الشاعر ثامر شبيب

http://www.tratel3asheq.com/up/uploads/13969881522.gif
http://v.3bir.net/3bir/2007/08/200-1.jpg


شاعر مميز شاعر الفراق شاعر جعل لشعرِه وجود بكل مكان ..

رغم انه مقل في ظهوره بالساحه إلاّ أنه جعل اسمه موجود في قلوبنا ..

يقول عن نفسه / أنا شاعر احاول اكتب كل ما أحسّه ..

من أهمّ شعراء الكويت والخليج بصفة عامة ولشعرِه رونقه الخاص الفَـريد .


له ديوان صوتي اسمه ( ليلة افراق )

http://a2.mzstatic.com/us/r30/Purple/v4/a9/45/12/a9451204-7cff-a4ad-c448-c10a234bcfc2/screen320x480.jpeg

قصيدة هذي حياتك .. وانت حر بحياتك للشاعر




لحظه قبل لا تطلب البعد وتغيب
وتنهي معايه مرحله من حياتك

أخذ الهدايا والصور والمكاتيب
دامي خسرتك ما أبي ذكرياتك

يمكن يكون فراقنا رأي مصيب
خيره .. كتبها الله جتني وجاتك

مع اني ادري انت ماعنك تجنيب
كنك موصيني وقاضب وصاتك

رح واترك بقلبي لك أربع معازيب
معزتك طاريك حبك غلاتك

وإن شفتني أجمع شتاتي .. ماهو عيب
باكر مع الأيام تجمع شتاتك

وإن شفتني شايل جروح معاطيب
باكر يصير الجرح أبرز صفاتك

أكبر مصيبه في زمان العذاريب
إني أحبك وأنت حبك لذاتك

الطيب لو إنك تجازيه بالطيب
ماكان تالي الوقت هذي سواتك

يا صاحبي لا صرت أغلا الأصاحيب
لا تزعل بكيفك وتطلب رضاتك

أنا حبيبك مبعد الشوح مانيب
من ضيع جهاته .. يدور جهاتك

إن كان ماعديت روس المراقيب
ماني كفو أصلا أنام في عباتك

شفني مقدر عند عكف الأشانيب
مانيب من تومي عليه بعصاتك

رح للفراق إللي تركنا مصاويب
شمت اعداتي قبل تشمت أعداتك

الله معك .. رح وين ماودك تغيب
هذي حياتك .. وأنت حر بحياتك

http://www.tratel3asheq.com/up/uploads/13969881522.gif

اكره اثنين



https://dc338.4shared.com/img/60UCKGsf/s22/127c6cb94d8/__27

قالوا امدح شيخ والا امدح امير
لجل تكسب من مديحه فايده

قلت انا في خير واحوالي بخير
ليه ادور شي ماني رايده .؟

ادري ان مال الكبير الا الكبير
الرجال تقاد والا قايده

اكره اثنين : المنافق والحقير
تستقل طيب الرجال الرايده

ان مدحت امدح وانا وجهي سفير
مدحت للحق ماهي سايده

وكانها ماجات من قلب وضمير
مدحتي ذمه بحقه كايده

وش علي ان صاد له طير يطير
لاهو بطيري ولاني صايده

من خلقن الله احب اكون غير
ما احب اكون حاجه زايده

الفقر ماعذرب اخلاق الفقير
في السنين الحاضره والبايده

في الزمن اشياء تعني لي كثير
التمام الشمل حول المايده

ومنظر البسمه على الطفل الصغير
في نهار العيد يوم تعايده

قلتها وعذري يصير اللي يصير
كل راس يرتخي لوسايده

انتبه وياي للبيتالاخير
اسمعه مني ولاني عايده

تدري وش معناة رجال حقير
من يصاحب رجل لجل الفايده

؛
http://www.tratel3asheq.com/up/uploads/13969881522.gif

ولدي



لا ملامه لا تشره لا عتاب

ماغدى لك شي مفروض يغدي


لا تحاسبني على اسباب الغياب

في يدك ماصار ماكان بيدي


لو رجعنا وابتدينا بالحساب

منتهي وياك من قبل ابتدي


كنت اشوفك غير لين القلب ذاب
في هواك وصار ماهو بجسدي


وقتها لو لي ولد عمره شباب

يمكن احبك كثر حب ولدي


لكن اللي غاب .. يوم النور غاب

شي يحداني عن ايدينك حدي


تذكر اللي صار يا مال الذهاب

ليلة ماجيت وامسيت اوحدي


لا تغرك بسمتي وزين الثياب

داخلي ضايق من الوقت الردي


السؤال اللي بقى ماله جواب

ياكثر مامر على الجرح الندي


يا معودني على طرد السراب

وشتبي فيني اليا ضاع جهدي ؟


صرت انا وياك نشبه للسحاب

لا تجمعنا تساقطنا بردي


السحاب اليا تساقط بالاهضاب

يحيي القاع الحزين الجرهدي


بس حنا .. لا تساقطنا عذاب

نكسر القلب الكبير الاجودي


http://www.tratel3asheq.com/up/uploads/13969881522.gif

لباس العمامه


سم بسم الله يا طفل تحلم

وارتفع للعز ياراعي الزعامه


اقضب الهرجه وللموعد تولم

قبل ترقا هامة من فوق هامه


صاحبي لاصرت ماتعرف تعلم

قبل تلحق لحيتك شرها وملامه


ودك الرجال لامنه تكلم

يثبت افعاله على موجب كلامه


سالفتنا غير عن قلب وتألم

لاشكى معذور من لاهب غرامه


سالفتنا ضربة استاذ ومعلم

شتتت فكر التلاميذ ونظامه


لكن اسمع قبل اقول اسلم وسلم

كل رجال وله بصمة ابهامه


صاحبي بالحق لاتسكت تكلم
لاتحسب حساب لباس العمامه


http://www.tratel3asheq.com/up/uploads/13969881522.gif

خراب بيوت



ياحي والله هذاك الصوتاللى اتصل امس مشتاقي




لحظة غيابه تجيب الموت

وشلون لو ينوي فراقي


ياراكب اللى يسمى حوت

اقصاد .. والحال بك ضاقي


اركب نبي .. نصيف بيروت

لعيون مبرومت الساقي


تدري وشنهو خراب بيوت

غيابها .. وقطع الارزاقي


من عقبها كني بتابوت

ماعوض غيابها الباقي


اللى اسمها بالحشى منحوت

من حبها داخل اعماقي


تقول : ان الليالي تفوت

وانا انتظر لك على اشواقي


ماشفتني .. كاشخه بالبوت

امشي .. بثقة واحد هاقي


الهيبه ماهي بلبس بشوت

غيرتها بعين عشاقي


من هيبتي لابست لي كوت

هيبة ملك .. مر سواقي


قلت : اسكتي والوعد مثبوت

بكره اطفي الشوق بعناقي



فديت دم الشفايا التوت

الموت الاحمر ولا انذاقي


خليط سكر على ياقوت

صفت ثناياك براقي


ياصاحبي .. اركب لبيروت

لعيون مبرومت الساقي


نمشي على الرجل ولا الحوت

ماتفرق ان صرت مشتاقي


http://www.tratel3asheq.com/up/uploads/13969881522.gif

قصيدة عبس


ياوقت لاتلبس مواعيدنا لبس
كم لي وانا خايل واخايل واخايل

الكسر حديته على الجبر والجبس
والدمع حديته على الخد سايل

فل القيود وبطل اقفولة الحبس
خل الكويت تعايد اليوم حايل

اللي تشاور راعي اللبس باللبس
تبا تماريبه بنات الحمايل

ام الترف والمبسم السكر الدبس
عالت على قلبن لها الحب شايل

من يوم ماجتني تحبس الهوى حبس
تامر علي ولسانها حيل طايل

وشلون تامرني وانا من بني عبس
لو يحكي التاريخ فيها قبايل

رح قلها لو ريقي من الضما يبس
ماني بدور بالرفيق البدايل

كان الزمن مايل معي وخاطره عبس
ترى الزمن ماهو على طول مايل

بكره تغادر ضيقة الصدر والكبس
باب الاصايل ينفتح للأصايل

تلقا اليدين مكسره قفولة الحبس
وتلقا الكويت مصافحه يد حايل

http://www.tratel3asheq.com/up/uploads/13969881522.gif

قصيدة غرتني الدنيا


غرتني الدنيا وانا اصبحت مغروروحطمت قلب اللي غمرني بطيبه



اصبحت عايش خالي احساس وشعور


ماعاد افهم وش حبيب وحبيبه


غادي عن الدنيا لي ايام وشهور

صارت حياتي في عيوني غريبه


ظلام لف الكون ماعاد به نور

غربه خذت ثامر من ايدي نهيبه


بنيت بيني وبين نفسي انا سور

ابعدت نفسي وهذي اكبر مصيبه


ترى الذي مايسمع الراي والشور
كلمه تودي به وكلمه تجيبه


وانا غلطت وقلت ماني بمعذور

ومن يعترف بالحق محدن يعيبه !!!


وياصاح سامحني اذا جيت بقصور

مثلك يسامح لازعل من قريبه


لو منت غالي كان ماني بمجبور

اجي و ادور عنك من بعد غيبه


اقسم برب البيت ان لزمن دور

واني بدونك عشت حاله صعيبه


انام ضايق اصبح الصبح مقهور

تخيل ان راسي بدا فيه شيبه


المسأله ماهي قصايد وجمهور

ولا هي بعد قصة كرامه وهيبه


مسرور من هالناحيه حيل مسرور

مرتاح في وضعي كذا ومهتني به


ماهوب اكبر همي اصير مشهور

كلن بياخذ من كتب من نصيبه


بس انت ارجع لي وانا اكون مشكور

واقلب يدي وبوسها وابتدي به


يومن معك مافيه شاعر وجمهور

مافيه الا بس حبيب وحبيبه


http://www.tratel3asheq.com/up/uploads/13969881522.gif

قصيدة تومي بيدها



الله واكبر ياهذيك المواعيد
ايام ماكانت تحاتي وعدها


من قبل لا تكثر عليها المناقيد

وتلبس خطاياها عباه لجسدها


العام كانت حلم ليل الصناديد

من الحيا ماتجاوب اللي نشدها


واليوم صارت تصنع لكيدها كيد

تعلمت وشلون تتقن نكدها


تومي بيدها لواحدن واقف بعيد

تحسبني ازعل يوم تومي بيدها !!!


ماتدري ان فراقها كنه العيد

ماني بميت من غلاها بعدها


القلب لو شوقه بعد غابت يزيد

ذبحت قلبي في يدي لو فقدها


ماعادها كفو السهر والتناهيد

مدامها خانت مبادي عهدها


قولولها وانكانها شيخة الغيد

تستر عن عيون المناظر نهدها


وانكان اصبح عذرها حب تجديد

مع موظة يخذل مطرها رعدها


لا والله الا زادة حبارة الصيد

وطيور ماهدة بيكثر هددها


العلم بين مايبي زود تأكيد

واضح وضوح الشمس للي شهدها


الشمس تطلع شرق يوم الله يريد

حكمه من الله ماطلعة من وحدها


الله أمرها تنور الكون تحديد

وبعض البشر مع كل هذا تعبدها !!!!


يعني خلاصة هالحكي والتشاهيد
قولولها من قبل تفقد رشدها


انكانها مشتاقه لواحد بعيد

تروح له .. ماهوب تومي بيدها !!!!


http://www.tratel3asheq.com/up/uploads/13969881522.gif

قصيدة توك تجي


منك السموحه والعذر يا ضنيني
النفس طابت لين قلبي عذرها



ماعاد باقي شي بينك وبيني

وانكان لك حاجه تعال اختصرها


اخذت من عمري حلاوة سنيني

كافي على قلبك اليامن ذكرها

غصب الفراق يصير ماهو بديني

اقدار مكتوبه ولاحد(ن) قدرها


توك تجي .. واتقول انك تبيني

وين انت يوم النفس تشكي كدرها ؟؟؟


كنت اترجى تتصل يوم فيني

كنت بحياتي غير .. قبل اتهجرها


خلاص لا تتعب قدمك وتجيني

كنت احترم جيتك .. وصرت احتقرها


سبحان من خلاك عادي بعيني

من عقب ماكنت انت تسوى نظرها


http://www.tratel3asheq.com/up/uploads/13969881522.gif

قصيدة حكاية اسمه الثاني


اببعد والطريق اللي يودي ياعساه يجيب
بدالي واحدن تلقا معاه اللي تمنيته

مدامك شايف الفرقا امل خيره وراي مصيب
انا حاضر على امرك وامرك ماتعديته

انا الغلطان واستاهل جفاك ومنك التجنيب
على فكره ترى ماهمني بعدك وتشتيته

كثر ماهمني شخصن بداية بعده التعذيب
قسم بالله مامثله من الاجواد خاويته

حسافه يالحبيب اللي من يديني زمان قريب
ترك دنياه من شاني ولجل دنياك صديته

هذاك اللي خلق ربي حياته كلها من طيب
تضيق بعيني الدنيا واشوف الخير لاجيته

تخيل من تعرفنا ولامره لحقته عيب
ذكرني والمصيبه ياكثر ما انا تناسيته

كبير الفرق مابينك وبينه ولسؤال مجيب
اذا ردت على فعلك وصيته وفعله وصيته

علي لاضاقت الدنيا وجيتك عن عيوني تغيب
وهذاك ان ضاقت الدنيا وجيته فاتحن بيته

كلامه .. فلة حجاجه .. سلامه لابدا الترحيب
كبير بكل حالاته .. انا وشلون خليته !!!

عطاني كل ما اطلب بلا منه بلا ترتيب
على اقصاه يمكن الف مره بس حديته

تركته ايه ما انكر وعذري دايم التجريب
غريبه قصتي وياه والاغرب كيف جافيته !!

اشوف الدنيا صغيره بعيني اوكره التغريب
اضيع شهور عن دربه وارد انكان دليته

اجيه استسمح ارضاته واطالب حقي التقريب
انادي اسمه الثاني عشان ارضاه ناديته

حكاية اسمه الثاني بسيطه ماتبي تحسيب
عطاني اسم غير الناس بلحالي وسميته

انا متأكد ان جيته ودمعي سايلن للجيب
بتصغر كل هالدنيا مثل ماضقت وابكيته

كبير بقلبه بحبه كبير ولا ملاه الشيب
يقرب كفه الطاهر لكفي كان مديته

اذا الله قدر ورده مثل اول وصار قريب
عسى الله كل محتاجه يخليني ان خليته !!!!!

http://www.tratel3asheq.com/up/uploads/13969881522.gif

قصيدة بسكات


https://i.ytimg.com/vi/2LtJL4uT6NE/hqdefault.jpg


ياكثر شرهاتي عليك انت بالذات
والا على غيرك تراها قليله

تعبت اجي بسكات واروح بسكات
ساكت وانا متني حموله ثقيله

مرات احس اني لحالي ومرات
احس مسنود بجيش وقبيله

عشت بمتاهه غير كل المتاهات
كانت مفيده بس ماهي جميله

عرفت منها كيف طعم الخيانات
وشلون ترخصك النفوس الذليله

خسرت .. لاوالله فدتك الخسارات
ياغلا من الدانه بعينن بخيله

ماقلت لك قصة بعيد المسافات
اللي معه بشته وسيفه وخيله

ضحى بهم منشان سود وسيعات
الله يعين اللي مفارق خليله

جيتك اشيل من التعب كثر مافات
طرقي وهدت سود الايام حيله

خذني من ايدين الحزن للمسرات
ليله معك عن الف ليله وليله

صوتك لحاله غير عن كل الاصوات
وش غير ؟ حتى الغير ماهو مثيله

غير انت وصوتك غير والشوق مامات
وتلومني لاجيت قلبي اشيله

دايم ترى اهل القلوب الحزينات
تنشد عن الغالي وتجي تشتكي له

علاقتي وياك غير العلاقات
لو كان ماهي ياحبيبي طويله

اشره على الغالي عليك انت بالذات
والا الرخيص رخيص ماني بجي له

http://www.tratel3asheq.com/up/uploads/13969881522.gif

قصيدة العشره



تدري وش اكبر صدمتن تنصدمها
لا حتجت لك غالي وقام يتصدد



علاقة العشره بلحظه هدمها

من شان حاجه للمفارق تهدد


وكانه ندم .. مافاد ناس ندمها

مافات مات .. ولا يفيد ان تودد



جعله فدا ناس مواطي قدمها
تسوالها ديره وحكم مشدد

ناس تساوت روسها مع خدمها

زمانها راحت عليه وتجدد


اطلال صارت .. جاء زمان وردمها

حتى مكان اطلالها ما يتحدد


وجودها ماهوب يشبه عدمها

على الاقل اليا عطت ماتردد


ماهيب مثل اللي ربوعه صدمها

لاجاه في حاجه رفيقه تصدد


http://www.tratel3asheq.com/up/uploads/13969881522.gif

قصيدة محتاج لك حيل


محتاج لك حيل والله يقطع الحاجه


حدتني وجيت اداري دمعة عيوني


باين علي التعب والضيق وانتاجه

منهار لوني متغير ماهو بلوني

لقيتك .. اللي يصد معقد حجاجه

وانت اقرب الناس والغالي ومضنوني


لكن على الله بديه الضيق وافراجه

والا انت الله معك خابت بك ضنوني


بلاش منك ومن موقفك واحراجه

رح واتبع اللي خذوا مني وخلوني


من صد عني ترى مانيب محتاجه

من دونه اعيش دامه عاش من دوني


وان قدر الله مع الايام نتواجه

تمر مثلك مثل ناسن يمروني


في عيوني تصير ماتسوا ولا حاجه

من عقب ماكنت تسوا الناس في عيوني

http://www.tratel3asheq.com/up/uploads/13969881522.gif

قصيدة دمعة البرد


طبع الندى يبكي وهو حاضن الورد
في عز ماهو فارغ الصدر مرتاح




مثل السحاب اللي بكا دمعة البرد

تفرح به العربان لا بارقه لاح


اما انا قلبي غدى قاسي عرد

ماعاد يبكي لو فنت كل الارواح


من يوم راح وشاف دمعي ولا رد

حرمت مابكي لي على واحد راح


طرد المقفي يتعب القلب بالطرد

يشوحه المقفي كما شوح ملواح


ترى حلاة الرجل في حزة الجرد

مايقبل الهين .. ويوقف اليا طاح


ان صدرم صدر .. وان وردم يرد

ياخذ حقوقه لو بها سيوف ورماح


والدمعه اللي شافها وراح مارد

اخير دمعه كانت لواحد راح


http://www.tratel3asheq.com/up/uploads/13969881522.gif

قصيدة سافر


سافر واخذ قلبي معك وين مارحت
اخذه معك في غيبتك وش ابيبه .؟؟

يمكن معك يرتاح لاشافك ارتحت
يمكن يجيبك لي ولا تجيبه

والا انا لقفيت معذور لاطحت
ياصعبها فرقا حبيب لحبيبه

من فوق تقلب غيبتك دنيتي تحت
ياللي فراقك لي اكبر مصيبه

اليا طرا طاريك من ضيقتي صحت
والدمع يملي كم ثوبي وجيبه

انا اشهد انك داخلي منحت نحت
يابخت منهو صرت حظه نصيبه

مليون ضيقه ان جيت عن خاطري زحت
ارجع فديت الليل يوم تحكي به

يا قلبة الله في عيوني اليا لحت
كنك اسير جابه الله الحبيبه

http://www.tratel3asheq.com/up/uploads/13969881522.gif

قصيدة قلب بدوي


ماعلي خلاف اقول اللي ابيهمن فضل ربي علي اني قوي




الا حبك شي ما اقدر عليه

كن حبك ضيف والقلب بدوي


انت بس اللي ابيه ولا اجيه

عنك حظي لاوي ذراعي لوي


صرت لي مشوار لاجيت ابتديه

ان لقيت الدرب ضيعت الخوي


رد يامنهو حياتي في يديه

لا تخليني وانا لك مهتوي


ان خسرتك وين ابلقا لك شبيه

وانت من كل شي نادر تحتوي .؟


وين رايح جعل هالزول افتديه

وانت خابرني من البعد انكوي


انت حتى الجرح منك اشتهيه

من غلاك اضمى عذابك وارتوي


انت لا سولفت ماكني هنيه

التزمت الصمت كني منطوي


ليه اسولف لك وهي من غير ليه

تعرف انك تطوي احزاني طوي


انت حبك شي ما اقدر عليه

كن حبك ضيف والقلب بدوي


http://www.tratel3asheq.com/up/uploads/13969881522.gif

قصيدة جيتك


لاتلومني لاجيت كلي من اقصاي
مافيه غيرك لاتضايقت جيته



جيتك ولاغيرك ذكرته بمسراي

جيتك وكل انسان غيرك نسيته


جيتك وانا ماني بأنا تايه الراي

جيتك وانا مدري وش اللي بغيته


جيتك وقلبي دقته تسبق خطاي

جيتك اقول مفارقك ماقويته


ان مر يوم بالعمر منت وياي

اشتاق لك شوق المسافر لبيته


مثل الهوا تحتاجه الناس والماي

يحتاج لك قلب هواك وهويته


دامك معي ماقصرت يوم دنياي

دامي خذيتك وش بقا ماخذيته


وانكان تنشدني بعد ليه انا جاي

ابشر برد يقنعك لاقريته


جيت اعترف بالفرق يا اخر مناي

بينك وبين اللي عشانك جفيته


اني ليامن جيت لك ( همك رضاي )

واني ليامن جيت له ( مالقيته )


لاتلومني لاجيت كلي من اقصاي

مافيه غيرك لاتضايقت جيته


http://www.tratel3asheq.com/up/uploads/13969881522.gif

قصيدة الرساله



ياللي حرمت القلب مبطي من الصوت
لاتحرمه هالحين رد الرساله




ايام عمري معك لحظات وتفوت

وش تنتظر لاضاع عمري بداله ؟


يعني عشان اسمك على القلب منحوت

ماعاد تسئل ليه وش هالنذاله ؟


ان كان قصدك شوفتي وسط تابوت

خلنا على ماقيل كلن بفاله !!!


اليا طرى طاريك حسيت بالموت

اليا متى هالحال ماهي بحاله .؟؟؟


من غبت وصارت غيبتك شي مثبوت

الناس تنشد ليه ثامر لحاله .؟


زعلان حدي منك ضايق ومغموت

وكل من سئلني عنك ضقت بسؤاله


عز الله اني معك ماني بمبخوت

امشي يمين الدرب تمشي شماله


عزاه يالدنيا عقب بحت الصوت

صار الرجى منك ترد الرساله !!!!


http://www.tratel3asheq.com/up/uploads/13969881522.gif

قصيدة أحبك

https://scontent.cdninstagram.com/hphotos-xap1/t51.2885-15/e15/11327334_1676782782550889_1003137450_n.jpg


انا لاقلت لي شلونك وانا ضايق اقول بخير
مدامك سائل عني اكيد ان ضيقتي راحت

انا من كثر ماحبك اشوفك في عيوني غير
تضيق النفس من غيرك ولامن شفتك ارتاحت

احبك كثر .. ماتطري فبالي وتشغل التفكير
كثر .. ماشيلك بعيني وناس منها طاحت

احبك كثر .. ما ادمح خطاك ان خانك التعبير
كثر .. ماخانت الرفقه بكتم اسرارها وباحت

احبك كثر .. صقار تولع في محبة طير
كثر .. مادلة الطيب بريحة هيلها فاحت

احبك كثر .. ماحس بشعور اني عليك اغير
كثر .. مازيح هالغيره عن افكاري ولا انزاحت

احبك كثر .. مالك داخلي حب وغلا وتقدير
كثر .. ماغبت عن عيني ودموع امفارقك ساحت

تصدق !! من عرفتك صرت احبك .. واكره التغيير
وانا اللي كنت اعشق كل نجمه بالسما لاحت

تأكد كل ماتسئل عن حوالي اكون بخير
مدامك سائل عني اكيد ان ضيقتي راحت

http://www.tratel3asheq.com/up/uploads/13969881522.gif

قصيدة الشهره



الشهره اللي وراها الناس منجرفه


ماهوب اكبر طموحي مصافح ايديها


مانيب جاهل بها انكانها حرفه

اعرف مداخيلهاواعرف خوافيها


اعرفك يادربها واقول ماعرفه

وان مر طاري لها صديت طاريها


الشعر لولا عيون الجادل الترفه

والله لانسى القصايد مع قوافيها


ضيقات صدري كثيره مالها صرفه

من كثرها ماعرفت شلون ابحكيها


اشياء منها تبات النفس منقرفه

ياكثر ماحطمت نفسي وامانيها


القدس راحت إناظرها من الشرفه

وابن اليهودي يدوج في ضواحيها


وحنا العرب ساكتين اسكات معترفه

نشوف بالعين ارض القدس وش فيها


والدمعه اللي من المسكين منذرفه

ماحركت شي بالظالم معانيها


الجوع .. والبرد .. ومسكن يشبه الغرفه

تقتل احلام الفقاره .. قبل تحييها


والناس صارت بجرح الناس محترفه

يارب سترك من الدنيا وبلاويها


والحب تطعن بصدقه .. بنت منحرفه

من كثر ماكذبت .. تنسى اساميها


وبعض السوالف تغثك مابها طرفه

تدبل كبود تدور من يسليها


مثل البشر بعضهم ماودك تعرفه

زود على ضيقتك وجهه يطريها


http://www.tratel3asheq.com/up/uploads/13969881522.gif

قصيدة شيخة العوب


كل البشر في صوب وهالبنت في صوب
الكامل الله كامله ماتعابي

ترفه وهي تمشي مسافات ودروب
في عز رحلات الشقى والعذابي

لامن مشت في يدها ترفع الثوب
كل يناديها وهي تقول مابي

من الدلع سميتها شيخة العوب
حتى دلعها منحني له عجابي

مركوبها ماهوب أيات مركوب
من مر قدامي تلنه ركابي

لحقتها والهرج زاهب ومكتوب
لأي موقف كنت عامل حسابي

قلت السلام وردت بأيش مطلوب
قلت الخفوق بخفت الدم ذابي

قالت وش اللي حدك لناري تذوب
قلت المشاعر ماعليها عتابي

قالت تمثل دور عاشق ومحبوب
قلت الحقيقه افتديك بشبابي

قالت اخير الحب ناهب ومنهوب
قلت انهبيني قبل لانقل صوابي

قالت متى تكبر عن الحب وتوب
قلت الخبل من شاف زينك وتابي

قالت صراحه ماتوقعتك سلوب
قلت افهم انك معجبه في جوابي

فجأه عرض لي واحد عرضت خروب
سلم علي وخاطر البنت طابي

جاني مطفي ضارب فياض وشطوب
ومن قو عينه قال يامرحبابي

واخذ يسولف لي وانا فيه مغصوب
يسئل عن احوالي وسبة غيابي

مايدري انه بعرضته كسر قلوب
لا واعذابي منه لا واعذابي

رقد على كبدي وانا بوقت محسوب
البنت راحت والرجى منه خابي

وقفت عاجز كني انسان مغلوب
من قرد حظي كل هذا جرابي

اتلا عهدها تلتفت لفت رعبوب
مالله كتبها قسمة في كتابي

اقفت تمشى في مسافات ودروب
قلبي يناديها وهي تقول مابي

http://www.tratel3asheq.com/up/uploads/13969881522.gif

قصيدة مرت وعدت



امنت ان الحي بيقابل الحي
من صدفة للدرب هذا جرفتني

امشي بفالي صدفة ما ابي شي
فجأه عرضت لي شفتها وطوفتني

مرت وعدت كنها ماهي بهي
ماكنها ياخوك يوم عرفتني

عطيتها حب وغلا وقصرت بي
اوفيتها بس للاسف ما وفتني

كانت اليا ضاقت تجي كلها لي
نست عطاي وطيبتي لالفتني

ماكن لي فيها غلا لو هو شوي
ولكنها بسود الليالي جفتني

وقفت اطالع منجرح منكوي كي
ساعه بمكاني منصدم وقفتني !!!

بغيت اجيها وصدها كتف ايدي
تبي الصراحه ياولد خوفتني !!!!!

خايف اجيها تقول لي وشتبي في
.؟؟ولا تسوي نفسها ماعرفتني !!!!!!

http://www.tratel3asheq.com/up/uploads/13969881522.gif

قصيدة احساس طفله


يا بنت وجه الخير بين ومعروف
لو ماتكلم شافت الناس خيره

والوجه الاقشر ماهو بحاجة اوصوف
يبان حتى للعيون الضريره

من عاش يتبع خطوة المال ملهوف
رزق كتبه الله .. مافيه غيره

الخوف لو ينفع .. نفع صاحب الخوف
اللي على حقه يدينه قصيره

الضعف ماغير قدر ناس ضعوف
عاشت صغيره ويوم ماتت صغيره

كلمة احبك بس من اربع حروف
وتحكي احاسيس ومشاعر كثيره

الحب اكبر من سهر ليل وطيوف
ماتفهمه حتى القلوب الكسيره

تدرين اصدق حب يطلع من الجوف
حب الفقير اللي عشق له فقيره

احلامهم تكبر من ملامس كفوف
وتكبر من اشواق العشير لعشيره

كنه معاها لو على ضلع مكشوف
داخل قصر يجمع امير واميره

احساسهم صادق بلا كذب وزيوف
كلن يقول اللي يريح ضميره

احساس طفله عندها العيد نفنوف
تظن من تلبسه صارت كبيره

وانا لحالي مجابه صفوف وصفوف
واليا خسرت اقول فدوه وخيره

اطيح ووقف وابعد الشوف واطوف
اخذ قليل الزاد وارحل لديره

اترك كثير الزاد واكسب ماعروف
ترك الكثير يجملك في مصيره

يمكن يجيه انسان هالك من صدوف
يلقا من اللي تاركه مايجيره

شايف من الدنيا وعايف بشر عوف
اجناب والا من رجال العشيره

مرت علي اظروف واظروف واظروف
ماريحت حتى العيون السهيره

وللحين راسي راس وكتوفي كتوف
ماغيرت مني ليالن عسيره

مدام فيني حيل وعيوني تشوف
والله معيشني بحاله ستيره

والله لستقبل على بابي ضيوف
لو ما املك الا دلتين وحصيره

http://www.tratel3asheq.com/up/uploads/13969881522.gif

طيحة العود


تعبت اقول لضيقتي سهود ومهود
اليا متى هالعذر بيكون عذري

البارحة يوم اكثر العالم رقود
عادت علي اللي تجي منين مدري

الضيقة اللي كل ماراحت تعود
مكانها مابين قلبي وصدري

ناس تنام مدهنة في دهن عود
وناس تنام مدهنة بزيت مقري

لاواهني اللي حلالة من الذود
تسعين وضحى كل ماضاق يسري

يسج معها كل ماهبت النود
يتبع مسيل السيل في القاع يجري

ماهوب مثلي من اقرب الناس مجحود
الله يسامح من طعني بظهري

من راح ماكنه على القاع موجود
مايدري انه اول اسباب كسري

كل ماطرالي قلت من قلت الفود
ياليت منهو راح ماعاد يطري

لو تستحي من فعلها ايامي السود
كان استحت مبطي ولا طال صبري

قدمت بالموجود لخاطر الجود
لين التفت ولابقى شي حدري

عطيت من عمري ولا شفت مردود
ياللأسف للناس ضيعت عمري

واذا افرحوا واجد على طيحة العود
هذا دليل انه فعل شي يغري

بوقف لحالي واتبع الطيب والزود
اشره علي ان صغر الوقت كبري

ماني على بعض المخاليق محدود
اموت مانزلت للناس قدري

http://www.tratel3asheq.com/up/uploads/13969881522.gif

حاولت اغير فيك من كثر مغليك


البارحه مابين وشلون يمديك
في يوم واحد ياحبيبي تغيرت

الليل خلاني وخلا طواريك
تلعب بقلبي كل ماداخلي ثرت

سويت شين حدني غصب ماجيك
والا قبل لاسير الليل سيرت

هدمت كل اللي بنيت بتجافيك
هدمت لا والله بالعون دمرت

خليتني ماقلت لي شلون اخليك
ليتك بحالي قبل مارحت ناظرت

الله كريم يصبر اشواق مغليك
لاقام ينثرني غلاك وتناثرت

والله يسامح قلبي اللي مواليك
اخذت كل اللي تبي منه وانكرت

منهار جيت العام تسبق خطاويك
واليوم ماكنك قبل جيت وانهرت

في ذمتك لامن تذكرت ماضيك
من يطري في بالك اليامن تذكرت ؟

من كثر مافكرت وشلون اراضيك
وياك في نفسي ولا يوم فكرت

على كثر ماكنت متمسكن فيك
وعلى كثر ماحتجتني ما تعذرت

جيتك وعندي حاجتن بين اياديك
والمشكله تقدر عليها وقصرت

رح بشر اللي ملتفت لك يناديك
قله تركته لخاطرك ما تأخرت

صدقني انها غلطتي يوم اداريك
ولا انت لولا غلطتي كان ما صرت

كبرتك بعين البعيد وحواليك
ابيك تكبر والمصيبه تكبرت

حاولت اغير فيك من كثر مغليك
قدرت لكنك عليه تغيرت

http://www.tratel3asheq.com/up/uploads/13969881522.gif

ضيقة الطير


يارشيد رح قله ترى ثامر بخير
عقبك وابحسن حال هالحين حاله

طابت جروحه ومابقا داخله غير
شي يتل القلب كل ماطراله

وكانه طلب منك عن الشي تفسير
جاوب سؤاله لاتحاقر سؤاله

قله سمعت بيوم عن ضيقة الطير
وعن عشه اللي كان مرقد عياله

الطير لامن ضاق من عشه يطير
خان الغصن والعش دور بداله

وكانه فهم بتشوف فيه التعابير
لاغيرت وجهه سرح عنك باله

خله وروح لوضعه الحين تقدير
ماودي يبكي وانت واقف قباله

يارشيد لو انه بدا منه تقصير
يبقاله بقلبي مكان لحاله

صحيح انا عقبه وانا اخوك في خير
لكن اليامن ضاق جعلي فداله

http://www.tratel3asheq.com/up/uploads/13969881522.gif

دمعه عزيزه


ياراكب اللي تو فارق حفيزه
من ديرته مطلوب للي تمناه

لارحت بيت اللي حبيبي لزيزه
اليا دخلت ابيتهم لاتعداه

حتى تشوف اللي سهومه ركيزه
داخل خفوقي يوم قفى وخلاه

قله يقول اللي جروحه عجيزه
وشلون من عاشرت ترحل وتنساه .؟

محتاج له ياجعل ربي يعيزه
لواحد يحتاج قربه ويجفاه

ابكي من فراقه .. ونفسي عزيزه
كل مالتفت .. وشفت ماني بوياه

حبه دخل قلبي بفتره وجيزه
سيطر على قلبي وحطه بمخباه

من اول .. مليون ميزه وميزه
عندي بوقت راح .. وراحت مزاياه

واليوم عندي بس ( دمعه عزيزه )
كل مالتفت وشفت ماني بوياه

http://www.tratel3asheq.com/up/uploads/13969881522.gif

لساك فاكر


كان الوعد باكر وانا جيت باكر
شايل معي موعد وماضي وتذكار

قلت الحقيقه لموعدك دوم ذاكر
القلب كنه يتنظر لك على نار

قالت بلهجه غير ( لساك فاكر )
تضحك .. وانا واقف وانا شبه منهار

بغيت اقول .. وقالت : بصوت ناكر
( اصلا انا مذكر معك موعد صار )

قلت اسمعي مني وانا اكون شاكر
انا اللذي حطيت لك باب واجدار

واليوم يوم اصبح وراك العساكر
رفعتي راسك فوق بهتان وانكار !!!

قالت وهي تضحك على اسلوب ماكر
( صدقت انا اضحك معك ياشمعة الدار )

قلت الحقيقه واضحه إبلا تذاكر
ماكل منهو زل يلقا له اعذار

وانتي نسيتيني وانا كنت فاكر
اني بجي ويكون طعم اللقا حار

لكن وعد مني اذا عشت باكر
ماعاد لك موعد وماضي وتذكار

http://www.tratel3asheq.com/up/uploads/13969881522.gif

يا راس


يا راس لاترجي رفيق يعزك
ان كان ماعزيت نفسك بتنهان

قام الردي يجسر عليك ويدزك
دارت عليك اليوم دورات الازمان

الناس ماتعطف عليك وترزك
ارفع مقامك وارتفع ياكحيلان

والموقف اللي هز قلبك وهزك
لاتلتفت للي غدى ماضي كان

يحز بالخاطر وانا ادري يحزك
انك تشوف الذل من اقرب انسان

اصبر على هموم كثيره تلزك
وقف على حيلك ولو كنت تعبان

عاند زمانك في طموح يكزك
لو قالوا : ان معاند الوقت خسران

قلوب خلق الله بعضها تعزك
واكثر من اللي تعزك قلوب عدوان

يعني اليامن طحت محد يرزك
انكان مارزيت نفسك بتنهان

http://www.tratel3asheq.com/up/uploads/13969881522.gif

لولا وجودك انت عزي لحالي


لولا ظلام الليل مابين الصبح
ولولا المواقف ماتبان الرجالي

ولولا الغرق محد تعلم على السبح
ولولا الفرج خاويت سود الليالي

ولولا الخساره تنعدم قيمة الربح
ولولا وجودك انت عزي لحالي

غلاك ذابحني وانا قابل الذبح
لو منت غالي كان مارخصت غالي

لاتلتفت للهرج يامبعد الشبح
هرج القفا طبع الردي لاتبالي

الكلب حول البيت يكثر من النبح
والذيب يعوي بالرجوم الطوالي

وانا معك من غيبة الشمس للصبح
والصبح روح وخل طيفك قبالي

http://www.tratel3asheq.com/up/uploads/13969881522.gif

مجرد صداقه


عادي معك أبقا وعادي اخليك
مثلك مثل غيرك مجرد صداقه

ماشوف عندي احساس متمسك فيك
اقل من عادي معاك العلاقه

غبتي حضرتي خافقي مايحاتيك
القلب مابين عليك اشتياقه

انتى تناديني وغيري يناديك
الحب منك ماسرقته سراقه

لاتحسبين اللي يزعلك يرضيك
ولاكل طاقه بتقارن بطاقه

انا وبس .. اللي اجيبك وديك
وانتى على قربي تجيك الشفاقه

انا بديتك برجع الحين وانهيك
انسان مثلك سهل جدا فراقه

من دنيتي هالحين ببعدك وانفيك
ابعيد يالله بعيد كافي طفاقه

ادري جرحتك يوم انا قلت‍‍‍ مابيك
والجرح يبطي لو تغير مذاقه

مستغربه من ايش حضرت معاليك
هذا سلوبي لا نعيت العلاقه

http://www.tratel3asheq.com/up/uploads/13969881522.gif

الزاجل


تعال اباخذك عصر احسه قريب من عصري
يضايقني العصر هذا وانا ماني وسيع البال

انا وشلون احبك والاحزام الناسف بخصري
بحبك في زمن كانت فعوله تثبت الاقوال

رسايل عشق ينقلها الحمام الزاجل المصري
رسايل مادخلت في عالم الانتر ولا الجوال

وقصر فاخر على ضفة نهر احلا قصر قصري
وحدايق لي على مد النظر متسوره بجبال

هنا .. لو تجتمع دنياي ماتقدر على حصري
لأني معك والدنيا اضحكة لي والزمن ما مال

انا شاعرك واتفاخر بحبك وافرح بنصري
ولكن اسمع لشاعرك بأخر بيت لك وش قال :

حبيبي لا تصدقني وتشري الزاجل المصري
ترى امزح معك خلينا على الجوال راس المال

http://www.tratel3asheq.com/up/uploads/13969881522.gif

زهقت انا منك كرهتك ومليت


زهقت انا منك كرهتك ومليت
تعبت من شكك وكثرة ظنونك

من كثرة اسئلتك احس استجنيت
ياخي دخيل الله ذبحني جنونك

مليون مره انت في حقي اخطيت
لو غبت ساعه تفكر اني اخونك

وانا ولا مره خذلتك وزليت
تخيل اني بس عايش اصونك

عيني تصير ان ضقت من بيتك البيت
وقلبي يصير الكون لاضاق كونك

واللي صدمني لا بغيتك تخليت
وانا الذي لاضقت واحتجت عونك

تقول لو تطلب عيوني لك اعطيت
وش فايدة شوفي حبيبي بدونك .؟

وطلبت منك شي عادي وصديت
وشلون لو اني طلبتك عيونك ؟؟؟

http://www.tratel3asheq.com/up/uploads/13969881522.gif

غلطة الشاطر


الغيمه اللي تجيب الظل والماطر
ظلت علي الدروب وشح ماطرها

ضحيت واجد على شانك وانا ناطر
الفرصه اللي ثلاث سنين ناطرها

اليا متى ماتسيل حبك القاطر
مليت اسطر جروح شاب ساطرها

ياكثر من قال اني بالغلا شاطر
هو مادرى اني رجيتك سيل قاطرها

ياصاحبي لا طرالي ثوبك العاطر
يهون عندي غثى الدنيا وخواطرها

القلب فج الضلوع وجالك مخاطر
والكبد قو الصبر والبعد فاطرها

اما تسولف سوالف تشرح الخاطر
ولا تكب السوالف لجل خاطرها

كل شي عادي .. ولكن غلطة الشاطر
تبقا مع الناس وتبقا بقلب شاطرها

http://www.tratel3asheq.com/up/uploads/13969881522.gif

أدري مع غيري تخونيني الحين


ماودي اقلبها على راسك الحين
ولاودي اسكت عنك .. واجرح ضميري

جوني وقالوا عنك ناس كثيرين
كلام يكبر عنه .. حتي الصغيري

قالوا نستك : وقلت والله لتموتين
وللحين باقي لي بقلبك كثيري

ابسألك وشلون يعني بتنسين ؟
ولحمة كتافك .. كابره بفضل خيري

قالوا تبيها : وقلت يمكن من سنين
يومه مصيرك مرتبط مع مصيري

انتي .. مثل طير كسير الجناحين
جبرت كسره عقب ماهو كسيري

ياكل من يديني .. سوات المساكين
وصد وتنكر .. يومه اصبح يطيري

قالوا تخونك : قلت طبع الرديين
طبع الخيانه من الردايا يصيري

كل يوم وانتى ألف مره تخونين
ماهي غريبه خيانتك للعشيري

ادري مع غيري تخونيني الحين
وادري بعد ساعه تخونين غيري

http://www.tratel3asheq.com/up/uploads/13969881522.gif

حبيبة صاحبي


يا بنت هذا صاحبي واقرب الناس
تبين اخونه بكل بساطه عشانك

والله لو انك خلقتي من الماس
وصرتي بعين الكل شيخة زمانك

ان صاحبي يبقا مكانه على الراس
وانتي حبيبة صاحبي في مكانك

وشلون ابادلك المشاعر والاحساس
واسرق من ايدينه غلاك وحنانك

وانا ادري ان حبك بقلبه بلا قياس
وانتي تخونين الوفا يوم صانك

تخيلي انك مكانه على ساس
مع اقرب انسانه غدربك وخانك

يسهر معاها طاردن نوم ونعاس
في منظرن لو صار زعزع كيانك

شفتي شلون ان موقفك حيل حساس
شفتي شلون انه قليلن امانك

مثل الكبير اللي صغر حيل وانداس
انتي نزلتي من حترامك وهانك

لكن انا ببقا وفي لقرب الناس
ماني بخاين في رفيقي عشانك

http://www.tratel3asheq.com/up/uploads/13969881522.gif

قصيدة المكان


المكان اللي لنا عاده لنا
ماتغير للمكان ولا الزمان

بس غبت وجبت من غبت العنا
وصرت اسولف للمكان شلون كان ؟

اتنزح من هنا ليما هنا
لين انا ماضقت وضيقت المكان

صرت احس اني انا ماني انا
طبعي القاسي نسى نفسه ولان ‍‍‍‍

من عذر لو قلبي الصلب انثنا
فاقد(ن) لي شخص غالي من زمان

انت تدري عنك انا مالي غنا
بس مدري ليه تبخل بالحنان

وين اولي كل ماليلي دنا
وقمت اهوجس ليه خلاني وخان .؟

اتذكر كيف نجلس كلنا
في ركن واحد ولا ضاق الركان

كان موعدنا ثمان مع الهنا
وكنت انا دايم اجي قبل الثمان

صاحبي ماقول غير الله لنا
لاغدى مالك ولا الدنيا أمان

http://www.tratel3asheq.com/up/uploads/13969881522.gif

جمر المفارق


جمر المفارق بالحشا شهور واقد
القلب عقبك كن يحمس بمحماس

تدري وربي كني الكون فاقد
من غبت عني كن ماني مع الناس

طيفك يمر دايم علي وانت ماقد
مريت في دربي مع الدرب عساس

مليت وحجاج الزمن دوم عاقد
تعال فله مابقا داخلي باس

دنيا بدونك عافها القلب ناقد
من كثر ماشاف الكدر والتعوماس

بعض العرب كنه على الكبد راقد
والمشكله يدري ولا عنده حساس !!!!

شكله متعمد داخله قلب حاقد
وده يضايقني وانا ضايق الراس

ياصاحبي والله احس كون فاقد
فاقدك وكني فاقد جملت الناس

http://www.tratel3asheq.com/up/uploads/13969881522.gif

حبيبي روح


حبيبي روح لاتقعد عشاني لابغيت تروح
اذا ماعاد لك حاجه بوجودي لا تجاملني

عشاني .. لا عشان الملح والعشره ياروح الروح
اذا دمي ثقيل اصبح بعينك ماتحملني !!!

تخير بالدروب وكل درب يعجبك مفتوح
وانا لا رحت عن عيني ابلقا من يوصلني

تعذر لا بلاش انك تعذر ابتعد مسموح
تراضيني سنين البعد كان البعد يزعلني

علي لا ينشغل بالك ولو كلي غديت جروح
تهملني ربع واحباب والله مايهملني

ترى اصعب شي بالدنيا اذا صار الغلا مذبوح
بقلب اللي تحبه وعاملك باللي تعاملني

احبك شي .. وشي ثاني خطاك ان قلت لك مدموح
تجاهلني وتبي ادمح خطاك انك تجاهلني ؟

احبك لو على قلبي دلالك ترتكي وتفوح
هذاك اول زمانن فات قبل انك تبدلني

بحب اللي تحبه صرت تنطر شوفته مشفوح
انا ادري من عيونك تفضحك لوك تظللني

اشوفه في عيونك .. ياعيوني في سماك يلوح
اخذ نفس المكان اللي لجل يوصله نزلني

حبيبي روح لا تقعد عشاني لابغيت تروح
انا ادري منت في حاجة وجودي لاتجاملني !!!

http://www.tratel3asheq.com/up/uploads/13969881522.gif

قصيدة البلوتوث

يا صاحبي لجلك شريت البلوتوث
عشان اصير انسان مثلك معاصر

كنت احسب انه لخدمة الناس مبعوث
اثره خراب بيوت شر مقاصر

ياجعل ماهو لجيل الاسلام ماروث
اكبر خطر للجيل هذا يحاصر

شي يخلي راكد العقل ملهوث
واللي يناصر صاحبه مايناصر

افه تحرث بقاع ماهوب محروث
تشوف فيها رقص هز الخواصر

يفرحبها جاهل من الجهل محثوث
ويلقابها كمل المهابيل قاصر

والحين دام ان الحدث صار محدوث
يارب ثبتني من عصار عاصر

وياصاحبي مابيك ولابا البلوتوث
ولابا اصير انسان مثلك معاصر

http://www.tratel3asheq.com/up/uploads/13969881522.gif

منت اختياري


تعال ارسم على وجه الزمن بسمه
عبت من دنيتن فيها الحزن ضيفي

القلب ضاق بجفاك ومل من جسمه
صبرت مير الصبر كسر مجاديفي

مرت سنه !!! والجدار معلق الرسمه
اخر هداياك وكانت بأخر الصيفي

ايام كان الخيال يداعب النسمه
صنفت جزل القصايد قبل تصنيفي

عشيتها من جزال افكاري الدسمه
غلفتها في يدي وختمت تغليفي

وان عودت للغلا والله منحسمه
هالمسأله شرفت من غير تكليفي

غلاك عانه وسم في داخلي وسمه
مكتوب فوق الوسم ( اغلا مواليفي )

منت اختياري ولكن صرت لي قسمه
الله كتب لي احبك ماهو بكيفي

عاد انت يالله تعال ورجع البسمه
مليت من دنيتن فيها الحزن ضيفي

http://www.tratel3asheq.com/up/uploads/13969881522.gif

أخيَـر انسان


يتلني قلبي على هرجتك تل
واجي اسولف لك ولو ماسئلتي

كنتي اصغيره .. بس اغلا من الكل
كنت اتامل خير لامن كملتي

لكن خساره مانفع : ياعسى وعل
صرتي مثل ورده .. كبرتي وذبلتي

انتى وصلتي مرحله مالها حل
اتفه سبب لا من حصل لك زعلتي

انكان قلبك من تعب عالمي مل
محد جبرك انتى بكيفك دخلتي

ابعتبر نفسي مثل غادي دل
وانتى معايه .. مانجحتي فشلتي

مرضى عليك ولا على نفسي الذل
اعادلك بالروح مهما عملتي

انا اخير انسان .. في حقك يزل
اموت ‍‍‍.. وانتى بشيمتي مانخذلتي

انا عطيتك ما تعذرت بالقل
وانتى بقول الحق فيني بخلتي

انا رسمتك غيمة للبشر ظل
اعلا مكانه في حياتي وصلتي

كنتى بمكانن مرتفع تحتك الكل
لكن خساره من مكانك .. نزلتي

http://www.tratel3asheq.com/up/uploads/13969881522.gif

غلطة حياتي


لا تنصدم ماعدت شي بحياتي
كلك على بعضك كرهتك وعفتك

مابيك لو انه وجودك غناتي
حذفت انا اسمك من سجلي وحذفتك

صارت حياتي معك تشبه مماتي
مافيك حاجه طيبه لا وصفتك

عمر الخطا ماكان نوع بصفاتي
حتى مشيت العام دربك وشفتك

انا غلطت بحق نفسي وذاتي
غلطه بدت من يوم جبتك وضفتك

داخل خفوق حط حبك مناتي
كبرك في عيني وجيت وعرفتك

وصرت القريب اللي .. شتاته شتاتي
جرفتني كلي .. وكلك جرفتك

لكن خساره منت كفو لسواتي
اللي حصل بين رداك وكشفتك

تدري بصراحه ايش غلطة حياتي
اني نزلت لمستواك وعرفتك

http://www.tratel3asheq.com/up/uploads/13969881522.gif

ارفعك بيدي لسما


https://dc719.4shared.com/img/--pxuirb/s22/127c6dce670/__10


لاجيت افكر بالوجيه المفاليح
وفرقت بين الناس عالي و واطي

فكرت بك ضمن الوجيه المشافيح
متقلطن ببساط ماهو بساطي

علاقتي وياك تحتاج توضيح
من شفت في بعض الامور اختلاطي

مثلك خطا يحتاج وقفه وتصحيح
بين مثل تفريق ماخذ وعاطي

ربيت من صغري على هبة الريح
ولبست لي ثوبن كمومه اخياطي

يوم انت تلعب في يدين المراجيح
انا انطح الضيفان وافرش سماطي

ماعابني لاصرت ظمن المجاريح
اغلا جروحي بين الاظلاع ساطي

العيب لاسقت القدم دون تصريح
وخليتها بدرب الرديين تاطي

والمشكله انك تحرث النار وتصيح
اركد قبل لافك عنك رباطي

خابرك ماتبعد قريب المراويح
زايد عن العالم بكثر الهياطي

اكبر طموحك لاتعطرت بالريح
تطلع تمشى بين شاطي وشاطي

عندي سؤال وخابرن فيه تجريح
لكن ضروري تسمعه بأنبساطي

ارفعك بيدي لسما ترجع اتطيح
قلي شسوي فيك لا صرت واطي .؟

http://www.tratel3asheq.com/up/uploads/13969881522.gif

ليلة افراق


https://scontent.cdninstagram.com/t51.2885-15/s320x320/e35/12346281_1528398644150232_2091807479_n.jpg?ig_cach e_key=MTEzNjQ4ODUwNzI3NzA1OTgxMQ%3D%3D.2

الليله هذي واضحه ليلة افراق
حاولت اعديها وعيت تعدي

اظروف ماتنطاق ولا راح تنطاق
صد القدر ماهو بصدك وصدي

تعال اخذني بين اياديك مشتاق
قبل انتفارق حط يدك بيدي

بجلس معك ساعه حبايب وعشاق
من بعدها كيفك ولو صرت ضدي

فيني خليط اشواق باشواق باشواق
واصل معك من كثرت الشوق حدي

ودي ألمك واحضنك حضنت عناق
ياشيب عيني كل ماقلت ودي

في خاطري ‍.. وش خاطري ؟ خاطري ضاق
الكون كله ضاق ماهو بقدي

حتى الدموع اللي استحت كبر واخلاق
تساقطت من فوق خدك وخدي

لوحة شعر تبكي على بيض الاوراق
بيحت فيها من ردى الحظ سدي

ليلة جفا وافراق مامثله افراق
حاولت اعديها وعيت تعدي

http://www.tratel3asheq.com/up/uploads/13969881522.gif

اضحك حبيبي


راسك علامك رافعه يوم احاكيك
الضاهر اني فوق حجمك عطيتك

لحظه .. نبي نرجع دقيقه لماضيك
بذكرك في أي حاله لقيتك

كان الضياع ودمعتينك تخاويك
منهار وفي عز انهيارك خذيتك

وارخصت عمري لجل احبك واداريك
هدمت قصر الذل فيك وبنيتك

كان الغلا شمعه تنور لياليك
لو اظلمت دنياك جيت وضويتك

يالاسف كنت امدحك وافتخر فيك
رفعت من شانك وعليت صيتك

كنت انت .. عندي غير مقدر اخليك
اموت واحيا ان قلت سم وفديتك

واليوم اشوفك خنت حتى مباديك
صغرت في عيني وانا اللي هويتك

الضيف لو انه عدو معاديك
غصب عليك تقدره وسط بيتك

ياصاحبي بتموت ماني براجيك
واشره علي انكان حتى طريتك

لاصار ذل النفس في قلب يغليك
يلعنك ياقلب عشقك وشريتك

اضحك حبيبي دام وقتك مسليك
بكره تموت من القهر لا نسيتك

http://www.tratel3asheq.com/up/uploads/13969881522.gif

فيني بدوي


لاتسئليني عن سبب ضيقة البال
مبطي وانا ماذقت طعم السعاده

ظروف خلت حالتي ماهي بحال
كافحت ليما مابقت بي إراده

بنيت لي في عالم الصبر تمثال
وباد الزمن تمثال صبري إباده

حاولت اوسع خاطري بلعب الاطفال
وكل ماسليت شوي ضاقت زياده

لو المشاكل حلها الدمع لا سال
استغفر الله .. صار دمعي عباده

لبكي بكا .. ضيقه ولوعه وغربال
مابكي بكا .. خوف وذل وشراده

يابنت .. وديار البدو عشب ورمال
ومسرى بليا شور كله جهاده

وانا سريت بوادي فوقه جبال
الحر ماشاف الشبك يوم صاده

فيني بدوي طبعه ورى الخير رحال
اكثر مقيمه فوق مركب شداده

يشد وينزل كل فتره بمنزال
قربه صعب جدا وسهل ابتعاده

ان قال فرقا .. ماتراجع اليا قال
ماتقدر الدنيا تكسر عناده

فينا الولد .. يسوا ثمانين رجال
فينا الكرم .. خلقه وسنه وعاده

وبالعشق اخذت اللي مواصيفها ثقال
في زينها ماهي بحاجة شهاده

حبيبتي .. مازينوها بسلسال
من زود ماتبرق تضيع القلاده

اسود شعرها .. للبست فوقه الشال
الشال الاسود .. ينصدم من سواده

ارجولها خلخال .. من دون خلخال
خلقتها لفت انظار .. ماهي عماده

لو نفترض مرت على شارع الجال
فاض البحر يشكي عليها وداده

الارض تهتز حدرها هز زلزال
زلزالهاتعشق حدوثه بلاده

فيها الحلا .. عايل على كلها عال
ان سولفت بالليل انسى رقاده

بس المصيبه حظك الشين لا مال
اليارقد يابعد والله قعاده

وانا مع حظي .. بعض ناس عذال
زادوا علي .. من النكاده نكاده

صحيح انا عايش .. ولو الحزن طال
الحمد لله والشكر والشهاده

الفضل لله .. عزني بكل الاحوال
ماذلني بحاجه تشمت إعباده

مير البلا ضيقات الوان واشكال
لاجني خلني طريح الوساده

هذ انا . ياناشدتني عن الحال
من كثر ضيقاتي نسيت السعاده

http://www.tratel3asheq.com/up/uploads/13969881522.gif

ملح القصايد


ملح القصايد حدني لشي مابيه
ووردت له حمل الركايب لحالي

له هقوة(ن) فيني ولي هقوة(ن) فيه
والغالي مايشره على غير غالي

اموت والله قبل اخيب هقاويه
لو احتمل شي(ن) يفوق احتمالي

انا من اللي ذراع الايام تلويه
جماعة(ن) مافرقتها الليالي

عمي وخالي للشرف راس ووجيه
من طيب مجنايه عمامي خوالي

ناس اتذكرها .. وهي ماهي هنيه
وناس اتناساها .. ولو هي قبالي

اشد طعنات الزمان وبلاويه
طعنت ضهر بيد الرفيق الموالي

بيت(ن) لفاه الضيف عيا يعشيه
يعل ماتلفي عليه الرجالي

الشعر تشتاق لخيالي معانيه
شوق القصايد للبيوت الجزالي

حقه علي .. مثل الخوي يوم اخاويه
ارفعه فوق النايفات الطوالي

لعيون من راسه على القلب راكيه
اللي فدا قربه حلالي ومالي

اني لسوي شي محد(ن) مسويه
ان شافه العاقل يصيبه هبالي

وان عودت يم الغلا شلون مغليه
لا صار له كل الغلا اول وتالي

يخطي على قلبي ولا قلت له ليه
وكل ماجرحني قلت له لا تبالي

فداه لو تل المعاليق بيديه
ثم حط له بين الحنايا مجالي

لجل يتخطا عروق قلبي برجليه
ويعضد يدينه بالضلوع متعالي

دامي احبه حيل .. واعشق طواريه
خله يتل القلب كل ما طرالي

ملح القصايد حدني لشي مابيه
و وردت له حمل الركايب لحالي

http://www.tratel3asheq.com/up/uploads/13969881522.gif

يا ناشدن ساحات الاعلام عني


يا ناشدن ساحات الاعلام عني
ارتاح من كتب الرسايل بالاقلام

مبعد عن الساحه وغثاها لأني
شاعر حقيقي ماني بحاجة اعلام

الشعر احسه قطعت انسان مني
كبرته بعيني على مر الاعوام

كتبت كل اللي احسه وكني
اترجم احساس المخاليق بالهام

ومن شفت جنيه لشاعر وجني
عرفت ان المسأله صارت أوهام

تركت شعار المجنن تغني
على لحن: ياشاعر الناس نيام

ولجروح قلبي قلت: في صمت وني
ماودي تسمعها الاماني والاحلام

ظنيت في شعري ولاخاب ظني
حشمته سواة الرجاجيل الاحشام

للمقفيه ماقلت تكفين حني
ادوس ماضيها مثل دوس الاقدام

و للشيخ ماقلت الركايب تعني
ازين اسلوب المدايح لحكام

وعن الملحن والطبل والمغني
حرمتها بحكم الشريعة بالاسلام

واليوم رد العلم للناس عني
وارتاح من كتب الرسايل والاقلام

مبعد عن الساحه وغثاها لأني
شاعر حقيقي ماني بحاجة اعلام

http://www.tratel3asheq.com/up/uploads/13969881522.gif

تَــمَّ بحـمد الله و تَـوفيقـه
أتمنَّـى أن ينَـــال اعجاب الجَـميع ..

http://www.tratel3asheq.com/up/uploads/13969881522.gif