قصيدة بعثــــــــــــرة للشاعرة إحساس الغروب

جيت يمك غاية القلـب احتـواء
جيت لك حب وأحاسيس رقيقـة
حاملة زهرة تبي قطـرات مـاء
من يدينك تشرب الصدق وتريقه
وشفت غيمة صيف مامنها أرتواء
وانعطف قلبي معود مع طريقـه

يالحمام اللي على الأغصان ساجع
لاتزيـد الهـم فالـروح الكئيبـة
لاتزيـد الهـم فينـي والمواجـع
ولاتقلبني على الجمـر و لهيبـه
ويل قلبي لانظرت الكـل هاجـع
وهو فراشه محدٍ عقبه دفـي بـه
راح عني ياحمام وقـال راجـع
ولا رجع لي غير علمٍ بالمصيبـة

ياطير وقف على وين؟
خلك هنا في محلـك
ماكنت من قبل يومين
مجروح والحزن ظلك
شفته نفضت الجناحين
ونثرت وردك وفلـك
ماقلت بتـرد هالديـن
للي من العهد حلـك
والحين ياطير هالحين
تبي تطير له كلك؟؟!!!

البادي اظلـم واستمـع للـي يليـه
الحل عنـدي هـاك منـي حلهـا
من قلط افراشٍ يجي يجلس عليـه
نفسٍ ذليلـه موتهـا أحسـن لهـا





في الحبس ياكثر المظاليم كثـراااه
وياكثر ما فالكون من شخص ظالـم
والكـل عالـم ربنـا فـي نوايـاه
وأكبر حظيظ اللي من الظلم سالـم
مظلوم" تقبل دعوته فـي مصـلاه
مايرفـع الشكـوى لـدار المظالـم
يجيبهـا ربٍ جزيـلـه عطـايـاه
رب كريـم بالمخالـيـق عـالـم








راجع تعزيني على مـوت الأمـآل
قتلتنـي وراجـع تعـزي قتيـلـك
تمشي ورى الجثمان والدمع همـال
ودم الضحيـة بايـنٍ فـي شليلـك
جزاك ربي خير في كل الأحـوال
طعنة فـؤادي منـك تبقـى قليلـك








العلم جاني ولـي أسنيـن حافظتـه
والله يرحمك ياللي فيـه وصانـي
قال الصديق الردي كالداب وشجرته
مـن يتفيـا تحتهـا هالـك فانـي


يامدخـلٍ نفسـك فيمـا لايخصـك
بالله قلـي وشهـو اللـي جنيـتـه
ملقـوف كـلٍ لاتكلمـت هصـك
هـذا الـذي مـن اللقافـه خذيتـه








يـاطـيـر أركـــد لاتـطـيـر
وأن طــرت ماعـنـدك خـبـر
يجيـبـك الضـبـي الصـغـيـر
الـلـي مــع الــوادي عـبـر
يعـنـي تطـيـر أو ماتـطـيـر
مصـيـرك مـحــول حـــدر

مافيه مثلي فالبشـر ياحصـة
مافيه مثلـي ياذخايـر جـدي
أنا الذي قصة عذابـي قصـة
جيش الألم في خافقي متحدي
همي لو أن الناس جاها نصـه
أدمى القلوب وطافها متعـدي
مرت سنين وقلت هذي الغصه
يالله عساهـا أزمـة وتعـدي
وشفت الأمل والنور ماله بصه
في عين من حظه هوى متردي
يْدي أنا عن غايتـي منقصـه
أشوف حلمي وماتطوله يْـدي
ياليتنـي آقـف أنـا مقتصـة
من هالزمان وناسه اللي ضدي
ويا ليت ليه فالهنـا لوحصـه
اجيب فيهـا ضحكتـي وودي

ياوين أبلقى لي مسافات ونحـاش
من ذا الهموم اللي بقلبـي تزايـم
أربع سنين وجمرة الفقـد تعتـاش
عليك ياقلبٍ عن الضحـك صايـم
متكلبش الهـم وسطـك تكلبـاش
محطـم ٍ فيـك الرجـا والعزايـم
صبرت صبر ايوب لكن على ماش
طال الظلام وحضرة الحـظ نايـم

كملي الديوان يعطيك العافيه
واغلقيه

قالوا العرب قدرٍِ بما فيـه نضْـاح
يبان طبع الآدمي لـو بعـد حيـن
وأنا كذا طبعي من أسنين ياصـاح
لامتغيـر شـيء فينـي لهالحيـن
لو الزمن قاسي وكفينـه أشحـاح
ولو أن جميع الخلق ليّـه معاديـن
ولوأن في صدري سكاكين ورمـاح
وأغلب جروحي من طعون الموالين
ما ميل عن عـد مشاريبـه قـراح
واشربك ياعـد الـردى والردييـن
لني ورثت الطهر من شايـب ٍ راح
عساه جـار المصطفـى والنبييـن
ماهيب أنا اللي تعْرف شلون لاطاح
بعض العرب قامت تحد السكاكيـن
وتقطع الأجساد وتزيدهـا جـراح
وتاكل على كتف الجياع المساكيـن
أن طاح منهـو للمواجيـب نطـاح
ينزف عليـه القلـب دم الشراييـن
وأن طاح خبلٍ ماله إحسان وأرباح
دعيـت ربٍ لـه عبـاده مصليـن
يرفع بلاه ويحفظ أرجالي اصحـاح
ويجيرهم مـن كايـدات الموازيـن
ويالله ياللـي بارقـك فالسمـا لاح
ابقى مثل مانا على العسر والليـن
قلبٍ رياضه خضر بالخيـر فـواح
يكره يشوف الدمع في مقلة العيـن
ويكره يشوف الناس في حزن ونياح
وده جميع النـاس دايـم سعيديـن
ماقولها ياسامعي ضحـك ومـزاح
شاهد علّي اللي خلقنا مـن الطيـن

ياليتني ما تعبتهـا النفـس يانـوف
ياليتنـي قزرتهـا فــي تعـبـط
درسٍ احفظه ودرسٍ اقوله طوووف
واجب احله" واجبٍ فيـه اخربـط
ثلاث مرنبـي وذا الهـم مـردوف
علـى فـؤاد بسبـت الهـم خبْـط
ممتاز جبته بـس مافيـه مخلـوف
نتيجـة الممتـاز هــم وتحْـبـط
الوضع مايمشي معه رقم وحروف
لا صار مالك في الوزارة مضْبـط
سابع سنه مرت وأنا عيني تشـوف
ناس وراي وصارت اليوم تزعـط
لأنها وبـدون ماتمسـك صفـوف
لقت لها شخـص ٍ بكتفـه تشعْبـط
وأنا ورب الكون ماعندي ظـروف
صعبه ولكـن مابـي الكبـد تنبْـط
من دنيةٍ تمشي بلا سلـم وعـروف
ومن حق في سيـره مقيـد مربْـط

يالله إنك ترحم الحـال العليـل
وتغفر اذنوبٍ على متني ثقـال
ياإلهـي جيتـك بقلـبٍ ذليـل
وعين فيهـا دمعتيـنٍ وابتهـال
ساجدنٍ وجهي مع الليل الطويل
سايلٍ دمعي على مـر الليـال
عن صراطك خايفة رجلي تميل
وانحبس مابين غيي والضـلال
والذنوب اتحطني في واد ويل
وانحرم يارب شوفك والظلال
يالهي خايفـة يـوم الحصيـل
باكية من موقفي عند السـؤال
يوم ماينفع خليـل مـع خليـل
ولايشيل الذنب عم ولا خـوال
يالهي جيـت بالحمـل الثقيـل
طامعة في رحمتك ياذا الجلال
راجية جنات عـدن وسلسبيـل
تحتضن روحٍ بغتها راس مـال
روح يكفيها من الـزاد القليـل
لابغت دنيا ولا جـاه وريـال
روح عاشت بالجسد عابر سبيل
للسفر شدت على متن الرحال
وزهبت مزوادها حق الرحيـل
زادها تقوى وخـوفٍ وامتثـال
عارفة ان الامد لهـو طويـل
الخلود لغيـر خالقنـا محـال

مالي بدمعه على خد القمر حاجـه
الدمعـه اللـي تعذبـنـي بأدبـهـا


قلبي بغصبه غصب يفـل إحجاجـه
ويضحك مع الناس واللوعه يحاربها


بعلمه كيف يكسب حربـه وتاجـه
ويحرق فؤاد الذي روحي معذبهـا


بعلم القلب مـن طبعـه ومنهاجـه
بحفظ دروسه وعلى قلبـه بجربهـا


بسقيه مر الجفا واضيـق افجاجـه
الين روحه تضيـق ابهـا محادبهـا


بسوق جيشي عليه ابزمرة افواجـه
رايات نصري على دربـه بنصبهـا


بتعبـه واتسـبـب دوم بزعـاجـه
بسكن في روحه واستوطن مضاربها


بشب فيها لهيـب اشـواق وهاجـه
انفاس صدره بنار الوجـد الاعبهـا


الين روحه تصيح بصدق محتاجـه
لعيوني اللي بنظرة شـوق تطربهـا


بعيشه وسط بحر ٍ تلعـب امواجـه
تهيم روحـه ولا تاصـل مراكبهـا


بعلمه ان عينـي شعلـة اسراجـه
نفسه بدوني ظـلام الليـل يرعبهـا


بخلي رجلـه بدربـي دوم دواجـه
تاصل على الدرب ماتلقـى متعبهـا


ابهلكه ثم ازيـد ابلوعـة احراجـه
هواجسـه لـو تعدانـي بحاسبهـا


امشي معه بالوفا ويقـول منعاجـه
دامه كذا قلـت اخربهـا: اخربهـا

الطير لاشفتـه تذكـرت نايـف
الطيب القرناس راع المواجيـب
اللي تعلا فـوق روس النوايـف
راسه هناك بعاليـات المراقيـب
ستر البني الطاهـرات العفايـف
وشف البني المترفات الرعابيـب
ماهو مثله غيره على الكل طايف
صغير سن وطايفٍ راعي الشيب
ماهو بقولي لكـن الكـل شايـف
فعل الشجاعٍ اللي يفك النواشيـب
نايف فديتك من جميـع الكلايـف
ادري تهزك دمعتي مابها ريـب
ياريح جـدي ماعليهـا حسايـف
لاطاح دمع البنت ماهو لها عيـب
بس أنت لاتشقي الضلوع النحايف
ضيقتك تحرق خافقي بالواهيـب
فدوتك عيـنٍ ماتكـف الذرايـف
ويفداك قلبٍ بين عوج المحاديـب

ياهيه أنا دايم على الطيب ممشاي
محدٍ نعتنـي بالخصـال الرذيلـة
طيبي أخذته غصب من فعل يمناي
ومن راس رجـالٍ يفـز لدخيلـه
على الوفا والطهر والجود مرباي
شربت من نبع الطهـر سلسبيلـه
حرة عفيفـة طاهـراتٍ نوايـاي
أرقى مراقيب العلـوم الجميلـة
ماهزني عزف المجانيـن بالنـاي
ولاكل زولِ مـر عينـي تخيلـه
أمشي طريقي ماتتوهني أخطـاي
دربٍ مشيته ماتجـي فيـه ميلـه
لبست ثوب الطهر وشيدت مبناي
على الثريـا مارضيـت ابديلـه
ماينحني راسي شعاري ومبـداي
ماغير ربي هامتـي تنحنـي لـه
هذي أنا ياجاهـلٍ فـي سجايـاي
حرة ولي مبدأ ومهـرة أصيلـة

حبك وجع غاير بصدري من أعوام
حبك سبايب لوعتـي وإنكسـاري
عنك أبعدوني وأنكسر وجه الأحلام
ومات الربيع وجف ماي الخبـاري
شفني بدونك جفن ساهـر ولانـام
مامل من طول السهر والمسـاري
وشفني بدونك طير مكسور ماقـام
طير كسيـر وعلتـه لـه تبـاري
قصوا جناحينه وقالوا( لك أقـدام)
جاري وجابه كان تقـدر تجـاري
وحـاول يقـدم خطوتينـه لقـدام
لكن تعثـر بيـن مبـدأ وشـاري
ومازال حبك فيه يكبر من أعـوام
وللحين حبك وسط الأعماق ساري

أنكسر فّّي ضلع وأنقطـع لـيّ ذِراع
وأنزرع في هم وأنطفت لي شمـوع
ذقت مر الزمان وعشت وهم وضياع
في زماني شربت الهم من كل نـوع
ابخيوط الصبر رفيت فتـق الشـراع
وأكتشفت أن روحي أمتلت بالصدوع
عن عيون الملقف لابسة لـي قنـاع
تحته العين تمطر والمواجـع تـروع
شايلة هامتـي دايـم كـذا بأرتفـاع
حالفه ماأذل النفس وأرضى الخضوع
حالفة ماتعلك بـي حلـوق الجيـاع
الذي ودها تشبع علـى كـل جـوع
حابسه هم قلبٍ لاضوى الليـل فـاع
وقـال يالله يالله أمطـري يـادمـوع
كان هذي شجاعة والله أن الشجـاع
واحدٍ ساكن ٍ مابين حـدب الضلـوع

اليوم دمي ثقيل وحالتـي حالـة=ادنات شيء من الضيقة يبكينـي
أجر صوت الحزن وأشيل مواله=وتسابق الدمع يسقي ورد خديني
ياضيقة الصدر خلي خاطري داله=تكفين ياضيقتي روحي وخلينـي


2

الصورة مشوشة والوضع مأسـاوي=وأنا مع الخيـل ياشقـرا خطاويـه
أن شرقوا قلت صار الدرب شرقاوي=وأن شملوا قلـت يارجلـي شماليـة


3

بدونك أشياء كثيرة مالهـا داعـي=الشمع والورد وأجوائي الرومانسية
ياللي إذا غبت عني تقلب أوضاعي=وشفيك مبطي علينا وينها الجيـة؟؟

4
الخافق اللـي تمنـى جيتـك يمـه=اليوم ماعـاد يتمنـى ولا حاجـه
مادام نبضه ضعيف وغارق بدمـه=وش يستفيد الكفيف أن ولع أسراجه


1

2

3

4



5

6

7



8

9

10


11
12

13
1


اليوم دمـي ثقيـل وحالتـي حالـة
ادنات شيء مـن الضيقـة يبكينـي
أجر صوت الحزن وأشيـل موالـه
وتسابق الدمع يسقـي ورد خدينـي
ياضيقة الصدر خلي خاطري دالـه
تكفين ياضيقتـي روحـي وخلينـي



2


الصورة مشوشة والوضع مأسـاوي
وأنا مع الخيـل ياشقـرا خطاويـه
أن شرقوا قلت صار الدرب شرقاوي
وأن شملوا قلـت يارجلـي شماليـة



3


بدونك أشياء كثيـرة مالهـا داعـي
الشمع والورد وأجوائي الرومانسيـة
ياللي إذا غبت عني تقلب أوضاعـي
وشفيك مبطي علينا وينهـا الجيـة؟؟


4
الخافـق اللـي تمنـى جيتـك يمـه
اليـوم ماعـاد يتمنـى ولا حاجـه
مادام نبضه ضعيف وغـارق بدمـه
وش يستفيد الكفيف أن ولع أسراجـه

1


كيف ما أهواك وأعطي لك ودادي
كيف ماتشغل بقلبي كـل حيـز؟
وأنت لك طبعٍ فريد وغير عـادي
كل شـيءِ فيـك ياقلبـي مميـز
لجل هذا صار قلبي معك غـادي
غير زولـك لايشـوف ولايميـز


2



خوية الذات ليـه الـذات تعبانـه؟
وراه قلبي يجـر الآآآه والونـه ؟
ورى كمومي بدمع العين غرقانـه؟
ووسادتي من حكاوي الليل منجنه ؟
دمعي وحزني ُترى منهو علشانه؟
عليه وإلا على اللي صابني منـه؟



3



لاتلومونـي إذا حبـيـت هــذا
والله إنـه مانعـرف إلا يـحـب
لاتقولوا كيـف أو ليـش ولمـاذا؟
قلبي اللي عاشقـه مافيـه طـب.
كل مـادور مـن الغالـي مـلاذَ
أكتشف إنه معي فـي كـل درب!



4

ليش قلبي هالبشـر مذيتـه
دايـمٍ سكينهـم طاعنـتـه
كل ذنبي والـذي سويتـه
إني أخلصت فهواي وصنته
ويش أسوي دامني حبيتـه
القـدر مكتـوب مادونتـه
أعترض دربٍ أنا ماشيتـه
وسط دمي أنسكب وأدمنته
في سويداء القلب هذا بيته
جابه اللي لي مـا سكنتـه

بـك ياغناتـي ماتخيـب الهـقـاوي
ماتخلف الهقـوات يـاذرب الأيمـان
أنشهـد انـك طيـر حـرٍ نــداوي
ماخاب ظنـي فيـك ياطيـر حـوران
للطيب منبـع منـت للطيـب هـاوي
والطيـب عسـرٍ ماتهيـأ لمـن كـان
في ناظـري مالـك حلـيٍ مسـاوي
في وسط عيني عالي القدر لك شـان
أنا أعتزي بك فـي نهـار العـزاوي
وأنا أفتخر بك بيـن حضـر وبـدوان
لا فـزن البيـض ورمـن الغطـاوي
وكلٍ تقـول الطيـب لفـلان وفـلان
رفعـت راسـي يـم نجـمٍ سمـاوي
وقلت الكرم والجود والطيـب عنـوان
للـي علـى ربعـه كريـم سخـاوي
(..........) ومن غيره . سلايل كحيلان

لاتمـد كفـك للكـفـوف الـرديـة
ولاتسوق رجلـك للـذي مايدانيـك
واللـي يجيـك مسيـرٍ فـز حيـه
وأشر الصديق اللي من الناس شاريك
وخلـك خـويٍ مايخلـي خـويـه
وافزع لمنهو جاك بالضيـق ناخيـك
واترك صديق السوء لاتصيـر زيـه
وأتبـع رجـالٍ ترفعـك ماتوطيـك
وخلـك كريـم وافــيٍ بالعطـيـة
والطيـب والإحسـان أول مباديـك
وحذراك ذل النفس والنفـس حيـة
وحذراك لدروب المهالـك توديـك
النفـس أمـارة بسـوء وخطـيـة
أحذر على الدرب الرديـة تمشيـك
هـذي نصيحـة وأكتبتـهـا بنـيـة
أخذ النصحية جعـل ربـي يخليـك

ياراعي الvxr تبغـي علومـي
تبغي علـوم مفارقيـن الحبايـب
آخر أعلومي غارقـاتٍ كمومـي
بدموع عينٍ فوق خدي سكايـب
أحس بالغربة وأنا وسط قومـي
ما كن لي فالدار أهـل وقرايـب
وأحس بضلوعي من الوجد تومي
وأحس قلبي داخل الصدر ذايـب
ضاقت بي الدنيا وضاقت هدومي
وأشوف جروح الليالـي كتايـب
تمر بي الساعات ويمـر يومـي
وأنا مع الدنيا همـوم وطلايـب

صاحبٍ ماله مع الناس تعريف
عجزت اميـز يامخاليـق جنسـه
دورت له مابين هالناس تصنيـف
وضاعت بي الافكار مابين درسه
مره يوضح لي المشاعر بلا زيف
ومرات احساسـه بقلبـه يدسـه
مرات لي بردٍ ومرات لي صيف
عجزت اميز حس قلبـه وحسـه
مره يجي اعذب من الحلم والطيف
ومرات قلبـي باللواهـب يمسـه
مره حنون ومرةٍ مرعب مخيـف
نوبٍ يغيب ونـوب قلبـي يعسـه
لا ماتذكر يوم جالي على الكيـف
ان جيت ابي ظله حرقني بشمسه
حلفت انا لسقيه مـر السواليـف
لسقيه لين الضيـم مثلـي يحسـه
حلفت انا لسل له بالجفـا سيـف
حتى يتوب احساس قلبي يجسـه

قلبي الوافي زرع اجمل زهـوره
في ثرى دفتـر بأقـلام السوايـل
في ادفيتر وحدتـي خبـأ شعـوره
مخلص الدفتر لحمل القلب شايـل
كل ما ضاق الفضا بعينـي ازوره
واكتب الاحلام مع عطر الرسايـل
واتصفح دفتري وابكـي سطـوره
ذي اماني العمرفي الصفحه تمايل
ذكريات ٍ صارت بأرض امهجوره
والعزى دمع ٍ على الوجنات سايل
أذكر اني كل مـا اكتـب اشـوره
لو كتبت ابويت سويـت الهوايـل
واذكر اني كنت في دربي صبوره
كل ما اكتب يقـول الخـط مايـل
واذكر انه مرني وكنت امأسـوره
فـي متاهاتـي وانـواع النكايـل
قال لي وش بك حزينه ومكسـوره
قلت له للحزن شديـت الرحايـل
قال وش لك بالحزن هذي مشـوره
انسي الاحزان هذا الكـون زايـل
المهم... اخر قصيدك وش بحوره
قلت لـه ممكـن تمعـن بالدلايـل
قـال اشعـارك تذكرنـي بنـوره
نوره اللي ساكنه بأرض الخمايـل
نوره اللي ماخذه من البدر نـوره
بنت كانت غير عن كل الأصايـل
قلت له اسمع.... ترى ماني غيوره
لي وليف ٍ مالـك ٍ قلبـي وطايـل
انحبس قلبي في بستانـه وسـوره
وانحبس مابين روحـي والنحايـل
قال شاعر ؟؟؟ قلت يطربني شعوره
شاعر ٍ ماقال لـي غيـر المثايـل
كل هذا الكون غايب في حضـوره
في عيوني شاعري يسـوى قبايـل
قمت امثل والبطـل اتقنـت دوره
لين شاف انجـوم ليلـه بالقوايـل
قلت اسمع ياولد بعطيـك صـوره
شاعري يشبهك في كل الخصايـل
قـال لـي يابنـت والله امعـذوره
كان يشبهني اجـل للطيـب نايـل
قلت له الله على قلبـك وجـوره-
ما فهمت اللغـزولا ماانـت قايـل

صباحك وردةٍ حمراء بيد مشتـاق
لمحك وجاك بالأشـواق مهديهـا
صباحك مثل صبح العيد لامن فاق
وجمع بين القلوب وشبـك إديهـا
صباحك جلسة فيها دفى وأشـواق
تضـم قلـوب مشتاقـة لغاليـهـا
صباحك طفلة قامت مع الأشـراق
ولـقـت قدامـهـا أمٍ تداريـهـا
صباحك طير غرد فوق في الأفاق
وعزف معزوفـة عذبـة معانيهـا
صباحك مثل هتان المطـر لسـاق
على وجه الزهر قطرات ترويهـا
صباح أرق من همس وعتب عشاق
صبـاحٍ يشبـه الطيبـة وراعيهـا

ياهيه وش بك ليـه ماتفهـم العلـم
يومي أقول أبعد وتركـض ورايـه


حبك أنا مـا بيـه يكفينـي الظلـم
ياللي لـك بتعذيـب قلبـي هوايـه


بنيت حلمٍ وأنتهـى عنـدك الحلـم
ماعاد لي با لحـب شـفٍ وغايـه


أن رحت ولا جيت وش عاد ياعـم
خلاص أنـا معـاد تفـرق معايـه


تـدري بـان القلـب منـك تعلـم
علمتـه فنـون الهجـر ياعنـايـه


والحين جيت تدور الحب والسلـم
وراك ماتفهـم أصـول الحكـايـه


سقيتني همك وبسقـي لـك السـم
بطحن فؤادك تحت قاسـي رحايـه


تبيني أفـرح فيـك وأقولـك سـم
أيه انتظر يامحتـرف فـي شقايـه


طبعك أناصرت أعرفه وأحفظه صم
مايسترك زيف الحكـي والدعايـه


تقول ريح الوردفي مهجتـك عـم
أشتقت لورودي وصـادق هوايـه


وين أنت يوم الورد يشكي من السقم
يومه ذبل ينشدك لطـف ورعايـه


الورد يهوى اللين ياقاصـر الفهـم
الـورد يقطـف بالرفـق والعنايـه


والحين ارحل ياشقايـه مـع الهـم
ولاتقـول خلينـا نعيـد البـدايـه

طفت شمعة غياب الحب والمنفـى
تعـال ودثـر أحساسـي ودفينـي
تعال وكـل مافينـي يبـي يدفـى
صقيع البرد في غيبتـك مشقينـي
تعال ولك أراضي خافقـي ملفـى
مثل ما كنـت فيهـا أول أسنينـي
رياضٍ خضر ومشراب ٍ بعد أصفى
من الماي القراح وصـدر مغلينـي
تعال أقلط وسط دارك تـراه أقفـى
زعل يقطع أمـل مابينـك وبينـي
ديارك هي ديارك والفـؤاد أعفـى
عتق كل الرقـاب وقـال تكفينـي
نسى جرحه ولو ماله أمل يشفـى
ونسى هم الغياب وقطعـه يدينـي
نسى إنه قالها في يوم لك (تكفـى)
طلبتـك لا تـروح ولا تخليـنـي

ارتفع صوتي الجريح وعود المبحوح يمـي
-
قال هالدنيا غريبة شخص وافـي مالقيـت
-
قلت ياصوت المواجع اسكب اوجاعك بدمي
-
خلني أحمل جروحك مع جروحي لنطويت
-
دام هذا الكون خالي من ابوي وصوت امي
-
ليه ادور لي قلوبٍ تستمـع لـي لاشكيـت
-
ليه ادور لي قلوبٍ تحضن اجروحي وهمي
-
ليه ادور شخص يمسح دمعتي لامن بكيـت
-
ليه ادور لي قلوبٍ لافـزع قلبـي تسمـي
-
ليه ادور من يوجه خطوتي لامـن مشيـت
-
يادموعي من بعدهم مالك إلا أطراف كمـي
-
ياجروحي مالك إلا انثرك في وسط بيـت

يارحيـلٍ حـط بالخافـق سـهـام
تـاركٍ ضيـم السنيـن الموجعـه
حـزن واهـاتٍ وعيـنٍ ماتـنـام
وليـل قاسـي والدمـوع مروعـه
غارقـه مابيـن اجـروحٍ اركـام
فـي بحـور الآه ابليـا اشـرعـه
اجمع اشتاتـي والملـم هالحطـام
علنـي ياعلنـي بــس اجمـعـه
اغتبقتـك جـرح قلبـي والسقـام
واعتزلت الناس داخـل صومعـه
اتحـرى تمطـر الغيمـه غــرام
وتنبـت ازهـوري بسيـلٍ اتبعـه
مرت الغيمه وقالـت لـي سـلام
قلت وينك طـال بعـدك مفضعـه
شفتهـا تبعـد وغابـت بالـظـلام
اثرهـا مـرت عـلـي مـودعـه
استباح الصمت جرحـي والكـلام
ثـورة البركـان سـوت زوبعـه
طير يصرخ في وسط صدري وحام
حطـم اضلوعـي وهمـي طلعـه
يابشر حـب النقـا ماهـو حـرام
المحبـه شـرع ربـي شـرعـه
يابشر مليـت انـا زيـف الكـلام
مـل قلبـي مـل لبـس الاقنعـه
يكتم الاحساس خوف امـن المـلام
خوف جرحٍ مـن غشيـمٍ يفجعـه
ماشيٍ قلبـي علـى حـد الحسـام
بيـن حـب وبيـن ريـحٍ تلفـعـه
يابشر خلـوا اقليبـي فـي سـلام
اتركونـي هرجـكـم مااسمـعـه
وصل إحساسي معك سرب الحمام
قلـه انـه يـم قلبـي مرجـعـه
قلـه انـي بعـد عينـه مـاانـام
قلـه انــي تايـهـه بالمعمـعـه
خبـره لـه بالغـلا قـدر ومقـام
قلـه انـي كـل ماطـاح ارفعـه
له غلا في خافقـي غيـر الانـام
كيـف قلبـي للمواجـع يدفـعـه
خبـره قـلـه يـعـود بالهـمـام
قبـل لا تبكينـي ايـامـي مـعـه

شاطئ الذكرى

قعدت اقلـب اوراق الزمـن وابيـح الاسـرار
وا لوم والوقت واهات الزمـان اللـي تبكينـا
رجعت ل_شاطي الذ كرى وقلبي بالغلا لك سار
مشى مركب غرامـي للـورى يـدور المينـا
وصلته شط امانينا ود معي وسط عينـي حـار
اناظر يمكن ا لقى لـو بعـض اثـار رجلينـا
وطيته" من وطيته ما شعرت إلا وطيـت النـار
على ضوء القمر وجهك يعيـد اجمـل ليالينـا
تذكرت ::يوم انا وياك نلعب بالرمـال اصغـار
وتسرقنا ثوانـي الوقـت ليـن الليـل يمسينـا
بغيـت اعيـد لعبتنـا اثارينـا غـد ينـا كبـار
تذكـرت الطفولـه حلمهـا مـعـاد يكٌفيـنـا
كبرنا:: وكبٌرت اوجاع الزمن واحلامنا تذكـار
تحدانـا زمـن قاسـي وعـيـا لا يجاريـنـا
مشينا ما لقينا مـن يساعدنـا علـى المشـوار
صرخنا" في متاهات الزمـن ماتـت امـا نينـا
بكينا مـا لقينـا غيـر حلـمٍ ضايـع ٍ منهـار
سهرنا الليل همٍ مـا شقـى بـه غيـر عينينـا
زمنا وش تبي منا ؟ زرعت الشوك والامـرار
اخذت ايامنـا الحلـوه تركـت الهـم يطوينـا
يقولون الزمن قاسي ... اقول ان الزمن غـدار
حكـم فينـا يفرقنـا بعـد ماشـبـك ايديـنـا
بعد ما كان لي قلبه وطـن والعيـن ظـل ودار
نفاني عن وطن عمري وصرنـا اثنيـن مقفينـا
وصار البعد سيفٍ عاريٍ وسط الحشـى بتـار
قطع حبل الوريد ونزفـه الجـاري عثـا فينـا
انا ياصاحبي معاد لي طيـرٍ بقـى مـا طـار
ثرى عمري قفـار ٍ بعـد مـا جفـت مساقينـا
احاول اكتم العبـره و اكمـل رحلـة الاقـدار
مشيت ولا وصلت الا عيونك و انت لـي مينـا

لاضاق صدري واتعبني المقادير
ذكرت رجل من الحمل مايونـي
نسل الرجال الطيبيـن المناعيـر
اللي بهم ماخيب الوقـت ظنـي
لا يابعد راسي ترى ماني بخيـر
دمع العيـون الحايـرة مايكنـي
صفت همومٍ في فؤادي طوابيـر
لحقت على اللي باقيٍ وأذبحنـي
ينلاف قلبي كل ماهبـت عصيـر
نودٍ وراها وابـل المـزن دنـي
وينلاف قلبي لاارتفع بالسماء طير
وابعد بعيدٍ عن عيونـي وعنـي
وقمت أتمنى ليتني أقـدر أطيـر
واقـول يالله ياطيـور الحقـنـي
نبي نسافر يم ديرة هـل الخيـر
اللي لهم قلبـي شفـوقٍ يحنـي

يارب لك حمداً كثيـراً والشكـر
فضلك عظيم وما قدرنـا نحسبـه
لامن ذكرت أبوي ياطيب الذكـر
يشوش راسي يوم ذكـره يطربـه
يشوش راسـي ويتعـلا وأفتخـر
عز الله إني فـي أبويـه معجبـة
واللي يعرف أبوي من بدو وحضر
أنشهد أن أبـوي غصـبٍ يعجبـه
لأن أبويه غير عـن كـل البشـر
نادر ولا له بيـن هالعالـم شبـه
فيه الخصال الطيبات أبلا حصـر
شيخٍ ورد نبع المراجـل وأشربـه
الجود والإحسان وأفعـال الظفـر
والطيب من أول وتالـي مكسبـه
يارب يامنـزل تبـارك والعصـر
أرحم أبـوي ومـع نبيـك أكتبـه
وألهمني يارب اليقين مع الصبـر
وأرحم عيوني من لهيـب تسكبـه

(يابوي )ليتك تسمع الصوت وترد
ليتك تحس بونتي يـوم ونييـت
ليتك تحس بلوعـة مالهـا حـد
من يوم ماعني رحلت وتواريـت
بعدك أنا ليل العنى هدنـي هـد
أسهر وليلي بالبكـى والتناهيـت
عفت الأمل والنور ومطالع الغد
وعن جملة الأحلام فيني تخليـت
حاولت أجامل وأتجمـل وأعتـد
بالصبر والسلوان لكني أزريـت
انقد ثوب الصبر يا منوتـي قـد
ماعاد فيني حيل مهمـا تقويـت

جلست وحدي ولا أدري ويش أنا ودي
زهقانةٍ ضايـق صـدري ومقهـورة
فتحت دفتر قصيدٍ من عصـر جـدي
وأعلنت رحلة فؤادي داخل ابحـوره
دفتـر قديـمٍ ولكـن غالـيٍ عنـدي
عليه ياما شكى قلبـي مـن قصـوره
أوراق بيضـا عليهـا فايـضٍ سـدي
مخفية عن عيون النـاس محضـورة
هذي ثراهـا ربيـعٍ مـن عطـا ودي
ريضانها بالغـلا والشـوق ممطـورة
وهذي مشاريبها جفت, نشـف عـدي
ما اروت ضمأ خافقي مانبتت ازهوره
وهذي عليها دموعٍ من عنـا وجـدي
مايستقر الكحل منهـا علـى حـوره
وهناك ظلم الزمان اللي وقف ضـدي
وهناك حلمٍ بنـى قصـره ودستـوره
أحلام وأوراق كل الـي بقـى بيـدي
ضيعت نص العمر بحـلام مكسـوره

لوحت شمسي بيدها ثـم غابـت
وأتركت لون السماء بلون إشتياقي
للذي حبه بوسـط القلـب نابـت
نابتٍ طلعه على عذب المسا قـي
صاحبي له وسط خفاقي منابـت
ذكريات وأمنيـات وزرع راقـي
فيه روحي من قديم الوقت ذابـت
ومعه قلبي متعبٍ فالدرب ساقـي
من فراقه اذبلت عينـي وشابـت
وأنحت بالروح جرح وحزن باقي
مات حلمي فيه والآمـال خابـت
وما أخذت من الزمن إلا أحتراقي
ياغروب الشمس نفسي لو تغابت
وأرسمت آمالهـا ليـوم التلاقـي
كل يوم مع غيابك مـا أستطابـت
تذكر أنه ضاع منها درع واقـي
وتيقن إنه ماعلى الدنيـا ثوابـت
وكلنا في هـذي الدنيـا طراقـي

تخيل كان لي مره حبيب ٍ من خيـال ونـور
عطيته من ربيع العمر ونبض القلب سميتـه
يصد القلب عن غيره وقلبي لو يصد معـذور
تمر وجيـه لكـن غيـر وجهـه ماتحريتـه
علشانه ثرى قلبـي ربيـعٍ بالغـلا ممطـور
تسيد في خفوقـي يـوم ربـي سكنـه بيتـه
تخيل كان قلبي في مرابـع عالمـه مأسـور
تخيل كـل نجـمٍ بالسمـا لجلـه مخاويتـه
علشانه كتبت اصدق حروفٍ عطرها منثـور
تخيل كل احسـاس ٍ لغيـره مانكتـب بيتـه
سقيته من نبع حبي وكان اصدق شعر وشعور
مقلطته وسط صدري ومن التحنـان مسقيتـه
احس ان الذي حبوا هواهم طيش كذب وزور
وانا حبي له اعظم من حكاية حـب قاريتـه
احبه كثر مابكاني وبعثـر دمعتيـن الحـور
احبه كثر مشقانـي واحبـه كثـر معطيتـه
احبه كثر ماغرد على غصن الشجر عصفور
احبه كثر ونات الخفوق ف. ليـل مامسيتـه
تخيل كل هذالحب وهو حلم وخيـال ونـور
ترى اعطيت لك اكثر من اللي كنت معطيتـه

أن كان به ناسٍ علّـي زعلانـه
مادامني ماخطيت وش زعلها!!؟
تزعل علّي العالـم المرضانـه
ويزعل علّي من العرب جاهلها
وإلا الأوآدم تدري إنـي دانـة
والجوهرة مابه أحـد يجهلهـا
الغدر ماله فـي حياتـي خانـة
والكذبة أعرف عاقبـة قايلهـا
كلي ثقة في نفسـي الرويانـه
بكل الخصال الطيبـة وأجملهـا
هويانـة ٍ أقولـهـا هويـااانـه
وأعيدهـا وأزيـد وأعللـهـا"
لأن لـي قلبـه فتـح بيبـانـه
ومن بعد ماسكنـت بـه قفلهـا
مافيه غيـري ساكنـه وجدانـه
ومافيه غيري بالنظـر شايلهـا
مابي وطن للقلب غير أوطانـه
هو عالمي ,هو دنيتي بكملهـا"
موضوعكم ذا أقطعوا شريانـه
هذي قراراتي أنـا أتحملهـا .

اسرح بتفكيري بحلم الليل جبت الكـون جـوب
رجعت من رحلة خيالي شوق وهمـوم وضنـا
اهرب من الواقع ولكن مانفـع حلـم الهـروب
ابعد وألاقي قلبـي المشتـاق مـن طيفـك دنـا
جيتك انا بإحساس صادق يكتسي وجهي شحوب
جيتك من الغربـه مشاعـر هدهـا ليـل العنـا
جيتـك ولكـن مالقيـت إلاسنـا حلـمِ كـذوب
ورجـعـت اردد كلمتـيـنٍ قلتـهـا الله لـنـا
رجعت أكفكف دمعتي:رجعت بإحساس الغروب
بيـن الضيـاع وظلمتـه كفنـت حلـمِ ضمنـا
حسيت بأمواج الألم تهزني مـن كـل صـوب
وصوت الحزن في داخلي شيد له أقصور وبنـا
مشيت بإحساس الغريب والهم في قلبي يـذوب
عجزت أكمل رحلتـي جلسـت أناظـر دربنـا
يادرب هاذيك القلـوب الباكيـة كانـت قلـوب
واليوم يادرب التعاسة مـن عليهـا قـد جنـا؟
أقلوبنا ذيـك الطيـور اللـي تقاذفهـا الهبـوب
أحلامهـا ماتـت كمـا وردٍ تفتـح وانحـنـى
يادرب كيف أسامحه ؟ماهو على الفرقا مغصوب
ماكنـت أظنـه ينهـزم: ويقتـل بقايـا حلمنـا
كيف اعذره وأنا الذي أهديت له قلـبٍ عـذوب
سكن بريضانه وحيـد وصـار حلمـه والمنـى
ضويت له شمعة وفى و نورت له كل الدروب
حسسته انه غير:كل النـاس فـي عيونـي أنـا
ماهمني حكم البشر:ماهمني خـوض الحـروب
ماهمني لوكـان عمـري دون حبـي لـه فنـا
يادرب من عقب العطا بصد: وعن حبه بتـوب
مـدام قلبـه ابتعـد وش ينتظـر قلبـي هـنـا
قررت أكمل رحلتي وان كان لي عمر أمحسوب
رحلة حزينِ عـاش فـي دنيـاه عمـره ماهنـا
يمكن تطوّل رحلتي وأنسى غدر قلـبٍ لعـوب
ويمكن :ويمكن والأكيد انـه سكـن فينـي أنـا

لاتنشدين الغصن وش فيـه ذاوي
مليت اجاوب كل من صاح نشـاد


هذي مـواري علتـي والبـلاوي
وهذي مواري دمعتي حزن وحداد


هذي جروحٍ مبطيـة يامضـاوي
دايم عليها تنزف اجـروحٍ اجـداد


جرحٍ عطيبٍ وازرق الدمع كاوي
وليل الشقى يضرب على خافقٍ باد


جرح الزمن اصبح لقلبي مخـاوي
مثل الرفيق اللي عن الدرب ماحاد


اسير قلبي في همومـه شقـاوي
كنه سجينٍ سيـق للمـوت منقـاد


لاعاد له ضحكٍ ولالـه غنـاوي
ولا له مع العالم تباشيـر واعيـاد


بين الضلوع يجر صوته خـلاوي
يغني اجروحه شقى/هم واسهـاد


وش حيلته لاصار طيـره نـداوي
والوقت جايـر والمخاليـق نقـاد