مشاهدة النسخة كاملة : 3 سنين من عمري ,, قصة دراما + رومانسية ,, من تاليفي ,, قصة قصيرة ,,


мᾄʀἷὄ
05-23-2016, 10:39 AM
السلام عليكم ,,

كيفكم عساكم بخير ,,

اقدم لكم هالقصة القصيرة ,, بعنوان 3 سنين من عمري ,, اتمنى انها تنال اعجابكم ,,

سوف اطرح كل جزء يوميا ولن اطيلها عليكم ,, ف كونوا بالقرب دائما ,,



,,




في المشفى

....

خالد : تذكرين بعد يوم كنا نروح البحر ونسولف . تذكرين وش كنتي تقولين لي ؟؟ خالد شكثر تحبني امانه ؟!

وكنت اقولك .. انا احبج كثر نجوم السما وكثر حبات المطر وكثر هالبحر كله ي الخبلة هه

....

منال انا احبج اكثر من اول صدقيني .. ومستعد اضحي بكل دنيتي وهلي وناسي عشانك .. تكفين لا تخليني وياهم ..

منال جاوبيني .. منال انا جبت لج هدية تدرين وش هي ؟؟ جبت لج خاتم زواجنا الي كنتي تبينه شوفيه ..!!

منال جاوبيني .. منال لا تخليني .. منال انا تعبان من دونج ..

....

الممرضة جت .. لو سمحت ي الطيب الحين بنعطيها حقنتها اتفضل اطلع برا ..

خالد : وش تعطونها تبون تقتلونها ماني هادها انتي اطلعي برا

..

الممرضة : ي سستر نادي ع السكيوريتي بسرعة

..

سكيوريتي : ي اخ لو سمحت اطلع بهدوء وخلي الممرضة تشوف شغلها

خالد بعصبية : ماني طالع تبون تقتلون حبيبتي ماني طاللللللللللللع ..

واخذوه بالقووة خالد .. وطلعوه برى المشفى .. ترى هو مو مجنون .. بس جاته حاله بعد الحادث الي صار لحبيبته منال .. الي كان يبي يتزوجها واهله رفضووا هالشي خصوصا الاب ..

....

نرجع 3 سنين لورى عشان نشوف وش صار من الاول !!!!!


,,,,






متابعة شيقة ي الطيبين ..





width=1 height=1



يتـــــــــــــبــــــــع

ضامية الشوق
05-23-2016, 01:14 PM
طرح جميل جدا

اعجاب وتقيم ونشر

فزولهآ
05-23-2016, 02:28 PM
أبدعت كثير

هذيان قلب
05-23-2016, 03:32 PM
روووعه ماريو

ابدعت

اعجبتني جدا القصه

الف شكر لك ولقلمك المبدع

ماننحرم

كن بخير

ورده
05-23-2016, 08:14 PM
قصةة راااااااائعةة
سسسلمت ي الانيق
انتظر بششغف باقي القصةة

جنــــون
05-23-2016, 08:31 PM
ننتظر التكمله

احسنت ي ماريو

RioO
05-23-2016, 09:30 PM
ي الله شيئ مؤلم
حقيقه حاجه مؤلمه
ليتك اكملتها لنرئ ما بهم و ما يحل بعلاقتهم
ننتظر بشغف

мᾄʀἷὄ
05-23-2016, 09:48 PM
قبل 3 سنين ..

ف بيت ابو خالد

....

ي ام خالد .. وينه ولدك متسربت برى البيت .. ترى هذي ما صارت جامعة ف كل وقت ييب لنا حجة فيها ..!!

ام خالد : ي بو خالد هدي نفسك .. ترى الولد ما سوى شي جاعد يدرس وانا اشوفه ليل نهار بعد قلبي ما ياكل لقمة الا من ايدي ..

ابو خالد : ي ام خالد الولد ما نبيه يضيع ولا تكوني السبب ف تدليعه .. الحين ابيه يصير ريال ويساعدني ف شغل الشركة .. ولا وش تقولين انتي ؟

ام خالد : ربك كريم ي بو خالد .. ربك كريم ..

ابو خالد : يالله انا بطلع تبين شي

ام خالد : سلامتك ي بوخالد .. درب السلامة

ابو خالد :
ف امان الله

...


ف الجامعة الي يدرس فيها خالد ..

صويلح << صالح

..

صالح : خالد .. خالد يبه قووم المدرس يناديك

المدرس : اصحي يابني منك ليه .. وكمان وبتشخر .. اعممل فيك ايه بس ..

صالح : اسمحله ي استاذ تراه كان يدرس وايد امس وما نام

المدرس : انته اخرس خالص .. بدافع عنه كمان .. انته شوف نفسك الاول ي فالح

..

صويلح بين نفسه : وليه هذا شنو نظامه يبي يفشلني !!

المدرس : بتقوول ايه ؟؟

صالح : ماكو شي سلامتك ..

خالد : يوووووه وش هالربشة عالصبح ما تخلونا نام شوي يااه ..

المدرس : قوووم فز اشوف ي خالد ..

خالد : نعم سيدي نعم ..

الطلاب قاعدين يضحكون مسوي لهم جو هههه

..

المدرس : امشي اغسل وشك وتعالا ارجع يلا بسرعة

..

خالد : ان شاء الله يبه هد زين ..

....

بعد ما انتهت الجامعة ..

ف الخروج

بس بس ..

خالد : ها منو هذا الي جاعد يبس بسني ..

بس بس .. خالد

وكانت منال ورى الشجرة متخبيه

..

خالد : منالووه ي الخبلة هذا انتي .. وينج يبه هاليومين كنت ادق عليك ما تردين

..

منال : ولهت علي حياتي ؟؟

خالد : احم اقول لا اخمك صطار جدام العالم .. وش فيج ردي ع سؤالي ؟؟

منال : اسفه حبيبي كنت مريضة عشان كذا ماقدرت ارد عليك ..

خالد : مريضة .. ي ويل حالي . عساه فيني ولا فيج

..

منال : اسم الله عليك حبيبي لا تقول جذيه ..

..

خالد : اويلي ع الي يخاف علي ..

منال : بوجه مستحي ^^

صويلح : خفو علينا ي روميو وجوليت

..

خالد : انت ما تجي الى بالوقت بدل الضائع .. ما تشوفنا مشغولين ..

صويلح :: انزين اسمعني مو تنسى تجي الديوانية اليوم بالليل .. تدري بعد عطلة نهاية الاسبوع اوك

خالد : زين زين لا تخاف ابشر

صصالح : ف امان الله .. وانتي هي لا تطيرين مني الريال اليوم .. ترى من اسبوع مسفرني ولا جاني ..

منال : هههه انا شكو هو الي يبيني ..

خالد :. بس انتي اسكتي فضحتيني قدام الريال ..

....

يتبــــــع


.,,,,,,,,

إرتواء نبض
05-24-2016, 12:19 AM
حروفك تثب إلى القلوب قبل وثبتها إلى العيون
في سلاسة و رقة و تهز الأحاسيس }مة
و تسافر في الذات تاركة نغما لذيذا في الآذان
سلمت يمينك و دام عطاؤك ننهل من عذب نبعه
و دمت في عافية و سلام

نجم الجدي
05-24-2016, 12:30 AM
متعه وشددديت الفكر معك

وشووقتني اشوووف الباقي

مثيره القصه

شموخ
05-24-2016, 02:13 AM
قصه رائعه ابدعت اخوي ماريو وتشوقت اشووف الباقي با انتظارها وبشغف
سلم لنا فكرك ونزف قلمك
يسعدك ربي ويحقق أمانيك

عطر الغمام
05-24-2016, 07:11 AM
سَـردٌ شَـفيف , و أحداث مُـتسَـلسلَـة أحكَـمْتَ الوِثَـاق على عُـنق مُـجرياتِـها ..
يتَـخلَّـلها حِـوار مُـمتِـع وَ شـيّـق يسيرُ بالفِـكرة حتى العُـقدة والحلّ..

أيَــا قَـدير :
حَـرفُـكَ قريبٌ من الـقَـلب
يُـلامِس منَّــا العُـمق ..

أسعدكَ الله و جعلكَ مُـبارك أينمَا كُـنتَ
وَ لكَ الـتَّـحايَـا إكْـبَـار كمَا يَــليقُ بِك ..

http://i1130.photobucket.com/albums/m524/mnaal17/meme/1298.gif?t=1318007546

мᾄʀἷὄ
05-24-2016, 03:05 PM
ف بيت ابو خالد

...

,,

خالد : يمه يا بعد قلبي انتي .. انا مابي اصير بالشركة عند ابوي ..
ابي اصير مهندس شفيها

.. ام خالد : وانت تدري ان ابوك عصبي وبيسوي اي شي عشان يخليك بالشركة .

خالد : طيب يعني بالغصب اصير بالشركة .. ماكو حل ثاني يعني .. يمه تكفين قوليله مابي اكون بالشركة

ام خالد : ي وليدي الله يهديك ويرضى عليك اسمع كلامي .. ماني غاليه عندك

..

خالد : يمه انتي لو تبين روحي فداك .. بس يمه انا مابي اكون ويه ابوي تراه وايد عصبي ومتهور بعد

ام خالد : ويه ويه قصر حسك لا يسمعك ابوك ي الاثول ..

خالد : هههه ماشي ي ست الحبايب .. بسكت .. طيب انا بمشي بروح عند صاحبي صويلح ..

ام خالد : يمه خلوووود انتبه لنفسك ترى ولاد الحرام ف كل مكان ..

خالد : ان شاء الله يمه ولا يهمك .. كم ام خالد عندي ي عالم بس وحده .. ربي يخليلي اياها ويبعد عنها كل شر

ام خالد : الله يرضى عليك ي وليدي .. ربي يحفظك

..

خالد وهو نازل من الدرج

اخته سعاد كانت جاعده تحت

..

سعاد: وين رايح هالحزة ..؟

خالد : قطيعة سعادوه شمقعدك للحين

سعاد : ماياني نوم .. انت وش عندك طالع هالوقت

بروح الديوانية عندك شي ؟؟

سعاد : ايه عندي ي جامعي .. ابوي يبيك لا تطلع

خالد : وينه ابو خالد ؟؟

ابو خالد جا :: خالد ي ولدي وين رايح تعال ابيك شوي

خالد : يبه مستعجل ابي اطلع عند صاحبي

ابو خالد : تعال زين صاحبي . اقعد بس

..

خالد : امر ي الوالد ؟!

ابو خالد : يولدي خالد وانا ابوك .. ابيك ف موضوع شغل .. ابيك تشتغل عندي بالشركة ابيك تساعدني .. شقلت

خالد : ها شركة ..!

مممم

ابو خالد : اشفيك توهقت ماعرفت تتحجى

خالد : لا يبه ماكو شي

بس انت عارف الجامعة

ابو خالد : الجامعة وش فيها بعد

خالد : يبه انا ابي اكمل ماجستير وعقبها اكون مهندس ومسؤل

..


ابو خالد : مهندس .طالع الهيس اقوله شركة يقولي مهندس .. اسمعني ي خالد ترى الجامعة ماراح تفيدك اسمع كلام مجرب .. احسن لك تكون معاي بالشركة

..

خالد :يبه لا تغصبني ع شي مابيه الله يخليك .. ولا تبعدني عن وظيفة احبها ..

ابو خالد بغضب : اسمعني ي ولد .. ترى الي عندي قلته ونهايتك بتشتغل معاي بالشركة فاهم .. هذا وانا مربيك تقولي كذا .. انقلع من وجهي ي وجه الفلس ..


...

خالد طلع وهو متضايق

..

سعاد : زين سويت فيه يبه يستاهل

ابو خالد : اشرايك انتي ي بنيتي اخليك مسؤولة عندي بالشركة

سعاد بفرح : صج يبه .. وناسة .

ابو خالد : فديت بنيتي الي احبها ..

...


يتبــــــــ‘ع

RioO
05-24-2016, 04:25 PM
راح فيها خالد
هههههه طب وش سبب رفضوا للشركه

استمر اخوي

мᾄʀἷὄ
05-24-2016, 10:43 PM
في الديوانية
..

صويلح : هذا وينه تاخر لا يكون سواها فيني

خالد : السلام عليكم

..

صالح : وعليكم السلام .. زين بس ييت ي معود

شفيك بعد ماد بوزك شبرين

خالد : صالح والي يسلمك الي فيني كافيني .

صالح : افا ي خيي وصاحبي .. تقول كذيه

شفيك خير ؟؟

خالد : ابوي !!

صالح : ابوك شفيه خرعتني

خالد : مافيه شي بس يبي يغصبني اني اشتغل بالشركة ..

صالح : وهو بكيفه يغصب الواحد ياه

خالد : هه.. تقولي انا روح قوله

[COLOR="lime"]صالح [/COLشR]: لا يبه انا ما احاكي ابوك هذا شوي والا يطقني طراج يحوشني شلل هههه اسمحلي

..


خالد : حتى انت خايف منه ي صويلح

المهم ما علينا وين الربع ..

صويلح: كاهم يايين بالطريق ..

وش تشرب

خالد : اي شي يبرد القلب

..

صالح : يبرد القلب قصدك الاحم احم ..

خالد : وش تقصد ؟

صالح : منال منو بعد اقصد الله يطولي بعمرك ..

خالد : منال فديتها هالبنت هي الي تنسيني هموم الدنيا

صالح : يه يه لهدرجة ماثرة فيك

ي معلم جيب 2 عصير برتقال .. بسرعة

؟؟ حاضر عمي ..

..

خالد : منال هي كل دنيتي .. ان راحت .. تروح كل سنيني معاها ..

,,,


اليوم الثاني

ف الشاطي كانوا هناك خالد ومنال يتمشوون

.,,,

منال : خالد

خالد : عيووون خالد

منال : خالد انت تحبني

خالد : هذا سؤال تساليني ؟!!

يبه انا اموت فيج مو بس احبج

..

منال : طيب شكثر تحبني

خالد : احبج كثر نجوم السما .. كثر حبات المطر .. ولا تدرين شلون احبج كثر هالبحر الي انتيه تشوفيه

..

منال بخجل : لهدرجة تحبني

..

خالد : اذا ماحبج احب منو عيل .. انتي روحي وعقلي وقلبي وشراييني وهواي وكل شي ..

منال شوي بيغمى عليها ..: بس بس خالد استحي انا

خالد : فديت الناس الي تستحي ..

..,,

وطب عليهم صويلح الملقوف.: خالد انا ساعة ادورك وانت هني ..

خالد : صالح ترى وصلت لين هني .. امشي من جدامي لا التك كف

صالح: افا بس ي خوي .. اهون عليك تعطيني كف

منال : لا حرام خالد مايصير هذا صاحبك

خالد : بس عشانك ي جميل بخليه .. وانت امش من جدامي يلا

صالح : زين زين .. لا تنسى الماتش اليوم بالليل اوك

.. خالد : زين ذكرتني زين زين

...

وين كنا .. اذوب وانا اشوف عيونك الحلوين .. اويلي

,,,,,,,,,,,,,

يتـــــب‘‘ع






width=1 height=1

RioO
05-24-2016, 10:50 PM
<< تطالع ماريو متحمسه للختام
هم بيبقون مع بعض او لا
>> احسها بتموت و الا يموت متري ليه

ويعه لهالابو ياخي خلوه يفكه بحالوو
قصه ممتعه

> احب هاللهجه تدكرني بملاكي
ينعن ابليسها وحشتني

мᾄʀἷὄ
05-25-2016, 11:29 AM
بعد مرور عامين

وتخرج خالد من الجامعة

,,,,

خالد : يمه انا خلاص بشتغل بس ناقصني شي واحد

ام خالد :وش هو ي وليدي ؟؟

خالد : ابي اتزوج وتفرحون فيني يمه ..!!

ام خالد : يمه هذي الساعة المباركة .. كلووووووووووووووووووووولووووووووووووووووولوووووووو ووش

سعاد: وش وش صاير لكم .. يمه شفيييييييييك ..

ابو خالد وصل وسمع الفرحة ع ام خالد

ابو خالد : ام خالد خير وش صاير علميني..

ام خالد : بالمبارك ولدك يبي يتزوج

ابو خالد : شنو يتزوج ولدي خالد .. والله كبرت ي خالد ..

اكيد تبي بنت عمك مريم ..

خالد باستغراب ؟؟ : مريم بنت عمي .. لا يبه انا مابي مريم .. انا احب بنت ثانية ..

ابو خالد : شنو بنت ثانية وحب .. وش تخربط انت .. انا حاجز لك بنت عمك وانت تقول تحب حد ثاني

..

ام خالد : ابو خالد خلنا نشوف البنية

ابو خالد : ولا كلمة ام خالد ..

اسمعني ي خالد .. لو طلعت البنت مو من اصلنا ولا فصلنا ولا عندها خير ..

ماراح تتزوجها لو شنو ما صار . يعني ي انا ي هي ف هالبيت فاهمني

خالد حس كانه حد طعنه ف قلبه ..

مصدووم


..

ام خالد : يمه خالد شفيك تحجى ..

خالد : ماكو شي يمه ماكو شي

..

ابو خالد : شوف اسمعني ي خالد ترى انا ابي مصلحتك .. ف لا تخليني استعمل معاك اسلوب ثاني .. فاهم

..

ام خالد : لا تزعل ي بعد قلبي

خالد : بنظرة حزن .. سمعتيه مايبيني اتزوج بعد الي ابيها .. وش يبي مني بعد اذبح نفسي يعني اذبح نفسي يمه قوليلي ..

ام خالد : لا يمه لا بعيد الشر عنك لا تقول كذا .. اسم الله عليك يمه ..

ودموع خالد ماوقفت الا بعد ساعة ..

رن تلفون خالد ..

خالد : الوو

منال : الو خالد حبيبي اشتقت لك .. شلونك ي قلبي

خالد .: منال انا مشغول الحين .. اكلمك بعدين طيب .. وسكر الفوون خالد

..

منال : اشفيه خالد .. صوته ما عجبني ..,,

اخاف فيه شي

وراحت منال لبيت خالد :

ف بيت بو خالد

..

منال تضرب الجرس ..

سعاد : منو

منال : خالد موجود هني

..

سعاد فتحت الباب بسرعة

,, منو انتي وشنو تبين

منال : انا زميلة خالد بالجامعة وكنت ابي اساله ف شغلة

,,,

ابو خالد كان نازل من الدرج

,,

ابو خالد

سعاد منو عند الباب ؟؟

سعاد : يبه هذي وحده تقول زميلة خالد ..

ابو خالد .. وشوو .. زميلته ..

ابو خالد : نعم ي بنيتي خير ف شي

منال : عمي انا كنت ابي خالد ف موضوع عن الجامعة

ابو خالد / موضوع .. وش عندك علميني انا

منال : مايصير عمي لازم اشوف خالد

ابو خالد : اقول شسمك ..؟؟

منال : اسمي منال ي عمي

..

ابو خالد : منال .. ونعم

منال انتي قريبة من خالد ؟؟!!

منال : شتقصد ي عمي

ابو خالد / انتي فاهمة قصدي ي بنت

لا يكون انتي الي يبي يتزوجها .. / مالت ع حظه بس

..

منال ساكته ماتحجت ولا كلمة

.,,

ابو خالد : اشفيج لا تبجين اشوف عيونك محمرة

اقول اسمعيني .. تراج ما تعرفيني زين .. انا من عيلة محترمة وتعرف الاصل والفصل وماعندنا هالسوالف .. واياني وياج تعتبين رجلك هالبيت مره ثانية فاهمة ..

خالد بيتزوج بنت عمه

يلا عطيني مقفاك

...



منال طلعت بسرعة وهي تبجي ..

ماتوقعت الكلام الي انقال صحيح .. وخالد ي عيني مسكين ف غرفته مقهور مايدري بالي جاعد يصير ..

,,


وهي راجعة قريب البيت .. كانت تمشي بالشارع .. ومو منتبهه ..دعمتها سيارة وطاحت مغمن عليها ..

لا حول ولا قوة الا بالله

,,,

الى الطواري بسرعة

الناس اخذوها ..

واتصلو باهلها وجو وهم خايفين والام مسكينة تصيح ...

ودوها العناية المركزة ..

منال ف حالة اغماء تام ..

ماتدري بالي حواليها ..
,,,,

يتتبــــــع ,,,

النهاية قريبة

انتظروا اخر جزء لا يفوتكم :222:

ضامية الشوق
05-25-2016, 11:46 AM
قصه رائعه جدا
ماريو لا عدمنا جديديك
في أنتظارك بكل شوق

RioO
05-25-2016, 12:56 PM
ي ربااااااه
شوو هالجلطه قسسسم شيئ يقهر
دا ما بيموت يعني ابو خالد ويرتاحون منو

ماريو بتجيبلي بعد الجلطه
هيا كمل القصه ههههههههههه


ي رب يجتمعون
لزمن نوفق بين الحلال ههههههه

»» متحمسه للنهايه

ورده
05-25-2016, 07:05 PM
اووووووووو
عيني دمعت
شنو حصل ؟؟

وينك ي ماريو كممممممل

لا أشبه احد ّ!
05-25-2016, 08:31 PM
قصةةة جمممممميله

الله يعطيك العافيه ماريووو

تقييمي

мᾄʀἷὄ
05-25-2016, 11:47 PM
الجزء الاخير للقصة ,,

,,,,,,,,,

بعد يومين خالد درى بالسالفة من عند صالح .. وجا مسرع للمشفى

,,, وشاف منال بهالحاله

,,

خالد فورا اغمى عليه .. وودوه الطواري .. وعطوه مغذية

وعقب ما قام ..

انا وين .. منال منال ,,

الدكتور : هدي نفسك ي خالد ,, الحمدلله جت سليمة انت بس ما بتكولش كويس اليومين دول

خالد .. انا ابي اشوف منال ..

منال حبيبتي .. وخروا عني ,,

ضل خالد ينادي منال ,,

ابو خالد وام خالد وسعاد وصلو للمشفى

,,,

ام خالد : سلامتك يمه سلامتك ي نظر عيني ,,

خالد : مو مستوعب الي حوليه ..

منال ابي منال ودوني عند منال

ابو خالد : خالد ي وليدي الحمدلله انك بخير .. يلا تعال نرد البيت

,,

خالد بكل قوة وغصب

... هذا كله منك انت السبب انت السبب وجاعد يصارخ

,,,


الدكتور ي جماعة خلو خالد يرتاح ..

ي سستر عطيه حقنه مهدئة بسرعة

,,

ممرضة .. حاضر ي دكتور

,,

نام خالد بعد الابرة

,,,

وبعد ما قام .. حس بصداع براسه .. وضل يكرر منال منال .
.

ام خالد كانت جاعدة عنده ,,

بعد ماعرفت السالفة من سعاد ..

وعرفت انه منال مترقدة ف نفس المشفى ف العناية

,,

ام خالد : يمه خالد قلبي يتقطع عليك وانت بهالحالة

..

خالد : يمه يمه ابي منال ابي منال تكفين

..

ام خالد وفعيونها الدمع ..

حاضر ي يمه بوديك لمنال .. بس اهدا انت شوي

وودت خالد عالكرسي لمنال

,, ف العناية

,,
خالد .. منال اشفيج

منال انا خالد انا ييت لج ابخطبك من اهلك ونتزوج زي ما اتفقنا

منال حبيبتي ردي علي

منال لا تخليني بروحي منال :1 (280):

..

ام خالد ماسكة دموعها وقلبها يعورها .. مسكينة على ولدها والي صار فيه


,,

وصار ع هالحاله ايام لا ياكل ولا يشرب .. ولا ينام كله قاعد جنب منال

,,,


خالد جاته مثل الحاله شبه مختل مايعرف الي حواليه ,, ما يعرف الا منال ,,

منال منال قومي يلا بنروح البحر زي اول ..

يلا حبيبتي قومي وياي .. لا نتاخر

منال اشفيج ماتردين .. انتي كله نوم نوم .. بسك رقاد >> خالد مايدري منال حية ميته .. المهم انها تتنفس من اجهزة التنفس الصناعي الي تساعدها .. وهي ماتتحرك ..

,,

منال عن العناد قومي تعبتيني معاج ..


خالد عيونه امتلت دموع وبعده مصمم انه يقوم منال :1 (248):


,,

منال منال

,,

الممرضة

خالد .. اطلع برى بنعطي منال ابرة حقتها ..

خالد : ابرة ويش .. ماتعطوها شي . تبون تنومونها بعد .. خلوها لا تسوون لها شي

..

ممرضة .. ي سستر تعالي ونادي الحارس

...

الحارس : ي اخ لو سمحت اطلع برى خل الممرضات يشوفون شغلهم ..

,,,

خالد بقوة وبغضب : وخر عني زين هذي حبيبتي منال محد راح يلمسها

الحارس : لا تخليني استعمل العنف معاك .. اطلع بهدوء ..

الممرضة : ترى هذا مب صاحي

خالد : انا مب صاحي انا خالد .. مب صاحي .. هاا

...

الحارس اخذ خالد بالقووة وطلعه برى المشفى ..

وخالد جاعد يصارخ .. منال ,, ودوني عند منااااااااااااااال

,,,,..


خسارة البنت راحت ف حادث

والولد اصبح شبه مختل

,,,

كله من الحب

,,

النهاية

,,,

:1 (248)::1 (280):


ادري نهاية حزينة

اتمنى انها نالت ع اعجابكم ,

وانتظرونا ف قصص قادمة ان شاء الله

والسموحة عالقصووور

اخوكم

ماريو





width=1 height=1

ضامية الشوق
05-25-2016, 11:58 PM
نهايه القصه
حزينه جدا

RioO
05-26-2016, 12:23 AM
ي الله
شوو قسوة هالوالد
وشوو كتر تقسى علينا هالايام
ي الله وربي قهر


سلمت ماريوا على السرد الرائع
لا حرمناك ي بطل

ورده
05-26-2016, 12:34 AM
نهاية مؤلمممة جدا
اوووووف زعلت علييهم

سسلمت اخي ماريو
في انتظار قصةة جديدةة

هدوء
05-26-2016, 03:55 AM
ابدعت فاضلي في سرد القصه

في انتظار جديدك

عبق الجنهـ ..!
05-26-2016, 06:23 PM
نهايه مؤلمه والرب

عازفة القيثار
05-27-2016, 02:40 AM
قصة جدا رائعه
في نتظار البقية
تسلملي يداتك
تقييمي

عـــودالليل
05-28-2016, 01:30 AM
روايه انكتبت بكل بساطه
وبلغه عاميه

وهذا حببني اكثر لمتابعتها
كنت سهل مترابط الاطراف
وجميل في تسلسلك بالقصه

كنت مثير وشديتيني في اكثر المواطن

والنهايه
جدا مؤلمه ومؤثر اخي ماريو


ابدعت في رسم شخصيات للروايه


الف شكر ياانيق
ابدعت

شموخ
05-28-2016, 05:32 AM
نهايه مؤلمه وحزينه هذا هوا حال الحب سلم لنا فكرك ونزف قلمك الملكي
با إنتظار قصصك الرائعه
يسعدك ربي ويحقق أمانيك

الوجه المليح
05-31-2016, 02:50 AM
طرح رائع
يعطيك العافية

سلطان الغرام
06-20-2016, 04:09 AM
يسلموووو على رقي الطرح واختياره
ابداع لايضاهى بالطرح
سلمت يمناك وعساك على القوه
تحياتي لك

الغنــــــد
07-03-2016, 05:51 AM
يعطيك العافيه

وصفحه رااائعه

وجهود جميله

ننتظر مزيدك

بشوووق

الجنيبي
10-13-2016, 09:06 AM
طرح يعتلي قمم الجمآل.."
وآبدآع وتميز هومتصفحك..
"كلنآشوق لتذوق عذوبة إبدآعك.."
وإنتظأر كل جديد لك
لروحك جنآن الورد..