحيب والسؤال وغيره ردوا للسوالف والحشى من جديد " صج بنات " اسماء خذت ندى على جنب : اسفه ندى توني عرفت من فترة الله يكون بعونج ،، طالعتها ورديت : وبعون الجميع ! ضحكت اسماء فجاءة وقالت لي : تذكرين يوم كنتوا تتهاوشون على دخول الكليه انتي رافضه وهي راكبه راسها الا تغيرون التخصص ،، هههههههههههههه ضحكت لان الموقف اللي صار بيني وبين منيرة يضحك ،، كملت عن اسماء وقلت : كنا مرتاحين واحنا ممرضات بالمستشفى 5 سنين واحنا نشتغل خلتني طالبه بيوم وليله بس ليتني صغيرة عمري كان 25 وهي مصرة تذكرين اسوم يوم كانت تقولي انتي قدها يا بنت ؟ ضحكنا على مواقف منيرة بس ما حزنت وانا اذكرها بالعكس كان قلبي ينبض بحب لها وشوق ،،

في الكويت ديره الخير والعز ،، ديره جابر الصامده وفي احد المناطق الراقيه واروع القصور ،، صوت الضحك مغطي على المكان كله ،، ماما خلاث خلاث بموت ،، هههههههههههههههه : حبيبتي قولي ليش سويتي جذي ،، كانت تدغدغ نور وهي تضحك معاها ،، هذا عقاب نور اذا غلطت بشي بس عقاب غريب شوي ! والله اخر مرة والله ،، نور تحلف لامها بس من داخل هي مبسوطه لوجودها ،، الي سعد الي سعد " الي تعني خالي " نور وهي تشوف خالها داخل عليهم بالحديقه ويقعد على الكرسي مجابل اخته وبنتها : عيون خالج لينا خلي البنت تتنفس الله يهداج ،، لينا وهي توقف وتبوس راس اخوها سعد ،، وترد عليه : هلا والله بالقاطع وينك ما تنشاف!! ،، مو منه من الدووام اللي حارمه شوفت اهله ! هذا عبدالعزيز وهو داش عليهم وهم يسالفون ،، نور من شافت ابوها راحت تركض له بحب وهي تقولها: ابي الي ندى ! انصدمت لينا وهي تسمع بنتها اما سعد طالع الارض بدون ما يعلق على الموضوع! عبدالعزيز اللي حس بقلبه ينبض بطاري ندى وقف وهو يطالع اللي حوله ويسال : الغدى جاهز تراني ميت من الجوع ! هدوء بعد ما نزلت القنبله بنص قلوب ضايعه ،،

في معيذر على وقت المغرب محمد يكلم وضحى وينطر رايها بالموضوع ،، محمد : ما قلت لي رايج ،، يالله يا حمود انت متاكد ترى اللي تسويه مو صح انت جذي تفكيرك غلط ردت علي وضحى وهي اطالع اضافر يدها،، وقفت وانا ما ابي اسمع شي يغير اللي ابيه ! وضحى: انتي تعرفين شي عنها ! الصراحه قالتها وضحى وهي توقف مجابله اخوها : أي سمعت من المرحومه كلام بس اعتقد هالشي كان من زمان ،، طلعتها وانا ابيها تكمل كلامها بس شكل وضحى ما لها نيه ،، طلعت من عندها رايح صوب غرفتي " محمد" صوت ابوي اللهم اجعله خير ! رجعت له وهو بالصاله ،، وانا ابوس خشمه: سم يبه بغيتني بشي ! ابوي وهو يعدل من جلسته وامي اطلعني وانا شاك بمصيبه جايه : ابيك تخطب بنت عمك موضي !

السلاااااااااااااااااااام عليكم ،، دخلت البيت بعد يوم طويل بالكليه وانا اشوف امي قاعده على الكرسي اتابع " الفريج " وعليكم السلام ردت علي بدون ما اطلعني ،، الوالده شكلها مندمجه ،، الحلو صوبنا والا التلفزيون ما اخذ مكانا ،، امي وهي ترفع العصاا تبي تضربني : قومي عن وجهي خليني اشوف ام خماس ،، ههههههههههههههههه ضحكت فطوم وهي داشه : شعندها ام عبدالله مشتطه لا يكون تبين تسوي مثل ام خماس وتتزوجين ! امي وهي تحذف فطوم اختي بعلبه الفاين : لعنه الله على اليهود ! ضحكنا انا وفطوم على امي اللي بدت تعطينا محاضره ،، ماما الخدامه تنادي امي ،، خير انتي الثانيه ردت امي وهي معصبه ،، بابا فيصل ايجي برع ،، استغربنا انا وفطوم ،، خليه يدخل ردت امي على الخدامه وهي ترحب فيه وانا وفطوم دخلنا الغرفه منصدمين فيصل !!

الجزء العاشر ،،

الصوت العالي هو السبب اللي خلا راشد يقوم من فراشه ويطلع على الصاله ،، وعند دخلت الباب سمع ابوه وهو يقول: هي بنت عمك وغصبن عنك تاخذها ! راشد وهو يحاول يستوعب الوضع ،، خير خير عسى ما شر شبلاكم ! اذكروا الله ايش صار ! رديت وانا ماسك نفسي من اني اتهور ،، اللي صار ان ابوي يبي يجبرني على الزواج مثل البنات ،، يبي يزوجني موضي بنت عمي غصب مثل ما زوج هاذي ،، غصبن عنها لولد عمي سيف ! مو هذا اللي تبيه يبه ! وضحى وهي تسمع كلام محمد قعدت تصيح وهي تقول بصوت عالي : حرام عليك يبه انت ليش جذي الزواج مو غصب ليش تبي تعيد اللي صار لي حق موضي ! كف حار من ابوي على خد وضحى علشان تسكت ،، دخل راشد بين وضحى وابوي : وهو يصارخ اسمع : ترى احنا اللي طلاقنها من ولد اخوك واحنا اللي راح نحمي خواتنا منك ! كفايه منيرة يبه منيرة تذكرها والا بوفاتها نسيت ان عندك بنت ماتت وانت السبب بموتها !

فيصل خطبني ! انصدمت وانا اسمع الكلام من امي ! يمه الله يهداج انتي شتقولين فيصل ! امي ترد وهي مش مقتنعه مثلي : أي يمه فيصل قال لي ابي ندى زوجه لي ! وانه راضي بقرارج ! فطوم وهي تطلع من سكوتها: بس يمه فيصل اخو عبدالعزيز والا نسيتوا اخوه بعد ! امي ترد وهي ترفع فنجال القهوة : والله مادري يا بنات ،، اذا جاء يوم الخميس نسولف مع خواتكم ونعرف وانتي يا ندى صلي ربج واستخيري ترى فيصل رجال وما ينعاب ! هذا البلاء انه كامل والكامل وجه الله كنت اقول هالكلام بقلبي !

اما في الدفنه مكان ثاني بعيد عن اجواء القبول والرفض كانت العنود تسمع كلام الجازي وهي مقتنعه جدا باللي ينقال ،، الجازي : ها ايش رايج ،، صدقيني جذي تحطينه قدام الامر الواقع ! العنود ترد وهي شبه طايره من الفرحه : وانتي الصاجه بس في شي ،، الجازي وهي تسوي نفسها انها تخاف على العنود : لا تخافين كل شي بيكون تمام وعال العال صدقيني ،، العنود تتذكر فيصل ! وهي تقول : وفيصل ايش اقوله علشان يطلع من البيت ،، فديت طاريه الجازي وهي تتفداه بقلبها ما عليج انا اتصرف وياه ! انتي بس سوي اللي اقوله حلو ! العنود وهي تبتسم : خلاص صار يا حلو !
خطط شياطين من الانس لهدم بيوت الناس ،،
ندى وهي اطالع الجوال اللي يرن عندها بلقب " نبض قلبي انت " اوووف ايش يبي كم مرة اقوله لا تكلمني من جوال منيره ! لا يكون صاير شي ،، لالالا كان وضحى خبرتني ... أي كانت راح تقولي ! ورجع التلفون يرن من جديد وهي اطالع الشاشه وفجاءه : الو !!

محمد : ندى .. شفيج في شي ليش ما تردين عسى ما شر انتي بخير! صدمني كل هذا علشان قلت الو " صج انك طيب " ضحكت بصوت واطي ورديت : وعليكم السلام ورحمه الله ،، الحمدالله انا بخير ... اممم وانت اخبارك ؟ " مو جني طولت وياه .. بس اعرف ايش يبي واقوله ما يتصل كنت اكلم نفسي كالعاده "

محمد وهو يتنهد : انا مو بخير ،، اها يا ندى تعبان ،، رديت وقلبي انقبض وانا اسمعه وهو يتنهد ،، : محمد عسى ما شر شبلاك فيك شي صار شي ! قول لي ؟

محمد: سؤال واتمنى ما تردين خايب ! "ابيه هذا شكله يترجاني" ! أي قول محمد قول طمني !رد علي : قلبج يا ندى خالي ؟!

صدمه .. هذا ايش يقول ؟ قلبي ااااااه يا قلبي ! سكت وانا اسمع صوت انفاسه كانها تجاوب على سؤاله : محمد انت ايش تبي بالضبط !

محمد: ما يهمني ايش صار قبل لا اعرفج لان الموضوع صار من الماضي اللي يهمني انتي يا ندى ،، ترضين فيني زوج على سنه الله ورسوله !

صكرت التلفون ،، هذا مجنون صج مجنون ايش بلاه وايش يقصد ماضي ! رفعت التلفون وانا اتصل على من راح يسمعني ويعطيني النصيحه ... الو ؟!

انت مجنون اكيد مجنون ليش سويت جذي انا ايش قلت لك من قبل ؟ فيصل يحاول يهدى اعصاب اخوه : عبدالعزيز قلت لك البنت حره تختار اللي تبي ! رد عبدالعزيز والود وده يكون بقطر : ايش ردت عليك ! فيصل وهو يرفع سماعه التلفون: انا ما كلمت ندى خطبتها من خالتي ام عبدالله ؟ ايش ،، عبدالعزيز والاعصاب عنده رايحه فيها ! : انت تبي تذبحني ليش سويت جذي ،، وصكر التلفون قبل لا يسمع رد اخوه ،،

:منصور ابيك تجي البيت الحين بدون ما تتاخر عن الـ 10 دقايق فاهم !

الجزء الحادي عشر ،،

بعد الاحداث اللي صارت ودارت الايام ... ندى كانت قاعده على اللاب تخلص بعض الاشياء اللي عندها للتخرج حست بيد احد على كتفها ! لفيت صوب البنت وانا مستغربه ! ههههههههههههه : انتي متى جيتي ! اسوم وهي تقعد على الكرسي اللي حذاي توني من 10 دقايق بل ما في مواقف حشى مو كليه سوق ! رديت اضحك على شكلها كان وجهها احمر من الشمس وحاطه النظارة على راسها وهي تحرك الورقه علشان يجيها هواء ،، انزين قعدي ليش واقفه ،، ردت علي وهي تسحب يدي لا حبيبتي انتي اللي راح تقومين يالله ابي اعرف الموضوع اللي كنتي تبين تقولينه من اسبوع ! وقفت وانا متردده ما احد يعرف بالموضوع الا منيرة بس ! يالله هذاني قايمه ،، وقفت وانا عازمه على اني اصفي قلبي من الهموم!


...؟ انت وين الحين !
...؟ يا قلبي قريب البيت بس شويات وانزل !
...؟ اوكي يا قلبي عطني رنه علشان افهم !
...؟ العنود اذا خايفه خلاص بلاها ،،
العنود وهي بتموت من الخوف بس لازم تسوي هالشي : لا حبيبي مو خايفه بس انطرك على احر من الجمر ؟ خلاص حبيبي انطرك !

صكرت الجوال وهي تهز رجلها اليسار ،، وقفت العنود وهي اطالع نفسها بالمنظره " ان ما جبتك يا طلال ما اكون العنود الـ ........... ،،

نروح عند محمد وهو يسوالف مع الضابط : والحين ايش ناوي تسوي ؟ مادري يا اخوك البنت ما ردت علي وابوي من الصوب الثاني ضاغط علي ،، اااه والله انها بنت ناس واصيله وما تتعوض ،، الضابط عبدالله : ربي يقدم اللي فيه الخير بس يا محمد ما قلت لي شلون عرفتها ! يعني احنا ربع من سنتين والا مرة شفتك رافع الجوال نفس العرب اللي عندي واتغازل ؟ هههههههه ضحكت على كلامه ورديت وانا امسح دموعي من ضحكي الهستيري : يا اخوك انا مو راعي هالخرابيط استغفرا الله وربي يبعدني عنهم بس ،، ابتسم لي عبدالله وهو يقول لي انزين قولي من هي او شلون عرفتها ! اسمع يا ولد الحلال القصه بدت ... وبدء محمد بسرد قصته على مسامع عبدالله ،،

اما بالكليه وندى ترد على السؤال الصعب اللي اسالته اسووم ؟ ندى شبلاج تراه سؤال عادي ! ليش خلاج وتزوج غيرج !! الشي غريب بعد ما يعترف بحبه لج وهو يعرف انج تحبينه والكل في بيتكم متوقع زواجكم يتزوج غيرج ! ليش طيب قولي ! تكلمي يا ندى وطلعي اللي بخاطرج ؟ رديت وانا احس ان جسمي يرتجف ما ابي اذكر بس ايش اسوي لازم علشان الصورة توضح عند اسوم لازم اقول : اااه يا اسوم .. يوم قلت له اني احبك وكنت عند مكاني المفضل بالحديقه طار من على الارض وصل لين السماء وهو ينقز ويقولي عديها عديها والله انها اجمل من الكلمه اللي باحلامي !

مش معقوله!! انت متاكد ؟ الضابط عبدالله يضرب على الطاوله وهو شبه مصدوم ؟ رد عليه محمد وهو مستغرب وضع صديقه: شبلاك ،، ايش قلت خلاك تتضايق !! انت من تقصد يوم قلت لي ندى الـ ........ ؟ محمد طالع عبدالله بشك ،، وقال انا ما قلت عايلتها بس اسم ابوها ! للحظه حسيت ان اللي قدامي هدا شوي وطالعني بنظره يحسسني فيها بعدم الامان ،، انت تعرف اسمي الكلام يا محمد ؟ كنت اطلعه وانا مش مستوعب سؤاله : انبلا انت عبدالله .... الـ .... !! لحظه لا لا ؟ كان تفكيري يودي ويجيب ،، وبصوت عالي طلع مني : انت اخوها ! كان يطالعني وانا اوقف من مكاني مثل المقروص !! تكلمت : لا تفهم غلط البنت ماله ذنب باللي صار انا اللي دخلت الغرفه من صدمتي من كلامهم ! وبعدين هي كانت تصدني لدرجه انها ضربتني كف قدام اختي علشان تصحيني ! عبدالله ،، ارجوك رجيتك لا تظلم البنت ! عبدالله : لا حول الله والا قوة الا بالله العلي العظيم ! لا تخاف اعرف اختي واعرف تربيتها ! وكمل وهو يطالعني واعرف نسيبي عدل ! رددت الكلمه من وراءه وانا مو مصدق نسيبي !

الجزء الثاني عشر ،،

ندى واسماء بالكفتيريا وهم على الوضع اللي كانوا فيه ،، جلسه مصارحه ،، ندى وهي اطالع يدها : جاني بعد ما قلت له احبك بيومين وكنت بروحي بالصاله اعدل التلفزيون ،، وترجع ندى عند لحظه الصدمه .... اوووف عمى انزين ليش ما تشتغل ! يالله ملل ابي اشوف المباراة قسم بالله قهر ليش جذي ؟ اعصابج الا تلفزيون مسكين ماله داعي الضرب هذا كله ،، لفيت وانا اسمع صوته خفت وتوترت والشي الوحيد اللي قدرت اقوله : هااا ! ابتسم على صدمتي وشفت بنظراته اعتذار ،، ركزت اني ما كنت لابسه شي يسترني رحت اركض جهت الغرف .. بس هو اسرع مني ومسك يدي وهو يقولي : على وين ! رديت وانا يدي تحترق من لمسته : اجيب غطى انت مو حلال علي عبدالعزيز شفيك ! هههههههههههههه ضحك وانا منصدمه لانه دخلني غرفتي وصكر الباب وراءه ،،،


في الدفنه وخصوصا عن العنود اللي بدت تلعب بالغلط وتحلال الحرام ،، رن جوالها وهي تركض للدرج علشان تفتح الباب ! وهي عند الباب وفقت تعدل نفسها وتشيك على مكياجها ! وبعدها : هلا والله بالغلا كله ،، حياك يا قلبي !
طلال اللي انصدم يوم شاف لبس العنود وشكلها ! ما توقع يطلع منها هالشي خصوصا انها غبيه ! رد عليها وعيونه تاكل جسمها اكل : هلا والله فيج انتي ،، راح نوقف عند الباب وايد ،، ردت عليه لا يا قلبي حياك ! وفعلا دخل البيت اللي المفروض ما يدخله غريب ،، تعال فوق علشان نكون في الـ save side ضحك عليها وقلبه يرقص وهو يشوفها جذي ! صعدوا الغرفه ودخلته وغفلت الباب ،، طلال وهو يطلع المكان اعجبه ترتيب الغرفه صج ذوق ،، سرير روماني ناعم مخلوط بالالون البنفسجي والوردي الغرفه شكله من قلب بنوتي ! لف على العنود وهو يشوفها تشغل الشموع اللي على الطاوله راح لها ومسك خصرها بنعومه وشدها على صدره وقال :وحشتيني !!



بالكويت وخصوصا بغرفه عبدالعزيزاللي كان يكلم زوجته لينا : انا مسافر الدوحه باجر العصر ابيج تجهزين لي ملابس خفيفه ! ردت عليه وهي شاكه فيه ! اممم الشركه فيها شي ،، لا الشركه ماشيه على الطريق الصح ولله الحمد عندي شي ثاني ،، ندى ! انصدم عبدالعزيز وهو يسمع لينا تقول اسمها ! لفيت عليها ابي اشوف عيونها بس انحرجت وانا اشوف دموعها تكلمت بهدوء: ليش يا عبدالعزيز ! قربت منها وانا احاول اشرح لها الموضوع : لينا انتي تعرفين ليش تزوجنا وشلون كان زواجنا ! ردت علي وهي تصيح: بس انا مالي ذنب،، والا انا لي ذنب رديت بكل برود عندي وكملت انتي وابوج حرمتوني منها وانتي بالذات تعرفين حب وغلا ندى عندي! صديت عنها وطلعت من الغرفه ما ابي اشوفها !



ايش تقولين : صرخت اسماء اللي خلت البنات اللي بالكليه يطالعونا ويوم انتبهت على نفسها ضحكت وهي تقول لهم: اسفه بس الموضوع شدني ! منهم من ضحك عليها ومنهم من تحمد ربه على نعمه العقل ،، وجع وجع زين رديت عليها وانا مقهوره من حركتها: قلت لج لا تقاطعيني علشان اعبر بس انتي مو وجه ،، حطت يدها على حلجي كملي يا مال العافيه ،، ردت وهي تبتسم ! بس بدون دون مقاطعه هزت راسها انها موافقه ! كملت : المهم كنت معاه بغرفه والباب مقفول وانا خايفه وهو يطالعني تكلم : ابي اقولج شي بس والله العظيم انه مو بيدي وان الوضع صار جذي ،، خفت وانا ابعد نفسي عنه : ايش تقصد كنت ابعد عنه بس هو كان يقرب مني عبدالعزيز وقف ارجوك ! او خلنا نتكلم برع ،، رد بسرعه :لا لا لا هني احسن ما احد يقاطعنا ! قول بسرعه اخاف احد يجي رديت وانا خايفه فعلا وكنت حاسه ملك الموت عند راسي ،، ندى نطق باسمي وقرب اكثر لصقت بالطوفه ،، اناا احبج والله احبج وانتي اللي ابيها قرب من وجهي وحط اصابعه على شفايفي بس قبل لا اقول اوعديني ما تروحني عني او تاخذين غيري !! رن جوال اسماء وهي منقهره : الو نعم ،، أي ان شاء الله الحين ان شاء الله مع السلامه ،، طالعتني وهي تقول: اسفه بس الحكومه متصله الـ teacher بالكلاس ! اسمعي اليوم اكلمج وتكملين اوكي ! طالعتها بس ما رديت وهي راحت تحضر الكلاس !




عبدا لعزيز خل سفرته بنفس اليوم لانه تعب من الصبر حجز تذكرته وهو الحين بالمطار ينتظر الرحله ،، وهو على جلسته تذكر اللي صار من ثلاث سنين كانه امس ،، يالله ندى اوعديني ،، كنت اشوف الخوف بعيونها ،، ردت : قولي انت حاس بشي فيك شي ،، خوفها علي خلاني احس اني خاين قدامها ،، ااااااااه يا ندى ايش اقولج بدون شعور منها حطت يدها على صدري: سلامتك من اه يا قلبي قولي شفيك ! ارتجفت وانا احس بدفئ يدها حطيت يدي على يدها انتبهت وحاولت تشيل يدي بس ما اقدرت عبدالعزيز كانت تقول اسمي بغضب مع خوف ،، عيونه وقلبه وروحه وعمره احبج يا ندى ،، خلاص البنت اللي قدامي صارت حمراء والخجل اللي بعيونها ذبحني ! ندى نديتها تعرفين ابو سعد؟! شفت الصدمه بعيونها بس ما تكلمت ،، كملت: اليوم ابوي خطب لي بنته لينا ،، غمضت عيونها بقوه واحس انها كانت مثل الريشه ونزلت دموعها ،، لا يا ندى ابيج اقوى صدقيني ما اعرف ايش اللي صار بس ابوي حلف اذا ما خذتها لاني ولده والا راح يخطبج لي ! وبعدين كان يقول انها تعبانه ومريضه قلب بس انا ابيج انتي! في الوقت الحالي انا مطرود من البيت وجيت عندج على طول ،، كنت اتكلم بس البنت اللي بحضني ساكته ما اسمع منها الا شهقات ،، اهااا انكسر قلبي ،، رفعت راسها وشفتها مغمضه عيونها ،، بدون وعي مني بست شفايفها بكل رقه وكنت اقربها مني اكثر واحس بدفها،، ما حسيت الا بيدها تبعدني عن حضنها وكف حار على خدي: روح تزوجها انا ما ابي اخرب علاقتك باهلك روح الله يخليك ،، كان رجاءها شبه همس لي ،، أرجو من المسافرين المتوجهين الي دوله قطر الذهاب الى بوابه رقم 8 ،، صحيت على النداء الاخير للرحله!


في بيت صغير على مدخل الدوحة كانوا ربعنا قاعدين قدام الدواة وهم يسمعون للصوت يعقوب اللي يخطب فيهم بكلامه عن الاخلاص والصدق عن الحب والعطاء رن جوال فيصل اللي اعتذر لربعه وقام بعيد ،، السلام عليكم ورحمه الله وبركاته .. من معاي ! رد اللي على الخط الثاني صدم فيصل ! ايش انت ايش تقول بصوت عالي صرخ فيصل انت كذاب ! رفع يعقوب راسه وهو يطالع حمد وسلطان وقام يركض عند فيصل وهو يشوفه ينهار على الارض ،، بسم الله الرحمن الرحيم شبلاك فيصل قول خوفتني عليك ! تكلم يعقوب بس فيصل ما رد عليه كان منصدم ومقهور ! يعقوب شاف الجوال على الارض ورد : هـلا من معاي .. أي نعم اعرفه أي هو اخوي عسى ما شر ايش صار ,, وجه يعقوب تغير بس كل اللي قاله : خير ان شاء الله الحين جاينكم !

في بيت ملفوف بالتوتر والترقب بالخوف والألم كانت قاعده وهي منصدمه ،، انتي شتقولين ؟ الجازي وهي تصارخ على وضحى ،، محمد و موضي ،، ابوي ايش صار بمخه ؟ دخلت على صوت الجازي اللي كانت منفعله! ايش اللي صار الحين رديت وانا ما ابي الوناسه اللي بقلبي تطير ! جاتني الجازي! انت من صجك راح تاخذ موضي !! ايوه فهمت الحين ؟ وانتي ليش زعلانه ! رديت عليها وانا اقعد على الكرسي جنب وضحى ! جاءت عندي وهي تضرب رجلها بالارض محمد موضي حرام عليك !

الجزء الثالث عشر ،،



بمركز الشرطه او امن العاصمه كان الصوت العالي مغطي على المكان ،، يارب سامحني يارب اخذ روحي اهااا بيذبحني والله بيذبحني ،، كانت تهلوس وهي تكلم الشرطيه اللي معاها ! يا بنت الناس اذكري ربج هذا قضاء وقدر بس شوفي شلون صار بفضيحه لج ! الشرطيه تكلم العنود ،، أي العنود اللي كانت تعيش ليله حمراء وما خافت من الخالق خافت من خلقه !! رن تلفون الغرفه : هلا ،، أي نعم طال عمرك دقيقه واحنا عندك ! اسحبت الشرطيه العنود اللي كانت رافضه انها تروح بس حكم القوي على الضعيف !



يعقوب وهو يمسك يد فيصل : اذكر الله يا بابن الحلال ! فيصل و وجهه بالارض : شلون ارفع عيني بالناس ! يعقوب يرد على اخوه: لا يا رجال لا تقول كذا ؟! يمكن في خطا ! لا مو خطا انا متاكد،، انطق الباب ودشت الشرطيه وياها العنود اللي من شافت فيصل اغمى عليها !



ندى: وبس هذي السالفه ! اسماء وهي اطالع الساعه بااااااااال ندى شلون استحملتي ! وانتي تعرفييين ان الرجال يمكن يروح منج! رديت وان اشوف من اللي على الخط الثاني : اسوووم مع السلامه اخوي عبدالله على الخط الثاني ! صكرت ورديت على طول: هـلآ والله ،، رد علي :هلا فيج ،، ندوي انتي تعرفين الساعه كم ! قعدت عدل على السرير ورديت عليه : امممم مادري 12 ؟ في عينج هذا رده لي : الساعه 2 ونص مع من تسولفين لين هالوقت ! والله مع اسوووم صدقني ! رديت بسرعه علشان ما يفهم غلط ،، رد وهو يضحك : شبلاج تحلفين صدقتج ،، عيل ليش تسال وتخليني اخاف جذي ،، لان عندي موضوع مهم ابيج فيه ،، تغير صوته وحسيت
انه يتكلم معاي جد!



في المطار والساعه تشير على الـ 3 وربع الفجر وصل عبدالعزيز وهو يتنفس هواء ديرته ،، فديت ترابج يا قطر ! والله مشتاق لج كان يسوالف بصوت عالي شوي لدرجه اللي مروا من عنده ضحكوا عليه،، ابتسم ونزل من الطيارة وركب الباص ! ما كان في زحمه هدوء المطار على وقت الفجر خلاص اجراءاته وطلع لقى منصور بالدوحه يستقبله! توقعت ما وصلت ،، كنت اتكلم معاه وانا اطالع عيونه! افا عليك يا خوي لا تنسى اني حاجز قبلك يعني انت المفروض تجي اليوم العصر مو الفجر ! ضحكت وانا احس فيه شي مو مريحني ! منصور شبلاك ! رد وهو مو على بعضه : المهمه طال عمرك ! دخلت السيارة بعد ما حطيت الشنطه الصغيرة بالكرسي الخلفي ! شفيها ؟! فتحت الباب وقعدت انطر رد منصور اللي عيونه عبرت عن خوف ومصيبه كبيرة ،،


في الريان وتحديدا في غرفه عبدالله ،، ليش واقفه اقعدي ؟ ان شاء الله ردت علي بس كنت حاس انها خايفه من شي! ندى ناديت عليها ،، لبيه جاوبتني وانا اعطيها كوب لبن ! بسالج سؤال بس الصراحه تكون عندي! لاحظت نظرات الاستغراب اللي في عيونها ! ابشر طال عمرك ؟ من محمد الـ .......... ! الصدمه على وجها وعلى طول ردت : اقسم بالله اني ما اعرفه كل اللي بينا انه اخو المرحومه ومرة كلمني على التلفون او مرتين بس والله العظيم ما بينا شي ،، مستحيل اخونك واخون تربيتك صدقني ،، صاحت الخبله ابتسمت وانا اسمع نفس الكلام اللي قاله محمد لي ! ليش تصيحين! سالتها وانا اجلس حذاها ،، كملت صياح بدون ما ترفع راسها : انزين الولد جاني اليوم وخطبج مني ! بس انا قلت له ان ولد خالتج فيصل خاطبج! يعني ما يصير خطبه على خطبه صح ! هزت راسها وهي تشوف حضنها ؟ يعني راح تفكرين بالاثنين والا لا !




في المركز والعنود بحضن اخوها فيصل وما زالت نايمه او مغمي عليها! يطالع فيها ،، ااااااااه يالعنود في ايش قصرنا قولي ما حرمناج من شي ليش سويت جذي ! وطحت دمعه من عينه على شعرها! صوت بكاءها خل فيصل ينتبه انها واعيه ! قعدها وحاول يمسك كتفها بس هي بعدت : الله يخليك لا تضربني ! حضنها : من قال بضربج تعالي يا قلبي تعالي ! والا تخافين ما دام راسي يشم الهواء ! صاحت العنود ،، انا اللي جبت الفضيحه لنفسي ،، كانت تتكلم وهو يسمع يبي يعرف بس لازم يحترم الوضع! فيصل كانت تناديني ! عيون فيصل قولي ! انا اللي دخلته من الباب وجبته غرفتي بس المفروض ينام بعد العصير ،، رفعت راسها وهي تمسح دموعها اللي ما تبي توقف ،، اضربني انا غبيه اضربني ما استاهل اعيش ! استغفرا الله رديت عليها : هذا بلاء من رب العالمين ولازم تتحملينه!كملت وانا اشوف ارتجاف فكها: ايش صار يالعنود قولي،، طالعتني وقالت وهي تحاول ترتب الاحداث: قلت لطلال يجي البيت علشان احطه قدام الامر الواقع ونتزوج ،، بس اللي صار انه مات قبل لا اعطيه العصير وينام !! صاحت والله اني احبه بس شكله كان يخوف وهو منسدح على الارض عيونه فوق فوق يا فيصل ! العنود صوته وهو يصارخ عليها لفيت وشفناه كانت عيونه مليانه شرر وقسوة ،،




وصل الخبر في بيتنا ،، واخوي عبدالله متنرفز ومقهور من العنود ،، سبحان الله صج الدنيا دواره ! كنت اكلم نفسي ،، بعد ما عرفت من اخوي ان محمد خطبني رسمي جاءه اتصال من صديق له بالمركز يخبره باللي صار ! طالعني وهو يشمر كم ثوبه ،، انا رايح للصلاة وعقباه للمركز أي احد يسال انا وين قولي راح عنده طؤارئ .. طيب كنت ارد وانا خايفه !



اصبحنا على خير واصبح الملك لله ! جاء يوم كئيب على ابطالنا وسعيد على البعض منهم ،، ليش قلت انها حرام علي ! يعني شنو وايش تقصد ،، محمد وهو يفكر بكلام اخته الجازي ! غمض عيونه وهو يحاول يريح جسمه من شفت الليل ! طق الباب اللي ازعج منامه ! مين ..؟ كانت عيوني مصكرة بس كنت احس ان احد فتح الباب ! فتحت عيوني وانا اشوف راشد واقف عنده ! حي الله بو سنيده.. ابتسمت له تو ما نور المكان ! طالعني راشد وهو يتكلم بجديه ! ممكن اكلمك ضروري والحين اذا ممكن ! حياك الله تعال وقول اللي عندك رديت وانا حاس ان الموضوع قوي ! لا توافق على الزواج منها انا ابيها لي ! انصدمت وقفت من على السرير ،، وانا اقوله : تبيها ليش بينكم شي ! رد راشد وهو مستغرب ردت فعلي: أي بينا اشياء كثيرة وصدقني هي ما تبيك ! شلون قالت لك صرخت ! انت تعرف ندى من وين !


فيصل وهو يكلم اخوه بعد ما كان معصب وثاير وبخاطره اشياء كثيرة يبي يسويها بالعنود ! اهدى الحين عبدالله يحل الموضوع وان شاء الله تطلع معنا بكفاله! ليتها ماتت معاه ليتها ما .. ؟! استغفرا الله صوت يوسف اللي رجع الكل للواقع وان اللي صار صار !! اسمع يا اخوي ،، صحيح اني ما اعرفك عدل بس بما انك اخو فيصل فاعتقد انك مثله ،، والله ثم والله اني احبكم في الله واذا عن اللي صار ،، تراني من الحين خاطب اختك وابيها على سنه الله ورسوله ! كلام يوسف صدم الاثنين،، فيصل وهو يحاول يخفي فرحته : ما يصير يا خوي انت عرفت وشفت اللي صار ! ابتسم لي يوسف وقال: احنا بشر والانسان مش معصوم من الخطا والا انا غلطان! يا خوي جزاك الله خير بس اللي تسويه شي كبير انت تضحي باسمك واهلك وناسك علشان شي ما يستاهل ! عبدالعزيز يكلم يوسف وهو حاط يده على كتفه،، اذا عن الاهل فـ الله يرحمهم برحمته واذا عن الاسم تراه اسم على ورق لا ياثر فيني والا باخلاقي ! وهالكلام اللي قلته عن اقتناع واتمنى انكم تفكرون ونحل المشكله ،، خلاص اليوم بتروح معاي البيت وعلى كفالتي الشخصيه ،، عبدالله يتكلم وهو يطالع عبدالعزيز والعنود ماسكه بثوبه من وراء !


المكان هادي ما به شي يعكر الجو الغرفه! وصدمت راشد خلت محمد يشك بشي ! ندى أي ندى ! راشد يسال اخوه وهو يحاول يجمع الاحداث براسه !! كمل كلامه : انا اكلمك عن موضي بنت عمي فهد! قعد محمد وهدت اعصابه اللي كانت مشدوده على الاخر واخذ نفس قوي : انت تتكلم عن موضي! الله ياخذ ابليسك وقفت قلبي كنت احسبك تفكر في شخص ثاني! راشد يطالعني وهو يستفسر: ندى تقصد صديقه المرحومه ! طالعته وانا لسه ما صحيت من صدمتي ! أي هذي اللي ابي كلمت اخوها وقال اصبر لين نعرف ردها على ولد خالتها فيصل ! وان شاء الله خير ،، بس تدري انا ناوي انطرها العمر كله مثلها ذهب اصلي ما يتعوض !

الجزء الرابع عشر ،،



مر اسبوعين على الاحداث اللي صارت العنود جاءت بيتنا وتحت وصايه اخوي عبدالله ،، وصارت تنام معاي بنفس الغرفه !! اما عن خطبتي من فيصل فرديت عليه بالرفض لاني مو مرتاحه اخذه وهو اخو عبدالعزيز وتقبل رفضي برحابه صدر !! عبدالعزيز اللي نقل اعماله واهله من الكويت لقطر مع رفض من زوجته الا ان قراره صار،، وخل منصور يراقب الاجواء هناك ويتابع جميع الامور في غيابه ! الجازي ما زالت منصدمه من اللي صار للعنود بس ما تابت والا خافت من اللي صار !! اسماء صارت قريبه مني واحسها تحاول تكسب صداقتي بس للاسف منيرة الاولي وما اقدر اخلي غيرها رفيقه درب!! لكن صارت صديقه حنونه لي وقريبه من اهلي !



يالله وين قطيت الاوراق ،، اوووووووووف كنت معصبه لاني ما اعرف اغراضي وين والعنود تراقبني وانا البس بسرعه واحط اوراقي بالملف واركض علشان البس الصندل " عزكم الله " فجاءة سمعت ضحكتها الناعمه لفيت صوبها وانا مصدومه ،، العنود بعد اللي صار ما كانت تتكلم او تاكل او تضحك والا تسالف مع احد كانت صامته وحزينه ومنعزله عن الكل ... مع ان الكل حاول بس هي كانت ترفض انها تتجاوب معانا! طالعتها وانا احاول استوعب: رفعت يدها وهي تاشر على الطاوله القريبه من الشباك ! اوراقج هناك ؟! تكلمت ياربي تكلمت ! من فرحتي رحت لها وانا احظنها بقوة ،، بعدتها عني: وحشني صوتج يا الدبه !ههههههههههههههه ضحكت علي وحضنتني وهي تقول : انتي اللي وحشتيني وبدء صوتها يهتز ،، بدون دموع لو سمحتي ! رديت عليها وانا ارفع لها يدي ،، ابتسمت : ان شاء الله ،، اعتقد انج تاخرتي ! رديت عليها وانا مو قادره ،، اثبت في مكان لجل عيونج اطنش الكليه ! ههههههههههه ضحكت: شكلج نسيت ان عندج امتحان ،، تذكرت وانا اقولها: الله يسامحج كنت مبسوطه حزنتيني ! ضحكت علي وانا اكمل البحث عن اغراضي !



يبه انا ابيها دام لازم احد ياخذها! راشد يكلم ابوي واحنا على طاوله الفطور وهو يطالع فيني ! اخوك الكبير وهو المفروض ياخذه !هذا رده وهو يقطع الخبز،، رديت وانا خلاص مليت من هالكلام اللي يرفع الضغط : انا ما ابيها ،، وتراني كلمت امي تخطب لي ندى الـ ..... صديقه المرحومه يعني ما في عذر،، واذا راشد يبيها ليش ادخلني بالموضوع ! تغير وجه ابوي من سمع كلامي كانه رافض الفكرة بس سكت وانا شاك بسكوته ! متى ناوي تخطب رسمي ! صوت ابوي وهو يكلمني ردت امي عليه : البنت عندها اخر امتحان اليوم باجر المغرب ان شاء الله نروح لهم ! تكلم ابوي وهو يطالعني :خير ان شاء الله عيل اليوم نروح لاخوي فهد ونخطب موضي لراشد ! فرح قلبي واحسه راح يطلع من صدري ،، اثقل يا محمد اثقل لا احد يشك ،، اكلم نفسي وانا مو قادر اضبط عمري بالقعده ،، وقفت : يالله انا اترخص ،، مع السلامه .. طلعت وانا ودي اطير مو امشي !!


ماما يالله قومي ماما !! ترى اذعل " ازعل " نور وهي تنادي امها اللي ما كانت تستجيب لها ! ماما يالله خلاث يالله ! " خلاص" دخلت الخدمه ،، نور هبيبي سنو في ! صاحت نور وهي تاشر على امها الشي اللي خلى الخدامه تخاف وتركض تشوف ايش فيها ! مدام "are you ok!" ما كان في رد ! راحت على طول للتلفون وهي تتصل على الشركه ،،


اااااااخ يا ظهري ،، ضحك يعقوب على كلامي ،، يالله يا رجال شد الهمه ابي البيت يخلص علشان يعجب المدام كلمني يوسف وهو يشيل الطولات! على طول مدام ترى ما احد كلامها لين اليوم .. رديت عليه وهو يكمل باقي الشغل والا كاني معاه! يوسف ناديته وقف ولف علي: الزواج قسمه ونصيب اذا ما راضت ما اعتقد انها نهايه العالم ! ابتسمت وانا مرتاح من وجوده! فيصل .. فيصل ،، رفعت راسي وانا اشوفه قدامي : شبلاك من ساعه وانا اناديك ! اتمنى توافق عليك والله انك رجال وتستاهل الخير !



على الساعه 12 الظهر وبعد يوم متعب قعدنا في الكفتيريا واحنا نتناقش باللي صار بالامتحان! اسوووم : الحمدالله خلصنا وان شاء الله نكون من اللي راح ياخذون الدبلوم !! رفعت يدي للسماء : ااااااامين يارب يسمع منج لاني تعبت سنتين وانا هني اوووف ملل! ضحكت اسووم علي :وايش راح تسوين فيصل ورفضتيه ما بقى الا محمد!! طالعت اسووووم وانا منحرجه ،، اوه اوه لا لا لا انتي تبين محمد ! اسوم وهي تصارخ بالمكان! عمى عمى قصري صوتج؟ رديت عليها وانا ارجع خصله من شعري لوراء اذني ،، شلون ومتى قولي قولي !! اسووم وهي تمسك يدي علشان ما اشرد! ههههههههههههههه باقولج بس هديني! لا والف لا قولي اول ،، امسكت فيني اكثر ،، طالعتها وانا ما اعرف اشلون اقولها بس كل اللي قلته : صليت ورتحت له وان شاء الله يكتب لي ربي اللي فيه الخير!



في مكان ثاني وتحديدا بالدفنه كان عبدالعزيز مع الطبيب يتناقشون وضع لينا اللي تم انقاذها في البيت ،، تبي الصراحه انقلها المستشفى احسن ،، تكون تحت رعايتنا الطبيه ! وعبدالعزيز وهو مو مع الطبيب: ان شاء الله .. اطلب لها الاسعاف وانا راح اكون معاكم! طلع الدكتور برع الغرفه يتابع باقي الاجراءات! اما عبدالعزيز كان يطالع لينا وبعيونه نظرة غضب ! ليش سويتي جذي.. تاكلين الحبوب وتحاولين تنتحرين انتي ما تخافين ربج ! تكلمت وانا من داخلي ودي افجرها ،، طالعتني وعقبها صدت لصوب الثاني! لينا ،، صرخت عليها وانا في قمه الغضب وعلى حافه الانفجار ،، صاحت وهو تاشر علي وتقول : انت السبب انت ! مو مهتم فيني من جينا قطر مو منك اكيد منها واكيد قاعد معاها وانا اروح لجهنم ! كنت احاول افهم اللي تقوله ،، رديت وانا امسك معصم يدها بقوة : انتي مجنونه لان الكلام اللي تقولينه مو صحيح واذا مو مصدقه اسالي اخوج سعد ! تركتها وطلعت وراء الدكتور وانا اسمع صدى كلامها في راسي !



رجعت البيت على الساعه 5 العصر بعد ما تغديت عند اسووم اللي عورت راسي ،، ابتسمت وانا داخله البيت بالصاله امي قاعده وهي تسوالف مع فطوووم وشكلها كانت تتهزئ من امي ! السلام عليكم ورحمه الله وبركاته ،، ردوا السلام ورحت حبيت راس امي وقعدت عندهم ،، شسالفه ليش اصوتكم واصله السعوديه ! هههههههههههههههههههه الله واكبر السعوديه مرة وحده! فطوم ترد علي ،، لا يمكن بعد وصلت الامارات ولفت على الكويت وانعطفت على عمان وعقبها دخلت على البحرين وبعدها رجعت قطر وخصوصا الريان ! ههههههههههههههههههههه ضحكت فطوم وامي اللي خلاني اضحك معاهم ،، ردت امي : مو منج من المعرس اللي جاي يخطب باجر ! تغير وجهي وصار اشارات مرور! فطوووم : اوووه الوجه صار عنابي !! فطوووووووووووم وعمى انا قطريه من قبل لا اعرفج وبعدين وجهي لونه حنطاوي! هههههههههه ضحكت اخوي عبدالله اللي توه داخل : احلفي انتي بس توني ادري! ضحكنا وقمت وانا اقول لهم ،، انا تعبانه ؟! وانتوا ناس فاضيه .. طبعا كنت اتهرب منهم !

الجزء الخامس عشر ،،



دخلت غرفتي وانا اضحك عليهم وعلى تعلقاتهم اللي احرجتني! السلام على الحلوين ،، سلمت على العنود اللي كانت تبتسم اللي بيدها !! استغربت وقربت منها بعد ما رفعت راسها لي ! شفيج ؟! تجنن الصورة! ردت علي وانا ابي افهم اللي تقوله! أي صورة ،، رديت وانا افسخ العبايه ،، هذي شوفيها ،، تذكرين وين كنا هني ،، لفيت وانا ابطل ربطه شعري اللي طول لين نص ظهري! هههههههههههههههه ابيه من وين جبتي هالصورة لا تقولين فتشتي غرفتي ترى ازعل ! كنت اكلمها وانا استعبط بوجهي ! وهي تضحك ،، اول ما خذت الصورة اشوفها وقف الدم في جسمي وما قام يسوي شغله! كانت الصورة لي والعنود بحضني واحنا لابسين بدلات عنابيه ،، ورانا فيصل وعبدالعزيز يده على كتفي ! تذكرين خليجي 11 يوم رحنا معاهم ! هههههههههههههههه ضحكت وانا مصدومه ! من وين جبتيها ؟ سالت وانا مستغربه وجود هالصورة ،، هالصورة دايما معاي ،، طالعتني وانا اشوف دموعها ،، لالالالالا بدون دموع واللي يرحم لي والديج ،، ردت علي: اوكي انتي تامريني ! ابتسمت وانا من داخلي متضايقه من شوفت عبدالعزيز ،، يالله ياحلوة غيري ثيابج بنقعد برع ،، طالعتني وكملت بدون ما اعطيها فرصه ... بتقومين والا اقومج مثل قبل ،،



عدا اليوم على خير والخطبه صارت الحمدالله ،، راشد وهو يفكر باللي صار اليوم،، لفيت على محمد اللي كان سرحان ،، شبلاك يا اخوي ؟! طالعني وهو ياخذ نفس قوي: مادري بس احس ان في شي غلط! استغربت : شلون شي غلط .. محمد انت خايف من باجر ؟! طالعني وهو يجاوبني : لا ان شاء الله الامور تكون بخير اخوها كلمني وقال انها موافقه ؟ انا خايف من شي ثاني بس ما اقدر احدد شنو! حطيت يدي على كتفه وانا اقوله : ما دامك صبرت هالفترة لا تخلي شي يربك حساباتك !!



...؟ يعني شنو ما راح يحضر ؟
...؟ اصلا ما خبرته .. انت تعرفه اذا درى راح يسوي مشاكل!
...؟ ما له حق وهو مو ولي امرها.. هي موافقه وانا بعد!!
...؟ يا عبدالله اذكر ربك وصلى على النبي احنا ما راح نخبره ؟
عبدالله : عليه الصلاة والسلام ... فيصل ترى اخوك ما يهز فيني شعره مو هو اللي يوقف نصيب ندى؟
فيصل وهو يحاول يخفف غضب عبدالله : يا ابن الحلال ما راح يصير الا الخير واذا ندى نصيبها مع محمد راح تاخذه ،،
عبدالله : الله كريم على العموم اشوفك باجر المغرب لان الموضوع راح يكون عقد قران؟
فيصل وهو مصدوم : بس انتوا ما حطيتوا شروطكم ؟
عبدالله: فيصل لا تعطيني رايك البنت راح تاخذ محمد وغصب عن الكل ،، تعال تراك شاهد وخل يوسف يجي معاك ،،
فيصل : ابشر بعزك وان شاء الله على المغرب انا عندكم !
عبدالله : حلو اشوفك على خير ومع السلامه
فيصل وهويراجع الكلام اللي دار بينه وبين ولد خالته ونسى وجود يوسف؟




يوم جديد ويوم مربك لندى ومحمد .. كل واحد يفكر بالجاي وشلون راح يكون ،، ندى وهي تلف جهه العنود وتناديها : العنود قايمه ! العنود وهي تاخذ نفس : أي ،، شلون انام وانتي تنافخين ! تراج راح تنخطبين مو رايحه مذبح ؟ هههههههههههههههههه : عمى يعمي العدو ليش شفيتني خروف! العنود وهي تقعد على السرير وهي ترتب شعرها: قولي شلون وافقتي عليه! لا يكون كرهتيني علشان بعدت عزيز عنج! طالعتها وانا قلبي يعورني : شدخل ... وبعدين عزيز تزوج وعنده بنت قمر ! خلاص هو مو نصيبي! نزلت راسها : اكيد .. ندى والله احبج .. وانا اسفه على اللي سويته؟ ندى وهي تبي تعرف ليش ابو عبدالعزيز اصر على زواج لينا وعزيز،، عندوه ممكن سؤال؟ طلعتها هزت راسها وكانها متوقعه ايش بقول؟ وردت قبل لا اسال : تبي تعرفين ايش سويت صح! جاء دوري وهزيت راسي وانا ساكته كملت : بدون ما تزعلين .. بعد هزيت راسي لاني مو قادرة اتكلم قالت : لاني قلت لابوي انج تحبين فيصل وان عبدالعزيز يحب لينا ،، وقلت له انج تحاولين تخربين علاقه عزيز من لينا بعد ما خلاج فيصل ! وانتي تعرفين ابوي ما يكذبني وانا دلوعته وبنته الوحيده،، طبعا اجبر عزيز ياخذ لينا ؟ امممم كانت تفكر وردت قالت ,, اقولج شي بس ما تقولين لاحد ،، هزيت راسي وانا عيوني طالعه على برع من الكلام اللي اسمعه: لينا هي اللي قالت لي اسوي جذي !



تحركت بس مازالت نايمه ،، قعدت اطالعها وارقب ادق حركه تسويها ،، جمليه وحوريه بس القلب يا لينا القلب وما يهوى ااااه طلعت مني غصبن عني ،، سلامتك من الاه رفعت راسي لقيتها اطالعني : صباح الخير ،، شلونج الحين زينه ؟! ابتسمت لي وهي تمد يدها لي : بخير اذا شفتك صدقني ! على العموم راح تقعدين عندهم بعد يومين ،، قلت لها هالكلام علشان ما ارد على تعليقها لاحظت انها مو راضيه : بس انا ما ابي مليت من المستشفى ،، لينا انتي في عياده الدوحه مكان خاص وما احد يدري عنج واذا قعدتي فيه يومين ما راح يضر! بس انا اشتقت لك وابي اكون وياك!ردت عليها وانا اخذ نفس واطالعها قريب قريب !



محمد وهو يسمع كلام عبدالله بس انا ما خبرت الوالد انها عقد قران عبدالله ليش استعجلت ! رد علي وهو حاط راسه بين يده : انا خبرت امي انه عقد قران وهي معصبه علي وخبرتك وانت تضايقت مني عيل ندى ايش راح تسوي! كسر خاطري: رديت عليه والا يهمك جاي انا والشيخ اليوم عندك بالعكس ماني متضايق الا طاير من الفرحه ،، رفع راسه وهو يطالع الفرحه بعيوني : ربي يرضى عليك ويسعدك ويرزقك بالذريه الصالحه ،، ههههههههههههههههه رديت وانا اضحك عليه : اول خل امهم تجي عندي وبعدين افكر بالعيال !! طلعت من عنده وانا اتصل على امي علشان تخبر البنات وابوي ان اليوم الملكه " عقد القران"



ايش يمه ما يصير انا ما جهزت نفسي وبعدين عبادي ما قال لي ليش ؟ رديت وانا متوترة والعنود تضحك علي وفطوم واختي ام مبارك وبنات اختي يبتسمون لي وهم يشوفون الفرحه في عيوني ورجفه شفايفي! امي ترد علي : البسي أي شي زين ،، والله اذا شفت لبس الخلاقين اللي عندج كسرت رجولج! ههههههههههههههه ضحكت العنود وهي تسال : شنهي الخلاقين اللي عندها ؟ ردت فطوم وهي تضحك: الجينزات ! امي ما تحب البنطلون ! اووووووووه ما عندكم سالفه بروح اكشخ ! رديت وانا مشتطه ومش عارفه ليش احس اني داشه حياه حلوة !



على المغرب كنا عندهم والبيت مليان والسيارات برع حسستني اني اسعد انسان وقعنا على العقد بس باقي توقيعها يارب صبرني يارب عبدالله صار له اكثر من 5 دقايق داخل ،، اذكر الله الحين جاي لا ترتجف تقول عروس ،، راشد جنبي وهو يعلق على كل حركه اسويها ! فيصل وهي حاس فيني جاء عندي وهو يقول : يا رجال اذكر الله البنت وقعت خلاص ،، ابتسمت وانا احس ان الهواء وقف في بلعومي ،، مبروك دخل عبدالله والدفتر بيده وهو يسلمه للشيخ ،، وراح جهة ابوي يسلم عليه وهو يقوله : مبروك وان شاء الله تشوف عياله ! الله يبارك فيك وان شاء الله نفرح فيك ،، بدت التهاني وانا مو قادر اصكر فمي من الفرحه ،، ويوم وصل عندي سلم علي وحضني : مبروك يا النسيب ؟ رديت عليه : الله يبارك فيك ،، يالله جهز نفسك راح تشوفها الحين ،، رديت عليه: وانا جاهز !!

الجزء السادس عشر ،،



الكل كان فرحا والكل يبارك لي ،، الغريب بالموضع اني اسعد منهم مش عارفه ليش بس مبسوطه من كل قلبي ،، ندى يالله عبدالله بالمجلس ينطرج ،، فطوم تكلمني وتنطرني علشان امشي وياها .. انا خايفه شكلي مو عدل مكياجي مو حلو شعري مو مرتب يالله فطووم.. هههههههههه خبله والله يالله الرجال برع! سحبتني وطلعت وياها للمجلس الحريم طقينا الباب وانفتح وسلم علي اخوي عبدالله : مبروك يالغلا يالله تعالي ! دشيت وانا مو قادره اخذ نفس وراسي يشوف السجاده ،، يالله انا اخليكم ومبروك مرة ثانيه ... صوت الباب تصكر يعني ان اخوي طلع وقفت مكاني والا تحركت ... راح توقفين وايد ،، تكلم وصوته الرجولي اخترق اعماقي وصرت ارتجف اكثر احس ما في هواء او ان الأوكسجين وقف !



...؟ ما تقدر تسوي شي خلاص كل شي انتهى وانت مو من نصيب البنت!
...؟ عبدالله ايش تقول ندى لي انا وانت تعرف كثر حبي لها!
عبدالله وهو يكلم عبدالعزيز: ندى على ذمه رجال الحين ،،
عبدالعزيز وهو مش متخيل ندى تكون لغيره: لا والف لا صكر التلفون وهو متنرفز وغضبا وشياطين الدنيا تنقز قدام عيونه ،،
حبيبي فيك شي ! لينا تكلمه وهي طالعه من الحمام " عزكم الله " لف عليه وهو مختنق ويبي هواء ! لا ما فيني شي الحين نور راح تجي ! رديت عليها وانا مو قادر اوقف : انا طالع واذا جاء الليل راح يجيج سعد وانا باخذ نور! طلعت حتى ما عطيتها فرصه ترد،،




تجنن وهي لابسه التنوره السوده الحرير والبدي الاصفر راسم جسمها ومكياج ناعم وشعرها صار طويل عكس اخر مرة شفتها تجنن واللي يجذبني لها اكثر خجلها وحياها ياربي ارحمني ،، قربت منها وحطيت يدي على يدها خافت ورجعت على وراء : يا بنت الحلال ما راح اكلج بس ابيج تقعدين ! تراني مو اسد! ابتسمت وهي تسمع تعليقي مديت يدي لها ونطرت شفتها اطالع يدي وبعدها بـ5 ثواني مدت يدها وحطتها بيدي ،، اااها يا قلبي بتجنني هالبنت وانا احس برجفه يدها جلسنا على اقرب كرسي للباب،، شلونج وشلون الجو اليوم؟ ردت وهي تهمس : بخير وكل شي كان زين،، سكت وهي بعد!! محمد نادتني ،، ورديت بدون شعور مني : قلبه وروحه انصدمت وقفت تحاول تطلع واول ما اوصلت عند الباب كانت يدي تمسك معصمها ،، لفيتها صوبي وطار شعرها على وجهي وريحته بخور ودهن عود معطر شديت يدي على معصمها وجاءت عيني بعينها : قولي اللي تبين لا تستحين مني انا زوجج الحين ! وصدقيني ،، اني ما راح اذيج وهذا وعد مني ،، عيونها كانت تقول شي وكنت احاول افهمه قربت منها ورفعت يدي اليسار وحطيتها على خدها يالله ناعمه وريحه عطرها البارده دخلت فيني ،، قربت اكثر وانا احس بانفاسها الحارة على وجهي غمضت عيوني وانا اقرب لها ونطقت اسمها : ندى !!



صوت الباب ينطق رجعني للواقع بعدته عني ورجعت على وراء كان يتنفس بصعوبه وانا بعد رد على وراء وقعد على الكرسي القريب من الباب دخل اخوي عبدالله وشافني واقفه : كنتي طالعه ،، هزيت راسي وانا اقول لمحمد : مع السلامه رفع راسه وهو يشوفني ونظراته تترجاني اقعد شوي ،، لفيت وطلعت وانا شبه اركض وسمعته يقول لاخوي : هذا مو وقتك ! ابتسمت وانا داشه لهم ،، قاموا يصفقون واللي يحش فيني واللي يضحك وانا ادور بينهم منيرة ! طعنه قويه بصدري منيرة .. دموعي تجمعت بعيني وانا اشوف صافيه اخت منيرة ترقص لي وام محمد تحضني ووضحى ماسكه يدي والجازي قاعده بعيد عني وطالعني بنظرات بارده ! جاتني اسوووم وهي تصارخ :مبروك يالخاينه مبروك راح تتزوجين قبلي !




ما تقدر واصلا مو انت اللي راح تخلين اقتنع !! تخصرت وانا اطلع برأتها ,, تتحديني يعني ؟! رديت عليها وانا اقرب منها.. أي اتحداك ،، مسكت خصرها وبديت أدغدغها وهي تضحك علي وماسكه كتفي وكل لمسه منها تخليني اقرب لها غصبن عني: ههههههههه لا خلاص عزوز والله ما اقدر ههههههههههههههههههههههههه ،، انتي اللي بديتي!!كنت اقولها وان احضنها .. عزيز وقف ،، هههههههه وهي تضحك ومش قاده تدفعني ولمساتها تحرك كل ذرة بجسمي ،، اااااااااااه يا ندى طاحت دمعه من عينه .. عبدالعزيز وهو عايش على ذكريات ويردد بقلبه " احبج يا ندى احبج " وقف وهو يطالع اثنين يمشون على البحر ويدهم متشابكه ابتسم وهو يقول " وينج يا ندى وينج "....

الجزء السابع عشر ،،



...؟ يعني شنو !
...؟ كلامي واضح يا عمري !
انحرجت وانا اسمع اسلوب الغزل الصريح منه:بس محمد مو جنك مستعجل شويات!
محمد: هههههههههههه بس شويات ! انا الود ودي تكونين عندي الحين مو بعد شهر ونص! ندى انا رحت وشفت القاعه وحددت يوم العرس ؟ سكت وانا خلاص منحرجه من استعجاله وانا افكر " احسن ليش اتاخر بالعرس "
ندى وانا احاول اسوي مثله: اوكي يا قلبي مثل ما تبي والحين بروح اخبرهم علشان يستعدون!
محمد يضحك: ما يصير غش ! انتي قلبي وعمري وروحي بعد ،، ضحكت عليه احيانا احسه ابو الرومانسية واحيانا لا احد يقرب صوبه !



ندى: محمد .. ممكن سؤال بس الله يخليك لا تفهم غلط!
محمد: تفضلي شنو سؤالج !؟
ندى وهي شبه متردده: ليش انا ،، اللي عرفت من المرحومه انك تكره الحريم وشايل من راسك الزواج!


هدوء غطى على المكان ... وصوت انفاسه ثقيله على التلفون!! ناديته ،، محمد ؟! رد علي وانا احس ان صوته بدء يشد شوي !! ندى انا مشغول وليتج تقولين حق اهلج ان بتاريخ 1/2 العرس .. مع السلامه .. طوط طوط !! ما عطاني فرصه ارد عليه كل اللي سويته طرشت له رساله وكتبت فيها :


سامحيني يالغلا ..
أنا لو اكتب اعتذاراتي على طول العمر ..
ولو تبكي عيني .. طول الدهر ..
أنا لو اعتذر عدد قطرات المطر ..
ولو اطلب سماحك .. ظهر وعصر ..
صدقيني ما يهنا لي بال ..
غير لما تردي على هالسؤال ..
يا غلاة الروح ..
في قلبك علي أي زعل ؟؟؟
سامحني .. سامحني .. سامحني ..
يا غلاة الروح ..



وما رتحت لين كتب لي تم تسليم الرساله ... طيب ليش سويت جذي ليش اعتذر ! ليش هالشعور اللي بداخلي لك !!



بابا ابي اروح مني ،، وهي تاشر على مكان ثاني !! ضحك عبدالعزيز لبنته وهو يحضنها لصدره! يا قلب ابوج انتي ! نزلت لينا من الدرج وهي اطالع اروع ما املكت ! ربي يخليكم لي تكلمت لينا وهي جايه صوبنا ،، ابتسمت لها وانا اعلق: شلونج اليوم احسن .. والا عندج خاطر تردين المستشفى ؟! كشرت بوجهها وهي اطالعني : اسفه والله اني مجنونه .. كنت احسبك تخوني مع ندى! وقفت وانا احط نور على الكرسي ،، انا طالع الحين تامرين بشي ،، جاءت عندي وحطت يدها على صدري لمستها حلوة : امممم وذا قلت لك مشتاقه لك تقعد معاي ،، ابتسمت وانا اشوف نور تحاول تنزل ،، لا ما راح اقعد لاني طالع مع اخوج سعد وبعدين بروح الريان ،، يالله مع السلامه ،، رفعت نور اللي جايه صوبي وانا ابوسها هالله هالله بـ ماما ،، حضنتني بقوة وهي تقول لي : ابي ايس كريم!



دخلت الغرفه وانا اصيح ومو متخيله الموقف اللي انا فيه ،، بسم الله الرحمن الرحيم .. العنود يمه شفيج ! رفعت راسي وانا اشوف ندى منسدحه على السرير وهي لابسه شورت لين الفخذ وكت والبيجامه كيوت عليها .. ضحكت بعد ما كنت اصيح ,, صج صج خبله ردت علي وانا اقولها : والله يا ندى انج تخلين الواحد يضحك غصب! ردت علي وهي تحذف المخده صوبي: هيييييييه تراني ندى مو مهرج ! طالعتها وانا اقول مو منج من الروب اللي في وجهج! ضحكت وهي تقول لي : طيب ليش تصيحين! اعتفس وجهي وانا اقول لها : عزوز وفيصلوه جاين اليوم ! وقفت بسرعه على السرير : ليش لا تقولين راح ياخذونج ؟! شفت الخوف بعيونها رديت: لا لا لا خالتي تقول ان في معرس ! ايش صوتها وهي تنقز من الفرحه : واااااااااااااااااااااااااااااااو يالعروس والله اني مبسوطه لج ،، مش عارفه ليش حسيت بفرحه وانا اشوف ندى مبسوطه علشاني وخصوصا بعد اللي سويته! اسمعي ندى وهي تكلمني : مو تقولين لا ,, فكري وعقبها ردي عليهم صلي وشوفي شنو رساله ربج لج! طالعتها وانا اسالها : شنهي رسالتج ندى ! طالعتني وهي تبتسم : سر بيني وبين اللي خلقني ،، ههههههههههههه ضحكنا وسوالفنا بدون تعب وانا بقلبي اقول : سامحيني يالغلا سامحيني !



فيصل وهو يكلم عبدالله وعبدالعزيز: ترى الولد راضي بكل شي سوء وافقت والا لا !
عبدالله: والله انه رجال صج صعب تقلى مثله ! وهو يطالع عبدالعزيز ،، اللي ما نطق والا كلمه! دخلنا بيت خالتي بالريان واحنا نسلم على خالتي قعدنا كان عبدالله على يمين امه وانا قعدت على الارض مجابلها وعبدالعزيز على اليسار،، من يكلمها فيكم ترى البنت من الصبح ما طلعت وخصوصا بعد ما درت ان عزيز جاي معاكم بس ندى اللي هدتها وخلتها ترتاح شوي،، بعد ما خاصت خالتي من الكلام لفيت اشوف عبدالعزيز اللي تغير شكله من جاء اسم ندى ،، السلام عليكم ورحمه الله وبركاته ،، دخلت ندى وهي كاشخه طالعتنا وهي تبتسم ،، باااااااااااال من زمان ما اجتمعنا تكلمت بمرح وعبط ، شلونكم يا عيال خالتي ردينا بخير ولله الحمد .. عبادي تعال ابيك ،، اللهم اجعله خير رد عبدالله عليها وانا عيوني على عزيز اللي مو قادر يضبط نفسه ! راحوا داخل وانا وعزيز وخالتي نسولف دخلت العنود يالله من زمان ما شفتها كانت لابسه تنوره طويله وقميص ناعم احمر وشعرها مفتوح ولونه اسود يعني طبيعي وبشرتها بدون خرابيط والا الوان جاءت صوبي ومدت يدها بس انا حضنتها بصدري وهي تصيح يا قلبي ليش الدموع كلمتها وهي ترفع راسها : اشتقت لك والله اني احبك،، ابتسمت وانا اقولها: وانا اموت فيج ،، بس فيصل اللي تحبينه وانا لا لفيت صوبه ولقيته فاتح يدينه لها !!



في معيذر بس في بيت ثاني غير عن بيت ابو محمد ،، كان راشد ينطر احد بالمجلس بيت عمه وهو يشد على يده! انفتح الباب بدخول ملكه جمال.. بنت والا اجمل قربت من جهة راشد بعد ما صكرت الباب وراءها: هـلا والله بولد عمي ! راشد وانا مو قادر ارفع عيني عنها وانا اشوف البشرة البيضه وعيون المها وشعرها اللي قاصته لين اذنها وشفايفها اللي مرسومه باللون الفراوله رديت وانا امد يدي لها: هلا فيج يا قلبي ..شلونج اليوم ؟ ردت وهي تجلس قريب مني لدرجه اني ارتبكت من جراتئها : بخير دامك بخير ،، والجامعه اخبارها ! حاولت افتح موضوع وخصوصا ان ابليس يرقص فوق راسي ،، قربت مني وهي تهمس لي: راشد تراني موضي مو احد غريب اقرب وانا كلي لك ! والغلطه صارت من تهور بنت وشيطان شاطر!



عدت الايام وعلاقتي بـ محمد تزيد وتتقارب ... والعنود انخطبت ليعقوب .. واحتفالا فيهم احتفال حلو كبير يجمعنا احنا الاهل ،، اما انا فالعرس اليوم والربكه عندي واصله السماء ! كنت بالغرفه انطر الاخت عند راسي تخلص التسريحه ،، ضحكت وهي تقولي : يا البي اهدي شوي ! رديت عليها : انتي تشوفين اليوم عادي ! ضحكت وهي تقول : طيب be cool دخلت فطوم بعد ما خلصت اللبنانيه التسريحه ،، يالله يا حلو الفستان جاهز ،، كنت احس بالازعاج اللي جاي من الصاله وصوت الطق من بعيد لبست الفستان وثبت الاخت الطرحه وعقبها عطرتني فطوم اختي وبخرتني وانا ما زالت لين الحين متوترة ! يالله راح انزلها هذا صوت اسووووووم اللي جاءت عندي وهي تقرصني : وجع ورجل حول ! هههههههههه ضحكت وهي تقول : مو مهم اهم شي رجال يستر علي ! ضحكت لها وانا انزل وياهم تحت وعند المدخل اسمع الحشرة والسوالف وانا تحت وبين جمعت البنات اللي عند الباب وبيدي المسكه وكلها ورد احمر ... فجاءة وبدون مقدمات انفتح الباب وكانت القاعه ظلمه مع اضاءه بسيطه موجهه صوبي !! وارتفعت الاغنيه اللي راح انزف عليها :


مبروك مبروك ،، مبروك عروستنا يارب
يبارك عرسها مبروك عروستنا
حمدالله لك يارب ،، حققت الاماني
جينا نغني بعرسك احلى الاغاني


قلبي يضرب براسي وانا احاول امشي بالفستان كان ثقيل بس كنت احاول معاه ،، مشيت وانا اطالع مرة يمين ومرة يسار وابتسم للعالم لين وصلت عند الكوشه واخيرا ،،


في مكان ثاني وفي خيمه الرجاجيل الدوشه والعفسه والرقص والعرضه شغاله والكل فرحان وخصوصا محمد بس في شخص واحد اللي كان مو راضي على اللي يصير عبدالعزيز اللي يطالع محمد بقهر وهو يشوفه يبتسم والفرحه بعيونه " مو من حقك ندى مو من حقك" شاف محمد يوقف على انهم خلاص راح يطلعون وقف معاهم وهو يمشي احذا اخوه فيصل ،، انسى تراها على ذمه رجال الحين ! كلمني فيصل وهو يمسك ثوبي طالعته وانا مستغرب منه! شوف يا اخوي على بلاطه اانا حاولت اخطب ندى علشان ابعد تفكيرك عنها وخصوصا انها زوجتي ما راح تفكر فيها ابد ! بس البنت ارفضتني بحكم انت اخوي ! اما الحين ما لك حق محمد يستاهل ندى وهي تستاهله! شلت يدي من يده وانا اقوله : مالك خص وندى لي انا وبس وراح تشفون!

الجزء الثامن عشر ،،


دخلت وانا عيني على الكوشه ابي اشوفها اشتقت لها صار لي اسبوع ما كلمتها والا شفتها لما سالتها ليش التعذيب ترد تقولي علشان تشتاق ! الحين راح اعلمج الشوق شلون يكون،، بس للاسف كانت متغطيه لان ابوي واخوي وعيال خالتها واخوها دخلوا معاي مشينا لين المنصه والشباب يرقصون الا عبدالعزيز اللي كان يطالعني ! وانا ابتسم لهم واخذنا كم صورة وعقبها رحت وقفت جنبها بس ما زال الغطى عليها رفعت راسي وشفت فيصل ما زال يسلم على عمتي ! وبعدها مشى اول ما اختفى وجهت نظري لها كانت اختها ترفع الغطى! لحظه ما شاء الله ايش هذا حلوة وجميله عيونها مرسومه ومكياجها احمر مع الورد اللي بيدها ابتسمت لي وانا حبيت راسها قعدنا شوي وانا ماسك نفسي ،، مالت صوبي وقالت : محمد ليش خايف احس انك العروس .. ابتسمت من تعليقها وانا اميل لها : اكيد مو انا رجال بين بنات يعني ويش تبين اسوي! طالعتني وتوها بتكلم الا اختي وضحى تقول يالله راح تطلعون ! طبعا بالطلب مني ! اني ما اطول بالقاعه واطلع منها بسرعه!



ما تحسين ان العجوز اللي احذا محمد ما تستاهله ! لفيت وجهي صوبها وانا ارد : بالعكس احسهم متقاربين وبعدين شدخل العمر ندى تجنن راح تعرفينها بعدين ! صدت موضي وجهها الجهه الثانيه وهي تقول : اسفه انا ما اتعرف على هالاشكال ؟! استغربت منها وقمت من عندها وانا رايحه صوب اخوي وزوجته! قمت وانا ضايقه من كلام موضي على شنو شايفه نفسها! قربت من الكوشه وانا اقول: مبروك يا حلوين ,, رد محمد: الله يبارك فيج عقبالج يالجازي! رديت وانا اطالع ندى: مبروك يا قمر عقبال ما اشوفج ام ! تغير وجهه ندى وصار احمر مع ان البودره كانت فاتحه عليها! ضحكنا انا ومحمد وطلعوا وانا قعدت على الكوشه اتصور!




كنت متضايقه وقلبي يضرب بقوة ,, اوووف ابي اروح افسخ الفستان،، لفيت وراء وانا اطلع من الشنطه جوالي خلاص مادام ندى راحت انا ليش اقعد كنت اكلم نفسي بس بصوت عالي ! انصدمت من العيون اللي قدامي ابيييييييييه من هذا ! روح ما علي راسي شي كلمته علشان يتحرك ! حسيت انه مصدوم من الموقف ! غمض عيونه وانا اسمع احد ينادي يا فيصل فيصل! لف على طول وهو يقول نعم انا هنا ! قلبي بدء يرقص وما قعد من الخوف فيصل من هذا ! استغفرا الله شافني وانا عريانه ! رن الجوال وعلى طول رديت بدر يالله تعال زفوا رفيجتي انا انطرك برع !



في الفندق وفطوم تساعدني علشان افسخ الفستان ضحكت : انتي اللي لبستيني وانتي اللي فسختيني اياه! ابتسمت فطووم وردت : ايش اسوي مجبورة ! ضربتها على كتفها: يعني شنو ما استاهل ؟ ردت علي وهي تبتسم :لا ما تستاهلين بس امي وصتني عليج! روحي برع انا ما اكلمج طلعت فطوم بعد ما لبست قميص النوم اللي كان يكشف اكثر ما يستر ! يالله مع السلامه والا تخافين ترى عادي ،، رديت وانا مطنشتها : ادري ! صكرت الباب وانا اسمع محمد يسلم عليها فجاءة كان الهدوء هو السايد في المكان! رحت عن المنظرة وانا اشوف لبسي : ياربي يفشل ليش شرت لي اسووم هذا ! بالعكس حلو واللي معطيه الحلا جسمج! نطيت من مكاني وانا اشوفه وهو مستند على الباب وعينه بعيني! قرب صوبي وهو يقول: تبين اشتاق هاااا .. محمد همست لاني ما قدرت اقولها بقوة صرت ارتجف من الموقف واحس ان جسمي بدء يضعف وخصوصا اني جوعانه ومو ماكله شي ! مسك يدي وقرب مني وحط شفايفه قريب اذاني وقال: اذا انتي مو جوعانه فانا ميت من الجوع!



ما قدرت انام قعدت اتقلب على السرير ! اوووف هي معاه وبنفس الغرفه يمكن لمسها اكيد هي زوجته ،، لا لا ندى لي لي ! قعدت وانا اصرخ بهالكلمه! حسيت بيد على كتفي ،، اااخ نسيت وجود لينا! لفيت راسي وطالعتها وهي تقول: انسى البنت اللي اليوم ليلتها،، لو تبيك ما خذت غيرك! رديت عليها وانا اقوم من السرير : انتي السبب،، لو اعرف شلون اقنعتي ابوي اني اخذج ! مع انه يدري ان روحي في بنت خالتي ! بس مع الايام بعرف! وقعدت على السرير وهي تمد يدها تمسك يدي: حبيبي انا احبك اكيد ابوك حس فيني! وبعدين انا احلى منها واجمل ايش تبي فيها قربت مني اكثر وهي تحط شفايفها على شفايفي وتبوسني بكل نعومه ،، بس لا ما اقدر ابعدتها عني وتركت يدها وطلعت وانا اسمعها تناديني!



في فندق الريتز وفي الجناح الخاص بالعروسين كل واحد ياكل بهدوء رفعت عيني ابي اشوفه لقيت عينه عندي نزلت راسي بسرعه وانا اسمعه يقول : الحمدالله ! قام قمت معاه: وين رايح ! سالته لاني خايفه يخليني ويروح مكان! الغرفه بروح انام تبين تجين! كلمني وهو يطالع عيوني ! غريب هالولد .. اسوم قالت لي سوالف واللي اشوفه شي عادي !! أي والله وانا بعد ابي انام ,, ما نمت من امس !كنت اقوله هالكلام وانا اجي صوبه مشى قبلي وانا وراءه دخل ونطرني ادخل .. اول ما حسيت انا الباب تصكر ما شفت نفسي الا انا بحضنه وهو يبوس رقبتي ويرفع شعري عنها!! حسيت بجسمي يوقف والا قدرت اتحرك وبدت ضربات قلبي ترتفع! احبج احبج .. كلماته هاديه وهو يقولها بهمس لفني صوبه وانا مو قادره ارفع راسي .. باس راسي وعقبها نزل لعيوني وخدودي وخشمي وانفاسه تحرق باقي خلايا جسمي !! وصل عند شفايفي وقف ثواني .. وهو يطالعهم وعقبها باسها وبقوه كانه يحاول يروي ضم سنين ! انشليت وانا احس باحساس غريب .. احساس حسيته بس لشخص غير !


فتحت عيني وانا احس بالم غريب ولفيت على طول جهه ندى بس مو موجوده تضايقت ! اوووف يا ندى وحشتيني رفعت راسي ابي اشوف الساعه كم 9 ونص اوووف يالله يا العنود قومي واكشخي ومرة واحده اكلم يعقوب! قمت ودخلت الحمام " عزكم الله " وانا تحت الماي الدافئ احس براحه وخصوصا اني عند ندى وبغرفتها ياربي ليش سويت فيها جذي هي طيبه ،، خلصت شور وانا ما زالت افكر فيها انتبهت على الجوال ينبه لي بااتصال رحت اركض ورديت قبل لا اشوف من متصل: ندى حياتي وحشتيني! ما في رد وقبل لا ابعد الجوال : السلام عليكم ورحمه الله .. شلونج العنود!
يعقوب رديت وانا شبه مصدومه ومنحرجه! .. هلا هلا ،، بخير والحمدالله وانت اخبارك؟
يعقوب: انا بخير اذا انتي بخير .. اتصلت علشان اقومج للصلاة!
العنود: أي صلاة الظهر ما اذان لين الحين ؟! وانا مستغربه من هدوءه ,,
يعقوب: صلاة الضحى .. قبل الظهر تعرفينها!احسه يستعبط معاي ؟؟
العنود:يعقوب انا مو كافرة بس ما اصلي الا الفروض .. اعرف ان في صلوات ثانيه بس ما كنت اصليها! ومشكور على الاتصال والحين بروح اصلي! مع السلامه .. قبل لا اصكر الجوال سمعته يناديني ،، العنود ..
يعقوب: اسمعي انا ما قلت انج كافرة بس ابيج تكونين قريبه من رب العالمين .. واعتذر اذا بدر مني أي خطاء،،
ابتسمت وانا اسمع اعتذاره : يا ابن الحلال لا تعتذر وانا اسفه لاني تسرعت بحكمي على كلامك.. امممممم واوعدك ثانيه مرة اسال ايش تقصد قبل اتفقنا!!
رد يعقوب بعد ما ضحك : اكيد اتفقنا يالله روحي قبل لا تجي بنت خالتج! مع السلامه وهالله هالله بعمرج!رديت عليه وانا اقول : وانت بعد هالله هالله بعمرك واذا شفت فيصل خله يرد على اتصالي ! رد وهو يقول فيصل نايم عندي بالبيت مو مشكله يقوم واخبره مع السلامه... صكر وانا رحت اكمل لبس واتعدل ومن بعدها فرشت السجاده وصليت ركعتين لله!

الجزء التاسع عشر ،،



فتحت عيوني وانا حاسه بجسمي متكسر ويعورني ،، ارتبكت يوم حسيت اني بحضن احد ،، رفعت راسي وشفته يالله محمد ! يوووه نسيت اني عروس والا عشان المكان اثر علي والا اللي صار امس .. ابتسمت وانا احط راسي على راحتي يدي واميل جهه محمد كل مرة اشوفه بس هالمرة هو قريب .. ما شاء الله حلو وجه بيضاوي وبيضاءه صافي رموشه طويله وهو مغمض عيونه خشمه رزه وشفايفه مرتبه مع القفل ! خلصتي !! صوته وهو يكلمني .. رفعت راسي بعد ما شفته يطالعني .. حاولت اقعد وانا احط الملحف على جسمي ،، مسك يدي : وين رايحه ! ارتبكت وهو ضحك رد قال: طبعا راحت علينا صلاة الفجر قومي اسبحي وانا بدخل بعدج ،، هزيت راسي وانا ابعد عنه .. رد سحبني مرة ثانيه وحضني بقوه وهو يقول : من الحين مشتاق لج ،، دزيته وانا اقوله : خلني اروح علشان اجهز عمري ،، ترك يدي وانا اقوم من السرير رايحه صوب الحمام قالي بصوت عالي .. احبج والله ضحكت وصكرت الباب وراي !!


متى راح تجي الشيخه ندى .. تكلمت وانا اشوف فطوووم داشه علينا والعنود تضحك لاني معصبه على ندى! ردت فطووم :اسوووم شبلاج .. والله البنت عروس خلوهاا تتدلع على رجالها .. تكلمت العنود: خلاص عاد ما مل منها ! هههههههههههههههههههه ضحكنا انا وفطوم : اذا خذتي يعقوب راح نشوف ايش راح يصير فيج ,, كلمت العنود وانا اشوف الباب ما ركزت الا المخده في وجهي ! ضحكنا ضحك جماعي واحنا ننطر الاميرة ندى !



في بيت يعقوب كان فيصل سرحان ومرتبك ويعقوب ملاحظ عليه وساكت .. سلامتك من الاه وانا اخوك قول شبلاك! كلمته وانا اشوف نظراته الضايعه..رد فيصل وعيونه مغمضه: اااخ يا يعقوب ما اعرف ايش اقول بس لين الحين وانا اشوفها ! رديت عليه: استغفرا الله ،، اذكر الله تراها حرام عليك فما بالك وانت تتذكر مفاتنها! فيصل وهو يوقف كانه خايف من شي .. كلمته وانا اشوفه طالع من الباب: تعال وين رايح اختك كلمتني اليوم وهي تسال عنك كلمها.. وقف فيصل شوي عند الباب ولف جهتي كانه يتذكر شي مهم ! وقال: ندى.. هي تعرف ندى ! نطق بعد ما كان سرحان وهو عند الباب !



طالعت الساعه كانت 11 الا ربع قريب وقت صلاة الظهر وانا انطر .. يالله متى راح تجي ،، قمت من الكرسي وانا رايح جهه الشباك واشوف البحر والناس اللي قعدين حوليه تقريبا اشكالهم اجانب واعتقد انهم يحبون الصيف عندنا ،، انا جاهزة سمعت صوتها لفيت بس اللحظه تجمدت وانا اشوف قدامي ملكه جمال قلبي .. كانت لابسه فستان اصفر قصير عند الركبه وعريان عند الكتف .. ولبسه عقد دائري معطي شكل رقبتها نوع من الاغراء،، ومكياجها روعه وشعرها مرفوع على فوق والعبايه على يدها اليسار وريحت البخور وعطرها دخل انفاسي .. محمد ،، امممم انت بخير !! انتبهت انها تحرك يدها قدام وجهي .. مسكت يدها وانا ابوسها : انا بخير احس صوتي كان مخنوق .. بس ليش كل هذا .. ردت على بسرعه وهي تقول : مو حلو !! انا اللي اخترته ما اعجبك! رديت وانا احط عيني بعيونها: مو حلو ! انتي تمزحين ،، الا قمر على الارض ,, ندى لازم نروح خلينا نقعد ! انحرجت وشكلها ارتبكت من كلامي .. حمود اليوم الصباحيه لازم نكون في بيتنا لا تنسى الغدى عندنا ! اااااااااااه يا قلبي قلتها بقوه وانا احط يدي على صدري ،، ما حسيت الا انا بحضنها وهي تقول : اسملى على قلبك وسلامتك من الاه ،، ضميتها وانا اقول لها: من الحين راح توحشيني ،، ضحكت وصدى ضحكتها قعد باذني واحنا نطلع من الفندق !



انتي كنت مصدومه وانا اشوفها كانت لابسه بدله كامله بالون البنفسجي وشكلها حلو مثل ما هي ما تغيرت ! شلونج العنود ؟ رديت عليها وانا اشيل بنت اخوي ،، الحمدالله طيبه دامج بعيد عن ندى ! ضحكت وهي تقول : خلاص انتي مجرد ورقه استخدمتها علشان هدف معين والحين ما عاد لج لازمه !! اسمعي يا وقحه انا اللي بربيج واعلمج الادب مو علشان ندى والعنود طيبات قلتي كلهم لا حبيبتي انا اللي راح اعلمج من اللي راح يدافع عنهم! لفيت وشفت اسوووم عند الباب ابتسمت لان في احد يدافع عني ! ارتبكت لينا وطلعت اول ما اوصلت عندي اسوووم قالت : لا تخافين مستحيل اكرهج تدرين ليش ! رديت وانا احط نور على الاض .. ليش ! لانج حبيبة ندى... وندوش ما ترضى عليج بكلمه,, ضميتها بقوه وانا اقول كسبت اخت جديده!



وقفنا عند البيت وانا اشوف السيارات اللي برع .. واااااااو محمد شوف شوف .. كنت اشار على سيارتي كملت وانا اقول : وحشتني صار لي اسبوعين ما سقتها ! هههههههههههههههه: انا متزوج خبل توني اكتشف،، دزيت كتفه : احمد ربك اني وافقت عليك ،، لفيت جهه بابي علشان افتحه بس هو مسك يدي طالعته .. احبج وانتي اروع من سكن حياتي ،، ابتسمت وانا احس بصدق كلماته يالله يجنن هالولد ,, باس يدي ونزلت من السيارة وهو راح صوب مجلس الرجاجيل رفعت الغطى ونزلت الشيله من على راسي وانا ارفع عيني شفت قدامي عبدالعزيز وهو يطالعني ! مبروك قالها وبكل برود .. رديت عليه وانا ابتسم .. الله يبارك فيك .. عقبال نور يارب! ما رد علي طلع وانا كملت طريقي !

الجزء العشرون ،،



قعدنا بالفندق لمده اسبوع كامل .. ما قدرت اخذ اجازة والسبب نقص الافراد " الشرطه " بالدوام .. كنت ارتب الشنط عند الباب والموظف يحطهم على العربه اللي معاه .. محمد سمعتها ودخلت على طول اشوف ايش فيها ،، لقيتها لابسه بنطلون جينز ازرق غامق وبدي ابيض نص كم وضاغط على الجسم ورافعه شعرها فوق وحاطه كحل بعيونها مع لون وردي على شفايفها .. ابتسمت يوم شفتها تقول : حمودي لا طالعني جذي خلاص عاد ،، لفيت راسي للجهه الثانيه وانا اقول :ان شاء الله .. شبلاج ! ردت وهي تحاول ترتب كلامها: يصير نروح نفطر في الي فرانس ,, طالعتها : يصير والا يهمج ابتسمت وهي تقولي : لا تخاف انا اللي بدفع مو انت! رديت عليها: قلت لج احبج اليوم .. هههههههه ضحكت وهي ترد: والا فوق العشرين مرة بس انا اللي بقولك "احبك" وركضت للغرفه وانا مصدوم من عرفتها وخطبتها وتزوجتها اول مرة تقولي انها تحبني !



كنت متكوره على نفسي واحس ان الدنيا تدور فيني .. وهو قاعد بالزاويه الثانيه من المجلس .. كنت لابسه شي مستر تنورة عنابيه طويله حرير وبدي ابيض عليه ورود عنابيه ولميت شعري فوق وحطيت مكياج خفيف .. لين متى راح نكون ساكتين ،، تكلم وارتجفت .. رفعت راسي وشفته اول مرة اشوفه .. شكله عادي اسمر ومرتب عارضه عيونه وساااااااااع تجنن!! العنود شبلاج ؟! رديت عليه وانا منحرجه منه : ما فيني شي بس انت اللي طلبت من فيصل تشوفني ! خذ نفس قوي وعقبها قال : ادري انج بنت صغيره وعمرج ما تعدى الـ 25 وانا كبير عليج يعني 6 سنين فرق !!! بس عندي طلب واحد ،، طلعته وانا انطر يخلص كلامه : ما ابي عرس كبير نفس بنت خالتج راح نسوي عشاء وتجين عندي ،، اذا ممكن !! ما اعرف حسيت ان كلامه مقنع رفعت راسي وانا اسمعه يقول: طبعا انتي تتمنين انج تلبسين الابيض واعرف ان خاطرج الكل يجي ويبارك لج بس ما صار على وفاة اهلي الا سنه و .... يعقوب قاطعته وانا اوقف: انا موافقه على كل اللي تبيه لان العرس والحفله ما تشتري رجال ! ابتسم وهو يوقف ويقرب مني : جزاج الله خير .. بعد في شي ثاني ابي قوله بس خليه بعدين .. وان شاء الله اعوضج باللي احسن من العرس .. غمضت عيوني وانا احلم اني اكون سعيده واسعد اللي حولي !



رن التلفون وانا اسمعه بس عيزانه ارد اعرف من المتصل وما ابي اخرب مزاجي .. وقف صوت الجوال قمت من السرير وانا اشوف نفسي عدل وارتب نفسي وانا عند المنظره بعد شوي راح تجي العروس واخوي .. ما اعرف ليش مستانسه بس هالبنت تدخل القلب ,, ابتسمت وانا اطلع من الغرفه لقيت راشد اخوي يسوالف بالجوال وهو يقول : الحين انا جاي ونتفاهم ! على وين يا حلو ،، لف صوبي وهو يقول : رايح للمدام ! ضحكت عليه وهو معصب شوي .. قعدت عند امي بالصاله وهي اتابع التلفزيون : يمه متى بيجون ! وتوني ما خلصت كلامي الا صوت الهرن برع البيت وعقبها دخل محمد السيارة ,, نزلت ندى وهي جايه صوب امي : شلونج يمه عساج بخير .. صاحت امي وهي تحضن ندى وترد عليها : بخير يمه بشوفتج يالغاليه ،، اختنقت ندى وانا معاها ,, لا عاد ما يصير يمه تخلين البنت تبكي وهي عند الباب !! ههههههههههههههههه ضحكنا كلنا وانا اشوف فرحه اخوي محمد ! دخلنا وانا اقول في قلبي : يالله يالجازي شدي الهمه ما بقى الا فيصل !!



بالشركه عبدالعزيز وهو يكلم الموظف اللي عنده .. رن جواله باسم لينا ،، حطه على الصامت وكمل كلامه وهو باله مشغول بشي ثاني ،، بعد ما خلص اتصل على البيت ..

عبدالعزيز: الو ..
لينا : هلا حبيبي شلونك !
عبدالعزيز وهو يغمض عيونه: طيب .. ايش الموضوع يا لينا؟
لينا: بس اشتقت لك !
عبدالعزيز: اذا عندج موضوع نفس العالم اتصلي ،، وصكر التلفون بوجهها .. صار له اسبوع على هالحال يعامل لينا بقسوة وهي مش عارفه ليش ! تنفس بعمق وغمض عيونه ... ودخل بذكرياته ...



قولي تحب هذي .. وهي تاشر على الخوخه اللي قدامها .. رديت وانا ابتسم عيني بعيونها : أي احبها ؟! طيب ليش هالسؤال ،، خذت خوخه وكلت منها شوي وانا اراقب حركه شفايفها .. رفعت راسها وهي تبتسم كان عمرها تقريب 12 سنه بس حلوة وتعجبني بكل شي تحب اللي احبه وتكره اللي اكرهه .. ومدت يدها تاخذ الثانيه بعد ما خلصت الاولى ضربت يدها: عزوز ليش عورتني !! دموعها تجمعت ،، ما ادري ليش حضنتها بصدري وهي تصيح ،، اسف يا قلبي اسف ،، رفعت راسها وهي تقولي : لا تعيدها والله ما اكلمك ،، ابتسمت وانا اقول : تقدرين !! ردت وهي واثقه: اقدر والله اقدر وركضت رايحه تشتكيني لامي !



ضاقت الدنيا فيني وانا اشوفها داشه وهي لابسه فستان قصير ،، حلوة وربي حلوة .. بس ما تستاهل محمد اخوي !! انا اللي راح اعلمها الادب ،، شلونك قلبي ! رديت عليها وانا ابيها تخلص وتقول اللي تبيه : موضي ايش اللي تبينه ! متى راح نتزوج ! اخوك تزوج باقل من شهرين! رديت وانا اقولها ،، انا اتفقت مع عمي فهد يكون عشاء واخذج البيت .. ايش .. انت شتقول انا ابي افرح مثل باقي البنات! رديت عليها وانا اقول : اذا صريتي مثلهم تعالي قول لي ! شفت الصدمه بعيونها .. قالت وهي شبه تنفجر: ليش ان شاء الله ! لاني اعرف كل سوالفج يا .. زوجتي ! طلعت من عندها وهي منصدمه اني بديت امسكها من يدها اللي تعورها!

الجزء الواحد والعشرون ،،



صار لي اسبوعين من سكنت في بيت اهل محمد تقريبا شهر واحلى شهر عندي بالسنه هو 2 والسبب انه شهر زواجي .. المهم انا عايشه عندهم في معيذر .. في بيت الغاليه منيرة ومكانها !! كنت بالغرفه اشوف الجلابيه الحمرا اللي علي ارتبها عدل لان راشد اخو محمد موجود برع بالصاله لفيت الجلال" الشيله" عدل على راسي ودخلت شعري علشان ما يبين كنت حاطه مكياج ناعم خفيف ,, سمعت صوته وهو يقول : تصدقين اني مشتاق لج .. ابتسمت لاني صرت اعرف محمد من ريحه عطره ! طالعته من المنظرة وانا اقول من صجك ! عقد حواجبه كان الكلمه ما اعجبته ،، ههههههههه ضحكت وانا اقول له : حبيبي توك طالع من عندي ما صار لك 5 دقايق ،، لهدرجه تحبني وتشتاق لي وانت معاي بنفس البيت ! قرب مني وهو يقول: انتي ما تعرفين شكثر احبج .. كمل وهو يقول:ندى الود ودي تسكنين بين ضلوعي ،،فكرت وانا اطالعه.. الله على كلامه حلو والله حلو .. نزلت راسي وانا منحرجه منه ،، محمد ابـ.. قطعني بسرعه وهو يقول: لا تقولين محمد ! ههههههههههه ضحكت عليه : عيل شلون اناديك ،،ولفيت جهه المنظرة و طلعت نفسي اخر مرة وانا اجي صوبه علشان نطلع قال : اسمعي اذا نادتيني محمد يعني زعلانه مني وتتعاملين معاي برسميه وذا قلتي حمود يعني تشوفيني صديق وتبين تشتكين اما حمودي فـ انتي راضيه علي ودلعيني بالنسبه لحماده اعرف انج تستهبلين علي ! ههههههههههههههههه ضحكت وانا اسمعه سبحان الله الولد عارف كل شي ! رديت عليه وانا اقول : واذا قلت يا قلبي .. او حياتي .. ويمكن عمري .. لا شرايك في احبك او ما كملت باقي الكلام لان حط شفايفه على شفايفي وانا مو مستوعبه حركاته السريعه !!



انتي اللي دمرتي حياتي وحياة كل شخص دخل فيها ،، ليش يا لينا ليش ! كانت تصيح وهي تضم نور بقوه وتسمع الكلام اللي اقوله! .. ردت علي وهي تحاول تهديني :الله يخليك افهم السالفه صح وبعدين احكم علي حبيبي اا .. لا تقولين حبيبي صرخت عليها وانا بقمه الغضب ،، ليش يا لينا انتي تدرين اني اعشق تراب رجلها واني اموت والا ازعلها وتسوين اللي ما ,,,,قاطعتني وهي تقول: ارجوك اسمعني وبعدين سوى اللي يعجبك تكلمت وهي تحاول توقف بس اللي شفته في وجهها كان تعب .. سعد ,, صوت عبدالعزيز وهي داخل البيت ،،، شسالفه شفيكم !! سكتنا والا احد نطق .. لينا وهي تترجاني اني ما اتكلم علشان ما افضح اللي سوته وبعد ما تهون علي هذي اختي الوحيده .. والا شي يا عبدالعزيز والا شي .. انا معصب على لينا شوي ،، رد علي عبدالعزيز ونظراته كلها شك:انت تمزح معاي .. معصب شوي وصراخكم واصل اخر الوكرة! اسمح لي وانا اخوك انا طالع تامرني بشي ما كملت كلامي الا لينا طايحه من طولها ونور بحضنها !!



ايش قالتي يا خالتي ،، انسدحت بحضنها وانا انطر ردها ,, شفتها تمسح دمعه من عينها جلست على طول وانا اقول لها : ليش يمه ؟ ردت علي وهي تقول : يالعنود يا يمه انتي اللي تختارين حياتج واذا تبين عرس سويه واذا ما تبين ما يصير الا اللي يعجبج ! ابتسمت وانا احب راسها : طيب ليش الدموع ! ضمتني بصدرها وهي تقول : قدرج من قدر ندى وانتوا الغلا عندي ربي يحفظكم ويريح بالكم يارب،، رديت عليها: امين خلاص عيل خليني اروح اكلم يعقوب واقوله ،، روحي يمه روحي ردت علي وانا قايمه .. قمت ودخلت غرفه ندى اللي صارت مكان اقامتي ،، خذت جوالي واتصلت على يعقوب بعد الرنه الثالثه جاني صوته

يعقوب : السلام عليكم ورحمه الله وبركاته ... شلونج العنود؟!
العنود: وعليكم السلام والرحمه .. انا بخير ،، انت شلونك !
يعقوب : الحمدالله على كل حال .. امريني فيج شي !
العنود: لا ابد سلامتك ،، بس حبيت اقولك اني قلت لخالتي وهي موافقه .. يعني تقدر تجهز عمرك !
يعقوب : خير ان شاء الله .. راح اكلم فيصل الحين واحدد اليوم وارد عليج علشان تقولين لاهلج ،،
العنود : ان شاء الله .. مع السلامه ..
قبل لا اصكر سمعت صوته يناديني .. العنود لحظه ,,

العنود: هلا .. فيك شي !
يعقوب وهو ياخذ لحظه هدوء .. أي في شي ابيج تعرفينه ! رديت وانا ملاحظه انه بدء يصير جد اكثر من الازم! أي تفضل .. قول انا اسمعك .. تكلم وهو ياخذ نفس : عندي ولد عمره 3 سنين ,, المفروض اقولج من قبل بس الاحداث واللي صار وزواج بنت خالتج والظروف اللي مرينا فيها ما خليتني افتح الموضوع معاج،،
انصدمت وبدت الدموع في عيني مخنوقه هذا اللي كنت احسه اني مخنوقه ،، مع السلامه يعقوب ،، اتصلت باللي تقدر تهديني وترفع من معنوياتي ندى !



الجو حلو بالكورنيش والناس رايحه وجايه .. كنت امشي جهه البحر وانا سرحان مع الناس .. لفت انتباهي بنت تمشي بسرعه يبين من فتحت العبايه انها تتمرين بس احس اني اعرفها ،، مشيت وراءها وهي تسوالف بالتلفون .. سمعتها تقول : يا قلبي المهم تكونين مرتاحه وياه ,, ههههههه يعني شنو ! صج ,, زين زين .. المهم ندى خليني اكلم اخوي بدر ما اعرف وينه !! مع السلامه ,, ابصم بالعشرة انها نفس البنت اللي شفتها بالعرس!! مشيت وراءها وانا ابي اشوف اخوها ,, ما طولت الا بواحد ما يتعدى العشرين جاء صوبها وهو يقولها يالله مشينا ,, ردت وكانها تترجاه .. واللي يسلمك يالغالي ابي حليب كرك بالهيل من زمان خاطري فيه وقف هناك ارجووووووك .. ابتسمت فيصل وهو يقول لنفسه: شكلها خبله مثل ندى والعنود !! حسيت بجوالي يهتز ,, طلعته وانا اشوف المتصل لقيت عبدالعزيز : هلا بو نور شلونك !
اايش متى صار هالكلام "انا لله وانا اليه راجعون" ,, اهدى واذكر الله .. انا جاي الحين .. لالالا انا قريب والله قريب الحين عندك ! طالعت الساعه شفتها 6 الا ربع المغرب رحت بسرعه للسيارة وانا اذكر الله .. فيصل وهو يطلع من الكورنيش ورايح المستشفى!!



ياهل البيت ... ناديت بصوت عالي علشان مرت اخوي تتغطى .. حياك الله تعال يا راشد .. صوت امي وهي ترحب فيني .. السلااااااااام عليكم يا عباد الله ,, ردوا السلام وقعدت عندي امي .. شلونج يا ام غايب !! هههههههههههههههههه ضحكوا البنات وضحكت معاهم ! رديت امي علي : من هي ام غايب ؟! ابتسمت وانا اقول لها : ندى مرت اخوي ! تكلمت صافيه :انزين من هو غايب! هههههههه ضحكت : اللي راح تجيبه ...انا متاكد انكم ما اخترتوا اسماء عيالكم .. ردت وهي تبتسم : انت غلطان اخترنا وخلصنا .. صوتها ما شاء الله على صوتها .. والله اذا بنت شسمها واذا ولد شسمه .. تكلمت وضحى وهي تقرب مني الفواله " الفواكه" ردت وانا اشوف حركاتها الناعمه واقول بقلبي عرفت تختار يا محمد : اذا ولد على اسم ابوي علي ! واذا بنت على اسم المرحومه منيرة .. اووووهو صرخوا البنات اللي بدء يبدون اعجابهم في ندى واحترامها وطيبتها وابتسامتها خلت البيت كله يحبها..

الجزء الثاني والعشرون ،،



بعد يومين من اللي صار .. كنت بغرفتي اترجاه وهو ما يبي قعدت على السرير .. وبعد ترجيته وهو رافض .. محمد عااااااااد ..لبس ثوبه ولف علي وهو يقول : كم مرة اقولج لا تناديني محمد ! طالعته وانا زعلانه عليه .. رديت : طيب ليش لا ،، انا ابي اكون قريبه من العنود هي محتاجه لي وخصوصا بعد اللي صار لها من كلام يعقوب ولينا مرت اخوها ! قرب مني وهو يقول : بس انا اشتاق لج وانتي معاي بالبيت شلون لو تنامين في بيت اهلج ما اقدر ابعد عنج ! حضنته وانا اشم عطره بعد الحلاقه : حياتي حمودي .. بس اليوم .. انت عندك شفت ليل وذا جاء الصبح تعال اخذني ،، ارجوووك ! طالع الساعه وهو يقول: الحين 9 الصبح وشفتي يبدء الساعه 8 الليل ! بعدت عنه وانا اتكتف: يعني شنو ! ابتسم وقال وهو ياخذ الكاب ويحطه على راسه: يعني اصبري لين 8 وعقبها اوديج .. قمت بسرعه له قبل لا يطلع من الباب: ما تروح اذا انا بقعد اقعد معاي! رد وهي يمسك يدي : بس انا مواعد شباب ! حضنته بقوه علشان ما يطلع : ما يصير يا نطلع مع بعض يا تقعد عندي ! كيفك اختار! ههههههههههههههه ضحك علي وهو يقول : طيب ،، البسي عبايتج ويالله قدامي ! طالعته وانا مصدومه : بس انا لابسه بيجامه.. طالعني وهو توه يركز على لابسي كنت لابسه بيجامه زرقه بدون اكمام والشورت قصير عند الفخذ ! فسخ الكاب وراءه الثوب وقال: عيل البيت احسن !



عند باب العنايه كنت واقف انا وسعد .. وفيصل مع العنود اللي كانت تصيح وهي بحضنه .. عبدالعزيز .. لفيت صوب سعد وشفته يعطيني دفتر وردي .. طالعته مستغرب : شنو ذي ! سالته وانا اخذ الدفتر .. هذا من لينا طلبت مني اعطيك اياه ،، طالع تحت وعقبها كمل .. اذا صار فيها شي تبيك تقراءه وبروحك ! " لا حول الله والا قوة الا بالله العلي العظيم" انت شتقول يا ابن الحلال .. رديت وانا احس اني فعلا راح اخسرها ! طلع الدكتور اللي كان يطالعني .. لو سمحت اخ عبدالعزيز .. قربت صوبه وانا انطر القنبله .. انت تدري سوينا اللي علينا بس اذا ربك راد شي يقول له " كون فيكون" وانت مؤمن بالله مسك كتفي وكمل : عظم الله اجرك وقف قلبها من دقايق وكنا نحاول انقاذها بالصدمات بس راحت من يدنا ،، اختنقت ولفيت صوب سعد وانا اقوله : لينا راحت يا سعد راحت ! قعد على الكرسي اللي قريب منه والعنود زادت بالصياح وفيصل فسخ عقاله وهو يقول : "انا لله وانا اليه راجعون "



نايمه بحضني وانا اراقب حركاتها وتصرفاتها حتى وهي نايمه تجنن وتاخذ العقل .. ضميتها وشفتها تبتسم .. اكيد تحلم واكيد الحلم حلو لانها تبتسم ! رن جوالها وهي تعقد حواجبها الصوت ازعجها ،، لفيت صوب الكمدينو واخذت الجهاز شفت اسم عندوه .. مين ! سمعت صوتها وهي تهمس ,, رديت : عندوه يتصل بك .. هههههه ضحكت واخذت الجهاز وردت : الو !!
كنت قايم من السرير واحط الفوطه على خصري سمعتها تصرخ: ايش العنود انتي شتقولين .. انتي وين .. بدت تصيح رجعت لها بسرعه وهي تصيح وما قدرت تكمل والجوال طاح على السرير ضميتها وانا اسالها : ايش صار .. ندى يا حياتي اذكري الله ! ماتت ماتت .. كانت تشاهق وهي تحط عينها بعيني و تقول هالكلام ,, خفت وانا اشوف دموعها ما هانت علي وانا احضنها : من اللي ماتت .. ندى ندى .. ما ردت علي .. اغمى عليها وهي بحضني ما عرفت شلون اتصرف !! لابست بسرعه ولبست ندى أي شي قدامي .. وطلعت للصاله شفت الجازي عند التلفزيون .. صرخت عليها : قومي بسرعه بنروح المستشفى ندى تعبانه !




في الريان رجعنا من المستشفى .. عزيز بحضنه العنود وهي تصيح وانا اللي اسوق .. شفت الحزن بعيون عزيز بس ربي راد هالشي .. الله يعينه ويصبره ! يالله وصلنا .. ناديتهم لاني احس انهم مو معاي.. نزل عزيز وهو ما زال يحضن العنود .. دخلنا بيت خالتي اللي وصلهم الخبر وكانوا مشغلين القران بصوت العجمي.. صوت صياح البنات كان واضح واحنا واقفين برع .. دخلت العنود لهم .. وبنفس الدقيقه طلع عبدالله اللي كان حاط الغترة على كتفه وهو جاي صوب عزيز .. عظم الله اجرك .. رد عليه عزيز : اجرنا واجرك واحسن الله عزاك .. اهتز جوالي اللي كان في جيبي .. والمتصل النسيب " محمد " : السلام عليكم ورحمه الله وبركاته .. شلونك ؟! ايش ........ انت الحين وين خلاص انا جايك مع عبدالله لا انا عندهم عطني ربع ساعه .. مع السلامه ،، لفيت صوب الشباب واحس انهم ينطروني اتكلم .. لفيت على عبدالله : ندى بالمستشفى تعبت على محمد يوم عرفت الخبر وهو هناك .. يقول انه اتصل فيك وانت ما ترد عليه ! شنو وش فيها .. رد وهو جاي صوبي : ما يعرفون دخلوها الحين غرفه الفحص .. انا رايح انتوا اقعدوا هنا تكلم عبدالله وهو طالع من البيت .. لفيت جهه عزيز اللي كان مخنوق بس زادت خنقته يوم عرف ايش صار بـ ندى !



في معيذر دخل بو محمد البيت وهو مستغرب الهدوء اللي فيه .. ويا اهل البيت .. صرخ ابوي وانا طالعه من الغرفه بروح الصاله .. هلا هلا يبه ! رديت عليه وهو يقعد على الكرسي .. وين العالم ليش هدوء .. بنتي ندى وين ! رديت عليه : امي والجازي ومحمد ودوا ندى المستشفى تعبت شوي ! شفت وهو يوقف بخوف: شنو .. والا اتصلوا ما قالوا شلونها .. رديت وانا اقرب منه : لا يبه ما اتصلوا .. قعد وهو يقول : لا حول الله والا قوة الا بالله .. وضحى روحي جيبي لي ماي .. واذا رجعتي كلمي محمد ابي اعرف اخبار البنت! رحت المطبخ بسرعه ابوي مريض ضغط وخفت يصير فيه شي ! خذت كوب ماي ورجعت للصاله شفته منزل راسه بين يده ويقرا القران بصوت هادي .. يبه سم الماي .. كلمته رفع راسه وانا اشوف دمعه بعينه .. قال وهو ياخذ الماي مني : راحت منيرة .. وندى من ريحتها .. كلمي محمد طمئنني عليها .. رحت صوب التلفون واتصلت عليهم وانا اطالع ابوي .. بعد الرنه الثالثه : الو هلا محمد .. اخباركم ايش صار ابوي يحاتي ندى .. شنو احلف ... طالعت ابوي وانا مش مصدقه !



ناس داخله وناس طالعه يعزون على ام عبدالله .. والكل بالبيت يحاتي ندى .. الحين الساعه 4 العصر وما احد خبرنا ايش صار عندها .. والا خبرنا خالتي ام عبدالله انها بالمستشفى علشان ما تتعب .. رحت عند فطوم اسالها : بشري اخبرها .. طالعتني وشكلها تعبان : كلمت عبدالله اخوي بس ما يرد على جواله .. لين متى يعني ابي اعرف اخبارها .. رديت على فطوم وانا اشوف العنود جايه صوبنا .. اسوم انتي هني .. رديت: أي من اول ما عرفت جيت على
طول؟ رن جوال فطوم رقم غريب .. طالعتنا وعقباها ردت : الو نعم !
...؟ فطوم هذا انا عبدالله ؟
فطوم: هلا عبدالله .. اخبار ندى شسالفه خبرني !
عبدالله : ندى بخير .. طلعت حامل !
فطوم: احلف انت من صجك !
عبدالله : أي من صجي وهي الحين تحت بالطوارئ .. بنقعد شوي لين يخلص المغذي ورح انجي .. بس لا تقولون لامي انها تعبانه!
فطوم : ان شاء الله .. مع السلامه ,, شنو قولي ,, بسرعه تكلمت .. طالعتنا فطوم وهي مستانسه : ندى حامل ,, وااااااااااااااااااااااااااااااااااااااااااو صرخنا انا والعنود بصوت عالي ونسينا العزاء اللي برع !

الجزء الثالث والعشرون ،،


اشعه الشمس داشه للغرفه ومعطتها شكل حلو وهادئ .. كنت ارقب حركة الستاير .. الغرفه مرتبه من اخر مرة شفتها فيها .. مثل ما هي من بعد المرحومه لينا .. شفت اغراضها على الطاوله مكياجها وعطوراتها .. ورفعت راسي وشفت صورة لها وهي تحضن نور .. كانت تبتسم ..مسكت البرواز ورفعته ما كنت احب لينا والا كرهتها بس كنت احترامها كزوجه ما عمري حسستها بانها حبيبتي او أي شي ثاني ومش عارف ليش احس بالفرحه اني ما خليتها تحس بهالشي .. انطق الباب وكنت متاكد ان اللي برع غلا روحي .. تعالي يا بابا .. دزت الباب وهي اطالعني .. بابا متى تجي ماما ابي البث ؟ " البس " ابتسمت على البدله اللي بيدها وشعرها المنفوش .. قمت من مكاني وانا جاي صوبها .. الحين بنروح لخالتي العنود راح تسوي اللي تبينه !! رفعت نور راسها وهي تقول: الي ندى صح!! طالعتني وشفت الضربه اللي براسها .. أي راح نشوف خالتج ندى بعد .. رديت عليها وانا ابتسم شفت الجرح اللي عند الحاجب راح تكون ذكرى لها .. نزلت تحت وان اشوف الجرح .. قالت : هاي من ماما ! تقصد الجرح لان لينا يوم طاحت نور كانت بيدها ،، حضنتها وانا اخذ البدله منها واطلع من البيت رايح الريان بيت خالتي ام عبدالله ..




العنود .. واللي يعافيج خليني اروح .. اكيد حبيبي ما نام الحين ! وانا مصرة ما تروح : لا ندى راح تقعدين عندي ما يصير .. الكل مو موجود عبدالله بدوامه وفطوم بعد وخالتي عند صديقتها وخواتج مو جاين اليوم !! طالعتني وهي تاخذ جوالها وتتصل على رجلها: لا يا قلبي صار لي اسبوع عندكم من بعد العزاء .. خليني اروح اشوفه .. كل يوم يجي عندي بس احسه تعبان ! لفيت راسي على ندى وانا اقولها : ايوا يا حب ! ههههههههههههه ضحكنا قالت لي : اذا خذتي يعقوب راح نشوف شلون .. سكت وانا اطالع ندى : على طاري يعقوب .. تدرين يتصل لي بس ما اقدر ارد عليه ! ليش ما قال لي من قبل ؟ ردت علي وهي تمسك يدي: لا تلومينه.. انتي قلتي انه ما قدر يقول .. عطيه فرصه .. مسكت يديها بقوه وانا اقول : يعني انتي راح تعطين عبدالعزيز فرصه .. تركت يدي وهي توقف : ايش تقصدين .. انا على ذمه رجال والحين حامل بولده! وقفت معاها : لا تفهمين غلط ابيج تردين وياه مثل قبل .. يعني تكلمون بعض وتضحكون مع بعض .. ههههههههههههه ضحكت وانا استغربت قالت: يا قلبي .. عبدالعزيز كان حب طفوله وحب نبيل .. اما الحين عندي من ملك قلبي وروحي وحتى انفاسي يالعنود افهمي اللي يطلع من حياتج ما يرد لها ابدا.. رديت عليها: انتي تقصدين طلا.. ما خلتني اكمل وقالت: مو شرط شخص أي شي .. فهمتي .. هزيت راسي وانا اشوفها تتصل وترفع الجوال تكلم محمد!



احس جسمي يعورني وانا اراقب الساعه 12 ونص الظهر اوووف .. نمت بعد تعب واخرتها ساعه بس .. خلني اقوم اصلي احسن لي .. اول ما وقفت من على السرير حطيت الصورة اللي عندي على المخده وانا داخل للحمام " عزكم الله " .. كنت افكر فيها وانا اسبح الماي دافئ ويريح الاعصاب .. ياربي يا ندى متى تجين اسبوع حرام عليج اشتقت لج ،، كنت اسولف مع نفسي وانا مغمض عيوني .. طلعت من الحمام وانا لف الفوطه على خصري وجسمي مبلل ماي .. شميت ريحه عطرها .. اااه اصحى يا محمد هي ما احد .. تكلمت بصوت عالي شوي وطلعت من تفكيري يوم سمعت ضحكتها الناعمه وهي تقول: من قال تراك نايم! فتحت عيوني وانا اطالع مصدر الصوت كانت عند الباب توها جايه .. مشيت صوبها وانا مش مستوعب الفكرة: ندى متى جيتي ومع من وليش ما خبرتيني ! حضنتني وهي تضحك : حمودي يا قلبي تبيني اجاوب عليهم كلهم دفعه وحده .. ابتسمت وانا احضنها بقوه لصدري : اشتقت لج والله .. ندى لا تسوين فيني جذي ما اقدر اعيش بدونج .. احبج ! دزتني شوي وهي اطالع عيوني ولون وجهها صاير احمر من الاحراج: اولا انا اتصلت فيك وانت ما رديت .. كلمت عبادي يجيبني وما صار لي 5 دقايق .. تدري لازم اسلم على الكل .. رديت وانا ابعدها ابي اشوف شكلها : وانا اخر واحد صح ! ههههههههه ضحكت بكل نعومه وهي تقول: لا يكون زعلت حبيت اسويها مفاءجاه ؟! بعدتني وهي رايحه جهه السرير.. وكنت اراقب حركاتها افسخت العبايه وقبل لا تقعد رفعت شي من المخده وهي تقول : شنو هذا؟!




طلعت من المسجد بعد صلاة العصر وعقب ما قريت جزء من القران .. احس نفسي مخنوق حدي ومو قادر اركز .. اكيد راح تطلب الطلاق يمكن تقول لفيصل .. افكاري توديني مرة يمين ومرة يسار ... يالله يالعنود .. اهتز جوالي وهو بحيب الثوب .. رفعته ودريت : السلام عليكم ورحمه الله وبركاته ..

...؟ وعليكم السلام ورحمه الله .. شلونك يعقوب ؟!
يعقوب وانا مصدوم: العنود ؟!
العنود: اممم .. ليش تنطر احد يتصل لك ,, عادي راح اصكر ؟!
يعقوب: لا لا لا .. قالتها علشان ما تصكر ؟
العنود: عيل ليش مستغرب ما شفت اسمي بجوالك!
رديت وانا ابتسم : لا والله رفعته على طول .. اصلا كنت سرحان فيج وما ركزت على المتصل!
العنود: .... ما في الا صوت انفاسها اللي حسستني انها منحرجه !
كنت اكلمها وانا اطالع الشارع اذا فاضي والا لا: والله اني اسف المفروض اخبرج قبل بس والله ما كان بيدي .. صدقيني ما كنت العب والا ...
العنود: خلاص يا ابن الحلال .. بس ابي اعرف شلون ومتى ! وليش فيصل ما خبرني ؟
رديت وانا اخذ نفس : لج حق تعرفيني واذا عن فيصل هو اللي طلب مني ما اخبرج .. بس ما قدرت انا داش على حياه ومسؤوليه .. اسمعي يالعنود انا راح اطلب اشوفج من فيصل وراح اقولج كل شي !! ردت علي : خلاص يا يعقوب انا انطرك .. بس ابي منك شي! في هذي اللحظه انا كنت عند باب البيت .. تفضلي امريني ! ردت بسرعه : ما تامر عليك العنود .. كل اللي ابيه منك تحافظ على عمرك وهالله هالله بنفسك .. فوداعه الرحمن .. صكرت التلفون وانا ما زالت اردد كلامهااااا ،،



كنت مصدومه من الصورة اللي شفتها وصار لنا وقت واحنا ساكتين .. هو صلى الظهر والعصر وعقبها قعد عندي بس ما تكلم وانا ما كنت معاه ... من متى .. وليش ما قال لي !! معقوله محمد .. مر الوقت واحنا ساكتين ما احد يقدر يكلم الثاني ... واذان علينا المغرب راح للمسجد بعد للصلاة ورجع وانا كنت اصيح على السجاده .. ندى فيج شي ..؟! كلمني ,, بس كل اللي سويته اني رفعت الجلال من راسي والسجاده من على الارض .. وحطيتهم على الكرسي! رفعت راسي : محمد انا مو فاهمه شي ممكن توضح لي ! قرب مني وهو يقول: لا تقولين محمد كم مرة اقولج .. رجعت على وراء وهو يقرب .. حسيت انه شوي معصب : مو مهم شلون اناديك .. ابي اعرف من وين لك الصورة ؟! وانا ما زالت ارد على وراء لين لصقت بالطوفه واول ما حاولت الف الجهه الثانيه حط يده على الطوفه وقرب مني وهو يقول: من زمان .. همس : انتي ليش زعلانه! نزلت راسي تحت وانا اذوب من قربه وقلت له : بس شلون .. هذي صورتي وانا بـ 3 ثانوي وبعدين بهذا الوقت انا ما اعرف منيرة! كان يبوس خدي ومره رقبتي ومرة شفايفي .. دزيته وانا انطر جواب: محمد عاد ! مسك يدي بقوه وهو يحضني : لا تقولين محمد.. كان يترجاني! .. بعدني شوي وهو يطالع عيوني وانفاسه حاره على وجهي: بقولج بس لا تفهمين غلط .. انا خذتها ؟ انصدمت كلمته وانا مو فاهمه: انت خذتها شلون ومن وين؟! رد علي وهو يطالع عيوني بحب: اللي ما تعرفينه اني اعرف فيصل ولد خالتج .. كان معاي ايام الثانويه ..سكت شوي كانه يتذكر شي وابتسم وقال : هو اكبر مني بسنتين .. انا بالاول ثانوي وهو ثالث !! احتجت مساعده بالفيزياء والشباب وصوني بفيصل .. سحبني وخلاني اقعد على السرير لان جسمي بدء يرتجف .. كمل وهو يلاعب بأصابع يدي : رحت له ورحب فيني وقال اجي معاه البيت .. فعلا رحت معاه وتعرفنا على بعض واحنا بالطريق .. دخلني بيتهم اللي بالدفنه وجلسني بالمكتبه .. طلع فيصل يجيب شي نشربه ! هو طلع من هني وانا خذت جوله بالمكان .. سكت وطالعني وهو يمسك يدي بقوه: شفت البوم صور وهذي الصورة كانت برع! جذبتني ابتسامة البنت اللي بالصورة وخذتها بهالوقت دخل فيصل من الخوف حطيتها بجيبي ومن يومها وهي معاي ! رفع راسي بيده علشان اشوف عيونه وهو يقول: عرفتي ليش كنت اكره طاري الزواج من غيرج!

الجزء الرابع والعشرون ،،


بعد يومين وتحديدا يوم الاحد .. رد فيصل على يعقوب علشان يجيني اليوم بعد ما كلم عبدالله علشان يكون موجود بالبيت .. رحت المجلس بعد ما تاكدت ان لابسي زين ! وما يكشف شي مني ،، دخلت : السلام عليكم ورحمه الله .. وقف وهو يطالعني : وعليكم السلام ورحمه الله وبركاته .. شفته شكله مجهد كانه طالع من حرب .. تفضل اقعد .. والا ناوي توقف طول الوقت ! كلمته بعد ما انتبهت انه سرحان بوجهي .. ههههههههه ضحك ورد: شلونج العنود .. ؟ رديت وانا اقرب له فنجال القهوة: بخير اذا انت بخير .. رفع راسه وهو يقول: بس انا مو بخير ! ارتبكت يوم شفته مسك يدي واخذ الفنجال وحطه على الطاوله .. يعقوب شفيك ! رديت وانا احاول ابعد .. رد وهو يوقف: لا تخافين والله ما راح اسوي شي بس ابي قربج .. رفعت راسي احاول افهم قصده بس اللي شفته اني كنت بحضنه وهو يضمني لصدره .. ارتجف جسمي وشي داخلي يحترق ! يعقوب صرخة مخنوقه طلعت مني وانا خايفه مش عارفه ليش احساس غريب حسيته وانا بحضنه : ارجوك لا واللي يسلمك .. بعدني وهو يتنفس بقوه ويدي مازالت بيده .. وقال : العنود ما اقصد شي .. كل اللي ابيه تحسين فيني شوي .. طالعته ونظراتي كانت رجاء !! راح وقعد بعيد عني .. هذاني بعيد .. قال وهو يكمل : اسمعي يالعنود انا جاي علشان اقولج ايش صار معاي .. لاحظت شي اشوفه يتكلم بسرعه كانه يبي يتخلص مني ! رجعت على وراء وقعدت على الكرسي وانا اخذ نفس .. قال :يوم خطبتج من اخوانج طلب فيصل مني ما اخبرج خوفا انج ترفضين مسوؤليه سالم .. هذا اولا ! اما ثانيا .. رفع راسه وهو يطالعني وقال: كنت متزوج بنت خالي " نوف" الله يرحمهم برغبه من امي لانها يتيمه .. وجاني ولد منها والامور كانت بخير لين رحوا للعمرة مع ابوي بالسيارة وانا كنت بالدوحه لان سالم كان مريض شوي .. وعلي الرده صار لهم حادث وتوفوا .. من عقبها ما احد يهتم فيه غيري و.. قبل لا يكمل كنت مصدومه وقفت وجيت عنده وانا مش مستوعبه : وين كنت تخلي سالم اذا رحت الدوام! طالعني ورد بكل براءه: عند فيصل !



كنت البس العبايه بروح انا والبنات فيلاجيو .. علشان اشترى فستان للعشاء راشد اخو محمد ما باقي عليه الا 4 ايام.. دخلت وضحى بعد ما افتحت باب الغرفه بقوه: يالله عاد تاخرنا .. والله اذا جاء حمود ما راح تروحين ويانا ؟ طالعتها وانا البس الشيله: اذكري الله .. وبعدين انا خبرت حمودي اني بروح وياكم! والا تنسين انا اللي اسوق؟ دشت الجازي وهي تستعجلني: ندوووووووش بليز تاخرنا.. هههههههههه ضحكت عليهم وانا اخذ شنطه يدي ومفتاح السيارة : يالله قدامي.. ما شفت الا غبرتهم " صج حبوبات" الله يرحمج يا منيرة وحشتيني .. طلعت الصاله وانا اشوف امي تعطي ابوي دواءه .. قربت من عندهم وحبيت راسه: شلونك يبه .. عساك بخير .. لف صوبي : بخير دامني اشوفج طيبه ومرتاحه ؟ رديت عليه وانا اخذ كاس الماي من يده:اكيد مرتاحه .. عند امي وابوي وخواتي ورفعت راسي وانا اشوف راشد داخل الصاله وكملت:وعند اخوي راشد بعد .. ابتسم راشد وهو يقول: مادامني اخوج ممكن اعرف علي وين العزم! رد ابوي وهو يقول: هي شاورت زوجها وابوها .. انت اصغرنا مالك خص! هههههههههههه ضحك راشد وهو يقول : السموحه يا باشا.. ضحكنا عليه وانا اوقف قلت له: رايحين السوق نشترى حق حفلة زواجك .. طلعوا البنات وانا اقول : لاتخافون اكثر من 7 ما اقدر اتاخر محمد يجي على 8 ونص .. طلعنا وانا اسمع دعواتي امي وضحكت ابوي .. ونغزات راشد!



بالسوق واحنا نحوس وندور شي يناسب الحفله ...: شرايج بهذا لفت علي ندى وهي تشوفه وعقبها : روعه عليج بيكون .. صدقيني ! ههههههههه من قال انه لي رديت عليها وهي مستغربه ،، وقالت: عيل حق من،، رديت على ندى وقلت : لج يا حلوة .. صدقيني يناسبج اكثر .. ابتسمت وهي تقول: جوجو " الجازي" انتي مجنونه استحي البس جذي قدام ابوي .. رفعت ندى عينها مرة ثانيه على الفستان .. كان ذهبي مفتوح الصدر على رقم 7 ومن وراء نفس الشي وفيه تكسيرات من عند الخصر وراسم الجسم عدل! .. رديت عليها وانا اقول: مالت عليج غصون الجنه قولي امين .. يا حلوة العشاء بيكون في بيت عمي يعني لما يدشون الرجاجيل نلبس عبايتنا .. حسيت ان ندى اقتنعت واخيرا خذته .. ووضحى وصافيه اختاروا لهم بعد .. وطلعنا من فيلاجيو بعد ما خصنا اغراضنا لان العشاء بيكون يوم الخميس الجاي!! مرينا على ماكدونالز وكل وحده فيني شرت لها اكل الا ندى تبي تاكل وياي محمد .. وصلنا البيت على الساعه 7 وربع وكل وحده راحت غرفتها خصوصا ان البيت فاضي!



لازم اكلمها .. الساعه الحين 8 اكيد فاضيه .. يالله فشيله اكيد زوجها عندها .. ياربي ساعدني .. رفعت جوالي وانا اضرب رقمها .. عند الرنه الرابعه ردت : هلا فيصل ..؟
فيصل : هلا فيج .. شلونج ندى .. وانا اسمع صوت بنات وازعاج عندها !
ندى : انا بخير والحمدالله! انت اخبارك !!
فيصل والاحراج طاغي على وجهي: انا بخير ولله الحمد .. ندى ابيج بخدمه اذا ممكن؟!
ندى: افا عليك يا خوي تفضل !
فيصل:ابي اتزوج .. بس .. هههههههههههههههههههههههههههههه سمعت صوت ضحكتها اللي خلتني اضحك معاها ..
فيصل: طيب ليش تضحكين ..
ندى : مادري حسيت انك ولدي وانا مادري.. وبعدين ليش تقولي قول لامي .. وهي تخطب لك ..
سكت شوي وانا احاول ارتب كلامي : لان البنت اللي ابيها هي اسماء رفيجتج! هدوء على الخط الثاني وعقبها جاني صوتها ..
ندى: انت متاكد .! فيصل لازم اكلمك شخصيا اذا اسماء اختيارك!
حسيت بخوف وانا اسمع كلامها ..
فيصل : ليش يا ندى البنت مو .. لا تقولها .. قاطعتني وهي تكمل : اسماء اشرف من الشرف كله .. بس في شي مهم لازم تعرفه قبل .. رديت وانا ابي اعرف الموضوع الحين: طيب متى راح تجين بيت خالتي .. امممممممممم اعتقد يوم الجمعه .. ردت علي وهي تفكر .. خلاص عيل الجمعه لازم نتكلم !



دخلت البيت وجسمي مهدود كانت الساعه 9 وثلث يعني متاخر من زحمه الليل .. كنت امشي وانا كسلان!! دخلت الصاله ما شفت احد استغربت بالعاده يكونون البنات مسوين حفله .. سمعت صوت ضحك قوي جاي من غرفه المرحومه .. رحت لهم وانا مستغرب الوضع الغريب اللي عندهم .. فتحت الباب بشويش وانصدمت وانا اشوف ندى ترقص مصري .. والبنات يغنون لها .. ابتسمت وتسندت .. والجو عاجبني اكثر منهم .. ندى تميل بخصرها برشاقه اول مرة اعرف انها تعرف ترقص،، حمود متى جيت .. صرخت صافيه اللي تخرعت من شوفتي .. لفت ندى بسرعه وهي منحرجه .. وجهها صاير احمر رديت : من نص ساعه تقريبا .. بس عجبني الوضع شوي .. ضحكوا البنات وندى طلعت من الغرفه وكتفها ضرب كتفي .. لفيت على خواتي : يالله اشوفك باجر .. تصبحون على خير .. طلعت عنهم وانا راح صوب غرفتي .. دخلت وصكرت البااب بس ندى مو موجوده .. توقعت انها راحت تجيب لي عشاء ..متعود على جذي! فسخت البدله العسكريه وحطيت الفوطه علي خصري ورحت جهه الحمام "عزكم الله" بس كان مقفول .. طقيت عليها : ندى افتحي ابي اسبح .. فتحت الباب وهي تحاول تمر من جنبي .. مسكت يدها وقربتها صوبي: شفيج ! لا يكون زعلانه لاني شفتج ترقصين! رفعت راسها وحطت عينها بعيني .. يارب صبرني عذااااب هالبنت،، قالت: محمد ممكن تترك يدي.. قربتها اكثر: ندى كم مرة اقولج لا تقولين محمد .. وبعدين ليش زعلانه او علشان شنو! قولي لا تظلميني ..



ما كنت قادره اتحكم بعمري .. هو قريب مني .. بس موضوع الصورة لين الحين في بالي .. قلت له :مو زعلانه بس متضايقه .. كملت وانا اشوف يده تترك يدي ..طالعته وانا اقول: شلون عرفت ان انا اللي بالصورة شلون؟ في ذاك الوقت انا ما اعرف منيرة والا اعرفك .. وعمري 18 سنه وانت 16 !! ترجيته وانا خاطري اصيح ..كملت كلامي : ادري اني سخيفه بس ابي اعرف حبك صار له عشر سنين من صورة بنت بس ! حط يده على فمي علشان ما اكمل خصوصا ان صوتي بدء يقطع .. مسك يدي وقعدني بحضنه وقعدنا على الكرسي اللي بغرفه الملابس .. ارتبكت وضاعت علومي .. قال لي : والا يهمج انا اقولج .. كمل وهو يقول: بس ان قلتي محمد بعد اليوم انا اللي راح ازعل .. هزيت راسي اني موافقه .. حلو قالها وهو يمسكني من خصري عدل.. وقال: يوم خذت الصورة ما كنت اعرف البنت من .. توقعتها اخت فيصل بس اللي خلاني اشك الكلام المكتوب وراءها " اغلى من الروح" .. وخلال معرفتي بـ فيصل عرفت عنده اخت بس اصغر منه .. فقلت بنفسي مستحيل تكون نفس البنت اللي بالصورة.. ومع هذا ما عورت راسي لاني كنت مصمم اعرف بس برواقه .. في يوم انتي جيتي عندنا مع فيصل .. في ذاك الوقت كنتي صديقه المرحومه .. شفت فيصل برع وسلمت عليه بحكم المعرفه اللي بينا وطلبت منه يدخل .. بس هو رفض قال انه مستعجل وان الاهل داخل .. رفع راسه يشوفني وكمل : دخلت البيت من جهه المجلس وكنت تعبان جاي من الدوام .. شفتج طالعه من باب الصاله تضحكين ونفس البسمة اللي بالصورة ونفس البنت .. انصدمت وقفت في مكاني .. وانا اسمع منيرة تقولج ندى لا تنسين الاوراق حق باجر.. وعقبها طلعتي وعرفت من اللي سكنت قلبي ومن اللي احرمتني لذيذ النوم! سكت محمد .. وهو يطالعني ورفع يده يمسح دمعه طاحت من عيني ..قال : لا يا قلبي دموعج العذريه غاليه علي !

الجزء الخامس والعشرين ،،


جاء الخميس وانا مرتبه كل شي .. خلاص فيصل لي وراح يكون ملكي .. الجازي وهي تشوف فستانها الاحمر والقصير عند الركبه وعريان من فوق عند الصدر بدون حمالات ومكياجها الفول .. وتسريحتها المرفوعه اللي معطتها شكل غريب .. الجازي يالله من الصبح اناديج! لفيت صوب وضحى اللي كانت لابسه فستان ارونج مشدود عند الصدر وعلى شكل كلوش من تحت .. كان مكياجها ناعم وتسريحتها مرتبه بشكل دائرة.. الحين جايه رديت عليها وانا اكمل كلامي: ايش هالجمال حق من اعترفي ! ههههههههههههه ضحكت وضحى وهي تمسك يدي: حق من يا حظي يالله امشي بنروح مع ابوي وهو برع ومعصب! طالعت المنظرة وانا اقول لها : بروح اخذ الخاتم الاحمر من ندى .. قولي له بس 5 دقايق .. طلعت بسرعه قبل لا ترد.. طقيت الباب: تعالي صافيه الباب مفتوح .. دخلت وانا اقول: انا الشيخه الجازي بنت .. اانصدمت وطلعت عيوني برع ما قدرت اكمل كلامي لان الملاك اللي قدامي اخذ انفاسي وقفت وانا بنت شلون حمود .. شبلاج اسملى عليج ! صوت ندى اللي رجعني للواقع .. ابد ما فيني شي بس ابي الخاتم رديت وانا احاول اكون طبيعيه .. طيب هاج ونادي صافيه لاني ما حاطيت لها الروج اوكي .. ندى تلكمني وهي تعطيني الخاتم .. طلعت بدون مارد عليها.. يستاهل محمد ندى هذا الكلام كان في بالي وانا انادي صافيه لها والبس عبايتي !



في الريان .. بيت ام عبدالله الجو مرح وعبط جو اسره توها طالعه من عزاء ويحاولون يخففون على اعمارهم شوي .. فطووووم: انتي من متى اخوج برع روحي اخلصي علينا! لفيت راسي وانا اقوم من مكاني القريب من التلفزيون واسالها: أي اخو! ردت علي فطوم: من عندج يعني غير فيصل وعزيز.. طالعتها وانا ارفع يدي واشار على عبدالله اللي كان قاعد وراي : عندي الكبير عبدالله والا نسيتي.. المهم من برع! اقول لا ياكثر الكبير هذا لنا .. ردت فطوم وهي تسحب يدي وتكمل : عبدالعزيز يبيج وياه نور.. مالج خص انا واخوي عبادي متفاهمين انتي طلعي برع الموضوع رديت عليها وانا اطلع ... هههههههههههه طلعت وصوت ضحك خالتي واخوي عبدالله طالع معاي .. عموه انود " العنود" كانت نور بحضن عزيز وهي ترفع يدها علشان احضنها .. خذتها: حياااااااااااتي عموه انا .. هههههههه ضحكت بكل براءة .. بست خد عزيز: شلونك واخبارك الحين! طالعني وانا احس بتعبه وقال : الحمدالله بخير .. خليني ندخل المجلس ابي اقولج شي .. كلمني وهو يسبقني .. لحقته وانا خايفه .. دخلت لقيته قاعد جيت وجلست جنبه وحطيت نور بحضني: عسى ما شر في شي ! تكلمت بعد ما طولنا بالقعده .. رفع راسه وقال: لا تربطين نفسج فيني .. تزوجي يعقوب .. وانا بقوله بعد اسبوع العشاء ؟؟ انصدمت وانا اسمعه: بس ما صار للمرحومه وقت ... قطعني : الحي ابقى من الميت روحي بنصيبج .. وقف وهو يعطيني امر يقول: سوي درب ابي اسلم على خالتي !!!



....؟ يالله قلبي والله بس دقايق انزل شوي بس شوي؟
...؟ ما ابي اتاخر الحين الساعه7 ونص!
...؟ حبيبي انت .. 7 تو الناس ! تعال ابي مساعدتك!
...؟ ليش ما عندج احد بالبيت!
...؟ حمودي يا حياتي انت .. عندي صافيه بس البنت تلبس حرام اطلعها الحين !
محمد: ان شاء الله نازل وامري لله .. مع السلامه ...

صكرت التلفون منها ودخلت البيت .. احسها صارت حنانه من حملت .. بس احبها ايش اسوي طلبتها اوامر .. دخلت الصاله وانا اشوف صافيه طالعه .. روحي اقعدي بالسيارة الحين جاي .. كلمتها وانا رايح صوب غرفتي .. ردت علي : ان شااء الله بس لا اطول .. فتحت الباب ورفعت راسي ،، وقفت الساعه والنفس عندي اختنق بين الفم والانف .. طلع قلبي من مكانه .. ياربي ايش هذا .. شرايك حلو صح تكلمت وهي دور .. صكرت الباب وانا احس ان رجلي مو شلتني .. حلو!! من قال ؟ رديت عليها وانا اقرب اكثر ! وقفت عند الدوران وطالعتني يعني مو حلو كلمتني وهي اطالع نفسها..رفعت راسي وانا امسك يدها وقلت....

بواحة الأسرار منقود منقود لا*** لا اتكلم باللسان الطليقي

ترنيمة النهوند وترنيمة النود *** قام يعزفها حيل و أنا في ضيقي

يا ذا البشر يا راعي الخيل والذود ***كيف الخيانه لي تجي من رفيقي

ما كنت بأعشقها ولا كنت بأعود*** لين اكتشفت انه هواه حقيقي

في مقلتيك أنهار وبحور وورود*** لايق وفيك الوصف كله يليقي

يا معادي للنكس تستاهل الزود***وأنا لك بسمع الغرام استليقي

ارحمني بنظرة ترى نظرتك جود *** مشاعري نامت ولا قلت فيقي

ظميان قرب شفتك زيد الخود *** أخاف أموت فراق ما ابتل ريقي

صحيح أنا محبوب للبيض والسود*** لكن ما غيرك لقلبي عشيقي

إليا فتحت العين ألقاك موجود ***ذكراك ترسم صورتك في طريقي

ولا تشعل النارين يا مخصر العود *** أنا بليا عود زايد حريقي

.. سكت وطالعت شكلها من جديد مكياج غايه بالروعه شعرهاا مرفوع على فوق ومحطوط عليه اكسسوار قلب بالذهبي فستانها ذهبي معطي جسمها فتنه مو طبيعيه صندل كعب شبه عالي لدرجه انها صارت مقاربه لطولي .. شنو مو حلوة .. تكلمت مرة ثانيه وانا احط عيني على شفايفها .. قربت منها وانا احط يدي على ظهرها العريان واشد عليها بكل نعومه .. همست: انتي اروع من الجمال نفسه .. انتي نبض شرياني .. انتي .. قطعت كلامي وهي منحرجه وقالت: احبك !!! طق الباب اللي صحاني من حلم جميل جدا : يالله تراني خست بالسيارة صوت صافيه اختي اللي نسيناها برع!



في احد مساجد قطر .. مجموعه من اخوان الصالحين قاعدين على الارض ومسوين دائرة .. بينهم مزح وضحك ومرة جديه بالكلام والنقاش بس القلوب نظيفه وعامرة بالحب .. يعقوب وهو يشوف رقم العنود وقف وهو يقول : عن اذانكم شوي !! طلع برع المصلى ورد: السلام عليكم ورحمه الله وبركاته .. هلا العنود ،،
العنود: وعليكم السلام والرحمه الله .. هلا فيك .. شلونك ؟
يعقوب وهو يحس ان في شي : بخير يا قلبي .. سكت شوي غبي ايش قلت ان شاء الله ما انتبهت ! بس انفاس العنود تثبت انها ركزت على الكلمه ..
يعقوب: العنود بغيتي شي !
العنود: أي .. امممممممم االيوم عزيز جاء البيت وقال لي .. قطعت كلامها وانا اقول : ادري الرجال كلمني .. بس انا قلت الراي بيدج!
العنود: يعقوب انت تشوفها عدله البنت توها متوفيه من شهر!
اخذت نفس قوي وانا ارد:العنود انا ابيج في البيت عندي سالم محتاجج.. انا موافق على كلام اخوج الاسبوع الجاي او بعد عشرة ايام كل شي راح يتم !
العنود: بس .. بدون بس قطعتها للمرة الثانيه.. انتي جهزي نفسج وهذا الاهم.. يالله مع السلامه .. صكرت التلفون وانا اطالع السماعه.. ما راح تطلع من الجوال .. صوت فيصل اللي كان وراي.. لفيت عليه وانا منحرج .. شدعوه يا ابو الشباب .. هههههههه علقت وانا اضحك.. رد قال : ليش رضيت بالعنود ؟ سؤاله صدمني وخصوصا وانا اشوف نظراته: تبي الصج والا ولد عمه.. ما رد بس فهمت انه يبي الحقيقه كملت: يوم شفتها بالمركز وهي تطيح مغمى عليها حسيت انها برئيه ومظلومه والغلط اللي سوتها كان من اهمل الاهل .. انا ما الومك يا فيصل .. بس اللي حسيته اني اقدر اوقف معاها واكون حنون وبنفس الوقت اكون حازم وشديد .. فهمت ! رفعت راسي وانا احط عيني بعين فيصل .. انت تحب العنود وهذا واضح رد فيصل اللي صدمني .. حسيت انه يقرء اللي براسي .. ابتسمت وانا اهز راسي بـ أي !!



البيت كان ربشه وصوت المسجل عالي والاغاني مسويه جو بالحفله .. في معيذر بيت موضي كانت الاحتفالات قايمه على قدم وساق.. قولي ليش تاخرتي .. الجازي وهي تحن على راسي .. يا بنت الحلال ما تاخرت جيت بعدكم بربع ساعه رديت وانا اخذ دله القهوة والفناجيل قبل لا اطلع وقفت بوجهي : باسج او ضمج او يمكن عطاج كم كلمه حلوة ..ههههههههههههههه ضحكت وانا منحرجه: يا قليله الادب عيب .. لما تتزوجين راح تعرفين .. طلعت عنها وانا اسمعها تقول : اااااااااااامين بس متى ضحكت على خبالها وكملت شغلي .. وعقبها رحت وحطيت الدله وانا رايحه صوب المغاسل .. اسمعي انتي ! لفيت صوب الصوت الغاضب .. وتفاجاءت بـموضي وهي لابسه فستان ابيض ضيق عريان عند الكتوف ومكياجها زايد جمالها وتسريحتها مع وجهها صايره طفله .. هلا موضي مبروك وان شاء الله نفرح بعيالج .. كلمتها وانا اقرب علشان ابوسها بس الحركه اللي سوتها اصدمتني .. مسكتني من يدي بقوة وهي تقول : محمد كان لي وانتي خذتيه مني ,, بس ارويج الشغل عدل .. اذا ما خليتج تكرهين نفسج ما اكون انا موضي .. صدمه ثانيه اربكتني .. انتي شتقولين .. رديت وانا مو حاسه بشي والهواء خنقني .. اللي سمعتيه محمد لي اانا وبس .. دزتني على الباب اللي ضرب ظهري .. وطلعت .. طحت على الارض وانا اصيح بدون صوت مو صدقه الكلام اللي انقال والالم اللي بديت احس فيه بـ ظهري حطيت يدي على بطني وانا اتوجع .. ندى !! قومي رفعت راسي وانا اشوف بنت صغيرة بالعمر وهي تقول: لاتخافين لا هي والا عشرة من اشكالها يقدرون يسون لج شي !



في مكان ثاني كانوا الشباب يتهامسون على راشد اللي كان في قمه توتره! مع ان الليله هذي صارت من قبل له .. رن جوالي رفعته وانا مستغرب من الرقم رديت : الو نعم ..
...؟ شلونك محمد !
محمد: هلا بخير .. من معاي ؟
...؟ مها بنت عمك! ابيك ضروري تجي صوب المغاسل الله يخليك بسرعه!
محمد وهو خايف وحاس بتوتر مها: ابشري الحين جاي!

طلعت بسرعه من صوب الحديقه ورحت جهه اليمين صوب المغاسل .. شفت ندى ونقبض قلبي على شكلها كانت قاعده على الارض: ندى شفيج يا عمري! كانت تصيح وماسكه بطنها: اااه يعورني اااه ,, محمد شيلها ودها المستشفى واتصال لي وانا اقولك ايش صار،، تكلمت مها لفيت عليها وانا اشوفها تعطيني العبايه : بسرعه محمد بسرعه!! كانت مها تصارخ علي .. شلت ندى وانا اركض ما اعرف ايش صار بس شكل الموضوع كبير.. حطيتها قدام وربطت الحزام وانا اسمع وناتهااااا وقلبي يعورني عليها : حمود ولدي ! كانت تتكلم بهمس وهي تمسك يدي .. لا تخافين يا قلبي انا هنا معاج! رديت وانا اركب السيارة .. كنت مسرع لدرجه اني قطعت كل الاشارات الدوحه وكانت وراي دوريه " سيارة مرور" تطلب مني اوقف بس ما قدرت وما وقفت الا وانا في مستشفى النساء والولاده نزل الشرطي : انت ما تسمع الونان.. سكت يوم شافني اشيل ندى واطلب مساعده .. مسك الشرطي الباب وهو يصارخ على الموظف يجيب لي كرسي .. خذوها ودخلوها غرفه ما اعرف شنهي .. يد على كتفي صحتني : لا تخاف ان شاء الله بخير ! رفعت راسي وانا اشوف الشرطي وهو يعطيني علبه ماي ! بـهالوقت رن جوالي برقم مها بنت عمي !

الجزء السادس والعشرون،،


الساعه كانت 2ونص وصوت الجوال مسوي ازعاج .. اوووف انقلبت على الجهه الثانيه .. وانا احط سايلنت على الرنه .. بس الصوت المزعج بدء من جديد .. اللهم اجعله خير .. الو !! رديت بصوت كله تعب رد صوت ثاني كله خوف

...؟ عبدالله ،، انت معاي انا محمد!
عبدالله: هلا محمد .. عسى ما شر!!
محمد: اااااااااه .. ابيك تجي الحين انا تعبان!
حسيت بخوف ورديت عليه: محمد ايش صار .. ندى بخير !
محمد: لا ندى بالمستشفى .. تعبت امس بالليل !! انت تعال الحين!
عبدالله: جاي .. بس عشر دقايق .. صكرت التلفون وانا ادور وين الثوب .. لبست بسرعه ورحت الحمام "الله يعزكم" اغسل وجهي وانا افكر ايش صار.. طلعت برع الا العنود قدامي .. عسى ما شر شفيك تركض .. كلمتني وانا اخذ نفس .. واحد من الشباب سوى حادث وتوهم يخبروني .. كذبت وانا اقولها : لا تخبرين امي ! ان شاء الله سمعتها وانا متاكد انها شاكه بشي ! ركبت سيارتي وانا افكر بـ ندى! وصلت المستشفى باقل من 10 دقايق الشارع فاضي العالم فجر .. دخلت من البوابه وانا اتصل بـ محمد حسيت احد يمسك يدي لفيت .. شفته شكله مهدود وتعبان .. كلمته: محمد ايش صار ! رد علي وهو يقعد على اقرب كرسي: نزفت شوي .. والحين هي نايمه !! كمل وهو يفتح زر الثوب: الجنين بخير بس لازم تكون هنا علشان الملاحظه ويهتمون فيها! قعدت جنبه وانا اكلمه: ايش صار محمد ليش تعبت! رفع محمد راسه ونظراته كلها غضب وقال : اللي عرفته انها ما انتبهت للباب وانت تدري امس كانت حفله راشد.. واضاهر انها تشيل حاجه وكانت معاها بنت عمي الصغيرة ويوم طاحت خبرتني وجبتها على طول هنا! رفعت راسي وطالعت محمد وانا اشك بكلامه خصوصا وانا اشوف الغضب بعيونه ..



كانت تركض وانا الحقها تضحك وهي تلف جهتي وتدور حول الورود وهي اجمل ورده فيهم مسكت يدها وانا اقربها لحضني !! ضميتها بقوة وانا اشم عطرها وابوس شفايفها الناعمه واقربها مني وانا اهمس بشوق لها " لينا لا تروحين عني " بس صوت الازعاج اللي برع قومني من نومتي وحلم غريب سكن بعقلي وقلبي ! كنت مستغرب اني مرتاح لاول مرة بحياتي .. ما اقصد اني فرحان بوفاة لينا بس احس اني مرتاح مع ان احلامي كثيرة بالفترة الاخيرة بـ لينا .. انتبهت لصوت الضحك مرة ثانيه.. قمت من السرير وانا اتثاؤب وعيني طاحت على الدفتر الوردي من يوم خذته هو محطوط على الكميدينو والا فكرت اشوفه او حتى اقراه .. طلعت برع الغرفه والصوت يزيد ويجيني من تحت.. نزلت الدرج وانا عيوني صوب الصوت .. شفتها وقفت وانا مصدوم .. العنود! متى جيتي ؟! سالتها ونزلت اخر درجتين،، صح النوم ! تو الناس عادي الساعه الحين 11 وربع الظهر ! متى كنت ناوي تصحى! تهاوشني العنود وهي حاطه يدها على خصرها! ههههههههههههه ضحكت على شكلها ورديت: كنت تعبان والله وجسمي مهدود سالت العنود وانا اطالع نور: راح تقعدين عندنا !! ردت العنود وهي تبتسم لي : أي راح اكون وياك والبيت محتاج لامسه امرأة! ضحكت على كلامها ولفيت على نور وناديتها تجيني : حبيبتي ليش ما تبوسيني! جاتني وهي فاتحه يدها نور وهي تاشر على العنود : عموه انود لا .. هههههههههههههههه ضحكت العنود وقالت: صج ما تحافظين الاسرار .. انا ما احبج .. دزتني نور وهي تركض صوب عمتها وتمسك رجلها من تحت وهي شبه تصيح: عموه! ضحكت العنود وهي تشيلها وتضحك وياها.. ااااااااه وينج يا ندى المفروض انتي اللي معاي الحين! كنت افكر ونسيت البنات اللي دخلواا البيت!



الساعه 2 ونص الظهر وعبدالله ما جاء ,, وندى ما ترد على جوالها .. ابي اعرف السالفه وايش صار وحاسه ان الموضوع مو حادث مثل ما قالي عبدالله .. كنت سرحانه وجاء في بالي طلال خصوصا وانا في بيتنا من زمان ما دخلته .. واول مرة ادخله بعد اللي صار مع طلال!! تذكرت كلامه وكل شي صار ما بينا .. خذت نفس وانا اقول: ليش ما احد هوشني او عاقبني ليش ما حسسوني بالغلط اللي سويته لهدرجه يحبوني او يبوني اكتشف الشي بنفسي اختنقت الدموع بعيوني .. اووووف طلعت مني بقوه خصوصا ان صورة يعقوب دشت بنص عيوني .. انسان طيب يا العنود فكرت بهالنقطه .. ابتسمت و رفعت جوالي علشان اتصل على بيت يعقوب.. رن واااااايد ويوم قررت اصكر جاني صوت طفل.. الو !
مش عارفه ايش حسيت في ذيك اللحظه بس تكلمت وانا مبسوطه وقلت: الو .. شلونك حبيبي سالم!
سالم: طيب .. منو!
ضحكت بكل عفويه وانا اقوله : انا ماما العنود..
...؟ صج انتي ماما العنود .. توني اعرف!
صوت يعقوب وهو يرد اربكني لدرجه ان الجوال طاح من يدي!
سمعت صوت يعقوب يناديني .. شلت الجوال من الارض وقعدت عليها .. هـلا يعقوب .. شلونك!
يعقوب: بخير والحمدالله .. ايش صار عندج!
العنود: ما شي بس الجوال طاح وشلته!
يعقوب: المهم زين انج اتصلتي .. لاني كلمت عبدالعزيز وقلت له اني جاهز على الاسبوع الجاي!
خذت نفس وانا اوقف : انت مستعجل ليش.. رديت عليه وانا خايفه من موضوع العرس..
رد علي يعقوب : لازم استعجل انا محتاجج هني مع سالم .. صدمني كلامه يعني يفكر فيني كمربيه لولده .. طيب ومشاعري .. رديت عليه : يعني تبين خادمه لسالم .. قطعني واحس ان صوته فيه نوع من الغضب: اسمعي يالعنود انا خذتج علشان اللي صار واستر عليج واكسب اجر من ربي فيج .. والحين راح اثق فيج بتربية ولدي .. وانتي اللي تقرين انتي شنو بالنسبه للبيت اللي راح تعشين فيه .. وصكر التلفون بوجهي .. قعدت على الارض وانا اطالع الجوال .. ودموعي على خدودي .. ايش سويت صج غبيه !


فتحت عيوني وانا احس بالم اااااه طلعت مني وانا احاول اقعد .. حسيت بيد على كتفي رفعت راسي وشفت عبدالله اخوي: سلامتج من الاه وحمدالله على سلامتج! رديت وانا ابي اقعد وامسك بطني علشان احس بالجنين : الله يسلمك وكملت: ايش صار ! انتي قول لي ايش صار تكلم وهو يقعد على السرير ارتبكت وانا اقول : ضرب الباب ظهري وبعدين ما ادري.. سكت وانا اسمعه يقول: محمد سوى لج شي .. انصدمت من تفكير اخوي عبدالله .. وتذكرت موضي وهي تدزني : لالالالا محمد لا تقول جذي بالعكس حاطني فوق راسه .. تكلمت بسرعه علشان ما يفكر بشكل غلط .. سالته وانا ادور محمد: الا محمد وين ! رد وهو يوقف برع كمل وهو يقول: راح اخليه يدخل وانا رايح البيت بس اذا صار شي كلميني ! ان شاء الله ولا تقول لامي رديت عليه وهو طالع .. بعدها بدقايق دخل محمد .. جاء صوبي وهو يتفحصني من فوق لين تحت : تراني كامله وما شي ناقص" الكمال لله" .. كلمته وانا اشوف الخوف بعيونه.. ندى قولي ايش صار .. ابي افهم ليش سوت موضي جذي! انصدمت شلون عرف محمد.. انت شتقول؟! رديت وانا اتجنب الموضوع.. كلمني وهو يجلس جنبي ويرفع راسي ويحط عينه بعيني: ابي الصج قولي ! طالعته وانا خايفه اقول بس مضطرة هو يعرف واكيد البنت الصغيرة قالت له ،، اللي صار .. بديت اقوله اللي صار بالتفصيل ولون وجهه بدء يميل للاحمر دليل على غضبه!!


بدر انت تعرف رايي بالموضوع انسى عاد.. كلمته وانا معصبه على كلام اخوي وقفت ابي اروح غرفتي .. ما حسيت الا بيد بدر تسحبني علشان اقعد مره ثانيه .. اسمعي يالغاليه .. انتي تعرفين انج اغلى ما املك وانج احب انسانه لقلبي بس ما يصير جذي ,, لازم تتزوجيني وتفكرين بنفسج شوي ! سمعته لين خلص كلامه .. وقفت وانا اقوله : روح قبل لا اطوفك صلاة الجمعه.. ههههههه ضحك وهو يوقف: تصرفيني هااه بس معليه راجع لج يا اسووم وراح افتح الموضوع من جديد.. طلع وخلاني بحيرتي .. ليش يا بدر ليش ! انا ما ابي اتزوج بعد سعود ما ابي ! قعدت على الكرسي وانا اتذكر شلون كان قاسي واناني .. وكل يوم يعيشني بضرب من يصبح لين يمسي لين ربي رحمني وطلاقني وهو سكران وكانت الطلقه الثالثه.. تذكرته بعد الطلاق شلون كان يترجاني ارجع له وانه يحبني وندم على فراقي اوووف ليش تبيني اعيش اللي عشته قبل ليش يا اخوي .. 3 سنين وانا اعاني والحين ارجع للزواج لا والف لا ... اسماء وهي تفكر بحسرة وخوف من اللي جاي لها .. رفعت جوالي ابي اكلم ندى بس ما في رد : اوووف هذي بعد متفرغه ليش ما ترد ابيهاا محتاجه لها حيل !



على العشاء وتقريبا الساعه 8 وربع طلعت ندى من المستشفى بعد ما اخذنا التعليمات الازمه من الدكتور .. ركبتها وتاكدت من سلامتها وانا اشوف الالم واضح على وجهها .. وركبت وشغلت السيارة .. حبيبي ارجوك ما نبي مشاكل خصوصا انها زوجة راشد ،، كلمتني وانا افكر بالموضوع .. رديت وانا اخذ اللفه يمين : ما عمري فكرت فيها صدقيني يا ندى انتي اللي احب وانتي اللي تمنيتها العمر كله! مسكت يدها وانا اسحبها قريب مني .. كنت ابي احس بدفئ حضن يدها واتاكد انها ما صدقت كلام موضي وقفت عند مطعم المجلس ونزلت ورحت جهتها وفتحت الباب وانا اقول لها: اخاف كلامها ياثر فيج! مسكت يدي بقوه وهي تقول: افا تشك اني راح اخليها تاثر علي .. حبيبي انت عرفتني قبل لا اعرفك .. وثقت فيني وانا مش عندك الحين تقول هالكلام.. كملت واحنا داخلين المطعم : ممكن ما تعكر مزاجك وتعشيني تراني ميته من الجوع.. ابتسمت على ابتسامتها ولحقنا الرجال اللي دخلنا في غرفه خاصه .. جلسنا وانا اطالع ندى وامسك يدها وهي تحاول تكون مرتاحه .. ندى كلمتها وهي ترفع راسها لي قربت منها وانا ابوس خدها تكلمت وانا اقول: تحبيني! تغير شكلها وصار وجهه احمر : حمود احنا مو بالبيت! وقالت وهي تبعدني عنها : أي احبك بشكل ما تتصور طالعت يدها وقالت : صدقني ما توقعت احبك بهالدرجه ! ابتسمت وانا اعرف اللي تقصده مع هذا ما حبيت احرجها!


ابي اعرف ايش صار هي كانت بخير امس ! كلمت امي وانا اقعد جنبها على الكرسي ومشاهده التلفزيون بعد ما شفت امي تصكر التلفون،، تكلمت امي بحزن على حال ندى: والله ما اعرف يالجازي .. اخوج محمد كلمني بنص الحفله وقال ان ندى تعبت وداها المستشفى والحين اتصل ويقول انهم طلعوا .. ردت علي امي وانا مستغربه .. وكنت افكر ان ندى كانت بخير ومبسوطه بالحفله شلون تعبت اكيد في شي.. طالعت بموضي تدخل علينا الصاله وهي كاشخه مكياجهاا صارخ ولابسها قصير عند الركبه .. استغربت وانا اقولها: موضي صج ان اليوم صباحيتج بس اللي عليج يكون بغرفتج مع راشد مو عندنا وبالصاله ! والا نسيت ان البيت فيه رجال غير راشد،، احس اني احرجتها بس لازم تعرف: انبلا اعرف ان محمد موجود .. بس هو مو هنا وانا ابي اخذ راحتي شوي .. ردت علي بكل وقاحه وهي تتمايل .. لو ندى كان الحين بشيلتها وجلابيتها تستر نفسها علشان راشد اللي ياخذ راحته وما تحرجه بالطلعه والدخله .. قالتها وضحى وهي داشه علينا انا وامي ! وقعدت موضي وهي تحطت رجل على رجل وهي تقول: ندى غير وانا غير .. وانتي صاجه بهذي هي غير وطول عمرها راح تكون غير ! صوت راشد اللي ربكنا كلنا وكمل وهو يقول: قومي غيري هالخرابيط ولابسي شي مستور قبل لا تصير علوم! بهالوقت كان صوت محمد وندى وصل عندنا وهم يضحكون.. وضحى وصافيه طلعوا برع يركضون مشتاقين لندى وموضي دخلت غرفتها مع راشد وهي معصبه وامي كانت تدعى لموضي بالهدايه ولندى بالصحه والعافيه .. اما انا فـ كنت مبسوطه لرجعت ندى للبيت!

الجزء السابع والعشرون،،


في الدفنه في بيت بدء يسكنه الهدوء والتوتر.. نور كانت نايمه على الكرسي اللي انا قاعد عليه .. فيصل وهو مواجه العنود اللي كانت تصيح بشكل هستيري .. من يوم عرفت ان الخميس حفلة عشاءها وهي مو بخير .. مسكت يدها وانا اقول لها: العنود اذكري الله .. ليش كل هذا تراه زواج مو مذبحه! ردت علي وهي تحضني بقوة: اخاف يا فيصل يصير في يعقوب مثل ما صار لطلال! انصدمت وانا اسمع الكلام اللي طلع منها !! وبعدتها شوي وقلت لها: العنود اللي صار مع الولد انتهى من زمان يمكن من 4 شهور واكثر وبعدين احنا ما سكتنا عن اللي صار الا لسبب واحد ! رفعت راسها وهي تنطرني اكمل كلامي .. خذت نفس وانا اكمل للمرة الثانيه: يعقوب يا العنود هو اللي طلب منا ما نسوي شي! وخصوصا عبدالعزيز اللي كان شايل الدنيا فوق راسه! وحلفنا وقال انج امانه واحنا اللي اخطينا بحقج.. لاحظت انها انصدمت وقالت: يعقوب! هو كان هناك! تكلمت كانه شافت صورة يعقوب في بالها .. رديت وانا اقول لها: أي كان معاي اصلا هو اللي وقف معاي بذيك الفترة! سكت وهي بعد.. احس انها بدءت تهدء شوي وقالت: خلاص انا مستعده للزواج منه .. قمت وراحت تركض فوق وانا حاسه بشي غلط بالسالفه لا يكون العنود ويعقوب مو مرتاحين!! كنت افكر وما انتبهت لدخلت عزيز اللي مسك كتفي وقال: ياااا هو احنا هنا!



صار لي يومين من طلعت من المستشفى وبهالفترة احاول اتجنب موضي على قد ما اقدر .. احاول اكون مشغوله بـ حفله العنود اللي راح تكون بعد 4 ايام .. بس المشكله اني اشوفها دوم حتى لو شغلت نفسي كلمت اسماء وخبرتها بموضوع فيصل علشان اخفف على نفسي من جديد بس ما في امل!! صرت اخاف منها وخصوصا لما اتذكر اللي سوته فيني .. وصار وقت تجمع العايله يجمعني فيها يعني الغدى وبعد صلاة العصر والمغرب والعشاء .. تقريب طول اليوم .. كنت افكر وما انتبهت بيد محمد اللي كان يحركها قدام وجهي !! حياتي وين رحتي .. كلمني وطلعني من تفكيري .. مسكت يده وانا ابوسهاا .. رديت: حبيبي اسفه والله كنت افكر ان صار لزواجنا 3 شهور تقريبا .. امممم وانت تعرف اني تخرجت من الكليه وصار عندي اجازة شهر .. وانا اخذت من الدوام تفرغ لمده شهرين واحد منهم بدون راتب .. واليوم كلموني يبون ادووم من يوم الاحد الجاي .. كنت اتكلم وانا اشوف تغيرت وجهه! سكت انطر رده.. وقف وهو يقول: ندى انا قصرت بشي معاج.. وقفت وانا ما زلت ماسكه يده: لا يا محمـ..... حط يده على شفايفي قبل لا اقول اسمه .. وحط عيني بعيونه وقال : انسى شي اسمه دوام انتي الحين جزء مني وانا اللي راح اصرف عليج! تضايقت من هالنقطه وانا اكلمه وابعد عنه: بس ما يصير انت وافقت على شغلي واعرف انك شايلني على راسك واي شي ابيه تجيبه بطيب خاطر.. بس الشغل راح يطلعني من جو البيت وموضي .. راح صوب الباب وكلمني وهو معطيني ظهره: الكلام اللي قلته ما اعيده مرتين ما في دوام يعني ما في .. طلع وانا مصدومه .. ليش يا محمد ليش!



كنا نضحك بصوت عالي واللي مريحني ان سالم مرتاح على وجود العنود .. دايما يسألني متى تجي ماما العنود .. وانا احب هالسؤال لاني بعد اتمنى وجودها .. رن جوالي وشفت اسم فيصل : السلام عليكم ورحمه الله وبركاته .. اخبارك فيصل ؟!
فيصل: وعليكم السلام والرحمه .. طيب طاب حالك.. انت اخبارك وسلوم شلونه؟
رديت وانا اضحك: سلوم طيب بس انا اللي مستعجل .. طمئني فيصل ايش صار؟
حسيت انه تاخر شوي بالرد بس عقبها وصلني صوته وهو يقول: يعقوب انا امنتك العنود وادري انك قدها وقدود .. بس حاس ان في شي ما بينكم!
كلامه خوفني لا يكون العنود قالت لفيصل رديت وانا اخذ نفس قوي: ما في شي يا ابن الحلال وانت تعرف شلون اعز العنود وابيها!
رد علي فيصل: وهذا اللي مطمئني من جهتك .. بس ترى اللي بقوله لك يمكن ياثر شوي عليك ..
حسيت برجولي تنشل مكانها: خير ان شاء الله قول عسى ما شر!
فيصل وهو يحاول يهدي من خوفي اللي وصل له بدون ما اقصد: اذكر الله يا بو سالم .. المشكله ان العنود لين اليوم تفكر بـ طلال .. او يمكن خايفه باللي صار معاها يتكرر معاك بعد.. يعقوب انت معاي ! رديت وانا احس بشي يحرقني ويحرق صدري من طاري طلال: أي انا معاك .. بس ما فهمت ايش تقصد بكلامك!
تكلم فيصل يوضح لي الصورة اكثر: العنود تخاف عليك لا تموت وتخليهاا بروحها! صدمني يعني العنود مهتمه فيني حتى لو بشكل غير مباشر .. ما عرفت ليش حسيت بالفرحه وانا اطالع سالم وهو يحفر بالتراب.. رديت على فيصل: كتب الله ما شاء فعل .. واذا ربك رد الشي يقول له " كون فيكون" لا تخاف وكل شي بيكون ماشي باذن الله طمئن اختك وريح بالها وان شاء الله ما يصير الا الخير .. صكرت من عنده بعد السلام .. وجلست جنب سالم اللي بدء يسال من جديد: وين ماما العنود ..!!



...؟ لازم تعرف وهذا من حقك انت داخل على زواج!
...؟ بس كلامج يخوف يا ندى! تحسسيني ان شي كبير صاير!
ندى: فيصل اذكر الله .. اللي بقوله انا استئذانت فيه اسماء قبل.. وهي طلبت مني اخبرك!
فيصل وانا خايف لا يكون شي كبير وندى تحاول تخفف علي: قولي وانا اسمعج.. خذت ندى هواء وقالت: اولا اسماء اكبر منك بـ 3 سنين وانا ادري ان العمر ما يهمك .. وثانيا اسووم كانت متزوجه ! قطعت كلام ندى وانا اقول: يعني الحين هي ارمله! ههههههه ضحكت ندى وهي تقولي : يا ابن الحلال انت ليش مستعجل خلني اكمل.. هههههههه ضحكت على تعليق ندى .. كملي يالله انا اسمع كلمتها وانا انطرها .. انزين اسمع عيل قلت لي: زوجها او طليقها كان قاسي عليها يعني يضربها ويطين عيشتها وغير هذا كان سكير من الدرجه الاولى! اللي اعرفه انه طلقها وهو سكران وكانت الطلقه الثالثه .. قطعت كلام ندى: ما عندها اهل؟! .. ردت ندى وهي تتنهد: الله يرحمهم .. ما عندها الا بدر اخوها الصغير .. اعتقد عمره 24 او 25 ما اعرف بالضبط .. بس ما يقدر يسوي شي بذيك الفترة .. بس اللي ابي اقوله لك الحين ان طليقها يحاول يرجعها .. فاذا انت ناوي اخلص وخطبهاا.. سكتت ندى وانا منصدم ايش يبي بعد اللي سواه فيها .. كنت افكر ونسيت ندى على التلفون .. فيصل .. صوت صراخ ندى رجعني للواقع : هلا هلا .. رديت بسرعه وانا اضحك عليها .. قالت لي : ترى اسماء خبرت اخوها عنك يعني شد حيلك! صكرت من ندى وانا افكر بكلامها !!



طقيت الباب وانا انطر رد من داخل ،، بس الباب انفتح بوجهي .. هلا وغلا تو ما نور المكان .. رحبت فيني وخلت الكلام اللي اقوله صعب .. الجازي شبلاج؟! سالتني ندى وانا اطالع عيونها .. رديت وانا شبه منحرجه بس لازم اسوي اللي براسي .. ممكن اكلمج شوي! قلت كلامي وندى تسحب يدي وهي تقول: اكيييد ممكن تفضلي حياج ! ههههههههه ضحكت عليها وانا اقول : اشوف محمد ما يطلع من الغرفه ! ضربتني ندى وهي تقول : ايش قصدج ! رديت وانا امسك مكان الضربه: من الكلام الحلو اللي يشجع على القعده عندكم! هههههههههه ضحكت ندى وانا اشوف تحركتها .. احس صحتها صارت زينه وخصوصا وهي حامل!! هي بشهرها الثاني وشكلها يجنن! ليش اطلعيني جذي! سؤالها رجعني عندها وانا اقول: ممكن اتكلم ابي اقول شي! شفتها تقرب مني وتجلس جنبي على الكرسي .. شفيج جوجو صاير شي! رفعت راسي وانا اطالع سقف الغرفه: انا احب يا ندى! ما كان في صوت الهدوء اللي بغرفه غطى على المكان،، وبعدها لفيت راسي وانا اشوف الصدمه بعيونها كملت وانا اقول: فيصل ولد خالتج هو حلمي بهالدنيا،، شهقت بصوت عالي وهي توقف من على الكرسي : ايش تقولين فيصل! استغربت من رده فعلها وقلت : أي فيصل ! تكلمت بسرعه قبل لا اكمل وقالت: بس فيصل خطب وامي راح تكلم البنت قريب! انصدمت وما قدرت اشوف قدام عيوني .. فيصل فيصل راح !



بعد اللي صار من نقاش بيني وبين ندى من يومين عن الشغل وانا احس ان في شي متغير فيها .. بس اانا ما ابيها تشتغل ابيها لي وقدام عيوني .. ادري ان مجال شغلها تغير من تمريض الي ادارة مكاتب بس بعد ما ابيها تشتغل .. طالعت الساعه شفتها 9 بالليل كنت بالصاله انطر احد يتكرم ويطلع لي لاني بروحي .. اليوم الاربعاء والكل متحمس لحفله العنود بنت خاله ندى .. بس الجازي هي اللي كانت غير مهتمه مع ان العنود اعز صديقاتها! كنت شاك بشي بس ما عندي دليل على تصرفات الجازي وخصوصا بعد كلام وضحى وندى بعزاء منيرة .. شلونك محمد؟! رفعت راسي اشوف من اللي يكلمني وشفت موضي وهي واقفه ولابسه تنورة طويله سوده مع بدي ضيق على جسمها ولونه احمر .. وحاطه مكياج ناعم وشعرها قصير عند اذنها.. صديت بسرعه وانا اقول لها : تغطي يا موضي تراج مو حلال علي ! هههههههه ضحكت بصوت ناعم خلى الدم يجري بغضب داخل صدري : بس انا بنت عمك وتربينا مع بعض ! ردت علي وهي تقرب من صوبي.. وقفت وانا امشي رايح صوب غرفتي لاني اختنقت من حركاتها والا ابي احد يشوفنا مع بعض .. بس موضي مسكت ذراعي وصدمتني بحركتها الجرئيه لفيت وانا شبه مقهور ما اعرف ايش اسوي قربت مني وهو تقول: على وين تو الناس!... محمد ! صوت ندى اللي طلعني من جو موضي ! لفيت جهة صوت ندى وانا مرتبك من وضعنا ,, جاءت صوبي وعيونها بعيني.. حطت يدها على يد موضي وهي تقول: احترمي نفسج وصوني البيت اللي انتي فيه .. وتذكري ان وراج رجال ينشد فيه الظهر ! وعن اذنج !! اسحبت يدي من يد موضي ورحنا للغرفه !! كنت مبسوط على كلام ندى يعني هي ما تشك فيني .. حطيت يدي على كتف ندى ودخلنا الغرفه وموضي واقفه مصدومه من هجوم ندى! طلعت ندى بعد ما دخلنا الغرفه وعند الباب ناديتها وهي معطتني ظهرها: ندى .. بس صوت ضحكها قطع كلامي.. هههههههههههههههه ضحكت ولفت علي وقالت: سوري قلبي قلت محمد وانت ما تحب اناديك بااااسمك !!

الجزء الثامن والعشرون ،،



الجو برع مربوش اصوات وضحك وتحضير وتعديل والازعاج واصل اخر الدنيا .. ما كانها حفله عشاء اللي يشوف اللي يصير يقول عرس كامل .. كنت اراقب تصرفات اللي قدامي واللي هم بنات خالتي وبنات بناتها واللي كانت تشد انتباهي ندى ! شكلها غير وهي لابسه جينز ازرق غامق وتي شيرت وسيع على جسمها.. عذبه وهي تضحك ابتسامتها معطه وجهها جاذبيه واللي مخليني مبسوط تمسك نور فيها وين ما تروح .. انتبهت لندى تروح جهه المطبخ وبيدها اغراض لحقتها بسرعه وهي مو مركزه على وجودي .. اوووف هذا وين احطه ! كانت تسولف بروحها ابتسمت وانا اقول لها: اساعدج فيهم ؟! لفت صوبي وشفت الصدمه بعيونها : عبدالعزيز ! رديت عليها وانا اقرب منها : عيونه وروحه وقلبه ! تغير لون وجهها وصار الوان ونزلت راسها اللارض .. قربت اكثر لاني مشتاق اشوفها من قريب : ندى شلونج .. من يوم تزوجتي ما شفتج الا يوم الصباحيه! رفعت راسها وانا اشوف نظره فرح بعيونها وقالت:اولا المفروض ما تقول الكلام اللي قلته .. ثانيا انا بخير والحمد الله طيبه ومحمد مريحني ومخليني اميرة .. تصدق عزوز ربي عوضني في محمد خير الكون كله .. تكلمت وهي مبسوطه وانا من داخل اموت الف مرة كل اللي قلته: ربي يوفقج يارب! اااااااااااامين قالت هالكلمه وهي تطلع تكمل باقي الشغل ! وانا وقفت اراقبها من بعيد وانا اتذكر واعيش ذكرياتي بروحي ..


ابيك تحط هذا هني .. رفعت يدها على المكان اللي تبيه .. لفيت صوب ندى وانا اشوفها وهي لابسه تنورة ورديه قصيرة عند الركبه مع بلوزة ورديه مزخرفه وشعرها مرفوع على شكل ذيل الحصان .. ولابسه صندل وردي ناعم ! اسف ما اقدر واذا تبين الشي قولي لو سمحت عبدالعزيز! طالعتني وقالت : ما ابيك فيصل راح يساعدني .. مسكت يد فيصل اللي وقف وهو يقول : ان شاء الله كم ندى عندي ! ابتسمت ندى له وهي تبوس خده وتقول : شكرا !! في ذيك اللحظه مادري ليش كرهت اخوي فيصل مع ان ندى طفله وعمرها ما تجاوز 10 سنين وفيصل بعمرها .. بس الغيره لها دور وخصوصا مع ندى!



احس اني مو متوازنه والجو متكهرب حولي مو مصدقه ان اليوم بروح بيت يعقوب .. كنت خايفه وابي احد يكون معاي .. انفتح باب الغرفه ولفيت اشوف من اللي دخل .. لقيت عزيز يطالعني وهو يبتسم لي قرب مني وهو يقول: مبروك يالعروس ! هههههههه ضحكت وانا اكلمه: اجوك لا تزيدني بروحي خايفه! طالع الساعه وقال: ترى الساعه 7 ونص باقي وايد الحين بروح عن الرجاجيل والجو تحت عجيب البنات مسوين حركات حلوة .. رد طالع ساعته مرة ثانيه وقال :تبين شي ! قمت من مكاني رايحه صوبه وحضنته بقوه وقلت: عبدالعزيز انا اسفه والله على كل شي سويته ارجوك سامحني ! ضمني عزيز لصدره : العنود ما في انسان ما يغلط بس لازم نتعلم من غلطنا وانا واثق انج تعلمتيه صح .. رديت عليه بسرعه وانا اقول: الحمدالله تعلمته والفضل يرجع بعد الله لندى ! قلت كلامي وانا اشوف ملامح عزيز اللي تغيرت .. وعقبها قلت له: اتمنى تجيب بنت قمر مثلها ! شفت عزيز يرتجف بقوه وهو يقول: شنو .. ندى حامل ! الصدمه اللي بعيونه خلتني اخاف .. رديت عليه : أي حامل من شهرين تقريبا .. او الاصح من وفاة لينا عرفنا انها حامل .. سالته وانا اشوفه وهو مخنوق: ليش انت ما تدري ! يالله يا حلوة جيت علشان اعدلج.. صوت ندى قطع علينا الكلام.. لف عزيز صوب ندى وطالعها لفترة وندى مستغربه وانا خايفه من ردت فعله .. بعد 5 دقايق طلع وندى بدت تعدلني وتحط لي مكياج يناسب هاليوم!



يالله عاد لا تصير سخيف واقعد معانا .. والا ترى انادي لك المدام الحين .. كنت اكلم محمد اللي يبي يروح قبل لا يحضر الحفله.. رد علي وهو يضحك: فيصل خل المدام على صوب .. انا جاي علشان ابارك واسلم على يعقوب واروح عندي دوام على الساعه 8 .. تكلم يعقوب وهو جاي صوبنا: مو الضابط عبدالله نسيبك .. يا اخوي استغله وقول انك راح تتاخر شوي ! هههههههههههه ضحكنا انا ومحمد على كلام يعقوب.. ما احد راح يطلع من البيت الا بعد العشاء صوت عبدالعزيز اللي جاءنا وهو يهدد ! سلم محمد على عزيز بس اللي شفته ان اخوي مو متقبل محمد .. تكلمت وانا اشوف الضيف اللي جاي : يا جماعه دخلوا المجلس ! في لحظه اللي دخلوا فيها الشباب رحت جهه الشاب اللي كان جايني ! السلام عليكم ورحمه الله وبركاته .. رد علي السلام وسلم علي وبارك لي !! وعقبها قال : انا بدر ولد علي .. ابتسمت وانا اقول بقلبي وان شاء الله راح تكون النسيب ! حياك الله تفضل تو ما نور البيت ! ابتسم وقال : منور باهله والله .. دخلنا المجلس وعرفتهم على بدر ,, ويعقوب يطالعني وهو يضحك على شكلي !


دخلت على البنات بغرفه العنود وشفتهم كاشخين من قلب ! واحلاهم طبعا ندى .. السلاااااااااااام عليكم .. لفوا البنات صوبي وهو يردون السلام .. يا قلبي عليج يا ندى قمر .. اخاف انتي العروس ؟ كلمت ندى وانا اسلم عليها .. هههههههههههه ضحكت وهي تقولي : افا اسووووم عيل الغزال هذا ايش نقول عنه .. لفيت صوب العنود والله كانت حلوة .. قلت لها : وع من قال ان هذي غزال .. قولي غراب او ايش شي الا غزال ..ههههههههههههههههههههه ضحكنا وانا اشوف العنود توقف وتجي صوبي وهي تقول : والله لو مو الفستان كان مسحت فيج الارض .. ههههههههه ضحكت وطالعتها : يالله انزلوا ترى العرس تحت مو فوق .. طالعت انا وندى وظبيه وخلينا فطووم وياي العنود فوق .. ايش فيج شكلج تعبان .. سالتني ندى وانا اقعد جنبها على الكرسي وقلت: ندى انا موافقه على فيصل على الاقل انسان يخاف الله .. ردت علي وهي تحط يدها على كتفي : ليش صار شي ! خذت نفس قوي وانا اقول: سعود رجع يخطبني من بدر مرة ثانيه! شفت ندى وهي تاخذ جوالها وهي تقولي : خلاص من باجر انتي حرم فيصل .. طلعت برع صوب المطبخ وانا قعدت مع البنات ننظر العنود تنزل ..


طلعت برع ابي اشم هواء وقفت عند الحديقه علشان اتنفس مش عارف ليش انا مخنوق .. لفيت جهه صوت بنت تضحك .. ما كان قصدي اراقبها بس حركاتها مالوفه عندي .. كانت لابسه فستان وردي طويلا ومخصر جسمها وشعرها مفتوح واصل نص ظهرها وكنت تلعب بشنطتها وباليد الثانيه جوالها .. سمعتها وهي تقول: فيصل استعجل ترى البنت مواقفه بس تبيك ليش ما تستعجل .. قربت منها اكثر وانا اشم ريحه عطرها الناعم عرفت ان هالبنت هي ندى،، سبحان الله في الوقت اللي انا طلعت هي برع .. ابتسمت وانا اشوفها تصكر الجوال وتمشي رايحه صوب الباب .. نديتها ندى على وين رايحه ! وقفت شوي وانتبهت انها تحاول تلف صوبي بس متردده .. كلمتها : ندى شبلاج ! لفت صوبي واسحرتني ! مكياجها روعه بالوان الوردي عيونها عذاب يا عالم .. هلآ حبيبي ليش انت برع ! سمعت صوتها وانا بعالم غير العالم كنت احلم فيها وهي قدام عيوني ! رديت وانا احس اني خلاص : مشتاق لج .. انحرجت وهي تقول : وانا اكثر .. سكتت اطالع الارض وانا قربت صوبها مسكت يدها وشديت عليها بقوه: انتي زعلانه مني ! ما ردت علي كنت اتلذذ بشوفتها وهي منحرجه وانا عارف انها زعلانه وخصوصا بعد نقاش الشغل .. كلمتها وانا اقرب منها اكثر لدرجه جسمي لصق بجسمها: نتفاهم بالبيت ,, حطيت خدي على خدها وخذت هواء وكملت: انا طالع الحين رايح لدوام اذا خلصتي كلميني .. رفعت راسي شفتها تبتسم وقالت : حمودي انا احبك !


دخلت البيت بعد ما حسيت اني خلاص مو قادره على بعد محمد عني ... اشتقت له ولحضنه ودعته وهو رايح لدوام بعد ما عبرت عن شوقي له .. في قمت تفكيري ما انتبهت للي قدامي الا انا وبحضنه حاولت ابعد اشوف من هذا بس اللي معاي حضني بقوة لدرجه اني انحبست بصدره !! وحشتيني صوت عبدالعزيز وهو يحضني اكثر .. عبدالعزيز اتركني .. ما يصير جذي !! تكلمت وانا احاول ابعد مرة ثانيه ! بعد شوي بس ما تركني كانت يده على ظهري ويشد علي اكثر وهو يطالع عيوني : ندى هذا انا عبدالعزيز! كلامه خلاني انقهر رديت وانا في قمه عصبيتي : وانا على ذمه رجال وحامل بولده .. وانت المفروض تحترمني لاني بنت خالتك مو من الشارع! نظراته كانت استغراب على غضب وهو يقول: انتي لي يا ندى ومستحيل غيري يعيش بحياتج غيري ! انصدمت من كلامه دزيته باقوى ما عندي وانا اضرب رجله : انت مجنون .. ركضت بسرعه صوب باب الصاله علشان ما اشوفه .. دخلت على نزلت العنود وهم يزفونها والفرحه بعيون الكل .. بس انا من داخلي قهر وخوف .. عزيز مجنون رسمي .. كنت افكر وجاتني اسوم وهي تقولي : شبلاج ندى تعبانه ! رديت عليها : لا يا قلبي خليني نشوف العنود قبل لا تطلع مع يعقوب ..


وقفت يوم سمعت عبدالعزيز يناديني .. وكنت اشوفه متضايق انقبض قلبي خفت ان الموضوع تغير او تاجل .. كنت افكر وانا رايح صوب عزيز.. شبلاك يا رجال في شي ! كلمت عزيز وانا طالع معاه .. لف صوبي : لا تخاف يالنسيب ما في شي بس الباب ضرب رجلي وانا طالع من الصاله .. ههههههههههههه ضحكت عليه وانا اقول: سلامتك ما تشوف شر يا بو نور! ابتسم وهو يقول : الله يسلمك .. ومبروك ! وصلنا للمجلس الداخلي وانا قلبي يدق بقوه .. مع ان هذا الزواج الثاني لي .. بس كنت خايف وقلبي في بطني .. انفتح الباب وانا عيوني ادور العنود .. شفتها وهي منزله راسها روعه بالفستان الاصفر جسمها مرتب وصدرها عاري ما في شال يغطي كتقها .. ولابسه صندل عالي شوي .. لف عزيز وقال : تفضل وانا رايح اجيب السيارة.. طلع وصكر الباب وراءه وانا قربت من العنود: مبروك وان شاء الله اخلي ايامج سعاده .. رفعت راسها وانصدمت من الجمال اللي قدامي من الصدمه قعدت على الكرسي القريب .. فيك شي يعقوب انت بخير .. كانت خايفه وهي تكلمني ..جلست جبني وهي تمسك كتفي تبي تتاكد اني بخير.. انحرجت من نفسي وضحكت وانا امسك يدها وقربها مني علشان ابوسها وقلت: مو مني يالغلا من القمر اللي قدامي .. شلون اكون بخير يالعنود قولي ! ابتسمت وانا اشوف الاحراج بعيونها ..قربت صوبها وبست راسها وهمست لها : واخيرا يالعنود راح تكونين عندي واخيرا !

الجزء التاسع والعشرون ،،

كنت ارتجف وانا على سيت السيارة .. كنت ارقب واسمع كلام عزيز ويعقوب بس ما كنت اشاركهم .. عزيز هو اللي يسوق ويعقوب يسوالف عليه ويمزح .. كلامهم حلو ويعجبني بس ما زالت خايفه خصوصا من اللي جاي .. وقف عند بيت شعبي شكله حديث البناء .. البيت ابيض من برع والباب من الزجاج .. نزل عزيز ويعقوب يعني وبالعربي انزلي بعد يالعنود بس رجلي كانت ثقيله .. انفتح الباب اللي عندي ومد يعقوب يده علشان انزل .. رفعت راسي وانا اشوف عيونه عذاب ياربي .. شلون راح اتصرف وياه كنت اكلم نفسي وما حسيت الا بيد يعقوب تمسكني من كتفي وتصحيني ؟؟ العنود عسى ما شر انتي معاي ! كلمته وانا امسك نفسي لا اصيح : أي معاك ! طيب ادخلي تراج واقفه من 5 دقايق عند الباب كلمني وهو يمسك يدي .. نزلت راسي وانا اقوله: اسفه ما ركزت اني نزلت من السيارة..ههههههههههههه ضحك وصوت ضحكته دخلت راسي وقلبي على طول : لا حالتج صعبه ! تفضلي .. فتح الباب وانا ادخل للصاله كانت حلوة وصغيره صج بيت عادي بس احسه اجمل بيوت العالم .. وصلت عند الكنب وقعدت قرب مني وقال: افسخي العبايه .. والا راح تقعدين فيها .. رفعت راسي وقبل لا اتكلم .. بابا جيت !! صوت عذب قطع الحوار اللي بينا .. لفيت جهه اليمين اشوف ولد نسخه من ابوه عيونه , خشمه , ابتسامته ، شعره ، حتى لو بشرته ابوه ابوه يعقوب بس صغير ! بدون ما انتبه شفت سالم بحضني ويقول: ماما انود احبج!! وضحكات يعقوب صدها بالمكان !!


دخلت البيت والساعه 2 ونص بالليل .. راشد اللي جايبني مع خواته البنات وضحى وصافيه كانوا معاي بالحفله اما الجازي رفضت تجي عشاء العنود وكنت تصيح وقلبي عليها مكسور .. دخلت البيت لقيت ابوي بالصاله: السلااااااااااام عليكم شلون الغالي .. عساه مرتاح .. رفع راسه وهو يصكر كتاب القران اللي بيده وقول : صدق الله العظيم .. عليكم السلام هلا والله بالغلا .. يمه وينج عني اليوم ! كلمته وانا ابوس راسه: يا قلبي اليوم عرس بنت خالتي نسيت! انا خبرتك حتى قبل محمد! ابتسم وهو يمسك يدي ويقول: اخبار الحمل وياج يالغلا .. قبل لا ارد صوت راشد قطع علينا الكلام: شدعوه يبه احنا عيالك بعد والا صرنا في خبر كان ! لفيت علي راشد وانا ابتسم له من تحت الغطى لان وجهي مكياج وما يصير اكشف: افا عليك يا اخوي انتوا الداشين وانــ .. قطعت كلامي وضحى وصافيه وهم يتكلمون بصوت واحد: بالعكس ! هههههههههههه ضحكنا على دخلت موضي .. تو الناس كان نمتوا بعد صوتها خلنا نسكت وكلامها صدمنا كلنا ! اقول انتي اخر من يتكلم .. صوت محمد اللي صدمني قبل الكل .. اللي اعرفه ان محمد يرجع الصبح على الـ7 رحت صوبه وانا اسحبه صوب الغرفه بس ابوي وقفني وقال: اسمعي يا بنت فهد .. بناتي انا المسؤول عنهم واذا ربي خذاني محمد هو اللي يمسك البيت من بعدي ! تكلمت موضي تحاول تبرر موقفها: بس يا عمي الوقت متاخر وهم ,, اسكتي اذا ابوي تكلم انتي تسكتين ! صوت راشد اللي هز البيت .. في هالحظه مسكت يد محمد وانا خايفه من الموقف كله .. اللي صحى امي والجازي وحتى الخدم !



صار لنا شهرين على اللي على الاحداث اللي راحت .. العنود تحاول تسعد يعقوب مع انهم منفصلين والكل منهم ينام بغرفه بس تحاول توفر لهم اللي يبونه .. وبنفس الوقت تحس ان نظرات يعقوب شفقه مع عطف لها وهالشي يخنقها ..


اسماء واقفت على فيصل اللي خطبها من اخوها بدر بشكل رسمي والملجه صارت مع نوع من التحفظ من اسماء جهه فيصل وخصوصا بعد اللي شافته من زوجها او طليقها سعود ..


راشد بدء يمسك موضي من يدها اللي تعورها ومع هذا كانت موضي تستخدم اسلوبها الحقير مع ندى من تحت لي تحت بدون علم احد ..


محمد يحاول يبعد ندى عن المشاكل وعلى هالاساس خلى ندى ترجع لشغلها علشان تكون برع البيت وبدون ما تمسك لها موضي الزله بالطلعه والدخله .. مع رفضه الشديد للسالفه الشغل !!


ندى بدء بطنها يبين من دخلت نص شهرها الخامس والكل مبسوط لها بس هي تخاف من المشاكل اللي في البيت وتحاول تبعد عن الكل بدون استثناء ..


الجازي ترسم وتخطط لفيصل اللي ما يدري عن هواء دارها وتحاول بجميع الوسائل للوصل له وتبعد اسماء عنه..

وضحى تلعب لعبه ما راح تسرى لا عدو والا صديق بس بدون ما يحس اللي معاها بشي .. والله يستر !

عبدالعزيز اللي سافر لكويت لهدف غير معروف واخذ معاه بنته نور وقرر يبع البيت اللي بقطر بعد رفض العنود وفيصل السكن فيه!

...؟ بس انا ابيها اليوم تكون عندي .. واللي اقوله المفروض صاير من زمان !!
...؟ بس طال عمرك انت طلبت الاوراق من 5 دقايق وتحضيرها ياخذ وقت ..
...؟ هذي مو مشكلتي يا منصور .. المفروض هالمناقصه جاهزة من اسبوع !
منصور وهو مستغرب تغير حال مديره: ان شاء الله استاذ عبدالعزيز .. عطني 10 دقايق وتكون عندك !

قبل لا يطلع منصور من مكتب عبدالعزيز .. جاءه صوته وهو يقول: منصور !! تعال ابيك ؟! لف منصور وهو ضايق من صوت عزيز العالي عليه وقف قريب من المكتب وقال : سم طال عمرك ! وقفت وانا رايح صوبه : انا اسف والله اني تعبان وما كان قصدي .. لا تاخذ بخاطرك مني تراك غالي يا منصور وغلاتك من غلا الاهل وانت عارف .. ابتسم منصور لي وهو يقول: معذور يا اخوي بس قولي وش بلاك .. صرت ما اعرف انت من ! جسمك نحل وطبعك تغير الكل ملاحظ وانا اخوك !! ااااااااااااه يا منصور قلت له وانا اتنهد من كل قلبي : ما اقدر انساها ما اقدر .. حط يده على كتفي وقال لي منصور: اطلب لها الرحمه وانا اخوك ؟؟ لفيت صوبه وانا مستغرب: حق من اطلب الرحمه ! طالعني منصور وهو عاقد حواجبه : ام نور .. انت ما تتكلم عنها !! صديت لجهه الثانيه وانا اقول: ندى بصوب ولينا بصوب .. وانا ضايع ضايع !! وفجاءة جاءت ذكرى الدفتر الوردي براسي من عطاني اياه سعد والا فكرت اشوف ايش فيه ! كلمت منصور وانا اطلع من المكتب بسرعه: دير بالك على الشغل عندي شي مهم اسويه واجيك .. وهالله هالله بالمناقصه تراها مهمه ! ابشر ما طلبت شي رد علي منصور وانا اركض في الممر صوب الاصنصير راح البيت !!


قلت راح تشتري لي الدفتر الوردي بس ما شريته .. عزيز انا ما احبك ؟؟ ههههههههه ضحكت على ندى وهي معصبه وعاقده يدها الصغيره على صدرها دليل الغضب .. قربت منها وقلت : ليش الوردي في غيره .. شرايج بالاصفر هذا .. مسكت الثوب وتبي تجرني تحت عندها .. كانت ندى ما تتعدى خصري وهي بالاول الاعدادي .. انا قلت لك وردي يعني وردي .. عزيز علشان خاطري .. طالعت عيونها اللي تلمع من الدموع اللي على وشك الهبوط .. مسكت وجهها بيدي الثنتين وانا ابوس راسها : ان شاء الله يا قلبي كم ندى عندي .. هههههههههههههه ضحكت وقالت : بس انا !



رنه التلفون بالجهه الثانيه كانت عذاب لي يالله عاد رد اوووف .. كنت احترق مع كل رنه لين جاءني صوته ..

...؟ السلام عليكم ورحمه الله وبركاته .. هـلا !
...؟ وعليكم السلام ورحمه الله .. هلا فيك .. شلونك !
...؟ بخير الله يسلمج .. انتي اخبارج عساج بخير ؟!
...؟ الحمدالله .. فيصل ابي اشوفك اليوم ضروري ممكن تجي البيت!
فيصل واحس بصوته استغراب: أي ان شاء الله بس عسى ما شر فيج شي .. بدر بخير !
اسماء: أي الحمدالله بدر طيب وانا ما فيني الا العافيه .. بس ابيك بموضوع ضروري ..
فيصل : خلاص عيل بعد المغرب راح اجيج !
رديت عليه بسرعه : لالالا بعد ما تطلع من الشغل تجي تاخذني من الدوام ونروح البيت سوى! انا خبرت بدر وقال لي اوكي ..
فيصل : اسماء بديت اخاف .. فيكم شي ..
مادري ليش حسيت انه مهتم فعلا : يا ابن الحلال دوامك يخلص بعد نص ساعه والحين 12 ونص الظهر .. اصبر شوي ..
رد علي فيصل وهو يقول: خير ان شاء الله .. خلاص عيل على الوحده ونص انا عندج .. مع السلامه
صكر مني وانا اطالع ندى اللي كانت تقولي : ارتحتي الحين .. يعني لازم تكسرين بخاطره .. رديت عليها وانا اقول : ندى واللي يسلمج لا تزدين علي بروح اللي فيني كافيني .. ابتسمت لي ندى وقامت من مكتبها جايه عندي وشكلها يجنن بالحمل وبطنها بارز شوي : حياتي انا اسفه بس اذا شفتيه اليوم اقنعيه عدل .. ابتسمت لها وانا اقول: ان شاء الله .. اللي راح اخبر فيصل فيه ما احد يعرفه الا انا وربي وبس .. وبما ان فيصل راح يصير زوجي فلازم يعرف .. كنت افكر بهالكلام وانا امسك يد ندى بقوه ..!


دخلت البيت وانا تعبان كانت الساعه 2 الظهر رحت ادورهم بالصاله بس المكان كان هادي .. استغربت عادتنا لما اجي القاهم ينطروني .. رحت المطبخ كان كل شي مرتب ونظيف وكنا ما في طباخ اليوم .. تنهدت وانا رايح صوب غرفه سالم بس ما في احد قلبي وقف وحسيت بالخوف .. رحت بسرعه صوب غرفتها وانا مو قادر اتنفس فتحت الباب وشفتهم كان سالم نايم بحضن العنود وهي ضمته ونايمه .. كانوا خيال وقفت اطالعهم .. وانا مش متخيل اشوف العنود جذي .. كانت لابسه بيجامه لين الفخذ والبدي كت عند اليد والصدر وعليها رسمه كرتون .. وشعرها على المخده وبشرتها وبيضها ملفت للنظر .. قربت شوي لين وصلت عندها .. حطيت يدي على كتفها العريان وهزيتها .. فتحت عيونها وهي تبتسم لي : جيت .. كلمتني وهي تحاول تقوم وتنزل سالم بشويش على السرير .. همست لها وانا اقول: أي جيت .. شسالفه ليش نايمين فيكم شي .. هزت راسها بـ لا وقالت وهي تجي صوبي وكانها راح تقول سر خطير : سلوم اليوم هد حيلي لعب من الصبح لين ما قلت له خلاص .. كانت تتكلم وانا مو قادر اضبط نفسي ريحه عطرها الهاديه وصوتها الهامس وشكلها عذاب .. غصبن عني مسكت خصرها وقربتها مني وانا اقولها : العنود لين متى .. تراني تعبت .. شفت الخوف بعيونها اللي خلاني اقوم بسرعه واطلع من الغرفه والصاله والبيت وحتى المنطقه كلهااا مش عارف وين اروح بس لازم اطلع ..


طول الوقت بالسيارة ساكتين غير السلام والسؤال عن الاحوال ما قلنا شي .. ابي اعرف ايش فيها بس خايف تدمرني بشي .. وصلا بيتهم ودخلنا بعد ما قالت لي ان بدر داخل البيت .. دخلتني الصاله وعقبها لفت علي وهي تفسخ النقاب .. فيصل شفيك اقعد وبنادي لك بدر .. تكلمت معاي وانا ما زالت واقف .. مو مشكله انا بنطره برع لين يجي .. كلمتها وهي اطالعني باستغراب : فيصل بقولك الصج بس لا تزعل .. مادري ليش حسيت بجسمي يرتجف .. ايش تقصدين ..في شي انا ما اعرفه .. كلمتها وانا مو قادر اوقف .. مشت صوبي وهي تفسخ العبايه وقالت: بدر مو موجود ! خذت هواء قوي وانا افكر ان البيت فاضي ..وقالت: بروح اجيب لك شي تشربه لان لونك صار اصفر .. اسماء .. ناديتها وانا مو متخيل اني وياها بروحنا .. لفت علي وطالعتني .. وقلت لها : قولي اللي عندج .. ما يجوز اقعد وياج واخوج ما احد .. ابتسمت وانا استغرب زود ,, تبي تعرف راح اقولك بس اقعد .. كلمتني وهي تقعد على الكرسي .. بعد ما قعدت قالت : بدون لف والا دورانا .. اللي ابي اقوله اني .. كانت متوترة وهذا واضح بس سكت ابيها تقول اللي عندها .. كملت اسماء وقالت: فيصل انا تزوجت مرة وشفت نصيب بالحفلات وغيرها بس هالمرة خلها عشاء وبس جذي زين لي ولك .. سكتت ونزلت راسها اطالع يدها اللي بحضنها وانا اللي انصدمت ! ايش قالت انا مو فاهم وقفت وقلت لها : ليش ! قالت وجهها صاير احمر من الاحراج : فيصل علشان ما احد يتكلم .. مطلقه وتسوي عرس .. صوتها تغير على لحن صياح وقالت : انا مو بنت 16 عمري الحين 30 سنه وماله داعي كل المبالغات .. طالعتها وانا اشوف الخجل بعيونها رديت عليها وانا اوقف: العرس بيكون باحسن الصالات وكلام الناس ما احد يسلم منه لا مطلقه والا غيرها .. وكملت : واذا اهتميت بشي بيكون انتي وبس غيره مو مهم بهالدنيا .. طلعت من عندها وانا حزين عليها لانها تشوف نفسها غير عن العالم !


...؟ يعني لازم اليوم يا قلبي خلها باجر وراح اشوفك بالجامعه ...؟
...؟ لا باجر ما ينفع اليوم يالغلا حاولي !
...؟ حياتي انت تعرف ما اقدر اطلع الا بشور اهلي .. واذا طلعت اليوم اخاف يشكون بشي ..!
...؟ يا قلبي تبين تزعليني منج .. خلاص ما ابي اشوفج !
...؟ لا عاد لا تزعل يالغلا .. المفروض تقدر وضعي شوي بس !
...؟ خلاص يا وضحى اليوم بس بعديها بس مرة ثانيه تجين والا ترى زعلي مو شي وانتي تعرفين ..؟
ردت وضحى وهي طايرة من الفرحه : خلاص قلبي بس لا تتضايق مني اوكي بندر !
بندر وبصوته الخشن : ان شاء الله المهم انا بقعد مع البنات اختي تبين شي !!
وضحى وهي تحس بالغيره : لا ابد سلامتك يا عمري..
حطت وضحى الجوال بحضنها وهي تفكر في بندر اللي خلى حياتها غير ..

الجزء الثلاثون ،،



بعد اسبوع كنت مع الجازي بالغرفه واحاول اطلعها من الجو اللي هي فيه .. بس كانت ساكته طول الوقت .. كسرت خاطري وانا اشوفها تصيح .. اعرف السبب بس ما ابي اقول او افتح الموضوع.. الجازي يا قلبي الزواج قسمه ونصيب وفيصل مو نصيبج .. كلمتها وانا اطالعها وانطر منها كلمه بس سكتت .. غيرت الموضوع وخصوصا اني ابيها بموضوع غير .. الجازي اسمعيني عدل انا ابيج بشي مهم جدا وانتي الوحيده اللي راح تساعديني .. رفعت راسها تشوفني .. كملت وانا احس ان الموضوع شدها : موضي ابي اعرف شنو بينها وبين محمد .. انصدمت وطالعتني وهي تكلمني : ندى .. موضي وقحه وقليله ادب لا تصدقينها اذا قالت لج شي ؟؟ مسكت يدها وانا اترجاها : انزين قولي أي شي عنها .. انا واثقه في محمد بس ما اثق في موضي .. ارتجفت الجازي بين يدي وانا اشد علي يدها قالت : موضي اصغر من محمد بـ 4 سنين ومن يوم كانت صغيره وهي تحسبه لها يعني هي قررت يكون محمد لموضوي .. بس محمد ما كان مهتم والا عمره فكر بهالشي لان اللي كانوا يبونه تكون موضي لراشد .. بس انتي تعرفين راشد وعصبيته .. عمي خاف عليها منه وقرر ان الزواج يصير بس يكون محمد المعرس .. سكتت شوي وانا قلبي يحترق ! تكلمت الجازي وقالت: بس محمد رفض وقال انتوا كتبتوا اسم موضي براشد وانتوا اللي تتحملون المساله اما عني ما راح اتزوج حتى لو شاب راسي .. امممم في ذاك الوقت عمر محمد 23 او 24 سنه كنت الجازي تتكلم وانا سرحانه وافكر بـ محمد .. ندى ندى صوت الجازي العالي رجعني لها وقالت : لا تخافين على محمد لو يبي موضي او غيرها كان من زمان تزوج .. بس القلب يا ندى القلب .. قالت هالكلام وهي تاشر على قلبها .. دمعت عيوني عليها وحضنتها البنت تتعذب والا احد درى عنها !!



في مكان ثاني يعقوب يغير ملابسه عنده اليوم جلسه ذكر " محاضرة دنيه " .. البس ثوبي واحس اني مخنوق مادري ليه بس الضيقه فيني .. لا ادري بس مو قادر اعبر انفتح الباب ودخل سالم يركض وهو يضحك: بابا بابا ابي كوكو! استغربت شنو كوكو .. رفعته من الارض وانا اقوله : من وين يجبون كوكو! دزني علشان ينزل وهو يناديني .. طلعت وراءه وانا حاط الغترة على كتفي شفت العنود قاعده عند التلفزيون بالصاله وهي تكتم ضحكتها .. نط سالم عليها ورد يقول كوكو من جديد .. انفجرت العنود بضحك من قلب وضحكتها تعبتني بزياده وبدون قصد صرخت فيها: العنود اخلصي علي انا مو فاضي ! اسكتت وقفت وهي اطالعني ودموعها تجمعت بعيونها .. سالم اللي تكلم وهو يسحب يدي ويقول : بابا لا بابا عيب .. ركضت العنود من جنبي رايحه غرفتها اوووووف طلعت مني بقهر .. رحت من صوب غرفتها وطقيت الباب بس ما ردت علي فتحته وشفتها قاعده على السرير وحاطه راسها على رجلها وهي ضمتهم على صدرها بيدها الصغيرة .. كسرت خاطري! قربت منها وقفت عند السرير من جهتها وقلت : انا اسف العنود صدقيني مو مني انا تعبان شوي واعتقد ان الحرة اطلعت فيج .. صوت بكاءها زاد شوي ارتبكت وخفت قعدت على السرير وانا اكمل : اذا متضايقه مني فانا اسف والله .. لا تخليني اطلع وانتي زعلانه الله والعالم ايش يصير فيني ! شهقت بقوه وهي ترفع راسها صوبي وعقبها حضنتني باقوى ما عندها .. حضنتني وعطرها دخل اقصى الرئه وجهازي العصبي .. كنت تقول شي بس انا كنت في مكان ثاني .. حطيت يدي على ظهرها وشديتها صوبي .. وانتبهت انها كانت تنادي طلال !! وهي بحضني ... دزيتها وسمعت ايش تقول عدل : الله يخليك لا تطري الموت انا ابيك وياي اخاف تموت وما احد عندي يعقوب انا احبك .. استغربت كانت تقول طلال .. بس شكلي كنت اهلوس وانا بحضنها ابتسمت لها خصوصا كلمه احبك اثرت فيني كلمتها : لا تخافيني انا هنا ..!! بس ما قلت لي شنو كوكو !!



في فترة الاسبوع كنت اقرء الدفتر الوردي اللي عطاني اياه سعد كنت ناسيه فترة طويله او اتجاهله .. في البدايه كان عن حياة لينا من مولدها وحاطه فيه اجمل اللحظات.. بس اللي خلاني مصدوم لمدة اسبوع كامل الكلام اللي وراء مكتوب كنت مع سعد اخوها وكنت اقرء الكلام اللي انكتب بس باخر الصفحات .. في بدايه كلام لينا ..

... اليوم اقنعت الدلوعه العنود تكلم ابوها علشان يزوجني عزيز .. وكذبت عليها يوم قلت لها بخليج تسكنين ويانا بالكويت ,,

... اليوم خطوبتي من عبدالعزيز كان وما زال حب حياتي .. شفت ندى وهي رايحه صوب المطبخ لحقتها وانا اقول لها : شفتي ان عزيز ما اخذج لعبه .. ويوم شبع رجع لي انا .. والحين دوري لج على انسان يسعدج بعيد عنا ,,

... يوم زواجي من عبدالعزيز .. كنت اجمل واحلى من الكل حتى العله ندى اللي حضرت العرس .. في زفتي قهرني عزيز يوم سال عن ندى اذا موجوده وانه يبي يشوفها قبل لا يروح الفندق ..

... في شهر العسل كنا في بيروت .. كنت احس ان عزيز بعيد عني وانا ابيه يحس بـ حبي له .. بس للاسف هو مو معاي لانه دووم يتكلم عن ندى .. ويعتبرني اخت له وصديقه وبس !

... اول مرة ينام معاي عبدالعزيز يوم كان تعبان .. وكان يناديني باسمها .. يشوفني ندى علشان جذي تهور وصار اني زوجته بالاوراق وبالواقع .. مو مهم من ينادي المهم هو لي ..

... يوم عرف بحملي واني بالشهر الاول .. تضايق بس بين ان الموضوع عادي قدام اخوي سعد بس يوم كنا بروحنا اطلق علي رصاصه الموت يوم قال : لو ادري ان مرضي راح يخليج تحملين كان فضلت الموت على اني اخون ندى ..

... كنت بالمستشفى اسوي فحص علشان سلامه البيبي وكان معاي عزيز .. هذي اول مرة يروح وياي من حملت وكنت بالسادس .. وقالت لنا الدكتوره ان الجنين بنت .. شفت فرحت عزيز اكبر من فرحتي ...

... بعد الولاده عزيز قرر يسمي البنت نور ما كنت عارفه السبب لين ما قالي ان ندى تحب هالاسم وان ودها يكون اسم بنتها نور كرهت اسم بنتي بس مستحيل اكره عزيز ...

... شفت ندى وانا في بيتهم البنت حلوة حتى وهي 28 سنه ما تغير منها شي بالعكس الزمن خلها تصير جذابه اكثر .. واللي قهرني ان عزيز كان يتنهد كل ما شافها ...

... اليوم خطوبه ندى وانا بالمستشفى كنت تعبانه بعد ما اكلت علبه حبوب كامله .. وغير اني مريضه قلب .. سمعت عزيز يقول : ندى لي انا وبس .. طلعت من الحمام " عزكم الله" بدون ابين له اني سمعت شي وانا من داخلي ميته قهر ...

... في عرس ندى عزيز كان حابس نفسه بالمكتب وانا ونور بالصالون .. كنت عارفه اني مستحيل اخذ مكان ندى بقلبه بس انا زوجته وام بنته ,,

... اليوم راح اسوى شي بسيط لعزيز بس انطره يجي لاني وبالكل امانه راح اطلب الطلاق وارجع مع اخوي سعد ...

... قلت لسعد اخوي عن اللي سويته واني ظلمت العنود ... وهني عصب سعد اخوي وطلع بس قالي راح اتناقش الموضوع معاج بعدين ... وعقبها كلمني بالتلفون وهو يقول : ان العنود انخطبت لغيره وهو كان يتمناها زوجه له .. صدمني اخوي سعد يحب العنود!! وانا اللي خربت حياته ...


هذا اللي كان موجود بالدفتر كنت اكلم سعد اللي هز راسه وقال: عبدالعزيز .. لينا من كانت صغيره وهي دلوعه ابوي واي شي تبيه عندها يكون .. تكلم وهو وانا احسه مخنوق : هي طيبه وكانت تحبك صدقني .. لا تاخذ عليها ! تنهدت بقوه وانا اقوله : مستحيل اخذ على احد كنت اعتبرها اخت وصديقه وصارت زوجتي عن طريق الخطا صدقني كنت ومازالت اذكرها بالخير .. وقفت وانا اقول لسعد : انت الوحيد اللي تدري بانها كانت عذراء لين تعبت ذاك اليوم وصار اللي صار.. سكت شوي وعقبها قلت له: بس ليش ما قلت لي عن العنود ؟! سكت سعد شوي وعقبها قال: الزواج قسمه ونصيب .. طلع من عندي بعد ما تكلمنا لمده 3 ساعات ونص وانا سرحت بذكرياتي ....


انا ما اقول اني ما احبها بس هالبنت راح تبعدك عني صدقني .. كانت ندى تتكلم وهي تروح وتجي والخوف واضح بعيونها.. وانا قاعد على الكرسي القريب من باب المجلس .. وقفت ورحت صوبها وانا امسك يدها : مستحيل ما نخلق اللي يفرقنا شالت يدها من يدي وهي تعدل الشيله على راسها: عزيز البنت دووم تقولي انها تحبك وانك لها .. صدقني لينا اللي تبيه يجيها وهي قاعده في البيت! مسكت يدها من جديد وانا اقربها لصدري : احبج يا ندى وانتي ا
اغلى ما في هالدنيا .. انتي روحي واذا فقدتج عشت جسد بلا روح! شديت يدي عليها وانا اهمس بحبي لها..



اليوم الشفت عندي صباحي يعني زام ليل .. وبنفس الوقت كنت مشتاق لندى .. كنت اخطط اخذ اجازة واروح فيها العمره كـ شهر عسل متاخر لنا وخصوصا اني حرمتها من السفر والسبب دوامي .. البنت صابرة علي وراضيه فيني يا بعد قلبي والله احبج .. ابتسمت واناا اتذكرها .. وبدون مقدمات دخل الضابط عبدالله المكتب وهو يناديني .. وكيل عريف محمد وين التحيه!! وقفت وانا مخترع!! ضربت التحيه له وانا ما زالت متخرع ... ههههههههههه ضحك عبدالله علي وقال: شبلاك !! ابتسمت وانا اقول : كنت افكر وخربت علي ! قال وهو يقعد على الكرسي القريب مني : اكيد في ندى .. كمل وقال: من يوم خذتها وانت ما تنشاف كل لازق فيها ياخي اطلع شم هواء بس بدونها .. ههههههههههههه ضحكت من قلب وانا اقوله: مستحيل اختك هذي ذهب واللي يرخص بها خسر عمره .. وبعدين انا ناوي اخذ اجازة لاسبوعين واروح وياها العمرة شرايك ؟! ابتسم ورد : ابشر خذها من يوم الخميس الجاي وانا من الحين موافق على خروجك.. سكتنا شوي وعقبها كلمني عبدالله بس بشكل جدي: محمد .. انا ابيك بشي بس مش عارف شلون ابتدي! طالعته وقلت: تفضل وانا اخوك قول كل اللي بخاطرك! سكت عبدالله وهو يحرك يده بقوه وقال: ندى يوم دخلت المستشفى كان بسبب احد .. انصدمت وانا اسمعه بس عبدالله كمل وقال: انا سالت الدكتور اللي بالطوارئ وقال ان الضربه من فعل فاعل بس الزوج متستر والزوجه رافضه تعترف .. قولي يا اخوك انت تضرب ندى .. تنقص يدي من الكتف وتنشل اذا سويتها .. صرخت وانا اوقف واطالع عبدالله وكملت : انت مو فاهم شي .. الموضوع بسيط وان شاء الله راح اخلصه بنفسي واللي صار لندى حادث غير مقصود فيه صدقني .. ورب البيت يا اخوي ما عمري رفعت يدي عليها .. ابتسم عبدالله وقال: ما عمري ندمت على زواج ندى منك لاني اعرف من محمد بن علي الـ ............ !!



من طلع لين الحين ما رد واتصل فيه وما يرد شبلاه .. اووووووووف بدر وينك .. كنت افكر وانا خايفه اخوي طلع من الساعه 7 ونص الصبح وما رجع لين الحين الوقت تاخر وحده ونص بالليل من اكلم .. فيصل صرخت بصوت عالي وانا اتذكر فيصل .. رفعت جوالي واتصلت بعد اكثر من 4 رنات جاني صوته ..
فيصل : السلام عليكم ورحمه الله وبركاته .. هلا اسماء !
اسماء : وعليكم السلام ورحمه الله .. شلونك فيصل !
فيصل : بخير الله يسلمج .. شبلاج صوتج فيج شي !
عجبتني الملاحظه عنده رديت عليه وانا شبه اصيح : بدر يا فصيل .. طلع من الصبح لين الحين ما رد وانا خايفه جواله ما يشيله !
رد على فيصل وهو يحاول يطمئني : اذكري الله يا بنت الحلال الحين انتي بروحج بالبيت!
جاوبته وانا توني اركز على هالنقطه: أي بروحي .. فيصل لا تسال اكثر وتزيد خوفي ..
فيصل: خلاص لا تخافيني الحين اجيج انا ويعقوب ويمكن ناخذ العنود ويانا .. انا عندهم بالدفنه وبيتكم قريب من هنا عطيني 5 دقايق .. يالله مع السلامه ..

صكرت التلفون وانا قلبي مقبوض بدر امانه ولازم احافظ عليه امي وصتني عليه .. يارب رجعه لي سالم غانم وبصحه وسلامه .. يارب ..



اليوم راح اعلمج الادب واخليج تندمين على انج خذتي محمد مني ..
كنت افكر وانا بالغرفه انطر راشد ينام بس الاخ شكله ناوي يسهر على التلفزيون .. فكرت بشي وعقبها ابتسمت خطه حلوة علشان اخليه يطلع .. راشد حبيبي ابي اروح اقعد مع الجازي وندى وضحى .. كلمته بس ما رد علي .. نزلت من السرير وقربت منه وهو قاعد على الجلسه ويتابع مباراة بين الريان والعربي " فرق الدوري القطري" امممممم حياتي ما رديت علي .. لف صوبي وهو يطالعني ونظراته بالعين كانه يحاول يقرء ايش براسي .. وقال: ماله داعي خلي البنت تستانس واذا تحسبين اني مادري عن حركاتج فـ انتي غلطانه .. انصدمت من كلامه وحبيت ابين له اني مظلومه : أي حركات وانت ايش تقصد .. بكيت او حاولت امثل الدور بشكل صح .. بس راشد مسك يدي بقوه وسحبها عن عيني وقال: دموع التماسيح هذي مو علي .. والله يا موضي ما يردج بيت ابوج الا تصرفاتج واذا زدات عن حدها تعرفين ايش راح يصير .. خفت وانا اشوف تهديده حاولت ابعده عني بس كان ماسك يدي بقوه انطق الباب وانا حمدت ربي على الانقاذ اللي جاء .. مين عند الباب صوت راشد اللي خرعني .. ههههههههههههههههههه ضحكه ناعمه وهاديه عند الباب وعقبها صوت هادي : ندى ممكن تفتح الباب اخ راشد والا زوجتك موضي حصريه لك .. ابتسم راشد وانا استغربت هي جايه لي برجولها ايش تبي اوووف صج عله .. لف علي راشد وهو يقول: اذا تبينها اخذيها ... فتحت الباب وانا اشوف ندى لابسه جلابيه مستره ومغطيه شعرها زين .. مدت يدها ندى ومسكت يدي وهو تقول: يالله يا حلوة عندي لج الليله سالفه طويله .. ماردي ليش حسيت بشي حلو وهي تمسك يدي .. مسكت يدها بالمقابل وانا بداخلي فرحه غير طبيعيه وقلت : صج يعني راح اسهر وياكم .. غمزت بعينها وهي تقول: غصبن عن راشد بعد .. طلعنا واحنا نسمع صوت ضحكت راشد من داخل الغرفه !!



الساعه 3 ونص الفجر وبدر ما ظهر وصرت خايف اكثر من اسماء والعنود ويعقوب .. كنا بالصاله واسماء لابسه العبايه والنقاب لان يعقوب ويانا .. كلمتها وانا اقول: لا تخافين عبدالله راح يتصرف .. وعلى العموم الخبر راح يوصل لنا قريب .. رن جوالي بهالوقت وكانت اشوف اسم عبدالله يزين الشاشه وقلبي انقبض .. رديت وانا احاول اكون هادي : السلام عليكم ورحمه الله وبركاته .. طمنئي لقيت بدر .. طيب طيب .. رفعت راسي اشوف اسماء اللي كانت تراقب حركاتي وتركز على نبرت صوتي .. خلاص انا جايك الحين .. مع السلامه .. صكرت من عبدالله في الوقت اللي نطت اسماء وجاءت صوبي وقالت: ايش صار بدر وين ! مسكت يدها وانا مش عارف من وين ابتدي : بدر في المستشفى صـ .. صوتها العالي وقف الكلام بين شفايفي : لالالالالالالالالالالالا اجوك لا .. بدر امانه .. بدت تصيح ويعقوب طلع والعنود جاءت عندها وهي تقول: يا بنت الحلال اذكري الله .. انتي ما خليتي فيصل يكمل ..! رفعت راسها اسماء وهي تقول: لا تقول انه مات الله يخليك .. ابتسمت وانا اقول: الحمدالله الولد بخير بس يوم صار الحادث ما كان عنده اثبات هويه .. مسكت يدها للمرة الثانيه وانا اوقفها وقلت: اللي بالمستشفى ما اعرفوا هذا من لين صحى بدر وقال لهم من يكون .. في هذي الوقت كان الخبر عند عبدالله وقالي .. مسحت دمعه طاحت من عيونها وانا اكلم العنود : روحي جيبي ماي وعقبها كلمي يعقوب علشان نروح للولد ..

الجزء 31،،


في الكافتيريا جامعه قطر البنات متوزعين بالنشاط والكل في حاله اللي يدرس واللي يلعب ورق واللي شغل الحش وبدء يتكلم عن فلانه وعلانه .. باخر الزاويه كانت شله كبيرة قاعده وضحك وسوالف وصوتهم موصل اخر الدوحه .. تكلمت وحده منهم بكل نعومه وهي تميل بجسمه: الا وين بندر اليوم ما شفته بالمحاضرة !! ردت عليها دلال اللي كانت اطق على الطاوله : رح يشوف وضحى اذا خلصت محاضرتها والا لا .. اووووف هذي متى تتخرج مليت من طاريها .. تكلمت حصه وهي ترفع خصله نازله على وجهها .. ردت دلال عليها وهي تقول: حصوص انتي كنتي حبيبته وانتي اللي ضيعتي بندر منج .. ردت حصه وهي توقف : بس انا اعتذرت وذليت نفسي .. ليمتى راح يكون جذي والله احبه .. رفعت دلال راسها تشوف صديقتها وهي تقول بقلبها " الحمدالله والشكر متى راح يعقلون" هاااااااااااااي صوت رجولي خلى كل اللي قاعدين يوقفون علشان اللي جاء .. بندر و وضحى كانوا وقفين يا طالعون البنات اللي قاعدين .. تكلمت البندري او " بندر " كما يطلق عليها : شسالفه ليش ساكتين متعود صوتكم يوصل القمر .. ضحكوا البنات وردت سلمى وهي تقول : لا بس كنا نشوف فلم هندي نسخه قديمه .. قالت كلامها وهي اطالع حصه اللي انحرجت من كلام البنات ودمعت عينها وهي تركض صوب الحمامات "عزكم الله " طالعها بندر بدون اهتمام وهو يجلس على الكنب وتجلس وضحى جنبه وما كان يفصل بينهم شي حتى الهواء ما كان يمر .. رجعوا البنات يسالفون وبندر كان هيمان بشكل وضحى ونعومتها .. وضحى ذايبه بحركات بندر لها ..



في المستشفى في الطابق الخامس 574 كان بدر نايم على السرير الابيض وبجنبه اخته اسماء .. كانت ماسكه يده وهي تقرء القران على راسه .. دخل فيصل بكل هدوء علشان ما يحسس اللي موجودين فيه .. بعد الستارة اللي تفصل السرير عن الباب وشاف الوضع السايد .. سكت وهو يراقبهم ..
حسيت باحد موجود بالغرفه رفعت راسي اشوف من وانصدمت بعيون عسليه مركزه على وجهي .. انحرجت ونزلت راسي وانا اقول : حياك الله ليش واقف .. رد فيصل وهو يقرب من السرير وقال: اخباره اليوم ؟! رديت عليه واانا اوقف اجيب له شاي: طيب بس ما زال نايم .. سكت وانا ابي اقول شي بس بعدين الوقت مو مناسب كنت افكر والا سمعت ايش قال فيصل .. اسماء اسماء .. صوته رجعني له وانا اقول: لبيه .. ابتسم وقال: لبيتي حاجه يارب .. اقولج بدر ماله اصدقاء ما اشوف احد يزوره .. سؤاله حزني وخصوصا انه عن الغالي قلت له وانا اطالع بدر: لا والله .. اخوي من النوع الانعزالي ما يعاشر العالم .. سكت وانا اقول : قبل وفاه اهلي كان ما شاء الله عليه شعبيه بالفريج .. وعقب ما توفوا بحادث صار مكانه البيت .. تنهدت وانا اكمل : تصدق يا فيصل لما اقوله اطلع تمشي غير جو ,, يرد على ويقول .. الغاليه من يقعد معاها .. كان يحاتيني ويخاف علي .. خنقتني العبره وما قدرت اكمل كلامي .. جاءني فيصل وهو يحضني ويشد من حضنه : لا تبكين والله دموعج غاليه .. وصدقني انتي وبدر بعيوني وما راح اخليه بروحه .. ومن اليوم ورايح .. سكت شوي وانا ارتحت وهديت .. حاولت ابعد نفسي منه بس فيصل كان عنده راي ثاني .. حضني مرة ثانيه وهو يقول: اول ما يقوم بدر بالسلامه راح اسوي عشاء لسلامته ومنها يكون يوم زواجنا .. مادري ليش حسيت اني اطير من الفرح واخيرا راح استقر ويكون في مسوؤل غير بدر بالبيت .. بدون شعور مني حضنت فيصل بقوه وانا اقول : ربي لا يحرمنا منك يالغالي ..!!



...؟ صج لا حول الله والا قوة الا بالله العلي العظيم ,, ربي يقومه بالسلامه .. طيب من متى صار هالشي ..
...؟ من يومين تصدقني البنت خايفه على اخوها وكل عنده حتى فيصل 24 ساعه عندهم ..
...؟ ربي يجزاه خير ان شاء الله والله اسوم تستاهل فيصل وهو يستاهلها بعد .. بس ليش ما قالت لي المفروض انا اقرب وحده لها؟!
...؟ ادري بس هي طلبت مني ما اخبرج لانها خايفه عليج .. والا تنسين انج بالتاسع .. بس انا ابيج في موضوع ثاني ؟!
ندى:حتى لو المفروض خبرتني .. المهم قولي اللي تبين تقولي يالغلا كم العنود عندي !
ابتسمت على كلامتها وقلت: في شي بيني وبين يعقوب .. يعني .. اممممم ما اعرف شلون اقوله !!
ردت على ندى : لا تستحين قولي انتي مزعله الرجل والا العكس صحيح !
رديت بسرعه علشان الموضوع ما يكون غلط : لالالالالالا .. مو جذي ندوووش الموضوع شوي غير يعني يتعلق بالامور الزوجيه!!
ندى : اهاااا فهمت عليج .. انزين كملي !
احس الجو عندي صار حار كنت بالصاله وسالم نايم بحضني .. ويعقوب طلع من فيصل .. رديت على ندى وانا مش عارفه شلون اقولها اني ما زالت عذراء..
العنود: ندى بقول بس لا تعصبين ادري اللي اسويه غلط بس والله مو بيدي ..
حسيت بالخوف بصوت ندى وهي تكلميني وتقول: يعني شنو انتي مسويه شي غلط .. العنود قولي تراني اختج الكبيرة !
رديت وانا العب بشعر سالم اللي مازال نايم وقلت: انا ... ندى انا .. امممممم .. انا ما زالت بنت !
ندى ترد علي وهي تصارخ : ااااااايش ,, انتي شتقولين حرام عليج الملائكه تلعنج وتحاسبين من ربج .. ليش تحرمين يعقوب حقه الشرعي .. كملت قبل لا اتكلم وقالت : هو سوى لج .. قال لج شي .. العنود قولي ..
رديت عليها وانا احس اني بصيح: لا بالعكس طيب يا ندى .. شهقت بصوت مخنوق وقلت : كل ما حاول يضمني او يقرب مني اتذكر طلال يوم يوم .. هنا عاد ما قدرت وبكيت بقوة لدرجه اني قيمت سالم من نومه .. واسمع ندى تهدين وتسمعني كلام يهدي من وضعي .. بنفس الوقت كان سالم يحضني ويصيح معاي وهو ما يعرف ليش ابكي .. كلمتني ندى وقالت: اسمعي الحين الساعه 5 ونص المغرب .. عقب صلاة العشاء بقول لمحمد يخليني عندج حلو الكلام .. هزيت راسي لها كانه تشوفني .. كملت وهي تقول يالله بروح اصلي الحين واكلم محمد .. لا تصحين اذكري الله .. ومع السلامه ..

صكرت التلفون وانا احس براحه على الاقل في احد يعرف معاناتي .. اااااااااااه يا قلبي !! نزلت راسي تحت وطالعت سلوم اللي ما زال يصيح ضميته بصدري وانا اقوله : يا قلبي ليش تصيح !!



اروح لندى .. لالالا بس البنت طيبه ... امممممم بس يا موضي ندى هي اللي خذت محمد منج .. لالالالا البنت طيبه والله وتحب الخير لكل! ليش انا عكسها ليش .. صحاني من تفكيري يد ناعمه غطت على عيوني .. هههههههههههه ضحكت وانا اقول: من الجازي .. بس ما في رد اممممم اكيد وضحى !. هم ما في رد عيل اكيد صافيه .. اووووه ليش مو ندى .. صوتها وهي تضحك على تخميناتي الغلط .. شالت يدها وانا لفيت جهتها .. وقالت لي : ليش موضي بنت فهد حرم السيد راشد بن علي قاعده بروحها .. حبيت كلامها طلع من قلبها بدون لف والا دوران مثلي .. مادري ليش اختنقت وابي اصيح .. بسم الله الرحمن الرحيم .. موضي شبلاج ليش تصحين عسى ما شر .. كلمتني وهي صج خايفه علي .. رديت وانا اصيح : ندى انا اسفه والله اسفه .. رفعت ندى راسي بيدها وهي تبتسم : يا قلبي احنا خوات .. وعادي اذا صار ما بينا مشاكل .. وليش الاسف مهما صار انتي زوجه راشد وبنت عم محمد .. حضنتها بقوه وانا احس بـطنها اللي بارز ومعطيها شكل حلو .. تكلمت ندى وهي تقول: نفتح صفحه جديده .. وانسي الماضي اتفقنا .. هزيت راسي لها واانا اقول: صج انج ذهب غالي .. ربي يوفقج مع محمد .. بس ممكن طلب ! عيوووووووووني لج يالغلا .. رد ندى احرجني لدرجه ان وجهي صار احمر .. قلت لها : علميني اكون مثلج ..! ابتسمت وقالت: طلعي موضي اللي داخل هني .. اشرت على قلبي وكملت : وانتي تكونين احس مني !!



على الساعه 6 المغرب دخلت البيت وانا اسمع صوت الضحك .. ابتسمت وانا اسمع ضحكات ندى واللي ميزتها من بين الكل .. يا جماعه الخير تغطوا .. ما اخذت دقايق الا ندى تفتح لي باب الصاله وتقول : حياك الله .. ادخل ما احد غريب .. اعجبتني وهي لابسه جلابيه اورنج ممسوكه من عند الصدر وبارزة بطنها وعلى اطراف الجلابيه دانتيل .. وحاطه مكياج ناعم اورنج ولبسه الشيله بنفس الالوان .. ابتسمت وقلت لها : حي الله ام غايب.. شلونج عساج بخير .. كنت اتكلم معاها وانا داخل الصاله .. ردت علي وخدودها حمرت بزياده : بخير اذا انت بخير .. في هاللحظه تكلمت وضحى : الله على الغزل الصريح .. شرايك يا الشيخ محمد تقول لنا شعر بـ ندى بعد وتخلص .. ههههههههههههههه ضحكوا البنات عليها وعلشان احرجهم قلت :
والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يـستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق

الكل كان ساكت ويطالعوني بنظرات اعجاب .. واللي عجبتني بالنظرة ندى .. مسكت يدها وقلت: يالله يا بنات انا طالع مع المدام الغرفه وعقبها عندنا طلعه عائليه .. كملت وانا ابتسم : لوسمحتوا صكروا المغارة اللي فتحتوها !!



كنت اسمع تعليقات محمد واحنا بالطريق رايحين صوب بيت يعقوب .. بس كنت اتجاهل كلامه وابتسم عليه وهو يضحك علي وعلى الاغراض اللي معاي .. قال وهو يمسك يدي : حياتي لا يكون ناويه تهجريني وتعيشين عند حرم السيد يعقوب .. ابتسمت وانا اقوله: أي لازم علشان تشتاق لي .. من تزوجنا ما بعدت عندك الا يوم وفاة المرحومه .. مسك يدي بقوه وهو يقول: لا تعيدينها الله يخليج .. ما اقدر اعيش يا ندى صدقيني ما اقدر .. كلماته عذبتني واحساسه الصادق ومشاعره الغنيه بالحب .. ربي لا يحرمني منك احبك محمد رديت عليه وانا اشد على يده .. وصلنا بيت يعقوب في مدينه خليفه الجنوبيه " منطقه بالدوحه " نزلت وانا اقوله : لا تتاخر علي وانت عند الشباب .. رد وهو ينزل علشان الاغراض اللي وراء : ان شاء الله على الساعه 10 ونص اكون عندج .. حط الاغراض عند الباب وراح دخلت البيت وانا اشوف العنود عند الدرج تنطرني .. جيتني وهي تركض حضنتني بقوة .. ههههههههههههه يا بنت بطني عورتي البيبي كلمتها وانا احاول ابعدها عن بطني .. اووووه نسيت والله حياتي ندوووش والله وحشتني من زمان ما شفتج ردت علي العنود وهي تمسك يدي وكملت: ليش متعبه عمرج وجايبه بيتكم معاج! ضربتها على راسها وقلت لها : كافيه محمد بالسيارة تجيني انتي بعد .. هههههههههههههههه ضحكنا واحنا ندخل الاغراض للبيت .. بعد السلام والتكريمات الملكه اللي مسويتها العنود قعدنا نتكلم وبديت اشرح لها شنهي الحياة الزوجيه وشلون تتعامل مع يعقوب .. وعطيتها الاغراض اللي عندي وشفتها شلون كانت منحرجه منهم مع هذا لازم تتعلم وانا واثقه بالعنود .. في هاللحظه رن جوالي بنغمه محمد طلعت من الصاله وانا البس العبايه واوصى العنود بزوجها وبيتها ..



كنا قعدين على البحر واشوف يعقوب مو طبيعي من رن جواله بنغمه مسج .. طالعته وانا اهز يده واقول: شبلاك يا رجل اللي يشوفك بالهوضع يقول قرصته حيه .. ههههههههه ضحك يعقوب وهو يرد علي : يا فيصل الوقت تاخر والعنود تسال ويني؟ ضحكت عليه وانا اقول:وين تاخر تو الناس يا رجل ؟ رفع يعقوب ساعته لي وهو يقول: وحده ونص اخر الليل تقول تو الناس .. انصدمت لاني وعدت اسماء اجيها المستشفى .. قوم الله ياخذ عدوك نسيت البنت .. كلمت يعقوب وانا استعجله وقف وقال : من اللي قارصته حيه الحين .. ضحكنا على بعض وكل واحد راح صوب سيارته .. توكلت على الله صوب المستشفى والطريق كان شبه فاضي وصلت الغرفه على الساعه 2 الاربع الفجر دخلت بشويش علشان ما ازعجهم اذا كانوا نايمين .. لفيت صوب السرير وانا اشوف بدر نايم قربت منه وحبيت راسه والله هالولد يدخل القلب على طول .. كنت امسح على راسه سمعت صوت اسماء من وراي : حمدالله على السلامه متى جيت ! كانت تهمس علشان ما يقوم بدر .. لفيت صوبه وانا ابتسم لها وقلت : توني من دقايق .. انتي اللي وين كنتي ! رفعت اللي بيدها وكان اكل طالبته من برع وقالت: قلت للسايق يجيبه فوق بس رفض وما عندي احد نزلت تحت وجبته .. مادري ليش حسيت باحراج منها : اسف اسماء والله نسيت الوقت كنت مع يعقوب و... ههههههه ضحكت وهي تهمس وتقرب صوبي : عادي يا ابن الحلال ما صار شي وبعدين انت طلعت من عندي 10 بالليل عادي اذا جيت متاخر .. مسكت يدي وهو تقعدني على الكرسي القريب من الدريشه وقالت : تعشيت والا تنطرني .. ابتسمت وانا اقول : شلون اتعشى وانتي ما تعشيتي ما يصير .. هههههههه صوت ضحكتها تجنن هذا اللي اكتشفته اليوم .. وقفت وهي تنزل الشيله وتعدل شعرها وعقبها حطت الطاوله وفرشت الاكل وقالت : بسم الله ومدت لي الخبز ... يارب اني اسعدها يارب قدرني على اسعادها كنت اقول هالكلام بقلبي وانا اضحك واسولف مع اسماء ..



دخلت البيت على الساعه 2 ونص الفجر كان الوضع هادي .. اكيد بيكون هادي من اللي يصحى هالوقت .. دخلت الصاله وكانت مرتبه صكرت الليت ورحت صوب الممر الداخلي .. اول غرفه فتحتها كانت لسالم .. كانت ظلام والمكيف شغال وهدوء الغرفه قربت صوب سريره وانا اشوف سلوم نايم بعمق قربت منه وبست راسه .. طلعت من عنده وقفت عند الغرفه الثانيه بس ما قدرت افتح الباب مع اني اشوف الليت شغال يعني ما زالت قايمه بس ما حبيت ازعجها مسكت نفسي انا ابعد عن باب غرفتها لا تهور وادخل .. فتحت باب غرفتي وانا اخذ نفس قوي وطلعت جوالي وطرشت لها رساله اني بالغرفه .. رحت صوب السرير وانا افسخ الثوب وافتح باب الكبت اطلع لي بنطلون البيجامه .. انفتح الباب الغرفه بقوه خلاني لف صوبه بخوف وشفتها وهي واقفه وكانت تصيح : بس هذا اللي قدرت عليه اطرش رساله انك بالبيت .. يعني ما قدرت اتعب نفسك وتمر وتسال ايش صار والا فينا شي .. كلامها صدمني حسستني اني مقصر في حقهم على تاخر 3 ساعات ما عرفت ايش اسوي وقفت مكاني انا مصدوم من جهوم العنود .. كملت كلامها وهي تمسح دموعها : ما كان له داعي تقول انك جيت بعد كان نمت برع عادي ما يهم .. انا اصلا من زمان ما لي احد لا فيصل ولا عزيز والا طلال .. الوحيده بعد الله ندى هي اللي لي وبس .. طلعت تركض وانا منصدم اكثر طلال للمرة الثانيه طلال ايش سويت علشان كل هذا ايش يا يعقوب .. تعوذت من ابليس وصكرت باب الغرفه وانسدحت على السرير بس ما جاني نوم وانا اتذكر كلامها ..



اااااااااااه ما اقدر والله اااااااااه كانت تتوجع وانا ما اعرف ايش اسوي .. ندى الله يخليج خليني انادي امي كنت اكلمها علشان تهدني بس ما في امل .. حمود لااااااا ارجوك لا تخليني بموت ااااه كانت تتكلم بسرعه وانا قلبي طاح بيدي لفيت صوب الجوال واتصلت على الجازي بعد الرنه المليون عندي ردت : هلا حمود .. ما عطيتها مجال صرخت عليها : الجازي قولي لامي تجي اعتقد ان ندى راح تولد الحين وانا ما اعرف ايش اسوي .. ما سمعت الا صوت القطار الجازي صكرت بوجهي حذفت الجوال ومسكت يدها وانا اسمعها تتالم : يا قلبي فيني والا فيج .. هههههههههه اااه كانت تضحك وقالت : شنو اللي فيك اااااه تبي تحمل خلني اتخيل ههه اااه لا ما اقدر خلاص .. صوت طق الباب انقذني تركت يدها ورحت فتحته لقيت امي والجازي : بسرعه روح شغل السيارة والجازي جيبي شنطتها الصغيرة اللي جهزناها.. صوت امي وهي تعطي الاوامر ريحني شوي طلعت علشان اشغل السيارة شفت بوجهي موضي : شلونها طمنئي عليها محمد هي طيبه ..استغربت من سؤالها واللي استغربته اكثر انها متغطيه مني ابتسمت وقلت : ان اشاء الله تكون بخير بس خليني اروح اشغل السيارة .. طلعت بسرعه وما اخذت اقل من 5 دقايق الا امي وندى والجازي جاين ركبت امي مع ندى وراء والجازي جنبي طلعت بسرعه وانا ادعي ربي يقومها بالسلامه ...



كنت انطر رد بس الوضع السايد هو الهدوء .. فطوم تراج ما رديت علي كلمتها وانا اشوفه تشرب الحليب .. وقالت : عبدالله انت تتكلم جد والا بس تبي تعور قلوبنا .. ابتسمت وانا اقول لها : الا من جدي وعمي وخالي بعد خلاص عاد ابي اتزوج ويكون لي بيت وعيال واسرة مليت والله .. شفتها وهي تحط الكوب على الطاوله وفجاءه .. هيييييييييييييييييييييييييييييييه واخير يا شايب .. نطت علي تحضني بقوة وهي تصارخ لدرجه ان امي قامت من النوم بصراخها .. هههههههههههههههههه ضحكت عليها وانا قول : اذا انتي سويت جذي عيل ندى ايش راح تسوي .. شتسوي يعد غير اللي سوته اختك الخبله فطوم .. صوت امي اللي خلى فطوم تضحك هههههههههههههههههههههههه وقالت : صبج الله بالخير يا ام خماس. حسبي الله على عدوج قولي امين .. ههههههههههههه ضحكنا انا وفطوم وعقبها قالت امي : شبلاك اليوم على الساعه 7 صراخ وضرب ما في دوام اليوم .. لفت فطوم صوبي وهي تقول: والله يا ام عبدالله ولدج اليوم فرحني وقال انه يبي يتزوج .. هدوء جديد بس هالمرة امي اللي قطعت الهدوء بصيحها .. قمت من على الكرسي وانا رايح صوبه : شدعوه يالغاليه قلت بتزوج صار جذي خلاص غيرت رايي .. تخسي تغير رايك صوت امي اللي خل فطوم اختي تضحك وتقول : رحت فيها يا بو الشباب .. ضحكنا وانا اسمع امي تكلمني عن فلانه وعلانه وفطوم تاكل وتضحك شوي وتعلق شوي ...

الجزء 32،،



صار اسبوع على ولاده ندى ورجعت بيت امها لانها "نفاس" بس محمد قوم الدنيا والا قعدها مو قادر على بعد ندى يوم فما بالكم بـ 40 يوم ..!!

بدر اليوم يطلع من المستشفى بسلامته واسماء فرحانه وفيصل اسعد منها لانه ناوي على العرس قريب ..

وضحى بدت علاقتها بـ بندر" البندري" تزيد بطريقه مخيفه وهي مو على بالها ابد تغير من نفسها او تحس بان في رب يراقب وملائكه تسجل ..!

موضي علاقتها تكبر بكل اهل البيت عمها وخصوصا بـ ندى .. وراشد ملاحظ هالتغير بس ما زال مو مصدق ..

الجازي بدت تتقرب من ندى بشكل كبير وتعلقت بالبيبي اكثر وبدت تفكر بـ حياتها ومستقبلها بدون فيصل ..

محمد يخاف من قرب الجازي لندى وخصوصا بعد موضوع منيرة اللي بدء يتحرك ويسال من تحت لين تحت ..

العنود ويعقوب حياتهم بدت تدخل بدوامه اسمها عدم اهتمام من الطرفين بس الاهتمام بـ سالم هو العامل المشترك بينهم ..




صوت الضحك والسوالف والرقص والاغاني في بيت ام عبدالله رجع من جديد والسبب الولد الصغير ولد ندى اللي رجع الفرحه بالبيت .. ابراهيم بن محمد عمره اسبوع بس .. لكنه خذا الحب كله ورجع الروح للكل وخصوصا ندى ..عطيني برهوم شوي تكلمت الجازي وهي تمد يدها لي .. عطيتها ابراهيم وانا اقول لها : مرة وحده رضعيه لانه ما يبي يرضع من صدري .. اووكي ما طلبتي يالغلا ردت الجازي علي وهي تلعب ابراهيم وتاخذ الرضاعه مني .. فطوم وهي تكلمني : ليش سميتوه ابراهيم مو المفروض علي على اسم ابو محمد .. قبل لا اتكلم قالت الجازي : أي بس ابوي رفض وقال اذا الاسم لي سموه ابراهيم اللي اعرفه ان على اسم صديقه .. سكتنا واحنا نشوف اللي حولنا من رقص وضحك وسوالف البنات دخلت اسماء وهي تضحك لي وتبارك بنفس اللحظه قامت الجازي من جنبي .. قعدت اسوووم وحضنتني وقالت: مبروك يالغلا ادري مقصرة بس انتي تعرفين الوضع شلون .. حضنتها بقوة وانا ارد عليها: ادري والله ادري المهم انتي اخبارج واخبار بدر ؟! ردت وهي تشوف ابراهيم اللي كان بيد الجازي : بدر بخير وانا الحمدالله زينه .. كلمتها وانا اقول: صج فيصل راح يخلي عرسكم بعد شهر .. انحرجت وصار وجها احمر وقالت: شفتي شلون اللي براسه يسويه ضحكنا ورجعنا لاجواء الضحك والسولف والرقص وعشنا بالجو اللي كل البيت عايشه ..




سالم حبيبي البس علشان نروح عند برهوم والا ما تبي تشوفه .. كنت البس سلووم اللي مو راضي وكان عنيد جدا مو عارفه شفيه كان يركض يمين ويسار وانا مو قادره تعبانه لان الدوره الشهريه معذبتني : سلووم والله تعبانه حبيبي تعال خلني البسك .. شوي واصيح لان الوضع غريب .. بعد يعقوب مجنني بس لازم اوريه اني مو محتاجه له .. قرب سالم يوم لاحظ اني اصيح وانا حاطه يدي على وجهي : ماما انا اثف ماما انود .. حضنته بقوه وانا اصيح مو قادره استحمل الضغط اللي فوق راسي محتاجه ندى وبقوه بعد .. العنود شفيج ايش صاير .. صوت يعقوب فوق راسي زاد من صياحي حسيت فيه وهو يقعد جنبي مسك يدي وبعدها عن وجهي ومازال يسال : العنود قولي ايش صار ؟! بعدت عنه وقفت وانا اقول : ما في شي بس تعبانه ..لفيت صوب سالم وقعدت البسه وهو ساكت يطالعني ويضحك بوجهي .. خلاني اضحك وانا اتالم ويعقوب قاعد وراي وريحه عطره هزت كل خليه بجسمي بس ما اقدر .. لازم اكون اقوى وما احتاج الا لندى .. خلصت من سالم وفقت البس عبايتي وانا اقول لـ يعقوب : يالله توكنا على الله ..



...؟ بس انا ابيج الحين اذا ممكن ؟!
...؟ بس ما احد عندي شلون راح اجيك !!
...؟ وضحى يا قلبي تصرفي ابيج عندي محتاج لج والله ؟!
وضحى: بندر يا قلبي اصبر شوي اشوف محمد اخوي اذا راح لزوجته خليته يجيبني عندك ..
بندر: يا قلبي خلاص عيل انا انطرك فوق تعالي على طول ما احد بالبيت ..
طلعت اشوف محمد لقيته معصب وقاعد بالصاله مع ابوي ويشرب شاي .. ليش عاد شهر ونص تقعد بس اسبوعين .. هذا محمد وهو معصب على ندى .. رد عليه ابوي وقال: اثقل يا ولد شبلاك انت الحرمه والد خلها عند اهلها .. ههههههههههه ضحكت ورفع راسه محمد صوبي وهو يقول : خير بعد انتي .. كلمته وانا اهدي من الوضع : الا كل الخير ,, ممكن توديني عند البندري ابي منها ابحاث للجامعه .. شفت نظره من ابوي بعدم رضى بس تجاهلت الموضوع وقف محمد وقال : يالله عندج بس 5 دقايق تاخذين الاوراق وترجعين .. استانست اني بروح لبندر بس تضايقت بنفس الوقت لاني ما راح اطول .. مو مهم هذا اللي كان بخاطري .. رحت البس العبايه وركضت صوب السيارة وانا اسمع ابوي يكلم ندى بالتلفون .. بيت بندر قريب جدا من بيت ندى يفصل بينهم بس شارع وصلنا ونزلت بعد ما خبرت بندر ان عندي 5 دقايق بس دخلت على طول لاني ادل البيت عدل .. وصلت عند غرفته وطقيت الباب فتح لي بندر وقال : بسرعه دخلي دامها بس دقايق خليني استغلها احسن استغلال ..



كنت اعدل الوساده اللي وراء ظهر بدر اللي يضحك علي طول الوقت .. طالعته وانا اقول: المفروض تشكرني على مساعدتي ووقتي الثمين .. هههههههههه ضحك بدر وقال: قلت لك خلني وانت اللي مو راضي .. رديت عليه وانا اسوي عمري زعلان : الله يسامحك .. هههههههههههه ضحك بدر للمرة الثانيه وهو يقول: فيصل لا تزعل بس انت اللي معذب عمرك .. ابتسمت له وانا اقول: لاني اخوك والاخ يوقف مع اخوه في عز احتياجه .. لحظه صمت وانا اشوف دموع بدر تتجمع بشكل غير طبيعي بعيونه .. يا اخوي شبلاك .. كلمته وانا احاول افهم ايش غلطت فيه .. قال بعد ما مسح دمعه نزلت بكل تهور من عينه: لانك الوحيد اللي استحملت طبع اختي وحزنها .. لانك الوحيد اللي رضيت فيني كاخ وصديق .. لانك الوحيد اللي ما فكرت تستغل اسماء لانها يتيمه ولاني ضعيف والا اقدر دووم اساعدها .. لانك الوحيد اللي حسيت بصدق نواياه وحبه لنا .. سكت بدر وانا انصدمت من كلامه اللي لاول مرة اسمعه بحياتي .. حضنته بقوه لصدري وقلت : احلف لك بالله الواحد احد انك انت واسوم بعيوني والا راح اخليكم تحتاجون شي لا من قريب والا بعيد .. هههههههههههههه ضحك بدر للمرة الثالثه بس هالمره ضحكت معاه ..





الاسبوع الثاني من حياة ندى في بيت اهلها .. كانت قاعده على طرف السرير وطالعني .. وانا حاط ابراهيم بحضني وانطر ردها .. بس السكوت طول شوي وبديت احس اني غلطت يوم تكلمت .. خذت ندى هواء قوي وعقبها قالت : محمد انت تشوف طلبك عادي ..؟ رديت عليها بسرعه :كم مرة اقول لج لا تقولين محمد .. والا يوم جيتي هني صار الوضع غير .. شفتها تبتسم على زله لسانها .. ومع ابتسامتها خلت قلبي يرقص والله وحشتني كنت اكلم نفسي .. ردت وقالت وهي تبرر موقفها: اسفه يا قلبي بس انت تعرف الوضع كيف يعني عيب اقولك حمودي انا مو بالبيت واخاف احد يسمعني وخصوصا امي وتغسل شراعي .. تراني مو ناقصه والله .. صوت ابراهيم وهو يصيح قطع الحوار بينا .. وقفت اعطيها الولد وانا اقول: شرايج بكلامي ..ردت علي وهي تقول: والله ايش اقولك انا مو مصدقه في الجازي وخصوصا بعد ما عرفتها وعاشرتها زين يمكن وضحى يتخيل لها ان الجازي .. سكتنا واحنا نطالع بعض .. كملت ندى تقول : بس الوضع مشكوك فيه تدري ليش .. ابتسمت لها وانا اقول : ليش يا محقق كونان .. هههههههههه ضحكت وانا ذايب فيها وهي تلبس ابراهيم وتلفه عدل وقالت : تبي الصج منور كانت دووم تشتكي من الجازي بس مو لدرجه انها تسوي اللي قالته وضحى .. شكوى المرحومه كانت بـ تجاهل الكل لها من صغير وكبير بالبيت .. كملت وهي تقول: امممم انا متاكده ان في شي ثاني احنا ما نعرفه .. اوووووف طلعت مني غصب وانا اقرب صوبها : تصدقين والا مرة سمعت صوت منيرة بالبيت كانت هاديه بالحيل بس يوم عرفتج وهي مو مقصرة ندى سوت وقالت وحطت وشالت خلت الكل يحبج حتى الخطا منج عندها احلى ما في دنياها.. سكت وانا انطر ردت فعلها .. كملت وقلت: ندى اخاف يكون صج وحده منهم دفعت منيرة من الصخور .. نظرت الخوف والدموع اللي كانت واضحه بعيونها وهي تقول : ان شاء الله لا بس خلني اتاكد واساعدك .. لفت جهه ابراهيم تحاول تمسك نفسها لا تصيح .. حضنتها وهي معطتني ظهرها وانا احاول اغير الموضوع وقلت : ندى والله وحشتيني متى تردين البيت مو عدله كل يوم اجي استحي من امي ومن عبدالله و.. ما كملت كلامي لان ندى رجعت راسها على شفايف كانها تسكتني وتقول: قريب يا قلبي قريب ..





...؟ يعني انت تشوف جذي ؟
...؟ أي لازم يا قلبي يكون بهالطريقه علشان العالم يعرفون ..؟
...؟ بس انا ما جهزت شي ..؟
...؟ مو مشكله اخذي فستان جاهز ورتبي اغراضج براحتج عندج شهر كامل ..!
...؟ بس يا فيصل الجهاز يبي شغل وندى الحين ما تقدر تساعدني والعنود مشغوله مع سالم وزوجها و؟؟!
فيصل : يا اسماء اخذي فاطمه بنت خالتي تراها عندها الخبره اللازمه وبعدين انتي جربتي العرس من قبل مو لازم مساعده ..؟
سكت احس ان فيصل احرجني بهالكلام .. اسف والله اسف ما اقصد شي غلط صدقيني .. تكلم فيصل بعد ما سكت .. حسيت عمري غبيه بس ابتسمت وانا اقوله : حصل خير وانت صح اقدر اعتمد على فطووم وعلى خبرتي وطبعا التلفون ما يقصر بيني وبين ندى .. هههههههههههه ضحك وهو يقول : اشوه يعني ما زعلتي ..؟ رديت عليه : لا ما زعلت بس انا اللي خايفه من الموضوع شوي .. سال وهو يحاول يكون عادي بس انفعاله كان واضح : ليش يا الغلا فيج شي .. حاسه بشي ! خذت نفس قوي وانا افكر اقوله والا لا .. امممممم فيصل في شي لازم اقوله لك اناااا .... اسماء اسووووووووووم صوت اخوي بدر وهو يناديني قطع الكلام اللي كنت بقوله .. كلمت فيصل وانا اقوله : بعدين بقولك بروح اشوف بدر شبلاه .. رد علي وهو شبه يضحك: الله يعينج على الدلع بس الله كريم كل لبدر واحنا لنا الله .. ههههههههه ضحكت علي فيصل وصكرت من عنده وطلعت من الغرفه رايحه صوب بدر اللي كان ماد رجله المكسورة ويطالع التلفزيون .. نعم استاذ بدر ناديتني كلمته وانا اشوفه وهو يطالعني ويبتسم وقال : ما عليج امر خبري فيصل اني ابي اروح البحر اليوم مليت من البيت .. مادري ليش حسيت بالفرحه وانا اشوف بدر قام يطلع ويروح مثل الشباب اللي بعمره .. انت تامر امر خلصت كلامي وانا ارفع الجوال اتصل في فيصل من جديد ..!





بالكويت في ارض الخير ودار المرحوم جابر .. نور تركض من المربيه علشان ما تلبسها .. وهي تضحك على حركات المربيه ما انتبهت لابوه اللي مسكها من خصرها ورفعها وهو يحذفها بالهواء ونور تضحك من قلبها وهي مبسوطه حيل .. ليش ما تلبسين والا عاجبج الجو يعني .. ههههههههههههه ضحكت نور وهي تقول لعبدالعزيز: ما ابي !! ابتسم عزيز لها وقال : مو منج من الدلع .. انزين انا البسج ! امممممممممممم نور وهي تفكر وطالع ابوها وتقول: لا الي ندى .. حسيت بطعنه قويه بصدري ليش يا نور كل ما احاول انسى تذكريني فيها.. اااااااااااااه يا ندى .. نزلت نور من يدي وانا اعطيها المربيه علشان تلبس في هالوقت رن جوالي وانا اشوف من المتصل وبنفس الوقت اشوف الوقت .. 10 ونص الصبح والعنود داقه ان شاء الله خير ... الووو ..
العنود: هلا والله بالغلا .. شلونك ؟!
ابتسمت وانا ارد عليها واقول: هلا فيج .. انا بخير وانتي شلونج وشلون يعقوب وفيصل ؟
العنود وهي تضحك : احنا طيبين ما دامك طيب .. اممم عزوز مو ناوي تهجر الكويت وتنزل قطر ..؟
استغربت من سؤالها المباشر ورديت عليها: ليش صاير شي ..!
ردت العنود وهي تقول: لا والله مو صاير شي بس وحشتنا و نور بعد لها وحشه .. والا عندك شي بالكويت ما يخليك تفكر فينا ..
تنهدت بصوت عالي وانا اقول: من قال قطر واهلها في قلبي ..؟ العنود وهي شبه متردده : عزيز بقولك شي ؟؟ اممممم ندى ربت من اسبوعين وجابت ولد وسموه ابراهيم باركت لمحمد والا ما احد قالك ..؟
خلاص يالعنود كسرتي قلبي وهدمتي احلامي غمضت عيوني بقوه وانا ارد عليها بكل برود عكس اللي داخلي من نار : صج مبروك لا والله ما احد خبرني بس الحين راح اكلمه وابارك له .. بعد السلام صكرت التلفون وقعدت على اقرب كرسي وعشت مثل كل مرة بذكرياتي ...


اصلا اذا كبرت وتزوجت ان شاء الله .. وربي كتب لي اجيب بنت راح اسميها نور اما اذا ولد راح اسميه عبادي على اخوي ... شرايك عزوز ... كنا قعدين على الصخور بالكورنيش انا وندى وفيصل والعنود .. كانت ندى لابسه بنطلون جينز ازرق وبدي اسود وعمرها ما تجاوز 14 سنه كانت تخطط للمستقبل وانا مبسوط اني اكون معاها واسمع لها .. رديت عليها وهي تنطر مني رد : حلو اسم نور بس عبدالله ماله داعي .. وقفت على السور وهي تتخصر لي وتقول: لو سمحت عبادي تاج راسك .. مسكت يدها بقوه وانا اقول لها : ندى عيب هالحركه انا اكبر منج .. شدت يدها من يدي وهي تنزل من فوق وتقول: اصلا انت ما تعرف شي .. ركضت صوب خالتي وامي وهي زعلانه مني ..




كنا قعدين نتغدى بالصاله بعد ما خبرنا فيصل انه ما راح يجي علشانه مشغول مع بدر .. الهدوء اللي عايشه خانقني بس ايش اسوي العنود عنيده وانا مو قادر انسى لها اسم طلال ابدا .. ماما ابي ماي صوت سالم قطع تفكيري .. رفعت عيني وانا اشوف وجه العنود وهي تصب الماي له وهو يضحك ومبسوط .. اااااااه قلتها بقلبي وانا اتمنى اكون مكان سالم .. كانت لابسه تنوره بيج وقميص بنفسجي حرير .. ورافعه شعرها وبعض الخصل طالعه من جهه اليمين .. حبيبي لا تسوي جذي .. صوتها وهي تكلم سلوم طلعني من جوي وقفت وقلت : الحمدالله .. رفعت راسها صوبي وعقبها قالت : بس انت ما اكلت .. رديت عليها وانا رايح صوب المغسله : خلاص شبعت وانا اصلا تعبان بروح انام قبل صلاة العصر .. ما سمعت ايش قالت مع اني متاكد انها علقت .. غسلت يدي وعلى طول رحت الغرفه وصكرت الباب .. تنهدت بقوة وانا افسخ الثوب وانسدح على السرير .. تذكرت ايش صار من اسبوعين بينا ... غمضت عيوني وانا اشوف العنود قدامي بس هي اللي دووم اشوفها باااا حلامي ..!




على الساعه 5 ونص المغرب كنا في بيت ندى بالريان صرت احب هالمكان الحين عرفت ليش منيرة تحب ندى علشان الجو العائلي اللي تحسه منيرة عندها .. دخلنا البيت واحنا نشوف خالتي ام عبدالله تتقهوى وندى حاطه ابراهيم بحضنها وهو نايم .. وفطوم تضحك على سوالف خالتي .. السلام عليكم يا اهل البيت تكلمت امي وانا من بعدها سلمنا وقعدنا نسولف .. فطوم ممكن تاخذين ابراهيم شوي ابي الجازي بسالفه .. تكلمت ندى وهي تمد يدها .. قامت فطوم وهي تقول : بدينا الحين بالاسرار ..ضحكت على فطوم وقلت: مالج خص!! جوجو ابعدي عني ترى اتفاهم معاج بطريقتي .. تكلمت فطوم وخلتنا نضحك عليها .. قمت مع ندى لغرفتها اللي كانت مرتبه وسرير ابراهيم جهه اليمين .. قعدت على السرير وانا انطر ندى تتكلم .. ادري انج راح تستغربين سؤالي بس ارجوج تقولين لي الصراحه .. كلامها خوفني وايد وخصوصا شكلها المتوتر وقفت وقربت منها وانا اقول : خير ان شاء الله ايش صار .. ردت ندى تقول : وين كنتي يوم وفاة المرحومه منيرة ؟! سؤالها كان صدمه لي ايش تقصد تجمدت عروق دمي وانا ارد عليها : الموضوع صار عليه سنه تقريبا .. بس والا يهمج خليني اتذكر .. امممممممم ابوي مع امي وراشد يتناقشون على العشاء واللي اتذكره .. اممممم صافيه تتهاوش مع محمد اما انا كنت بالسيارة اسولف بالجوال مع العنود بنت خالتج .. اعتقد انج تعرفين انها صديقتي .. بس هذا اللي اذكره .. طالعت ندى اللي قالت : وضحى وين كانت ؟! استغربت من الاسئله الغريبه وانا ارد : امممم ما اذكر والله بس اعتقد على الصخره القريبه من راشد لانها كانت تضحك على هوشاتهم.. رفعت راسي وانا اقول لندى: ادري ان منور كانت تقولج اني اكرهها بس والله العظيم اني احبها .. اختنقت وانا اقول: انا غبيه يا ندى لاني ما عرفتها بحياتها وخسرت منيرة والا عرفت هي شنو ..كملت كلامي وانا اقول: صدقيني كنت اغار يوم عرفت ان منيرة تعرفت على صديقه وخلتها الام والاخت والصديقه سكت وعقبها صحت كل اللي بخاطري طلعت الاول والتالي .. قعدت اصيح وانا اقول حق ندى انا ايش قبل وشلون حب فيصل غيرني وشلون خسرت كل اللي حولي .. صحت قهر وانا بحضن ندى صحت خوف من الله صحت حزن على شبابي اللي ضاع على الفاضي ..

الجزء 33،،



عدا اخر اسبوعين من وجود ندى في بيت اهلها .. وحاليا اتحنى بالصاله باجر راح ارجع بيتي .. ابراهيم نايم والحنايه خلصت من يدي وبدت برجلي مش عارفه ليش بس فطوم اصرت احنيهم .. كانت اسوم عندي وهي تسوالف ومشتطه للعرس وتقول ايش خذت وايش اللي باقي .. اسوووم مو جنج عورتي راسي .. وهذي انتي ما تبين العرس اشوفج فرحانه .. حمرت خدود اسوووم وهي ترد علي : والله لو ما في يدج حناء كان ضربتج سنه بـ ساعه وبعدين انتي تعرفين ان الشيخ فيصل خاطره يسوي عرس ليش احرمه والله .. هههههههههههه ضحكت فطوم وهي تقول: انتوا البنات غربيين .. قامت فطوم وهي تقول :بروح اجيب كابتشينو تبين اسماء .. هزت راسها اسوووم على العرض المغري على قولتها واول ما اطلعت فطوم كلمتني : ندى فطوم ليش ما تزوجت .. رفعت راسي ودمعت عيني .. انصدمت اسماء وقالت : خلاص الله يهداج ما ابي اعرف .. ابتسمت بحزن وانا اقول: لا تقولين هالكلام قدامها .. خليه ما بينا اوكي .. هزت اسوووم راسها من جديد وهي تنطرني اقول .. احم اسمعي يالغاليه : اممممم فطوم الحين عمرها 32 تقريبا تزوجت وعمرها 22 سنه من ولد خالتي وعاشت معاه على الحلوة والمرة .. وربي رزقهم في بنت سموها سعاد .. كانت الدلوعه ودوم ينادونها سوسو .. المهم امممممم جاء يوم طالعين رحله للبحر وهم بالطريق صار لهم حادث وتوفى زوجها على طول اما سوسو قعدت تقريبا اسبوع بالعنايه وعقبها توفت ..عقبها فطوم قررت تعيش على ذكراهم كل ما خطبها احد ارفضت ما تبي العرس تقول انها جربت وما تبي تعيده .. سكت وانا اشوف اسوووم تصيح وخلت دموعي تنزل وانا اتحرك .. مدام don't move الحنايه كانت تكلمني علشان اثبت وما اخرب النقش اللي برجلي .. دخلت فطوم وهي شاله الكوب بيدها وتسال : شفيكم ليش وجيهكم زرق .. من مات عندكم ..! رفعت راسي وانا اطالع اسماء اللي انفجرت من الضحك وهي تقول : الناااااااااااااااااس تقول صار وجهك اصفر مو ازرق .. ضحكنا كلنا بعد ما اختنقنا من الزمن ..!




كنت اشوفه وهو مشتط ويرتب الغرفه مرة يحط الورد على الطاوله ومرة يحطه على الارض محمد متوهق باجر ندى راح ترجع البيت وهو لين الحين ضايع ... هههههههههههههه : محمد اطلع انا برتب الغرفه !! لف صوبي وهو يقول : لا ابي ندى تشوف شلون المكان نظيف .. الجازي قولي وين احط سرير ابراهيم .. امممممممممم قعدت افكر وانا اطالع الغرفه : شرايك هني .. علشان يكون قريب من ندى اذا صاح .. حسيت انه مقتنع بكلامي سحب السرير صوب جهه ندى وعدله .. وانا رحت ارتب باقي الاغراض .. دخلت صافيه وهي تقول : امي تقول الغدى جاهز يالله تعالوا .. ردينا انا ومحمد بصوت واحد : اوووكي .. ههههههههههههه ضحكت وضحى اللي كانت واقفه وراء صافيه: شبلاكم جنيتوا .. ليش مسوين جذي ؟ لف محمد صوبها وهو يقول: بدل ما تساعدوني تضحكون ..؟ قالت صافيه : انا ساعدتك الصبح .. الحين جوجو وبعدين على العصر وضحى .. تكلمت وانا اقول لهم : لا ما احد يرتب الغرفه غير محمد وانا .. يالله اطلعوا خلونا نخلص .. ابتسم محمد وهو يقولي: ربي يعطيج العافيه .. والله فيج خير .. تكلمت وانا اشيل الطاوله الصغيره واقربها من الكراسي : ندى اختي وحبيبتي والاخت اللي ما جبتها امي .. شفت ابتسامه غريبه على شفايف وضحى وهي تقول: نفس كلام المرحومه منيرة .. سكتنا كلنا واحنا نتذكر منيرة ونترحم عليها ونطلب لها الجنه ...




الساعه الحين 3 ونص العصر وكنت بالغرفه ارتب ملابس الشباب صج هلاك في الدقيقه يبدلون اوووف مليت .. قبل مرتاحه خدم وحشم والحين انا اللي اسوي كل شي .. هذي ضريبه الزواج .. كنت سرحانه وافكر واهلوس بروحي .. سلووووم نايم على سرير ابوه وانا ارتب ثياب يعقوب بالكبت ما حسيت الا وانا بحضنه .. ضمني بقوه وهو يقول: نورتي الغرفه .. سكت ما قدرت اتكلم وخصوصا اني مشتاقه له بس ما ابي اعترف.. خلاني الف صوبه وهو يمسك وجهي بيده وانفاسه تحرق وجهي .. رفع راسي وهو يقول: لين الحين زعلانه ..؟ بعدت نفسي شوي علشان اقدر ارد عليه بس للاسف الكبت خلاني محاصرة يعقوب من قدامي ويده على جهه اليمين وبنفس الوقت الكبت وراي والطوفه على يساري يعني اذا فيني خير احاول اطلع .. لا طلعت همس مني ما قدرت اقولها بصوت اعلى احس اني خلاص وصلت مرحله الصفر .. قرب يعقوب شوي مني وهو يقول بصوت واطي : يعني انتي راضيه .. اوووف ابعد الله يخليك كنت اقول هالكلام لنفسي وانا اغمض عيوني وقلت : اكيد .. بدون مقدمات حط شفايفه على شفايفي وباسني بكل قوه وانا منصدمه من حركته السريعه وبنفس الوقت مبسوطه من قربه .. حط يده على خصري وهو يقوبني له اكثر .. وانا اذوب اكثر واكثر كنت ارتجف وهو بعد .. بدون شعور مني حطيت يدي على رقبته وانا اقربه مني وفجاءة : بابا عيب .. صوت سلوم قطع علينا اجمل اللحظات اعتقد بالنسبه لي ..!




على الساعه 7 بعد صلاة العشاء كنت اسولف بالجوال ومش منتبها لوجود اللي معاي نسيت اني في بيت خالتي ام عبدالله .. لين ضربت فطوم كتفي وهي تقول: خلاص عاد ما تملون سوالف من الصبح لين الحين .. كلها اسبوعين وانتي بحضنه .. صوت ضحك فيصل احرجني وجهي شب من الاحراج وندى وخالتي يضحكون علي .. صكرت التلفون من فيصل بعد ما طلب مني اكلمه بالليل .. لفيت صوب فطوم وانا اقول: انتي شنو .. خليني استمتع .. خالتي شوفيها .. ههههههههههههههههههههه ضحك خالتي وندى علينا واصل اخر القارة الاسيويه .. قعدنا نتناقش انا وفطوم واللي معانا يضحكون .. لين تكلمت فطوم وقالت : أي ندى ما قلت لج عبادي يبي يتزوج .. وامي ادور له حرمه سنعه مو نفس بعض الناس .. كانت تقصدني .. طنشت لها وانا اقول لندى : امممممممم شرايج في الجازي ! شفت الصدمه بعيون ندى وعقبها قالت: والله مادري بس بسالها وان شاء الله خير .. تكلمت خالتي ام عبدالله وهي تقول : أي والله ليش نروح بعيد والجازي بعدها ما تزوجت ... احس ان ندى فيها شي وخصوصا بعد ما جبنا طاري الجازي والزواج بس مو مشكله بعدين راح اعرف .. رن جوالي وكان المتصل بدر وقفت وانا اقول: يالله هذا بدر ينطرني بروح البيت .. احسن من لسان فطوم ام لسانين ... ههههههههههه طلعت على صوت ضحكهم والله ربي راضي علي بهالدنيا هذا كان تفكيري وانا اركب السيارة ..!



كنت اسولف مع فيصل بس بالي مشغول باللي صار اليوم مع العنود .. اوووف لو ما كان سلوووم موجود .. ليش ايش كان سويت ؟! صوت فيصل اللي ردني للمجلس .. طلعته وانا اقول : ايش تقصد ! قالي وهو يبتسم : انت تقول لو ما كان سلوم موجود ! انحرجت لان تفكيري كان بصوت عالي .. ههههههههههه ضحك فيصل علي وهو يقول: وجهك لونه اخضر على قولت بنت خالتي .. ههههههههههه ضحكت وانا ارد: ما لك خص بـ لوني و وجهي ههههههههههه ضحك فيصل ! يالله عيل بروح داري ابي انام .. تكلم فيصل وانا احس اني مستانس بدخل عند العنود .. وقف فيصل وقفت وياه .. يالله تصبح على خير والا تنسى باجر عندنا دوام بدري .. كلمني فيصل وهو يطلع من المجلس رايح صوب الملحق الخاص فيه .. " من بعد ما باع عبدالعزيز البيت اللي بالدفنه وفيصل يسكن مع يعقوب والعنود وله ملحق خارجي خاص فيه واصلا قليل ما يتواجد بالبيت " رديت عليه وانا اقول : ان شاء الله طال عمرك لا توصي حريص .. كل واحد فينا راح بطريقه دخلت الصاله ولقيت العنود قاعده عند التلفزيون اتابع برنامج .. السلام عليكم .. رفعت العنود راسها وهي ترد السلام قعدت على الكنب اللي هي قاعده عليه وانا اقول: وين سالم ؟! تكلمت وهي تشوف البرنامج : نايم من ساعتين لا تنسى الوقت متاخر .. رفعت ساعتي وانا اشوف ان الوقت 12 ونص بالليل وقلت : وانتي متى تنامين ؟! طالعتني وهي تقول : الحين بس كنت ابي اسالك قبل لا انام .. امممم عادي اروح عند اسماء باجر تبي مني شغالات .. طالعتها وانا اقول: روحي .. وتصبحين على خير لان عندي دوام .. طلعت من عندها وانا احس انها بارده معاي مو نفس العصر يوم حسيت انها مشتاقه لي ...!



كنت مع امي على الفطور وانا اسمع عن اختيارها للعروس بس ما توقعت انها تكون اخت محمد .. انزين يمه وين البنات .. كلمتها وانا اشوفها وهي تفر القنوات .. ردت علي وهي مندمجه مع التلفزيون: فطوم عندها اجازة اليوم وراحت تودي اختك ندى تسوي شعرها والسوق .. يعني ابراهيم هني! كلمتها وانا اوقف ؟! أي يمه نايم لا تروح وتقومه كلمتني وهي تهددني بالعصى .. هههههههههههه ضحكت على امي وانا اقول: ان شاء الله يا ام عبدالله بس راح ابوس راسه .. طلعت من الصاله رايح صوب غرفه ندى اللي كان بابها مفتوح والخدامه قاعده عنده وهو نايم .. يجنن هالولد طالع على ابوه ما اخذ من ندى الا لون بشرتها الحنطيه .. بسته وانا اشوف حركات يده ورجله ههههههههه ضحكت عليه وعلى شكله ,, تخيلت انه ولدي الله يالدنيا الحين فكرت بس بالعيال والزواج .. رن جوالي وكان المتصل محمد ..
هلا والله بو ابراهيم ؟! رديت عليه وانا احط برهوم على السرير .. هلا فيك .. شلونك عساك بخير ؟ رد علي وهو شبه يضحك على ترحيبي له .. انا بخير دامك انت بخير ..؟ طيب انت وين الحين .. سالني محمد وانا طالع من غرفه ندى .. رديت عليه : كنت بغرفه زوجتك وحاط ابراهيم بحضني وحاليا طالع الصاله ليش تسال .. لا يكون انا حرمتك وانا مادري.. ههههههههههه ضحك محمد وهو يقول: حشى لله حرمتي احلى على الاقل اذا قمت الصبح اتصبح بغزال مو سبال ؟ ههههههههههههه ضحكت عليه وانا ارد وحاط عمري معصب : تخسي انا سبال .. اصلا انا الغلطان اللي اسولف وياك ... ههههههههههههههه ضحك محمد وهو يقول: يا رجل عن السوالف بس .. تعال لي انا عندك بالمجلس .. ان شاء الله الحين جاي لك .. صكرت منه التفلون وانا احمد الله على محمد اللي محافظ على ندى ويحبهااا ..!



كنا مبسوطين واحنا نرتب البيت اللي يشوفنا يقول عندنا عيد .. مو علشان ندى راح تجي .. المشكله اني مبسوطه اكثر منهم .. دخلت الغرفه اجيب عود وبخور علشان ابخر المكان وانا اقول المغرب راح ينور البيت .. ما حسيت باللي معاي بنفس المكان .. ما شاء الله كل هذا حق ندى .. لفيت صوب راشد اللي خرعني وهو يتكلم .. بسم الله الرحمن الرحيم .. انت من متى هنا .. كلمته وانا اشوفه وهو يطالعني من فوق لين تحت ويقول : الحين انتي لابسه لمن بالضبط .. سؤاله احرجني من قلب .. رديت عليه وانا اطلع من الغرفه : فكر مثل ما تبي واذا انت تشوفني موضي القديمه تراك انت الخسران مو انا ..؟ قبل لا امسك مقبض الباب حسيت بيده على كتفي ولفني صوبه وهو يقول: اتمنى ان موضي القديمه ماتت .. فتح الباب وطلع وخلاني واقفه في مكاني مصدومه ليش هو الوحيد اللي مو مصدق والله تغيرت .. هزيت راسي بقوة وانا اقول : بكيفه صدق والا لا اهم شي اانا مرتاحه جذي .. طلعت من الغرفه رايحه صوب الصاله علشان ابخر المكان قبل لا تجي ندى مع محمد ..



بالجامعه وجو الدراسه والاجتهاد للبعض .. وللبعض الاخر كان للهو والمرح والملذات .. شله بندر في الزاويه المفضله لهم .. كانت وضحى لاصقه بحضن بندر وهم يتهامسون بالغزل وكلامات الحب اللي ما تنقال الا للازواج .. وفي مكان ثاني وسط المجموعه كانت حصه منقهرة وهي تشوف الوضع والعلاقه اللي بدت تقوى ما بينهم .. الا اقول وضحى ليش طلقج ولد عمج .. سؤال حصه لوضحى خل الكل يسكت ويطالع وضحى اللي انصدمت من هالسؤال المباشر .. رفع راسه بندر وهو يقول لحصه : اعتقد هالجواب ما يخصج بس اذا حابه تعرفين عادي .. والا تعتقدين ان سؤالج راح يحرج حبيبتي .. انقهرت حصه وفرحت وضحى على الدافع الحار من بندر لها .. تكلمت دلال وهي تقول : اليوم في مباراه بين بنات النشاط وبنات الرياضه لكرة اليد بتروحون والا لا .. الكل رد وهم مبسوطين ان في جو ثاني غير الحش والقافه .. ورجع صوت شله بندر يهز الكافتيريا من جديد بدون اهتمام باللي حولهم ..!




...؟ ان شاء الله قريب راح اخبرك ؟
...؟ يعني راح تحضر عرسي !
...؟ ان شاء الله يا فيصل راح احضر شبلاك تحن وايد..؟
فيصل : هههههههههه يا اخي اشتقت لك من رحت للكويت ما نسمع حتى صوتك عرسي بعدي يومين ابيك معاي يا اخوي ..
عبدالعزيز : افا عليك اذا ما وفقت وياك من يوقف .. ادري ان عبدالله ويعقوب وبدر معاك بس اكيد انا غير ..
فيصل: اكيد يا اخوي انت غير ؟
عبدالعزيز : خلاص عيل اشوفك قريب مع السلامه ..
صكرت من فيصل وانا افكر في الدوحه وخصوصا في ندى .. دخل منصور المكتب وهو يقول : الاستاذ سعد يقولك متى راح تطلع من الشركه الساعه الحين 8 ونص بالليل ؟ رديت عليه وانا اوقف : الحين ليش هو وين ؟ رد منصور وهو يطالع وجهي : بالبيت .. عبدالعزيز انت بخير .. رديت وانا اتنهد : أي انا بخير .. بس ابيك تقطع لي تذاكر للدوحه عرس فيصل بعد يومين واحسب احسابك وسعد وياك .. رد منصور وهو مبسوط: الف مبروك يارب .. بس انت ليش زعلان؟ رديت عليه وانا احط الاوراق بالشنطه : مو زعلان بس جو الدوحه واهلها الدوحه يعذبني .. صكرت الشنطه وانا اسلم على منصور واوصيه على التذاكر .. طلعت من المكتب رايح صوب الاصنصير رن جوالي على نغمه احبها حيل تقول:

تدري انا وياك
قصتنا مثل شمس وقمر
من اول الوقت حتى اخره
ما يلتقون
كل يدور صاحبه
وحكم القدر
تشرق تبيه
يغرب يبيها
وفي السماء
يتخالفـــــــــــون

تدري انا ما عاد اظن
ان لي معاك قسمة
ويا عزتي للي القدر
هو نده وخصمه
قاوم هبوب العاصفة
وهزته نسمه
نسمه رقيقة ظالمه
ما في قلبها رحمة
يا من عرفني الليل
واقف على بابك
لأصرخ واهد الليل
ما اتحمل غيابك

اه يا حبيبي للأسف
ما بيدنا حيلة
هذا نصيب قلوبنا
ويعلها خيرة
كل شيء حبيبي بينتهي
حــــبـــــنـــا خــــالـــد
صفحة تشع من البياض
الله بها شاهد


رديت على الجوال وانا احس اني راح اختنق .. الوو ؟ عزيز وينك !! صوتها يالله احب صوتها .. البحه اللي فيه تجنني .. عزيز صرخت بقوه وانا اقول : هلا هلا ندى معاج .. هههههههههه ضحكت وقلبي يرقص مع ضحكاتها قالت : سنه لين ترد تراك بالكويت مش عايش في مثلث برمودا .. هههههه ضحكت وانا اقول: سوري والله كنت بالمصعد .. اهااا انزين اسمع ابيك تنزل الدوحه وتجيب نور تراها وحشتنا .. والا تنسى عرس اخوك ..؟ كنت اسمع صوتها وانا مغمض عيوني .. علشان اقدر اخزنه داخل عقلي .. ان شاء الله انت تامرين .. امممم ندى مبروك ما جاج ويتربى بعزج .. ردت علي وهي فرحانه : الله يبارك فيك .. اممم خلاص انا اصكر الحين محمد ينطرني اشوفك بالدوحه .. صكرت التلفون وانا ما زالت عند المصعد اللي كان يفتح ويصكر وانا مو حاس فيه ..

الجزء 34،،






وصلنا البيت تقريبا على الساعه 9 بالليل .. كنت مصصم ادور بالدوحه واخلي ابراهيم يشوف قطر بس ندى الله يهداها تحن الا نرد البيت .. دخلنا الصاله وكانت امي اول من يستقبلنا : هلا وغلا تو ما نور المكان حي الله الغاليه .. ترحيب امي الحار لندى طلع البنات كلهم وكل وحده تمسك فيها ساعه من بوس وحضن ودموع صج هنود اهلي .. محمد شبلاك عطني ابراهيم .. صوت امي رجعني لهم ورديت : أي ان شاء الله .. الله يهداكم اللي يقول ندى راجعه من معركه مو من الريان وانتوا عندها كل يوم .. صوت غريب تكلم او بالاصح من زمان ما سمعته : والله زوجتك عن الف وحده فينا واذا غابت حسينا بـ مكانها .. ردت صافيه وهي تقول: وانتي الصاجه يا موضي ندوووش حبيبه الجماهير .. هههههههههه ضحكنا على خبال البنات .. يالله انا طالع المجلس تامروني بشي .. كلهم قالوا لا .. الا ندى اللي قالت اي .. ههههههههههه ضحكنا من جديد وردت وضحى عليها وقالت : لاحقه عليه طول العمر معاج خليه يروح .. ردت عليها الجازي وهي تحضن ندى وتقول: ما عليج منها تدلعي عليه واطلبي كل اللي تبينه .. علقت صافيه وهي تضحك : أي خليه يودينا مباراه الريان يوم الخميس .. ههههههههههه ضحكنا من جديد وقالت ندى : اصلا انتوا ما تعرفون شي .. قالت هالكلام وهي ترفع راسها لي وتقول : أي ابي سلامتك ورضاك .. هدوء بالمكان ما في حتى نسمه هواء تعكر صفوه .. تنهدت وانا اقول لها : الله يسلمج يالغلا .. انا اترخص مع السلامه .. طلعت من عندهم وصوت الضحك رجع من جديد ..





كنا بالمطار اليوم راح يوصل عبدالعزيز ونسيبه وصديقهم .. الجو اللي حولنا كان فرح خلاص عرس فيصل باجر والكل مبسوط وفرحان .. يعقوب هذا عزيز تكلم فيصل وهو يمسك يدي .. رفعت راسي وانا اشوف ثلاث شباب واحد فيهم شايل بنت وعرفت عزيز من بينهم .. ركض فيصل مثل الياهل صوب اخوه واول ما وصل عنده حضنه بقوه وكان يصيح شوق .. الله يهدك يا فيصل تصيح وانت رجال وباجر عرسك .. عيل ايش خليت للعنود .. تكلم عزيز وهو يبتسم .. واللي قهرني يقول اسم العنود قدام العالم .. هده فيصل وهو يقول : كل منك ليش تاخرت كنت انطرك يعني لو ما كان عرسي ما كنت جيت .. فيصل اذكر ربك وخلنا نسلم على الشباب تكلمت وانا امد يدي لعزيز .. هلا والله بالنسيب شلونك عساك بخير ؟ رديت عليه : بخير ولله الحمد انت شلونك !! انا بخير رد علي وهو يقول: هذا سعد ومنصور .. سلمنا على الشباب واحنا ريحين صوب السيارة .. طبعا حلفت على عزيز والشباب ينامون عندي بالبيت خصوصا ان في مكان وغرف وخصوصا اني مخبر العنود ترتب غرفتين للفيصل وعزيز داخل البيت والمحلق الخارجي حق سعد ومنصور ..





محتاج أضمك وأترك الدمع ينساب
ويكتب على خدي بلاوي سنيني
بالحيل ميت من زمن مابه أصحاب
والكل منهم بالمصايب يجيني
ألا أنت وينك لاتعذر بالاسباب
ابيك تترك كل شي وتجيني


طرشت هالمسج لندى وانا ارتب الغرفه اللي بنام فيها ..غرفتي راح تكون لعزيز والثانيه لفيصل وغرفه سالم احذا غرفه يعقوب،، كنت قاعده على سرير يعقوب وانا اقول : اليوم راح اجتمع وياك بنفس الغرفه .. رن جوالي وكانت ندى المتصله ..
ندى: السلام عليكم ورحمه الله وبركاته .. شلونج العنود ؟
صوت الازعاج اللي عندها حسسني بالحزن اكثر رديت : وعليكم السلام .. انا بخير .. امممم انتي وين ؟!
ندى : وين بعد اليوم رديت بيتي والازعاج اللي عندي خوات محمد ومرت راشد .. انتي اللي شبلاج ليش هالرساله !
اااااااااااه تنهدت بكل قوة وانا اقول : ايش اقولج يا ندى .. سمعت كلامج وسويت اللي المفروض يصير بس للاسف ..
قطعت ندى كلامي وهي تقول: بنات هالله هالله في برهوم بروح اكلم العنود واجيكم .. بدء الازعاج يخف وسمعت صوت باب يتصكر ..الو انتي معاي ؟ كلمتني ندى وانا احط العطورات على الطاوله ..
العنود : أي يالغلا معاج ؟؟
ندى : طيب قولي اللي صار وانا اسمعج ..
خذت نفس قوي وقعدت على اقرب كرسي وقلت: تذكرين يوم طلعتي من عندي .. قررت ابتدى من نفس اليوم .. اممم رحت شفت الاغراض واخترت القميص المناسب حطيته على جنب .. وبعدها رحت لسلوم علشان انومه .. اممم ايش اقول .. ردت ندى علي تحاول تهديني لان صوتي بدء يتغير ..
ندى: يعني ما صار شي ومن ذاك اليوم لين اليوم ما صار شي .. انتي تعرفين ان مر شهر تقريبا .. انتي متزوجه من 5 شهور ومازالتي بنت ..
العنود: مو بيدي هو ما جاء وتاخر ويوم اتصلت فيه ما كان يرد وحتى بالرسايل ما عبرني كل اللي سوه ان جاء البيت على الساعه 2 الفجر وطرش رساله لي يقول فيها انه بالغرفه .. انتي متخيله الوضع ..
ندى : والا سالتيه وين كان يمكن كان معذور ليش تحكمين على طول وبعدين.. كوني صريحه مع يعقوب تره طيب ورجال صالح لو غيره كان انتي الحين في بيت اهلج .. تنهدت ندى وهي تكمل : اليوم تتعاملين معاه كزوجه مو شرط بالفراش بالتعامل والاهتمام والرعايه .. خلج قويه وصادقه .. تسمعين ..
رديت عليها وانا اسمع صوت يعقوب يناديني : ان شاء الله .. اممم ندى انا بصكر الحين يعقوب يناديني .. وبنتفاهم بعدين اووكي قلبي .. صكرت الجوال ولفيت ابي اطلع وانصدمت يوم شفت يعقوب يطالعني بنظرات غضب ..





كنت ارقب محمد وهو نايم رفعت راسي الجهه الثانيه اشوف النسخه الجديده لمحمد ضحكت وانا احاول اقوم بس يد محمد وقفت حركتي وسحبني جنبه وهو يقول: على وين !! طالعته بكل حب وقلت له : بروح الحمام "الله يعزك" خلاص شبعت نوم ! هههههه ضحك وهو مغمض عيونه ويقول: ذكرتيني باول يوم لنا يوم شردتي للحمام.. ابتسمت وانا ابوس راسه واقول : انت ما تستحي .. خلني اقوم .. بس محمد عاند اكثر وحضني بقوه وهو يقول: بس انا مشتاق لج .. فتح عيونه وكمل: ندى شهر يالظالمه وانتي مو بحضني والحين تبين تروحين .. سكت وانا اطالع عيونه مش عارفه ليش احب هالانسان عرفته من سنه بس وهو كل حياتي .. وعزيز اللي عشقته سنين ما له مكان الا انه اخ ولد خاله .. شفيج ليش تصحين كل هذا علشان تطلعين.. تكلم محمد وابتسمت على كلامه وحضنته وانا اقول: كنت افكر شلون كنت بدونك طول السنين اللي راحت .. حتى يوم عرفت منيرة ما عمري شفتك والا حتى سمعت صوتك الا يوم وفاتها بـ شهر تذكر .. ههههههههههههه ضحك وقال : اقولج سر قعد معاي عشر سنين !! رفعت راسي اشوفه وهو يقول: كنت احلم فيج بالاسبوع مرة بس الله يسامحج حتى بالاحلام تكونين قاسيه وتصديني .. هههههههههه ضحكنا واحنا نتكلم عن احلام محمد.. وقسوتي معاه!





الساعه 10 ونص الصبح طلعت وشفت فطوم تسوي لها ساندوج وامي تتقهوى .. السلام عليكم ورحمه الله شلون اصبحتم .. ردوا السلام وقالت امي : اصبحنا بالخير ولله الحمد .. عبدالله من بيروح للذبايح ؟ رديت عليها وانا اخذ القهوة من يد فطوم: انا ويعقوب بنروح لهم .. اما الصاله فـ عبدالعزيز وبدر هناك وسعد جزاه الله خير هو اللي راح يحط التجهزات بالصاله .. متى جاوا من الكويت ؟ تكلمت فطوم وهي توقف وتمسك العبايه ومفتاح السيارة .. امس بالليل وصلوا .. انتي وين رايحه ؟ كلمتها وهي تبوس راسي امي وتقول: حق العروس ندى وعقبها العروس العنود وعقبها العروس اسماء.. ههههههههههههههههه ضحكنا انا وامي على كلامها رديت عليها: ومتى بتصيرين عروس يا فطوم ؟ وقفت وطالعتني وهي مصدومه من الموضوع .. كلمتها امي : فاطمه ابي اموت وانتي في بيت ريلج فكري بس بالموضوع .. تنهدت فطوم وهي تقول: الله كريم بس ما يهون علي العشرة اللي راحت .. قعدت وقالت: اخاف والله يصير شي واخسر من جديد.. استغفرا الله ايش هالكلام الاعمار بيد رب العالمين .. تكلمت وانا اوقف واقول: انتي الحين روحي للبنات وبعدين نتفاهم .. استمتعي ورقصي وافرحي ترى اليوم عرس فيصل وهو يستاهل .. ضحكت لي وهي تقول: ربي يخليك لنا يالغالي ..!





المغرب الكل مبسوط ومشتط وانا معاهم كنت اراقب البنات اليوم بس عرفتهم لاني غبيه وحرمت نفسي اشوف لي خوات وصديقات.. كانت ندى لابسه فستان ناعم عنابي غامق وماسك جسمها بطريقه حلوة وشعرها على فوق ومكياجها ناعم مثلها .. اما فطوم كانت لابسه فستان ذهبي مخصر على جسمها وطالعه منه شرايط ذهبيه وشعرها على كتفها مدرج ومكياج هادي.. حتى بنات عمي كاشخين للعرس اللي يشوفهم يقولون اخوهم .. حبيت هالتجمع .. موضي شبلاج ما راح تنزلين .. صوت ندى ردني للواقع وللعرس وللصاله .. وقفت وانا اقول: احس اني بين اهلي .. ههههههههههه ضحكت ندى ومسكت يدي وقالت : حبيبتي انتي بين اهلج واللي يزعلج بس قولي من وانا امسحه من هالدنيا .. ابتسمت لها ووحطيت يدي على يدها وقلت : وين تبيني اروح قولي.. تعالي معاي تحت نشوف العالم وعقبها نقول للصاحبه الدي جي تجهز الزفه .. تكلمت وهي تسحبني وحتى قبل لا تسمع رايي ابتسمت وانا اقولها: ان شاء الله وهذاني وراج .. هههههههههههههه ضحكنا واحنا نزلين والبنات ينزلون ورانا علشان المعازيم وصلوا ..




...؟ طيب يا فادي انا راح اخبر الاستاذ .. والبضاعه تكون موجوده يوم السبت ..
...؟ خلاص عيل انا اصكر الحين واتفاهم معاك باجر الصبح .. مع السلامه ..
كنت ضايق من الخاطر ابي اطلع بس أيش اسوي عرس فيصل ولازم اكون هني .. وقفت برع صوب صاله الدوحه للاحتفالات كنت قريب من المطبخ الخارجي طلعت علبه الزقاير وفجاءة ...
...؟ انتي وين الحين .. ياااااااااا سلام يوم اقولج تعالي معانا قلتي ما اقدر .. طيب وين السيد يعقوب .. اهاا متاكده ,, لالالا لين الحين ما زفينا اسماء كم يبي لج .. خلاص عيل بقول لندى ..
اصلا لج الشرف فاطمه بنت .... الـ ... تمر عليج هذي اخر مرة يا ناكره للجميل .. يا الله مع السلامه ..
فاطمه بنت خاله عزيز لا وين مستحيل هذي فاطمه سبحان الله كنت افكر بعد ما شفتها تدخل الصاله وهي مو مركزة لوجودي .. يا ربي تغيرت وصارت حلوة قبل كانت ترفع الضغط .. ماشاء الله عليها .. سعد سعد .. شبلاك واقف هني ؟ لفيت صوب اللي ينادي ولقيته عبدالله رديت وانا خايف انه شافني : ابد سلامتك جاني اتصال من الشركه عكر مزاجي قلت ادخن .. لا حول الله والا قوة الا بالله العلي العظيم .. صحتك يا رجال شنو ادخن انسى الزقاير وتعال معانا عند الرجاجيل .. رد علي وهو يمسك العلبه ويرميها بـ اقرب زباله "الله يعزكم" هههههههههههه ضحكت وانا اقول : ان شاء الله وهذي الولاعه بعد .. ههههههههههه ضحكنا واحنا رايحين صوب الشباب وانا براسي صاحبه الفستان الذهبي ..!





من 10 دقايق وانا واقف عند باب الغرفه .. مش قادر احرك رجلي ابي ادخل اخذ الفلوس بس العنود داخل اكيد انا قلت لها ما تروح معاهم .. يالله يا يعقوب ايش صار يعني انت حتى ما سالت من اللي كانت تكلم .. اكيد مو شاب لانها كانت واثقه من نفسها بس شلون اعرف .. بدون تردد فتحت الباب وحاط نفسي طبيعي بس للاسف كانت العنود واقفه عند المنظرة وهي تسوالف بالجوال ومعطتني ظهرها وتضحك كنت راح اتهور بس يوم سمعت اسمع فطوم عرفت اني غبي .. صكرت التلفون ونزلت راسي تحت وانا رايح صوب الدرج اطلع الفلوس .. راح نطلع الحين تكلمت وانا اسمع لاني تاخرت وبعد شوي راح يزفون العروس .. طلعت الفلوس من الدرج ورفعت راسي لها طاحت الفلوس على الارض وانا اشوف العنود اللي كانت لابسه فستان احمر قصير لين الركبه ممسوك من الصدر بورده عليها شرايط وشعرها مسويتها تسريحه على فوق مع شرايط حمراء ومكياجها حلو وصندالها عالي تقريبا وصلتني بالطول .. كلمتني وهي تنزل تاخذ الفلوس وقفت ومدت يدها وهي تقول : شفيك ! فيني شي غلط .. او مو حلو لابسي مو عدل ؟! مديت يدي ومسكت يدها وانا اسحبها صوبي : يعقوب الله يخليك بعدين انا تاخرت .. كلمتني وهي شبه مرتبكه والمشكله اني مرتبك اكثر منها .. قربتها مني وانا اشم ريحه عطرها Miss Dior قريت اسمه يوم حطت اغراضها معاي بالغرفه .. سمعت اسمي وانا قريب من رقبتها كنت ابوسها وهي بحضني : يعقوب لاااااا وقف شوي .. ما يصير رااح نتااخر .. بابا عيب ؟ صوت سالم الغضب شوي خلاني استوعب الوضع .. وابعد عن العنود والنفس عندي شبه مقطوع ...؟




الساعه 9 ونص والعنود من نص ساعه تقولي راح تنزلين ولا صار شي ... اوووف خايفه خايفه .. دخلت ندى وهي تبتسم وتقول: هدي اعصابج ولا تخافين كلنا معاج .. ويالله قومي لانج راح تنزلين .. الحين انتي متاكده الحين .. رديت عليها وانا امسك يدها .. دخلت العنود وهي تقول : وين المسكه ليش مو بيدج .. يالله الاغنيه جاهزة وخلصنا كل شي ما بقى الا انتي .. طالعت ندى وهي تبتسم لي وعقبها طلعت معاهم نزلت من الدرج وانا اسمع اصوات البنات برع .. وقفت عند باب الصاله وانا انطر الاغنيه او الزفه ..

هاليله احلى ليالي العمر واجملها .. هالليله حلو بنور اللي تحليها
يا عيون سمي ما دامج تنظرين الها .. بسم الله سمي وبعين الله تحميها ..
سمي وصلي على خير البشر كله .. في كل لفه هدب يا عيون عديها ..

بدت الزفه بصوت الشاعر والموسيقى الهاديه كنت اطالع قدامي واشوف الناس اطالعني كنت خايفه وانا امشي وفجاءة طاحت عيوني بعيون ندى ارتحت وانا اجي صوبها كانت فوق بالكوشه تنطرني مع البنات اشكالهم حلوة ابتسمت ومشيت على نغمه الزفه لين وصلت وفقت عند الكرسي كانت المصورة تطلب مني اسوي حركات مرة يمين ومرة يسار .. والبنات يرقصون جاتني .. العنود وهي تضحك وتقول خلاص فشلتينا وانتي شاقه هالضحكه اسكتي شوي .. وعلى فكرة الشباب عند الصاله الحين بغطيج .. تجمدت ابتسامتي وانا اطلع نظرات الخبث بعيون العنود وهي تحط الغطى على راسي .. بعدها بدقايق سمعت :

عاشت قطرنا لنا ....في ديرة اهل الحميه... عاشت قطرنا لنا
دار ابو مشعل حمد ...صبوا لها الشاذليه ...دار ابو مشعل حمد
دار التميمي حمد ...صبوا لها الشاذليه ... دار ابو مشعل حمد
لي ثارت البندقيه ...ما نر تضي بالدخايل ... لي ثارت البندقيه
جده وابوه اللي بنوا ساس الوطن من عدام ...جده وابوه
اليوم عرضه نشوة السيف والخيل
والعز ومضة في حياة الرجاجيل
صكو على البيرق قروم النشاما
ذبوا غترهم ما على الهام هاما
رجل تدوس الذل ورجول قدام
العج وأصوات الرجاجيل وزحام
نز العرق بجباه حمر النواظر
كلن هتف يا ساعة المجد حاضر
وسيوفهم تمشي كما السيف هادر
يا موت ول والطير بالجو كاسر

ما كنت اسمع شي عقبها الا التباريك من الشباب لفيصل وقف جنبي بدر وعرفته من العكاز اللي بيده .. مبروك يالغلا سمعت صوته ودي اصيح بس ندى محذرتني من الصبح .. انشال الغطى من وجهي ونزلت راسي تحت .. ما شفته ومنحرجه اشوفه .. مبروك يالغلا كان صوت فيصل وهو يلبسني الخاتم بيدي اليسار .. ما رديت لاني خلاص ما اقدر ..!!




البنت اللي قدامي والا احلى والا اروع والا اجمل .. المشكله هي اللي شفتها بعرس ندى وحبيتها هي اللي خطبتها وعزيتها بس الحين هي غير غير .. مبروك يالغلا .. كلمتها بس ما ردت علي ابتسمت وانا اشوف ندى جايه صوبي وتقول: مبروك يا قلبي .. تستاهل اسوووم وتستاهل الخير .. رديت عليها واانا ابوس خدها : يبارك فيج وعقبال ابراهيم .. ضحكت العنود اللي تحضني وتقول: باااااااال تو الناس الولد ما عدا السنه اصبروا عليه .. ههههههههه ضحكنا على تعليقها .. قعدت جنب اسماء بس البنت ساكته .. رفعت راسي اشوف خواتي يرقصون لي ندى والعنود .. وخالتي ام عبدالله تحذف الفلوس على رؤؤسهم .. حسيت الوقت طويل مع انه عدى بس 15 دقيقه .. اشرت على ندى وقلت لها يالله انا تعبت .. قامت اسماء وقفت معاها ومشينا صوب الباب وهم يزفونا .. تغطت اسماء بالعبايه وركبت السيارة .. اصريت اني اسوق وما احد يكون معانا .. طلعنا من الصاله صوب الفندق عزيز ما قصر حجز لنا في انتر كونتنتال .. وصلنا ونزلت ورحت جهت اسماء اساعدها وعقبها اخذت المفتاح من الموظف وصعدنا فوق .. بالغرفه وبعد ما نزل الرجال الاغراض وطلع لفيت صوبها وانا اقول: لا يكون زعلانه من احد وتحطين الحرة فيني .. هههههههه ضحكتها مثلها هاديه .. لا .. بس في سؤال في راسي .. اممم ليش تبوس ندى ! هههههههههههههههه جاء دوري اضحك وانا اقول: انتي ما تدرين انها اختي من الرضاعه .. شفت الصدمه بعيونها وهي تقعد على اقرب كرسي : لا ما كنت ادري .. المهم انا يوعان حدي تبين شي والا مستحيه .. !

الجزء 35،،




الليله هذي من احلى الليالي على كل بطل من ابطال قصتنا.. اللي عاش الحب واللي عاش الصدمه واللي بدء حياه جديده واللي بدء يرسم لنفسه اول الخطوه ....




نبدء في منطقه بنص الدوحه مدينه خليفه .. دخلت وانا شايل سالم بيدي لانه نايم الحبيب .. والعنود تمشي وراي وهي تسوالف عن اللي صار كنت اضحك على ضحكها دخلنا غرفه سالم وهي ما زالت تسوالف انتبهت انها شايله الصندال بيدها يعني كانت تمشي بدونه طوال الوقت .. عجيبه هالبنت كنت اشوفها وهي تقول لي : جيب البيجامه من الدرج الاول وعطني الشرشف الابيض .. والا تنسى تجيب الكريم علشان ادهن صدر سالم اليوم ركض بالصاله لين تعب .. كنت اسمع وانفذ وراقب كل حركه تسويها لين خلصنا وطلعنا على طول للغرفه فتحت الباب انطرها تدخل بس هي وقفت عند العتبه ورفعت راسها لي وهي تقول: بعد اليوم انام هني ..؟ كانت تهمس لي ابتسمت وانا اهمس لها : أي لان عزيز راح ينام بالغرفه هذي .. كنت اتكلم وانا ارويها أي غرفه .. اها هو ما قال بيروح مع سعد .. كلمتني وهي تدخل الغرفه وشكلها مرتبك .. لا سعد وعزيز ومنصور راح يردون بالليل عندي وعطيت اخوج المفتاح الثاني للبيت لا تخافين .. كذبت عليها لاني ابيها تنام عندي اليوم بعد ؟ صح عبدالعزيز وسعد ومنصور راح ينامون بالفندق!! بس كذبتي بيضاء لاني مشتاق لها .. بعد ما تاكدت اني قفلت الباب من بعد ما دخلت وقبل لا تسوي شي حضنتها وبكل حب وشوق و وله ..



انصدمت من الحركه المفجاءة من يعقوب لي حضني بقوة وانا بين يده .. مشتاقه والله بس لازم يعرف لازم اقول له اني احبه واموت فيه .. ما ابيه يفكر اني استغله ابي يعرف انه كل حياتي والقلب دوم له .. تحركت ولفيت صوبه وكان يتنفس بقوه وهو يقول : العنود ارحميني شوي انا رجال ومن حقي ... قبل لا يكمل حطيت يدي على شفايفه وانا اقول: لا تكمل .. فاصل يعني سكت وانا اخذ هواء واشوف نظراته المتسائله .. كملت وانا اقول والدموع غرقت بعيني : يعقوب انا انا .. من عرفتك وانا اسمع الكل يمدح فيك وفي اخلاقك .. كنت اقول ليش وافق علي وانا اللي كنت ... اختنقت وانا امسح دموعي وامسك يده علشان ما يبعد عني .. بس سحب يعقوب يدي وهو يحاول يبعد مسكته من جيب الثوب وانا اقول: ارجوك انا اخطيت والسبب اللي يبعدني عنك هو اني .. ااانا يعقوب انااا احبك والله احبك .. ما اعرف متى بس كل يوم تكبر بعيني .. وتسكن بجوفي يعقوب ارجوك لا تخليني .. صحت والا قدرت اكمل الكلام اللي كنت حفظته واردده بيني وبين نفسي كل يوم قبل لا انام كنت اصيح والا حسيت بـ يعقوب .. رفعت راسي علشان اتاكد انه موجود انصدمت يوم شفته واقف وعيونه تلمع من الدمع اللي فيها .. ابتسمت وانا اشوفه يقرب مني ويقول: وانا اعشقج واهواج وانتي اغلى ما ملكت بعد سالم بهالدنيا .. حضني وهو يبوسني وشد من حضنه لي .. همست وانا اقرب شفايفي من شفاه : يعقوب احبك ...



في منطقه قريبه من ابطال مدينه خليفه .. ابطال جدد شفناهم بس ما عشنا معاهم في منطقه معيذر بالذات بدت قصه جديده !! .. توني داخله واحس رجلي متقطعه من الرقص والمشي والروحه والرده .. اااااااااااااه طلعت من قلبي واانا اقولها .. سلامتج عسى ما شر ؟ لفيت صوب الصوت وانا اشوف راشد واقف عند باب الحمام "عزكم الله" وكان حاط الفوطه على خصره توه مخلص وما اخذ شور مادري ليش شدني جسمه وشكله اول مره اركز عدل .. انحرجت ونزلت عيني على الارض وانا رايحه صوب الكبت اعلق العبايه .. الله يسلمك ما شر بس الكعب "الله يعزك" ذبحني .. سكت بعد ما قلت اللي عندي .. اصلا ما عندي شي وجوده بس يربكني ويخربط حساباتي .. اهااا طيب قلتي لي .. رد علي واحسه بارد معاي .. اوووف هذا متى يحس ويعرف اني تغيرت " كنت اكلم نفسي وانا رايحه صوب التسريحه علشان امسح المكياج وافتح شعري " قعدت على الكرسي ورفعت راسي للمنظرة وطاحت عيني بعين راشد .. وقفت اللحظه .. ابتسمت وانحرجت من جديد صديت ونزلت راسي كانت ادور المنديل علشان وجهي .. ما حسيت الا بيده على كتفي وهو يقول : وقفي خلاني اشوفج عدل ..



سحبت يدها علشان اركز على الجمال اللي عندي يالله تجنن عذاب هالبنت .. لابسه فستان وردي راسم جسمها مع تكسيرات من جميع الجهات ورافعه شعرها بطريقه التسريحه الرومانيه .. ومكياجها حلو وناعم عكس قبل يوم كانت تفضله ثقيل .. اخذت نفس قوي وانا اقول: ما شاء الله عليج يا بنت العم كل هذا عندج .. وين كنتي تخشينه عني .. رفعت راسي علشان اشوف عيونها بس كان راسها يطالع يدها اللي بيدي .. وابتسامتها الحلوة ما فرقت شفايفها بدون ما انطر جواب او حتى استئذان رفعت راسها لي وبستها بنعومه وانا اقربها لي من زمان يا موضي اشتقت لحضنج .. كنت اهمس لها وانا اسمع شهقاتها المستمره لكلامي .. بعدت شوي وما بيني وبينها الا انش واحد يفصلني عن وجهها القمري وقلت : انتي حلالي واعتقد ان اللي بينا كبير يا موضي لا تهدمين بيتج بيدج وخليج جذي على طول لي .. لراشد وبس فهمتيني .. كنت اشوف لمعه حلوة بعيونها وهي ترد بصوت خافت وهادي : انت تامر يا ولد العم ..




قريب منهم وبحدود بيتهم وفي معيذر شخصين حبيناهم وعشنا معاهم اجمل اللحظات الحلوة والمرة .. كنت اسوالف واتكلم واعلق ومحمد ساكت وهو يراقب حركاتي احرجتني نظراته وانا ادور بالغرفه وقفت من جهه سرير ابراهيم وانا اقول له: حياتو فيك شي ..؟ وقف وهو جاي من صوبي بعد ما كان نايم على السرير .. قرب مني وهو يقول: تحبيني ؟! هههههههههه ضحكت وانا امسك كتفه واحس برجولته الطاغيه : وهل لديك شك ؟! غمزت له بعيني وانا اتكلم معاه باللغه العربيه الفصحى .. ابتسم وهو يقرب اكثر ويقول : عيل ليش ما جيتي عندي اول ما دخلتي شفته وهو يسكت وعقبها قال : تعودت اكون انا وبس اللي بحياتج والحين في احد يشاركني .. كانت نظرة محمد في هالدقيقه على ابراهيم اللي كان يتحرك وهو يبتسم لابوه بكل عفويه .. طالعت محمد بصدمه وانا اقول: حمودي حبيبي هذا ولدك تغار منه .. مو معقوله ؟! مسكني من يدي بقوه وهو يقول: ندى انتي مو ملاحظه انج مو مهتمه فيني ..؟ انصدمت من كلامه .. اعرف اني مقصرة شوي بس مو يعني اهمل ولدي وشغلي علشان لحظات بيني وبين محمد وانا متاكده من انه راح يقدر الوضع ..!



شفت الصدمه بعيونها بس ما اقدر اسكت واصبر اكثر اخاف تبعد عني اكثر واكثر والسبب ابراهيم والشغل اللي مهتمه فيهم اكثر مني .. شالت يدي عنها وهي رايحه جهه سرير برهوم وقالت: محمد ليش تفكر جذي هي مساله وقت صدقني .. ما اعرف ليش حسيت ان اسمي صارت تنطقه بدون اهتمام او ان الوضع صار عادي بـ محمد اكثر عندها يمكن انا سخيف بس ما يصير انا لي حق بعد .. ندى لو اقول لج ان اليوم سمعت اسمي الرسمي منج اكثر من 3 مرات تعذريني اذا زعلت منج .. لفت صوبي وهي تحط يدها على شفايفها بقوا : اسفه والله بس ما ابيك تفكر اني اني .. بدء صوتها يهتز واهتز قلبي معاه بس لازم اعلمها اني لاي حق ولابراهيم حق ولشغلها حق .. قربت منها وبست راسها وانا اقول : انا مش اناني يالغلا بس لازم ترتبين وقتج صح والا تنسين اني زوج ومحتاج لج اكثر من قبل .. اخذت مفتاح السيارة وانا رايح صوب الباب .. حياتي وين ؟! وقفت عند الباب وانا اقول: مخنوق ابي اتنفس شوي .. طلعت قبل لا اعرف ردها لاني مو قادر اوقف ثانيه وانا اشوفها تصيح ..!




بالغرفه المجاورة لاهل معيذر كانت محادثه غريبه بين وضحى العاشقه وبندر الهايم ..
وضحى : حبيبي والله الجو كان حلو يا ليتك جيت ؟
بندر : يا قلبي انتي تعرفيني اني ما احب حفلات الزواج ..
وضحى: لو قلت لي كان استغليت الوضع وجيتك ..
بندر وهو متحسف على الوقت اللي راح: خساره كانت راح تكون ليله من الف ليله وليله ..
وضحى وهي تضحك: ههههههههه يا قلبي ان شاء الله اعوضها عليك ؟
بندر وبكل وقاحه: حبيبتي انتي ايش لابسه الحين !!



الجازي اللي بعد ما رجعت راحت تمسح المكياج وتفتح التسريحه ودخلت تاخذ شور يهدي التعب اللي بدء معاها .. اووف من الصبح وانا قايمه الله يوقفك يا فيصل .. سكت وانا اتخيل اني العروس ابتسمت واانا اضحك على نفسي .. لفيت صوب شي شد انتباهي .. كان البوم ازرق محطوط على سريري وعليه ورقه صغيره ! فتحت الورقه وانا اقرء الخط الهادي والناعم " هذي علشانج بس بشرط بعد ما تشوفينه وتخلصين منه تصلين لربج ركعتين و تدعين لها بالرحمه " فتحت البوم بيد ترتجف وانا اشوف صورة منيرة وندى وبعض صديقاتهم وبديت افر صفحه صفحه واقرء كل تعليق كاتبته ندى لي .. كنت اصيح واضحك وبنفس الوقت ابوس صور منيرة .. وبالاخير توضيت وصليت ركعتين وانا اشكر الله على النعمه اللي انا فيها وعلى ندى بحياتي ..!




في فندق ريتز ابطال نعرفهم وعشنا جوهم .. منهم من حب وضاع حبه ! ومنهم من عاش حب وخسر حبه ....


لين الحين براسي وكل ما غمضت عيني شفتها وشفت صورتها .. اهااا الذهبي عليها حلو بس .. العنود يا سعد .. انت تحب العنود .. قعدت على السرير بعد ما كنت منسدح .. فتحت عيني عدل وبديت ارتب اوراقي براسي .. تكلمت وانا اشوف انعكاس صورتي بالمنظرة: العنود متزوجه ومرتاحه مع يعقوب .. ليش ما تطلعها من راسك .. انعكاس صورتي ترد علي وتقول: فكر في فاطمه ما شاء الله جمال ودلال .. خل العنود للي يستحقها .. غمضت عيوني من جديد وانا احذف نفسي على السرير بكل جسمي واقول : باجر لازم اكلم عزيز علشان يقربني منها ومن اهلها .. لازم .. غمضت ونمت وانا كلمتي لنفسي .. لازم !!




اما بالجهه الثانيه نايم على جنب ونور بحضنه .. يلعب بشعرها وهي نايمه مثل الملائكه .. قبل لا تنامين المفروض تقولين لي ايش خالتي ندى سوت وايش لابسه .. ابتسمت يوم شفت اني اكلم نفسي ونور ما تدري وين ربي قاطني .. غمضت عيوني وانا اشوف صورتها يوم كانت في صباحيتها .. ابتسمت اكثر وانا اتذكر يوم كانت ترتب الاغراض بالمطبخ وهي حايرة وين توديهم يوم زواج العنود .. اليوم بس اليوم اللي ما شفت شكلها شلون .. فتحت عيوني وانا اقول: اكيد حلوه مثل كل مرة اكيد ..
غمضت عيني وانا اعيش ذكرى من ذكرياتي :
عزيز شرايك .. رفعت راسي وانا معصب صار لهم ساعه وهم يتعدلون .. العنود وندى يرفعون ضغطي دايما اذا تاخروا .. بس انصدمت وانا اشوف ملاك لابس فستان عاري عند الكتف وداخل عليه الوان الربيع واللون الاصفر كان ملفت اكثر .. ومكياجها هادي مخليها برئيه بزياده وشعرها قاصته على شكل دائري ونازل على وجهها عمر ندى ما تعدى 18 سنه وهي تدور قدامي كل خليه فيني اجمدت وانا اشوفها .. عزيز قول تكلمت وهي تمسك يدي علشان اتكلم .. بس صوتي اختنق والا طلع وقف في مكانه .. شفت نظرة حزن من عيونها وهي تصد عني وهي تقول : بروح اجيب عبايتي وانادي العنود تاخرنا صح .. لحقتها وانا امسك يدها اللي مغطيتها الحناء على شكل ورد جوري .. انتي اروع مخلوقه على الارض .. دوووم راح تكونين جميله بعيوني مو علشان اللي انتي حاطته لا .. علشان قلبج رفعت يدي وانا احطه على قلبها اللي كان يضرب بكل قوته من لمستي لها .. كل اللي سوتها انها ركضت وهي تقول : انت مجنون .. ضحكت عليها .. وضحكت وانا نايم واتذكر ندى ..!




دخلنا البيت وضحكنا موصل اخر الدنيا .. كانت فطوم تتكلم وهي مبسوطه وانا اكثر منها لان اهلي كلهم مرتاحين وفرحانين .. تصدق ان الخبله العنود كل شوي تخرع المسكينه اسووم .. هههههههههههه ضحكت على كلام فطوم وانا اقول : هالبنت ما راح تعقل حتى وهي متزوجه .. تكلمت فطوم وهي تقول: ما شفت ندى ما شاء الله عليها ثقليه وبين عليها انها ربه بيت وام وزوجه .. مو الخبله العنود .. هههههههههه ضحكت وانا اقول : محمد بعد عاجبني بثقله .. شكله ادب ندى صح وخلى خبلها يتبخر .. عند غرفتي نادتني فطوم وهي تقول: على فكرة الجازي كانت حلوة وتجنن .. اممم متى راح تفكر تكلم محمد .. لفيت صوبها وانا مش متخيل الصورة .. والله انطر ندى تكلمني قبل بالموافقه وعقبها نتوكل على الله .. ردت علي وهي تقول : ان شاء الله خلني اشوفك معرس اوف مليت وانت قاعد على قلبي .. ههههههههههههه ضحكنا واحنا ندخل غرفنا ..




في الانتر عند اصحاب الافراح والليالي الملاح وبجو غير عن جو أي زوجين بكل هالدنيا فيصل واسماء .. كنت مرتبكه لازم اقول له الوضع محرج وانا خلاص ما اقدر اوقف فيصل اكثر من جذي .. اسماء انا ما ابي اجبرج على شي بس خوفج مني مش مقنع وانتي تعرفين ليش .. صوته الهادي يزيد من احراجي وربكتي .. كلمته وانا اقول له: فيصل في شي ما قدرت اقولك اياه .. سكت وانا اطالعه .. اخذت هواء قوي وانا اقول: فيصل انا .. اممم ,, اوووووووف سكت من جديد وانا اهز رجلي بقوه .. وقف فيصل وهو يقول : اذكري الله انا بطلع للصاله وبخليج على راحتج .. ما ابي اجبرج على شي .. وقفت معاه وانا اقول: فيصل لا افهمني ارجوك .. دمعت عيني وانا اكمل واقول: انت تعرف ان طليقي كان يضربني ويسكر ومعذبني بس انت ما تعرف ليش ؟ صرخت بصوت عالي وانا مش متخيله اني صرخت بوجه فيصل .. لف جهتي وهو مستغرب ويطالع يدي اللي كانت ماسكه يده وانا ارتجف من قلب .. فيصل ارجوك خلني اتكلم ارجوك ..



كانت تترجاني وانا خايف عليها اكثر من خوفي على نفسي .. فيصل .. نادتني وانا اقول لها : اسووم الله يهداج هدي اعصابج؟! ترى الموضوع عادي يا قلبي.. حضنتها وهي تصيح .. وعقبها دزيتها علشان اكلمها بس عيني طاحت على لابسها .. وهي لابسه قميص نوم حرير وناعم سكري عليه دانتيل عند الصدر وشبه عاري وفوقه روب .. ارتجف جسمي وغمضت عيوني وانا ابعدها اكثر وقلت: بنام بالصاله وانتي صلي ركعتين ونامي زين .. صديت بسرعه علشان ما اضعف اكثر .. وقبل لا اوصل للباب كانت اسماء حاضنه ظهري وهي تضمني اكثر وتقول: يضرني لانه .. هو كاان .. ااااه فيصل .. تكهرب جسمي من قرب اسماء لي وارتجفت بقوة وانا احاول ابعد عنها .. لفيت صوبها وانا مقدر الخوف اللي هي تحس فيه .. وقفت بعيد عنها وكنت اطالع أي شي وكل شي الا هي ما كنت ابي اشوفها .. وقلت : لا تصيحين واذكري ربج وصلي .. راح اصبر يا اسوم اعرف اللي شفتيه مع طليقج مو شوي .. راح اصبر صدقيني .. طلعت وانا اسمعها تقول: بس انت مو فاهم فيصل انت .. طلعت برع وصكرت الباب قبل لا تكمل باقي كلامها رحت قعدت على الكنب اللي موجود بالصاله وانا مخنوق .. الله ياخذه ايش سوى فيها خلالها تكره الزواج .. كنت اسب والعن واستغفرا الله بنفس الوقت ..!





بالغرفه المجاورة لاهل معيذر كانت محادثه غريبه بين وضحى العاشقه وبندر الهايم ..
وضحى : حبيبي والله الجو كان حلو يا ليتك جيت ؟
بندر : يا قلبي انتي تعرفيني اني ما احب حفلات الزواج ..
وضحى: لو قلت لي كان استغليت الوضع وجيتك ..
بندر وهو متحسف على الوقت اللي راح: خساره كانت راح تكون ليله من الف ليله وليله ..
وضحى وهي تضحك: ههههههههه يا قلبي ان شاء الله اعوضها عليك ؟
بندر وبكل وقاحه: حبيبتي انتي ايش لابسه الحين !!



الجازي اللي بعد ما رجعت راحت تمسح المكياج وتفتح التسريحه ودخلت تاخذ شور يهدي التعب اللي بدء معاها .. اووف من الصبح وانا قايمه الله يوقفك يا فيصل .. سكت وانا اتخيل اني العروس ابتسمت واانا اضحك على نفسي .. لفيت صوب شي شد انتباهي .. كان البوم ازرق محطوط على سريري وعليه ورقه صغيره ! فتحت الورقه وانا اقرء الخط الهادي والناعم " هذي علشانج بس بشرط بعد ما تشوفينه وتخلصين منه تصلين لربج ركعتين و تدعين لها بالرحمه " فتحت البوم بيد ترتجف وانا اشوف صورة منيرة وندى وبعض صديقاتهم وبديت افر صفحه صفحه واقرء كل تعليق كاتبته ندى لي .. كنت اصيح واضحك وبنفس الوقت ابوس صور منيرة .. وبالاخير توضيت وصليت ركعتين وانا اشكر الله على النعمه اللي انا فيها وعلى ندى بحياتي ..!




في فندق ريتز ابطال نعرفهم وعشنا جوهم .. منهم من حب وضاع حبه ! ومنهم من عاش حب وخسر حبه ....


لين الحين براسي وكل ما غمضت عيني شفتها وشفت صورتها .. اهااا الذهبي عليها حلو بس .. العنود يا سعد .. انت تحب العنود .. قعدت على السرير بعد ما كنت منسدح .. فتحت عيني عدل وبديت ارتب اوراقي براسي .. تكلمت وانا اشوف انعكاس صورتي بالمنظرة: العنود متزوجه ومرتاحه مع يعقوب .. ليش ما تطلعها من راسك .. انعكاس صورتي ترد علي وتقول: فكر في فاطمه ما شاء الله جمال ودلال .. خل العنود للي يستحقها .. غمضت عيوني من جديد وانا احذف نفسي على السرير بكل جسمي واقول : باجر لازم اكلم عزيز علشان يقربني منها ومن اهلها .. لازم .. غمضت ونمت وانا كلمتي لنفسي .. لازم !!




اما بالجهه الثانيه نايم على جنب ونور بحضنه .. يلعب بشعرها وهي نايمه مثل الملائكه .. قبل لا تنامين المفروض تقولين لي ايش خالتي ندى سوت وايش لابسه .. ابتسمت يوم شفت اني اكلم نفسي ونور ما تدري وين ربي قاطني .. غمضت عيوني وانا اشوف صورتها يوم كانت في صباحيتها .. ابتسمت اكثر وانا اتذكر يوم كانت ترتب الاغراض بالمطبخ وهي حايرة وين توديهم يوم زواج العنود .. اليوم بس اليوم اللي ما شفت شكلها شلون .. فتحت عيوني وانا اقول: اكيد حلوه مثل كل مرة اكيد ..
غمضت عيني وانا اعيش ذكرى من ذكرياتي :
عزيز شرايك .. رفعت راسي وانا معصب صار لهم ساعه وهم يتعدلون .. العنود وندى يرفعون ضغطي دايما اذا تاخروا .. بس انصدمت وانا اشوف ملاك لابس فستان عاري عند الكتف وداخل عليه الوان الربيع واللون الاصفر كان ملفت اكثر .. ومكياجها هادي مخليها برئيه بزياده وشعرها قاصته على شكل دائري ونازل على وجهها عمر ندى ما تعدى 18 سنه وهي تدور قدامي كل خليه فيني اجمدت وانا اشوفها .. عزيز قول تكلمت وهي تمسك يدي علشان اتكلم .. بس صوتي اختنق والا طلع وقف في مكانه .. شفت نظرة حزن من عيونها وهي تصد عني وهي تقول : بروح اجيب عبايتي وانادي العنود تاخرنا صح .. لحقتها وانا امسك يدها اللي مغطيتها الحناء على شكل ورد جوري .. انتي اروع مخلوقه على الارض .. دوووم راح تكونين جميله بعيوني مو علشان اللي انتي حاطته لا .. علشان قلبج رفعت يدي وانا احطه على قلبها اللي كان يضرب بكل قوته من لمستي لها .. كل اللي سوتها انها ركضت وهي تقول : انت مجنون .. ضحكت عليها .. وضحكت وانا نايم واتذكر ندى ..!

الجزء 36،،



مشى الوقت ودارت الايام .. مر الشهر بعد الشهر وكل بطل من ابطال قصتي له حكايه .. دخلت البيت وانا جسمي مهدود من شفت الليل .. شفت الصاله فاضيه وما فيها احد اكيد يعني من اللي بيكون موجود .. امي بشغلها وابوي مسافر من يومين .. صافيه في المدرسه و وضحى بالجامعه وعندهم امتحانات .. الجازي اشتغلت في مدرسه مستقله كـ مشرفه او اخصائيه والفضل بعد رب العالمين لندى اللي خلت الجازي تتغير .. اما راشد وموضي مسافرين صار لهم اسبوع للرياض تغير جو .. اما الغلا ندى اكيد في دوامها بالمستشفى ابراهيم عند ام عبدالله .. تنهدت وانا اطالع يدي واقول : وانا من لي ومن عندي .. طبعا انا ؟! سمعت صوتها بس كنت شاك رفعت راسي اشوفها وانصدمت ؟ ندى ليش ما رحتي الدوام .. كلمتيني الساعه 7 تقولين رايح الريان والحين 9 ونص ! ابتسمت وهي تقول : حبيبي شفيك ليش تتكلم بسرعه .. اممم اخذ نفس قوي .. فعلا خذت نفس قوي وانا اقول : فيج شي .. برهوم مريض فيكم شي قولي..؟ قربت منها وانا اشوف انها لابسه بيجامه حرير لونها مشمشي .. والبدي عليها مخصر ويده كت يعني بدون اكمام .. ابد سلامتك ما في شي .. تكلمت وهي تمسك يدي وادخلني الغرفه وتقول: أي صح كلمتك علشان انزل ابراهيم عند فطوم اليوم عندها اجازة وقلت استغل اختي شوي .. وعقبها رحت الدوام طلبت اجازة عرضيه لمده يومين .. وعقبها رجعت البيت .. قعدتني على الكرسي وهي تكشف الغطى عن الفطور اللي قدامي .. تفضل مدت لي منديل مرطب امسح به يدي وهي تقول: حطيت لك كل اللي تحبه كروسون وجبن حلومي وعسل طبيعي وزيتون اخضر وعصير برتقال طازج ..سكتت وهي تقول لي : اممم حمودي وانت جاي القطوا اكل لسانك .. مش عارف ليش احس اني مبسوط انها بدت تهتم فيني وبنفس الوقت اخاف يختفى هذا الاهتمام قريب .. نظفت يدي وانا اقول لها : مشكوره على الفطور صج يوعان .. هههههههه ضحكت بكل نعومه وهي تجلس جنبي وتقول : عليك بالعافيه .. لفيت جهتها اطالع عيونها صج مشتاق لها .. سالتها وانا اخذ لي زيتونه : شنو سر هالاهتمام اليوم ؟ ردت بكل بساطه : لانك زوجي وحبيبي وكل ما املك امممم بعد في شي بس راح تعرفه بالليل ؟ ابتسمت عليها وانا اكل لاني صج ميت جوع ..؟



كنا قعدين بالمكتب الرئيسي للمتفجرات ننطر رئيس الاركان يجي .. فيصل شكله تعبان بس يكابر على نفسه ويبي ياخذ الدوره هذي غصب .. كلمته وانا اشوفه يحط يده على وجهه .. فيصل مو لازم انت الحين رتبه ما تحتاج لي شي .. كلامني وهو ما زال على نفس الوضعيه : ابي اغير جو .. عفوا تغير جو تدخل دوره عسكريه انت تستعبط والا المدام مسويه لك شي جامد .. قلت كلامي وانا اشوفه وهو يقعد ويشد ظهره ويقول: اخبار العنود ان شاء الله بخير ؟ استغربت انه غير السالفه يعني انا صح رديت عليه : والله العنود طيبه ويسرك حالها بس هالايام وايد تتعب وتنام والا ازيدك من الشعر بيت تقول ريحتي خايسه .. وخصوصا لما ارد من الدوام .. هههههههههههههههههههههه ضحك فيصل بكل قوه وهو يقول: شدعوه العنود اللي ما ترضى على طرف لك تقول هالكلام .. ابتسمت وانا اقول : شفت شلون ؟ بس اللي يقهرني لما اقولها والله توني سابح وحط كريم بريحه الفرواله .. ترد علي وتقول : يعقوب اطلع البيت كله ريحتك ؟ ههههههههههههههههه انفجر فيصل من جديد وهو يقول : شدعوه طاش ما طاش .. عند هالكلمه سكتنا احنا الاثنين وقعدنا نطالع بعض .. قلبي يضرب بقوا وانا اقول لفيصل بعد 5 دقايق هدوء : يعني انت تشوف ان تصرفاتها تعني انهاا ... كمل فيصل كلامي : انتوا ما رحتوا المستشفى تخليها تسوي فحص .. هزيت راسي بـلا وانا من داخلي مبسوط وطاير من الفرحه .. صوت اقدام عميد الاركان وهو جاي صوبنا خلنا نوقف باستقامه واحنا نضرب له السلام العسكري ...!



كنت افكر بعرض ندى وخطبتها لاخوها عبدالله !! انا زوجه انا كنت افكر واناا احط الاوراق داخل الدرج الخاص فيهم .. وما انتبهت على الشخص اللي واقف عندي بالمكتب .. لو سمحتي .. صوت صغير طالع من تحت نزلت راسي وانا رايحه صوب طفل عمره 7 سنين طالب في اول ابتدائي .. ابتسمت له وانا اقول : هـلا حبيبي ؟ اممممم انا تاخرت على الصف .. ما اعرف وين الصف ! هههههههه ضحكت على كلامه وبرائته الحلوة وقلت : حبيبي انت جديد ! هز راسه بـ أي وهو يمسك يده بقوة .. طيب قولي ايش اسمك ؟ كلمته وانا امسك يده اللي بدت تشد بقوه وامشي معاه صوب الكنب اللي عندي بالمكتب .. قال وبكل بساطه : عبادي ؟ رفعت حاجبي وانا مستغربه توني كنت افكر في ندى واخوها عبدالله .. وجاني ولد اسمه عبادي يعني عبدالله .. ابتسمت له وانا اقول عبادي ايش اسم ابوك ..؟ عطني اسم ابوه ورحت صوب الكمبيوتر اشوف هو وين وباي صف .. بعد ما شفت وقفت ورحت صوبه مسكت يده وانا اقول : يالله اوديك الفصل .. ابتسم بخجل وطلع وهو يمسك يدي ويقول: ابله انتي طيبه !! هههههههههه ضحكت وقلت : اكيد الماما اطيب مني صح .. وقف واستغربت قال : ماما ماتت !



كل شي جاهز اغراض بدر في مكانها وفيصل بعد ايش اللي نسيته ايش ... امممممممممم والا شي قلت هالكلام لنفسي وانا ارتب الطاوله ما بقى الا 5 دقايق على وصل حبايبي الساعه الحين 2 الظهر والغدى جاهز .. رحت بسرعه لغرفتي علشان احط شويه عطر وقفت وانا اطالع السرير الاضافي اللي بالغرفه .. لين متى يا اسماء .. لازم يعرف هو ايش ذنبه .. قطع تفكيري صوت بدر اللي كان يناديني .. طلعت بسرعه وصكرت الباب وراي علشان ما يشوف السرير الثاني.. هلا والله تو ما نور البيت .. كلمته وانا اخذ منه الغترة عيل وين فيصل .. السلام عليكم ورحمه الله دخل فيصل وهو ينزل الشنطه العسكريه جنبه .. احب شكله وهو جذي احس بشي يتحرك داخلي ! ردينا عليه السلام وانا اقول: غسلوا يدكم ورحوا على الطول صوب غرفه الطعام .. دخل بدر قبل لا اخلص وانا اشوف فيصل اللي شكله كان مهدود .. مسكت يده وانا اسال: فيك شي ؟ طالعني وهو يقول : لا بس ابي انام احس ان جسمي متكسر .. مو قبل ما تتغدى حتى لو تاخذ سلطه .. طالعني وهو يقول :ان شاء الله .. دخلنا وقعدنا على الكراسي بدر كان يتكلم عن شغله الجديد في البلديه وهو مبسوط .. كنت مستمعه وانا اشوف فيصل اللي كان يضحك على بدر ويعلق عليه .. رن جوال بدر وقف وهو يقول : فيصل انا اليوم بطلع مع صديقي للبحر تجي معانا .. فيصل وهو يقول : لا يالغالي روح بس طمنئي عليك .. طلع بدر وقعدنا احنا الاثنين .. اممم فيصل فيك شي ؟ رفع راسه وهو يقول: لا بس يوم السبت راح نبتدي دوره عسكريه يمكن ناخذ اسبوعين .. انصدمت وما قدرت اقول شي بس قعدت اطالعه وهو ياكل السلطه بهدوء ..



صوت امي وهي تهاوش الخدامه قعدني مو النوم .. ما ارتحت احس اني مخنوق .. رفعت الجوال علشان اشوف الشاشه واعرف الساعه كم 6 وثلث المغرب .. يالله خلني اقوم اصلي .. دخلت وتوضيت للصلاة وانا افكر اكلم فطوم اليوم عن سعد .. كلمني عزيز من شهر ونص تقربيا ولين الحين ما خبرت فطوم .. صليت وعقبها طلعت وانا اسمع صوت فطوم تهدي امي اللي كانت معصبه من قلب .. عسى ما شر ؟ شفيكم ! كلمتهم وقعدت جنب فطوم وكانت حاط ابراهيم بحضنها وهو نايم .. صبت لي حليب كرك وهي تقول : لازم يعني انت ما تعرف امي لازم ترفع ضغطها .. تكلمت امي وهي تقول: خلصت كرتون الشاي توني شاريته امس والحين تقول خلاص .. ؟! ههههههههههه ضحكنا انا وفطوم على امي وقلت : الله يهداج بس الحين اجيب لج عشر كراتين بس انتي اذكري الله .. لفيت اطالع فطوم وقلت :حطي ابراهيم وتعالي شوي برع ابي اعطيج شي .. صج يا الله قوم ايش تنطر .. ههههههه ضحكت على خبالها وقفت وياها وامي تهاوش فطوم ... وقفت بنص الحوش وقلت : خطبج مني سعد من شهر ونص بس كنت متردد اقولج .. والحين دخلت بالموضوع على طول لاني ابيج تفكرين زين ..؟ سكت وانا اطالع الابتسامه اختفت وقالت : ان شاء الله .. رديت وانا اعطيها اللي عندي : استخيري ربج وان شاء الله خير .. وهذي لج افتحي يدج كانت عندي امانه بس اليوم هي ملك لج .. واذا عندج أي سؤال خليه بعد ما تشوفينها طيب .. فتحت يدها وهي تقول شنو هذا ؟ افتحيه انتي وراح تعرفين .. طلعت من البيت وخليتها تفكر بنص الحوش ..؟



كنت اضحك ومش قادره امسك نفسي .. خلااااص الله يخليك .. هههههههههههههههههههه وقف وقف .. بس ما زال ماسك خصري وانا اضحك من كل قلبي .. حبيبي حبيبي خلاص ارجوك.. مو الحين مشتاق لج تعرفين شون يعني مشتاق لج .. تكلم محمد ويحضني بقوه .. احبه ياربي احبه ،، طيب انا احبك بعد .. بس ممكن تتركني ثواني ؟ رفع راسه وهو يقول: ليش وين بتروحين .. رفعت يدي وقلت : هناك بس شوي شوي .. ههههههه ضحك وهو يقول: بعد لين العشرة واذا ما جيتي انا اللي راح اجيج .. ابتسمت وانا رايحه صوب الكبت اطلع اللي ابيه .. واسمع محمد يعد والحين هو عند رقم 6 ابتسمت ورجعت ويدي وراء ظهري وقلت غمض عيونك .. قعد عدل على السرير وقال : اها مفجاءة .. غمض عيونه وانا احط العلبه بيده .. يالله افتحها واتمنى تعجبك ؟ فتح عيونه وهو يطالعني وحط الهديه على جنب وهو يقول: اغلى واحلى هديه بحياتي .. انصدمت لانه كان يتكلم عني .. نزلت راسي وانا ابتسم .. قرب مني وحضني وهو يقول: ما اشتقتي لابراهيم .. حضنته واخذت هواء واشم ريحه عطره " كرد" بقوة واقول : مو امثر منك .. شدني له اكثر وهو يقول: اكيد .. رفعت راسي وقلت : اكيدين .. امممم ممكن تفتح الهديه ابي رايك ..؟ طيب طيب انسدح على السرير على وضعيه شبه جلوس وسحبني لصدره وقرب منه الهديه وهو يفتحها ويقول: نشوف ايش هذا .. سكت لحظه يوم شاف اللي فيها جلس عدل وانا اطالع تعبير وجهه طالعني وهو يبتسم وقال : كتاب الله " قران " هزيت راسي وهو يقول : بس ما عرفت المناسبه .. ابتسمت وانا ابوس خده : كل عام وانت حبيبي .. اليوم يوم ميلادك ..؟



كان يتكلم وانا اقول له لا .. وهو يترجاني وانا اضحك عليه .. حبيبي ليش قولي .. قرب مني وهو يقول : غرض في نفس يعقوب ؟! هههههههههههه ضحكت وانا اقوله : يعقوب عاد قول ليش تبيني اروح المستشفى الحين .. وسلوم من يقعد عنده ؟ رفع راسه وهو يقول : راح انزله عند خاله فيصل .. ونطلع على طول طيب .. اووكي طيب يالله راح البس العبايه واجي .. طلعنا من البيت ورحنا صوب بيت اخوي فيصل ونزل يعقوب وهو ينزل سالم ويعطيه فيصل اللي بدء مبسوط اكثر من يعقوب لروحتي للمستشفى .. رحنا صوب المستشفى وطول الطريق وانا متوترة وهو يسولف ويقول عن الدورة اللي راح ياخذها مع فيصل وصلنا وقفنا بالمواقف ولفيت صوبه وانا اقول: قول قبل لا انزل ايش الموضوع .. طالعني وقال وهو يفتح باب السيارة الحين راح تعرفين .. نزلت معاه وانا خايفه .. دخلنا وتوجهت صوب الكنترول وقدمت بطاقتي واخذنا تقريبا نص ساعه وعقبها سمعت اسمي وقف يعقوب وجاء صوبي وهو يقول : لاتخافين ؟ دخلنا عند الدكتوره اللي رحبت في يعقوب شكلهم يعرفون بعض .. قعدنا وانا معصبه عليه .. دكتورة زوجتي من فترة بدت تتعب ودوم تحس انها تبي تنام .. وبعد تقول ان لي ريحه .. هههه ضحكت الدكتورة وانا غضبي يزيد على يعقوب مسك يدي وهو يطالعني وقال: اعتقد انها حامل وابي اتاكد وانا معاها .. انصدمت من كلامه ايش يقول انا حامل .. طبعا والا يهمك سيد يعقوب .. راح اسوي لها تحليل الحين واعطيك خبر بس اذا ممكن اكلم المدام .. مسكت يده بقوا وانا اسمع وارد على اسئلت الدكتورة وعقبها خذوا مني دم وطلعت من العياده وراح نعرف الخبر على التلفون .. ركبت السيارة وانا اقول: من متى وانت تحس اني حامل ؟ رد علي وهو يضحك : من يوم قلتي ان لي ريحه !!



كنت احط نور على الطاوله ابيها تتعشى وهي تسولف وتتكلم والاهم بالموضوع ان كلامها عن ندى .. سعد يضحك على الحروف الغلط اللي تقولها نور .. عزيز ما جاك خبر من عبدالله ؟ كلمني سعد وانا احط الملعقه بفم نور وقلت له : انبلا كلمني بس انت اصبر .. هو كلم البنت اليوم بس ! شدعوه من متى وانت مكلمه؟ تكلم سعد وهو مرتبك وقال : لا يكون ما تبيني اكيد ما تبيني .. تذكر ايش كنت اسوي فيها وانا صغير .. هههههههههههه ضحكت على سعد اللي احسه تغير من شاف فاطمه ومن يوم عبر اكثر لي وقال اللي شافه وحس فيه .. رفعت راسي له وقلت: لا تخاف بس الرجال كان مشغول بدوامه وبعدين فاطمه ما تحط الاشياء السخيفه براسها .. بس انت اصبر شوي وان شاء الله خير .. ناديت المربيه تاخذ نور اللي رافضه تروح وطلعنا جهه الحديقه الخارجيه واحنا نسولف .. تعتقد فاطمه ترفض لان لينا اختي .. سؤال سعد صدمني شوي تكلم سعد وهو يقول: احنا اخوان لان ابوي صديق ابوك الروح بروح بس صدقني ما كنت ادري عن لينا وحبها .. صدقني كنت منعتها قبل لا تفكر تبعدك عن ندى وخصوصا اني اعرف الموضوع من قبل .. سكت سعد وعقبها قال : تذكر يوم كنت تتصل فيني بالليل وتقول ايش سويت اليوم مع بنت خالتك وشلون انت تحبها .. هههههههههههههههههههه ضحكت وانا اسمع كلام سعد وقلت : وتذكر يوم اتصلت فيك وانا معصب على قرر ابوك اللي حرمني حب حياتي ؟! ابتسم سعد وهو يقول : الله يسامحهم كانوا يشوفون انك الافضل لها بس ما كانوا يشوفون انت ايش تبي ..؟ سكتنا واحنا نشرب الشاي وكل واحد دخل عالمه ..


كانت تجنن وهي تضرب التلفزيون .. اوووف يالله عاد ابي اشوف المباراة .. ندى ماله ذنب الجهاز ليش تحطين حرتج عليه ؟! لفت وانا اشوف الصدمه بعيونها .. حاولت تركض جهه غرفتها بس سبقتها ودخلت معاها وانا اصكر الباب وراي .. خافت وهي تقول: عزيز انت مو حلال علي .. ههههههه ضحكت وعلى خجلها وخدودها الورديه تجنن احبها والله احبها .. كنت وما زالت مو حلال يا ندى ..



كنت انطر يعقوب صار له ساعتين برع وين راح ليش ما يخبرني عن الاوضاع كيف .. حسيت بوجود اسماء من صوت صندالها .. لفيت عليها وهي تقول لي : ليش قاعد برع الجو بارد ؟ وقفت وقلت : انطر العنود .. امممم ليش في شي ؟ كلمتني وهي تقرب من وتضم عمرها لان الهواء كان بارد .. تبي الصج يعقوب وانا شاكين ان العنود حامل .. قلت لها وانا اشوف الفرحه اللي بعيونها وهي تقول : صج والله .. طيب الخبله العنود شلون ما شكت قبلكم ؟ هههههههههه ضحكت عليها وهي تتكلم وقلت : تدرين العنود ما تعرف هالامور يعقوب هو اللي شك بالسالفه ؟ طيب كلام يعقوب وشوف ايش اللي صار .. تكلمت وهي متحمسه وقبل لا اتصل رن جوالي باسم يعقوب ... هلا بشر ؟ صج احلف .. طيب وهي وين .. ههههههههههههههه خلاص خلاص والا يهمك الحين جاي .. لفيت على اسماء اللي كانت تنطر مني خبر .. مبروك العنود حامل وحاليا هي مش مصدقه .. ههههههههههه ضحكت اسماء وضمتني بقوه : الف مبروك يا خالي فيصل .. وقفت والا قدرت احرك جسمي اسماء بحضني وريحه عطرها دوختني وغير هذا لمساتها الهاديه ااااه .. بعدت عني وهو تقول روح لهم وانا بجيب سلوم ؟؟ طلعت بعد ما ضبطت معدل التنفس عندي ورحت ليعقوب اللي كان ينطرني برع .. سلمت عليه وانا ابارك له من جديد ورحت صوب العنود وفتحت الباب : طيب ليش تصحيني راح تكونين ام ؟ رفعت راسها وهي تقول : اخاف ما اكون ام زينه او مادري فيصل ؟ بست راسها وانا اقول : تراج ربيتي سالم .. والا تنسين هذا اخوه .. هزت راسها وانا اصكر الباب وادخل البيت بعد ما طلع سالم لاهله وراح.. دخلت البيت وعلى طول على الغرفه .. دخلت وانا اشوف اسماء وهي ترتب اغراضها للدوام .. بعد اذنج ابيج ترتبين اغراضي بالشنطه .. كلمتها وهي معطتني ظهرها .. انسدحت على السرير الخاص فيني وانا شبه مرتاح ..

الجزء 37،،




مر اسبوع على الاحداث اللي عشناها وكل واحد منهم عاش بالطريقه اللي تمناها .. او كان يتمناها ..



احس اني بطير من الفرحه من اسبوع وانا مو طبيعيه من عرفت اني حامل .. كل ما اسوي شي بالبيت اتذكر البيبي .. بصير ام انا ام .. ماما انتي تحبيني .. صوت سلوم وهو يكلمني خلاني ابتسم .. أي احبك حبيبي انت قلبي ؟ رفع راسه وهو ياشر على بطني ويقول: طيب هدا !! ههههههههههههههههه ضحكت عليه وانا اقول :بعد احب هذا .. وقف رايح صوب الباب .. وقفت وراه مش عارفه ايش فيه .. طلع بالحوش وقعد على الدرج .. انخلع قلبي وانا اشوف دموعه .. ضميته وانا اقعد جنبه .. حبيبي شفيك ! انا ما ابي هدا .. خفت من كلامه بس سكت وانا اضمه اكثر .. ايش صار ليش سلوم حزين جذي .. ما انتبهت ان سالم نايم بحضني طول هالفترة .. قعدنا تقريبا 15 دقيقه بالحوش وعلى الدرج .. اخذت سالم وديته غرفته وطلعت للصاله وانا افكر بكلامه .. اخذت التلفون واتصلت على يعقوب : السلام عليكم ورحمه الله .. هلا عندوه شلونج ..؟ ابتسمت وانا اسمع صوته وترحيبه وخصوصا بعد ما تعمقت علاقتنا .. وعليكم السلام ورحمه الله وبركاته .. انا طيبه ولله الحمد .. انت شلونك ؟ اااااااااه طيب بس الجو هنا خنقنا .. الله يعينا على الدوره ..؟ كلامني وانا اضحك عليه وقلت : ربي يعطيك العافيه .. حبيبي ابي اعرف شي .. ؟ رد وهو شبه يضحك : قولي يالغلا ! امممممم سالم يوم عرف ان امه ماتت ايش كانت ردت فعله ..؟ هدوء على الخط الثاني وانا انطر الرد .. بس الهدوء زاد وخوفني .. يعقوب انت معاي ؟ تكلم بعد ما طاح قلبي : تقريبا عمره سنه ونص يوم وفاه امه .. بس يوم صار عمره 3 سنين بدء يسال وكنت اقوله انها بالجنه .. يعني هو ما يعرف وهو الحين صغير بالسن .. كلامه ثقل على صدري .. بس سالم ما يبي اللي في بطني والحين عمره 4 سنين .. وصاح بحضني لاني حامل .. ؟ رد الهدوء من جديد وبعده قال يعقوب: اذا جيت من الدوام راح اكون وياه بس انتي خلي بالج عليه .. رديت عليها : سلوم بعيوني وانت عارف هالشي .. هالله هالله بنفسك .. مع السلامه





كنت اطالع اسوم وهي تروح وتجي واطالع الساعه جنها اسد غابه .. هههههههههههههه ضحكت وانا اتخيل اسوم اسد !! لا والله احلفي انتي .. كلمتني وهي معصبه ..؟ ايش تبين اسوي انتي ما تبين تقولين شبلاج واطالعين الساعه ؟ رديت عليها وهي تقعد على الكرسي القريب من مكتبي .. وسكتت كنت انطر تقول شي بس البنت صايره غريبه وقالت : الساعه الحين 10 ونص الصبح وسكتت .. وقبل لا اتكلم انطق الباب .. تفضل صوت اسماء هي تنادي اللي وراء الباب .. دخل البوي " موظف هندي " ومعاه باقه ورد كبيره حمراء منسقه بشكل راقي وقال : مدام ندى .. وقفت وانا منصدمه : اوه انا مدام ندى .. حط الباقه على الطاوله وطلع حتى قبل لا اسال أي سؤال .. وقفنا انا واسوم واحنا نطالع بعض بصدمه .. فيه كرت تبين اقراه .. هزيت راسي لها .. شالت البطاقه من الورد وهي اطالعني وتقول : متاكده .. اخاف معجب مني او مناك .. ههههههههه عمى ان شاء الله يعمي العدو .. اقري اخلصي علي .. رديت عليها وانا جايه صوبها .. طيب طيب لا احد يضربني .. اممممم الي زوجتي ندى .. وقبل لا تكمل سحبت البطاقه من يدها وانا اقرء الكلام المكتوب ..

الى زوجتي ندى :

انتعاش الورد في لحظة وصال
والذبول انواع والفرقا قهر
والنجوم اشكال في عرض الليال
والكواكب فوق واحلاها قمر
مستحيل انساك حتى بالخيال
وان نسيتك!!
حلم من بعد السهر..

مادري ليش حسيت اني طايرة بالسما .. حتى وانا بالدوام تذكرني .. رفعت راسي وانا اشوف ابتسامه اسوم وهي تقول : الله على الغرام والرومانسيات يا عيني يا عيني .. وبنفس الوقت نغمه الرسايل عندي تعلا بالمكان رحت للجوال وانا مرتبكه .. مادري احس محمد يشوفني .. " اليوم انا دوريه يعني مرور يعني سيارة والف الشارع .. يعني فاضي عمل .. بس لعيون الغاليه خالفت القوانين وكرست الحواجز وقفت عند اقرب محل ورد وبعثتها لج .. احبج " اوووف الوجه صار احمر .. صوت اسماء ضحكني من قلب .. رفعت راسي وانا اقول " احبه اسوم احبه "





كنت اطالع الرساله اللي عطاني اياها عبدالله من اسبوع .. واصلا كنت ناويه اخبر عبدالله بالموافقه لاني ارتحت بعد الاستخارة بس في شي مانعني .. فتحت الرساله شوي شوي وانا خايفه وقلبي يطق .. انصدمت من الخط اعرفه والله اعرفه .. ناصر خط ناصر صكرت الرساله وانا منصدمه ..! الدموع كلها بعيوني وحشني وتذكرت المرحمومه سعاد من شفت خطه .. بس لا يا فاطمه مو الحين تضعفين .. فتحت الرساله وانا خايفه خايفه .. خذت نفس قوي وانا اطلع الهواء فتحت الرساله وقريت ...

بسم الله الرحمن الرحيم

الى زوجتي العزيزة فاطمه ..
شلونج يالغلا وحشتيني ادري انج مشتاقه لي بس انا اكثر والله ..
اذا فتحتي هالرساله اكون تحت التراب .. وانتي الحين تقرين وصيتي بس ارجوج وحلفتج بالله لا تصيحين .. ابيج قويه مثل ما عرفتج وابيج اقوى حتى بعد فرقاي .. والشي الثاني اللي يخليج تقرين هالوصيه سبب يعذبني لاني احبج بس انا ابي لج الخير ..اكيد في زوج واخوج عبدالله مقتنع فيه .. وافقي وتوكلي على الله انتي صغيرة ومليون واحد يتمناج يالغلا .. فطوم حياتي انتي ومماتي .. وافقي وانا معاج وين ما تروحين .. لان واثق فيج وفي اخوج .. ما دامه خلاج تقرين هالوصيه يعني هو مقتنع في المعرس انه رجال وراح يصونج ..
فاطمه هالله هالله بنفسج وفي سعاد .. وديري بالج عليها تراها ذكرى مني لج ..

احبج
زوجج نـــــــاصر

بكيت دم بكيت قهر .. سعاد معاك يا قلبي انت اللي خذت الذكرى اللي عندي انت يا ناصر .. بعد الصياح اللي خذا تقريبا نص ساعه مسحت دموعي وقررت قراري .. رفعت التلفون اكلم عبدالله بس للاسف جهازه مغلق .. بس اليوم الخبر بيكون عند سعد ..!





على الساعه 3 ونص العصر دخلت البيت وانا اختنق وميت من البرد مع ان الجو برع حلو مو بارد بس احس اني مريض .. دخلت الصاله وصوت خواتي اخر الدنيا .. يــــا ولد !! تكلمت بصوت عالي علشان مرت راشد تتغطى .. جاني صوت امي وهي تناديني حياك الله يا ابو ابراهيم .. دخلت عليهم وانا اسلم عليهم واحب راس امي وعيوني ادور ندى ما كانت بالصاله وياهم .. ست الحسن والدلال داخل مع ابراهيم .. كلمتني وضحى وهي تبتسم .. ردت عليها الجازي : وانتي الصاجه بعد قلبي ندى من الساعه 12 الظهر وهي تنطرك علشان تتغدى معاك .. عجل عليها !ههههههههههههههههه ضحكت صافيه وهي تقول : اكيد روح خلها تاكل والا تنسى تحط ورده حمراء بس ان شاء الله يرزق خواتي واشوف عيالهم .. هههههههههههههه ضحكنا على دعواتها اللي حسستنا انها عجوز وانحرجت اكثر يوم لمحت صافيه عن الورد قدام الكل .. استاذت منهم ودخلت الغرفه بهدوء ولقيتها تراقب ابراهيم اللي كان نايم بكل براءة ابتسمت وتسحبت بشويش علشان ما تحس : حياتي اعرف انك وراي .. همست بصوت واطي علشان ما يصحى ابراهيم .. وقفت وراءها وحضنتها : شلون عرفتي ؟! مسكت يدي اللي بخصرها وهي تقول : مينون اللي ما يعرف حياته .. لفت وهي تحط يدها على رقبتي وتقربني منها اكثر لدرجه نهدها كان داخل صدري وقالت : حمود لا تخليني ارجوك ..؟ انصدمت من كلامها اللي خلى كل شعره بجسمي توقف وانا اشوفها تغمض عيونها والا تمسع اللي اقوله .. ندى حياتي ندى شبلاج ردي علي ردي نــــــــــــــــدى ...!





وصلت يعقوب البيت وانا مهدود والحين انا عند باب البيت بس مالي خاطر انزل اليوم بيكون اخر يوم لي هني وباجر بالمعسكر .. اووووف نزلت وانا اشوف بدر عند الباب يسوالف مع صديقه حمد " حمد وسلطان ربع يعقوب وفيصل .. بس حاليا يتواجدون اكثر مع بدر والسبب فيصل " السلام عليكم .. شلونك يا حمد عساك بخير .. لف حمد صوبي وهو يحضني: وعليكم السلام .. اانا بخير ولله الحمد .. انت شخبارك ؟ رديت وانا ابتسم لبدر : طيب ولله الحمد .. عيل انا اخليكم ميت من التعب ..بعد ما دخلت للصاله لقيت اسوم في نص تنطرني .. الحمدالله على السلامه .. ليش تاخرت خفت عليك وبعدين جوالك مغلق عسى ما شر .. تكلمت وهي تحرك يدها يمين ويسار علامه على انها متوترة .. رديت وانا اقعد على اقرب كنب واقول: الله يسلمج .. والجوال بدون شاحن علشان جذي مغلق .. وبعدين انا تعبان وابي انام قوميني للصلاة المغرب طيب .. وقفت وطلعت للغرفه قبل لا اعطيها فرصه تتكلم .. فسخت لابسي وانسدحت بدون ما اغسل وجهي ويدي كنت هلكان من قلب .. انسدحت وعيني على الشنطه اللي مرتبه للدوام باجر .. اوووووووووووووف طلعت مني بقوة وانا اغطى وجهي بالملحف ..





...؟ يعني هذا قررها .. انت متاكد ؟
...؟ أي نعم هي خبرتني اليوم اول ما جيت بس ما حبيت اتصل الظهر قلت اكيد انك نايم ..
...؟ لا والله يا اخوي كنت بالمكتب .. بس مو مشكله .. عبدالله بغيت اسالك فيصل وين اليوم اتصلت فيه وما رد علي ..؟
عبدالله : فيصل في الوقت الحين مضغوط والسبب الدورة العسكريه بس تلقاه بالبيت لان من باجر راح يكون عندهم .. عبدالعزيز مو ناوي تجي قطر ..
عبدالعزيز:ههههههههههههههههه انت بصوب والعنود بصوب شسالفه ..
ضحك عبدالله وهو يقول: ابد سلامتك مشتاقين لك ولنور .. طيب بشوف جدولي هالاسبوع واحاول انزل لكم باذن الله .. رديت عليه وانا اوصيه يوصل السلام للاهل .. اول ما صكرت التلفون رفعت راسي اشوف سعد اللي كان ينطر الجواب على العرض وهو عرقان وحالته حاله .. تكلمت وانا اشوف توترة زاد اول ما فتحت فمي وقلت : والله يا سعد الزواج قسمه ونصيب .. وقفت وانا اشوف شلون تحطم وكملت : وبنت خالتي المصون اللي راح تصير حرمتك موافقه .. هدوء والا نفس دقات الساعه هي الصوت الوحيد بالمكتب .. طالعني سعد ونظرته كلها دمع خوفني وانا اشوفه يوقف ويقول: الله ياخذ عدوك يا رجال وقفت قلبي وانت تقول قسمه ونصيب .. الله يهداك بس الله يهداك .. هههههههههههه ضحكت بقوة ومن كل قلبي وانا اشوف سعد جذي .. اول مرة اعرف انه عاطفي وبكل للكلمه من معنى .. وقفت ورحت اضمه وانا اقول : خلني اتكلم معاك بجد .. بعدت وانا اشوف معالم وجهه شدت اكثر وهو يقول : خير ان شاء الله .. سكت ووفكرت اذا قلت له راح يقدر المسؤوليه الجديده ..





صوت الاسعاف بالبيت كان يخوف كنت اصيح من قلب ندى مريضه وما نعرف ايش فيها .. هي مريضه سكر او عندها الضغط او مشاكل صحيه .. المسعف يكلم محمد اخوي اللي دموعه نزلت بدون ما ينحرج منها بالعكس كان يعبر عنها وبكل جوارحه .. رد محمد وهو يهز راسه بلا .. طيب ممكن احد يجي معانا والباقي يروحون بسيارتهم الخاصه .. ركب محمد الاسعاف مع ندى .. طبعا ما في احد فينا يسوق قعدنا بالبيت .. واول شي سويتها اتصلت في فطوم اخت ندى .. وصوت البنات داخل يزيد بالصياح .. الو .. السلام عليكم هلا الجازي ..
دخلت بالموضوع على طول وانا اقول : فطوم اخوج وينه .. وصحت بقوة وانا اسمعها تقول : شفيكم عسى ما شر .. ايش صار ليش تصيحين الجازي .. وعقبها صوت رجال يكلمني : الو الجازي انت معاي .. انا عبدالله ؟
كلمته وانا اشهق بقوه : ندى يا عبدالله طاحت مريضه وجاءت الاسعاف وخذتها وراحت مع محمد .. كملت وانا اسمع صوت الصدمه عنده : اللي يخليك مر اخذ امي او روح هناك وطمئنا البيت ما فيه رجال ..؟ رد عبدالله وهو يقول: طيب طيب انا رايح الحين .. وهالله هالله بالبيت انتي الحين صاحبته طيب ! رديت عليها وانا احس اني اقوى من قبل : طيب بس ارجوك روح .. رد بكل قوه وهو يقول: ان شاء الله الحين طالع .. مع السلامه ,, صكرت التلفون وانا ادخل غرفه وضحى اللي كانت تصيح وتقول :حبيبي بندر انا خايفه عليها انت ما تعرف من ندى هي حياتنا ونور بيتنا .. اخاف يصير شي واموت من عقبها .. كلام وضحى صدمني بندر تكلم ولد وضحى اختي العاقل اللي تخاف الله تسوي مثل ما كنت اسوي من ضايع وصياعه ..





على الساعه 8 ونص بالليل الكل كان بالمستشفى .. عبدالله وفيصل وزوجته واخوها بدر ويعقوب وزوجته ولده سالم بس باقي اهلي وام عبدالله ويزيد حزني .. كنت قاعد على الكرسي انطر الدكتور اللي اخذ الفحوصات لندى .. اوووف لين متى وانا انطر صار لي 5 ساعات واكثر .. اكره هاليوم ليش يارب .. استغفرا الله محمد تعوذ من ابليس .. كلمني فيصل بعد ما طلعت الكلمه مني بدون شعور .. وقفت وانا مو قادر اصبر على فرقها اكثر من جذي .. المفروض تكون بحضني .. غمضت عيوني بقوة وانا اسمع الاخ محمد لو سمحت ,, صوت الدكتور كان جدي اكثر من الازم رديت بـ نعم وجسمي بدء يعرق بشكل غير طبيعي .. تفضل معاي المكتب لو سمحت .. كلمني الدكتور من جديد ولفيت صوب عبدالله اللي حس فيني وجاء صوبي وهو ماسك يدي وهو يقول : تفضل يا دكتور انا اخو المريضه .. طيب تفضلوا معاي .. تكلم للمرة المليون وانا وعبدالله نمشي وراءه .. دخلنا مكتب عبارة عن غرفه فحص عاديه .. قعد على اقرب كرسي وقال وهو يطالعني : طيب .. اولا المدام كانت تشكي من شي ؟ وجه سؤاله لي وانا هزيت راسي بالرفض .. طيب .. هي ما تشكي من فقر الدم (ضعف , إرهاق , صداع , خفقان بالقلب , ضيق في التنفس عند بذل مجهود( تكلم الدكتور وهو يقول اشياء احسها جديده علي اذني .. تكلم عبدالله هالمرة وقال : أي كانت تشتكي من فقر بالدم بس صارت طيبه وكانت تتعالج .. طيب خلوني اقول لكم اللي اكتشفناه بعد الفحوصات اللازمه واضح لنا الاختلال الكروموزومي الوحيد الذي يؤدي إلى نشوء هذا المرض وهو عبارة عن تبادل قطعتين من كل من كروموزوم 9 و 22 مما يؤدي إلى نشوء كروموزوم يطلق عليه اسم كرروموزوم فيلادلفيا ويؤدي ذلك إلى فقدان الخلايا خاصية الموت المبرمج وبالتالي إلى تكاثر كريات الدم البيضاء بلا حدود مع عدم فقدانها خاصية التميز , ولذلك تظهر هذه الخلايا بشكلها الطبيعي وان كان بأعداد كبيرة جدا في النخاع العظمي وكذلك في الدم نتيجة انهيار الحاجز بين النخاع العظمي وبين الدم. ايش تقصد انت ايش تبي تقول .. تكلمت وانا خلاص مو قادر استحمل .. قال الدكتور : اللي عند ندى مرض سرطان بالدم او Blood Cancer..





الصدمه شلت محمد اللي اغمى عليه على طول ركضت جهة محمد امسكه قبل لا ينزل على الارض .. شاله الدكتور معاي وانا اناديه .. بس لا حياة لمن تنادي .. دخلت الممرضه بعد ما حطينا محمد على السرير وهي منصدمه طلعت تركض برع الغرفه وما طولت الا والجهاز معاها .. قاسوا له الضغط طلع نازل شوي .. قال الدكتور : شي طيبعي من الصدمه راح نخليه بالغرفه لين يقوم .. طلعني الدكتور من الغرفه وانا اقوله : شنو العلاج لندى ..؟ تكلم الدكتور اللي صكر الباب وراءه وقال : اممممم طيب .. بواسطة عقاقير كيماوية تعطى عن طريق الفم بسهولة مثل xxxx هيدروكسي يوريا Hydroxyurea ولكن يحصل أن هذا المرض بعد فترة يستمر في المعدل من 3-5 سنوات ينتقل إلى طور أشد خبثا يشبه سرطان الدم الحاد ويكون أقل استجابة للعلاج من سرطان الدم الحاد الذي لا يسبقه سرطان دم نخاعي مزمن وعند ذلك يصعب السيطرة على هذا المرض فيؤدي عادة إلى الوفاة .سكت وانا اسمعه يتكلم .. ادمعت عيوني ورحت جهه الناس اللي تنطر اللي بقوله .. جاء فيصل عندي وهو يدور محمد بعيونه : وين محمد وشفيك مو طبيعي ..؟ رديت وانا امسك يده : ندى مريضه يا فيصل .. اختك مريضه ..؟ مسحت دمعه خانت عيوني وطلعته وقلت : محمد تعب يوم عرف واغمى عليه وهو الحين هناك .. اشرت على الغرفه اللي فيها محمد وقلت : طلبوا انه يرتاح شوي لان الضغط نزل شوي عنده .. عبدالله وين ندى .. صوت عبدالعزيز اللي كان يمشي بكل ثقه وخوف .. انصدمنا واحنا نشوفه تكلم من جديد : وينها ابي اشوفها ..





حياتنا صارت بالمستشفى والساعه الحين 11 ونص بالليل .. كنت واقف جنب العنود ما ابيها تتعب بس الله يهداها مو راضيه تسمع الكلام .. كنا مرتبكين وخايفين وخصوصا بعد ما عرفنا بمرض ندى وتعب محمد .. فيصل سؤال ادري اني ما عندي سالفه وسخيف بس قولي شلون ندى اختك ..؟ وانت كنت ناوي تخطبها لك ..؟ كلمت فيصل اللي كان على يساري متسند على الطوفه .. ااااااااه أي اختي .. امي ارضتها اكثر من شهرين يوم خالتي ام عبدالله تعبت .. وموضوع خطبتي كنت ابي افهم عزيز ان البنت تقدر تختار ويخليها بحالها .. بس سؤالك حلو لان الكل نسى موضوع الرضاعه هذي او اعتقد هم يعتقدون ان احنا اخوان علشان التربيه بس تصدق حتى عزيز اللي واقف عند الباب كان ناسي هالشي .. الا خالتي ام عبدالله لاني اتفقت وياها نسوي جذي علشان ندى تتزوج وتروح بنصيبها .. سكت احترامنا لسكوته .. متى راح نرجع البيت .. وراءنا قومه الصبح والا نسيت الدورة العسكريه .. كلمت فيصل اللي ضرب راسه وهو يقول : اوووف نسيت يالله قوم نطلع انا بستاذن من عبدالله واجيك .. كلمت العنود اللي رفضت بالبدايه : بس انا ابي اشوف ندى ما يصير ..؟ مسكت يدها بحب وخوف وانا اقول : العنود حرام عليج ترى سالم تعب ونام على الكرسي وانتي حامل بالشهر الثاني واقفه على حيلج طول اليوم .. اسمعي الكلام ورحي مع ريلج .. صوت عزيز اللي انسمع مرة ثانيه على التوالي لانه من دخل ما قال الا شفيها ندى والحين روحي واسمعي كلام زوجج .. طالعته العنود وهي تمسح دموعها وقالت : ان شاء الله بس اول ما تصحى كلموني اووكي .. هز عزيز راسه وراح صوب باب الغرفه .. الفجر راح انزلكم بيت خالتج حلو .. كلمتها وانا اشيل سالم واشوف فيصل جاي صوبنا مع زوجته واخوها اللي كانوا بحاله صدمه غير طبيعيه ..!!





دخلت الغرفه ودموعي تذرف بقوة رفعت الجوال ابي اكلم بندر واقوله على اللي صار بس يد الجازي اللي مسكت الجوال خوفتني وهو تقول: من بندر ..؟ انصدمت من كلامها وانا ارجع على وراء: ايش قلتي .. انتي شبلاج ؟ كلمتها وانا احط نفسي قويه .. قالت بدون ما يغمض لها جفن : انا سمعتج وانتي تكلمينه اليوم العصر .. من بندر .. والا تخليني اخبر ابوي وراشد اللي جاين بالطريج ؟؟.. سكت وانا منصدمه وغمضت عيوني وانا اقول : بندر هو البندري ..؟ لحظه هدوء وعقبها مسكتني الجازي من يدي بقوه ودفعتني صوب الكبت وعقبها كف حار على خدي .. رفعت راسي وانا اشوف منيرة ..!! أي منيرة نفس ردت فعلها يوم عرفت عن البندري دفعتني وعطتني كف .. انتي ما تستحين تعاشرين بنات علشان جذي طلقج ولد عمج .. كلمتني الجازي وهو ترص على اسنانها .. لا ارجوج لا تقولين جذي .. ولد عمج طلقني لانه عقيم وما كان يبي يظلمني معاه هو قال جذي .. والله العظيم ما اكذب .. كف ثاني منها وقالت : رب العالمين لعنهم تعرفين والا لا.. انت المسلمه اللي تخافين الله هذا اللي يطلع منج .. انتي نجسه وين الطهارة وين العفه وينها ..؟ صحت .. أي صحت وانا اشوف منيرة قدامي مو الجازي حضنتها وانا اقول : سامحيني والله اني احبج سامحيني .. بس انتي اللي خليتيني اسوي جذي .. ليش يا وضحى .. انا اختج وكنت اخاف عليج .. كلمتني وهي تضمني وانا اصيح .. مو انا اللي سويت جذي البندري اللي دفعتج هي .. انا خبرتها وهي اللي جاءت هناك علشان تهددج بس .. انتي ايش تقولين وضحى انتي اللي اللي .. رفعت راسي وانا اشوف صدمه الجازي اللي كانت واضحه وضوح الشمس ..!

الجزء 38 ،،



عدى اول اسبوع على كل من عرفنا وحبينا .. اللي عاش بصدمه واللي راح وهو ينطر لحظه امل .. واللي عاش على ذكرى .. واللي حضن الصبر .. كلهم وكلنا عاشنا هالامل ..

يعقوب ترك العنود وسالم بالبيت لان عبدالعزيز قرر يكون معاهم في غياب يعقوب لدورة العسكريه اللي مر عليها اسبوع ..

الجازي قررت بالموافقه على عبدالله بس تنطر طلعت ندى من المستشفى .. وبعد بدت تمسك وضحى من يدها اللي تعورها ..

فيصل ودع احبابه علشان يفكر وياخذ قرر يحسم وضعه مع اسماء بدون ما يجرح احد او يزعل احد منه .. " الله يعينك "

فطوم تربي ابراهيم بالفترة اللي ندى بالمستشفى تحس بحب اتجاهه خصوصا انها تذكر المرحومه سعاد فيه .. ابراهيم عمره 5 شهور تقريبا ومسوي جو لاهل ندى وخصوصا ام عبدالله ..

عبدالله بدء يضغط على نفسه بالشغل يبي ينسى او يتنسى الهم اللي على صدره من مرض ندى وعزله محمد ..

محمد ما يفارق ندى والا لحظه كل عندها ما يقدر على فرقاها .. والوقت اللي يكونون البنات عندها يموت الف مرة لانها بعيده عنه..

عزيز يراقب من بعيد ما يبي المشاكل مع انه يكره محمد والا يتمنى وجوده بنفس المكان اللي هو فيه ..

العنود اللي بدت تقرب سالم من البيبي وتتكلم عنه علشان ما يكره اخوه او اخته .. وبنفس الوقت ميته خوف على ندى اللي رفضوا الدكاترة يطلعونها في هالفترة ..

اسماء بدت تحس بفراغ وخصوصا عدم وجود فيصل وندى هز شي منها ومن شخصيتها بدت تميل للهدوء اللي مخلي بدر يخاف عليها اكثر ..

وضحى احبست نفسها بالبيت وتنطر العقاب .. ما فكرت بعقاب ربها بس خافت من عقاب الناس .. "الله يهداج ويصلحج "

موضي وراشد علاقتهم بدت تقوى وبدوا يقربون للبعض اكثر .. موضي تحاول تلطف الاجواء في بيت عمها بعد ما لفه الحزن بغياب ندى ومرضها ..





...؟ الحين انت وين ..!
...؟ يعني وين بكون في المستشفى ..؟
...؟ ارجع .. ترى ما يصير اللي تسويه ؟؟ ما تخاف احد يشوفك !!
...؟ ما احد يهمني ابي اشوفها .. ابي اكون قربها ومعاها .. ليش ما احد يفهمني ..؟
...؟ عزيز هالكلام ما ينفع .. وانت عارف ليش ؟!
عزيز: ااااه .. مو مشكلتي ينفع والا لا .. انا مشتاق لها .. العنود افهمني شوي ..؟
العنود: طيب طيب فاهمتك بس ممكن ترجع انت هناك من الصبح والحين الساعه 2 ونص الظهر .. تعال تغدى وعقبها ترد وانا وسالم معاك شرايك ..؟
عزيز: عندوه اسلوب اليهال هذا مو معاي .. !!
العنود : الله يهداك يا عزيز .. تعال نور مشتاقه لك وسلوم ماا قصر فيها العن شكله ..
عزيز : هههههههههههههه .. لا تضحكيني نور تقدر على عشرة .. وبعدين خليهم يمكن يكبرون ويصرون عزيز وندى بس باختلاف الاسامي وهالمرة يكونون احلى زوجين ..

كلامه حزني .. الله يعينك يا اخوي .. كلمته وانا احاول اقنعه : عزيز واللي يسلمك تعال البيت والله محتاجه لك .. اليهال يتهاوشون وانا مشغوله ارتب البيت وانت ما احد ويعقوب دوووام انا من عندي ..؟ سكت انطر رده تنهد وهو يقول : خلاص الحين جاي مع السلامه .. صكرت التلفون وانا اشوف سالم ونور وهم يلعبون .. وتذكرت كلام عزيز لما يكبرون الله والعالم ايش بيصير .. انا ما ابي بنت اخوي تتعب من الحب مثل ندى والا ابي ولدي سالم يعيش على ذكرى .. سلوم انا بغرفه والباب مفتوح لا تطلع بالشمس زين ماما .. كلمت سلوم ورحت للغرفه .. قعدت على السرير وانا مشتاقه ليعقوب .. مسكت الغترة اللي احطها تحت راسي علشان اشم ريحته .. وينك يالغالي وحشتني .. غمضت عيوني وانا اشوف من احب بعيد عني .. ندى يعقوب فيصل ..؟ الله كريم .. وقفت وانا اقول : ندى دوم تقول " عسى ان تكرهوا شي وهو خير لكم " ونعم بالله .. ابتسمت وانا اطلع من جديد بس بروح عاليه وقويه .. كل ما ضعفت تذكرت كلام ندى اللي دوم يقويني ..!




رحت فوق قبل ما اطلع من المكان .. دخلت الاصنصير وقبل لا يتصكر الباب دخلت بنت معاي سكت ولبست النظارة حطيت رقم 5 وانا الاحظ نظرات البنت لي .. متعود اشوف هالنظرات بس ما تهمني عندي اللي تسواكم كلكم .. خذت نفس وانا انطر .. انت عبدالعزيز مو جذي ؟! لفيت راسي جهتها وانا مستغرب .. وقلت: أي نعم .. تعرفيني ..؟ شفتها اطالعني من فوق لين تحت كانها تقيمني .. كان ودي اعطيها كف يعلمها الادب رفعت راسها وهي تقول: اكيد اعرفك .. شفتك في عرس ندى وكنت اشوفك من قبل ايام الثانويه يوم كنت تمر تاخذها ..؟ انصدمت اكثر يعني في معرفه .. طيب وعرفتي من اكون في شي معين تبينه ..؟ كلمتها وانا اشوف الباب ينفتح .. وبكل جراءة قالت : أي ابعد عنها تراها مو لك ..؟ طلعت من الطابق ولفت يمين .. وانا انصدمت ومسكت نفسي لا اروح وراءها واعلمها الادب من جديد .. من هي علشان تتحكم وتتشرط .. طلعت قبل لا يتسكر الباب ورحت جهه اليسار ودخلت صوب غرف المرضى .. وعلى طول رحت صوب غرفتها وكل عاده اسال اذا محمد موجود والا لا .. وقفت عند باب الغرفه وانا اشوف ندى صاده الصوب الثاني بس ما في احد داخل .. مسكت يد على كتفي هزتني بقوه لفيت وانا اشوف محمد واقف بس كان ضعيف ومهدود حيله .. قال : شلونك عبدالعزيز ؟ رديت عليه وانا مش مرتاح : بخير وانت ؟ طالعني بنظره طويله وهو يقول : تبي تشوفها ؟! رفعت النظارة وحطيت عيني بعينه وقلت : أي ابي اشوفها ..؟ نزل راسه وغمض عيونه وقال : طيب اخليها تتغطى اصبر .. دخل محمد وانا استغربت كلامه ليش يسالني وليش يخليني اشوفها ..؟ تفضل سمعت صوته بس ما حبيت اطالعه دخلت وانا مشتاق اشوفها .. طالعتني كانت تعبانه وذبلانه ومع هذا حلوة وجذابه كالعاده .. عزيز ليش جيت ..؟ سؤالها صدمني وقبل لا اقول شي .. انا طالع اذا تبين شي ناديني ..؟ كلمها محمد وهو طالع بس ندى اعترضت وبقوة وقالت : محمد لا تروح واسمع اللي بقوله لعزيز ..





لازم افهم عزيز .. سكتنا كلنا وانا اطالع محمد غمضت عيوني وقلت : عزيز اللي بينا كان ماضي أي احبك بس حبك اليوم غير ادري انك لين اليوم تحبني .. وادري انك تتمنى اكون لك وبس .. يا عزيز افهم انا احب محمد واموت بالتراب اللي يمشي عليه .. واعرف انت ليش هني .. سكت وانا اشوف محمد وعيوني بعيونه وقلت : يوم خطبني محمد كنت افكر فيك وكنت اقول لنفسي ايش راح يفكر عزيز .. بس عقبها وكلت امري لله وصليت الاستخارة علشان ما اظلم نفسي .. سكت وانا احس باللالم في جسمي .. وحاولت اكون طبيعيه وقلت : تدري ليش وقفت .. لاني شفت محمد بالحلم وكنا على منبر مسجد يحلف لي ويقسم انه راح يصوني ويعز من مكاني .. ااااه مسكت راسي وانا احس اني خلاص .. قرب مني محمد وهو يحضني .. حياتي ايش فيج قولي ..؟ كلمني وانا اتوجع مش قادره اتكلم بس دموعي سيده الموقف .. بروح اانادي الممرضه .. تكلم عزيز وصوته ما كان طبيعي .. لا لا تروح اسمع .. ارجوك خلني اكمل .. كلمته وانا ادري انه غيران ومعصب اني بحضن محمد .. تكلم محمد : يا قلبي بعدين انتي الحين تعبانه .. هزيت راسي بلا وقلت : الحين ..؟! اسمع عزيز .. اعرف انك ما تطلع من هني واعرف انك تحاول تسال عني اذا طلع محمد من عندي .. اعرف .. بس اللي ما تعرفه هالشي يضايقني ... لاني افكر برده فعل زوجي وابو ولدي فيني .. حضني محمد وهو يهمس : مستحيل اشك فيج بيوم مستحيل ..؟ حسيت براحه من حضن محمد بس الالم رجع من جديد وبقوة : ااااااااااه محمد جسمي اااااه صحت بقوة وانا اسمع صوت عزيز يقول : راح انادي الممرضه ما حسيت بشي بس صوت محمد وهو يقرء القران على راسي اخر شي اذكره ..





الساعه الحين 5 المغرب والاخ محمد ما جاء .. اوف ليش تاخر كنت اراقب الساعه وكل دقيقه وعدني اليوم يوديني عند ندى .. يالجازي عورتي راسي رايحه وجايه .. كلمتني امي وانا مو قادره اضبط نفسي وقلت : يمه محمد قال بجي من الظهر والحين 5 ما تبيني اخاف ..؟ حطت امي فنجان القهوه وهي تقول: يعني ايش بصير .. اذكري الله اقعدي .. رن جوالي ورحت اركض اشوف من استغربت رقم غريب .. صكرت الخط ورديت للامي اللي قالت : من محمد ..؟ قعدت جنبها وانا اقول : لا ما اعرف من رقم غريب ؟.. سكتنا واحنا نسمع اذان المغرب .. ورن جوالي من جديد ونفس الرقم .. اوووووووووووووف .. الو من معاي ؟! وعليكم السلام ورحمه الله .. شلونج الجازي ؟! صوت رجال واللي خلاني اخاف اكثر ان صوت اعرفه .. بخير والحمدالله .. من معاي ؟! سالت علشان اتاكد اكثر .. انا سيف ولد عمج ؟ انصدمت هو كنت حاسه انه هو .. هلا سيف شلونك ؟ رديت وانا خايفه قال : بخير جعلج بخير .. بدون مقدمات صج الكلام اللي سمعته .. سكت وانا اسمع صوته وقلت : أي صج وانا مواقفه واعتقد ان وراي رجاجيل يقرورن معاي والحين عن اذنك انا مشغوله .. مع السلامه .. صكرت التلفون وانا اشوف امي اطالعني بنظرة من هذا..؟ تكلمت وانا ارتجف .. يمه هذا سيف اخو موضي .. يقول لي صج الكلام اللي سمعته ..؟ كلمتني امي وهي تقول: وهو شعليه منا .. احنا عندنا رجاجيل بالبيت وهو مو ولي امرج ..؟ من هذا !! صوت محمد اللي كان داخل خوفني وقلت : ما احد بس انت ليش متاخر .. ردت امي وقالت : الا ولد عمك رافض عبدالله ليش .. ؟ ارتفع حاجب محمد مستغرب وقال : وهو ايش يبي فينا ابوي موافق وهي مواقفه وخلاص ما احد له شي عندنا .. لف صوبي وهو يقول: بروح اسبح واجي .. وقف وانا اساله من عند ندى : تكلم واحس انه مخنوق فاطمه وام عبدالله .. دخل الغرفه وانا رحت اصلي لين يطلع ونروح لندى ..





كنت افكر بكلامها وعقلي وقلبي فرحانين بالحب اللي تكنه لي ندى .. دخلت الحمام "الله يعزكم" اخذ شور سريع ودافئ يهدي من التعب اللي كسر ظهري .. وانا تحت ادش كنت اتذكر الكلام " محمد يحلف ويقسم لي " وطول عمري راح احلف واقسم لج .. ااااااااه طلعت مني وانا اطلع واحط الفوطه على خصري رحت اطلع لي ملابس .. حبيبي البس هذا ألوان الاسود عليك عذاااااااااااب ابتسمت وانا اشوف التي شيرت الاسود قدامي .. مسكته ووطلعت معاه جينز ازرق راح اسوي كل اللي تحبه ندى ..لبست وتعطرت وفرشت السجاده وصليت المغرب وعقبها طلعت
وشفت الجازي تنطرني برع .. يالله توكلنا على الله .. وقفنا وطلعنا من البيت واحنا بالسيارة .. تكلمت الجازي وهي شبه مرتبكه : محمد في شي لازم تعرفه .. بس ارجوك خلنا نفكر بعقل والا تتهور طيب .. كلام الجازي وخوفني وقلت : عسى ما شر صار شي بـ ندى .. لالالالالالالالالا الموضوع ما يخص ندى السالفه تخص المرحومه منيرة .. تكلمت وهي تهز راسها .. طيب قلت هالكلمه علشان تقول اللي عندها .. وقالت السالفه من البدايه لين النهايه وختمتها بكلمه : محمد ايش راح نسوي هذي جريمه بس بدون قصد وضحى قالت انها ما كنت تدري عن نوايا البنت .. كنت ماسك السكان بقوه واحس شياطين الدنيا فوق راسي تنط وضحى اختي تصادق هالاشكال وضحى .. محمد صوت الجازي رجعني للمكان .. طالعتها وانا اشوف ان احنا واقفين في مواقف المستشفى وقلت : خلاص الموضوع عندي وانا اللي راح اتفاهم مع وضحى والبنت اللي سوت جريمتها .. شفت الخوف بعيون الجازي بس انا اللي راح اتصرف انا ..!





ندى لا تقولين هالكلام .. انتي الحين مريضه ولين صرتي زينه راح نملك انا وسعد .. كلمت ندى اللي كانت تحن علي راسي علشان الملكه اللي تاجلت والسبب مرضها .. هزت ندى راسها وهي تقول:مو مشكلتي فطووم انا ابيج تملجين .. وان شاء الله الجازي توافق على عبادي وتصير بنفس اليوم .. ههههههههههه ضحك عبدالله اخوي وهو يقول : الله يهداج شلون نفرح وانتي هني .. صح كلامي اخوي .. والا شرايج يمه .. كلمت امي اللي كانت حاطه ابراهيم بحضنها وهو نايم .. تكلمت امي وهي تقول: اختكم ندى عدل اذا فرحنا هي تفرح صح يمه .. ابتسمت ندى وهي تقول لنا : فدييييييييييت امي هي اللي فاهمتني بعد محمد .. هههههههههههههههه ضحكنا كلنا على صوت محمد اللي كان داش .. يـا ولد لبست شيلتي وغطيت وجهي .. وعقبها دخل مع عبدالله ومعاهم بنت متغطيه .. انا رايح تبون شي .. تكلم اخوي عبدالله وهو منزل راسه لفيت له وانا اقول : لا تتاخر طيب .. ابستم لي قال : ان شاء الله عمتي .. ههههههههههه ضحكنا من جديد وطلع عبادي ومحمد وقعدنا احنا .. الجازي خلاص مواقفه صح .. تكلمت ندى وبنفس اللحظه رفعت الجازي الغطى وهي تقول: بسم الله شدراج .. انا ما كلمت الا اهلي حتى محمد ما يدري .. شفت ندى تاشر على قلبها وتقول: هذا حس فيج يعني اقول مبروك ..؟ تكلمت امي وهي تقول: زين ما اختر عبدالله عسى ربي يوفقكم يارب انتي وفطوم .. ابتسمت للجازي اللي ردت البسمه لي .. خلاص عيل قولوا لسعد ينزل الدوحه الملكه الخميس الجاي .. تكلمت ندى وهي تحدد موعد الملكه سكتنا انا والجازي احترام لقرارها و واقفنا على اليوم لانها رغبه ندى الغاليه ..!




يالله يا بدر راح ياذن العشاء واحنا ما رحنا لها .. كنت انطر بدر اللي كان يرتب غترته بالصاله .. لف علي وقال : اذكري الله شبلاج مستعجله .. رديت عليه : انا مشتاقه لندى صار لها اسبوع بالمستشفى مليت متى تطلع .. ابتسم بدر وقال : تصدقين انا احب ندى وايد .. انصدمت ورفعت راسي اشوفه ضحك بدر وقال : أي احبها تدرين ليش ..؟ هزيت راسي بلا .. قال : لانها تخليج غير وخصوصا اذا كنتي عندها ترجعين وانت مبسوطه .. ابتسمت وقلت : اكيد هذي ندى انت ما تعرفها صدقني اللي يقرب منها يتمنى يكون وياها على طول .. انزين يالله نروح والا غيرتي رايج كلمني وهو يطلع قبلي من البيت .. لا طل ما غيرت رايي يالله قدامي .. ضحكنا وانا افكر متى يرجع فيصل اكيد عرف اكيد شاف اكيد فهم .. كل هالامور براسي وانا اشوف بدر اللي صار له ربع وصار اجتماعي وانسان يحب الضحك ويعبر عن رايه بكل حريه .. من يوم تزوجت فيصل وانا اشوف اخوي غير غير .. الله يوفقك يا فيصل ويخليك لي .. شفيج انا اكلمج وانتي تتبسمين طيب ردي علي .. صوت بدر وهو يكلمني رجعني له ولدوحه ووخصوصا عند المستشفى ..!





كنت اقرء الدفتر اللي بيدي صار له اسبوع وانا اقراه كل يوم والا مليت منه .. لين اخر لحظه وانا اقرء .. ااااااااااااه ليش صار جذي ليش البنت تتعذب والسبب واحد حيوان .. وانا غبي بدل لا اخفف عليها ازيدها .. فيني والا فيك يا اخوي شبلاك .. صوت يعقوب رجعني للواقع .. لفيت عليه وانا اقول : ليش دووم الانسان الضعيف يتعذب والمشكله اللي يحبه يعذبه اكثر ..؟ رفع يعقوب عينه لي وهو يقول: المدام صح ..؟ كمل وهو يقعد ويقول: مادامنا بهالمكان الجميل ليش ما تتكلم معاي بصراحه .. ابتسمت على تعبير بو سالم على الخيمه اللي احنا فيها حاليا احنا بـ زكريت منطقه للدورات العسكريه اللي تصير بالدوحه .. قعدت على حيلي وقلت : طيب احس اني مقصر بحق اسماء مادري ليش تخاف مني بس من اسبوع عرفت السبب .. سكت وانا اطالع الدفتر واقول : صدقني يوم فتحت الشنطه وشفت هالدفتر خفت منه حيل بس بعد ما قريت اللي فيه حبيتها زود .. مسكت يد يعقوب وقلت : تذكر يوم قلت لك اني شفتها بالعرس وكانت جميله .. هز يعقوب راسه وهو يقول: اذكر اني كنت اقولك لا تذكر مفاتنها لانك مو حلال عليها ..؟ سكت عند هالكلمه وانا اقول لنفسي .. حتى وهي حلالي اخاف اشوف مفاتنها .. ابتسمت وقلت : أي .. كاتبه كل شي من يوم شفتها لين جيت هالمكان .. كنت ابي الراحه بس مالقيتها اصلا الراحه ما لقاها الا معاها .. ههههههههههههه ضحك يعقوب وهو يقول : يا رجال ما بقى الا كم يوم وترجع لها ..





الساعه الحين 12 ونص بالليل كنت اكتب اللي تقوله لي ابي اعرف كل اللي عندها مو علشان شي بس علشانها .. والحين وين وصلنا .. رفعت راسي اشوف ندى وهي تعدل نفسها واقول : حبيبتي ندى ما ابيج تتعبين .. اخاف عليج وبعدين من راح يفكني من يد زوجج ..؟ هههههههههههه ضحكت ندى بكل نعومه وهي تمسك يدي وتقول : والله انج وحشتيني يالغلا .. مش متخيله القاج و وين هني ..؟ ابتسمت وانا اشوف عيونها واقول : ندى انا وانتي كنا ومازالنا قلب واحد .. بس قلبي هو اللي فرقنا صج اللي صار غباء مني .. مسكت يدي بقوة وهي تقول: مو بس منج حتى مني .. هههههههههه شكل الغباء منتشر بالجو في ذيج الفترة .. تذكرين ايش كنا نسوي انا وانتي والعنود ايام ايام الرحلات والطلعات .. أي والله كانت ايام حلوة وان شاء الله ترجع .. كلمتها وانا اشوف الحزن طغى على وجهها فجاءة وقالت: كم تعطيني من الوقت يا دكتورة ..؟ اختنقت ودموعي نزلت وقلت : ندى الاعمار بيد رب العالمين .. وبعدين ندى اللي عرفتها مؤمنه بالله والا ندى صارت انسانه ثانيه بعد اللي شافته ..؟ ااااااااااااااه يا دكتورة ليتج ما فارقتيني والا بعدتي عني .. ليش فضلتي الطب على وجودج معاي ..؟ ليش حبيت عزيز وخلتيني اكرهج لو لفترة بسيطه ..؟ ابتسمت وقلت لها : انسي عزيز .. انتي تعرفين ان وصيه ابوي لي اكون دكتورة ولا المرحومه منيرة واسماء خلوج تنسين صديقه طفولتج وعمرج نور .. ابتسمت لي وهي تقول : تدرين ايش اسم بنت عبدالعزيز .. هزيت راسي بلا وكملت وقالت : نور ..؟ وتعرفين ليش ؟! بعد هزيت وقلت لا ..؟ ابتسمت وقالت : علشان اذكرج دووم حتى لو ما كنتي معاي .. وعلشان اتذكر شكثر كنت غبيه لاني ابعدت عني اغلى ناسي .. حضنتها وهي تقول : تعرفين لو يشوفج عزيز ايش راح يسوي .. ههههههههههه ضحكت وانا اقول لها : شفته اليوم بالاصنصير بس شكله ما عرفني .. غمضت ندى عيونها دليل ان اللالم بدء من جديد مسكت يدها وانا اسال : بدء معاج هزت راسها ضغطت الزر علشان تجي الممرضه .. Please bring the injection for the patient!" ارجوج جيبي الابرة للمريضه " كلمت الممرضه علشان تستعجل وانا خايفه .. كلمتها ندى ارجوج كوني اقوى من جذي .. ارجوج ارجعي لي انا مشتاقه لوجودج الحين مثل ما انتي محتاجتني .. هزت راسها لي وهي تشد يدها بقوة اطمئني على نفسها واانا اكثر وحده اعرف ايش يعني مرضها ..!!

الجزء 39 ،،




بعد اسبوع جديد بس هالمرة راح تطلع ندى من المستشفى بعد ما قررت الدكتورة نور ان المريضه محتاجه للاهلها اكثر من المستشفى .. من الدكتورة نور ؟ سالني محمد هالسؤال واانا اركب السيارة .. رديت عليه وانا اقول : بقولك بس بشرط توديني الي فرانس .. ههههههههههه ضحك علي وهو يقول: تذكرين يوم طلبتي مني هالطلب .. ابتسمت له وانا امسك يده واقول : أي اذكر ومستحيل انسى أي شي يخصك .. قرب يدي من شفايفه وباسها وهو يقول لي : ربي لا يحرمني منج ..؟ والا منك .. بس قولي راح توديني ..؟ هههههههههه ضحك وعلي وهو يشوف عيوني اللي كانت تشع فرح وحب .. وقال : اكيد يالغلا كم ندى عندي .. طلع من المستشفى واحنا ريحين صوب المطعم القريب لنا وكان فرع السد .. وقف ونزل جاي جهتي علشان يساعدني ودخلنا واحنا نسولف ونضحك رحنا المكان المخصص للعائلات .. قعدنا وطلبنا الغدى وسالني محمد نفس السؤال : من الدكتورة نور ..؟ رفعت راسي له وقلت : الله يسلمك نور هذي صديقه عمري عشنا مع بعض وحبينا بعض كنا دمار شامل امي وامها كانوا مو مرتاحين لنا اذا اجتمعنا .. ابتسمت وقلت : كبرنا وصرت اكلمها عن عزيـ .. سكت وانا اطالع عيون محمد شفته يبتسم لي ويقول : كملي والا تخافين ..؟ كلمته وانا امسك يده اقول: كنت اكلمها عن حبي له وشكثر انا مبسوطه لوجوده بحياتي .. لين البنت حبته بدون قصد منها .. صار عزيز حبها بس بدون ما تقول والا حتى فكرت تقول .. تدري ليش ..؟ شفته يهز راسه بلا .. ههههههههه ضحكت وانا اقول :اكيد ما تدري .. امممممم لانها فضلت صداقتي على حبها لعزيز .. تكلم محمد وقال: لحظه يعني هي تحب ولد خالتج من كلامج بس .. وبعدين وين راحت عنج .. ؟ نزلت راسي وانا العب بالشوكه .. وقلت : أي هي حبته من كلامي عنه .. وسبب بعدها عني .. اممممممممم انا طلبت منها بعد ما شفت صورة لعزيز بين اغراضها ..؟ ههههههههههه ضحك محمد واستغربت منه بس هو تكلم وقال : تدرين اللي اشوفه واللي احسه حبج لعبدالعزيز بسبب قربج منه او قربه منج الدائم يعني حبج مو الحب اللي احنا نعيشه الحين فهمتيني .. هزيت راسي وانا متاكده ان كلام محمد صح 100% .. وصل الغدى وبدينا ناكل واحنا نتكلم عن صداقتي بـ نور وحبي الطفولي لعزيز ..!





كنت مبسوطه اليوم فيصل راح يرجع رحت الصالون وسويت شعري بعد ما اخذت اجازة من الدوام .. اليوم الخميس وانا مستانسه اكثر يوم عرفت ان ندى طلعت مع محمد يعني خلاص الامور تمشي صح والكل بخير .. الساعه الحين 2 ونص الظهر بعد نص ساعه راح يكون فيصل موجود .. طلعت برع اشوف بدر اللي كان يتابع مباراة قديمه على قناة الدوري والكاس .. قعدت جنبه وهو مندمج .. بدر ما تبي شي ؟! رفع راسه وهو يقول : اوووف شعندج كل هالجمال حق فيصل .. انحرجت وانا اشوف نظرات اخوي الصريحه اللي تعبر عن فرحه كبيرة بقلبه لي .. ههههههههه عيب يا قليل الحياء .. بنشوف اذا تزوجت أيش بيصير ..؟ رديت عليه وانا اسمع صوت جرس الباب وقف بدر وهو يقول: اذا تزوجت والحين عن اذنج هذا سلطان وحمد .. عندنا اليوم جلسه ذكر ويمكن انام معاهم بالمسجد يعني لا تخافين طيب .. ابتسمت له وانا اقول: ربي يحميك ويصونك الله معاك وهالله هالله بنفسك طيب .. سلم علي وطلع لربعه .. قعدت افكر شلون اقابل فيصل وانا متاكده انه قراء الدفتر غمضت عيوني ما اعرف شكثر كنت على الوضع لين حسيت بيد دافئيه على كتفي .. رفعت راسي اشوف من ..؟ اشتبكت عيوني بعيون عسليه عذبتني وسهرت عيوني .. وقفت وانا اشوف شلون شكله بدون شعور مني حضتنه لصدري وانا اقول: وحشتني وحشتني .. ما تعرف اشكثر مشتاقه لك .. كان يحضني وهو يمسح على شعري ويهمس : وانتي اكثر يا قلبي اشتقت لج .. بعدني عنه وهو يطالعني ويقول : احسج ضعفانه شوي.. اكيد راح اضعف ؟؟ شلون تبي حالي يكون وندى بالمستشفى وانت مو بحضني ..؟ كلمته وانا اضمه من جديد ..!





كنت مبسوط بالاستقبال الحافل اللي سوته لي العنود .. خلاص يا قلبي ارتاحي شوي .. كلمتها وانا اشوف حركتها السريعه من المطبخ لين غرفه الطعام وتحط الاكل وتقول : حبيبي شوف نفسك شدعوه ما تاكل ..؟ ههههههههه ضحكت عليها وانا اوقف عندها واقربها مني واقول: العنود انا ما ابي اكل .. سكت وانا اشوف خدودها اللي احمرت و وجها اللي تغير .. هههههههههههه ضحكت من جديد وقلت : احبج يا مجنونه .. بعدتني عنها وهي تقول : يعقوب اليهال شفيك .. لفيت صوب سالم ونور اللي كانوا يبتسمون لنا وقلت لهم : يالله كلنا نحضن ماما العنود .. في ثانيه والكل بحضن العنود اللي كانت تضحك علينا واحنا نبوسها ونحضنها بقوه .. خلاص عورتوني .. هههههههههههههه ضحكت العنود وضحكنا معاها .. طيب خلاص كل واحد على كرسيه .. تكلمت وانا ابعد عنها غصبن عني .. كنت اكل واسمع العنود وهي تسولف عن ندى اللي راح تطلع اليوم وبنفس الوقت تكلمت عن ملكه ولد خالتها و اخته بنفس اليوم .. طيب متى راح تكون المكله ؟! سالتها وانا امسك يد سالم اللي يحاول يلعب بالشوربه .. قالت المفروض اليوم بس طيارة سعد باجر راح توصل ..؟ يمكن تكون باجر .. ان شاء الله ... تكلمت وهي تقوم من على الطاوله وتمسك سالم ونور علشان تغسل يدهم .. وقفت اشيل الصحون وادخلهم المطبخ وانا اسال : شلون ندى الحين ..؟ نزلت العنود نور بعد ما غلست يدها وقالت : تصدق صادفنا صديقه قديمه لنا .. وهي اللي طلعت ندى من المستشفى لانها دكتورة هناك .. وقالت ندى راح تكون بخير اذا كانت بين اهلها .. هزيت راسي وانا الحق العنود اللي دخلت غرفه اليهال علشان تنومهم ...! يعني متى راح تخلصين ابيج عندي .. كلمتها وانا فعلا مشتاق لها .. ابتسمت وقالت : عطني بس 10 دقايق ..!





وقت العصر الكل مجتمع لان ندى رجعت باستشاء وضحى اللي كانت معتزله العالم لمده اسبوعين راشد وزوجته وصافيه وامي وابوي وانا .. شلونج يمه ان شاء الله زينه ؟ تكلم ابوي وهو يطلب من ندى تقعد جنبه .. بخير والحمدالله انتوا اخباركم ..؟ كلمتنا ندى وهي اطالع الكل .. رديت وقلت : بدونج والا شي .. صدقيني ..! تكلمت موضي اللي كانت متغطيه لان محمد موجود وقالت : ندى كم مرة نقولج انتي نور هالبيت صدقيني .. رد راشد وقال : اذا تسمح اخ محمد اتكلم مع حرمك المصون .. ههههههههههههههههه ضحكنا كلنا واحنا نشوف محمد اللي قال : تفضل اخ راشد بس يا ليت كلامك بحدود المعقول تعرف الغيره لها دور .. هههههههههههههه ضحكنا من جديد .. فعلا رجعت ندى ردت الروح لنا .. تكلم راشد وقال : اسمعني عدل انتي الاخت اللي ما جبتها امي .. منيرة كانت تحبج والحين الكل وخصوصا الجازي اللي بدت تتعلق فيج اكثر ... سكتنا وانا اسمع كلام اخوي راشد وبعدها قال : ما انكر ان الكل يحبج بس صدقيني الكل بيكون معاج .. واحنا اهلج والا اانا غلطان .. سكتنا واحنا انطالع رده فعل ندى .. رفعت راسها جهتي وقالت : الجازي تستاهل الخير واذا حبتني مرة فانا احبها مليون مرة .. اما انتوا على عيني وراسي من يتمنى يكون عندكم ويبعد عنكم .. سكتنا وخصوصا بعد ما هتز صوت ندى شوي .. مسكت يد ندى وقلت : ممكن اكون اخطيت عليج يوم من الايام بس والله اني ندمانه على كل كلمه وصدقيني جوجو اليوم غير جوجو الامس .. اسمع ادلع نفسها .. صوت ابوي اللي يحاول يخفف الجو اللي توتر ... هههههههههههههههه وضحكنا كلنا على تعليقه ..!






كنت ارتب اغراضي حق باجر .. يعني بكون عروس من جديد لازم اكون غير .. ندى قالت : فطوم حاولي تكونين غير ترى سعد مو ناصر .. يعني وبالعربي رجال عن رجال فهمتي .. فديت ندى وحشتني اكيد الحين مرتاحه بحضن رجلها .. طلعت للصاله وانا اشوف ابراهيم يلعب بحضن امي ابتسمت لهم وقعدت جنب امي وقلت : متى راح تاخذه ندى ؟! تكلمت امي وهي تقول: متى ما بغت تاخذه تجي .. المهم تكون مرتاحه الحين .. سكتنا شوي وعقبها تكلمت امي وقالت : انتي جهزتي .. الرجال يبي يوقع العقد وتسافرين معاه .. طالعت امي وانا اقول: أي جهزت كل شي والشنطه جاهزة .. بس يمه من بيكون وياج .. ابتسمت امي اللي كانت تمسح دمعه نزلت غصبن عنها وقالت : عندي الجازي والا نسيتي ان عبدالله راح يسوي نفس سعد .. سكتنا وانا اطالع امي وقلت : يمه ليش الرجاجيل مستعجلين ..؟ ههههههههههههههه ضحكت امي وهي تقول : بعد يا يمه يبون حريمهم عندهم وبعدين انتوا اللي رضيتوا يكون بدون عرس .. ما في احسن من ندى واسماء اللي وسعوا صدورنا .. ههههههههههههههههه ضحكت على كلام امي وقلت : طيب خلاص اذا جاء عبادي بقوله ابي عرس .. ما في امل انسي الموضوع احسن ... تكلم عبدالله اخوي وهو داخل من الباب .. ههههههههههههههه ضحكنا انا وامي وقال : الحين بعد ما جهزنا تقولين تبين عرس ما في .. ابتسمت وقلت : شلون بسافر واخليكم ..؟ سكتنا للمرة الثالثه بس هالمره معانا عبدالله ..




كنت متمدد على السرير وانا اطالع السقف مش متخيل ان ندى قالت الكلام اللي سمعته بالمستشفى .. اااااااااااااااه طول عمري اشوفها بكل مكان بس الحين احس بشي ثاني بالخسارة .. أي خسرت يا عزيز مو بس ندى حتى اللي يحبون ندى .. اووووف غمضت عيني وانا اتخيل ندى .. وبدون مقدمات صورة ثانيه دخلت براسي .. فتحت عيني بسرعه وانا اتنفس بصعوبه مستحيل من هذي .. من تكون علشان اشوفها !! احس اني راح اختنق وقفت ولبست بدله رياضه وطلعت من بيت يعقوب المكان شبه مهجور .. ركبت السيارة وما كنت محدد وجهه معينه كنت الف الشوارع بدون هدف وانا اخذ اللفه ما انتبهت على السيارة اللي كانت واقفه ضربتها بقوه وصوت الحادث كان قوي .. تحرك جسمي على قدام ورد بقوة على وراء واول ما استوعبت الفكرة انتبهت اني قريب من بيت خالتي .. وركزت اكثر على السيارة المضروبه .. نزلت وانا احس برجلي ترتجف وقفت عند باب السيارة الثانيه وانا اقول: انت بخير .. صار فيك شي ..؟! صدمه احس اني انضربت من جديد يوم شفت وجهها هي والله هي البنت اللي بالمستشفى .. كانت ماسكه راسها وهي مو معاي كانت تحاول توقف الدم اللي يطلع من راسها .. فتحت الباب بقوة وانا اقول: اختي فيج شي ..؟ رفعت راسها وشفت انها مو مركزه طبعا مو منها من الحادث الله كريم .. مسكت يدها وانا اقول : ارجوج قولي انتي من وبنت من او عطيني رقم اهلج .. لا انا بخير انا ... اااه توجعت بعد ما قالت كلمتين .. لا انتي مو بخير انتي من قولي .. كنت ابيها تتكلم لاني متاكد اني اعرفها و بنفس الوقت عندي فضول .. صوت الدوريه " الشرطه " وهي جايه صوبنا خلتني ارفع راسي وانصدمت بالناس اللي حولنا .. هي بخير صوت العسكري اللي نزل من السيارة .. لا مو بخير اعتقد انها تنزف ..؟ رديت عليه وبـ نفس اللحظه رفع العسكري جهاز النداء وبلغ عن الحادث وطلب الاسعاف لان في مصاب .. انت الطرف الثاني بالحادث ..؟ هزيت راسي وهو يقول ممكن تتفضل معانا ... طيب بس ممكن اتصل تلفون ؟؟ كلمت العسكري اللي عطاني فرصه اجيب الجوال من السيارة واتصلت على عبدالله .. علشان يلحقني بـ المركز ..





كنت اشوفها وهي تنشف شعرها من الماي .. كانت حلوة كالعاده تجنن .. احبها والله احبها ابتسمت لي وهي تشوفني من المرايه وتقول : يوعان ؟ هزيت راسي بلا وانا اقوم من السرير رايح لها وقلت : بس اشتقت لج .. انحرجت ونزلت راسها اطالع يدها .. رفعت راسها وانا اقول : تصدقين اسماء كنت مقرر ارجع واريحج مني .. شفت عيونها تدمع كملت وقلت : بس يوم قريت الدفتر اللي عطتيني اياه .. قلت لنفسي مستحيل اتركج مستحيل .. وقفتها وانا اطلع بعيونها .. وكملت كلامي وقلت : ما عمري عرفت الحب الا يوم شفتج بعرس ندى .. وما عمري حسيت بالشوق والغرام الا بعد ما انخطبنا وملكنا .. وما عمري حسيت اني زوج الا اليوم صدقني .. انتي مو مقصرة معاي بس انا اللي قصرت بحقج .. حضتني وهي تصيح وتقول: والله يا فيصل ما كان قصدي والله .. بس ما عرفت شلون اعبر لك .. شلون اقول لك ان زوجي كان عاجز .. واني بنت .. خفت تفكر بشكل غلط فيني وانا .. انااا كنت اشوفك كل شي بعد الله وبعد بدر .. صاحت وخليتها تصيح وتعبر عن اللي تحسه .. خليتها تصيح الايام اللي راحت من عمرها بتعب وحزن على حالها وحال اخوها .. خليتها تصيح حبها لي وشوقها ..





فتحت عيني وانا اشوف اخوي سلطان عند راسي .. واحس بالالم يضرب بقوه براسي .. اوووف ايش صار وقف سلطان وقرب عندي وقال : سويتي حادث ما تذكرين .. انبلا اذكر ..؟ قولي اللي بـ سيارة الثانيه بخير كلمته وانا اقعد وارفع من جسمي .. ابتسم لي وهو يقول : أي بخير دكتورة نور .. ؟ كلمني وهو يقرب من السرير: تدرين من صاحب السيارة ..! هزيت راسي وندمت على الحركه وتغير شكل وجهي .. بنفس الوقت اسمع اخوي يضحك علي ويقول : خبله الحين راسج مضروب وتهزينه .. ابتسمت له وانا اقول : من طلع !! عبدالعزيز .... ال .... اخو صديقي فيصل اللي بنت خالتهم صديقتج ندى .. تكلم سلطان وانصدمت عزيز رجعنا على طاري عزيز اوووف الله ياخذ العدو .. انطق باب الغرفه وقام اخوي يشوف من وعقبها رجع وقال : جبنا طاري القط جانا ينط .. هههههههههه ضحكت على كلامه وانا مو فاهمه .. ايش تقصد من عند الباب .. تكلمت وانا احاول ارفع المخده " الوساده " ..! تكلم سلطان وهو يقول : غطى راسج عدل لان عزيز عند الباب ويبي يشوفج .. ايش انت مجنون شلون تخليه يدخل انت مو صاحي .. كنت اهوش سلطان وفجاءة عورني راسي وبقوة .. سكت وانا اشوف سلطان بغضب .. قال وهو يهدي من غضبي : خليته لانه جاي مع اخته والعالم ينطرون برع .. وراح ادخلهم بس انتي غطي شعرج ؟؟! لبست الشيله عدل وانا اعدل نفسي دخلت العنود بالاول وهي تبسم لي وبيدها باقه ورد وتقول : السلام عليكم ورحمه الله .. شلونج ان شاء الله بخير ..؟ رديت وانا ابتسم لها واقول : عليكم السلام انا بخير شلونج انتي يا ام سالم .. وليش متعبه عمرج يالغلا .. دخل عزيز قبل لا ترد العنود على سؤالي كانت عيونه بعيوني كانه منصدم من شوفتي بعد هالسنين ..





مليت من البيت ومن الغرفه ومن العالم اللي حولي .. ابي اطلع واتنفس ابي جو غير جو بيتنا اووووووووووف ليش يا وضحى سويتي جذي .. ليش هديتي الثقه اللي بينج وبين اخوانج ,, اختنقت ودموعي بدت تنزل بغزارة صحت وانا اشهق بصوت عالي أي صحت خوف .. مادري ليش ما فكرت باني غبيه كنت اشوف بندر ملجا لي حضن وحنان كنت اشوفه كل شي .. بس الحين وينه بعد ما عرف ان اهلي عرفوا اختفى من عالمي وجوي .. ليش !! قعدت وانا اتلفت بالغرفه .. لمن اشتكي لمن !! كنت اتكلم بصوت عالي .. تعرفين لمن يا وضحى ؟! صوت قوي وحاد صوت اخاف منه وهو هادي وشلون وهو معصب صوت محمد اخوي وعزوتي .. رفعت راسي اشوفه مادري ليش احس بالبرد بكل جمسي .. محمد همست باسمه وانا اوقف على حيلي .. أي محمد .. محمد يا وضحى ؟ تكلم وهو يصكر بااب الغرفه وهو يقول : ليش يا وضحى هانت عليج منيرة هانت عليج اختج .. ليش يا وضحى ضاعت منج التربيه وين خواتج عنج يوم تختارين من بنات الشواذ ؟؟! وين احنا عنج يوم ما لقيتي الا شله الفساد .. وقبل كل هذا شلون نسيت ربج .. كنت اسمعه وانا اشوف الغضب اللي بعيونه وجهه اللي بدء يميل للون العنابي .. وده ينفجر بس ما اعرف ليش لين الحين ما مد يده .. كان بعيد عني وهو يطالعني ويقول : انتي من اليوم حشرة وحتى الحشرة لها فايده ومعنى ..؟ الكل درى عن سواتج وفعلتج .. بس بس انا ما ذبحتها والله انـ ... كف حار منه وكاف ثاني وقف الكلام عندي طحت على الارض ابوس رجله ابيه يفهمني .. بس محمد رفسني برجله بقوه على بطني صرخت الم وكره لعمري ما ابي اعيش ما ابي .. انفتح الباب على دخلت ندى اللي سمعت الصوت وجاءت وهي منصدمه من اللي يصير ..





مسكتني ندى وهي مش عارفه ايش الموضوع .. محمد اذكر الله ما يصير تتفاهمون بالضرب .. كانت تهديني والحقيرة وضحى على الارض .. كنت منقهر ابي افجر اللي فيني بعد ما عرفت ان البندري سافرت برع الدوحه والا راح ترجع .. من راح ياخذ حق منيرة من .. كنت اطالع عيون ندى وانا اقول : لانج ما تدرين ايش وراء هالضرب .. لو بيدي دفنتها الحين وبردت دم منيرة .. شهقت ندى بقوه على دخلت ابوي وامي اللي انصدموا من الكلام اللي نقال .. محمد انت ايش تقول ؟ صوت ابوي الغاضب خلاني اهدى شوي وانا اقول : أي يبه اللي سمعته بنتك المصون كانت ترافق بنات سمعتهم والارض وحده .. بنات ما خافوا الله ويوم عرفت منيرة عنها كلمتها وقالت لها اذا ما عقلت راح تقول لنا .. بس تعرف ايش سوت بنتك وضحى راحت اشتكت عندهم وقالت لازم اخليكم اختي راح تفضحني ..اخذت هواء قوي وانا اقول : بس اللي صار ان صديقاتها قرروا يسكتون منيرة بس سكوتها يكون للابد .. سكت وانا اختنق واشوف الصدمه بعيون الكل .. امي وابوي الجازي وراشد وموضي وصافيه وحتى ندى اللي بدت تضم جسمها بيدينها وهي ترجع على وراء .. صوت الصياح بدء يزيد من جهه صافيه وموضي ..ابوي اللي قعد عن الكرسي قريب الباب من الصدمه .. امي اللي غطت وجهها وهي تبكي حرقه وقهر ... راشد اللي بدء الشيطان ينط قدام عيونه .. ندى اللي طلعت من الغرفه وهي تمسك الطوفه علشان ما تطيح على الارض .. تركت الكل والا عاد يهمني احد ندى هي الاهم طعلت وراءها ومسكت يدها وقالت : وضحى .. طلعتني وهي تردد اسم وضحى .. حضنتها بقوة وقلت : اطلبي لها الرحمه ..؟




صوت جوالي ازعجني وخصوصا اني بالدوام ومو فاضي .. القضيه اللي بيدي قويه ويبي لها تفكير .. بس صوت الجوال اللي بدء يرن من جديد قطع علي جوي .. اوووووووووووف رديت وانا منقهر : السلام عليكم ورحمه الله .. ؟ ما كان في رد بس صوت صياح بنت .. خفت وقلبي انقبض نزلت السماعه اشوف الرقم .. حتى الرقم ما اعرفه .. الو من معاي ..؟
..؟ الو عبدالله ..؟
رديت وانا مستغرب اكثر : أي نعم عبدالله .. عسى ما شر اختي ..؟
..؟ انا .. انا الجازي ..!
انصدمت الجازي رديت واناا اوقف من المكتب : عسى ما شر صاير شي ندى فيها شي ..؟
ردت وهي تزيد بالصياح اللي يعور القلب : لا ندى طيبه .. انا . انا مو مواقفه على الزواج ..؟
مش عارف ليش حسيت بحزن دخل قلبي مش عارف ليش احس ان كل شي انهدم .. تكلمت وانا امسك نفسي لا اصيح معاها : طيب ليش .. احد جابرج على الزواج مني ..؟
الجازي : لا والله العظيم .. انا اللي وافقت عليك من نفسي .. بس بس ما ابيك تطيح بالمشاكل معاي انا ما اصلح لك ..؟
كلامها خوفني مو علشان انها ما تصلح لي .. اللي خوفني كلمه
المشاكل .. وقلت : الجازي ممكن تهدين شوي ..؟ خليني افهم
!!سمعتها وهي تاخذ نفس و وتقول: منيرة ! وعقبها سكتت ما تكلمت .. نطرتها وسكت احتراما لها .. وعقبها قالت : وضحى لها سبب بوفاة منيرة .. مش عارف ليش حسيت بالبرد بجسمي وانا اسمعها تقول اللي بخاطرها .. قالت كل شي عن اللي صار لين ما تفاهم محمد وعرفوا اهلها بالموضوع وكل شي .. سكت وانا اسمعها تقول : علشان جذي ما ابيك معاي بالمشاكل ..؟ كلمتها وانا اقعد على الكرسي واقول: الجازي انا خطبتج لاني اعرف اختيار اختي ندى .. والزواج يتطلب مسوؤليه .. واذا عن مشاكل اهلج .. فـ احنا اهل من يوم عرفت ندى المرحومه منيرة .. يعني اعرف كل اللي عندكم قبل لا اعرف محمد اللي صار اخ لي وزوج لاختي !! لا تخلين الاشياء البسيطه تاثر فيج .. انا شاريج يالجازي والا تحطين في بالج مرة ثانيه اني ممكن اتخلى عنج علشان مشاكل مالها معنى عندي ..!

الجزء 40 ،،





كان امس يوم والا اروع والا اجمل والا احلى على بعض من ابطالنا .. وكان سيء وحزين ومر وقاسي على البعض منهم ..


اليوم سعد وصل من المطار وراح على طول بيت يعقوب علشان يجهز نفسه للزواج .. وهو طاير من الفرحه ..


اليوم ان شاء الله فاطمه راح تكون لي .. صج كلام عزيز خوفني بس بعد انا غير وزوجها او المرحوم ناصر غير .. وانا بالمجلس كنت سرحان بكلام عزيز وهو يقول : فاطمه يوم تزوجت ناصر كانت تحبه حيل والعلاقه اللي بينهم نفس اللي كانت بيني وبين ندى .. بس حياتهم انتهت بالزواج وبنت ومن عقبها فطوم خسرتهم بـ حادث .. واعتقد انك تعرف هالشي لانك كنت موجود بعزى زوجها وبنتها .. يعني لما تتزوجها حاول تكون فاهم انها جربت الزواج وانها كانت تعيش على ذكراهم .. اخذت نفس وانا اقول : ان شاء الله اكون لها الحاضر والمستقبل وراح اريحها ان شاء الله وربي يعيني .. رفعت راسي وانا اشوف عزيز اللي باين انه واقف من وقت وهو يبتسم ويقول: ان شاء الله .. والحين ممكن تقوم للصلاة وعقبها تتغدى والا تبي تفشلنا عند المدام .. ابتسمت له وانا ملاحظ شي متغير في عزيز وقلت : أي ان شاء الله .. بس قولي انت فيك شي .. نزل عزيز راسه وهو يقول : يا رجال خلها على الله .. لف يبي يطلع من المجلس عزيز ..! ناديته وانا اقرب منه وهو ما زال على وضعه معطيني ظهره ومنزل راسه .. قربت اكثر وانا اللاحظ كتوفه تهتز .. يصيح عزيز ما صدقت عمري وقفت قدامه وانا اشوف دموعه .. اهتز جسمي كله وانا اشوف اغلى صديق واعز ناسي واهلي يصيح .. افاااا وهذا انا اخوك و ولد خالتك وتخش عني ؟! رفع راسه لي وهو يقول ويمسح دمعه طاحت بدون ارضاءه وقال : يا سعد انا تربيت بحضن ام ما كانت امي وهاجرت من الكويت لقطر بس علشان ابوي .. مسكت يده وانا اقول : افا الحين ام فيصل صارت غريبه عليك .. وهي اللي حضنتك وكبرتك وانت عمرك ما تجاوز الا 4 سنين .. هز راسه بلا وهو يقول : مو انا اللي انكر حضن امي موزة مو انا يا سعد .. وقبل لا اتكلم سمعنا اذان الظهر يرفع علينا .. سكت وطالعت عيونه وقلت : بعد صلاه الجمعه نتكلم الحين خلنا نلحق على الخطبه .. طلعت مع عزيز وانا احسه مهموم وضايقه فيه الدنيا ..!






طلعنا من الصلاة وكنا نسولف مع يعقوب اللي لحقنا للصلاة متاخر شوي .. وبعدها استئذانا من يعقوب وركبنا السيارة نتمشى .. سعد مصمم يعرف ايش فيني وانا مو قادر اكتم اكثر لازم اعبر شوي .. يالله قول شبلاك وليش قلت الكلام اللي قلته لي بالمجلس .. تكلم سعد وانا قاعد جنبه وهو اللي يسوق .. قلت وانا اغمض عيوني : من اسبوع اكتشفت شي ما صدقت نفسي يوم سمعته ومن .. من !! سكت وانا اقعد عدل واقول : ندى يا سعد تقول انها تحبني بس مو مثل ما انا متخيل .. لانها تحب محمد .. لفيت صوب سعد وانا احس اني ارتحت شوي وشفته يبتسم وقال : انا قايل لك من قبل البنت تحبك لانك لاصق فيها 24 ساعه .. وما شفت ولد غيرك .. وخصوصا ان عبدالله و فيصل اخوانها .. وانت اخو فيصل من ابوه .. يعني البنت شافت منك شي ما شفته منهم .. طيب ليش تكلمت عن خالتي موزة .. الله يرحمها ما قصرت فيك ..؟ تكلمت وانا اضم يدي بقوه على صدري واقول: ما عمري حسيت بالغربه بحضن امي موزة بس يوم ندى تكلمت معاي وقالت اللي قالته وانا احسن اني غريب عنهم .. حسستني باني مو عزيز اللي عرفته .. انت فاهم انا ايش ابي اقول ..؟ وقف سعد قريب كورنيش الدوحه والناس رايحين وجاين والعلائلات فارشين لهم على الارض وعيالهم حوليهم وتكلم سعد وهو يفتح درايش السيارة : أي فاهم .. انت تحس انك خسرت كل شي لان ندى فكرت او قالت لك الحقيقه اللي تحسها اتجاهك .. وانك خايف تخسر اخوانك من ابوك لانهم قراب من ندى واكثر هم اخوانها .. سكت سعد وسكت انا معاه .. صح كلام سعد صح .. تكلمت وانا افتح باب السيارة : تدري كنت وما زالت اعشق ندى ومستحيل انسى هالحب .. بس في شي جديد .. سكت وانا امشي للعشب الاخضر اللي قدامي واقول : طلعت نور اللي كانت ماضي لي بعد ما سافرت .. تذكر يا سعد يوم كنت اقول انها لازقه وما تعطيني فرصه اعبر لندى اللي ابيه .. لفيت صوب سعد اللي كان يبتسم ويقول: ان شاء الله رجعتها لك خير ..






كنت قاعده بعد ما خلصت صلاة الظهر .. واشوف ندى اللي كانت ساكته وسرحانه وشكلها يكسر الخاطر من عرفت ان وضحى لها يد باللي صار لـ منيرة .. ندى ادري ان ما عندي سالفه بس من خلصنا من صلاتنا وانتي ساكته .. و .. امممم لا تنسين ان اليوم الغير مناسب للي يصير في بيتنا هو يوم خطوبتي وملكتي وحتى زواجي .. تكلمت وانا اطالع يدي وانا من قلب منحرجه .. ما حسيت الا وندى تحضني وبقوة وهي تقول : يا قلبي يالجازي فديت روحج .. اسفه والله .. ابتسمت وهي تكمل وتقول : والله لا اخلي البيت يهتز من الفرحه وتقولين ندى قالت .. رفعت راسي والدموع مغرقتها وقلت : ربي لا يحرمني منج والله اني اشوف فيج منيرة اللي ما عرفتها .. وهي اختي !! حضنتني ندى مرة ثانيه وهي تمسح على شعري وتقول : يا حياتي .. صدقيني منيرة مستانسه انج تغيرتي وصدقيني كلنا معاج .. والحين راح تشوفين .. وفقت ندى وهي تسحبني وراءها وطلعنا من غرفتي وطلعنا جهه الصاله اللي فيها امي المنسدحه على الكنب وهي تصيح بدون صوت .. وصافيه اللي كانت تمسح دموعها قبل لا تطيح .. وموضي اللي ماسكه راسها وتفكر بعمق .. اليوم المفروض البيت يرقص مو ينتحب .. تكلمت ندى وهي تكمل كلامها وتقول : هذي اللي جنبي راح تروح بيت زوجها اليوم والكل مو معاها ليش ..! المفروض هذا يكون شغال .. وراحت صوب المسجل وحطت اغنيه رابح صقر ..

في منتهـى الرقـه في منتـهى الـذوق
حبيبتــي فـــي كــل حــاجــه عجيبــه
إذا حـكــــت تــعــرف تخــلينــي أرووق
وإذا بــغــت إتجيــب راســـي تجـيـبــه
إن جيت حطتني على الراس من فوق
محـــدن أســـرني كثـــر خلــي بطيبــه
حتى وهي جنبي تحسسني بشوق
وشلــون لامــن شفتـــها بعــد غيبــــه
واللي مـزود حسنـها حســن منطـوق
متــــواضـعــه لكــن لـها ألــف هــيبـــه
مخلــوق لكــن غيــر عـن كـل مخلوق
مـصيبتـي يـا حلـــوهــا مــن مصيبـــه

ورقصت ندى ارقصت وهي ادور علي وتضحك .. وانا واثقه انها تتالم مليون مرة في الثانيه .. وفجاءه شفت موضي توقف معاها وترقص وما اخذت دقايق الا صافيه وياهم .. وامي تصفق وتمسح دموعها ,, وانا كنت اضحك عليهم وهم حولي ويرقصون بس من داخلي مشتاقه لـ منيرة وضحى ..





الساعه الحين 4 ونص العصر وكل خواتي بالبيت مسوين جو لامي اللي كانت تفكر بـ ندى طول الوقت .. وقفت عند باب الشارع وانا اقول لخدامه ترفع الاغراض من الارض .. شلونك عبدالله عساك بخير .. صوت فيصل اللي خلاني انقز من الخوف وهو يضحك .. كلمته وانا حاط يدي على قلبي واقول : اعصابك وانت تكلمني .. لو وقف قلبي الحين وما عرست من بـ ينفعني .. ههههههههههههههه ضحك الشباب سعد وعزيز وبدر وسلطان وحمد خلني افرح انهم فرحانين معاي.. دخلتهم المجلس وصوت السوالف طلعت من كل مكان طبعا غير الازعاج اللي داخل البيت .. طيب انا رايح اشوف العشاء اللي في مطابخ الريان .. تكلم فيصل اللي مسك يد بدر وقفه معاه .. تو الناس يا اخ فيصل ليش مستعجل .. تكلم حمد اللي كمل وقال : الحين الساعه 5 تقريبا خلونا نصلي في المسجد وعقبها انا وسلطان نروح للمطابخ وانت تاخذهم من عند بيتكم .. وانت صح صوت بدر اللي تكلم وهو يقول : علشان مرة وحده نجيب الاهل والاترى وراها اعدام اذا تاخروا ..؟ هههههههههههههه ضحكنا على وجه فيصل اللي تغير .. تكلم عبدالعزيز وقال : طيب عبدالله وسعد يجون معاي علشان شغل السنفرة .. هههههههههههههههه ضحكوا من جديد علينا وقفنا بعد ما اتفقنا ايش راح نسوي وطلعنا على صوت اذان المغرب ..





اليوم مميز لنا لازم نخليه احلى من جذي .. كانت الساعه 7 عندي والحين خلصت اخر لمسه من لمساتي كنت ابتسم لصورتي بالمرايه واقول : العنود انتي دوووم قمر .. وفـجاءه سمعت صوت يعقوب وهو يقول :واحلى من القمر لان القمر يقول لج اقعدي وانا اغيب .. لفيت اشوفه وهو متسند على الباب ضحكت على كلامه وانا اقول : حبيبي متى جيت ! من شوي .. رد علي وهو يشوفني من فوق لين تحت وعيونه تضيق من الطرف وقال : العنود لازم تروحين خلج معاي والله مشتاق لج .. انحرجت وجهي صار الالوان او يمكن علبه كامله .. دخل وصكر الباب وانا منزله راسي واقول : ما يصير يالغالي اليوم زواج بنت و ولد خالتي والا تبيـ ... ما كملت كلامي لان يعقوب باسني برغبه وحب وعشق .. رفعت يدي وحطيتها على رقبته وانا ابدله الشعور نفسه .. صوت جوال يعقوب قطع اللحظه اللي كنا نعيشها بعدته عني بس هو كان معاند ورافض الفكرة .. بعدت شفايفي عن شفايفه غصب وانا اقول : يعقوب خلاص .. كان يتنفس بضيق وهو ماسكني بقوه من خصري ويحاول يبوسني من جديد: لا ما خلاصنا وبعدين انا مشتاق لج .. العنود كلمي ندى وقولي تعبانه او أي شي .. ارجوج .. كنت افكر بكلامه لاني بعد مشتاقه له بس صوت الطق القوي اللي على الباب وصوت سالم غير رايي : بابا انا ثلوم ..؟ ههههههههههههههههههههههه ضحكت من قلب وانا اشوف يعقوب يضرب وجهه من القهر .. ويقول : هذا سلوم هادم اللذات .. فتح يعقوب الباب وشاف سالم ونور واقفين ويبتسمون : بابا متى نلوح " نروح " لف علي يعقوب وهو يقول : ماما متى نلوح .. ههههههههههههههههه ضحكت عليهم والله احب اسرتي الصغيره ..





كنت اعدل نفسي وانا احس بصداع قوي اوووف الله ياخذ العدو .. هذا ما يبي يشوه وجهي الا الحين .. كنت اطالع شكلي بالمريه .. حلوة يا اخت سلطان حلوة ؟؟ لفيت على احب صوت عندي حبيبي واخوي وكل شي .. هههههههههههه ضحكت وانا اقول : الحين عرفت من وين جبت الغرور ..؟ ههههههههههههههه ضحك سلطان وهو يقول: اكيد عيل شنو انتي اخت المزيون سلطان ... الـ ... شلون ما تغترين .. ههههههههههههههه ضحكت وانا اقول : اخلص علي يالله ابي اكون هناك .. يالله مشينا .. كلمني وهو يطلع قبلي لبست العبايه وعدلت الشيله وطلعت وركبت السياره .. طبعا سيارة سلطان لان سيارتي بالوكاله للتصليح بعد الحادث .. واحنا بالطرق كنا نستعبط ونضحك وانا راسي يزيد عليه الصداع بس ما اقدر ما احضر زواج عبادي وفطوم .. وقفت عند باب بيت ندى وانا اقول حق سلطان : لا تتاخر علي اوووكي .. هز راسه وهو ينزل رايح صوب المجلس .. دخلت الحوش وصكرت الباب وراي وعلى طول نزلت العبايه عن وجهي وحركت شعري علشان يتنفس نفس الدعايه " دع شعرك يتنفس " ابتسمت على افكاري الغبيه وقبل ما ارفع راسي دعمت الطوفه وانا ارجع على وراء .. اااااااااخ راسي .. مسكت راسي وانا اقول : لاحول الله والا قوة الا بالله .. وبعدين يعني ما تجي الضربه الا عليك .. رفعت راسي وجمدت بمكاني .. كان يطالعني بعيونه العسليه الناعسه .. عبدالعزيز واقف قدامي ويطالعني حاولت ارفع العبايه اغطي نفسي ويدي ترتجف مسكني من يدي وسحبني جهه المطبخ ..





لازم استغل الوقت قبل لا يشوفني احد دخلتها المخزن القريب من المطبخ .. مكان فاضي وهادي وما احد يجيه .. دخلنا وصكرت الباب وراي ولفيت صوبها وهي ما زالت ترتجف بين يدي .. متى رجعتي ..؟ وليش كنتي تقولين لي ندى مو لك ..؟ سكت وانا اشوف الخوف بعيونها بس نور تصنعت القوة وهي تسحب يدها من يدي وتقول : ما على راسي غطى وانا مو حلال عليك .. انصدمت "حلال عليك" .. نفس الكلام ونفس الشخصيه ندى ونور .. خذت نفس قوي وانا اقرب منها وهي تبعد عني .. وقلت : ليش يا نور ليش ..! جاوبي على اسالتي ..؟ تكلمت وهي تحط يدها قريب صدرها كانها خايفه اضربها : عزوز شبلاك اليوم ..؟ ااااااااه هـ البنت راح تجنني قربت منها اكثر ورفعت يدي مو قصدي اضربها حركه تعني "اللهم طولك ياروح" وهي تقول : اوووكي بقولك بس لا تضربني نفس قبل .. ارتجفت من كلامها وقالت : رجعت من سنه ونص تقريبا .. واول ما جيت دخلت فترة تدريب مع مؤسسه حمد الطيبه .. وبعدها حضرت عرس ندى يوم جاتني البطاقه من بيت خالتي ام عبدالله لانها هي الوحيده اللي عرفت اني بـ قطر .. وبعدين يوم شفت ندى بالمستشفى عرفت منها انها تزوجت محمد .. بس هذي كل اجوبتي على اسالتك .. والحين اروح .. تكلمت وانا اذوب من شكلها كانت لابسها فستان اسود ناعم قصير لين الركبه وإكسسوارات فضيه ومكياجها ناعم ومكان الضربه واضحه شوي براسها وصندل فضي بخيوط لين الركبه وشعرها مفتوح .. لا لا مو الحين اانا ما شبعت منج .. رفعت راسها وهي متخرعه من كلامي .. اصلا انا اللي مو طبيعي شلون اقول هالكلام لها شلون !!





كلنا موجودين في بيت امي بالريان يعني علشان فطوم راح تملك قبل الجازي .. كنت البس ابراهيم اللي فعلا اشتقت له وهو يضحك على حركاتي .. دخلت علي نور وهي شبه تركض وتتنفس بقوه وصعوبه .. وقفت وقلت : شفيج عسى ما شر من يلحقج ..؟ رفعت راسها لي وهي تقول: ندى ابي اروح البيت ..! كلمتها وانا اعطي اابراهيم للخدامه واقول: اصبري شوي لين الحين ما وقعوا العقد وبعدين ليش ترتجفين ..؟ تكلمت وهي تقرب مني وتقول: راسي يعورني من الضربه وبعدين انا سلمت على خالتي وعلى فطوم واستئذانت من فطوم بعد ما بركت لها .. خلاص عيل بروح بعد ما ابوسج وابوس ابراهيم .. مادري ليش حسيت ان البنت مو طبيعيه .. اووكي براحتج بس باجر الغدى تجين تسمعين والا اعصب .. ابتسمت وهزت راسه بـ اووكي وهي ترفع الجوال تكلم اخوها .. سمعتها وهي تقول : سلطان وينك .. طيب انا ابي ارجع البيت .. اوووف سلطان لا تعور راسي زياده تعال وعقبها ارجع والا برد مشي .. مع السلامه .. سكتت وهي اطالع يدها وعقبها مسحت دمعه من عيونها .. قربت منها وحضنتها وقلت : شفتي عزيز ..؟ هههههههههههه ضحكت بقوة وهي تقول : شفيج ندى .. عزيز شايفته من اسبوعين من يوم كنتي عندنا بالمستشفى وبعد شفته يوم الحادث .. قالت كلمتها وهي تاشر على الضربه اللي براسها .. تكلمت وقلت : بس اليوم شفتيه هني عندنا صح ..؟ نزلت راسها وقبل لا تتكلم دخلت اسماء وهي تقول : خيانه خيانه .. صج صدق المثل اللي يقول من لقى احبابه نسى اصحابه .. هههههههههههههههه ضحكنا عليها بنفس اللحظه اللي رن فيه جوال نور وطلعت بعد ما سلمت علينا ..





كنت ارتجف وقلبي يضرب بقوه براسي اليوم زواجي بس من معرس غير ناصر .. كنت مرتبكه شوي .. مبرووووووووووووووك يالعروس .. رفعت راسي وانا اشوف اسماء تجي صوبي وهي فاتحه يدها علشان تحضني .. رديت عليها وانا خلاص مو قادرة اوقف : الله يبارك فيج يالغلا .. باستني وهي تقول: فطوووم انتي عروس .. هههههههههه ضحكت وانا اقرصها بقوه بيدها .. ااااااه عورتيني .. وهذي انتي عروس وصايره قشرة وشريرة .. ههههههههههههه صوت ضحك ندى وهي شايله ابراهيم خلنا نضحك .. وفجاءة حسينا انا واسماء ان ندى مو طبيعيه وهي تمشي وابراهيم بيدها ركضت اسووم تمسك ابراهيم قبل لا يطيح وانا رحت صوب ندى واقولها : ندى شفيج ايش تحسين .. غمضت ندى عيونها بقوة وهي تحاول توقف عدل وتقول: لا والا شي بس راسي يدور .. رفعت راسي اشوف اسماء اللي قالت : طيب اقعدي شوي قبل لا تدخل فطوم .. وابراهيم بخليه معاي .. هزت ندى راسها وهي توقف علشان تقعد على الكرسي .. انطق الباب في هاللحظه .. رحت صوبه بسرعه قبل لا احد يدخل .. وشفت عبدالله اخوي وبيده دفتر ويقول : العروس اللي فاتحه لي الباب .. ابتسمت له وقلت : لان اسوم عندي وندى شوي تعبانه .. تكلم بسرعه وهو يقول : فيها شي حاسه بشي انادي محمد .. لالالالا هي طيبه الحين ؟؟ رديت وانا اصكر الباب واطلع برع له وقلت : انت ليش جاي !! طالع عيوني وقال : ابيج توقعين الدفتر لان الرجال ينطر برع .. خذت نفس وانا اشوف عبدالله ماد لي الدفتر والقلم .. مسكت القلم وانا ارتجف وقالت : وين اوقع الورقه تغيرت .. هههههههههههه ضحك عبدالله وقال : أي صح نسيت انج عشتي و وقعتي على عقد قديم والحين الجديد .. اشر بيده على المكان وانا اشوف توقيع سعد .. وقعت وعطيته القلم واول ما حاولت ادخل مسك يدي وقال : على وين .. تعالي الرجال يبي يشوفج بالمجلس .. انتي الحين زوجته والساعه 9 راح تسافرون .. طيب بس اشوف ندى واجيك .. تكلمت لاني كنت خايفه .. دخلت وندى واسوم يطالعني ويبتسمون .. مبروك صوت ندى اللي باين عليه التعب .. الله يبارك فيج الحين بطلع عبادي عند الباب طيب .. يقول زوجي يبي يشوفني .. ههههههههههههه ضحكوا علي وانا اطلع وابتسم لهم وطلعت بجنب عبدالله رايحين المجلس الداخلي ..





كانت بجنبي بالسيارة وابراهيم نايم بحضنها بس احس ان فيها شي مو طبيعي .. ندى تحسين بشي .. كلمتها وانا اوقف السيارة عند باب بيتنا .. طالعتني وقالت : لا يا قلبي ما فيني شي .. افتحت الباب ونزلت وهي شايله ابراهيم .. نزلت انا اقول لعبدالله وفيصل وعبدالعزيز يرحون صوب المجلس مع المطوع " الملاك " دخلت مع ندى وعند الصاله ناديت صافيه اللي كانت تحط الفواكه على الطاوله : صافيه تعالي اخذي ابراهيم عن ندى وخلي امي تعطيها دواءها .. لفت ندى صوبي وهي تقول : حبيبي انا بخير .. صدقني! رديت عليها : اعرف يا قلبي .. الحين انا بروح المجلس وبعدين نتفاهم .. دخلتها الصاله وطلعت للشباب اللي ينطروني مع راشد وابوي بالمجلس .. دخلت وانا اشوف عبدالله يوقع العقد وابوي يقول : زين انك جيت خذا الدفتر وخل اختك توقع عليه .. وقفت عند الطاوله وانا امسك الدفتر طاحت عيني بعين عبدالعزيز اللي كان يطالعني بحقد .. تجاهلت نظراته وانا اطلع من المكان .. يــــــــــا ولد .. ناديت على اللي داخل علشان يتغطون .. وبعد ما دخلت شفت غرفه الجازي مفتوحه وصوت الضحك عندها .. الجازي تعالي ناديتها وانا متضايق من داخلي .. طلعتي وانا اشوفها وهي متعدله كانت حلوة وجمالها ناعم .. ابتسمت وقلت : وقعي يالعروس .. انحرجت وهي تنزل راسها وتمسك القلم من يدي وتوقع على الورقه .. مبروك يالغلا مبروك .. ابيج ترتبين نفسج بعد شوي راح تطلعين له وتروحين معاه البيت .. هزت راسها وهي تمسك الصيحه .. طلعت صوب المجلس وانا مبسوط لاختي .. دخلت وانا ابتسم لـ عبدالله اللي شكله متوتر من قلب .. مبروك الف مبروك كلمته وانا اعطي الرجال الدفتر .. والكل وقف يبارك له .. والحين تفضل معاي للغرفه الثانيه تكلم ابوي وهو يقول لراشد يوصل عبدالله للمجلس الثاني .. الله يوقفج يالجازي الله يوفقج ..





كنت اطالعها وهي باحلى صورة .. ما شاء الله عليها ذيك المرة ذهبي واليوم لابسه فستان سكري طويل مكسر عليه محزم ذهبي من عند الخصر وكتوفها عريانه ولابسه اكسسوارت ذهبيه ورافعه شعرها على فوق ومكياجها روعه روعه .. بس المشكله انها ساكته من دخلت وانا ما اعرف ايش اقول .. رن جوالي وتخرعت .. بسم الله الرحمن الرحيم .. هههههههه صوت ضحكتها هزتني وبقوة رفعت راسي وشفتها وهي تحط يدها على شفايفها علشان تغطى صوت ضحكتها .. ليش طيب انا ابي اسمع صوت ضحكتج .. تكلمت وانا اوقف واقرب من كرسيها .. احس انها ارتبكت وهي تحاول توقف مسكت يدها وانا ارفعها علشان ابوسها .. بس هي ارتبكت وسحبت يدها بسرعه وهي تقول : تبي شي ! ههههههههه ضحكت وانا مستغرب الخجل اللي عندها .. فاطمه اللي ابيه انج تفهمين اني زوجج ومستحيل اذيج .. يعني لا تخافين مني ..! نزلت راسها وهي تفرك يدها بقوة وقالت : انت مو فاهم انا ما ابي احرج نفسي معاك ..؟ تكلمت قبل لا تتكلم وقلت : ادري واعرف وفاهم .. انا مو صغير يا فاطمه وصدقيني وعدت ربي واقسمت له اني احميج واصونج والله يا فاطمه اني اكون لج الزوج الصالح واللي تتمنين وجوده .. شفتها اطالعني وهي تبتسم لي بخجل .. كنا نطالع بعض لفترة طويله وعقبها نزلت راسها وقالت : اممممم ما احب يناديني فاطمه .. ومدت يدها وهي تكمل كلامها وتقول: انا فطوم وتشرفت فيك ..؟ ههههههههههههه ضحكت وانا امسك يدها واقول : وانا سعد وتشرفت فيج اكثر .. وسحبتها لصدري بقوه بدون مقدمات وحضتنها وانا سكران من ريحه عطرها ..

الجزء 41 ،،






ليلتي كانت من اجمل الليالي كنت مرتاح ومبسوط .. كنت سعيد جدا وانا اشوف الجازي بحضني نايمه .. شكلها حلو وهادي ملامحها جميله ما تشبه محمد .. كانت بيضاء وعيونها وساع خشمها مرتب ومتناسق مع وجهها شفايفها قطعتين فراوله .. كنت ابي اصحيها بس شكلها خلاني اتذكر امس يوم كنا بالمجلس عندهم بالبيت .. كنت انطر واعصابي محترقه خلاص يا عبدالله هي زوجتك .. ليش متوتر وخايف .. كنت اكلم نفسي وانا انطر الجازي تجيني مع راشد .. انفتح الباب ودشت وهي متردده ومنزله راسها اللارض ما شفت وجهها كل اللي شفته فستان تركواز عريان عند الصدر طويل مع اللون الذهبي .. اكسسواراتها بعد ذهبيه .. وقفت قريب الباب اللي تصكر من وراءها .. وعلشان ما ازيد الجو المتوتر ما بينا تكلمت : شلونج يالجازي .. مبروك ؟! ما جاني رد منها كانت تفرك يدها بقوة وهي واقفه ,, ما يفصل بينا الا شبر مشيت صوبها ومسكت يدها ..وارتجفت وهي تحاول تبعد عني .. الجازي هدي اعصابج تراني ما اكل وصدقيني تعشيت قبل لا اجيج .. كلمتها وانا اشوف ردت فعلها على كلامي .. كانت ساكته وراسها ما ارتفع لي .. خذت نفس وانا ارفع يدي الثانيه علشان ارفع راسها .. وبهاللحظه انحبس النفس عندي ايش هالجمال سبحان الله خلق وفرق .. كنت اكلم نفسي وانا ضايع بعيونها ..! وقلت : ماشاء الله .. تبارك الرحمن .. اكيد امي داعيه لي .. ابتسمت وهي تحاول تنزل راسها بس ما عطيتها مجال لاني بست راسها وقربتها مني واقول : اذا اغراضج جاهزة خلينا نمشي الساعه الحين 9 ونص واكيد فطوم سافرت مع سعد وامي بروحها بالبيت مع الخدامه .. تكلمت وهي تهز راسها وتقول: طيب اسلم على اهلي واجيب اغراضي .. تركتها تروح وانا ما ودي تبعد عن حضني .. عبدالله .. عبدالله .. صوت الجازي نزلت راسي لها هي تقول: ممكن تتركني ابي اروح الحمام " عزكم الله " ..!







اليوم السبت والساعه 10 الصبح والناس اجازات وانا هني .. كنت اكلم نفسي وانا اطالع المكتب .. صوت طق على الباب خلاني احس بالسعاده واخيرا احد راح يسوالف معاي حتى لو كان البوي" الهندي " عادي المهم اتكلم .. تفضل قلت كلمتي وانا اوقف علشان اشوف من .. انفتح الباب ودخل عبدالعزيز .. انصدمت وقفت في مكاني ايش يبي .. السلام عليكم ورحمه الله وبركاته .. شلونج نور ؟! او اقول دكتورة ..!! غمضت عيوني واناا ارد عليه بالسلام واقول : انا بخير استاذ عبدالعزيز ويفضل بـ مكان عملي الكل يناديني دكتورة .. قعدت على الكرسي لان رجلي ترتجف وما كنت ابي ابين له خوفي .. واشرت له يقعد وانا اقول : شلون اقدر اخدمك ..؟ قعد على الكرسي وحط رجل على رجل وقال : قبل لا تساعديني ابي اعرف من وين تجيج هالقوه .. امس كنتي ترتجفين بحضني ..؟ واليوم ما شاء الله عليج لبوه !! انحرجت من كلمه بين يدي واعتقد ان خدودي حمرت لان ابتسامته ادل على هالشي .. استاذ عبدالعزيز الكلام اللي تقوله الحين ينقال في مكان خاص مو مكان عمل .. قول شلون اقدر اخدمك ..!؟ كنت ارقب حركاته اللي اعرفها وحفظتها من يوم فتحت عيوني على هالدنيا وانا اشوف عزيز قدامي .. وبهاللحظه كان يهز برجله يعني عزيز متوتر وقال : ابي اعرف حاله ندى .. ابي اعرف اذا في امل اكبر .. يعني نقدر نسفرها برع او ... ما خليته يكمل لاني قلت : اسمع وضع ندى وصل المرحله الاخيرة خذت نفس لان الدمعه وصلت خلاص ونزلت راسي وكنت اتلفت يمين ويسار علشان ما ابين له وكملت : يوم استلمت الحاله كانت تعاني من مرض سرطان الدم وهالمرض ما له اعراض كثيرة ويمكن اعراضه مثل اعراض فقر الدم علشان جذي ندى تجاهلته .. بس يا عزوز هي محتاجه اهلها واللي يعزون عليها بالوقت الحالي .. لان العلاج خارج وداخل الدوحه واحد .. سكت ورفعت راسي ابي اشوف عبدالعزيز اللي كان يطالعني بنظرة مو فاهمه معناها .. وقال : كنت اتمنى اكون معاها بس مثل ما انتي عارفه صعب وبعدين يا ليت ما تقولين عزوز لان المكان اللي احنا فيه مكان عمل .. قال هالكلام وهو يطلع من الباب اللي دخل منه وبدت دموعي تنزل وانا مقدره بعد قلب عن شخص يحبه وبـ نفس الوقت كنت ابتسم على تعليقه والملاحظة الجيدة عنده ..





الساعه 2 ونص الظهر بعد الغدى والربشه في بيت ام عبدالله مازالت مستمرة الكل موجود والكل حاضر كنت اسولف مع ام مبارك ونشوف البنات يرقصون .. دخلت اسماء البيت وهي تسلم على الكل ويوم جات عندي قالت : ما شاء الله يا جوجو .. شنو هذا !! اقول ليش عبادي مشتط على الزواج .. هههههههههههههههه ضحكت ندى اللي وقفت ما بينا وتقول : طبعا هذي من اختياري .. وحضنتني وهي تقول : الجازي عبدالله يبيج بالمجلس الداخلي .. وقفت وانا اقول لهم : عن اذنكم بروح اشوف حبيبي عبادي .. اووووووووووووووه صوت الكل طلع من بعدي وانا ميته من الضحك .. ياربي احبهم يحسسوني اني ملكه من بينهم .. دووم يارب هالضحكه صوت عبدالله اللي كان متسند على الباب .. ابتسمت له وانا اقول : يقولون اني مطلوبه حضرة الضابط .. مسك يدي وهو يدخلني داخل ويصكر الباب من وراي وقال : أي مطلوبه لاني اشتقت لج والا ما يصير .. لفيت صوبه وقبل لا اتكلم سرحت بعيونه .. كان لابس بدله الدوام الكحلي الكامل يجنن عليه .. عبادي اسمر عيونه وساع نفس ندى وخشمه رزه وشفايفه مرسومه وجهه حلو وطويل عني بوايد لازم ارفع نفسي علشان اوصل لكتفه .. ما اعرف شكثر وانا اراقبه لاني ما حسيت الا بـ شفايفه بشفايفي .. تنهد وهو يحضني لصدره اكثر مش عارفه ليش حسيت بـ خوف بعدته عني وانا اقول : في شي ! رد وهو ياخذ نفس مرة ثانيه وهو يقربني لصدره ويقول : ابوج اليوم كلمني عن اختج وضحى .. مسكت كتفه بقوه ابيه يكمل : وطلب مني ارفع قضيه تستر على مجرم .. ما اذكر ايش قال او ايش قلت بعد كلمه مجرم لاني وبكل امانه اغمى علي ..!





...؟ هلا يا قلبي ..؟
...؟ شلونج اليوم .. وايش تسوين .. ومع من قاعده ..؟
...؟ ههههههههههههههههه كل هذا يعني اجاوب بسرعه حضرة النائب ..؟
...؟ هههههههههه أي يا حرم النائب محمد ..؟
ضحكت على محمد اللي اهتمامه فوق المعقول وقلت وانا اجاوب على اسئلته: انا بخير والحمدالله .. وايش اسوي كنت البس عبايتي علشان اطلع لك .. ومع من .. بروحي .. جذي حلو ..؟
محمد يرد على وهو يضحك : أي حلو .. طيب اطلعي الشمس احرقتني ..؟ ان شاء الله رديت عليه وانا اصكر التلفون واطلع لاهلي برع علشان اسلم عليهم .. ويوم جيت باخذ ابراهيم تكلمت امي وقالت : يمه ندى خليه اليوم عندي وباجر تعالي اخذيه .. رديت عليها : بس يمه ما ابيه يتعبج ..؟ رفعت امي راسها لي وقالت :لا تخافين ما راح ياذيني ..؟ طيب براحتج بس الصبح باجيج واقعد معاج .. كلمتها وانا ابوس راسها .. طلعت برع لمحمد اللي فعلا كان ينطرني وهي ميت من الحر .. ركبت السيارة وانا اقول له : حبيبي ليش لابس بدله سوداء .. لف علي وهو لابس نظره تحمي عيونه وقال : مو انتي تقولين الاسود حلو علي .. هههههههههههههه ضحكت وانا امسك يده واقول : ربي لا يحرمني منك .. ما كنت اعرف شنهي نظرته والسبب النظارة صد عني وهو يشغل السيارة .. كنا ساكتين مش عارفه ليش بس حاسه ان محمد متضايق .. وقفنا عند باب البيت ونزلنا ودخلنا الصاله اللي كانت هاديه .. وعلى طول رحنا الغرفه .. فسخت العبايه وانا ارقب حركات محمد الغريبه .. كان معطيني ظهره حضنته وانا اقول : قلب ندى شفيه متضايق ..؟ بعد يدي عنه وهو يلفني صوبه ويقول : ابوي اليوم كلم عبدالله ..؟ سكت وهو يفسخ النظارة وقال : يبي وضحى تدخل السجن ..؟ انصدمت وحسيت بالرعشه بجسمي وعقبها بالالم : اااااااااه جسمي .. تكلمت وانا احضن محمد اللي يسالني : اخذتي حبوبج .. صوت صياحي هو اللي عبر عن اللي احسه .. حضني محمد وقال : لا تخافيني ما يقدر يسوي شي احنا اللي راح نوقف الموضوع وعبدالله اخوج ما قصر في ابوي بس انتي هدي شوي طيب ..! رفعت راسي وانا اقول : حبيبي احضني ابي اكون بحضنك ..!






من جيت الكويت وانا احس بشي غريب ما حسيته من قبل .. وسعد يحاول يكون قدامي باحسن صورة قمت الظهر وهو مازال نايم .. خليته وطلعت للحمام "عزكم الله " واخذت شور دافئ وكنت اضحك وانا اتذكر كلام سعد امس بالطيارة .. وكلامه واحنا بالسيارة وحتى واحنا بالشقه .. حبوب وطيب وله اسلوب حلو وغريب علي .. طلعت من الحمام ودخلت غرفه الملابس .. لابست شورت جينز وبدي ابيض عليه قلب كبير .. ورفعت شعري على فوق علشان ينشف ولابست صندل ناعم يناسب لابسي .. طلعت للغرفه وما زال سعد نايم ابتسمت وانا اشوفه .. وجهه بيضاوي عيونه كبار خشمه شوي ملتوي لانه مضروب وشفايفه شبه ورديه من التدخين .. طلعت من الغرفه ورحت اكتشف شقه سعد .. بعد غرفتنا اطلع على ممر طويل يوصلني لين غرفه الجلوس " الصاله " وعلى يمينها المجلس يعني كل على بعض شي مو متعوده عليه .. المهم لفيت جهه اليسار ولقيت المطبخ اممم شي جيد اانا يوعانه .. هههههههههه ضحكت لاني خبله واسولف بروحي .. واحلى خبله شفتها بحياتي .. سمعت صوت سعد وراي ولفيت اشوفه وانصدمت اكثر يوم شفته طالع لي بس بالفوطه على خصره صديت وحطيت نفسي ادور الاغراض علشان اسوي شي للاكل خصوصا انه وقت الغدى .. بدون مقدمات كنت بحضنه وهو يقول : حياتي ليش قمتي وخلتيني .. كنت احاول اضبط نفسي لانه لاصق فيني من قلب .. وقلت : ما حبيت ازعجك .. وبعدين قلت اسوي لك شي تاكله والا مو يوعان .. لفني صوبه وهو يطالع شفايفي ويقول: أي يوعان ومن قلب بعد .. باسني بنعومه وانا متخشبه في مكاني زاد من بوسته وهو يرفعني من الارض ويوديني الغرفه اللي توني طلعت منها ..!






قعدت وهي اطالع المكان مستغربه انها مو بالبيت .. لفت صوبي وانا اطالعها حاولت تقعد وانا اشوف دموعها .. كانها اكتشفت انها بحضني وانها معاي بالسيارة .. الجازي شلونج الحين ..؟ كلمتها وهي تحاول تبعدني وانا رافض الفكرة .. وقالت : عبدالله خلني ابي اقعد ..! الله يخليك هدني شوي ..! طيب والا يهمج بس بدون دموع وخليني اخلص الكلام اللي ما سمعتيه مني !! كانت تعدل نفسها بعد ما تركتها وهي تقول : ابي ماي عطشانه .. طالعتها وانا اشوفها تغطى وجهها بالشيله بالعربي ما ابيك تشوفني .. حسيت بطعنه بصدري البنت تحسب اني السبب.. طيب والا يهمج .. بس على فكرة الكلام اللي قلتيه لي غلط 100 بالميه ,, كلمتها وانا احرك السيارة طالع من البحر رايح صوب السوبرماركت .. وقفت السيارة ونزلت اجيب لها شي تاكله بالمرة .. طلعت وكنت اطالع السيارة وانا اشوفها حاطه يدها على وجهها اكيد تصيح .. ركبت السيارة ومديت لها الاغراض .. وقلت : يوم خبرتج باللي صار تدرين ايش قلتي لي قبل لا يغمى عليج .. هزت راسها بلا وقلت : اتهمتيني .. قلتي انا السبب واكيد انا اللي قلت لابوج .. يخلي اختج تدخل السجن .. بس اخذيها معلومه مني قبل لا توصل من احد ثاني .. اخذت نفس بقوه لاني منقهر منها وقلت : انا اللي وقفت ابوج عند حده وقلت له بنات الناس اذا اخطاوء السجن مو مكانهم والا تنسى يا ابو محمد ان بنتك مالها ذنب والخطا مو عليها بس هي تبي من يهتم فيها ويقرب لها واعتقد الكل بعد عنها .. وانا اليوم جايك اقول ان ما عندنا بنات يدخلون مراكز واذا انت ابوها فانا اخوها .. سكت وانا اسمع صوت شهقاتها وصياحها اللي كان على الصامت .. وهمست وهي تحاول تمسك يدي وتقول : اسفه انا .. سكتت وهي تحاول تضبط صوتها وتكمل كسرت خاطري بس حبيت ارويها تسرعها ايش سوى فيها ..!






كنت سرحان وافكر بكلام نور اللي قالته عن مرض ندى .. وبنفس الوقت كنت اتذكر شكل نور وهي واثقه من نفسها وراء مكتبها وخصوصا يوم قالت عزوز ابتسمت لنفسي .. رن جوالي بهالوقت شفت المتصل وانا ابتسم : حي الله المعرس ..؟ ههههههههههه ضحك سعد العالي خلاني ابعد السماعه عن اذني .. الله يحيك ويبقيك ..؟ شلونك يا عزيز وحشتني ..؟ جاء دوري اضحك ههههههههه .. واقول: من صجك وحشتك يعني فطووم ما سدت هالشوق .. اااااه يا عزوز ااااه بنت خالتك جننتني ما خلت فيني عقل .. وين كنتوا خاشينها عني .. تكمل سعد وكل كلمه منه تبين الحب الزوجي الواضح بصوته .. يا سعد فطوم طيبه هالله هالله فيها .. كلمته وانا اعدل قعدتي .. لا توصي يا عزوز هي بعيوني .. كلمني سعد وهو يكمل كلامه : عبدالعزيز ايش صار بالموضوع ..؟ ااااااااااااه ضربتني على الوتر .. توني كنت افكر فيه .. نور قالت .. ههههههههههههه ضحك سعد اللي خلاني استغرب ضحكته وقلت : شبلاك جنيت ..! رد وهو ما زال يضحك : من دكتور جاسم للدكتورة نور .. سكت سعد من الضحك وانا تكلمت وقلت : بعد هذي قصتها قصه .. بس خلني اقولك ايش قالت لاني ما لقيت دكتور جاسم فـ رحت لها .. تفضل قول اسمعك .. كلمني سعد واخذت نفس وقلت : تقول ان الوضع عندها متقدم يعني العلاج صعب حتى لو وديناها اخر الدنيا .. طيب هذا متوقع من اول مرة قالها الدكتور جاسم .. وين الجديد ؟؟ كلمني سعد وهو يستفسر اكثر قلت وانا اجاوبه : يعني ما في امل اتمنى اعطيها عمري والا تروح .. ونور لمن راح تخليها ..؟ تكلم سعد وهو يستفسر اكثر .. اااه تدري من جيت هني وانا مادري عنها كل عند عمتها .. قلته كلامي وانا اوقف ابي اطلع من الغرفه وانا عند الباب سمعت سعد يقول : هذي نور الصغيره .. طيب نور الكبيرة ..؟ جمدت يدي على مقبض الباب .. وانا افكر بسؤاله واسمع صوت ضحكته وصداها ..!





يعني الحين ما يصير ندخله الروضه على السنه الجايه الولد كبر .. كنت انطر يعقوب وهو يشرب الشاي ويفكر بعمق .. دزيته وانا ابيه يرد علي .. يعقوب شبلاك انا اكلمك وانت عقلك مو عندي ..؟ ابتسم لي وهو يقول : شبلاج يا ام سالم ..؟ ام سالم تقول شرايك ندخل سالم الروضه هالسنه حرام تضيع عليه .. ولا تخاف راح تكون نور وياه .. خلصت كلامي وانا اشوفه يبتسم لي ويقول : انتي تفصلين وانا البس .. والا يهمج راح اجيب لج اوراقه علشان التسجيل .. بعد شي ثاني .. كلمني وهو يوقف علشان عزيز اللي طلع من غرفته .. سلموا على بعض وقعدوا وصبيت شاي للعزيز وانا اقوله نفس الكلام : وانت بعد جهز اوراق نور ..؟ لف عزيز صوبي وهو مستغرب وقال : أي نور ..؟ هههههههههههههههههه ضحكنا انا ويعقوب على سؤال عزيز وقال له يعقوب: كم نور عندك ...؟ استوعب عزيز السؤال وقال : ما في شي يضحك .. ولف صوبي وهو يقول : أي اوراق ؟! اروراق الروضه راح اخلها مع سالم علشان ما تروح عليهم السنه .. كلمته وانا اشوفه يهز راسه بـ اووكي .. وقفت علشان اشوف اليهال وانا استئذانهم طلعت منهم وانا شاكه بامر عزيز وراءه شي وخصوصا يوم جبنا اسم نور .. دخلت غرفه سالم وشفت الحفله اللي مسوينها .. سلوم نور ايش هذا صرخت وانا منقهره لانهم نزلوا كل الالعاب بالارض والوان بكل مكان و وجهيهم ملونه .. هههههههههههههههههههه ضحكت ما قدرت استحمل وضحكوا معاي صج يهال ..!





...؟ يعني شنو الحين الساعه 7 ونص بالليل متى راح تجي ..؟
...؟ يالله شبلاج جذي ابي استانس مع الشباب ..؟
...؟ بدر لا تجنني متى ترد البيت ..؟
بدر وهو يضحك علي ويقول : اسوووووووووووم عندج فيصل شتبين فيني ..؟
رديت ودي اضربه لو قدامي : انت مالك خص في فيصل ابيك ترجع على العشر تسمع والا لا ..؟
رد بدر ومازال يضحك : طيب يالغاليه عشر وانا عندج ..؟
صكرت من عنده وانا قلبي بيدي هذا بدر راح يجنني صج انه مع شباب صالحين بس بعد اخاف عليه .. حضن حلو وناعم من فيصل وهو يقول : خلي الولد يتنفس شوي .. هههههههههه ضحكت وانا الف عليه واقول : لا ما ابيه يتعود على التاخير وبعدين انا اخاف عليه .. حياتي هو شاب وعمره فوق 25 سنه يعني المفروض الحين تشوفين له زوجه .. كلمني فيصل وهو يسحبني صوب الكنب اللي عند التلفزيون .. تدري اعجبتني الفكرة .. لازم ازوجه اااممممممم شرايك في اخت سلطان .. تعجبني احسها ندى بس باسم ثاني .. تكلمت وانا اشوف وجه فيصل اللي تغير وهو يقول : بس نور اكبر منه .. ههههههههههه ضحكت وانا اقول:اسمع من يتكلم .. على فكرة انا اكبر منك بـ 3 سنين وندى اكبر من محمد بـ سنتين .. ههههههههههههههه ضحك فيصل وهو يقول : طيب طيب ما يسوى علي .. بعدين شدراج ان اخوج يبي الزواج ؟!.. كل شاب مصيره الاستقرار وانا اشوف بدر عنده المؤهلات موظف وراتبه زين ويقدر يكون اسرة صح .. كلمته وانا اشوف عيونه بدت تضيق شوي وهو يوقف ويقول : عن اذنج بروح اكلم عبدالعزيز قبل لا يسافر .. وخلي مكاني دافئ طيب .. ابتسمت له وانا اقول :اوووكي والا يهمك ..!





اليهال يلعبون بالالعاب والعنود واقفه قريبه منهم وانا وعبدالعزيز عند العشب نسوالف مرة ونضحك مرة ونتهاوش مرة .. انت اللي مو صاحي عيل راح تقعد عزابي لين متى ؟؟ نور تبي ام تهتم فيها وترعاها .. تكلمت وانا اشوف رده فعل عزيز على كلامي .. سكت وهو يطالع نور من بعيد وقال : تصدق مو في بالي الزواج واذا تزوجت راح تكون ام لنور وبس .. انا مالي رغبه بالمراة صدقيني يا بو سالم صدقني ما عادوا يشكلون علي خطورة .. ههههههههههههه ضحكت على كلامه وانا اقول : اذكر الله .. اذا تزوجت المراة هذي لها حق عليك .. طيب طيب فهمت عليك .. وبعد اقولك للمرة الف ان مالي رغبه .. تكلم عزيز وهو يشوف جواله اللي يرن على الارض .. هلا فيصل ..؟ أي انا برع مع اسرة يعقوب الصغيرة ..؟ عسى ما شر شفيه صوتك .. ايش ...!! سمعت كلامه وانا قلبي مقبوض شفت عزيز يوقف وهو يقول : طيب الحين جاين لك راح انزل العنود واليهال عند خالتي ونجيك .. ايش صار شفيه فيصل .. تكلم ليش ساكت .. كنت اكلمه وقلبي خلاص وصل لمرحله الصفر من الخوف .. رفع عبدالعزيز راسه وقال : بدر وحمد وسلطان صار عليهم حادث و سلطان عطاك عمره .. تكلمت وانا احس اني مخنوق: سلطان أي سلطان .. انت تقصد صديقي سلطان .... الـ ... انت متاكد !! والا تكذب علي .. تكلم عزيز وهو يمسك يدي ويقول : اذكر الله شبلاك يا يعقوب انت رجال مصلي وخايف الله .. استغفرا الله .. ان الله وانا اليه راجعون ... واخته من لها الحين .. اللي اعرفه هو يتيم ويهتم بـ اخته .. سكت وانا اشوف عزيز رايح صوب العنود ويقول: خلنا نودي الاهل بيت خالتي ونروح للمستشفى وعقبها راح نعرف ايش نسوي ..






ندى واللي يسلمج اقعدي شوي ليش تروحين وتجين والله ما اكذب تراج عورتي راسي .. كلمتها وانا ابيها تقعد وتهدي اعصابها ما اعرف شبلاها فجاءة صارت متوترة .. حمود احس في شي احد صار له شي ..؟ ما اعرف من بس عبادي ما يرد على جواله والجازي بعد وامي ما تشيل تلفون البيت .. تكلمت بسرعه وكلامها وراء بعض وقفت ورحت صوبها مسكتها من كتفها وخليتها تواجهني وقلت : حبيبتي الساعه الحين 12 ونص اخر الليل من اللي راح يرد عليج .. يا عمري نامي ابي ارتاح باجر اول يوم دوام من بعد اجازة طويله .. حطت عينها بعيني واعتقد اني كسرت خاطرها والدليل انها احضنتني وقالت: اسفه يا قلبي نسيت انك راح اداوم باجر .. اشتقت لج يا ندى كلمتها وانا ابوس شفايفها بشوق وبدون مقدمات سمعت صوت جوالي يرن .. اووووووووووووف هذا وقته كنت معصب وندى تضحك علي مسكت الجوال وانا اشوف اسم عبدالله .. هلا بو الشباب ..؟ طيب لا تقول .. خلاص خلاص عطني شوي واجيك .. مع السلامه .. وقبل لا ارفع راسي كانت ندى تحضني من ظهري وتقول: امي فيها شي .. فطوم تعبانه .. عبادي صار ... قطعتها وانا اقول : فال الله والا فال العدو طيب .. فتحت يدها اللي ماسكه خصري بقوة وقربتها مني وانا ابوس راسها وقلت : البسي الدكتورة الحين محتاجه ندى القويه معاها .. رفعت راسها ونظرة استغراب وكملت لها وقلت : سلطان توفى اليوم العشاء بـ حادث سيارة .. واخته حالتها حاله وتعبانه بالمستشفى والشباب كلهم هناك .. اشهقت بقوة ودموعها نزلت بسرعه وجهها صار اصفر .. غبي يا محمد انا اغبي انسان على وجه الكرة الارضيه .. كنت اكلم نفسي وامسح دموعها عقبها كلمتها وقلت : ندى اذكري الله هذي الدنيا .. ما كملت سكت وفكرت اذا راحت هي عني وخلتني بهـالدنيا ايش بسوي .. اختنقت وهالمرة دموعي انا اللي كانت تنزل بدون مقدمات .. ندى انصدمت وقعدت تمسحهم وتقول : حمود انا اسفه خليتك تصيح .. خلاص بصير قويه بس لا تنزل دموعك علشان خاطري ...!

الجزء 42،،




مر اسبوع على وفاه سلطان اللي عرفناه على انه صديق يعقوب وفيصل ومن عقبها صار صديق واخ عزيز على بدر وبعد عرفنا القرابه والصداقه اللي بين فيصل وسلطان لانهم جيران وحبايب والاهل معرفتهم في بعض اكبر بقرب ندى ونور اخته" الله يرحمك يا سلطان"



...؟ ما يصير هي بنت شلون تعيش بروحها .. ؟!!
...؟ اول مرة اشوف نور عنيده وضعيفه جذي ..؟
...؟ عنادها لنفسها .. خليها تعقل يا ندى البنت ما لها الا احنا ..؟
تنهدت ندى بقوه وهي تعيد كلامها: تصدقين يالعنود .. اول مرة اشوف نور جذي ضعيفه .. كانت دوووم قويه حتى بعد وفاه اهلها ..؟
العنود:ندى لا تنسين هذا سلطان كل حياتها ..؟ المهم اقنعيها تقعد عند خالتي ما يصير ترد بيتهم الحين ..!

بعد ما صكرت من ندى لفيت اشوف من اللي واقف عند راسي .. ليش واقف عند مخي .. اقعد الله يهداك ..؟ كلمت عزيز اللي كان يسمع الحوار اللي بينا وقال : شفيها نور .. وليش تبي تروح بيتهم ..؟ تكلم عزيز وهو ما زال واقف .. مسكت يده وسحبته بقوه وانا اقول: اقعد واقولك اما توقف جذي وتعور راسي فـ انسى راح اصكر الموضوع .. قعد قدامي وهو متغير ..! أي متغير وايد شكله تعبان وصاير اسمر وعيونه بدت تبين فيها السواد والعارض نابت بشكل غريب .. وهذاني قعدت ممكن تجاوبين على أسئلتي ..؟ هزيت راسي وانا اقول: الله يسلمك نور تقول مو عدله تقعد عند خالتي وخصوصا البيت فيه رجال تقصد عبدالله .. وقالت لندى تبي ترد البيت بس ندى منعتها واقنعتها تقعد اسبوع ثاني وعقبها كيفها .. سكتنا وكل واحد فينا يفكر بالموضوع نفسه !! بابا بابا ثوف ثلوم " شوف سلوم " هههههههههههههه ضحكت سالم ونور اللي جاءت وقعدت بحضن ابوها وهي تلعب باللحيه اللي مبينه ومعطاء عزيز اكبر من عمره .. ابتسم عزيز وهو يقول : يا ام سلوم خلي ولدج بعيد عن بنتي ,, ههههههههههههه ضحكت وانا اضم سلوم لصدري واقول : خله يعلمها الادب فديته رجال .. ابتسم عبدالعزيز وهو يقول : ربي يحفظه ويخليه لج .. انا طالع الحين تامريني بشي .. هزيت راسي وقلت : ابي سلامتك وهالله هالله بنفسك .. نزل نور على الارض وطلع من البيت والهموم على كتوفه .. الله يعينك يا اخوي ..!




كنت قاعده بحضن محمد اللي يلعب بشعري وبحضني ابراهيم اللي كان نايم .. ضمني محمد وهو يقربني منه ويقول : الحلو نايم ..؟ ابتسمت له وقلت : أي حلو فيهم ..! ههههههههه ضحك محمد وهو يبوس خدي : اهم شي الثقه .. انا اسال عن بروهم .. نام والا لين الحين .. ههههههههه ضحكت وانا ابعد عن حضنه واقول له : أي نام ،، ممكن تهدني علشان احطه بالسرير .. فك يده وهو يقولي : بس لو سمحتي ارجعي مكانج لاني ما ابي ابرد بعد الدفئ .. ان شاء الله كلمته وانا اروح جهه سرير ابراهيم .. بعد ما حطيته لفيت وانا اراقب محمد وهو يشغل التلفزيون ويفرفر القنوات وقف عند اغنيه لـنانسي عجرم وطول شوي على الصوت وهو يقول : حياتي تعالي اسمعي هالكلمات .. اهديها لج .. حبيبي كل شي منك حلو حتى لو غرت من نانسي .. كلمته وانا ارجع اقعد بحضنه وهو يشد علي اكثر ويقول : ما يسون ضفر رجلج .. اسمعي وانتي ساكته .. ابتسمت وانا اقوله طيب :

لمسة ايد برضى اكيد وبنسى انك كنت بعيد
كيف بدوب الهوى مكتوب يقسم البي تلات قلوب
قلب يحبك
قلب يدوب
قلب يغار عليك
خدني بحضنك خاف علي
حسسني بوجودك في ما بعرف
قيمة عيني غير لما يشوفوك
وعدني تبقى العمر بقربي
وعدني ما تفرقنا غربة
انا روحي و عيني وقلبي خلقوا تيحبوك
ازا حدك ما بقيت وعلى كتفك ما غفيت
يعني انا ما عشت بعمري
وعلى الدنيا ما جيت
خدني بحضنك خاف علي حسسني
بوجودك في ما بعرف قيمة
عيني غير لما يشوفوك
وعدني اه وعدني انا روحي وعيني
و قلبي خلقوا تيحبوك

ارتعش جسمي من الكلمات القويه .. ليش يا محمد مسكت يده بقوه اللي كانت بخصري وانا اقول : حمود ليش جذي ..؟ حضني وقال : هذا وعد يالغلا انج كنت ماضي جميل بمراهقتي وشبابي .. وصرتي زوجتي وحبيبه عمري وبالمستقبل راح تكونين ... سكت لاني بسته على خده بقوه وانا اقوله : المستقبل راح تكون اروع اب لابراهيم .. حضني وحضنته وكل واحد فينا يتمنى هالحضن يطول للابد ..





كنت قاعده بغرفه الطعام ودموعي ما وقفت كل شوي يمر علي صورة لاحد غالي مات وخلاني .. مسحت دمعه وطاحت الثانيه .. الله يرحمك يا سلطان .. تكلمت وانا امسح الدمعه المليون من خدي .. فاطمه اذكري الله .. صوت سعد اللي كان واقف عند باب الغرفه وشكله تعبان من الشركه .. وقفت وانا امسح دموعي واقول : هلا متى جيت ..؟! قرب مني وهو يحط شنطه الشغل على الطاوله ويضمني ويقول : والله ما اقدر اخليج تروحين .. انا احتاجج الحين ..؟ ضميته واانا ارد عليه : انا اسفه والله بس مش قادره اتخيل الناس اللي احبهم يموتون قدامي .. قبضة يد سعد صارت اقوى لدرجه اني حسيت بالالم بجسمي .. حاولت ابعد بس هو شد اكثر .. اااه سعد انت تعورني ..؟ كلمته وانا ابي ابعد بس سعد له رايي ثاني قعدني على الكرسي اللي كنت قاعده عليه وهو قعد على ركبته على الارض وقال وصوته فيه نوع من العصبيه: الموت حق علينا .. وبجي اليوم اللي راح اروح انا بعد .. ما احد راح يدوووم الا وجه " رب العالمين " انتي فاهمه .. كنت احس كلامه قاسي يمكن لاني ذكرت الناس الغاليين وهو فهم اني اتكلم عن ناصر .. انصدمت للي وصلني له عقلي .. كنت اشوف عيونه والتعب فيها .. مسكت وجهه بيدي وقلت : تدري سلطان كان يصغرني بـ 2 هو اكبر من نور .. ابتسمت وانا اكمل واقول : كنت دايم اضربه تدري ليش ..؟ حسيت ان وجهه بدء يلين وهو يهز راسه بلا .. قلت وانا ابوس خشم سعد : لانه دووووم يجر شعري بقوه لانه طويل .. ههههههههه ضحك سعد وهو يمسك يدي ويقول: محتر من شعرج ..؟ ابتسمت له وقلت : لا مو علشان جذي .. هو محتر لاني كنت اشطر منه وامه " الله يرحمها " كانت دوووم تقوله صير مثل فطوم عقلها براسها .. وهو يحسب شعري عقال .. هههههههههههههههههههههه ضحك سعد وصار وجهه مشرق وهو يقول : الله يرحمه ابتسم لي وقال : اسف اني عورتج .. حسيت بالغيرة من .. حطيت يدي على شفايفه ورديت عليه: انسى الماضي وعيش اليوم ...!





غرفه ندى كانت الملجأ لي بعد فراق سلطان وبيتنا .. كنت اتذكر سلطان وامسح دموعي مو متخيله ان اسبوع مر وهو مو موجود .. الكل جاء وعزاني القريب والبعيد زملائي اللي بالمستشفى وما احد خلاني بروحي الكل يبي يوقف معاي .. بس انا ابي سلطان خنقتني العبرة وانا انزل راسي بين رجلي اللي ضمتهم على صدري .. كنت اذكر يوم قررت اسافر بريطانيا علشان ادرس الطب .. لا ما تروحين ..؟ تكلم سلطان وانا احضنه واقول : ارجوك يا قلبي لازم انفذ وصيه ابوي واصير دكتورة .. كنت بذاك الوقت 18 سنه وتوني متخرجه من الثانويه بمجموع يرفع الراس .. قال وهو يشد على يدي : وانا يا نور من يقعد عندي .. كنت اطالع اخوي الوحيد عمره بذاك الوقت 20 سنه وقلت له :حبيبي عندك فيصل وحمد ويعقوب اصدقاءك ما اعتقد انهم راح يخلونك والا تنسى امي ام عبدالله .. صحاني من ذكرياتي صوت الباب ينطق وينفتح وما غيرت وضعيتي .. كنت اشهق من قلب .. حضن دافئ خلاني ازيد .. حبيبتي اذكري الله .. ادري واعرف شنهي خسارة غالي .. اساليني وانا اقولج .. رفعت راسي وانا اشوف الجازي وقلت : جربتي تخسرين روحج .. هزت راسها بـ أي وهو تقول : خسرت منيرة اختي من ابوي .. كانت تحبني وتتمنى قربي .. لاحظت ان صوتها بدء يختنق وهي تقول : راحت بغمضة عين وما عرفت منها الا انها اختي وبس .. صدقيني يا نور الود ودي .. الايام ترجع واقولها شكثر انا احبها واني غبيه على الايام اللي راحت من دونها .. سكتت وهي تمسح دموعها .. مش عارفه ليش كلامها هداني شوي واحس اني ارتحت لها .. مع ان ندى كلمتني عن منيرة وعن خسرتها بس ما احد يحس بالاحساس هذا الا الاخ .. وهذا اللي شفته بعيون الجازي .. ابتسمت وانا امسح دموعي واقول : الجازي انا يوعانه ..؟ ابتسمت الجازي وهي تحضني وتقول : عيوني لج الحين اجيب لج شي تاكلينه ..!!





اسوم اللي يهداج ما فيني شي ابي اكون بروحي الله يخليج روحي عني ..؟ صوت بدر وهو يصارخ بقوه على اخته اللي ازعجته طول الاسبوع اللي راح .. تنهدت وانا احط راسي على باب غرفه بدر اللي قفلها على نفسه والا يبي يطلع .. حبيبي تعوذ من ابليس ما يصير اللي تسويه بنفسك وانا اختك .. اطلع وخلك معانا حمد كل يوم يجي ويسال عنك عند فيصل .. اخذت نفس والصيحه بعيوني وبصوتي وانا اكمل واقول : يعني انا من وين القاها منك والا من فيصل .. انت حابس نفسك وفيصل نفس الشي يعني شنو اموت علشان ترتاحون ..! صحت من القهر اللي فيني اسبوع وانا احايل فيهم يطلعون من غرفهم فيصل من جهه وبدر من جهه ثانيه تعبت والله .. انفتح الباب وانا مازالت تحت نزل بدر وقعد جنبي على الارض وقال : اسف .. بس سلطان غيرني يا اسووم ما تعرفين شلون اضحك وانا بس اسمع صوته .. شلون لو غاب حسه من الدنيا .. صاح وهو يحط راسه بحضني صاح اسبوع فراق سلطان .. كنت امسح على راسه واقرء قران وعقبها حسيت بانفاسه منتظمه يا بعد قلبي نام وهو بحضني .. خليته ينام هو محتاج الراحه حتى لو اني احس بتعب بجسمي كله بس بدر عندي اهم من نفسي .. كنت اشوف وجهه وهو نايم احسه طفل صغير محتاج حنان .. وجاءت في بالي نور ليش ما اخطبها لبدر ينفعون لبعض .. غمضت عيوني وانا اشوف اخوي معرس وزوجته جنبه ابتسمت وحطيت راسي على باب الغرفه وغفت عيوني على وضعتي بالارض ..!





حبيبي ما يصير جذي البنت محبوسه من اسبوعين بس نعطيها اكل تراها انسانه مو حيوان .. كنت اكلم راشد اللي يرتب السرير علشان ينام له كم ساعه قبل دوامه الفجر .. صد عني للجهه الثانيه وهو يقول : لا تكلميني بالموضوع هذا ابوي عندج .. صج انك بارد والله حرام .. هي غلطت وندمت .. ربي العالمين يغفر وانتوا لا .. كلمته وانا البس الشيله علشان اطلع من الغرفه احس ان جوها خانقني .. موضي على وين ..؟ تكلم راشد وانا عند الباب .. قلت له بدون ما اشوفه : رايحه عند ندى اغير جو يمكن تسمعني وتفهمني .. تعالي ابيج تعالي .. لفيت صوبه وانا اسمعه يناديني اجي عنده وقلت : راشد الله يخليك سوى شي حرام البنت جذي راح تموت .. وتأخذون ذنبها ..؟ تنهد وهو يقعد على السرير ويكلمني : اسمعي انا بسوي اللي علي والباقي على ربي طيب .. فرحت من كلامه ونطيت عليه وانا ابوسه على وجهه .. انت اروع انسان عرفته احبك رشود احبك .. مسكني من خصري وهو ينزلني للسرير ويقول: وانا احبج .. صدقيني احبج .. صدمني راشد .. من خذته اول مره يعبر عن حبه لي كنت احسبه يحتقرني وعقب ما ربي هداني صار يحترمني لكن يحبني هذا شي جديد ,, حضنته لصدري وانا مبسوطه ودموعي تنزل .. وانا اقول له : اول مرة تقولها اول مرة ...!





كنت اعرف من الوجبات الرئسيه التوقيت برع .. من يوم عرف ابوي بالموضوع وانا محبوسه بغرفتي .. الكل معاي اقصد البنات .. موضي وصافيه وامي والجازي حتى ندى معاي وبصفي .. بس ابوي قلبه قاسي وما راح يغفر لي .. كنت على السجاده وانا ادعي ربي يفرج علي ويسامحني على الخطا اللي سويته .. حياتي صارت صلاة وقران ودعاء وطلب المغفرة .. وضحى صوت ندى وهي تهمس من الباب خلاني ابتسم وقلت: عيونها!! تبين شي ناقصج شي قولي .. تكلمت وهي تهمس من جديد .. أي ابي اعرف الساعه كم الحين .. صوت ضحكتها وصلت عندي وابتسمت وقلت : شبلاج ..؟ ردت وهي مازالت تضحك :الله يقطع ابليسج .. قلت الحين تبين شي قوي تقولين الساعه كم صج ما عندج سالفه .. بس على العموم بصير طيبه وبقولج الحين 10 وربع بالليل .. مشكوره على الكلام الطيب .. رديت عليها وكملت : اخبار ابراهيم ..؟ قالت وهي ترفع شوي صوتها :اخبار الخير .. ما تدرين طلعوا له سنون وصار يعض صج اقشر على ابوه .. ههههههههه ضحكت على كلامها وانا اقول : بعد شنو الولد كبر وصار عمره 9 شهور يعني ايش بقى على السنه .. اقول اخلصي علي تبين شي ثاني غير الوقت .. تكلمت وانا اقول : لا تروحين ندى الله يخليج ..؟! ترجيتها تقعد بس ندى اصرت تروح لان محمد نايم وتخاف يفقدها اذا تحرك .. راحت ندى وقعدت على سجادتي .. بعد 5 دقايق سمعت صوت موضي يناديني .. وضحى نمتي .. وبعد وهي تهمس ...!!




انت لين الحين زعلان مني ..؟! سالته وانا اشوفه يبدل ملابسه علشان ينام وما رد على سؤالي .. عبدالله الله يخليك لا تعاملني جذي .. كلمته وهو معطيني ظهره .. بدون مقدمات لاصقت فيه وحضنته .. تصلب ظهره واشتد من حركتي الجرئيه وقلت : والله مو بيدي هذول خواتي .. عبادي انا اسفه والله اسفه .. لين متى يعني ..؟ مسك يدي وهو يبعدني عنه ويقول : الجازي انا مو زعلان منج بس متضايق من اللي امر فيه .. موضوع ابوج على وفاه سلطان على حاله نور .. وحطي بعد مرض ندى وغربه اختي فطوم ..؟ كل هالمشاكل على راسي .. ابي ارتاح الله يخليج ... بس خلي هالشي في بالج انا مو زعلان منج ابدا .. تنهدت بقوه ورديت حضنته بس هالمرة بادلني عبدالله الحضن وقلت : تصدق كنت اسمع عنك من اخوي محمد .. عبدالله قال عبدالله فعل عبدالله حط .. بس ما كنت احس بـ شي من كلامه .. بس الحين وانت معاي وبنفس المكان عرفت يعني شنو الواحد يكون له سند بهالدنيا .. بعدني وهو يقول : يعني ما حبتيني ..؟! المفروض تحبيني من كلام محمد ..؟ رفعت راسي اشوف هو يتكلم صج والا يمزح .. اول ما شفت ابتسامته .. ضحكت وضحك معاي وهو يشدني له : وحشتيني والله وحشتيني ..؟ قعدنا على السرير وانا اساله : ايش راح نسوي بخصوص نور .. تبي تروح بيتهم .. مسك يدي وقال : لا ما اعتقد امي وندى يخلونها .. عبدالله مع عندك معرس لها .. شفته يطالعني منصدم وكملت كلامي بسرعه وقلت : ادري ان اخوها من اسبوع متوفي .. وانا ما اقول هالكلام علشان باجر تزوجها .. بعدين بعد ما تطلع من الجو اللي هي فيه .. ما عندك معرس يناسب نور ..؟ حسيت ان عبدالله اقتنع بكلامي لانه كان يفكر وعقبها قال : حياتي خلي هالموضوع بعدين والحين تعالي بحضني ابي انام ... !

الجزء 43،،





هذا شهر مر على الكل .. شهر حمل الحزن للكل بدون استثناء .. شهر فيه نوع من الامل بس اغلبيته كان الم .. وشقى واثبات ذات ..


كنت بالمستشفى انطرها تجي كنت اراقب الساعه الممرضه قالت الساعه 9 ونص راح تجي من غرفه العمليات والحين 11 ونص .. سرحت بافكاري وانا مصصم على اللي براسي لازم تعرف اليوم قبل بكرة مش عارف ليش متحمس بس ابي اخبرها سمعت صوتها وهي تسوالف .. رفعت راسي وانتبهت عليها وهي تمشي ومعاها الدكتور جاسم .. ما ادري ليش حسيت بغضب من شكلهم مع بعض مع ان نور كانت اطالع الارض وهو يسوالف ومعاه اوراق .. اكيد سوالفهم عن المرضى كنت اكلم نفسي لين وصلت عندي وقالت : عبدالعزيز شلونك ..؟ ابتسمت وانا ارد على سؤالها : بخير والحمدالله .. عندج شغل او مشغوله؟ .. سالتها وهي هزت راسها بلا وقالت: فاضيه لين2 ونص الظهر تبيني ..؟ أعجبتني كلمه " تبيني" وابتسمت من جديد بس هالمرة للدكتور جاسم وانا اقول : اذا ممكن ..؟ طيب دكتورة اشوفج بغرفه العمليات .. تكلم دكتور جاسم وهو رايح وانا احس اني وصلت درجه الغليان .. عبدالعزيز شبلاك من الصبح وانا اناديك .. صوتها رجعني لها وانا اقول : يصير نطلع او نقعد في ستار بوكس اللي بالمستشفى .. هزت راسه بلا وهي تقول : ما ينفع انت ما تعرف السوالف اللي هني .. عادي يقولون الدكتورة عندها boyfriend .. هههههههههه ضحكت على كلامها العفوي .. طيب خلينا نروح غرفتج .. كلمتها وانا الحقها لانها مشت قبل لا تسمع اقتراحي .. دخلت نفس الغرفه القديمه وقالت : تفضل ..؟ اخذت نفس وقلت: ما ابي اقعد انا جاي علشان اكلمج عن .. قطعت كلامي وهي تقول: عن ندى .. اسمع انا قلت لك قبل الوضع معقد .. لو السرطان اللي عندها حميد كان قدرنا نقطعه او نستأصله بس هذا بالدم يعني ... هالمرة انا اللي قطعت كلامها وركزت عيوني بعيونها وقلت لها وانا اخذ نفس قوي : تتزوجيني ..!!







كنت اسمع كلام اسماء اللي تقوله وانا مو مقتنع .. كل ما اروح يمين تجيني يسار .. كلمتها وانا اعدل جلستي :اسوم حبيبتي ما تلاحظين انج مب صاحيه اليوم .. ههههههههههههههههه ضحك بدر وصل عندي وهو يدخل من باب الصاله ويقول : توك تدري اختي صار لها فترة مرجوجه ..؟ انا انا والله انكم ما تستحون .. تكلمت وهي تقوم من مكانها .. لحقها بدر وقال : يالغاليه لا تزعلين بس ما تلاحظين انج تسوالفين وايد وتاكلين وايد وتنامين وايد .. سكت بدر باللحظه اللي نقزت فيها وقلت : اسووووووووم انتي حامل ؟؟! انقلب وجهها الالوان وهي تقول : فيصل شبلاك جنيت .. ؟ تكلم بدر وهو مبسوط ويقول : ليش لا اسوووووووم صار لكم اكثر من 6 شهور متزوجين ..؟ روحي البسي عبايتج خليني اوديج عياده الدوحه .. تكلمت وانا البس الغترة واخذ المفتاح .. تكلم بدر وقال : انا جاي معاكم يالله اسوم استعجلي .. طلعنا ننطرها بالسيارة والفرحه مو سيعتنا .. وهذا مجرد احتمال تكون حامل مسوين حفله عيل لو حملت ايش بـ نسوي .. طلعت اسماء ركبت وراء وهي تقول : انتوا من صجكم .. انا ما احس اني حامل اصلا ... قطع كلامها بدر وقال : اووووووووش خلي عنج !! كلام الدكتورة هو اللي راح يقتعنا .. كنا نضحك ونسوالف بالسيارة واسماء مو معنا .. وصلنا للعياده وفتحنا ملف لاسماء .. وقعدنا لين جاء دورها ودخلت بروحها بدون احد منا وبعد ربع ساعه طلعت وهي تقول : خذوا مني تحليل دم وقالوا انطر نص ساعه .. تكلمت وانا اطالع بدر واقول : عادي نص ساعه ما تاثر .. رد علي بدر وهو يرجع مكانه : انا ابي اصير خال مليت ابي ياهل .. ههههههههههههههه ضحكنا عليه وقعدنا جنبه ضاعت النص ساعه ونسينا التحليل والنتيجه والسبب كلام بدر اللي ذبحنا من الضحك .. مدام اسماء .. صوت الممرضه رجعنا للعياده وهي تقول : ممكن تجين معاي عند الدكتورة لو سمحتي .. طلعت اسماء من عندنا وما خذت اكثر من 5 دقايق الا وهي راجعه وتقول : انا بصير ام .. وانت اب .. وانت خال .. كانت تاشر على كل واحد فينا من فرحتها ...!






كنت اشوفها وهي تحط الغدى وشكلها حلو بالحمال معطيها منظر .. بطنها كبر بشكل ملحوظ الحين العنود بالشهر الـ 6 وما شاء الله عليها قايمه بشغل البيت واليهال والا طلبت خدامه .. كنت اراقب حركاتها وانا حاط قدامي نور وسالم اللي كانوا يسالفون عن " عيش سفاري " اللي يجي بـ قناه mbc3 وهم مشتطين .. حبايبي يالله الاكل جاهز غسلوا يدكم وتعالوا .. تكلمت العنود وهي تبتسم لهم قاموا اليهال يركضون على المطبخ يغسلون يدهم .. وقفت ومشيت صوبها وهي تقول : ترى الكلام لك يا حلو .. ههههههههههههه ضحكت عليها وانا اقول : لا يا حلوة اانا مو ضمنهم لاني غير عنهم .. استغربت من كلامي وهي تقول : يعني شنو !! هههههههههههههه ضحكت من جديد وانا اقول : لانج تحبيني اكثر منهم ولاني اغلى منهم واعز منهم.. صح .. حركت لها حواجبي على اني غلبتج بالكلام .. ههههههههههه ضحكتها الناعمه اثرت بقلبي وقالت : حبيبي انت .. انت الاساس وهم الاحتياط .. هههههههههههههههههه ضحكت وانا اقول : يعني الحين انتي تغازليني .. صج ما عندج اسلوب يشجع .. كنت بمشي بس يدها وقفتني وهي تحط شفايفها العذبه على خدي وتقول : انت حبيب العمر .. وانت الاول والاخير ..انت عيوني ونظرها انت القلب ونبضه .. انت ... ما خليتها تكمل لاني حضنتها باقوى ما عندي ...







الاذان برع ياذن للصلاة العصر .. كنت قاعد مع الاهل بالصاله .. كنا ساكتين لين يخلص الاذان .. تكلمت موضي بعد الشهادة وقالت : عمي بغيت اكلمك بخصوص وضحى .. لف ابوي جهه موضي وقف وقال : ما احد له شغل فيها خلوها تتادب .. بس يبه ما يصير وضحـ ... قطع ابوي كلامي وقال : راشد يعني كلمتي ما تمشي على هالبيت .. يبه اسمع الكلام اللي راح نقوله اذا شفت انه غلطان راح نسكت وما عاد نطريه .. كلام ندى اللي خل ابوي يقعد على الكنب من جديد ويقول : هاتي اللي عندج يا ندى .. مسك محمد يد زوجته وندى بدت وقالت : يبه وضحى بني ادم .. والانسان معرض للخطأ .. بس اللي يعترف بخطاه ويحاول يثبت هالشي لربه ولنفسه والناس ويبعد عن المشاكل ربي يغفر له ويسامحه .. لقوله تعالى "ان الله غفور رحيم " يعني رب العاليمن يسامح عبده اذا رجع له واعترف بخطاءه واحنا البشر ما نقدر نسامح ومن بنتنا وضحى .. هدوء بعد كلام ندى اللي فعلا هز قلوب كل اللي قاعدين .. رفع ابوي راسه وهو يطالع محمد وعقبها طالعني وقال : صدقتي يالغاليه .. بس قولوا لها طلعه من البيت ما في لين ربي يرزقها بزوج والا ياخذ امانته سمعتوني .. شفت الابتسامه على وجه امي وصافيه وندى وموضي وحتى محمد اللي كان يمسح على كتف ندى ويهمس بذنها .. وقف ابوي وهو يعطي امي مفتاح غرفه وضحى وقال : ما عرفت اربي بناتي زين .. وبنات الناس اللي سكنوا حضني وبيتي علموني ان الخطاء يصير لو اصكر عليهم القبر .. طلع ابوي للصلاة وطلعنا احنا الشباب وراءه .. واحنا بالشارع رايحين للمسجد قلت لمحمد : تصدق يوم عن يوم وام ابراهيم تكبر بعيني .. ربي عوضنا بدل منيرة اخت معدنها ذهب .. تكلم محمد وهو يمسك يدي ويقول : يا راشد هذي بنت عمي ما قصرت وتغيرت لانها تحبك وتبيك .. صونها واهتم فيها تراك سندها .. دخلنا المسجد واحنا نسمع الاقامه للصلاة ..







بالكويت على حزة المغرب وفي شقه يسكن فيها الحب والوفاء .. كانت فطوم تنظف ايه الكرسي المعلقه بنص الصاله او الصالون الداخلي وهي راكبه على طاوله .. كنت ارقبها بهدوء ما ابي اخرعها وتطيح على الارض .. كنت افكر واقول لنفسي ما اعرف شلون كنت احب العنود قبل !! يمكن لان ابوي وزوج خالتي كانوا يخططون لنا للزواج وانا حطيت الموضوع براسي يمكن .. بس بعد ما شفت فطوم وعرفتها وتزوجتها وانا احس ان الحب اللي بقلبي له اكبر من وهم العنود .. رفعت راسي وشفتها وهي تشتغل بذمه وضمير وتغني وتلحن وتالف اغاني .. ابتسمت وانا اقرب منها وهي ما تدري وين ربي قاطها .. وصلت عند الطاوله ومسكتها من خصرها ورفعتها بالهواء وهي تصارخ بقوه .. ههههههههههههههههههه ضحكت وانا اشوف دموعها وقلت : ليش طيب كنت احاول اسوي لج جو ..؟ طاحت دمعتين عورت قلبي فيهم .. كلمتها من جديد: اسف يا قلبي .. حضنتها لصدري وانا امسح على شعرها .. واحنا على هالوضع بعدتني عنها وقالت : الله يسامحك توني شايفه فلم رعب .. مشت دمعه من على خدها وكملت : والمتوحش سوء مثل ما انت سويت الحين .. اول ما وقفت من كلامها انفجرت عليها من الضحك يعني هي ما خافت من الحركه خافت اكون انا المتوحش على قولتها .. ضحكت معاي وهي تخش وجهها بحضني وتقول: خلاص عاد لا تصير سخيف وتخلي وجهي يصير بنفسجي .. ايش شنو قلتي وجههج شفيه !! كلمتها وانا مو فاهم ايش تقصد .. رفعت راسها وانا اشوف لمحه براءة بعيونها وقالت : يعني تخليه احمر من الاحراج .. بس انا احب اغير الالوان .. ااااااااااااه تنهدت بقوة وانا اشيلها من الارض ورايح صوب الغرفه واقول : عمري راح يوقف بين يدج تدرين والا لا .. ردت علي وهي تحرك يدها ورجلها بعشوائيه وتقول : سعوووود ما خلصت تنظيف الايه ...!







كنت اراقب الساعه اووووف يا الله متى تجي 9 ابي اطلع من الشغل واروح للجازي .. كنت افكر بالساعه والا انتبهت على البنت اللي واقفه صار لها 5 دقايق لا يوم قالت : لو سمحت ممكن تساعدني ..؟ لفيت راسي صوبها واركز على صوتها الشبه رجولي وقلت : أي نعم تفضلي شلون اقدر اخدمج ..؟ بدت البنت تصيح وانا واقف بنص الممر بين مكاتب الضباط كلمتها علشان اهدي الوضع وانا ارفع يدي للعسكري علشان يجيب لها ماي وقلت : اختي اذكري الله شبلاج ؟ البنت اللي قدامي كانت متغطيه من راسها لين رجلها ما يبين منها شي .. جاء العسكري ومعاه شرطيه لازم انا مع بنت .. دخلتهم المكتب وقعدنا واحنا ننطر نسمع البنت اللي مازالت تصيح .. لا حول الله والا قوة الا بالله العلي العظيم .. يا اختي استهدي بالله .. وقولي شبلاج ..؟ رفعت راسها بعد هالكلمتين مني وقالت : انا تسببت بوفاة انسان بس والله مو قصدي كنت ابي افهمها تبعد عني وبس .. لكن انا انا .. ردت تصيح من جديد حسيت ان الموضوع عندي بس ما عرفت شلون اركبه وسالتها : طيب ايش اسمج ..؟ هدت شوي بعد ما عطتها الشرطيه الماي وقالت: اسمي البندري ... الـ .... !! انصدمت هي نفس البنت اللي تكلم عنها محمد والجازي وحتى وضحى وندى .. هي وبين يدي .. وقفت وقلت : طيب يا البندري .. اهلج يدرون انج هني بالمركز .. وانتي تعرفين انج تتكلمين عن جريمه يمكن تكون عواقبها الاعدام .. هزت راسها بـ أي وقالت : يا اخوي اهلي لو يدرون عني او يعرفون ان عندهم بنت كان موصل حالي للي اسويه وسويته .. انا خايفه من ربي ما ابي اموت واانا على ذنوب واثم يمكن يرحمون من ريحه الجنه .. تاثرت أي والله تاثرت من كلامها شكل الموضوع كبير .. طيب رفعت راسي للشرطيه وانا اقول لها .. نادي نائب المدير والمحقق وليد معاج .. وقفت الشرطيه من المكتب وجلست اطالع البنت اللي عندي وانا اطرش رساله لـ محمد علشان يجي ...






اسوم فعلا انتي حنانه الله يعين اللي في بطنج .. كنت اكلم اختي اللي صارت راديو متنقل بالبيت .. بدر لا تسوي جذي حرام عليك انا متملله .. كلمتي وهي تحضن كتفي علشان تكسر خاطري .. طيب فهمت وايش المطلوب مني الحين .. رديت عليها وانا ابعد راسها عن كتفي .. ابتسمت لي وقالت : ابيك توديني البحر فيصل اليوم مناوب .. مدت بوزها قدام مثل الياهل وتسوي لي حركات لين اقتنعت وانا اقول : بس بشرط ..؟ عيوني لك اشرط ..؟ تكلمت بسرعه وانا ابتسم عليها واقول : انا اسمي ولدج .. اما البنات مو من صوبي .. وقفت تفكر بكلامي دقايق وعقبها قالت : وعد والاسم لك واذا على فيصل انا اغسل لك دماغه .. هههههههههههههههههههه ضحكت عليها اختي صارت خبل .. ما اعرف شبلاها بس صارت شي حلو ومضحك ويجنن .. ليش تضحك .. كلمتني وهي تجر التي شيرت ,, مسكت يدها وقلت : عندج 15 دقيقه تلبسين وتجين تسمعين والا لا .. بعد ما خلصت من كلامي ما شفت الا غبرتها بالممر .. ضحكت وانا اركب السيارة واتصل على فيصل ..
فيصل : السلام عليكم ورحمه الله وبركاته .. هلا بدر ..؟
بدر : وعليكم السلام والرحمه .. هلا فيصل ..شلونك ..؟
فيصل : بخير ولله الحمد .. وانتوا ..؟
بدر : احنا بخير والحمدالله .. بس حبيت اقولك اني طالع مع اسوم البحر شوي وراجعين ..!
فيصل وهو يضحك : اكيد سوت لك حفله صغيره ..؟
رديت عليه وانا اشوف اسوم جايه وقلت : حفله صغيره .. الا دخلت براسي .. بدر الله يخليك انا اختك الوحيده ومادري شنو .. سوت لي فلم هندي فاتك ..
فيصل رد وهو ميت من الضحك : هههههههههههههههههه طيب يا بدر روحوا بس هالله هالله بعماركم طيب ..
رديت عليه وانا امسك يد اسماء واقول : افا عليك ما طلبت شي يالله مع السلامه .. صكرت التلفون وانا اشوف عيون اسوووم اللي تسال من هذا ...!






كنت مستغرب من رساله عبدالله اللي يطلب مني اجي المركز وانا بالبدله العسكريه .. كنت افكر دوامي خلص من الساعه 12 ونص الظهر .. يارب اجعله خير .. نزلت من السيارة وانا اركض صوب الباب دخلت وانا اشوف الكل يطالعني ونظرتهم نوع من الاحترام والامتنان .. استغربت وانا اكمل طريقي لمكتب عبدالله طقيت الباب وانا ادخل واقول :عبدالله عسى ما شر .. انصدمت يوم شفت نائب المدير والمحقق موجودين وبنت قاعده على جنب ومعاها شرطيه .. محمد ادخل وصكر الباب .. تكلم نائب المدير بو خالد .. نسيت اضرب التحيه العسكريه .. ايش صار .. انا مو فاهم ..؟ تكلمت وانا اطالع عبدالله اللي قال : اقعد واسمع ..؟ فعلا قعدت وانطر اني اسمع .. لف عبدالله جهه البنت وقال : ممكن تعيدين اللي قلتيه لنا .. طالعت البنت اللي تكلمت بصوت رجال وقالت وهي توجه الكلام لي : ادري بعد ما اخلص ودك تذبحني والله اني ما راح اتحرك لين ترتاح .. ما فهمت ليش قالت هالكلام بس طلعت عبدالله اللي نزل راسه وسمعت صوتها وهي تقول : عرفت اختك وضحى من الجامعه .. بنت هاديه منعزله خايفه من الزمن واللي حولها .. كانت دووم تقعد بزاويه بالكافتيريا وماله خص بالعالم .. لين جاء يوم قربت منها وحبيت اعرف هي ليش جذي .. بس ما كان قصدي او حتى فكرت اني اكون معاها حقيرة ودنيئة ودنيويه استغفرا يارب سامحني .. اهتز صوت البنت وانا قبضت يدي بقوة علشان ما اوقف وخصوصا اني فهمت الموضوع ...!

الجزء 44،،





كنت انطر محمد الي خبرني انه راح يجي بعد نص ساعه .. الوقت كان متاخر 4 ونص الفجر طلع من عندي وهو مرتبك وخايف .. بس صوته بالتلفون يبين انه حزين .. وقفت عند سرير ابراهيم اللي كان نايم بعمق مسحت على راسه وانا اشوف حمود صغير .. ابتسمت على تفكيري وانا اغمض عيوني واشم ريحه عطر محمد .. وحشتني حبيبي ..؟ تكلمت وانا الف صوبه وانصدمت وانا اشوف الهم مالي وجهه .. على طول رحت له وانا احضنه وقلت : عطني اللي فيك يا قلبي وقول اللي بخاطرك .. حضني وهو يصيح ودموعه بللت بيجامتي !! منيرة .. منيرة يا ندى قبل لا تروح قالت : قولي لاهلي اني احبهم وسلمي على ندى واني اشهد ان لا اله الا الله واشهد ان محمد رسول الله .. اختنقت عبرتي بعيني ورفعت راس محمد من صدري وسالته : شدراك من قالك شلون عرفت ..؟ مسكني وهو يقعد على الارض قريب الباب ويقول : البندري سلمت نفسها امس بالمركز وقالت هالكلام .. يوم عبدالله طرش الرساله هي كانت هناك .. راحت بنفسها وهي زعلانه على اللي سوته .. سبحان الله .. الحمدالله لك يارب .. تكلمت وانا امسح على راسه .. حمود حبيبي اذكر الله لا تصيح دموعك غاليه والله .. ههههههههه ضحك محمد وهو يقول : المفروض انا اقولج هالكلام .. بس اااااااه يا ندى اااااااااه .. قلبي تعبان من اللي سمعته والله تعبان .. مسحت على راسه وقلت : انت تعرف نص الاحداث واللي صار والحين عرفته كله .. كملت كلامي بعد ما بست راسه وقلت: تصدق انا مو زعلانه والا احس بالخسارة لان منور قالت الشهاده ولان وضحى تابت وبعد البندري .. اللي احسه حاليا هي الراحه النفسيه وانا اعرف ان اغلى ناسي مرتاحه .. حضني محمد بقوة وهو يقول : ندى لا تروحين قبل ما اروح الله يخليج .. بكينا أي كان وضعنا غريب بس بكينا فراق احبابنا ..






بعد صلاة الفجر رجعت على طول لاني وعدت ندى اخبرها اللي صار .. دخلت البيت وانا اشوف راشد طالع منه .. صبحك الله بالخير بو ابراهيم .. ابتسمت : صبحك الله بالنور والسرور .. اشوفك مستعجل .. كلمته وهو يمر من جنبي ويقول : مستعجل وانا اخوك راح اتاخر .. راشد ناديته ولف صوبي وهو ياشر على الساعه وقلت له : دير بالك على نفسك .. ابتسم لي وطلع من الباب .. رحت الغرفه وفتحت الباب بشويش علشان ابراهيم .. لفت ندى وهي تبتسم وتاشر لي تعال .. رحت صوبها وفسخت الثوب وعلقته وحطيت راسي بحضنها وهي تلعب بشعري .. وعلى طول تكلمت وقلت : بعد ما تكلمت عن افكارها الغبيه سكتت البندري وهي شبه منخنقه من الماضي وعقبها قالت : صدقني يا محمد يوم اتصلت فيني وضحى تقول ان منيرة عرفت خفت مو من اللي راح يصير لا من منيرة .. اختك كانت قويه وتعجبني بكلامها الواعظ وبعد اخاف من اللي راح تسويه لي .. علشان جذي اول ما قالت لي وضحى ان منيرة درت وضربتها وقالت لها يا تتركني او تخبر اخوانها عصبت وقلت لوضحى تخبرني متى تطلعون علشان اعرف اهددها بس .. سكتت البندري وهي تشوف يدها وقالت : يوم رحتوا البحر كانت منيرة تمشي على الصخور الشبه بعيده عنكم .. ويوم قربت منها كنت اسمعها وهي تقرء قران وحاطه سماعات باذنها .. وقفتها واول ما شفتني ابتسمت بس انا مسكتها من يدها على اني قويه بس ما قصدت اني ادزها والله ما كان قصدي .. يوم طاحت وصرخت وقبل لا تجون قالت : امانتج الله تقولين لاهلي اني احبهم وخصوصا ندى وقالت الشهاده وعقبها ركضت بعيد وانا منصدمه ليش ابتسمت لي وليش امانتني .. ما عرفت الا الحين وعلشان جذي انا بالمركز .. سكت وانا انطر رد ندى من اللي سمعته ما في حس بس حركة يدها على شعري هو الشي الوحيد اللي مريحني انها معاي .. غمضت عيوني ونمت بحضنها والا عرفت شنو ردت فعلها ..!






بعد اسبوع والكل في بيت ابو محمد عرف عن البندري اللي سلمت نفسها وعن كلام المرحومه منيرة اللي قالته قبل وفاتها .. الكل تاثر وحزن بس هذي الدنيا والحمدالله على كل حال ..




كم صار لنا من تزوجنا .. سالت ألجازي اللي ضحكت وقالت : ليش ما تعرف تحسب ..؟ هههههههههههه ضحكت وقلت : اعرف احسب بس ابيج انتي اللي تقولين لي ..؟ استغربت من سؤالي وإصراري على إنها تجاوب .. كانت تصب لي الشاي واحنا بالصاله امي نايمه على الكنب اللي عندنا .. وقالت : يعني شهر ونص .. بس ليش هالسؤال ..؟ سكت وانا اشرب الشاي وبعدها قلت : الجازي خلينا نروح نسوي فحوصات طبيه ..! انصدمت ورفعت عينها تشوفني ..وانا اشوف التساؤلات اللي بعيونها وبعدين قالت: ايش تقصد وليش تبيني اسوي فحوصات ..؟ اذا عن اليهال ان شاء الله جايني .. تونا متزوجين .. كلمتني هي مش عارفه انا بـ شنو افكر .. طالعتها وابتسمت ورديت : مو علشان جذي ابي اسوي فحوصات شامله لنا .. نشوف صحتنا شلون وين وصلت .. لا اكثر والا اقل .. طيب والا يهمك بس اتمنى هذا السبب وما في غيره .. كلمتني وهي تلف على امي تصحيها علشان تاخذ علاجها قبل الفطور .. كنا ساكتين وامي تسوالف كل ما رفعت راسي اشوف عيونها عندي .. السلام عليكم ورحمه الله وبركاته .. صوت نور اللي طلعت من غرفتها " غرفه ندى " رايحه الدوام ردينا السلام وامي تقول لها : نور يمه اقعدي افطري .. لا يمه ما ابي انا متاخرة نص ساعه .. تكلمت وهي تبوس راسها وتجي صوب الجازي وتبوس خدها .. كلمتني نور وهي تسالني عن اخباري .. عبدالله شلونك ؟ كلمتها وانا منزل راسي : بخير جعلج بخير .. طيب انا طالعه تبون شي .. جوجو تبين باسكن روبنز وانا جايه .. تكلمت نور وهي واقفه عند باب الصاله ,, ههههههههههههه وضحكت الجازي وقالت: أي نفس امس .. طلعت نور وانا اشوف عيون الجازي اللي كانت تراقب تصرفاتي ..!






وصلت المستشفى على الساعه 8 وخمس دقايق يعني متاخرة من قلب بس ايش اسوي .. وقفت السيارة في مواقف الدكاتره الطابق الثاني ونزلت وانا اقفلها ابتسمت لها لانها سيارة المرحوم سلطان .. تذكرت شلون كان يعصب علي اذا تهندست فيها ضحكت بصوت عالي وانا امسح عليها واكلمها واقول : يا حياتي اكيد وحشج سلطان .. مو بس هي كلنا اشتقنا له .. صوت قوي رجولي من وراء ظهري هز قلبي وهو اصلا مالكه .. لفيت وانا اشوف عبدالعزيز واقف عند سيارته الرنج سبورت اسمنتي .. كان لابس بدله رياضه شكله كان بالكورنيش يركض لان بدلته فيها شوي ماي .. كنت اطالعه وعيني بعينه ما اعرف كم صار لنا واحنا على هالحال .. تكلم وبصوته نوع من البحه وهو يهمس : نور ما رديتي على سؤالي .. صار لي شهر واسبوعين انطرج ..؟ انحرجت من شعوره الي يحس فيه الحين وقلت : عزيز انا ما افكر بالزواج ..؟ كنت اطالع الارض علشان ما يشوف الكذب بعيوني بس اللي لفت نظري الشوز الرياضي " حذاء " اللي اشوفه تحت رفعت راسي وانا متاكده ان اللي بينا بس شبر ويمكن اقل .. هالمرة كانت انفاسه حارة وهو ينزل راسه جهه اليمين من وجهي وهو يقول : كذابه !! انتي تفكرين فيني مثل ما انا افكر فيج .. انصدمت بكلامه عزيز يفكر فيني عيل وين ندى ..؟ ومن غبائي لفيت راسي جهه وجهه ولمست شفايفي شفايفه القريبه .. من صدمتي رجعت وراء ولصقت بالسيارة وانا ارتجف غبيه يا نور غبيه .. نور انا اتكلم معاج بكل صدق اخذ نفس كانه اختنق من قربي وهو يكمل ويقول: اليوم راح اكلم خالتي ام عبدالله .. بس انتي فكري عدل ارجوج .. بعد عني وهو شبه يركض ركب سيارته ومشى على طول بدون ما يلف صوبي ..!






كنت ارتب ثياب يعقوب بالكبت بعد الغسيل والكوي .. وابتسم لاني اتذكر المواقف اللي بينا اختفت ابتسامتي اول ما حسيت بألم قوي في بطني .. كانت قويه من تحت مش مثل كل مرة على اليمين او اليسار او حتى من فوق .. ارجعت الضربه مرة ثانيه بس هالمرة اقوى اااااااه طلعت مني غصب وانا احاول اوقف ابي اخذ الجوال اللي كان على الكومدينو حسيت بالموت من الالم كان يزيد ونفسي ينقطع على فترات .. كنت ازحف لاني ما قدرت اوقف على رجلي واول ما طاح الجوال بيدي اتصلت على ندى .. رن التلفون وايد وبعدين .. الو يا مزعجه قيمتي ابراهيم ..؟ صوت ندى المرح ما خفف من اللي احسه وقلت : ندى بموت الحقي علي ااااااااه بطني .. كلمتني ندى وبصوتها خوف: ايش العنود ايش فيج .. ما قدرت ارد بس كنت اسمع صوت ندى وهو تقول : حمووووووووووود تعال بسرعه بنروح عند العنود تعبانه يالله .. وعقبها ردت تكلمني : العنود سوالفي معاي لين اوصل بيتكم طيب .. رديت وانا احس بشي تحتي: ندى انا بالسابع اااااااه مـ ... اااااااه كنت اصيح واسمع صوت ندى وهي توصي ام محمد على ابراهيم .. وبعدها باب السيارة .. وصوت ندى وهي تقرأ القران وتهدي من خوفي وبنفس الوقت اسمع صوت محمد يكلم عبدالله علشان يجي عندي .. الكل خايف علي وانا اتالم وافكر بـ سالم ونور اللي بروضه والحين الساعه 11 ونص يمكن يجون بـ أي وقت مع عبدالعزيز ما اذكر ايش صار لاني دخت وراسي كان يدور والالم يزيد .. بس كنت اسمع صوت ندى قريب مني واغمى علي ..






جاني تلفون من ندى من 10 دقايق تقول ان العنود دخلوها ولاده وهي توها بالسابع .. كنت اطالع يعقوب اللي ينظف المسدس اللي عنده و وجهه عابس " معصب " او ضايق .. قربت منه علشان اقوله لاني متردد اقوله من اتصلت ندى .. يعقوب ابي اقولك شي ؟ كلمته وهو ما زال على وضعه وشغله .. كملت وقلت : العنود ..؟ شفته يرفع راسه وهو يحذف المسدس على الارض وهو يقول: كنت حاس ان في شي .. قلبي ضايق من طلعت من البيت .. ايش فيهم قولي .. كان ماسكني من جيبي وهو يصارخ خلا كل السريه " مجموعه من العساكر " يلفون صوبنا وهم مستغربين .. هدا اعصابك يا ابن الحلال العنود دخلوه المستشفى عندها ولاده مبكرة .؟ اول ما خلصت ركزت على عيون يعقوب شلون تتوسع من كلامي .. وقبل لا يتكلم سمعنا صوت قائد السريه يقول : روح عند حرمتك وشوي شوي على الطريق .. لفينا صوبه يعقوب اللي ركض بسرعه كانه ما صدق وكمل القائد وهو يقول : فيصل الحق عليه شكل هالولد خبل .. ابتسمت وانا اركض وراء يعقوب اللي كان واقف عند مواقف السيارات .. رفعت يدي بالمفتاح وقلت له : اركب اخلص علي .. ركبنا ويعقوب يسالني بالثانيه مليون سؤال : هي بخير .. ما قالوا ليش الولاده عندها بدري .. ما تعرف كم لها من دخلت ..؟ خــــــــــــــــلاص الله يهداك .. خلني اسوق يه ما اعرف اركز وانت تحن على راسي اسكت شوي .. صرخت عليه وسكت وانا ابتسم عليه كانه اول طفل يجيه ..!






عبدالعزيز مبروك ما جاءكم .. صوت ندى رجعني للمكان .. أي انا بالمستشفى مع ندى ومحمد وعبدالله ونور .. كنت خايف وعبدالله يواسيني ومحمد يحاول مع اني قاسي عليه قبل الا انه رجال اصيل وقف مع اختي وقفه ما انساها له طول عمري .. ابتسمت لندى وقفت : ربت العنود صج .. طيب هي بخير .. ابتسمت وهي تمسك يد محمد وتقول : مادري اسال الدكتورة نور هي اللي طلعت من عندهم الحين ..؟ لفيت صوب نور اللي كانت اطالعني بنظرة تعني ما تقدر تنساها يا عزيز .. مش عارف ليش نسيت اللي حولي من شفت ندى وابتسامتها وكلامها .. حاليا هي محتاجه الراحه حتى الاميرة الصغيرة راح تكون في الحضانه لين تعدي مرحله الخطر طيب .. مبروك ما جاءك وانا استئذان .. راحت نور بعد ما قالت اللي عندها راحت وانا احس انها زعلانه مني وكنت اطالع ظهرها وهي تختفي عن عيوني .. خلاص احنا راحين مادام ندى هني ونور الوضع ان شاء الله بيكون بخير .. تكلم عبدالله وهو يمسك يد محمد كنت افكر ليش الكل ماسك يده رحت صوب محمد اللي واقف قدامي وعيونه على ندى وقلت : تسلم يا اخوي والله ما انساها لك لو لكم كان الحين العنود .. قطع محمد كلامي وهو يحط يده على كتفي ويقول : يا رجال احنا اخوان والعنود اختي لا تقول هالكلام الحمدالله على سلامتها وتتربي الصغيرة بعزكم .. ابتسمت على دفئ يد محمد اللي على كتفي وبدون شعور حضنته لصدري وانا اهمس له : سامحني اذا اخطيت بـ حقك يوم ..





رن جوالي وانا اشوف الرقم وابتسمت .. هلا والله شلونج يمه ..
...؟ بخير الله يسلمج .. وينج يمه صار لج اسبوع ما جتينا ..؟
...؟ معليش يالغاليه مو مني والله مشغوله مع عبدالله وخالتي ..؟
...؟ الجازي بغيت اخبرج شي .. ابوج افرج عن اختج وضحى والفضل بعد الله لـندى ..؟
ما صدقت الكلام اللي انقال واخيرا رديت وانا مبسوطه : صج يمه بشرج الله بالخير يالغاليه .. تكلمت امي وهي تقولي : ومن ساعتين ربت العنود بنت خاله رجلج .. بس البنت بالسابع عساها بخير بكلم ندى وبسال عنها .. تكلمت وانا خايفه على العنود صديقتي .. الجازي يمه ما في شي بالطريق صار لج شهر وشوي ..كلام امي احراجني بس رديت وبكل ثقه وقلت : اليوم ان شاء الله راح اكشف مع عبدالله عند طبيب وان شاء الله خير .. صكرت التفلون من امي وانا اتصل على ندى اللي ردت من اول رنه وهي تقول : ادري ادري جابت بنت وهي بخير لله الحمد .. ههههههههههههههه ضحكت كانها حاسه اني كنت راح انط في بطنها .. ضحكت معاي وقالت : على فكرة ريلج معانا شرايج تهاوشينه بعد .. هههههههههههههههه ضحكت من جديد وانا اقول : خلي حبيب قلبي على جنب بس انتي المفروض تخبريني .. معليج المرة الجايه .. صوت عبدالله هزني بقوة وخصوصا اني قلت حبيب قلبي .. الو الجازي انتي معاي ..؟ تكلم مرة ثانيه وابتسمت وقلت : أي معاك ..؟






كانت نايمه شكلها ملاك على السرير .. بست راسها وانا امسح على شعرها واقول : حياتي قومي شوفي الاميرة اللي تحت .. تجنن بس الاجهزة عليها وهالشي معور قلبي .. تحركت وهي تمسك يدي وفتحت عيونها وهي تغمض مرة ثانيه من الالم .. بست راسها وقلت : حمدالله على السلامه خوفتيني عليج .. ابتسمت وهو تتكلم وصوتها مبحوح : الله يسلمك .. اااه يعور ,, اكيد يعور هذي عمليه مو لعبه .. صوت عزيز اللي خلاني ابعد عن العنود وفقت عند السرير دخل وهو يسلم علي ويبارك للعنود ويبوس راسها وما اخذنا دقايق الا فيصل داش بعد وسوى نفس ما سوى عزيز .. سوالفنا وضحكنا وعقبها .. ابي اسميها ندى .. تكلمت العنود وهي توجه كلامها لي .. ابتسمت وقلت : والا يهمج ندى بنت يعقوب والا يهمج .. ههههههههههههههههههه ضحكوا الشباب وهم يشوفني شكثر مبسوط وطاير من الفرحه .. صوت الباب ينطق وقف عزيز يشوف من وهو عند الباب ما تحرك من مكانه .. استغربنا احنا الثلاثه اللي كنا ننطر منه شي يقول من عند الباب مثلا بس الولد تخشب وصار لوح ثاني غير الباب .. وقفت ورحت اشوف من لقيتها الدكتورة نور اللي واقفه .. دزيت عزيز وانا اقول : حياج الله تفضلي .. فتحت الباب وقف فيصل وهو منزل راسه ومر جنب نور وطلع وسحب ذراع عزيز واول ما طلعنا وصكرت الباب وراي سمعت فيصل يقول : انا قلت لك من قبل انك تحب وبكل اخلاص بس حبك غلفته للشخص الخطا حبك الاصيل لنور سكت وهو يشوف صدمت عزيز وكمل وقال : وندى مجرد صديقه واخت لك لانك فقدت الكل وهي اللي كانت دوووم معاك وقريبه منك وقدام عيونك .. انتوا الاثنين فهمتوا احساسكم غلط والحين ندى عرفت الصح والمفروض الحين دورك علشان تفهم .. عزيز افتح عيونك وراح تصدق اللي اقوله .. نور هي حب حياتك نور ..!






الكل بالصاله وكلنا نضحك وندى هي اللي مشعلله الجو .. دخل ابوي والجو المرح صار هادي والا حس وخصوصا ان ابوي كان يطالعني وقفت ورحت ابوس راسها .. توقعت يعطيني كف بس حضني بقوة وقال : يا وضحى اليوم الدنيا مش مثل قبل والناس مو مثل قبل لا تخلينهم يكلونج وانتي راضيه تسمعين .. كنت اصيح عل كتفه ما كنت اعرف قسوته هي خوفه علينا .. الله على الفلم الهندي يبه وضحى الله يهداكم خلاص عاد صوت ندى اللي رجعنا لهم .. ههههههههههههه ضحكنا من جديد وابوي يقول : انتي ام لسانين .. هههههههههههه ضحكت ندى وقالت : انا ؟! خلاص انا زعلت ..؟ ههههههههههههههههههههه ضحكنا من جديد بس هالمرة امي قالت : ليش جذي يا بو محمد زعلتها ..؟ تكلمت صافيه وهي تحضن ندى وتقول : يبه شلون تقعد وانت عارف ان ندى زعلانه ؟ هههههههههههههههههه ضحكت موضي وقلت : عمي ما توقعتها منك ..؟ تكلمت وانا ماسكه بطني من الضحك واقول : يبه الله يخليك لا تزعل ام ابراهيم والا ما في عشى اليوم ..!





كنت انطر السيد فيصل يشرف من المستشفى .. الساعه 5 ونص المغرب شكله استانس هناك .. طلع بدر من غرفته وهو يسال: ليش قاعده جذي ..؟ كلمته وانا اشوف الوقت مناسب اذكر له نور : بدر لقيت لك عروس .. شفت الصدمه بعيونه وقال : لا ما ابي اتزوج ؟ استغربت : طيب ليش صدقني البنت زينه وبنت حلال والا اخت صديقك ..؟ لاحظت ان بدر يطالعني بنظرة تعني لا وقال : أي صديق مدام اسوم ؟ وقفت وقربت صوبه وقلت : سلطان ؟ ابيك تتزوج نور اخته .. اااااااااه طلعت منه وهو يصد الصوب الثاني ويقول : اسوووم ارحميني الله يخليج الزواج مو في بالي الحين طيب .. بعد عني وطلع على دخلت فيصل سلمووا على بعض وعقبها جاني فيصل وهو يقول : العنود راح تسمي الصغيرة ندى .. صج تكلمت وانا اخذ منه الشنطه العسكريه واقول : اهم شي يطالعون بالسلامه .. ان شاء الله يارب بس صج خوفتني يوم عرفت انها ولاده .. تكلم وهو يقط نفسه على الكنب .. جلست جنبه وقلت : فيصل ابيك تعرف شنو وراء بدر ..؟ لف علي وهو مستغرب وقال : وراء بدر .. ما فهمت عليج ايش تقصدين !! اخذت نفس وانا اقول : اليوم قلت له عن نور بس الولد عصب وقال انه ما يبي يتزوج الحين ..؟ طيب خليه على كيفه ترى بدر كبير ومتى ما قرر يصير خير .. تكلم وهو يوقف رايح صوب الغرفه وقال : اخبار البيبي عساه مرتاح .. ابتسمت وانا اقول : الحمدالله ..!






طيب لا تنسى محمد لا تصير حنان جيب الاغراض وخلاص طيب .. ههههههههههههههه وانا بعد احبك مع السلامه .. صكرت ندى التلفون بعد ما كلمت محمد علشان يجيب جاهز فحص الحمل من الصيدلية .. ايش قلتي له ؟ لا يكون قلتي انه لي ..؟ كنت اتكلم وانا متخرعه .. ههههههههههههههههههههه ضحكت ندى وهي توقف وتجي صوبي وتقول : اصلا ما يعرف حق شنو انا اللي كلمت الصيدلي وقلت له لا يقوله لاني اسوي له مفاجاءة .. كلمتها وقلت :اشوه قلبي طاح في جبدي .. هههههههههههه ضحكنا مع بعض وبهالحظه رن جوال ندى على دخلت صافيه و وضحى لغرفتي .. هلا يا قلبي أي خلاص الحين اجي .. يالله بروح اجيب الاغراض وانتي طردي هذولا .. هههههههههههههههه ضحكنا عليها وهي تركض خوفنا من صافيه اللي كانت تلحقها .. قعدت وضحى جنبي وقالت : شفيكم ؟ اااها يا وضحى احس اني حامل وندى الحين رايحه تجيب لي الجهاز علشان اتاكد .. مسكت يدي وهي تقول : مبروك يا حلوة والله انج تستاهلين كل خير .. رفعت راسي اشوفها وقلت: ان شاء الله ربي يرزقج بالزوج الصالح اللي يعرف قيمتج مو اخوي سيف العله اللي ما عرف انتي شنو ..؟ قلت كلامي وانا اللاحظ وجهها اللي تغير وقالت : اخوج ما قصر بس هو خاف من شي انتوا ما تعرفونه .. سيف كان عقيم ما ينجب علشان جذي طلقني .. انصدمت من كلامها خصوصا بعد طلاق وضحى وسيف صارت مشاكل وسيف رفض يقول أي شي .. وكل اللي قاله ان وضحى بنت رجاجيل بس العيب منه وعقبها سافر للسعوديه والا عاد رجع .. كنت اراقب وضحى الا بصوت ندى وهي تقول : يالله يالله وضحى .. اقفلي الباب خليني اعلم الاخت ايش تسوي ..!






فااااااااااااااطمه فطوووووووووم وينج .. كنت اناديها علشان نطلع نتعشى برع بس هي ما تجاوب علي .. قمت من الكنب اللي بالصاله وتوجهت صوب الغرفه وفتحت الباب وانا اشوف قدامي حوريه لابسه جينز غامق عند الخصر وبدي اصفر ضيق على جسمها ومرتب صدرها وكانت رافعه شعرها على فوق"ذيل الحصان " ولابسه صندل ناعم اصفر وحاطه مكياج خفيف وبهالحظه كانت تحط غلوس وردي على شفايفها وهي تبتسم لي وتقول : اصبر ان الله مع الصابرين .. بعلت ريقي وانا احس جسمي يرتجف من اللي اشوفه .. وقلت : فطوم غيرت رايي شرايج نقعد احسن .. لفت علي وهي تقول: لا سعووود علشان خاطري خلنا نطلع انا متملله من البيت .. قربت مني وهي تكلم وانا اذوب من ريحه عطرها وتقول: انت بالشركه على طول والشيخ عزيز بقطر مخليك تشتغل ليلك ونهارك .. والحين عندك راحه تقعدني لا والف لا .. ههههههههههههههههه ضحكت وانا اقرب لها وقلت: مو مني انتي ايش مسويه بنفسج..! طالعت عمرها وعقبها قالت وهي ترفع حاجبها : شنو .. أي لا تخاف انا ما اطلع من دون عبايه تسترني .. وبعدين هذي الكشخه لك والا تبين اروح مبهدله .. زين انج اعترفتي .. الكشخه هذي لي يعني اقعد بالبيت واستمتع صح ..؟ كلمتها وانا اقربها لصدري وادفن وجهي بشعرها .. تكلمت وهي تحاول تبعدني : طيب اليوم نقعد متى راح نعوض هالطلعه .. ما انتبهت لسؤالها لاني ذايب بالحضن اللي انا فيه .. سعد سعد انا اكلمك ..؟ هههههه ضحكت لها وقلت : باجر باجر ان شاء الله ..!





جوالي ما وقف من اتصالات اسوووم بس مالي خاطر ارد .. كنت افكر بكلامها وتذكرت اني ما ابي اتزوج .. اوووف شلون افهمها او اقولها اني ما ابي اتزوج .. رن جوالي بس هالمرة رقم فيصل ترددت ارد والا لا بس بالاخير رفعته: الووو ..
فيصل : بدر وينك الله يسامحك اسوم فضحتنا تصيح وما تعرف وينك ..؟
ااااااااااااااااااه تنهدت بقوه وانا اقول : فيصل ابيك ومحتاجك يا اخوي ..؟
رد فيصل وبصوته نوع من الخوف : انت وين وانا اجيك الحين ..؟
رديت عليه وخبرته وين مكاني وما اخذ اكثر من نص ساعه الا هو عندي .. كنت اشوف البحر وفيصل ساكت احتراما لـ سكوتي .. عقبها تكلمت وقلت : تذكر الحادث الاول ..؟ هز راسه فيصل بـ أي علشان اكمل كلامي وقلت: خبرني الدكتور ان الحوض عندي انكسر مع عظمه الفخذ .. هالكلام اللي انا طلبت منه يقوله لكم لان الحقيقه غير .. يعني شنو غير ..؟ تكلم فيصل وهو يمسك كتفي قلت وانا احاول اخلي صوتي طبيعي : الكسر اللي صار عندي اثار على شي ثاني غير الحوض والفخذ عندي ضعف بالانجاب يعني وبالعربي انا شبه عقيم والنسبه عندي 1 % بس.. ولما كلمتني اسوم اليوم عن الزواج كسرت خاطر نفسي لاني راح اخلي البنت تتعب معاي والا اقدر اسوي شي والا حتى اعطيها شي .. نزلوا دموعي وقف فصيل وحضني وهو يقول: يا رجال كل شي له علاج روح اسال طيب ثاني وثالث الحياة ما توقف على رايي واحد .. اخذت نفس وانا اقول: اخذت اكثر من رايي وخصوصا بعد الحادث الثاني بيوم وفاة سلطان .. ونفس الكلام انعاد علي للمرة المليون .. سكتنا احنا الاثنين وعقبها قال فيصل : خلاص خل موضوع اسوم علي انا وانت لا تنسى رحمه ربك ..!






دخلت البيت والوقت متاخر يعني على الساعه 12 احس بـ جسمي مهدود من الدوام .. دخلت الصاله وما احد فيها الا انا رحت على طول الغرفه وفتحت الباب بشويش علشان البنت اللي نايمه داخل .. الحمدالله على السلامه .. صوت موضي وهي تكلمني خوفني وقلت : الله يسلمج ليش ما نمتي ..؟ ردت وهي تجي صوبي وتقول: شلون انام وانت برع ..؟ ابتسمت لها وبست راسها وقلت : ابي اخذ شور دافئ يريح جسمي .. كل شي جاهز ادخل الحمام " الله يعزكم " وراح تلقى كل شي جاهز تكلمت وهي تاخذ مني بدله الدوام .. دخلت واخذت لي شور سريع وانا اسمع صوتها برع تسوالف وتقولي ايش صار اليوم من مواقف واللي شدني اكثر موقف ابوي مع وضحى .. طلعت وانا البس واقول: صج ابوي قال جذي ؟؟ أي قال وتصدق قعدنا نصيح بس ندى خلتنا نضحك من جديد .. تكلمت وانا ادخل السرير علشان انام بس موضي لها رايي ثاني وقالت : راشد عندي لي لك خبر .. ما تقدرين تقولينه باجر كلمته وانا اسحب الملحف على راسي بس الكلام اللي طلع من موضي شل حركتي وانا اردد كلامها " انا حامل " حذت الملحف وقعدت على السرير اطالعها مش عارف شلون اعبر وسالتها من جديد: ايش قلتي ؟ انحرجت وصار وجهها احمر وهي تقول: حامل يعني في بيبي داخل واشرت على بطنها ولعدها قالت: يعني راح اكون ام وانت ابو .. كل اللي قدرت اسويه اني انط من السرير صوبها علشان احضنها وانا اضحك ..!





قمت من السرير ابي اروح اجيب لي ماي عطشانه واحس بالجوع الله يسامح سعد .. ابتسمت عليه وهو مصر الا نقعد بالبيت دخلت المطبخ واخذت لي كوب ماي .. شربت واخذت الكوب معاي وطلعت ابي ارد الغرفه بس في شي غريب لفت انتباهي .. الليت شغال بالصاله مع اني متاكده اني طفيته قبل لا انام .. كنت خايفه وانا اسمع صوت احد يسوالف .. ركزت اكثر وانتبهت على الصوت بس ما تجرات ادخل الصاله .. صوت سعد اشوه سعد ابتسمت من خاطري بس الابتسامه وقفت وانا اسمعه يقول : حبيبتي الوقت متاخر روحي نامي وباجر اكلمج .. طاح الكوب من يدي وتنثر الزجاج بكل مكان وقف سعد يشوف من واحس انه انصدم بوجودي صكر التلفون وجاء عندي وهو يقول: فطوم شفيج ..؟ دموعي كانت تنطق احسن مني ما قدرت اتكلم .. نزلت اشيل الزجاج اللي انكسر بس يد سعد مسكت يدي وهو يقول : شفيج قولي لي ..؟ سحبت يدي بقوة وقلت : لا تلمسني فاهم ..! شفت الصدمه بوجهه وهو يحرك يده قدام عيوني ويقول : انتي تحلمين مو جذي ..؟ لفيت وعطيته ظهري وقلت : احلم وانا اسمعك تقول حبيبتي الوقت متاخر .. أي احلم ..؟ رحت الغرفه والا نطرت حتى ردت فعل منه .. بس سعد لحقني ومسكني من كتفي وخلاني اواجهه وقال : انتي فاهمه غلط وظلمتيني هاج التلفون وشوفي انا من كنت اكلم ..انا مو خايف .. سكت وهو ينطرني اشوف الرقم انحرجت واستحيت من ردت فعلي او من غيرتي الواضحه وقال : صدقيني كنت اكلم نور بنت اختي لينا هي اللي اتصلت وطلعت علشان اكلمها ما انتبهت انج مو بالسرير .. حضني وهو يكمل: مستحيل افكر اخونج انتي فاهمه .. حضنته بالمقابل وانا اهز راسي ..!

الجزء 45،،


الاحداث :


• محمد وندى .. العلاقه اللي بينهم قويه بس المرض اللي بدء ياثر عليها بشكل واضح اثر على نفسيه محمد .. مع ان ندى تحاول تبين العكس بس للاسف حياتها بيد رب العالمين ..

• موضي وراشد .. في حب واخلاص في عطاء و وفاء بينهم وبـ علاقتهم .. وبعد خبر الحمل الكل بالبيت مبسوط لهم ويتمنون الخير للزواجهم ..

• وضحى .. بدت تتمسك بربها اكثر وبقدرها اكثر " من تقرب إلى الله شبرا تقرب إليه ذراع " بدت تتعلم من اخطاءها وتحاول تكون قريبه من الكل بالبيت وخصوصا ابوها ..

• الجازي وعبدالله .. نتايج الفحوصات طلعت مع بعض المشاكل عند الجازي اللي ممكن تاخر الحمل ويبيلها فترة طويله للعلاج والله العالم ..

• نور وعبدالعزيز .. نور رفضت عزيز اللي خطبها من عبدالله وخالته .. ورفضته مره ثانيه .. بس عزيز متمسك فيها للاخر لحظه " صج الدنيا غريبه " ..

• فيصل واسماء .. حياتهم حلوة يوم ضحك ويوم جد .. يوم مشكله ويوم لقوا الحل .. وغير الحمل اللي عطى اسوووووم شكل وخصوصا وبطنها بارز .. اسوم في الشهر الخامس والكل ينطر الطف اللي راح يفرح قلبهم ..

• فطوم وسعد .. بعد اختلاف وجهه النظر من جهه فطووم بدت العلاقه من جديد تتحسن وخصوصا ان سعد يموووووت في فاطمه ويحاول يسعدها بـ أي طريقه كانت ..

• العنود ويعقوب .. العنود غيرت اسم الصغيرة من ندى الي موزة وهذا طلب من ندى ..! لان موزة اسم ام العنود وفيصل وعزيز فـ حبت الكل يذكر الاسم ..

• بدر .. بدء يرسم حياته ويفكر شلون يوقف اسماء عن حنتها للزواج .. وطلب نقل للشركه خارج قطر علشان يرتاح ..


نبدء قصتنا ..


كنت امسح دموعي بعد ما عرفت نتيجه التحاليل وانا متضايقه .. الكل واقف معاي ويحاول يشجعني بس بعد هذي عقوبه من ربي على الاشياء اللي كنت اسويها قبل .. صج اذا قالوا رب العالمين يمهل والا يهمل كنت سرحانه واشوف نفسي بالمنظرة واقول لنفسي هذي انتي يالجازي ..؟ وقف الامل من الحين مع ان العلاج موجود ..! صوت الباب ينطق مسحت دموعي وانا ارسم ابتسامه علشان ما احد يشك .. فتحت الباب وشفت قدامي نور اللي حاطه يدها على خصرها وتضرب رجلها بالارض وهي تقول : اقسم بالله العظيم راح اثور فيج رشاش كامل .. من متى وانا انطرج الشيخه الجازي ..؟ ههههههههههههههه ضحكت لاني نسيت اروح لها الغرفه .. مسكت يدها ودخلتها عندي وقلت : اسفه يا قلبي ما دامج وصلتي غرفتي فـ حياج الله عبدالله اليوم شفت عصر ما راح يجي الا على 9 بالليل .. دخلت وهي تقول : اعرف انج تصيحين ..؟ تراني مو غبيه .. لفيت عليها ورديت : واعرف انج تحبين عبدالعزيز وانا بعد مو غبيه ..!! شفت الصدمه والحزن بعيونها .. وسكتت وهي تنزل راسها وتلعب باصابع يدها وتقول : كنت احبه ..؟ نور كذبي على الكل الا انا .. تراني الجازي مو أي احد واعرف انج تعشقينه بـ جنون ..؟ كملت كلامي وانا امسك يدها واقول : ليش ترفضينه اذا انتي تبينه ...؟ طالعتني والدمعه متعلقه برموشها وقالت : عزيز من فتح عيونه وغرامه وموته ندى ؟ صدقيني انا مجرد نزوه له او يمكن شي يبي يعيشه ما دام ندى لغيره .. ابتسمت لها وانا اقول : واذا قلت لج انها طلب من عبدالله يكلمج اليوم بعد .. يا نور لو انتي لعبه كان عرف ايش يسوى بدون ما يفكر بـ مشاعر احد .. بس الرجال اللي يطلب الزواج وينرفض ويرجع يخطب من جديد يعني ناوي على الاخلاص صدقيني وخذيها مني وقولي الجازي قالت .. طالعتني نور وهي تقول : انتي ليش جذي واثقه ..؟ وقفت وانا اسحب يدها وقلت : لاني اعرف صنف الرجاجيل عدل .. سكت وانا احاول ارتب كلامي وقلت : انا قبل زواجي بـ عبدالله كنت انسانه سفيها ما افكر الا بالكشخه والطلعه وشكلي وجمالي .. بس من يوم عرفت ندى وفهمت انا الجمال جمال الروح وانا الحمدالله باحسن حال .. ومن عقبها ربي رزقني بـ عبادي .. ابتسمت وانا اكمل واقول : يعني صنف عزيز مر علي مليون مرة وصدقيني هو ناوي على الزواج مو علشان ندى عند غيره لا والف لا .. لان وراءه شي ثاني واذا تبين تعرفين اساليه اليوم اذا جاء .. شفتها ساكته وتفكر بـ كلامي وعقبها قالت : قومي نطلع خالتي بروحها بالصاله ..


كنت اكلم نائب مدير امن الريان وانا افكر بـ عبدالعزيز اللي يبي يشوف نور اليوم .. وطالعت الساعه من دون قصد مني واول ما رفعت راسي شفت ابتسامه نائب المدير بو خالد لي وهو يقول : تدري يا عبدالله من يوم تزوجت وانت دووم تراقب الساعه .. ههههههههههههههه ضحكت من قلبي يعني انا مكشوف للكل وقلت : لا الله يسلمك الموضوع غير!! انا انطر ولد خالتي يجيني واحس انه تاخر .. لا ابد انا ما اتاخر عن مواعيدي .. صوت عبدالعزيز اللي كان يسلم على بو خالد ويسال عن احواله وعقبها لف علي وقال : يالله مشينا .. دخلنا مكتبي وانا اسال عزيز : انت شبلاك مرة تبي ندى وتحاول توقف نصيبها والحين نور .. ااااااااااااااااااه تنهد وهو يقعد على اقرب كرسي ويقول : صدقني يا عبدالله الانسان ما يعرف قيمه الشي الا اذا حس انه راح يخسره ..؟ رفعت حاجبي وانا مستغرب من كلامه وقلت : يعني شنو !! اخذ عزيز هواء قوي وهو يقول : عبدالله من فترة وفيصل يحاول يفتح عيوني على شي وانا كنت مغمض ومصمم ما اشوف شي .. بس يوم ولاده العنود وانا متاكد من كلام فيصل .. ايوه الحين فهمت .. تكلمت ورحت صوب الكرسي اللي مواجه عزيز وقلت : توك تركز ان اللي قلبك يبيها هي نور .. لاحظت على عزيز الاستغراب ورد علي وقال : فيصل قالك ..؟ هههههههههههههه ضحكت وانا امسك يده وقلت : لا مو فيصل .. بس الكل كان يعرف انك انت وندى فهمتوا اللي تحسونه غلط .. وندى يوم استخارت بـ محمد عرفت نصيبها وين .. والحين ولله الحمد هي مرتاحه .. اما انت فـ كنت ضايع مع ان نور كانت قدامك وهي صغيرة و مراهقه وبـ شبابها حتى يوم سافرت كنت موجوده بعقلك بس كنت رافض اطلعها بشكل واضح .. ويوم رجعت نور من السفر وانت مو على بعضك لانك عارف انها هي اللي سكنت اللي ما يبين ضلوعك ..




يااااااااااااااااااااالله ترى مليت وانا انطر .. كنت اصارخ على محمد اللي من دخل ياخذ شور ما طلع .. اوووووووف حمود الله يخليك اطلع عاد .. كلمته من جديد وانا اشوف باب الحمام " عزكم الله " ينفتح .. طلع محمد وهو حاط فوطه على خصره وشعره متبلل من الماي وينقط على جسمه اللي ما نشفه وقفت اراقبه هالولد يجنن وطول عمره راح يخليني احبه يوم عن يوم .. تنهدت بقوة وانا اكلمه: حبيبي روح نشف جسمك علشان ما تبرد وتمرض ..رد وهو يضحك ويضمني ويغني : سلامتج من الاه قبل لا تنزل صدرك احسها بصدري واقول ااااه .. ههههههههههههههههه ضحكت وانا احس بالم قوي من جهه اليمين من جسمي وقلت : ساعه وانت تسبح الحين الساعه 5 ونص تاخرت عن الموعد .. مد بوزه وهو يقول : مو من عوايدي اخليج تتاخرين .. وبعدين الموعد الساعه 6 ونص يعني يالليل مطولك .. ههههههههههههههههه ضحكت عليه وهو يقلد عبدالله السدحان اللي بـ طاش ما طاش .. مسكت خصرتي اليمين وانا احس بالم يزيد لفيت الصوب الثاني بسرعه علشان محمد ما يشوف دموعي بس للاسف حضني وهو يقول: ااااااااه يا قلبي .. شلون أوقفه قولي شلون ؟؟ ندى يا عمري احبج والله .. كلامه يهدي عقلي وقلبي بس ما يهدي الطوفان الالم اللي بجسمي .. كنت اهتز بقوة من الم ومحمد يزيد بالضغط علشان يحسسني بقربه .. اخذت تقريبا نص ساعه على هـ الوضع لين ما هدى شوي الالم وسمعته وهو يقول : شرايج نروح العمرة .. اخذ اجازة اسبوع من الدوام ونخلي ابراهيم عند وحده من جداته .. او الجازي .. كنت اسمعه وانا احس ان جسمي بدء يتخدر من حضن محمد لي .. هزيت راسي علامه مواقفه على عرضه لف وجهي جهته وهو يقول : احبج ندى احبج ..


بعد ما لبست وطلعنا لاهلي بالصاله علشان نعطي امي ابراهيم لان وراءنا موعد ندى للعلاج .. كنت اضحك معاها وانا اعرف انها تتعذب من داخل ومن برع ركبنا السيارة وانا ابوس يدها وهي تحاول تسحبها وتقول: حمود عيب احنا بالشارع شوف العالم شلون يطلعونك .. ما يهموني الناس اللي يهمني انتي وبس .. تكلمت وانا مستمر بالبوس !! ما ابي افرط أي لحظه او فرصه وخاطري اخذ اجازة بدون راتب واقعد وياها بس الله يهداها رافضه هالفكرة وتقول : انا وياك طول العمر اذا ما كان بالجسد اكيد بالقلب و العقل .. كنت اسمعها وهي تسوالف من موضوع عزيز اللي يخطب الدكتورة والبنت ترفضه لين الجازي اللي يبي لها علاج .. وصلنا عند العنود ويعقوب ومشاكل الغيرة بين الصغيرة موزة وسالم وحتى نور بنت عبدالعزيز تغار .. وجينا حق فيصل وزوجته واخوها بدر .. وانا مستمع جيد جدا لها ومبسوط اكثر لاني اخليها تتكلم وحتى وهي تعبانه .. وقفنا عند المستشفى علشان جلسه الكيماوي لندى كنت ارقبها وهي تسوي حركات غريبه بوجهها وتقول : اوووف الحين بطلع من عندهم وانا ارجع وراسي يدور وكل شي فيني مو متوازن تقول رجل الي متعطل .. هههههههههههههه ضحكت على تعقليها وانا امسك يدها وارد على كلامها : شدعوه عاد .. انتي لو شنو تطلعين حلوة بعيوني وبقلبي وروحي وعـ قطعت كلامي وهي تضحك وتسحب يدها وتقول : انت عليك كلام يذوب بلد يالله خل ننزل قبل لا يطردونا الامن والحمايه .. نزلت ويدي بيدها واحنا نمشي وساكتين دخلنا المدخل الرئيسي للمستشفى والناس رايحه وجايه وانا بعالم غير العالم .. مو قادر اركز شنو شعوري وهي معاي والعالم يشوفنا مع اني تزوجتها من سنه ونص واحبها من 10 سنين تقريبا بس اليوم وهاللحظه وبهالوقت انا ميت من الشوق والحب والعشق لها .. لفيت عليها وانا اهمس واقول : ندى قلت لج احبج اليوم .. ؟ همست لي وهي تبتسم وتقول : مليون مرة ..




الساعه 9 ونص بالليل قعدت في المسجد بعد ما صليت العشاء فيه وانا ادعي ربي يقرب نور لي والا يبعدها مثل ما ابعد ندى عني .. ورحت بيت خالتي اليوم لازم اعرف ليش نور ترفضني لازم افهم السبب وليش .. دخلت المجلس واتصلت على عبدالله وما اخذت اقل من 5 دقايق الا هو عندي وكان يصب لي القهوة بس انا مو مهتم باللي حولي .. عبدالله الله يخليك ناد نور انا على اعصابي .. تكلمت وانا اشوف نظرات عبدالله وهو يقولي : طيب بس لك نص ساعه تراها اختي واللي تبيه انا انفذه لها فاهم يا عزيز .. كلمني وانا احس من كلامه ان البنت رافضه للمرة المليون .. سكت وهزيت له راسي باني فهمت وقف وهو طالع ينادي نور لي .. ما اخذت اقل من 5 دقايق ثانيه الا وهي قدامي كانت لابسه عبايتها ولفه الشيله زين بس وجهها ظاهر وشكلها يجنن بدون أي الوان .. ابتسمت لها وانا اقول : حي الله نور .. شلونج ..؟ شفت نظرة حلوة من عيونها وردت على ابتسامتي بابتسامه احلى منها وقالت : بخير والحمدالله .. وانت شلونك ؟ رديت وانا اقعد على الكنب : بخير !! سكت شوي علشان اكمل كلامي وقلت : نور انا ما ابي اجبرج بس والله اني شاريج زوجه لي .. شفتها تقعد على الكرسي القريب من الباب وهي تقول : وندى يا عبدالعزيز .. نسيتها بهالسرعه ..؟ مش عارف ليش حسيت بـ حرارة داخل جسمي مو علشان اسم ندى انذكر لا .. الحرارة سببها صوت نور الناعم والهادي .. كنت سرحان بعيونها ونسيت اجاوب على سؤالها .. عبدالعزيز شبلاك انا انطر .. وقفت وقربت يدها قدام عيوني وتنادي باسمي مش عارف ايش صار بس احس اني كنت احلم وبدون شعور مني مسكت يدها وانا ملاحظ انها تخشبت وعيونها كبرت وبدت تلمع ..


كنت ارتجف ورجلي ما تقدر تشيلني من مسكت يد عبدالعزيز كنت احاول ابعده يده عن يدي بس هو ماسكها بقوة .. حسيت اني بديت اميل له وقبل لا اتهور واقول أي شي او اعبر عن حبي له سمعته يقول : احبج نور صدقيني كنت غبي يوم فكرت اني اكرهج .. وكنت غبي يوم ما عرفت احساسي الا متاخر .. وغبي لان الكل يشوف حب عبدالعزيز لنور الا عزيز نفسه .. كل شي في هاللحظه وقف عن الحركه عندي .. هذا ايش يقول يحبني !! شلون ومتى وكيف ..هالاسئله كلها براسي ادور حسيت فيه وهو يخفف مسكت يده عن يدي !! وقال : ادري انج تفكرين بـكلامي وقبل لا اتكلم ارجوج اسمعيني زين .. هزيت راسي وانا احاول اتخلص من يده بس هو ماسكني عدل علشان ما ابعد اكثر .. وجهي صار احمر وعيونه بعيوني وابتسم وقال : انا من جيت قطر كنت اشوف ندى الصغيرة الدلوعه اللي الكل يحبها حبيتها لاني متوقع اللي احسه حب لندى وانتي فاهمه ايش اقصد بالحب بين الرجال والمرأة .. هزيت راسي وانا اسمعه يكمل :كبر هالحب معاي وكنت متوقع ان حب ندى اكبر من انها تهتم فيني وتخاف علي ويمكن الا اكيد كانت تشوفني مثل عبدالله وفيصل .. كنت افكر اني الكل بالكل عندها .. ولما كنت اشوفج كنت اكرهج واحس انج تاخذينها مني وكنت اهاوشج او حتى اضربج بس صدقيني هذا شعور ظاهري مو من قلبي .. لان هالقلب ما ينبض الا لج وما حب الا انتي وما عشق الا هواج .. بس من غبائي بعدتج عني بتصرفاتي الغبيه .. شفته وهو يبعدني عنه اكثر ويروح يقعد على الكنب ويقول : ندى يوم تزوجت حلفت انها ترد لي ..غمض عيونه وهو يكمل : بس يوم قالت الكلام اللي قالته لي بالمستشفى عرفت ان اللي احسه غلط بس ما كنت اعرف شلون اعبر عنه ..رفع راسه وهو يطالع عيوني ويقول: بس يوم رجعتي لحياتي وشفتج تحرك شي قديم لج عندي بس كنت دافنه بس الحب اللي داخل رفض يموت يا نور .. انتفض بقوة يوم شفتج زعلتي مني بولاده العنود وكنت تكلميني بحزن .. بس صدقني والله ثم الله اني احبج سكت عزيز وهو يوقف ويقول : هذا اللي عندي والقرار بيدج .. انا ما العب بمشاعر البشر والا باحساس انسان غالي .. استئذانج لان عبدالله عطاني نص ساعه وبس .. مع السلامه !! طلع وخلاني منصدمه وانا اردد الكلام اللي قاله لي من شوي ..!



الله يخليج لا تتحركين وايد .. صوت بدر اللي يحاول يقعدني غصب عني وانا ما ابي .. لفيت عليه وقلت : ما ابي يه شبلاك اليوم صاير لازقه .. هههههههههههههههه ضحك فيصل علينا وهو يوقف بيروح يغسل يده للعشاء وقال : انتي واخوج اغرب 2 شفتهم بحياتي .. بس ايش اسوي احبكم .. هههههههههههههههه ضحك بدر هالمره وهو يرد على فيصل : غصبن عنك تحبنا مو برضاك ... تكلمت وانا بصف اخوي : أي صح صدق بدر .. لف علينا فيصل وهو يقول : يعني 2 على 1 .. هههههههههههههههههه ضحك بدر وهو يحضني بقوة ويقول : دعايه شامبو .. هههههههههههههههه ضحكنا كلنا بالوقت اللي رن جوال بدر رد على تلفونه وهو يطلع من عندنا صوب باب الصاله .. رجع فيصل بعد ما غسل يده وهو يسال عن بدر رديت عليها وقلت : طلع يسوالف بالجوال .. اهااا طيب عيل خلينا ناكل انا ميت من الجوع .. تكلم فيصل وانا اغرف له العشاء واكلمه : فيصل لين اليوم ما جاني رد من بدر .. شنو ما يبي نور ..؟ لا حول الله والا قوة الا بالله .. يا بنت الناس شبلاج على اخوج الولد ما يبي يتزوج .. اسوم طلعي بدر من راسج .. كلمني فيصل وهو يقوم من الاكل استغربت ردت فعله بس له حق صار لي فترة طويله وانا احن عليهم بس ليش ما يبي يتزوج وليش فيصل واقف معاه .. رجع بدر الصاله وهو يدور فيصل ويقول : اوووووووه لا يكون النسيب زعل علينا لاني دافعت عنج .. ابتسمت له وانا اقول : لا زعل علي لانه كان يدافع عنك ..؟ شفت علامه استفهام على وجه بدر اللي قال : ايش تقصدين ..؟ رديت وانا امسك يده واقول : اذا ما تبي تتزوج قول بس ما تخلين هبله واحط نفسي في مواقف سخيفه .. بدر انا اختك ومستحيل اضرك افهمها عاد ابي لك السعاده وين ما تكون طيب.. سكت وانا اشوفه يطالعني ويقول : اسوووم انا قدمت على نقل من قسمي ومن الدوله بعد!! بسافر بعد اسبوع اسبانيا .. مادري ليش انصدمت من كلامه بس حاولت احط نفسي مبسوطه له وانا من داخل احترق من الخوف عليه ..


مادري ليش حسيت اني متنرفز على اسوووم ليش تجبر الولد على شي هو مايبيه .. الله يهداها بس الحين راح تخلي بدر يطلع من عندنا غصب .. انفتح باب الغرفه بطريقه غريبه على لفيت اشوف من استغربت انها اسماء .. لاني متاكد لو اسوووم اللي دخلت الغرفه لازم تسوي ازعاج علشان افهم انها ادخلت .. طالعت عيونها المليانه دموع كسرت خاطري رحت لها وانا اصكر الباب وراءها واقول : شبلاج ..؟ تكلمت وهي تبلع ريقها وتقول : بدر يقول انه بـ يسافر اسبانيا مع شغله .. !! سكت وانا اسمعها تقول اللي عندها وتعبر عن خوفها لبعد بدر اللي لين الحين ما سافر كنت اسمع وهي تتكلم وتصيح بقهر وحرقه .. حضنتها وانا اهدي من خوفها واهون عليها واقول : اسماء بدر رجال فيه الخير .. ما اعتقد اذا سافر راح يسوي شي يغضب ربه .. هو رايح لشغله مو رايح يلعب بالشوارع .. سكتت وهي تمسح دموعها وتقول : بس انا اخاف عليه وهو بحضني شلون وهو هناك .. ابتسمت لها وانا ارفع راسها لي واقول: طيب وانا لما اغيب بالدوام ما تسوين كل هذا والا بدر غير يعني .. تنهدت بقوه وهي تسمك كتفي وتقول : فيصل بدر كان وصيه اهلي لي اني احافظ عليه واحطه بعيوني والا اخليه يحتاج شي .. بدر كل دنيتي هو اخوي وصديقي وحبيبي .. فيصل انت عندك اخ واخت وتعرف قيمه الواحد فيهم .. سكت وانا اشوف اسوم تكبر يوم عن يوم بعيوني بست راسها وانا اقول : جزاج الله خير وربي يحفظ لج بدر وكل غالي عليج .. ابتسمت لي وهي تقول :طيب خل نطلع للعشاء لاني قلت لبدر اني جايه اناديك مو تفشلني وتقول ما تبي .. ههههههههههههههههههه ضحكت وانا امسك يدها وافتح الباب لها واقول : حياج يالغاليه يا ام سلطان ..


كنت ارقب فيصل واسووم وهم يتعشون وكانوا هاديين من قلب .. خلوني اشك ان في شي حاولت اكثر من مرة اغير جوهم بس للاسف الهدوء هو سيد الموقف .. قمنا من طاوله الطعام وقعدنا بالصاله نتابع التلفزيون كان يعرض حلقه لمحمد العريفي .. تكلم عن الاخوان بالاسلام اللي يتحابون بالله ولله وبس .. حبيت الموضوع وقفت ورحت صوب فيصل واللي استغرب اني واقف قدامه مسكت يده وسحبته علشان يوقف لي وحضنته وهو منصدم .. قلت وانا احاول امسك دمعتي : فيصل انت الاخ اللي ما جابته امي وانا احبك حتى اكثر من اسوووم والله .. حضني فيصل وهو توه يستوعب الموضوع وقال : وانا بعد يا اخوي احبك بالله اللي احببتني فيه .. بعدت عن فيصل وانا اشوف ابتسامته المرسومه على وجه وقلت : انا بسافر للشغل ابيك تحط اسوه بعيونك ..؟ انت تامر امر يالغالي اسوم بعيوني الثنتين .. بس انت مو مسافر الحين يعني اهتم فيها انت وانا باخذ اجازة لين تحدد موعد السفر .. تكلم فيصل اللي خلاني انفجر من الضحك على كلامه .. عصبت اسوم وهي تقول : انا كبيرة مو محتاجه احد يهتم فيني ,, افا زعلتي الغاليه تكلمنا انا وفيصل بـ نفس الوقت طلعنا بعض ورجعنا نضحك من جديد .. قعدت بين اسماء وفيصل وكنا نضحك مرة ونتهاوش مرة ثانيه ونمزح مرة ونزعل من بعض مرة ثانيه .. جونا كان حلو وجمعتنا احلى .. كنت استمتع بكل لحظه وثانيه وما انتبهت لفيصل اللي كان يناديني .. هـلا بو سلطان ..؟ رديت بعد ما عطاني فيصل كف وهو يقول: شبلاك اكلمك وانت مو عندنا .. ههههههههههههههه ضحكت وقلت : لا بس اخزن هالجمعه الحلوة بعقلي وقلبي ..




طلعت من غرفه سالم ونور بعد ما ناموا .. كانوا رافضين ينامون الحين وباجر عندهم روضه عذبوني الله يهداهم بس .. طلعت لغرفتنا وانا اشوف يعقوب يلعب موزة وهو يحرك اصابعه وهي تحاول تمسكهم .. عمرها الحين 4 شهور كبرت وصارت صحتها زينه واحسن من قبل .. دخلت وانا اطلع بيجامه ليعقوب وعقبها دخلت الحمام "الله يعزكم" اجهزه علشان يسبح بو سالم اللي صوت ضحكته وصله امريكا .. ابتسمت عليه وانا اطلع له واقول : يالله يا قلبي الحمام جاهز .. لف علي وهو يقول : ماودي اقوم تجنن هالبنت .. ههههههههههههههههههه شوفي شوفي ايش تسوي .. كانت موزة ماسكه إصبع يعقوب الصغير وترضعه والخبل يحسبها تلعبه ؟؟ هههههههههههه ضحكت عليه وعلى ضحكاته وقلت : يعقوب البنت تسوي جذي لانها يوعانه تبي ترضع .. انت روح اسبح اخلص علي والا تعذبني مثل اليهال .. طيب طيب ماما العنود .. وقف وهو يبوس راس موزة وعقبها جاء عندي وهو يحضني لصدره ويقول : غلاي شرايج اجيب شغاله تساعدج .. ما يصير البيت صار مليان .. حضنته وانا اتنهد واقول : صدقني انا مستانسه اني اهتم فيك وبـ سالم ونور وموزة وحتى عزيز .. احس اني مصدر امان لكم وهالشي مريحني .. باس راسي وهو يقول : بعد راح اجيب شغاله تساعدج طيب .. هزيت راسي له وانا اشوفه يدخل الحمام " عزكم الله " رحت للصغيرة علشان ارضعها واغير لها وعقبها حطيتها بسريرها .. شفت يعقوب وهو لف الفوطه بس وما لبس ملابسه .. جاء عندي وانا اقوله : لا تفكر يعقوب انسى البنت نايمه يعقوب ..


كنت اضحك على رفضها لي لاني اعرف انها ما تبي تزعج موزة اللي توها نايمه من دقايق .. يعقوب الله يخليك عاد .. تكلمت العنود وهي تحاول تبعد عني وانا احضنها بقوة ههههههههههههه وضحكت عليها وهي تسد شفايفي بقوة علشان الصوت العالي .. خلاص يا قلبي والله امزح صدقيني .. كلمتها وانا ابعدها شوي عني وهي تضحك علي الموقف بصوت واطي واحيانا تحط يدها على شفايفها علشان الصوت ما يطلع قعدنا حولي 10 دقايق على السرير بالوضع هذا وبعدها سكتنا وكنا نطالع بعض احب اشوف عيونها تاسرني .. يعقوب من متى وانت تحبني ..؟ سؤال العنود صدمني ابتسمت ونزلت راسي لاني ما ابي اذكر اللي صار!! يعقوب شبلاك لهدرجه سؤالي صعب .. تكلمت بالحظه اللي رفعت انا فيها راسي وكملت كلامها وقالت : قول شفتني بالمركز يوم سالفتـ .. غلط انتي غلط قطعت كلامها قبل لا تقول اللي تبي تقوله واخذت هواء قوي ومسكت يدها وقلت : شفتج يوم حفل التخرج تذكرين يوم عبدالعزيز اصر الا يسوي لج حفله كبيرة بعد نجاحج من الثانويه .. هزت راسها وعيونها بدت تملع بالدموع قربتها مني وقلت : في ذاك اليوم كنت انا اللي جيت واخذتج من الصالون مع فيصل .. كنتي ما تحطين غطى واول مرة بحياتي اشوف ملاك على الارض حبي لج قديم حتى قبل لا اتزوج ام سالم بس الدنيا والنصيب والقدر اللي مكتوب لنا ما قربنا الا يوم صار اللي صار .. سكت وانا اشوف نظرات العنود المصدومه لي واشوف الحزن اللي على وجهها وهي تقول : كنت غبيه لاني ما شفتك والا حبيتك بذاك الوقت .. كنت غبيه يوم فيصل كان يقول ان شاء الله تكونين من نصيب يعقوب وانا ارد عليه بكل غرور واقول " اسملى علي انا اخذ ارهابي " ابتسمت على كلامها وقربتها مني اكثر وهي تصيح من قلب .. حبيبي انا احبك صدقني .. وعمري ما راح اخون هالحب صدقني راح أرعاك وأرعى عيالك وكل يوم راح ابين لك حبي .. كلمتني وهي تضمني لصدرها ما كنت ابي اقول لها الصدق بس هي تستاهل هالحب ..




الساعه الحين 12 ونص بالليل واحنا تونا داشين الشقه كنت اضحك وسعد يقول لي نكت تعور بطني من الضحك ومواقف قديمه له صارت وهو صغير او حتى وهو كبير .. وبعد ما دخلنا من الباب لقيت نفسي بحضن سعد اللي مسكني من خصري وسحبني لحضنه بقوة .. فطوووم تدرين اني مشتاق لج ..؟ كنت ارتجف من لمساتها ما اقدر اقرنها بلمسات ناصر لان المرحوم ما كان رومانسي مثل سعد ابتسمت وانا لف جهته واطلع عيونه وقلت : سعد اللي تسويه وايد صدقني .. احس اني مصقره معا كشوف كم لنا من تزوجنا 6 او 7 شهور ولين اليوم احس اني عروس .. ابتسم لي وهو يبوس خدي ورقبتي وشفايفي بقوة وعمق ما كنت اخذ نفس الا يرجع يبوسني من جديد دزيته شوي علشان اقدر اتنفس واكلمه بس الله يهداه ما يخليني .. دزيته وانا اضحك : سعد ... وقف الله يخليك شوي .. ههههههههههههه كان يضحك وهو يحضني ويقول : طيب بس بدون كلام فاضي .. احبك كلام فاضي .. قلتها وانا ابعد عنه وامثل عليه اني زعلانه بس هو مسكني من خصري بقوة كان الكلمه اصدمته او جمدت حركاته .. كان يطالعني بنظرات ما افهم معناها ونظرات كانت قويه لدرجه انها دخلت روحي .. سعد كلمته علشان افهم هم ايش فيه .. ؟! حطيت يدي على صدره اتاكد من ضربت قلبه مسك يدي اللي على صدره وقال : تدرين نطرت هالكلمه يوم شفتج لابسه ذهبي بعرس فيصل .. ونطرتها يوم ملكنا .. ونطرتها يوم جينا الكويت .. ونطرتها يوم زعلت عليج اول مرة .. ونطرتها يوم انتي زعلتي علي .. ونطرتها يوم كنا نضحك ونسوالف ونام .. نطرتها وايد بس الحين احس اني .. ما خليته يكمل لاني بسته على شفايفه وكل ما ابعد عنه كنت اقوله احبك سعد وارد ابوسه من جديد .. ما ابيه يفكر اني قلتها لمجرد ضعف قدام اغراءته ابيه يعرف اني فعلا احبه ومن كل قلبي ..


كنت احس اني اطير واني مو على الاض واني فوق السحاب كل ما قالت فطوم احبك .. كانت تبوسني وترددها وانا قلبي يضحك مليون ضحكه بالثانيه .. كنت اعيش اروع حلم بحياتي ما كنت ابي اقوم منه ابد حتى لو كانت قومتي على يد فطووم .. مسكتها من خصرها وانا ابعد عن الباب رايح معاها صوب غرفه الصالون الصغيرة قعدتها جنبي على الكنب وانا ابي افهم هي ليش تعذبني .. فاطم هابي افهم ليـ .. لا تقول فاطمه ؟! قطعتني وهي تحط يدها على صدرها على انها زعلانه .. هههههههههههه ضحكت علي حركاتها العفويه وقلت : طيب فطوم ؟ ليشت سوين جذي انا راضي بـ أي شي منج .. صدقيني مو زعلان لا تقولين شي او تتصرفين بطريقه ما تقنعج .. حطت يدها على خدودي وقربت وجهي من وجهها وهي تقول : سعد انا ما قلت هالكلام علشان ابين لك شي غلط او شي تفهمه غلط .. انا اعبر عن مشاعري اللي كنت استحي اطلعها لك وانت زوجي .. عيل متى راح اقولها لك .. سعد صدقني انت تخليني مبسوطه واحس الدنيا هذي بخير .. حتى لو كنت بعيد عن اهلي اشوفك انتي اهلي .. سعد انا احبك .. والله احبك .. كنت اشوفه عيونها والدموع تنزل بسرعه منها وصوتها اللي بدء يهتز دليل انها راح تصيح .. حضنتها لصدري وانا اسمعها تقول سعد انا احبك ما ابي اوقفها خلها تقولها مليون مرة المهم تكون بحضني وتقولها ..




موضي يا موضي .. يالله وينج .. كنت اناديها ابيها تصكر الباب الفاصل للصاله .. تعبان حدي وابي انام وصوت الازعاج اللي برع مو معطيني فرصه .. هههههههههههههههه هلا حبيبي تناديني ..؟ صوت موضي وهي تضحك خلتني اقعد نص قعده واطالعه وانا على السرير وقلت : طيب انتي مبسوطه ليش تزعجيني ابي انام باجر دوام .. اوكي اذكر الله خلاص الحين بصكر التلفزيون والا تزعل .. ابتسمت لي وهي تطلع وترجع لي بعد ما صكرت التلفزيون والليت وجاءت انسدحت جنبي على السرير .. سكتنا شوي وكان الهدوء يغريني للنوم .. بس ما قدرت لفيت صوب موضي وقلت : زعلتي ..؟ هههههههههه ضحكت وهي تتحرك تشغل الابجورة اللي جنبها وتلف صوبي بعد ما شغلتها وتقول : لا يا قلبي ليش ازعل .. المفروض انا اللي اسالك اذا زعلت مني ..؟ ابتسمت لها ورديت : وفي احد يزعل على روحه .. انحرجت من كلامي وهي تحط يدها على وجهها علشان ما اشوف لونه .. قربت منها وانا اقول : موضي انتي الحين بـ 5 او الـ 6 صح .. هزت راسها وانا اكمل كلامي : طيب اذا بنت ابي اسميها ندى واذا ولد محمد طيب .. شفتها اطالعني وهي تقول : والله العظيم كنت بقولك هالكلام امس بس انت جيت متنرفز وتعبان وخليتك .. هههههههههههههه ضحكت عليه وانا احضنها واقول : تدري ما كنت متخيل اني احبج بيوم بس سبحان الله الحين انا امووووووووت فيج ..


ابتسمت على كلامه وانا اقول : والا انا ما كنت متخيله اني راح احبك بس سبحان الله الحين اعشقك .. ههههههههههههههههه ضحك راشد وهو يضمني ويقول : يعني تقلديني ..؟ غمضت عيوني وانا بحضنه ورديت : لا والله بس الحقيقه تنقال صح .. تنهد وهو يرد علي : الحقيقه انج كنتي تحبين حمود اخوي .. بس الحين انا صح .. مش عارفه ليش تضايقت من هالكلام القديم بس ما حبيت ابين لراشد اني افكر في الموضوع وقلت : حب يهال صدقني والدليل اني كنت غبيه وانانيه وما فكرت باحد الا نفسي وبس .. لكن الحين ولله الحمد بعد رب العالمين الفضل يعود لندى اللي خلتني اشوف الصح وين ..سكتنا من جديد والهدوء رجع يمكن لمدة 5 دقايق توقعت ان راشد نام ويوم حاولت ابعد عنه علشان اصكر الابجورة سحبني لحضنه وهو يقول : على وين ..؟ ههههههههههه بسم الله الرحمن الرحيم .. خرعتني كنت احسبك نايم ..؟ تكلمت وانا اكمل حديثي واقول : ابي اصكر الابجورة علشان تنام عندك دوام بعد 5 ساعات .. ااااااااااااااااه أي والله ذكرتيني تصدقين اني مرتاح جذي وانا بحضنج .. احس براحه .. تكلم راشد وهو يقربني من جديد لحضنه .. قلته وانا ابادله الحضن : وانا بعد ارتاح اذا كنت بحضنك ..


صدق الله العظيم .. صكرت الكتاب بعد ما كنت اصلي قيام الليل وقريت من كتاب الله كم سورة .. فصخت الجلال وطويت السجاده وحطيتهم على الكرسي .. وطالعت نفسي بالمنظرة وانا اتذكر كلام محمد وهو يقول : عرفتي يا وضحى شلون البندري تابت .. هزيت راسي بلا وانا خاطري اعرف .. سكت محمد شوي وقعد جنبي على السرير اللي بغرفتي وقال : قالت البندري انها بعد ما عرفت ان الكل عرف شردت السعوديه عند اهلها .. وهي هناك تعرفت على بنت تحب البنات اللي مثل البندري اللي ادور الرجوله عند بنت فهمتي قصدي .. سالني محمد وانا هزيت راسي له ودموعي بعيوني .. وقال يكمل كلامه : طيب هالبنت حبت تتعرف على البندري وفعلا صار اللي يبونه وصارت بينهم العلاقه المحرمه عليهم بعد فترة من العلاقه البنت اطلبت من البندري تجي بيتهم .. وراحت لها بالوقت المحدد وهي عندها وبالوضع الحميم البنت ربي توفاها " ماتت " وهي بوضعيه مو حلوة استغفرا الله .. سكت محمد وانا غمضت عيوني وبكيت وقال وانا امسك يده : وعقبها خافت البندري يجي يوم تكون هي مكان هالبنت شلون راح تواجه ربها .. تصدقيني يا وضحى حمدت ربي مليون مرة اني عرفت قبل لا يصير هالشي معاج الحمدالله.. الحمدالله اشكرك يارب .. كنت احمد ربي بعد ما تذكرت كلام محمد الموجع لي .. واشكر الكل بعد رب العالمين على الاصلاح والهدايه .. ابتسمت لنفسي بالمنظرة وانا اقول : اللهم لك الحمد والشكر ..

الجزء 46،،





مر اسبوع على سفر بدر وانا محروقه من داخل صحت صياح بحضن فيصل لاني راح افقده .. تذكرت كلامه لي وهو يودعني ويقول: هالله هالله بنفسج وبـالبيبي سلطان .. وانا ترى قريب مو بعيد كيوتل " شركه اتصالات بدوله قطر " ما قصرت اتصلي فيني وكلميني 24 ساعه اذا تبين .. طيب .. غمضت عيوني وانا مازلت على قعدتي من طلع فيصل للدوام الساعه 5 ونص الفجر ولين الحين وانا على السرير عيزانه اقوم طالعت جوالي اشوف الساعه كم ونصدمت انها 9 ونص الصبح قمت من السرير ودخلت الحمام " عزكم الله " اخذ شور يهديني .. وعقبها طلعت ولبست لابسي وانا اشوف بطني اللي يجنن واحس بالبيبي يضرب داخل .. ابتسمت وانا اقول: والله راح تصيرين ام يا اسووم .. وبنفس الوقت رن جوالي بنغمه حبيبه قلبي وعمري ندى .. هلا والله حي الله هالصوت ..
ندى : أي جذبي علي .. وينج عني لازم انا اللي اتصل لج والا انتي ما تدرين انا وين .. خلاص انا زعلانه ..؟
رديت عليها وانا ابتسم : حبيبتي ندوش والله سوري تعرفين وضعي شلون ؟؟
ردت ندى وهو عتبانه علي وتقول : عيل انا ايش اقول .. اللي من محمد لين ابراهيم وجلسه العلاج وغيره .. بس ايش نقول غير الله كريم ..
مادري ليش حسيت بحزن عليها وقلت وصوتي اختنق : ندى اسفه .. ادري اني مقصرة بحقج ..
صوت ضحكت ندى خلتني اضحك وهي تقول : حياااااااااااااااااااتي اسوم .. والله انج عجيبه لا تصحين علينا ..
مادري ليش هالبنت تشوف الوضع عادي قلت وانا اخذ هواء علشان ما اصيح : ندى انتي ليش جذي انتي تدرين ان الكل يتعذبون علشانج .. بسالج انتي تحسين فينا .. وشلون نفكر نعيش بعدج ..؟
صوت الهدوء على الخط الثاني خلاني اندم على الكلام اللي قلته بس صوت ندى الهادي خلني احزن اكثر من قبل وهي تقول: اسوم هالدنيا حياه وممات .. والكل رايح يموت .. ليش تفكرون جذي هذا بلاء من ربي وانا راضيه وصابره ومستحمله .. بدء صوتها يميل للصياح وهي تقول : اللي افكر فيه محمد شلون راح يتاقلم على الوضع .. وابراهيم اللي راح يسال عني اذا كبر .. هذا اللي معور قلبي .. سكتت ندى وسكت معاها .. كلنا يبكي على ليلاه ..





نور انتي مقتنعه باللي تسوينه ..؟ او انج تبين تعذبين الولد وخلاص ..؟ رفعت راسي اشوف الجازي اللي تبي تفهم ليش انا مصممه على رفض عبدالعزيز للمرة المليون .. وقلت : الجازي هالدنيا علمتني حبي من تبين بس لا تخسرينه .. انا افضل احب عزيز من بعيد بدون ما اخسره فهمتي .. شفت ان الكلام اللي قلته ما عجب الجازي اللي قعدت جنبي على الكنب واحنا قاعدين بالصاله وخالتي ام عبدالله تشوف التلفزيون .. انتي غبيه تعورين قلبج وقلبه على الفاضي .. ليش تعيشين بالعذاب وكل شي بين يدج ابي افهم .. كنت اسمع الجازي وهي تتكلم بس مو قادره استحمل .. ابي موقف من عزيز ياكد حبه لي موقف قوي يخليني ما افكر اني الفرصه الثانيه له .. كنت اسمع الجازي ايش تقول بدون ما ارد عليها .. رن جوالي ورفعته وانا اشوف اسم ندى على الشاشه .. هلا والله بست الحبايب ..
ردت ندى وهي تضحك : ههههههههههههههههههه هلا والله بالعروس اللي معروة قلبي ولد خالتي ..
ما اعرف ليش احترق وجهي من الاحراج اانا اعرف ان ندى اكتشتفت انها ما تحب عزيز مثل ما كنا نتوقع بس بعد مهما كان اللي عاشته حب حتى لو كان خيال رديت وانا جدا متفشله : ليش من قالج ..؟
ردت ندى وهي ما زالت تضحك: ههههههههههههههههههه العصفورة اللي خبرتني .. يا بنت اتقى الله فيه وافقي الولد جن جنونه ..!
رديت بسرعه وانا وجهي صبغ احمر : لا تنسين انه جن جنونه معاج قبل ..
صوت ندى وهي تضحك خلاني اتمنى الارض تنشق وتبلعني وهي تقول : يا بنت انتي تدرين اني اموت بـ محمد وتعرفين ايش قلت لعزيز بالمستشفى .. يعني المفروض تكونين عارفه مكانته عندي .. واللي اعرفه وفهمته من العنود ان الولد يموت الف مرة بالثانيه اشقفي عليه ..
سكتت ندى وانا منحرجه يعني العنود درت وخبرت ندى الله يستر لا يكون الفريج والدوله والعالم العربي والغربي عرف بالموضوع .. اخذت نفس وقلت : خليني اعاقبه شوي ابي منه موقف يبين حبه لي ..
الهدوء اللي على الخط الثاني خوفني بعد ثانيه سمعت ندى تضحك وتقول : انا عندي لج حل يخليج تتاكدين طيب ..؟
تكلمت بسرعه وانا مبسوطه على تخطيطات ندى وقلت: شنو حلج يا ابو الحلول ..
ردت علي وهي تقول :الساعه 6 ونص المغرب راح تعرفين انتي شنو عند عزيز وقولي ندى قالت .. والحين مع السلامه ..
صكرت الخط قبل لا اتكلم ولفيت راسي اشوف الجازي اللي كانت تنطر مني اقول شي ..





كنت ارتب المطبخ وما خليت والا شي داخل الدروج الا طلعته اليوم يوم النظافه العاليمه عندي .. ابستمت لنفسي وتذكرت سعد لما كان يضحك علي اذا قررت اليوم يكون يوم التنظيف وبس رفعت عيوني اشوف الجوال اللي يرن من الصبح على راسي ابتسمت وانا اشوف رقم ندى .. هلا وغلا ..
هههههههههههههههههههه ضحكت ندى وهي تقول : شسالفه الكل يقول هلا وغلا .. ما في غير هالكلمه ..
ضحكت وانا اطالع الساعه واقول: شعندج متصله علي .. لا تقولين وحشتج ..؟
ردت وهي تحلف بالله : فطوووم والله اني مشتاقه لج .. متى راح تنزلين قطر .. والا عجبج جو الكويت ..؟
رديت وانا ابتسم لرد ندى السريع واقول : حياتي والله .. انا مشتاقه لكم موت وبطريقه غير طبيعيه .. بس ايش اسوي الله كريم ..
سكت بالثانيه اللي تكلمت ندى فيها وهي تقول : فطوم ما حملتي .. يالله عاد نبي نشوف ياهل غير سالم ونور وابراهيم وموزة ..
هههههههههههههههههه ضحكت من قلبي وانا اقول : متى ما ربي رد راح يجي لا تستعجلين .. المهم انتوا اخباركم امي شلونها وعبادي والجازي والعنـ ..
قطعت كلامي وهي تضحك وتقول : يا بنت تعالي قطر وراح تعرفيني اما الحين بصكر منج طيب ..
ابستمت وانا ارد عليها : طيب ندوش لا تنسين تسلمين على الاهل .. صكرت من عندها وانا احس براحه من صوت ندى المرح ..






صكرت التلفون من فطوم وانا مبسوطه اليوم كلمت اعز ثلاث اشخاص على قلبي نور وفطوم واسوم .. الله يرحمج يا منيرة اشتقت لج .. ابتسمت وانا اسمع صوت محمد وهو يغني ويلبس لبسه العسكري عنده دوام عصر يعني يطلع من 12 الظهر لين 9 بالليل .. وقفت على رجلي وانا اشوفه واقف قدامي واسمعه يغني وبصوت حزين خلاني اصيح بدون صوت بس دموع تعبر عن اللي احسه وهو يحسه معاي بنفس الوقت :


محتاجك..محتاجك ..محتاج اشوف عيونك
محتاجك..محتاج اشم هدومك..
محتاج اشوفك يا ضوة عيوني..
قلبي و روحي عنك يسألوني..
مثلي تبجي لو نسيت..مثلي تسهر لو غفيت
وشلون انام الليل من دونك..
وشلون اغفه وانا من دونك..
محتاج حبك يجي يدفيني وارتاح..
ادفع حياتي ثمن بس يرجع الراح..!!!
مثلي تبجي لو نسيت مثلي تسهر لو غفيت
وشلون انام الليل من دونك..
وشلون اغفة وانا من دونك..
محتاجك..محتاج اشوف عيونك


اختنقت وراسي بدء يعورني هذا شعوره من دوني .. عيل شلون شعوري من دونه لو تعرف يا محمد اني اموت بالثانيه مليون مرة وانا اعرف اني ما راح اكون معاك .. ركضت لحضنه وانا اعبر عن اللي بخاطري صحت امس واليوم وبكرة .. صحت بعدي عن اغلى ناسي انا اصيح ومحمد يمسح على راسي وهو يقول كلماته اللي دوم تحسسني بامان : حياتي اذكري الله .. انتي ما زلتي معاي والحمدالله على النعمه اللي احنا فيها .. ندى حبيبتي الله يخليج خلاص وقفي هالدموع اللي محطوطه في مخباج " الجيب " ههههههههههه ضحكت على كلامه وانا احضنه اكثر لي .. تنهد وهو يحضني بالمقابل ويقول: تدرين بما ان عندي ساعه لين اروح الدوام خليني اقولج ايش بسوي اذا ... ؟؟ سكت محمد وفهمت ايش يقصد اذا مت .. هذي الجمله اللي وقف عندها .. رفعت راسي له وقلت : ايش راح تسوي ..؟ ابتسم وانا اشوف عيونه مليانه دموع وقال : راح اسولف على راس ابراهيم شلون عرفتج بالصدفه وشلون حبيت صورة لمده 10 سنين .. وشلون شفتج اول مرة وانتي طالعه من بيتنا .. وراح اقوله شلون هاوشتج يوم وفاه المرحومه منيرة .. حضني لصدره وهو يكمل : وبقوله شلون خطبتج من اخوج عبدالله وشلون عرسنا كان .. ما راح اخلي شي عندي .. راح اقوله كل شي كل شي .. سكت وسكت محمد معاي وكل واحد فيني يحاول يحضن الثاني ويحسسه بشعوره ..






على الساعه 6 ونص المغرب صوت عزيز العالي خوفني وانا احاول اهديه وهو معصب .. يعني شنو خطبها وهي مواقفه .. طيب انا ليش ما تبيني انا احبها ليش ما تفهم .. تكلم عزيز وكسر خاطري وانا امسك يده واقول : عزوز اذكر الله الزواج قسمه ونصيب البنت ما قالت شي كل اللي قالته راح تفكر .. كلمته وانا احاول اقعده بس عزيز رفض وقف من على الكنب وقال : عطيني رقمها خليني اكلمها ..؟ ايش انت مجنون تبي عبدالله يكسر راسك ..؟ تكلمت بسرعه قبل لا يجن اكثر بس عزيز ما سمع كلامي سحب جوالي وطلع رقم نور واتصل من جواله وطلع من عندي .. ركضت وراه بس للاسف سبقني وطلع من البيت .. اخذت جوالي واتصلت على ندى بعد الرنه الاولى سمعتها وهي تضحك .. تكلمت وانا منقهرة : استانستي الحين الرجل صار مجنون واخذ رقم نور من جوالي غصب وطلع يكلمها ..
تكلمت ندى بعد ما سكتتني وقالت : هذا اللي ابيه .. ابي نور تشوف اهتمام عزيز فيها وشلون يحبها ويعشقها .. فهمتي ليش قلتي لج قولي له ان الدكتور جاسم خطبها ..
سكت وانا مصدومه من تخطيطات ندى عجيبه هالبنت والله شي .. تكلمت وانا ابتسم : حلو حلو والله انج شي خلاص صكري خليني اشوف اليهال وارد عليج بالتطورات ..
صكرت من ندى ورحت اشوف سالم ونور ايش يسون .. وهم قاعدين على الارض ويلعبون بالدفاتر والالوان وقفت وانا اطالعهم وانا اقول بقلبي يارب احفظهم لي قعدت عندهم وقلت لنور : حبيبتي لو بابا جاب ماما جديده راح تحبينها .. شفتها اطالعني كان الوضع غريب تكلم سالم على طول وقال : مثلج ماما اانود .. ابتسمت لسالم وانا انطر جواب نور اللي قالت : ابي الي ندى .. انصدمت هذي شتقول الله يهداك يا عزيز علقت البنت في ندى واخرتها نور هي اللي تبيها ..






شفت نور وهي تنقز من مكانها بعد ما ردت على التلفون وركضت غرفتها .. ما اعرف شبلاها بس شكيت في الموضوع علشان جذي قعدت عند خالتي وانا اقولها : يمه ليش ما نروح الكورنيش اليوم اذا جاء عبدالله .. طلعتني خالتي وهي تقول : كان زين والله من زمان ما رحت له من يوم كانت ندى عندي .. كسرت خاطري وانا اقول : خلاص راح اتصل له الحين وبروح اسوي الشاي والقهوة واجهز الكيك والتمر .. وقفت وانا ابي نور تطلع بس للاسف ما شفت شكلها .. طلعت برع وانا رايحه صوب المطبخ وافكر باللي راح يصير لنور .. واذا راحت مع من اقعد .. طلعت جوالي من جيبي واتصلت بـ عبدالله علشان اقوله عن الطلعه بس ما رد .. طرشت له رساله " حبيبي اليوم بنطلع مع خالتي الكورنيش اذا انت مشغول قول علشان نروح مع نور " حطيت الجوال على طاوله المطبخ وبديت شغلي وانا ادندن والحن كنت مبسوطه ما اعرف ليش .. تكهرب جسمي وحسيت براحه كبيرة من حضن حبيبي قلبي .. لفيت اطلعه وانا ابتسم وقلت : هلا والله متى جيت ..؟ ابتسم عبدالله لي وهو يقول : صار لي 10 دقايق وانا اطالعج .. وكمل وهو يحضني من جديد : شفتج وانتي طالعه من الصاله ورن جوالي برقمج بس كنت حاطه على الهزاز وانا اصلا واقف وراج وقريت الرساله وانتي مو معاي مع الاغراض اللي بيدج .. ههههههههههههههه ضحكت لاني مو متخيله انه كان يراقبني وقلت له : طيب ايش رايك نروح .. خالتي ملانه من البيت وتبي تغير جو .. تكلم وهو يحضني ويقول: بس بشرط بوسيني وانا اوديكم ..؟ هههههههههههههههههه ضحكت مرة ثانيه وانا ابعده عني واقول: عبادي استح احنا بالمطبخ ..





جمعتنا كانت حلوة وخصوصا سوالفنا عن البيبي اللي جاي بالطريق موضي منحرجه من كلام ندى وامي وانا وصافيه نضحك من قلبنا عليها .. اوووه خلاص عاد ترى اهون واخلي البيبي داخل بطني .. تكلمت موضي وهي تمسك بطنها اللي واضح بشكل حلو وهي بالشهر الرابع .. ههههههههههههههههههه ضحكت ندى وهي تقول : شدعوه ديناصور ..؟ هههههههههههههههههههههههه ضحكنا كلنا عليها بالوقت اللي تكلمت امي وقالت : لا تخافين يوم الولاده الكل معاج من صغير لين كبير .. أي صح كلام امي لا تخافين بس انتي شدي حيلج واهتمي بصحتج .. تكلمت وانا امد يدي بالكوب لندى علشان تصب لي حليب كرك .. تكلمت ندى وهي تضحك : لا لا ما يصير انا ابي اشوف الديناصور اللي بيكون في بطن موضي .. ههههههههههههههههههههههههه رجعنا نضحك وموضي حطت نفسها زعلانه على ندى اللي كانت منفجرة من الضحك .. قعدنا نضحك فترة طويله لين سمعنا صوت راشد وهو يقول : ياولد .. تغطت ندى ولبست الشيله ولفتها عدل وعقبها دخل راشد وشكله تعبان من الدوام .. سلام علينا وقعد وهو يقول : ضحكوني معاكم ابي اضحك .. ابي شي جديد .. ضحكت امي وقالت : موضي تقول ما تبي الياهل يطلع من بطنها .. وندى تقول لها خلاص خلينا نشوف الديناصور اللي راح تجبينه .. هههههههههههههههه ضحك راشد وهو يطالع ندى ويقول : الله يا ام ابراهيم الحين صار ولدي او بنتي ديناصور .. ردت عليه ندى وهي تعطي راشد فنجال القهوه : ليش تسالني يا اخوي .. حرمتك ما تبينه نشوفه واحنا نبي وجه جديد بالعايله .. هههههههههههههههههه ضحكنا وتكلمت وانا اقول : وانتي الصاجه وجه جديد يمكن يعطي البيت حركه .. ضحكنا وسوالفنا واحنا جدا مبسوطين .. ربي يديم لنا السعاده ..





دخلنا الغرفه بعد الجو الحلو اللي عشناه مع اهلي وخصوصا ندى .. دخلت الغرفه وانا اضحك واذكر راشد بكلام ندى وهو يضحك مره ويبتسم مره وانا اعلق ومشتطه بالسوالف وعقبها سكت وانا اشوف راشد اللي وقف يطالعني ونظراته حزن .. قربت منه وانا امسك يده واقول : عسى ما شر شفيك .. رد علي وهو ينتهد ويقول : ندى اليوم عندنا والكل مبسوط بس بعدين يا موضي وين راح تكون .. صدقيني انا احب ندى كاخت لي .. شلون اعيش بدونها او نعيش بدونها .. سكت راشد واختنقت انا من الدموع ما اقدر اسكت عن اللي بقلبي وقلت : تصدق يا راشد ندى غيرت فيني اشياء كثيرة ما كنت متخيله اني راح اكون موضي ثانيه .. نفس الحين الكل يحبني ويقعد وياي عكس قبل يوم الكل يبعد عني والا يبي يكون عندي او معاي بس الحين .. سكت وانا احط راسي على كتف راشد وقلت : انا احبهم كلهم واولهم ندى .. احب اكون معاهم لان ما عندي الا هم وبس .. حضني راشد وهو يهديني لاني بديت اصيح وقال : موضي اذكري الله البنت مازلت عندنا .. والحمدالله على كل حال واذا جاء ذاك اليوم راح تعرف شكثر احنا نحبها .. سكت وانا اسمع راشد ايش يقول وشلون يحاول يفهمني سنه الحياه وقدرها على البشر ..






كنت منسدح على السرير واتذكر الموقف اللي صار اليوم .. 6 ونص المغرب اول ما خبرتني العنود بالسالفه غمضت عيوني وتذكرت وانا منقهر: شلون توافقين على الدكتور جاسم يعني انتي ما تبيني .. هي ساكته وانا منحرق من داخل احس راسي بدء يدخن ويطلع دخان كثيف .. والحين يا نور انتي موافقه عليه ليش انا مو فاهم .. ما همج اللي قلته او تحسبين اني العب عليج .. انا كبير وعمري 32 سنه مالي بـ سوالف الغزل وغيرها .. ارحميني الله يخليج لا تزديني .. كلمتها وانا انطر رد منها بس الهدوء اللي على الخط الثاني خلاني اشك باني اكلم احد .. نور تسمعيني والا صكرتي الجوال بوجهي .. كلمتها مرة ثانيه بس هالمره سمعت صوت انفاسها وهي تتنهد غمضت عيوني وانا اسمعها تقول : عبدالعزيز اذا كنت تحبني هالكثر ليش تقوله الحين ..؟ سكت مو علشان افكر بسؤالها لا ..!! قلت بعد ما ارتحت انها ردت علي : لاني عشت حياه غريبه واعتقد تعرفين ايش هي ..؟ أي اعرف شلون كانت حياتك بس انت اللي حطيت نفسك فيها.. لما حسيت بحبك لي من البدايه ليش دفنته .. طيب كنت تحب ندى سؤال ما كنت تشك بحبك لها والا كان الوضع مساله عناد وانانيه ..؟ تكلمت نور واحسها ضربتني على وتر قوي جدا بقلبي تكلمت وانا ارجع بجسمي على السيارة واقول : أي كنت اناني .. كنت اشوف ندى ملك خاص فيني مثل ما كنت اعتقد ان لينا الله يرحمها ملكي .. كنت اناني ومتملك بشكل انا خفت منه .. تنهدت وكملت كلامي وقلت : لا تظنين اني سعيد بهالشي لا والله اني غلطان وندمان مليون مرة لاني ما قدرت اسعد والا وحده فيهم .. نور الله يخليج لا تعذبني .. امانتج بالله تخلينا نفتح صفحه جديده ما فيها الا نور وعزيز .. سكتنا شوي الكل منا يسمع انفاس الثاني وعقبها قالت : ونور الصغيره .. استغربت من اللي قلته ودريت: عفوا اشفيها نور الصغيرة .. ههههههههههههه ضحكت وقالت : عزيز شبلاك .. انت تقول صفحه جديده وذكرت عزيز ونور وانا اذكرك بـ نور الصغيره يعني صفحه تجمعنا احنا الـ 3 ..





كنت اطلع الساعه وانا مش متخيل اني باسبانيا الفرق بينا 4 ساعات يعني الوقت الحين 5 العصر عندنا بس بالدوحه 9 بالليل .. اااااااااااه يا قطر وحشتيني فديت ترابج .. غمضت عيوني والهواء البارد يضرب وجهي بنعومه لفت انتباهي مجموعه بنات لابسين قمصان طويله لين الركبه وبنطلين جينز ومتحجبات تقريبا عددهم 5 بنات ومن بينهم ولد صغير اعطيه 10 سنين وكانوا يضحكون .. ابتسمت من داخلي وانا اسمع كلامهم كان بحريني يعني هم من البحرين .. حي الله اهل البحرين لفيت صوبهم مرة ثانيه وانا اضحك على تعليقات البنات على بنات اسبانيا .. هههههههههههههههه ضحكت مع ضحك البنات يوم سمعت بنت منهم تقول : اعوذ بالله شبلاهم تقولون عواده كل واحد تقول اقطعني .. لفوا جهتي وانصدموا اني عربي وقالت الصغيره منهم : اخوي انت من البحرين .. نزلت راسي تحت وانا ارد عليها : لا من قطر .. تكلمت وحده وهي فرحانه وتقول : فديت قطر واهلها .. انت جاي مع الاهل وينهم ما شوفهم .. هههههههه ضحكت وانا ارد عليهم : تفداج العافيه .. لا والله جاي بروحي علشان الشغل .. جاني الولد الصغير وبيده كوب فيه شاي احمر وريحه النعناع طالعه ودخلت براسي .. الله على هالريحه قال وهو يمد يده : انا سيلمان والاسم الكريم .. رديت وانا امد يدي : بدر بن علي .. قعدت اسولف مع سيلمان واحيانا مع البنات بس ما رفعت راسي لاني حسيت بحراج من اني اشوف اللي قاعدين معاي ..





الله يخليك الله يخليك لا تصير عنيد اخذ اليهال وطلعهم وخلني مع موزة .. كلمتني وهي تحن على راسي الا نطلع غصب .. لا يعني لا العنود ما تفهمين عربي شبلاج الله يهداج تعبان والله .. كلمتها وانا انسدح على السرير احس ان ظهري منكسر .. يعقوب انت اصلا ما تحس فيني حرام عليك 3 يصيحون وياكلون ويعلبون ويضحكون بنفس الوقت وانت تجي من الدوام وتنام وتقوم المغرب وتطلع وما ترد الا الحين وتقول تعبان .. لا ما يصير .. تكلمت العنود وكسرت خاطري بس والله تعبان والله ما اكذب عليها .. سحبت الملحف وغطيت وجهي .. ما سمعت صوتها لانها طلعت وصكرت الباب بقوة انسدحت تقريبا لمده 15 دقيقه وعقبها ما استحملت قمت من السرير وطلعت لها الصاله بس ما في احد رحت غرفه سالم بعد ما في احد استغربت اكثر .. طلعت الحوش لقيتهم هناك ابتسمت على المنظر اللي قدامي .. العنود حاطه سجاده وعليها سله فواكه وسله ثانيه كافي " شوكلات " وجميع انواع العصير بسله ثلاثه .. قعدت على الدرج وانا اشوف اليهال نور وسالم يركضون ويعلبون وهي تضحك وحاطه موزة على رجلها .. حبيتها ما زعلت بالعكس اخترعت شي جديد يغير من جو اليهال وجوها .. احبج يالعنود احبج ..





صوت ضحكنا كان مغطي على صوت السياير اللي بشارع .. الكورنيش جوه عجيب والهواء بحري والعالم رايحه وجايه .. اللي يعلب رياضه واللي قاعدين حالهم من حالنا .. واللي واقفين بسيايرهم والا يبون ينزلون ..كانوا امي والجازي ونور مسوين لنا جو حلو ومع السوالف خلاص انتهيت .. كنت اضحك من قلبي عليهم مرة يسولفون ومرة يتهاوشون انا اضحك واتفرج عليهم وبس .. صوت امي وهي تهدي الوضع : خلاص يا بنات كلكم غالين علي خلاص .. تكلمت وانا امسك يد الجازي : والله امي صاجه كلكم غالين .. نور اختي والجازي زوجتي بعد شتبون .. هههههههههههه ضحكت الجازي ونور مدت بوزها " شفايفها " وقالت : عبدالله الحين انا اعرفك والمرضاعه بيدي .. والا جوجو غطت علينا .. هههههههههههههههههههه ضحكت لان امي ضربت نور بالعصا وهي تقول : عيب يا قليله الحياء .. انفجرنا مرة ثانيه يوم شفنا نور تقوم من مكانه وتبوس راس امي وهي تقول : خالتي اسفه حقج علي وهذي بوسه على النافوخ " راسها " جونا حلو واللي معطي جونا الحلا وجودنا كـ اسرة وحده ..





كنت ارتب الثياب مع اسوم اللي كانت تشتكي من الوحده وانها ملانه بروحه بعد ما ترجع من الدوام .. وان مكان بدر واضح وانها اشتاقت له من الحين .. كنت اسمع واعطيها الملابس اللي خبرتني ارتبهم الابيض مع الابيض والملون مع الملون وهكذا .. فيصل فيصل .. هااااااااااااااااااااااااااالو وين سرحت .. رفعت راسي وانا افرك اذني بعد ما صرخت اسوم وقلت : يعني وين بروح هذاني جنبج .. حطت يدها على خصرها وهي تقول : أي صح بس بالجسد اما روحك كانت بالهواء .. ههههههههههههههههههههه ضحكت وانا اعطيها الملابس البيضه واقول : ايش تبين اسوي تبين اتصل في بدر واخليج تكلمينه .. نقزت من عند الكبت لين عند الكنب وهي تقول : اوووكي يالله .. ابتسمت على خبالها وطلعت جوالي من جيب الثوب واتصلت على الخط القطري .. عند الرنه الرابعه رد علي بدر وهو يضحك ويقول : مسرع ما اشتقت لي يالنسيب .. هههههههههههههههههههه ضحكت عليه وقلت : مو انا اختك .. سحبت اسووووم الجوال من يدي وراحت تسوالف وياه بعيد عني وانا ابتسم عليها ومرة لها .. رحت عند الكبت ورتبت الثياب وانا اسمع صوتها وهي تصيح وتضحك وتعاتب وتشتاق .. غريبه هالبنت بس حبيبه على القلب ..






كانت موضي نايمه على صدري وانا منسدح على السرير .. غمضت عيوني وانا اشوف موضي الحين وموضي قبل .. اقسم بالله كنت اكرهها كره العمى والا عمري فكرت اتزوجها بس علشان انقذ محمد اسوي المستحيل .. بس سبحان الله هذي الدنيا هي زوجتي وام عيالي وغير هذا هي بنت عمي .. فتحت عيوني وانا اشوفها وهي تتحرك وترجع على نفس المكان بحضني وهي تحط يدها على خصري .. غمضت عيوني وانا اتذكر الماضي .. تذكرت حبيبه قلبي مها اللي كانت راح تكون زوجه لي بس الزمن والقسمه والنصيب كان ضدنا .. ما زالت احبها بس موضي الحين زوجه لي ولازم احترامها مثل ما هي محترمتني .. لازم اعاملها احسن معامله طردت الافكار السوده من راسي علشان اقدر اركز على بكرة والمستقبل اللي راح يجمعنا مع عيالنا ان شاء الله .. ابتسمت وانا اتذكر موضي بالمجلس بعد اول يوم ملكه يوم طحت بالغلط مع انها زوجتي .. وتذكرت اول ما تزوجنا وضحكت بس كتمت ضحكتي علشان ما تقوم .. لاني تذكرت شلون كنت عنتر وانا اصلا من جمالها كنت خروف العيد قبل الذباح .. هههههههههههههههههههه فلتت مني ضحكه قويه ما قدرت امنعها فتحت موضي عينها بس انا على طول قلت لها : نامي يا قلبي نامي .. ابتسمت لي وهي تحط راسها على صدري من جديد وانا اتذكر اللي صار معاها واتخيل اللي راح يصير..





كنت قريب منهم وانا اسمع سوالفها وضحكها على ولد او بنت موضي اللي على قولت ندى الديناصور .. كنت اضحك والا اقدر امسك نفسي وندى تسولف بـ حريه وما خلت شي ما قلته او سوته .. وقفت وراها وهي تحط الجلابيه على الكنب لانها لابسه بيجامه حرير ورديه ناعمه .. وحضنتها وانا اقول : حياتي خلاص راح تقومين ابراهيم من الضحك .. وقبل لا اقول اللي عندي انكمش جسمها دليل على اللالم .. بس هالمرة غير بدت ترجع كل اللي في بطنها خفت وانا الفها جهتي واصرخ عليها : ندى شفيج ايش صار .. كانت اطالعني بعيون وداع بس ما قدرت ترد رجعت مره ثانيه ترجع بس هالمرة اقوى من الاولى خلاص صبري نفذ سدحتها على الارض وركضت جهه غرفه امي وانا اصارخ .. اشك اذا احد فهم ايش انا قلت .. طلع راشد و وضحى وصافيه حتى امي وابوي .. تكلمت وكلامي مو مفهوم : ندى ندى .. هذا اللي قدرت اقوله .. رحت امي تركض هي وضحى وحتى موضي .. وابوي مسكني يهديني اما راشد راح يجيب السيارة علشان نوديها المستشفى .. وصافيه كانت تصيح من قلبها على شكلي .. سمعت صوت امي تنادي علي ركضت من جديد الغرفه وانا اشوفهم يلبسونها عبايتها وامي تقول : جيب بطاقتها الصحيه وبنخلي ابراهيم عند موضي و وضحى وصافيه .. وانت البس ثوبك يالله .. طلعنا وانا اشيل ندى اللي اعرف انها عايشه من تنفسها اللي مو منتظم .. ركبنا السيارة ابوي قدام مع راشد وانا وامي وندى وراء وندى بحضني ضميتها لصدري باقوى ما عندي وانا اقول : ندى لا تروحين الله يخليج .. كانت تبتسم لي بس انا متاكد انها تودعني وتوصيني على ابراهيم ..





مالي خاطر ارد البيت بس ايش اسوي احس بضيقه وما ابي اقابل فطوم وانا وجهي معفوس .. بس لازم ارد الساعه الحين وحده ونص بالليل واكيد البنت خايفه او تحاتيني .. فتحت باب الشقه واول ما صكرت الباب الا فطوم بحضني وهي تعتبني وتقول: وينك فيه ليش جوالك مصكر خلتني اخاف عليك ... حرام عليك راع وضعي اني بروحي هني .. كانت تمسكني بقوة وانا مو طايق نفسي صج حضنها ريحني شوي بس بعد الصفقه اللي خسرناها كانت قويه والمبلغ كان كبير .. بعدتها عني وانا اقول : فطوم الله يخليج ابي انام طيب .. لاحظت ان وجهها تغير وهي تبعد عني بدون ما تعلق قلت بخاطري احسن ما قعدت تحن على راسي دخلت الغرفه وانا متملل من قلب وانسدحت حتى بدون ما ابدل .. حسيت بحركه عند رجلي فتحت عيوني وانا اشوف فطوم تفصخني الجوتي " عزكم الله " سحبت رجلي وانا اقعد وفيني قهر وقلت : قلت ابي انام وما ابي ازعاج والا انا اتكلم بالهندي .. اووووف الواحد ما يرتاح يعني .. شهقت فطوم وهي تبعد على وراء من الصدمه الغير متوقعه وقالت بصوت واطي : سعد شبلاك ..؟ انا ايش سويت ..! يا بنت ناس طلبت اكون بروحي سؤالي صعب والا ما تقدرين تفهمينه .. تكلمت وهي رايحه صوب باب الغرفه وصوتها يبين انها راح تصيح وتقول : اذا كنت معصب على احد برع البيت او متضابق من شغلك رجاءا خل مشاكل برع البيت .. طلعت وهي تصكر الباب بقوة من قهرها .. صج اني غبي شلون اكلمها الحين هي ايش ذنبها .. طلعت على طول وراءها ما لقيتها لا بالصالون والا بالمطبخ والا بـ غرفه الطعام وين راحت .. رحت غرفه الضيوف وقبل لا امسك الباب سمعتها تصيح كسرت خاطري بس ما قدرت اكلمها .. خلها باجر اكون هديت وهي هدت ..

الجزء 47،،





القران يتشغل بصوت احمد العجمي بكل ركن من اركان البيت والكل قاعد بالصاله من صغير وكبير والتعبير الوحيد اللي اشوفه منهم دموعهم الصامته .. دخلنا اسبوع على هالحال من يوم دخلت ندى المستشفى والكل متوقع انها راح تموت بـ أي لحظه كانت عيوني على خالتي ام عبدالله اللي من سمعت الخبر وهي صامده ومؤمنه بان ندى بيد امينه سبحان الله وربي يقوينا ويثبتنا على طاعته .. وقفت اول ما دخلت اسماء من الباب وهي تسلم على الكل على خوات ندى وبنات خواتها وعقبها جاتني وهي تحضنني وتقول بصوت واطي : ما في خبر ..؟ هزيت راسي بلا وانا اسمع صوت جوالي يرن رحت بسرعه له ورديت على طول حتى ما شفت المتصل من وقلت : عبدالله بشرني عنها ..؟ تنهد عبدالله بالم وخوف وقال : لين الحين نايمه ما صحت .. الجازي انا متصل ابيج تكلمين محمد يرد البيت هذي مو حاله .. الولد تعبان ولازم يرجع ينام ويغير ملابسه وياكل شي .. قلت وانا قلبي يعورني على اخوي : خله يا عبدالله .. هو يعرف ايش يسوي .. لا تجبرونه على شي .. سكت وانا اسمع انفاس عبدالله اختنقت ابي اصيح بس مو وقته لازم ابين له اني قويه ويقدر يعتمد علي في البيت اذا هو ما احد .. حبيبي لا تنسى تشغل القران على راسها ندى تحب صوت العجمي طيب .. كلمته وانا اسمع رده : ان شاء الله .. خلاص عيل اخليج ودير بالج على البيت .. انا اعرف انج قدها يالجازي .. كلمته وانا احس بحب كبير له وقلت : البيت واهله بعيوني .. بس انت دير بالك على نفسك طيب .. صكرت من عنده ورجعت مكاني وانا اقول لاسماء اللي قاله عبدالله عن حاله ندى ..






كنت اشيل الاجهزة اللي على ندى مع الممرضات لان الوضع استقر وتقدر تتنفس بروحها بدون مساعده الاوكسجين .. طبعا كان واقف عندي محمد اللي كسر قلبي بحزنه عليها وانا اشيل وهو يسالني : نور انتي متاكده انها تقدر بدونهم ..؟ كان يقصد جهاز التنفس !! رفعت راسي وابتسمت له وقلت : اخوي محمد انا قلت لك ندى قويه وهي مؤمنه بربها .. وانا متاكده ما دامها قدرت تعتمد على نفسها انها تتنفس راح تفتح عيونهاا قريب .. ابتسم لي وانا اقول له : ممكن طلب ..؟ رفع راسه لي بعد ما كان منزله يطالع ندى وقال : اطلبي عزج .. قلت له وانا اروح صوب يد ندى وامسكها واقول : جيب ابراهيم وخلها تسمع صوته .. وبعد ابيك تروح تاخذ شور وتبدل ملابسك وتاكل عدل وترجع .. فتح عيونه على كبرها وقبل لا يتكلم قلت : علشان ندى تحس انك بخير وانك مرتاح وعلى فكره هي في غيبوبه وتحس بكل شي يعني احساسها موجود تفهم ايش اقصد .. هز راسه وابتسم وقال : نور الله يخليج بروح بس بشرط تكونين معاها لين ارجع .. هزيت راسي له اني موافقه على كلامه .. طلع محمد ودخل عبدالله وقلت له قبل لا يدخل الغرفه : روح مع محمد خله يلبس وياكل ويجيب ابراهيم .. استغرب ورفع حاجبه مستغرب اني اقنعته وقال : طيب بس ديري بالج عليها .. طلع وانا امسك يد ندى بيدي واقول لنفسي اصلا انا ما اخذه اجازة اسبوعين علشانها .. قعدت على هالوضع تقريبا نص ساعه كنت اسولف لها واذكرها بالاشياء القديمه اللي كنا نسويها مع بعض كنت اضحك وانا اصلا دموعي واقفه على محجر عيوني ..





كنت بالصاله قاعد مع سالم اللي يلعب بحضني وموزة نايمه داخل المنز " السرير " وارقب العنود اللي كانت هاديه بشكل يخوف!! اليوم بتروحين المستشفى قبل والا بيت خالتج ..؟ سالت العنود اللي كانت تمشط شعر نور وهي تسوالف وياها .. تكلمت بدون ما ترفع راسها لي وتقول : بيت خالتي .. ردت على قد السؤال انا مقدر الوضع اللي تمر فيه بس صار لها اسبوع هاديه ومالها صوت اشتقت لصراخها واخبالها جذي ما يصير .. تنهدت وانا انزل سالم على الارض يوم شفت موزة بدت تتحرك قربت من الصغيرة وانا اشوفها مغمضه عيونها بس تتحرك وهي تبتسم وابتسمت وانا ارجع مكاني .. شفت العنود خلصت من شعر نور وهي تقول : سلوم ونور اقعدوا هني لا تطلعون برع طيب .. حتى بدون ما تسمع رد اليهال راحت الغرفه علشان تبدل رحت وراءها وانا اقول نفس كلامها لليهال : لا تطلعون برع طيب .. هزوا رؤسهم وقعدوا بالكنب الطويل يعلبون .. دخلت الغرفه وشفتها واقفه عند الكبت اطلع لها ثياب .. قربت منها وحضنتها وعلى طول صاحت كانت تنطر احد يواسيها كسرت خاطري لفيتها جهتي وحضنتها بقوة لصدري وقلت : حياتي العنود اذكري الله .. ندى بخير وما زالت معنا .. ليش تسوين جذي .. ما ردت بس صوت صياحها عور قلبي ..




حركات فطووم غريبه علي بس ايش اسوي انا جبته لنفسي البنت ضايقه مني واللي زاد ضيقتها حاله اختها .. تنهدت بقوة وانا اوقف واروح وارءها المطبخ شفتها تحط لي الغدى وحركاتها كانت سريعه وعشوائيه .. قربت منها وقلت : فاطمه ما ابي غدى انتي هدي نفسج شوي .. وقفت حركتها وما غيرت مكانها كنت انطر أي شي منها بس للاسف ما سوت شي .. تجرات شوي وقربت منها وحضنتها بقوة لصدري اشتقت لها اسبوع كامل ما اقدر اعبر او اعتذر لانها صادتني وبقوة .. جمدت عن الحركه وانا احضنها حطت يدها على يدي اللي كنت حاطه على خصرها علشان تبعدهم عنها بس انا عاندت اكثر وحضنتها اقوى وقلت : فطووم انا اسف ادري غلطت بس ارجوج لا تعذبيني اكثر .. خليني اواسيج واكون قريب منج .. عطيني فرصه ارجوج .. ما ردت بس حركه كتوفها تبين انها تصيح لفيتها صوبي وبعدتها عني وانا اطلع راسها اللي منزلته تحت وقلت : حياتي ندى بخير .. لا تخافين وان شاء الله تقوم بالسلامه .. وعلشان اخليها اطلعني بدون ما اجبرها قلت : حجزت تذكره للدوحه والموعد باجر .. على الساعه 6 المغرب طيب .. فعلا رفعت راسها والدموع بعيونها وقالت : وانت ..!؟ ابتسمت وانا مستانس انها اسالت عني يعني لين الحين تخاف علي وتحاتيني قلت وانا امسك يدها : عندي شغل ما خلصت الصفقه اللي خسرتها الاسبوع اللي راح .. مسكت فطوم يدي اللي بيدها بقوة وقالت : اذا انت مو رايح معاي ما ابي اروح .. ! شنو استانست كنت بطير من على الارض بس احتراما لها قلت : خلاص عيل بخلي منصور يقطع تذكره ثانيه ..





طلعت من الدوام رايح صوب البيت الساعه 2 ونص الطريق زحمه الكل راجع بيته لاهل وناسها اااااااااااااااه تنهدت بقوة وانا اتذكر اني برد للبيت اللي جوه صياح وحزن على ندى .. رفعت جوالي واتصلت على موضي ابي اعرف اخبارهم اليوم بعد الرنه الاولى سمعت صوتها .. السلام عليكم ورحمه الله وبركاته ..
رديت عليها : وعليكم السلام ورحمه الله وبركاته .. شلونج موضي .. واخبار البيت ..؟
ردت وهي تتنهد وتقول : انا بخير .. شلونك يا راشد .. واذا عن البيت مثل ما هو ناقص صوت ندى ..
تكلمت علشان ابين لها اني قوي وقلت : انا بخير وبعدين حبيبتي اذكري الله البنت لين اليوم عندنا .. وان شاء الله يقومها بالسلامه ..
ردت موضي وهي تاخذ نفس وتقول : من وين لك هالقوة ابي اعرف .. علشان اقدر اطبقها على عمي وزجته و وضحى وصافيه .. واخليهم يحسون براحه ..
ابتسمت لها وقلت : خلي ايمانج قوي بالله وراح تجيج هالقوة صدقيني .. والحين بصكر وبعد 10 دقايق اكون بالبيت ..
ردت وهي توصيني : هالله هالله بنفسك .. مع السلامه ..
صكرت من عندها وانا اخذ هواء لازم اكون قوي علشان الكل يقوى وخصوصا محمد .. اليوم بروح عنده وبوقف جنبه هو اخوي اللي مالي بد منه .. اخذت الدوار جهه بيتنا وانا ادعي بقلبي يقوم ندى بالسلامه ..




ركبت السيارة بعد ما سلمت على اهل ندى كلهم كان فيصل يراقبني لفيت عليه وقلت : ما راح نروح والا بنوقف طول اليوم عند باب بيت خالتي .. ابتسم لي وقال : شلونج ..؟ ليته ما سال لاني صحت صياح سنه بـ ساعه كنت اصيح وهو يمسح على كتفي ويقول اشياء انا مو فهمتها .. اخذت نفس وانا امسك بطني لانه عورني وقلت : الله يخليك امش لا توقف السيارة .. فعلا حرك السيارة وطلعنا من فريجهم ومن الريان وفيصل حاط قران بصوت عبدالرحمن بن سديس ورحنا صوب الكورنيش وقف فيصل عند البحر .. لف صوبي ومسك يدي اللي كانت على بطني وقال : قولي اللي بخاطرج .. انا اسمعج .. لفيت صوبه والله احب هالانسان يحس فيني وبضيقتي بدون ما اقول تنهدت وقلت : ااااااااااه يا فيصل .. كنت دوم ضعيفه وندى اللي تقويني وتشد من عزيمتي .. والحين ما عندي من يقويها .. حطيت عيني بعينه وكملت : انا ما اقصد انك مو موجود بالعكس .. بس الفرق ان ندى ما تسال شنو بخاطري تعرفه من تصرفاتي وتقولي" يا اسوم لا تقولين يا رب عندي هم كبير قولي يا هم عندي رب كبير " ابتسم فيصل وقال : طيب وايش تقولج بعد ..؟ اخذت دقيقه افكر وعقبها ابتسمت وقلت : تصدق يوم خطبتني وانا اخذت وقت طويل افكر فيه علشان ارد عليك .. كانت ندى تقولي " يا بنت عورتي قلب اخوي وافقي وصدقيني ما راح تندمين هذا فيصل اللي يعرف قيمه الانسان بدون ما يعاشره " ههههههههههههههههه ضحكت من خاطري وانا اقول : والحين عرفت ليش تقول جذي ..





دخلت بيت خالتي على الساعه 3 ونص العصر العالم كانوا يصلون حطيت موزة على الارض بالمنز " السرير " وخليت سالم ونور يقعدون على الكرسي .. رحت صوب غرفه ندى قديما ونور حاليا وما لقيتها .. دخلت الحمام "عزكم الله" توضيت وطلعت وفرشت السجاده ولبست جلال الصلاة وصليت العصر .. خلصت صلاة وقعدت على السجاده لمده طويله ما اذكر كم دقيقه خذت لين حسيت بيد على كتفي رفعت راسي وشفت الجازي وهي شايله موزة بيدها وتقول : كانت تصيح ورضعتها والحين بعد تصيح .. ابتسمت لي الجازي وخلتني ابتسم وقلت : تعبتج معاي .. اسمع الكلام اللي مو حلو ترى عادي اضربج .. تكلمت الجازي وانا اشيل الجلال الصلاة عني واخذ موزة منها وقلت : وين نور ..؟ تكلمت الجازي وهي تقعد على السرير بغرفه ندى او نور وقالت : انتي تعرفين من يوم مرضت ندى وهي كل معاها .. ما تفارقها ما تجي الا وقت النوم .. قعدت جبنها وانا ارضع موزة من صدري واقول : طيب اخبار محمد عساه بخير ..؟ تنهدت الجازي وهي تحط يدها على كتفي وتقول : تعبان يا العنود تعبان .. اليوم اقنعته نور يروح يسبح ويغير لابسه وياكل ويجيب ابراهيم لندى .. سكتنا لفترة وعقبها انفتح باب الغرفه وكان سالم اللي كان يقول: ماما ابي اروح الحمام ..




سوالفنا لفترة طويله كنت اسمعها وانا من داخلي حزين علشانها .. اسوم عندها ذكريات كثيرة مع ندى تضحك وهي تذكر موقف مفرح وتحزن اذا تذكرت شي يحزن .. قعدنا تقريبا لين صلاة العشاء عند الكورنيش وانا اسمع لها ما اقطع كلامها الا لوقت الصلاة .. والحين ايش تحسين فيه .. سالتها وانا اشوف عيونها تلمع من الراحه وقالت : مرتاحه يا فيصل مرتاحه بس مشتاقه لندى والله .. ابتسمت وانا اقول لها: طيب نروح البيت وناكل شي يسد جوعنا وعقبها نطلع نزوها حلو الكلام .. هههههههههههه ضحكت اسماء ومسكت يدي وهي تقول : حياتي اسفه والله مو قصدي اجوعك والله .. ابتسمت على كلامها العفوي وقلت : عادي لعيون تكرم مدينه .. حركت السيارة وطلعنا من الكورنيش راجعين بيتنا وطول الطريق واحنا ساكتين .. رن جوالي وانا اسوق وخليت اسماء ترد .. هلاااااااااااااااا والله فديت هالصوت والله .. اشتغلت الغيرة بقلبي من هذا اللي ترحب فيه وانا موجود والا من جوالي توني بـ اتكمل واسال .. ان شاء الله لحظه .. هاك بدر يبيك ..؟ تكلمت اسماء وهي تعطيني الجوال اخذته وانا اوقف السيارة عند باب البيت وما في احد منا نزل .. "هلا والله .. بخير الله يسلمك انت شلونك ..؟ والشغل والجو عاجبك والا .. طيب طيب .. ليش انزين لا تقول .. لا خير ان شاء الله مو مشكله .. مع السلامه" ..




حطيت الشنط عند الباب جنب الصالون باجر راح نسافر قطر ما اعرف شنو احساسي بس اللي اعرفه اني متضايقه اني بـ ارد بلادي وندى تعبانه وانا زعلانه على سعد .. تنهدت ورحت قعدت على الكنب اطالع التلفزيون واصلا كنت سرحانه وحسيت جسمي متخدر انسدحت على الكنب وضميت رجلي لفوق وغمضت عيوني ونمت ما حسيت بعمري بـ ثانيه نمت فجاءة حسيت بحركه على كتفي لمسات هاديه وناعمه وحنونه ابتسمت وانا افتح عيوني بس انصدمت يوم شفت ناصر قدامي .. غمضت عيوني بقوة من جديد فتحتهم بس هالمرة شفت سعد اللي كان يبتسم لي ويقول : حياتي ليش نايمه بالصالون روحي الغرفه .. غمضت عيوني وحاولت اتكلم بس لساني كان ثقيل وما قدرت احس بـ دوخه .. حياتي فيج شي تحسين بشي .. كان صوت سعد مليان خوف على اللي صار من شوي خذت نفس قوي وانا اقعد على الكنب واقول : الساعه كم ؟ قال وهو يطالعني ويمسك راسي يشوف اذا في حرارة والا لا : الحين 7 ونص العشاء ليش تبين تسوين شي قولي انا بسويه .. هزيت راسي بلا ما ابي شي وقلت : سعد ابي اروح الحمام احس اني برجع ..؟ شفته وقف وطلع يركض ورجع ومعاه زباله صغيره " عزكم الله " وعلبه ماي وفوطه وقف وهو يقول : ايش ماكله ..؟ لا يكون جبن منتهيه صالحيته .. ابتسمت وقبل لا اقول شي رجعت كل اللي في بطني داخل الزبله وسعد قاعد جنبي وهو يمسح على راسي ويمد لي علبه الماي ..




كنت افكر وانا بالسيارة ما ابي انزل اكيد البيت مسوين عزى على الفاضي تنهدت وانا اغصب نفسي على الدخله .. نزلت من السيارة وفتحت باب البيت وقفت شوي بالحوش وانا اسمع صوت البنات يسولفون استغربت شوي بس فرحت بان الجو داخل شبه طبيعي .. دخلت الصاله : السلاااااام عليكم ورحمه الله وبركاته .. ردوا السلام واللي هم الجازي وامي والعنود وبس .. رفعت حواجبي مستغرب وقلت : وين العالم ...؟ ردت العنود اللي جات تسلم علي وتقول : طردتهم مسوين لنا فلم هندي والبنت بخير والحمدالله .. ابتسمت عليها وانا اشوف الجازي حاطه موزة الصغيرة بحضنها وقلت : طيب وين سالم ونور ..؟ تكلمت العنود وهي تسحب يدي : يا اخوي اقعد وعقبها اسال وين فلان وعلان .. هههههههههههه ضحكت امي على خبال العنود وقالت : والله انج صادقه .. ليش ما تقعد وتقول لنا اخبار ندى ؟ واحنا نقولك اخبارنا ..؟ قعدت وانا اسمع امي تعقد معاي صفقه قلت وانا العب موزة واخذها من الجازي : ندى بخير .. اليوم نور شالت عنها جهاز التنفس .. تقول ان ندى بدت تتنفس بروحها بدونه .. احلف قول والله صوت العنود اللي نقزت بحضني مع بنتها الصغيرة من الفرحه .. هههههههههههههه ضحكت وانا اشوف الفرحه والدموع بعيون امي والجازي وقلت : والله العظيم ندى اليوم احسن بوااااااااايد من امس .. فرحت لفرحتهم وهم يضحكون شوي ويسولفون ويسالون عن ندى شوي ..




بتروح بروحك ..؟ تكلمت وانا اشوف راشد يلبس الثوب ويعدل نفسه بالمنظرة ويقول : أي بروح بروحي .. انتي ما تقدرين على المشي والواقفه .. لا تنسين انج دخلتي الخامس .. كلمني وهو ياخذ العطر من يدي ويبوس خدي ويروح للمنظرة مرة ثانيه قربت من عنده وانا اشوفه شبه متضايق وقلت : راشد فيك شي ..؟ ابتسم لي وقال : لا والله ..؟ ليش انتي فيج شي !! رد السؤال لي وهو يطالعني وينطر مني رد قلت وانا احط يدي على صدره : أي فيني احس انك مو طبيعي ..؟ قولي تراني بنت عمك وزوجتك وام عيالك ..؟ مسك يدي وقربني لحضنه وهو يشم ريحه شعري بقوة ويقول : يا قلبي ما فيني الا العافيه .. واذا متضايق اكيد من الجو اللي انا فيه .. لا تنسين الشغل بـصوب ومحمد اخوي وحرمته بـصوب ثاني .. سكت مو علشان اني اقتنعت من كلامه لا بالعكس كلامه شككني اكثر في تصرفاته يمكن غيري يشوفها طبيعيه بس انا اشوفها غير .. سكت وما حبيت ازيد بالموضوع طالعته وهو يسوالف عن الدوام وايش سوى اليوم .. وعقبها قال عن الدكتورة نور اللي طلبت يشلون الاجهزه عن ندى لانها تقدر تتنفس بشكل جيد .. كنت اسمع واسمع بس ما كنت اقدر اقول له انا ايش احسه ..




ارقب كل شي تسويه مع ندى حركاتها دقيقه ومدروسه كانها ترسم على لوحه مو تضرب ابرة وتسحب دم او تحط المغذي على يد ندى .. ابتسمت لنفسي وتفكيري ونظراتي .. كل ما اقول اصد عنها تجذبني بحركه ثانيه وبطريقه عجيبه جديده اخذت نفس وانا اتسند على الطوفه طلعت نور من ندى وخصوصا بعد مع دخل محمد مع ابراهيم الصغير .. ابتسمت لي وهي تجي صوبي وتوقف جنبي كنت اشوفها وهي لابسه تنورة سوداء بس لان البلطوا مغطي على باقي لابسها وحاطه الشيله بطريقه حلوة معطه شكلها لوك اطفال .. قالت لي : عبدالعزيز انت من الصبح هني ما عندك شغل او شركه او حتى بنتك نور ..؟ رديت عليها وانا الف جسمي صوبها واتسند على الطوفه من جديد : عندي شغل وعندي شركه وعندي نور ..؟ رفعت جواجبها وهي تقول : طيب روح لهم .. ليش واقف هني الحين الساعه 8 وشي روح بيتكم وارتاح وتعال باجر .. تكلمت وانا اهمس لها : ونور !! صارت خدودها حمر وانحرجت مني وقالت : أي نور ..؟ ابتسمت على شكلها وقلت : نور زوجتي ..؟ متى بتروح البيت ..؟ نزلت راسها تحت اطالع يدها والا ردت علي كلمتها وانا منحرج من نفسي : نور روحي البيت الحين انتي من الصبح هني ,, وانا باخذ ابراهيم من محمد وبجيبه عندكم طيب .. هزت راسها وهي معطتني ظهرها وتقول : مع السلامه ..




يعني انتي شاكه بـ راشد .. او انج مريضه .. تكلمت وانا اطالع موضي اللي تعبر عن اللي بخاطرها وقالت وهي تتنهد : ما ادري يا وضحى .. راشد ما تغير بالمعامله .. راشد تغير بالتفكير ..؟ انتي فاهمه ايش اقصد ..! هزيت راسي بـلا وانا اقول : يا بنت عمي المثل يقول : امسك مجنونك لا يجي الاجن منه .. يعني افهمي راشد شبلاها بس بـ اسلوب حلو .. سكتت وهي تضم يدها على صدرها علامه الاستغراب وتقول : ما قالج عمي عن اخوي ..؟ انقبض قلبي من طاريه وخفت لا يكون طلب يرجع لي .. وقلت : لا ليش شفيه ..؟ قالت وهي تمسك بطنها وتقول : اتصل على ابوي امس من السعوديه .. وسال عن الكل وعقبها سال عنج .. يقول انه شايفج بالمنام وانج محتاجه احد معاج .. استغربت من كلام موضي واخوها وقلت : سبحان الله ..؟ هزت راسها وقالت : مو بس انتي المستغربه حتى ابوي وعمي وراشد .. كانه حاس ..سكتت موضي وانا سالت بدافع الفضول : طيب هو وين بالسعوديه ..؟ على طول ردت موضي وهي ترفع يدها للسماء : في مكه .. ان شاء الله اروح اشوفها .. قولي امين .. هههههههههههههههه ضحكت على براءة موضي وانا ارفع يدي مثلها واقول : امين يارب ..





كنت بالمطعم اكل لي شي يسد جوعي كانت الساعه 4 ونص او 5 تقريبا الجو بااااااااارد هني كنت اكل السندويش وانا اطالع العالم اللي رايحه والجايه .. لفت انتباهي سليمان اللي كان يركض بالمطر الخفيف وهو يضحك ابتسمت له وانا اقوم من على الطاوله واحط الفلوس تحت الكوب علشان ما تطير .. ليش تركض بالبرد لازم تمرض ..؟ كلمته وانا امسك يده وهو يضحك لي ويقول : ونااااااااسه بدور ونااااااااسه .. استغربت من اسمي وهو يدلعه ضحكت بصوت عالي واقول : الحين من بدر له شوارب ورجال وطول يهز الرايح والجاي اصير بدور ..؟ وقف وهو يبتسم ويقول : ليش انت ما يدلعونك ..؟ نزلت لمستواه وقالت : انبلا يدلعوني بس مو بدور .. احس اني بنت ..؟ ههههههههههههههه ضحك سليمان وهو يقول : قولي انزين شلون ادلعك .. حطيت نفسي افكر وانا من داخلي مبسوط من قلب وقلت : شرايك تقولي عمي او خالي بس بدور لا والا حتى تفكر ادلعني ..؟ هههههههههههههه ضحك سليمان وهو يقول : ان شاء الله عمي .. تميت اضحك وهو يضحك معاي .. كنت امسكه من يدينها الثنتين وادور فيه وهو يضحك يجنن هالولد .. بس خلاص تعبيت .. تكلم سليمان واستغربت من كلمه " تعبيت " وعقبها ههههههههههههههههههههه انفجرت من الضحك وهو مستغرب وقلت له : تعبيت يعني تعبت .. والله عليك كلمات عجيبه .. ضحكنا واحنا نمشي ويدي بيده رايحين صوب الحديقه ..




كنت عمدا اخلي ابراهيم يعلي بصوته وهو يلعب معاي مرة اخليه يصيح ومرة يضحك ومرة يسوالف بس ما اقدر اتعبه اكثر .. طلعت وانا شايله اوديه لعزيز اللي كان ينطرني علشان ياخذه .. تفضل يا اخوي .. وهذي ملابسه بالشنطه ..؟ تكلمت وانا اشوف عزيز يلعب ابراهيم اللي كان يضحك بيده وقال : خلاص عيل انا بروح وانت هالله هالله بنفسك .. سلمت عليه وهو يوصيني على نفسي وعلى ندى .. دخلت للغرفه مره ثانيه وانا اشوف تغير بسيط بشكلها لان يوم تعبت كانت صفراء وجهها شاحب بس الحين غير يبين انها احسن ولله الحمد .. سحبت الكرسي وقعدت ومسكت يدها وانا اكلمها حتى لو كانت نايمه راح اسولف : حبيبتي وحشتيني .. اليوم جبت ابراهيم اكيد سمعتي صوته .. ترى هو بعد مشتاق لج واااايد حتى اكثر مني .. ابتسمت وانا اقول : طيب سمعتي ان موضي تبي تسمي بنتها ندى والله فيها خير .. والا وازيدج من الشعر بيت اذا ولد راح يسمونه محمد .. يعني انا او انتي .. سكت واختنقت ابيها ترد صار لي اسبوع اسولف وهي تسمع وساكته ابي اسمع صوتها بس لو تقول اكرهك راضي بس اسمعه .. طاحت دمعتي على يدها البارده وفجاءة قبضت يدها شدت على يدي وقفت وطاح الكرسي بقوة ومازالت قبضت يدها تمسكني بقوة .. جاءت الممرضه مع الدكتور جاسم يبون يعرفون ايش صار مسك كتفي الدكتور جاسم وهو يقول : شبلاك عسى ما شر .. اشرت على يدي ويشوف ردت فعل ندى اللي ماسكه يدي .. وبدوا شغلهم وانا متفرج على الاحداث و احس براحه ..

الجزء 48،،

اللي واضح بالوقت الحالي بان جسم ندى بدء يستجيب للعلاج بشكل جيد وهذا الشي الوحيد اللي معطينا امل ومخلينا نقدر نعطيها العلاج بـ كثافه علشان نساعدها تقوم لنا بالسلامه ..
كنت اسمع نور وهي تشرح وضع ندى حاليا وخصوصا بعد ما حركت يدها وصار لها اسبوع وهي تستجيب لنا .. اذا أي احد جاها وطلب منها تمسك يده تنفذ الكلام والدليل هذا هو اللي ساعد الدكاترة .. عبدالله انت معاي .. صوت نور رجعني للمستشفى
وقلت : طيب انتوا قلتوا انها مريضه سرطان وابـ ... قطعت كلامي نور وهي تقول : صح كلامك بس الاعمار بيد رب العالمين .. ندى جسمها قوي وهي مازالت شابه يعني تقدر بعون الله .. عبدالله لا تستسلم لفكرة المرض بالعكس المفروض تساعدها على انها تتغلب عليه ..
سكت وانا اخذ نفس وارد على نور واقول : طيب خير ان شاء الله .. ممكن ادخل عليها واشوف حالها اليوم .. هزت راسها لي وهي رايحه صوب الكنترول تكلم الممرضات اللي هناك دخلت على ندى اللي كانت نايمه بس بدون الاجهزة من عقب استجابتها شالوا كل شي عليها ..
قعدت على الكرسي القريب منها ومسكت يدها وقلت : حبيبتي ندى اذا تحسين فيني شدي على يدي .. وفعلا شدت ابتسمت وانا اقول : والله اني مشتاق لج ولصوتج متى راح تقومين يالله عاد .. محمد تعب بروحه وبدونج .. اقولج ايش يسوي .. شدت يدها على انها تبي تسمع ابتسمت من جديد وبديت اتكلم عن الاشياء اللي تصير وهي نايمه ما تدري عنها ..
****
يالله طيب تاخرنا سعد متى راح تخلص .. كنت استعجل سعد اللي يلبس براحه ويمشط شعره ويربط خيوط الجوتي " عزكم الله " بااااااااااااارد هالرجال .. يعني متى باجر الصبح ..؟ تكلمت وانا متخصرة له !!
قال وهو يجي صوبي : حبيبتي اذكري الله الدنيا مو طايرة وبعدين الساعه الحين 9 ونص الصبح .. قعدت اطالعه حوالي 5 دقايق لاحظت عليه من جينا قطر وهو بارد معاي .. او يمكن هذا احساس داخلي فيني مش عارفه هو يرد لي الحركه لاني زعلانه عليه او شنو ..؟
قلت ومازالت عيوني بعيونه : سعد انت تحبني من قلبك او لاني زوجتك وبس ؟
شفت الصدمه على وجهه وهو يقرب زياده ويجي صوبي وهو يقول : ايش هالسؤال ؟؟ وكمل وهو يمسك يدي ويحطها على صدره ويقول: فطووم بشنو تحسين ..؟
استغربت سؤاله وقلت وانا اطالعه : ضربات قلبك قويه .. ؟ قال وهو يقربني اكثر له : ضربات قلبي ما تقوى الا بوجودج وصدقيني حبي لج نابع من كل قلبي مو علشانج زوجتي لا والله .. لاني احبج واحب الارض اللي تمشين عليها .. انحرجت من كلامه بس حطيت نفسي مو مهتمه سحبت يدي من صدره وبعدت عنه وانا اقول
: صح كلامك والدليل برودك وتعاملك معاي .. ؟ وخصوصا واحنا بالدوحه .. اوووه لا تنسى ايش سويت بالكويت قبل لا نجي هني ..؟ طلعت من غرفتي اللي في بيتنا بالريان قبل لا يتكلم .. ورحت الصاله قعدت عند امي وانا اصب لي كوب حليب .. تكلمت امي : وين سعد ..؟ وقبل لا اتكلم صوت سعد وراي وهو يقول : انا هني يالغاليه ..
******
... :وابراهيم اخباره ..؟
...: بخير والحمدالله .. نايم الحين ما بغى ينام ..!
...: طيب متى راح تزورينا .. ترى اشتقنا لج ولابراهيم ..
ابتسمت على وضحى اللي تعبر من كل قلبها وقلت : ان شاء الله اكلم عبدالله واخليه يجيبنا ..
وضحى : الجازي .. فيج شي .. متضايقه من شي ..؟
رفعت راسي اشوف ابراهيم وهو يتحرك بالسرير وقلت : لا يا قلبي ما فيني الا العافيه ..
حسيت انها ما اقتنعت بس فعلا انا ما فيني شي .. صكرت الجوال من وضحى بعد ما طلبت منها تسلم على امي واوبوي واخواني الشباب وصافيه .. لبست جلالي لان سعد عندنا من اسبوع وفتحت باب غرفتي علشان اسمع صوت ابراهيم اذا قام .. طلعت للصاله وشفتهم قاعدين يتفطرون وقلت
: السلااااااااام عليكم ورحمه الله وبركاته ..
ردوا السلام وقف سعد وهو يقول لفطوم : انا انطرج بالسيارة طيب .. شفت فطوم تهز راسها بس بدون ما اطالع زوجها وهذا الشي خلاني اشك فيهم بس مالي خص اذا فطوم تبي تقول ايش فيها انا موجوده ..
حبيت راس امي اللي كانت تسالني : وين ابراهيم ..؟ ابتسمت لها وقلت : نايم يمه ..؟
:ما تبين تروحين معنا لندى ..؟ كلمتني فطوم وهي توقف تلبس عبايتها
الجازي : لا والله يمكن اطلع مع عبدالله واخذ خالتي معاي لبيتنا .. اهلي مشتاقين لي ولابراهيم .. طيب براحتج .. تكلمت فطوم وهي تطلع وراء سعد وانا قعدت اتفطر مع امي ..
*****

كنت ساكت ومستغرب من نفسي شلون فطوم اثرت فيني وبقوة وخصوصا واحنا بقطر احس اني مشتاق لها بكل ثانيه وهي تفكر اني بارد معاها .. الله يهداها بس الحين كل الحب اللي بقلبي لها والشوق والغرام وتقول اني بارد معاها .. لفيت اطلع عبدالله اللي كان يسولف معاي وانا مو مركز على كلامه لاني كنت اراقب فطووم اللي قاعده عند اختها ..
ممكن اعرف شبلاك ؟ سالني عبدالله وارتبكت حسيت نفسي طالب يحاول يغش بالامتحان وصاده المدرس مع البراشيم .. ههههههههههه ضحكت ...
وابتسم عبدالله لي وقال : سعد صار لك وقت وانت مو طبيعي ..
قولي فطوم مقصرة فيك او مزعلتك ..؟ لا لا لا الله يهداك بس .. فطوم حاطتني فوق راسها .. اختك هذي عجيبه وحبيبه وطيبه .. شلون تبيها تقصر فيني .. تكلمت قبل لا يفهم الموضوع غلط ابتسم عبدالله وقال وهو يحط يده على كتفي ويقول
: عيل انت اللي فيك شي ..؟ نزلت راسي وانا احس اني مخنوق وينك يا عبدالعزيز انت الوحيد اللي اقدر اقوله !! سعد لا تضايق عمرك قول وانا اخوك واذا لقيتني مو قد الموضوع راح انسحب بدون ما تدري ..؟ تكلم عبدالله وقعدت اطالعه وانا اتنهد وقلت
: احس اني مقصر بحق فطوم .. مزعلها وقدامكم تبين ان ما في شي .. بس صدقني ما كنت اقصد كانت ردت فعل مني لموضوع سخيف بالدوام .. لفيت راسي اشوف فطوم اللي كانت تبتسم لندى وقلت
: اختك ما في مثلها ذهب ومعدنها ذهب ..
******

الحمدالله انتي الحين بنص الشهر السابع .. والبيبي طيب وبخير .. بس اهم شي التغذيه الزينه طيب ..
كنت اسمع الدكتورة وهي تتكلم استغربت انها تقول انا بالسابع .. نزلت من السرير بعد ما لبست عبايتي وقلت لها : شلون انا بالسابع .. المفروض اكون بالسادس ..؟
هههههههههههه ضحكت علي وهي تقول : اسماء انتي حاسبه غلط انتي بالسابع ..؟ ما تلاحظين بطنج اكبر من اللي بالسادس ..؟
وغير هذا ما تحسين بـ ثقل تحت عند البطن .. هزيت راسي لان كلامها صحيح يعني حسابي كله غلط ضحكت على نفسي وانا اسمعها تقولي عن دواء الحديد وعن الموعد الجاي وطلعت اسجل موعد عند الكنترول وعقبها رحت لفيصل اللي كان ينطرني جهه الاصنصير ..
اقولك شي بس ما تضحك علي ..؟ كلمته وهو يضحك ..
ابستمت له وقلت : انا بنص السابع مو السادس ..
لف صوبي وهو مستغرب وقال : يعني كنت تحسبين غلط ..
هزيت راسي له وضحك من جديد علي وقال : شكلج مو مستعجله على البيبي والدليل انج اخرتيه شهر ونص .. ههههههههههههههه ضحكنا واللي حولنا يطالعون ايش بلانا صج فضول عندهم ..
ركبنا الاصنصيرو رحنا نزور ندى واول ما انفتح الباب الا فطوم وسعد بوجهنا واقفين ابتسم فيصل وسلم عليهم وانا حضنت فطوم وسوالفنا شوي وعقبها رحنا نشوف ندى ..
*******

كنت ارتب الاوراق بالدروج واحطهم على حسب الترتيب الابجدي وما كنت مركز للي عندي لاني وقت الشغل انسى نفسي ..
الحرف اللي بيدي كان w مادري ليش سرحت عنده وقعدت اطالع شكل الحرف بتمعن لو اسم ولد بيكون وليد او وسيم او وحيد ابتسمت وانا اقول واذا بنت راح يكون ورده او وسميه او وضحى ..
حلو اسم وضحى قديم بس حلو .. ابتسمت على خبالي وانا اسمع جوالي بـ شعر بن فطيس المري وهويقول :

قطر موطني وانـا مثـل مـن تربـوا فيـه

راع الابـل وراع المـال والغيـص والفـلاح

رجـال ٍ الـى سمعـوا نـداه اجمعـوا لبيـه

تطيح الغتر والروس بس العلم مـا طـاح

ابتسمت لان اعرف المتصل ..
مرحبااااااااااا مليون بـ قطر واهلها ..
ههههههههههههههههه ضحكت اسوم اختي من ترحيبي الحار
وهي تقول : هلا يا قلبي شلونك وشلون اسبانيا وياك ..؟
رديت وانا اتنفس بقوة واقول : وحشتني قطر ابي ريحتها .. ابي اشوفها .. اختنقت ولفيت الجهه الثانيه لان الموظف اللي معاي كان يراقبني ما اعرفه بس شكله خليجي والا عمري سالته او كلمته حتى مع اني اشوفه 14 ساعه باليوم !!..
اسماء: يا قلبي عليك .. حبيبي بدر لا تسوي بنفسك جذي .. ان شاء الله راح تجي بولادتي مو جذي .. تكلمت اسماء علشان تواسيني ابتسمت
بدر: تو الناس انتي الحين بالسادس ..
اسماء:هههههههههههههههههه لا يا قلبي انا بنص السابع اليوم الدكتورة قالت لي ..
كنت اسمع اسماء تسوالف وانا اضحك عليها وعلى خبالها وعقبها صكرت التلفون بعد ما حسيت براحه
وسمعت الموظف يقول: يعني انت من قطر ..؟ رفعت راسي له وهو يقول : فديت ترابها وانا بعد مشتاق لها ..
******

يا عزيز فكر شوي ترى نور الصغيره مو متقبله الكبيره ؟
لازم تفهم ان في كره من الصغير للكبيرة .. وبعدين نور بنتك تبي ندى ام لها .. شلون راح تتصرف ..؟ عزيز ليش ما تكلمني ..
رفع راسه لي وهو يقول : اسمعي يا العنود .. انا تعبت من اني افكر وارد وبالاخير يطلع اللي ابيه مو لي واذا عن نور الصغيرة ان شاء الله تتقبل .. والحين تامريني بشي ابي اطلع اشم هواء ..
كلمني عزيز وهو يوقف رايح صوب الباب وقلت له : أي ابي شي .. تمسك بنتك وتفهمها ان نور راح تكون ام لها .. لا تنسى عمر نور الحين 5 سنين ونص يعني راح تفهمك ..
طلع بعد ما قلت اللي عندي وتنهدت بقوة هالولد يكسر الخاطر .. حب ندى وعاش على ذكراها وبالاخير تزوج لينا والحين يوم لقى اللي يبيها وقفت في وجهه بنته يارب ساعده وعطه اللي يتمنى .. رحت الغرفه اشوف موزة الصغيرة اللي كانت نايمه بكل براءه ابتسمت لها وانا اخذ جوالي واتصل على اسوووم ..
وبعد الرنه الرابعه جاني صوتها وهي تقول : حي الله ام سلوم شلونج ..؟ ردت وانا ابتسم لها واقول : انا بخير انتي شلونج واخبار البيبي معاج ..؟
ههههههههههههههه ضحكت وهي تقول : تصدقيني كنت اظن اني بالسادس واليوم بس اكتشفت اني بالسابع والا وماكله منه شويات .. ضحكت على خبال مرت اخوي فيصل وقعدنا نسوالف وكانت تتكلم عن ندى اللي زارتها اليوم وكانت زينه بس ما تقدر ترد عليهم .. الحمدالله على كل حال ..
****

صار لي اربع ساعات ادور بالكورنيش وعلى الستي سنتر وجميع مناطق الدوحه وبالاخير جيت هني بحر الخور مكان حلو وهادي وما فيه ناس كثار نزلت من السيارة وقفت قدامها وانا اطالع البحر .. تقريبا الساعه 4 ونص العصر عقلي كان يفكر بـ نور حبيتها بس ما فكرت فيها كنت اشوفها مصدر ازعاج لي مع انها كانت دوم هاديه واذا شافتني بـ مكان تروح مكان ثاني ..
كنت افكر شلون حبيت ندى وعطيتها كل شي وشلون كنت مع المرحومه لينا اللي عطتني كل شي بس قلبي ما كان لها والا لندى .. ابتسمت على سخريه القدر الشي اللي كان لي صار لغيري واللي لغيري ما راح يكون لي اااااااااااااه تنهدت بقوة وانا اغمض عيوني واشوف نور الصغير حبيبه قلبي ليش خليتج تكرهين نور ليش !!
وانا بعز اندماجي بـ افكاري سمعت صوت جوالي لفيت صوب السيارة وفتحت الباب ومسكت الجوال وانا اشوف اسم فيصل على الشاشه .. السلام عليكم ورحمه الله وبركاته .. هلا فيصل ..؟
فيصل : وعليكم السلام ورحمه الله وبركاته .. انا بخير ولله الحمد .. انت وين ..؟
تنهدت وانا ارد على فيصل : ليش في شي ..؟
رد فيصل وبصوته شويه غضب : يعني شنو ليش .. ما يصير نخاف عليك طالع من عند العنود من الساعه 10 ونص الصبح ولين الحين مارديت البيت يعني هالشي عادي .. انت ما تفكر ان في ناس تخاف عليك عزيز انت اللي شبلاك ..
ابتسمت وغمضت عيوني بقوة وقلت : انا اسف بس حبيت اكون بروحي شوي ..
لا اله الا الله .. انت ما تفهم .. قولي وين .. ؟ تكلم فيصل وهو معصب من قلب ؟؟ رديت عليه : في بحر الخور .. ارتحت الحين ممكن تخليني بروحي يالله مع السلامه .. صكرت التلفون وانا قبل لا اسمع كلامه لاني ادري ان فيصل ما راح يخليني بحالي ..
*****

استغفرا الله هذا الرجال مو عاجبني هو شبلاه صار جذي بيوم وليله .. صكرت الجوال بعد ما كلمت عزيز ورفعت راسي اطالع العنود اللي كنت تهز موزة بحضنها وعيونها تقول كلام ما انقال لي .. طيب في شي انا ما اعرفه ..؟
كلمت العنود وهي تكلم يعقوب : ممكن تاخذ موزة للسرير وتجي .. لان وجودك مهم ..؟
وقف يعقوب اللي سمع الكلام بدون ما يعلق ..
سكتت العنود واحنا نشوف يعقوب اللي رد وهو يقول : قولي ايش صار ..؟
مسكت العنود يدها وبدات تتكلم بهدوء ما عاجبني وهي تقول : نور مش حابه ان ابوها يتزوج ..؟ وهالشي لاحظه عزيز من فترة .. خذت العنود هواء وهي تقول : اليوم عزيز عرف الموضوع وعرف ان نور الكبيرة متوقعه هالشي وخصوصا بعد رد نور الصغيرة العنيف عليها .. انصدمت متى صارت هالامور يعني عبدالعزيز يعاني والا احد يدري .. تكلمت علشان افهم الصورة اكثر وقلت
فيصل: يعني ايش صار اشرحي اكثر ..؟ شلون نور بنت اخوي كانت عنيفه على الدكتورة نور ..!!
سكتت العنود وهي اطالع يعقوب كانها تستمد منه القوة وقالت : امممممم اول ما طاحت ندى ودخلت المستشفى بـ اسبوع كنا انا و الجازي ونور وخالتي ام عبدالله في بيتهم واليهال قاعدين على الكنب فجاءة وبـ وسط كلامنا نقزت نور بنت اخوي على نور الكبيرة وقالت : انا ما احبج .. ما ابيج تكونين ماما !! ابي خالتي ندى ..
بهالحظه نور اضحكت وقلت حق نور الصغيرة : حتى انا ابي ندى لا تخافين ما احد راح يصير ماما ..
طبعا كلنا استغرب كلام نور وقلنا يمكن تلعب بـ عقل نور بنت اخوي بس للاسف كنا غلطانين ..
يعني شنو ما فهمت شلون غلطانين ..؟
تكلمت ابي افهم العنود اكثر ..
اسمع نور شافت عزيز بالمستشفى وقالت له : رضى بنتك اهم من زوجه لك .. اذا نور الصغيرة ما تبيني لا تجبرها على شي .. عبد العزيز انصدم لانه مو فاهم ايش صار جاء البيت وسالني وانا خبرته باللي صار ..
ومن عقبها عزيز جذي ما يعرف ايش يسوي يرضى بنته او نفسه .. الحين فهمت الصورة غمضت عيوني وانا حزين على قلب اخوي اللي ما حصل اللي يبيه .. والسبب ان الكل ضده !!
****

كنت على سجادتي ادعي لندى بالشفاء العلاج بعد ما خلصت من صلاة العشاء كنت مغمضه عيوني وافكر بعمق وادعي .. يارب قوم ندى بالسلامه .. يارب اشفيها لولدها وزوجها ولكل اللي يحبها كنت ادعي بكل الادعيه اللي اعرفها واللي ما اعرفه وانا بعز دعائي :أسأل الله العظيم رب العرش العظيم أن يشفيك إلا عوفي!! كنت اردد الدعاء اكثر من مرة سمعت صوت باب الغرفه ينفتح وعقبها تصكر ..
لفيت راسي اشوف مين انصدمت بعيون الجازي ياااااااااااالله احس اني ما شفتها من زمان وقفت من على السجاده وركضت احضنها بقوة وهي تضحك وتقول
: يا بنت شوي شوي علي .. شبلاج مجنونه وضحى !!

ههههههههههههههههه ضحكت على كلامها ورديت : ما شفتج من زمان وينح عنا يالقاطعه ..؟ بعدتني عنها وهي رايحه صوب السرير وقعدت وعقبها قالت
الجازي: والله بيتنا مو بعيد عن بيت زوجي تقدرون تجون بـ أي وقت صح .. هزيت راسي لها وانا اقول
وضحى: بس من بودينا .. ابوي 24 ساعه برع .. وراشد بالدوام او عند حرمته او محمد بعد ما اخذ اجازة بدون راتب وهو معسكر عند ندى .. سكت وانا اطالع يدي واقول اذا تبين الصج مالي رغبه بالشارع ابد بعد اللي سويته والا تنسين ان بيت البندري قريب من بيت اهل زوجج وبعدين صرت ما احب اطلع والا اروح مكان كله بغرفتي ..
مسكت الجازي يدي وسحبتني لها وهي تقول : وضحي اللي صار صار وربي كتب ان الحقيقه تبان وتعرف وبعدين انتي اعترفتي بغلطتج وان شاء الله ربي يغفر لج ولنا .. اما عن البندري فهي في السجن بعد ما احكمت عليه المحكمه بـ 7 سنين وبيتهم ما فيه احد من بعد ما ما دخلت السجن .. يعني لا تحطين نفسج في سجن اجباري .. حضنت الجازي وقعدنا ساكتين لمده 15 دقيقه وعقبها جانا صوت امي وهي تنادينا نطلع برع .. وبـ نفس الوقت كنت اسمع صوت ابراهيم الصغير وهو يصارخ ويضحك من لاعب صافيه له ..

******

كنا نضحك ونسوالف وجونا كان عجيب البيت اليوم كان غير والسبب ام عبدالله والجازي اللي جاوء يزورونا ومعاهم ابراهيم الصغير .. اليوم بس عرفت من وين جابت ندى خفه الدم والتفاهم والحب من امها اللي كانت تسوالف وتضحك مع ان بنتها تعبانه ومرقده بالمستشفى .. موضي متى موعد ولادتج ..؟
سمعت الجازي تكلمني وابتسمت لها وانا اقول : بعد ثلاث شهور باذن الله ..
تكلمت خالتي ام عبدالله وقالت : والله متى ما مد كراعه نجح ..
ههههههههههههههههههههههههههه ضحك جماعي بالبيت على كلامها الغريب وعقبها تكلمت الجازي تشرح كلام خالتي ام عبدالله وتقول : ترى امي تقصد متى ما جاء يومه جاء مو المستشفى والا الدكاتره اللي يحددون اليوم ..؟
الصراحه الحين فهمت المعنى سكت وانا اسمع وضحى تكلم الجازي وتقول : والله طلعت مترجم ممتاز خلاص راح اعطيج منصب بالجزيرة .. ههههههههههههههههههههههه ضحكنا من جديد رن جوال الجازي اللي ردت بكل احترام
الجازي: وعليكم السلام ورحمه الله وبركاته .. هلا عبدالله .. أي الحمدالله .. ليش في شي .. اااااااااااااااايش احلف قول والله .. متى اليوم المغرب .. طيب طيب خلاص راح اقول لاهلي ..؟ مع السلامه
سكتنا كلنا والجازي من فرحتها اللي على وجهها وقفت وقالت : ندى ندى قامت اليوم المغرب ونزلها غرفه عاديه .. بس نا احد كان يبي يخبرنا لين تستقر حالتها والحين هي زينه وتسولف مع الكل وتبي تشوفنا .. صوت اصراخنا وفرحتنا كانت عاليه ضحكتنا وصحنا .. الحمدالله على كل حال نشكر يارب .. لفيت على صوت ام عبدالله اللي كانت تحمد الله على قومه بنتها بالسلامه ..
****

كنت اركض على الكورنيش وانا اشوف اللي حولي العالم عايشه حياتها بكل حري هوانا من داخلي ادعي لندى ومحمد .. انتبهت ان جوالي يهتز رفعت الجوال وانا اشوف اسم موضي على الشاشه ابتسمت وقفت على السور ورديت وانا اخذ نفس
راشد: هلا وغلا .. صوت الصراخ اللي عندها خوفني من قلب : موضي ايش صار فيكم شي ..؟
ردت علي وهي تضحك وتقول : تستاهل سلامه ندى .. تراها قامت وتسولف وتبين تشوفنا .. خلصت موضي كلامها وانا مش مصدق والا مستوعب الفكرة بس قعدت اضحك بصوت عالي وارد عليها
: احلفي من قال لكم وشلون عرفتوا ..؟ ومن متى تعرفون ؟؟

هههههههههههههههههه ضحكت موضي وقالت : شوي شوي علي يا راشد .. وعقبها كملت كلامها وصوت الازعاج اللي عندها يخف وعقبها سمعت صوت الباب والهدوء من جديد وقالت : الله يسلمك خالتي ام عبدالله والجازي وابراهيم عندنا .. واحنا نسولف اتصل عبدالله وخبر الجازي وقال لها ان ندى قايمه من المغرب بس الاجراءات الطيبه طولت لانهم يبون يتاكدون من سلامتها بس الحمدالله ندى قويه وقامت وسولفت وضحكت وطلبت شوفتنا كلنا .. كنت مبسوط وانا اسمع صوت الفرحه بصوت موضي والفرحه اللي راح اسمع بعد شوي من محمد واخو ندى لما اروح لهم .. صكرت الجوال من موضي ورحت صوب سيارتي وانا احمد الله اشكره على سلامه ندى .. ركبت السيارة واتصلت بـ محمد اخوي وبعد الرنه الاولى سمعت صوته وقبل لا اتكلم تكلم هو وقال كل اللي عنده كنت اسمع صوت صياحه والله ان شعر جسمي وقف يالله يا محمد وهذا انت رجال بس فعلا الواحد ما يعرف قيمه اللي عنده الا اذا جرب انه يخسره ..

*******

العنود يااااااااااااااااااا العنود تعالي بسرعه عندي لج خبر بالمليون ريال قطري .. جاتني العنود تركض بعد ما كنت اصارخ بصوت عالي بالبيت وهي تقول : يعقوب الله يخليك اليهال توهم نايمين ..

ههههههههههههههههه ضحكت عليها وانا اقول : اول شي عطيني البشارة ..؟ تخصرت وحطت يدها على خصرها وهي تهز رجلها بقوه وقالت : راح تتكلم والا اسوي لك فلم هندي ..
فديييييت روحها والله احبها كلمت نفسي .. وعقبها تكلمت بعد ما استسلمت للامر الواقع
يعقوب: ندى قامت بالسلامه ..
العنود:ااايش احلف من قالك ومتى .. ليش ما احد خبرنا الا الحين .. يالله خلنا نروح لها ..؟ هههههههههههههههههههههههههه ضحكت عليها وانا اقول: يا بنت الناس حبه حبه شوي شوي .. شبلاج ..؟ راح اجاوب على كل اسئلتج بس ما راح نروح الحين .. باجر باذن الله راح اوديج طيب ..
العنود: ليش مو الحين ابي اشوف عيونها ابي اسمع صوتها ابي اضمها لصدري واقول لها وووووووووووووحشتيني .. بدت تصيح وهي تقعد على الكنب ..
قعدت جنبها وقلت : اذكري الله .. ما اقدر اوديج لان عبدالله يوم كلمني قال انها صحت من المغرب بس كانوا ينطرون الاستجابه الفعليه .. والحمدالله بنت خالتج قويه وقدرت تقوم .. والحين هي محتاجه الراحه يالعنود والا انا غلطان .. كملت صياح بدون ما ترد علي .. ههههههههههههههههههههههههههه تكلمت وبعد ما ضحكت وقلت : الله يهداكم يالحريم اذا فرحتوا صحتوا واذا زعلتوا صحتوا ما عندكم غير هالدموع ..
هههههههههههههههههه ضحكت العنود وهي تقول : الله ياخذ ابليسك .. هذي الطريقه الوحيده اللي نقدر نعبر فيها عن مشاعرنا .. سكتت وعقبها قالت : خبرتوا عزيز اكيد ما يدري ..؟
هزيت كتوفي وانا اقول : اخوج من طلع لين الحين ما جاء والله العالم وينه ..؟ لاني كلمت فيصل ويقول جواله مصكر وما يعرف هو وين غير اللي قاله لنا العصر انه في بحر الخور .. سكت وانا اشوف الخوف بعيون العنود اللي قالت : الله يستر ..

*******

لا مو الحين بعدين برد البيت والا تخاف علي يا عبدالله الدوحه امان .. كلمت عبدالله اللي يترجاني ارد البيت بدري وانا مصرة اقعد عند ندى اللي كانت تبتسم لي وهي تحرك يدها وتسوي اشارات تضحكني .. كملت كلامي وقلت
نور: خلاص يا اخوي والله برد قبل الساعه وحده وعد والله .. طيب طيب مع السلامه .. هههههههههههه ضحكت وانا اقول لندىيا ربي عليه ..
تكلمت ندى وهي تحرك نفسها علشان ترتفع فوق وقالت : اخوي حبيبي .. سكتنا واحنا انطالع بعض وابتسمت وانا اقول
نور: اكيد ما تذكرين ايش كنا نسوالف على راسج صح ..
هزت راسها وهي تقول : ليش كم واحد عور راسي بسوالفه .. ابتسمت وانا اتكلم بهدوء : الكل بدون استثناء وخصوصا محمد ما كان يبيج تنسين اللي حولج .. كان يسولف لين الصبح ويرجع البيت وينام كم ساعه وخصوصا اذا شافني عندج ..
ابتسمت ندى وهي تمسك يدي وتقول : ايش معنى انتي بالذات ..؟ ههههههههههههههههههه ضحكت من كل قلبي عليها وعلى الغيرة اللي بعيونها وقلت : لاني وبكل امانه كنت اهاوشه كل يوم علشان يروح البيت ياكل ويسبح وينام ..
تصدقين محمد عنيد مثل الاسد بس لما يجي الموضوع عند ندى يصير قطوه " القط " اللأليفة .. هههههههههه ضحكت ندى بس عقبها بدت تكح بقوه من تاثير البنج .. مسكت يدها وانا اقعدها عدل واعطيها ماي بارد يساعدها على تخفيف قوه الكحه ..

*******
كنت احس بالم وبنفس الوقت بالراحه وانا اشوف نور وهي تسولف وتضحك وتحاول تضحكني احس ان فات من عمري اشياء كثيرة وخصوصا حياتي مع محمد وابراهيم ..
خلاص يا قلبي انا بروح لان الحين راح ينطق الباب بعد 1 , 2 , 3 فعلا سمعنا الباب ينطق ودخل منه محمد
((حياتي وقلبي يالله شلون صاير ضعيف وشكله تعبان عيوني تجمعت فيها الدموع من الفرح من شفت محمد)) ..

طلعت نور بدون ما تسلم او يمكن سلمت بس ما سمعناها كنت اطالع عيونه من زمان عنها وحشني والله ..
قرب مني وقعد على السرير ومسك يدي وهو يقول : كل هذا نوم يعني نوم البيت ما يكفيج ابتسمت
وانا ارد عليه وامسك خده بيدي ابي اتاكد انه حقيقه وانا اشوفه : حبيبي وحشتني مش عارفه ..
قبل لا اكمل حط يده على شفايفي وقال : لا ما ابي اسمع صوتي الحين .. ابي اشوف عيونج لانها وحشتني حيل .. خليني اتامل هالجمال الرباني اللي انحرمت منه شهر ..
ابتسمت وانا اطالع عيونه لفترة طويله ما اذكر كم خذنا بس كنت اقوله من خلال عيوني عن كل اللي احسه وهو نفس الشي .. تعبير صامت صادق يعبر بكل حب وشوق عن احساس كل منا للثاني .. تنهد بقوه وقال : ندى شلونج ..؟
ابتسمت له وانا ارد عليه : انا بخير والحمدالله .. وانت اخبارك ..؟
رد وهو يمسك يدي بقوة : بخير لما اكون بحضنج ومعاج ..
ندى لا تعيدينها .. ليش سويتي فيني جذي !!
سكت محمد وفهمت انه عرف اني ما كنت اخذ الدواء اللي كنت اتجاهله بالفترة الاخيرة وقلت : يا قلبي الدواء كان قوي علي .. وغير هذا يخليني دوم نايمه والا اكون وياك والا حتى اقدر اشيل ابراهيم ..

******

كنت اسمعها وهي تبرر موقفها وعن السبب اللي خلها تمتنع عن اخذ الدواء اللي كان يساعدها على المرض ..
يعني الشي مو بيد محمد انا اشتاق لك بس اكون دايخه وتعبانه ..
ما اقدر اسولف وياك او حتى اسهر واسوي لك اللي تبيه ..
ما يصير جذي .. تغير صوتها على انها راح تصيح قربت منه اكثر وحضنتها لصدري علشان تفهم اني فاهم اللي تبي تقوله وقلت وانا احاول ما اعاتبها : بس يا قلبي الدواء اللي تاخذينه يساعدج .. يخليج معانا مو بالمستشفى .. ندى ما شفتي ايش صار يوم كنتي بحضني وانا متخيل انج رحتي عني .. كنت مجنون اصرخ على الكل الصغير والكبير .. وبالاخير تقولي نور انج ما كنتي تاخذين الدواء ..
انصدمت لاني كنت متاكد اني اعطيج اياهم بيدي ..
ردت علي وهي تمسح دموعها وتقول : مو كلهم بعضهم لانك تكون بالدوام وانا ما احب اخذهم .. لا تزعل علي الله يخليك .. ابتسمت عليها وحطيت راسها على كتفي وقلت : ما في احد يزعل على روحه .. المهم انج بخير ومرتاحه ولله الحمد بحضني واحس بدفاج ..
بس هالمرة راح اتاكد اني اعطيج الدواء بيدي سوى كنت بالدوام او بالشارع ...
هزت راسها انها موافقه وسكتنا كنت مبسوط انها بحضني يوم قامت اليوم اول شي قالته محمد وهالشي فرحني لاني كنت موجود وماسك يدها .. اصلا ما كنت متخيل انها راح تقوم بس الحمدالله صبرت وربي العالمين جزاني بخير .. كنت اقرء بعض الايات على راسها وانا احس بـ انفاسها المنتظمه على كتفي الدليل انها نايمه وبكل راحه .. فعلا اشتقت لها ولحنانها ولحبها ودلعها وخوفها .. اشتقت لكل شي لكل شي ..

الجزء ما قبل الاخير التاسع والأربعون (49)

مرت الايام والاشهر وابطال قصتنا في فرح وامل وسعاده .. منهم من حب الحياة ورجع يعيش فيها .. ومنهم من يعيش حياته بعذاب وحرمان .. قلوب تصافت وعاشت صدق الايام عاشت فرحه اليوم والايام الجايه راح تعيش وتعيش في صفاء وامان وحب .. ولـ حياتهم حكمه للي يعيش اليوم من اجل اليوم هو الربحان.. والا يفكر في بكرة لانه مستقبل جديد مع كل افراحه واحزانه ..

ندى ومحمد .. الامور والعلاقه ما بينهم من اجمل الى اروع الى تطور مستمر.. ندى تاخذ العلاج بشكل منتظم ومحمد منتبه لكل حركه وتصرف لها .. والاكثر والاجمل من هذا انهم يعيشون تحت سقف واحد مع ابراهيم .. اللي كبر وصار عمره سنتين ونص وبدء يثبت وجوده بحياة اهله ..

العنود ويعقوب .. من عقل زوجها لخبال زوجتها !! الحياه عندهم الامل لليوم وبكرة يكون مستقبل جميل يحمل لهم الفرح او الحزن المهم يكونون مع بعض بـ وقفه وحده وقوه وحده وبيد وحده ..

اسماء وفيصل .. ربي زرقهم بـ اجمل بنت شفتها الدنيا " ندى الصغيرة " خلت حياتهم الزوجيه جنه .. عطتهم امل بالحياة وفتحت عليهم رزق السعاده اللي تجمع قلب كل زوجين ..

موضي وراشد .. ربي رزقهم بـ ولد اسمه " محمد " ياخذ جمال امه وشكلها .. جلب لهم السعاده والفرحه .. راشد يسعى ويجتهد بالشغل علشان يوفر لاسرته الراحه والرزق والعيشه الحلوة ..

فطوم وسعد .. طبعا سعد العاشق والمتيم بحب فطوم الحبوبه حياتهم حلوة وما تخلا من المشاكل الزوجيه بس الاحترام المتبادل يساعد على حل أي حواجز ..

الجازي وعبدالله .. حاليا هم خارج الدوحه مسافرين للعمره ومنها رحله علاج .. وزياره لبيت الله علشان يتقربون منه اكثر وهم بحضن بيته .. علاقتهم تمر بشكل جيد مع ضعف ايمان من الجازي ..

عبدالعزيز .. بدء يتاقلم على عدم وجود الدكتورة نور بـ حياته علشان خاطر بنته .. رجع للشغل والاعمال وسافر الكويت يكمل مسيرته العمليه بدون توقف وانقطاع يبذل كل اللي عنده من جهد علشان ينسى او يتناسى نور ..

نور .. رجعت لجو المستشفى والعمليات والمرضى .. وتعيش حياتها ناقصه بس مرتاحه عند خالتها ام عبدالله اللي منوره حياتها وسعيده معاها .. تحاول تقرب من الكل علشان ما تبكي فراق اخوها وحبيبها عزيز ..

وضحى .. بدت الكورس بالجامعه بعد ما وقفت عنها .. وبدت تركز على دراستها ومستقبلها الدراسي وبس ما تهتم باحد الا بقربها من ربها وعلاقتها باهلها ودراستها ..

بدر .. اللي بدت حياته تستقر في بلاد الغربه .. بدء يتقرب من اهل البحرين ومن صديقه القطري خليفه اللي عايش بالغربه من سنين وما خلاء شي الا قاله لبدر وعلاقتهم تكبر من يوم عن يوم ..

****

... ؟ انت وين الحين !!
...؟ عند البيت .. ليش تبين شي ..؟
ابتسمت وانا اطالع نفسي بالمنظرة واحس اني بطير من الفرحه تغيرت من رجعت الكويت وقلت : لا ابد ابي سلامتك ..؟
...؟ اذا تبين سلامتي هذاني عن باب الشقه افتحي لي الله يخليج لاني نسيت مفتاح البيت بالسيارة وعيزان انزل ..!
هههههههههههههههههه ضحكت على سعد الكسول .. هالفترة صار كسلان جدا ما يحب وعيزان وما يبي يسوي أي شي .. قمت من على الكنب وانا ما زالت اكلمه بالجوال واقوله وانا عند باب الشقه :امممممممممممممم .. واذا ما ابي افتح لك الباب ..؟
رد سعد وهو يتنهد وانا اطالعه من الفتحه السحريه واضحك على شكله شعره منفوش من الهواء وفاتح الازره من عند الرقبه وقال : عادي بنزل وبجيب المفتاح وعقبها يويلج مني ..!
ههههههههههههههه ضحكت وانا اشوفه يضحك من وراء الباب وقالي وهو يحك راسه : حياتي افتحي عاد .. مشتاق انام بحضنج اليوم ..؟
ابتسمت وانا ما زالت اشوفه من الفتحه ويدي على مقبض الباب قلت له : حبيبي ما يصير تنام بحضني انت كبير عليه وبعدين راح تعور البيبي ..؟
كنت اراقب ردت فعل سعد من الفتحه السحريه ما رد على كلامي لان تعبير وجه كان حلو .. دمعه حارة نزلت على خده وحاط يده على حلجه " فمه " من الصدمه وهو يطالع الفتحه السحريه .. بـ هاللحظه فتحت الباب له وانا اامسك يده واسحبه للبيت ومازلنا حاطين الجولات على اذونا ..
تكلم سعد بعد ما صدمته مفاجاتي وقال : من متى !! ما قلتي لي .. انا بصير اب انا ..؟ ابتسمت له وانا احط يدي على خده واحاول اخفف من صوته العالي وارد على اسالته
: اليوم الصبح عرفت .. وحبيت اقولك لما ترد البيت .. واي راح تصير اب وانا ام ..
بدون مقدمات حذف الجوال وحضني بكل قوة وهو يقول : احبج احبج والله .. بادلته الحضن وانا ارد نفس الكلام له : وانا بعد احبك .. احبك .. ما اعرف كم خذنا واحنا على هالحال .. بس كنا مبسوطين حيل ما كنت على الاض لان سعد شالني وقعدني على الكنب اللي بالصاله وبدء يعطيني تعليمات مطوله واولها:
سعد: اسمعي من اليوم ما في يوم التنظيف العالمي ولاا تركبين فوق الطاوله ومادري شنو.. راح اجيب لج شغاله وبعد ما ابيج تشيلين شي ثقيل والا تحطين أي شي .. طيب ابيج مرتاحه طول الوقت .. كان يتكلم وانا اسمع له وابتسم له وامسح على شعره وهو يطلب مني اني اسمعه زين .. حطيت يدي على خده وقطعت كلامه ...
فطوم: سعد لا توصيني على ولد الغالي لانه بعيوني ..

****

اووووووووووف ليش الاوراق جذي ..؟ كم مرة طلبت منج ترتبينهم ..! وبعدين انا حاطتهم بالملف الازرق شلون توزعوا على الطاوله ..؟ كنت اكلم السستر اللي كانت اطالعني تبي تفهم انا ايش اقول صج ضايعه ..!
ابتسمت لها بعد ما استوعبت انها هنديه ولازم اكلمها بالانجليزي .. Ok you can go? " تقدرين تروحين ..؟ "
كلمتها وهي مش فاهمه ليش صرفتها من المكان ..
دكتورة نور اشوفج مشغوله .. صدق المثل اللي يقول من جد وجد؟
كلمني دكتور جاسم اللي دخل المكتب وهو متسند على الباب شكله حلو حيل وسيم وجذاب بس القلب وما يريد ..
تنهدت ورديت عليه وانا ابتسم له وبـ نفس الوقت اقعد على الكرسي : تعبت من سوني صايرة ثقيله هالايام وما ابي اضغط عليها اكثر ..؟ تصور مضيعه نص الاوراق المهمه ..
كلمته وانا اطلب منه يقعد بدل الوقفه عند الباب .. دخل بعد ما فتح الباب كامل علشان اللي برع ما يفكرون غلط وقعد على الكرسي وهو يحك راسه ويقول : طيب غيريها ..!
تراها كبرت على هالشغل اطلبي من رئيس القسم يغيرها لج .. رفعت راسي اطالعه وافكر بكلامه وبنفس الوقت ..
كان الدكتور جاسم يطالعني ونظراته غريبه شوي علي احس انه يعاملني غير .. اصلا من زمان وهو جذي من عرفته وهو مهتم فيني ويخاف علي ولا يرضى احد يتكلم علي ..
ابتسمت له وانا استفسر سبب وجوده : ممكن اعرف انت ليش هني ..! المفروض عندك عمليه ..؟
ابتسم وهو يوقف ويحط يده داخل جيب البنطلون ويقول : المريض توفى قبل لا ينزل غرفه العمليات .. الحمدالله ربي ارحمه من العذاب والتجريح .. الله يرحمه ..
نور:لا حول اله الا قوة الا بالله العلي العظيم الله يصبر اهله ..
تكلمت وانا اشوف ظل احد عند باب الغرفه بس ما عطيت للموضوع اهميه وقلت لدكتور جاسم : طيب انا عندي حاله واعتقد انك تعرفها المريضه هي ندى .... ال .... وشخصنا حالتها على انها سرطان بالدم .. بس اللي نشوفه الحين غير .. احس انها احسن من قبل وحالتها في تقدم .. تتوقع ان البنت تعافت مع ان هالمرض ماله علاج .. غير الحبوب اللي عندها ..؟
حركه حواجبه تدل على ان كلامي صحيح قال وهو يقرب صوب الباب : الموعد الجاي راح نسوي لها فحوصات جديده وان شاء الله خير .. طيب مع السلامه .. ابتسمت وانا ارد عليه ولفيت صوب التلفون اتصل على ندى اخبرها بالتطورات الأخيرة ..

****

كنت اراقب ندى الصغيرة وهي تتحرك وتسوي حركات تضحك بوجها كنت اضحك وانا اشوف الشبه الكبير بينا .. ما خذت شي من فيصل والا شي كنت اتمنى تاخذ عيونه لانها عذاااااااب وتسحر فيهم العالم بس الحمدالله على كل حال .. صوت الجوال العالي قطع علي التركيز وانا اراقب ندى الصغيرة وهي تحرك يدها وتحاول تتحرك يمين ويسار عجيبه والله هالبنت ..
...؟ السلام عليكم ورحمه الله ..!
...؟ وعليكم السلام ورحمه الله .. بااااااااااااااال سنه لين تردين ..؟
...؟ هههههههههههههههههههههههه حياتي العنود والله اسفه كنت اراقب بنت اخوج وهي تتحرك .. ابييييييييييه صج ما شفت خير ..!!
صوت ضحك العنود علي كان من قلبها وهي تقول : الحمدالله والشكر زوجنا اخوي مينونه ..؟
رديت عليها بعصيبه يعني امثل اني معصبه : عمى يعمي العدوووووو قولي امين .. مالج خص بنتي وانا حرة يه ..!
ههههههههههههههههههههههههههه ضحكت العنود من جديد وهي تقول وتختنق من ضحكتها : يا شديد انت .. لا اخاف والله خفت ..
ضحكنا واحنا نتناقش ونستعبط على بعض وعقبها قالت : اقول اسوووم .. شرايج نروح الشاليهات يوم الخميس الجاي ..؟
كنت افكر بكلامها وانا البس الصغيرة لبسها علشان ما تبرد .. عمرها 6 شهور لكن اخاف عليها من نفسي مو الهواء بس : طيب مو مشكله .. بس من بيروح ..!
ردت العنود وهي مشتطه : انا وانتي وخالتي ام عبدالله وطبعا معانا نور والحين بكلم ندى وبشوف ايش تقول ..؟
خوووووووووووش فكرة والله .. يبي لنا تغير جو تعبنا من الدوامات .. والا تنسين ان الجو زين هالايام ويساعد على تغير الروتين الكئيب !! رديت على العنود وانا احط الصغيرة ندى بحضني واعطيها ترضع المرضاعه ..
العنود:خلاص عيل انا خبرت يعقوب وهو بـ يقول حق فيصل طيب يمكن اليوم يقولج اممممممم أي بعد روحي الجمعية علشان الاغراض وخبريني بالاول تدرين لازم التجهيزات تكون عال العال ..
ردت علي العنود وهي تخلص الموضوع باخر الكلام وهو السلام .. صكرت من عندها وانا اشوف صورة بدر على جوالي ابتسمت وانا اضرب رقمه وعند الرنه الثالثه سمعت صوته .. ياااااااااااااااالبيه هالصوت وراعيته .. تكلم وانا احس انه مريض وبديت معاه التحقيق كالعاده ..

****

مالج عذر عاد الحين تقدرين تتحركين براحه .. يالله عاد لا تصيرين سخيفه ..! طالعتني وهي تفكر بكلامي وتحاول تزيدني وتخليني اعصب اكثر بـ هدوءها صرخت عليها وانا منقهره منها ..
: ندى عااااااااااااااااااااااد يالله ..؟
هههههههههههههههههههههههههه ضحكت ندى علي وهي تقوم من مكانها وتقول : انزين بطيتي اذني .. ما يسوى على محمد الصغير .. اووووف منج يا موضي شلون راشد عايش معاج وانتي حنااااااااااااااااانه ..؟
ههههههههههههههههههههههههه جاء دوري اضحك عليها مع اني كنت معصبه من قلب عليها وقلت : ندى ما لج خص بـ راشد .. الحين ايش بـ تسوين علشان تقنعين عمي وراشد ..؟ ابي اروح وياكم اماااااااانه والله راح نستانس ونغير جو ..؟
ردت علي ندى وهي تحط محمد الصغير بحضنها بعد ما اسحبته من يدي وابراهيم يراقب بدون ما يحس بغيره .. وقالت
: يا قلبي انا ندى مو حي الله .. احم احم يعني كلمتين مني الا الكل رايح ..
رديت وانا اخذ ابراهيم لحضني واعطيه حلاوة : اسمع الثقه بس انتوا .. الله يخليج لا تتمصعين علي قال ايش كلمتين .. متى راح تردين علينا بس .. ترى طلعتكم الخميس .. واحنا نبي نروح ..
ندى:اسمعي عدل علشان خاطر هالصغير اللي اسمه على اسم حبيب قلبي محمد راح اسكت عنج بس والله ان سمعت هالكلام مرة ثانيه ما اخلي أي احد بالبيت يطلعج حتى لو كان راشد .. انتي فاهمه .. كنت اسمع ندى وهي تهددني وتبتسم لي بـ نفس الوقت ..

ياربي عليها تجنن هالبنت احبها مووووووووت وربي يخليها لنا يارب ..

ندى:المهم انا الحين طالعه غرفتي تدرين الساعه 12 ونص الظهر بعد شوي راح يجي الغلا كله ولازم ارتب عمري علشانه واليوم الخبر راح يكون عندج وبالمواقفه باذن الله طيب .. وخلي البنات يتجهزون انتي فاهمه ..؟ كلمتني من جديد وهي تحط محمد الصغير على سريري وتاخذ ابراهيم اللي كان يمشي جنبها .. خلاص صار رجال وكبير ويسوالف طالع عسل على امه ..
ابتسمت لها وانا اقول : طيب يا قلبي وتسلمين وربي يخليج لنا يا كبيرة البيت انتي .. بس لا تصدقين عمرج .. كل هالمدح علشان نطلع وبس ..!!!!!!!!!! ضحك ندى واصل اخر معيذر وهي تطلع من عندي وانا اضحك على ضحكها .. يارب احفظها لنا !!

****

ضحك اليهال ممتع وحلو انك تسمعه كنا بالحديقه واليهال يركضون هني وهناك اصلا الجو مساعدهم على العب والغشمرة ما شاء الله على سالم ونور كبروا الحين اعمارهم 7 سنين ونص وبعد طلاب بالمدرسه خاصه تجمع بين الشرق والغرب والاهم من هذا يكسبون لغه وبـ نفس الوقت يتعلمون شنو دينهم معتقداتهم وسنه نبيهم .. ما شاء الله ربي معطيهم ذكاء فائق اكيد مدام عزيز اخوي ابو نور لازم تطلع ذكيه وسالم ابوه يعقوب لازم يطلع ديني ومتثقف بالدين واموره .. حسيت بحركه عند يدي لفيت وانا اشوف موزة وهي تحاول تقوم من حضن ابوها ويعقوب مصمم انها تنحبس عنده ..
ماما صوتها الصغير وهي تناديني تطلب النجده حلو وخصوصا وهي تقول ماما ..
العنود:يعقوب خلها الله يعافيك .. ليش ماسكها جذي ..؟ تكلمت وانا امسك يد يعقوب وابعدها عن موزة اللي بدت تصيح ..!
ضحك يعقوب وهو يقول : والله يالعنود لو ما كنا بـ مكان عام كان صارت علوم ..؟!
ابتسمت وانا اعرف ايش يقصد
وعلشان ما تضيعون راح اخبركم .. يعني موزة راح تبتدي تصيح وما راح تسكت وصراخها راح يوصل لامن الدوله وما في احد بـ قطر الا وصله الصوت ..
خذت موزة من حضن يعقوب وانا اساله عن اخبار الرحله : بشر ايش قال فيصل موافق والا راح يخرب علينا .. ؟!
رد علي وهو ياخذ علبه العصير اللي بيدي ويقول : لا وافق .. بس يقول يومين مو اكثر تدرين العالم دوامات واحنا مو مثلكم اجازاتنا صعب تطلع ..
ابتسمت له وانا اعطيه " كت كات " اكلته المفضله وقلت : خير ان شاء الله .. تدري انا تعمتد اسوي هالرحله ..؟ شفته يبتسم وهو يهز راسه ويقول : ادري ..؟
فتحت عيوني على كبرهم ايش دراه انا ما قلت لاحد ايش بسوي .. ههههههههههههههههههههههه ضحك وهو يقول
يعقوب: انتي زوجتي واعرف كل حركاتج .. واللي كنتي تسوينه وصل لي بدون ما تقولين .. العنود انتي كتاب مفتوح بس بعض الاوقات تكونين مغمضه عن اللي حولج .. ابتسمت وبعيوني الف دمعه بس ما حبيت اخرب الجو اللي احنا فيه وقلت
العنود: يعقوب والله احبك ..

****

السلام عليكم ورحمه الله .. السلام عليكم روحمه الله .. رفعت يدي بعد ما سلمت وخلصت صلاتي ادعي ربي يصبرني ويثبت ايماني ويعطيني القوة .. ويحفظ زواجي من عبدالله ..
ااااااااااااااااه يا عبدالله لو تعرف اشكثر احبك .. حسيت بالالم بصدري بالدقيقه اللي دخل فيها عبدالله جاي من صلاة المغرب ..
عبدالله :تقبل الله .. يالغلا !
تكلم عبدالله وهو يحط الاغراض على الطاوله وقفت وانا افصخ جلال الصلاة وارد عليه : منا ومنكم صالح الاعمال والنيات ..
ابتسم وهو يقعد على اقرب كرسي ويقول : ليش ما صليتي بالحرم الجو كان حلو ..
الجازي:ما قدرت احس بالالم بصدري مادري بطني ..
خفت انزل ويزيد علي .. وبعدين ايش هالاغراض ..
نظرات عبدالله كانت اتجاهي وهو يكلمني : خلج من الاغراض وقولي ايش بلاج .. من شنو هالالم ..؟
هههههههههههه ضحكت وانا رايحه صوبه واحط يدي على كتفه وانزل راسي قرب اذنه واهمس : احتمال تكون الدوره الشهريه .. اصلا المفروض تكون جايتني من اسبوع .. بس تاخرت !!
عبد الله :اهاااا .. متاكده من الكلام اللي تقولينه والا نروح للدكتورة تكشف عليج .. !!
وقف عبدالله وهو يمسك يدي اللي على كتفه وكمل كلامه
: خليني أتطمن عليج .. طيب !
ابتسمت له من جديد وانا اقوله : طيب والا يهمك بروح البس عبايتي ونطلع .. بعدت عنه بعد ما باس يدي احبه والله طيب وحليو وحنون يا رب خلني اسعده يارب .. اخذت العبايه وطلعنا من الفندق للعياده القريبه من السكن ودخلنا وسوينا الاجراءات الازمه مثل عقد الزواج .. وفحوصات طبيه لي مثل قياس الحرارة والضغط حتى عينه من الدم خذوها مني وعقبها قعدنا ننطر .. الجازي ....... ال ......... صوت الممرضه وهي تناديني خوفني مش عارفه ليش بس وقفت وانا اقول لـ عبدالله: انطرني مو تروح ؟!
رحت وراء الممرضه اللي دخلتني مكتب الدكتورة وقالت قبل لا اقعد : انتي من قطر .. ! هزيت راسي وكملت كلامها بعد ما قعدت وقالت : ايش تحسين فيه ..؟ قلت لها الاعراض اللي حسيت فيها من اسبوع وبعدها قالت بدون تردد وبكل ثقه
: طيب مبروك .. اصلا انتي حامل من شهر ونص ..؟
ابتسمت لي وانا انصدمت وقالت لي قبل لا اتكلم : شكلج منصدمه ليش ما تبين الجنين ..؟ قلت وانا مش مستوعبه الفكرة
الجازي: اصلا الانجاب عندي شوي صعب بسبب الهرمونات ..
قالت الدكتورة اللي كانت مبتسمه لي : عارفه هالشي لان تحليل الدم بين هالنقطه عندي بس ربج اذا ارد شي يقول له " كن فـ يكون " احمدي ربج على النعمه والحين يالغاليه هذي الوصفه راح تساعدج بالفترة الاولى من الحمل طيب اخذيها على طول واذا رجعتي قطر شوفي طبيبه علشان تعطيج ادويه ثانيه طيب ..
هزيت راسي لها بعد ما شرحت اللي تبيه مني طلعت من عندها وانا احمد الله واشكره ورحت عند عبدالله وقفت كان يطالع يدي وقال : هذي ورقه الادويه خليني اصرفها .. حتى ما سال ايش فيني!!
مسكت يده اللي مدها علشان ياخذ الوصفه اللي عندي وقلت : عبد الله انا حامل ..

*****

...؟! ليش اطالعني جذي ..؟ ترى صار لك وقت وانت سرحان فيني ..؟
...؟! اااااااااااااااه يا قلبي .. ليش تعذبيني ..!
...؟! انا اعذبك .. افااااااااااا صج اني قليله ادب .. ههههههههههه حبيبي خلاص عاد ترى اعصب ..؟
...؟! طيب خلاص والا يهمج اطالع السقف .. !!
هههههههههههههه ضحكت على محمد اللي كان يراقب حركاتي من اول ما رجع لين الحين .. طالعت الساعه وانا اقوله : يالله اطلع الحين راح تقوم صلاة العشاء وانت عندي ..
رجع نظراته لي وهو يوقف وحسيت انه شوي معصب وهو يقول : ليش دايما تطرديني .. انا اعرف ان وقت الصلاة بعد 5 دقايق ..
انتي فيج شي ما تحبين وجودي نفس قبل .. سكت وانا اسمع الكلام اللي صدمني كنت قاعده على الارض ارتب اللعبه مع ابراهيم بس بعد كلامه هديت كل شي من يدي وقفت على طول وانا مش مستوعبه كلامه ورديت عليه بـ هدوء : حبيبي انت غلطان .. انا ما ابيك تعطل نفسك علشاني .. يا قلبي انت حتى ربعك ما صرت تقعد وياهم .. يا عمري انا بخير والحمدالله والفضل بعد رب العالمين لك ولحرصك علي .. يا حياتي لا تفكر بالطريقه هذي لانك اغلى ما املك انت كل حياتي .. وبعدين انت تعرف ان نور خبرتني عن اعاده التحاليل وان شاء الله خير !!
تنهد بـ قوة وقرب مني ومسك يدي وهو يمسح على راسي بيده الثانيه وقال وهو يهمس
: اسف ما كان قصدي .. بس تضايقت من هالحركه خصوصا اني صرت اشوفها تتكرر اكثر من مرة .. حبيبتي بدون دموع الله يخليج .. ابتسمت له ومسحت دمعتي اللي بين رموشي وحضنته وبـ نفس الوقت وقف ابراهيم وحضنا .. ههههههههههههههههههههههه ضحكنا عليه وعلى عفويته .. نزل محمد له وشاله من على الارض وقال

: هذا اذا كبر راح يصير شيخ الشباب .. كل شي فيه وبـ يصير الكل بالكل صدقيني .. ههههههههههههههه ضحكت من جديد وانا اشوف فخر محمد بولده شلون يحبه حيل ودوم معاه ما يخليه بروحه ويحاول يكون الاب المتواجد 24 ساعه .. بست ابراهيم اللي بدء يسوالف كالعاده باشياء اللي نفهم ربعها وباقي الكلام ضايع ..
حط محمد ابراهيم على الارض بالوقت اللي كنت اقول : اكيد مو ابوه محمد .. وقبل لا اكمل كلامي سحبني محمد بهالدقيقه وهو يبوسني بـ قوة ويضمني اكثر لصدره كانه يعبر عن اسفه من جديد وهو يردد احبج واموت فيج وصدقيني راح اعشقج العمر كله .. واول ما بعد عني قلت وانا اتنهد من كلامه وحركاته الحلوة معاي
ندى: حبيبي روح توضا للصلاة من جديد لانك ابطلت وضوؤك ..

****

يااااااااااااااااااااااااااااااااااااااااااااااااا اااااا عالم .. عندي لك خبر طازج ..؟ هههههههههههههههههههههههههههه ضحكت الخبله هذي مو صاحيه ..
كنت اشوف ندى اللي كانت تنقز يمين ويسار تبي تخبرنا بشي واصلا احنا عارفين ان ابوي وافق على الطلعه معاها للشاليهات ..
ضحكنا كلنا واحنا قاعدين على الارض وبالحوش بعد صلاة العشاء اجتمعنا كلنا لان الجو حلو ويرد الروح فـ حبينا نغير جو الصاله .. قالت صافيه وهي تاخذ ابراهيم من ندى : قديمه ندري ان ابوي وافق على طلعتنا ..؟
وقفت ندى وهي تحط يدها على خصرها واطالع محمد وتقول : صج خاين بس مو مشكله .. ههههههههههههههههههههه ضحكنا كلنا على تعليق ندى العفوي وعقبها تكلمت تكمل كلامها وتقول : احم انتوا كم واحد ..؟ خلوني احسبكم !!
رفع ابوي راسه وهو يحط نفسه معصب وقال : ندى .. عيب يالله قولي ..؟ هههههههههههههه ضحكت ندى وقالت
: لا يا يبه لازم اضمن حقي ..
اصبروا خلوني اعد .. امممممممممممم امي وابوي ومحمد و ولده ابراهيم وراشد وموضي ولدكم محمد .. وصافيه و وضحى .. يعني انتوا 9 اشخاص .. كانت تحسب على يدها واحنا نضحك عليها .. وعقبها قعدت جنب زوجها وهي تقول : يعني كل واحد يعطيني الف ريال على البشارة ..؟
تكلمت بعد ما شفت ندى تفتح يدها علشان نحط لها الفلوس وهي تبتسم بكل نعومه للكل
: بس احنا نعرف ان ابوي موافق ليش نعطيج البشارة ..؟ هالبشارة قديمه وانا اعرف ان محمد اللي هو زوجي راح يقولكم ..
بس البشارة اللي عندي غير غير .. والله !!
تكلمت ندى واحنا مستعجلين على اللي عندها وعقبها قالت : الجازي .. احم مرة اخوي عبدالله العزيز .. حاااااااااااااااااااامل ..؟
وااااااااااااااااااااااو ..
ههههههههههههههههههههههه .. هيييييييييييييييييييييه
هذي كانت اصوات صراخ الجماعه او اهلي من الفرحه الكل كان مبسوط على الخبر الحلو .. ورفعت يدي للسماء وشكرت الله على التوفيق والبركه اللي عطاها الجازي ..
محمد اخوي مسك ندى وهو مستانس اكثر منا وقال : من قالج ..؟
كنا واقفين واحنا ننطر الجواب منها وهي تضحك وتقول : شوفوا اشكالكم ..
امممممممم عبدالله اخوي كلم امي وهي خبرتني وانا خبرتكم .. مبروك والله تستاهل .. قعدنا كلنا محمد مع ندى وبحضنها ابراهيم .. راشد جنب موضي وبحضنه محمد الصغير ..
امي وابوي يتهامسون ويضحكون وهما مبسوطين .. انا وصافيه قعدنا نراقب الاجواء اللي عندنا واحنا طايرين من الفرحه ..

الجزء الأخير ،،
اليوم الكل فيه مبسوط ومشتط وفرحان.. اليوم الجو غير عن كل الاجواء .. اليوم يجمع العائلات كلها برحله تنقي فيها الروح والذهن والقلب .. مجموعه من الأهل تكونون من بيت أم عبدالله ويضم : ام عبدالله وعبدالله والجازي وطبعا نور .. بيت ابو محمد ويضم : ابو محمد وزوجته و وضحى وصافيه .. راشد وزوجته و ولدهم محمد الصغير .. محمد وندى وإبراهيم الصغير.. وبيت فيصل ويضم : فيصل واسماء وندى الصغيرة .. وبيت بو سالم ويضم : يعقوب والعنود وسالم ونور الصغيرة وموزة ..
****
وياااااااااااااااااااااااااااااااااي على هالجو يهبل يجنن الله عليه الله .. صوت صافيه وهي تصارخ وتركض من غرفه لغرفه بالشاليه وتحاول تكتشف المكان .. كنت اراقب كل تحركاتها وانا اضحك على خبال اختي .. صج ان ابوي ما يطلعنا وايد بس مو لهدرجه اللي تحسس العالم ان احنا ما شفنا خير ..
ابتسمت وانا اطلع الصاله الكبيرة واللي اكثرها كنب وكراسي وطاوله الطعام قريبه من المطبخ اللي نلقاه على جهه اليسار من الشاليه وجنبه "الله يعزكم "حمام وطبعا الباب الرئيسي بالوجه اول ما نفتحه يكون الشارع على طول .. طلعت من باب الشاليه رايحه شاليه ندى ومحمد ..
لان المتزوجين بروحهم باستثناء نسيبنا عبدالله معاه نور وامه ..
ابتسمت وانا احاول اتذكر أي صوب او أي رقم هو شاليه محمد اخوي .. وبالاخير قررت اروح على اليمين فتحت الباب وكان الهدوء يعم المكان استغربت وين العالم ..
ولاحظت ان الشاليه واحد بالتصميم ما فيه أي اختلاف وانا احوس ادورهم رحت فوق الطابق الثاني ونزلت الطابق الارضي وطبعا ما لقيت احد رحت صوب المطبخ وفتحت الثلاجه وانا اسولف مع نفسي : هااه يا وضحى وش راح تسرقين من الغاليه ندى ..
امممممممممم كنت افكر وقدامي عصير ندى برتقال والثاني كان غدير ..
ابتسمت ومازلت اسولف مع نفسي : اكيد ندى بدون واحد او اثنين .. واول ما صكرت باب الثلاجه ولفيت طاحت عيوني بعيون كبار متكحله تراقبني وانا اسرق .. بس لحظه من هذا يا ويل حالي انا ايش هالفشيله ربي ستر اني حاطه الشيله زين وقلت بـ خوف : انت من ؟!
ابتسم وهو يرد السؤال لي : انتي من !!
يه صج هالولد غبي الصراحه مو ولد الا رجال يهز المجالس ..
انتبهت اني اطالعه وهو بعد يطالعني استحيت على وجهي وقلت : اطلع برع مو عيب تدخل بيوت الناس وتراقبهم .. في هالثانيه كنت راح اذوب وانا اشوف ابتسامته مع صف من اللؤلؤ وهو يقول
: اختي هذا الشاليه لزوج اختي اسماء .. انتي المفروض تطلعين صح !!
انحرجت ونصبغ وجهي الألوان وصار اشارات مرور وانا اقول
: بس هذا شاليه اخوي محمد !! شلون صار لفيصل ؟! كنت افكر بالدقيقه اللي هو رفع حاجبه المرسوم بدقه
وقال : وانتي شلون تعرفين فيصل ؟!
شفت ان السالفه راح تطول فـ قررت اني اخلص الموضوع وقلت : فيصل يصير اخو ندى مرت اخوي محمد من الرضاعه ..
شفته يبتسم وعقبها قال وهو يرفع راسه لي وكان يطالعني من فوق لين تحت كانه يقيمني ويقول : اهاااا انتي اختي محمد .......... ال ....... ونعم الرجال والله ..
طيب انا بدر اخو اسماء وتشرفت فيج يا ...
بس انا قطعته وقلت : طولنا القصه وهي قصيرة .. مشيت جهه الباب واول ما شافني قربت صوبه بعد على طول وهو يقول : حياج الله ..
ابتسمت على كلمته بعد ما عديته وطلعت ركض صوب الشاليه وانا اسمع صوت ندى تناديني من الشاليه اللي على اليسار ..
رحت عندها وانا اتنفس بصعوبه من الركض .. شبلاج تركضين ..؟
ندى:وضحى شفيج وجهج صاير احمر ويه اسملى عليج اقعدي ..!
قعدت وانا امسك قلبي وما اعرف ليش ادمعت عيني ..
وقلت لندى : من بدر ..؟ طلعت عيون ندى على برع وهي تحط يدها على شفايفي وتراقب باب الحمام "عزكم الله " وقالت : عمى يعمي العدو شبلاج محمد بالحمام ..
كانت تهمس وهي تكمل كلامها :أي بدر تقصدين لاني اعرف واحد بس و يصير اخو اسماء الصغير ...
شفت ندى ترفع حاجبها نفس ما سوى بدر وهي تقول بكل استغراب: بس انتي شدراج ..؟
رفعت عيني على الباب اللي فيه محمد اخوي وقلت : صغير بعينج .. اللي شفته رجال يقول للباب قوم وانا اقعد هذا اولا .. وثانيا وين شفته هذي قصه طويله شرايج بالليل نتفاهم فيها ..
هههههههههههههههههههههه ضحكت ندى على كلامي وهي تقول : شكل العصفور طاح وما احد سمى عليه .. ابتسمت لها وانا اقوم من مكاني وارد عليها : ليش شفتيني روميو اللي عندج .. ههههههههههههههههههههههه ضحكنا بالوقت اللي طلع محمد فيها من الحمام وحبيت اكون مؤدبه واستئذانت منهم وطلعت وانا مبسوطه على اللي صار ..
***
تحط الاغراض بالثلاجه وترتب المكان يا داخله يا طالعه لين حسيت بـ الملل وقلت وانا منسدح على بطني على الكنب : طيب وين اليهال ..؟ لا تقولين نايمين !! لفت علي وهي ما زالت تشيل باقي الاغراض وتقول : يعقوب انت كسلان هالايام قوم سوي شي .. حرك الدورة الدمويه اللي عندك والا العمر له دور .. هههههههههههههههههههههههههههههه ضحكت من قلب على كلامها وهي معصبه تجنن هالبنت والله ..
عدلت جلستي وانا اكلمها بصوت عالي لانها دخلت المطبخ تحط اخر شي بيدها وقلت : عرفتي ان بدر نسيبكم رجع بالسلامه وهذا هو عند فيصل ..؟
طلعت بسرعه من المطبخ وهي مبسوطه وتقول : من صجك .. قرت عين اسوووم برجعته !!
انزين واذا قلت لج ان فيصل هو من جابه وطلب منه يرجع لمده اسبوع يريح قلب زوجته فيهم !!
تكلمت وانا اشوف العنود تقعد على الكنب وهي تنظف بنطلونها وتقول
: ما شاء الله على اخوي صاير رومانسي ويخاف على مشاعر المدام ..
الصراحه كل يوم اكتشف شي جديد في فيصل ..
شفتها وهي تحط راسها بحضني وتكمل كلامها : اليهال عن اسوم مطلعتهم الحديقه اللي وراء الشاليه مع فيصل .. واذا تبيهم روح وراهم انا جسمي متكسر وابي اريح شوي ..؟
عورت قلبي وانا اشوفها تغمض عيونها بحضني فـ حبيت اسوي نفسي رومانسي قعدت اقولها: حبيبتي ما تبين نتمشى برع انا وانتي على بحر ..
هزت راسها بلا وهي تتثاؤب وتقول
العنود: حبيبي والله تعبانه وحيلي مهدود من الصبح قايمه والطريج طويل لين وصلنا واليهال مسوين ازعاج .. وحتى يوم وصلنا اشتغلت ورتبت الاغراض خلني على حضنك شوي والا تعبان من راسي ..
ههههههههههههههه ضحكت عليها وانا امسح على شعرها واشده بيدي وارد عليها : انا يا الظالمه حرام عليج .. انا اتمنى اليوم اللي تكونين فيه بحضني .. بس قولي لي متى ننزل لهم ونجتمع الحين الساعه 2 ونص الظهر .. تنهدت وهي تحاول تحط يدها على عينها علشان تمنع نور الشمس يدش عينها وتقول : قالوا بعد صلاة العصر يعني بعد ساعتين ونص .. لما يرتاحون راح يطلعون .. يعقوب اسكت شوي ابي انام !!
كسرت خاطري وسكت عنها بس لاحظت انها ضعفانه الفترة اللي راحت فـ حبيت اكون طيب معاها عدلت نفسي علشان هي ترتاح بحضني وبديت اقول لها قصه وحبيت تكون من الواقع علشان ما تضحك علي
فـ تذكرت قصه اعرفها من زمان وبدت فيها :
(( كان يا مكان في قديم الزمان في قطر دوحه الخير عاشوا 3 شباب احلى قصه صداقه عرفتها الدنيا تعرفوا على بعضهم من الصغر ..
اول واحد من هالشباب اسمه جاسم ولد تاجر كبير له سمعته بالبلد وفلوسه تعيش عايله من 20 شخص .. ويمكن اكثر ..
سمعتها تقول وهي تعدل نفسها بحضني : طيب اسمعك كمل ..
ابتسمت لها وانا امسح على شعرها واكمل :
والثاني اسمه راكان شاب عادي وحالته الماديه زينه يعني متوسطه بس ولد جدي ماله بالمزح والابتسامه قليل ما تطلع او يشوفونها ربعه على شفايفه ..
اما اخر واحد اسمه يعقوب انسان حالته الماديه تعبانه والحاله لله بس صابر وانسان صاحب ضحكه وبسمه مع ان اللي يعيشه مو شوي بس متوكل على الله ثم الله ثم الله ..
كنت اتكلم والاحظ انها تستمع لكل كلمه وتفكر بكل الاحداث لدرجه انها تفاعلت مرة تعصب ومرة تضحك ومرة تصيح على اللي كنت اقوله ..
لين اذان علينا العصر وقمنا نتوضأ ونصلي علشان نطلع ونرتب للقعده برع على العشب ..

***
اشوف فيصل وهو يركض وراء اليهال صج مو صاحي كل ما اقوله اقعد يقولي لا وناسه احس اني رجعت
بـ سنهم .. وعقبها راحت نور وسالم عنه صوب السياير يلعبون اما موزة فـ خذها خالها مني وقعد على الارض وهو يحذفها فجاءة بالهواء ويخليها تموت من الصياح وتصارخ باقوي ما عندها .. اما ندى الصغيرة فـ كانت عند الكبيرة ما رضت تطلع بالشمس .. خايفه عليها وما ترضى احد يزعجها صج دلوعه ..
تكلمت وانا اسحب موزة بنت العنود عندي
واقول: فيصل حرام عليك بتجيب لها ذبحه صدريه ..
ههههههههههههههههههه ضحك فيصل وهو ما زال ماسك يد موزة ويعضها مرة ويبوسها مرة ويقول : فديت سميت امي !
حياتي هالصغيرة ياربي احبهااااااااااا .. سحبت موزة مرة وحده لحضني والصغيرة كانت تحضني بـ قوة من الخوف وقلت : حرام عليك شوف شلون خايفه منك ..؟ ابستم لي فيصل وهو يطالع وراي وهو يقول : قلبي خلج من موزة .. لو قلت لج ان السيد بدر ...... ال ....... وقف وراج ايش راح تعطيني .. !! هههههههههههههههههههههههه ضحكت من كل قلبي وانا اشوف حركات فيصل وكلامه اللي يعقد وقلت
اسماء: حبيبي شبلاك مريض بدر ما راح يجي الا على الصيف .. واذا لفيت وما لقيت احد عادي اضربك في بنت اختك .. لفيت وانا ما زالت اضحك على فيصل وكنت اضم موزة بصدري عدل علشان احذفها على خالها بعد ما اتاكد .. بس لحظه !!
مش عارفه كانت لحظه هدوء والهواء هو الوحيد اللي كان ينطق .. ما كنت اسمع صوت اليهال وهم يصارخون احس ان الدنيا وقفت باللحظه اللي كنت اشوفه أي اشوف بدر واقف وراي ويضحك لي وهو لابس بدله جينز غامق وتي شيرت ابيض نص كم ومكتوب عليه “Doha” بالازرق الغامض وشعره واصل نص كتفه وعارضه مرتب بشكل حلو .. ما كنت متخيله او مصدقه ان هذا بدر لين قال
بدر: شدعوه ما راح تسلمين علي والا سي فيصل غط الجو علينا ..!
يارب ارحمني صوته وربي صوته ما قدرت امشي والا حتى اقول شي وقف فيصل جنبي واخذ موزة مني وقال
فيصل: هذي مفاجئتي لج روحي لاخوج ..
اول ما تخلصين من الفلم الهندي احذفيني بـ موزة .. طيب ..
بدون مقدمات انفجرت ضحك على كلام فيصل وانا اركض صوب بدر وحشني والله وحشني ..
كان فاتح لي يده وهو يبتسم لي حضنته بقوة لصدري اغلى ما املك قدامي اخوي وصديقي وحبيب قلبي بحضني .. كنت اصيح وانا اضحك وبـ نفس الوقت اضمه لصدري ..
تكلم بدر بعد ما بعدني عنه علشان يسلم على فيصل وهو يقول : اخبار النسيب ..؟ رد فيصل وهو يطالع ساعته ويقول
فيصل: بخير جعلك بخير ..بس ليش تاخرت توقعت تكون هني من نص ساعه ..؟ ابتسم بدر وبينت بعينه نظرة غريبه علي وهو يقول:
بدر: كنت بالشاليه كنت احسبكم هناك ..؟ بعد السلام واخذ الاخبار قعدنا على الارض وبدينا نسولف عن كل شي واي شي وخصوصا عن بدر واسبانيا واهل البحرين وخليفه الصديق الجديد لبدر لين جاوا باقي الاهل وهم مبسوطين بشوفه اخوي ..

***
حركات يده مدروسه ومحفوظه وهو يتكلم .. انا اسعد انسانه بـهالعالم احبه احب كل شي فيه كنت اراقبه وهو يتكلم مع امه ونور ويشرح شلون كان الطواف وجو مكه .. احسه مرتاح ومبسوط وراضي وهذا اللي مخليني احس بالرضا مسكت بطني وانا متاكده ان هالبيبي راح يكون اسعد ما دام عبدالله هو ابوه .. ضربه خفيفه على كتفي خلتني اصحى من حلمي وانا اشوف ابتسامه نور لي وهي تقول بـ همس
:الله على الحب اللي طالع من عيونج يالجازي ..
ابتسمت لها وانا امسك يدها واقول : يالله يا جماعه ترى الكل ينطرنا برع .. الساعه الحين 4 ونص ..! وقف عبدالله وهو يساعد امه على الوقفه ويسند لها علشان تمشي وياه اما نور مشت جنبي وانا امسك يدها واقول بصوت هامس وعبدالله يمشي قدامنا : احبه يا نور .. ليش ما عرفته من قبل .. كنت غبيه يوم كنت البنت الطايشه .. بس الحمدالله ربي راضي علي وايد والدليل عبدالله واهله والبيبي .. هههههههههههههههههههههههههه ضحكت نور بصوت عالي وهي تشوف انفعالي الواضح وضحكت معاها وصلنا وشفت اسماء واليهال واثنين من الشباب بس ما عرفت من هم لين لف فيصل يسلم على خالته وعلى عبدالله وقفت البسمه بـ شفايفي ومسكت يد نور بقوة وضربات قلبي بدت تزيد بشكل غير طبيعي .. هذا فيصل اللي حبيته قبل او تجاهلت حبه مسكت نور يدي وهي تقرب مني اكثر وتقول : وقفي انفعالج ترى عبدالله مو طاير وشوي شوي على نظرات عيونج وخلي الرجال يعرف يعيش بدون احراج انتبهت لكلام نور وانا اقول لنفسي
" الحمدالله انها ما تشوف شي ثاني " والكل كان يضحك على خالتي واسماء ونور رفعت عيني من جديد بس هالمرة لعيون عبدالله اللي كان يطالعني وهو يبتسم بكل حب لي ..
بهالحظه عرفت ان الحب اللي شفته او حسيته ما كان الا لعبدالله رن جوالي بنغمه رساله مسكت الجوال وانا اسمع سوالف البنات وخالتي ام عبدالله اللي كانت تسال عن اهلي وانا ارد عليها : الحين جاين !!
وبـ نفس الوقت افتح الرساله اللي كانت من عبدالله ومكتوب فيها كلام احرجني :

كون يمك الف هنياله اليوم من قعد هالليله يمك ..
انا احبك واحب كل حرف باسمك وانا احس يجرى سوى دمي ويا دمك ..
وكون يمك ..كون احضنك كون ابوسك كون اشمك كون احط راسي على صدرك كون اظمك
انا الي تمنيت ابوسك وانا الي تمنيت اشمك وانا الي تمنيت احط راسي على صدرك بلكي خدي يزيح همك
ناري ما تطفى ولا نارك طفت ..وعيني قبلك تبجي إذا عينك بجت
الي متى يا حبيب تظل من أيدي تشطر وألمك
اليوم قلبي لبابكم بالليل أخذني واسمع اهلك كلهم ملطمين يمك ..
انت بطرف لساني ولا اقدر اصيحك واهلك براحتهم يصيحون باسمك ..
كون يمك والله لو تعرف بحالي قلبك يركض على الباب قبل جزمك ..
اذكر ايام اسألتني من يحب محبوبه اكثر ومن اقلك انا اكثر تنقهر ويفور دمك ..
كون يمك ..واذكر ايام على بابي جيتني محمل هموم ومن شفتني تبسمت وانزاح همك
كون يمك ..وهسه جيتك من دموعي تخيل يمك ..
اليوم روحي تعاندت وياي وتريدك حبيبي ..بيا طريقه اوصل إلك وشلون افهمك
..كون يمك الف هنياله الي قعد هالليله يمك ..كون يمك
احبج يالجازي
حسيت بكل انواع الاحراج وانا ارفع عيوني له من جديد وهو يطالعني ويبتسم وكل حركه منه او من شكله تخلي قلبي يضرب بالثانيه مليون ضربه .. ما انتبهت لاهلي اللي جاوا وقعدوا جنبي والا لندى اللي كانت تكلمني لاني عشت غرام عبدالله وانا اشوف عيونه بس ..
***
كنت مرتبك وانا اشوفها ما بين البنات احس انفاسي تطلع مني حارة وجسمي يرتجف احاول ابعد نظراتي عنها بس مو قادر .. في شي يجذبني لها وبشكل كبير كنت اسرق النظرات لها وهي تضحك او تعدل شيلتها او حتى وهي سرحانه بنظراتها للارض كنت ابي اعرف اسمها حتى لو كان اول حرف منه وبـ نفس الوقت كنت خايف احد من اخوانها يشوفني وانا اراقبها .. ااااااااااااااه يا قلبي طلعت غصبن عني بـ نفس اللحظه اللي حط فيصل يده على كتفي وهو يهمس لي ويقول : سلامتك من الاه وانا اخوك ..؟ قول شفيك !
رفعت راسي له وانا مستحي ومنحرج من نفسي اليوم بس اليوم شفتها وانا مهزوز مش على بعضي وخفت أي احد يشك فيني وفقت وانا اقول : بعد اذنكم شباب شوي ابي فيصل بكلمه راس ..
وقف فيصل بعد ما اذنوا لنا مشيت قبله وهو وراي كنت امشي صوب سور البحر وقفت انطر فيصل يجي جنبي واول ما حسيت فيها سكت لمده خمس دقايق وعقبها قلت
بدر: تذكر يا فيصل يوم قلت لك واحنا على البحر ان اسوم تبي تزوجني وانا خايف على البنت اللي راح تاخذني وانا ما اقدر اجيب عيال والامل عندي ضعيف بشوفه ولد او بنت لي .. وقفت عن الكلام من جديد علشان ارتب اللي ابي اقوله وبديت : تذكر يوم طلبت منك توقف معاي وانت طلعت اخ لي وقدرت توقف اسماء عن طلبها !! اذكر أي اذكر يا بدر .. بس ايش اللي خلاك تقول هالكلام الحين .. ايش المناسبه ! تكلم فيصل وهو يطالعني بالوقت اللي كنت اطالع البحر تنهدت وقلت وانا احس بطعنات بقلبي لاني مش مصدق الاحساس اللي احسه : لقيتها ..! البنت اللي اتمناها لقيتها يا فيصل بس خايف والله خايف .. لفيت عليه وانا اشوف ابتسامه حلوة على شفايفه وهو يقول
فيصل: توكل على الله .. وخل ايمانك بالله قوي والزواج نص الدين وانا اخوك ..
ارتاح قلبي بكلامه الحلو والطيب لفيت اطالعه من جديد بس هالمرة وانا منحرج اكثر من قبل وقلت : تدري ليش تاخرت اليوم وما جيتك بالحديقه بدري .. هزا فيصل راسه بلا وهو ينطرني اكمل وقلت بعد فترة : رحت الشاليه احط الشنطه عند الباب بس حسيت بـ حركه غريبه بالمطبخ ابتسمت وانا رايح صوبه لاني توقعت اسوم واقفه فيه .. بس اللي شفتها كانت ..!!
ايش اقولك يا فيصل كانت عذاب تسولف مع نفسها وتقرر ايش تاخذ من الثلاجه صوتها كان حلو وهادي وناعم .. تصدق بدل لا اطلع وقفت متخشب على الباب اللي تسندت عليه بكل ثقلي وانا اشوفها ..
اول ما لفت انصدمت فيني بس انا انصدمت بعيونها و وجهها الملائكي .. فيصل ما اعرف ايش اقولك .. تكلم فيصل وهو يمسك كتفي ويقول : كنت تراقبها ..؟!
تكلمت بسرعه علشان ما يفهم غلط وقلت : مو بيدي يا فيصل هي خافت مني وانا خفت من نفسي عليها .. ياما شفت بنات وخصوصا باسبانيا والا وحده حركه اللي بداخلي .. حاولت اكلمها صدتني ويوم سالتها انتي مين هاوشتني وقالت انت من ..؟
او ما عرفت ان اسماء اختي قالت انك نسيبهم بهالحظه كل اللي عرفته انها اخت محمد نسيبكم ؟؟ فتح فيصل عيونه وهو يمسك كتفي ويقول : ايش اخت محمد !
كنت حاس انه خايف بالوقت اللي وقف محمد عندنا وهو يقول : شفيها اختي ! لفينا صوبه والكل مرتبك وخصوصا فيصل اللي كان على وشك انه يتكلم بس وقفته بصوتي وانا اقول : ابي اقرب منك .. علشان جذي سالت فيصل وقلت له ايش شرايك اخطب اخت محمد ..!
***
دخلت وانا متاكد اني تاخرت على الجماعه الساعه الحين 7 ونص بالليل والبواب قال ان رقم الشاليه الخاص بـ يعقوب 12 وقفت سيارتي بالمواقف ونزلت مع شنطتي الصغيرة ومشيت وانا اطالع الناس اللي يسوالفون واللي يلعبون مع عيالهم واللي يمشون على البحر.. ومع كل ضحكه اسمعها كنت اضحك معاها ما اعرف ليش بس كنت مستانس اني بـ قطر .. وقفت عند الشاليه رقم 12 وطالعت الباب المفتوح خذت جوالي وركبت الدرج وبديت اتصل بالعنود كنت اطالع الجوال ومش منتبه للي قدامي
ضربت بـ جسم صغير وطاح الجوال من يدي ومسكت السور اللي قريب من يدي علشان ما اطيح واثبت نفسي عدل بس الجسم اللي ضربته ثقل حركتي لانه طاح فوقي وانا احاول امسك السور باقوى ما عندي ..
كنت اخذ نفس قوي واحاول ابعد اللي بحضني بـ نفس الوقت اللي بحضني يحاول يخلص جمسه من يدي وفجاءة طاحت عيني بعيونها ..
وقفت xxxxب الساعه عندي عقلي ما قدر يستوعب الفكرة وقلبي طلع من صدري وانفاسي ضاعت مع الهواء اللي سحبها من اقصى صدري !! نور كانت بحضني وبيدي نور !! طلعت اااه منها وهي تحاول تكون طبيعيه وهي تبتسم وتحاول تغير نظرات عيونها عني وقالت
نور: عبدالعزيز .. الحمدالله على السلامه .. اممممممم شلونك ومتى جيت ..؟
كنت افكر ارد عليها او اسكت واخلي الوقت يمر وعيوني عليها اشتقت لها مووووت والشوق ذابحني ..
تنحنحت وكحيت وكل شي سويته و بعد بعدت عنها ونزلت كم درجه علشان تفصل ما بينا وقلت
عبد العزيز: الله يسلمج .. انا بخير ولله الحمد .. ومتى وصلت امممم اعتقد من ثواني بس ..!
ابتسمت وهي تبتعد عن الباب وتقول : حياك ادري انك تعبان وتبي العنود الحين بناديها لك ..؟ دخلت الشاليه بـ نفس اللحظه اللي طلعت فيها نور صوب الحديقه كانت تمشي بكل ثقه وخطواتها ادل على شجاعه غير طبيعيه فيها .. ابتسمت لنفسي ودخلت وانا اراقب الشاليه وشلون تصميمه قعدت على اقرب كنب لاني فعلا تعبان من الطيارة والخط الطويل اللي جيت منه .. وااااااااااااااااااااااااو عزوز حياتي وحشتني .. صوت العنود وهي تدخل مع نور الصغيرة خلاني اضحك على خبالها ..
ههههههههههههههههههههههه وانتي بعد وحشتيني وخصوصا هالقمر اللي وياج .. ضميت نور اللي كانت جايه صوبي وهي رافعه يدها وتضحك وتقول : بابا احبك وحشتني .. هههههههههههههههههه ضحكنا على دخلت فيصل اللي كان يراقب الاحداث وهو يضحك معانا وقال : حي الله بو الغاليه .. شلونك ..؟ نزلت نور وانا رايح صوبه حضنته ورديت : الله يحيك يا بو ندى .. انا بخير مادامكم بخير .. بلا سوالف فاضيه خالتي والجماعه كلهم برع ينطرونك يالله تعال بسرعه .. تكلمت العنود وهي تمسك يد نور وتطلع من الباب لحقتها مع فيصل واحنا نضحك على خبال العنود ونور ..
***
على الساعه 10 ونص وبعد ما تعشوا وناموا اليهال وامي توزعنا الي مجموعتين البنات بـ صوب والشباب
بـ صوب .. عند الحديقه كانت شلة البنات اللي كانوا يسولفون عن كل شي واي شي .. وصوت ضحكنا شايل المكان كله .. كنا قاعدين على شكل دائرة وانا اول من تكلم وقلت : لالالالالا من قال اصلا الحب شي حلو وانا متاكده الكل جربه .. تكلمت وانا اطالع العيون الزوجيه العشرة متوجه لي ..
ههههههههههههههههه ضحكت وضحى وهي تقول : ندى يا قلبي الحب اللي تقصدينه ما عشته وانا متزوجه ولد عمي والا عرفت الحب معاه ..
سكتت وضحى وهي تكمل وشكلها يكسر الخاطر : بس الحمدالله على كل حال ..
لفت العنود صوبي وهي تقول : عيل انا ايش اقول .. اللي عشت كذبه الحب وما طلعت منها الا بمصيبه .. بعد الحمدالله على كل حال ..
تنهدت وانا اسمع نور اللي قالت : وانا حبيت بس حبي طار بالهواء وشكلي بقعد طول عمري ادوره بالهواء ..
لفيت صوب موضي اللي ضحكت وقالت : وانا حبيت زوجج واللي كنت اشوفه الكل بكل بس نصيبي ما جاء الا مع راشد .. الله كريم ..
صوت اسماء قطع الكلام وهي تعبر عن مشاعرها : وانا بعد تزوجت عن حب من طليقي الاول بس الوضع والحاله اللي عشتها معاه كانت تكرهني فيه .. لين جاء فيصل وكل اللي عندي اشكر الله عليه ..
وبالاخير انطقت الجازي وهي تقول : حالي مو احسن من حالكم بس الحمدالله ..
ندى: باااااااااااااااااااال انتوا شبلاكم يعني الحين الحب اللي عندكم مو مكفيكم الصراحه ما عندكم قصه ..
تكلمت وانا معصبه عليهم وقلت : انا ندى .. اعترف اني حبيت عزوز بس حبي له كان بالوقت الغلط والزمان الغلط .. بس الحمدالله محمد اخذ حيااااااااااتي كلها ولو يامر عليها اهديه اياها بدون تردد ..
سكت وانا اشوف نظراتهم لي ابتسمت لهم وبديت اكلم وحده وحده وبديت بالعنود وقلت
: يالعنود علاقتج اللي كانت انتهت من حسيتي بالحب جهه يعقوب يعني زوجج الحين هو سر سعادتج ..
لفيت جهه نور وقلت لها : وانتي حبج ما زال موجود عيشي علشانه واثبتي لكل انج قد هالحب لا تضيعينه على شي تافه ..
اما انتي وكنت اكلم الجازي : ربي عطاج اللي كل بنت تتمناه مو علشانه اخوي لا بس فعلا عبادي طيب ويستاهل الطيبه اللي ماخذته ..
مسكت يد موضي وانا اقول : حب الطفوله مو عيب بس العيب انج تتمادين بالغلط وتركضين وراءه بس اللي اشوفه ان حب ولد العم والاخ هو اللي واضح بعيونج لـ محمد ..
اسوم انتي ربي عوضج صبر الايام اللي كانت مع طليقج فـ لله الحمد صبرتي ونلتي ..
خلصت من كلامي الموجه لاسماء ولفيت على وضحى وانا امسك يدها وقلت : الايام ما زالت معاج وانتي صغيرة وتوج على الهم وباجر راح تقولين ندى قالت ..
لاحظت انهم سكتوا وهم يطالعوني وكل نظرة من نظرتهم تعني الشكر والامتنان ابتسمت وانا اغني اغنيه شيرين بطمنك واقول :
امنتك عليا عشان لاقيتني مصدقاك ..وعدتك في وقت الجد جنبك هتلاقيني بسهر على راحتك وراضيه اتعب معاك.. وان متشيلكش الارض انا اشيلك في عيني.. بطمنك يا حبيبي من اولها..سكتنا لو عاندتنا هنكلملها دنيتنا لو تعبتنا من عمالها..بالصبر انا وانت هنستحملها على قدنا هنعيش مع بعضينا ..وحبنا من الدنيا دى يكفينا ده انت وانا ولا عمرنا اتمنينا..غير بيت صغير وباب مقفول علينا انا طول حياتي كنت بحلم لكي وبيك..ومابين ايديك كملت حاجة نقصة فيا من الدنيا مش طمعانة الافحبي ليك..واديني جايه بوعدك دلوقتي بيا انا طول حياتي كنت بحلم لكي وبيك..ومابين اديديك كملت حاجة نقصة فيا من الدنيا مش طمعانة الافحبي ليك..واديني جايه بوعدك دلوقتي بيا
بطمنك يا حبيبي من اولها سكتنا عاندتنا هنكملها دنيتنا لو تعبتنا من عمايلها ..بالصبر انا وانت هنستحملها على قدنا هنعيش مع بعضينا..وحبنا من الدنيا دى يكفينا ده انت وانا ولا عمرنا اتمنينا..غير بيت صغير وباب مقفول علينا
ضحكنا على بعض بعد ما كانوا يغنون معاي وبصوت واحد حسيت ان النفوس صارت احسن من قبل وخصوصا ان الكل كان يغني بضمير ربي يوفقهم ..
في مكان ثاني ودوله غير الدوحه .. بـ ارض الابراج ديرة الدانه الكويت ..
كنت انطرها تجي تنام جنبي بس هي خذت وقت طويل .. خفت صار فيها شي وخصوصا انها ادوخ بسرعه من الحمال نزلت من السرير ورحت صوب غرفه الملابس فتحت الباب وانا ادورها بـ عيوني .. لقيتها قاعده على السجاده ولابسه جلالها ورافعه يدها للسماء تدعي ربها .. ارتاح قلبي يوم شفتها بخير قعدت على كرسي التسريحه ونطرتها تخلص .. واول ما قامت قلت : تقبل الله ..؟
ردت وهي تبتسم لي : منا ومنكم صالح الاعمال والنيات ..
فطوم:شفيك تراقبني ..؟! هههههههههههه ضحكت وقفت رايح صوبها وانا اكلمها : خفت عليج .. تاخرتي قلت يمكن صار لج شي .. بس الحمدالله انج بخير ..
هههههههههههههه ضحكت ضحكه عذبه ناعمه اطيح الطير من السماء وهي تحط السجاده على الكرسي ورايحه صوب الغرفه وتقول : سعد شبلاك .. تراني بخير ولله الحمد .. !
لحقتها وانا اذوب بكل كلمه تقولها وكل تعليق وحركه وقلت : فطوم تدرين اني احبج ..؟
هههههههههههههههه بعد اضحكت وهي تعدل الملاحف وتقول بكل غرور : ادري ..؟ احسها تحاول تنرفزين بكلمه " ادري " قالت وهي تنسدح وترتب الوسايد تحت راسها : قول شي جديد .. ؟
هني انا انفجرت من الضحك عليها وقلت وانا انسدح جنبها واقربها مني ولحضني : تقهريني بس ايش اسوي احبج واحب الارض اللي تمشين عليها ..
سكتنا لفترة طويله وكل واحد يعيش افكاره يمكن افكارنا وحده بس كل واحد وطريقته لفت فطوم صوبي وهي تحرك يدها على صدري وتقول
فطوم: اليوم راح يجتمعون بالشاليه ... احس جمعتهم حلوة .. وتدري ان عبدالعزيز نزل الدوحه ؟
حضنتها وانا ارد وبـ عيوني نوم وقلت : ان شاء الله دوم فرحتهم عامرة .. واي ادري ان البوس عزيز راح قطر .. تكلمت مرة ثانيه وهي تبتسم لي : طيب متى راح نزور اهلي ..؟ رديت لها الابتسامه ورديت عليها
: تونا جاين من عندهم حياتي ما شبعتي منهم ..؟
لا ما شبعت ابي اقعد معاهم اكثر من اسبوع .. ليش ما تخليني عندهم شهر ..؟
تكلمت وهي تقعد عدل وتراقبني وقلت: شهر يالظالمه شهر .. ليش ان شاء الله ..؟ والا ما تبين تشوفني ..؟ هههههههههههههههههه ضحكت وهي تنسدح مرة ثانيه جنبي وترد علي
فطوم: سعد انت طول الوقت مشغول .. والحين عبدالعزيز بـ قطر يعني الشغل على راسك وما راح اشوفك الا وانت مهدود الحيل ..
كملت وهي تمسك يدي وتقول: انا عندي لك اقتراح وانت فكر فيه على راحتك طيب ..!! سمعيني شنو اقتراحج ..؟ رديت عليها وانا ابوس يدها اللي بيدي وانطر منها تقول اللي تبي .. قالت بعد ما باست خدي
: تخليني عن اهلي لفترة معينه علشان تشتاق لي اكثر شرايك ..؟ ههههههههههههه ضحكت عليها من كل قلبي ورديت وانا احضنها : يا قلبي انتي عندي وبين يدي ومشتاق لج عيل اذا رحتي ايش اسوي ..؟
ههههههههههههههههه ضحكنا مع بعض لفترة وعقبها سكتنا من جديد غمضت عيوني واسترخيت وبعد خمس دقايق بس تكلمت فطوم وهي تحط راسها على صدري وتقول : حبيبي ما فيني نوم .. لا تنام وتخليني بروحي ..؟ ما اذكر أيش قلت لاني رحت فيها ونمت بعمق ..
****
اشرقت الشمس بـ يوم وحياه جديده على ابطال قصتنا اللي استمتعوا برحلتهم للشاليه الكل كان يعيش اللحظه ..
كنت اراقب الجو شلون يا الله شكل السماء حلو ومنعش والهواء صج صج روعه والبحر بألوانه عجيب تنهدت بقوة وغمضت عيوني وانا اذكر لقاء امس بـ عبدالعزيز .. صوت جوالي العالي ازعجني وقف كل تخيلاتي رحت اخذه قبل لا يقيم امي " خالتي ام عبدالله " خذته بسرعه ورديت على المتصل بدون ما اشوف من وانا اطلع من الغرفه رايحه للصاله بالطابق الارضي ..
نور:الو نعم ..؟
...؟ صباح الخير .. شلونج دكتورة نور ..؟ رديت وانا ما زالت اركز على الصوت :
نور: صباح النور .. بخير والحمدالله .. من معاي ..؟
صوت الضحكه البسيطه اللي جاتني على الخط الثاني اثارت فضولي وقال : جاسم الدكتور جاسم .. اكيد ما راح تعرفيني وانتي الحين عايشه الجو البحري ..
ابتسمت على كلامه لانه يعرف شكثر انا احب البحر ,, صح الدكتور جاسم يعرف كل شي انا احبه يعرف عني اكثر من ما انا اعرف عنه تنهدت وقلت : وانت الصاج الجو عجيب يا دكتور جاسم ..
رد علي وهو يقطع كلامي وقال : جاسم بس جاسم !! ومدام انتي هناك اكيد انتي اللي مغيره الجو ..
ههههههههههههه ضحكت من قلبي يعرف شلون يغير مزاجي بـ ثانيه وقلت
نور: اسفه على السؤال بس متصل بهالوقت 5 ونص الصبح ما عندك عمليه .. ؟!
رد وهو ياخذ نفس قوي وقال : انبلا عندي بس تاجلت لين 9 ونص ..
وسبب اتصالي النتائج الطبيه للمريضه ندى .. سكت شوي وعقبها تكلم وهو يقول : ندى مريضه سرطان بالدم وهذا الشي مو جديد علينا .. بس الجديد انها تتقبل العلاج بشكل جيد وخصوصا الادويه " الحبوب" والاهم من هذا نفسيتها الصحيه .. انتي تعرفين ايش يعني هذا ..اكيد اعرف .. اذا المريض مرتاح واللي حوله يقدم له الراحه والسعاده اللي يحتاجه راح يتغلب على أي مرض .. تكلمت وانا افتح باب الصاله اطلع من الشاليه رايحه صوب البحر وانا امشي واسولف مع الدكتور جاسم عن حاله ندى والا مهتمه حق احد وقفت عند سور البحر واشوفه شلون يضرب على السور يعلن احتجاجه ابتسمت وانا ارد على السؤال اللي توجه لي من الدكتور جاسم : أي اكيد قدم اوراقي معاك لاني ناويه اخلص دراستي ببريطانيا .. طيب ان شاء الله مع السلامه ..
صكرت التلفون وانا ابتسم ما زال صوته وهو يضحك باذني سمعت اسمي لفيت على طول وشفت اخوي عبدالله والجازي جاين صوبي وهم يضحكون ويسالفون مع بعض ..
نور:الله الله على الكناري ..؟ تكلمت واانا رايحه صوبهم قعدنا على السور واحنا نسولف ..
عبدالله: نور مع من كنتي تتكلمين ..؟ سالني عبدالله وهو يمسك كوب النسكافيه بيده ويطالعني نظرة معناتها الجواب والا غيره ..
ابتسمت ورديت: الدكتور جاسم .. كلمني لان نتائج ندى وصلت وظهرت بـ نفس المرض ..
سكت وانا اشوف الحزن بـ عيون الجازي وكملت
نور: احنا نعرف من زمان ان ندى مريضه بس اللي ما كنا نتوقعه ان العلاج والجو العائلي اللي هي تعيشه هو اللي مساعدها على الضحكه ..
ولله الحمد ! طالعت ساعتي وقفت وانا اقول : والحين لازم اصحي امي واعطيها دواءها قبل لا تزعل علي ..
***
كنت اطالعها وهي تمشي واثقه الخطى كانها اميرة تحكم العالم بيد من حديد .. بس من داخلها قلب مجروح وحزين الله يعينج يا نور ..
الجازي:حبيبي عيونك لا تطيح ..
لفيت صوب الجازي اللي كانت تكلمني وضحكت من كل قلبي يوم شفت الغيرة بـ عيونها وقلت : لا تخافين ما احد سكن هالقلب الا انتي .. بس نور تكسر خاطري .. ابي اسعدها بس للاسف مو قادر .. مسكت يد الجازي اللي بدت تتكلم وعيونها مليانه مشاعر
الجازي: الحمدالله اللي ربي رزقني فيك وعطني بالدنيا فرصه واذا عن نور ربي راح ينور طريقها .. امين يارب امين ..
عبدالله:المهم عرفتي انها راح تسافر تكمل دراستها برع .. تكلمت وصوت البحر يضرب بقوه على السور .. ردت الجازي وهي توقف وتمسك يدي علشان اقوم : أي عرفت امس خبرتنا وحزنا بس ايش نسوي البنت عنيده .. وقفت ومشينا على البحر نسولف ونضحك ونختار اسم الولد او البنت اللي بالطريق .. كنت احس بـ سعاده غير طيبعيه وما توصف ويدي بيد الجازي مشينا لين تعبت الجازي وبدت تتسند على كتفي وتترجاني ارجع .. كسرت خاطري وقررت ارد مع اني ابيها تمشي علشان تتعود وصلنا عند الشاليه ودخلنا ولقينا نور تترجى امي الا تاخذ الدواء وهي رافضه ضحكنا على امي اللي تتغلى علينا ورحت جنبها وقلت
عبدالله: شدعوه يا ام عبدالله .. الحين البنت تحاول وانتي صادتها .. ؟!
ههههههههههههه ضحكت نور وهي تقولي : بس هذا اللي قدرت عليه ..
جاءت الجازي وهي تاخذ الدواء من يد نور وهي تبتسم لها وتقول : اصلا القمر ما راح ياكل الا من يدي صح يمه ..
ههههههههههههههههههههه ضحكت امي علينا وهي تقول : مو ناقصتكم الا ندى ونخلص .. شفيها ندى يالله اعترفوا ..
صوت ندى وهي تدخل من باب الشاليه وهي شايله ابراهيم ولابسه بيجامه ضحكنا كلنا .. تكلمت امي وهي تحرك يدها علشان يجيها ابراهيم : انا ما ابي الدواء .. وغصب يعطوني اياه ..؟
سلمت علينا ندى وقعدت جنب امي وهي تقول : والا انا ابي الدواء بس ايش نسوي يالغاليه .. على الاقل يساعدنا .. سكتنا لثواني واحنا نطالع بعض شكل امي وندى يكسر الخاطر بس ايش نسوي هذي حكمة ربنا ..
: يا ام ابراهيم مو جنج نسيتيني برع .. صوت محمد وهو ينادي ندى رجعنا للواقع ..
ندى:ههههههههههههههههه ويه نسيت محمد برع ..؟
تكلمت ندى وباللحظه اللي رحت فيها عند الباب ادخل الرجال اللي احترق بالشمس ..
****
اليوم الغدى عندنا والكل كان مشتط ومستعجل علشان كل شي يكون مرتب وجاهز .. كنت مع امي و وضحى وصافيه وندى و اسماء ونور وحتى العنود بالمطبخ .. موضي روحي راشد يناديج ..؟ هذا صوت صافيه اللي واقفه عند باب المطبخ .. غسلت يدي ومسحتها وانا اكلم وضحى علشان تقطع السلطه ..
طلعت من المطبخ رايحه الطابق الثاني للغرفه اللي تجمعني بـ راشد وكنت ابتسم وانا اسمع صوته وهو يهدي محمد الصغير ويقول : لا يا قلبي ليش تصيح الحين الماما راح تجي ..
وقفت عند الباب وانا اسمع ايش يقول وكمل راشد : اغني لك حبيبي اغني لك .. ومحمد مازال معصب ويصيح وفجاءة سمعته يقول : حبيبي الله يخليك اسكت ..
الله يهداج يا موضي .. ههههههههههههههههههههههههه ضحكت وفتحت الباب وانا اطالعهم وقلت لراشد : ليش ما غنيت له تراه يحب ماما زمنها جايه ..
ابتسم لي راشد وهو يوقف جاي صوبي وشايل محمد : يوم انج واقفه عند الباب ليش ما جيتي تاخذينه .. سوى لي فلم عند الرجاجيل ما يبي يسكت .. لا يكون مريض ..؟ شفت الخوف بـ عيون راشد وهو يسالني يا ربي عليك تجنن .. رديت وانا اخذ منه حمود : لا مو مريض يمكن جوعان ويبي ينام .. روح للرجاجيل انا بتصرف معاه .. شفته ما زال واقف ويطالعني ويبتسم استغربت منه وكررت كلامي : راشد روح انا بقعد معاه ..؟ ومازال واقف رفعت حاجبي وتوني بـ تكلم الا انا ومحمد بحضنه !!
راشد: قسم بالله مشتاق لكم مادري ليش .. احس اني فاقدكم من زمان ما اجتمعت وياكم .. تكلم راشد وهو يشد من حضنه لنا قلت وانا احاول ابعد عنه ومحمد الصغير يضحك
موضي: راشد الله يهداك ثيابي وصخه وريحتي طباخ .. راح توصخ عمرك !! ابتعد عنا وهو يبتسم لي ويلعب بشعر حمود ويقول : ربي يخليكم لي .. طلع واستغربت منه أي اعرف انه يحبنا بس اليوم هو غريب او ان الحب عندها زايد شوي ابتسمت ونزلت محمد الصغير على السرير وطلعت له ملابس جديده من الشنطه واخذت فوطه وشليته ودخلت فيه الحمام " عزكم الله "
اسبحه وعقبها ارضعه واخليه ينام عند عمتي " ام محمد " بعد ما خلصت نزلت تحت وحطيت محمد عند جدته ودخلت المطبخ وانا احس ان في شي صار بس الكل ساكت وندى مو موجوده ! عسى ما شر شبلاكم ساكتين .. ؟! تكلمت وانا مستغربه والكل يطالع بعض تكلمت اسماء وقالت : صدقوني انا ما ادري عن الموضوع حالي من حالكم ! لفيت صوب اسماء وقلت : شسالفه ابي اعرف .. ندى وين!
لفيت اطالع العنود اللي تكلمت وقالت بصوت شبه واضح : مع محمد ..! بالشاليه الثاني ..!!
***
الوحيده اللي مستانسه كانت ندى اما انا ومحمد كنا ساكتين ونطالع ندى ونرد نطالع بعض كنا نشوفها وهي توزع ابتسامات يمين ويسار مستانسه اكثر من الكل .. اووووووووه شبلاكم يعني الولد ما غلط يبي يتزوج وخطب وضحى .. يعني شي حلو !! تكلمت وانا احاول اوقف حماس ندى الواضح : يا قلبي الموضوع مو جذي .. البنت عندها عيال عم !
سكت باللحظه اللي تكلم فيها محمد وقال : يا عمري .. فيصل صح .. صج اني مستانس على بدر لانه رجال وراعي مواقف والكل يتمناه لاخته او بنته بس لا تنسين ان وضحى عندها عيال عم يمكن يخربون عليها ويقولون احنا احق من الغريب .. سكتنا واحنا نشوف شكل ندى اللي بدء يتغير وجهها ياخذ العصبيه ولونها الحنطي يتغير للون الاحمر وهي تقول : يعني لو انت خطبتني وجاء عبدالعزيز وقف هالكلام وقال انا احق منك يا محمد راح تسكت وتتفرج على الموقف والا راح تتصرف !!
كلام ندى صدمني اكثر ما صدم محمد اللي حسيته زعل من كلام ندى وبـ نفس الوقت كلام ندى عدل .. احنا وين عايشين ولد العم يخرب على بنت عمه وبالاخير ياخذ غيرها بس ما قدرت اقول هالكلام خليته لنفسي خفت يزعل علي محمد ..
ما قلت هالكلام علشان تفكر غلط بس فكر ان اختك مطلقه من ولد عمها والكل ما يعرف السبب .. محمد فكر هذا زواج وربي رزقها بالافضل وانت تدري انه احسن من عيال عمك .. انا ما اقصد انهم مو اوكي بس الزواج قسمه ونصيب ولو كانوا يبونها كان جاوءا بعد طلاقها من اخو موضي والا ما حلت بعينهم الا الحين يوم ربي وفقها وجاب لها نصيبها..
صدقني يا الغلا وضحى راح ترتاح وتنسى كل اللي مضى وبتكون مبسوطه اذا حست انكم معاها مو ضدها وان القرار بيدها .. بس انت كلم ابوي اليوم خلنا نستانس لا تحرمون وضحى الفرحه انكم شاورتوها محمد الله يخليك فرح قلبها تراها تستاهل ..
تكلمت ندى وهي توقف علشان تطلع من الشاليه بـ نفس الوقت اللي وقف فيه محمد وقال : البنت هذي تجيب الكلام بالصميم .. واذا وضحى تبيه ما احد راح يوقف شي طيب .. قول لبدر يخطبها من ابوي اليوم بعد الغدى والكل بالمجلس راح يشهد له .. طلع محمد وراء ندى وقفت افكر بكلام الاثنين وانا ادعي ربي يخليهم لبعض ..
رن جوالي ورفعته وانا اشوف اسم بدر على الشاشه : مرحبا النسيب ..؟ رد وهو شبه يركض : بشر ايش قال ..؟ تنهدت وانا اطلع من الشاليه رايح للمجلس : يقولك كلم ابوه اليوم بعد الغدى وابشر بعزك ؟
سكت بدر وسكت انا معاه وبعد صمت طويل قال : اسوووم اتصلت فيني وما خلت كلمه ما قلتها .. تصدق انها معصبه علي ..
ههههههههههههههههههههههههههه ضحكت عليه وهو يشرح الكلام اللي نقال وقلت له : هذا انت اخوها حبيب قلبها ودلوعها عيل انا ايش راح تسوي فيني .. تطردني من البيت وتطلب الخلع .. ههههههههههههههههههههههههههههههه ضحكنا على اسماء وسوالفها .. وصكرت من بدر ورحت صوب المجلس بعد ما نادني عبدالله لانهم حطوا الغدى ...
***
...؟ يا بعد قلبي .. وانت بعد واحشني موت ومشتاقه اجي الدوحه علشان اشوفك ..؟ والله ما ادري انطر سعد يخبرني متى !! طيب يا قلبي مع السلامه ..
صكرت التلفون بالوقت اللي سعد كان واقف على الطوفه ويطالعني وانا اسولف وقلت : تو ما نورت الشقه ..؟ من كنتي تكلمين .. من هذا اللي مشتاقه له لهدرجه !
فتحت عيوني مو مصدقه سعد يشك فيني والغيرة بـ عيونه حطيت نفسي غبيه وقلت : من تقصد ..؟
فاطمه لا تستعبطين انا سامعج وانتي تقولين له مشتاقه اجيك الدوحه ؟! من هذا ابي اعرف ..
اول ما شفته قرب مني وهو معصب تكلمت بسرعه وقلت : عبادي كنت اكلم عبادي .. ! كنت قاعده على الكنب وما قدرت اوقف علشان أواجهه بس كنت خايفه من قلب انا بديت وانا استحمل ..
والله العظيم ما اكذب .. روح المكالمات المستلمه وشوف ..؟ كلمته وملامح وجهه هدت شوي وتنهد وهو يبعد عني ويقعد على الكرسي اللي جنب الممر وقال
سعد: ليش سويتي نفسج غبيه .. كان قلتي من اول ما سالت ..؟
رديت عليه ورجلي ترتجف من الخوف وقلت : يعني انت تتوقع اني اعرف غيرك والا تشك فيني ..؟ وبعدين شلون نسيت اني اهلي بـ قطر ! وقف وجاء صوبي وقعد على الكنب اللي انا قاعده على طرفها وقال : مو سالفه شك .. بس اول مرة اسمعج تكلمين عبدالله بهالطريقه .. يمكن هالشي اللي وترني وكنت ابي اتاكد بس لا اكثر والا اقل .. لف وجهه جهتي وهو يشوف المسافه اللي ما بينا وقرب مني شوي وانا لصقت بالكنبه من قلب وقرب اكثر وبعدها قام وقعد جنبي وهو يضمني وقال : ما ابيج تقولين هالكلام لغيري .. لي انا وبس ..؟ ضربات قلبي وصلت الحنجرة عندي وانفاسي كانت سريعه ودموعي بـ عيوني وقلت : ان شاء الله .. قعدنا تقريبا ربع ساعه على هالوضع وهو يحضني مرة ويبوسني مرة وعقبها قال : انا يوعان .. صدقيني بطني لاصق بـ ظهري ما تشوفين .. ههههههههههههههههههه ضحكت على وصفه وانا احاول اقوم من الكنب وقلت : كان قلت من الصبح !
مسك يدي ورجع قعدني وهو يقول : على وين !! استغربت ورفعت حاجبي وقلت
: انت يوعان بروح احط لك غدى .. علشان تتغدى وتصلي العصر لان الحين بـ ياذن وعقبها تنام .. هههههههههههههههههههه ضحك وهو يقول صار لنا سنه ونص داشين على السنتين ولين الحين ما تعرفين ايش اقصد بالجوع اللي عندي .. انصبغ وجهي يوم عرفت ايش يقصد وانا ادزه واقوم من على الكنب بس هو اسرع وقف معاي وحضني وقال : بروح اصلي اول شي ولما ارجع راح اكل لاني صج يوعان .. ابتعد عني بعد ما باسني على خدي وطلع من الشقه وانا ما زالت مكاني اطلع الباب اللي تصكر .. يارب احفظه لي يارب طلبتك ..
***
على المغرب تقريبا بعد الصلاة على الساعه 7 كنا مجتمعين بالصاله الكبيرة اللي بالشاليه وما في أي صوت من المجموعه اللي قاعده .. وضحى قعده جنب ندى و موضي والجازي قريبه من امي وصافيه جنب محمد اخوي وانا بالجهه الثانيه مجابل ابوي اللي قال
: طيب الرجال ما ينرد بس البنت لها عيال عم ..؟
رد محمد بسرعه وقال : وينهم يوم تطلقت وضحى والا الحين راح يتكلمون .. يبه واللي يرحم والديك البنت كبيرة .. وانت قلت قبل يا تتزوج او تموت .. سكت ابوي وهو يطالع وضحى وقال : يا محمد وضحى بنتي .. ويومي قبل يومها وما في اب يتمنى لعياله الضر ..
سكتنا باللحظه اللي تكلمت فيه وضحى وقالت : يبه اذا ما تبي مو لازم بس الله يخليك لا تقول جذي رضاك اهم شي ..
تكلمت موضي وهي اطالعني : عمي الله يهداك عيال عمي كلهم متزوجين ما في الا الصغار وينهم وين وضحى بالعمر ..
احس ان موضي تعمدت تقول هالكلام وهي اطلعني لاني اعرف عيال عمي عدل وقلت بعد ما فهمت الفكرة : وانتي الصاجه .. يعني نزوجها ياهل بدل ما يعيشها تعيشه هي ..
الصورة وضحت براس ابوي اللي بدء يحك لحيته وقال : خلاص عيل الشور شور وضحى ومن بعد رايها انا مالي راي ..
شفت الضحكه بـ عيون الكل تكلمت صافيه وهي توقف وتحط يدها على خصرها : يعني شنو .. عيال عمي بـ سني .. اذا كبروا راح يخطبوني ..
ههههههههههههههههههه انفجرنا من الضحك على صافيه اللي عبرت عن رفض تام للزواج من عيال عمي .. تكلمت الجازي وهي تحذف صافيه بعلبه الفاين وتقول : انتي خلصي دراستج بالاول وعقبها قولي اللي تبين .. رفعت راسي اشوف مرت اخوي اللي كانت تراقب محمد بـ اعجاب وشفت نظرت وضحى اللي اطالع ندى بـحب ابتسمت وفهمت ان السالفه فيها قصه بس بدر يستاهل التضحيه .. يا الله يا جماعه العالم ينطرون برع واحنا هنا صوت صافيه اللي كانت تصارخ ..
تكلمت امي وهي تقول : يالفشيله عيالنا الصغار عندهم قوموا يا بنات قوموا ... طلعنا برع وعلى طول توزعوا الجماعه اما انا مسكت موضي ودخلنا المطبخ لانه اقرب مكان وسالت: ابي افهم ..؟ شلون بدر شاف وضحى !! انصدمت موضي وهي تقول : انت شتقول ..؟ شلون يشوفها !!
ابتسمت وانا اعيد السؤال : شلون شافها .. قولي ابي اعرف الموضوع ..؟ حسيت ان موضي خايفه وهي تحاول تبعد عني بس الوضع عجبني جدا انها بحضني وانا استجوبها وهي خايفه وقالت : اخت بدر هي اللي حطت وضحى براس اخوها ..
اليوم خبرتنا و وضحى عصبت ..؟
كنت حاس انها تكذب علي رفعت حاجبي علامه على اني مو مقتنع وهي فهمت الحركه وقالت : راشد انا مالي خص .. اختك عندك .. والا تفكر ان وضحى تسوي الغلط والا تجيبه لاهلها .. ترى البنت عقلت وبدت تخاف الله قبل لا تخاف منكم ومن الناس افهم يا راشد افهم .. بدون شعور مني بستها على شفايفها وهي معصبه علي كان شكلها حلو لدرجه انها اغرتني بدون ما تحس .. موضي تخشبت بحضني وهي ادزني واول ما بعدت عنها قالت وهي تهمس : احنا بالمطبخ ..! ههههههههههههههه ضحكت وانا ابعد عنها واقول : احلى مكان !!
***
جونا ربشه بعد ما صلينا العشاء عرفنا ان وضحى خطبها بدر بس البنت تفكر واصلا احنا متاكدين ان وضحى مواقفه بدون تفكير ... قعدنا على العشب وتكلمت خالتي ام عبدالله وهي تقول لوضحى : اسمعي لا تصيرين خبله سوي عرس وعزمي كل اللي يعز عليج لا تقولين مطلقه والا ارمله ترى والله ما احد يفكج من يدي احد .. هههههههههههههههههههههه انفجرنا ضحك على خالتي اللي تبي تسوي عرس وتخطط شلون بيكون وين راح يكون .. تكلمت ام محمد الكبيرة وقالت
: ابشري عرس بنتي راح يكون احلى عرس .. مو جذي يا اسماء .. تكلمت اسماء اللي كنت مستانسه اكثر من العروس نفسها وقالت
: انتي تامرين امر .. كم وضحى عندي وكم بدر .. ههههههههههههه ضحكنا مرة ثانيه يوم قالت
ندى : يووووووووووووووه بدوا الحين شغل الحموات ..
العنود شبلاج من الصبح سكرانه ضحك .. كلمتني موضي اللي كانت قريبه مني وقلت : من اللي اشوفه واللي احسه .. تبون الصج !! سكتوا كلهم يطالعوني وهم يبون الصج مني وقلت : يوم قررت نسوي هالطلعه مو علشان وضحى يخطبها بدر والا علشان نكتشف ان احنا اهل .. كنت مخططه .. سكت شوي وانا اطالع نور وقلت : كنت مخططه على نور ترد لعزيز ..
سكت والجو صار هادي جدا والكل كان يطالعني وهم مستغربين من الفكرة قلت وانا احس اني راح اختنق : بس اللي صار اني جمعت قلوبنا مع بعض سوى كان بزواج او بـ جمعه اهل .. لا تقطعون وخلوا هالجمعه تتكرر مو شرط في الشاليهات ..
كل خميس وجمعه في بيت احد حتى لو نطلع الكورنيش او حديقه او أي مكان بس نكون اهل ونشوف بعض ونشتاق لبعض .. تغير صوتي وبديت اصيح بقوة الكل كان حولي والكل يحاول يسكتني وتكلمت ندى وهي تقول : وصار الفلم الهندي لازم دموع لازم يعني نصيح ونجمع الجيران علينا ..
هههههههههههههههههههههههههههههه ضحكنا مرة ثانيه بس هالمرة والكل راضي عن اللي صار واللي استوى وكملت ندى وقالت : والله يبي لنا نغني .. وناااااااااااااسه صوتنا بيطلع حلو ..؟ ههههههههههههههههههههه الضحك اللي سيطر علينا كنا حلو واليهال يركضون ويضحكون بس ما يعرفون شالموضوع .. قالت صافيه وهي ترفع يدها وتقول : انا انا عندي اغنيه حلوة .. تكلمت نور وقالت : شدعوه قاعده بالمدرسه ترفعين يدج ..؟ هههههههههههههههههههه ضحكنا وردت الجازي : اطربينا يا الخبله .. قالت صافيه بكل ثقه :
سهرتنا الليلة
خلوها صباحي
حلوة محبتنا
وفينا الهوى صاحي
نعشق بعض واحنا
في الحب مجتمعين
من قدنا الليلة
أنا ونور العين
غنينا بكل حب لان كلمات الاغنيه راكبه على الوضع اللي نعيشه .. كنت قاصده شي بس اللي كتبه ربي صار واللي صار عكس اللي تمنيته بس الواحد يقول الحمدالله على كل حال .. كنت مبسوطه وانا معاهم ومبسوطه اكثر انهم يشوفوني اخت وصديقه وحبيبه لهم ..


***
ااااااااااااااه يا ظهري .. كله من فيصل خلاني اشيل الكراتين وراء بعض .. ههههههههههههههه ضحكت علي وانا انسدح على السرير .. وقلت لها : تضحكين هاا طيب يا ندى بدل ما تقولين .. اسملى عليك يا قلبي تبيني اسوي لك مساج تبي شي حار يريح اعصابك .. هههههههههههههههه صوت ضحكتها زاد وعيونها بدت ادمع شكلها حلو وهي تضحك وبيجامتها عبارة عن شورت لين الفخذ مع بدي ضيق بدون اكمام لونه رمادي مرسوم عليها ميني موس معطتها شكل عجيب .. احسها طفله توها تتعلم الضحك كان ودي اضمها لصدري بس هي بعيد عني وبيدها ابراهيم اللي كان يرضع علشان ينام وقالت
ندى: حبيبي انا ما اضحك عليك والله صدقني .. بس شكلك وانت تشرح يضحك .. ابتسمت لها وانا اعدل نفسي على السرير واقول
محمد: خسارة باجر راح نمشي .. الصراحه الجمعه والجو والاهل والبحر شي حلو .. هزت راسها وهي تحط ابراهيم على السرير اللي قريب منها وهي تقول
ندى: ادري والله حسيت اني عايشه بالجنه .. بس ان شاء الله نكررها بعدين .. سكتنا وكنت اراقبها وهي تنسدح جنبي وتلف جهتي علشان تشوفني وتكلمت وانا احس اني مسحور بـ عيونها وقلت : قبل لا نتزوج كنت اعرف بنت .. شفت شكل ندى تغير وهي اطالعني بـ نظرة تعني اسكت ما ابي اسمع بس انا كملت كلامي وقلت
: أي اعرف بنت سرقت النوم من عيوني .. تصدقين حبيتها وانا ما اعرف هي من او ايش اسمها كل اللي عندي لها صورة قديمه .. شفت شكلها تغير وهي تبتسم وخدودها تحمر اكثر وقلت : كنت لما انام احلم فيها لدرجه اني كنت اشوفها معاي بالغرفه واتخيل اشياء مو موجوده .. كنت اناديها حياتي .. حبيبتي .. روحي او عمري لاني ما اعرف اسمها .. سكت وانا اقرب منها واحضنها بصدري وهي ساكته تسمع اللي اقوله : وجاء اليوم اللي شفتها فيها كانت في بيتنا وتكلم اختي منيرة .. اللي نادتها بـاسمها " ندى " ومن يومها وانا اسعد انسان على الارض ان البنت اللي ابيها وحبيتها 10 سنين من عمري قريبه مني وتصير صديقه اختي .. كنت استانس لما اسمعهم بالبيت يذكرون اسمها ويمدحونها كنت اقول هذي زوجتي .. وحبيبتي .. والحلم اللي حلمته صار حقيقه وانتي زوجتي وحبيبتي وام ولدي وبحضني وكل شي ابيه الحمدالله عايشه معاج .. سكت انطر منها رد بس البنت ساكته وما قالت أي شي .. ناديتها : ندى انتي معاي ! ضمتني بقوه وهي تقول
ندى: أي معاك .. احب اسمع صوتك .. واحب اسمع نبض قلبك .. واحب احس بـ انفاسك تلعب بخصلات شعري .. احب وجودك محمد .. لاني احبك .. احبك ! ارتاحت ملائكتي وانا اسمع صوتها الهادي الناعم اللي يهز كل شعره بـ جسمي .. حضنته وانا ابوس راسها وانزل ابوس عيونها وابوس خدودها وخشمها وصلت عند شفايفه وقلت : ندى ابي اخت لابراهيم .. وقبل لا ترد بست شفايفها .. وبعدت عنها وانفاسي مو مضبوطه وقلت : وابيها تشبه امها !!
***
دارت الدنيا والايام تركض من جد فيها وجد .. كبرنا وصارنا نشيل الهم من قلوب اهلنا صرنا رجاجيل البيت وبنات العاايله .. مرت 15 سنه على الكل سنين وشهور وايام مرت عشناها بحب وخوف واهتمام عرفنا من اهلنا ان الدنيا ما توقف عند موقف .. وعرفنا ان الحب هو اساس الحياه اذا حبيت اخلص لحبك وعيش علشانه بس تاكد ان حبك هو الصح ..
***
عمتي الجازي وخالي عبدالله ربي رزقهم بـ توام سلطان و ناصر واعمارهم 15 سنه .. اذا لاحظتوا ان اسماءهم على المرحوم سلطان اخو خالتي نور والمرحوم ناصر على زوج خالتي فاطمه " فطوم " .. مزعجين من قلب ما احب اروح بيت جدتي والسبب هم يالله شباب مراهقين ما تعرف شلون توقفهم بس خالي عبدالله مخليهم يمشون على الصراط المستقيم ..

***
عمي راشد و خالتي موضي بعد محمد جابوا 3 بنات .. طبعا محمد عمره 13 سنه وهو الكل بكل واحب اكون وياه يعجبني مريم 11سنه ومنال 9 سنين ومها 7 سنين .. هذول الخجل منهم وفيهم ما تقدر تسولف وياهم كلش مع اني تربيت معاهم وطول عمري اشوفهم بس ايش اسوي فيهم .. عمي راشد رباهم احسن تربيه وخل منهم الحكمه اللي تقول : اذا كبر ولدك خاوه ..
***
عمتي وضحى وخالي بدر .. قصتهم قصه بعد زواجهم الاسطوري سافروا اسبانيا وما نشوفهم الا بالاجازات الصيفيه وربي ما رزقهم عيال ومع هذا حياتهم حلووووووووووووه حيل عوضهم رب العالمين بالعلاقه الطيبه والاحترام ..
***
خالتي فاطمه وعمي سعد .. ربي رزقهم بـنتين و ولد سعاد عمرها 15 سنه وصديقه موزة الروح بروح ما يتفارقون الا بالشكل اما التفكير والروح والتصرف والجسد واحد .. و دانه عمرها 13 سنه هذي هاديه وبروحها ومش مع الناس تحب الهدوء وتعيش جو مو موجود بالدنيا اما عبدالله عمره 10 سنين سمته خالتي فطوم على خالي عبدالله .. شاطر وتحفه ولسانه طويل وما يحب البنات وكل يتهاوش مع خواته " الله يهديه بس "
***
خالتي العنود وعمي يعقوب .. عندهم سالم طبعا تعرفونه وعمره حاليا 22 سنه يدرس بـ جامعه قطر قسم ادارة واعمال وشاطر جداا ومجتهد .. وبعد موزة وعمرها 15 سنه بالاعداديه وبعد شاطره ومتفوقه بدراستها وطموحها علمي تبي تصير مثل الدكتورة نور بكل شي .. وحياتهم فيها نوع من الاكشن والمرح تحس لما تكون عندهم انك في فلم جاكي شان ..
***
خالي فيصل وخالتي اسماء .. طبعا تعرفون ندى الصغيرة عمرها الحين 15 سنه حلوة وهاديه دمها خفيف مرحه وتبون الصج احبها حيل واتمنى اذا كبرت تكون زوجه لي .. وربي رزقهم بولد وسموه بدر على عمي بدر وعمره 9 سنين ..
***
اما عبدالعزيز فـ اهتم في بنته نور اللي عمرها 22 سنه وتدرس بالكويت بعد ادارة واعمال علشان تقدر تمسك شركات ابوها اللي رافض يتزوج او يفكر بزواج وعاش على ذكرى المرحومه لينا وندى ونور .. الله يعينه ويصبره ..
***
الدكتورة نور او خالتي .. طبعا مازالت متمسكه بوظيفتها وتحاول توصل لاعلى المراكز مع انها رئيسه عياده خاصه مع الدكتور جاسم الي تعب وهو يخطبها ايام الدراسه .. ونال اللي يتمناه بعد طول انتظار وصار زوج خالتي نور .. عندهم بنت وحده بس اسمها "حور " عمرها 4 سنين طفله جميله ..
***
ابوي محمد وامي ندى .. طبعا انا ولدهم الكبير ابراهيم عمري 17 سنه وبعد كم اسبوع بصير 18 وبـ نفس الوقت توني متخرج من الثانويه العامه بمجموع يرفع الراس .. وعندي اخت اصغر مني 4 سنين واسمها منيرة على المرحومه عمتي منيرة ترفع ضغطي بس علشان عيون امي استحمال الدنيا وما فيها ..
***
ابراهيم يا ابراهيم .. صكرت الدفتر اللي كنت اكتب فيه وانا اطلع من غرفتي بعد ما سمعت صوت ابوي يناديني وقفت عند باب الصاله وقلت : سم يبه ناديتني ..؟
قال وهو يطالع الخبله منور وهي تصيح : أي روح لامك وقول لها ترى بنتها حلال لذبح .. هههههههههههههههههههههه انفجرت ضحك وانا اشوف منور توقف بكل عصبيه وتقول : اصلا انا ما احبكم .. يا بعد قلبي انتي ليش ما تحبين ابوج واخوج ..
صوت امي وهي تنزل الدرج والتعب واضح عليها خلاني اخاف وابوي وقف وهو يقرب منها ويقول : ندى ليش نزلتي .. واذا عن بنتج راح نسوي اللي تبيه بس خلج مرتاحه ..
ابتسمت امي لابوي وهي تقول
: محمد تراني بخير وانا عندكم وما ارتاح الا وانا معك ومع عيالي .. ابتسمت من الغزل الحلو والناتج عن الحب ما بينهم .. تكلمت منور وهي تحضن ابوي
: والله احبك انت وابراهيم بس احيانا ترفعون الضغط عندي .. هههههههههههه ضحك ابوي وهو يقول : امج عرفت تربيج عدل .. وعلمتج على الكلام اللي يرد الروح .. قربت من امي وبست راسها وحضتني وهي تقول : ابوك عرف يربيك عدل ويخليك رجال ترفع الراس وتهز المجلس ..
كنت طاير من الفرحه لان امي دوم تشوفني البئر اللي تقط فيه مشاكلها .. والقصه اللي كتبتها في دفتر ذكرياتي الدليل على حبها لنا وعلى صدق مشاعرها وخوفها علينا .. قعدنا بالصاله الصغيرة واحنا ننطر باقي الاهل يجتمعون عندنا لان اليوم الخميس والكل راح يتواجد في بيتنا ..
***




من يحبك كثـر مـا أحبـك أنـا
و من بحبك حاول و ياما اجتهـد

ومن في عينه شوفتك كل المنـى
لا و رب العرش ما غيـري احـد

انت شوفي و انت عمري و الهنا
يا جسد بي روح و لروحي جسد

و انت عيني و انت نوري و السنا
و انت اسبابـي اذا حبـي خمـد

و انت ميعادي و سهدي و العنـى
و انت تعذيبي و صبري و الجلـد

و انت راحاتي و روحي و الظنى
و انت الاول ما به قبـل و بعـد

لمنـا جـو المحبـه و ضمـنـا
و من بعد قربك انا كيـف ابتعـد

شوف ما كبر يا حبيبـي عشقنـا
فاق كل العشق وحـده و انفـرد

لو يوزع البسيـط حبنـا مابقـى
حــد اذكــره كــره احــد



تحيـــــاتي واحتـــرمي


انت الغلا

تمت بـ حمدالله

طرح جميل
سلمت الانآمل

100


‏جميل الطرح والاجمل
جمال الاختيار العذب

شهادتي في شخصك الكريم مجروحة

‏لك
تحياتي ولك شكري وتقديري


اخوك
‏محمد الحريري

لا جديد سوى رائحة التميز
تثور من هنا ومن خلال هذا المتصفح
الجميل والمتميز ورقي الذائقه
في استقطاب ما هو جميل ومتميز
تقديري وودي

يسلمو ع المرور

سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~

يسلمو ع المرور

ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

طرح متميز
وانتقاء زاد به التميز
دوما يحتل صفحاتك عنوان الرقي والابداع
كلنا بشغف لمزيد مما يأتي من اناملك
سلمت بحجم هدا الكون واكتر
لا حرمناك ابدا
مودتي

طرح راقي
يعطيك الف عافية
لك تقديري وودي
دمتم برائحة المسك

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

*،




آنتقاء مميز .. مَ ننحرم من جديدك

يسلمو ع المرور

طرح رآئع وراقي
تحية عطرة ل روحك الجميلة
شكراً لك من القلب على هذآ العطاء

يسلمو ع المرور

سلمت يديااااتك

جماال الأنسكاااب وروعته

لا حرمنا منك ياارب

يسلمو ع المرور